Narayana-Narada Dialogue: Shakti's Manifestation

Verse 1 (devibhagavatam.9.15.1)

नारद उवाच । नारायणप्रिया साध्वी कथं सा च बभूव ह । तुलसी कुत्र सम्भूता का वा सा पूर्वजन्मनि

nārada uvāca | nārāyaṇapriyā sādhvī kathaṁ sā ca babhūva ha | tulasī kutra sambhūtā kā vā sā pūrvajanmani

Narada said: How did that virtuous woman become the beloved of Narayana? Where was Tulasi born, and who was she in her former birth?

Verse 2 (devibhagavatam.9.15.2)

कस्य वा सा कुले जाता कस्य कन्या कुले सती । केन वा तपसा सा च सम्प्राप्ता प्रकृतेः परम्

kasya vā sā kule jātā kasya kanyā kule satī | kena vā tapasā sā ca samprāptā prakṛteḥ param

In whose lineage was she born, whose daughter was that virtuous one? And by what austerity did she attain a state beyond Prakriti?

Verse 3 (devibhagavatam.9.15.3)

निर्विकारं निरीहं च सर्वविश्वस्वरूपकम् । नारायणं परं ब्रह्म परमेश्वरमीश्वरम्

nirvikāraṁ nirīhaṁ ca sarvaviśvasvarūpakam | nārāyaṇaṁ paraṁ brahma parameśvaramīśvaram

— Narayana, changeless, desireless, the very form of the whole universe, the Supreme Brahman, the Supreme Lord, the Lord —

Verse 4 (devibhagavatam.9.15.4)

सर्वाराध्यं च सर्वेशं सर्वज्ञं सर्वकारणम् । सर्वाधारं सर्वरूपं सर्वेषां परिपालकम्

sarvārādhyaṁ ca sarveśaṁ sarvajñaṁ sarvakāraṇam | sarvādhāraṁ sarvarūpaṁ sarveṣāṁ paripālakam

— worshipped by all, the master of all, all-knowing, the cause of all, the support of all, the form of all, the sustainer of all —

Verse 5 (devibhagavatam.9.15.5)

कथमेतादृशी देवी वृक्षत्वं समवाप ह । कथं साप्यसुरग्रस्ता सम्बभूव तपस्विनी

kathametādṛśī devī vṛkṣatvaṁ samavāpa ha | kathaṁ sāpyasuragrastā sambabhūva tapasvinī

— how did such a goddess come to attain the state of a plant? And how did she, a woman of austerity, come to be seized by an asura?

Verse 6 (devibhagavatam.9.15.6)

सुस्निग्धं मे मनो लोलं प्रेरयन्मां मुहुर्मुहुः । छेत्तुमर्हसि सन्देहं सर्वं सन्देहभञ्जन

susnigdhaṁ me mano lolaṁ prerayanmāṁ muhurmuhuḥ | chettumarhasi sandehaṁ sarvaṁ sandehabhañjana

My affectionate, restless mind urges me on again and again; O Dispeller of all doubt, you should cut through this doubt of mine entirely.

Verse 7 (devibhagavatam.9.15.7)

श्रीनारायण उवाच । मनुश्च दक्षसावर्णिः पुण्यवान् वैष्णवः शुचिः । यशस्वी कीर्तिमांश्चैव विष्णोरंशसमुद्भवः

śrīnārāyaṇa uvāca | manuśca dakṣasāvarṇiḥ puṇyavān vaiṣṇavaḥ śuciḥ | yaśasvī kīrtimāṁścaiva viṣṇoraṁśasamudbhavaḥ

Sri Narayana said: There was Manu Daksha-savarni, virtuous, a devotee of Vishnu, pure, famed and glorious, himself born of a portion of Vishnu.

