The Tale of Ekavira

Verse 1 (devibhagavatam.6.20.1)

जनमेजय उवाच । संशयोऽयं महानत्र जातमात्रः शिशुस्तथा । मुक्तः केन गृहीतोऽसावेकाकी विजने वने

janamejaya uvāca | saṁśayo'yaṁ mahānatra jātamātraḥ śiśustathā | muktaḥ kena gṛhīto'sāvekākī vijane vane

Janamejaya said: I have a great doubt here — the infant, just born and left alone in a lonely forest, who took him up?

Verse 2 (devibhagavatam.6.20.2)

का गतिस्तस्य बालस्य जाता सत्यवतीसुत । व्याघ्रसिंहादिभिर्हिंस्रैर्गृहीतो नातिबालकः

kā gatistasya bālasya jātā satyavatīsuta | vyāghrasiṁhādibhirhiṁsrairgṛhīto nātibālakaḥ

O son of Satyavati, what became of that child? Was so young an infant seized by tigers, lions, or other beasts of prey?

Verse 3 (devibhagavatam.6.20.3)

व्यास उवाच । लक्ष्मीनारायणौ तस्मात्स्थानाच्च चलितौ यदा । तदैव तत्र चम्पाख्यः प्राप्तो विद्याधरः किल

vyāsa uvāca | lakṣmīnārāyaṇau tasmātsthānācca calitau yadā | tadaiva tatra campākhyaḥ prāpto vidyādharaḥ kila

Vyasa said: When Lakshmi and Narayana had just departed from that place, at that very moment a Vidyadhara named Champaka happened to arrive there.

Verse 4 (devibhagavatam.6.20.4)

विमानवरमारूढः कामिन्या सहितो नृप । मदनालसया कामं क्रीडमानो यदृच्छया

vimānavaramārūḍhaḥ kāminyā sahito nṛpa | madanālasayā kāmaṁ krīḍamāno yadṛcchayā

O king, mounted on an excellent celestial chariot, together with his beloved Madanalasa, wandering there freely, he had come.

Verse 5 (devibhagavatam.6.20.5)

विलोक्य तं शिशुं भूमावेकाकिनमनुत्तमम् । देवपुत्रप्रतीकाशं रममाणं यथासुखम्

vilokya taṁ śiśuṁ bhūmāvekākinamanuttamam | devaputrapratīkāśaṁ ramamāṇaṁ yathāsukham

Seeing that infant lying alone on the ground, matchless, resembling a son of the gods, playing happily —

Verse 6 (devibhagavatam.6.20.6)

विमानात्तरसोत्तीर्य चम्पकस्तं शिशु जवात् । जग्राह च मुदं प्राप निधिं प्राप्य यथाधनः

vimānāttarasottīrya campakastaṁ śiśu javāt | jagrāha ca mudaṁ prāpa nidhiṁ prāpya yathādhanaḥ

Champaka, quickly descending from his chariot, swiftly took up that infant, and rejoiced as a poor man rejoices on finding a treasure.

Verse 7 (devibhagavatam.6.20.7)

गृहीत्वा चम्पकः प्रादाद्देव्यै तं मदनोपमम् । मदनालसायै तं बालं जातमात्रं मनोहरम्

gṛhītvā campakaḥ prādāddevyai taṁ madanopamam | madanālasāyai taṁ bālaṁ jātamātraṁ manoharam

Taking up that enchanting, newly-born child, resembling Kama himself, Champaka gave him to his beloved Madanalasa.

Verse 8 (devibhagavatam.6.20.8)

सा गृहीत्वा शिशुं प्रेम्णा सरोमाञ्चा सविस्मया । मुखं चुचुम्ब बालस्य कृत्वा तु हृदये भृशम्

sā gṛhītvā śiśuṁ premṇā saromāñcā savismayā | mukhaṁ cucumba bālasya kṛtvā tu hṛdaye bhṛśam

She, taking the infant with love, her hair standing on end in astonishment, pressed him to her heart and kissed his face again and again.

