The Origin of the Haihayas: The Dialogue of Rama and Vishnu

Verse 1 (devibhagavatam.6.17.1)

जनमेजय उवाच । कथं ताश्च स्त्रियः सर्वा भृगूणां दुःखसागरात् । मुक्ता वंशः पुनस्तेषां ब्राह्मणानां स्थिरोऽभवत्

janamejaya uvāca | kathaṁ tāśca striyaḥ sarvā bhṛgūṇāṁ duḥkhasāgarāt | muktā vaṁśaḥ punasteṣāṁ brāhmaṇānāṁ sthiro'bhavat

Janamejaya said: How were all those wives of the Bhrigus freed from that ocean of sorrow, and how did the lineage of those brahmins become firmly established once more?

Verse 2 (devibhagavatam.6.17.2)

हैहयैः किं कृतं कार्यं हत्वा तान्ब्राह्मणानपि । क्षत्रियैर्लोभसंयुक्तैः पापाचारैर्वदस्व तत्

haihayaiḥ kiṁ kṛtaṁ kāryaṁ hatvā tānbrāhmaṇānapi | kṣatriyairlobhasaṁyuktaiḥ pāpācārairvadasva tat

After slaying those brahmins, what did the greedy, sinful kshatriya Haihayas do next? Tell me that.

Verse 3 (devibhagavatam.6.17.3)

न तृप्तिरस्ति मे ब्रह्मन् पिबतस्ते कथामृतम् । पावनं सुखदं नॄणां परलोके फलप्रदम्

na tṛptirasti me brahman pibataste kathāmṛtam | pāvanaṁ sukhadaṁ nṝṇāṁ paraloke phalapradam

O brahmin, I am not satisfied even drinking this nectar-like story of yours, which is purifying, brings happiness, and yields fruit in the world beyond.

Verse 4 (devibhagavatam.6.17.4)

व्यास उवाच । शृणु राजन्प्रवक्ष्यामि कथां पापप्रणाशिनीम् । यथा स्त्रियस्तु ता मुक्ता दुःखात्तस्माद्दुरत्ययात्

vyāsa uvāca | śṛṇu rājanpravakṣyāmi kathāṁ pāpapraṇāśinīm | yathā striyastu tā muktā duḥkhāttasmādduratyayāt

Vyasa said: Listen, O king, I shall tell the sin-destroying story of how those women were freed from that insurmountable sorrow.

Verse 5 (devibhagavatam.6.17.5)

भृगुपत्न्यो यदा राजन् हिमवन्तं गिरिं गताः । भयत्रस्ता विभग्नाशा हैहयैः पीडिता भृशम्

bhṛgupatnyo yadā rājan himavantaṁ giriṁ gatāḥ | bhayatrastā vibhagnāśā haihayaiḥ pīḍitā bhṛśam

When the Bhrigus' wives, O king, greatly oppressed by the Haihayas, terrified and their hopes shattered, had gone to Mount Himavat —

Verse 6 (devibhagavatam.6.17.6)

गौरीं तत्र तु संस्थाप्य मृण्मयीं सरितस्तटे । उपोषणपराश्चकुर्निश्चयं मरणं प्रति

gaurīṁ tatra tu saṁsthāpya mṛṇmayīṁ saritastaṭe | upoṣaṇaparāścakurniścayaṁ maraṇaṁ prati

there, having set up a clay image of Gauri on the bank of a river, they undertook fasting, resolved upon death.

Verse 7 (devibhagavatam.6.17.7)

स्वप्ने गत्वा तदा देवी प्राह ताः प्रमदोत्तमाः । युष्मासु मध्ये कस्याश्चिद्भविता चोरुजः पुमान्

svapne gatvā tadā devī prāha tāḥ pramadottamāḥ | yuṣmāsu madhye kasyāścidbhavitā corujaḥ pumān

Then, appearing in a dream, the Goddess said to those excellent women: 'From the thigh of one among you, a man shall be born,'

Verse 8 (devibhagavatam.6.17.8)

मदंशशक्तिसम्भिन्नः स वः कार्यं विधास्यति । इत्यादिश्य पराम्बा सा पश्चादन्तर्हिताभवत्

madaṁśaśaktisambhinnaḥ sa vaḥ kāryaṁ vidhāsyati | ityādiśya parāmbā sā paścādantarhitābhavat

'infused with a portion of my own power, and he will accomplish your task.' Having given this instruction, the Supreme Mother then vanished.

