The Story of Shatakshi

Verse 1 (devibhagavatam.7.28.1)

जनमेजय उवाच । विचित्रमिदमाख्यानं हरिश्चन्द्रस्य कीर्तितम् । शताक्षीपादभक्तस्य राजर्षेर्धार्मिकस्य च

janamejaya uvāca vicitramidamākhyānaṁ hariścandrasya kīrtitam śatākṣīpādabhaktasya rājarṣerdhārmikasya ca

Janamejaya said: This wondrous account of Harishchandra, that righteous royal sage devoted to the feet of Shatakshi, you have now told.

Verse 2 (devibhagavatam.7.28.2)

शताक्षी सा कुतो जाता देवी भगवती शिवा । तत्कारणं वद मुने सार्थकं जन्म मे कुरु

śatākṣī sā kuto jātā devī bhagavatī śivā tatkāraṇaṁ vada mune sārthakaṁ janma me kuru

From where was that Devi, the blessed and auspicious Shatakshi, born? O sage, tell me the cause of it, and make this birth of mine fruitful.

Verse 3 (devibhagavatam.7.28.3)

को हि देव्या गुणाञ्छृण्वंस्तृप्तिं यास्यति शुद्धधीः । पदे पदेऽश्वमेधस्य फलमक्षय्यमश्नुते

ko hi devyā guṇāñchṛṇvaṁstṛptiṁ yāsyati śuddhadhīḥ pade pade'śvamedhasya phalamakṣayyamaśnute

Indeed, what pure-minded person could ever grow weary of hearing the Devi's own qualities? At every step, one attains the imperishable fruit of a horse-sacrifice.

Verse 4 (devibhagavatam.7.28.4)

व्यास उवाच । शृणु राजन् प्रवक्ष्यामि शताक्षीसम्भवं शुभम् । तवावाच्यं न मे किञ्चिद्देवीभक्तस्य विद्यते

vyāsa uvāca śṛṇu rājan pravakṣyāmi śatākṣīsambhavaṁ śubham tavāvācyaṁ na me kiñciddevībhaktasya vidyate

Vyasa said: Listen, O king, I shall now describe the auspicious origin of Shatakshi; for a devotee of the Devi, there is nothing at all that I would leave untold.

Verse 5 (devibhagavatam.7.28.5)

दुर्गमाख्यो महादैत्यः पूर्वं परमदारुणः । हिरण्याक्षान्वये जातो रुरुपुत्रो महाखलः

durgamākhyo mahādaityaḥ pūrvaṁ paramadāruṇaḥ hiraṇyākṣānvaye jāto ruruputro mahākhalaḥ

In ancient times there was a most terrible great daitya named Durgama, born in the lineage of Hiranyaksha, the son of Ruru, exceedingly wicked.

Verse 6 (devibhagavatam.7.28.6)

देवानां तु बलं वेदो नाशे तस्य सुरा अपि नङ्क्ष्यन्त्येव न सन्देहो विधेयं तावदेव तत्

devānāṁ tu balaṁ vedo nāśe tasya surā api naṅkṣyantyeva na sandeho vidheyaṁ tāvadeva tat

He reflected: The very strength of the gods is the Veda; with its destruction, the gods too will surely perish, without doubt — therefore that alone must be accomplished.

Verse 7 (devibhagavatam.7.28.7)

विमृश्यैतत्तपश्चर्यां गतः कर्तुं हिमालये । ब्रह्माणं मनसा ध्यात्वा वायुभक्षो व्यतिष्ठत

vimṛśyaitattapaścaryāṁ gataḥ kartuṁ himālaye brahmāṇaṁ manasā dhyātvā vāyubhakṣo vyatiṣṭhata

Having thought this, he went to the Himalayas to perform austerities; meditating in his mind upon Brahma, subsisting on air alone, he stood there in tapas.

Verse 8 (devibhagavatam.7.28.8)

सहस्रवर्षपर्यन्तं चकार परमं तपः । तेजसा तस्य लोकास्तु सन्तप्ताः ससुरासुराः

sahasravarṣaparyantaṁ cakāra paramaṁ tapaḥ tejasā tasya lokāstu santaptāḥ sasurāsurāḥ

For a thousand years he performed the most extreme austerity; by his blazing power all the worlds, together with gods and demons, were scorched with heat.

Verse 9 (devibhagavatam.7.28.9)

ततः प्रसन्नो भगवान् हंसारूढश्चतुर्मुखः । ययौ तस्मै वरं दातुं प्रसन्नमुखपङ्कजः

tataḥ prasanno bhagavān haṁsārūḍhaścaturmukhaḥ yayau tasmai varaṁ dātuṁ prasannamukhapaṅkajaḥ

Then, being pleased, the four-faced Lord Brahma, mounted upon his swan, his lotus-face gladdened, went to grant him a boon.

