The Rite of Devi Worship

Verse 1 (devibhagavatam.8.24.1)

नारद उवाच । धर्मश्च कीदृशस्तात देव्याराधनलक्षणः । कथमाराधिता देवी सा ददाति परं पदम्

nārada uvāca | dharmaśca kīdṛśastāta devyārādhanalakṣaṇaḥ | kathamārādhitā devī sā dadāti paraṁ padam

Narada said: O venerable one, what is the nature of that dharma marked by worship of the Devi? How, when worshipped, does that Devi grant the supreme abode?

Verse 2 (devibhagavatam.8.24.2)

आराधनविधिः को वा कथमाराधिता कदा । केन सा दुर्गनरकाद्दुर्गा त्राणप्रदा भवेत्

ārādhanavidhiḥ ko vā kathamārādhitā kadā | kena sā durganarakāddurgā trāṇapradā bhavet

What is the rite of her worship? How, and when, is she worshipped? By what means does Durga become the bestower of deliverance from terrible hell?

Verse 3 (devibhagavatam.8.24.3)

श्रीनारायण उवाच । देवर्षे शृणु चित्तैकाग्र्येण मे विदुषां वर । यथा प्रसीदते देवी धर्माराधनतः स्वयम्

śrīnārāyaṇa uvāca | devarṣe śṛṇu cittaikāgryeṇa me viduṣāṁ vara | yathā prasīdate devī dharmārādhanataḥ svayam

Shri Narayana said: O divine sage, foremost among the wise, listen to me with a focused mind, and learn how the Devi becomes pleased of her own accord through this dharma of worship.

Verse 4 (devibhagavatam.8.24.4)

स्वधर्मो यादृशः प्रोक्तस्तं च मे शृणु नारद । अनादाविह संसारे देवी सशृजिता स्वयम्

svadharmo yādṛśaḥ proktastaṁ ca me śṛṇu nārada | anādāviha saṁsāre devī saśṛjitā svayam

Hear from me, O Narada, the nature of this proper dharma. In this beginningless cycle of existence, the Devi, self-manifest,

Verse 5 (devibhagavatam.8.24.5)

परिपालयते घोरसङ्कटादिषु सा मुने । सा देवी पूज्यते लोकैर्यथावत्तद्विधिं शृणु

paripālayate ghorasaṅkaṭādiṣu sā mune | sā devī pūjyate lokairyathāvattadvidhiṁ śṛṇu

— protects her devotees in terrible dangers and the like, O sage. That Devi is worshipped by the peoples of the world; hear now the proper rite of it.

Verse 6 (devibhagavatam.8.24.6)

प्रतिपत्तिथिमासाद्य देवीमाज्येन पूजयेत् । घृतं दद्याद् ब्राह्मणाय रोगहीनो भवेत्सदा

pratipattithimāsādya devīmājyena pūjayet | ghṛtaṁ dadyād brāhmaṇāya rogahīno bhavetsadā

On the Pratipada tithi (first lunar day), one should worship the Devi with ghee; giving ghee to a brahmin, a person becomes ever free from disease,

Verse 7 (devibhagavatam.8.24.7)

द्वितीयायां शर्करया पूजयेज्जगदम्बिकाम् । शर्करां प्रददेद्विप्रे दीर्घायुर्जायते नरः

dvitīyāyāṁ śarkarayā pūjayejjagadambikām | śarkarāṁ pradadedvipre dīrghāyurjāyate naraḥ

— on the second tithi, one should worship the Mother of the world with sugar; giving sugar to a brahmin, a person attains long life,

Verse 8 (devibhagavatam.8.24.8)

तृतीयादिवसे देव्यै दुग्धं पूजनकर्मणि । क्षीरं दत्त्वा द्विजाग्र्याय सर्वदुःखातिगो भवेत्

tṛtīyādivase devyai dugdhaṁ pūjanakarmaṇi | kṣīraṁ dattvā dvijāgryāya sarvaduḥkhātigo bhavet

— on the third day, milk is offered to the Devi in the act of worship; giving milk to a foremost brahmin, one becomes free from all sorrow,

Verse 9 (devibhagavatam.8.24.9)

चतुर्थ्यां पूजनेऽपूपा देया देव्यै द्विजाय च । अपूपा एव दातव्या न विघ्नैरभिभूयते

caturthyāṁ pūjane'pūpā deyā devyai dvijāya ca | apūpā eva dātavyā na vighnairabhibhūyate

