Mahishasura's Battle with Indra and the Gods

Verse 1 (devibhagavatam.5.6.1)

व्यास उवाच । ताम्रेऽथ मूर्च्छिते दैत्ये महिषः क्रोधसंयुतः । समुद्यम्य गदां गुर्वीं देवानुपजगाम ह

vyāsa uvāca | tāmre'tha mūrcchite daitye mahiṣaḥ krodhasaṁyutaḥ | samudyamya gadāṁ gurvīṁ devānupajagāma ha

Vyasa said: When the daitya Tamra had thus fallen unconscious, Mahisha, filled with rage, raised his heavy mace and advanced upon the gods.

Verse 2 (devibhagavatam.5.6.2)

तिष्ठन्त्वद्य सुराः सर्वे हन्म्यहं गदया किल । सर्वे बलिभुजः कामं बलहीनाः सदैव हि

tiṣṭhantvadya surāḥ sarve hanmyahaṁ gadayā kila | sarve balibhujaḥ kāmaṁ balahīnāḥ sadaiva hi

'Let all the gods stand fast today — I shall surely strike them down with my mace! All of you, enjoyers of the sacrificial offerings, have ever been without real strength.'

Verse 3 (devibhagavatam.5.6.3)

इत्युक्त्वासौ गजारूढं सम्प्राप्य मदगर्वितः । जघान गदया तूर्णं बाहुमूले महाभुजः

ityuktvāsau gajārūḍhaṁ samprāpya madagarvitaḥ | jaghāna gadayā tūrṇaṁ bāhumūle mahābhujaḥ

Having said this, that pride-swollen, mighty-armed one reached Indra, mounted on his elephant, and swiftly struck him with his mace at the base of the arm.

Verse 4 (devibhagavatam.5.6.4)

सोऽपि वज्रेण घोरेण चिच्छेदाशु गदाञ्च ताम् । प्रहर्तुकामस्त्वरितो जगाम महिषं प्रति

so'pi vajreṇa ghoreṇa cicchedāśu gadāñca tām | prahartukāmastvarito jagāma mahiṣaṁ prati

Indra too swiftly cut off that mace with his terrible thunderbolt, and, eager to strike back, went quickly toward Mahisha.

Verse 5 (devibhagavatam.5.6.5)

हयारिरपि कोपेन खड्गमादाय सुप्रभम् । ययाविन्द्रं महावीर्यं प्रहरिष्यन्निवान्तिकम्

hayārirapi kopena khaḍgamādāya suprabham | yayāvindraṁ mahāvīryaṁ prahariṣyannivāntikam

And Mahisha too, in fury, took up a gleaming sword and advanced close to mighty Indra, as if to strike him down.

Verse 6 (devibhagavatam.5.6.6)

बभूव च तयोर्युद्धं सर्वलोकभयावहम् । आयुधैर्विविधैस्तत्र मुनिविस्मयकारकम्

babhūva ca tayoryuddhaṁ sarvalokabhayāvaham | āyudhairvividhaistatra munivismayakārakam

A battle then arose between the two of them, terrifying to every world, astonishing even the sages with its many kinds of weapons.

Verse 7 (devibhagavatam.5.6.7)

चकाराशु तदा दैत्यो मायां मोहकरीं किल । शाम्बरीं सर्वलोकघ्नीं मुनीनामपि मोहिनीम्

cakārāśu tadā daityo māyāṁ mohakarīṁ kila | śāmbarīṁ sarvalokaghnīṁ munīnāmapi mohinīm

Then the daitya swiftly conjured a bewildering illusion — the Shambari-maya, destructive to every world, capable of confounding even sages.

Verse 8 (devibhagavatam.5.6.8)

कोटिशो महिषास्तत्र तद्रूपास्तत्पराक्रमाः । ददृशुः सायुधाः सर्वे निघ्नन्तो देववाहिनीम्

koṭiśo mahiṣāstatra tadrūpāstatparākramāḥ | dadṛśuḥ sāyudhāḥ sarve nighnanto devavāhinīm

There, millions of armed buffaloes, all of that same form and valor, were seen striking down the army of the gods.

