By Varuna's Grace, a Son Born to Shaivya

Verse 1 (devibhagavatam.7.14.1)

व्यास उवाच । विचिन्त्य मनसा कृत्यं गाधिसूनुर्महातपाः । प्रकल्प्य यज्ञसम्भारान्मुनीनामन्त्रयत्तदा

vyāsa uvāca vicintya manasā kṛtyaṁ gādhisūnurmahātapāḥ prakalpya yajñasambhārānmunīnāmantrayattadā

Vyasa said: Having pondered in his mind what was to be done, the greatly ascetic son of Gadhi, having arranged the materials for the sacrifice, then invited the sages.

Verse 2 (devibhagavatam.7.14.2)

मुनयस्तं मखं ज्ञात्वा विश्वामित्रनिमन्त्रिताः । नागताः सर्व एवैते वसिष्ठेन निवारिताः

munayastaṁ makhaṁ jñātvā viśvāmitranimantritāḥ nāgatāḥ sarva evaite vasiṣṭhena nivāritāḥ

Learning of that sacrifice, the sages, though invited by Vishvamitra, did not come at all, being dissuaded by Vasishtha.

Verse 3 (devibhagavatam.7.14.3)

गाधिसूनुस्तदाज्ञाय विमनाश्चातिदुःखितः । आजगामाश्रमं तत्र यत्रासौ नृपतिः स्थितः

gādhisūnustadājñāya vimanāścātiduḥkhitaḥ ājagāmāśramaṁ tatra yatrāsau nṛpatiḥ sthitaḥ

Learning of this, the son of Gadhi, downcast and greatly aggrieved, came to the hermitage where that king was staying.

Verse 4 (devibhagavatam.7.14.4)

तमाह कौशिकः क्रुद्धो वसिष्ठेन निवारिताः । नागताः ब्राह्मणाः सर्वे यज्ञार्थं नृपसत्तम

tamāha kauśikaḥ kruddho vasiṣṭhena nivāritāḥ nāgatāḥ brāhmaṇāḥ sarve yajñārthaṁ nṛpasattama

Kaushika, angered, said to him: "All the Brahmins, dissuaded by Vasishtha, did not come for the sake of this sacrifice, O best of kings."

Verse 5 (devibhagavatam.7.14.5)

पश्य मे तपसः सिद्धिं यथा त्वां सुरसद्मनि । प्रापयामि महाराज वाञ्छितं ते करोम्यहम्

paśya me tapasaḥ siddhiṁ yathā tvāṁ surasadmani prāpayāmi mahārāja vāñchitaṁ te karomyaham

"Behold now the accomplishment of my austerity — how I shall bring you to the abode of the gods, O great king; I shall fulfill your desire."

Verse 6 (devibhagavatam.7.14.6)

इत्युक्त्वा जलमादाय हस्तेन मुनिसत्तमः । ददौ पुण्यं तदा तस्मै गायत्रीजपसम्भवम्

ityuktvā jalamādāya hastena munisattamaḥ dadau puṇyaṁ tadā tasmai gāyatrījapasambhavam

Having said this, that best of sages, taking water in his hand, then gave him the merit born of his own recitation of the Gayatri.

Verse 7 (devibhagavatam.7.14.7)

दत्त्वाथ सुकृतं राज्ञे तमुवाच महीपतिम् । यथेष्टं गच्छ राजर्षे त्रिविष्टपमतन्द्रितः

dattvātha sukṛtaṁ rājñe tamuvāca mahīpatim yatheṣṭaṁ gaccha rājarṣe triviṣṭapamatandritaḥ

Having given that merit to the king, he said to that lord of the earth: "Go as you wish, O royal sage, to the world of heaven, without delay."

Verse 8 (devibhagavatam.7.14.8)

पुण्येन मम राजेन्द्र बहुकालार्जितेन च । याहि शक्रपुरीं प्रीतः स्वस्ति तेऽस्तु सुरालये

puṇyena mama rājendra bahukālārjitena ca yāhi śakrapurīṁ prītaḥ svasti te'stu surālaye

"By my merit, O lord of kings, accumulated over a long time, go joyfully to Indra's city; may all be well with you in the abode of the gods."