— on the fourth, in worship, sweet cakes (apupa) should be offered to the Devi and given to a brahmin; giving these cakes alone, one is not overcome by obstacles,

Verse 10 (devibhagavatam.8.24.10)

पञ्चम्यां कदलीजातं फलं देव्यै निवेदयेत् । तदेव ब्राह्मणे देयं मेधावान्पुरुषो भवेत्

pañcamyāṁ kadalījātaṁ phalaṁ devyai nivedayet | tadeva brāhmaṇe deyaṁ medhāvānpuruṣo bhavet

— on the fifth, one should offer the Devi the fruit of the plantain (banana); giving the same to a brahmin, a person becomes intelligent,

Verse 11 (devibhagavatam.8.24.11)

षष्ठीतिथौ मधु प्रोक्तं देवीपूजनकर्मणि । ब्राह्मणाय च दातव्यं मधु कान्तिर्यतो भवेत्

ṣaṣṭhītithau madhu proktaṁ devīpūjanakarmaṇi | brāhmaṇāya ca dātavyaṁ madhu kāntiryato bhavet

— on the sixth tithi, honey is prescribed in the rite of Devi-worship; and honey should be given to a brahmin, from which radiance results,

Verse 12 (devibhagavatam.8.24.12)

सप्तम्यां गुडनैवेद्यं देव्यै दत्त्वा द्विजाय च । गुडं दत्त्वा शोकहीनो जायते द्विजसत्तम

saptamyāṁ guḍanaivedyaṁ devyai dattvā dvijāya ca | guḍaṁ dattvā śokahīno jāyate dvijasattama

— on the seventh, having offered jaggery as naivedya to the Devi, and given it to a brahmin — O best of the twice-born, by giving jaggery a person becomes free from sorrow,

Verse 13 (devibhagavatam.8.24.13)

नारिकेलमथाष्टम्यां देव्यै नैवेद्यमर्पयेत् । ब्राह्मणाय प्रदातव्यं तापहीनो भवेन्नरः

nārikelamathāṣṭamyāṁ devyai naivedyamarpayet | brāhmaṇāya pradātavyaṁ tāpahīno bhavennaraḥ

— then, on the eighth, one should offer coconut as naivedya to the Devi; it should be given to a brahmin, whereby a person becomes free from affliction,

Verse 14 (devibhagavatam.8.24.14)

नवम्यां लाजमम्बायै चार्पयित्वा द्विजाय च । दत्त्वा सुखाधिको भूयादिह लोके परत्र च

navamyāṁ lājamambāyai cārpayitvā dvijāya ca | dattvā sukhādhiko bhūyādiha loke paratra ca

— on the ninth, having offered parched grain to the Mother, and given it to a brahmin, one attains greater happiness, both in this world and the next,

Verse 15 (devibhagavatam.8.24.15)

दशम्यामर्पयित्वा तु देव्यै कृष्णतिलान्मुने । ब्राह्मणाय प्रदत्त्वा तु यमलोकाद्भयं न हि

daśamyāmarpayitvā tu devyai kṛṣṇatilānmune | brāhmaṇāya pradattvā tu yamalokādbhayaṁ na hi

— on the tenth, having offered black sesame seeds to the Devi, O sage, and given them to a brahmin, one indeed has no fear of the world of Yama,

Verse 16 (devibhagavatam.8.24.16)

एकादश्यां दधि तथा देव्यै चार्पयते तु यः । ददाति ब्राह्मणायैतद्देवीप्रियतमो भवेत्

ekādaśyāṁ dadhi tathā devyai cārpayate tu yaḥ | dadāti brāhmaṇāyaitaddevīpriyatamo bhavet

— he who, on the eleventh, offers curd to the Devi, and gives this to a brahmin, becomes most dear to the Devi,

Verse 17 (devibhagavatam.8.24.17)

द्वादश्यां पृथुकान्देव्यै दत्त्वाचार्याय यो ददेत् । तानेव च मुनिश्रेष्ठ स देवीप्रियतां व्रजेत्

dvādaśyāṁ pṛthukāndevyai dattvācāryāya yo dadet | tāneva ca muniśreṣṭha sa devīpriyatāṁ vrajet

— he who, on the twelfth, having offered flattened rice to the Devi, gives that same to his teacher — O best of sages, he attains the Devi's special favor,

Verse 18 (devibhagavatam.8.24.18)