Verse 9 (devibhagavatam.6.17.9)

जागृतास्तु ततः सर्वा मुदमापुर्वराङ्गनाः । काचित्तासां भयोद्विग्ना कामिनी चतुरा भृशम्

jāgṛtāstu tataḥ sarvā mudamāpurvarāṅganāḥ | kācittāsāṁ bhayodvignā kāminī caturā bhṛśam

On waking, all those excellent women were filled with joy; and one among them, agitated with fear yet extremely clever —

Verse 10 (devibhagavatam.6.17.10)

दधार चोरुणैकेन गर्भं सा कुलवृद्धये । पलायनपरा दृष्टा क्षत्रियैर्ब्राह्मणी यदा

dadhāra coruṇaikena garbhaṁ sā kulavṛddhaye | palāyanaparā dṛṣṭā kṣatriyairbrāhmaṇī yadā

bore the child in one thigh, for the increase of her lineage. And when that brahmin woman was seen fleeing by the kshatriyas —

Verse 11 (devibhagavatam.6.17.11)

विह्वला तेजसा युक्ता तदा ते दुद्रुवुर्भृशम् । गृह्यतां वध्यतां नारी सगर्भा याति सत्वरा

vihvalā tejasā yuktā tadā te dudruvurbhṛśam | gṛhyatāṁ vadhyatāṁ nārī sagarbhā yāti satvarā

agitated yet full of splendor, they gave chase swiftly, crying: 'Seize this pregnant woman quickly, slay her!'

Verse 12 (devibhagavatam.6.17.12)

इति ब्रुवन्तः सम्प्राप्ताः कामिनीं खड्गपाणयः । सा भयार्ता तु तान्दृष्ट्वा रुरोद समुपागतान्

iti bruvantaḥ samprāptāḥ kāminīṁ khaḍgapāṇayaḥ | sā bhayārtā tu tāndṛṣṭvā ruroda samupāgatān

So saying, the sword-bearing kshatriyas closed in on that woman; terrified, seeing them approach, she began to weep.

Verse 13 (devibhagavatam.6.17.13)

गर्भस्य रक्षणार्थं सा चुक्रोशातिभयातुरा । रुदतीं मातरं श्रुत्वा दीनां प्राणविवर्जिताम्

garbhasya rakṣaṇārthaṁ sā cukrośātibhayāturā | rudatīṁ mātaraṁ śrutvā dīnāṁ prāṇavivarjitām

For the protection of her unborn child, she cried out, overcome with fear. Hearing his wretched mother wailing as though lifeless —

Verse 14 (devibhagavatam.6.17.14)

निराधारां क्रन्दमानां क्षत्रियैर्भृशतापिताम् । गृहीतामिव सिंहेन सगर्भां हरिणीं यथा

nirādhārāṁ krandamānāṁ kṣatriyairbhṛśatāpitām | gṛhītāmiva siṁhena sagarbhāṁ hariṇīṁ yathā

helpless, weeping, greatly tormented by the kshatriyas, like a pregnant doe seized by a lion —

Verse 15 (devibhagavatam.6.17.15)

साश्रुनेत्रां वेपमानां सङ्क्रुध्य बालकस्तदा । भित्त्वोरुं निर्जगामाशु गर्भः सूर्य इवापरः

sāśrunetrāṁ vepamānāṁ saṅkrudhya bālakastadā | bhittvoruṁ nirjagāmāśu garbhaḥ sūrya ivāparaḥ

seeing her trembling with tear-filled eyes, the boy, filled with rage, then burst forth at once from her thigh, like a second sun.

Verse 16 (devibhagavatam.6.17.16)

मुष्णन्दृष्टीः क्षत्रियाणां तेजसा बालकः शुभः । दर्शनाद्बालकस्याशु सर्वे जाता विलोचनाः

muṣṇandṛṣṭīḥ kṣatriyāṇāṁ tejasā bālakaḥ śubhaḥ | darśanādbālakasyāśu sarve jātā vilocanāḥ

That auspicious boy, stealing the sight of the kshatriyas with his splendor — at the very sight of him, all of them at once went blind.

Verse 17 (devibhagavatam.6.17.17)

बभ्रमुर्गिरिदुर्गेषु जन्मान्धा इव क्षत्रियाः । चिन्तितं मनसा सर्वैः किमेतदिति साम्प्रतम्

babhramurgiridurgeṣu janmāndhā iva kṣatriyāḥ | cintitaṁ manasā sarvaiḥ kimetaditi sāmpratam

They wandered among the mountain strongholds as though born blind. All of them wondered in their minds, 'What has just happened?'