Verse 9 (devibhagavatam.7.14.9)

व्यास उवाच । इत्युक्तवति विप्रेन्द्रे त्रिशङ्कुस्तरसा ततः । उत्पपात यथा पक्षी वेगवांस्तपसो बलात्

vyāsa uvāca ityuktavati viprendre triśaṅkustarasā tataḥ utpapāta yathā pakṣī vegavāṁstapaso balāt

Vyasa said: When that foremost of Brahmins had spoken thus, Trishanku then, at once, by the power of that austerity, sped upward swiftly like a bird.

Verse 10 (devibhagavatam.7.14.10)

उत्पत्य गगने राजा गतः शक्रपुरीं यदा । दृष्टो देवगणैस्तत्र क्रूरश्चाण्डालवेषभाक्

utpatya gagane rājā gataḥ śakrapurīṁ yadā dṛṣṭo devagaṇaistatra krūraścāṇḍālaveṣabhāk

Rising up into the sky, when the king reached Indra's city, he was seen there by the assemblies of gods, fierce in appearance, wearing the garb of an outcaste.

Verse 11 (devibhagavatam.7.14.11)

कथितोऽसौ सुरेन्द्राय कोऽयमायाति सत्वरः । गगने देववद्वा यो दुर्दर्शः श्वपचाकृतिः

kathito'sau surendrāya ko'yamāyāti satvaraḥ gagane devavadvā yo durdarśaḥ śvapacākṛtiḥ

It was reported to Indra: "Who is this that comes so swiftly through the sky, like a god, yet so hideous to behold, in the form of an outcaste?"

Verse 12 (devibhagavatam.7.14.12)

सहसोत्थाय शक्रस्तमपश्यत्पुरुषाधमम् । ज्ञात्वा त्रिशङ्कुमपि स निर्भर्त्स्य तरसाब्रवीत्

sahasotthāya śakrastamapaśyatpuruṣādhamam jñātvā triśaṅkumapi sa nirbhartsya tarasābravīt

Rising suddenly, Indra saw that most degraded of men; recognizing him as Trishanku, he rebuked him and spoke to him at once:

Verse 13 (devibhagavatam.7.14.13)

श्वपच क्व समायासि देवलोके जुगुप्सितः । याहि शीघ्रं ततो भूमौ नात्र स्थातुं त्वयोचितम्

śvapaca kva samāyāsi devaloke jugupsitaḥ yāhi śīghraṁ tato bhūmau nātra sthātuṁ tvayocitam

"O outcaste, where are you coming to? You are despised in the world of the gods; go quickly, back down to the earth — it is not fitting for you to remain here."

Verse 14 (devibhagavatam.7.14.14)

इत्युक्तः स्खलितः स्वर्गाच्छक्रेणामित्रकर्शन । निपपात तदा राजा क्षीणपुण्यो यथामरः

ityuktaḥ skhalitaḥ svargācchakreṇāmitrakarśana nipapāta tadā rājā kṣīṇapuṇyo yathāmaraḥ

Thus addressed, O scourge of enemies, and dislodged from heaven by Indra, the king fell headlong, his merit exhausted, like a fallen immortal.

Verse 15 (devibhagavatam.7.14.15)

पुनश्चुक्रोश भूपालो विश्वामित्रेति चासकृत् । पतामि रक्ष दुःखार्तं स्वर्गाच्चलितमाशुगम्

punaścukrośa bhūpālo viśvāmitreti cāsakṛt patāmi rakṣa duḥkhārtaṁ svargāccalitamāśugam

The king cried out again and again, "O Vishvamitra! I am falling! Save me, tormented with sorrow, dislodged from heaven and falling swiftly!"

Verse 16 (devibhagavatam.7.14.16)

तस्य तत्क्रन्दितं राजन् पतितः कौशिको मुनिः । श्रुत्वा तिष्ठेति होवाच पतन्तं वीक्ष्य भूपतिम्

tasya tatkranditaṁ rājan patitaḥ kauśiko muniḥ śrutvā tiṣṭheti hovāca patantaṁ vīkṣya bhūpatim

Hearing that cry of his, O king, the sage Kaushika, seeing the king falling, said, "Stay where you are!"

