Nahusha's Anointing as Indra After Indra Enters the Lotus-Stalk

Verse 1 (devibhagavatam.6.7.1)

व्यास उवाच । अथ तं पतितं दृष्ट्वा विष्णुर्विष्णुपुरीं ययौ । मनसा शङ्कमानस्तु तस्य हत्याकृतं भयम्

vyāsa uvāca | atha taṁ patitaṁ dṛṣṭvā viṣṇurviṣṇupurīṁ yayau | manasā śaṅkamānastu tasya hatyākṛtaṁ bhayam

Vyasa said: Then, seeing him fallen, Vishnu departed for his own city; yet in his heart he remained apprehensive, sensing the fear born from that killing.

Verse 2 (devibhagavatam.6.7.2)

इन्द्रोऽपि भयसन्त्रस्तो ययाविन्द्रपुरीं ततः । मुनयो भयसंविग्ना ह्यभवन्निहते रिपौ

indro'pi bhayasantrasto yayāvindrapurīṁ tataḥ | munayo bhayasaṁvignā hyabhavannihate ripau

Indra too, terrified, then went off to his own city; and the sages, once the enemy had been slain, became agitated with fear as well.

Verse 3 (devibhagavatam.6.7.3)

किमस्माभिः कृतं पापं यदसौ वञ्चितः किल । मुनिशब्दो वृथा जातः सुरेशस्य च सङ्गमात्

kimasmābhiḥ kṛtaṁ pāpaṁ yadasau vañcitaḥ kila | muniśabdo vṛthā jātaḥ sureśasya ca saṅgamāt

'What sin have we committed, that he was thus deceived? Through our very association with the lord of the gods, the name "sage" has become meaningless.'

Verse 4 (devibhagavatam.6.7.4)

अस्माकं वचनाद्वृत्रो विश्वासमगमत्किल । विश्वासघातिनः सङ्गाद्वयं विश्वासघातकाः

asmākaṁ vacanādvṛtro viśvāsamagamatkila | viśvāsaghātinaḥ saṅgādvayaṁ viśvāsaghātakāḥ

'It was our own word that led Vritra to trust; through our association with a betrayer, we ourselves have become betrayers of trust.'

Verse 5 (devibhagavatam.6.7.5)

धिगियं ममता पापमूलमेवमनर्थकृत् । यदस्माभिश्छलं कृत्वा शपथैर्वञ्चितोऽसुरः

dhigiyaṁ mamatā pāpamūlamevamanarthakṛt | yadasmābhiśchalaṁ kṛtvā śapathairvañcito'suraḥ

'Shame on this self-interest, root of sin, cause of nothing but ruin — through which we ourselves practiced deceit and betrayed the asura with false oaths.'

Verse 6 (devibhagavatam.6.7.6)

मन्त्रकृद्बुद्धिदाता च प्रेरकः पापकारिणाम् । पापभाक्स भवेन्नूनं पक्षकर्ता तथैव च

mantrakṛdbuddhidātā ca prerakaḥ pāpakāriṇām | pāpabhāksa bhavennūnaṁ pakṣakartā tathaiva ca

'Whoever devises the plot, offers the counsel, or incites those who do evil surely shares in that very sin — and so too does the one who merely takes a side.'

Verse 7 (devibhagavatam.6.7.7)

विष्णुनापि कृतं पापं यत्साहाय्यमवाप्तवान् । वज्रं प्रविश्य येनासौ पातितः सत्त्वमूर्तिना

viṣṇunāpi kṛtaṁ pāpaṁ yatsāhāyyamavāptavān | vajraṁ praviśya yenāsau pātitaḥ sattvamūrtinā

'Vishnu too committed sin by lending his aid; it was he, that embodiment of sattva, who entered the vajra and brought about his fall.'

Verse 8 (devibhagavatam.6.7.8)

नूनं स्वार्थपरः प्राणी न पापात्त्रासमश्नुते । हरिणा हरिसङ्गेन सर्वथा दुष्कृतं कृतम्

nūnaṁ svārthaparaḥ prāṇī na pāpāttrāsamaśnute | hariṇā harisaṅgena sarvathā duṣkṛtaṁ kṛtam

'Surely a being intent on self-interest feels no fear of sin; through Hari's own act, and through association with Hari, this wicked deed was thoroughly accomplished.'

