The Gods, with Indra and Brahma, Take Refuge in Vishnu

Verse 1 (devibhagavatam.6.4.1)

व्यास उवाच । निर्गतास्ते परावृत्तास्तपोविघ्नकराः सुराः । निराशाः कार्यसंसिद्।ह्ध्यै तं दृष्ट्वा दृढचेतसम्

vyāsa uvāca | nirgatāste parāvṛttāstapovighnakarāḥ surāḥ | nirāśāḥ kāryasaṁsid|hdhyai taṁ dṛṣṭvā dṛḍhacetasam

Vyasa said: The gods who had gone to disturb his austerity turned back, giving up all hope of success, seeing how firm and unwavering his mind remained.

Verse 2 (devibhagavatam.6.4.2)

जाते वर्षशते पूर्णे ब्रह्मा लोकपितामहः । तत्राजगाम तरसा हंसारूढश्चतुर्मुखः

jāte varṣaśate pūrṇe brahmā lokapitāmahaḥ | tatrājagāma tarasā haṁsārūḍhaścaturmukhaḥ

When a full hundred years had passed, Brahma, grandfather of all the worlds, four-faced, came swiftly to that place, mounted upon his swan.

Verse 3 (devibhagavatam.6.4.3)

आगत्य तमुवाचेदं त्वष्ट्टपुत्र सुखी भव । त्यक्त्वा ध्यानं वरं ब्रूहि ददामि तव वाञ्छितम्

āgatya tamuvācedaṁ tvaṣṭṭaputra sukhī bhava | tyaktvā dhyānaṁ varaṁ brūhi dadāmi tava vāñchitam

Arriving there, he spoke to him: 'O son of Tvashtri, be at peace. Set aside your meditation and ask for a boon — I shall grant whatever your heart desires.'

Verse 4 (devibhagavatam.6.4.4)

तपसा तेऽद्य तुष्टोऽस्मि त्वां दृष्ट्वा चातिकर्शितम् । वरं वरय भद्रं ते मनोऽभिलषितं तव

tapasā te'dya tuṣṭo'smi tvāṁ dṛṣṭvā cātikarśitam | varaṁ varaya bhadraṁ te mano'bhilaṣitaṁ tava

'I am pleased today with your austerity, seeing you grown so gaunt. Choose your boon — may good come to you — whatever your heart longs for.'

Verse 5 (devibhagavatam.6.4.5)

व्यास उवाच । वृत्रस्तदातिविशदां पुरतो निशम्य वाचं सुधासमरसां जगदेककर्तुः । सन्त्यज्य योगकलनां सहसोदतिष्ठ\- त्सञ्जातहर्षनयनाश्रुकलाकलापः

vyāsa uvāca | vṛtrastadātiviśadāṁ purato niśamya vācaṁ sudhāsamarasāṁ jagadekakartuḥ | santyajya yogakalanāṁ sahasodatiṣṭha\- tsañjātaharṣanayanāśrukalākalāpaḥ

Vyasa said: Vritra, hearing before him that exceedingly clear voice, sweet as nectar, of the sole creator of the world, at once abandoned his yogic absorption and rose up, his eyes brimming with tears of joy.

Verse 6 (devibhagavatam.6.4.6)

पादौ प्रणम्य शिरसा प्रणयाद्विधातु\- र्बद्धाञ्जलिः पुरत एव समाससाद । प्रोवाच तं सुवरदं तपसा प्रसन्नं प्रेम्णातिगद्गदगिरा विनयेन नम्रः

pādau praṇamya śirasā praṇayādvidhātu\- rbaddhāñjaliḥ purata eva samāsasāda | provāca taṁ suvaradaṁ tapasā prasannaṁ premṇātigadgadagirā vinayena namraḥ

Bowing his head affectionately at the creator's feet, with joined palms he came right before him, and, humbled and reverent, addressed that great giver of boons, pleased by his austerity, in a voice choked with love.