Verse 9 (devibhagavatam.6.20.9)

आलिङ्गितश्चुम्बितश्च तयासौ प्रीतिपूर्वकम् । उत्सङ्गे च कृतस्तन्व्या पुत्रभावेन भारत

āliṅgitaścumbitaśca tayāsau prītipūrvakam | utsaṅge ca kṛtastanvyā putrabhāvena bhārata

O Bharata, embraced and kissed lovingly by that slender woman, he was placed on her lap with the feeling of a mother for her son.

Verse 10 (devibhagavatam.6.20.10)

कृत्वाङ्के तौ समारूढौ विमानं दम्पती मुदा । पतिं पप्रच्छ चार्वङ्गी प्रहस्य मदनालसा

kṛtvāṅke tau samārūḍhau vimānaṁ dampatī mudā | patiṁ papraccha cārvaṅgī prahasya madanālasā

Having taken him on her lap, the couple joyfully boarded their chariot; and, smiling, lovely-limbed Madanalasa asked her husband —

Verse 11 (devibhagavatam.6.20.11)

कस्यायं बालकः कान्त त्यक्तः केन च कानने । पुत्रोऽयं मम देवेन दत्तस्त्र्यम्बकपाणिना

kasyāyaṁ bālakaḥ kānta tyaktaḥ kena ca kānane | putro'yaṁ mama devena dattastryambakapāṇinā

'My beloved, whose child is this, and by whom was he abandoned in the forest? Let this child, given by the three-eyed god, be my own son.'

Verse 12 (devibhagavatam.6.20.12)

चम्पक उवाच । प्रिये गत्वाद्य पृच्छेयं शक्रं सर्वज्ञमाशु वै । देवो वा दानवो वापि गन्धर्वो वा शिशुः किल

campaka uvāca | priye gatvādya pṛccheyaṁ śakraṁ sarvajñamāśu vai | devo vā dānavo vāpi gandharvo vā śiśuḥ kila

Champaka said: 'My beloved, let us go at once and ask the all-knowing Shakra, whether this infant belongs to a god, a demon, or a gandharva.'

Verse 13 (devibhagavatam.6.20.13)

तेनाज्ञप्तः करिष्यामि पुत्रं प्राप्तं वनादमुम् । अपृष्ट्वा नैव कर्तव्यं कार्यं किञ्चिन्मया ध्रुवम्

tenājñaptaḥ kariṣyāmi putraṁ prāptaṁ vanādamum | apṛṣṭvā naiva kartavyaṁ kāryaṁ kiñcinmayā dhruvam

'Only at his command shall I make this child, found in the forest, my son; without first asking, I must certainly do nothing here.'

Verse 14 (devibhagavatam.6.20.14)

इत्युक्त्वा तां गृहीत्वा तं विमानेनाथ चम्पकः । ययौ शक्रपुरं तूर्णं हर्षेणोत्फुल्ललोचनः

ityuktvā tāṁ gṛhītvā taṁ vimānenātha campakaḥ | yayau śakrapuraṁ tūrṇaṁ harṣeṇotphullalocanaḥ

Having said this, Champaka, taking her and the child, went swiftly by chariot to the city of Shakra, his eyes bright with joy.

Verse 15 (devibhagavatam.6.20.15)

प्रणम्य पादयोः प्रीत्या चम्पकस्तु शचीपतिम् । निवेद्य बालकं प्राह कृताञ्जलिपुटः स्थितः

praṇamya pādayoḥ prītyā campakastu śacīpatim | nivedya bālakaṁ prāha kṛtāñjalipuṭaḥ sthitaḥ

Champaka, having lovingly bowed at the feet of Shachi's husband, presented the child to him and, standing with joined palms, said —

Verse 16 (devibhagavatam.6.20.16)

देवदेव मया लब्धस्तीर्थे परमपावने । कालिन्दीतमसासङ्गे बालकोऽयं स्मरप्रभः

devadeva mayā labdhastīrthe paramapāvane | kālindītamasāsaṅge bālako'yaṁ smaraprabhaḥ

'O god of gods, this child, radiant as Kama, was found by me at a most sacred tirtha, at the confluence of the Kalindi and the Tamasa.'