Verse 8 (devibhagavatam.9.15.8)

तत्पुत्रो ब्रह्मसावर्णिर्धर्मिष्ठो वैष्णवः शुचिः । तत्पुत्रो धर्मसावर्णिर्वैष्णवश्च जितेन्द्रियः

tatputro brahmasāvarṇirdharmiṣṭho vaiṣṇavaḥ śuciḥ | tatputro dharmasāvarṇirvaiṣṇavaśca jitendriyaḥ

His son was Brahma-savarni, righteous, a Vaishnava, and pure; his son was Dharma-savarni, a Vaishnava of conquered senses.

Verse 9 (devibhagavatam.9.15.9)

तत्पुत्रो रुद्रसावर्णिर्भक्तिमान्विजितेन्द्रियः । तत्पुत्रो देवसावर्णिर्विष्णुव्रतपरायणः

tatputro rudrasāvarṇirbhaktimānvijitendriyaḥ | tatputro devasāvarṇirviṣṇuvrataparāyaṇaḥ

His son was Rudra-savarni, devoted and self-controlled; his son was Deva-savarni, wholly devoted to the vow of Vishnu.

Verse 10 (devibhagavatam.9.15.10)

तत्पुत्र इन्द्रसावर्णिर्महाविष्णुपरायणः । वृषध्वजश्च तत्पुत्रो वृषध्वजपरायणः

tatputra indrasāvarṇirmahāviṣṇuparāyaṇaḥ | vṛṣadhvajaśca tatputro vṛṣadhvajaparāyaṇaḥ

His son was Indra-savarni, wholly devoted to the great Vishnu; his son was Vrishadhvaja, who was himself devoted to Vrishadhvaja, the Bull-bannered Lord.

Verse 11 (devibhagavatam.9.15.11)

यस्याश्रमे स्वयं शम्भुरासीद्देवयुगत्रयम् । पुत्रादपि परः स्नेहो नृपे तस्मिञ्छिवस्य च

yasyāśrame svayaṁ śambhurāsīddevayugatrayam | putrādapi paraḥ sneho nṛpe tasmiñchivasya ca

In whose hermitage Shambhu himself dwelt for three ages of the gods; Shiva's affection for that king was greater even than for a son.

Verse 12 (devibhagavatam.9.15.12)

न च नारायणं मेने न लक्ष्मीं न सरस्वतीम् । पूजां च सर्वदेवानां दूरीभूता चकार सः

na ca nārāyaṇaṁ mene na lakṣmīṁ na sarasvatīm | pūjāṁ ca sarvadevānāṁ dūrībhūtā cakāra saḥ

He did not honor Narayana, nor Lakshmi, nor Sarasvati; and he set the worship of all the other gods far from himself.

Verse 13 (devibhagavatam.9.15.13)

भाद्रे मासि महालक्ष्मीपूजां मत्तो बभञ्ज ह । तथा माघीयपञ्चम्यां विस्मृता सर्वदैवतैः

bhādre māsi mahālakṣmīpūjāṁ matto babhañja ha | tathā māghīyapañcamyāṁ vismṛtā sarvadaivataiḥ

In the month of Bhadra he broke off the worship of Mahalakshmi that comes from me; and likewise on the fifth of Magha he forgot the worship of all the gods.

Verse 14 (devibhagavatam.9.15.14)

पापः सरस्वतीपूजां दूरीभूता चकार सः । यज्ञं च विष्णुपूजां च निन्दन्तं तं दिवाकरः

pāpaḥ sarasvatīpūjāṁ dūrībhūtā cakāra saḥ | yajñaṁ ca viṣṇupūjāṁ ca nindantaṁ taṁ divākaraḥ

That sinful one set the worship of Sarasvati far aside as well; and the Sun-god saw him reviling both sacrifice and the worship of Vishnu.

Verse 15 (devibhagavatam.9.15.15)

चुकोप देवो भूपेन्द्रं शशाप शिवकारणात् । भ्रष्टश्रीस्त्वञ्च भवेति तं शशाप दिवाकरः

cukopa devo bhūpendraṁ śaśāpa śivakāraṇāt | bhraṣṭaśrīstvañca bhaveti taṁ śaśāpa divākaraḥ

The god grew angry and, because of his one-sided devotion to Shiva, cursed the king: "You shall become bereft of fortune" — thus the Sun cursed him.

