The Gods' Hymn to the Goddess for Her Aid

Verse 1 (devibhagavatam.6.5.1)

व्यास उवाच । तथा चिन्तातुरान्वीक्ष्य सर्वान्मर्वार्थतत्त्ववित् । प्राह प्रेमभरोद्भ्रान्तान्माधवो मेदिनीपते

vyāsa uvāca | tathā cintāturānvīkṣya sarvānmarvārthatattvavit | prāha premabharodbhrāntānmādhavo medinīpate

Vyasa said: O lord of the earth, then Madhava, knower of the truth of every matter, seeing them all so anxious and overwhelmed by the weight of their affection, spoke to them.

Verse 2 (devibhagavatam.6.5.2)

विष्णुरुवाच । किं मौनमाश्रिता यूयं ब्रुवन्तु कारणं सुराः । सदसद्वापि यच्छ्रुत्वा यतिष्ये तन्निवारणे

viṣṇuruvāca | kiṁ maunamāśritā yūyaṁ bruvantu kāraṇaṁ surāḥ | sadasadvāpi yacchrutvā yatiṣye tannivāraṇe

Vishnu said: 'Why have you taken refuge in silence? Speak, O gods, and tell me the reason. Whatever it may be, good or bad, having heard it I shall strive to set it right.'

Verse 3 (devibhagavatam.6.5.3)

देवा ऊचुः । किमज्ञातं तव विभो त्रिषु लोकेषु वर्तते । सर्वं वेद भवान्कार्यं किं पृच्छसि पुनः पुनः

devā ūcuḥ | kimajñātaṁ tava vibho triṣu lokeṣu vartate | sarvaṁ veda bhavānkāryaṁ kiṁ pṛcchasi punaḥ punaḥ

The gods said: 'What is there in the three worlds, O lord, that remains unknown to you? You already know our whole predicament — why do you ask again and again?'

Verse 4 (devibhagavatam.6.5.4)

त्वया पूर्वं बलिर्बद्धः शक्रो देवाधिपः कृतः । वामनं वपुरास्थाय क्रान्तं त्रिभुवनं पदैः

tvayā pūrvaṁ balirbaddhaḥ śakro devādhipaḥ kṛtaḥ | vāmanaṁ vapurāsthāya krāntaṁ tribhuvanaṁ padaiḥ

'It was you who once bound Bali and made Shakra lord of the gods; assuming the form of Vamana, you strode across the three worlds with your very steps.'

Verse 5 (devibhagavatam.6.5.5)

अमृतं त्वाहृतं विष्णो दैत्याश्च विनिपातिताः । त्वं प्रभुः सर्वदेवानां सर्वापद्विनिवारणे

amṛtaṁ tvāhṛtaṁ viṣṇo daityāśca vinipātitāḥ | tvaṁ prabhuḥ sarvadevānāṁ sarvāpadvinivāraṇe

'It was you, O Vishnu, who brought back the nectar and struck down the daityas; you are the lord of all the gods, ever able to ward off every calamity.'

Verse 6 (devibhagavatam.6.5.6)

विष्णुरुवाच । न भेतव्यं सुरवरा वेद्म्युपायं सुसम्मतम् । तद्वधाय प्रवक्ष्यामि येन सौख्यं भविष्यति

viṣṇuruvāca | na bhetavyaṁ suravarā vedmyupāyaṁ susammatam | tadvadhāya pravakṣyāmi yena saukhyaṁ bhaviṣyati

Vishnu said: 'Have no fear, O best of gods; I know a well-approved means. I shall tell you of it, for his destruction, by which happiness shall come to you.'

Verse 7 (devibhagavatam.6.5.7)

अवश्यं करणीयं मे भवतां हितमात्मना । बुद्।ह्ध्या बलेन चार्थेन येन केनच्छलेन वा

avaśyaṁ karaṇīyaṁ me bhavatāṁ hitamātmanā | bud|hdhyā balena cārthena yena kenacchalena vā

'It is my duty to do what is good for you, of my own will — whether by wisdom, by strength, by wealth, or by whatever deceit may be needed.'

Verse 8 (devibhagavatam.6.5.8)

उपायाः खलु चत्वारः कथितास्तत्त्वदर्शिभिः । सामादयः सुहृत्स्वेव दुर्हृदेषु विशेषतः

upāyāḥ khalu catvāraḥ kathitāstattvadarśibhiḥ | sāmādayaḥ suhṛtsveva durhṛdeṣu viśeṣataḥ

'The seers of truth have declared four means — conciliation and the rest — naturally suited to friends, but to be applied with special care against the ill-disposed.'