Verse 17 (devibhagavatam.6.20.17)

कस्यायं बालकः कान्तः कथं त्यक्तः शचीपते । आज्ञा चेत्तव देवेश कुर्वेऽहं बालकं सुतम्

kasyāyaṁ bālakaḥ kāntaḥ kathaṁ tyaktaḥ śacīpate | ājñā cettava deveśa kurve'haṁ bālakaṁ sutam

'O husband of Shachi, whose lovely child is this, and why was he abandoned? O lord of gods, if it is your command, I shall make him my own son.'

Verse 18 (devibhagavatam.6.20.18)

अतीव सुन्दरो बालः प्रियाया वल्लभः सुतः । कृत्रिमस्तु सुतः प्रोक्तो धर्मशास्त्रेषु सर्वथा

atīva sundaro bālaḥ priyāyā vallabhaḥ sutaḥ | kṛtrimastu sutaḥ prokto dharmaśāstreṣu sarvathā

'The child is exceedingly beautiful, and dear to my beloved as her own son; in the scriptures of dharma such a son is always called a "made" (adopted) son.'

Verse 19 (devibhagavatam.6.20.19)

इन्द्र उवाच । पुत्रोऽयं वासुदेवस्य वाजिरूपधरस्य ह । हैहयोऽयं महाभाग लक्ष्म्यां जातः परन्तपः

indra uvāca | putro'yaṁ vāsudevasya vājirūpadharasya ha | haihayo'yaṁ mahābhāga lakṣmyāṁ jātaḥ parantapaḥ

Indra said: 'O greatly fortunate one, this is the son of Vasudeva, who bore the form of a horse; this scorcher of foes, forefather of the Haihayas, was born of Lakshmi.'

Verse 20 (devibhagavatam.6.20.20)

उत्पादितो भगवता कार्यार्थं किल बालकः । दातुं नृपतये नूनं ययातितनयाय च

utpādito bhagavatā kāryārthaṁ kila bālakaḥ | dātuṁ nṛpataye nūnaṁ yayātitanayāya ca

'This child was begotten by the Lord for a particular purpose — surely to be given to a king, a son of Yayati.'

Verse 21 (devibhagavatam.6.20.21)

हरिणा प्रेरितः सोऽद्य राजा परमधार्मिकः । आगमिष्यति पुत्रार्थं तीर्थे तस्मिन्मनोरमे

hariṇā preritaḥ so'dya rājā paramadhārmikaḥ | āgamiṣyati putrārthaṁ tīrthe tasminmanorame

'Sent by Hari, that most righteous king will come this very day, in search of a son, to that lovely tirtha.'

Verse 22 (devibhagavatam.6.20.22)

तावत्त्वं गच्छ तत्रैव गृहीत्वा बालकं शुभम् । यावन्न याति नृपतिर्ग्रहीतुं हरिणेरितः

tāvattvaṁ gaccha tatraiva gṛhītvā bālakaṁ śubham | yāvanna yāti nṛpatirgrahītuṁ hariṇeritaḥ

'Meanwhile go there yourself, taking this auspicious child, before that king, sent by Hari, arrives to receive him.'

Verse 23 (devibhagavatam.6.20.23)

गत्वा तत्र विमुञ्चैनं विलम्बं मा कृथा वर । अदृष्ट्वा बालकं राजा दुःखितश्च भविष्यति

gatvā tatra vimuñcainaṁ vilambaṁ mā kṛthā vara | adṛṣṭvā bālakaṁ rājā duḥkhitaśca bhaviṣyati

'Having gone there, leave him behind, O excellent one; make no delay. If the king does not find the child, he will be sorrowful.'