त्रयोदश्यां च दुर्गायै चणकान्प्रददाति च । तानेव दत्त्वा विप्राय प्रजासन्ततिमान्भवेत्

trayodaśyāṁ ca durgāyai caṇakānpradadāti ca | tāneva dattvā viprāya prajāsantatimānbhavet

— and he who, on the thirteenth, offers chickpeas to Durga, and gives these to a brahmin, is blessed with an unbroken lineage of offspring,

Verse 19 (devibhagavatam.8.24.19)

चतुर्दश्यां च देवर्षे देव्यै सक्तून्प्रयच्छति । तानेव दद्याद्विप्राय शिवस्य दयितो भवेत्

caturdaśyāṁ ca devarṣe devyai saktūnprayacchati | tāneva dadyādviprāya śivasya dayito bhavet

— and, O divine sage, he who on the fourteenth offers roasted grain-flour (saktu) to the Devi, and gives that same to a brahmin, becomes beloved of Shiva,

Verse 20 (devibhagavatam.8.24.20)

पायसं पूर्णिमातिथ्यामपर्णायै प्रयच्छति । ददाति च द्विजाग्र्याय पितृनुद्धरतेऽखिलान्

pāyasaṁ pūrṇimātithyāmaparṇāyai prayacchati | dadāti ca dvijāgryāya pitṛnuddharate'khilān

— he who, on the full-moon tithi, offers rice-pudding to Aparna (the Devi), and gives it to a foremost brahmin, delivers all his forefathers.

Verse 21 (devibhagavatam.8.24.21)

तत्तिथौ हवनं प्रोक्तं देवीप्रीत्यै महामुने । तत्तत्तिथ्युक्तवस्तूनामशेषारिष्टनाशनम्

tattithau havanaṁ proktaṁ devīprītyai mahāmune | tattattithyuktavastūnāmaśeṣāriṣṭanāśanam

On each such tithi, a fire-offering too is prescribed for the Devi's pleasure, O great sage; offering the substances stated for that tithi destroys every calamity entirely,

Verse 22 (devibhagavatam.8.24.22)

रविवारे पायसं च नैवेद्यं परिकीर्तितम् । सोमवारे पयः प्रोक्तं भौमे च कदलीफलम्

ravivāre pāyasaṁ ca naivedyaṁ parikīrtitam | somavāre payaḥ proktaṁ bhaume ca kadalīphalam

— on Sunday, rice-pudding is declared as naivedya; on Monday, milk is prescribed; and on Tuesday, plantain fruit,

Verse 23 (devibhagavatam.8.24.23)

बुधवारे च सम्प्रोक्तं नवनीतं नवं द्विज । गुरुवारे शर्करां च सितां भार्गववासरे

budhavāre ca samproktaṁ navanītaṁ navaṁ dvija | guruvāre śarkarāṁ ca sitāṁ bhārgavavāsare

— O brahmin, on Wednesday, fresh butter is declared; on Thursday, sugar; and on Friday (Bhargava's day), white sugar-candy,

Verse 24 (devibhagavatam.8.24.24)

शनिवारे घृतं गव्यं नैवेद्यं परिकीर्तितम् । सप्तविंशतिनक्षत्रनैवेद्यं श्रूयतां मुने

śanivāre ghṛtaṁ gavyaṁ naivedyaṁ parikīrtitam | saptaviṁśatinakṣatranaivedyaṁ śrūyatāṁ mune

— on Saturday, ghee made from cow's milk is declared as the naivedya. Now hear, O sage, the offerings prescribed for the twenty-seven lunar mansions:

Verse 25 (devibhagavatam.8.24.25)

घृतं तिलं शर्करां च दधि दुग्धं किलाटकम् । दथिकूर्ची मोदकं च फेणिकां घृतमण्डकम्

ghṛtaṁ tilaṁ śarkarāṁ ca dadhi dugdhaṁ kilāṭakam | dathikūrcī modakaṁ ca pheṇikāṁ ghṛtamaṇḍakam

Ghee, sesame, sugar, curd, milk, thickened milk (kilata), curd-lumps (dadhikurchi), sweet balls (modaka), a flaky sweet (phenika), ghee-cake,

Verse 26 (devibhagavatam.8.24.26)

कंसारं वटपत्रं च घृतपूरमतः परम् । वटकं कोकरसकं पूरणं मधु सूरणम्

kaṁsāraṁ vaṭapatraṁ ca ghṛtapūramataḥ param | vaṭakaṁ kokarasakaṁ pūraṇaṁ madhu sūraṇam

rice-milk pudding, vatapatra, and further ghritapura, vataka, kokarasa, a stuffed sweet (purana), honey, and yam,