Verse 7 (devibhagavatam.6.4.7)

प्राप्तं मया सकलदेवपदं प्रभोऽद्य यद्दर्शनं तव सुदुर्लभमाशु जातम् । वाञ्छास्ति नाथ मनसि प्रवणे दुरापा तां प्रब्रवीमि कमलासन वेत्सि भावम्

prāptaṁ mayā sakaladevapadaṁ prabho'dya yaddarśanaṁ tava sudurlabhamāśu jātam | vāñchāsti nātha manasi pravaṇe durāpā tāṁ prabravīmi kamalāsana vetsi bhāvam

'O lord, I have today attained the very status of all the gods, since your darshan — so exceedingly rare — has swiftly come to me. There is a desire in my devoted heart, my lord, hard to attain; I shall speak it to you, O lotus-seated one — though you already know my inmost feeling.'

Verse 8 (devibhagavatam.6.4.8)

मृत्युश्च मा भवतु मे किल लोहकाष्ठ\- शुष्कार्द्रवंशनिचयैरपरैश्च शस्त्रैः । वृद्धि प्रयातु मम वीर्यमतीव युद्धे यस्माद्भवामि सबलैरमरैरजेयः

mṛtyuśca mā bhavatu me kila lohakāṣṭha\- śuṣkārdravaṁśanicayairaparaiśca śastraiḥ | vṛddhi prayātu mama vīryamatīva yuddhe yasmādbhavāmi sabalairamarairajeyaḥ

'Let death never come to me from iron, from wood, from heaps of dry or wet bamboo, or from any other weapon; let my valor grow ever greater in battle, so that I become unconquerable even by the immortals with all their armies.'

Verse 9 (devibhagavatam.6.4.9)

व्यास उवाच । इत्थं सम्प्रार्थितो ब्रह्मा तमाह प्रहसन्निव । उत्तिष्ठ गच्छ भद्रं ते वाञ्छितं सफलं सदा

vyāsa uvāca | itthaṁ samprārthito brahmā tamāha prahasanniva | uttiṣṭha gaccha bhadraṁ te vāñchitaṁ saphalaṁ sadā

Vyasa said: Thus entreated, Brahma, smiling as it were, said to him: 'Rise, go forth; may good come to you — your desire shall always be fulfilled.'

Verse 10 (devibhagavatam.6.4.10)

न शुष्केण न चार्द्रेण न पाषाणेन दारुणा । भविष्यति च ते मृत्युरिति सत्यं ब्रवीम्यहम्

na śuṣkeṇa na cārdreṇa na pāṣāṇena dāruṇā | bhaviṣyati ca te mṛtyuriti satyaṁ bravīmyaham

'Neither by anything dry, nor wet, nor by stone, nor by wood shall your death come — this I speak in truth.'

Verse 11 (devibhagavatam.6.4.11)

इति दत्त्वा वरं ब्रह्मा जगाम भुवनं परम् । वृत्रस्तु तं वरं लब्धा मुदितः स्वगृहं ययौ

iti dattvā varaṁ brahmā jagāma bhuvanaṁ param | vṛtrastu taṁ varaṁ labdhā muditaḥ svagṛhaṁ yayau

Having granted this boon, Brahma returned to his own supreme realm; and Vritra, having received that boon, went joyfully back to his home.

Verse 12 (devibhagavatam.6.4.12)

शशंस पितुरग्रे तद्वरदानं महामतिः । त्वष्टा तु मुदितः प्राप्तं पुत्रं प्राप्तवरं तदा

śaśaṁsa pituragre tadvaradānaṁ mahāmatiḥ | tvaṣṭā tu muditaḥ prāptaṁ putraṁ prāptavaraṁ tadā

The wise one related the granting of the boon before his father; and Tvashtri, delighted, welcomed his son, who had now obtained his boon.

Verse 13 (devibhagavatam.6.4.13)

स्वस्ति तेऽस्तु महाभाग जहि शक्रं रिपुं मम । हत्वागच्छ त्रिशिरसो हन्तारं पापसंयुतम्

svasti te'stu mahābhāga jahi śakraṁ ripuṁ mama | hatvāgaccha triśiraso hantāraṁ pāpasaṁyutam

'May all be well with you, O greatly fortunate one — slay Shakra, my enemy. Having killed the sin-laden slayer of Trishira, then return.'

Verse 14 (devibhagavatam.6.4.14)

भव त्वं त्रिदशाधीशः सम्प्राप्य विजयं रणे । ममाधिं छिन्धि विपुलं पुत्रनाशसमुद्भवम्

bhava tvaṁ tridaśādhīśaḥ samprāpya vijayaṁ raṇe | mamādhiṁ chindhi vipulaṁ putranāśasamudbhavam

'Attain victory in battle and become lord of the gods yourself; cut away this vast anguish of mine, born from the loss of my son.'