Verse 18 (devibhagavatam.6.17.18)

सर्वे चक्षुर्विहीना यज्जाता स्म बालदर्शनात् । ब्राह्मण्यास्तु प्रभावोऽयं सतीव्रतबलं महत्

sarve cakṣurvihīnā yajjātā sma bāladarśanāt | brāhmaṇyāstu prabhāvo'yaṁ satīvratabalaṁ mahat

'That we all became sightless the instant we saw the boy — this is the great power of that brahmin woman's chastity.'

Verse 19 (devibhagavatam.6.17.19)

क्षणाद्वामोघसङ्कल्पाः किं करिष्यन्तिदुःखिताः । इति सञ्चिन्त्य मनसा नेत्रहीना निराश्रयाः

kṣaṇādvāmoghasaṅkalpāḥ kiṁ kariṣyantiduḥkhitāḥ | iti sañcintya manasā netrahīnā nirāśrayāḥ

'In an instant our resolves have come to nothing — what can we, sorrowing, do now?' Thinking thus, sightless and without refuge —

Verse 20 (devibhagavatam.6.17.20)

ब्राह्मणीं शरणं जग्मुर्हैहया गतचेतसः । प्रणेमुस्तां भयत्रस्तां कृताञ्जलिपुटाश्च ते

brāhmaṇīṁ śaraṇaṁ jagmurhaihayā gatacetasaḥ | praṇemustāṁ bhayatrastāṁ kṛtāñjalipuṭāśca te

the crestfallen Haihayas went for refuge to the brahmin woman, and, still trembling with fear, bowed to her with joined hands.

Verse 21 (devibhagavatam.6.17.21)

ऊचुश्चैनां भयोद्विग्नां दृष्ट्यर्थं क्षत्रियर्षभाः । प्रसीद सुभगे मातः सेवकास्ते वयं किल

ūcuścaināṁ bhayodvignāṁ dṛṣṭyarthaṁ kṣatriyarṣabhāḥ | prasīda subhage mātaḥ sevakāste vayaṁ kila

Anxious to regain their sight, those foremost of kshatriyas said to her: 'Be gracious, O fortunate mother; we are indeed your servants.'

Verse 22 (devibhagavatam.6.17.22)

कृतापराधा रम्भोरु क्षत्रियाः पापबुद्धयः । दर्शनात्तव तन्वङ्गि जाताः सर्वे विलोचनाः

kṛtāparādhā rambhoru kṣatriyāḥ pāpabuddhayaḥ | darśanāttava tanvaṅgi jātāḥ sarve vilocanāḥ

'O plantain-thighed one, we kshatriyas of sinful mind have committed an offense; O slender-limbed one, by the mere sight of you we have all gone blind.'

Verse 23 (devibhagavatam.6.17.23)

मुखं ते नैव पश्यामो जन्मान्धा इव भामिनि । अद्भुतं ते तपो वीर्यं किं कुर्मः पापकारिणः

mukhaṁ te naiva paśyāmo janmāndhā iva bhāmini | adbhutaṁ te tapo vīryaṁ kiṁ kurmaḥ pāpakāriṇaḥ

'We cannot even see your face, O radiant one, as though born blind. Wondrous is the power of your austerity — what are we sinners to do now?'

Verse 24 (devibhagavatam.6.17.24)

शरणं ते प्रपन्नाः स्मो देहि चक्षूंषि मानदे । अन्धत्वं मरणादुग्रं कृपां कर्तुं त्वमर्हसि

śaraṇaṁ te prapannāḥ smo dehi cakṣūṁṣi mānade | andhatvaṁ maraṇādugraṁ kṛpāṁ kartuṁ tvamarhasi

'We have taken refuge in you, O giver of honor; grant us our eyes. Blindness is more terrible than death — you should show us mercy.'

Verse 25 (devibhagavatam.6.17.25)

पुनर्दृष्टिप्रदानेन सेवकान्क्षत्रियान्कुरु । उपरम्य च गच्छेम सहिताः पापकर्मणः

punardṛṣṭipradānena sevakānkṣatriyānkuru | uparamya ca gacchema sahitāḥ pāpakarmaṇaḥ

'By restoring our sight, make us your servants; and, ceasing from this sin, let us depart together.'

Verse 26 (devibhagavatam.6.17.26)

अतः परं न कर्तव्यमीदृशं कर्म कर्हिचित् । भार्गवाणां तु सर्वेषां सेवकाः स्मो वयं किल

ataḥ paraṁ na kartavyamīdṛśaṁ karma karhicit | bhārgavāṇāṁ tu sarveṣāṁ sevakāḥ smo vayaṁ kila

'Never again shall we commit such a deed. We are indeed servants to all the Bhargavas.'