Verse 24 (devibhagavatam.6.20.24)

तस्माच्चम्पक मुञ्चैनं राजा प्राप्नोतु पुत्रकम् । एकवीरेति नाम्नायं ख्यातः स्यात् पृथिवीतले

tasmāccampaka muñcainaṁ rājā prāpnotu putrakam | ekavīreti nāmnāyaṁ khyātaḥ syāt pṛthivītale

'Therefore, Champaka, leave him there so the king may obtain his son; let him become known on earth by the name Ekavira.'

Verse 25 (devibhagavatam.6.20.25)

व्यास उवाच । इति तस्य वचः श्रुत्वा चम्पकस्त्वरयान्वितः । जगाम पुत्रमादाय स्थले तस्मिन्महीपते

vyāsa uvāca | iti tasya vacaḥ śrutvā campakastvarayānvitaḥ | jagāma putramādāya sthale tasminmahīpate

Vyasa said: Hearing his words, O king, Champaka, filled with haste, went, taking the child, to that very place.

Verse 26 (devibhagavatam.6.20.26)

मुमोच बालकं तत्र यत्र पूर्वं स्थितो ह्यभूत् । आरुह्य स्वविमानं तु ययौ स्वाश्रममण्डलम्

mumoca bālakaṁ tatra yatra pūrvaṁ sthito hyabhūt | āruhya svavimānaṁ tu yayau svāśramamaṇḍalam

He set the child down right where he had been before, and, boarding his own chariot, returned to his own hermitage.

Verse 27 (devibhagavatam.6.20.27)

तदैव कमलाकान्तो लक्ष्म्या सह जगद्गुरुः । विमानवरमारूढो जगाम नृपतिं प्रति

tadaiva kamalākānto lakṣmyā saha jagadguruḥ | vimānavaramārūḍho jagāma nṛpatiṁ prati

At that very moment, the beloved of Kamala, teacher of the universe, together with Lakshmi, mounted on an excellent chariot, went toward the king.

Verse 28 (devibhagavatam.6.20.28)

दृष्टस्तदा तेन नृपेण विष्णुः समुत्तरंस्तत्र विमानमुख्यात् । जहर्ष राजा हरिदर्शनेन पपात भूमौ खलु दण्डवच्च

dṛṣṭastadā tena nṛpeṇa viṣṇuḥ samuttaraṁstatra vimānamukhyāt | jaharṣa rājā haridarśanena papāta bhūmau khalu daṇḍavacca

Then that king saw Vishnu descending from his excellent chariot; the king rejoiced at the sight of Hari and fell prostrate on the ground like a staff.

Verse 29 (devibhagavatam.6.20.29)

उत्तिष्ठ वत्सेति हरिः पतन्तमाश्वासयद्भूमिगतं स्वभक्तम् । सोऽप्युत्सुको वासुदेवं पुरःस्थं तुष्टाव भक्त्या मुखरीकृतोऽथ

uttiṣṭha vatseti hariḥ patantamāśvāsayadbhūmigataṁ svabhaktam | so'pyutsuko vāsudevaṁ puraḥsthaṁ tuṣṭāva bhaktyā mukharīkṛto'tha

'Rise, my child,' said Hari, comforting his own devotee fallen on the ground; and he, too, eager, his voice unlocked by devotion, began to praise Vasudeva standing before him.

Verse 30 (devibhagavatam.6.20.30)

देवाधिदेवाखिललोकनाथ कृपानिधे लोकगुरो रमेश । मन्दस्य मे ते किल दर्शनं यत्सुदुर्लभं योगिजनैरलभ्यम्

devādhidevākhilalokanātha kṛpānidhe lokaguro rameśa | mandasya me te kila darśanaṁ yatsudurlabhaṁ yogijanairalabhyam

'O god of gods, lord of all worlds, ocean of compassion, teacher of the world, lord of Rama! That I, so dull-witted, should receive this vision of you, so hard to attain, unattainable even by yogis —'

