The Tale of Satyavrata

Verse 1 (devibhagavatam.7.10.1)

व्यास उवाच । बभूव चक्रवर्ती स नृपतिः सत्यसङ्गरः । मान्धाता पृथिवीं सर्वामजयन्नृपतीश्वरः

vyāsa uvāca babhūva cakravartī sa nṛpatiḥ satyasaṅgaraḥ māndhātā pṛthivīṁ sarvāmajayannṛpatīśvaraḥ

Vyasa said: That king Mandhata, true to his word, became a universal emperor; that lord of kings conquered the entire earth.

Verse 2 (devibhagavatam.7.10.2)

दस्यवोऽस्य भयत्रस्ता ययुर्गिरिगुहासु च । इन्द्रेणास्य कृतं नाम त्रसद्दस्युरिति स्फुटम्

dasyavo'sya bhayatrastā yayurgiriguhāsu ca indreṇāsya kṛtaṁ nāma trasaddasyuriti sphuṭam

Robbers, terrified of him, fled into mountain caves; and Indra clearly gave him the name Trasaddasyu, "he from whom robbers flee in terror."

Verse 3 (devibhagavatam.7.10.3)

तस्य बिन्दुमती भार्या शशबिन्दोः सुताभवत् । पतिव्रता सुरूपा च सर्वलक्षणसंयुता

tasya bindumatī bhāryā śaśabindoḥ sutābhavat pativratā surūpā ca sarvalakṣaṇasaṁyutā

His wife was Bindumati, daughter of Shashabindu, devoted to her husband, of beautiful form, and endowed with every auspicious mark.

Verse 4 (devibhagavatam.7.10.4)

तस्यामुत्पादयामास मान्धाता द्वौ सुतौ नृप । पुरुकुत्सं सुविख्यातं मुचुकुन्दं तथापरम्

tasyāmutpādayāmāsa māndhātā dvau sutau nṛpa purukutsaṁ suvikhyātaṁ mucukundaṁ tathāparam

Through her, O king, Mandhata begot two sons: the very renowned Purukutsa, and another, Muchukunda.

Verse 5 (devibhagavatam.7.10.5)

पुरुकुत्सात्ततोऽरण्यः पुत्रः परमधार्मिकः । पितृभक्तिरतश्चाभूद्बृहदश्वस्तदात्मजः

purukutsāttato'raṇyaḥ putraḥ paramadhārmikaḥ pitṛbhaktirataścābhūdbṛhadaśvastadātmajaḥ

From Purukutsa was born a son, Aranya, supremely righteous; and his son, devoted to his father, was Brihadashva.

Verse 6 (devibhagavatam.7.10.6)

हर्यश्वस्तस्य पुत्रोऽभूद्धार्मिकः परमार्थवित् । तस्यात्मजस्त्रिधन्वाभूदरुणस्तस्य चात्मजः

haryaśvastasya putro'bhūddhārmikaḥ paramārthavit tasyātmajastridhanvābhūdaruṇastasya cātmajaḥ

His son was Haryashva, righteous and a knower of highest truth; his son was Tridhanva, and his son was Aruna.

Verse 7 (devibhagavatam.7.10.7)

अरुणस्य सुतः श्रीमान्सत्यव्रत इति श्रुतः । सोऽभूदिच्छाचरः कामी मन्दात्मा ह्यतिलोलुपः

aruṇasya sutaḥ śrīmānsatyavrata iti śrutaḥ so'bhūdicchācaraḥ kāmī mandātmā hyatilolupaḥ

Aruna's illustrious son was known as Satyavrata; he became a man who followed his own whims, lustful, of dull understanding, and exceedingly greedy.

Verse 8 (devibhagavatam.7.10.8)

स पापात्मा विप्रभार्यां हृतवान्काममोहितः । विवाहे तस्य विघ्नं स चकार नृपतेः सुतः

sa pāpātmā viprabhāryāṁ hṛtavānkāmamohitaḥ vivāhe tasya vighnaṁ sa cakāra nṛpateḥ sutaḥ

That sinful-souled man, deluded by lust, abducted a Brahmin's wife-to-be; that king's son caused this obstruction at her wedding.