Verse 10 (devibhagavatam.7.28.10)

समाधिस्थं मीलिताक्षं स्फुटमाह चतुर्मुखः । वरं वरय भद्रं ते यस्ते मनसि वर्तते

samādhisthaṁ mīlitākṣaṁ sphuṭamāha caturmukhaḥ varaṁ varaya bhadraṁ te yaste manasi vartate

To that daitya, absorbed in samadhi, his eyes closed, the four-faced Brahma said in a clear voice: Ask for a boon, may all be well with you — whatever is in your heart,

Verse 11 (devibhagavatam.7.28.11)

तवाद्य तपसा तुष्टो वरदेशोऽहमागतः । श्रुत्वा ब्रह्ममुखाद्वाणीं व्युत्थितः स समाधितः

tavādya tapasā tuṣṭo varadeśo'hamāgataḥ śrutvā brahmamukhādvāṇīṁ vyutthitaḥ sa samādhitaḥ

I have come today, pleased by this austerity of yours, to grant a boon. Hearing this voice from Brahma's own mouth, he arose from his meditation,

Verse 12 (devibhagavatam.7.28.12)

पूजयित्वा वरं वव्रे वेदान्देहि सुरेश्वर । त्रिषु लोकेषु ये मन्त्रा ब्राह्मणेषु सुरेष्वपि

pūjayitvā varaṁ vavre vedāndehi sureśvara triṣu lokeṣu ye mantrā brāhmaṇeṣu sureṣvapi

and, having worshipped him, he asked for this boon: O lord of gods, give me the Vedas; whatever mantras exist in all three worlds, among the brahmins and among the gods as well,

Verse 13 (devibhagavatam.7.28.13)

विद्यन्ते ते तु सान्निध्ये मम सन्तु महेश्वर । बलं च देहि येन स्याद्देवानां च पराजयः

vidyante te tu sānnidhye mama santu maheśvara balaṁ ca dehi yena syāddevānāṁ ca parājayaḥ

O great lord, let them all pass into my own possession; and give me also the strength by which the gods themselves might be defeated.

Verse 14 (devibhagavatam.7.28.14)

इति तस्य वचः श्रुत्वा तथास्त्विति वचो वदन् । जगाम सत्यलोकं तु चतुर्वेदेश्वरः परः

iti tasya vacaḥ śrutvā tathāstviti vaco vadan jagāma satyalokaṁ tu caturvedeśvaraḥ paraḥ

Hearing his words, saying, 'So be it,' Brahma, the supreme lord of the four Vedas, returned to Satyaloka.

Verse 15 (devibhagavatam.7.28.15)

ततः प्रभृति विप्रैस्तु विस्मृता वेदराशयः । स्नानसन्ध्यानित्यहोमश्राद्धयज्ञजपादयः

tataḥ prabhṛti vipraistu vismṛtā vedarāśayaḥ snānasandhyānityahomaśrāddhayajñajapādayaḥ

From that day forward, brahmins forgot the entire body of the Vedas — bathing rites, twilight prayers, the daily fire-oblation, ancestral rites, sacrifices, recitation, and all the rest,

Verse 16 (devibhagavatam.7.28.16)

विलुप्ता धरणीपृष्ठे हाहाकारो महानभूत् । किमिदं किमिदं चेति विप्रा ऊचुः परस्परम्

viluptā dharaṇīpṛṣṭhe hāhākāro mahānabhūt kimidaṁ kimidaṁ ceti viprā ūcuḥ parasparam

all of it vanished from the face of the earth, and a great outcry arose; crying, 'What is this, what is this,' the brahmins said to one another —

Verse 17 (devibhagavatam.7.28.17)

वेदाभावात्तदस्माभिः कर्तव्यं किमतः परम् । इति भूमौ महानर्थे जाते परमदारुणे

vedābhāvāttadasmābhiḥ kartavyaṁ kimataḥ param iti bhūmau mahānarthe jāte paramadāruṇe

in the absence of the Vedas, what else is there now for us to do? Thus, as this most terrible and grave calamity arose upon the earth,

Verse 18 (devibhagavatam.7.28.18)

निर्जराः सजरा जाता हविर्भागाद्यभावतः । रुरोध स तदा दैत्यो नगरीममरावतीम्

nirjarāḥ sajarā jātā havirbhāgādyabhāvataḥ rurodha sa tadā daityo nagarīmamarāvatīm

for want of their share of the oblations, the gods, though otherwise ageless, became subject to age and decay; and at that time that daitya laid siege to the city of Amaravati.

Verse 19 (devibhagavatam.7.28.19)

अशक्तास्तेन ते योद्धुं वज्रदेहासुरेण च । पलायनं तदा कृत्वा निर्गता निर्जराः क्वचित्

aśaktāstena te yoddhuṁ vajradehāsureṇa ca palāyanaṁ tadā kṛtvā nirgatā nirjarāḥ kvacit

Unable to fight against that adamant-bodied demon, those once-ageless gods, fleeing, went off to hide themselves elsewhere,

Verse 20 (devibhagavatam.7.28.20)

निलयं गिरिदुर्गेषु रत्नसानुगुहासु च । संस्थिताः परमां शक्तिं ध्यायन्तस्ते पराम्बिकाम्

nilayaṁ giridurgeṣu ratnasānuguhāsu ca saṁsthitāḥ paramāṁ śaktiṁ dhyāyantaste parāmbikām

taking refuge in mountain fastnesses and in the jewel-studded caves of the peaks, and there they dwelt, meditating upon the Supreme Shakti, the great Mother.

