The Haihayas' Seizure of Wealth and the Slaying of the Bhrigus

Verse 1 (devibhagavatam.6.16.1)

जनमेजय उवाच । कुले कस्य समुत्पन्नाः क्षत्रिया हैहयाश्च ते । ब्रह्महत्यामनादृत्य निजघ्नुर्भार्गवांश्च ये

janamejaya uvāca | kule kasya samutpannāḥ kṣatriyā haihayāśca te | brahmahatyāmanādṛtya nijaghnurbhārgavāṁśca ye

Janamejaya said: In whose lineage were those Haihaya kshatriyas born, who, disregarding the sin of killing brahmins, slew the descendants of Bhrigu?

Verse 2 (devibhagavatam.6.16.2)

वैरस्य कारणं तेषां किं मे ब्रूहि पितामह । निमित्तेन विना क्रोधं कथं कुर्वन्ति सत्तमाः

vairasya kāraṇaṁ teṣāṁ kiṁ me brūhi pitāmaha | nimittena vinā krodhaṁ kathaṁ kurvanti sattamāḥ

Tell me the cause of their enmity, O grandsire; how could virtuous men fall into anger without any cause?

Verse 3 (devibhagavatam.6.16.3)

वैरं पुरोहितैः सार्धं कस्मात्तेषामजायत । नाल्पहेतोर्हि तद्वैरं क्षत्रियाणां भविष्यति

vairaṁ purohitaiḥ sārdhaṁ kasmātteṣāmajāyata | nālpahetorhi tadvairaṁ kṣatriyāṇāṁ bhaviṣyati

For what reason did enmity arise between them and their family priests? Such enmity of kshatriyas would surely not arise for a trivial cause.

Verse 4 (devibhagavatam.6.16.4)

अन्यथा ब्राह्मणान् पूज्यान्कथं जघ्नुरनागसः । बाहुजा बलवन्तोऽपि पापभीताः कथं न ते

anyathā brāhmaṇān pūjyānkathaṁ jaghnuranāgasaḥ | bāhujā balavanto'pi pāpabhītāḥ kathaṁ na te

Otherwise, how could they have slain venerable, faultless brahmins? Powerful as they were in arms, why were they not afraid of sin?

Verse 5 (devibhagavatam.6.16.5)

स्वल्पेऽपराधे को हन्याद्वाडवान्क्षत्रियर्षभः । सन्देहो मे मुनिश्रेष्ठ कारणं वक्तुमर्हसि

svalpe'parādhe ko hanyādvāḍavānkṣatriyarṣabhaḥ | sandeho me muniśreṣṭha kāraṇaṁ vaktumarhasi

What foremost kshatriya would slay brahmins for a trifling offense? I am in doubt, O best of sages; you are fit to tell me the reason.

Verse 6 (devibhagavatam.6.16.6)

सूत उवाच । इति पृष्टस्तदा तेन राज्ञा सत्यवतीसुतः । उवाच परमप्रीतः कथां संस्मृत्य चेतसा

sūta uvāca | iti pṛṣṭastadā tena rājñā satyavatīsutaḥ | uvāca paramaprītaḥ kathāṁ saṁsmṛtya cetasā

Suta said: Thus questioned by the king, the son of Satyavati, greatly pleased, recalling the story in his mind, spoke.

Verse 7 (devibhagavatam.6.16.7)

व्यास उवाच । शृणु पारिक्षिते वार्तां क्षत्रियाणां पुरातनीम् । आश्चर्यकारिणीं सम्यग्विदितां च पुरा मया

vyāsa uvāca | śṛṇu pārikṣite vārtāṁ kṣatriyāṇāṁ purātanīm | āścaryakāriṇīṁ samyagviditāṁ ca purā mayā

Vyasa said: Listen, O son of Parikshit, to this ancient and astonishing story of the kshatriyas, well known to me of old.

Verse 8 (devibhagavatam.6.16.8)

कार्तवीर्येति नाम्नाभूद्धैहयः पृथिवीपतिः । सहस्रबाहुर्बलवानर्जुनो धर्मतत्परः

kārtavīryeti nāmnābhūddhaihayaḥ pṛthivīpatiḥ | sahasrabāhurbalavānarjuno dharmatatparaḥ

There was a Haihaya lord of the earth named Kartavirya — the mighty, thousand-armed Arjuna, devoted to dharma.

