The Ordinance of the Duties of the Yugas

Verse 1 (devibhagavatam.6.11.1)

जनमेजय उवाच । भारावतारणार्थाय कथितं जन्म कृष्णयोः । संशयोऽयं द्विजश्रेष्ठ हृदये मम तिष्ठति

janamejaya uvāca | bhārāvatāraṇārthāya kathitaṁ janma kṛṣṇayoḥ | saṁśayo'yaṁ dvijaśreṣṭha hṛdaye mama tiṣṭhati

Janamejaya said: 'You have told of the birth of the two Krishnas — Krishna and Arjuna — for the purpose of relieving the earth's burden; but this doubt, O finest of the twice-born, still remains in my heart.'

Verse 2 (devibhagavatam.6.11.2)

पृथिवी गोस्वरूपेण ब्रह्माणं शरणं गता । द्वापरान्तेऽतिदीनार्ता गुरुभारप्रपीडिता

pṛthivī gosvarūpeṇa brahmāṇaṁ śaraṇaṁ gatā | dvāparānte'tidīnārtā gurubhāraprapīḍitā

'At the end of Dvapara, the earth, taking the form of a cow, exceedingly wretched and oppressed by her heavy burden, went for refuge to Brahma.'

Verse 3 (devibhagavatam.6.11.3)

वेधसा प्रार्थितो विष्णुः कमलापतिरीश्वरः । भूभारोत्तारणार्थाय साधूनां रक्षणाय च

vedhasā prārthito viṣṇuḥ kamalāpatirīśvaraḥ | bhūbhārottāraṇārthāya sādhūnāṁ rakṣaṇāya ca

'The creator entreated Vishnu, lord and husband of Lakshmi, for the sake of relieving the earth's burden and protecting the righteous.'

Verse 4 (devibhagavatam.6.11.4)

भगवन् भारते खण्डे देवैः सह जनार्दन । अवतारं गृहाणाशु वसुदेवगृहे विभो

bhagavan bhārate khaṇḍe devaiḥ saha janārdana | avatāraṁ gṛhāṇāśu vasudevagṛhe vibho

'O blessed one, O Janardana, take incarnation swiftly, together with the gods, in the land of Bharata, in the house of Vasudeva, O mighty one.'

Verse 5 (devibhagavatam.6.11.5)

एवं सम्प्रार्थितो धात्रा भगवान्देवकीसुतः । बभूव सह रामेण भूभारोत्तारणाय वै

evaṁ samprārthito dhātrā bhagavāndevakīsutaḥ | babhūva saha rāmeṇa bhūbhārottāraṇāya vai

Thus entreated by the creator, the blessed one became the son of Devaki, together with Rama (Balarama), for the very purpose of relieving the earth of her burden.

Verse 6 (devibhagavatam.6.11.6)

कियानुत्तारितो भारो हत्वा दुष्टाननेकशः । ज्ञात्वा सर्वान्दुराचारान्पापबुद्धिनृपानिह

kiyānuttārito bhāro hatvā duṣṭānanekaśaḥ | jñātvā sarvāndurācārānpāpabuddhinṛpāniha

'How much of that burden was truly relieved, having slain the wicked so many times over, and having identified here all the evil-conducted, sinful-minded kings —'

Verse 7 (devibhagavatam.6.11.7)

हतो भीष्मो हतो द्रोणो विराटो द्रुपदस्तथा । बाह्लीकः सोमदत्तश्च कर्णो वैकर्तनस्तथा

hato bhīṣmo hato droṇo virāṭo drupadastathā | bāhlīkaḥ somadattaśca karṇo vaikartanastathā

'— Bhishma was slain, Drona was slain, and so were Virata and Drupada; Bahlika and Somadatta, and Karna, son of Vikartana —'

Verse 8 (devibhagavatam.6.11.8)

यैर्लुण्ठितं धनं सर्वं हृताश्च हरियोषितः । कथं न नाशिता दुष्टा ये स्थिताः पृथिवीतले

yairluṇṭhitaṁ dhanaṁ sarvaṁ hṛtāśca hariyoṣitaḥ | kathaṁ na nāśitā duṣṭā ye sthitāḥ pṛthivītale

'— slain, by whom all wealth had been plundered and Hari's women carried off — why then were the wicked who still remained upon the earth not destroyed?'

