Talatala to Patala, and Lord Ananta

Verse 1 (devibhagavatam.8.20.1)

श्रीनारायण उवाच । ततोऽधस्ताद्विवरकं तलातलमुदीरितम् । दानवेन्द्रो मयो नाम त्रिपुराधिपतिर्महान्

śrīnārāyaṇa uvāca | tato'dhastādvivarakaṁ talātalamudīritam | dānavendro mayo nāma tripurādhipatirmahān

Shri Narayana said: Below that lies the cavern called Talatala. There dwells the great lord of the Danavas named Maya, ruler of the famed Tripura,

Verse 2 (devibhagavatam.8.20.2)

त्रिलोक्याः शङ्करेणायं पालितो दग्धपूस्त्रयः । देवदेवप्रसादात्तु लब्धराज्यसुखास्पदः

trilokyāḥ śaṅkareṇāyaṁ pālito dagdhapūstrayaḥ | devadevaprasādāttu labdharājyasukhāspadaḥ

— whose three cities were burned by Shankara, yet who was protected by him afterward; and, by the grace of the God of gods, he obtained a seat of royal happiness there,

Verse 3 (devibhagavatam.8.20.3)

आचार्यो मायिनां सोऽयं नानामायाविशारदः । पूज्यते राक्षसैर्घोरैः सर्वकार्यसमृद्धये

ācāryo māyināṁ so'yaṁ nānāmāyāviśāradaḥ | pūjyate rākṣasairghoraiḥ sarvakāryasamṛddhaye

— he, the teacher of magicians, skilled in manifold arts of illusion, is worshipped by terrible Rakshasas for the accomplishment of all their undertakings.

Verse 4 (devibhagavatam.8.20.4)

ततोऽधस्तास्तुविख्यातं महातलमिति स्फुटम् । सर्पाणां काद्रवेयाणां गणः क्रोधवशो महान्

tato'dhastāstuvikhyātaṁ mahātalamiti sphuṭam | sarpāṇāṁ kādraveyāṇāṁ gaṇaḥ krodhavaśo mahān

Below that, clearly renowned, is the realm called Mahatala. There dwells the great host of serpents, the sons of Kadru, given over to wrath,

Verse 5 (devibhagavatam.8.20.5)

अनेकशिरसां विप्र प्रधानान्कीर्तयामि ते । कुहकस्तक्षकश्चैव सुषेणः कालियस्तथा

anekaśirasāṁ vipra pradhānānkīrtayāmi te | kuhakastakṣakaścaiva suṣeṇaḥ kāliyastathā

— many-headed serpents; O brahmin, I shall name for you their foremost ones: Kuhaka, Takshaka, Sushena, and likewise Kaliya,

Verse 6 (devibhagavatam.8.20.6)

महाभोगा महासत्त्वाः क्रूराः क्रूरस्वजातयः । पतत्रिराजाधिपतेरुद्विग्नाः सर्व एव ते

mahābhogā mahāsattvāḥ krūrāḥ krūrasvajātayaḥ | patatrirājādhipaterudvignāḥ sarva eva te

— of massive hoods and great might, cruel, born of a cruel race; all of them live in constant dread of the king of birds, Garuda,

Verse 7 (devibhagavatam.8.20.7)

स्वकलत्रापत्यसुहृत्कुटुम्बस्य च सङ्गताः । प्रमत्ता विहरन्त्येव नानाक्रीडाविशारदाः

svakalatrāpatyasuhṛtkuṭumbasya ca saṅgatāḥ | pramattā viharantyeva nānākrīḍāviśāradāḥ

— and, together with their wives, children, friends, and kin, they revel there, intoxicated with pleasure, skilled in manifold games.

Verse 8 (devibhagavatam.8.20.8)

ततोऽधस्ताच्च विवरे रसातलसमाह्वये । दैतेया निवसन्त्येव पणयो दानवाश्च ये

tato'dhastācca vivare rasātalasamāhvaye | daiteyā nivasantyeva paṇayo dānavāśca ye

Below that, in the cavern called Rasatala, dwell the Daityas, and the Panis, and the Danavas,

Verse 9 (devibhagavatam.8.20.9)

निवातकवचा नाम हिरण्यपुरवासिनः । कालेया इति च प्रोक्ताः प्रत्यनीका हविर्भुजाम्

nivātakavacā nāma hiraṇyapuravāsinaḥ | kāleyā iti ca proktāḥ pratyanīkā havirbhujām

— named the Nivatakavachas, dwellers in Hiranyapura, and also those called the Kaleyas, adversaries of the gods who consume the sacrificial oblations.