Verse 27 (devibhagavatam.8.24.27)

गुडं पृथुकद्राक्षे च खर्जूरं चैव चारकम् । अपूपं नवनीतं च मुद्गं मोदक एव च

guḍaṁ pṛthukadrākṣe ca kharjūraṁ caiva cārakam | apūpaṁ navanītaṁ ca mudgaṁ modaka eva ca

jaggery, flattened rice and grapes, dates, and charaka, sweet cakes, fresh butter, mung beans, and modaka too,

Verse 28 (devibhagavatam.8.24.28)

मातुलिङ्गमिति प्रोक्तं भनैवेद्यं च नारद । विष्कम्भादिषु योगेषु प्रवक्ष्यामि निवेदनम्

mātuliṅgamiti proktaṁ bhanaivedyaṁ ca nārada | viṣkambhādiṣu yogeṣu pravakṣyāmi nivedanam

— and citron is thus declared as naivedya, O Narada. Now I shall describe the offerings for the astrological yogas beginning with Vishkambha,

Verse 29 (devibhagavatam.8.24.29)

पदार्थानां कृतेष्वेषु प्रीणाति जगदम्बिका । गुडं मधु घृतं दुग्धं दधि तक्रं त्वपूपकम्

padārthānāṁ kṛteṣveṣu prīṇāti jagadambikā | guḍaṁ madhu ghṛtaṁ dugdhaṁ dadhi takraṁ tvapūpakam

— offering which the Mother of the world is pleased: jaggery, honey, ghee, milk, curd, buttermilk, and sweet cakes,

Verse 30 (devibhagavatam.8.24.30)

नवनीतं कर्कटीं च कूष्माण्डं चापि मोदकम् । पनसं कदलं जम्बुफलमाम्रफलं तिलम्

navanītaṁ karkaṭīṁ ca kūṣmāṇḍaṁ cāpi modakam | panasaṁ kadalaṁ jambuphalamāmraphalaṁ tilam

fresh butter, cucumber, pumpkin, sweet balls, jackfruit, plantain, jambu fruit, mango, sesame,

Verse 31 (devibhagavatam.8.24.31)

नारङ्गं दाडिमं चैव बदरीफलमेव च । धात्रीफलं पायसञ्च पृथुकं चणकं तथा

nāraṅgaṁ dāḍimaṁ caiva badarīphalameva ca | dhātrīphalaṁ pāyasañca pṛthukaṁ caṇakaṁ tathā

orange, and pomegranate, and jujube fruit, amla fruit, rice-pudding, flattened rice, and chickpeas as well,

Verse 32 (devibhagavatam.8.24.32)

नारिकेलं जम्भफलं कसेरुं सूरणं तथा । एतानि क्रमशो विप्र नैवेद्यानि शुभानि च

nārikelaṁ jambhaphalaṁ kaseruṁ sūraṇaṁ tathā | etāni kramaśo vipra naivedyāni śubhāni ca

coconut, jambhira fruit (a citrus), water-chestnut, and yam — these, O brahmin, in due order, are the auspicious naivedya offerings,

Verse 33 (devibhagavatam.8.24.33)

विष्कम्भादिषु योगेषु निर्णीतानि मनीषिभिः । अथ नैवेद्यमाख्यास्ये करणानां पृथङ्मुने

viṣkambhādiṣu yogeṣu nirṇītāni manīṣibhiḥ | atha naivedyamākhyāsye karaṇānāṁ pṛthaṅmune

— as determined by the wise for the yogas beginning with Vishkambha. Now, O sage, I shall describe separately the naivedya for the karanas (half-tithi periods),

Verse 34 (devibhagavatam.8.24.34)

कंसारं मण्डकं फेणी मोदकं वटपत्रकम् । लड्डुकं घृतपूरं च तिलं दधि घृतं मधु

kaṁsāraṁ maṇḍakaṁ pheṇī modakaṁ vaṭapatrakam | laḍḍukaṁ ghṛtapūraṁ ca tilaṁ dadhi ghṛtaṁ madhu

rice-milk pudding, a flat cake, phenika, sweet balls, vatapatra, laddu, ghritapura, sesame, curd, ghee, and honey —

Verse 35 (devibhagavatam.8.24.35)