Verse 9 (devibhagavatam.5.6.9)

मघवा विस्मितस्तत्र दृष्ट्वा तां दैत्यनिर्मिताम् । बभूवातिभयोद्विग्नो मायां मोहकरीं किल

maghavā vismitastatra dṛṣṭvā tāṁ daityanirmitām | babhūvātibhayodvigno māyāṁ mohakarīṁ kila

Seeing that bewildering illusion conjured by the daitya, Maghavan, astonished, became greatly agitated with fear.

Verse 10 (devibhagavatam.5.6.10)

वरुणोऽपि सुसन्त्रस्तस्तथैव धननायकः । यमो हुताशनः सूर्यः शीतरश्मिर्भयातुरः

varuṇo'pi susantrastastathaiva dhananāyakaḥ | yamo hutāśanaḥ sūryaḥ śītaraśmirbhayāturaḥ

Varuna too was greatly terrified, and so was the lord of wealth; Yama, Agni, Surya, and the Moon likewise were struck with fear.

Verse 11 (devibhagavatam.5.6.11)

पलायनपरा सर्वे बभूवुर्मोहिताः सुराः । ब्रह्मविष्णमहेशानां स्मरणं चक्रुरुद्यताः

palāyanaparā sarve babhūvurmohitāḥ surāḥ | brahmaviṣṇamaheśānāṁ smaraṇaṁ cakrurudyatāḥ

All the gods, bewildered, became bent on flight; they hastened to call to mind Brahma, Vishnu, and Mahesha.

Verse 12 (devibhagavatam.5.6.12)

तत्राजग्मुश्च काजेशाः स्मृतमात्राः सुरोत्तमाः । हंसतार्क्ष्यवृषारूढास्त्रातुकामा वरायुधाः

tatrājagmuśca kājeśāḥ smṛtamātrāḥ surottamāḥ | haṁsatārkṣyavṛṣārūḍhāstrātukāmā varāyudhāḥ

And, the instant they were remembered, those lords, mounted on swan, Garuda, and bull, bearing their finest weapons, arrived there, desiring to save them.

Verse 13 (devibhagavatam.5.6.13)

शौरिस्तां मोहिनीं दृष्ट्वा सुदर्शनमथोज्ज्वलम् । मुमोच तत्तेजसैव माया सा विलयं गता

śauristāṁ mohinīṁ dṛṣṭvā sudarśanamathojjvalam | mumoca tattejasaiva māyā sā vilayaṁ gatā

Seeing that bewildering illusion, Shauri released his blazing Sudarshana discus; by its radiance alone, that illusion was dispelled.

Verse 14 (devibhagavatam.5.6.14)

वीक्ष्य तान्महिषस्तत्र सृष्टिस्थित्यन्तकारिणः । योद्धुकामः समादाय परिघं समुपाद्रवत्

vīkṣya tānmahiṣastatra sṛṣṭisthityantakāriṇaḥ | yoddhukāmaḥ samādāya parighaṁ samupādravat

Seeing there those who bring about creation, preservation, and dissolution, Mahisha, desiring battle, took up an iron club and rushed forward.

Verse 15 (devibhagavatam.5.6.15)

महिषाख्यो महावीरः सेनानीश्चिक्षुरस्तथा । उग्रास्यश्चोग्रवीर्यश्च दुद्रुवुर्युद्धकामुकाः

mahiṣākhyo mahāvīraḥ senānīścikṣurastathā | ugrāsyaścogravīryaśca dudruvuryuddhakāmukāḥ

The great hero named Mahisha, the commander Chikshura, and Ugrasya and Ugravirya — all of them, eager for battle, rushed forth.

Verse 16 (devibhagavatam.5.6.16)

असिलोमात्रिनेत्रश्च बाष्कलोऽन्धक एव च । एते चान्ये च बहवो युद्धकामा विनिर्ययुः

asilomātrinetraśca bāṣkalo'ndhaka eva ca | ete cānye ca bahavo yuddhakāmā viniryayuḥ

Asiloma, and Trinetra, and Bashkala, and Andhaka too — these and many others, eager for battle, sallied forth.