Verse 16 (devibhagavatam.9.15.16)

शूलं गृहीत्वा तं सूर्यमधावच्छङ्करः स्वयम् । पित्रा सार्धं दिनेशश्च ब्रह्माणं शरणं ययौ

śūlaṁ gṛhītvā taṁ sūryamadhāvacchaṅkaraḥ svayam | pitrā sārdhaṁ dineśaśca brahmāṇaṁ śaraṇaṁ yayau

Taking up his trident, Shankara himself rushed at the Sun; and the Sun-lord, together with his father, took refuge with Brahma.

Verse 17 (devibhagavatam.9.15.17)

शिवस्त्रिशूलहस्तश्च ब्रह्मलोकं ययौ क्रुधा । ब्रह्मा सूर्यं पुरस्कृत्य वैकुण्ठं च ययौ भिया

śivastriśūlahastaśca brahmalokaṁ yayau krudhā | brahmā sūryaṁ puraskṛtya vaikuṇṭhaṁ ca yayau bhiyā

Shiva, trident in hand, went in fury to Brahmaloka; and Brahma, placing the Sun before him, went in fear to Vaikuntha.

Verse 18 (devibhagavatam.9.15.18)

ब्रह्मकश्यपमार्तण्डाः सन्त्रस्ताः शुष्कतालुकाः । नारायणं च सर्वेशं ते ययुः शरणं भिया

brahmakaśyapamārtaṇḍāḥ santrastāḥ śuṣkatālukāḥ | nārāyaṇaṁ ca sarveśaṁ te yayuḥ śaraṇaṁ bhiyā

Brahma, Kashyapa, and the Sun, terrified, their palates dry with fear, went for refuge to Narayana, the Lord of all.

Verse 19 (devibhagavatam.9.15.19)

मूर्छा प्रणेमुस्ते गत्वा तुष्टुवुश्च पुनः पुनः । सर्वं निवेदनं चक्रुर्भयस्य कारणं हरौ

mūrchā praṇemuste gatvā tuṣṭuvuśca punaḥ punaḥ | sarvaṁ nivedanaṁ cakrurbhayasya kāraṇaṁ harau

Going there, half-fainting, they bowed and praised him again and again; they told Hari the whole cause of their fear.

Verse 20 (devibhagavatam.9.15.20)

नारायणश्च कृपया तेभ्यश्च ह्यभयं ददौ । स्थिरा भवत हे भीता भयं किञ्च मयि स्थिते

nārāyaṇaśca kṛpayā tebhyaśca hyabhayaṁ dadau | sthirā bhavata he bhītā bhayaṁ kiñca mayi sthite

And Narayana, out of compassion, granted them freedom from fear: "Be steady, O frightened ones — what fear can there be while I am present?"

Verse 21 (devibhagavatam.9.15.21)

स्मरन्ति ये यत्र तत्र मां विपत्तौ भयान्विताः । तांस्तत्र गत्वा रक्षामि चक्रहस्तस्त्वरान्वितः

smaranti ye yatra tatra māṁ vipattau bhayānvitāḥ | tāṁstatra gatvā rakṣāmi cakrahastastvarānvitaḥ

Wherever those seized by fear in calamity remember me, there I go swiftly, discus in hand, and protect them.

Verse 22 (devibhagavatam.9.15.22)

पाताहं जगतां देवाः कर्ता च सततं सदा । स्रष्टा च ब्रह्मरूपेण संहर्ता शिवरूपतः

pātāhaṁ jagatāṁ devāḥ kartā ca satataṁ sadā | sraṣṭā ca brahmarūpeṇa saṁhartā śivarūpataḥ

O gods, I am ever and always the protector of the worlds and their maker; as Brahma I create, and as Shiva I destroy.

