Mahisha's Minister Parleys with the Goddess

Verse 1 (devibhagavatam.5.9.1)

व्यास उवाच । देवा विष्णुवचः श्रुत्वा सर्वे प्रमुदितास्तदा । ददुश्च भूषणान्याशु वस्त्राणि स्वायुधानि च

vyāsa uvāca | devā viṣṇuvacaḥ śrutvā sarve pramuditāstadā | daduśca bhūṣaṇānyāśu vastrāṇi svāyudhāni ca

Vyasa said: The gods, hearing Vishnu's words, were all filled with joy, and swiftly gave their ornaments, garments, and their own weapons.

Verse 2 (devibhagavatam.5.9.2)

क्षीरोदश्चाम्बरे दिव्ये रक्ते सूक्ष्मे तथाजरे । निर्मलञ्च तथा हारं प्रीतस्तस्मै सुमण्डितम्

kṣīrodaścāmbare divye rakte sūkṣme tathājare | nirmalañca tathā hāraṁ prītastasmai sumaṇḍitam

The Ocean of Milk, delighted, gave divine garments — red, fine, and imperishable — and a spotless, beautifully wrought necklace.

Verse 3 (devibhagavatam.5.9.3)

ददौ चूडामणिं दिव्यं सूर्यकोटिसमप्रभम् । कुण्डले च तथा शुभ्रे कटकानि भुजेषु वै

dadau cūḍāmaṇiṁ divyaṁ sūryakoṭisamaprabham | kuṇḍale ca tathā śubhre kaṭakāni bhujeṣu vai

He gave a divine crest-jewel, radiant as ten million suns, two brilliant earrings, and bracelets for her arms.

Verse 4 (devibhagavatam.5.9.4)

केयूरान्कङ्कणान्दिव्यान्नानारत्नविराजितान् । ददौ तस्यै विश्वकर्मा प्रसन्नेन्द्रियमानसः

keyūrānkaṅkaṇāndivyānnānāratnavirājitān | dadau tasyai viśvakarmā prasannendriyamānasaḥ

Vishvakarma, his mind and senses filled with delight, gave her divine armlets and bracelets, resplendent with many kinds of gems.

Verse 5 (devibhagavatam.5.9.5)

नूपुरौ सुस्वरौ कान्तौ निर्मलौ रत्नभूषितौ । ददौ सूर्यप्रतीकाशौ त्वष्टा तस्यै सुपादयोः

nūpurau susvarau kāntau nirmalau ratnabhūṣitau | dadau sūryapratīkāśau tvaṣṭā tasyai supādayoḥ

Tvashtri gave, for her lovely feet, a pair of sweet-toned, lovely, spotless anklets, adorned with gems and radiant as the sun.

Verse 6 (devibhagavatam.5.9.6)

तथा ग्रैवेयकं रम्यं ददौ तस्यै महार्णवः । अङ्गुलीयकरत्नानि तेजोवन्ति च सर्वशः

tathā graiveyakaṁ ramyaṁ dadau tasyai mahārṇavaḥ | aṅgulīyakaratnāni tejovanti ca sarvaśaḥ

The great ocean gave her a lovely necklace-ornament for the throat, and radiant, jeweled rings for every finger.

Verse 7 (devibhagavatam.5.9.7)

अम्लानपङ्कजां मालां गन्धाढ्यां भ्रमरानुगाम् । तथैव वैजयन्तीञ्च वरुणः सम्प्रयच्छत

amlānapaṅkajāṁ mālāṁ gandhāḍhyāṁ bhramarānugām | tathaiva vaijayantīñca varuṇaḥ samprayacchata

Varuna presented her with an unfading, richly fragrant lotus-garland, thronged with bees, and likewise a Vaijayanti garland.

Verse 8 (devibhagavatam.5.9.8)

हिमवानथ सन्तुष्टो रत्नानि विविधानि च । ददौ च वाहनं सिंहं कनकाभं मनोहरम्

himavānatha santuṣṭo ratnāni vividhāni ca | dadau ca vāhanaṁ siṁhaṁ kanakābhaṁ manoharam

Himavan, greatly pleased, gave various kinds of gems, and also gave her a mount — a lion, golden in hue and enchanting.