Verse 9 (devibhagavatam.6.11.9)

आभीराश्च शका म्लेच्छा निषादाः कोटिशस्तथा । भारावतरणं किं तत्कृतं कृष्णेन धीमता

ābhīrāśca śakā mlecchā niṣādāḥ koṭiśastathā | bhārāvataraṇaṁ kiṁ tatkṛtaṁ kṛṣṇena dhīmatā

'The Abhiras, Shakas, mlecchas, and Nishadas remained by the millions — was the earth's burden truly relieved by the wise Krishna?'

Verse 10 (devibhagavatam.6.11.10)

सन्देहोऽयं महाभाग न निवर्तति चित्ततः । कलावस्मिन्मजाः सर्वाः पश्यतः पापनिश्चयाः

sandeho'yaṁ mahābhāga na nivartati cittataḥ | kalāvasminmajāḥ sarvāḥ paśyataḥ pāpaniścayāḥ

'This doubt, O greatly fortunate one, will not leave my mind, seeing all the beings born in this Kali age so firmly resolved upon sin.'

Verse 11 (devibhagavatam.6.11.11)

व्यास उवाच । राजन् यस्मिन्युगे यादृक्प्रजा भवति कालतः । नान्यथा तद्भवेन्नूनं युगधर्मोऽत्र कारणम्

vyāsa uvāca | rājan yasminyuge yādṛkprajā bhavati kālataḥ | nānyathā tadbhavennūnaṁ yugadharmo'tra kāraṇam

Vyasa said: 'O king, in whatever yuga, the people born by the force of time are of a certain nature, and it cannot be otherwise — the dharma of that yuga is the cause of it.'

Verse 12 (devibhagavatam.6.11.12)

ये धर्मरसिका जीवास्ते वै सत्ययुगेऽभवन् । धर्मार्थरसिका ये तु ते वै त्रेतायुगेऽभवन्

ye dharmarasikā jīvāste vai satyayuge'bhavan | dharmārtharasikā ye tu te vai tretāyuge'bhavan

'Those beings who delighted purely in dharma existed in the Satya Yuga; those who delighted in both dharma and artha existed in the Treta Yuga.'

Verse 13 (devibhagavatam.6.11.13)

धर्मार्थकामरसिका द्वापरे चाभवन्युगे । अर्थकामपराः सर्वे कलावस्मिन्भवन्ति हि

dharmārthakāmarasikā dvāpare cābhavanyuge | arthakāmaparāḥ sarve kalāvasminbhavanti hi

'Those who delighted in dharma, artha, and kama together existed in the Dvapara age; and all who are devoted only to artha and kama exist here in this Kali age.'

Verse 14 (devibhagavatam.6.11.14)

युगधर्मस्तु राजेन्द्र न याति व्यत्ययं पुनः । कालः कर्तास्ति धर्मस्य ह्यधर्मस्य च वै पुनः

yugadharmastu rājendra na yāti vyatyayaṁ punaḥ | kālaḥ kartāsti dharmasya hyadharmasya ca vai punaḥ

'The dharma of the yuga, O king of kings, never turns from its course; time itself is the maker of dharma, and likewise of adharma.'

Verse 15 (devibhagavatam.6.11.15)

राजोवाच । ये तु सत्ययुगे जीवा भवन्ति धर्मतत्पराः । कुत्र तेऽद्य महाभाग तिष्ठन्ति पुण्यभागिनः

rājovāca | ye tu satyayuge jīvā bhavanti dharmatatparāḥ | kutra te'dya mahābhāga tiṣṭhanti puṇyabhāginaḥ

The king said: 'Those beings who lived in the Satya Yuga, devoted to dharma — where, O greatly fortunate one, do they now dwell, those who shared in that merit?'

Verse 16 (devibhagavatam.6.11.16)

त्रेतायुगे द्वापरे वा ये दानव्रतकारकाः । वर्तन्ते मुनयः श्रेष्ठाः कुत्र ब्रूहि पितामह

tretāyuge dvāpare vā ye dānavratakārakāḥ | vartante munayaḥ śreṣṭhāḥ kutra brūhi pitāmaha

'And those who, in Treta or Dvapara, performed acts of charity and undertook vows — where do those finest sages now exist? Tell me, O grandfather.'