Verse 27 (devibhagavatam.6.17.27)

अज्ञानाद्यत्कृतं पापं क्षन्तव्यं तत्त्वयाधुना । वैरं नातः परं क्वापि भृगुभिः क्षत्रियैः सह

ajñānādyatkṛtaṁ pāpaṁ kṣantavyaṁ tattvayādhunā | vairaṁ nātaḥ paraṁ kvāpi bhṛgubhiḥ kṣatriyaiḥ saha

'Whatever sin we committed out of ignorance, forgive it now; henceforth let there be no enmity anywhere between the Bhrigus and the kshatriyas.'

Verse 28 (devibhagavatam.6.17.28)

कर्तव्यं शपथैः सम्यग्वर्तितव्यं तु हैहयैः । सपुत्रा भव सुश्रोणि प्रणताः स्मो वयं च ते

kartavyaṁ śapathaiḥ samyagvartitavyaṁ tu haihayaiḥ | saputrā bhava suśroṇi praṇatāḥ smo vayaṁ ca te

'Let this be sealed with oaths, and the Haihayas shall henceforth conduct themselves rightly. O fair one, be blessed with your son; we bow before you.'

Verse 29 (devibhagavatam.6.17.29)

प्रसादं कुरु कल्याणि न द्विष्यामः कदाचन । व्यास उवाच । इति तेषां वचः श्रुत्वा ब्राह्मणी विस्मयान्विता

prasādaṁ kuru kalyāṇi na dviṣyāmaḥ kadācana | vyāsa uvāca | iti teṣāṁ vacaḥ śrutvā brāhmaṇī vismayānvitā

'O auspicious one, show us grace; we shall never bear hatred again.' Vyasa said: Hearing their words, the astonished brahmin woman —

Verse 30 (devibhagavatam.6.17.30)

तानाह प्रणतान्दुःस्थानाश्वास्य गतलोचनान् । गृहीता न मया दृष्टिर्युष्माकं क्षत्रियाः किल

tānāha praṇatānduḥsthānāśvāsya gatalocanān | gṛhītā na mayā dṛṣṭiryuṣmākaṁ kṣatriyāḥ kila

comforted those bowed, sorrowing, sightless men and said: 'It is not I who took away your sight, O kshatriyas.'

Verse 31 (devibhagavatam.6.17.31)

नाहं रुषान्विता सत्यं कारणं शृणुताद्य यत् । अयं च भार्गवो नूनमूरुजः कुपितोऽद्य वः

nāhaṁ ruṣānvitā satyaṁ kāraṇaṁ śṛṇutādya yat | ayaṁ ca bhārgavo nūnamūrujaḥ kupito'dya vaḥ

'I bear you no anger at all — hear now the true cause. This son of mine, born of my thigh, is the Bhargava who is indeed angry with you today —'

Verse 32 (devibhagavatam.6.17.32)

चक्षूंषि तेन युष्माकं स्तम्भितानि रुषावता । स्वबन्धून्निहतांज्ञात्वा गर्भस्थानपि क्षत्रियैः

cakṣūṁṣi tena yuṣmākaṁ stambhitāni ruṣāvatā | svabandhūnnihatāṁjñātvā garbhasthānapi kṣatriyaiḥ

'and it is that wrathful son who has paralyzed your eyes, knowing that his own kinsmen — even the children in the womb — were slain by kshatriyas,'

Verse 33 (devibhagavatam.6.17.33)

अनागसो धर्मपरांस्तापसान्धनकाम्यया । गर्भानपि यदा यूयं भृगूनघ्नंस्तु पुत्रकाः

anāgaso dharmaparāṁstāpasāndhanakāmyayā | garbhānapi yadā yūyaṁ bhṛgūnaghnaṁstu putrakāḥ

'when you, my children, out of greed for wealth, slew the innocent, dharma-devoted ascetic Bhrigus, along with the children still in the womb —'

Verse 34 (devibhagavatam.6.17.34)

तदायमूरुणा गर्भो मया वर्षशतं धृतः । षडङ्गश्चाखिलो वेदो गृहीतोऽनेन चाञ्जसा

tadāyamūruṇā garbho mayā varṣaśataṁ dhṛtaḥ | ṣaḍaṅgaścākhilo vedo gṛhīto'nena cāñjasā

'it was then that I bore this child in my thigh for a hundred years. He mastered the entire Veda, with its six auxiliary limbs, effortlessly —'

Verse 35 (devibhagavatam.6.17.35)

गर्भस्थेनापि बालेन भृगुवंशविवृद्धये । सोऽपि पितृवधान्नूनं क्रोथेद्धो हन्तुमिच्छति

garbhasthenāpi bālena bhṛguvaṁśavivṛddhaye | so'pi pitṛvadhānnūnaṁ krotheddho hantumicchati

'even while still unborn, this boy did so, for the increase of the Bhrigu line. Enraged by the slaying of his kinsmen, he surely wishes to destroy you.'