Verse 21 (devibhagavatam.7.28.21)

अग्नौ होमाद्यभावात्तु वृष्ट्यभावोऽप्यभून्नृप । वृष्टेरभावे संशुष्कं निर्जलं चापि भूतलम्

agnau homādyabhāvāttu vṛṣṭyabhāvo'pyabhūnnṛpa vṛṣṭerabhāve saṁśuṣkaṁ nirjalaṁ cāpi bhūtalam

Because there was no more oblation offered into the fire, O king, there came also a failure of rain; and, from the failure of rain, this entire earth became parched and waterless.

Verse 22 (devibhagavatam.7.28.22)

कूपवापीतडागाश्च सरितः शुष्कतां गताः । अनावृष्टिरियं राजन्नभूच्च शतवार्षिकी

kūpavāpītaḍāgāśca saritaḥ śuṣkatāṁ gatāḥ anāvṛṣṭiriyaṁ rājannabhūcca śatavārṣikī

Wells, step-wells, tanks, and rivers all dried up; O king, this drought continued for a full hundred years.

Verse 23 (devibhagavatam.7.28.23)

मृताः प्रजाश्च बहुधा गोमहिष्यादयस्तथा । गृहे गृहे मनुष्याणामभवच्छवसङ्ग्रहः

mṛtāḥ prajāśca bahudhā gomahiṣyādayastathā gṛhe gṛhe manuṣyāṇāmabhavacchavasaṅgrahaḥ

The people died in great numbers, and cattle, buffaloes, and other beasts likewise perished; in every household of men, heaps of the dead accumulated.

Verse 24 (devibhagavatam.7.28.24)

अनर्थे त्वेवमुद्भूते ब्राह्मणाः शान्तचेतसः । गत्वा हिमवतः पार्श्वे रिराधयिषवः शिवम्

anarthe tvevamudbhūte brāhmaṇāḥ śāntacetasaḥ gatvā himavataḥ pārśve rirādhayiṣavaḥ śivam

When this calamity had thus arisen, the brahmins, their hearts stilled, wishing to propitiate the auspicious Devi, went to the foot of the Himalayas,

Verse 25 (devibhagavatam.7.28.25)

समाधिध्यानपूजाभिर्देवीं तुष्टुवुरन्वहम् । निराहारास्तदासक्तास्तामेव शरणं ययुः

samādhidhyānapūjābhirdevīṁ tuṣṭuvuranvaham nirāhārāstadāsaktāstāmeva śaraṇaṁ yayuḥ

and, through meditation, contemplation, and worship, began daily to praise the Devi; taking no food, wholly absorbed in her, they took refuge in her alone.

Verse 26 (devibhagavatam.7.28.26)

दयां कुरु महेशानि पामरेषु जनेषु हि । सर्वापराधयुक्तेषु नैतच्छ्लाघ्यं तवाम्बिके

dayāṁ kuru maheśāni pāmareṣu janeṣu hi sarvāparādhayukteṣu naitacchlāghyaṁ tavāmbike

O great goddess, show compassion upon these wretched creatures; O mother, though they are laden with every offense, it does not befit you to praise their punishment.

Verse 27 (devibhagavatam.7.28.27)

कोपं संहर देवेशि सर्वान्तर्यामिरूपिणि । त्वया यथा प्रेर्यतेऽयं करोति स तथा जनः

kopaṁ saṁhara deveśi sarvāntaryāmirūpiṇi tvayā yathā preryate'yaṁ karoti sa tathā janaḥ

O goddess of gods, withdraw your wrath, O you who dwell as the inner witness of all; whatever this creature does, he does only as you yourself have impelled him.

Verse 28 (devibhagavatam.7.28.28)

नान्या गतिर्जनस्यास्य किं पश्यसि पुनः पुनः । यथेच्छसि तथा कर्तुं समर्थासि महेश्वरि

nānyā gatirjanasyāsya kiṁ paśyasi punaḥ punaḥ yathecchasi tathā kartuṁ samarthāsi maheśvari

This creature has no other refuge; why do you look on, again and again? You are able to do whatever you wish, O great goddess.

Verse 29 (devibhagavatam.7.28.29)

समुद्धर महेशानि सङ्कटात्परमोत्थितात् । जीवनेन विनास्माकं कथं स्यात्स्थितिरम्बिके

samuddhara maheśāni saṅkaṭātparamotthitāt jīvanena vināsmākaṁ kathaṁ syātsthitirambike

O great goddess, deliver us from this supreme calamity; O mother, without life itself, how could our very existence continue?

Verse 30 (devibhagavatam.7.28.30)

प्रसीद त्वं महेशानि प्रसीद जगदम्बिके । अनन्तकोटिब्रह्माण्डनायिके ते नमो नमः

prasīda tvaṁ maheśāni prasīda jagadambike anantakoṭibrahmāṇḍanāyike te namo namaḥ

O great goddess, be gracious; O mother of the universe, be gracious; O sovereign of countless millions of worlds, we bow to you, again and again.

Verse 31 (devibhagavatam.7.28.31)

नमः कूटस्थरूपायै चिद्रूपायै नमो नमः । नमो वेदान्तवेद्यायै भुवनेश्यै नमो नमः

namaḥ kūṭastharūpāyai cidrūpāyai namo namaḥ namo vedāntavedyāyai bhuvaneśyai namo namaḥ

Homage to her whose form is the unchanging witness, homage again and again to her who is pure consciousness; homage again and again to Bhuvaneshvari, known through the Vedanta.