Verse 9 (devibhagavatam.6.7.9)

द्वावेव स्तः पदार्थानां द्वावेव निधनं गतौ । प्रथमश्च तुरीयश्च यौ त्रिलोक्यां तु दुर्लभौ

dvāveva staḥ padārthānāṁ dvāveva nidhanaṁ gatau | prathamaśca turīyaśca yau trilokyāṁ tu durlabhau

'Among the aims of human life, only two remain within reach — the other two have all but vanished; the first, dharma, and the fourth, moksha, are the two that have become rare indeed to attain in the three worlds.'

Verse 10 (devibhagavatam.6.7.10)

अर्थकामौ प्रशस्तौ द्वौ सर्वेषां सम्मतौ प्रियौ । धर्माधर्मेति वाग्वादो दम्भोऽयं महतामपि

arthakāmau praśastau dvau sarveṣāṁ sammatau priyau | dharmādharmeti vāgvādo dambho'yaṁ mahatāmapi

'Wealth and pleasure — these two are praised, agreeable and dear to everyone; talk of "dharma" and "adharma" is merely words — hypocrisy, even among the supposedly great.'

Verse 11 (devibhagavatam.6.7.11)

मुनयोऽपि मनस्तापमेवं कृत्वा पुनः पुनः । जग्मुः स्वानाश्रमानेव विमनस्का हतोद्यमाः

munayo'pi manastāpamevaṁ kṛtvā punaḥ punaḥ | jagmuḥ svānāśramāneva vimanaskā hatodyamāḥ

The sages too, having thus tormented their own minds again and again, went back, each to his own hermitage, despondent and drained of all resolve.

Verse 12 (devibhagavatam.6.7.12)

त्वष्टा तु निहतं श्रुत्वा पुत्रमिन्द्रेण भारत । रुरोद दुःखसन्तप्तो निर्वेदमगमत्पुनः

tvaṣṭā tu nihataṁ śrutvā putramindreṇa bhārata | ruroda duḥkhasantapto nirvedamagamatpunaḥ

Tvashtri, O descendant of Bharata, hearing that his son had been slain by Indra, wept, tormented with grief, and sank once again into deep despair.

Verse 13 (devibhagavatam.6.7.13)

यत्रासौ पतितस्तत्र गत्वा वीक्ष्य तथागतम् । संस्कारं कारयामास विधिवत्पारलौकिकम्

yatrāsau patitastatra gatvā vīkṣya tathāgatam | saṁskāraṁ kārayāmāsa vidhivatpāralaukikam

Going to the very spot where he had fallen and seeing him in that state, he had the proper funeral rites for the afterlife performed according to due ordinance.

Verse 14 (devibhagavatam.6.7.14)

स्नात्वास्य सलिलं दत्त्वा कृत्वा चैवौर्ध्वदैहिकम् । शशापेन्द्रं स शोकार्तः पापिष्ठं मित्रघातकम्

snātvāsya salilaṁ dattvā kṛtvā caivaurdhvadaihikam | śaśāpendraṁ sa śokārtaḥ pāpiṣṭhaṁ mitraghātakam

Having bathed, offered water to him, and performed the funeral rites for the departed, he, tormented with grief, pronounced a curse upon Indra, most sinful, the betrayer of a friend.

Verse 15 (devibhagavatam.6.7.15)

यथा मे निहतः पुत्रः प्रलोभ्य शपथैर्भृशम् । तथेन्द्रोऽपि महद्दुःखं प्राप्नोतु विधिनिर्मितम्

yathā me nihataḥ putraḥ pralobhya śapathairbhṛśam | tathendro'pi mahadduḥkhaṁ prāpnotu vidhinirmitam

'Just as my son was slain, thoroughly tempted by false oaths, so too may Indra suffer a great sorrow, ordained by fate itself.'

Verse 16 (devibhagavatam.6.7.16)

इति शप्त्वा सुरेशानं त्वष्टा तापसमन्वितः । मेरोः शिखरमास्थाय तपस्तेपे सुदुष्करम्

iti śaptvā sureśānaṁ tvaṣṭā tāpasamanvitaḥ | meroḥ śikharamāsthāya tapastepe suduṣkaram

Having thus cursed the lord of the gods, Tvashtri took to the ascetic life, established himself on the peak of Mount Meru, and performed austerity of the most extreme difficulty.