करणानामिदं प्रोक्तं देवीनैवेद्यमादरात् । अथान्यत्सम्प्रवक्ष्यामि देवीप्रीतिकरं परम्

karaṇānāmidaṁ proktaṁ devīnaivedyamādarāt | athānyatsampravakṣyāmi devīprītikaraṁ param

— this, with due reverence, has been declared as the Devi's naivedya for the karanas. Now I shall next describe another, supreme means of pleasing the Devi:

Verse 36 (devibhagavatam.8.24.36)

विधानं नारदमुने शृणु तत्सर्वमादृतः । चैत्रशुद्धतृतीयायां नरो मधुकवृक्षकम्

vidhānaṁ nāradamune śṛṇu tatsarvamādṛtaḥ | caitraśuddhatṛtīyāyāṁ naro madhukavṛkṣakam

— hear that entire rite with reverence, O sage Narada. On the third tithi of the bright fortnight of Chaitra, a person should worship the Madhuka tree (mahua),

Verse 37 (devibhagavatam.8.24.37)

पूजयेत्पञ्च खाद्यं च नैवेद्यमुपकल्पयेत् । एवं द्वादशमासेषु तृतीयातिथिषु क्रमात्

pūjayetpañca khādyaṁ ca naivedyamupakalpayet | evaṁ dvādaśamāseṣu tṛtīyātithiṣu kramāt

— worship it, preparing five kinds of food as naivedya. Thus, in due order, on the third tithi of each of the twelve months,

Verse 38 (devibhagavatam.8.24.38)

शुक्लपक्षे विधानेन नैवेद्यमभिदध्महे । वैशाखमासे नैवेद्यं गुडयुक्तं च नारद

śuklapakṣe vidhānena naivedyamabhidadhmahe | vaiśākhamāse naivedyaṁ guḍayuktaṁ ca nārada

— in the bright fortnight, we now declare, according to due method, the naivedya for each. In the month of Vaishakha, O Narada, the naivedya should be mixed with jaggery,

Verse 39 (devibhagavatam.8.24.39)

ज्येष्ठमासे मधु प्रोक्तं देवीप्रीत्यर्थमेव तु । आषाढे नवनीतं च मधुकस्य निवेदनम्

jyeṣṭhamāse madhu proktaṁ devīprītyarthameva tu | āṣāḍhe navanītaṁ ca madhukasya nivedanam

— in the month of Jyeshtha, honey is prescribed, purely for the Devi's pleasure; in Ashadha, fresh butter is the offering for the Madhuka,

Verse 40 (devibhagavatam.8.24.40)

श्रावणे दधि नैवेद्यं भाद्रमासे च शर्करा । आश्विने पायसं प्रोक्तं कार्तिके पय उत्तमम्

śrāvaṇe dadhi naivedyaṁ bhādramāse ca śarkarā | āśvine pāyasaṁ proktaṁ kārtike paya uttamam

— in Shravana, curd is the naivedya; in the month of Bhadra, sugar; in Ashvina, rice-pudding is prescribed; in Kartika, excellent milk,

Verse 41 (devibhagavatam.8.24.41)

मार्गे फेण्युत्तमा प्रोक्ता पौषे च दधिकूर्चिका । माघे मासि च नैवेद्यं मृतं गव्यं समाहरेत्

mārge pheṇyuttamā proktā pauṣe ca dadhikūrcikā | māghe māsi ca naivedyaṁ mṛtaṁ gavyaṁ samāharet

— in Margashirsha, excellent phenika is prescribed, and in Pausha, dadhikurchi (curd-lumps); and in the month of Magha, one should prepare ghee from cow's milk as the naivedya,

Verse 42 (devibhagavatam.8.24.42)

नारिकेलं च नैवेद्यं फाल्गुने परिकीर्तितम् । एवं द्वादशनैवेद्यैर्मासे च क्रमतोऽर्चयेत्

nārikelaṁ ca naivedyaṁ phālgune parikīrtitam | evaṁ dvādaśanaivedyairmāse ca kramato'rcayet

— and coconut is declared the naivedya in Phalguna. Thus, with these twelve naivedyas, one should worship in due order, month by month,

Verse 43 (devibhagavatam.8.24.43)

मङ्गला वैष्णवी माया कालरात्रिर्दुरत्यया । महामाया मतङ्गी च काली कमलवासिनी

maṅgalā vaiṣṇavī māyā kālarātrirduratyayā | mahāmāyā mataṅgī ca kālī kamalavāsinī

— with these names: Mangala, Vaishnavi, Maya, the insurmountable Kalaratri, Mahamaya, Matangi, Kali, the dweller in the lotus,