Verse 15 (devibhagavatam.6.4.15)

जीवतो वाक्यकरणात्क्षयाहे भूरिभोजनात् । गयायां पिण्डदानाच्च त्रिभिः पुत्रस्य पुत्रता

jīvato vākyakaraṇātkṣayāhe bhūribhojanāt | gayāyāṁ piṇḍadānācca tribhiḥ putrasya putratā

'A son's true sonship is proven by three things: obeying his living father's word, offering a generous feast on the death-anniversary rite, and giving the funeral cake at Gaya.'

Verse 16 (devibhagavatam.6.4.16)

तस्मात्पुत्र ममात्यर्थं दुःखं नाशितुमर्हसि । त्रिशिरा मम चित्तात्तु नापसर्पति कर्हिचित्

tasmātputra mamātyarthaṁ duḥkhaṁ nāśitumarhasi | triśirā mama cittāttu nāpasarpati karhicit

'Therefore, my son, it falls to you to put an end to my overwhelming grief; Trishira never once departs from my heart.'

Verse 17 (devibhagavatam.6.4.17)

सुशीलः सत्यवादी च तापसो वेदवित्तमः । अपराधं विना तेन निहतः पापबुद्धिना

suśīlaḥ satyavādī ca tāpaso vedavittamaḥ | aparādhaṁ vinā tena nihataḥ pāpabuddhinā

'Gentle in nature, truthful, an ascetic, most learned in the Vedas — without any fault of his own, he was slain by that one of sinful mind.'

Verse 18 (devibhagavatam.6.4.18)

व्यास उवाच । इति तस्य वचः श्रुत्वा वृत्रः परमदुर्जयः । रथमारुह्य तरसा निर्जगाम पितुर्गृहात्

vyāsa uvāca | iti tasya vacaḥ śrutvā vṛtraḥ paramadurjayaḥ | rathamāruhya tarasā nirjagāma piturgṛhāt

Vyasa said: Hearing these words of his father, the utterly unconquerable Vritra mounted his chariot and swiftly set out from his father's house.

Verse 19 (devibhagavatam.6.4.19)

रणदुन्दुभिनिर्घोषं शङ्खनादं महाबलम् । कारयित्वा प्रयाणं स चकार मदगर्वितः

raṇadundubhinirghoṣaṁ śaṅkhanādaṁ mahābalam | kārayitvā prayāṇaṁ sa cakāra madagarvitaḥ

Causing war-drums to thunder and conches to blare, that mighty and proud one set out on his march.

Verse 20 (devibhagavatam.6.4.20)

निर्ययौ नयसंयुक्तः सेवकानिति संवदन् । हत्वा शक्रं ग्रहीष्यामि सुरराज्यमकण्टकम्

niryayau nayasaṁyuktaḥ sevakāniti saṁvadan | hatvā śakraṁ grahīṣyāmi surarājyamakaṇṭakam

Wise in policy, he marched forth, telling his servants: 'Having slain Shakra, I shall seize the kingship of the gods, free of every thorn.'

Verse 21 (devibhagavatam.6.4.21)

इत्युक्त्वा निर्जगामाशु स्वसैन्यपरिवारितः । महता सैन्यनादेन भीषयन्नमरावतीम्

ityuktvā nirjagāmāśu svasainyaparivāritaḥ | mahatā sainyanādena bhīṣayannamarāvatīm

Having spoken thus, he swiftly set out, surrounded by his own army, terrifying Amaravati, the city of the immortals, with the mighty roar of his host.

Verse 22 (devibhagavatam.6.4.22)

तमागच्छन्तमाज्ञाय तुराषाडपि सत्वरः । सेनोद्योगं भयत्रस्तः कारयामास भारत

tamāgacchantamājñāya turāṣāḍapi satvaraḥ | senodyogaṁ bhayatrastaḥ kārayāmāsa bhārata

Learning of his approach, Turashad (Indra) too, trembling with fear, quickly had his army mobilized, O descendant of Bharata.