Verse 31 (devibhagavatam.6.20.31)

ये निःस्पृहास्ते विषयैरपेतास्तेषां त्वदीयं खलु दर्शनं स्यात् । आशापरोऽहं भगवन्ननन्त योग्यो न ते दर्शने देवदेव

ye niḥspṛhāste viṣayairapetāsteṣāṁ tvadīyaṁ khalu darśanaṁ syāt | āśāparo'haṁ bhagavannananta yogyo na te darśane devadeva

'Only those free of longing, detached from worldly objects, indeed attain your vision. O Lord, O infinite one, I am full of desire; O god of gods, I am unworthy of your sight.'

Verse 32 (devibhagavatam.6.20.32)

इति स्तुतस्तेन नृपेण विष्णुस्तमाह वाक्येन सुधामयेन । वृणीष्व राजन् मनसेप्सितं ते ददामि तुष्टस्तपसा तवेति

iti stutastena nṛpeṇa viṣṇustamāha vākyena sudhāmayena | vṛṇīṣva rājan manasepsitaṁ te dadāmi tuṣṭastapasā taveti

Thus praised by the king, Vishnu spoke to him in nectar-sweet words: 'Choose, O king, whatever your heart desires; pleased by your austerity, I grant it.'

Verse 33 (devibhagavatam.6.20.33)

ततो नृपस्तं प्रणिपत्य पादयोः प्रोवाच विष्णुं पुरतः स्थितं च । तपस्तु तप्तं हि मया सुतार्थे पुत्रं ददस्वात्मसमं मुरारे

tato nṛpastaṁ praṇipatya pādayoḥ provāca viṣṇuṁ purataḥ sthitaṁ ca | tapastu taptaṁ hi mayā sutārthe putraṁ dadasvātmasamaṁ murāre

Then the king, bowing at his feet, said to Vishnu standing before him: 'O foe of Mura, I performed this austerity desiring a son; grant me a son equal to yourself.'

Verse 34 (devibhagavatam.6.20.34)

श्रुत्वा नृपप्रार्थितमादिदेवस्तमाह राजानममोघवाक्यम् । ययातिसूनो व्रज तत्र तीर्थे कलिन्दकन्यातमसाप्रसङ्गे

śrutvā nṛpaprārthitamādidevastamāha rājānamamoghavākyam | yayātisūno vraja tatra tīrthe kalindakanyātamasāprasaṅge

Hearing the king's request, the Primal God spoke to him this unfailing word: 'O son of Yayati, go to that confluence-tirtha of the Kalindi and the Tamasa —'

Verse 35 (devibhagavatam.6.20.35)

मयाद्य पुत्रस्तु यथेप्सितस्ते तत्रैव मुक्तोऽस्त्यमितप्रभावः । लक्ष्म्याः प्रसूतो मम वीर्यजश्च कृतस्तवार्थेऽथ गृहाण राजन्

mayādya putrastu yathepsitaste tatraiva mukto'styamitaprabhāvaḥ | lakṣmyāḥ prasūto mama vīryajaśca kṛtastavārthe'tha gṛhāṇa rājan

'a son as you desired, of boundless power, has been left there by me this very day — born of Lakshmi, arisen from my own vital essence, made for your sake alone. O king, take him.'

Verse 36 (devibhagavatam.6.20.36)

श्रुत्वा हरेर्वाक्यमतीव मृष्टं सन्तुष्टचित्तः प्रबभूव राजा । हरिस्तु दत्त्वेति वरं जगाम वैकुण्ठलोकं रमया युतश्च

śrutvā harervākyamatīva mṛṣṭaṁ santuṣṭacittaḥ prababhūva rājā | haristu dattveti varaṁ jagāma vaikuṇṭhalokaṁ ramayā yutaśca

Hearing this most gracious word of Hari, the king's heart became greatly content; and Hari, having granted this boon, departed for Vaikuntha together with Rama.

