Surrendering All to Kaushika, and the Giving of the Dakshina

Verse 1 (devibhagavatam.7.19.1)

व्यास उवाच । इति तस्य वचः श्रुत्वा भूपतेः कौशिको मुनिः । प्रहस्य प्रत्युवाचेदं हरिश्चन्द्रं तथा नृप

vyāsa uvāca iti tasya vacaḥ śrutvā bhūpateḥ kauśiko muniḥ prahasya pratyuvācedaṁ hariścandraṁ tathā nṛpa

Vyasa said: Hearing the king's words, the sage Kaushika smiled and replied to Harishchandra in this way, O king!

Verse 2 (devibhagavatam.7.19.2)

राजंस्तीर्थमिदं पुण्यं पावनं पापनाशनम् । स्नानं कुरु महाभाग पितॄणां तर्पणं तथा

rājaṁstīrthamidaṁ puṇyaṁ pāvanaṁ pāpanāśanam snānaṁ kuru mahābhāga pitṝṇāṁ tarpaṇaṁ tathā

O king, this is a sacred and purifying tirtha that destroys sin; O fortunate one, bathe here, and also offer libations to your ancestors.

Verse 3 (devibhagavatam.7.19.3)

कालः शुभतमोऽस्तीह तीर्थे स्नात्वा विशाम्पते । दानं ददस्व शक्त्यात्र पुण्यतीर्थेऽतिपावने

kālaḥ śubhatamo'stīha tīrthe snātvā viśāmpate dānaṁ dadasva śaktyātra puṇyatīrthe'tipāvane

O guardian of your people, the time here at this tirtha is most auspicious; having bathed, give also, according to your ability, gifts at this most sacred and holy crossing.

Verse 4 (devibhagavatam.7.19.4)

प्राप्य तीर्थं महापुण्यमस्नात्वा यस्तु गच्छति । स भवेदात्महा भूय इति स्वायम्भुवोऽब्रवीत्

prāpya tīrthaṁ mahāpuṇyamasnātvā yastu gacchati sa bhavedātmahā bhūya iti svāyambhuvo'bravīt

Whoever, having reached this most meritorious tirtha, departs without bathing, becomes like a slayer of his own self — so has the Self-Born One (Brahma) declared.

Verse 5 (devibhagavatam.7.19.5)

तस्मात्तीर्थवरे राजन् कुरु पुण्यं स्वशक्तितः । दर्शयिष्यामि मार्गं ते गन्तासि नगरं ततः

tasmāttīrthavare rājan kuru puṇyaṁ svaśaktitaḥ darśayiṣyāmi mārgaṁ te gantāsi nagaraṁ tataḥ

Therefore, O king, perform meritorious deeds here at this excellent tirtha according to your ability; I shall show you the way, and then you may go on to your city.

Verse 6 (devibhagavatam.7.19.6)

आगमिष्यामहं मार्गदर्शनार्थं तवानघ । त्वया सहाद्य काकुत्स्थ तव दानेन तोषितः

āgamiṣyāmahaṁ mārgadarśanārthaṁ tavānagha tvayā sahādya kākutstha tava dānena toṣitaḥ

O sinless one of Kakutstha's line, I too shall come today to show you the way, gladdened by your act of giving.

Verse 7 (devibhagavatam.7.19.7)

तच्छ्रुत्वा वचनं राजा मुनेः कपटमण्डितम् । वासांस्युत्तार्य विधिवत्स्नातुमभ्याययौ नदीम्

tacchrutvā vacanaṁ rājā muneḥ kapaṭamaṇḍitam vāsāṁsyuttārya vidhivatsnātumabhyāyayau nadīm

Hearing this speech of the sage, laced with deceit, the king removed his garments and went to the river to bathe according to the proper rite.

Verse 8 (devibhagavatam.7.19.8)

बन्धयित्वा हयं वृक्षे मुनिवाक्येन मोहितः । अवश्यम्भावियोगेन तद्वशस्तु तदाभवत्

bandhayitvā hayaṁ vṛkṣe munivākyena mohitaḥ avaśyambhāviyogena tadvaśastu tadābhavat

Deluded by the sage's words, he bound his horse to a tree; and, bound by the inevitable working of fate, he fell at that very moment under the sage's control.