Verse 9 (devibhagavatam.6.16.9)

दत्तात्रेयस्य शिष्योऽभूदवतारो हरेरिव । सिद्धः सर्वार्थदः शाक्तो भृगूणां याज्य एव सः

dattātreyasya śiṣyo'bhūdavatāro hareriva | siddhaḥ sarvārthadaḥ śākto bhṛgūṇāṁ yājya eva saḥ

He was a disciple of Dattatreya, as though an incarnation of Hari himself — accomplished, a grantor of all desires, mighty, and the very patron of the Bhrigus.

Verse 10 (devibhagavatam.6.16.10)

यज्वा परमधर्मिष्ठः सदा दानपरायणः । ददौ वित्तं भृगुभ्योऽसौ कृत्वा यज्ञाननेकशः

yajvā paramadharmiṣṭhaḥ sadā dānaparāyaṇaḥ | dadau vittaṁ bhṛgubhyo'sau kṛtvā yajñānanekaśaḥ

A performer of sacrifices, supremely righteous, ever devoted to giving, he gave wealth to the Bhrigus, having performed many sacrifices.

Verse 11 (devibhagavatam.6.16.11)

धनिनस्ते द्विजा जाता भृगवो नृपदानतः । हयरत्नसमृद्।ह्ध्याढ्याः सञ्जाताः प्रथिता भुवि

dhaninaste dvijā jātā bhṛgavo nṛpadānataḥ | hayaratnasamṛd|hdhyāḍhyāḥ sañjātāḥ prathitā bhuvi

Through the king's gifts, the brahmin Bhrigus became wealthy, rich with an abundance of horses and jewels, and renowned upon the earth.

Verse 12 (devibhagavatam.6.16.12)

स्वर्याते नृपशार्दूले कार्तवीर्यार्जुने पुनः । हैहया निर्धना जाताः कालेन महता नृप

svaryāte nṛpaśārdūle kārtavīryārjune punaḥ | haihayā nirdhanā jātāḥ kālena mahatā nṛpa

But when that tiger among kings, Kartavirya Arjuna, departed for heaven, the Haihayas, O king, over a long span of time, grew impoverished.

Verse 13 (devibhagavatam.6.16.13)

धनकार्यं समुत्पन्नं हैहयानां कदाचन । याचिष्णवोऽभिजग्मुस्तान्भूगूंस्ते हैहया नृप

dhanakāryaṁ samutpannaṁ haihayānāṁ kadācana | yāciṣṇavo'bhijagmustānbhūgūṁste haihayā nṛpa

On one occasion a need for wealth arose among the Haihayas; those Haihayas, O king, went to the Bhrigus as supplicants.

Verse 14 (devibhagavatam.6.16.14)

विनयं क्षत्रियाः कृत्वाप्ययाचन्त धनं बहु । न ददुस्तेऽतिलोभार्ता नास्ति नास्तीतिवादिनः

vinayaṁ kṣatriyāḥ kṛtvāpyayācanta dhanaṁ bahu | na daduste'tilobhārtā nāsti nāstītivādinaḥ

The kshatriyas humbly begged for much wealth; but those Bhrigus, overcome by excessive greed, gave nothing, saying only 'there is none, there is none.'

Verse 15 (devibhagavatam.6.16.15)

भूमौ च निदधुः केचिद्भृगवो धनमुत्तमम् । ददुः केचिद्द्विजातिभ्यो ज्ञात्वा क्षत्रियतो भयम्

bhūmau ca nidadhuḥ kecidbhṛgavo dhanamuttamam | daduḥ keciddvijātibhyo jñātvā kṣatriyato bhayam

Some of the Bhrigus buried their finest wealth in the ground; others, sensing danger from the kshatriyas, gave it away to other brahmins.

Verse 16 (devibhagavatam.6.16.16)

कृत्वा स्थानान्तरे द्रव्यं ब्राह्मणा भयविह्वलाः । त्यक्त्वाऽऽश्रमान्ययुः सर्वे भृगवस्तृष्णयान्विताः

kṛtvā sthānāntare dravyaṁ brāhmaṇā bhayavihvalāḥ | tyaktvā''śramānyayuḥ sarve bhṛgavastṛṣṇayānvitāḥ

The brahmins, overwhelmed with fear, having stored their wealth elsewhere, all abandoned their hermitages, the Bhrigus, still gripped by craving for it.

