The Rite of Savitri Worship

Verse 1 (devibhagavatam.9.26.1)

नारद उवाच । तुलस्युपाख्यानमिदं श्रुतं चातिसुधोपमम् । ततः सावित्र्युपाख्यानं तन्मे व्याख्यातुमर्हसि

nārada uvāca | tulasyupākhyānamidaṁ śrutaṁ cātisudhopamam | tataḥ sāvitryupākhyānaṁ tanme vyākhyātumarhasi

Narada said: This tale of Tulasi that I have heard is like the finest nectar. Now please be so good as to explain to me the tale of Savitri.

Verse 2 (devibhagavatam.9.26.2)

पुरा केन समुद्भूता सा श्रुता च श्रुतेः प्रसूः । केन वा पूजिता लोके प्रथमे कैश्च वा परे

purā kena samudbhūtā sā śrutā ca śruteḥ prasūḥ | kena vā pūjitā loke prathame kaiśca vā pare

Of old, from whom was she born — she who is famed as the mother of the Vedas, as I have heard? Who first worshipped her in this world, and who else did so afterward?

Verse 3 (devibhagavatam.9.26.3)

श्रीनारायण उवाच । ब्रह्मणा वेदजननी प्रथमे पूजिता मुने । द्वितीये च वेदगणैस्तत्पश्चाद्विदुषां गणैः

śrīnārāyaṇa uvāca | brahmaṇā vedajananī prathame pūjitā mune | dvitīye ca vedagaṇaistatpaścādviduṣāṁ gaṇaiḥ

Sri Narayana said: O sage, the mother of the Vedas was worshipped first by Brahma; in the second age by the assemblies of the Vedas, and after that by assemblies of the learned.

Verse 4 (devibhagavatam.9.26.4)

तदा चाश्वपतिर्भूपः पूजयामास भारते । तत्पश्चात्पूजयामासुर्वर्णाश्चत्वार एव च

tadā cāśvapatirbhūpaḥ pūjayāmāsa bhārate | tatpaścātpūjayāmāsurvarṇāścatvāra eva ca

Then, in Bharata, King Ashvapati worshipped her; and after that all four varnas worshipped her as well.

Verse 5 (devibhagavatam.9.26.5)

नारद उवाच । को वा सोऽश्वपतिर्ब्रह्मन् केन वा तेन पूजिता । सर्वपूज्या च सा देवी प्रथमे कैश्च वा परे

nārada uvāca | ko vā so'śvapatirbrahman kena vā tena pūjitā | sarvapūjyā ca sā devī prathame kaiśca vā pare

Narada said: O Brahman, who was that Ashvapati, and how did he worship her? That goddess worthy of worship by all — by whom was she first worshipped, and by whom thereafter?

Verse 6 (devibhagavatam.9.26.6)

श्रीनारायण उवाच । मद्रदेशे महाराजो बभूवाश्वपतिर्मुने । वैरिणां बलहर्ता च मित्राणां दुःखनाशनः

śrīnārāyaṇa uvāca | madradeśe mahārājo babhūvāśvapatirmune | vairiṇāṁ balahartā ca mitrāṇāṁ duḥkhanāśanaḥ

Sri Narayana said: O sage, in the land of Madra there was a great king named Ashvapati, who took away the strength of his foes and destroyed the sorrows of his friends.

Verse 7 (devibhagavatam.9.26.7)

आसीत्तस्य महाराज्ञी महिषी धर्मचारिणी । मालतीति समाख्याता यथा लक्ष्मीर्गदाभृतः

āsīttasya mahārājñī mahiṣī dharmacāriṇī | mālatīti samākhyātā yathā lakṣmīrgadābhṛtaḥ

He had a great queen, his chief consort, devoted to dharma, named Malati — as Lakshmi is to the mace-bearer, Vishnu.

Verse 8 (devibhagavatam.9.26.8)

सा च राज्ञी च वन्ध्या च वसिष्ठस्योपदेशतः । चकाराराधनं भक्त्या सावित्र्याश्चैव नारद

sā ca rājñī ca vandhyā ca vasiṣṭhasyopadeśataḥ | cakārārādhanaṁ bhaktyā sāvitryāścaiva nārada

That queen was childless, O Narada, and on Vasishtha's instruction she performed, with devotion, the worship of Savitri.

Verse 9 (devibhagavatam.9.26.9)

प्रत्यादेशं न सा प्राप्ता महिषी न ददर्श ताम् । गृहं जगाम दुःखार्ता हृदयेन विदूयता

pratyādeśaṁ na sā prāptā mahiṣī na dadarśa tām | gṛhaṁ jagāma duḥkhārtā hṛdayena vidūyatā

The queen received no answer, nor did she behold the goddess. Stricken with grief, her heart aflame with anguish, she returned home.

Verse 10 (devibhagavatam.9.26.10)

राजा तां दुःखितां दृष्ट्वा बोधयित्वा नयेन वै । सावित्र्यास्तपसे भक्त्या जगाम पुष्करं तदा

rājā tāṁ duḥkhitāṁ dṛṣṭvā bodhayitvā nayena vai | sāvitryāstapase bhaktyā jagāma puṣkaraṁ tadā

The king, seeing her grieved, comforted her with wise counsel, and then himself went, in devotion, to Pushkara to perform austerity for Savitri.