Verse 32 (devibhagavatam.7.28.32)

नेति नेतीति वाक्यैर्या बोध्यते सकलागमैः । तां सर्वकारणां देवीं सर्वभावेन सन्नताः

neti netīti vākyairyā bodhyate sakalāgamaiḥ tāṁ sarvakāraṇāṁ devīṁ sarvabhāvena sannatāḥ

She whom all the scriptures point to through the very words, 'not this, not this' — to that Devi, the very cause of all things, we bowed with our whole being.

Verse 33 (devibhagavatam.7.28.33)

इति सम्प्रार्थिता देवी भुवनेशी महेश्वरी । अनन्ताक्षिमयं रूपं दर्शयामास पार्वती

iti samprārthitā devī bhuvaneśī maheśvarī anantākṣimayaṁ rūpaṁ darśayāmāsa pārvatī

Thus supplicated, the Devi Bhuvaneshi, the great Parvati, showed forth her own form, endowed with countless eyes.

Verse 34 (devibhagavatam.7.28.34)

नीलाञ्जनसमप्रख्यं नीलपद्मायतेक्षणम् । सुकर्कशसमोत्तुङ्गवृत्तपीनघनस्तनम्

nīlāñjanasamaprakhyaṁ nīlapadmāyatekṣaṇam sukarkaśasamottuṅgavṛttapīnaghanastanam

Of a hue like dark collyrium, with eyes wide as blue lotuses, with breasts most firm, high, round, full, and dense —

Verse 35 (devibhagavatam.7.28.35)

बाणमुष्टिं च कमलं पुष्पपल्लवमूलकान् । शाकादीन्फलसंयुक्ताननन्तरससंयुतान्

bāṇamuṣṭiṁ ca kamalaṁ puṣpapallavamūlakān śākādīnphalasaṁyuktānanantarasasaṁyutān

holding in her hands a sheaf of rice-shoots and a lotus, flowers, tender sprouts, and roots, and vegetables together with their fruits, all imbued with infinite savor,

Verse 36 (devibhagavatam.7.28.36)

क्षुत्तृड्जरापहान् हस्तैर्बिभ्रती च महाधनुः । सर्वसौन्दर्यसारं तद्रूपं लावण्यशोभितम्

kṣuttṛḍjarāpahān hastairbibhratī ca mahādhanuḥ sarvasaundaryasāraṁ tadrūpaṁ lāvaṇyaśobhitam

and the objects that dispel hunger, thirst, and old age, all held in her hands, and a great bow besides; that form held within it the very essence of all beauty, resplendent with grace,

Verse 37 (devibhagavatam.7.28.37)

कोटिसूर्यप्रतीकाशं करुणारससागरम् । दर्शयित्वा जगद्धात्री सानन्तनयनोद्भवा

koṭisūryapratīkāśaṁ karuṇārasasāgaram darśayitvā jagaddhātrī sānantanayanodbhavā

radiant as a million suns, an ocean of the very essence of compassion — showing forth this form, that Devi, the sustainer of the world, from her own countless eyes,

Verse 38 (devibhagavatam.7.28.38)

मोचयामास लोकेषु वारिधारां सहस्रशः । नवरात्रं महावृष्टिरभून्नेत्रोद्भवैर्जलैः

mocayāmāsa lokeṣu vāridhārāṁ sahasraśaḥ navarātraṁ mahāvṛṣṭirabhūnnetrodbhavairjalaiḥ

released streams of water by the thousand into the worlds; for nine nights a great rain fell, born of the waters from her own eyes.

Verse 39 (devibhagavatam.7.28.39)

दुःखितान्वीक्ष्य सकलान्नेत्राश्रूणि विमुञ्चती । तर्पितास्तेन ते लोका ओषध्यः सकला अपि

duḥkhitānvīkṣya sakalānnetrāśrūṇi vimuñcatī tarpitāstena te lokā oṣadhyaḥ sakalā api

Beholding all those suffering creatures, shedding tears from her own eyes, all the worlds were thereby satisfied, and all the medicinal plants too.

Verse 40 (devibhagavatam.7.28.40)

नदीनदप्रवाहास्तैर्जलैः समभवन्नृप । निलीय संस्थिताः पूर्वं सुरास्ते निर्गता बहिः

nadīnadapravāhāstairjalaiḥ samabhavannṛpa nilīya saṁsthitāḥ pūrvaṁ surāste nirgatā bahiḥ

O king, from those waters the streams of rivers and torrents were born; the gods who had earlier lain hidden came forth once again.

Verse 41 (devibhagavatam.7.28.41)

मिलित्वा ससुरा विप्रा देवीं समभितुष्टुवुः । नमो वेदान्तवेद्ये ते नमो ब्रह्मस्वरूपिणि

militvā sasurā viprā devīṁ samabhituṣṭuvuḥ namo vedāntavedye te namo brahmasvarūpiṇi

The brahmins, together with the gods, gathered and praised the Devi fully — Homage to you, known through the Vedanta! Homage to you, whose very form is the Absolute!