Verse 17 (devibhagavatam.6.16.17)

याज्यांश्च दुःखितान्दृष्ट्वा न ददुर्लोभमोहिताः । पलायित्वा गताः सर्वे गिरिदुर्गानुपाश्रिताः

yājyāṁśca duḥkhitāndṛṣṭvā na dadurlobhamohitāḥ | palāyitvā gatāḥ sarve giridurgānupāśritāḥ

Seeing their own patrons in distress, still deluded by greed they gave nothing; all fled and took refuge in mountain strongholds.

Verse 18 (devibhagavatam.6.16.18)

ततस्ते हैहयास्तात दुःखिताः कार्यगौरवात् । भृगूणामाश्रमाञ्जग्मुर्द्रव्यार्थं क्षत्रियर्षभाः

tataste haihayāstāta duḥkhitāḥ kāryagauravāt | bhṛgūṇāmāśramāñjagmurdravyārthaṁ kṣatriyarṣabhāḥ

Then, my child, those Haihayas, distressed by the gravity of their need, foremost among kshatriyas, went to the hermitages of the Bhrigus in search of wealth.

Verse 19 (devibhagavatam.6.16.19)

भृगूंस्तु निर्गतान्वीक्ष्य शून्यांस्त्यक्त्या गृहानथ । चखनुर्भूतलं तत्र द्रव्यार्थं हैहया भृशम्

bhṛgūṁstu nirgatānvīkṣya śūnyāṁstyaktyā gṛhānatha | cakhanurbhūtalaṁ tatra dravyārthaṁ haihayā bhṛśam

Finding that the Bhrigus had departed, leaving their houses empty, the Haihayas dug up the ground there vigorously in search of wealth.

Verse 20 (devibhagavatam.6.16.20)

खनताधिगतं वित्तं केनचिद्भृगुवेश्मनि । ददृशुः क्षत्रियाः सर्वे तद्वित्तं श्रमकर्शिताः

khanatādhigataṁ vittaṁ kenacidbhṛguveśmani | dadṛśuḥ kṣatriyāḥ sarve tadvittaṁ śramakarśitāḥ

By digging, they found wealth buried by someone in the house of a Bhrigu; all the kshatriyas, exhausted with the labor, beheld that wealth.

Verse 21 (devibhagavatam.6.16.21)

यत्र यत्र समुत्पन्नं भूरि द्रव्यं महीतलात् । तदा ते पार्श्वभागस्थब्राह्मणानां गृहाण्यपि

yatra yatra samutpannaṁ bhūri dravyaṁ mahītalāt | tadā te pārśvabhāgasthabrāhmaṇānāṁ gṛhāṇyapi

Wherever abundant wealth was found in the ground, the houses of the brahmins living nearby too —

Verse 22 (devibhagavatam.6.16.22)

निर्भिद्य हैहया द्रव्यं ददृशुर्धनलिप्सया । ब्राह्मणाश्चुकुशः सर्वे भीताश्च शरणं गताः

nirbhidya haihayā dravyaṁ dadṛśurdhanalipsayā | brāhmaṇāścukuśaḥ sarve bhītāśca śaraṇaṁ gatāḥ

the Haihayas broke into, searching for wealth out of greed; all the brahmins cried out and, terrified, fled for refuge.

Verse 23 (devibhagavatam.6.16.23)

अतिचिन्वत्सु विप्राणां भवनान्निःसृतं बहु । निजघ्नुस्ताञ्छरैः कोपाद्वाडवाञ्छरणागतान्

aticinvatsu viprāṇāṁ bhavanānniḥsṛtaṁ bahu | nijaghnustāñcharaiḥ kopādvāḍavāñcharaṇāgatān

Seeing much wealth coming out of the brahmins' houses, they slew with arrows, in fury, even the brahmins who were gathering it and had come seeking refuge.