Verse 9 (devibhagavatam.5.9.9)

भूषणैर्भूषिता दिव्यैः सा रराज वरा शुभा । सिंहारूढा वरारोहा सर्वलक्षणसंयुता

bhūṣaṇairbhūṣitā divyaiḥ sā rarāja varā śubhā | siṁhārūḍhā varārohā sarvalakṣaṇasaṁyutā

Adorned with those divine ornaments, that excellent, auspicious one shone forth — seated upon her lion, endowed with every auspicious mark, and most beautiful.

Verse 10 (devibhagavatam.5.9.10)

विष्णुश्चक्रात्समुत्पाद्य ददावस्यै रथाङ्गकम् । सहस्रारं सुदीप्तञ्च देवारिशिरसां हरम्

viṣṇuścakrātsamutpādya dadāvasyai rathāṅgakam | sahasrāraṁ sudīptañca devāriśirasāṁ haram

Vishnu, generating one from his own discus, gave her a discus — thousand-spoked, brilliantly blazing, a taker of the heads of the gods' enemies.

Verse 11 (devibhagavatam.5.9.11)

स्वत्रिशूलात्समुत्पाद्य शङ्करः शूलमुत्तमम् । ददौ देव्यै सुरारीणां कृन्तनं भयनाशनम्

svatriśūlātsamutpādya śaṅkaraḥ śūlamuttamam | dadau devyai surārīṇāṁ kṛntanaṁ bhayanāśanam

Shankara, generating one from his own trident, gave the Goddess an excellent trident — a cutter down of the enemies of the gods, a destroyer of fear.

Verse 12 (devibhagavatam.5.9.12)

वरुणश्च प्रसन्नात्मा ददौ शङ्खं समुज्वलम् । घोषवन्तं स्वशङ्खात्तु समुत्पाद्य सुमङ्गलम्

varuṇaśca prasannātmā dadau śaṅkhaṁ samujvalam | ghoṣavantaṁ svaśaṅkhāttu samutpādya sumaṅgalam

Varuna, his heart delighted, generating one from his own conch, gave her a brilliant, resonant, most auspicious conch.

Verse 13 (devibhagavatam.5.9.13)

हुताशनस्तथा शक्तिं शतघ्नीं सुमनोजवाम् । प्रायच्छत्तु प्रसन्नात्मा तस्यै दैत्यविनाशिनीम्

hutāśanastathā śaktiṁ śataghnīṁ sumanojavām | prāyacchattu prasannātmā tasyai daityavināśinīm

Agni, his heart delighted, gave her a shakti-weapon named Shataghni, swift as thought, a destroyer of the daityas.

Verse 14 (devibhagavatam.5.9.14)

इषुधिं बाणपूर्णञ्च चापं चाद्भुतदर्शनम् । मारुतो दत्तवांस्तस्यै दुराकर्षं खरस्वरम्

iṣudhiṁ bāṇapūrṇañca cāpaṁ cādbhutadarśanam | māruto dattavāṁstasyai durākarṣaṁ kharasvaram

Vayu gave her a quiver full of arrows, and a bow of wondrous appearance, hard to draw, of harsh twang.

Verse 15 (devibhagavatam.5.9.15)

स्ववज्राद्वज्रमुत्पाद्य ददाविन्द्रोऽतिदारुणम् । घण्टामैरावतात्तूर्णं सुशब्दां चातिसुन्दराम्

svavajrādvajramutpādya dadāvindro'tidāruṇam | ghaṇṭāmairāvatāttūrṇaṁ suśabdāṁ cātisundarām

Indra, generating from his own thunderbolt a most terrible thunderbolt, gave it to her, and swiftly too a sweet-toned, most beautiful bell taken from Airavata.

Verse 16 (devibhagavatam.5.9.16)

ददौ दण्डं यमः कामं कालदण्डसमुद्भवम् । येनान्तं सर्वभूतानामकरोत्काल आगते

dadau daṇḍaṁ yamaḥ kāmaṁ kāladaṇḍasamudbhavam | yenāntaṁ sarvabhūtānāmakarotkāla āgate

Yama gave, as she wished, a staff arisen from the staff of Time itself, by which, when the hour comes, he brings an end to all beings.

Verse 17 (devibhagavatam.5.9.17)

ब्रह्मा कमण्डलुं दिव्यं गङ्गावारिप्रपूरितम् । ददावस्यै मुदा युक्तो वरुणः पाशमेव च

brahmā kamaṇḍaluṁ divyaṁ gaṅgāvāriprapūritam | dadāvasyai mudā yukto varuṇaḥ pāśameva ca

Brahma, filled with joy, gave her a divine water-pot brimming with the water of the Ganga; and Varuna gave his noose as well.