Verse 42 (devibhagavatam.7.28.42)

स्वमायया सर्वजगद्विधात्र्यै ते नमो नमः । भक्तकल्पद्रुमे देवि भक्तार्थं देहधारिणि

svamāyayā sarvajagadvidhātryai te namo namaḥ bhaktakalpadrume devi bhaktārthaṁ dehadhāriṇi

You who, by your own divine power, ordain this entire universe, homage to you, again and again; O Devi, wish-fulfilling tree for your devotees, who assumes a body for their sake alone,

Verse 43 (devibhagavatam.7.28.43)

नित्यतृप्ते निरुपमे भुवनेश्वरि ते नमः । अस्मच्छान्त्यर्थमतुलं लोचनानां सहस्रकम्

nityatṛpte nirupame bhuvaneśvari te namaḥ asmacchāntyarthamatulaṁ locanānāṁ sahasrakam

ever content, unequaled, O Bhuvaneshvari, homage to you; for the sake of our own peace you have borne this incomparable multitude of a thousand eyes,

Verse 44 (devibhagavatam.7.28.44)

त्वया यतो धृतं देवि शताक्षी त्वं ततो भव । क्षुधया पीडिता मातः स्तोतुं शक्तिर्न चास्ति नः

tvayā yato dhṛtaṁ devi śatākṣī tvaṁ tato bhava kṣudhayā pīḍitā mātaḥ stotuṁ śaktirna cāsti naḥ

O Devi, and it is for this very reason that you have become Shatakshi (the hundred-eyed one). O mother, we are tormented by hunger — the very strength to praise you no longer remains in us.

Verse 45 (devibhagavatam.7.28.45)

कृपां कुरु महेशानि वेदानप्याहराम्बिके । व्यास उवाच । इति तेषां वचः श्रुत्वा शाकान्स्वकरसंस्थितान्

kṛpāṁ kuru maheśāni vedānapyāharāmbike vyāsa uvāca iti teṣāṁ vacaḥ śrutvā śākānsvakarasaṁsthitān

O great goddess, show us mercy; O mother, restore to us the Vedas as well. Vyasa said: Hearing their words, the auspicious Devi gave forth the vegetables held in her own hands,

Verse 46 (devibhagavatam.7.28.46)

स्वादूनि फलमूलानि भक्षणार्थं ददौ शिवा । नानाविधानि चान्नानि पशुभोज्यानि यानि च

svādūni phalamūlāni bhakṣaṇārthaṁ dadau śivā nānāvidhāni cānnāni paśubhojyāni yāni ca

along with sweet fruits and roots, for them to eat — and various grains besides, those which even beasts may eat,

Verse 47 (devibhagavatam.7.28.47)

काम्यानन्तरसैर्युक्तान्यानवीनोद्भवं ददौ । शाकम्भरीति नामापि तद्दिनात्समभून्नृप

kāmyānantarasairyuktānyānavīnodbhavaṁ dadau śākambharīti nāmāpi taddinātsamabhūnnṛpa

which were endowed with infinite savor and utterly delightful, all these too she brought forth anew and gave to them. O king, from that very day the Devi also acquired the name Shakambhari (bearer of herbs).

Verse 48 (devibhagavatam.7.28.48)

ततः कोलाहले जाते दूतवाक्येन बोधितः । ससैन्यः सायुधो योद्धुं दुर्गमाख्योऽसुरो ययौ

tataḥ kolāhale jāte dūtavākyena bodhitaḥ sasainyaḥ sāyudho yoddhuṁ durgamākhyo'suro yayau

Thereafter, learning of this uproar from the word of a messenger, that demon named Durgama set out for battle, together with his army and his weapons.

Verse 49 (devibhagavatam.7.28.49)

सहस्राक्षौहिणीयुक्तः शरान्मुञ्चंस्त्वरान्वितः । रुरोध देवसैन्यं तद्यद्देव्यग्रे स्थितं पुरा

sahasrākṣauhiṇīyuktaḥ śarānmuñcaṁstvarānvitaḥ rurodha devasainyaṁ tadyaddevyagre sthitaṁ purā

Furnished with a thousand akshauhinis of troops, loosing arrows, with the greatest haste he arrived there where, before the Devi herself, the gods' own army once had stood, and he besieged it,

Verse 50 (devibhagavatam.7.28.50)

तथा विप्रगणं चैव रोधयामास सर्वतः । ततः किलकिला शब्दः समभूद्देवमण्डले

tathā vipragaṇaṁ caiva rodhayāmāsa sarvataḥ tataḥ kilakilā śabdaḥ samabhūddevamaṇḍale

and in the same way he encircled the assembly of brahmins on every side. Then a great uproar arose within the ranks of the gods,

Verse 51 (devibhagavatam.7.28.51)

त्राहि त्राहीति वाक्यानि प्रोचुः सर्वे द्विजामराः । ततस्तेजोमयं चक्रं देवानां परितः शिवा

trāhi trāhīti vākyāni procuḥ sarve dvijāmarāḥ tatastejomayaṁ cakraṁ devānāṁ paritaḥ śivā

'Save us, save us!' — all the gods and brahmins cried out together in this way. Then the auspicious Devi fashioned a discus of blazing light all around the gods,

Verse 52 (devibhagavatam.7.28.52)

चकार रक्षणार्थाय स्वयं तस्माद् बहिः स्थिता । ततः समभवद्युद्धं देव्या दैत्यस्य चोभयोः

cakāra rakṣaṇārthāya svayaṁ tasmād bahiḥ sthitā tataḥ samabhavadyuddhaṁ devyā daityasya cobhayoḥ

for their protection, and she herself came forth and stood outside it. Thereupon a fierce battle broke out between the Devi and that daitya.