Verse 17 (devibhagavatam.6.11.17)

कलावद्य दुराचारा येऽत्र सन्ति गतत्रपाः । आद्ये युगे क्व यास्यन्ति पापिष्ठा देवनिन्दकाः

kalāvadya durācārā ye'tra santi gatatrapāḥ | ādye yuge kva yāsyanti pāpiṣṭhā devanindakāḥ

'And those evil-conducted, shameless beings who exist here today in the Kali age — where shall these most sinful blasphemers of the gods go when the first age (Satya) returns?'

Verse 18 (devibhagavatam.6.11.18)

एतत्सर्वं समाचक्ष्व विस्तरेण महामते । सर्वथा श्रोतुकामोऽस्मि यदेतद्धर्मनिर्णयम्

etatsarvaṁ samācakṣva vistareṇa mahāmate | sarvathā śrotukāmo'smi yadetaddharmanirṇayam

'Tell me all of this in full detail, O wise one; I am eager in every way to hear this determination concerning dharma.'

Verse 19 (devibhagavatam.6.11.19)

व्यास उवाच । ये वै कृतयुगे राजन् सम्भवन्तीह मानवाः । कृत्वा ते पुण्यकर्माणि देवलोकान्व्रजन्ति वै

vyāsa uvāca | ye vai kṛtayuge rājan sambhavantīha mānavāḥ | kṛtvā te puṇyakarmāṇi devalokānvrajanti vai

Vyasa said: 'Those men, O king, who are born here in the Krita Yuga, having performed meritorious deeds, indeed go on to the worlds of the gods.'

Verse 20 (devibhagavatam.6.11.20)

ब्राह्मणाः क्षत्रिया वैश्याः शूद्राश्च नृपसत्तम । स्वधर्मनिरता यान्ति लोकान्कर्मजितान्किल

brāhmaṇāḥ kṣatriyā vaiśyāḥ śūdrāśca nṛpasattama | svadharmaniratā yānti lokānkarmajitānkila

'Brahmins, kshatriyas, vaishyas, and shudras, O best of kings, devoted to their own respective dharma, indeed attain the worlds won by their own deeds.'

Verse 21 (devibhagavatam.6.11.21)

सत्यं दया तथा दानं स्वदारगमनं तथा । अद्रोहः सर्वभूतेषु समता सर्वजन्तुषु

satyaṁ dayā tathā dānaṁ svadāragamanaṁ tathā | adrohaḥ sarvabhūteṣu samatā sarvajantuṣu

'Truthfulness, compassion, and charity likewise, and fidelity to one's own wife; freedom from malice toward all beings, and equanimity toward every creature —'

Verse 22 (devibhagavatam.6.11.22)

एतत्साधारणं धर्मं कृत्वा सत्ययुगे पुनः । स्वर्गं यान्तीतरे वर्णा धर्मतो रजकादयः

etatsādhāraṇaṁ dharmaṁ kṛtvā satyayuge punaḥ | svargaṁ yāntītare varṇā dharmato rajakādayaḥ

'— performing this common dharma in the Satya Yuga, even the other classes — washermen and the like — go to heaven through their righteousness.'

Verse 23 (devibhagavatam.6.11.23)

तथा त्रेतायुगे राजन् द्वापरेऽथ युगे तथा । कलावस्मिन्युगे पापा नरकं यान्ति मानवाः

tathā tretāyuge rājan dvāpare'tha yuge tathā | kalāvasminyuge pāpā narakaṁ yānti mānavāḥ

'Likewise, O king, in the Treta Yuga, and in the Dvapara age, and in this Kali age too, sinful men go to hell.'

Verse 24 (devibhagavatam.6.11.24)

तावत्तिष्ठन्ति ते तत्र यावत्स्याद्युगपर्ययः । पुनश्च मानुषे लोके भवन्ति भुवि मानवाः

tāvattiṣṭhanti te tatra yāvatsyādyugaparyayaḥ | punaśca mānuṣe loke bhavanti bhuvi mānavāḥ

'They remain there for as long as the yuga has yet to turn; and then, once again, they are born as men in this world upon the earth.'

Verse 25 (devibhagavatam.6.11.25)

यदा सत्ययुगस्यादिः कलेरन्तश्च पार्थिव । तदा स्वर्गात्पुण्यकृतो जायन्ते किल मानवाः

yadā satyayugasyādiḥ kalerantaśca pārthiva | tadā svargātpuṇyakṛto jāyante kila mānavāḥ

'When the beginning of the Satya Yuga arrives and the Kali Yuga comes to its end, O king, then those of merit are born as men, descending from heaven.'