Verse 17 (devibhagavatam.7.14.17)

वचनात्तस्य तत्रैव स्थितोऽसौ गगने नृपः । मुनेस्तपःप्रभावेण चलितोऽपि सुरालयात्

vacanāttasya tatraiva sthito'sau gagane nṛpaḥ munestapaḥprabhāveṇa calito'pi surālayāt

By his word, the king remained right there in the sky, halted, though dislodged from the abode of the gods, by the power of the sage's austerity.

Verse 18 (devibhagavatam.7.14.18)

विश्वामित्रोऽप्यपः स्पृष्ट्वा चकारेष्टिं सुविस्तराम् । विधातुं नूतनां सृष्टिं स्वर्गलोकं द्वितीयकम्

viśvāmitro'pyapaḥ spṛṣṭvā cakāreṣṭiṁ suvistarām vidhātuṁ nūtanāṁ sṛṣṭiṁ svargalokaṁ dvitīyakam

Vishvamitra too, touching water, performed an extensive sacrificial rite, in order to fashion a new creation — a second world of heaven.

Verse 19 (devibhagavatam.7.14.19)

तस्योद्यमं तथा ज्ञात्वा त्वरितस्तु शचीपतिः । तत्राजगाम सहसा मुनिं प्रति तु गाधिजम्

tasyodyamaṁ tathā jñātvā tvaritastu śacīpatiḥ tatrājagāma sahasā muniṁ prati tu gādhijam

Learning of this undertaking of his, Indra, lord of Shachi, quickly and suddenly came there to the sage, the son of Gadhi.

Verse 20 (devibhagavatam.7.14.20)

किं ब्रह्मन् क्रियते साधो कस्मात्कोपसमाकुलः । अलं सृष्ट्या मुनिश्रेष्ठ ब्रूहि किं करवाणि ते

kiṁ brahman kriyate sādho kasmātkopasamākulaḥ alaṁ sṛṣṭyā muniśreṣṭha brūhi kiṁ karavāṇi te

"What is this you are doing, O Brahmin, O good one? Why are you so troubled with anger? Enough of this creation, O best of sages — tell me, what shall I do for you?"

Verse 21 (devibhagavatam.7.14.21)

विश्वामित्र उवाच । स्वं निवासं महीपालं च्युतं त्वद्भुवनाद् विभो । नयस्व प्रीतियोगेन त्रिशङ्कुं चातिदुःखितम्

viśvāmitra uvāca svaṁ nivāsaṁ mahīpālaṁ cyutaṁ tvadbhuvanād vibho nayasva prītiyogena triśaṅkuṁ cātiduḥkhitam

Vishvamitra said: "O mighty one, receive back into your own realm this king Trishanku, fallen from your world, greatly aggrieved, and take him with affection."

Verse 22 (devibhagavatam.7.14.22)

व्यास उवाच । तस्य तं निश्चयं ज्ञात्वा तुराषाडतिशङ्कितः । तपोबलं विदित्वोग्रमोमित्योवाच वासवः

vyāsa uvāca tasya taṁ niścayaṁ jñātvā turāṣāḍatiśaṅkitaḥ tapobalaṁ viditvogramomityovāca vāsavaḥ

Vyasa said: Learning of his firm resolve, Indra, greatly apprehensive, and knowing the fierce power of his austerity, said "So be it."

Verse 23 (devibhagavatam.7.14.23)

दिव्यदेहं नृपं कृत्वा विमानवरसंस्थितम् । आपृच्छ्य कौशिकं शक्रोऽगमन्निजपुरीं तदा

divyadehaṁ nṛpaṁ kṛtvā vimānavarasaṁsthitam āpṛcchya kauśikaṁ śakro'gamannijapurīṁ tadā

Having given the king a divine body and set him upon an excellent celestial chariot, Indra, taking leave of Kaushika, then went to his own city.