Verse 17 (devibhagavatam.6.7.17)

जनमेजय उवाच । हत्वा त्वाष्ट्रं सुरेशोऽथ कामवस्थामवाप्तवान् । सुखं वा दुःखमेवाग्रे तन्मे ब्रूहि पितामह

janamejaya uvāca | hatvā tvāṣṭraṁ sureśo'tha kāmavasthāmavāptavān | sukhaṁ vā duḥkhamevāgre tanme brūhi pitāmaha

Janamejaya said: 'Having slain Tvashtri's son, did the lord of the gods then attain the condition he had wished for? Did happiness follow, or only sorrow? Tell me this, O grandfather.'

Verse 18 (devibhagavatam.6.7.18)

व्यास उवाच । किं पृच्छसि महाभाग सन्देहः कीदृशस्तव । अवश्यमेव भोक्तव्यं कृतं कर्म शुभाशुभम्

vyāsa uvāca | kiṁ pṛcchasi mahābhāga sandehaḥ kīdṛśastava | avaśyameva bhoktavyaṁ kṛtaṁ karma śubhāśubham

Vyasa said: 'What are you asking, O greatly fortunate one? What manner of doubt is this in your mind? A deed once done, be it good or evil, must certainly be reaped in its fruit.'

Verse 19 (devibhagavatam.6.7.19)

बलिष्ठैर्दुर्बलैर्वापि स्वल्पं वा बहु वा कृतम् । सर्वथैव हि भोक्तव्यं सदेवासुरमानुषैः

baliṣṭhairdurbalairvāpi svalpaṁ vā bahu vā kṛtam | sarvathaiva hi bhoktavyaṁ sadevāsuramānuṣaiḥ

'Whether done by the strong or the weak, whether small or great — it must, without any exception, be experienced by gods, asuras, and men alike.'

Verse 20 (devibhagavatam.6.7.20)

शक्रायेत्थं मतिर्दत्ता हरिणा वृत्रघातिने । प्रविष्टोऽथ पविं विष्णुः सहायः प्रत्यपद्यत

śakrāyetthaṁ matirdattā hariṇā vṛtraghātine | praviṣṭo'tha paviṁ viṣṇuḥ sahāyaḥ pratyapadyata

'Thus it was Hari who gave Shakra the counsel for Vritra's slaying; and then Vishnu entered the thunderbolt and became his helper.'

Verse 21 (devibhagavatam.6.7.21)

न चापदि सहायोऽभूद्वासुदेवः कथञ्चन । समये स्वजनः सर्वः संसारेऽस्मिन्नराधिप

na cāpadi sahāyo'bhūdvāsudevaḥ kathañcana | samaye svajanaḥ sarvaḥ saṁsāre'sminnarādhipa

'Yet when calamity itself came upon him, Vasudeva was in no way his helper; in this world, O lord of men, everyone is one's own kin only in good times.'

Verse 22 (devibhagavatam.6.7.22)

दैवे विमुखतां प्राप्ते न कोऽप्यस्ति सहायवान् । पिता माता तथा भार्या भ्राता वाथ सहोदरः

daive vimukhatāṁ prāpte na ko'pyasti sahāyavān | pitā mātā tathā bhāryā bhrātā vātha sahodaraḥ

'When fortune turns away, no one at all remains a helper — not father, not mother, not wife, not brother, not even one's own sibling.'

Verse 23 (devibhagavatam.6.7.23)

सेवको वापि मित्रं वा पुत्रश्चैव तथौरसः । प्रतिकूले गते दैवे न कोऽप्येति सहायताम्

sevako vāpi mitraṁ vā putraścaiva tathaurasaḥ | pratikūle gate daive na ko'pyeti sahāyatām

'Neither servant, nor friend, nor son — not even one's own begotten child; when fate turns adverse, no one at all comes forward to help.'