Verse 36 (devibhagavatam.6.17.36)

भगवत्याः प्रसादेन जातोऽयं मम बालकः । तेजसा यस्य दिव्येन चक्षूंषि मुषितानि वः

bhagavatyāḥ prasādena jāto'yaṁ mama bālakaḥ | tejasā yasya divyena cakṣūṁṣi muṣitāni vaḥ

'By the grace of the Goddess this son of mine was born; it is by his divine splendor that your eyes have been taken away.'

Verse 37 (devibhagavatam.6.17.37)

तस्मादौर्वं सुतं मेऽद्य याचध्वं विनयान्विताः । प्रणिपातेन तुष्टोऽसौ दृष्टिं वः प्रतिमोक्ष्यति

tasmādaurvaṁ sutaṁ me'dya yācadhvaṁ vinayānvitāḥ | praṇipātena tuṣṭo'sau dṛṣṭiṁ vaḥ pratimokṣyati

'Therefore, with humility, entreat my son Aurva this very day; pleased by your prostration, he will restore your sight.'

Verse 38 (devibhagavatam.6.17.38)

व्यास उवाच । तच्छ्रुत्वा वचनं तस्या हैहयास्तुष्टुवुश्च तम् । प्रणेमुर्विनयोपेता ऊरुजं मुनिसत्तमम्

vyāsa uvāca | tacchrutvā vacanaṁ tasyā haihayāstuṣṭuvuśca tam | praṇemurvinayopetā ūrujaṁ munisattamam

Vyasa said: Hearing her words, the Haihayas praised him, and, filled with humility, bowed before that best of sages, born from the thigh.

Verse 39 (devibhagavatam.6.17.39)

स सन्तुष्टो बभूवाथ तानुवाच विचक्षुषः । गच्छध्वं स्वगृहान्भूपा ममाख्यानकृतं वचः

sa santuṣṭo babhūvātha tānuvāca vicakṣuṣaḥ | gacchadhvaṁ svagṛhānbhūpā mamākhyānakṛtaṁ vacaḥ

He, pleased, then spoke to those sightless kings: 'Go, O kings, each to your own home, carrying with you this word declared by me —'

Verse 40 (devibhagavatam.6.17.40)

अवश्यम्भाविभावास्ते भवन्ति देवनिर्मिताः । नात्र शोकस्तु कर्तव्यः पुरुषेण विजानता

avaśyambhāvibhāvāste bhavanti devanirmitāḥ | nātra śokastu kartavyaḥ puruṣeṇa vijānatā

'these events were bound to happen, ordained by the gods; a wise man ought not to grieve over them.'

Verse 41 (devibhagavatam.6.17.41)

पूर्ववदृषयः सर्वे प्राप्नुवन्तु यथासुखम् । व्रजन्तु विगतक्रोधा भवनानि यथासुखम्

pūrvavadṛṣayaḥ sarve prāpnuvantu yathāsukham | vrajantu vigatakrodhā bhavanāni yathāsukham

'Let all the sages find peace again as before; and you too, freed of anger, go at ease to your own homes.'

Verse 42 (devibhagavatam.6.17.42)

इति तेन समादिष्टा हैहयाः प्राप्तलोचनाः । और्वमामन्त्र्य जग्मुस्ते सदनानि यथारुचि

iti tena samādiṣṭā haihayāḥ prāptalocanāḥ | aurvamāmantrya jagmuste sadanāni yathāruci

At his instruction, the Haihayas, their sight restored, took leave of Aurva and went off to their homes as they pleased.

Verse 43 (devibhagavatam.6.17.43)

ब्राह्मणी तं सुतं दिव्यं गृहीत्वा स्वाश्रमं गता । पालयामास भूपाल तेजस्विनमतन्द्रिता

brāhmaṇī taṁ sutaṁ divyaṁ gṛhītvā svāśramaṁ gatā | pālayāmāsa bhūpāla tejasvinamatandritā

The brahmin woman took that divine son to her own hermitage, O king, and tirelessly raised that splendid child.