Verse 9 (devibhagavatam.7.10.9)

मिलिता ब्राह्मणास्तत्र राजानमरुणं नृप । ऊचुर्भृशं सुदुःखार्ता हा हताःस्मेति चासकृत्

militā brāhmaṇāstatra rājānamaruṇaṁ nṛpa ūcurbhṛśaṁ suduḥkhārtā hā hatāḥsmeti cāsakṛt

The Brahmins, gathering together, O king, said to King Aruna, greatly afflicted with sorrow, again and again, "Alas! We are ruined!"

Verse 10 (devibhagavatam.7.10.10)

पप्रच्छ राजा तान्विप्रान्दुःखितान्पुरवासिनः । किं कृतं मम पुत्रेण भवतामशुभं द्विजाः

papraccha rājā tānviprānduḥkhitānpuravāsinaḥ kiṁ kṛtaṁ mama putreṇa bhavatāmaśubhaṁ dvijāḥ

The king asked those distressed Brahmins, citizens of his realm: "What inauspicious deed has my son done to you, O twice-born?"

Verse 11 (devibhagavatam.7.10.11)

तन्निशम्य द्विजा वाक्यं राज्ञो विनयपूर्वकम् । तदोचुस्त्वरुणं विप्रां कृताशीर्वचना भृशम्

tanniśamya dvijā vākyaṁ rājño vinayapūrvakam tadocustvaruṇaṁ viprāṁ kṛtāśīrvacanā bhṛśam

Hearing the king's respectful words, the Brahmins then, having offered him abundant blessings, spoke to Aruna:

Verse 12 (devibhagavatam.7.10.12)

ब्राह्मणा ऊचुः - राजंस्तव सुतेनाद्य विवाहे प्रहृता किल । विवाहिता विप्रकन्या बलेन बलिनांवर

brāhmaṇā ūcuḥ - rājaṁstava sutenādya vivāhe prahṛtā kila vivāhitā viprakanyā balena balināṁvara

The Brahmins said: "O king, today by your son, a Brahmin maiden being wed was violently seized; by force, O foremost of the mighty, she was carried off during her wedding."

Verse 13 (devibhagavatam.7.10.13)

व्यास उवाच । श्रुत्वा तेषां वचस्तथ्यं राजा परमधार्मिकः । पुत्रमाह वृथा नाम कृतं ते दुष्टकर्मणा

vyāsa uvāca śrutvā teṣāṁ vacastathyaṁ rājā paramadhārmikaḥ putramāha vṛthā nāma kṛtaṁ te duṣṭakarmaṇā

Vyasa said: Hearing their truthful words, the supremely righteous king said to his son: "In vain indeed have you been given your name, through this wicked deed of yours."

Verse 14 (devibhagavatam.7.10.14)

गच्छ दूरं सुमन्दात्मन्दुराचार गृहान्मम । न स्थातव्यं त्वया पाप विषये मम सर्वथा

gaccha dūraṁ sumandātmandurācāra gṛhānmama na sthātavyaṁ tvayā pāpa viṣaye mama sarvathā

"Go far away, O dull-witted, evil-conducted one, from my house; you shall not, O sinner, remain in my domain under any circumstance."

Verse 15 (devibhagavatam.7.10.15)

कुपितं पितरं प्राह क्व गच्छामीति वै मुहुः । अरुणस्तमथोवाच श्वपाकैः सह वर्तय

kupitaṁ pitaraṁ prāha kva gacchāmīti vai muhuḥ aruṇastamathovāca śvapākaiḥ saha vartaya

He said to his angry father again and again, "Where shall I go?" Then Aruna said to him: "Go live among the outcastes."

Verse 16 (devibhagavatam.7.10.16)

श्वपचस्य कृतं कर्म द्विजदारापहारणम् । तस्मात्तैः सह संसर्गं कृत्वा तिष्ठ यथासुखम्

śvapacasya kṛtaṁ karma dvijadārāpahāraṇam tasmāttaiḥ saha saṁsargaṁ kṛtvā tiṣṭha yathāsukham

"You have done the deed of an outcaste — abducting a Brahmin's betrothed wife. Therefore, keep company with them and live however you please."