Verse 24 (devibhagavatam.6.7.24)

भोक्ता पापस्य पुण्यस्य कर्ता भवति सर्वथा । वृत्रं हत्वा गताः सर्वे निस्तेजस्कः शचीपतिः

bhoktā pāpasya puṇyasya kartā bhavati sarvathā | vṛtraṁ hatvā gatāḥ sarve nistejaskaḥ śacīpatiḥ

'Whoever commits an act, whether good or sinful, must in every case bear its fruit himself. Having slain Vritra, all the others departed; Shachi's lord alone remained, stripped of all his splendor.'

Verse 25 (devibhagavatam.6.7.25)

शेपुस्तं त्रिदशाः सर्वे ब्रह्महेत्यब्रुवञ्छनैः । को नाम शपथान्कृत्वा सत्यं दत्त्वा वचः पुनः

śepustaṁ tridaśāḥ sarve brahmahetyabruvañchanaiḥ | ko nāma śapathānkṛtvā satyaṁ dattvā vacaḥ punaḥ

All the gods cursed him under their breath, calling him a 'brahmin-killer' — 'Who indeed, having sworn solemn oaths and given his word of truth, could then —'

Verse 26 (devibhagavatam.6.7.26)

जिघांसति सुविश्वस्तं मुनिं मित्रत्वमागतम् । देवगोष्ठ्यां सुरोद्याने गन्धर्वाणां समागमे

jighāṁsati suviśvastaṁ muniṁ mitratvamāgatam | devagoṣṭhyāṁ surodyāne gandharvāṇāṁ samāgame

'— seek to kill a sage who trusted him wholly and had become his very friend?' In the assembly of the gods, in the garden of the gods, in the gathering of gandharvas —

Verse 27 (devibhagavatam.6.7.27)

सर्वत्रैव कथा तस्य विस्तारमगमत्किल । किं कृतं दुष्कृतं कर्म शक्रेणाद्य जिघांसता

sarvatraiva kathā tasya vistāramagamatkila | kiṁ kṛtaṁ duṣkṛtaṁ karma śakreṇādya jighāṁsatā

— the tale of it spread everywhere: 'What a wicked deed Shakra has committed today, in his desire to kill —'

Verse 28 (devibhagavatam.6.7.28)

वृत्रं छलेन विश्वस्तं मुनिभिश्च प्रतारितम् । वेदप्रमाणमुत्सृज्य स्वीकृतं सौगतं मतम्

vṛtraṁ chalena viśvastaṁ munibhiśca pratāritam | vedapramāṇamutsṛjya svīkṛtaṁ saugataṁ matam

'— Vritra, who trusted in the deceit, betrayed even by the sages themselves; abandoning the very authority of the Veda, he has taken up a doctrine fit for a Buddhist.'

Verse 29 (devibhagavatam.6.7.29)

यदयं निहतः शनुर्वञ्चयित्वातिसाहसात् । को नाम वचनं दत्त्वा विपरीतमथाचरेत्

yadayaṁ nihataḥ śanurvañcayitvātisāhasāt | ko nāma vacanaṁ dattvā viparītamathācaret

'— for this enemy was slain through deceit, with the most reckless audacity. Who, having given his word, would then act in a manner contrary to it?'

Verse 30 (devibhagavatam.6.7.30)

विना शक्रं हरिं वापि यथायं विनिपातितः । एवंविधाः कथाश्चान्याः समाजेष्वभवन्भृशम्

vinā śakraṁ hariṁ vāpi yathāyaṁ vinipātitaḥ | evaṁvidhāḥ kathāścānyāḥ samājeṣvabhavanbhṛśam

'Without Shakra, or without Hari, how could he have been struck down at all?' Such tales, and many like them, spread widely through every gathering.

Verse 31 (devibhagavatam.6.7.31)

शुश्रावेन्द्रोऽपि विविधाः स्वकीर्तेर्हानिकारकाः । यस्य कीर्तिर्हता लोके धिक्तस्यैव कुजीवितम्

śuśrāvendro'pi vividhāḥ svakīrterhānikārakāḥ | yasya kīrtirhatā loke dhiktasyaiva kujīvitam

Indra too heard these many tales, so damaging to his own reputation; and truly, shame on the wretched life of one whose fame has been destroyed in the world.