Verse 37 (devibhagavatam.6.20.37)

गते हरौ सोऽथ ययातिसूनुर्ययावनुद्धातरथेन राजा । प्रेमान्वितस्तत्र सुतोऽस्ति यत्र वचो निशम्येति जनार्दनस्य

gate harau so'tha yayātisūnuryayāvanuddhātarathena rājā | premānvitastatra suto'sti yatra vaco niśamyeti janārdanasya

When Hari had departed, that son of Yayati, having heard Janardana's words, filled with love, went at once by unhindered chariot to the place where the son was.

Verse 38 (devibhagavatam.6.20.38)

स तत्र गत्वातिमनोहरं तं ददर्श बालं भुवि खेलमानम् । मुखे निवेश्यैककरेण कृत्वा श्लक्ष्णं पदाङ्गुष्ठमनन्यसत्त्वः

sa tatra gatvātimanoharaṁ taṁ dadarśa bālaṁ bhuvi khelamānam | mukhe niveśyaikakareṇa kṛtvā ślakṣṇaṁ padāṅguṣṭhamananyasattvaḥ

Having gone there, he saw that exceedingly enchanting child playing on the ground, one hand placing the soft toe of his own foot in his mouth, wholly absorbed.

Verse 39 (devibhagavatam.6.20.39)

तं वीक्ष्य पुत्रं मदनस्वरूपं नारायणांशं कमलाप्रसूतम् । हरिप्रभावं हरिवर्मनामा हर्षप्रफुल्लाननपङ्कजोऽभूत्

taṁ vīkṣya putraṁ madanasvarūpaṁ nārāyaṇāṁśaṁ kamalāprasūtam | hariprabhāvaṁ harivarmanāmā harṣapraphullānanapaṅkajo'bhūt

Seeing that son, of the very form of Kama, a portion of Narayana, born of Kamala, bearing Hari's own splendor — Harivarma's lotus face blossomed with joy.

Verse 40 (devibhagavatam.6.20.40)

गृह्णन् सुवेगात् करपङ्कजाभ्यां बभूव प्रेमार्णवमग्नदेहः । मूर्धन्युपाघ्राय मुदान्वितोऽसौ ननन्द राजा सुतमालिलिङ्ग

gṛhṇan suvegāt karapaṅkajābhyāṁ babhūva premārṇavamagnadehaḥ | mūrdhanyupāghrāya mudānvito'sau nananda rājā sutamāliliṅga

Swiftly taking him up with his two lotus hands, he sank into an ocean of love; smelling the top of his head, filled with joy, the king embraced his son and rejoiced.

Verse 41 (devibhagavatam.6.20.41)

मुखं समीक्ष्यातिमनोहरं तमुवाच नेत्राम्बुनिरुद्धकण्ठः । दत्तोऽसि देवेन जनार्दनेन मात्रा हि पुत्रावमदुःखभीतेः

mukhaṁ samīkṣyātimanoharaṁ tamuvāca netrāmbuniruddhakaṇṭhaḥ | datto'si devena janārdanena mātrā hi putrāvamaduḥkhabhīteḥ

Gazing at his exceedingly charming face, his throat choked with tears, he said to him: 'You were given by the god Janardana, and by your mother too, out of fear of the sorrow of being without a son.'

Verse 42 (devibhagavatam.6.20.42)

तप्तं मया पुत्र तपस्तवार्थे सुदुष्करं वर्षशतं च पूर्णम् । तेनैव तुष्टेन रमाप्रियेण दत्तोऽसि संसारसुखोदयाय

taptaṁ mayā putra tapastavārthe suduṣkaraṁ varṣaśataṁ ca pūrṇam | tenaiva tuṣṭena ramāpriyeṇa datto'si saṁsārasukhodayāya

'My son, for your sake I performed the most difficult austerity, for a full hundred years; and by that same Vishnu, pleased and beloved of Rama, you have been given, for the arising of worldly happiness.'