Verse 44 (devibhagavatam.8.24.44)

शिवा सहस्रचरणा सर्वमङ्गलरूपिणी । एभिर्नामपदैर्देवीं मधूके परिपूजयेत्

śivā sahasracaraṇā sarvamaṅgalarūpiṇī | ebhirnāmapadairdevīṁ madhūke paripūjayet

— Shiva, the thousand-footed one, the very embodiment of all auspiciousness. With these names, one should worship the Devi fully in the Madhuka tree,

Verse 45 (devibhagavatam.8.24.45)

ततः स्तुवीत देवेशीं मधूकस्थां महेश्वरीम् । सर्वकामसमृद्।ह्ध्यर्थं व्रतपूर्णत्वसिद्धये

tataḥ stuvīta deveśīṁ madhūkasthāṁ maheśvarīm | sarvakāmasamṛd|hdhyarthaṁ vratapūrṇatvasiddhaye

— then one should praise that Goddess of gods, Maheshvari, dwelling in the Madhuka, for the fulfillment of every desire and for the completion of the vow,

Verse 46 (devibhagavatam.8.24.46)

नमः पुष्करनेत्रायै जगद्धात्र्यै नमोऽस्तु ते । माहेश्वर्यं महादेव्यै महामङ्गलमूर्तये

namaḥ puṣkaranetrāyai jagaddhātryai namo'stu te | māheśvaryaṁ mahādevyai mahāmaṅgalamūrtaye

"Homage to the lotus-eyed one! Homage to you, the sustainer of the world! Homage to the power of Maheshvara, to the great Goddess, the very form of supreme auspiciousness,

Verse 47 (devibhagavatam.8.24.47)

परमा पापहन्त्री च परमार्गप्रदायिनी । परमेश्वरी प्रजोत्पत्तिः परब्रह्मस्वरूपिणी

paramā pāpahantrī ca paramārgapradāyinī | parameśvarī prajotpattiḥ parabrahmasvarūpiṇī

— the Supreme One, destroyer of sin, granter of the supreme path; the Supreme Sovereign, the very source of the generation of offspring, whose form is the Supreme Brahman,

Verse 48 (devibhagavatam.8.24.48)

मददात्री मदोन्मत्ता मानगम्या महोन्नता । मनस्विनी मुनिध्येया मार्तण्डसहचारिणी

madadātrī madonmattā mānagamyā mahonnatā | manasvinī munidhyeyā mārtaṇḍasahacāriṇī

— the giver of divine rapture, herself rapt in bliss, attained through reverence, of supreme majesty; wise of mind, meditated upon by sages, the companion of the sun,

Verse 49 (devibhagavatam.8.24.49)

जय लोकेश्वरि प्राज्ञे प्रलयाम्बुदसन्निभे । महामोहविनाशार्थं पूजितासि सुरासुरैः

jaya lokeśvari prājñe pralayāmbudasannibhe | mahāmohavināśārthaṁ pūjitāsi surāsuraiḥ

"Victory to you, O Sovereign of the worlds, O wise one, resembling the storm-clouds of dissolution! For the destruction of great delusion you are worshipped by gods and demons alike,

Verse 50 (devibhagavatam.8.24.50)

यमलोकाभावकर्त्री यमपूज्या यमाग्रजा । यमनिग्रहरूपा च यजनीये नमो नमः

yamalokābhāvakartrī yamapūjyā yamāgrajā | yamanigraharūpā ca yajanīye namo namaḥ

— you who annul the very realm of Yama, worshipped by Yama himself, born before Yama, and whose very form restrains Yama — O worthy of worship, homage, homage to you,

Verse 51 (devibhagavatam.8.24.51)

समस्वभावा सर्वेशी सर्वसङ्गविवर्जिता । सङ्गनाशकरी काम्यरूपा कारुण्यविग्रहा

samasvabhāvā sarveśī sarvasaṅgavivarjitā | saṅganāśakarī kāmyarūpā kāruṇyavigrahā

— equal-natured toward all, sovereign over all, free from every attachment; the destroyer of attachment, of a desirable form, the very embodiment of compassion,

Verse 52 (devibhagavatam.8.24.52)

कङ्कालक्रूरा कामाक्षी मीनाक्षी मर्मभेदिनी । माधुर्यरूपशीला च मधुरस्वरपूजिता

kaṅkālakrūrā kāmākṣī mīnākṣī marmabhedinī | mādhuryarūpaśīlā ca madhurasvarapūjitā