Verse 23 (devibhagavatam.6.4.23)

सर्वानाहूय तरसा लोकपालानरिन्दमः । युद्धार्थं प्रेरयन्सर्वान्व्यरोचत महाद्युतिः

sarvānāhūya tarasā lokapālānarindamaḥ | yuddhārthaṁ prerayansarvānvyarocata mahādyutiḥ

That subduer of enemies swiftly summoned all the guardians of the world; sending them all out to battle, he shone forth in his great splendor.

Verse 24 (devibhagavatam.6.4.24)

गृध्रन्व्यूहं ततः कृत्वा संस्थितः पाकशासनः । तत्राजगाम वेगात्तु वृत्रः परबलार्दनः

gṛdhranvyūhaṁ tataḥ kṛtvā saṁsthitaḥ pākaśāsanaḥ | tatrājagāma vegāttu vṛtraḥ parabalārdanaḥ

Then Pakashasana, having arrayed his forces in the 'vulture' formation, took his stand; and there Vritra, crusher of the enemy's army, arrived with great speed.

Verse 25 (devibhagavatam.6.4.25)

देवदानवयोस्तावत्सङ्ग्रामस्तुमुलोऽभवत् । वृत्रवासवयोः सङ्ख्ये मनसा विजयैषिणोः

devadānavayostāvatsaṅgrāmastumulo'bhavat | vṛtravāsavayoḥ saṅkhye manasā vijayaiṣiṇoḥ

Then a tumultuous battle broke out between the gods and the danavas — between Vritra and Vasava, each of them longing in his heart for victory.

Verse 26 (devibhagavatam.6.4.26)

एवं परस्परं युद्धे सन्दीप्ते भयदे भृशम् । आकूतं देवताः प्रापुर्दैत्याश्च परमां मुदम्

evaṁ parasparaṁ yuddhe sandīpte bhayade bhṛśam | ākūtaṁ devatāḥ prāpurdaityāśca paramāṁ mudam

As this mutual battle blazed forth, exceedingly fearsome, the gods grew troubled in mind, while the daityas felt supreme delight.

Verse 27 (devibhagavatam.6.4.27)

तोमरैर्भिन्दिपालैश्च खड्गैः परशुपट्टिशैः । जघ्नुः परस्परं देवदैत्या स्वस्ववरायुधैः

tomarairbhindipālaiśca khaḍgaiḥ paraśupaṭṭiśaiḥ | jaghnuḥ parasparaṁ devadaityā svasvavarāyudhaiḥ

With lances, javelins, swords, axes, and spear-staves, the gods and daityas struck at one another, each wielding his own finest weapons.

Verse 28 (devibhagavatam.6.4.28)

एवं युद्धे वर्तमाने दारुणे लोमहर्षणे । शक्रं जग्राह सहसा वृत्रः क्रोधसमन्वितः

evaṁ yuddhe vartamāne dāruṇe lomaharṣaṇe | śakraṁ jagrāha sahasā vṛtraḥ krodhasamanvitaḥ

As this fierce, hair-raising battle raged on, Vritra, overcome with fury, suddenly seized hold of Shakra.

Verse 29 (devibhagavatam.6.4.29)

अपावृत्य मुखे क्षिप्त्वा स्थितो वृत्रः शतक्रतुम् । मुदितोऽभून्महाराज पूर्ववैरमनुस्मरन्

apāvṛtya mukhe kṣiptvā sthito vṛtraḥ śatakratum | mudito'bhūnmahārāja pūrvavairamanusmaran

Opening his mouth wide and casting Shatakratu (Indra) into it, Vritra stood there, rejoicing, O great king, as he recalled their old enmity.

Verse 30 (devibhagavatam.6.4.30)

शक्रे ग्रस्तेऽथ वृत्रेण सम्भ्रान्ता निर्जरास्तदा । चुक्रुशः परमार्तास्ते हा शक्रेति मुहुर्मुहुः

śakre graste'tha vṛtreṇa sambhrāntā nirjarāstadā | cukruśaḥ paramārtāste hā śakreti muhurmuhuḥ

When Shakra was swallowed by Vritra, the immortals were thrown into confusion, and in utmost distress they cried out again and again, 'Alas, Shakra! Alas, Shakra!'