Verse 18 (devibhagavatam.5.9.18)

कालः खड्गं तथा चर्म प्रायच्छत्तु नराधिप । परशुं विश्वकर्मा च तीक्ष्णमस्यै ददावथ

kālaḥ khaḍgaṁ tathā carma prāyacchattu narādhipa | paraśuṁ viśvakarmā ca tīkṣṇamasyai dadāvatha

O lord of men, Kala gave a sword and a shield; and Vishvakarma gave her a sharp axe.

Verse 19 (devibhagavatam.5.9.19)

धनदस्तु सुरापूर्णं पानपात्रं सुवर्णजम् । पङ्कजं वरुणश्चादाद्देव्यै दिव्यं मनोहरम्

dhanadastu surāpūrṇaṁ pānapātraṁ suvarṇajam | paṅkajaṁ varuṇaścādāddevyai divyaṁ manoharam

The lord of wealth gave a golden drinking-vessel filled with wine; and Varuna gave the Goddess a divine, enchanting lotus.

Verse 20 (devibhagavatam.5.9.20)

गदां कौमोदकीं त्वष्टा घण्टाशतनिनादिनीम् । अदात्तस्यै प्रसन्नात्मा सुरशत्रुविनाशिनीम्

gadāṁ kaumodakīṁ tvaṣṭā ghaṇṭāśataninādinīm | adāttasyai prasannātmā suraśatruvināśinīm

Tvashtri, his heart delighted, gave her the mace Kaumodaki, resounding like a hundred bells, a destroyer of the gods' enemies.

Verse 21 (devibhagavatam.5.9.21)

अस्त्राण्यनेकरूपाणि तथाभेद्यञ्च दंशनम् । ददौ त्वष्टा जगन्मात्रे निजरश्मीन्दिवाकरः

astrāṇyanekarūpāṇi tathābhedyañca daṁśanam | dadau tvaṣṭā jaganmātre nijaraśmīndivākaraḥ

Tvashtri gave the mother of the world weapons of many kinds and an impenetrable coat of armor; and the Sun gave his own rays.

Verse 22 (devibhagavatam.5.9.22)

सायुधां भूषणैर्युक्तां दृष्ट्वा ते विस्मयं गताः । तुष्टुवुस्तां सुरा देवीं त्रैलोक्यमोहिनीं शिवाम्

sāyudhāṁ bhūṣaṇairyuktāṁ dṛṣṭvā te vismayaṁ gatāḥ | tuṣṭuvustāṁ surā devīṁ trailokyamohinīṁ śivām

Seeing her thus armed and adorned with ornaments, they were struck with wonder; the gods praised that auspicious Goddess, enchantress of the three worlds.

Verse 23 (devibhagavatam.5.9.23)

देवा ऊचुः । नमः शिवायै कल्याण्यै शान्त्यै पुष्ट्यै नमो नमः । भगवत्यै नमो देव्यै रुद्राण्यै सततं नमः

devā ūcuḥ | namaḥ śivāyai kalyāṇyai śāntyai puṣṭyai namo namaḥ | bhagavatyai namo devyai rudrāṇyai satataṁ namaḥ

The gods said: Salutation to Shiva, the beneficent one; salutations again and again to Shanti and to Pushti. Salutation to the divine Bhagavati; salutation always to Rudrani.

Verse 24 (devibhagavatam.5.9.24)

कालरात्र्यै तथाम्बायै इन्द्राण्यै ते नमो नमः । सिद्ध्यै बुद्ध्यै तथा वृद्ध्यै वैष्णव्यै ते नमो नमः

kālarātryai tathāmbāyai indrāṇyai te namo namaḥ | siddhyai buddhyai tathā vṛddhyai vaiṣṇavyai te namo namaḥ

Salutation again and again to you as Kalaratri, and as the Mother, and as Indrani; salutation again and again to you as Siddhi, as Buddhi, as Vriddhi, and as Vaishnavi.

Verse 25 (devibhagavatam.5.9.25)

पृथिव्यां या स्थिता पृथ्व्या न ज्ञाता पृथिवीञ्च या । अन्तःस्थिता यमयति वन्दे तामीश्वरीं पराम्

pṛthivyāṁ yā sthitā pṛthvyā na jñātā pṛthivīñca yā | antaḥsthitā yamayati vande tāmīśvarīṁ parām

She who dwells in the earth, yet is unknown by the earth; who, abiding within it, governs it — I bow to that supreme Ishvari.