Verse 24 (devibhagavatam.6.16.24)

ययुस्ते गिरिदुर्गांश्च यत्र वै भृगवः स्थिताः । आगर्भादनुकृन्तन्तश्चेरुश्चैव महीमिमाम्

yayuste giridurgāṁśca yatra vai bhṛgavaḥ sthitāḥ | āgarbhādanukṛntantaśceruścaiva mahīmimām

They went to the mountain strongholds where the Bhrigus had taken refuge, and roamed this whole earth, cutting down even unborn children in the womb.

Verse 25 (devibhagavatam.6.16.25)

प्राप्तान्प्राप्तान्भृगून्सर्वान्निजघ्नुर्निशितैः शरैः । आबालवृद्धानपरानवमन्य च पातकम्

prāptānprāptānbhṛgūnsarvānnijaghnurniśitaiḥ śaraiḥ | ābālavṛddhānaparānavamanya ca pātakam

Whatever Bhrigu they found, they slew with sharp arrows, from children to the aged, giving no thought to the sin.

Verse 26 (devibhagavatam.6.16.26)

एवमुत्पाट्यमानेषु भार्गवेषु यतस्ततः । हन्युर्गर्भांश्च नारीणां गृहीत्वा हैहया भृशम्

evamutpāṭyamāneṣu bhārgaveṣu yatastataḥ | hanyurgarbhāṁśca nārīṇāṁ gṛhītvā haihayā bhṛśam

Thus, as the descendants of Bhrigu were being uprooted on every side, the Haihayas, seizing the women, ruthlessly destroyed the children in their wombs as well.

Verse 27 (devibhagavatam.6.16.27)

रुरुदुस्ताः स्त्रियः कामं कुरर्य इव दुःखिताः । गर्भाश्च कृन्तिता यासां क्षत्रियैः पापनिश्चयैः

rurudustāḥ striyaḥ kāmaṁ kurarya iva duḥkhitāḥ | garbhāśca kṛntitā yāsāṁ kṣatriyaiḥ pāpaniścayaiḥ

Those women, their wombs cut open by kshatriyas bent on sin, wailed piteously, sorrowing like ospreys.

Verse 28 (devibhagavatam.6.16.28)

अन्येऽप्याहुश्च तान्दृप्तान्मुनयस्तीर्थवासिनः । मुञ्चन्तु क्षत्रियाः क्रोधं ब्राह्मणेषु भयावहम्

anye'pyāhuśca tāndṛptānmunayastīrthavāsinaḥ | muñcantu kṣatriyāḥ krodhaṁ brāhmaṇeṣu bhayāvaham

Other sages, dwelling at the tirthas, said to those arrogant men: 'Let the kshatriyas abandon this terrible anger against brahmins.'

Verse 29 (devibhagavatam.6.16.29)

अयुक्तमेतदारब्धं भवद्भिः कर्म गर्हितम् । यद्गर्भान्भृगुपत्नीनां निहन्युः क्षत्रियर्षभाः

ayuktametadārabdhaṁ bhavadbhiḥ karma garhitam | yadgarbhānbhṛgupatnīnāṁ nihanyuḥ kṣatriyarṣabhāḥ

'This is an unjust and reprehensible deed you have undertaken, that you, foremost of kshatriyas, are destroying the wombs of the Bhrigus' wives.'

Verse 30 (devibhagavatam.6.16.30)

अत्युग्रपुण्यपापानामिहैव फलमाप्नुयात् । तस्माज्जुगुप्सितं कर्म त्यक्तव्यं भूतिमिच्छता

atyugrapuṇyapāpānāmihaiva phalamāpnuyāt | tasmājjugupsitaṁ karma tyaktavyaṁ bhūtimicchatā

'The fruit of such intense merit or sin is obtained right here, in this very life; therefore whoever desires prosperity should abandon such a reprehensible deed.'

Verse 31 (devibhagavatam.6.16.31)

तानाहुर्हैहयाः क्रुद्धा मुनीनथ दयापरान् । भवन्तः साधवः सर्वे नार्थज्ञाः पापकर्मणाम्

tānāhurhaihayāḥ kruddhā munīnatha dayāparān | bhavantaḥ sādhavaḥ sarve nārthajñāḥ pāpakarmaṇām

The enraged Haihayas said to those compassionate sages: 'You are all virtuous, but you do not know the true meaning of these wicked deeds!'