Verse 31 (devibhagavatam.6.4.31)

अपावृतं मुखे शक्रं ज्ञात्वा सर्वे दिवौकसः । बृहस्पतिं प्रणम्योचुर्दीना व्यथितचेतसः

apāvṛtaṁ mukhe śakraṁ jñātvā sarve divaukasaḥ | bṛhaspatiṁ praṇamyocurdīnā vyathitacetasaḥ

Learning that Shakra had been swallowed into his mouth, all the dwellers of heaven, wretched and anguished at heart, bowed before Brihaspati and spoke.

Verse 32 (devibhagavatam.6.4.32)

किं कर्तव्यं द्विजश्रेष्ठ त्वमस्माकं गुरुः परः । शक्रो ग्रस्तस्तु वृत्रेण रक्षितो देवतान्तरैः

kiṁ kartavyaṁ dvijaśreṣṭha tvamasmākaṁ guruḥ paraḥ | śakro grastastu vṛtreṇa rakṣito devatāntaraiḥ

'What must we do now, O best of brahmins? You alone are our highest teacher. Shakra has been swallowed by Vritra — he must somehow be rescued by the rest of us gods.'

Verse 33 (devibhagavatam.6.4.33)

विना शक्रेण किं कुर्मः सर्वे हीनपराक्रमाः । अभिचारं कुरु विभो सत्वरः शक्रमुक्तये

vinā śakreṇa kiṁ kurmaḥ sarve hīnaparākramāḥ | abhicāraṁ kuru vibho satvaraḥ śakramuktaye

'Without Shakra, what can we do, robbed as we all are of our valor? Perform some rite of sorcery, O lord, quickly, to secure Shakra's release.'

Verse 34 (devibhagavatam.6.4.34)

बृहस्पतिरुवाच । किं कर्तव्यं सुराः क्षिप्तो मुखमध्येऽस्ति वासवः । वृत्रेणोत्सादितो जीवन्नस्ति कोष्ठान्तरे रिपोः

bṛhaspatiruvāca | kiṁ kartavyaṁ surāḥ kṣipto mukhamadhye'sti vāsavaḥ | vṛtreṇotsādito jīvannasti koṣṭhāntare ripoḥ

Brihaspati said: 'What can be done, O gods? Vasava has been cast into his mouth; overthrown by Vritra, he still lives, but now trapped inside the belly of his enemy.'

Verse 35 (devibhagavatam.6.4.35)

व्यास उवाच । देवाश्चिन्तातुराः सर्वे तुरासाहं तथाकृतम् । दृष्ट्वा विमृश्य तरसा चक्रुर्यत्नं विमुक्तये

vyāsa uvāca | devāścintāturāḥ sarve turāsāhaṁ tathākṛtam | dṛṣṭvā vimṛśya tarasā cakruryatnaṁ vimuktaye

Vyasa said: Seeing Turashad (Indra) reduced to such a state, all the gods, filled with anxiety, quickly deliberated and set about making efforts for his release.

Verse 36 (devibhagavatam.6.4.36)

असृजन्त महासत्त्वां जृम्भिकां रिपुनाशिनीम् । ततो विजृम्भमाणः स व्यावृतास्यो बभूव ह

asṛjanta mahāsattvāṁ jṛmbhikāṁ ripunāśinīm | tato vijṛmbhamāṇaḥ sa vyāvṛtāsyo babhūva ha

They created the powerful being Jrimbhika, the goddess of yawning, to destroy the enemy's hold; made to yawn by her power, Vritra's mouth then opened wide.

Verse 37 (devibhagavatam.6.4.37)

विजृम्भमाणस्य ततो वृत्रस्यास्यादवापतत् । स्वान्यङ्गान्यपि सङ्क्षिप्य निष्क्रान्तो बलसूदनः

vijṛmbhamāṇasya tato vṛtrasyāsyādavāpatat | svānyaṅgānyapi saṅkṣipya niṣkrānto balasūdanaḥ

As Vritra yawned wide, Balasudana (Indra), drawing his limbs close together, slipped out and escaped from his mouth.

Verse 38 (devibhagavatam.6.4.38)

ततः प्रभृति लोकेषु जृम्भिका प्राणिसंस्थिता । जहृषुश्च सुराः सर्वे शक्रं दृष्ट्वा विनिर्गतम्

tataḥ prabhṛti lokeṣu jṛmbhikā prāṇisaṁsthitā | jahṛṣuśca surāḥ sarve śakraṁ dṛṣṭvā vinirgatam

From that time on, this power of yawning has resided in living beings throughout the worlds; and all the gods rejoiced to see Shakra emerge unharmed.

