Description of the Devi's Seats (Pithas)

Verse 1 (devibhagavatam.7.30.1)

व्यास उवाच । ततस्ते तु वनोद्देशे हिमाचलतटाश्रयाः । मायाबीजजपासक्तास्तपश्चेरुः समाहिताः

vyāsa uvāca tataste tu vanoddeśe himācalataṭāśrayāḥ māyābījajapāsaktāstapaśceruḥ samāhitāḥ

Vyasa said: Then all of them, in that region of the forest, taking shelter at the foot of the Himalayas, absorbed in the recitation of the maya-bija mantra, performed austerities with focused mind.

Verse 2 (devibhagavatam.7.30.2)

ध्यायतां परमां शक्तिं लक्षवर्षाण्यभून्नृप । ततः प्रसन्ना देवी सा प्रत्यक्ष्यं दर्शनं ददौ

dhyāyatāṁ paramāṁ śaktiṁ lakṣavarṣāṇyabhūnnṛpa tataḥ prasannā devī sā pratyakṣyaṁ darśanaṁ dadau

O king, meditating upon that Supreme Shakti, a hundred thousand years passed for them; then, being pleased, that Devi granted them her direct, visible presence.

Verse 3 (devibhagavatam.7.30.3)

पाशाङ्कुशवराभीतिचतुर्बाहुस्त्रिलोचना । करुणारससम्पूर्णा सच्चिदानन्दरूपिणी

pāśāṅkuśavarābhīticaturbāhustrilocanā karuṇārasasampūrṇā saccidānandarūpiṇī

Bearing in her four hands the noose, the goad, and the gestures of boon-giving and fearlessness, three-eyed, filled to overflowing with the very essence of compassion, her form being being-consciousness-bliss itself —

Verse 4 (devibhagavatam.7.30.4)

दृष्ट्वा तां सर्वजननीं तुष्टुवुर्मुनयोऽमलाः । नमस्ते विश्वरूपायै वैश्वानरसुमूर्तये

dṛṣṭvā tāṁ sarvajananīṁ tuṣṭuvurmunayo'malāḥ namaste viśvarūpāyai vaiśvānarasumūrtaye

beholding her, the mother of all, those pure-hearted sages began to praise her — Homage to you, whose form is the universe itself! Homage to you, whose beautiful form is the cosmic fire!

Verse 5 (devibhagavatam.7.30.5)

नमस्तेजसरूपायै सूत्रात्मवपुषे नमः । यस्मिन्सर्वे लिङ्गदेहा ओतप्रोता व्यवस्थिताः

namastejasarūpāyai sūtrātmavapuṣe namaḥ yasminsarve liṅgadehā otaprotā vyavasthitāḥ

Homage to you, whose form is pure radiance! Homage to you, whose body is the thread-soul of all — in whom all subtle bodies are woven together, warp and weft.

Verse 6 (devibhagavatam.7.30.6)

नमः प्राज्ञस्वरूपायै नमोऽव्याकृतमूर्तये । नमः प्रत्यक्स्वरूपायै नमस्ते ब्रह्ममूर्तये

namaḥ prājñasvarūpāyai namo'vyākṛtamūrtaye namaḥ pratyaksvarūpāyai namaste brahmamūrtaye

Homage to you, whose form is pure discernment! Homage to you, whose form is the unmanifest! Homage to you, whose form is the inward Self! Homage to you, whose form is Brahman itself!

Verse 7 (devibhagavatam.7.30.7)

नमस्ते सर्वरूपायै सर्वलक्ष्यात्ममूर्तये । इति स्तुत्वा जगद्धात्रीं भक्तिगद्गदया गिरा

namaste sarvarūpāyai sarvalakṣyātmamūrtaye iti stutvā jagaddhātrīṁ bhaktigadgadayā girā

Homage to you, whose form is all things! Homage to you, whose very self is the goal of every seeking! Thus praising her, the sustainer of the universe,

Verse 8 (devibhagavatam.7.30.8)

प्रणेमुश्चरणाम्भोजं दक्षाद्या मुनयोऽमलाः । ततः प्रसन्ना सा देवी प्रोवाच पिकभाषिणी

praṇemuścaraṇāmbhojaṁ dakṣādyā munayo'malāḥ tataḥ prasannā sā devī provāca pikabhāṣiṇī

in a voice choked with devotion, Daksha and the other pure sages bowed to her lotus feet. Then, being pleased, that Devi, whose voice was as sweet as the cuckoo's, said —

Verse 9 (devibhagavatam.7.30.9)

वरं ब्रूत महाभागा वरदाहं सदा मता । तस्यास्तु वचनं श्रुत्वा हरविष्ण्वोस्तनोः शमम्

varaṁ brūta mahābhāgā varadāhaṁ sadā matā tasyāstu vacanaṁ śrutvā haraviṣṇvostanoḥ śamam

O fortunate ones, ask for a boon — I am ever known as the granter of boons. Hearing her words, they asked for the restoration of the bodies of Hara (Shiva) and Vishnu,

Verse 10 (devibhagavatam.7.30.10)

तयोस्तच्छक्तिलाभं च वव्रिरे नृपसत्तम । दक्षोऽथ पुनरप्याह जन्म देवि कुले मम

tayostacchaktilābhaṁ ca vavrire nṛpasattama dakṣo'tha punarapyāha janma devi kule mama

and the regaining by each of them of his own shakti — O best of kings, this alone they asked for. Then Daksha spoke again: O Devi, may you be born in my own lineage,

Verse 11 (devibhagavatam.7.30.11)

भवेत्तवाम्ब येनाहं कृतकृत्यो भवे इति । जपं ध्यानं तथा पूजां स्थानानि विविधानि च

bhavettavāmba yenāhaṁ kṛtakṛtyo bhave iti japaṁ dhyānaṁ tathā pūjāṁ sthānāni vividhāni ca

O mother, so that I might attain all that need be attained — thus he spoke. The recitation, meditation, worship, and the various places sacred to you,

Verse 12 (devibhagavatam.7.30.12)

वद मे परमेशानि स्वमुखेनैव केवलम् । देव्युवाच । मच्छक्त्योरवमानाच्च जातावस्था तयोर्द्वयोः

vada me parameśāni svamukhenaiva kevalam devyuvāca macchaktyoravamānācca jātāvasthā tayordvayoḥ

O supreme goddess, tell me of these, from your own mouth alone. The Devi said: It was indeed through the insult offered to my own shaktis that this state befell those two.