Verse 17 (devibhagavatam.5.6.17)

सन्नद्धा धृतचापास्ते रथारूढा मदोद्धताः । परिवव्रुः सुरान्सर्वान्वृका इव सुवत्सकान्

sannaddhā dhṛtacāpāste rathārūḍhā madoddhatāḥ | parivavruḥ surānsarvānvṛkā iva suvatsakān

Armored, bows in hand, mounted on their chariots, arrogant with pride, they surrounded all the gods, as wolves surround young calves.

Verse 18 (devibhagavatam.5.6.18)

बाणवृष्टिं ततश्चक्रुर्दानवा मदगर्विताः । सुराश्चापि तथा चक्रुः परस्परजिघांसवः

bāṇavṛṣṭiṁ tataścakrurdānavā madagarvitāḥ | surāścāpi tathā cakruḥ parasparajighāṁsavaḥ

The pride-swollen danavas then let loose a shower of arrows; the gods likewise did the same, both sides bent on slaying one another.

Verse 19 (devibhagavatam.5.6.19)

अन्धको हरिमासाद्य पञ्चबाणाञ्छिलाशितान् । मुमोच विषसन्दिग्धान्कर्णाकृष्टान्महाबलान्

andhako harimāsādya pañcabāṇāñchilāśitān | mumoca viṣasandigdhānkarṇākṛṣṭānmahābalān

Andhaka, approaching Hari, drew back to his ear and loosed five mighty arrows, sharpened on stone and steeped in poison.

Verse 20 (devibhagavatam.5.6.20)

वासुदेवोऽप्यसम्प्राप्तान्विशिखानाशुगैस्तदा । चिच्छेद तान्पुनः पञ्च मुमोच रिपुनाशनः

vāsudevo'pyasamprāptānviśikhānāśugaistadā | ciccheda tānpunaḥ pañca mumoca ripunāśanaḥ

Vasudeva, too, cut down those swift-flying arrows before they could reach him; and then that destroyer of enemies loosed five arrows of his own.

Verse 21 (devibhagavatam.5.6.21)

तयोः परस्परं युद्धं बभूव हरिदैत्ययोः । बाणासिचक्रमुसलैर्गदाशक्तिपरश्वधैः

tayoḥ parasparaṁ yuddhaṁ babhūva haridaityayoḥ | bāṇāsicakramusalairgadāśaktiparaśvadhaiḥ

A battle then broke out between Hari and the daitya, fought with arrows, swords, discuses, clubs, maces, shakti-lances, and axes.

Verse 22 (devibhagavatam.5.6.22)

महेशान्धकयोर्युद्धं तुमुलं लोमहर्षणम् । पञ्चाशद्दिनपर्यन्तं बभूव च परस्परम्

maheśāndhakayoryuddhaṁ tumulaṁ lomaharṣaṇam | pañcāśaddinaparyantaṁ babhūva ca parasparam

The battle between Mahesha and Andhaka was tumultuous and hair-raising, and it continued between them for a full fifty days.

Verse 23 (devibhagavatam.5.6.23)

इन्द्रबाष्कलयोस्तद्वन्महिषासुररुद्रयोः । यमत्रिनेत्रयोस्तद्वन्महाहनुधनेशयोः

indrabāṣkalayostadvanmahiṣāsurarudrayoḥ | yamatrinetrayostadvanmahāhanudhaneśayoḥ

Likewise there was battle between Indra and Bashkala, between Mahishasura and Rudra, between Yama and Trinetra, and between Mahahanu and the lord of wealth.

Verse 24 (devibhagavatam.5.6.24)

असिलोमवरुणयोर्युद्धं परमदारुणम् । गरुडं गदया दैत्यो जघान हरिवाहनम्

asilomavaruṇayoryuddhaṁ paramadāruṇam | garuḍaṁ gadayā daityo jaghāna harivāhanam

The battle between Asiloma and Varuna was most terrible; that daitya struck Garuda, the mount of Hari, with his mace.