Verse 39 (devibhagavatam.6.4.39)

ततः प्रववृते युद्धं तयोर्लोकभयप्रदम् । वर्षाणामयुतं यावद्दारुणं लोमहर्षणम्

tataḥ pravavṛte yuddhaṁ tayorlokabhayapradam | varṣāṇāmayutaṁ yāvaddāruṇaṁ lomaharṣaṇam

Then a battle broke out once more between the two of them, terrifying to all the worlds, fierce and hair-raising, and it lasted ten thousand years.

Verse 40 (devibhagavatam.6.4.40)

एकतश्च सुराः सर्वे युद्धाय समुपस्थिताः । एकतो बलवांस्त्वाष्ट्रः सङ्ग्रामे समवर्तत

ekataśca surāḥ sarve yuddhāya samupasthitāḥ | ekato balavāṁstvāṣṭraḥ saṅgrāme samavartata

On one side stood all the gods, gathered for battle; on the other, the mighty son of Tvashtri stood engaged in that combat alone.

Verse 41 (devibhagavatam.6.4.41)

यदा व्यवर्धत रणे वृत्रो वरमदावृतः । पराजितस्तदा शक्रस्तेजसा तस्य धर्षितः

yadā vyavardhata raṇe vṛtro varamadāvṛtaḥ | parājitastadā śakrastejasā tasya dharṣitaḥ

As Vritra, intoxicated with the pride of his boon, grew ever mightier in the battle, Shakra was overwhelmed by his splendor and defeated.

Verse 42 (devibhagavatam.6.4.42)

विव्यथे मघवा युद्धे ततः प्राप्य पराजयम् । विषादमगमन्देवा दृष्ट्वा शक्रं पराजितम्

vivyathe maghavā yuddhe tataḥ prāpya parājayam | viṣādamagamandevā dṛṣṭvā śakraṁ parājitam

Maghavan, having thus suffered defeat in battle, was thrown into distress; and the gods fell into despair at the sight of Shakra vanquished.

Verse 43 (devibhagavatam.6.4.43)

जग्मुस्त्यक्त्वा रणं सर्वे देवा इन्द्रपुरोगमाः । गृहीतं देवसदनं वृत्रेणागत्य रंहसा

jagmustyaktvā raṇaṁ sarve devā indrapurogamāḥ | gṛhītaṁ devasadanaṁ vṛtreṇāgatya raṁhasā

All the gods, with Indra at their head, abandoned the battlefield and fled; and Vritra, arriving with great speed, seized the very abode of the gods.

Verse 44 (devibhagavatam.6.4.44)

देवोद्यानानिसर्वाणि भुङ्क्तेऽसौ दानवो बलात् । ऐरावतोऽपि दैत्येन गृहीतोऽसौ गजोत्तमः

devodyānānisarvāṇi bhuṅkte'sau dānavo balāt | airāvato'pi daityena gṛhīto'sau gajottamaḥ

That danava now took forceful possession of all the gardens of the gods; even Airavata, the finest of elephants, was seized by that daitya.

Verse 45 (devibhagavatam.6.4.45)

विमानानि च सर्वाणि गृहीतानि विशाम्पते । उच्चैःश्रवा हयवरो जातस्तस्य वशे तदा

vimānāni ca sarvāṇi gṛhītāni viśāmpate | uccaiḥśravā hayavaro jātastasya vaśe tadā

All the aerial chariots too, O lord of men, were seized by him; and Uccaihshravas, the finest of horses, likewise fell under his sway.

Verse 46 (devibhagavatam.6.4.46)

कामधेनुः पारिजातो गणश्चाप्सरसां तथा । गृहीतं रत्नमात्रं तु तेन त्वष्ट्टसुतेन ह

kāmadhenuḥ pārijāto gaṇaścāpsarasāṁ tathā | gṛhītaṁ ratnamātraṁ tu tena tvaṣṭṭasutena ha

Kamadhenu, the Parijata tree, and the host of apsarases as well — every treasure without exception was seized by that son of Tvashtri.