Verse 32 (devibhagavatam.6.7.32)

यं दृष्ट्वा पथि गच्छन्तं शत्रुः स्मेरमुखो भवेत् । इन्द्रद्युम्नोऽपि राजर्षिः पतितः कीर्तिसङ्क्षयात्

yaṁ dṛṣṭvā pathi gacchantaṁ śatruḥ smeramukho bhavet | indradyumno'pi rājarṣiḥ patitaḥ kīrtisaṅkṣayāt

When one's very enemy smiles at the sight of him walking along the road — such a life deserves only contempt. Even the royal sage Indradyumna fell, through the decay of his good name.

Verse 33 (devibhagavatam.6.7.33)

स्वर्गादकृतपापोऽसौ पापकृत्किं न पात्यते । स्वल्पेऽपराधेऽपि नृपो ययातिः पतितः किल

svargādakṛtapāpo'sau pāpakṛtkiṁ na pātyate | svalpe'parādhe'pi nṛpo yayātiḥ patitaḥ kila

He, sinless as he was, fell from heaven — how then could a sinner not be made to fall? Even for a trifling offense, King Yayati fell, as is well known.

Verse 34 (devibhagavatam.6.7.34)

नृपः कर्कटतां प्राप्तो युगानष्टादशैव तु । भृगुपत्नीशिरश्छेदाद्भगवान्हरिरच्युतः

nṛpaḥ karkaṭatāṁ prāpto yugānaṣṭādaśaiva tu | bhṛgupatnīśiraśchedādbhagavānhariracyutaḥ

That king became a crab and remained so for eighteen full yugas; and for severing the head of Bhrigu's wife, the blessed, imperishable Hari himself —

Verse 35 (devibhagavatam.6.7.35)

ब्रह्मशापात्पशोर्योनौ सञ्जातो मकरादिषु । विष्णुश्च वामनो भूत्वा याचनार्थं बलेर्गृहे

brahmaśāpātpaśoryonau sañjāto makarādiṣu | viṣṇuśca vāmano bhūtvā yācanārthaṁ balergṛhe

— through a brahmin's curse, was made to be born in the wombs of beasts, as a crocodile and the like; and Vishnu too, becoming Vamana, went for the sake of asking alms to the house of Bali —

Verse 36 (devibhagavatam.6.7.36)

गतः किमपरं दुःखं प्राप्नोति दुष्कृती नरः । रामोऽपि वनवासेषु सीताविरहजं बहु

gataḥ kimaparaṁ duḥkhaṁ prāpnoti duṣkṛtī naraḥ | rāmo'pi vanavāseṣu sītāvirahajaṁ bahu

— such was Vishnu's own lot. What further suffering does not fall upon a wrongdoer? Even Rama, during his years in the forest, endured great sorrow born of separation from Sita —

Verse 37 (devibhagavatam.6.7.37)

दुःखं च प्राप्तवान्घोरं भृगुशापेन भारत । तथेन्द्रोऽपि ब्रह्महत्याकृतं प्राप्य महद्भयम्

duḥkhaṁ ca prāptavānghoraṁ bhṛguśāpena bhārata | tathendro'pi brahmahatyākṛtaṁ prāpya mahadbhayam

— and terrible sorrow through Bhrigu's curse, O descendant of Bharata. In the same way, Indra too, having incurred a great fear from the sin of killing a brahmin —

Verse 38 (devibhagavatam.6.7.38)

न स्वास्थ्यं प्राप गेहेऽसौ सर्वसिद्धिसमन्विते । पौलोमी तं सभाहीनं दृष्ट्वा प्रोवाच वासवम्

na svāsthyaṁ prāpa gehe'sau sarvasiddhisamanvite | paulomī taṁ sabhāhīnaṁ dṛṣṭvā provāca vāsavam

— found no peace even in his own home, for all its every comfort and accomplishment. Pauloni (Shachi), seeing him withdrawn from company, spoke to Vasava.

Verse 39 (devibhagavatam.6.7.39)

निःश्वसन्तं भयत्रस्तं नष्टसंज्ञं विचेतसम् । किं प्रभोऽद्य भयार्तोऽसि मृतस्ते दारुणो रिपुः

niḥśvasantaṁ bhayatrastaṁ naṣṭasaṁjñaṁ vicetasam | kiṁ prabho'dya bhayārto'si mṛtaste dāruṇo ripuḥ

Seeing him sighing, frightened, dazed, and out of his senses, she said: 'My lord, why are you so tormented with fear today? Your terrible enemy is already dead.'