Verse 24 (devibhagavatam.7.14.24)

गते शक्रे तु वै स्वर्गं त्रिशङ्कुसहिते ततः । विश्वामित्रः सुखं प्राप्य स्वाश्रमे सुस्थिरोऽभवत्

gate śakre tu vai svargaṁ triśaṅkusahite tataḥ viśvāmitraḥ sukhaṁ prāpya svāśrame susthiro'bhavat

When Indra had gone to heaven, taking Trishanku with him, Vishvamitra, having thus found happiness, settled peacefully in his own hermitage.

Verse 25 (devibhagavatam.7.14.25)

हरिश्चन्द्रोऽथ तच्छ्रुत्वा विश्वामित्रोपकारकम् । पितुः स्वर्गमनं कामं मुदितो राज्यमन्वशात्

hariścandro'tha tacchrutvā viśvāmitropakārakam pituḥ svargamanaṁ kāmaṁ mudito rājyamanvaśāt

Harishchandra then, hearing of this favor done by Vishvamitra, and of his father's happy ascent to heaven, delighted, ruled the kingdom.

Verse 26 (devibhagavatam.7.14.26)

अयोध्याधिपतिः क्रीडां चकार सह भार्यया । रूपयौवनचातुर्ययुक्तया प्रीतिसंयुतः

ayodhyādhipatiḥ krīḍāṁ cakāra saha bhāryayā rūpayauvanacāturyayuktayā prītisaṁyutaḥ

That lord of Ayodhya, filled with affection, took his pleasure together with his wife, who was endowed with beauty, youth, and grace.

Verse 27 (devibhagavatam.7.14.27)

अतीतकाले युवती न सा गर्भवती ह्यभूत् । तदा चिन्तातुरो राजा बभूवातीव दुःखितः

atītakāle yuvatī na sā garbhavatī hyabhūt tadā cintāturo rājā babhūvātīva duḥkhitaḥ

As time passed, that young woman did not become pregnant; then the king became filled with anxiety and exceedingly sorrowful.

Verse 28 (devibhagavatam.7.14.28)

वसिष्टस्याश्रमं गत्वा प्रणम्य शिरसा मुनिम् । अनपत्यत्वजां चिन्तां गुरवे समवेदयत्

vasiṣṭasyāśramaṁ gatvā praṇamya śirasā munim anapatyatvajāṁ cintāṁ gurave samavedayat

Going to Vasishtha's hermitage and bowing his head to the sage, he made known to his preceptor his anxiety born of childlessness.

Verse 29 (devibhagavatam.7.14.29)

दैवज्ञोऽसि भवान्कामं मन्त्रविद्याविशारदः । उपायं कुरु धर्मज्ञ सन्ततेर्मम मानद

daivajño'si bhavānkāmaṁ mantravidyāviśāradaḥ upāyaṁ kuru dharmajña santatermama mānada

"You are indeed a knower of destiny, skilled in the science of mantras; devise a means, O knower of dharma, O honorable one, for my having offspring."

Verse 30 (devibhagavatam.7.14.30)

अपुत्रस्य गतिर्नास्ति जानासि द्विजसत्तम । कस्मादुपेक्षसे जानन् दुःखं मम च शक्तिमान्

aputrasya gatirnāsti jānāsi dvijasattama kasmādupekṣase jānan duḥkhaṁ mama ca śaktimān

"There is no proper destiny for one without a son, as you well know, O best of the twice-born; why, knowing my sorrow and being capable, do you disregard it?"

Verse 31 (devibhagavatam.7.14.31)

कलविङ्कास्त्विमे धन्या ये शिशुं लालयन्ति हि । मन्दभाग्योऽहमनिशं चिन्तयामि दिवानिशम्

kalaviṅkāstvime dhanyā ye śiśuṁ lālayanti hi mandabhāgyo'hamaniśaṁ cintayāmi divāniśam

"Blessed indeed are even these sparrows, who tenderly rear their young; I, unfortunate, am ceaselessly anxious, day and night."