Verse 23 (devibhagavatam.9.15.23)

शिवोऽहं त्वमहं चापि सूर्योऽहं त्रिगुणात्मकः । विधाय नानारूपं च करोमि सृष्टिपालनम्

śivo'haṁ tvamahaṁ cāpi sūryo'haṁ triguṇātmakaḥ | vidhāya nānārūpaṁ ca karomi sṛṣṭipālanam

I am Shiva, I am you as well, and I am the Sun; being of the nature of the three gunas, I assume manifold forms and carry out creation and preservation.

Verse 24 (devibhagavatam.9.15.24)

यूयं गच्छत भद्रं वो भविष्यति भयं कुतः । अद्यप्रभृति मद्वरेण भयं वो नास्ति शङ्करात्

yūyaṁ gacchata bhadraṁ vo bhaviṣyati bhayaṁ kutaḥ | adyaprabhṛti madvareṇa bhayaṁ vo nāsti śaṅkarāt

Go now, may good befall you — what fear could there be? From today, by my boon, you shall have no fear from Shankara.

Verse 25 (devibhagavatam.9.15.25)

सर्वेशो वै स भगवाच्छङ्करश्च सतां पतिः । भक्ताधीनश्च भक्तानां भक्तात्मा भक्तवत्सलः

sarveśo vai sa bhagavācchaṅkaraśca satāṁ patiḥ | bhaktādhīnaśca bhaktānāṁ bhaktātmā bhaktavatsalaḥ

That Lord Shankara is indeed the master of all, the lord of the virtuous; subject to his devotees, their very soul, and ever affectionate toward them.

Verse 26 (devibhagavatam.9.15.26)

सुदर्शनः शिवश्चैव मम प्राणाधिकः प्रियः । ब्रह्माण्डेषु न तेजस्वी हे ब्रह्मन्ननयोः परः

sudarśanaḥ śivaścaiva mama prāṇādhikaḥ priyaḥ | brahmāṇḍeṣu na tejasvī he brahmannanayoḥ paraḥ

My discus Sudarshana, and Shiva too, are dearer to me than my own life; O Brahma, in all the universes there is none more radiant than these two.

Verse 27 (devibhagavatam.9.15.27)

शक्तः स्रष्टुं महादेवः सूर्यकोटिं च लीलया । कोटिं च ब्रह्मणामेवं नासाध्यं शूलिनः प्रभोः

śaktaḥ sraṣṭuṁ mahādevaḥ sūryakoṭiṁ ca līlayā | koṭiṁ ca brahmaṇāmevaṁ nāsādhyaṁ śūlinaḥ prabhoḥ

Mahadeva is capable of creating, in mere sport, a crore of suns and likewise a crore of Brahmas; nothing at all is beyond that trident-bearing Lord.

Verse 28 (devibhagavatam.9.15.28)

बाह्यज्ञानं नैव किञ्चिद्ध्यायते मां दिवानिशम् । मन्मन्त्रान्मद्गुणान्भक्त्या पञ्चवक्त्रेण गायति

bāhyajñānaṁ naiva kiñciddhyāyate māṁ divāniśam | manmantrānmadguṇānbhaktyā pañcavaktreṇa gāyati

Having no outward awareness at all, he meditates upon me day and night; with devotion, through his five faces, he sings my mantras and my glories.

Verse 29 (devibhagavatam.9.15.29)

अहमेवं चिन्तयामि तत्कल्याणं दिवानिशम् । ये यथा मां प्रपद्यन्ते तांस्तथैव भजाम्यहम्

ahamevaṁ cintayāmi tatkalyāṇaṁ divāniśam | ye yathā māṁ prapadyante tāṁstathaiva bhajāmyaham

I too think of his welfare, in the same way, day and night; as people take refuge in me, so I in turn favor them.

Verse 30 (devibhagavatam.9.15.30)

शिवस्वरूपो भगवाञ्छिवाधिष्ठातृदेवता । शिवं भवति तस्माच्च शिवं तेन विदुर्बुधाः

śivasvarūpo bhagavāñchivādhiṣṭhātṛdevatā | śivaṁ bhavati tasmācca śivaṁ tena vidurbudhāḥ

The Lord is of the very nature of shiva, the auspicious, and the presiding deity of it; whatever comes from him becomes auspicious, and by this the wise know him as Shiva.