Verse 17 (devibhagavatam.7.10.17)

नाहं पुत्रेण पुत्रार्थी त्वया च कुलपांसन । यथेष्टं व्रज दुष्टात्मन् कीर्तिनाशः कृतस्त्वया

nāhaṁ putreṇa putrārthī tvayā ca kulapāṁsana yatheṣṭaṁ vraja duṣṭātman kīrtināśaḥ kṛtastvayā

"I have no desire for such a son as you, O defiler of our family. Go wherever you wish, O evil-souled one; you have destroyed our good name."

Verse 18 (devibhagavatam.7.10.18)

स निशम्य पितुर्वाक्यं कुपितस्य महात्मनः । निश्चक्राम पुरात्तस्मात्तरसा श्वपचान्ययौ

sa niśamya piturvākyaṁ kupitasya mahātmanaḥ niścakrāma purāttasmāttarasā śvapacānyayau

Hearing the words of his angry, great-souled father, he departed at once from the city and went quickly to live among the outcastes.

Verse 19 (devibhagavatam.7.10.19)

सत्यव्रतस्तदा तत्र श्वपाकैः सह वर्तते । धनुर्बाणधरः श्रीमान्कवची करुणालयः

satyavratastadā tatra śvapākaiḥ saha vartate dhanurbāṇadharaḥ śrīmānkavacī karuṇālayaḥ

Satyavrata then dwelt there among the outcastes, bearing bow and arrows, radiant, clad in armor, yet a repository of compassion.

Verse 20 (devibhagavatam.7.10.20)

यदा निष्कासितः पित्रा कुपितेन महात्मना । गुरुणाथ वसिष्ठेन प्रेरितोऽसौ महीपतिः

yadā niṣkāsitaḥ pitrā kupitena mahātmanā guruṇātha vasiṣṭhena prerito'sau mahīpatiḥ

When he had been banished by his angry, great-souled father, that king had been previously urged on by his preceptor Vasishtha —

Verse 21 (devibhagavatam.7.10.21)

तस्मात्सत्यव्रतस्तस्मिन्बभूव क्रोधसंयुतः । वसिष्ठे धर्मशास्त्रज्ञे निवारणपराङ्मुखे

tasmātsatyavratastasminbabhūva krodhasaṁyutaḥ vasiṣṭhe dharmaśāstrajñe nivāraṇaparāṅmukhe

— Because of this, Satyavrata harbored anger against Vasishtha, that knower of the sacred law, who had refused to intervene on his behalf with his father.

Verse 22 (devibhagavatam.7.10.22)

केनचित्कारणेनाथ पिता तस्य महीपतिः । पुत्रार्थेऽसौ तपस्तप्तुं पुरं त्यक्त्वा वनं गतः

kenacitkāraṇenātha pitā tasya mahīpatiḥ putrārthe'sau tapastaptuṁ puraṁ tyaktvā vanaṁ gataḥ

Then, for some reason, his father, that lord of the earth, left the city and went to the forest to perform austerity for the sake of another son.

Verse 23 (devibhagavatam.7.10.23)

न ववर्ष तदा तस्मिन्विषये पाकशासनः । समा द्वादश राजेन्द्र तेनाधर्मेण सर्वथा

na vavarṣa tadā tasminviṣaye pākaśāsanaḥ samā dvādaśa rājendra tenādharmeṇa sarvathā

Then Indra sent no rain upon that realm, O lord of kings, for twelve years, entirely because of that unrighteous deed.

Verse 24 (devibhagavatam.7.10.24)

विश्वामित्रस्तदा दारांस्तस्मिंस्तु विषये नृप । संन्यस्य कौशिकीतीरे चचार विपुलं तपः

viśvāmitrastadā dārāṁstasmiṁstu viṣaye nṛpa saṁnyasya kauśikītīre cacāra vipulaṁ tapaḥ

At that time, O king, Vishvamitra, having left his wife in that region, practiced extensive austerity on the bank of the Kaushiki river.

Verse 25 (devibhagavatam.7.10.25)

कातरा तत्र सञ्जाता भार्या वै कौशिकस्य ह । कुटुम्बभरणार्थाय दुःखिता वरवर्णिनी

kātarā tatra sañjātā bhāryā vai kauśikasya ha kuṭumbabharaṇārthāya duḥkhitā varavarṇinī

There, Vishvamitra's wife became distressed, that woman of excellent complexion, sorrowful over the burden of supporting her family.