Verse 32 (devibhagavatam.6.16.32)

एभिर्हृतं धनं सर्वं पूर्वजानां महात्मनाम् । वञ्चयित्वा छलाभिज्ञैर्मार्गे पाटच्चरैरिव

ebhirhṛtaṁ dhanaṁ sarvaṁ pūrvajānāṁ mahātmanām | vañcayitvā chalābhijñairmārge pāṭaccarairiva

'These men, skilled in trickery, took away all the wealth of our great-souled ancestors by deceiving them, like highway robbers.'

Verse 33 (devibhagavatam.6.16.33)

एते प्रतारका दम्भास्तादृशा बकवृत्तयः । उत्पन्ने च महाकार्ये प्रार्थिता विनयेन ते

ete pratārakā dambhāstādṛśā bakavṛttayaḥ | utpanne ca mahākārye prārthitā vinayena te

'These are deceivers, hypocrites of crane-like conduct; and when a great need arose for us, we entreated them with all humility.'

Verse 34 (devibhagavatam.6.16.34)

न ददुः प्रार्थितं विप्राः पादवृद्।ह्ध्यापि याचिताः । नास्तीतिवादिनः स्तब्धाः दुःखितान्वीक्ष्य याज्यकान्

na daduḥ prārthitaṁ viprāḥ pādavṛd|hdhyāpi yācitāḥ | nāstītivādinaḥ stabdhāḥ duḥkhitānvīkṣya yājyakān

'Even when we begged with interest added, those brahmins gave nothing; stubborn, they kept saying "there is none," even seeing their own patrons in distress.'

Verse 35 (devibhagavatam.6.16.35)

धनं प्राप्तं कार्तवीर्याद्रक्षितं केन हेतुना । न कृताः क्रतवः किं तैर्दानं चार्थिषु भूरिशः

dhanaṁ prāptaṁ kārtavīryādrakṣitaṁ kena hetunā | na kṛtāḥ kratavaḥ kiṁ tairdānaṁ cārthiṣu bhūriśaḥ

'For what reason did they hoard the wealth received from Kartavirya? Did they not perform sacrifices with it, or give abundant gifts to petitioners?'

Verse 36 (devibhagavatam.6.16.36)

न सञ्चितव्यं विप्रैस्तु धनं चापि कदाचन । यष्टव्यं विधिवद्देयं भोक्तव्यं च यथासुखम्

na sañcitavyaṁ vipraistu dhanaṁ cāpi kadācana | yaṣṭavyaṁ vidhivaddeyaṁ bhoktavyaṁ ca yathāsukham

'Brahmins ought never to hoard wealth; it should be used for sacrifice as prescribed, given away in gift, and enjoyed as one pleases.'

Verse 37 (devibhagavatam.6.16.37)

द्रव्ये चौरभयं प्रोक्तं तथा राजभयं द्विजाः । वह्नेर्भयं महाघोरं तथा धूर्तभयं महत्

dravye caurabhayaṁ proktaṁ tathā rājabhayaṁ dvijāḥ | vahnerbhayaṁ mahāghoraṁ tathā dhūrtabhayaṁ mahat

'For wealth, O twice-born, there is said to be the fear of thieves, and likewise the fear of kings; the terrible fear of fire, and the great fear of rogues too.'

Verse 38 (devibhagavatam.6.16.38)

येन केनाप्युपायेन धनं त्यजति रक्षकम् । अथवासौ मृतो याति द्रव्यं त्यक्त्वा ह्यसद्गतिम्

yena kenāpyupāyena dhanaṁ tyajati rakṣakam | athavāsau mṛto yāti dravyaṁ tyaktvā hyasadgatim

'By one means or another, wealth abandons its keeper; or else he dies, leaving his riches behind, and goes to an evil state.'

Verse 39 (devibhagavatam.6.16.39)

पादवृद्।ह्ध्या तथास्माभिः प्रार्थितं विनयान्वितैः । तथापि लोभसन्दिग्धैर्न दत्तं नः पुरोहितैः

pādavṛd|hdhyā tathāsmābhiḥ prārthitaṁ vinayānvitaiḥ | tathāpi lobhasandigdhairna dattaṁ naḥ purohitaiḥ

'And so we humbly begged even with interest added, yet still our own priests, gripped by suspected greed, gave us nothing.'