Verse 31 (devibhagavatam.9.15.31)

एतस्मिन्नन्तरे तत्र जगाम शङ्करः स्थितः । शूलहस्तो वृषारूढो रक्तपङ्कजलोचनः

etasminnantare tatra jagāma śaṅkaraḥ sthitaḥ | śūlahasto vṛṣārūḍho raktapaṅkajalocanaḥ

Meanwhile Shankara himself came there, trident in hand, mounted on his bull, his eyes red as lotuses.

Verse 32 (devibhagavatam.9.15.32)

अवरुह्य वृषात्तूर्णं भक्तिनम्रात्मकन्धरः । ननाम भक्त्या तं शान्तं लक्ष्मीकान्तं परात्परम्

avaruhya vṛṣāttūrṇaṁ bhaktinamrātmakandharaḥ | nanāma bhaktyā taṁ śāntaṁ lakṣmīkāntaṁ parātparam

Descending quickly from his bull, his neck bowed low in devotion, he reverently bowed to that peaceful one, the beloved of Lakshmi, the Supreme beyond the supreme.

Verse 33 (devibhagavatam.9.15.33)

रत्नसिंहासनस्थं च रत्नालङ्कारभूषितम् । किरीटिनं कुण्डलिनं चक्रिणं वनमालिनम्

ratnasiṁhāsanasthaṁ ca ratnālaṅkārabhūṣitam | kirīṭinaṁ kuṇḍalinaṁ cakriṇaṁ vanamālinam

— seated on a jeweled throne, adorned with jeweled ornaments, crowned, wearing earrings, holding the discus, garlanded with forest flowers —

Verse 34 (devibhagavatam.9.15.34)

नवीननीरदश्यामं सुन्दरं च चतुर्भुजम् । चतुर्भुजैः सेवितं च श्वेतचामरवायुना

navīnanīradaśyāmaṁ sundaraṁ ca caturbhujam | caturbhujaiḥ sevitaṁ ca śvetacāmaravāyunā

— dark as a fresh rain-cloud, beautiful, four-armed, and served by four-armed attendants with the breeze of white chowries.

Verse 35 (devibhagavatam.9.15.35)

चन्दनोक्षितसर्वाङ्गं भूषितं पीतवाससम् । लक्ष्मीप्रदत्तताम्बूलं भुक्तवन्तं च नारद

candanokṣitasarvāṅgaṁ bhūṣitaṁ pītavāsasam | lakṣmīpradattatāmbūlaṁ bhuktavantaṁ ca nārada

— his whole body anointed with sandal-paste, adorned, clad in yellow garments, and, O Narada, partaking of the betel offered by Lakshmi's own hand —

Verse 36 (devibhagavatam.9.15.36)

विद्याधरीनृत्यगीतं पश्यन्तं सस्मितं सदा । ईश्वरं परमात्मानं भक्तानुग्रहविग्रहम्

vidyādharīnṛtyagītaṁ paśyantaṁ sasmitaṁ sadā | īśvaraṁ paramātmānaṁ bhaktānugrahavigraham

— ever smiling as he watched the dance and song of the Vidyadhari maidens, the Lord, the Supreme Soul, the very embodiment of grace toward his devotees.

Verse 37 (devibhagavatam.9.15.37)

तं ननाम महादेवो ब्रह्मणा नमितश्च सः । ननाम सूर्यो भक्त्या च सन्त्रस्तश्चन्द्रशेखरम्

taṁ nanāma mahādevo brahmaṇā namitaśca saḥ | nanāma sūryo bhaktyā ca santrastaścandraśekharam

Mahadeva bowed to him, and he in turn was bowed to by Brahma; the terrified Sun, too, bowed with devotion to Chandrashekhara.