Verse 26 (devibhagavatam.5.9.26)

मायायां या स्थिता ज्ञाता मायया न च तामजाम् । अन्तःस्थिता प्रेरयति प्रेरयित्रीं नुमः शिवाम्

māyāyāṁ yā sthitā jñātā māyayā na ca tāmajām | antaḥsthitā prerayati prerayitrīṁ numaḥ śivām

She who dwells in Maya, yet is unknown by Maya, that unborn one — who, abiding within, impels it — we praise that auspicious impeller.

Verse 27 (devibhagavatam.5.9.27)

कल्याणं कुरु भो मातस्त्राहि नः शत्रुतापितान् । जहि पापं हयारिं त्वं तेजसा स्वेन मोहितम्

kalyāṇaṁ kuru bho mātastrāhi naḥ śatrutāpitān | jahi pāpaṁ hayāriṁ tvaṁ tejasā svena mohitam

O Mother, grant us welfare; save us, who are tormented by our enemy. Slay, by your own radiance, that sinful, deluded enemy of the gods.

Verse 28 (devibhagavatam.5.9.28)

खलं मायाविनं घोरं स्त्रीवध्यं वरदर्पितम् । दुःखदं सर्वदेवानां नानारूपधरं शतम्

khalaṁ māyāvinaṁ ghoraṁ strīvadhyaṁ varadarpitam | duḥkhadaṁ sarvadevānāṁ nānārūpadharaṁ śatam

— that wicked one, master of illusion, terrible, slayable only by a woman, arrogant with his boon, a cause of suffering to every god, who takes on a hundred forms.

Verse 29 (devibhagavatam.5.9.29)

त्वमेका सर्वदेवानां शरणं भक्तवत्सले । पीडितान्दानवेनाद्य त्राहि देवि नमोऽस्तु ते

tvamekā sarvadevānāṁ śaraṇaṁ bhaktavatsale | pīḍitāndānavenādya trāhi devi namo'stu te

You alone, O lover of your devotees, are the refuge of all the gods; save us today, O Goddess, oppressed as we are by that danava — salutation to you.

Verse 30 (devibhagavatam.5.9.30)

व्यास उवाच । एवं स्तुता तदा देवी सुरैः सर्वसुखप्रदा । तानुवाच महादेवी स्मितपूर्वं शुभं वचः

vyāsa uvāca | evaṁ stutā tadā devī suraiḥ sarvasukhapradā | tānuvāca mahādevī smitapūrvaṁ śubhaṁ vacaḥ

Vyasa said: Thus praised by the gods, that Goddess, giver of every joy, spoke to them, smiling first, these auspicious words.

Verse 31 (devibhagavatam.5.9.31)

देव्युवाच । भयं त्यजन्तु गीर्वाणा महिषान्मन्दचेतसः । हनिष्यामि रणेऽद्यैव वरदृप्तं विमोहितम्

devyuvāca | bhayaṁ tyajantu gīrvāṇā mahiṣānmandacetasaḥ | haniṣyāmi raṇe'dyaiva varadṛptaṁ vimohitam

The Goddess said: Let the gods abandon their fear of that dull-witted Mahisha. This very day, in battle, I shall slay that boon-swollen, deluded one.

Verse 32 (devibhagavatam.5.9.32)

व्यास उवाच । इत्युक्त्वा सा सुरान्देवी जहासातीव सुस्वरम् । चित्रमेतच्च संसारे भ्रममोहयुतं जगत्

vyāsa uvāca | ityuktvā sā surāndevī jahāsātīva susvaram | citrametacca saṁsāre bhramamohayutaṁ jagat

Vyasa said: Having said this to the gods, the Goddess laughed loudly, in a most sweet voice. Wondrous indeed is this world, so bound up in confusion and delusion —

Verse 33 (devibhagavatam.5.9.33)

ब्रह्मविष्णुमहेशाद्याः सेन्द्राश्चान्ये सुरास्तथा । कम्पयुक्ता भयत्रस्ता वर्तन्ते महिषात्किल

brahmaviṣṇumaheśādyāḥ sendrāścānye surāstathā | kampayuktā bhayatrastā vartante mahiṣātkila

— that Brahma, Vishnu, Mahesha, and the rest, together with Indra and the other gods, remain trembling and terror-stricken because of Mahisha!