Verse 26 (devibhagavatam.7.10.26)

बालकान्क्षुधयाक्रान्तान्रुदतः पश्यती भृशम् । याचमानांश्च नीवारान्कष्टमाप पतिव्रता

bālakānkṣudhayākrāntānrudataḥ paśyatī bhṛśam yācamānāṁśca nīvārānkaṣṭamāpa pativratā

Seeing her children, overwhelmed with hunger, crying pitifully, and begging for wild rice, that faithful wife fell into great distress.

Verse 27 (devibhagavatam.7.10.27)

चिन्तयामास दुःखार्ता तोकान्वीक्ष्य क्षुधातुरान् । नृपो नास्ति पुरे ह्यद्य कं याचे वा करोमि किम्

cintayāmāsa duḥkhārtā tokānvīkṣya kṣudhāturān nṛpo nāsti pure hyadya kaṁ yāce vā karomi kim

Sorrow-stricken, seeing her children tormented by hunger, she thought: "There is no king in the city today; whom shall I beg from, or what shall I do?"

Verse 28 (devibhagavatam.7.10.28)

न मे त्रातास्ति पुत्राणां पतिर्मे नास्ति सन्निधौ । रुदन्ति बालकाः कामं धिङ्मे जीवनमद्य वै

na me trātāsti putrāṇāṁ patirme nāsti sannidhau rudanti bālakāḥ kāmaṁ dhiṅme jīvanamadya vai

"There is no protector for my sons, my husband is not by my side. My children weep bitterly — shame on my life today!"

Verse 29 (devibhagavatam.7.10.29)

धनहीनां च मां त्यक्त्वा तपस्तप्तुं गतः पतिः । न जानाति समर्थोऽपि दुःखितां धनवर्जिताम्

dhanahīnāṁ ca māṁ tyaktvā tapastaptuṁ gataḥ patiḥ na jānāti samartho'pi duḥkhitāṁ dhanavarjitām

"My husband, leaving me without means, has gone to perform austerity; though capable, he does not know how distressed and destitute I am."

Verse 30 (devibhagavatam.7.10.30)

बालानां भरणं केन करोमि पतिना विना । मरिष्यन्ति सुताः सर्वे क्षुधया पीडिता भृशम्

bālānāṁ bharaṇaṁ kena karomi patinā vinā mariṣyanti sutāḥ sarve kṣudhayā pīḍitā bhṛśam

"By what means shall I support my children without my husband? All my sons will die, so severely afflicted by hunger."

Verse 31 (devibhagavatam.7.10.31)

एकं सुतं तु विक्रीय द्रव्येण कियता पुनः । पालयामि सुतानन्यानेष मे विहितो विधिः

ekaṁ sutaṁ tu vikrīya dravyeṇa kiyatā punaḥ pālayāmi sutānanyāneṣa me vihito vidhiḥ

"Selling one son for whatever price I can get, I shall support my other sons — this is the course laid out for me."

Verse 32 (devibhagavatam.7.10.32)

सर्वेषां मारणं नाद्धा युक्तं मम विपर्यये । कालस्य कलनायाहं विक्रीणामि तथात्मजम्

sarveṣāṁ māraṇaṁ nāddhā yuktaṁ mama viparyaye kālasya kalanāyāhaṁ vikrīṇāmi tathātmajam

"The death of all is certainly not right for me, even in this adversity; therefore, submitting to the reckoning of time, I shall sell my own son."

Verse 33 (devibhagavatam.7.10.33)

हृदयं कठिनं कृत्वा सञ्चिन्त्य मनसा सती । सा दर्भरज्ज्वा बद्ध्वाथ गले पुत्रं विनिर्गता

hṛdayaṁ kaṭhinaṁ kṛtvā sañcintya manasā satī sā darbharajjvā baddhvātha gale putraṁ vinirgatā

Hardening her heart, and having thus resolved in her mind, that chaste woman, binding a rope of kusha grass around her son's neck, went forth.

Verse 34 (devibhagavatam.7.10.34)

मुनिपत्नी गले बद्ध्वा मध्यमं पुत्रमौरसम् । शेषस्य भरणार्थाय गृहीत्वा चलिता गृहात्

munipatnī gale baddhvā madhyamaṁ putramaurasam śeṣasya bharaṇārthāya gṛhītvā calitā gṛhāt

The sage's wife, having bound by the neck her own middle son, took him with her, for the sake of supporting the rest, and departed from her home.