Verse 40 (devibhagavatam.6.7.40)

का चिन्ता वर्तते कान्त तव शत्रुनिषूदन । कस्माच्छोचसि लोकेश निःश्वसन्प्राकृतो यथा

kā cintā vartate kānta tava śatruniṣūdana | kasmācchocasi lokeśa niḥśvasanprākṛto yathā

'What anxiety weighs on you, my beloved slayer of enemies? Why do you grieve, O lord of the worlds, sighing like an ordinary man?'

Verse 41 (devibhagavatam.6.7.41)

नान्योऽस्ति बलवाञ्छत्रुर्येन चिन्तापरो भवान् । इन्द्र उवाच । नारातिर्बलवान्मेऽस्ति न शान्तिर्न सुखं तथा

nānyo'sti balavāñchatruryena cintāparo bhavān | indra uvāca | nārātirbalavānme'sti na śāntirna sukhaṁ tathā

'There is no other powerful enemy left that could keep you so anxious.' Indra said: 'I have no powerful foe remaining, yet neither peace nor happiness is mine.'

Verse 42 (devibhagavatam.6.7.42)

ब्रह्महत्याभयाद्राज्ञि बिभेमि सततं गृहे । न नन्दनं सुखकरं नामृतं न गृहं वनम्

brahmahatyābhayādrājñi bibhemi satataṁ gṛhe | na nandanaṁ sukhakaraṁ nāmṛtaṁ na gṛhaṁ vanam

'Out of fear of the sin of killing a brahmin, O queen, I remain in constant dread even at home; neither Nandana brings me joy, nor nectar, nor home, nor forest.'

Verse 43 (devibhagavatam.6.7.43)

गन्धर्वाणां तथा गेयं नृत्यमप्सरसां पुनः । न त्वं सुखकरा नारी नाना च सुरयोषितः

gandharvāṇāṁ tathā geyaṁ nṛtyamapsarasāṁ punaḥ | na tvaṁ sukhakarā nārī nānā ca surayoṣitaḥ

'Nor the songs of the gandharvas, nor the dancing of the apsarases; not even you, dear one, bring me joy any longer, nor any of the celestial women.'

Verse 44 (devibhagavatam.6.7.44)

न तथा कामधेनुश्च देववृक्षः सुखप्रदः । किं करोमि क्व गच्छामि क्व शर्म मम जायते

na tathā kāmadhenuśca devavṛkṣaḥ sukhapradaḥ | kiṁ karomi kva gacchāmi kva śarma mama jāyate

'Nor does Kamadhenu, nor the celestial tree, bring me any happiness now. What am I to do, where am I to go, where might peace ever be born for me?'

Verse 45 (devibhagavatam.6.7.45)

इति चिन्तापरः कान्ते न लभे सुखमात्मनि । व्यास उवाच । इत्युक्त्वा वचनं शक्रः प्रियां परमकातराम्

iti cintāparaḥ kānte na labhe sukhamātmani | vyāsa uvāca | ityuktvā vacanaṁ śakraḥ priyāṁ paramakātarām

'Consumed thus with anxiety, my beloved, I find no happiness within myself at all.' Vyasa said: Having spoken these words, Shakra, leaving his beloved utterly stricken with fear —

Verse 46 (devibhagavatam.6.7.46)

निर्जगाम गृहान्मन्दो मानसं सर उत्तमम् । पद्मनाले प्रविष्टोऽसौ भयार्तः शोककर्षितः

nirjagāma gṛhānmando mānasaṁ sara uttamam | padmanāle praviṣṭo'sau bhayārtaḥ śokakarṣitaḥ

— he, dispirited, left his home and went to the excellent lake Manasa; tormented by fear and worn thin with sorrow, he entered into a lotus-stalk.

Verse 47 (devibhagavatam.6.7.47)

न प्राज्ञायत देवेन्द्रस्त्वभिभूतश्च कल्मषैः । प्रतिच्छन्नो वसत्यप्सु चेष्टमान इवोरगः

na prājñāyata devendrastvabhibhūtaśca kalmaṣaiḥ | praticchanno vasatyapsu ceṣṭamāna ivoragaḥ

The lord of the gods, overcome by his sins, could not be recognized by anyone; concealed, he dwelt within the waters, moving about like a serpent.