Verse 13 (devibhagavatam.7.30.13)

नैतादृशः प्रकर्तव्यो मेऽपराधः कदाचन । अधुना मत्कृपालेशाच्छरीरे स्वस्थता तयोः

naitādṛśaḥ prakartavyo me'parādhaḥ kadācana adhunā matkṛpāleśāccharīre svasthatā tayoḥ

Such an offense must never again be committed; now, through even a fraction of my grace, the bodies of those two shall be restored to health,

Verse 14 (devibhagavatam.7.30.14)

भविष्यति च ते शक्ती त्वद्गृहे क्षीरसागरे । जनिष्यतस्तत्र ताभ्यां प्राप्स्यतः प्रेरिते मया

bhaviṣyati ca te śaktī tvadgṛhe kṣīrasāgare janiṣyatastatra tābhyāṁ prāpsyataḥ prerite mayā

and both of their shaktis too, born in your own house and in the Ocean of Milk, impelled by me alone, shall be obtained by those two once more.

Verse 15 (devibhagavatam.7.30.15)

मायाबीजं हि मन्त्रो मे मुख्यः प्रियकरः सदा । ध्यानं विराट्स्वरूपं मेऽथवा त्वत्पुरतः स्थितम्

māyābījaṁ hi mantro me mukhyaḥ priyakaraḥ sadā dhyānaṁ virāṭsvarūpaṁ me'thavā tvatpurataḥ sthitam

The maya-bija mantra is my chief and ever-beloved mantra; my meditation should be either upon my cosmic form, or upon this very form now manifest before you,

Verse 16 (devibhagavatam.7.30.16)

सच्चिदानन्दरूपं वा स्थानं सर्वं जगन्मम । युष्माभिः सर्वदा चाहं पूज्या ध्येया च सर्वदा

saccidānandarūpaṁ vā sthānaṁ sarvaṁ jaganmama yuṣmābhiḥ sarvadā cāhaṁ pūjyā dhyeyā ca sarvadā

or else upon my being-consciousness-bliss form — this entire universe is itself my abode; by all of you I am ever to be worshipped, and ever to be meditated upon.

Verse 17 (devibhagavatam.7.30.17)

व्यास उवाच । इत्युक्त्वान्तर्दधे देवी मणिद्वीपाधिवासिनी । दक्षाद्या मुनयः सर्वे ब्रह्माणं पुनराययुः

vyāsa uvāca ityuktvāntardadhe devī maṇidvīpādhivāsinī dakṣādyā munayaḥ sarve brahmāṇaṁ punarāyayuḥ

Vyasa said: So saying, that Devi, dweller in the Jewel Isle, vanished from sight; Daksha and all the other sages returned once more to Brahma.

Verse 18 (devibhagavatam.7.30.18)

ब्रह्मणे सर्ववृतान्तं कथयामासुरादरात् । हरो हरिश्च स्वस्थौ तौ स्वस्वकार्यक्षमौ नृप

brahmaṇe sarvavṛtāntaṁ kathayāmāsurādarāt haro hariśca svasthau tau svasvakāryakṣamau nṛpa

With reverence they told Brahma the entire account. O king, Hara (Shiva) and Hari, both restored to health, became capable once more of their own respective tasks,

Verse 19 (devibhagavatam.7.30.19)

जातौ पराम्बाकृपया गर्वेण रहितौ तदा । कदाचितदथ काले तु महः शाक्तमवातरत्

jātau parāmbākṛpayā garveṇa rahitau tadā kadācitadatha kāle tu mahaḥ śāktamavātarat

having attained this by the grace of the Supreme Mother, and now, at last, free of all pride. Once, in due time, that shakti-splendor descended upon the earth,

Verse 20 (devibhagavatam.7.30.20)

दक्षदेहे महाराज त्रैलोक्येऽप्युत्सवोऽभवत् । देवाः प्रमुदिताः सर्वे पुष्पवृष्टिं च चक्रिरे

dakṣadehe mahārāja trailokye'pyutsavo'bhavat devāḥ pramuditāḥ sarve puṣpavṛṣṭiṁ ca cakrire

O great king, in Daksha's house, and throughout all three worlds as well, a great celebration took place. All the gods, filled with joy, showered down flowers.

Verse 21 (devibhagavatam.7.30.21)

नेदुर्दुन्दुभयः स्वर्गे करकोणाहता नृप । मनांस्यासन्प्रसन्नानि साधूनाममलात्मनाम्

nedurdundubhayaḥ svarge karakoṇāhatā nṛpa manāṁsyāsanprasannāni sādhūnāmamalātmanām

O king, in heaven the great drums resounded, struck by their mallets; the minds of the pure-souled saints were filled with delight.

Verse 22 (devibhagavatam.7.30.22)

सरितो मार्गवाहिन्यः सुप्रभोऽभूद्दिवाकरः । मङ्गलायां तु जातायां जातं सर्वत्र मङ्गलम्

sarito mārgavāhinyaḥ suprabho'bhūddivākaraḥ maṅgalāyāṁ tu jātāyāṁ jātaṁ sarvatra maṅgalam

The rivers flowed gently within their courses, the sun grew radiant with a new splendor; with the birth of that most auspicious one, auspiciousness alone arose everywhere.

Verse 23 (devibhagavatam.7.30.23)

तस्या नाम सतीं चक्रे सत्यत्वात्परसंविदः । ददौ पुनः शिवायाथ तस्य शक्तिस्तु याभवत्

tasyā nāma satīṁ cakre satyatvātparasaṁvidaḥ dadau punaḥ śivāyātha tasya śaktistu yābhavat

Because she was the very truth-form of the Supreme Consciousness, her name was given as 'Sati'; and she was given again to Shiva, to be, once more, his very own shakti.

Verse 24 (devibhagavatam.7.30.24)

सा पुनर्ज्वलने दग्धा दैवयोगान्मनोर्नृप । जनमेजय उवाच । अनर्थकरमेतत्ते श्रावितं वचनं मुने

sā punarjvalane dagdhā daivayogānmanornṛpa janamejaya uvāca anarthakarametatte śrāvitaṁ vacanaṁ mune

O king, she was again consumed in fire, through the very working of fate, at the sacrifice of Manu. Janamejaya said: O sage, this word you have told me seems most inauspicious.

Verse 25 (devibhagavatam.7.30.25)

एतादृशं महद्वस्तु कथं दग्धं हुताशने । यन्नामस्मरणान्नृणां संसाराग्निभयं न हि

etādṛśaṁ mahadvastu kathaṁ dagdhaṁ hutāśane yannāmasmaraṇānnṛṇāṁ saṁsārāgnibhayaṁ na hi

How could so great a being be consumed by a blazing fire — she whose very name, merely remembered, frees men from all fear even of the fire of worldly existence?