Verse 10 (devibhagavatam.8.20.10)

महौजसश्चोत्पत्त्यैव महासाहसिनस्तथा । सकलेशस्य च हरेस्तेजसा हतविक्रमाः

mahaujasaścotpattyaiva mahāsāhasinastathā | sakaleśasya ca harestejasā hatavikramāḥ

— mighty in vigor from birth, and greatly daring, yet their prowess was crushed by the power of Hari, Lord of all,

Verse 11 (devibhagavatam.8.20.11)

बिलेशया इव सदा विवरे निवसन्ति हि । ये वै वाग्भिः सरमया शक्रदूत्या निरन्तरम्

bileśayā iva sadā vivare nivasanti hi | ye vai vāgbhiḥ saramayā śakradūtyā nirantaram

— and now, as though asleep within the cave, they dwell forever in that cavern — they who were once continually struck with terror by the words of Sarama, Indra's messenger,

Verse 12 (devibhagavatam.8.20.12)

मन्त्रवर्णाभिरसुरास्ताडिता बिभ्यति स्म ह । ततोऽप्यधस्तात्पाताले नागलोकाधिपालकाः

mantravarṇābhirasurāstāḍitā bibhyati sma ha | tato'pyadhastātpātāle nāgalokādhipālakāḥ

— struck by the syllables of her mantra-speech, those Asuras trembled in fear. Below that again, in Patala, dwell the rulers of the Naga world,

Verse 13 (devibhagavatam.8.20.13)

वासुकिप्रमुखाः शङ्खः कुलिकः श्वेत एव च । धनञ्जयो महाशङ्खो धृतराष्ट्रस्तथैव च

vāsukipramukhāḥ śaṅkhaḥ kulikaḥ śveta eva ca | dhanañjayo mahāśaṅkho dhṛtarāṣṭrastathaiva ca

— headed by Vasuki: Shankha, Kulika, and Shveta, Dhananjaya, Mahashankha, and likewise Dhritarashtra,

Verse 14 (devibhagavatam.8.20.14)

शङ्खचूडः कम्बलाश्वतरो देवोपदत्तकः । महामर्षा महाभोगा निवसन्ति विषोल्बणाः

śaṅkhacūḍaḥ kambalāśvataro devopadattakaḥ | mahāmarṣā mahābhogā nivasanti viṣolbaṇāḥ

— Shankhachuda, Kambala, Ashvatara, and Devadatta — great in wrath, vast of coil, dwelling there, fearsome with their venom,

Verse 15 (devibhagavatam.8.20.15)

पञ्चमस्तकवन्तश्च फणासप्तकभूषिताः । केचिद्दशफणाः केचिच्छतशीर्षास्तथापरे

pañcamastakavantaśca phaṇāsaptakabhūṣitāḥ | keciddaśaphaṇāḥ kecicchataśīrṣāstathāpare

— some with five heads, some adorned with seven hoods, some with ten hoods, and yet others with a hundred heads,

Verse 16 (devibhagavatam.8.20.16)

सहस्रशिरसः केऽपि रोचिष्णुमणिधारकाः । पातालरन्ध्रतिमिरनिकरं स्वमरीचिभिः

sahasraśirasaḥ ke'pi rociṣṇumaṇidhārakāḥ | pātālarandhratimiranikaraṁ svamarīcibhiḥ

— and some with a thousand heads, bearing brilliantly glowing gems; with their own light-rays they dispel the mass of darkness filling the caverns of Patala,

Verse 17 (devibhagavatam.8.20.17)

विधमन्ति च देवर्षे सदा सञ्जातमन्यवः । अस्य मूलप्रदेशे हि त्रिंशत्साहस्रकेऽन्तरे

vidhamanti ca devarṣe sadā sañjātamanyavaḥ | asya mūlapradeśe hi triṁśatsāhasrake'ntare

— dispersing it, O divine sage, ever restless with agitation. At the very base of this Patala, at a distance of thirty thousand yojanas,

Verse 18 (devibhagavatam.8.20.18)

योजनैः परिसङ्ख्याते तामसी भगवत्कला । अनन्ताख्या समास्ते हि सर्वदेवप्रपूजिता

yojanaiḥ parisaṅkhyāte tāmasī bhagavatkalā | anantākhyā samāste hi sarvadevaprapūjitā

— reckoned in yojanas, abides the tamasic portion of the Blessed Lord, named Ananta, worshipped indeed by all the gods,

Verse 19 (devibhagavatam.8.20.19)

अहमित्यभिमानस्य लक्षणं यं प्रचक्षते । सङ्कर्षणं सात्वतीयाः कर्षणं द्रष्ट्टदृश्ययोः

ahamityabhimānasya lakṣaṇaṁ yaṁ pracakṣate | saṅkarṣaṇaṁ sātvatīyāḥ karṣaṇaṁ draṣṭṭadṛśyayoḥ