Verse 48 (devibhagavatam.6.7.48)

असहायस्तुराषाडैच्चिन्तार्तो विकलेन्द्रियः । ततः प्रनष्टे देवेन्द्रे ब्रह्महत्याभयार्दिते

asahāyasturāṣāḍaiccintārto vikalendriyaḥ | tataḥ pranaṣṭe devendre brahmahatyābhayārdite

Helpless, anxious, his senses utterly disordered, Turashad went there. And so, with the lord of the gods vanished, afflicted by the fear of the sin of killing a brahmin —

Verse 49 (devibhagavatam.6.7.49)

सुराश्चिन्तातुराश्चासन्नुत्पाताश्चाभवन्नथ । ऋषयः सिद्धगन्धर्वा भयार्ताश्चाभवन्भृशम्

surāścintāturāścāsannutpātāścābhavannatha | ṛṣayaḥ siddhagandharvā bhayārtāścābhavanbhṛśam

— the gods grew anxious, and calamities began to appear; the sages, the siddhas, and the gandharvas too became greatly afflicted with fear.

Verse 50 (devibhagavatam.6.7.50)

अराजकं जगत्सर्वमभिभूतमुपद्रवैः । अवर्षणं तदा जातं पृथिवी क्षीणवैभवा

arājakaṁ jagatsarvamabhibhūtamupadravaiḥ | avarṣaṇaṁ tadā jātaṁ pṛthivī kṣīṇavaibhavā

The entire world, left without a ruler, was overwhelmed by calamities; drought then set in, and the earth's splendor grew faint.

Verse 51 (devibhagavatam.6.7.51)

विच्छिन्नस्रोतसो नद्यः सरांस्यनुदकानि वै । एवं त्वराजके जाते देवता मुनयस्तथा

vicchinnasrotaso nadyaḥ sarāṁsyanudakāni vai | evaṁ tvarājake jāte devatā munayastathā

The flow of the rivers broke off, and the lakes lay waterless. And so, with the realm left without a ruler, the gods together with the sages —

Verse 52 (devibhagavatam.6.7.52)

विचार्य नहुषं चक्रुः शक्रं सर्वे दिवौकसः । सम्प्राप्य नहुषो राजा धर्मिष्ठोऽपि रजोबलात्

vicārya nahuṣaṁ cakruḥ śakraṁ sarve divaukasaḥ | samprāpya nahuṣo rājā dharmiṣṭho'pi rajobalāt

— after due deliberation, all the dwellers of heaven made Nahusha into Shakra, king of the gods; and King Nahusha, righteous though he was, upon attaining that rank, under the force of rajas —

Verse 53 (devibhagavatam.6.7.53)

बभूव विषयासक्तः पञ्चबाणशराहतः । अप्सरोभिर्वृतः क्रीडन्देवोद्यानेषु भारत

babhūva viṣayāsaktaḥ pañcabāṇaśarāhataḥ | apsarobhirvṛtaḥ krīḍandevodyāneṣu bhārata

— became attached to sensual pleasures, struck by the arrows of the five-arrowed god of love; surrounded by apsarases, sporting in the gardens of the gods, O descendant of Bharata —

Verse 54 (devibhagavatam.6.7.54)

शक्रपत्नीगुणाञ्छ्रुत्वा चकमे तां स पार्थिवः । ऋषीनाह किमिन्द्राणी नोपगच्छति मां किल

śakrapatnīguṇāñchrutvā cakame tāṁ sa pārthivaḥ | ṛṣīnāha kimindrāṇī nopagacchati māṁ kila

— hearing of Shakra's wife's virtues, that king came to desire her. He said to the sages: 'Why does Indrani not come to me?'

Verse 55 (devibhagavatam.6.7.55)

भवद्भिश्चामरैः सर्वैः कृतोऽहं वासवस्त्विह । प्रेषयध्वं सुराः कामं सेवार्थं मम वै शचीम्

bhavadbhiścāmaraiḥ sarvaiḥ kṛto'haṁ vāsavastviha | preṣayadhvaṁ surāḥ kāmaṁ sevārthaṁ mama vai śacīm

'You and all the other immortals have made me Vasava here; send Shachi, O gods, to serve me according to my wish.'