Verse 9 (devibhagavatam.7.19.9)

राजा स्नानविधिं कृत्वा सन्तर्प्य पितृदेवताः । विश्वामित्रमुवाचेदं स्वामिन् दानं ददामि ते

rājā snānavidhiṁ kṛtvā santarpya pitṛdevatāḥ viśvāmitramuvācedaṁ svāmin dānaṁ dadāmi te

The king, having completed the rite of bathing and having offered libations to the ancestors and the gods, said to Vishvamitra: O lord, I offer you a gift.

Verse 10 (devibhagavatam.7.19.10)

यदिच्छसि महाभाग तत्ते दास्यामि साम्प्रतम् । गावो भूमिर्हिरण्यं च गजाश्वरथवाहनम्

yadicchasi mahābhāga tatte dāsyāmi sāmpratam gāvo bhūmirhiraṇyaṁ ca gajāśvarathavāhanam

O fortunate one, whatever you desire, I shall give it to you at once — cows, land, gold, elephants, horses, chariots, or mounts —

Verse 11 (devibhagavatam.7.19.11)

नादेयं मे किमप्यस्ति कृतमेतद् व्रतं पुरा । राजसूये मखश्रेष्ठे मुनीनां सन्निधावपि

nādeyaṁ me kimapyasti kṛtametad vrataṁ purā rājasūye makhaśreṣṭhe munīnāṁ sannidhāvapi

there is nothing whatsoever that I would refuse to give; I have already taken this vow long ago, at the excellent Rajasuya sacrifice, even in the presence of the sages.

Verse 12 (devibhagavatam.7.19.12)

तस्मात्त्वमिह सम्प्ताप्तस्तीर्थेऽस्मिन्प्रवरे मुने । यत्तेऽस्ति वाञ्छितं ब्रूहि ददामि तव वाञ्छितम्

tasmāttvamiha samptāptastīrthe'sminpravare mune yatte'sti vāñchitaṁ brūhi dadāmi tava vāñchitam

Therefore, O sage, you have met me here at this excellent tirtha; whatever your desire may be, speak it, and I shall give you what you wish.

Verse 13 (devibhagavatam.7.19.13)

विश्वामित्र उवाच । मया पूर्वं श्रुता राजन् कीर्तिस्ते विपुला भुवि । वसिष्ठेन च सम्प्रोक्ता दाता नास्ति महीतले

viśvāmitra uvāca mayā pūrvaṁ śrutā rājan kīrtiste vipulā bhuvi vasiṣṭhena ca samproktā dātā nāsti mahītale

Vishvamitra said: O king, I have already heard of your vast renown upon this earth, and Vasishtha too has declared that there is no giver equal to you on this earth.

Verse 14 (devibhagavatam.7.19.14)

हरिश्चन्द्रो नृपश्रेष्ठः सूर्यवंशे महीपतिः । तादृशो नृपतिर्दाता न भूतो न भविष्यति

hariścandro nṛpaśreṣṭhaḥ sūryavaṁśe mahīpatiḥ tādṛśo nṛpatirdātā na bhūto na bhaviṣyati

There has never been, nor will there ever be, a king so generous as this best of kings, Harishchandra of the Solar dynasty —

Verse 15 (devibhagavatam.7.19.15)

पृथिव्यां परमोदारस्त्रिशङ्कुतनयो यथा । अतस्त्वां प्रार्थयाम्यद्य विवाहो मेऽस्ति पार्थिवः

pṛthivyāṁ paramodārastriśaṅkutanayo yathā atastvāṁ prārthayāmyadya vivāho me'sti pārthivaḥ

none so supremely generous on this earth as Trishanku's son. Therefore, today I make this request of you — I have a marriage to arrange,

Verse 16 (devibhagavatam.7.19.16)

पुत्रस्य च महाभाग तदर्थं देहि मे धनम् । राजोवाच । विवाहं कुरु विप्रेन्द्र ददामि प्रार्थितं तव

putrasya ca mahābhāga tadarthaṁ dehi me dhanam rājovāca vivāhaṁ kuru viprendra dadāmi prārthitaṁ tava

O fortunate one — for my son's sake, give me wealth for that very purpose. The king said: O lord of brahmins, perform the marriage; I shall give you what you ask,