Verse 35 (devibhagavatam.7.10.35)

दृष्टा सत्यव्रतेनार्ता तापसी शोकसंयुता । पप्रच्छ नृपतिस्तां तु किं चिकीर्षसि शोभने

dṛṣṭā satyavratenārtā tāpasī śokasaṁyutā papraccha nṛpatistāṁ tu kiṁ cikīrṣasi śobhane

That distressed ascetic-woman, overcome with sorrow, was seen by Satyavrata; the king asked her: "What are you about to do, O beautiful one?"

Verse 36 (devibhagavatam.7.10.36)

रुदन्तं बालकं कण्ठे बद्ध्वा नयसि काधुना । किमर्थं चारुसर्वाङ्गि सत्यं ब्रूहि ममाग्रतः

rudantaṁ bālakaṁ kaṇṭhe baddhvā nayasi kādhunā kimarthaṁ cārusarvāṅgi satyaṁ brūhi mamāgrataḥ

"Why are you leading this weeping child, bound by the neck? For what reason, O beautiful woman in every limb? Tell me the truth before me."

Verse 37 (devibhagavatam.7.10.37)

ऋषिपत्न्युवाच - विश्वामित्रस्य भार्याहं पुत्रोऽयं मे नृपात्मज । विक्रेतुमौरसं कामं गमिष्ये विषमे सुतम्

ṛṣipatnyuvāca - viśvāmitrasya bhāryāhaṁ putro'yaṁ me nṛpātmaja vikretumaurasaṁ kāmaṁ gamiṣye viṣame sutam

The sage's wife said: "I am the wife of Vishvamitra, O king's son; this is my own son. I am going to a desperate strait, to sell my own child."

Verse 38 (devibhagavatam.7.10.38)

अन्नं नास्ति पतिर्मुक्त्वा गतस्तप्तुं नृप क्वचित् । विक्रीणामि क्षुधार्तैनं शेषस्य भरणाय वै

annaṁ nāsti patirmuktvā gatastaptuṁ nṛpa kvacit vikrīṇāmi kṣudhārtainaṁ śeṣasya bharaṇāya vai

"There is no food; my husband has left and gone somewhere to perform austerity, O king. I am selling him, tormented by hunger, for the sake of supporting the rest of my children."

Verse 39 (devibhagavatam.7.10.39)

राजोवाच - पतिव्रते रक्ष पुत्रं दास्यामि भरणं तव । तावदेव पतिस्तेऽत्र वनाच्चैवागमिष्यति

rājovāca - pativrate rakṣa putraṁ dāsyāmi bharaṇaṁ tava tāvadeva patiste'tra vanāccaivāgamiṣyati

The king said: "O faithful wife, keep your son; I shall provide for your family's support. Until your husband himself returns here from the forest —"

Verse 40 (devibhagavatam.7.10.40)

वृक्षे तवाश्रमाभ्याशे भक्ष्यं किञ्चिन्निरन्तरम् । बन्धयित्वा गमिष्यामि सत्यमेतद्ब्रवीम्यहम्

vṛkṣe tavāśramābhyāśe bhakṣyaṁ kiñcinnirantaram bandhayitvā gamiṣyāmi satyametadbravīmyaham

"— I shall continually hang some food upon a tree near your hermitage before I go; this I tell you truthfully."

Verse 41 (devibhagavatam.7.10.41)

इत्ययुक्ता सा तदा तेन राज्ञा कौशिककामिनी । विबन्धं तनयं कृत्वा जगामाश्रममण्डलम्

ityayuktā sā tadā tena rājñā kauśikakāminī vibandhaṁ tanayaṁ kṛtvā jagāmāśramamaṇḍalam

Thus assured by that king, Vishvamitra's wife then, releasing the bond upon her son, went back to the circle of her hermitage.

Verse 42 (devibhagavatam.7.10.42)

सोऽभवद् गालवो नाम गलबन्धान्महातपाः । सा तु स्वस्याश्रमे गत्वा मुमोद बालकैर्वृता

so'bhavad gālavo nāma galabandhānmahātapāḥ sā tu svasyāśrame gatvā mumoda bālakairvṛtā

That great ascetic, because of the binding at his neck, came to be named Galava. And she, going to her own hermitage, rejoiced, surrounded by her children.