Verse 25 (devibhagavatam.5.6.25)

स गदापातखिन्नाङ्गो निःश्वसन्नवतिष्ठत । शौरिस्तं दक्षिणेनाशु हस्तेन परिसान्त्वयन्

sa gadāpātakhinnāṅgo niḥśvasannavatiṣṭhata | śauristaṁ dakṣiṇenāśu hastena parisāntvayan

His limbs wearied by the blow of the mace, Garuda came to a halt, breathing heavily; Shauri swiftly comforted him with his right hand.

Verse 26 (devibhagavatam.5.6.26)

स्थिरं चकार देवेशो वैनतेयं महाबलम् । समाकृष्य धनुः शार्ङ्गं मुमोच विशिखान्बहून्

sthiraṁ cakāra deveśo vainateyaṁ mahābalam | samākṛṣya dhanuḥ śārṅgaṁ mumoca viśikhānbahūn

The lord of gods steadied the mighty son of Vinata; then, drawing his bow Sharnga, he loosed many arrows.

Verse 27 (devibhagavatam.5.6.27)

अन्धकोपरि कोपेन हन्तुकामो जनार्दनः । दानवोऽपि च तान्वाणांश्चिच्छेद स्वशरैः शितैः

andhakopari kopena hantukāmo janārdanaḥ | dānavo'pi ca tānvāṇāṁściccheda svaśaraiḥ śitaiḥ

Janardana, in his anger, sought to slay Andhaka; but that danava too cut down those arrows with his own sharp shafts.

Verse 28 (devibhagavatam.5.6.28)

पञ्चाशद्भिर्हरिं कोपाज्जघान च शिलाशितैः । वासुदेवोऽपि तांस्तूर्णं वञ्चयित्वा शरोत्तमान्

pañcāśadbhirhariṁ kopājjaghāna ca śilāśitaiḥ | vāsudevo'pi tāṁstūrṇaṁ vañcayitvā śarottamān

In fury he struck Hari with fifty arrows, honed sharp on stone; but Vasudeva, swiftly evading those excellent shafts —

Verse 29 (devibhagavatam.5.6.29)

चक्रं मुमोच वेगेन सहस्रारं सुदर्शनम् । त्यक्तं सुदर्शनं दूरात्स्वचक्रेण न्यवारयत्

cakraṁ mumoca vegena sahasrāraṁ sudarśanam | tyaktaṁ sudarśanaṁ dūrātsvacakreṇa nyavārayat

— hurled his thousand-spoked Sudarshana discus with great force; but the released Sudarshana was warded off from afar by that one's own discus.

Verse 30 (devibhagavatam.5.6.30)

ननाद च महाराज देवान्सम्मोहयन्निव । दृष्ट्वा तु विफलं जातं चक्रं देवस्य शार्ङ्गिणः

nanāda ca mahārāja devānsammohayanniva | dṛṣṭvā tu viphalaṁ jātaṁ cakraṁ devasya śārṅgiṇaḥ

O great king, seeing the discus of the wielder of Sharnga rendered useless, he roared aloud, as if to stun the gods with awe.

Verse 31 (devibhagavatam.5.6.31)

जग्मुः शोकं सुराः सर्वे जहर्षुर्दानवास्तथा । वासुदेवोऽपि तरसा दृष्ट्वा देवाञ्छुचावृतान्

jagmuḥ śokaṁ surāḥ sarve jaharṣurdānavāstathā | vāsudevo'pi tarasā dṛṣṭvā devāñchucāvṛtān

All the gods fell into sorrow, while the danavas rejoiced; and Vasudeva, swiftly seeing the gods overcome with grief —

Verse 32 (devibhagavatam.5.6.32)

गदां कौमोदकीं धृत्वा दानवं समुपाद्रवत् । तं जघानातिवेगेन मूर्ध्नि मायाविनं हरिः

gadāṁ kaumodakīṁ dhṛtvā dānavaṁ samupādravat | taṁ jaghānātivegena mūrdhni māyāvinaṁ hariḥ

— took up his mace Kaumodaki and rushed at the danava; Hari struck that illusionist upon the head with tremendous force.