Verse 9 (devibhagavatam.6.5.9)

ब्रह्मणास्य वरो दत्तस्तपसाऽऽराधितेन च । दुर्जयत्वं च सम्प्राप्तं वरदानप्रभावतः

brahmaṇāsya varo dattastapasā''rādhitena ca | durjayatvaṁ ca samprāptaṁ varadānaprabhāvataḥ

'Brahma, propitiated by his austerity, granted him a boon; and through the power of that boon he has gained invincibility.'

Verse 10 (devibhagavatam.6.5.10)

अजेयः सर्वभूतानां त्वष्ट्रा समुपपादितः । ततो बलेन वृद्धिं स प्राप्तः परपुरञ्जयः

ajeyaḥ sarvabhūtānāṁ tvaṣṭrā samupapāditaḥ | tato balena vṛddhiṁ sa prāptaḥ parapurañjayaḥ

'Made unconquerable to all beings by Tvashtri's own doing, he has grown mighty in strength, this conqueror of enemy strongholds.'

Verse 11 (devibhagavatam.6.5.11)

दुःसाध्योऽसौ सुराः शत्रुर्विना सामप्रतारणम् । प्रलोभ्य वशमानेयो हन्तव्यस्तु ततः परम्

duḥsādhyo'sau surāḥ śatrurvinā sāmapratāraṇam | pralobhya vaśamāneyo hantavyastu tataḥ param

'This enemy, O gods, is hard to subdue without conciliation and cunning; he must first be lured and brought under control — only then can he be slain.'

Verse 12 (devibhagavatam.6.5.12)

गच्छध्वं सर्वगन्धर्वा यत्रास्ति बलवत्तरः । साम तस्य प्रयुञ्जध्वं तत एनं विजेष्यथ

gacchadhvaṁ sarvagandharvā yatrāsti balavattaraḥ | sāma tasya prayuñjadhvaṁ tata enaṁ vijeṣyatha

'Go, all you gandharvas, to where that mighty one is; employ conciliation upon him — then you shall be able to conquer him.'

Verse 13 (devibhagavatam.6.5.13)

सङ्गम्य शपथात्कृत्वा विश्वास्य समयेन हि । मित्रत्वं च समाधाय हन्तव्यः प्रबलो रिपुः

saṅgamya śapathātkṛtvā viśvāsya samayena hi | mitratvaṁ ca samādhāya hantavyaḥ prabalo ripuḥ

'Meeting him, swearing an oath, winning his trust through a solemn pact, and establishing friendship with him — in this way must that powerful enemy be slain.'

Verse 14 (devibhagavatam.6.5.14)

अदृश्यः सम्प्रवेक्ष्यामि वज्रमस्य वरायुधम् । साहाय्यं च करिष्यामि शक्रस्याहं सुरोत्तमाः

adṛśyaḥ sampravekṣyāmi vajramasya varāyudham | sāhāyyaṁ ca kariṣyāmi śakrasyāhaṁ surottamāḥ

'Unseen, I shall enter into his fine weapon, the vajra; and I myself, O finest of gods, shall render Shakra my aid.'

Verse 15 (devibhagavatam.6.5.15)

समयं च प्रतीक्षध्वं सर्वथैवायुषः क्षये । मरणं विबुधास्तस्य नान्यथा सम्भविष्यति

samayaṁ ca pratīkṣadhvaṁ sarvathaivāyuṣaḥ kṣaye | maraṇaṁ vibudhāstasya nānyathā sambhaviṣyati

'Wait for the right time, O wise ones — for the very ending of his life-span; there is no other way by which his death can come about.'

Verse 16 (devibhagavatam.6.5.16)

गच्छध्वमृषिभिः सार्धं गन्धर्वाः कपटावृताः । इन्द्रेण सह मित्रत्वं कुरुध्वं वाक्यदानतः

gacchadhvamṛṣibhiḥ sārdhaṁ gandharvāḥ kapaṭāvṛtāḥ | indreṇa saha mitratvaṁ kurudhvaṁ vākyadānataḥ

'Go, O gandharvas, together with the sages, cloaked in deceit; through an exchange of solemn words, establish friendship between him and Indra.'