Verse 43 (devibhagavatam.7.10.43)

सत्यव्रतस्तु भक्त्या च कृपया च परिप्लुतः । विश्वामित्रस्य च मुनेः कलत्रं तद् बभार ह

satyavratastu bhaktyā ca kṛpayā ca pariplutaḥ viśvāmitrasya ca muneḥ kalatraṁ tad babhāra ha

Satyavrata, overflowing with devotion and compassion, then indeed supported the wife of the sage Vishvamitra.

Verse 44 (devibhagavatam.7.10.44)

वने स्थितान्मृगान्हत्वा वराहान्महिषांस्तथा । विश्वामित्रवनाभ्याशे मांसं वृक्षे बबन्ध ह

vane sthitānmṛgānhatvā varāhānmahiṣāṁstathā viśvāmitravanābhyāśe māṁsaṁ vṛkṣe babandha ha

Slaying the deer that lived in the forest, and boars and buffalo as well, he hung the meat upon a tree near Vishvamitra's forest hermitage.

Verse 45 (devibhagavatam.7.10.45)

ऋषिपत्नी गृहीत्वा तन्मांसं पुत्रानदात्ततः । निर्वृत्तिं परमां प्राप प्राप्य भक्ष्यमनुत्तमम्

ṛṣipatnī gṛhītvā tanmāṁsaṁ putrānadāttataḥ nirvṛttiṁ paramāṁ prāpa prāpya bhakṣyamanuttamam

The sage's wife, taking that meat, gave it to her sons; and, having obtained such excellent food, she attained the highest relief.

Verse 46 (devibhagavatam.7.10.46)

अयोध्यां चैव राज्यं च तथैवान्तःपुरं मुनिः । गते तप्तुं नृपे तस्मिन्वसिष्ठः पर्यरक्षत

ayodhyāṁ caiva rājyaṁ ca tathaivāntaḥpuraṁ muniḥ gate taptuṁ nṛpe tasminvasiṣṭhaḥ paryarakṣata

While that king had gone to perform austerity, the sage Vasishtha guarded Ayodhya, the kingdom, and the inner apartments as well.

Verse 47 (devibhagavatam.7.10.47)

सत्यव्रतोऽपि धर्मात्मा ह्यतिष्ठन्नगराद् बहिः । पितुराज्ञां समास्थाय पशुघ्नव्रतवान्वने

satyavrato'pi dharmātmā hyatiṣṭhannagarād bahiḥ piturājñāṁ samāsthāya paśughnavratavānvane

Satyavrata too, that righteous soul, remained outside the city, obedient to his father's command, keeping a vow of hunting animals in the forest.

Verse 48 (devibhagavatam.7.10.48)

सत्यव्रतो ह्यकस्माच्च कस्यचित्कारणान्नृपः । वसिष्ठे चाधिकं मन्युं धारयामास नित्यदा

satyavrato hyakasmācca kasyacitkāraṇānnṛpaḥ vasiṣṭhe cādhikaṁ manyuṁ dhārayāmāsa nityadā

And King Satyavrata, for a certain reason that had arisen, harbored ever-increasing anger against Vasishtha continually.

Verse 49 (devibhagavatam.7.10.49)

त्यज्यमानं वने पित्रा धर्मिष्ठं च प्रियं सुतम् । न वारयामास मुनिर्वसिष्ठः कारणेन ह

tyajyamānaṁ vane pitrā dharmiṣṭhaṁ ca priyaṁ sutam na vārayāmāsa munirvasiṣṭhaḥ kāraṇena ha

When that righteous and beloved son was being cast out into the forest by his father, the sage Vasishtha did not intervene to stop it, for a certain reason —

Verse 50 (devibhagavatam.7.10.50)

पाणिग्रहणमन्त्राणां निष्ठा स्यात्सप्तमे पदे । जानन्नपि स धर्मात्मा विप्रदारपरिग्रहे

pāṇigrahaṇamantrāṇāṁ niṣṭhā syātsaptame pade jānannapi sa dharmātmā vipradāraparigrahe

— knowing that the completion of the marriage-vows lies in the seventh ritual step, that righteous sage held that the girl was not yet fully wed, and so did not consider the marriage broken.