Verse 32 (devibhagavatam.7.14.32)

व्यास उवाच । इत्याकर्ण्य मुनिस्तस्य निर्वेदमिश्रितं वचः । सञ्चिन्त्य मनसा सम्यक् तमुवाच विधेः सुतः

vyāsa uvāca ityākarṇya munistasya nirvedamiśritaṁ vacaḥ sañcintya manasā samyak tamuvāca vidheḥ sutaḥ

Vyasa said: Hearing his despairing words, the sage, having reflected well in his mind, that son of Brahma, said to him:

Verse 33 (devibhagavatam.7.14.33)

वसिष्ठ उवाच । सत्यं ब्रूहि महाराज संसारेऽस्मिन्न विद्यते । अनपत्यत्वजं दुःखं यत्तथा दुःखमद्भुतम्

vasiṣṭha uvāca satyaṁ brūhi mahārāja saṁsāre'sminna vidyate anapatyatvajaṁ duḥkhaṁ yattathā duḥkhamadbhutam

Vasishtha said: "You speak truly, O great king; in this world there exists no sorrow so wondrous as the sorrow born of childlessness."

Verse 34 (devibhagavatam.7.14.34)

तस्मात्त्वमपि राजेन्द्र वरुणं यादसां पतिम् । समाराधय यत्नेन स ते कार्यं करिष्यति

tasmāttvamapi rājendra varuṇaṁ yādasāṁ patim samārādhaya yatnena sa te kāryaṁ kariṣyati

"Therefore, O lord of kings, do you too diligently worship Varuna, lord of the waters; he will accomplish your purpose."

Verse 35 (devibhagavatam.7.14.35)

वरुणादधिको नास्ति देवः सन्तानदायकः । तमाराधय धर्मिष्ठ कार्यसिद्धिर्भविष्यति

varuṇādadhiko nāsti devaḥ santānadāyakaḥ tamārādhaya dharmiṣṭha kāryasiddhirbhaviṣyati

"There is no deity greater than Varuna as a bestower of offspring; worship him, O most righteous one, and the accomplishment of your purpose shall follow."

Verse 36 (devibhagavatam.7.14.36)

दैवं पुरुषकारश्च माननीयाविमौ नृभिः । उद्यमेन विना कार्यसिद्धिः सञ्जायते कथम्

daivaṁ puruṣakāraśca mānanīyāvimau nṛbhiḥ udyamena vinā kāryasiddhiḥ sañjāyate katham

"Both destiny and human effort are to be respected by men; how can accomplishment come about without effort?"

Verse 37 (devibhagavatam.7.14.37)

न्यायतस्तु नरैः कार्य उद्यमस्तत्त्वदर्शिभिः । कृते तस्मिन्भवेत्सिद्धिर्नान्यथा नृपसत्तम

nyāyatastu naraiḥ kārya udyamastattvadarśibhiḥ kṛte tasminbhavetsiddhirnānyathā nṛpasattama

"Effort must rightly be made by those men who perceive the truth; only when it is made does success come, not otherwise, O best of kings."

Verse 38 (devibhagavatam.7.14.38)

इति तस्य वचः श्रुत्वा गुरोरमिततेजसः । प्रणम्य निर्ययौ राजा तपसे कृतनिश्चयः

iti tasya vacaḥ śrutvā guroramitatejasaḥ praṇamya niryayau rājā tapase kṛtaniścayaḥ

Hearing these words of his boundlessly radiant preceptor, the king bowed and departed, resolved upon austerity.

Verse 39 (devibhagavatam.7.14.39)

गङ्गातीरे शुभे स्थाने कृतपद्मासनो नृपः । ध्यायन्पाशधरं चित्ते चचार दुश्चरं तपः

gaṅgātīre śubhe sthāne kṛtapadmāsano nṛpaḥ dhyāyanpāśadharaṁ citte cacāra duścaraṁ tapaḥ

On the auspicious bank of the Ganga, seated in the lotus posture, the king, meditating in his heart on the noose-bearing god Varuna, performed austerity difficult to accomplish.