Verse 17 (devibhagavatam.6.5.17)

यथा स याति विश्वासं तथा कार्यं प्रतारणम् । गुप्तोऽहं सम्प्रवेक्ष्यामि पविं सञ्छादितं दृढम्

yathā sa yāti viśvāsaṁ tathā kāryaṁ pratāraṇam | gupto'haṁ sampravekṣyāmi paviṁ sañchāditaṁ dṛḍham

'Practice such deception that he comes to place his trust in you; I, hidden and unseen, shall secretly enter the sturdy, concealed thunderbolt.'

Verse 18 (devibhagavatam.6.5.18)

विश्वस्तं मघवा शत्रुं हनिष्यति न चान्यथा । विश्वासस्य कृते पापं कृत्वा शक्रस्तु पृष्ठतः

viśvastaṁ maghavā śatruṁ haniṣyati na cānyathā | viśvāsasya kṛte pāpaṁ kṛtvā śakrastu pṛṣṭhataḥ

'Maghavan shall slay the enemy only once he is off his guard, trusting — never otherwise; having committed this sin for the sake of winning his trust, Shakra, from behind —'

Verse 19 (devibhagavatam.6.5.19)

मत्सहायोऽथ वज्रेण शातयिष्यति पापिनम् । न दोषोऽत्र शठे शत्रौ शाठ्यमेव प्रकुर्वतः

matsahāyo'tha vajreṇa śātayiṣyati pāpinam | na doṣo'tra śaṭhe śatrau śāṭhyameva prakurvataḥ

'— with my help, shall strike down that sinner with the vajra; there is no fault whatsoever in practicing deceit against a deceitful enemy.'

Verse 20 (devibhagavatam.6.5.20)

नान्यथा बलवान्वध्यः शूरधर्मेण जायते । वामनं रूपमाधाय मयायं वञ्चितो बलिः

nānyathā balavānvadhyaḥ śūradharmeṇa jāyate | vāmanaṁ rūpamādhāya mayāyaṁ vañcito baliḥ

'A mighty foe cannot be slain by the mere code of heroic honor alone; assuming the form of Vamana, I myself once deceived this very Bali.'

Verse 21 (devibhagavatam.6.5.21)

कृत्वा च मोहिनीवेषं दैत्याः सर्वेऽपिवञ्चिताः । भवन्तः सहिताः सर्वे देवीं भगवतीं शिवाम्

kṛtvā ca mohinīveṣaṁ daityāḥ sarve'pivañcitāḥ | bhavantaḥ sahitāḥ sarve devīṁ bhagavatīṁ śivām

'And taking the form of Mohini, I deceived all the daityas as well. Now all of you together —'

Verse 22 (devibhagavatam.6.5.22)

गच्छध्वं शरणं भावैः स्तोत्रमन्त्रैः सुरोत्तमाः । साहाय्यं सा योगमाया भवतां संविधास्यति

gacchadhvaṁ śaraṇaṁ bhāvaiḥ stotramantraiḥ surottamāḥ | sāhāyyaṁ sā yogamāyā bhavatāṁ saṁvidhāsyati

'— go, O finest of gods, in devotion, with hymns and sacred mantras, for refuge to the auspicious Bhagavati Devi; that Yogamaya herself shall grant you her aid.'

Verse 23 (devibhagavatam.6.5.23)

वन्दामहे सदा देवीं सात्त्विकीं प्रकृतिं पराम् । सिद्धिदां कामदां कामां दुरापामकृतात्मभिः

vandāmahe sadā devīṁ sāttvikīṁ prakṛtiṁ parām | siddhidāṁ kāmadāṁ kāmāṁ durāpāmakṛtātmabhiḥ

'We ever bow to the Goddess, the supreme sattvic Prakriti — giver of accomplishment, granter of desires, herself desirable, and hard to attain for souls not purified.'

Verse 24 (devibhagavatam.6.5.24)

इन्द्रोऽपि तां समाराध्य हनिष्यति रिपुं रणे । मोहिनी सा महामाया मोहयिष्यति दानवम्

indro'pi tāṁ samārādhya haniṣyati ripuṁ raṇe | mohinī sā mahāmāyā mohayiṣyati dānavam

'Indra too, having worshipped her, shall slay his enemy in battle; that Mohini, the great Maya, shall cast her spell over the danava.'

Verse 25 (devibhagavatam.6.5.25)

मोहितो मायया वृत्रः सुखसाध्यो भविष्यति । प्रसन्नायां पराम्बायां सर्वं साध्यं भविष्यति

mohito māyayā vṛtraḥ sukhasādhyo bhaviṣyati | prasannāyāṁ parāmbāyāṁ sarvaṁ sādhyaṁ bhaviṣyati

'Deluded by her maya, Vritra shall become easy to subdue; when the supreme Mother is pleased, everything becomes attainable.'