Verse 26 (devibhagavatam.6.11.26)

यदा कलियुगस्यादिर्द्वापरस्य क्षयस्तथा । नरकात्पापिनः सर्वे भवन्ति भुवि मानवाः

yadā kaliyugasyādirdvāparasya kṣayastathā | narakātpāpinaḥ sarve bhavanti bhuvi mānavāḥ

'When the Kali Yuga begins, and likewise Dvapara comes to its close, all the sinful are born as men on earth, come up from hell.'

Verse 27 (devibhagavatam.6.11.27)

एवं कालसमाचारो नान्यथाभूत्कदाचन । तस्मात्कलिरसत्कर्ता तस्मिंस्तु तादृशी प्रजा

evaṁ kālasamācāro nānyathābhūtkadācana | tasmātkalirasatkartā tasmiṁstu tādṛśī prajā

'Such is the ordinary course of time; it has never once been otherwise. Therefore Kali is the maker of the wicked, and the people born within it are of just that nature.'

Verse 28 (devibhagavatam.6.11.28)

कदाचिद्दैवयोगात्तु प्राणिनां व्यत्ययो भवेत् । कलौ ये साधवः केचिद्द्वापरे सम्भवन्ति ते

kadāciddaivayogāttu prāṇināṁ vyatyayo bhavet | kalau ye sādhavaḥ keciddvāpare sambhavanti te

'Yet occasionally, through the workings of fate, an exception occurs among living beings; the few virtuous ones found in Kali are those who carry over from Dvapara.'

Verse 29 (devibhagavatam.6.11.29)

तथा त्रेतायुगे केचित्केचित्सत्ययुगे तथा । दुष्टाः सत्ययुगे ये तु ते भवन्ति कलावपि

tathā tretāyuge kecitkecitsatyayuge tathā | duṣṭāḥ satyayuge ye tu te bhavanti kalāvapi

'Likewise, some carry over from Treta, and some even from Satya Yuga; and those who were wicked even in Satya Yuga are found present even in Kali.'

Verse 30 (devibhagavatam.6.11.30)

कृतकर्मप्रभावेण प्राप्नुवन्त्यसुखानि च । पुनश्च तादृशं कर्म कुर्वन्ति युगभावतः

kṛtakarmaprabhāveṇa prāpnuvantyasukhāni ca | punaśca tādṛśaṁ karma kurvanti yugabhāvataḥ

'Through the influence of deeds already performed, they come to experience sorrows; and, under the sway of the yuga's own nature, they perform similar deeds once again.'

Verse 31 (devibhagavatam.6.11.31)

जनमेजय उवाच । युगधर्मान्महाभाग ब्रूहि सर्वानशेषतः । यस्मिन्वै यादृशो धर्मो ज्ञातुमिच्छामि तं तथा

janamejaya uvāca | yugadharmānmahābhāga brūhi sarvānaśeṣataḥ | yasminvai yādṛśo dharmo jñātumicchāmi taṁ tathā

Janamejaya said: 'O greatly fortunate one, tell me all the dharmas belonging to the yugas, in their entirety; I wish to know precisely what dharma governs each one.'

Verse 32 (devibhagavatam.6.11.32)

व्यास उवाच । निबोध नृपशार्दूल दृष्टान्तं ते ब्रवीम्यहम् । साधूनामपि चेतांसि युगभावाद्भ्रमन्ति हि

vyāsa uvāca | nibodha nṛpaśārdūla dṛṣṭāntaṁ te bravīmyaham | sādhūnāmapi cetāṁsi yugabhāvādbhramanti hi

Vyasa said: 'Understand this, O tiger among kings; I shall give you an illustration. Even the minds of the virtuous can indeed be led astray by the very nature of the yuga.'

Verse 33 (devibhagavatam.6.11.33)

पितुर्यथा ते राजेन्द्र वुद्धिर्विप्रावहेलने । कृता वै कलिना राजन् धर्मज्ञस्य महात्मनः

pituryathā te rājendra vuddhirviprāvahelane | kṛtā vai kalinā rājan dharmajñasya mahātmanaḥ

'Just as, O king of kings, your own father's mind was led into disrespect toward a brahmin — this indeed, O king, was brought about by Kali, even in that great-souled, dharma-knowing man.'