Verse 40 (devibhagavatam.6.16.40)

दानं भोगस्तथा नाशो धनस्य गतिरीदृशी । दानभोगौ कृतीनां च नाशः पापात्मनां किल

dānaṁ bhogastathā nāśo dhanasya gatirīdṛśī | dānabhogau kṛtīnāṁ ca nāśaḥ pāpātmanāṁ kila

'Giving, enjoyment, or loss — this is the fate of wealth; giving and enjoyment belong to the meritorious, while loss belongs indeed to the sinful.'

Verse 41 (devibhagavatam.6.16.41)

न दाता न च यो भोक्ता कृपणो गुप्तितत्परः । राज्ञासौ सर्वथा दण्ड्यो वञ्चको दुःखभाङ्नरः

na dātā na ca yo bhoktā kṛpaṇo guptitatparaḥ | rājñāsau sarvathā daṇḍyo vañcako duḥkhabhāṅnaraḥ

'One who neither gives nor enjoys, the miser intent only on hoarding — he deserves in every way to be punished by the king, a deceiver and a man destined for misery.'

Verse 42 (devibhagavatam.6.16.42)

तस्माद्वयं गुरूनेतान्वञ्चकान्ब्राह्मणाधमान् । हन्तुं समुद्यताः सर्वे न क्रोधव्यं महात्मभिः

tasmādvayaṁ gurūnetānvañcakānbrāhmaṇādhamān | hantuṁ samudyatāḥ sarve na krodhavyaṁ mahātmabhiḥ

'Therefore we are all resolved to slay these deceitful teachers, the worst of brahmins; great souls such as yourselves ought not to be angry with us for this.'

Verse 43 (devibhagavatam.6.16.43)

व्यास उवाच । इत्युक्त्वा हेतुमद्वाक्यं तानाश्वास्य मुनीनथ । विचेरुश्च विचिन्वाना भृगुदाराननेकशः

vyāsa uvāca | ityuktvā hetumadvākyaṁ tānāśvāsya munīnatha | viceruśca vicinvānā bhṛgudārānanekaśaḥ

Vyasa said: Having spoken this reasoned speech and thus reassured the sages, they went about, searching everywhere for the wives of the Bhrigus.

Verse 44 (devibhagavatam.6.16.44)

भयार्ता भृगुपत्न्यस्तु हिमवन्तं धराधरम् । प्रपेदिरे रुदन्त्यश्च वेपमानाः कृशा भृशम्

bhayārtā bhṛgupatnyastu himavantaṁ dharādharam | prapedire rudantyaśca vepamānāḥ kṛśā bhṛśam

The terrified wives of the Bhrigus, weeping, trembling, and greatly emaciated, fled for refuge to the mountain Himavat.

Verse 45 (devibhagavatam.6.16.45)

एवं ते हैहयैर्विप्राः पीडिता धनकामुकैः । निहताश्च यथाकामं संरब्धैः पापकर्मभिः

evaṁ te haihayairviprāḥ pīḍitā dhanakāmukaiḥ | nihatāśca yathākāmaṁ saṁrabdhaiḥ pāpakarmabhiḥ

Thus were those brahmins oppressed by the wealth-hungry, enraged, sinful Haihayas, and slain at their will.

Verse 46 (devibhagavatam.6.16.46)

लोभ एव मनुष्याणां देहसंस्थो महारिपुः । सर्वदुःखाकरः प्रोक्तो दुःखदः प्राणनाशकः

lobha eva manuṣyāṇāṁ dehasaṁstho mahāripuḥ | sarvaduḥkhākaraḥ prokto duḥkhadaḥ prāṇanāśakaḥ

Greed alone, dwelling within the body of men, is declared to be the great enemy — the source of all sorrow, the bringer of pain, the destroyer of life.

Verse 47 (devibhagavatam.6.16.47)

सर्वपापस्य मूलं हि सर्वदा तृष्णयान्वितः । विरोधकृत्त्रिवर्णानां सर्वार्तेः कारणं तथा

sarvapāpasya mūlaṁ hi sarvadā tṛṣṇayānvitaḥ | virodhakṛttrivarṇānāṁ sarvārteḥ kāraṇaṁ tathā

It is ever accompanied by craving, and is the root of all sin; it sows discord among the three classes and is likewise the cause of every affliction.