Verse 53 (devibhagavatam.7.28.53)

शरवर्षसमाच्छन्नं सूर्यमण्डलमद्भुतम् । परस्परशरोद्घर्षसमुद्भूताग्निसुप्रभम्

śaravarṣasamācchannaṁ sūryamaṇḍalamadbhutam parasparaśarodgharṣasamudbhūtāgnisuprabham

Even the wondrous disc of the sun was veiled by the shower of arrows, and it grew bright with the fire born of the clashing of arrows against one another,

Verse 54 (devibhagavatam.7.28.54)

कठोरज्याटणत्कारबधिरीकृतदिक्तटम् । ततो देवीशरीरात्तु निर्गतास्तीव्रशक्तयः

kaṭhorajyāṭaṇatkārabadhirīkṛtadiktaṭam tato devīśarīrāttu nirgatāstīvraśaktayaḥ

and the horizons of every quarter were deafened by the harsh twang of bowstrings. Then, from the Devi's own body, the most intense shaktis came forth —

Verse 55 (devibhagavatam.7.28.55)

कालिका तारिणी बाला त्रिपुरा भैरवी रमा । बगला चैव मातङ्गी तथा त्रिपुरसुन्दरी

kālikā tāriṇī bālā tripurā bhairavī ramā bagalā caiva mātaṅgī tathā tripurasundarī

Kalika, Tarini, Bala, Tripura, Bhairavi, Rama, Bagala, Matangi, and likewise Tripurasundari,

Verse 56 (devibhagavatam.7.28.56)

कामाक्षी तुलजा देवी जम्भिनी मोहिनी तथा । छिन्नमस्ता गुह्यकाली दशसाहस्रबाहुका

kāmākṣī tulajā devī jambhinī mohinī tathā chinnamastā guhyakālī daśasāhasrabāhukā

Kamakshi, the goddess Tulaja, Jambhini, and Mohini, Chinnamasta, Guhyakali, she of ten thousand arms —

Verse 57 (devibhagavatam.7.28.57)

द्वात्रिंशच्छक्तयश्चान्याश्चतुष्षष्टिमिताः पराः । असङ्ख्यातास्ततो देव्यः समुद्भूतास्तु सायुधाः

dvātriṁśacchaktayaścānyāścatuṣṣaṣṭimitāḥ parāḥ asaṅkhyātāstato devyaḥ samudbhūtāstu sāyudhāḥ

thirty-two other shaktis, and sixty-four more supreme powers besides; and from them countless further devis came forth, each armed with her own weapons,

Verse 58 (devibhagavatam.7.28.58)

मृदङ्गशङ्खवीणादिनादितं सङ्गरस्थलम् । शक्तिभिर्दैत्यसैन्ये तु नाशितेऽक्षौहिणीशते

mṛdaṅgaśaṅkhavīṇādināditaṁ saṅgarasthalam śaktibhirdaityasainye tu nāśite'kṣauhiṇīśate

and the field of battle resounded with the sound of drums, conches, and lutes; by those shaktis, hundreds of akshauhinis of the daitya's army were destroyed,

Verse 59 (devibhagavatam.7.28.59)

अग्रेसरः समभवद्दुर्गमो वाहिनीपतिः । शक्तिभिः सह युद्धं च चकार प्रथमं रिपुः

agresaraḥ samabhavaddurgamo vāhinīpatiḥ śaktibhiḥ saha yuddhaṁ ca cakāra prathamaṁ ripuḥ

and then that army's own commander, Durgama, himself advanced to the fore. First that enemy fought against those very shaktis,

Verse 60 (devibhagavatam.7.28.60)

महद्युद्धं समभवद्यत्राभूद्रक्तवाहिनी । अक्षौहिण्यस्तु ताः सर्वा विनष्टा दशभिर्दिनैः

mahadyuddhaṁ samabhavadyatrābhūdraktavāhinī akṣauhiṇyastu tāḥ sarvā vinaṣṭā daśabhirdinaiḥ

and that great battle was such that rivers of blood flowed there; all of his akshauhinis were utterly destroyed within ten days.

Verse 61 (devibhagavatam.7.28.61)

तत एकादशे प्राप्ते दिने परमदारुणे । रक्तमाल्याम्बरधरो रक्तगन्धानुलेपनः

tata ekādaśe prāpte dine paramadāruṇe raktamālyāmbaradharo raktagandhānulepanaḥ

Then, on the eleventh day, that most terrible one, wearing blood-red garlands and garments, anointed with red sandal paste,

Verse 62 (devibhagavatam.7.28.62)

कृत्वोत्सवं महान्तं तु युद्धाय रथसंस्थितः । संरम्भेणैव महता शक्तीः सर्वा विजित्य च

kṛtvotsavaṁ mahāntaṁ tu yuddhāya rathasaṁsthitaḥ saṁrambheṇaiva mahatā śaktīḥ sarvā vijitya ca

having held a great celebration, mounted his chariot and came forth for battle; with the greatest fury he vanquished all those shaktis,

Verse 63 (devibhagavatam.7.28.63)