Verse 34 (devibhagavatam.5.9.34)

अहो दैवबलं घोरं दुर्जयं सुरसत्तमाः । कालः कर्तास्ति दुःखानां सुखानां प्रभुरीश्वरः

aho daivabalaṁ ghoraṁ durjayaṁ surasattamāḥ | kālaḥ kartāsti duḥkhānāṁ sukhānāṁ prabhurīśvaraḥ

O foremost of gods, ah, how terrible and unconquerable is the power of fate! Time alone is the maker of sorrows and joys, the lord and master.

Verse 35 (devibhagavatam.5.9.35)

सृष्टिपालनसंहारे समर्था अपि ते यदा । मुह्यन्ति क्लेशसन्तप्ता महिषेण प्रपीडिताः

sṛṣṭipālanasaṁhāre samarthā api te yadā | muhyanti kleśasantaptā mahiṣeṇa prapīḍitāḥ

When even those capable of creation, preservation, and destruction can be so oppressed by Mahisha as to grow bewildered, tormented by affliction —

Verse 36 (devibhagavatam.5.9.36)

इति कृत्वा स्मितं देवी साट्टहासं चकार ह । उच्चैः शब्दं महाघोरं दानवानां भयप्रदम्

iti kṛtvā smitaṁ devī sāṭṭahāsaṁ cakāra ha | uccaiḥ śabdaṁ mahāghoraṁ dānavānāṁ bhayapradam

— having said this, the Goddess, smiling first, then let out a loud, most terrible laugh, a sound that struck terror into the danavas.

Verse 37 (devibhagavatam.5.9.37)

चकम्पे वसुधा तत्र श्रुत्वा तच्छब्दमद्भुतम् । चेलुश्च पर्वताः सर्वे चुक्षोभाब्धिश्च वीर्यवान्

cakampe vasudhā tatra śrutvā tacchabdamadbhutam | celuśca parvatāḥ sarve cukṣobhābdhiśca vīryavān

The earth trembled at the sound of that wondrous laugh; every mountain shook, and the mighty ocean surged.

Verse 38 (devibhagavatam.5.9.38)

मेरुश्चचाल शब्देन दिशः सर्वाः प्रपूरिताः । भयं जग्मुस्तदा श्रुत्वा दानवास्तत्स्वनं महत्

meruścacāla śabdena diśaḥ sarvāḥ prapūritāḥ | bhayaṁ jagmustadā śrutvā dānavāstatsvanaṁ mahat

Mount Meru shook; every direction was filled with that sound. Hearing that great noise, the danavas were struck with fear.

Verse 39 (devibhagavatam.5.9.39)

जय पाहीति देवास्तामूचुः परमहर्षिताः । महिषोऽपि स्वनं श्रुत्वा चुकोप मदगर्वितः

jaya pāhīti devāstāmūcuḥ paramaharṣitāḥ | mahiṣo'pi svanaṁ śrutvā cukopa madagarvitaḥ

'Victory! Save us!' the gods cried out, filled with the greatest joy. Mahisha too, hearing that sound, grew furious, swollen with pride.

Verse 40 (devibhagavatam.5.9.40)

किमेतदिति तान्दैत्यान्पप्रच्छ स्वनशङ्कितः । गच्छन्तु त्वरिता दूता ज्ञातुं शब्दसमुद्भवम्

kimetaditi tāndaityānpapraccha svanaśaṅkitaḥ | gacchantu tvaritā dūtā jñātuṁ śabdasamudbhavam

Alarmed by that sound, he asked the daityas: 'What is this?' — 'Let messengers go swiftly to learn the source of the sound.'

Verse 41 (devibhagavatam.5.9.41)

कृतः केनायमत्युग्रः शब्दः कर्णव्यथाकरः । देवो वा दानवो वापि यो भवेत्स्वनकारकः

kṛtaḥ kenāyamatyugraḥ śabdaḥ karṇavyathākaraḥ | devo vā dānavo vāpi yo bhavetsvanakārakaḥ

'Who has made this most terrible sound, painful to the ear? Whether it be a god or a danava, whoever is the source of this sound —'

Verse 42 (devibhagavatam.5.9.42)

गृहीत्वा तं दुरात्मानं मत्समीपं नयन्त्विह । हनिष्यामि दुराचारं गर्जन्तं स्मयदुर्मदम्

gṛhītvā taṁ durātmānaṁ matsamīpaṁ nayantviha | haniṣyāmi durācāraṁ garjantaṁ smayadurmadam

'— let that evil-souled one be seized and brought into my presence. I shall slay that ill-behaved, roaring, arrogant fool.'