Verse 17 (devibhagavatam.7.19.17)

यदिच्छसि धनं कामं दाता तस्यास्मि निश्चितम् । व्यास उवाच । इत्युक्तः कौशिकस्तेन वञ्चनातत्परो मुनिः

yadicchasi dhanaṁ kāmaṁ dātā tasyāsmi niścitam vyāsa uvāca ityuktaḥ kauśikastena vañcanātatparo muniḥ

whatever wealth you desire — I am, without doubt, its giver. Vyasa said: Thus addressed, the sage Kaushika, ever bent on deception,

Verse 18 (devibhagavatam.7.19.18)

उद्भाव्य मायां गान्धर्वीं पार्थिवायाप्यदर्शयत् । कुमारः सुकामारश्च कन्या च दशवार्षिकी

udbhāvya māyāṁ gāndharvīṁ pārthivāyāpyadarśayat kumāraḥ sukāmāraśca kanyā ca daśavārṣikī

conjured up an illusion by his gandharva magic and displayed it before the king — a most beautiful youth, and a girl of ten years.

Verse 19 (devibhagavatam.7.19.19)

एतयोः कार्यमप्यद्य कर्तव्यं नृपसत्तम । राजसूयाधिकं पुण्यं गृहस्थस्य विवाहतः

etayoḥ kāryamapyadya kartavyaṁ nṛpasattama rājasūyādhikaṁ puṇyaṁ gṛhasthasya vivāhataḥ

O best of kings, this very day the marriage rite of these two must be performed; the merit of a householder's marriage exceeds even that of the Rajasuya sacrifice,

Verse 20 (devibhagavatam.7.19.20)

भविष्यति तवाद्यैव विप्रपुत्रविवाहतः । तच्छ्रुत्वा वचनं राजा मायया तस्य मोहितः

bhaviṣyati tavādyaiva vipraputravivāhataḥ tacchrutvā vacanaṁ rājā māyayā tasya mohitaḥ

and that merit will accrue to you this very day through this brahmin son's wedding. Hearing this speech, the king, deluded by his illusion,

Verse 21 (devibhagavatam.7.19.21)

तथेति च प्रतिज्ञाय नोवाचाल्पं वचस्तथा । तेन दर्शितमार्गोऽसौ नगरं प्रति जग्मिवान्

tatheti ca pratijñāya novācālpaṁ vacastathā tena darśitamārgo'sau nagaraṁ prati jagmivān

vowed 'so be it,' and said nothing further; and by the path that he had been shown, he set out toward the city.

Verse 22 (devibhagavatam.7.19.22)

विश्वामित्रोऽपि राजानं वञ्चयित्वाऽऽश्रमं ययौ । कृतोद्वाहविधिस्तावद्विश्वामित्रोऽब्रवीन्नृपम्

viśvāmitro'pi rājānaṁ vañcayitvā''śramaṁ yayau kṛtodvāhavidhistāvadviśvāmitro'bravīnnṛpam

Vishvamitra too, having thus deceived the king, went off to his hermitage; and as soon as the marriage rite was completed, Vishvamitra said to the king —

Verse 23 (devibhagavatam.7.19.23)

वेदीमध्ये नृपाद्य त्वं देहि दानं यथेप्सितम् । राजोवाच । किं तेऽभीष्टं द्विज ब्रूहि ददामि वाञ्छितं किल

vedīmadhye nṛpādya tvaṁ dehi dānaṁ yathepsitam rājovāca kiṁ te'bhīṣṭaṁ dvija brūhi dadāmi vāñchitaṁ kila

O king, here in the middle of this altar, give today whatever gift you please. The king said: O brahmin, tell me whatever you desire, and I shall surely give you what you wish.