— whom the Satvatas describe as the very characteristic of the sense of "I"-ness, calling him Sankarshana — the one who draws together seer and seen,

Verse 20 (devibhagavatam.8.20.20)

इदं भूमण्डलं यस्य सहस्रशिरसः प्रभोः । अनन्तमूर्तेः शेषस्य ध्रियमाणं च शीर्षके

idaṁ bhūmaṇḍalaṁ yasya sahasraśirasaḥ prabhoḥ | anantamūrteḥ śeṣasya dhriyamāṇaṁ ca śīrṣake

— he of a thousand heads, the Lord whose infinite form is Shesha, upon whose very head this entire terrestrial sphere is borne,

Verse 21 (devibhagavatam.8.20.21)

पृध्वीगोलमशेषं हि सिद्धार्थ इव लक्ष्यते । यस्य कालेन देवस्य सञ्जिहीर्षोः समं विभोः

pṛdhvīgolamaśeṣaṁ hi siddhārtha iva lakṣyate | yasya kālena devasya sañjihīrṣoḥ samaṁ vibhoḥ

— the whole globe of the earth appears upon it as if it were a single mustard seed. When that mighty god, in the fullness of time, wishing to withdraw creation,

Verse 22 (devibhagavatam.8.20.22)

चराचरं भ्रुवोरन्तर्विवरादुदपद्यत । साङ्कर्षणो नाम रुद्रो व्यूहैकादशशोभितः

carācaraṁ bhruvorantarvivarādudapadyata | sāṅkarṣaṇo nāma rudro vyūhaikādaśaśobhitaḥ

— the moving and unmoving creation, then from the space between his eyebrows arose Rudra, named Sankarshana, adorned with his eleven forms,

Verse 23 (devibhagavatam.8.20.23)

त्रिलोचनश्च त्रिशिखं शूलमुत्तम्भयन्स्वयम् । उदतिष्ठन्महासत्त्वो महाभूतक्षयङ्करः

trilocanaśca triśikhaṁ śūlamuttambhayansvayam | udatiṣṭhanmahāsattvo mahābhūtakṣayaṅkaraḥ

— three-eyed, himself brandishing a trident with three points, that great being rose up, the one who brings the great elements to their end.

Verse 24 (devibhagavatam.8.20.24)

यस्याङ्घ्रिकमलद्वन्द्वशोणाच्छनखमण्डले । विराजन्मणिबिम्बेषु महाहिपतयोऽनिशम्

yasyāṅghrikamaladvandvaśoṇācchanakhamaṇḍale | virājanmaṇibimbeṣu mahāhipatayo'niśam

— whose pair of lotus feet, with their reddish, clear circle of nails, are mirrored in the shining gem-discs there, and the great lords of serpents, without cease,

Verse 25 (devibhagavatam.8.20.25)

एकान्तभक्तियोगेन सह सात्त्वतपुङ्गवैः । प्रणमन्तः स्वमूर्ध्ना ते स्वमुखानि समीक्षते

ekāntabhaktiyogena saha sāttvatapuṅgavaiḥ | praṇamantaḥ svamūrdhnā te svamukhāni samīkṣate

— together with the foremost among the Satvata devotees, bowing with single-minded devotion, their heads lowered, and behold their own faces reflected there,

Verse 26 (devibhagavatam.8.20.26)

स्फुरत्कुण्डलमाणिक्यप्रभामण्डलभाञ्ज्यपि । सुकपोलानि चारूणि गण्डस्थलद्युमन्ति च

sphuratkuṇḍalamāṇikyaprabhāmaṇḍalabhāñjyapi | sukapolāni cārūṇi gaṇḍasthaladyumanti ca

— their faces graced too with the radiant halo of their flashing ruby earrings, their cheeks lovely, their temples aglow,

Verse 27 (devibhagavatam.8.20.27)

नागराजकुमार्योऽपि चार्वङ्गविलसत्त्विषः । विशदैर्विपुलैस्तद्वद्धवलैः सुभगैस्तथा

nāgarājakumāryo'pi cārvaṅgavilasattviṣaḥ | viśadairvipulaistadvaddhavalaiḥ subhagaistathā

— and the daughters of the Naga kings too, their lovely limbs radiant with beauty, with broad, clear, white, and graceful —

Verse 28 (devibhagavatam.8.20.28)

रुचिरैर्भुजदण्डैश्च शोभमाना इतस्ततः । चन्दनागुरुकाश्मीरपङ्कलेपेन भूषिताः

rucirairbhujadaṇḍaiśca śobhamānā itastataḥ | candanāgurukāśmīrapaṅkalepena bhūṣitāḥ

— with charming arms, shining here and there, adorned with a paste of sandalwood, aloe, and saffron,

Verse 29 (devibhagavatam.8.20.29)