Verse 33 (devibhagavatam.5.6.33)

स गदाभिहतो भूमौ निपपातातिमूर्च्छितः । तं तथा पतितं वीक्ष्य हयारिरतिकोपनः

sa gadābhihato bhūmau nipapātātimūrcchitaḥ | taṁ tathā patitaṁ vīkṣya hayāriratikopanaḥ

Struck by the mace, he fell to the ground, utterly unconscious. Seeing him fallen thus, Mahisha, filled with fury —

Verse 34 (devibhagavatam.5.6.34)

आजगाम रमानाथं त्रासयन्नतिगर्जितैः । वासुदेवोऽपि तं दृष्ट्वा समायान्तं क्रुधान्वितम्

ājagāma ramānāthaṁ trāsayannatigarjitaiḥ | vāsudevo'pi taṁ dṛṣṭvā samāyāntaṁ krudhānvitam

— advanced upon the Lord of Rama, roaring tremendously, meaning to strike terror into him. Vasudeva, too, seeing him approach in rage —

Verse 35 (devibhagavatam.5.6.35)

चापज्यानिनदं चोग्रं चकार नन्दयन्सुरान् । शरवृष्टिं चकाराशु भगवान्महिषोपरि

cāpajyāninadaṁ cograṁ cakāra nandayansurān | śaravṛṣṭiṁ cakārāśu bhagavānmahiṣopari

— made a fierce twang of his bowstring, delighting the gods; and the Lord swiftly let loose a shower of arrows upon Mahisha.

Verse 36 (devibhagavatam.5.6.36)

सोऽपि चिच्छेद बाणौघैस्ताञ्छरान्गगनेरितान् । तयोर्युद्धमभूद्राजन् परस्परभयावहम्

so'pi ciccheda bāṇaughaistāñcharāngaganeritān | tayoryuddhamabhūdrājan parasparabhayāvaham

He too cut down, with his own hail of arrows, those shafts loosed through the sky; and, O king, a battle broke out between the two, each terrifying to the other.

Verse 37 (devibhagavatam.5.6.37)

गदया ताडयामास केशवो मस्तकोपरि । स गदाभिहतो मूर्ध्नि पपातोर्व्यां सुमूर्च्छितः

gadayā tāḍayāmāsa keśavo mastakopari | sa gadābhihato mūrdhni papātorvyāṁ sumūrcchitaḥ

Keshava struck him upon the head with his mace; struck on the head by that blow, he fell to the earth, deeply unconscious.

Verse 38 (devibhagavatam.5.6.38)

हाहाकारो महानासीत्सैन्ये तस्य सुदारुणः । स विहाय व्यथां दैत्यो मुहूर्तादुत्थितः पुनः

hāhākāro mahānāsītsainye tasya sudāruṇaḥ | sa vihāya vyathāṁ daityo muhūrtādutthitaḥ punaḥ

A terrible cry of lamentation arose in his army; but the daitya, casting off his pain, rose up again after a single moment.

Verse 39 (devibhagavatam.5.6.39)

गृहीत्वा परिघं शीर्षे जघान मधुसूदनम् । परिघेणाहतस्तेन मूर्च्छामाप जनार्दनः

gṛhītvā parighaṁ śīrṣe jaghāna madhusūdanam | parigheṇāhatastena mūrcchāmāpa janārdanaḥ

Taking up an iron club, he struck Madhusudana upon the head; struck by that club, Janardana fell into unconsciousness.