Verse 24 (devibhagavatam.7.19.24)

अदेयमपि संसरे यशःकामोऽस्मि साम्प्रतम् । व्यर्थं हि जीवितं तस्य विभवं प्राप्य येन वै

adeyamapi saṁsare yaśaḥkāmo'smi sāmpratam vyarthaṁ hi jīvitaṁ tasya vibhavaṁ prāpya yena vai

Even what is, in this world, ordinarily beyond giving — that too I shall give — for today I desire only fame; surely the life of one is in vain who, having attained prosperity,

Verse 25 (devibhagavatam.7.19.25)

नोपार्जितं यशः शुद्धं परलोकसुखप्रदम् । विश्वामित्र उवाच । राज्यं देहि महाराज वराय सपरिच्छदम्

nopārjitaṁ yaśaḥ śuddhaṁ paralokasukhapradam viśvāmitra uvāca rājyaṁ dehi mahārāja varāya saparicchadam

fails to earn pure renown, which grants happiness in the world beyond. Vishvamitra said: O great king, give me, as your gift, the kingdom itself with all its retinue,

Verse 26 (devibhagavatam.7.19.26)

गजाश्वरथरत्नाढ्यं वेदीमध्येऽतिपावने । व्यास उवाच । मोहितो मायया तस्य श्रुत्वा वाक्यं मुनेर्नृपः

gajāśvaratharatnāḍhyaṁ vedīmadhye'tipāvane vyāsa uvāca mohito māyayā tasya śrutvā vākyaṁ munernṛpaḥ

rich in elephants, horses, chariots, and jewels, here upon this most sacred altar. Vyasa said: The king, still deluded by his illusion, hearing the sage's words,

Verse 27 (devibhagavatam.7.19.27)

दत्तमित्युक्तवान् राज्यमविचार्य यदृच्छया । गृहीतमिति तं प्राह विश्वामित्रोऽतिनिष्ठुरः

dattamityuktavān rājyamavicārya yadṛcchayā gṛhītamiti taṁ prāha viśvāmitro'tiniṣṭhuraḥ

said, without any deliberation, quite of his own accord: 'This kingdom is given.' The exceedingly harsh Vishvamitra said at once: 'It is accepted.'

Verse 28 (devibhagavatam.7.19.28)

दक्षिणां देहि राजेन्द्र दानयोग्यां महामते । दक्षिणारहितं दानं निष्फलं मनुरब्रवीत्

dakṣiṇāṁ dehi rājendra dānayogyāṁ mahāmate dakṣiṇārahitaṁ dānaṁ niṣphalaṁ manurabravīt

O foremost of kings, O great-minded one, now give also the gift proper to accompany a dana — a gift given without its sacrificial fee is fruitless, so Manu has declared.

Verse 29 (devibhagavatam.7.19.29)

तस्माद्दानफलाय त्वं यथोक्तां देहि दक्षिणाम् । इत्युक्तस्तु तदा राजा तमुवाचातिविस्मितः

tasmāddānaphalāya tvaṁ yathoktāṁ dehi dakṣiṇām ityuktastu tadā rājā tamuvācātivismitaḥ

Therefore, for the fruit of your gift to be complete, give also the proper sacrificial fee. When this was said, the king, greatly astonished, replied to him —

Verse 30 (devibhagavatam.7.19.30)

ब्रूहि कियद्धनं तुभ्यं देयं स्वामिन् मयाधुना । दक्षिणानिष्क्रयं साधो वद तावत्प्रमाणकम्

brūhi kiyaddhanaṁ tubhyaṁ deyaṁ svāmin mayādhunā dakṣiṇāniṣkrayaṁ sādho vada tāvatpramāṇakam

O lord, tell me — how much wealth must I now give you? O righteous one, name the sum of the fee, and tell me its exact measure.

Verse 31 (devibhagavatam.7.19.31)

दानपूर्त्यै प्रदास्यामि स्वस्थो भव तपोधन । विश्वामित्रस्तु तच्छ्रुत्वा तमाह मेदिनीपतिम्

dānapūrtyai pradāsyāmi svastho bhava tapodhana viśvāmitrastu tacchrutvā tamāha medinīpatim

I shall give it, to complete this gift, O treasury of austerity — set your mind at ease. Hearing this, Vishvamitra said to that lord of the earth —

Verse 32 (devibhagavatam.7.19.32)

हेमभारद्वयं सार्धं दक्षिणां देहि साम्प्रतम् । दास्यामीति प्रतिश्रुत्य तस्मै राजातिविस्मितः

hemabhāradvayaṁ sārdhaṁ dakṣiṇāṁ dehi sāmpratam dāsyāmīti pratiśrutya tasmai rājātivismitaḥ

Now give me, as the sacrificial fee, two-and-a-half loads of gold. Hearing this, the king, exceedingly astonished, nonetheless vowed to give it to him,

Verse 33 (devibhagavatam.7.19.33)

तदैव सैनिकास्तस्य वीक्षमाणाः समागताः । दृष्ट्वा महीपतिं व्यग्रं तुष्टुवुस्ते मुदान्विताः

tadaiva sainikāstasya vīkṣamāṇāḥ samāgatāḥ dṛṣṭvā mahīpatiṁ vyagraṁ tuṣṭuvuste mudānvitāḥ

and just then his soldiers, watching, arrived there too; and, seeing the king thus preoccupied, they, rejoicing, began to praise him.