Verse 48 (devibhagavatam.6.16.48)

लोभात्त्यजन्ति धर्मं वै कुलधर्मं तथैव हि । मातरं भ्रातरं हन्ति पितरं बान्धवं तथा

lobhāttyajanti dharmaṁ vai kuladharmaṁ tathaiva hi | mātaraṁ bhrātaraṁ hanti pitaraṁ bāndhavaṁ tathā

Out of greed men abandon dharma, and the dharma of their own family as well; they slay their mother, brother, father, and kinsmen.

Verse 49 (devibhagavatam.6.16.49)

गुरुं मित्रं तथा भार्यां पुत्रं च भगिनीं तथा । लोभाविष्टो न किं कुर्यादकृत्यं पापमोहितः

guruṁ mitraṁ tathā bhāryāṁ putraṁ ca bhaginīṁ tathā | lobhāviṣṭo na kiṁ kuryādakṛtyaṁ pāpamohitaḥ

Their guru, friend, wife, son, and sister too — what forbidden deed would a man possessed by greed and deluded by sin not commit?

Verse 50 (devibhagavatam.6.16.50)

क्रोधात्कामादहङ्काराल्लोभ एव महारिपुः । प्राणांस्त्यजति लोभेन किं पुनः स्यादनावृतम्

krodhātkāmādahaṅkārāllobha eva mahāripuḥ | prāṇāṁstyajati lobhena kiṁ punaḥ syādanāvṛtam

Greater even than anger, desire, and egotism, greed alone is the great enemy; out of greed a man even gives up his life — what, then, would remain untouched by it?

Verse 51 (devibhagavatam.6.16.51)

पूर्वजास्ते महाराज धर्मज्ञाः सत्पथे स्थिताः । पाण्डवाः कौरवाश्चैव लोभेन निधनं गताः

pūrvajāste mahārāja dharmajñāḥ satpathe sthitāḥ | pāṇḍavāḥ kauravāścaiva lobhena nidhanaṁ gatāḥ

O great king, those ancestors, the Pandavas and Kauravas alike, knowers of dharma and established on the righteous path, went to destruction through greed.

Verse 52 (devibhagavatam.6.16.52)

यत्र भीष्मश्च द्रोणश्च कृपः कर्णश्च बाह्लिकः । भीमसेनो धर्भपुत्रस्तथैवार्जुनकेशवौ

yatra bhīṣmaśca droṇaśca kṛpaḥ karṇaśca bāhlikaḥ | bhīmaseno dharbhaputrastathaivārjunakeśavau

There, where Bhishma and Drona, Kripa and Karna and Bahlika, Bhimasena, the son of Dharma (Yudhishthira), and Arjuna and Keshava too were present —

Verse 53 (devibhagavatam.6.16.53)

तथापि युद्धमत्युग्रं कृतं तैश्च परस्परम् । कुटुम्बकदनं भूरि कृतं लोभातुरैरिह

tathāpi yuddhamatyugraṁ kṛtaṁ taiśca parasparam | kuṭumbakadanaṁ bhūri kṛtaṁ lobhāturairiha

even so, they waged an exceedingly terrible war among themselves; a great destruction of their own kinsfolk was brought about here by men tormented with greed.

Verse 54 (devibhagavatam.6.16.54)

हतो द्रोणो हतो भीष्मस्तथैव पाण्डवात्मजाः । भ्रातरः पितरः पुत्राः सर्वे वै निहता रणे

hato droṇo hato bhīṣmastathaiva pāṇḍavātmajāḥ | bhrātaraḥ pitaraḥ putrāḥ sarve vai nihatā raṇe

Drona was slain, Bhishma was slain, and likewise the sons of the Pandavas; brothers, fathers, sons — all indeed were slain in that battle.

Verse 55 (devibhagavatam.6.16.55)

तस्माल्लोभाभिभूतस्तु किं न कुर्यान्नरः किल । हैहयैर्निहताः सर्वे भृगवः पापबुद्धिभिः

tasmāllobhābhibhūtastu kiṁ na kuryānnaraḥ kila | haihayairnihatāḥ sarve bhṛgavaḥ pāpabuddhibhiḥ

Therefore, what would a man overcome by greed not do? All the Bhrigus were slain by the Haihayas, whose minds were bent on sin.