Verse 34 (devibhagavatam.6.11.34)

अन्यथा क्षत्रियो राजा ययातिकुलसम्भवः । तापसस्य गले सर्पं मृतं कस्मादयोजयत्

anyathā kṣatriyo rājā yayātikulasambhavaḥ | tāpasasya gale sarpaṁ mṛtaṁ kasmādayojayat

'Otherwise, how could that kshatriya king, born of the line of Yayati, have placed a dead serpent around the neck of an ascetic?'

Verse 35 (devibhagavatam.6.11.35)

सर्वं युगबलं राजन्वेदितव्यं विजानता । प्रयत्नेन हि कर्तव्यं धर्मकर्म विशेषतः

sarvaṁ yugabalaṁ rājanveditavyaṁ vijānatā | prayatnena hi kartavyaṁ dharmakarma viśeṣataḥ

'All this, O king, is to be understood by the discerning as the power of the yuga at work; therefore, righteous deeds must be undertaken with all the more effort and care.'

Verse 36 (devibhagavatam.6.11.36)

नूनं सत्ययुगे राजन् ब्राह्मणा वेदपारगाः । पराशक्त्यर्चनरता देवीदर्शनलालसाः

nūnaṁ satyayuge rājan brāhmaṇā vedapāragāḥ | parāśaktyarcanaratā devīdarśanalālasāḥ

'Surely, O king, in the Satya Yuga, the brahmins were fully versed in the Vedas, devoted to the worship of the Supreme Shakti, and eager for the vision of the Goddess.'

Verse 37 (devibhagavatam.6.11.37)

गायत्रीप्रणवासक्ता गायत्रीध्यानकारिणः । गायत्रीजपसंसक्ता मायाबीजैकजापिनः

gāyatrīpraṇavāsaktā gāyatrīdhyānakāriṇaḥ | gāyatrījapasaṁsaktā māyābījaikajāpinaḥ

'— devoted to the Gayatri and to Pranava, absorbed in meditation on Gayatri, engaged constantly in Gayatri recitation, single-minded repeaters of the maya-seed mantra —'

Verse 38 (devibhagavatam.6.11.38)

ग्रामे ग्रामे पराम्बायाः प्रासादकरणोत्सुकाः । स्वकर्मनिरताः सर्वे सत्यशौचदयान्विताः

grāme grāme parāmbāyāḥ prāsādakaraṇotsukāḥ | svakarmaniratāḥ sarve satyaśaucadayānvitāḥ

'— eager to build temples for the Supreme Mother in village after village; all devoted to their own respective duties, endowed with truth, purity, and compassion.'

Verse 39 (devibhagavatam.6.11.39)

त्रय्युक्तकर्मनिरतास्तत्त्वज्ञानविशारदाः । अभवन्क्षत्रियास्तत्र प्रजाभरणतत्पराः

trayyuktakarmaniratāstattvajñānaviśāradāḥ | abhavankṣatriyāstatra prajābharaṇatatparāḥ

'Devoted to the deeds enjoined by the threefold Veda, skilled in knowledge of the truth; the kshatriyas of that age were devoted to the nurture and protection of their people.'

Verse 40 (devibhagavatam.6.11.40)

वैश्यास्तु कृषिवाणिज्यगोसेवानिरतास्तथा । शूद्राः सेवापरास्तत्र पुण्ये सत्ययुगे नृप

vaiśyāstu kṛṣivāṇijyagosevāniratāstathā | śūdrāḥ sevāparāstatra puṇye satyayuge nṛpa

'The vaishyas were devoted to farming, trade, and the tending of cattle; and the shudras, O king, in that meritorious Satya Yuga, were devoted to service.'

Verse 41 (devibhagavatam.6.11.41)

पराम्बापूजनासक्ताः सर्वे वर्णाः परे युगे । तथा त्रेतायुगे किञ्चिन्न्यूना धर्मस्य संस्थितिः

parāmbāpūjanāsaktāḥ sarve varṇāḥ pare yuge | tathā tretāyuge kiñcinnyūnā dharmasya saṁsthitiḥ

'In that first age, all the classes were devoted to the worship of the Supreme Mother. In the Treta Yuga, similarly, the standing of dharma had somewhat diminished.'