Verse 40 (devibhagavatam.7.14.40)

एवं तपस्यतस्तस्य प्रचेता दृष्टिगोचरः । कृपयाभून्महाराज प्रसन्नमुखपङ्कजः

evaṁ tapasyatastasya pracetā dṛṣṭigocaraḥ kṛpayābhūnmahārāja prasannamukhapaṅkajaḥ

While he thus performed austerity, Varuna, O great king, out of compassion, became visible to him, his lotus-face full of grace.

Verse 41 (devibhagavatam.7.14.41)

हरिश्चन्द्रमुवाचेदं वचनं यादसां पतिः । वरं वरय धर्मज्ञ तुष्टोऽस्मि तपसा तव

hariścandramuvācedaṁ vacanaṁ yādasāṁ patiḥ varaṁ varaya dharmajña tuṣṭo'smi tapasā tava

That lord of the waters said this to Harishchandra: "Choose a boon, O knower of dharma; I am well pleased with your austerity."

Verse 42 (devibhagavatam.7.14.42)

राजोवाच - अनपत्योऽस्मि देवेश पुत्रं देहि सुखप्रदम् । ऋणत्रयापहारार्थमुद्यमोऽयं मया कृतः

rājovāca - anapatyo'smi deveśa putraṁ dehi sukhapradam ṛṇatrayāpahārārthamudyamo'yaṁ mayā kṛtaḥ

The king said: "O lord of gods, I am without offspring; grant me a son who brings happiness. This endeavor of mine has been undertaken for the removal of my three debts."

Verse 43 (devibhagavatam.7.14.43)

नृपस्य वचनं श्रुत्वा प्रगल्-भं दुःखितस्य च । स्मितपूर्वं ततः पाशी तमाह पुराः स्थितम्

nṛpasya vacanaṁ śrutvā pragal-bhaṁ duḥkhitasya ca smitapūrvaṁ tataḥ pāśī tamāha purāḥ sthitam

Hearing the bold words of the sorrowful king, the noose-bearing god, smiling, then said to him, standing before him:

Verse 44 (devibhagavatam.7.14.44)

वरुण उवाच । पुत्रो यदि भवेद्राजन् गुणी मनसि वाञ्छितः । सिद्धे कार्ये ततः पश्चात्किं करिष्यसि मे प्रियम्

varuṇa uvāca putro yadi bhavedrājan guṇī manasi vāñchitaḥ siddhe kārye tataḥ paścātkiṁ kariṣyasi me priyam

Varuna said: "If a virtuous son, as desired in your heart, is granted to you, O king, then afterward, when your purpose is accomplished, what will you do that is pleasing to me?"

Verse 45 (devibhagavatam.7.14.45)

यदि त्वं तेन पुत्रेण मां यजेथा विशङ्कितः । पशुबन्धेन तेनैव ददामि नृपते वरम्

yadi tvaṁ tena putreṇa māṁ yajethā viśaṅkitaḥ paśubandhena tenaiva dadāmi nṛpate varam

"If you, without hesitation, would worship me with that very son — with him bound as a sacrificial victim — then I grant you the boon, O king."

Verse 46 (devibhagavatam.7.14.46)

राजोवाच - देव मे मास्तु वन्ध्यत्वं यजिष्येऽहं जलाधिप । पशुं कृत्वा सुतं पुत्रं सत्यमेतद्ब्रवीमि ते

rājovāca - deva me māstu vandhyatvaṁ yajiṣye'haṁ jalādhipa paśuṁ kṛtvā sutaṁ putraṁ satyametadbravīmi te

The king said: "O god, let not my sterility remain; O lord of the waters, I shall indeed worship you, making my son himself the sacrificial victim — I tell you this truthfully."

Verse 47 (devibhagavatam.7.14.47)

वन्ध्यत्वे परमं दुःखमसह्यं भुवि मानद । शोकाग्निशमनं नॄणां तस्माद्देहि सुतं शुभम्

vandhyatve paramaṁ duḥkhamasahyaṁ bhuvi mānada śokāgniśamanaṁ nṝṇāṁ tasmāddehi sutaṁ śubham

"Sterility is the supreme, unbearable sorrow upon this earth, O honorable one; grant me, therefore, an auspicious son, the extinguisher of the fire of men's grief."