Verse 26 (devibhagavatam.6.5.26)

नोचेन्मनोरथावाप्तिर्न कस्यापि भविष्यति । अन्तर्यामिस्वरूपा सा सर्वकारणकारणा

nocenmanorathāvāptirna kasyāpi bhaviṣyati | antaryāmisvarūpā sā sarvakāraṇakāraṇā

'Without her, no one's heart's desire shall ever be fulfilled; she is, in her very nature, the inner controller, the cause behind all causes.'

Verse 27 (devibhagavatam.6.5.27)

तस्मात्तां विश्वजननीं प्रकृतिं परमादृताः । भजध्वं सात्त्विकैर्भावैः शत्रुनाशाय सत्तमाः

tasmāttāṁ viśvajananīṁ prakṛtiṁ paramādṛtāḥ | bhajadhvaṁ sāttvikairbhāvaiḥ śatrunāśāya sattamāḥ

'Therefore, O most excellent ones, worship with deepest reverence and sattvic devotion that Prakriti, mother of the universe, for the destruction of your enemy.'

Verse 28 (devibhagavatam.6.5.28)

पुरा मयापि सङ्ग्रामं कृत्वा परमदारुणम् । पञ्चवर्षसहस्राणि निहतौ मधुकैटभौ

purā mayāpi saṅgrāmaṁ kṛtvā paramadāruṇam | pañcavarṣasahasrāṇi nihatau madhukaiṭabhau

'Long ago, I too waged an exceedingly fierce battle lasting five thousand years, and slew Madhu and Kaitabha.'

Verse 29 (devibhagavatam.6.5.29)

स्तुता मया तदात्यर्थं प्रसन्ना प्रकृतिः परा । मोहितौ तौ तदा दैत्यौ छलेन च मया हतौ

stutā mayā tadātyarthaṁ prasannā prakṛtiḥ parā | mohitau tau tadā daityau chalena ca mayā hatau

'Praised most fervently by me then, the supreme Prakriti was pleased; and those two daityas, deluded by her, were slain by me through deceit.'

Verse 30 (devibhagavatam.6.5.30)

विप्रलब्धौ महाबाहू दानवौ मदगर्वितौ । तथा कुरुध्वं प्रकृतेर्भजनं भावसंयुताः

vipralabdhau mahābāhū dānavau madagarvitau | tathā kurudhvaṁ prakṛterbhajanaṁ bhāvasaṁyutāḥ

'Those two mighty-armed danavas, swollen with pride, were tricked in just this way. In the same manner, engage yourselves in the devoted worship of Prakriti.'

Verse 31 (devibhagavatam.6.5.31)

सर्वथा कार्यसिद्धिं सा करिष्यति सुरोत्तमाः । एवं ते दत्तमतयो विष्णुना प्रभविष्णुना

sarvathā kāryasiddhiṁ sā kariṣyati surottamāḥ | evaṁ te dattamatayo viṣṇunā prabhaviṣṇunā

'She shall, in every way, bring about the fulfillment of your task, O finest of gods.' Thus, guided by mighty Vishnu, their minds were turned toward this course.

Verse 32 (devibhagavatam.6.5.32)

जग्मुस्ते मेरुशिखरं मन्दारद्रुममण्डितम् । एकान्ते संस्थिता देवाः कृत्वा ध्यानं जपं तपः

jagmuste meruśikharaṁ mandāradrumamaṇḍitam | ekānte saṁsthitā devāḥ kṛtvā dhyānaṁ japaṁ tapaḥ

They went to the summit of Mount Meru, adorned with mandara trees; there, in solitude, the gods settled down and engaged in meditation, silent recitation, and austerity.

Verse 33 (devibhagavatam.6.5.33)

तुष्टुवुर्जगतां धात्रीं सृष्टिसंहारकारिणीम् । भक्तकामदुघामम्बां संसारक्लेशनाशिनीम्

tuṣṭuvurjagatāṁ dhātrīṁ sṛṣṭisaṁhārakāriṇīm | bhaktakāmadughāmambāṁ saṁsārakleśanāśinīm

They praised her — the sustainer of the worlds, the one who performs both creation and dissolution, the mother who fulfills her devotees' desires, the destroyer of the afflictions of worldly existence.