Verse 43 (devibhagavatam.5.9.43)

क्षीणायुष्यं मन्दमतिं नयामि यमसादनम् । पराजिताः सुराः कामं न गर्जन्ति भयातुराः

kṣīṇāyuṣyaṁ mandamatiṁ nayāmi yamasādanam | parājitāḥ surāḥ kāmaṁ na garjanti bhayāturāḥ

'That one, whose life is nearly spent, that dull-witted one, I shall send to Yama's abode. Defeated gods, after all, do not roar in their fear.'

Verse 44 (devibhagavatam.5.9.44)

नासुरा मम वश्यास्ते कस्येदं मूढचेष्टितम् । त्वरिता मामुपायान्तु ज्ञात्वा शब्दस्य कारणम्

nāsurā mama vaśyāste kasyedaṁ mūḍhaceṣṭitam | tvaritā māmupāyāntu jñātvā śabdasya kāraṇam

'These are not even asuras subject to me — whose foolish doing is this? Let messengers come to me swiftly, once they have learned the cause of the sound.'

Verse 45 (devibhagavatam.5.9.45)

अहं गत्वा हनिष्यामि तं पापं वितथश्रमम् । व्यास उवाच । इत्युक्तास्तेन ते दूता देवीं सर्वाङ्गसुन्दरीम्

ahaṁ gatvā haniṣyāmi taṁ pāpaṁ vitathaśramam | vyāsa uvāca | ityuktāstena te dūtā devīṁ sarvāṅgasundarīm

'I myself shall go and slay that sinner, whose effort will prove vain.' Vyasa said: Thus instructed, those messengers, sent by him, on seeing the Goddess, beautiful in every limb —

Verse 46 (devibhagavatam.5.9.46)

अष्टादशभुजां दिव्यां सर्वाभरणभूषिताम् । सर्वलक्षणसम्पन्नां वरायुधधरां शुभाम्

aṣṭādaśabhujāṁ divyāṁ sarvābharaṇabhūṣitām | sarvalakṣaṇasampannāṁ varāyudhadharāṁ śubhām

— of eighteen divine arms, adorned with every ornament, endowed with every auspicious mark, bearing excellent weapons, auspicious —

Verse 47 (devibhagavatam.5.9.47)

दधतीं चषकं हस्ते पिबन्तीं च मुहुर्मधु । संवीक्ष्य भयभीतास्ते जग्मुस्त्रस्ताः सुशङ्किताः

dadhatīṁ caṣakaṁ haste pibantīṁ ca muhurmadhu | saṁvīkṣya bhayabhītāste jagmustrastāḥ suśaṅkitāḥ

— and holding a goblet in her hand, repeatedly drinking wine — seeing her thus, those messengers, terrified and greatly alarmed, turned back.

Verse 48 (devibhagavatam.5.9.48)

सकाशे महिषस्याशु तमूचुः स्वनकारणम् । दूता ऊचुः । देवी दैत्येश्वर प्रौढा दृश्यते काचिदङ्गना

sakāśe mahiṣasyāśu tamūcuḥ svanakāraṇam | dūtā ūcuḥ | devī daityeśvara prauḍhā dṛśyate kācidaṅganā

They swiftly reached Mahisha and told him the cause of that sound. The messengers said: 'O lord of daityas, there is seen there a certain mature, radiant woman —'

Verse 49 (devibhagavatam.5.9.49)

सर्वाङ्गभूषणा नारी सर्वरत्नोपशोभिता । न मानुषी नासुरी सा दिव्यरूपा मनोहरा

sarvāṅgabhūṣaṇā nārī sarvaratnopaśobhitā | na mānuṣī nāsurī sā divyarūpā manoharā

'— a woman adorned in every limb, resplendent with every gem; she is neither human nor asura, but of divine, enchanting form.'

Verse 50 (devibhagavatam.5.9.50)

सिंहारूढायुधधरा चाष्टादशकरा वरा । सा नादं कुरुते नारी लक्ष्यते मदगर्विता

siṁhārūḍhāyudhadharā cāṣṭādaśakarā varā | sā nādaṁ kurute nārī lakṣyate madagarvitā

'She is mounted on a lion, bears weapons in her eighteen arms; it is that woman who makes such a sound; she seems intoxicated with pride.'