Verse 26 (devibhagavatam.7.30.26)

केन कर्मविपाकेन मनोर्दग्धं तदेव हि । व्यास उवाच । शृणु राजन् पुरा वृत्तं सतीदायस्य कारणम्

kena karmavipākena manordagdhaṁ tadeva hi vyāsa uvāca śṛṇu rājan purā vṛttaṁ satīdāyasya kāraṇam

By what ripening of what deed did she come to be burned? Vyasa said: Listen, O king, I shall now tell the earlier cause behind this gift, the birth of Sati.

Verse 27 (devibhagavatam.7.30.27)

कदाचिदथ दुर्वासा गतो जाम्बूनदेश्वरीम् । ददर्श देवीं तत्रासौ मायाबीजं जजाप सः

kadācidatha durvāsā gato jāmbūnadeśvarīm dadarśa devīṁ tatrāsau māyābījaṁ jajāpa saḥ

Once the sage Durvasa went to the mistress of the city of Jambunada (the Devi); there he beheld the Devi and recited the maya-bija mantra.

Verse 28 (devibhagavatam.7.30.28)

ततः प्रसन्ना देवेशी निजकण्ठगतां स्रजम् । भ्रमद्भ्रमरसंसक्तां मकरन्दमदाकुलाम्

tataḥ prasannā deveśī nijakaṇṭhagatāṁ srajam bhramadbhramarasaṁsaktāṁ makarandamadākulām

Then, being pleased, the goddess of gods took the garland resting upon her own neck, clung about by hovering bees, drenched with the intoxication of honey,

Verse 29 (devibhagavatam.7.30.29)

ददौ प्रसादभूतां तां जग्राह शिरसा मुनिः । ततो निर्गत्य तरसा व्योममार्गेण तापसः

dadau prasādabhūtāṁ tāṁ jagrāha śirasā muniḥ tato nirgatya tarasā vyomamārgeṇa tāpasaḥ

and gave it to him as her own grace, and the sage took it and placed it upon his own head. Thereupon, going forth swiftly by the path of the sky, that ascetic

Verse 30 (devibhagavatam.7.30.30)

आजगाम स यत्रास्ते दक्षः साक्षात्सतीपिता । सन्दर्शनार्थमम्बाया ननाम च सतीपदे

ājagāma sa yatrāste dakṣaḥ sākṣātsatīpitā sandarśanārthamambāyā nanāma ca satīpade

arrived at the place where Daksha, Sati's own father, dwelt; wishing to behold the Mother, he bowed low at Sati's own feet.

Verse 31 (devibhagavatam.7.30.31)

पृष्टो दक्षेण स मुनिर्माला कस्यास्त्यलौकिकी । कथं लब्धा त्वया नाथ दुर्लभा भुवि मानवैः

pṛṣṭo dakṣeṇa sa munirmālā kasyāstyalaukikī kathaṁ labdhā tvayā nātha durlabhā bhuvi mānavaiḥ

Daksha asked that sage: Whose is this otherworldly garland, and how, O lord, did you obtain it — something so hard for mortals on this earth to attain?

Verse 32 (devibhagavatam.7.30.32)

तच्छ्रुत्वा वचनं तस्य प्रोवाचाश्रुयुतेक्षणः । देव्याः प्रसादमतुलं प्रेमगद्गदितान्तरः

tacchrutvā vacanaṁ tasya provācāśruyutekṣaṇaḥ devyāḥ prasādamatulaṁ premagadgaditāntaraḥ

Hearing his words, that sage, his eyes filled with tears, his very heart choked with love, told of that Devi's incomparable grace.

Verse 33 (devibhagavatam.7.30.33)

प्रार्थयामास तां मालां तं मुनिं स सतीपिता । अदेयं शक्तिभक्ताय नास्ति त्रैलोक्यमण्डले

prārthayāmāsa tāṁ mālāṁ taṁ muniṁ sa satīpitā adeyaṁ śaktibhaktāya nāsti trailokyamaṇḍale

Sati's father, Daksha, asked that sage for the garland — thinking that to a devotee of Shakti there is nothing at all that is beyond giving, nothing in all the circle of the three worlds,

Verse 34 (devibhagavatam.7.30.34)

इति बुद्ध्या तु तां मालां मनवे स समर्पयत् । गृहीता शिरसा माला मनुना निजमन्दिरे

iti buddhyā tu tāṁ mālāṁ manave sa samarpayat gṛhītā śirasā mālā manunā nijamandire

with this thought he gave that garland to Manu instead. Manu, taking that garland with reverence upon his own head, in his own palace,

Verse 35 (devibhagavatam.7.30.35)

स्थापिता शयनं यत्र दम्पत्योरतिसुन्दरम् । पशुकर्मरतो रात्रौ मालागन्धेन मोदितः

sthāpitā śayanaṁ yatra dampatyoratisundaram paśukarmarato rātrau mālāgandhena moditaḥ

placed it upon that most beautiful bed where the royal couple lay together. At night, given over to carnal union, and gladdened by the fragrance of that garland,

Verse 36 (devibhagavatam.7.30.36)

अभवत्स महीपालस्तेन पापेन शङ्करे । शिवे द्वेषमतिर्जातो देव्यां सत्यां तथा नृप

abhavatsa mahīpālastena pāpena śaṅkare śive dveṣamatirjāto devyāṁ satyāṁ tathā nṛpa

that king, through the effect of that sin, was filled with a spirit of hatred toward Shankara, and, O king, in the same way toward the Devi Sati as well.

Verse 37 (devibhagavatam.7.30.37)

राजंस्तेनापराधेन तज्जन्यो देह एव च । सत्या योगाग्निना दग्धः सतीधर्मदिदृक्षया

rājaṁstenāparādhena tajjanyo deha eva ca satyā yogāgninā dagdhaḥ satīdharmadidṛkṣayā

O king, on account of that offense, and wishing to preserve her own dharma as Sati, she consumed, by her own yogic fire, that very body which had arisen from that transgression.

Verse 38 (devibhagavatam.7.30.38)

पुनश्च हिमवत्पृष्ठे प्रादुरासीत्तु तन्महः । जनमेजय उवाच । दह्यमाने सतीदेहे जाते किमकरोच्छिवः

punaśca himavatpṛṣṭhe prādurāsīttu tanmahaḥ janamejaya uvāca dahyamāne satīdehe jāte kimakarocchivaḥ

That splendor manifested again upon the slopes of the Himalayas. Janamejaya said: When Sati's body was burning, what did Shiva do?