Verse 40 (devibhagavatam.5.6.40)

मूर्च्छितं तमुवाहाशु जगाम गरुडो रणात् । परावृत्ते जगन्नाथे देवा इन्द्रपुरोगमाः

mūrcchitaṁ tamuvāhāśu jagāma garuḍo raṇāt | parāvṛtte jagannāthe devā indrapurogamāḥ

Garuda swiftly bore him, unconscious, away from the battle. When the Lord of the world had thus withdrawn, the gods, led by Indra —

Verse 41 (devibhagavatam.5.6.41)

भयं प्रापुः सुदुःखार्ताश्चुक्रुशुश्च रणाजिरे । क्रन्दमानान्सुरान्वीक्ष्य शङ्करः शूलभृत्तदा

bhayaṁ prāpuḥ suduḥkhārtāścukruśuśca raṇājire | krandamānānsurānvīkṣya śaṅkaraḥ śūlabhṛttadā

— were overcome with fear, and, stricken with grief, cried out on the field of battle. Seeing the gods lamenting, Shankara, the wielder of the trident —

Verse 42 (devibhagavatam.5.6.42)

महिषं तरसाभ्येत्य प्राहरद्रोषसंयुतः । सोऽपि शक्तिं मुमोचाथ शङ्करस्योरसि स्फुटम्

mahiṣaṁ tarasābhyetya prāharadroṣasaṁyutaḥ | so'pi śaktiṁ mumocātha śaṅkarasyorasi sphuṭam

— swiftly came upon Mahisha and struck him in fury. He too then hurled his shakti-weapon straight at Shankara's chest.

Verse 43 (devibhagavatam.5.6.43)

जगर्ज स च दुष्टात्मा वञ्चयित्वा त्रिशूलकम् । शङ्करोऽपि तदा पीडां न प्रापोरसि ताडितः

jagarja sa ca duṣṭātmā vañcayitvā triśūlakam | śaṅkaro'pi tadā pīḍāṁ na prāporasi tāḍitaḥ

That evil-souled one, having evaded the trident, let out a roar; yet Shankara, though struck upon the chest, felt no pain at all.

Verse 44 (devibhagavatam.5.6.44)

तं जघान त्रिशूलेन कोपादरुणलोचनः । संलग्नं शङ्करं दृष्ट्वा महिषेण दुरात्मना

taṁ jaghāna triśūlena kopādaruṇalocanaḥ | saṁlagnaṁ śaṅkaraṁ dṛṣṭvā mahiṣeṇa durātmanā

Seeing Shankara locked in combat with that evil-souled Mahisha, Shankara, his eyes red with rage, struck him with his trident.

Verse 45 (devibhagavatam.5.6.45)

आजगाम हरिस्तावत्त्यक्त्वा मूर्च्छां प्रहारजाम् । महिषस्तु तदा वीक्ष्य सम्प्राप्तौ हरिशङ्करौ

ājagāma haristāvattyaktvā mūrcchāṁ prahārajām | mahiṣastu tadā vīkṣya samprāptau hariśaṅkarau

Meanwhile Hari, having shaken off the unconsciousness caused by the blow, arrived there; and Mahisha, seeing both Hari and Shankara now present —

Verse 46 (devibhagavatam.5.6.46)

युद्धकामौ महावीर्यो चक्रशूलधरौ वरौ । कोपयुक्तो बभूवासौ दृष्ट्वा तौ समुपागतौ

yuddhakāmau mahāvīryo cakraśūladharau varau | kopayukto babhūvāsau dṛṣṭvā tau samupāgatau

— those two of great valor, foremost among gods, wielding discus and trident, eager for battle — seeing them both arrived, he was filled with fury.

Verse 47 (devibhagavatam.5.6.47)

जगाम सम्मुखस्तावत्सङ्ग्रामार्थं महाभुजः । माहिषं वपुरास्थाय धुन्वन्पुच्छं समुत्कटम्

jagāma sammukhastāvatsaṅgrāmārthaṁ mahābhujaḥ | māhiṣaṁ vapurāsthāya dhunvanpucchaṁ samutkaṭam

That mighty-armed one advanced to face them for battle, assuming his buffalo form, violently lashing his tail.

Verse 48 (devibhagavatam.5.6.48)

चकार भैरवं नादं त्रासयन्नमरानपि । धुन्वञ्छृङ्गे महाकायो दारुणो जलदो यथा

cakāra bhairavaṁ nādaṁ trāsayannamarānapi | dhunvañchṛṅge mahākāyo dāruṇo jalado yathā

He let out a terrifying roar, frightening even the immortals; that huge-bodied one, shaking his horns, seemed like a fearsome thundercloud.