Verse 47 (devibhagavatam.6.4.47)

स्थानभ्रष्टाः सुराः सर्वे गिरिदुर्गेषु संस्थिताः । दुःखमापुः परिभ्रष्टा यज्ञभागात्सुरालयात्

sthānabhraṣṭāḥ surāḥ sarve giridurgeṣu saṁsthitāḥ | duḥkhamāpuḥ paribhraṣṭā yajñabhāgātsurālayāt

Driven from their own abode, all the gods took shelter in mountain strongholds; deprived both of their sacrificial shares and their heavenly home, they fell into sorrow.

Verse 48 (devibhagavatam.6.4.48)

वृत्रः सुरपदं प्राप्य बभूव मदगर्वितः । त्वष्टातीव सुखं प्राप्य मुमोद सुतसंयुतः

vṛtraḥ surapadaṁ prāpya babhūva madagarvitaḥ | tvaṣṭātīva sukhaṁ prāpya mumoda sutasaṁyutaḥ

Vritra, having gained the very throne of the gods, grew intoxicated with pride; and Tvashtri, filled with utmost happiness, rejoiced together with his son.

Verse 49 (devibhagavatam.6.4.49)

अमन्त्रयन्हितं देवा मुनिभिः सह भारत । किं कर्तव्यमिति प्राप्ते विचिन्त्य भयमोहिताः

amantrayanhitaṁ devā munibhiḥ saha bhārata | kiṁ kartavyamiti prāpte vicintya bhayamohitāḥ

The gods, O descendant of Bharata, took counsel together with the sages on what course would serve them, deliberating, bewildered by fear, on what was now to be done.

Verse 50 (devibhagavatam.6.4.50)

जग्मुः कैलासमचलं सुराः शक्रसमन्विताः । महादेवं प्रणम्योचुः प्रह्वाः प्राञ्जलयो भृशम्

jagmuḥ kailāsamacalaṁ surāḥ śakrasamanvitāḥ | mahādevaṁ praṇamyocuḥ prahvāḥ prāñjalayo bhṛśam

The gods, together with Shakra, went to Mount Kailasa; bowing low before Mahadeva, deeply humbled, with joined palms, they spoke.

Verse 51 (devibhagavatam.6.4.51)

देवदेव महादेव कृपासिन्धो महेश्वर । रक्षास्मान्भयभीतांस्तु वृत्रेणातिपराजितान्

devadeva mahādeva kṛpāsindho maheśvara | rakṣāsmānbhayabhītāṁstu vṛtreṇātiparājitān

'O god of gods, Mahadeva, ocean of compassion, great lord — protect us, terrified with fear, utterly vanquished as we are by Vritra.'

Verse 52 (devibhagavatam.6.4.52)

गृहीतं देवसदनं तेन देव बलीयसा । किं कर्तव्यमतः शम्भो ब्रूहि सत्यं शिवाद्य नः

gṛhītaṁ devasadanaṁ tena deva balīyasā | kiṁ kartavyamataḥ śambho brūhi satyaṁ śivādya naḥ

'Our very dwelling, O god, has been seized by that far mightier one. What then must we do now, O Shambhu? Tell us the truth this day, O Shiva.'

Verse 53 (devibhagavatam.6.4.53)

किं कुर्मः क्व च गच्छामः स्थानभ्रष्टा महेश्वर । दुःखस्य नाधिगच्छामो विनाशोपायमीश्वर

kiṁ kurmaḥ kva ca gacchāmaḥ sthānabhraṣṭā maheśvara | duḥkhasya nādhigacchāmo vināśopāyamīśvara

'What shall we do, and where shall we go, driven as we are from our own place, O great lord? We can find no means, O Ishvara, to bring this sorrow to an end.'

Verse 54 (devibhagavatam.6.4.54)

साहाय्यं कुरु भूतेश व्यथिताः स्म कृपानिधे । वृत्रं जहि मदोत्सिक्तं वरदानबलाद्विभो

sāhāyyaṁ kuru bhūteśa vyathitāḥ sma kṛpānidhe | vṛtraṁ jahi madotsiktaṁ varadānabalādvibho

'Grant us your help, O lord of all beings, for we are in deep distress, O treasury of compassion; slay Vritra, intoxicated with pride from the strength of his boon, O lord.'