Verse 39 (devibhagavatam.7.30.39)

प्राणाधिका सती तस्य तद्वियोगेन कातरः । व्यास उवाच । ततः परं तु यज्जातां मया वक्तुं न शक्यते

prāṇādhikā satī tasya tadviyogena kātaraḥ vyāsa uvāca tataḥ paraṁ tu yajjātāṁ mayā vaktuṁ na śakyate

Sati was dearer to him than his very life, and, parted from her, he grew utterly distraught. Vyasa said: What followed after that is difficult even for me to describe.

Verse 40 (devibhagavatam.7.30.40)

त्रैलोक्यप्रलयो जातः शिवकोपाग्निना नृप । वीरभद्रः समुत्पन्नो भद्रकालीगणान्वितः

trailokyapralayo jātaḥ śivakopāgninā nṛpa vīrabhadraḥ samutpanno bhadrakālīgaṇānvitaḥ

O king, through the very fire of Shiva's wrath, all three worlds seemed on the verge of dissolution; Virabhadra arose, accompanied by the army of Bhadrakali.

Verse 41 (devibhagavatam.7.30.41)

त्रैलोक्यनाशनोद्युक्तो वीरभद्रो यदाभवत् । ब्रह्मादयस्तदा देवाः शङ्करं शरणं ययुः

trailokyanāśanodyukto vīrabhadro yadābhavat brahmādayastadā devāḥ śaṅkaraṁ śaraṇaṁ yayuḥ

When Virabhadra had resolved upon the destruction of all three worlds, Brahma and the other gods took refuge in Shankara himself.

Verse 42 (devibhagavatam.7.30.42)

जाते सर्वस्वनाशेऽपि करुणानिधिरीश्वरः । अभयं दत्तवांस्तेभ्यो बस्तवक्त्रेण तं मनुम्

jāte sarvasvanāśe'pi karuṇānidhirīśvaraḥ abhayaṁ dattavāṁstebhyo bastavaktreṇa taṁ manum

Even as all things seemed about to be destroyed, that ocean of compassion, the Lord, having fastened upon Manu the head of a goat, and granting fearlessness to the gods,

Verse 43 (devibhagavatam.7.30.43)

अजीवयन्महात्मासौ ततः खिन्नो महेश्वरः । यज्ञवाटमुपागम्य रुरोद भृशदुःखितः

ajīvayanmahātmāsau tataḥ khinno maheśvaraḥ yajñavāṭamupāgamya ruroda bhṛśaduḥkhitaḥ

brought that great Manu back to life. Thereafter, that most sorrowful great Lord, arriving at the sacrificial enclosure, began to lament, deeply grieved,

Verse 44 (devibhagavatam.7.30.44)

अपश्यत्तां सतीं वह्नौ दह्यमानां तु चित्कलाम् । स्कन्धेऽप्यारोपयामास हा सतीति वदन्मुहुः

apaśyattāṁ satīṁ vahnau dahyamānāṁ tu citkalām skandhe'pyāropayāmāsa hā satīti vadanmuhuḥ

and he beheld that very fragment of pure consciousness, Sati, burning in the fire; crying, 'Alas, Sati!' again and again, he lifted her body upon his own shoulder.

Verse 45 (devibhagavatam.7.30.45)

बभ्राम भ्रान्तचित्तः सन्नानादेशेषु शङ्करः । तदा ब्रह्मादयो देवाश्चिन्तामापुरनुत्तमाम्

babhrāma bhrāntacittaḥ sannānādeśeṣu śaṅkaraḥ tadā brahmādayo devāścintāmāpuranuttamām

His mind utterly distracted, Shankara wandered through many lands; then Brahma and the other gods fell into the deepest anxiety.

Verse 46 (devibhagavatam.7.30.46)

विष्णुस्तु त्वरया तत्र धनुरुद्यम्य मार्गणैः । चिच्छेदावयवान्सत्यास्तत्तत्स्थानेषु तेऽपतन्

viṣṇustu tvarayā tatra dhanurudyamya mārgaṇaiḥ cicchedāvayavānsatyāstattatsthāneṣu te'patan

Then Vishnu, taking up his bow with haste, cut through Sati's limbs with his own arrows, and they fell in each of those various places.

Verse 47 (devibhagavatam.7.30.47)

तत्तत्स्थानेषु तत्रासीन्नानामूर्तिधरो हरः । उवाच च ततो देवान्स्थानेष्वेतेषु ये शिवाम्

tattatsthāneṣu tatrāsīnnānāmūrtidharo haraḥ uvāca ca tato devānsthāneṣveteṣu ye śivām

In each of those places, Hara (Shiva) took his abode in various forms, and he said to the gods: In these places, whoever worships the auspicious Devi

Verse 48 (devibhagavatam.7.30.48)

भजन्ति परया भक्त्या तेषां किञ्चिन्न दुर्लभम् । नित्यं सन्निहिता यत्र निजाङ्गेषु पराम्बिका

bhajanti parayā bhaktyā teṣāṁ kiñcinna durlabham nityaṁ sannihitā yatra nijāṅgeṣu parāmbikā

with the highest devotion — for them nothing at all remains difficult to attain; wherever the Supreme Mother is ever present in her own limbs,

Verse 49 (devibhagavatam.7.30.49)

स्थानेष्वेतेषु ये मर्त्याः पुरश्चरणकर्मिणः । तेषां मन्त्राः प्रसिद्ध्यन्ति मायाबीजं विशेषतः

sthāneṣveteṣu ye martyāḥ puraścaraṇakarmiṇaḥ teṣāṁ mantrāḥ prasiddhyanti māyābījaṁ viśeṣataḥ

in those places, whatever mortals perform the rite of purashcharana find their mantras attain success — especially the maya-bija mantra above all others.

Verse 50 (devibhagavatam.7.30.50)

इत्युक्त्वा शङ्करस्तेषु स्थानेषु विरहातुरः । कालं निन्ये नृपश्रेष्ठ जपध्यानसमाधिभिः

ityuktvā śaṅkarasteṣu sthāneṣu virahāturaḥ kālaṁ ninye nṛpaśreṣṭha japadhyānasamādhibhiḥ

So saying, Shankara, tormented by separation, O best of kings, began to pass his time in those places in recitation, meditation, and deep absorption.

Verse 51 (devibhagavatam.7.30.51)

जनमेजय उवाच । कानि स्थानानि तानि स्युः सिद्धपीठानि चानघ । कति सङ्ख्यानि नामानि कानि तेषां च मे वद

janamejaya uvāca kāni sthānāni tāni syuḥ siddhapīṭhāni cānagha kati saṅkhyāni nāmāni kāni teṣāṁ ca me vada

Janamejaya said: O sinless one, what are those places, the siddha-pithas? How many are they in number, and what are their names — tell me this.