Verse 43 (devibhagavatam.6.20.43)

माता रमा त्वां तनुजं मदर्थे त्यक्त्वा गता सा हरिणा समेता । धन्या तु सा या प्रहसन्तमङ्के कृत्वा सुतं त्वां मुदितानना स्यात्

mātā ramā tvāṁ tanujaṁ madarthe tyaktvā gatā sā hariṇā sametā | dhanyā tu sā yā prahasantamaṅke kṛtvā sutaṁ tvāṁ muditānanā syāt

'Your mother Rama, leaving you, her own son, for my sake, has gone off again with Hari. Blessed indeed is she, whose face will beam with joy, holding you laughing as her son on her lap.'

Verse 44 (devibhagavatam.6.20.44)

त्वमेव संसारसमुद्रनौकारूपः कृतः पुत्र लक्ष्मीधरेण । इत्येवमुक्त्वा नृपतिः सुतं तं मुदा समादाय ययौ गृहाय

tvameva saṁsārasamudranaukārūpaḥ kṛtaḥ putra lakṣmīdhareṇa | ityevamuktvā nṛpatiḥ sutaṁ taṁ mudā samādāya yayau gṛhāya

'My son, you yourself have been made, by the bearer of Lakshmi, into a very boat to cross the ocean of worldly existence.' Having spoken thus, the king, joyfully taking up his son, set off for home.

Verse 45 (devibhagavatam.6.20.45)

पुरीसमीपे नृपमागतं तमाकर्ण्य सर्वे सचिवास्तु राज्ञः । ययुः समीपं नृपतेश्च लोकाः सोपायनास्ते सपुरोहिताश्च

purīsamīpe nṛpamāgataṁ tamākarṇya sarve sacivāstu rājñaḥ | yayuḥ samīpaṁ nṛpateśca lokāḥ sopāyanāste sapurohitāśca

Hearing that the king had arrived near the capital, all his ministers, and the people together with the priests, went to meet him, bearing gifts.

Verse 46 (devibhagavatam.6.20.46)

बन्दीजना गायनकाश्च सूताः समाययुः सम्मुखमाशु राज्ञः । नृपः पुरं प्राप्य पुरः समागतं जनं समाश्वास्य वाक्यैश्च दृष्ट्या

bandījanā gāyanakāśca sūtāḥ samāyayuḥ sammukhamāśu rājñaḥ | nṛpaḥ puraṁ prāpya puraḥ samāgataṁ janaṁ samāśvāsya vākyaiśca dṛṣṭyā

Bards, singers, and panegyrists too came swiftly before the king; and the king, having reached the city, comforted the assembled people with words and with his glance.

Verse 47 (devibhagavatam.6.20.47)

सम्पूजितः पौरजनेन राजा विवेश पुत्रेण युतो नगर्याम् । मार्गेषु लाजैः कुसुमैः समन्ताद्विकीर्यमाणो नृपतिर्जगाम

sampūjitaḥ paurajanena rājā viveśa putreṇa yuto nagaryām | mārgeṣu lājaiḥ kusumaiḥ samantādvikīryamāṇo nṛpatirjagāma

Honored by the citizens, the king entered the city together with his son; showered on every side along the roads with parched grain and flowers, the king went on.

Verse 48 (devibhagavatam.6.20.48)

गृहं समृद्धं सचिवैः समेतः सुतं समादाय मुदा कराभ्याम् । राज्ये ददौ चाथ सुतं मनोज्ञं सद्यःप्रसूतं च मनोभवाभम्

gṛhaṁ samṛddhaṁ sacivaiḥ sametaḥ sutaṁ samādāya mudā karābhyām | rājye dadau cātha sutaṁ manojñaṁ sadyaḥprasūtaṁ ca manobhavābham

Together with his ministers, joyfully holding his son in both hands, he reached his prosperous palace; and he presented his charming, newly-born, Kama-like son to the kingdom.