— fierce as the wielder of the skeleton-staff, desire-eyed, fish-eyed (Meenakshi), the piercer of vital points; sweet and gentle of nature, worshipped with sweet-toned hymns,

Verse 53 (devibhagavatam.8.24.53)

महामन्त्रवती मन्त्रगम्या मन्त्रप्रियङ्करी । मनुष्यमानसगमा मन्मथारिप्रियङ्करी

mahāmantravatī mantragamyā mantrapriyaṅkarī | manuṣyamānasagamā manmathāripriyaṅkarī

— possessed of the great mantra, attainable through mantra, delighting in mantras; accessible to the human mind, beloved of the enemy of Manmatha (Shiva),

Verse 54 (devibhagavatam.8.24.54)

अश्वत्थवटनिम्बाम्रकपित्थबदरीगते । पनसार्ककरीरादिक्षीरवृक्षस्वरूपिणी

aśvatthavaṭanimbāmrakapitthabadarīgate | panasārkakarīrādikṣīravṛkṣasvarūpiṇī

— present in the peepal, banyan, neem, mango, wood-apple, and jujube trees; whose very form is that of the milk-bearing trees such as jackfruit, arka, and karira,

Verse 55 (devibhagavatam.8.24.55)

दुग्धवल्लीनिवासार्हे दयनीये दयाधिके । दाक्षिण्यकरुणारूपे जय सर्वज्ञवल्लभे

dugdhavallīnivāsārhe dayanīye dayādhike | dākṣiṇyakaruṇārūpe jaya sarvajñavallabhe

— fit to dwell within the milk-vines, worthy of tenderness, abounding in mercy, the very embodiment of graciousness and compassion — victory to you, O beloved of the All-Knowing!"

Verse 56 (devibhagavatam.8.24.56)

एवं स्तवेन देवेशीं पूजनान्ते स्तुवीत ताम् । व्रतस्य सकलं पुण्यं लभते सर्वदा नरः

evaṁ stavena deveśīṁ pūjanānte stuvīta tām | vratasya sakalaṁ puṇyaṁ labhate sarvadā naraḥ

Thus, with this hymn, one should praise the Goddess of gods at the close of worship; by this a person always obtains the full merit of the vow.

Verse 57 (devibhagavatam.8.24.57)

नित्यं यः पठते स्तोत्रं देवीप्रीतिकरं नरः । आधिव्याधिभयं नास्ति रिपुभीतिर्न तस्य हि

nityaṁ yaḥ paṭhate stotraṁ devīprītikaraṁ naraḥ | ādhivyādhibhayaṁ nāsti ripubhītirna tasya hi

That person who daily recites this stotra, which delights the Devi, has no fear of mental or physical affliction, nor indeed any fear of enemies,

Verse 58 (devibhagavatam.8.24.58)

अर्थार्थी चार्थमाप्नोति धर्मार्थी धर्ममाप्नुयात् । कामानवाप्नुयात्कामी मोक्षार्थी मोक्षमाजप्नुयात्

arthārthī cārthamāpnoti dharmārthī dharmamāpnuyāt | kāmānavāpnuyātkāmī mokṣārthī mokṣamājapnuyāt

— one seeking wealth obtains wealth; one seeking dharma attains dharma; one seeking desire attains his desires; one seeking liberation attains liberation,

Verse 59 (devibhagavatam.8.24.59)

ब्राह्मणो वेदसम्पनो विजयी क्षत्रियो भवेत् । वैश्यश्च धनधान्याढ्यो भवेच्छूद्रः सुखाधिकः

brāhmaṇo vedasampano vijayī kṣatriyo bhavet | vaiśyaśca dhanadhānyāḍhyo bhavecchūdraḥ sukhādhikaḥ

— a brahmin becomes accomplished in the Vedas; a kshatriya becomes victorious; a vaishya grows rich in wealth and grain; and a shudra attains greater happiness.

Verse 60 (devibhagavatam.8.24.60)

स्तोत्रमेतच्छ्राद्धकाले यः पठेत्प्रयतो नरः । पितॄणामक्षया तृप्तिर्जायते कल्पवर्तिनी

stotrametacchrāddhakāle yaḥ paṭhetprayato naraḥ | pitṝṇāmakṣayā tṛptirjāyate kalpavartinī

That disciplined person who recites this stotra at the time of shraddha causes his ancestors to attain an imperishable satisfaction, one that endures for an entire kalpa.