Verse 52 (devibhagavatam.7.30.52)

तत्र स्थितानां देवीनां नामानि च कृपाकर । कृतार्थोऽहं भवे येन तद्वदाशु महामुने

tatra sthitānāṁ devīnāṁ nāmāni ca kṛpākara kṛtārtho'haṁ bhave yena tadvadāśu mahāmune

O treasury of compassion, tell me also the names of the goddesses dwelling in each of them, so that I might become fulfilled — O great sage, tell me this at once.

Verse 53 (devibhagavatam.7.30.53)

व्यास उवाच । शृणु राजन्प्रवक्ष्यामि देवेपीठानि साम्प्ततम् । येषां श्रवणमात्रेण पापहीनो भवेन्नरः

vyāsa uvāca śṛṇu rājanpravakṣyāmi devepīṭhāni sāmptatam yeṣāṁ śravaṇamātreṇa pāpahīno bhavennaraḥ

Vyasa said: Listen, O king, I shall now describe the Devi's pithas — merely by hearing of which a man becomes free of all sin.

Verse 54 (devibhagavatam.7.30.54)

येषु येषु च पीठेषूपास्येयं सिद्धिकाङ्क्षिभिः । भूतिकामैरभिध्येया तानि वक्ष्यामि तत्त्वतः

yeṣu yeṣu ca pīṭheṣūpāsyeyaṁ siddhikāṅkṣibhiḥ bhūtikāmairabhidhyeyā tāni vakṣyāmi tattvataḥ

In whichever pitha those seeking spiritual attainment should worship this Devi, and upon whom those seeking prosperity should meditate — these I shall tell truly.

Verse 55 (devibhagavatam.7.30.55)

वाराणस्यां विशालाक्षी गौरीमुखनिवासिनी । क्षेत्रे वै नैमिषारण्ये प्रोक्ता सा लिङ्गधारिणी

vārāṇasyāṁ viśālākṣī gaurīmukhanivāsinī kṣetre vai naimiṣāraṇye proktā sā liṅgadhāriṇī

In Varanasi she is Vishalakshi, dwelling within the face of Gauri; in the region of Naimisharanya she is spoken of as bearing the linga.

Verse 56 (devibhagavatam.7.30.56)

प्रयागे ललिता प्रोक्ता कामुकी गन्धमादने । मानसे कुमुदा प्रोक्ता दक्षिणे चोत्तरे तथा

prayāge lalitā proktā kāmukī gandhamādane mānase kumudā proktā dakṣiṇe cottare tathā

In Prayaga she is called Lalita, in Gandhamadana, Kamuki; at Lake Manasa, in both its southern and northern reaches, she is called Kumuda,

Verse 57 (devibhagavatam.7.30.57)

विश्वकामा भगवती विश्वकामप्रपूरणी । गोमन्ते गोमती देवी मन्दरे कामचारिणी

viśvakāmā bhagavatī viśvakāmaprapūraṇī gomante gomatī devī mandare kāmacāriṇī

the blessed Vishvakama, who fulfills every worldly desire; at Gomanta she is the Devi Gomati, at Mount Mandara, Kamacharini.

Verse 58 (devibhagavatam.7.30.58)

मदोत्कटा चैत्ररथे जयन्ती हस्तिनापुरे । गौरी प्रोक्ता कान्यकुब्जे रम्भा तु मलयाचले

madotkaṭā caitrarathe jayantī hastināpure gaurī proktā kānyakubje rambhā tu malayācale

In the Chaitraratha forest she is Madotkata, in Hastinapura, Jayanti; in Kanyakubja she is spoken of as Gauri, on Mount Malaya, Rambha.

Verse 59 (devibhagavatam.7.30.59)

एकाम्रपीठे सम्प्रोक्ता देवी सा कीर्तिमत्यपि । विश्वे विश्वेश्वरीं प्राहुः पुरुहूतां च पुष्करे

ekāmrapīṭhe samproktā devī sā kīrtimatyapi viśve viśveśvarīṁ prāhuḥ puruhūtāṁ ca puṣkare

At Ekamra-pitha that Devi is spoken of as Kirtimati; in the region of Vishva they call her Vishveshvari, at Pushkara, Puruhuta.

Verse 60 (devibhagavatam.7.30.60)

केदारपीठे सम्प्रोक्ता देवी सन्मार्गदायिनी । मन्दा हिमवतः पृष्ठे गोकर्णे भद्रकर्णिका

kedārapīṭhe samproktā devī sanmārgadāyinī mandā himavataḥ pṛṣṭhe gokarṇe bhadrakarṇikā

At Kedara-pitha she is spoken of as the Devi who bestows the true path; upon the crest of the Himalayas she is Manda, at Gokarna, Bhadrakarnika.

Verse 61 (devibhagavatam.7.30.61)

स्थानेश्वरे भवानी तु बिल्वले बिल्वपत्रिका । श्रीशैले माधवी प्रोक्ता भद्रा भद्रेश्वरे तथा

sthāneśvare bhavānī tu bilvale bilvapatrikā śrīśaile mādhavī proktā bhadrā bhadreśvare tathā

At Sthaneshvara she is Bhavani, at Bilvala, Bilvapatrika; on Shrishaila she is spoken of as Madhavi, at Bhadreshvara, Bhadra.

Verse 62 (devibhagavatam.7.30.62)

वराहशैले तु जया कमला कमलालये । रुद्राणी रुद्रकोट्यां तु काली कालञ्जरे तथा

varāhaśaile tu jayā kamalā kamalālaye rudrāṇī rudrakoṭyāṁ tu kālī kālañjare tathā

On Varaha-shaila she is Jaya, at Kamala's own abode, Kamala; at Rudra-koti she is Rudrani, at Kalanjara, Kali.

Verse 63 (devibhagavatam.7.30.63)

शालग्रामे महादेवी शिवलिङ्गे जलप्रिया । महालिङ्गे तु कपिला माकोटे मुकुटेश्वरी

śālagrāme mahādevī śivaliṅge jalapriyā mahāliṅge tu kapilā mākoṭe mukuṭeśvarī

At Shalagrama she is Mahadevi, at Shivalinga, Jalapriya; at Mahalinga, Kapila, at Makota, Mukuteshvari.

Verse 64 (devibhagavatam.7.30.64)

मायापुर्यां कुमारी स्यात्सन्ताने ललिताम्बिका । गयायां मङ्गला प्रोक्ता विमला पुरुषोत्तमे

māyāpuryāṁ kumārī syātsantāne lalitāmbikā gayāyāṁ maṅgalā proktā vimalā puruṣottame

In Mayapuri she is Kumari, at Santana, Lalitambika; at Gaya she is spoken of as Mangala, at Purushottama, Vimala.