Verse 44 (devibhagavatam.6.17.44)

एवं ते कथितं राजन् भृगूणां तु विनाशनम् । लोभाविष्टैः क्षत्रियैश्च यत्कृतं पातकं किल

evaṁ te kathitaṁ rājan bhṛgūṇāṁ tu vināśanam | lobhāviṣṭaiḥ kṣatriyaiśca yatkṛtaṁ pātakaṁ kila

Thus, O king, has the tale of the destruction of the Bhrigus been told to you — the sin committed by kshatriyas possessed by greed.

Verse 45 (devibhagavatam.6.17.45)

जनमेजय उवाच । श्रुतं मया महत्कर्म क्षत्रियाणाञ्च दारुणम् । कारणं लोभ एवात्र दुःखदश्चोभयोस्तु सः

janamejaya uvāca | śrutaṁ mayā mahatkarma kṣatriyāṇāñca dāruṇam | kāraṇaṁ lobha evātra duḥkhadaścobhayostu saḥ

Janamejaya said: I have heard this great and terrible deed of the kshatriyas. The cause here was greed alone, and it brought sorrow to both sides.

Verse 46 (devibhagavatam.6.17.46)

किञ्चित्प्रष्टुमिहेच्छामि संशयं वासवीसुत । हैहयास्ते कथं नाम्ना ख्याता भुवि नृपात्मजाः

kiñcitpraṣṭumihecchāmi saṁśayaṁ vāsavīsuta | haihayāste kathaṁ nāmnā khyātā bhuvi nṛpātmajāḥ

O son of Vasavi, I wish to ask something further — I have a doubt: how did those princes on earth come to be known by the name 'Haihaya'?

Verse 47 (devibhagavatam.6.17.47)

यदोस्तु यादवाः कामं भरताद्भारतास्तथा । हैहयः कोऽपि राजाभूत्तेषां वंशे प्रतिष्ठितः

yadostu yādavāḥ kāmaṁ bharatādbhāratāstathā | haihayaḥ ko'pi rājābhūtteṣāṁ vaṁśe pratiṣṭhitaḥ

From Yadu came the Yadavas, and from Bharata the Bharatas — was there some king named Haihaya established at the root of their line?

Verse 48 (devibhagavatam.6.17.48)

तदहं श्रोतुमिच्छामि कारणं करुणानिधे । हैहयास्ते कथं जाताः क्षत्रियाः केन कर्मणा

tadahaṁ śrotumicchāmi kāraṇaṁ karuṇānidhe | haihayāste kathaṁ jātāḥ kṣatriyāḥ kena karmaṇā

That I wish to hear, O treasury of compassion — through what deed and in what manner did those Haihaya kshatriyas come to be?

Verse 49 (devibhagavatam.6.17.49)

व्यास उवाच । हैहयानां समुत्पत्तिं शृणु भूप सविस्तराम् । पुरातनीं सुपुण्यां च कथां पापप्रणाशिनीम्

vyāsa uvāca | haihayānāṁ samutpattiṁ śṛṇu bhūpa savistarām | purātanīṁ supuṇyāṁ ca kathāṁ pāpapraṇāśinīm

Vyasa said: Listen, O king, in full detail, to this ancient, most sacred, sin-destroying story of the origin of the Haihayas.

Verse 50 (devibhagavatam.6.17.50)

कस्मिंश्चित्समये भूप सूर्यपुत्रः सुशोभनः । रेवन्तेति च विख्यातो रूपवानमितप्रभः

kasmiṁścitsamaye bhūpa sūryaputraḥ suśobhanaḥ | revanteti ca vikhyāto rūpavānamitaprabhaḥ

On a certain occasion, O king, the resplendent son of the Sun, renowned by the name Revanta, handsome and of boundless splendor —

Verse 51 (devibhagavatam.6.17.51)

उच्चैःश्रवसमारुह्य हयरत्नं मनोहरम् । जगाम विष्णुसदनं वैकुण्ठं भास्करात्मजः

uccaiḥśravasamāruhya hayaratnaṁ manoharam | jagāma viṣṇusadanaṁ vaikuṇṭhaṁ bhāskarātmajaḥ

mounting the jewel among horses, the enchanting Ucchaihshravas, that son of the Sun went to Vaikuntha, the abode of Vishnu.