Verse 49 (devibhagavatam.5.6.49)

शृङ्गाभ्यां पर्वताज्छृङ्गांश्चिक्षेप भृशमुत्कटान् । दृष्ट्वा तौ तु महावीर्यौ दानवं देवसत्तमौ

śṛṅgābhyāṁ parvatājchṛṅgāṁścikṣepa bhṛśamutkaṭān | dṛṣṭvā tau tu mahāvīryau dānavaṁ devasattamau

With his horns he tore loose and hurled the fierce, jutting peaks of a mountain. Seeing the danava do this, those two mighty-valored, foremost of gods —

Verse 50 (devibhagavatam.5.6.50)

चक्रतुर्बाणवृष्टिं च दानवोपरि दारुणाम् । कुर्वाणौ बाणवृष्टिं तौ दृष्ट्वा हरिहरौ हरिः

cakraturbāṇavṛṣṭiṁ ca dānavopari dāruṇām | kurvāṇau bāṇavṛṣṭiṁ tau dṛṣṭvā hariharau hariḥ

— rained down a terrible shower of arrows upon the danava. Seeing Hari and Hara raining down that shower of arrows —

Verse 51 (devibhagavatam.5.6.51)

चिक्षेप गिरिशृङ्गं तु पुच्छेनावृत्य दारुणम् । आपतन्तं गिरिं वीक्ष्य भगवान्सात्वतां पतिः

cikṣepa giriśṛṅgaṁ tu pucchenāvṛtya dāruṇam | āpatantaṁ giriṁ vīkṣya bhagavānsātvatāṁ patiḥ

— he hurled a terrible mountain-peak, whirling it about with his tail. Seeing that mountain hurtling toward him, the Lord, master of the Satvatas —

Verse 52 (devibhagavatam.5.6.52)

विशिखैः शतधा चक्रे चक्रेणाशु जघान तम् । हरिचक्राहतः सङ्ख्ये मूर्च्छामाप स दैत्यराट्

viśikhaiḥ śatadhā cakre cakreṇāśu jaghāna tam | haricakrāhataḥ saṅkhye mūrcchāmāpa sa daityarāṭ

— shattered it into a hundred pieces with his arrows, and then swiftly struck him with his discus. Struck by Hari's discus, that lord of daityas fell unconscious upon the field of battle.

Verse 53 (devibhagavatam.5.6.53)

उत्तस्थौ च क्षणान्नूनं मानुषं वपुरास्थितः । गदापाणिर्महाघोरो दानवः पर्वतोपमः

uttasthau ca kṣaṇānnūnaṁ mānuṣaṁ vapurāsthitaḥ | gadāpāṇirmahāghoro dānavaḥ parvatopamaḥ

Yet in but a moment he rose again, now assuming a human form — that most terrible danava, huge as a mountain, mace in hand.

Verse 54 (devibhagavatam.5.6.54)

मेघनादं ननादोच्चैर्भीषयन्नमरानपि । तच्छ्रुत्वा भगवान्विष्णुः पाञ्चजन्यं समुज्ज्वलम्

meghanādaṁ nanādoccairbhīṣayannamarānapi | tacchrutvā bhagavānviṣṇuḥ pāñcajanyaṁ samujjvalam

He roared aloud like thunder, terrifying even the immortals. Hearing this, the Lord Vishnu took up his radiant conch, Panchajanya —

Verse 55 (devibhagavatam.5.6.55)

पूरयामास तरसा शब्दं कर्तुं खरस्वरम् । तेन शब्देन शङ्खस्य भयत्रस्ताश्च दानवाः । बभूवुर्मुदिता देवा ऋषयश्च तपोधनाः

pūrayāmāsa tarasā śabdaṁ kartuṁ kharasvaram | tena śabdena śaṅkhasya bhayatrastāśca dānavāḥ | babhūvurmuditā devā ṛṣayaśca tapodhanāḥ

— and quickly filled it with breath, sounding a sharp, piercing note. At that blast of the conch, the danavas were struck with terror, while the gods and the sages rich in austerity were filled with joy.