Verse 42 (devibhagavatam.6.11.42)

द्वापरे च विशेषेण न्यूना सत्ययुगस्थितिः । पूर्वं ये राक्षसा राजन् ते कलौ ब्राह्मणाः स्मृताः

dvāpare ca viśeṣeṇa nyūnā satyayugasthitiḥ | pūrvaṁ ye rākṣasā rājan te kalau brāhmaṇāḥ smṛtāḥ

'And in Dvapara, the condition of the Satya Yuga had declined still further; those who were rakshasas in earlier ages, O king, are remembered as brahmins now in Kali.'

Verse 43 (devibhagavatam.6.11.43)

पाखण्डनिरताः प्रायो भवन्ति जनवञ्चकाः । असत्यवादिनः सर्वे वेदधर्मविवर्जिताः

pākhaṇḍaniratāḥ prāyo bhavanti janavañcakāḥ | asatyavādinaḥ sarve vedadharmavivarjitāḥ

'They are mostly given over to heresy, deceivers of the people; all speakers of falsehood, and utterly devoid of Vedic dharma.'

Verse 44 (devibhagavatam.6.11.44)

दाम्भिका लोकचतुरा मानिनो वेदवर्जिताः । शूद्रसेवापराः केचिन्नानाधर्मप्रवर्तकाः

dāmbhikā lokacaturā mānino vedavarjitāḥ | śūdrasevāparāḥ kecinnānādharmapravartakāḥ

'Hypocritical, worldly-wise in cunning, proud, devoid of the Veda; some devoted to serving shudras, and propagators of countless false doctrines.'

Verse 45 (devibhagavatam.6.11.45)

वेदनिन्दाकराः क्रूरा धर्मभ्रष्टातिवादुकाः । यथा यथा कलिर्वृद्धिं याति राजंस्तथा तथा

vedanindākarāḥ krūrā dharmabhraṣṭātivādukāḥ | yathā yathā kalirvṛddhiṁ yāti rājaṁstathā tathā

'Reviling the Veda, cruel, fallen from dharma, endlessly given to disputation; and, O king, as Kali continues to grow, this condition worsens still further.'

Verse 46 (devibhagavatam.6.11.46)

धर्मस्य सत्यमूलस्य क्षयः सर्वात्मना भवेत् । तथैव क्षत्रिया वैश्याः शूद्राश्च धर्मवर्जिताः

dharmasya satyamūlasya kṣayaḥ sarvātmanā bhavet | tathaiva kṣatriyā vaiśyāḥ śūdrāśca dharmavarjitāḥ

'The decay of dharma, whose very root is truth, becomes complete in every respect; and likewise the kshatriyas, vaishyas, and shudras become altogether devoid of dharma.'

Verse 47 (devibhagavatam.6.11.47)

असत्यवादिनः पापास्तथा वर्णेतराः कलौ । शूद्रधर्मरता विप्राः प्रतिग्रहपरायणाः

asatyavādinaḥ pāpāstathā varṇetarāḥ kalau | śūdradharmaratā viprāḥ pratigrahaparāyaṇāḥ

'Speakers of falsehood, sinful, and even those outside the fourfold order in Kali; brahmins devoted to the ways of shudras, intent only on accepting gifts.'

Verse 48 (devibhagavatam.6.11.48)

भविष्यन्ति कलौ राजन् युगे वृद्धिं गताः किल । कामचाराः स्त्रियः कामलोभमोहसमन्विताः

bhaviṣyanti kalau rājan yuge vṛddhiṁ gatāḥ kila | kāmacārāḥ striyaḥ kāmalobhamohasamanvitāḥ

'These things shall come to pass, O king, as the Kali age advances toward its fullness; women shall act however they please, filled with desire, greed, and delusion.'

Verse 49 (devibhagavatam.6.11.49)

पापा मिथ्याभिवादिन्यः सदा क्लेशरता नृप । स्वभर्तृवञ्जका नित्यं धर्मभाषणपण्डिताः

pāpā mithyābhivādinyaḥ sadā kleśaratā nṛpa | svabhartṛvañjakā nityaṁ dharmabhāṣaṇapaṇḍitāḥ

'Sinful, given to falsehood, ever prone to quarreling, O king; constantly deceiving their own husbands, yet skilled at speaking learnedly of dharma.'