Verse 52 (devibhagavatam.6.17.52)

भगवद्दर्शनाकाङ्क्षी हयारूढो यदागतः । हयस्थस्तु तदा दृष्टो लक्ष्म्यासौ रविनन्दनः

bhagavaddarśanākāṅkṣī hayārūḍho yadāgataḥ | hayasthastu tadā dṛṣṭo lakṣmyāsau ravinandanaḥ

When he came, mounted on his horse, longing for the Lord's darshan, Lakshmi caught sight of that son of the Sun, seated upon his steed.

Verse 53 (devibhagavatam.6.17.53)

रमा वीक्ष्य हयं दिव्यं भ्रातरं सागरोद्भवम् । रूपेण विस्मिता तस्य तस्थौ स्तम्भितलोचना

ramā vīkṣya hayaṁ divyaṁ bhrātaraṁ sāgarodbhavam | rūpeṇa vismitā tasya tasthau stambhitalocanā

Beholding that divine horse — her own brother born of the ocean — Rama (Lakshmi) was astonished at his beauty and stood transfixed, her eyes unmoving.

Verse 54 (devibhagavatam.6.17.54)

भगवानपि तं दृष्ट्वा हयारूढं मनोहरम् । आगच्छन्तं रमां विष्णुः पप्रच्छ प्रणयात्प्रभुः

bhagavānapi taṁ dṛṣṭvā hayārūḍhaṁ manoharam | āgacchantaṁ ramāṁ viṣṇuḥ papraccha praṇayātprabhuḥ

The Lord too, seeing that enchanting rider approach, the Lord Vishnu asked Rama out of affection —

Verse 55 (devibhagavatam.6.17.55)

कोऽयमायाति चार्वङ्गि हयारूढ इवापरः । स्मरतेजस्तनुः कान्ते मोहयन्भुवनत्रयम्

ko'yamāyāti cārvaṅgi hayārūḍha ivāparaḥ | smaratejastanuḥ kānte mohayanbhuvanatrayam

'Who is this approaching, O lovely-limbed one, mounted upon a horse like a second Kama, O beloved, bewitching the three worlds?'

Verse 56 (devibhagavatam.6.17.56)

प्रेक्षमाणा तदा लक्ष्मीस्तच्चित्ता दैवयोगतः । नोवाच वचनं किञ्चित्पृष्टापि च पुनः पुनः

prekṣamāṇā tadā lakṣmīstaccittā daivayogataḥ | novāca vacanaṁ kiñcitpṛṣṭāpi ca punaḥ punaḥ

Lakshmi, her mind fixed on him by the working of fate, kept gazing at him and, even when asked again and again, said not a word.

Verse 57 (devibhagavatam.6.17.57)

व्यास उवाच । अश्वासक्तमतिं वीक्ष्य कामिनीमतिमोहिताम् । पश्यन्तीं परमप्रेम्णा चञ्चलाक्षीं च चञ्चलाम्

vyāsa uvāca | aśvāsaktamatiṁ vīkṣya kāminīmatimohitām | paśyantīṁ paramapremṇā cañcalākṣīṁ ca cañcalām

Vyasa said: Seeing her mind fixed on the horse, that woman utterly infatuated, gazing with supreme love, restless of eye and restless herself —

Verse 58 (devibhagavatam.6.17.58)

तामाह भगवान्कुद्धः किं पश्यसि सुलोचने । मोहिता च हरिं दृष्ट्वा पृष्टा नैवाभिभाषसे

tāmāha bhagavānkuddhaḥ kiṁ paśyasi sulocane | mohitā ca hariṁ dṛṣṭvā pṛṣṭā naivābhibhāṣase

the Lord, angered, said to her: 'What are you gazing at, O fair-eyed one? Bewitched even while looking at Hari, and though questioned, why do you not answer?'

Verse 59 (devibhagavatam.6.17.59)

सर्वत्र रमसे यस्माद्रमा तस्माद्भविष्यसि । चञ्चलत्वाच्चलेत्येवं सर्वथैव न संशयः

sarvatra ramase yasmādramā tasmādbhaviṣyasi | cañcalatvāccaletyevaṁ sarvathaiva na saṁśayaḥ

'Since you delight everywhere, you shall be called "Rama"; and, being fickle, you shall become "Chala" — this is certain in every way, beyond doubt.'

Verse 60 (devibhagavatam.6.17.60)

प्राकृता च यथा नारी नूनं भवति चञ्चला । तथा त्वमपि कल्याणि स्थिरा नैव कदाचन

prākṛtā ca yathā nārī nūnaṁ bhavati cañcalā | tathā tvamapi kalyāṇi sthirā naiva kadācana

'Just as an ordinary woman is ever fickle, so you too, O auspicious one, shall never again be steady.'