Verse 61 (devibhagavatam.8.24.61)

एवमाराधनं देव्याः समुक्तं सुरपूजितम् । यः करोति नरो भक्त्या स देवीलोकभाग्भवेत्

evamārādhanaṁ devyāḥ samuktaṁ surapūjitam | yaḥ karoti naro bhaktyā sa devīlokabhāgbhavet

Thus the worship of the Devi, honored even by the gods, has been fully declared. That person who performs it with devotion becomes a sharer in the world of the Devi.

Verse 62 (devibhagavatam.8.24.62)

देवीपूजनतो विप्र सर्वे कामा भवन्ति हि । सर्वपापहतिः शुद्धा मतिरन्ते प्रजायते

devīpūjanato vipra sarve kāmā bhavanti hi | sarvapāpahatiḥ śuddhā matirante prajāyate

O brahmin, through worship of the Devi, indeed every desire is fulfilled; all sin is destroyed, and a pure understanding is born at the end of life,

Verse 63 (devibhagavatam.8.24.63)

यत्र तत्र भवेत्पूज्यो मान्यो मानधनेषु च । जायते जगदम्बायाः प्रसादेन विरञ्चिज

yatra tatra bhavetpūjyo mānyo mānadhaneṣu ca | jāyate jagadambāyāḥ prasādena virañcija

— wherever he goes, he becomes worthy of worship and honor, respected even among the most dignified; this comes about, O son of the lotus-born, by the grace of the Mother of the world,

Verse 64 (devibhagavatam.8.24.64)

नरकाणां न तस्यास्ति भयं स्वप्नेऽपि कुत्रचित् । महामायाप्रसादेन पुत्रपौत्रादिवर्धनः

narakāṇāṁ na tasyāsti bhayaṁ svapne'pi kutracit | mahāmāyāprasādena putrapautrādivardhanaḥ

— he has no fear of the hells anywhere, not even in a dream. By the grace of Mahamaya, he flourishes with sons, grandsons, and more,

Verse 65 (devibhagavatam.8.24.65)

देवीभक्तो भवत्येव नात्र कार्या विचारणा । इत्येवं ते समाख्यातं नरकोद्धारलक्षणम्

devībhakto bhavatyeva nātra kāryā vicāraṇā | ityevaṁ te samākhyātaṁ narakoddhāralakṣaṇam

— and he indeed becomes a devotee of the Devi — no doubt should be entertained about this. Thus has this teaching, marked by deliverance from hell, been declared to you,

Verse 66 (devibhagavatam.8.24.66)

पूजनं हि महादेव्याः सर्वमङ्गलकारकम् । मधूकपूजनं तद्वन्मासानां क्रमतो मुने

pūjanaṁ hi mahādevyāḥ sarvamaṅgalakārakam | madhūkapūjanaṁ tadvanmāsānāṁ kramato mune

— for the worship of the great Devi brings about every auspiciousness. Likewise, O sage, the worship of the Madhuka tree, performed month by month in due order,

Verse 67 (devibhagavatam.8.24.67)

सर्वं समाचरेद्यस्तु पूजनं मधुकाह्वयम् । न तस्य रोगबाधादिभयमुद्भवतेऽनघ

sarvaṁ samācaredyastu pūjanaṁ madhukāhvayam | na tasya rogabādhādibhayamudbhavate'nagha

— whoever performs this entire worship, called the worship of the Madhuka, for him, O sinless one, no fear of disease or affliction ever arises.

Verse 68 (devibhagavatam.8.24.68)

अथान्यदपि वक्ष्यामि प्रकृतेः पञ्चकं परम् । नाम्ना रूपेण चोत्पत्त्या जगदानन्ददायकम्

athānyadapi vakṣyāmi prakṛteḥ pañcakaṁ param | nāmnā rūpeṇa cotpattyā jagadānandadāyakam

Now I shall tell of something else as well — the supreme fivefold Prakriti, described by name, by form, and by origin, the bestower of joy upon the world,

Verse 69 (devibhagavatam.8.24.69)

साख्यानं च समाहात्म्यं प्रकृतेः पञ्चकं मुने । कुतूहलकर चैव शृणु मुक्तिविधायकम्

sākhyānaṁ ca samāhātmyaṁ prakṛteḥ pañcakaṁ mune | kutūhalakara caiva śṛṇu muktividhāyakam

— hear, O sage, the account and full greatness of this fivefold Prakriti — a thing both wondrous to hear and one that bestows liberation.