Verse 34 (devibhagavatam.6.5.34)

देवा ऊचुः । देवि प्रसीद परिपाहि सुरान्प्रतप्तान् वृत्रासुरेण समरे परिपीडितांश्च । दीनार्तिनाशनपरे परमार्थतत्त्वे प्राप्तांस्त्वदङ्घ्रिकमलं शरणं सदैव

devā ūcuḥ | devi prasīda paripāhi surānprataptān vṛtrāsureṇa samare paripīḍitāṁśca | dīnārtināśanapare paramārthatattve prāptāṁstvadaṅghrikamalaṁ śaraṇaṁ sadaiva

The gods said: 'O Goddess, be gracious, protect the gods, tormented and afflicted in battle by Vritrasura. O you ever intent on ending the suffering of the wretched, O supreme truth itself — we have come, as always, for refuge to your lotus feet.'

Verse 35 (devibhagavatam.6.5.35)

त्वं सर्वविश्वजननी परिपालयास्मान् पुत्रानिवातिपतितान् रिपुसङ्कटेऽस्मिन् । मातर्न तेऽस्त्यविदितं भुवनत्रयेऽपि कस्मादुपेक्षसि सुरानसुरप्रतप्तान्

tvaṁ sarvaviśvajananī paripālayāsmān putrānivātipatitān ripusaṅkaṭe'smin | mātarna te'styaviditaṁ bhuvanatraye'pi kasmādupekṣasi surānasuraprataptān

'You are the mother of this entire universe; protect us, fallen into deep distress like your own sons, in this crisis brought upon us by our enemy. O Mother, nothing in the three worlds is hidden from you — why then do you disregard the gods, tormented as we are by this asura?'

Verse 36 (devibhagavatam.6.5.36)

त्रैलोक्यमेतदखिलं विहितं त्वयैव ब्रह्मा हरिः पशुपतिस्तव वासनोत्थाः । कुर्वन्ति कार्यमखिलं स्ववशा न ते ते भ्रूभङ्गचालनवशाद्विहरन्ति कामम्

trailokyametadakhilaṁ vihitaṁ tvayaiva brahmā hariḥ paśupatistava vāsanotthāḥ | kurvanti kāryamakhilaṁ svavaśā na te te bhrūbhaṅgacālanavaśādviharanti kāmam

'This entire threefold universe has been ordained by you alone; Brahma, Hari, and Pashupati themselves arise from your own will. They perform every task, yet none of them is independent — it is only by the movement of your brow that they play as they wish.'

Verse 37 (devibhagavatam.6.5.37)

माता सुतान्परिभवात्परिपाति दीनान् रीतिस्त्वयैव रचिता प्रकटापराधान् । कस्मान्न पालयसि देवि विनापराधा\- नस्मांस्त्वदङ्घ्रिशरणान्करुणारसाब्धे

mātā sutānparibhavātparipāti dīnān rītistvayaiva racitā prakaṭāparādhān | kasmānna pālayasi devi vināparādhā\- nasmāṁstvadaṅghriśaraṇānkaruṇārasābdhe

'A mother protects her wretched children even when their fault stands openly exposed — this very custom was fashioned by you yourself. Then why, O Goddess, ocean of the essence of compassion, do you not protect us, who are without fault and have taken refuge at your feet?'

Verse 38 (devibhagavatam.6.5.38)

नूनं मदङ्घ्रिभजनाप्तपदाः किलैते भक्तिं विहाय विभवे सुखभोगलुब्धाः । नेमे कटाक्षविषया इति चेन्न चैषा रीतिः सुते जननकर्तरि चापि दृष्टा

nūnaṁ madaṅghribhajanāptapadāḥ kilaite bhaktiṁ vihāya vibhave sukhabhogalubdhāḥ | neme kaṭākṣaviṣayā iti cenna caiṣā rītiḥ sute jananakartari cāpi dṛṣṭā

'If you think, "These beings, having gained their rank by worshipping my feet, have now abandoned devotion, grown greedy for wealth and easy pleasure, and so no longer merit my glance" — even then, O mother, such conduct toward the very child one has borne is nowhere to be seen.'

Verse 39 (devibhagavatam.6.5.39)

दोषो न नोऽत्र जननि प्रतिभाति चित्ते यत्ते विहाय भजनं विभवे निमग्नाः । मोहस्त्वया विरचितः प्रभवत्यसौ न\- स्तस्मात्स्वभावकरुणे दयसे कथं न

doṣo na no'tra janani pratibhāti citte yatte vihāya bhajanaṁ vibhave nimagnāḥ | mohastvayā viracitaḥ prabhavatyasau na\- stasmātsvabhāvakaruṇe dayase kathaṁ na

'We see no fault in our own hearts, O mother, in having abandoned devotion to you and become absorbed in worldly splendor — for this very delusion was fashioned by you, and it has simply overpowered us. Therefore, O you who are compassionate by your very nature, why do you not show us mercy?'