Verse 34 (devibhagavatam.7.19.34)

व्यास उवाच । श्रुत्वा तेषां वचो राजा नोक्त्वा किञ्चिच्छुभाशुभम् । चिन्तयन्स्वकृतं कर्म ययावन्तःपुरे ततः

vyāsa uvāca śrutvā teṣāṁ vaco rājā noktvā kiñcicchubhāśubham cintayansvakṛtaṁ karma yayāvantaḥpure tataḥ

Vyasa said: Hearing their words, the king, saying nothing at all, whether good or ill, and pondering upon his own deed, made his way to the inner apartments.

Verse 35 (devibhagavatam.7.19.35)

किं मया स्वीकृतं दानं सर्वस्वं यत्समर्पितम् । वञ्चितोऽहं द्विजेनात्र वने पाटच्चरैरिव

kiṁ mayā svīkṛtaṁ dānaṁ sarvasvaṁ yatsamarpitam vañcito'haṁ dvijenātra vane pāṭaccarairiva

What manner of gift have I accepted, that I have surrendered everything I possess — I have been robbed by this brahmin here, as if by highwaymen in the forest.

Verse 36 (devibhagavatam.7.19.36)

राज्यं सोपस्करं तस्मै मया सर्वं प्रतिश्रुतम् । भारद्वयं सुवर्णस्य सार्धं च दक्षिणा पुनः

rājyaṁ sopaskaraṁ tasmai mayā sarvaṁ pratiśrutam bhāradvayaṁ suvarṇasya sārdhaṁ ca dakṣiṇā punaḥ

I have vowed to give him the kingdom together with all its wealth, and along with it two-and-a-half loads of gold as the sacrificial fee.

Verse 37 (devibhagavatam.7.19.37)

किं करोमि मतिर्भ्रष्टा न ज्ञातं कपटं मुनेः । प्रतारितोऽहं सहसा ब्राह्मणेन तपस्विना

kiṁ karomi matirbhraṣṭā na jñātaṁ kapaṭaṁ muneḥ pratārito'haṁ sahasā brāhmaṇena tapasvinā

What shall I do now? My reason has failed me — I could not perceive the sage's deceit; that ascetic brahmin has, in an instant, utterly beguiled me.

Verse 38 (devibhagavatam.7.19.38)

न जाने दैवकार्यं वै हा दैव किं भविष्यति । इति चिन्तापरो राजा गृहं प्राप्तोऽतिविह्वलः

na jāne daivakāryaṁ vai hā daiva kiṁ bhaviṣyati iti cintāparo rājā gṛhaṁ prāpto'tivihvalaḥ

I cannot fathom the workings of fate — alas, fate, what now will come to pass? Thus sunk in anxiety, the king, utterly overwhelmed, arrived at his home.

Verse 39 (devibhagavatam.7.19.39)

पतिं चिन्तापरं दृष्त्वा राज्ञी पप्रच्छ कारणम् । किं प्रभो विमना भासि का चिन्ता ब्रूहि साम्प्रतम्

patiṁ cintāparaṁ dṛṣtvā rājñī papraccha kāraṇam kiṁ prabho vimanā bhāsi kā cintā brūhi sāmpratam

Seeing her husband sunk in anxiety, the queen asked him the reason: O lord, why do you appear so downcast? What is your worry — tell me at once.

Verse 40 (devibhagavatam.7.19.40)

वनात्पुत्रः समायातो राजसूयः कृतः पुरा । कस्माच्छोचसि राजेन्द्र शोकस्य कारणं वद

vanātputraḥ samāyāto rājasūyaḥ kṛtaḥ purā kasmācchocasi rājendra śokasya kāraṇaṁ vada

Your son has returned from the forest, and the Rajasuya sacrifice has already been accomplished — O foremost of kings, then for what do you grieve? Tell me the cause of this sorrow.