Verse 65 (devibhagavatam.7.30.65)

उत्पलाक्षी सहस्राक्षे हिरण्याक्षे महोत्पला । विपाशायाममोघाक्षी पाडला पुण्ड्रवर्धने

utpalākṣī sahasrākṣe hiraṇyākṣe mahotpalā vipāśāyāmamoghākṣī pāḍalā puṇḍravardhane

At Sahasraksha she is Utpalakshi, at Hiranyaksha, Mahotpala; upon the Vipasha river she is Amoghakshi, at Pundravardhana, Padala.

Verse 66 (devibhagavatam.7.30.66)

नारायणी सुपार्श्वे तु त्रिकुटे रुद्रसुन्दरी । विपुले विपुला देवी कल्याणी मलयाचले

nārāyaṇī supārśve tu trikuṭe rudrasundarī vipule vipulā devī kalyāṇī malayācale

At Suparshva she is Narayani, at Trikuta, Rudrasundari; at Mount Vipula she is the Devi Vipula, on Mount Malaya, Kalyani.

Verse 67 (devibhagavatam.7.30.67)

सह्याद्रावेकवीरा तु हरिश्चन्द्रे तु चन्द्रिका । रमणा रामतीर्थे तु यमुनायां मृगावती

sahyādrāvekavīrā tu hariścandre tu candrikā ramaṇā rāmatīrthe tu yamunāyāṁ mṛgāvatī

In the Sahyadri hills she is Ekavira, at Mount Harishchandra, Chandrika; at Ramatirtha she is Ramana, upon the Yamuna, Mrigavati.

Verse 68 (devibhagavatam.7.30.68)

कोटवी कोटतीर्थे तु सुगन्धा माधवे वने । गोदावर्यां त्रिसन्ध्या तु गङ्गाद्वारे रतिप्रिया

koṭavī koṭatīrthe tu sugandhā mādhave vane godāvaryāṁ trisandhyā tu gaṅgādvāre ratipriyā

At Kota-tirtha she is Kotavi, in the Madhava forest, Sugandha; upon the Godavari she is Trisandhya, at Gangadvara, Ratipriya.

Verse 69 (devibhagavatam.7.30.69)

शिवकुण्डे शुभानन्दा नन्दिनी देविकातटे । रुक्मिणी द्वारवत्यां तु राधा वृन्दावने वने

śivakuṇḍe śubhānandā nandinī devikātaṭe rukmiṇī dvāravatyāṁ tu rādhā vṛndāvane vane

At Shivakunda she is Shubhananda, on the bank of the Devika, Nandini; in Dvaravati she is Rukmini, in Vrindavana, Radha.

Verse 70 (devibhagavatam.7.30.70)

देवकी मथुरायां तु पाताले परमेश्वरी । चित्रकूटे तथा सीता विन्ध्ये विन्ध्याधिवासिनी

devakī mathurāyāṁ tu pātāle parameśvarī citrakūṭe tathā sītā vindhye vindhyādhivāsinī

In Mathura she is Devaki, in the netherworld, Parameshvari; at Chitrakuta she is Sita, upon the Vindhyas, Vindhyadhivasini.

Verse 71 (devibhagavatam.7.30.71)

करवीरे महालक्षीरुमा देवी विनायके । आरोग्या वैद्यनाथे तु महाकाले महेश्वरी

karavīre mahālakṣīrumā devī vināyake ārogyā vaidyanāthe tu mahākāle maheśvarī

At Karavira she is Mahalakshmi, at Vinayaka, the Devi Uma; at Vaidyanatha she is Arogya, at Mahakala, Maheshvari.

Verse 72 (devibhagavatam.7.30.72)

अभयेत्युष्णतीर्थेषु नितम्बा विन्ध्यपर्वते । माण्डव्ये माण्डवी नाम स्वाहा माहेश्वरीपुरे

abhayetyuṣṇatīrtheṣu nitambā vindhyaparvate māṇḍavye māṇḍavī nāma svāhā māheśvarīpure

At the warm-spring tirthas she is Abhaya, upon the Vindhya mountain, Nitamba; at Mandavya she bears the name Mandavi, at Maheshvaripura, Svaha.

Verse 73 (devibhagavatam.7.30.73)

छगलण्डे प्रचण्डा तु चण्डीकामरकण्टके । सोमेश्वरे वरारोहा प्रभासे पुष्करावती

chagalaṇḍe pracaṇḍā tu caṇḍīkāmarakaṇṭake someśvare varārohā prabhāse puṣkarāvatī

At Chagalanda she is Prachanda, at Amarakantaka, Chandika; at Someshvara she is Vararoha, at Prabhasa, Pushkaravati.

Verse 74 (devibhagavatam.7.30.74)

देवमाता सरस्वत्यां पारावारा तटे स्मृता । महालये महाभागा पयोष्ण्यां पिङ्गलेश्वरी

devamātā sarasvatyāṁ pārāvārā taṭe smṛtā mahālaye mahābhāgā payoṣṇyāṁ piṅgaleśvarī

Upon the Sarasvati she is Devamata, on the ocean's shore, Paravara; at Mahalaya she is Mahabhaga, upon the Payoshni, Pingaleshvari.

Verse 75 (devibhagavatam.7.30.75)

सिंहिका कृतशौचे तु कार्तिके त्वतिशाङ्करी । उत्पलावर्तके लोला सुभद्रा शोणसङ्गमे

siṁhikā kṛtaśauce tu kārtike tvatiśāṅkarī utpalāvartake lolā subhadrā śoṇasaṅgame

At Kritashauca she is Simhika, at the Kartika tirtha, Atishankari; at Utpalavartaka she is Lola, at the confluence of the Shona, Subhadra.

Verse 76 (devibhagavatam.7.30.76)

माता सिद्धवने लक्ष्मीरनङ्गा भरताश्रमे । जालन्धरे विश्वमुखी तारा किष्किन्धपर्वते

mātā siddhavane lakṣmīranaṅgā bharatāśrame jālandhare viśvamukhī tārā kiṣkindhaparvate

In the Siddhavana she is Mother Lakshmi, at the ashram of Bharata, Ananga; at Jalandhara she is Vishvamukhi, upon the Kishkindha mountain, Tara.

Verse 77 (devibhagavatam.7.30.77)

देवदारुवने पुष्टिर्मेधा काश्मीरमण्डले । भीमा देवी हिमाद्रौ तु तुष्टिर्विश्वेश्वरे तथा

devadāruvane puṣṭirmedhā kāśmīramaṇḍale bhīmā devī himādrau tu tuṣṭirviśveśvare tathā

In the deodar forest she is Pushti, in the region of Kashmir, Medha; upon the Himalayas she is the Devi Bhima, at Vishveshvara, Tushti.