Verse 40 (devibhagavatam.6.5.40)

पूर्वं त्वया जननि दैत्यपतिर्बलिष्ठो व्यापादितो महिषरूपधरः किलाजौ । अस्मत्कृते सकललोकभयावहोऽसौ वृत्रं कथं न भयदं विधुनोषि मातः

pūrvaṁ tvayā janani daityapatirbaliṣṭho vyāpādito mahiṣarūpadharaḥ kilājau | asmatkṛte sakalalokabhayāvaho'sau vṛtraṁ kathaṁ na bhayadaṁ vidhunoṣi mātaḥ

'Before this, O mother, it was you who slew in battle, for our sake, the mightiest lord of the daityas, who had taken the form of a buffalo and brought terror to every world — O mother, why then do you not likewise sweep away this terrifying Vritra?'

Verse 41 (devibhagavatam.6.5.41)

शुम्भस्तथातिबलवाननुजो निशुम्भ\- स्तौ भ्रातरौ तदनुगा निहता हतौ च । वृत्रं तथा जहि खलं प्रबलं दयार्द्रे मत्तं विमोहय तथा न भवेद्यथासौ

śumbhastathātibalavānanujo niśumbha\- stau bhrātarau tadanugā nihatā hatau ca | vṛtraṁ tathā jahi khalaṁ prabalaṁ dayārdre mattaṁ vimohaya tathā na bhavedyathāsau

'In the same way, the exceedingly powerful Shumbha and his younger brother Nishumbha, those two brothers, were slain by you, along with their followers. So too, O merciful one, slay wicked, mighty Vritra — bewilder that intoxicated one so that he is undone.'

Verse 42 (devibhagavatam.6.5.42)

त्वं पालयाद्य विबुधानसुरेण मातः सन्तापितानतितरां भयविह्वलांश्च । नान्योऽस्ति कोऽपि भुवनेषु सुरार्तिहन्ता यः क्लेशजालमखिलं निदहेत्स्वशक्त्या

tvaṁ pālayādya vibudhānasureṇa mātaḥ santāpitānatitarāṁ bhayavihvalāṁśca | nānyo'sti ko'pi bhuvaneṣu surārtihantā yaḥ kleśajālamakhilaṁ nidahetsvaśaktyā

'O mother, protect this day the gods, so grievously tormented by the asura and overwhelmed with fear. There is no other in all the worlds who removes the suffering of the gods, who could, by his own power, burn away this whole web of affliction.'

Verse 43 (devibhagavatam.6.5.43)

वृत्रे दया तव यदि प्रथिता तथापि जह्येनमाशु जनदुःखकरं खलं च । पापात्समुद्धर भवानि शरैः पुनाना नोचेत्प्रयास्यति तमो ननु दुष्टबुद्धिः

vṛtre dayā tava yadi prathitā tathāpi jahyenamāśu janaduḥkhakaraṁ khalaṁ ca | pāpātsamuddhara bhavāni śaraiḥ punānā nocetprayāsyati tamo nanu duṣṭabuddhiḥ

'O Bhavani, even if your compassion is known to extend to Vritra himself, still slay this wicked one, the cause of suffering to all people, without delay. Redeem him from sin, purifying him with your arrows — otherwise that evil-minded one will surely sink into darkness.'

Verse 44 (devibhagavatam.6.5.44)

ते प्रापिताः सुरवनं विबुधारयो ये हत्वा रणेऽपि विशिखैः किल पावितास्ते । त्राता न किं निरयपातभयाद्दयार्द्रे यच्छत्रवोऽपि न हि किं विनिहंसि वृत्रम्

te prāpitāḥ suravanaṁ vibudhārayo ye hatvā raṇe'pi viśikhaiḥ kila pāvitāste | trātā na kiṁ nirayapātabhayāddayārdre yacchatravo'pi na hi kiṁ vinihaṁsi vṛtram

'Those enemies of the gods whom you slew in battle with your arrows and sent to the abode of the gods were themselves purified. O merciful one, are not even enemies saved thereby from the fear of falling into hell? Then why do you not likewise destroy Vritra?'