Verse 51 (devibhagavatam.7.10.51)

कस्मिंश्चिद्दिवसेऽरण्ये मृगाभावे महीपतिः । वसिष्ठस्य च गां दोग्ध्रीमपश्यद्वनमध्यगाम्

kasmiṁściddivase'raṇye mṛgābhāve mahīpatiḥ vasiṣṭhasya ca gāṁ dogdhrīmapaśyadvanamadhyagām

On a certain day, in the absence of deer in the forest, that king saw Vasishtha's milk-cow wandering in the midst of the forest.

Verse 52 (devibhagavatam.7.10.52)

तां जघान क्षुधार्तस्तु क्रोधान्मोहाच्च दस्युवत् । वृक्षे बबन्ध तन्मांसं नीत्वा स्वयमभक्षयत्

tāṁ jaghāna kṣudhārtastu krodhānmohācca dasyuvat vṛkṣe babandha tanmāṁsaṁ nītvā svayamabhakṣayat

Tormented by hunger, in anger and delusion, like a robber, he slew her, hung her flesh upon a tree, and himself ate some of it after carrying it off.

Verse 53 (devibhagavatam.7.10.53)

ऋषिपत्नी सुतान्सर्वान्भोजयमास तत्तदा । शङ्कमाना मृगस्येति न गोरिति च सुव्रता

ṛṣipatnī sutānsarvānbhojayamāsa tattadā śaṅkamānā mṛgasyeti na goriti ca suvratā

The sage's wife, that woman of firm vows, fed all her sons with that meat, thinking it was deer meat, and not knowing it to be the cow's.

Verse 54 (devibhagavatam.7.10.54)

वसिष्ठस्तु हतां दोग्ध्रीं ज्ञात्वा क्रुद्धस्तमब्रवीत् । दुरात्मन् किं कृतं पापं धेनुघातात्पिशाचवत्

vasiṣṭhastu hatāṁ dogdhrīṁ jñātvā kruddhastamabravīt durātman kiṁ kṛtaṁ pāpaṁ dhenughātātpiśācavat

But Vasishtha, learning that his milk-cow had been slain, said to him in anger: "O evil-souled one, what sin have you committed, killing a cow like a fiend!"

Verse 55 (devibhagavatam.7.10.55)

एवं ते शङ्कवः क्रूराः पतन्तु त्वरितास्त्रयः । गोवधाद्दारहरणात्पितुः क्रोधात्तथा भृशम्

evaṁ te śaṅkavaḥ krūrāḥ patantu tvaritāstrayaḥ govadhāddāraharaṇātpituḥ krodhāttathā bhṛśam

"For this, may three cruel spikes of misfortune fall swiftly upon you — for the killing of a cow, for the abduction of a bride, and for your father's fierce wrath as well."

Verse 56 (devibhagavatam.7.10.56)

त्रिशङ्कुरिति नाम्ना वै भुवि ख्यातो भविष्यसि । पिशाचरूपमात्मानं दर्शयन्सर्वदेहिनाम्

triśaṅkuriti nāmnā vai bhuvi khyāto bhaviṣyasi piśācarūpamātmānaṁ darśayansarvadehinām

"By the name Trishanku, 'three spikes,' shall you become known on this earth, showing yourself in the form of a fiend to all creatures."

Verse 57 (devibhagavatam.7.10.57)

व्यास उवाच । एवं शप्तो वसिष्ठेन तदा सत्यव्रतो नृपः । चचार च तपस्तीव्रं तस्मिन्नेवाश्रमे स्थितः

vyāsa uvāca evaṁ śapto vasiṣṭhena tadā satyavrato nṛpaḥ cacāra ca tapastīvraṁ tasminnevāśrame sthitaḥ

Vyasa said: Thus cursed by Vasishtha, King Satyavrata then performed intense austerity, remaining in that very hermitage.

Verse 58 (devibhagavatam.7.10.58)

कस्माच्चिन्मुनिपुत्रात्तु प्राप्य मन्त्रमनुत्तमम् । ध्यायन्भगवतीं देवीं प्रकृतिं परमां शिवाम्

kasmāccinmuniputrāttu prāpya mantramanuttamam dhyāyanbhagavatīṁ devīṁ prakṛtiṁ paramāṁ śivām

Having obtained a supreme mantra from a certain sage's son, he meditated upon the blessed Devi, the Supreme Prakriti, the auspicious one.