Verse 38 (devibhagavatam.9.15.38)

कश्यपश्च महाभक्त्या तुष्टाव च ननाम च । शिवः संस्तूय सर्वेशं समुवास सुखासने

kaśyapaśca mahābhaktyā tuṣṭāva ca nanāma ca | śivaḥ saṁstūya sarveśaṁ samuvāsa sukhāsane

Kashyapa too, with great devotion, praised him and bowed; and Shiva, having praised the Lord of all, seated himself upon a comfortable seat.

Verse 39 (devibhagavatam.9.15.39)

सुखासने सुखासीनं विश्रान्तं चन्द्रशेखरम् । श्वेतचामरवातेन सेवितं विष्णुपार्षदैः

sukhāsane sukhāsīnaṁ viśrāntaṁ candraśekharam | śvetacāmaravātena sevitaṁ viṣṇupārṣadaiḥ

Chandrashekhara, comfortably seated on the comfortable seat, at rest, was served by Vishnu's own attendants with the breeze of white chowries —

Verse 40 (devibhagavatam.9.15.40)

पीयूषतुल्यमधुरं वचनं सुमनोहरम् । विष्णुरुवाच । आगतोऽसि कथं चात्र वद कोपस्य कारणम्

pīyūṣatulyamadhuraṁ vacanaṁ sumanoharam | viṣṇuruvāca | āgato'si kathaṁ cātra vada kopasya kāraṇam

— words sweet as nectar, most charming. Vishnu said: "Why have you come here? Tell me the reason for your anger."

Verse 41 (devibhagavatam.9.15.41)

महादेव उवाच । वृषध्वजं च मद्भक्तं मम प्राणाधिकं प्रियम् । सूर्यः शशाप इति मे प्रकोपस्य तु कारणम्

mahādeva uvāca | vṛṣadhvajaṁ ca madbhaktaṁ mama prāṇādhikaṁ priyam | sūryaḥ śaśāpa iti me prakopasya tu kāraṇam

Mahadeva said: "Vrishadhvaja, my devotee, dearer to me than my own life — the Sun has cursed him; that indeed is the cause of my anger."

Verse 42 (devibhagavatam.9.15.42)

पुत्रवत्सलशोकेन सूर्यं हन्तुं समुद्यतः । स ब्रह्माणं प्रपन्नश्च सूर्यश्च स विधिस्त्वयि

putravatsalaśokena sūryaṁ hantuṁ samudyataḥ | sa brahmāṇaṁ prapannaśca sūryaśca sa vidhistvayi

Out of grief as for a beloved son, I resolved to slay the Sun; he took refuge with Brahma, and Brahma, together with the Sun, came to you.

Verse 43 (devibhagavatam.9.15.43)

त्वयि ये शरणापन्ना ध्यानेन वचसापि वा । निरापदो विशङ्कास्ते जरा मृत्युश्च तैर्जितः

tvayi ye śaraṇāpannā dhyānena vacasāpi vā | nirāpado viśaṅkāste jarā mṛtyuśca tairjitaḥ

Those who take refuge in you, whether by meditation or merely by word, become free of calamity and free of fear; by them old age and death are conquered.

Verse 44 (devibhagavatam.9.15.44)

प्रत्यक्षं शरणापन्नास्तत्फलं किं वदामि भोः । हरिस्मृतिश्चाभयदा सर्वमङ्गलदा सदा

pratyakṣaṁ śaraṇāpannāstatphalaṁ kiṁ vadāmi bhoḥ | harismṛtiścābhayadā sarvamaṅgaladā sadā

These here before you have taken refuge directly — what need have I to speak its fruit, O Lord? The remembrance of Hari itself grants fearlessness and ever bestows all auspiciousness.