Verse 56 (devibhagavatam.6.7.56)

प्रियं चेन्मम कर्तव्यं सर्वथा मुनयोऽमराः । अहमिन्द्रोऽद्य देवानां लोकानां च तथेश्वरः

priyaṁ cenmama kartavyaṁ sarvathā munayo'marāḥ | ahamindro'dya devānāṁ lokānāṁ ca tatheśvaraḥ

'If you wish in any way to please me, O sages, O immortals — do so, for I am today Indra of the gods, and likewise lord of the worlds.'

Verse 57 (devibhagavatam.6.7.57)

आगच्छतु शची मह्यं क्षिप्रमद्य निवेशनम् । इति तस्य वचः श्रुत्वा देवा देवर्षयस्तथा

āgacchatu śacī mahyaṁ kṣipramadya niveśanam | iti tasya vacaḥ śrutvā devā devarṣayastathā

'Let Shachi come to my dwelling at once, this very day.' Hearing these words of his, the gods and the divine sages —

Verse 58 (devibhagavatam.6.7.58)

गत्वा चिन्तातुराः प्रोचुः पौलोमीं प्रणतास्ततः । इन्द्रपत्नि दुराचारो नहुषस्त्वामिहेच्छति

gatvā cintāturāḥ procuḥ paulomīṁ praṇatāstataḥ | indrapatni durācāro nahuṣastvāmihecchati

— went to her, troubled, and, bowing low, said to Pauloni: 'O wife of Indra, the evil-conducted Nahusha desires you.'

Verse 59 (devibhagavatam.6.7.59)

कुपितोऽस्मानुवाचेदं प्रेषयध्वं शचीमिह । किं कुर्मस्तदधीनाः स्मो येनेन्द्रोऽयं कृतः किल

kupito'smānuvācedaṁ preṣayadhvaṁ śacīmiha | kiṁ kurmastadadhīnāḥ smo yenendro'yaṁ kṛtaḥ kila

'In anger he has said this to us: "Send Shachi here." What are we to do? We are now subject to him, since it was we ourselves who made him Indra.'

Verse 60 (devibhagavatam.6.7.60)

तच्छ्रुत्वा दुर्मना देवी बृहस्पतिमुवाच ह । रक्ष मां नहुषाद्ब्रह्मंस्तवास्मि शरणं गता

tacchrutvā durmanā devī bṛhaspatimuvāca ha | rakṣa māṁ nahuṣādbrahmaṁstavāsmi śaraṇaṁ gatā

Hearing this, the Goddess, her heart heavy, spoke to Brihaspati: 'Protect me from Nahusha, O brahmin; I have come to you for refuge.'

Verse 61 (devibhagavatam.6.7.61)

बृहस्पतिरुवाच । न भेतव्यं त्वया देवि नहुषात्पापमोहितात् । न त्वां दास्याम्यहं वत्से त्यक्त्वा धर्मं सनातनम्

bṛhaspatiruvāca | na bhetavyaṁ tvayā devi nahuṣātpāpamohitāt | na tvāṁ dāsyāmyahaṁ vatse tyaktvā dharmaṁ sanātanam

Brihaspati said: 'You need not fear that sin-deluded Nahusha, O Goddess; I shall never, my child, forsake the eternal dharma and hand you over to him.'

Verse 62 (devibhagavatam.6.7.62)

शरणागतमार्तं च यो ददाति नराधमः । स एव नरकं याति यावदाभूतसम्प्लवम् । स्वस्था भव पृथुश्रोणि न त्यक्ष्ये त्वां कदाचन

śaraṇāgatamārtaṁ ca yo dadāti narādhamaḥ | sa eva narakaṁ yāti yāvadābhūtasamplavam | svasthā bhava pṛthuśroṇi na tyakṣye tvāṁ kadācana

'Whatever base man surrenders one who is suffering and has come to him for refuge goes to hell until the dissolution of the universe itself. Be at peace, O graceful one; I shall never forsake you, come what may.'