Verse 48 (devibhagavatam.7.14.48)

वरुण उवाच । भविष्यति सुतः कामं राजन् गच्छ गृहाय वै । सत्यं तद्वचनं कार्यं यद्ब्रवीषि ममाग्रतः

varuṇa uvāca bhaviṣyati sutaḥ kāmaṁ rājan gaccha gṛhāya vai satyaṁ tadvacanaṁ kāryaṁ yadbravīṣi mamāgrataḥ

Varuna said: "A son shall surely be born to you, O king; go now to your home. That word which you have spoken before me must indeed be kept true."

Verse 49 (devibhagavatam.7.14.49)

व्यास उवाच । इत्युक्तो वरुणेनासौ हरिश्चन्द्रो गृहं ययौ । भार्यायै कथयामास वृत्तान्तं वरदानजम्

vyāsa uvāca ityukto varuṇenāsau hariścandro gṛhaṁ yayau bhāryāyai kathayāmāsa vṛttāntaṁ varadānajam

Vyasa said: Thus addressed by Varuna, Harishchandra went home, and told his wife the whole account of the boon that had been granted.

Verse 50 (devibhagavatam.7.14.50)

तस्य भार्याशतं पूर्णं बभूवातिमनोहरम् । पट्टराज्ञी शुभा शैव्या धर्मपत्नी पतिव्रता

tasya bhāryāśataṁ pūrṇaṁ babhūvātimanoharam paṭṭarājñī śubhā śaivyā dharmapatnī pativratā

He had a full hundred wives, exceedingly beautiful; the chief queen was the auspicious Shaivya, his righteous, faithful wife.

Verse 51 (devibhagavatam.7.14.51)

काले गतेऽथ सा गर्भं दधार वरवर्णिनी । बभूव मुदितो राजा श्रुत्वा दोहदचेष्टितम्

kāle gate'tha sā garbhaṁ dadhāra varavarṇinī babhūva mudito rājā śrutvā dohadaceṣṭitam

As time passed, that woman of excellent complexion conceived; and the king rejoiced, hearing of the cravings of her pregnancy.

Verse 52 (devibhagavatam.7.14.52)

कारयामास विधिवत्संस्कारान्नृपतिस्तदा । मासेऽथ दशमे पूर्णे सुषुवे सा शुभे दिने

kārayāmāsa vidhivatsaṁskārānnṛpatistadā māse'tha daśame pūrṇe suṣuve sā śubhe dine

The king then duly had the prenatal rites performed; and when the tenth month was complete, she gave birth on an auspicious day —

Verse 53 (devibhagavatam.7.14.53)

ताराग्रहबलोपेते पुत्रं देवसुतोपमम् । पुत्रे जाते नृपः स्नात्वा ब्राह्मणैः परिवेष्टितः

tārāgrahabalopete putraṁ devasutopamam putre jāte nṛpaḥ snātvā brāhmaṇaiḥ pariveṣṭitaḥ

— under a favorable conjunction of stars and planets, to a son resembling the son of a god. When the son was born, the king, having bathed, surrounded by Brahmins,

Verse 54 (devibhagavatam.7.14.54)

चकार जातकर्मादौ ददौ दानानि भूरिशः । राज्ञश्चातिप्रमोदोऽभूत्पुत्रजन्मसमुद्भवः

cakāra jātakarmādau dadau dānāni bhūriśaḥ rājñaścātipramodo'bhūtputrajanmasamudbhavaḥ

— performed the birth-rites and the rest, and gave abundant gifts; and the king's joy, arising from his son's birth, was very great.

Verse 55 (devibhagavatam.7.14.55)

बभूव परमोदारो धनधान्यसमन्वितः । विशेषदानसंयुक्तो गीतवादित्रसङ्कुलः

babhūva paramodāro dhanadhānyasamanvitaḥ viśeṣadānasaṁyukto gītavāditrasaṅkulaḥ

The celebration became one of the greatest munificence, filled with wealth and grain, accompanied by special gifts, and thronged with song and instrumental music.