Verse 45 (devibhagavatam.6.5.45)

जानीमहे रिपुरसौ तव सेवको न प्रायेण पीडयति नः किल पापबुद्धिः । यस्तावकस्त्विह भवेदमरानसौ किं त्वत्पादपङ्कजरतान्ननु पीडयेद्वा

jānīmahe ripurasau tava sevako na prāyeṇa pīḍayati naḥ kila pāpabuddhiḥ | yastāvakastviha bhavedamarānasau kiṁ tvatpādapaṅkajaratānnanu pīḍayedvā

'We know this enemy is not your servant; that sinful-minded one torments only us. But could one who truly belongs to you ever torment the immortals devoted to your very lotus feet?'

Verse 46 (devibhagavatam.6.5.46)

कुर्मः कथं जननि पूजनमद्य तेऽम्ब पुष्पादिकं तव विनिर्मितमेव यस्मात् । मन्त्रा वयं च सकलं परशक्तिरूपं तस्माद्भवानि चरणे प्रणताः स्म नूनम्

kurmaḥ kathaṁ janani pūjanamadya te'mba puṣpādikaṁ tava vinirmitameva yasmāt | mantrā vayaṁ ca sakalaṁ paraśaktirūpaṁ tasmādbhavāni caraṇe praṇatāḥ sma nūnam

'How shall we perform your worship today, O mother, when even the flowers we would offer are themselves your own creation? We ourselves, the mantras, and everything else are but forms of the supreme Shakti; therefore, O Bhavani, we simply bow low at your feet.'

Verse 47 (devibhagavatam.6.5.47)

धन्यास्त एव मनुजा हि भजन्ति भक्त्या पादाम्बुजं तव भवाब्धिजलेषु पोतम् । यं योगिनोऽपि मनसा सततं स्मरन्ति मोक्षार्थिनो विगतरागविकारमोहाः

dhanyāsta eva manujā hi bhajanti bhaktyā pādāmbujaṁ tava bhavābdhijaleṣu potam | yaṁ yogino'pi manasā satataṁ smaranti mokṣārthino vigatarāgavikāramohāḥ

'Blessed indeed are those humans who worship with devotion your lotus feet — a very boat upon the waters of the ocean of existence — feet that even yogis, seeking liberation and free from passion, change, and delusion, ever hold in constant remembrance.'

Verse 48 (devibhagavatam.6.5.48)

ये याज्ञिकाः सकलवेदविदोऽपि नूनं त्वां संस्मरन्ति सततं किल होमकाले । स्वाहां तु तृप्तिजननीममरेश्वराणां भूयः स्वधां पितृगणस्य च तृप्तिहेतुम्

ye yājñikāḥ sakalavedavido'pi nūnaṁ tvāṁ saṁsmaranti satataṁ kila homakāle | svāhāṁ tu tṛptijananīmamareśvarāṇāṁ bhūyaḥ svadhāṁ pitṛgaṇasya ca tṛptihetum

'Those who perform the sacrifice, though learned in all the Vedas, surely remember you constantly at the moment of oblation — as Svaha, who satisfies the lords of the immortals, and again as Svadha, the very cause of satisfaction for the host of ancestors.'

Verse 49 (devibhagavatam.6.5.49)

मेधासि कान्तिरसि शान्तिरपि प्रसिद्धा बुद्धिस्त्वमेव विशदार्थकरी नराणाम् । सर्वं त्वमेव विभवं भुवनत्रयेऽस्मि\- न्कृत्वा ददासि भजतां कृपया सदैव

medhāsi kāntirasi śāntirapi prasiddhā buddhistvameva viśadārthakarī narāṇām | sarvaṁ tvameva vibhavaṁ bhuvanatraye'smi\- nkṛtvā dadāsi bhajatāṁ kṛpayā sadaiva

'You are intelligence, you are radiance, you are also the renowned peace itself; you alone are the understanding that grants men clarity of purpose. Having fashioned all the wealth in these three worlds, you alone ever bestow it, out of compassion, upon those who worship you.'

Verse 50 (devibhagavatam.6.5.50)

व्यास उवाच । एवं स्तुता सुरैर्देवी प्रत्यक्षा साभवत्तदा । चारुरूपधरा तन्वी सर्वाभरणभूषिता

vyāsa uvāca | evaṁ stutā surairdevī pratyakṣā sābhavattadā | cārurūpadharā tanvī sarvābharaṇabhūṣitā

Vyasa said: Thus praised by the gods, the Goddess then appeared visibly before them — of lovely form, slender, adorned with every ornament.