Verse 50 (devibhagavatam.6.11.50)

भवन्त्येवंविधा नार्यः पापिष्ठाश्च कलौ युगे । आहारशुद्।ह्ध्या नृपते चित्तशुद्धिस्तु जायते

bhavantyevaṁvidhā nāryaḥ pāpiṣṭhāśca kalau yuge | āhāraśud|hdhyā nṛpate cittaśuddhistu jāyate

'Such women, most sinful, shall exist in the Kali age. Through purity of food, O king, purity of mind is truly born.'

Verse 51 (devibhagavatam.6.11.51)

शुद्धे चित्ते प्रकाशः स्याद्धर्मस्य नृपसत्तम । वृत्तसङ्करदोषेण जायते धर्मसङ्करः

śuddhe citte prakāśaḥ syāddharmasya nṛpasattama | vṛttasaṅkaradoṣeṇa jāyate dharmasaṅkaraḥ

'With a purified mind, the very light of dharma appears, O best of kings; but through the fault of mixed conduct, a mixing of dharma comes into being.'

Verse 52 (devibhagavatam.6.11.52)

धर्मस्य सङ्करे जाते नूनं स्याद्वर्णसङ्करः । एवं कलियुगे भूप सर्वधर्मविवर्जिते

dharmasya saṅkare jāte nūnaṁ syādvarṇasaṅkaraḥ | evaṁ kaliyuge bhūpa sarvadharmavivarjite

'When dharma has become mixed, an intermingling of the classes surely results. Thus, O king, in the Kali age, bereft of all dharma —'

Verse 53 (devibhagavatam.6.11.53)

स्ववर्णधर्मवार्तैषा न कुत्राप्युपलभ्यते । महान्तोऽपि च धर्मज्ञा अधर्मं कुर्वते नृप

svavarṇadharmavārtaiṣā na kutrāpyupalabhyate | mahānto'pi ca dharmajñā adharmaṁ kurvate nṛpa

'— this very knowledge of one's own class-duty is found nowhere at all; even great, dharma-knowing men commit adharma, O king.'

Verse 54 (devibhagavatam.6.11.54)

कलिस्वभाव एवैष परिहार्यो न केनचित् । तस्मादत्र मनुष्याणां स्वभावात्पापकारिणाम्

kalisvabhāva evaiṣa parihāryo na kenacit | tasmādatra manuṣyāṇāṁ svabhāvātpāpakāriṇām

'This is simply the very nature of Kali itself, which no one at all can avoid; therefore, for men here, who by their very nature turn to sin —'

Verse 55 (devibhagavatam.6.11.55)

निष्कृतिर्न हि राजेन्द्र सामान्योपायतो भवेत् । जनमेजय उवाच । भगवन्सर्वधर्मज्ञ सर्वशास्त्रविशारद

niṣkṛtirna hi rājendra sāmānyopāyato bhavet | janamejaya uvāca | bhagavansarvadharmajña sarvaśāstraviśārada

'— there is, O king of kings, no expiation to be had through ordinary means at all.' Janamejaya said: 'O blessed one, knower of all dharma, learned in every scripture —'

Verse 56 (devibhagavatam.6.11.56)

कलावधर्मबहुले नराणां का गतिर्भवेत् । यद्यस्ति तदुपायश्चेद्दयया तं वदस्व मे

kalāvadharmabahule narāṇāṁ kā gatirbhavet | yadyasti tadupāyaśceddayayā taṁ vadasva me

'— in this Kali age, so overrun with adharma, what recourse remains for mankind? If there is any means, tell it to me, out of your compassion.'

Verse 57 (devibhagavatam.6.11.57)

व्यास उवाच । एक एव महाराज तत्रोपायोऽस्ति नापरः । सर्वदोषनिरासार्थं ध्यायेद्देवीपदाम्बुजम्

vyāsa uvāca | eka eva mahārāja tatropāyo'sti nāparaḥ | sarvadoṣanirāsārthaṁ dhyāyeddevīpadāmbujam

Vyasa said: 'There is, O great king, one single remedy for this, and no other; for the removal of every fault, one should meditate upon the lotus feet of the Goddess.'