Verse 78 (devibhagavatam.7.30.78)

कपालमोचने शुद्धिर्माता कामावरोहणे । शङ्खोद्धारे धारा नाम धृतिः पिण्डारके तथा

kapālamocane śuddhirmātā kāmāvarohaṇe śaṅkhoddhāre dhārā nāma dhṛtiḥ piṇḍārake tathā

At Kapalamochana she is Shuddhi, at Kamavarohana, Mother; at Shankhoddhara she bears the name Dhara, at Pindaraka, Dhriti.

Verse 79 (devibhagavatam.7.30.79)

कला तु चन्द्रभागायामच्छोदे शिवधारिणी । वेणायाममृता नाम बदर्यामुर्वशी तथा

kalā tu candrabhāgāyāmacchode śivadhāriṇī veṇāyāmamṛtā nāma badaryāmurvaśī tathā

Upon the Chandrabhaga she is Kala, at Lake Achchhoda, Shivadharini; upon the Vena river she bears the name Amrita, at Badari, Urvashi.

Verse 80 (devibhagavatam.7.30.80)

औषधिश्चोत्तरकुरौ कुशद्वीपे कुशोदका । मन्मथा हेमकूटे तु कुमुदे सत्यवादिनी

auṣadhiścottarakurau kuśadvīpe kuśodakā manmathā hemakūṭe tu kumude satyavādinī

In Uttarakuru she is Aushadhi, in the Kusha continent, Kushodaka; at Hemakuta she is Manmatha, in the Kumuda continent, Satyavadini.

Verse 81 (devibhagavatam.7.30.81)

अश्वत्थे वन्दनीया तु निधिर्वैश्रवणालये । गायत्री वेदवदने पार्वती शिवसन्निधौ

aśvatthe vandanīyā tu nidhirvaiśravaṇālaye gāyatrī vedavadane pārvatī śivasannidhau

In the ashvattha tree she is Vandaniya, in the abode of Vaishravana, Nidhi; in the mouth of the Veda she is Gayatri, in Shiva's own presence, Parvati.

Verse 82 (devibhagavatam.7.30.82)

देवलोके तथेन्द्राणी ब्रह्मास्येषु सरस्वती । सूर्यबिम्बे प्रभा नाम मातॄणां वैष्णवी मता

devaloke tathendrāṇī brahmāsyeṣu sarasvatī sūryabimbe prabhā nāma mātṝṇāṁ vaiṣṇavī matā

In the world of the gods she is Indrani, in Brahma's own faces, Sarasvati; in the orb of the sun she bears the name Prabha, and among the Divine Mothers she is held to be Vaishnavi.

Verse 83 (devibhagavatam.7.30.83)

अरुन्धती सतीनां तु रामासु च तिलोत्तमा । चित्ते ब्रह्मकला नाम शक्तिः सर्वशरीरिणाम्

arundhatī satīnāṁ tu rāmāsu ca tilottamā citte brahmakalā nāma śaktiḥ sarvaśarīriṇām

Among faithful wives she is Arundhati, among beautiful women, Tilottama; and within the mind she bears the name Brahma-kala, that shakti present in every embodied being.

Verse 84 (devibhagavatam.7.30.84)

इमान्यष्ट शतानि स्युः पीठानि जनमेजय । तत्सङ्ख्याकास्तदीशान्यो देव्यश्च परिकीर्तिताः

imānyaṣṭa śatāni syuḥ pīṭhāni janamejaya tatsaṅkhyākāstadīśānyo devyaśca parikīrtitāḥ

O Janamejaya, these are the one hundred and eight pithas, and in that same number the goddesses presiding over them have been declared.

Verse 85 (devibhagavatam.7.30.85)

सतीदेव्यङ्गभूतानि पीठानि कथितानि च । अन्यान्यपि प्रसङ्गेन यानि मुख्यानि भूतले

satīdevyaṅgabhūtāni pīṭhāni kathitāni ca anyānyapi prasaṅgena yāni mukhyāni bhūtale

These pithas, formed from the very limbs of the Devi Sati, have thus been told; and, in the course of this telling, whatever other principal pithas exist upon this earth have also been declared.

Verse 86 (devibhagavatam.7.30.86)

यः स्मरेच्छृणुयाद्वापि नामाष्टशतमुत्तमम् । सर्वपापविनिर्मुक्तो देवीलोकं परं व्रजेत्

yaḥ smarecchṛṇuyādvāpi nāmāṣṭaśatamuttamam sarvapāpavinirmukto devīlokaṁ paraṁ vrajet

Whoever remembers, or even merely hears, these one hundred and eight excellent names, is freed from every sin, and attains the supreme world of the Devi.

Verse 87 (devibhagavatam.7.30.87)

एतेषु सर्वपीठेषु गच्छेद्यात्राविधानतः । सन्तर्पयेच्च पित्रादीञ्छ्राद्धादीनि विधाय च

eteṣu sarvapīṭheṣu gacchedyātrāvidhānataḥ santarpayecca pitrādīñchrāddhādīni vidhāya ca

One should go to all these pithas according to the proper rite of pilgrimage, and there, for the satisfaction of the ancestors and the rest, perform the rites of shraddha and the like.

Verse 88 (devibhagavatam.7.30.88)

कुर्याच्च महतीं पूजां भगवत्या विधानतः । क्षमापयेज्जगधात्रीं जगदम्बां मुहुर्मुहुः

kuryācca mahatīṁ pūjāṁ bhagavatyā vidhānataḥ kṣamāpayejjagadhātrīṁ jagadambāṁ muhurmuhuḥ

One should perform, in due form, the great worship of the goddess, and repeatedly beg forgiveness of that Mother of the universe, the sustainer of all worlds.