महादेवीरथाग्रे तु स्वरथं संन्यवेशयत् । ततोऽभवन्महद्युद्धं देव्या दैत्यस्य चोभयोः

mahādevīrathāgre tu svarathaṁ saṁnyaveśayat tato'bhavanmahadyuddhaṁ devyā daityasya cobhayoḥ

and drew up his own chariot directly before the great Devi's chariot. Thereupon a great battle took place between the Devi and that daitya,

Verse 64 (devibhagavatam.7.28.64)

प्रहरद्वयपर्यन्तं हृदयत्रासकारकम् । ततः पञ्चदशात्युग्रबाणान्देवी मुमोच ह

praharadvayaparyantaṁ hṛdayatrāsakārakam tataḥ pañcadaśātyugrabāṇāndevī mumoca ha

which lasted two full watches and was terrifying to the very heart. Then the Devi loosed fifteen most fierce arrows —

Verse 65 (devibhagavatam.7.28.65)

चतुर्भिश्चतुरो वाहान्बाणेनैकेन सारथिम् । द्वाभ्यां नेत्रे भुजौ द्वाभ्यां ध्वजमेकेन पत्रिणा

caturbhiścaturo vāhānbāṇenaikena sārathim dvābhyāṁ netre bhujau dvābhyāṁ dhvajamekena patriṇā

with four she struck his four horses, with one arrow his charioteer, with two his two eyes, with two his two arms, with one feathered shaft his banner,

Verse 66 (devibhagavatam.7.28.66)

पञ्चभिर्हृदयं तस्य विव्याध जगदम्बिका । ततो वमन् स रुधिरं ममार पुर ईशितुः

pañcabhirhṛdayaṁ tasya vivyādha jagadambikā tato vaman sa rudhiraṁ mamāra pura īśituḥ

and with five arrows the Mother of the universe pierced through his heart. Then, vomiting blood, that lord of the city met his death.

Verse 67 (devibhagavatam.7.28.67)

तस्य तेजस्तु निर्गत्य देवीरूपे विवेश ह । हते तस्मिन्महावीर्ये शान्तमासीज्जगत्त्रयम्

tasya tejastu nirgatya devīrūpe viveśa ha hate tasminmahāvīrye śāntamāsījjagattrayam

His own splendor, departing from his body, merged into the very form of the Devi; with that mighty demon slain, all three worlds grew calm.

Verse 68 (devibhagavatam.7.28.68)

ततो ब्रह्मादयः सर्वे तुष्टुवुर्जगदम्बिकाम् । पुरस्कृत्य हरीशानौ भक्त्या गद्गदया गिरा

tato brahmādayaḥ sarve tuṣṭuvurjagadambikām puraskṛtya harīśānau bhaktyā gadgadayā girā

Then Brahma and all the gods, with Hari and Isha (Vishnu and Shiva) at their head, praised the Mother of the universe with devotion, their voices choked with feeling.

Verse 69 (devibhagavatam.7.28.69)

देवा ऊचुः । जगद्भ्रमविवर्तैककारणे परमेश्वरि । नमः शाकम्भरि शिवे नमस्ते शतलोचने

devā ūcuḥ jagadbhramavivartaikakāraṇe parameśvari namaḥ śākambhari śive namaste śatalocane

The gods said: O supreme goddess, O sole cause of this world's illusory whirl of becoming, homage to you, O Shakambhari, O auspicious one; homage to you, O hundred-eyed one.

Verse 70 (devibhagavatam.7.28.70)

सर्वोपनिषदुद्घुष्टे दुर्गमासुरनाशिनि । नमो मायेश्वरि शिवे पञ्चकोशान्तरस्थिते

sarvopaniṣadudghuṣṭe durgamāsuranāśini namo māyeśvari śive pañcakośāntarasthite

O you who are proclaimed throughout all the Upanishads, O destroyer of the demon Durgama, homage to you, O mistress of maya, O auspicious one, who dwell within the five sheaths.

Verse 71 (devibhagavatam.7.28.71)

चेतसा निर्विकल्पेन यां ध्यायन्ति मुनीश्वराः । प्रणवार्थस्वरूपां तां भजामो भुवनेश्वरीम्

cetasā nirvikalpena yāṁ dhyāyanti munīśvarāḥ praṇavārthasvarūpāṁ tāṁ bhajāmo bhuvaneśvarīm

We worship that Bhuvaneshvari, whose very form is the meaning of the syllable Om, upon whom the greatest of sages meditate with a mind free of all distinction.

Verse 72 (devibhagavatam.7.28.72)

अनन्तकोटिब्रह्माण्डजननीं दिव्यविग्रहाम् । ब्रह्मविष्ण्वादिजननीं सर्वभावैर्नता वयम्

anantakoṭibrahmāṇḍajananīṁ divyavigrahām brahmaviṣṇvādijananīṁ sarvabhāvairnatā vayam

Mother of countless millions of universes, bearer of a divine form, mother even of Brahma, Vishnu, and the rest — we have bowed to you with our whole being.

Verse 73 (devibhagavatam.7.28.73)

कः कुर्यात्पामरान्दृष्ट्वा रोदनं सकलेश्वरः । सदयां परमेशानीं शताक्षीं मातरं विना

kaḥ kuryātpāmarāndṛṣṭvā rodanaṁ sakaleśvaraḥ sadayāṁ parameśānīṁ śatākṣīṁ mātaraṁ vinā

Who, indeed, is that lord of all who would not weep at the sight of these wretched creatures — save the compassionate supreme mother, Shatakshi herself?