Verse 58 (devibhagavatam.6.11.58)

न सन्त्यघानि तावन्ति यावती शक्तिरस्ति हि । नास्ति देव्याः पापदाहे तस्माद्भीतिः कुतो नृप

na santyaghāni tāvanti yāvatī śaktirasti hi | nāsti devyāḥ pāpadāhe tasmādbhītiḥ kuto nṛpa

'Sins are not as numerous as the power that truly exists to counter them; the Goddess feels no hesitation whatsoever in burning away sin — so from where, O king, could any fear arise?'

Verse 59 (devibhagavatam.6.11.59)

अवशेनापि यन्नाम लीलयोच्चारितं यदि । किं किं ददाति तज्ज्ञातुं समर्था न हरादयः

avaśenāpi yannāma līlayoccāritaṁ yadi | kiṁ kiṁ dadāti tajjñātuṁ samarthā na harādayaḥ

'If her very name is uttered even unintentionally, even in mere play, what it grants — even Hara and the other gods are not capable of fully knowing.'

Verse 60 (devibhagavatam.6.11.60)

प्रायश्चित्तं तु पापानां श्रीदेवीनामसंस्मृतिः । तस्मात्कलिभयाद्राजन् पुण्यक्षेत्रे वसेन्नरः

prāyaścittaṁ tu pāpānāṁ śrīdevīnāmasaṁsmṛtiḥ | tasmātkalibhayādrājan puṇyakṣetre vasennaraḥ

'The true expiation for sins is simply the remembrance of Shri Devi's name; therefore, out of fear of Kali, O king, a man should dwell in a sacred place.'

Verse 61 (devibhagavatam.6.11.61)

निरन्तरं पराम्बाया नामसंस्मरणं चरेत् । छित्त्वा भित्त्वा च भूतानि हत्वा सर्वमिदं जगत्

nirantaraṁ parāmbāyā nāmasaṁsmaraṇaṁ caret | chittvā bhittvā ca bhūtāni hatvā sarvamidaṁ jagat

'One should continually engage in remembrance of the Supreme Mother's name; even one who has cut down, shattered, and destroyed this entire world —'

Verse 62 (devibhagavatam.6.11.62)

देवीं नमति भक्त्या यो न स पापैर्विलिप्यते । रहस्यं सर्वशास्त्राणां मया राजन्नुदीरितम्

devīṁ namati bhaktyā yo na sa pāpairvilipyate | rahasyaṁ sarvaśāstrāṇāṁ mayā rājannudīritam

'— if he bows to the Goddess with devotion, he is not stained by his sins at all. This secret truth of all the scriptures, O king, has now been declared by me.'

Verse 63 (devibhagavatam.6.11.63)

विमृश्यैतदशेषेण भज देवीपदाम्बुजम् । अजपां नाम गायत्रीं जपन्ति निखिला जनाः

vimṛśyaitadaśeṣeṇa bhaja devīpadāmbujam | ajapāṁ nāma gāyatrīṁ japanti nikhilā janāḥ

'Having weighed this fully, devote yourself to the lotus feet of the Goddess. All people recite the Gayatri known as Ajapa, the "unrecited" recitation —'

Verse 64 (devibhagavatam.6.11.64)

महिमानं न जानन्ति मायाया वैभवं महत् । गायत्रीं ब्राह्मणाः सर्वे जपन्ति हृदयान्तरे

mahimānaṁ na jānanti māyāyā vaibhavaṁ mahat | gāyatrīṁ brāhmaṇāḥ sarve japanti hṛdayāntare

'— yet they do not know its greatness, the vast glory hidden within that maya. All brahmins recite the Gayatri deep within their own hearts —'

Verse 65 (devibhagavatam.6.11.65)

महिमानं न जानन्ति मायाया वैभवं महत् । एतत्सर्वं समाख्यातं यत्पृष्टं तत्त्वया नृप । युगधर्मव्यवस्थायां किं भूयः श्रोतुमिच्छसि

mahimānaṁ na jānanti māyāyā vaibhavaṁ mahat | etatsarvaṁ samākhyātaṁ yatpṛṣṭaṁ tattvayā nṛpa | yugadharmavyavasthāyāṁ kiṁ bhūyaḥ śrotumicchasi

'— yet they do not know its greatness, the great glory of that maya. All this, O king, whatever you asked of me, has now been fully told; what more do you wish to hear concerning the ordinance of the dharma of the yugas?'