Verse 55 (devibhagavatam.6.4.55)

शिव उवाच । ब्रह्माणं पुरतः कृत्वा वयं सर्वे हरेः क्षयम् । गत्वा समेत्य तं विष्णुं चिन्तयामो वधोद्यमम्

śiva uvāca | brahmāṇaṁ purataḥ kṛtvā vayaṁ sarve hareḥ kṣayam | gatvā sametya taṁ viṣṇuṁ cintayāmo vadhodyamam

Shiva said: 'Let us all go together, with Brahma at our head, to the abode of Hari; having met with Vishnu there, we shall together devise the means for his destruction.'

Verse 56 (devibhagavatam.6.4.56)

स शक्तश्च छलज्ञश्च बलवान्बुद्धिमत्तरः । शरण्यश्च दयाब्धिश्च वासुदेवो जनार्दनः

sa śaktaśca chalajñaśca balavānbuddhimattaraḥ | śaraṇyaśca dayābdhiśca vāsudevo janārdanaḥ

'He is capable, skilled in guile, powerful, exceedingly wise; Vasudeva Janardana is the refuge of all and an ocean of compassion besides.'

Verse 57 (devibhagavatam.6.4.57)

विना तं देवदेवेशं नार्थसिद्धिर्भविष्यति । तस्मात्तत्र च गन्तव्यं सर्वकार्यार्थसिद्धये

vinā taṁ devadeveśaṁ nārthasiddhirbhaviṣyati | tasmāttatra ca gantavyaṁ sarvakāryārthasiddhaye

'Without that god of gods, no purpose of ours will be accomplished; therefore we must go there, for the fulfillment of every one of our aims.'

Verse 58 (devibhagavatam.6.4.58)

व्यास उवाच । इति सञ्चिन्त्य ते सर्वे ब्रह्मा शक्रः सशङ्करः । जग्मुर्विष्णोः क्षयं देवाः शरण्यं भक्तवत्सलम्

vyāsa uvāca | iti sañcintya te sarve brahmā śakraḥ saśaṅkaraḥ | jagmurviṣṇoḥ kṣayaṁ devāḥ śaraṇyaṁ bhaktavatsalam

Vyasa said: Having resolved thus, all of them — Brahma, Shakra, and Shankara together with the other gods — went to the abode of Vishnu, the refuge and beloved protector of his devotees.

Verse 59 (devibhagavatam.6.4.59)

गत्वा विष्णुपदं देवास्तुष्टुवुः परमेश्वरम् । हरिं पुरुषसूक्तेन वेदोक्तेन जगद्गुरुम्

gatvā viṣṇupadaṁ devāstuṣṭuvuḥ parameśvaram | hariṁ puruṣasūktena vedoktena jagadgurum

Having reached the abode of Vishnu, the gods praised the supreme lord Hari, the guru of the universe, with the Purusha-sukta declared in the Veda.

Verse 60 (devibhagavatam.6.4.60)

प्रत्यक्षोऽभूज्जगन्नाथस्तेषां स कमलापतिः । सम्मान्य च सुरान्सर्वानित्युवाच पुरःस्थितः

pratyakṣo'bhūjjagannāthasteṣāṁ sa kamalāpatiḥ | sammānya ca surānsarvānityuvāca puraḥsthitaḥ

That lord of the universe, the husband of Lakshmi, appeared visibly before them; honoring all the gods and standing before them, he spoke as follows.

Verse 61 (devibhagavatam.6.4.61)

किमागताः स्म लोकेशा हरब्रह्मसमन्विताः । कारणं कथयध्वं वः सर्वेषां सुरसत्तमाः

kimāgatāḥ sma lokeśā harabrahmasamanvitāḥ | kāraṇaṁ kathayadhvaṁ vaḥ sarveṣāṁ surasattamāḥ

'Why have you come, O lords of the worlds, accompanied here by Hara and Brahma? Tell me the reason for your visit, O finest among the gods.'

Verse 62 (devibhagavatam.6.4.62)

व्यास उवाच । इति श्रुत्वा हरेर्वाक्यं नोचुर्देवा रमापतिम् । चिन्ताविष्टाः स्थिताः प्रायः सर्वेप्राञ्जलयस्तथा

vyāsa uvāca | iti śrutvā harervākyaṁ nocurdevā ramāpatim | cintāviṣṭāḥ sthitāḥ prāyaḥ sarveprāñjalayastathā

Vyasa said: Hearing these words of Hari, the gods said nothing at first to the husband of Rama (Lakshmi); absorbed in anxiety, they stood there mostly in silence, all with joined palms.