Verse 51 (devibhagavatam.5.9.51)

सुरापानरता कामं जानीमो न सभर्तृका । अन्तरिक्षस्थिता देवास्तां स्तुवन्ति मुदान्विताः

surāpānaratā kāmaṁ jānīmo na sabhartṛkā | antarikṣasthitā devāstāṁ stuvanti mudānvitāḥ

'She is given to drinking wine — that much we know; whether she has a husband, we cannot say. The gods, standing in the sky, praise her with delight.'

Verse 52 (devibhagavatam.5.9.52)

जयेति पाहि नश्चेति जहि शत्रुमिति प्रभो । न जाने का वरारोहा कस्य वा सा परिग्रहः

jayeti pāhi naśceti jahi śatrumiti prabho | na jāne kā varārohā kasya vā sā parigrahaḥ

'Crying "Victory!", "Protect us!", "Slay the enemy!" — O lord, we do not know who that excellent woman is, or whose wife she may be.'

Verse 53 (devibhagavatam.5.9.53)

किमर्थमागता चात्र किं चिकीर्षति सुन्दरी । द्रष्टुं नैव समर्थाः स्मस्तत्तेजःपरिधर्षिताः

kimarthamāgatā cātra kiṁ cikīrṣati sundarī | draṣṭuṁ naiva samarthāḥ smastattejaḥparidharṣitāḥ

'For what purpose that beauty has come here, and what she intends, we do not know. We were unable even to look upon her, overwhelmed as we were by her radiance.'

Verse 54 (devibhagavatam.5.9.54)

शृङ्गारवीरहासाढ्या रौद्राद्भुतरसान्विता । दृष्ट्वैवैवंविधां नारीमसम्भाष्य समागताः

śṛṅgāravīrahāsāḍhyā raudrādbhutarasānvitā | dṛṣṭvaivaivaṁvidhāṁ nārīmasambhāṣya samāgatāḥ

'Rich in the sentiments of love, valor, and laughter, and rich too in fury and wonder — seeing such a woman, we came back without daring even to address her.'

Verse 55 (devibhagavatam.5.9.55)

वयं त्वदाज्ञया राजन् किं कर्तव्यमतःपरम् । महिष उवाच । गच्छ वीर मयादिष्टो मन्त्रिश्रेष्ठ बलान्वितः

vayaṁ tvadājñayā rājan kiṁ kartavyamataḥparam | mahiṣa uvāca | gaccha vīra mayādiṣṭo mantriśreṣṭha balānvitaḥ

'We act, O king, only by your command — what is to be done now?' Mahisha said: 'Go, O foremost of ministers, commanded by me, accompanied by your forces —'

Verse 56 (devibhagavatam.5.9.56)

सामादिभिरुपायैस्त्वं समानय शुभाननाम् । नायाति यदि सा नारी त्रिभिः सामादिभिस्त्विह

sāmādibhirupāyaistvaṁ samānaya śubhānanām | nāyāti yadi sā nārī tribhiḥ sāmādibhistviha

'— and by conciliation and the other approaches, bring that lovely-faced one here. If that woman does not come by these three means, conciliation and the rest —'

Verse 57 (devibhagavatam.5.9.57)

अहत्वा तां वरारोहां त्वमानय ममान्तिकम् । करोमि पट्टमहिषीं तां मरालभ्रुवं मुदा

ahatvā tāṁ varārohāṁ tvamānaya mamāntikam | karomi paṭṭamahiṣīṁ tāṁ marālabhruvaṁ mudā

'— then still, without harming that excellent woman, bring her to my presence. I shall gladly make that swan-browed one my chief queen.'

Verse 58 (devibhagavatam.5.9.58)

प्रीतियुक्ता समायाति यदि सा मृगलोचना । रसभङ्गो यथा न स्यात्तथा कुरु ममेप्सितम्

prītiyuktā samāyāti yadi sā mṛgalocanā | rasabhaṅgo yathā na syāttathā kuru mamepsitam

'If that doe-eyed one comes of her own accord, out of affection, see to it that no discord arises, and that my desire is fulfilled.'