Verse 89 (devibhagavatam.7.30.89)

कृतकृत्यं स्वमात्मानं जानीयाज्जनमेजय । भक्ष्यभोज्यादिभिः सर्वान्ब्राह्मणान्भोजयेत्ततः

kṛtakṛtyaṁ svamātmānaṁ jānīyājjanamejaya bhakṣyabhojyādibhiḥ sarvānbrāhmaṇānbhojayettataḥ

O Janamejaya, one who does this should consider himself to have attained his very purpose; thereafter he should feed all brahmins with food both to be chewed and to be eaten,

Verse 90 (devibhagavatam.7.30.90)

सुवासिनीः कुमारीश्च बटुकादींस्तथा नृप । तस्मिन्क्षेत्रे स्थिता ये तु चाण्डालाद्या अपि प्रभो

suvāsinīḥ kumārīśca baṭukādīṁstathā nṛpa tasminkṣetre sthitā ye tu cāṇḍālādyā api prabho

and married women, unmarried girls, and young brahmacharin boys as well, O king, and likewise the Chandalas and others who dwell in that very region —

Verse 91 (devibhagavatam.7.30.91)

देवीरूपाः स्मृताः सर्वे पूजनीयास्ततो हि ते । प्रतिग्रहादिकं सर्वं तेषु क्षेत्रेषु वर्जयेत्

devīrūpāḥ smṛtāḥ sarve pūjanīyāstato hi te pratigrahādikaṁ sarvaṁ teṣu kṣetreṣu varjayet

for all of these too are held to be forms of the Devi herself, and are therefore worthy of worship; and one should wholly abstain from accepting any gift from anyone within those sacred regions.

Verse 92 (devibhagavatam.7.30.92)

यथाशक्ति पुरश्चर्यां कुर्यान्मन्त्रस्य सत्तमः । मायाबीजेन देवेशीं तत्तत्पीठाधिवासिनीम्

yathāśakti puraścaryāṁ kuryānmantrasya sattamaḥ māyābījena deveśīṁ tattatpīṭhādhivāsinīm

The best of men should perform, to the extent of his ability, the ritual of purashcharana for his own mantra; through the maya-bija mantra, the goddess presiding over each pitha,

Verse 93 (devibhagavatam.7.30.93)

पूजयेदनिशं राजन् पुरश्चरणकृद्भवेत् । वित्तशाठ्यं न कुर्वीत देवीभक्तिपरो नरः

pūjayedaniśaṁ rājan puraścaraṇakṛdbhavet vittaśāṭhyaṁ na kurvīta devībhaktiparo naraḥ

O king, should be worshipped without cease — only then does one who performs this rite attain success; a man devoted to the Devi's worship should never be stingy in matters of wealth.

Verse 94 (devibhagavatam.7.30.94)

य एवं कुरुते यात्रां श्रीदेव्याः प्रीतमानसः । सहस्रकल्पपर्यन्तं ब्रह्मलोके महत्तरे

ya evaṁ kurute yātrāṁ śrīdevyāḥ prītamānasaḥ sahasrakalpaparyantaṁ brahmaloke mahattare

Whoever, with a joyful heart, performs this pilgrimage to Shri Devi in this manner — his ancestors dwell for a thousand cosmic ages in Brahmaloka, that greatest of worlds,

Verse 95 (devibhagavatam.7.30.95)

वसन्ति पितरस्तस्य सोऽपि देवीपुरे तथा । अन्ते लब्ध्वा परं ज्ञानं भवेन्मुक्तो भवाम्बुधेः

vasanti pitarastasya so'pi devīpure tathā ante labdhvā paraṁ jñānaṁ bhavenmukto bhavāmbudheḥ

and he too dwells in the very city of the Devi; and at last, attaining the highest knowledge, he is freed from the ocean of worldly existence.

Verse 96 (devibhagavatam.7.30.96)

नामाष्टशतजापेन बहवः सिद्धतां गताः । यत्रैतल्लिखितं साक्षात्पुस्तके वापि तिष्ठति

nāmāṣṭaśatajāpena bahavaḥ siddhatāṁ gatāḥ yatraitallikhitaṁ sākṣātpustake vāpi tiṣṭhati

By the recitation of these one hundred and eight names, many have attained spiritual accomplishment; wherever this exists, written down in an actual book,

Verse 97 (devibhagavatam.7.30.97)

ग्रहमारीभयादीनि तत्र नैव भवन्ति हि । सौभाग्यं वर्धते नित्यं यथा पर्वणि वारिधिः

grahamārībhayādīni tatra naiva bhavanti hi saubhāgyaṁ vardhate nityaṁ yathā parvaṇi vāridhiḥ

there the afflictions of planetary evil, epidemic, and fear never arise; there good fortune ever grows, as the ocean swells upon the full-moon day.

Verse 98 (devibhagavatam.7.30.98)

न तस्य दुर्लभं किञ्चिन्नामाष्टशतजापिनः । कृतकृत्यो भवेन्नूनं देवीभक्तिपरायणः

na tasya durlabhaṁ kiñcinnāmāṣṭaśatajāpinaḥ kṛtakṛtyo bhavennūnaṁ devībhaktiparāyaṇaḥ

For one who recites these one hundred and eight names, nothing at all remains hard to attain; one wholly devoted to the Devi's worship most certainly attains all he need attain.

Verse 99 (devibhagavatam.7.30.99)

नमन्ति देवतास्तं वै देवीरूपो हि स स्मृतः । सर्वथा पूज्यते देवैः किं पुनर्मनुजोत्तमैः

namanti devatāstaṁ vai devīrūpo hi sa smṛtaḥ sarvathā pūjyate devaiḥ kiṁ punarmanujottamaiḥ

Even the gods bow to him, for he is held to be the very form of the Devi herself; he is honored in every way even by the gods — what then need be said of the best among men?

Verse 100 (devibhagavatam.7.30.100)

श्राद्धकाले पठेदेतन्नामाष्टशतमुत्तमम् । तृप्तास्तत्पितरः सर्वे प्रयान्ति परमां गतिम्

śrāddhakāle paṭhedetannāmāṣṭaśatamuttamam tṛptāstatpitaraḥ sarve prayānti paramāṁ gatim

At the time of the shraddha rite, these one hundred and eight excellent names should be recited; by this all of one's ancestors, being satisfied, attain the highest destination.

Verse 101 (devibhagavatam.7.30.101)

इमानि मुक्तिक्षेत्राणि साक्षात्संविन्मयानि च । सिद्धपीठानि राजेन्द्र संश्रयेन्मतिमान्नरः

imāni muktikṣetrāṇi sākṣātsaṁvinmayāni ca siddhapīṭhāni rājendra saṁśrayenmatimānnaraḥ

O foremost of kings, these are the very fields of liberation, themselves the direct form of pure consciousness — these are the siddha-pithas; a wise man should take refuge in them.

Verse 102 (devibhagavatam.7.30.102)

पृष्टं यत्तत्त्वया राजन्नुक्तं सर्वं महेशितुः । रहस्यातिरहस्यं च किं भूयः श्रोतुमिच्छसि

pṛṣṭaṁ yattattvayā rājannuktaṁ sarvaṁ maheśituḥ rahasyātirahasyaṁ ca kiṁ bhūyaḥ śrotumicchasi

O king, whatever you had asked — all of this, this most secret mystery of the Supreme Lord, has now been told to you; what more do you wish to hear?