Verse 51 (devibhagavatam.6.5.51)

पाशाङ्कुशवराभीतिलसद्बाहुचतुष्टया । रणत्किङ्किणिकाजालरसनाबद्धसत्कटिः

pāśāṅkuśavarābhītilasadbāhucatuṣṭayā | raṇatkiṅkiṇikājālarasanābaddhasatkaṭiḥ

In her four shining arms she held the noose, the goad, and the gestures of boon-granting and fearlessness; her lovely waist was girdled with a chain of tinkling bells.

Verse 52 (devibhagavatam.6.5.52)

कलकण्ठीरवा कान्ता क्वणत्कङ्कणनूपुरा । चन्द्रखण्डसमाबद्धरत्नमौलिविराजिता

kalakaṇṭhīravā kāntā kvaṇatkaṅkaṇanūpurā | candrakhaṇḍasamābaddharatnamaulivirājitā

Lovely and gentle, her voice sweet as a cuckoo's, her bracelets and anklets tinkling softly, her jeweled crown resplendent, bound with a crescent of the moon.

Verse 53 (devibhagavatam.6.5.53)

मन्दस्मितारविन्दास्या नेत्रत्रयविभूषिता । पारिजातप्रसूनाच्छनालवर्णसमप्रभा

mandasmitāravindāsyā netratrayavibhūṣitā | pārijātaprasūnācchanālavarṇasamaprabhā

Her lotus-like face bore a gentle smile, adorned with three eyes; her radiance was as clear and bright as the stem of a parijata blossom.

Verse 54 (devibhagavatam.6.5.54)

रक्ताम्बरपरीधाना रक्तचन्दनचर्चिता । प्रसादसुमुखी देवी करुणारससागरा

raktāmbaraparīdhānā raktacandanacarcitā | prasādasumukhī devī karuṇārasasāgarā

Clothed in red garments and anointed with red sandalwood paste, the Goddess, her face full of grace, was an ocean of the very essence of compassion.

Verse 55 (devibhagavatam.6.5.55)

सर्वशृङ्गारवेषाढ्या सर्वद्वैतारणिः परा । सर्वज्ञा सर्वकर्त्री च सर्वाधिष्ठानरूपिणी

sarvaśṛṅgāraveṣāḍhyā sarvadvaitāraṇiḥ parā | sarvajñā sarvakartrī ca sarvādhiṣṭhānarūpiṇī

Richly adorned with every ornament of beauty, the supreme one who carries all beings across duality; all-knowing, the doer of all things, the very ground and support of all existence.

Verse 56 (devibhagavatam.6.5.56)

सर्ववेदान्तसंसिद्धा सच्चिदानन्दरूपिणी । प्रणेमुस्तां समालोक्य सुरा देवीं पुरःस्थिताम्

sarvavedāntasaṁsiddhā saccidānandarūpiṇī | praṇemustāṁ samālokya surā devīṁ puraḥsthitām

Established as the very culmination of all Vedanta, embodying being, consciousness, and bliss; beholding her standing there before them, the gods bowed down in worship.

Verse 57 (devibhagavatam.6.5.57)

तानाह प्रणतानम्बा किं वः कार्यं ब्रुवन्तु माम् । देवा ऊचुः । मोहयैनं रिपुं वृत्रं देवानामतिदुःखदम्

tānāha praṇatānambā kiṁ vaḥ kāryaṁ bruvantu mām | devā ūcuḥ | mohayainaṁ ripuṁ vṛtraṁ devānāmatiduḥkhadam

The Mother said to them, bowed low: 'What is your task? Tell me.' The gods said: 'Delude this enemy Vritra, who brings such terrible suffering upon the gods.'

Verse 58 (devibhagavatam.6.5.58)

यथा विश्वसते देवांस्तथा कुरु विमोहितम् । आयुधे च बलं देहि हतः स्याद्येन वा रिपुः

yathā viśvasate devāṁstathā kuru vimohitam | āyudhe ca balaṁ dehi hataḥ syādyena vā ripuḥ

'Delude him in such a way that he comes to trust the gods; and grant power to the weapon, so that the enemy may be slain by it.'

Verse 59 (devibhagavatam.6.5.59)

व्यास उवाच । तथेत्युक्त्वा भगवती तत्रैवान्तरधीयत । स्वानि स्वानि निकेतानि जग्मुर्देवा मुदान्विताः

vyāsa uvāca | tathetyuktvā bhagavatī tatraivāntaradhīyata | svāni svāni niketāni jagmurdevā mudānvitāḥ

Vyasa said: Saying 'So be it,' the Bhagavati vanished right there; and the gods, filled with joy, returned each to his own abode.