Verse 41 (devibhagavatam.7.19.41)

नारातिर्विद्यते क्वापि बलवान्दुर्बलोऽपि वा । वरुणोऽपि सुसन्तुष्टः कृतकृत्योऽसि भूतले

nārātirvidyate kvāpi balavāndurbalo'pi vā varuṇo'pi susantuṣṭaḥ kṛtakṛtyo'si bhūtale

You have no enemy anywhere, neither strong nor weak; even Varuna is fully satisfied, and you have accomplished all that need be accomplished on this earth.

Verse 42 (devibhagavatam.7.19.42)

चिन्तया क्षीयते देहो नास्ति चिन्तासमा मृतिः । त्यज्यतां नृपशार्दूल स्वस्थो भव विचक्षण

cintayā kṣīyate deho nāsti cintāsamā mṛtiḥ tyajyatāṁ nṛpaśārdūla svastho bhava vicakṣaṇa

The body wastes away through worry — there is no death equal to worry; abandon it, O tiger among kings; be at ease, O wise one.

Verse 43 (devibhagavatam.7.19.43)

तन्निशम्य प्रियावाक्यं प्रीतिपूर्वं नराधिपः । प्रोवाच किञ्चिच्चिन्तायाः कारणं च शुभाशुभम्

tanniśamya priyāvākyaṁ prītipūrvaṁ narādhipaḥ provāca kiñciccintāyāḥ kāraṇaṁ ca śubhāśubham

Hearing his beloved wife's words, the king, with affection, told her something of the cause of his anxiety, both the fair and the grievous parts of it.

Verse 44 (devibhagavatam.7.19.44)

भोजनं न चकाराऽसौ चिन्ताविष्टस्तथा नृपः । सुप्त्वापि शयने शुभ्रे लेभे निद्रां न भूमिपः

bhojanaṁ na cakārā'sau cintāviṣṭastathā nṛpaḥ suptvāpi śayane śubhre lebhe nidrāṁ na bhūmipaḥ

The king, sunk in anxiety, did not even eat; and though he lay upon his splendid bed, no sleep came to that lord of the earth.

Verse 45 (devibhagavatam.7.19.45)

प्रातरुत्थाय चिन्तार्तो यावत्सन्ध्यादिकाः क्रियाः । करोति नृपतिस्तावद्विश्वामित्रः समागतः

prātarutthāya cintārto yāvatsandhyādikāḥ kriyāḥ karoti nṛpatistāvadviśvāmitraḥ samāgataḥ

Rising in the morning, still tormented by anxiety, and while the king was performing his morning devotions and the like, Vishvamitra arrived there.

Verse 46 (devibhagavatam.7.19.46)

क्षत्रा निवेदितो राज्ञे मुनिः सर्वस्वहारकः । आगत्योवाच राजानं प्रणमन्तं पुनः पुनः

kṣatrā nivedito rājñe muniḥ sarvasvahārakaḥ āgatyovāca rājānaṁ praṇamantaṁ punaḥ punaḥ

The gatekeeper announced to the king the arrival of that sage who had claimed his entire fortune; and the sage, arriving, said to the king, who bowed again and again before him —

Verse 47 (devibhagavatam.7.19.47)

विश्वामित्र उवाच । राजंस्त्यज स्वराज्यं मे देहि वाचा प्रतिश्रुतम् । सुवर्णं स्पृश राजेन्द्र सत्यवाग्भव साम्प्रतम्

viśvāmitra uvāca rājaṁstyaja svarājyaṁ me dehi vācā pratiśrutam suvarṇaṁ spṛśa rājendra satyavāgbhava sāmpratam

Vishvamitra said: O king, relinquish your kingdom, and give me what you have vowed by word; O foremost of kings, touch the gold, and be, this very moment, true to your word.