Verse 61 (devibhagavatam.6.17.61)

त्वं हयं मत्समीपस्था समीक्ष्य यदि मोहिता । वडवा भव वामोरु मर्त्यलोकेऽतिदारुणे

tvaṁ hayaṁ matsamīpasthā samīkṣya yadi mohitā | vaḍavā bhava vāmoru martyaloke'tidāruṇe

'Standing right beside me, you became infatuated at the sight of a horse — therefore, O fair-thighed one, become a mare in the most terrible mortal world!'

Verse 62 (devibhagavatam.6.17.62)

इति शप्ता रमा देवी हरिणा दैवयोगतः । रुरोद वेपमाना सा भयभीतातिदुःखिता

iti śaptā ramā devī hariṇā daivayogataḥ | ruroda vepamānā sā bhayabhītātiduḥkhitā

Thus cursed by Hari, through the working of fate, the goddess Rama, terrified and overcome with grief, wept and trembled.

Verse 63 (devibhagavatam.6.17.63)

तमुवाच रमानाथ शङ्किता चारुहासिनी । प्रणम्य शिरसा देवं स्वपतिं विनयान्विता

tamuvāca ramānātha śaṅkitā cāruhāsinī | praṇamya śirasā devaṁ svapatiṁ vinayānvitā

Rama, of sweet smile, apprehensive, bowing her head, humbly saluted her lord and spoke to him —

Verse 64 (devibhagavatam.6.17.64)

देवदेव जगन्नाथ करुणाकर केशव । स्वल्पेऽपराधे गोविन्द कस्माच्छापं ददासि मे

devadeva jagannātha karuṇākara keśava | svalpe'parādhe govinda kasmācchāpaṁ dadāsi me

'O god of gods, lord of the universe, fountain of compassion, Keshava, O Govinda, why do you curse me for so small an offense?'

Verse 65 (devibhagavatam.6.17.65)

न कदाचिन्मया दृष्टः क्रोधस्ते हीदृशः प्रभो । क्व गतस्ते मयि स्नेहः सहजो न तु नश्वरः

na kadācinmayā dṛṣṭaḥ krodhaste hīdṛśaḥ prabho | kva gataste mayi snehaḥ sahajo na tu naśvaraḥ

'Never before have I seen such anger in you, O lord! Where has your innate love for me gone — the love that was never meant to perish?'

Verse 66 (devibhagavatam.6.17.66)

वज्रपातस्तु शत्रौ वै कर्तव्यो न सुहृज्जने । सदाहं वरयोग्या ते शापयोग्या कथं कृता

vajrapātastu śatrau vai kartavyo na suhṛjjane | sadāhaṁ varayogyā te śāpayogyā kathaṁ kṛtā

'A thunderbolt should fall upon an enemy, not upon a beloved one. I have ever been worthy of your favor — how then have I become worthy of a curse?'

Verse 67 (devibhagavatam.6.17.67)

प्राणांस्त्यक्ष्यामि गोविन्द पश्यतोऽद्य तवाग्रतः । कथं जीवे त्वया हीना विरहानलतापिता

prāṇāṁstyakṣyāmi govinda paśyato'dya tavāgrataḥ | kathaṁ jīve tvayā hīnā virahānalatāpitā

'O Govinda, this very day, before your own eyes, I shall give up my life. Bereft of you, tormented by the fire of separation, how could I live?'

Verse 68 (devibhagavatam.6.17.68)

प्रसादं कुरु देवेश शापादस्मात्सुदारुणात् । कदा मुक्ता समीपं ते प्राप्नोमि सुखदं विभौ

prasādaṁ kuru deveśa śāpādasmātsudāruṇāt | kadā muktā samīpaṁ te prāpnomi sukhadaṁ vibhau

'O lord of gods, show me grace from this most terrible curse. When, freed from it, shall I attain your happiness-giving presence again, O all-pervading one?'

Verse 69 (devibhagavatam.6.17.69)

हरिरुवाच । यदा ते भविता पुत्रः पृथिव्यां मत्समः प्रिये । तदा मां प्राप्य तन्वङ्गि सुखिता त्वं भविष्यसि

hariruvāca | yadā te bhavitā putraḥ pṛthivyāṁ matsamaḥ priye | tadā māṁ prāpya tanvaṅgi sukhitā tvaṁ bhaviṣyasi

Hari said: 'O beloved, when a son equal to myself is born to you on earth, then, O slender-limbed one, having attained me again, you shall be happy.'