Verse 59 (devibhagavatam.5.9.59)

श्रवणान्मोहितोऽस्म्यद्य तस्या रूपस्य सम्पदा । व्यास उवाच । महिषस्य वचः श्रुत्वा पेशलं मन्त्रिसत्तमः

śravaṇānmohito'smyadya tasyā rūpasya sampadā | vyāsa uvāca | mahiṣasya vacaḥ śrutvā peśalaṁ mantrisattamaḥ

'I am, this very day, enchanted merely by hearing of the wealth of her beauty.' Vyasa said: Hearing these smooth words of Mahisha, that most excellent minister —

Verse 60 (devibhagavatam.5.9.60)

जगाम तरसा कामं गजाश्वरथसंयुतः । गत्वा दूरतरं स्थित्वा तामुवाच मनस्विनीम्

jagāma tarasā kāmaṁ gajāśvarathasaṁyutaḥ | gatvā dūrataraṁ sthitvā tāmuvāca manasvinīm

— set out at once, willingly, accompanied by elephants, horses, and chariots. Going there and standing at some distance, he addressed that noble-minded lady —

Verse 61 (devibhagavatam.5.9.61)

विनयावनतः श्लक्ष्णं मन्त्री मधुरया गिरा । प्रधान उवाच । कासि त्वं मधुरालापे किमत्रागमनं कृतम्

vinayāvanataḥ ślakṣṇaṁ mantrī madhurayā girā | pradhāna uvāca | kāsi tvaṁ madhurālāpe kimatrāgamanaṁ kṛtam

— bowing humbly, the minister spoke gently, in a sweet voice. The minister said: 'Who are you, O sweet-speaking one? For what purpose have you come here?'

Verse 62 (devibhagavatam.5.9.62)

पृच्छति त्वां महाभागे मन्मुखेन मम प्रभुः । स जेता सर्वदेवानामवध्यस्तु नरैः किल

pṛcchati tvāṁ mahābhāge manmukhena mama prabhuḥ | sa jetā sarvadevānāmavadhyastu naraiḥ kila

'O most fortunate one, my lord asks you this through my mouth. He is the conqueror of all the gods, and is indeed unslayable by men.'

Verse 63 (devibhagavatam.5.9.63)

ब्रह्मणो वरदानेन गर्वितश्चारुलोचने । दैत्येश्वरोऽसौ बलवान्कामरूपधरः सदा

brahmaṇo varadānena garvitaścārulocane | daityeśvaro'sau balavānkāmarūpadharaḥ sadā

'O lovely-eyed one, that lord of daityas, arrogant with Brahma's boon, is exceedingly powerful, and ever able to take on any form he wishes.'

Verse 64 (devibhagavatam.5.9.64)

श्रुत्वा त्वां समुपायातां चारुवेषां मनोहराम् । द्रष्टुमिच्छति राजा मे महिषो नाम पार्थिवः

śrutvā tvāṁ samupāyātāṁ cāruveṣāṁ manoharām | draṣṭumicchati rājā me mahiṣo nāma pārthivaḥ

'Hearing that you have come here, so beautifully attired and enchanting, my king, the sovereign named Mahisha, desires to see you.'

Verse 65 (devibhagavatam.5.9.65)

मानुषं रूपमादाय त्वत्समीपं समेष्यति । यथा रुच्येत चार्वङ्गि तथा मन्यामहे वयम्

mānuṣaṁ rūpamādāya tvatsamīpaṁ sameṣyati | yathā rucyeta cārvaṅgi tathā manyāmahe vayam

'Taking on a human form, he will come into your presence. O lovely-limbed one, we consider it fitting to do whatever would please you.'

Verse 66 (devibhagavatam.5.9.66)

तर्ह्येहि मृगशावाक्षि समीपं तस्य धीमतः । नो चेदिहानयाम्येनं राजानं भक्तितत्परम्

tarhyehi mṛgaśāvākṣi samīpaṁ tasya dhīmataḥ | no cedihānayāmyenaṁ rājānaṁ bhaktitatparam

'So come, O fawn-eyed one, into the presence of that wise king; or else, I shall bring that devoted king here himself.'

Verse 67 (devibhagavatam.5.9.67)

तथा करोमि देवेशि यथा ते मनसेप्सितम् । वशगोऽसौ तवात्यर्थं रूपसंश्रवणात्तव

tathā karomi deveśi yathā te manasepsitam | vaśago'sau tavātyarthaṁ rūpasaṁśravaṇāttava

'O queen of the gods, I shall do exactly as your heart desires. Merely upon hearing of your beauty, he has become utterly subject to you.'

Verse 68 (devibhagavatam.5.9.68)

करभोरु वदाशु त्वं संविधेयं मया तथा

karabhoru vadāśu tvaṁ saṁvidheyaṁ mayā tathā

'O one whose thighs are lovely as an elephant's trunk, tell me quickly, so that I may arrange it accordingly.'