तदभिमर्षसञ्जातकामावेशसमायुताः । ललितस्मितसंयुक्ताः सव्रीडं लोकयन्ति च

tadabhimarṣasañjātakāmāveśasamāyutāḥ | lalitasmitasaṁyuktāḥ savrīḍaṁ lokayanti ca

— filled with the passion stirred by that touch, their graceful smiles playing, they gaze upon him with bashful eyes,

Verse 30 (devibhagavatam.8.20.30)

अनुरागमदोन्मत्तविघूर्णारुणलोचनम् । करुणावलोकनेत्रं च आशासानास्तथाशिषः

anurāgamadonmattavighūrṇāruṇalocanam | karuṇāvalokanetraṁ ca āśāsānāstathāśiṣaḥ

— his eyes reddened and swaying as though intoxicated with love, yet his gaze full of compassion — and they hope to receive his blessings,

Verse 31 (devibhagavatam.8.20.31)

सोऽनन्तो भगवान्देवोऽनन्तसत्त्वो महाशयः । अनन्तगुणवार्धिश्च आदिदेवो महाद्युतिः

so'nanto bhagavāndevo'nantasattvo mahāśayaḥ | anantaguṇavārdhiśca ādidevo mahādyutiḥ

— he, the Blessed Lord Ananta, of boundless being, magnanimous of heart, an ocean of infinite virtues, the primeval God, of great splendor,

Verse 32 (devibhagavatam.8.20.32)

संहृतामर्षरोषादिवेगो लोकशुभाय च । आस्ते महासत्त्वनिधिः सर्वदेवप्रपूजितः

saṁhṛtāmarṣaroṣādivego lokaśubhāya ca | āste mahāsattvanidhiḥ sarvadevaprapūjitaḥ

— having reined in every impulse of wrath and indignation, for the welfare of the worlds, he abides there, a very treasury of great being, worshipped by all the gods,

Verse 33 (devibhagavatam.8.20.33)

ध्यायमानः सुरैः सिद्धैरसुरैश्चोरगैस्तथा । विद्याधरैश्च गन्धर्वैर्मुनिसङ्घैश्च नित्यशः

dhyāyamānaḥ suraiḥ siddhairasuraiścoragaistathā | vidyādharaiśca gandharvairmunisaṅghaiśca nityaśaḥ

— meditated upon constantly by gods, Siddhas, Asuras, and serpents alike, by Vidyadharas, Gandharvas, and hosts of sages,

Verse 34 (devibhagavatam.8.20.34)

अनारतमदोन्मत्तलोकविह्वललोचनः । वाक्यामृतेन विबुधान्स्वपार्षदगणानपि

anāratamadonmattalokavihvalalocanaḥ | vākyāmṛtena vibudhānsvapārṣadagaṇānapi

— his eyes ever restless, as though intoxicated, bewitching to the world, he, with the nectar of his speech, delights both the gods and his own hosts of attendants,

Verse 35 (devibhagavatam.8.20.35)

आप्यायमानः स विभुर्वेजयन्तीं स्रजं दधत् । अम्लानाभिनवैः स्वच्छैस्तुलसीदलसञ्चयैः

āpyāyamānaḥ sa vibhurvejayantīṁ srajaṁ dadhat | amlānābhinavaiḥ svacchaistulasīdalasañcayaiḥ

— that mighty Lord, ever filled with joy, wearing the garland called Vaijayanti, woven from clusters of fresh, unfading, clear tulasi leaves,

Verse 36 (devibhagavatam.8.20.36)

माद्यन्मधुकरव्रातघोषश्रीसंयुतां सदा । नीलवासा देवदेव एककुण्डलभूषितः

mādyanmadhukaravrātaghoṣaśrīsaṁyutāṁ sadā | nīlavāsā devadeva ekakuṇḍalabhūṣitaḥ

— always accompanied by the humming beauty of intoxicated swarms of bees; clad in blue garments, that God of gods, adorned with a single earring,

Verse 37 (devibhagavatam.8.20.37)

हलस्य ककुदि न्यस्तसुपीवरभुजोऽव्ययः । महेन्द्रः काञ्चनीं यद्वद्वरत्रां च मतङ्गमः । उदारलीलो देवेशो वर्णितः सात्त्वतर्षभैः

halasya kakudi nyastasupīvarabhujo'vyayaḥ | mahendraḥ kāñcanīṁ yadvadvaratrāṁ ca mataṅgamaḥ | udāralīlo deveśo varṇitaḥ sāttvatarṣabhaiḥ

— his powerful, shapely arm resting upon the handle of his plough, the imperishable Lord appears just as a mahout's arm rests upon the golden goad against an elephant's neck; that Lord of gods, of noble and generous sport, has thus been described by the foremost of the Satvatas.