Verse 45 (devibhagavatam.9.15.45)

किं मे भक्तस्य भविता तन्मे ब्रूहि जगत्प्रभो । श्रीहतस्यास्य मूढस्य सूर्यशापेन हेतुना

kiṁ me bhaktasya bhavitā tanme brūhi jagatprabho | śrīhatasyāsya mūḍhasya sūryaśāpena hetunā

What now will become of my devotee, O Lord of the world — this deluded one, bereft of fortune by reason of the Sun's curse? Tell me this.

Verse 46 (devibhagavatam.9.15.46)

विष्णुरुवाच । कालोऽतियातो दैवेन युगानामेकविंशतिः । वैकुण्ठं घटिकार्धेन शीघ्रं गच्छ त्वमालयम्

viṣṇuruvāca | kālo'tiyāto daivena yugānāmekaviṁśatiḥ | vaikuṇṭhaṁ ghaṭikārdhena śīghraṁ gaccha tvamālayam

Vishnu said: By divine ordinance twenty-one yugas have already passed below, though here in Vaikuntha barely half a ghatika has gone by; go now, quickly, to your own abode.

Verse 47 (devibhagavatam.9.15.47)

वृषध्वजो मृतः कालाद्दुर्निवार्यात्सुदारुणात् । रथध्वजश्च तत्पुत्रो मृतः सोऽपि श्रिया हतः

vṛṣadhvajo mṛtaḥ kālāddurnivāryātsudāruṇāt | rathadhvajaśca tatputro mṛtaḥ so'pi śriyā hataḥ

Vrishadhvaja has already died, by that dreadful and irresistible time; and his son Rathadhvaja too has died, he too bereft of fortune.

Verse 48 (devibhagavatam.9.15.48)

तत्पुत्रौ च महाभागौ धर्मध्वजकुशध्वजौ । हृतश्रियौ सूर्यशापात्स्मृतौ परमवैष्णवौ

tatputrau ca mahābhāgau dharmadhvajakuśadhvajau | hṛtaśriyau sūryaśāpātsmṛtau paramavaiṣṇavau

His two sons, the greatly fortunate Dharmadhvaja and Kushadhvaja, are known to be bereft of fortune by the Sun's curse, yet remembered as supreme devotees of Vishnu.

Verse 49 (devibhagavatam.9.15.49)

राज्यभ्रष्टौ श्रिया भ्रष्टौ कमलातपसा रतौ । तयोश्च भार्ययोर्लक्ष्मीः कलया च भविष्यति

rājyabhraṣṭau śriyā bhraṣṭau kamalātapasā ratau | tayośca bhāryayorlakṣmīḥ kalayā ca bhaviṣyati

Fallen from kingdom, fallen from fortune, they are now engaged in austerity for the sake of Kamala; and Lakshmi herself, in a partial manifestation, will be born to the wives of those two.

Verse 50 (devibhagavatam.9.15.50)

सम्पद्युक्तौ तदा तौ च नृपश्रेष्ठौ भविष्यतः । मृतस्ते सेवकः शम्भो गच्छ यूयं च गच्छत

sampadyuktau tadā tau ca nṛpaśreṣṭhau bhaviṣyataḥ | mṛtaste sevakaḥ śambho gaccha yūyaṁ ca gacchata

Then, endowed once more with prosperity, those two will become the foremost of kings; but your devotee, O Shambhu, has already died — go now, all of you, go.

Verse 51 (devibhagavatam.9.15.51)

इत्युक्त्वा च सलक्ष्मीकः सभातोऽभ्यन्तरङ्गतः । देवा जग्मुः सम्प्रहृष्टाः स्वाश्रमं परया मुदा । शिवश्च तपसे शीघ्रं परिपूर्णतमो ययौ

ityuktvā ca salakṣmīkaḥ sabhāto'bhyantaraṅgataḥ | devā jagmuḥ samprahṛṣṭāḥ svāśramaṁ parayā mudā | śivaśca tapase śīghraṁ paripūrṇatamo yayau

Having said this, he, together with Lakshmi, withdrew from the assembly into his inner chamber; the gods, greatly delighted, went to their own abodes with the utmost joy; and Shiva, now fully satisfied, went swiftly to his austerities.