Verse 74 (devibhagavatam.7.28.74)

व्यास उवाच । इति स्तुता सुरैर्देवी ब्रह्मविष्ण्वादिभिर्वरैः । पूजिता विविधैर्द्रव्यैः सन्तुष्टाभूच्च तत्क्षणे

vyāsa uvāca iti stutā surairdevī brahmaviṣṇvādibhirvaraiḥ pūjitā vividhairdravyaiḥ santuṣṭābhūcca tatkṣaṇe

Vyasa said: Thus praised by Brahma, Vishnu, and the other foremost gods, and worshipped with offerings of every kind, the Devi was gladdened in that very instant.

Verse 75 (devibhagavatam.7.28.75)

प्रसन्ना सा तदा देवी वेदानाहृत्य सा ददौ । ब्राह्मणेभ्यो विशेषेण प्रोवाच पिकभाषिणी

prasannā sā tadā devī vedānāhṛtya sā dadau brāhmaṇebhyo viśeṣeṇa provāca pikabhāṣiṇī

Then, being pleased, that Devi brought back the Vedas and gave them, especially to the brahmins; and that goddess, whose voice was as sweet as the cuckoo's, spoke thus —

Verse 76 (devibhagavatam.7.28.76)

ममेयं तनुरुत्कृष्टा पालनीया विशेषतः । यया विनानर्थ एष जातो दृष्टोऽधुनैव हि

mameyaṁ tanurutkṛṣṭā pālanīyā viśeṣataḥ yayā vinānartha eṣa jāto dṛṣṭo'dhunaiva hi

This most excellent form of mine deserves to be especially upheld and cherished; for without it, this very calamity, just now witnessed, came to pass.

Verse 77 (devibhagavatam.7.28.77)

पूज्याहं सर्वदा सेव्या युष्माभिः सर्वदैव हि । नातः परतरं किञ्चित्कल्याणायोपदिश्यते

pūjyāhaṁ sarvadā sevyā yuṣmābhiḥ sarvadaiva hi nātaḥ parataraṁ kiñcitkalyāṇāyopadiśyate

I am ever worthy of worship, ever worthy of service by all of you, always; nothing beyond this is taught as the true path to well-being.

Verse 78 (devibhagavatam.7.28.78)

पठनीयं ममैतद्धि माहात्म्यं सर्वदोत्तमम् । तेन तुष्टा भविष्यामि हरिष्यामि तथापदः

paṭhanīyaṁ mamaitaddhi māhātmyaṁ sarvadottamam tena tuṣṭā bhaviṣyāmi hariṣyāmi tathāpadaḥ

This glory of mine should always be recited, as the very best of all recitations; being thereby pleased, I shall take away every calamity.

Verse 79 (devibhagavatam.7.28.79)

दुर्गमासुरहन्त्रीत्वाद्दुर्गेति मम नाम यः । गृह्णाति च शताक्षीति मायां भित्त्वा व्रजत्यसौ

durgamāsurahantrītvāddurgeti mama nāma yaḥ gṛhṇāti ca śatākṣīti māyāṁ bhittvā vrajatyasau

Because of the slaying of the demon Durgama, my name also became 'Durga'; and whoever recites the name 'Shatakshi' passes beyond, piercing through maya.

Verse 80 (devibhagavatam.7.28.80)

किमुक्तेनात्र बहुना सारं वक्ष्यामि तत्त्वतः । संसेव्याहं सदा देवाः सर्वैरपि सुरासुरैः

kimuktenātra bahunā sāraṁ vakṣyāmi tattvataḥ saṁsevyāhaṁ sadā devāḥ sarvairapi surāsuraiḥ

What use is there in saying more on this matter? I shall tell the true essence of it — I am ever to be served by all, gods and demons alike.

Verse 81 (devibhagavatam.7.28.81)

इत्युक्त्वान्तर्हिता देवी देवानां चैव पश्यताम् । सन्तोषं जनयन्त्येवं सच्चिदनन्दरूपिणी

ityuktvāntarhitā devī devānāṁ caiva paśyatām santoṣaṁ janayantyevaṁ saccidanandarūpiṇī

So saying, before the very eyes of the gods, that Devi vanished — that goddess, whose form is being, consciousness, and bliss, thus creating contentment, disappeared from sight.

Verse 82 (devibhagavatam.7.28.82)

एतत्ते सर्वमाख्यातं रहस्यं परमं महत् । गोपनीयं प्रयत्नेन सर्वकल्याणकारकम्

etatte sarvamākhyātaṁ rahasyaṁ paramaṁ mahat gopanīyaṁ prayatnena sarvakalyāṇakārakam

This entire, most secret, and great mystery has now been told to you; it must be kept carefully guarded, for it brings about the well-being of all.

Verse 83 (devibhagavatam.7.28.83)

य इमं शृणुयान्नित्यमध्यायं भक्तितत्परः । सर्वान्कामानवाप्नोति देवीलोके महीयते

ya imaṁ śṛṇuyānnityamadhyāyaṁ bhaktitatparaḥ sarvānkāmānavāpnoti devīloke mahīyate

Whoever, filled with devotion, listens to this chapter always, attains all his desires, and is honored in the world of the Devi.