Verse 48 (devibhagavatam.7.19.48)

हरिश्चन्द्र उवाच । स्वामिन् राज्यं तवेदं मे मया दत्तं किलाधुना । त्यक्त्वान्यत्र गमिष्यामि मा चिन्ता कुरु कौशिक

hariścandra uvāca svāmin rājyaṁ tavedaṁ me mayā dattaṁ kilādhunā tyaktvānyatra gamiṣyāmi mā cintā kuru kauśika

Harishchandra said: O lord, this kingdom is now yours indeed — I have already given it to you; O Kaushika, having relinquished it, I shall go elsewhere — have no concern in this matter.

Verse 49 (devibhagavatam.7.19.49)

सर्वस्वं मम ते ब्रह्मन् गृहीतं विधिवद्विभो । सुवर्णदक्षिणां दातुमशक्तोऽस्म्यधुना द्विज

sarvasvaṁ mama te brahman gṛhītaṁ vidhivadvibho suvarṇadakṣiṇāṁ dātumaśakto'smyadhunā dvija

O brahmin, O lord, my entire fortune has already been duly received by you; O twice-born one, it is only the gift of gold as sacrificial fee that I am presently unable to give.

Verse 50 (devibhagavatam.7.19.50)

दानं ददामि ते तावद्यावन्मे स्याद्धनागमः । पुनश्चेत्कालयोगेन तदा दास्यामि दक्षिणाम्

dānaṁ dadāmi te tāvadyāvanme syāddhanāgamaḥ punaścetkālayogena tadā dāsyāmi dakṣiṇām

Until wealth comes to me by some means, I shall keep striving to give you this gift; and if, in the course of time, it is not yet accomplished, then at last I shall give you the fee.

Verse 51 (devibhagavatam.7.19.51)

इत्युक्त्वा नृपतिः प्राह पुत्रं भार्यां च माधवीम् । राज्यमस्मै प्रदत्तं वै मया वेद्यां सुविस्तरम्

ityuktvā nṛpatiḥ prāha putraṁ bhāryāṁ ca mādhavīm rājyamasmai pradattaṁ vai mayā vedyāṁ suvistaram

So saying, the king said to his son and to his wife Madhavi: I have given this man, upon this very altar, in full and complete measure, my entire kingdom,

Verse 52 (devibhagavatam.7.19.52)

हस्त्यश्वरथसंयुक्तं रत्नहेमसमन्वितम् । त्यक्त्वा त्रीणि शरीराणि सर्वं चास्मै समर्पितम्

hastyaśvarathasaṁyuktaṁ ratnahemasamanvitam tyaktvā trīṇi śarīrāṇi sarvaṁ cāsmai samarpitam

rich in elephants, horses, and chariots, abundant in jewels and gold; and now, save for these three bodies here — my own, my wife's, and my son's — I have surrendered everything to him.

Verse 53 (devibhagavatam.7.19.53)

त्यक्त्वायोध्यां गमिष्यामि कुत्रचिद्वनगह्वरे गृह्णात्विदं मुनिः सम्यग्राज्यं सर्वसमृद्धिमत्

tyaktvāyodhyāṁ gamiṣyāmi kutracidvanagahvare gṛhṇātvidaṁ muniḥ samyagrājyaṁ sarvasamṛddhimat

Leaving Ayodhya, I shall go to dwell in some forest cave; let this sage now take full possession of this kingdom, rich in every prosperity.

Verse 54 (devibhagavatam.7.19.54)

इत्याभाष्य सुतं भार्यां हरिश्चन्द्रः स्वमन्दिरात् । विनिर्गतः सुधर्मात्मा मानयंस्तं द्विजोत्तमम्

ityābhāṣya sutaṁ bhāryāṁ hariścandraḥ svamandirāt vinirgataḥ sudharmātmā mānayaṁstaṁ dvijottamam

So saying, having spoken to his son and wife, the righteous-souled Harishchandra, still paying homage to that excellent brahmin, departed from his own palace.

Verse 55 (devibhagavatam.7.19.55)

व्रजन्तं भूपतिं वीक्ष्य भार्यापुत्रावुभावपि । चिन्तातुरौ सुदीनास्यौ जग्मतुः पृष्ठतस्तदा

vrajantaṁ bhūpatiṁ vīkṣya bhāryāputrāvubhāvapi cintāturau sudīnāsyau jagmatuḥ pṛṣṭhatastadā

Seeing the king departing thus, both his wife and his son, overcome with anxiety, their faces most wretched, followed behind him at that moment.