Verse 49 (devibhagavatam.6.20.49)

राज्ञी गृहीत्वाभिनवं तनूजं पप्रच्छ राजानमनिन्दिता सा । राजन् कुतश्चैव सुतः सुजन्मा प्राप्तस्त्वया मन्मथतुल्यरूपः

rājñī gṛhītvābhinavaṁ tanūjaṁ papraccha rājānamaninditā sā | rājan kutaścaiva sutaḥ sujanmā prāptastvayā manmathatulyarūpaḥ

The queen, taking that new son, that blameless woman, asked the king: 'O king, from where have you obtained this well-born son, of a form equal to Manmatha?'

Verse 50 (devibhagavatam.6.20.50)

केनैष दत्तः कथयाशु कान्त चेतो मदीयं प्रहृतं सुतेन । नृपस्तदोवाच मुदान्वितोऽसौ प्रिये रमेशेन सुतो हि मह्यम्

kenaiṣa dattaḥ kathayāśu kānta ceto madīyaṁ prahṛtaṁ sutena | nṛpastadovāca mudānvito'sau priye rameśena suto hi mahyam

'By whom was he given, my beloved? Tell me quickly; this son has captured my heart.' The king, filled with joy, said to her: 'O beloved, this son was given to me by the Lord of Rama.'

Verse 51 (devibhagavatam.6.20.51)

लोलाक्षि दत्तः कमलासमुत्थो जनार्दनांशोऽयमहीनसत्त्वः । सा तं गृहीत्वा मुदमाप राज्ञी राजा चकारोत्सवमद्भुतं च

lolākṣi dattaḥ kamalāsamuttho janārdanāṁśo'yamahīnasattvaḥ | sā taṁ gṛhītvā mudamāpa rājñī rājā cakārotsavamadbhutaṁ ca

'O restless-eyed one, this child of unfailing being, born of Kamala, a portion of Janardana, was given to me.' The queen, taking him, rejoiced, and the king held a wondrous festival.

Verse 52 (devibhagavatam.6.20.52)

ददौ च दानं किल याचकेभ्यो गीतानि वाद्यानि बहूनि नेदुः । कृत्वोत्सवं भूपतिरात्मजस्य नामैकवीरेति चकार विश्रुतम्

dadau ca dānaṁ kila yācakebhyo gītāni vādyāni bahūni neduḥ | kṛtvotsavaṁ bhūpatirātmajasya nāmaikavīreti cakāra viśrutam

He gave gifts to the petitioners as well; many songs and instruments resounded. Having celebrated for his son, the king gave him the name Ekavira, which became renowned.

Verse 53 (devibhagavatam.6.20.53)

सुखं च सम्प्राप्य मुदान्वितोऽसौ ननन्द देवाधिपतुल्यवीर्यः । पुत्रं हरे रूपगुणानुरूपं सम्प्राप्य वंशस्य ऋणाच्च मुक्तः

sukhaṁ ca samprāpya mudānvito'sau nananda devādhipatulyavīryaḥ | putraṁ hare rūpaguṇānurūpaṁ samprāpya vaṁśasya ṛṇācca muktaḥ

Attaining happiness and filled with joy, that king of valor equal to the lord of the gods rejoiced; having obtained a son of Hari's own form and virtues, he became free of the debt owed to his lineage.

Verse 54 (devibhagavatam.6.20.54)

इति सकलसुराणामीश्वरेणार्पितं तं सकलगुणगणाढ्यं पुत्रमासाद्य राजा । विविधसुखविनोदैर्भार्यया सेव्यमानो व्यहरत निजगेहे शक्रतुल्यप्रतापः

iti sakalasurāṇāmīśvareṇārpitaṁ taṁ sakalaguṇagaṇāḍhyaṁ putramāsādya rājā | vividhasukhavinodairbhāryayā sevyamāno vyaharata nijagehe śakratulyapratāpaḥ

Thus, having obtained that son — bestowed by the Lord of all the gods, rich with the whole array of virtues — the king, of splendor equal to Indra, attended by his queen, passed his time in his own home amid various pleasures and delights.