Verse 56 (devibhagavatam.7.19.56)

हाहाकारो महानासीन्नगरे वीक्ष्य तांस्तथा । चुक्रुशुः प्राणिनः सर्वे साकेतपुरवासिनः

hāhākāro mahānāsīnnagare vīkṣya tāṁstathā cukruśuḥ prāṇinaḥ sarve sāketapuravāsinaḥ

Seeing them depart in this manner, a great outcry of lamentation arose throughout the city; all the creatures dwelling in Saketapura began to weep aloud.

Verse 57 (devibhagavatam.7.19.57)

हा राजन् किं कृतं कर्म कुतः क्लेशः समागतः । वञ्चितोऽसि महाराज विधिनापण्डितेन ह

hā rājan kiṁ kṛtaṁ karma kutaḥ kleśaḥ samāgataḥ vañcito'si mahārāja vidhināpaṇḍitena ha

Alas, O king, what deed is this that has come to pass — from where has this affliction descended? O great king, you have been cheated by a most unjust turn of fate!

Verse 58 (devibhagavatam.7.19.58)

सर्वे वर्णास्तदा दुःखमाप्नुयुस्तं महीपतिम् । विलोक्य भार्यया सार्धं पुत्रेण च महात्मना

sarve varṇāstadā duḥkhamāpnuyustaṁ mahīpatim vilokya bhāryayā sārdhaṁ putreṇa ca mahātmanā

Beholding that great king departing thus, together with his wife and his noble-souled son, people of every class then felt the deepest sorrow.

Verse 59 (devibhagavatam.7.19.59)

निनिन्दुर्ब्राह्मणं तं तु दुराचारं पुरौकसः । धूर्तोऽयमिति भाषन्तो दुःखार्ता ब्राह्मणादयः

ninindurbrāhmaṇaṁ taṁ tu durācāraṁ puraukasaḥ dhūrto'yamiti bhāṣanto duḥkhārtā brāhmaṇādayaḥ

The city's people began to condemn that brahmin for such evil conduct; the brahmins and others, tormented by sorrow, spoke of him openly, calling him a swindler.

Verse 60 (devibhagavatam.7.19.60)

निर्गत्य नगरात्तस्माद्विश्वामित्रः क्षितीश्वरम् । गच्छन्तं तमुवाचेदं समेत्य निष्ठुरं वचः

nirgatya nagarāttasmādviśvāmitraḥ kṣitīśvaram gacchantaṁ tamuvācedaṁ sametya niṣṭhuraṁ vacaḥ

Leaving the city, Vishvamitra went up to the king as he was departing and spoke this harsh word to him —

Verse 61 (devibhagavatam.7.19.61)

दक्षिणायाः सुवर्णं मे दत्त्वा गच्छ नराधिप । नाहं दास्यामि वा ब्रूहि मया त्यक्तं सुवर्णकम्

dakṣiṇāyāḥ suvarṇaṁ me dattvā gaccha narādhipa nāhaṁ dāsyāmi vā brūhi mayā tyaktaṁ suvarṇakam

O king, go only after having given me the gold of the sacrificial fee; or else say plainly that you will not give it — tell me, where is this gold you have forsaken?

Verse 62 (devibhagavatam.7.19.62)

राज्यं गृहाण वा सर्वं लोभश्चेद्धृति वर्तते । दत्तं चेन्मन्यसे राजन् देहि यत्तत्प्रतिश्रुतम्

rājyaṁ gṛhāṇa vā sarvaṁ lobhaśceddhṛti vartate dattaṁ cenmanyase rājan dehi yattatpratiśrutam

Or, if greed still lingers within your heart, then take back the whole kingdom yourself; but, O king, if you hold that this kingdom has truly been given, then give also what you have vowed.

Verse 63 (devibhagavatam.7.19.63)

एवं ब्रुवन्तं गाधेयं हरिश्चन्द्रो महीपतिः । प्रणिपत्य सुदीनात्मा कृताञ्जलिपुटोऽब्रवीत्

evaṁ bruvantaṁ gādheyaṁ hariścandro mahīpatiḥ praṇipatya sudīnātmā kṛtāñjalipuṭo'bravīt

To the son of Gadhi (Vishvamitra) speaking thus, King Harishchandra, utterly wretched, bowing down and with joined palms, said this —