Verse 11 (devibhagavatam.9.26.11)

तपश्चकार तत्रैव संयतः शतवत्सरम् । न ददर्श च सावित्र्या प्रत्यादेशो बभूव च

tapaścakāra tatraiva saṁyataḥ śatavatsaram | na dadarśa ca sāvitryā pratyādeśo babhūva ca

There he practiced austerity, self-restrained, for a hundred years. Yet he did not behold her, nor did any answer come from Savitri.

Verse 12 (devibhagavatam.9.26.12)

शुश्रावाकाशवाणीं च नृपेन्द्रश्चाशरीरिणीम् । गायत्र्या दशलक्षं च जपं त्वं कुरु नारद

śuśrāvākāśavāṇīṁ ca nṛpendraścāśarīriṇīm | gāyatryā daśalakṣaṁ ca japaṁ tvaṁ kuru nārada

Then the foremost of kings heard a bodiless voice from the sky: "O Narada, perform ten hundred-thousand repetitions of the Gayatri."

Verse 13 (devibhagavatam.9.26.13)

एतस्मिन्नन्तरे तत्र आजगाम पराशरः । प्रणनाम ततस्तं च मुनिर्नृपमुवाच च

etasminnantare tatra ājagāma parāśaraḥ | praṇanāma tatastaṁ ca munirnṛpamuvāca ca

Meanwhile, the sage Parashara arrived there. He bowed to the king, and then the sage spoke to him.

Verse 14 (devibhagavatam.9.26.14)

मुनिरुवाच । सकृज्जपश्च गायत्र्याः पापं दिनभवं हरेत् । दशवारं जपेनैव नश्येत्पापं दिवानिशम्

muniruvāca | sakṛjjapaśca gāyatryāḥ pāpaṁ dinabhavaṁ haret | daśavāraṁ japenaiva naśyetpāpaṁ divāniśam

The sage said: A single repetition of the Gayatri destroys the sin accumulated in a day. Ten repetitions destroy the sin of a full day and night.

Verse 15 (devibhagavatam.9.26.15)

शतवारं जपश्चैव पापं मासार्जितं हरेत् । सहस्रधा जपश्चैव कल्मषं वत्सरार्जितम्

śatavāraṁ japaścaiva pāpaṁ māsārjitaṁ haret | sahasradhā japaścaiva kalmaṣaṁ vatsarārjitam

A hundred repetitions remove the sin gathered in a month, and a thousand repetitions remove the taint gathered in a year.

Verse 16 (devibhagavatam.9.26.16)

लक्षो जन्मकृतं पापं दशलक्षोऽन्यजन्मजम् । सर्वजन्मकृतं पापं शतलक्षाद्विनश्यति

lakṣo janmakṛtaṁ pāpaṁ daśalakṣo'nyajanmajam | sarvajanmakṛtaṁ pāpaṁ śatalakṣādvinaśyati

A hundred thousand repetitions destroy the sin of one lifetime; ten hundred thousand destroy the sin born in another life; and a full crore destroys all the sin accumulated across every lifetime.

Verse 17 (devibhagavatam.9.26.17)

करोति मुक्तिं विप्राणां जपो दशगुणस्ततः । करं सर्पफणाकारं कृत्वा तद्रन्धमुद्रितम्

karoti muktiṁ viprāṇāṁ japo daśaguṇastataḥ | karaṁ sarpaphaṇākāraṁ kṛtvā tadrandhamudritam

Beyond that, a tenfold measure of japa grants brahmins liberation. Forming the hand in the shape of a serpent's hood, with the gap between the fingers sealed shut —

Verse 18 (devibhagavatam.9.26.18)

आनम्रमूर्धमचलं प्रजपेत्प्राङ्मुखो द्विजः । अनामिकामध्यदेशादधोऽवामक्रमेण च

ānamramūrdhamacalaṁ prajapetprāṅmukho dvijaḥ | anāmikāmadhyadeśādadho'vāmakrameṇa ca

the twice-born should recite facing east, head bowed, motionless — counting from the middle segment of the ring finger downward, in reverse order,

Verse 19 (devibhagavatam.9.26.19)

तर्जनीमूलपर्यन्तं जपस्यैवं क्रमः करे । श्वेतपङ्कजबीजानां स्फटिकानां च संस्कृताम्

tarjanīmūlaparyantaṁ japasyaivaṁ kramaḥ kare | śvetapaṅkajabījānāṁ sphaṭikānāṁ ca saṁskṛtām

up to the base of the index finger — such is the order for counting japa on the hand. As for the rosary: made from white-lotus seeds or from crystal, duly consecrated —

Verse 20 (devibhagavatam.9.26.20)

कृत्वा वै मालिकां राजन् जपेत्तीर्थे सुरालये । संस्थाप्य मालामश्वत्थपत्रे पद्मे च संयतः

kṛtvā vai mālikāṁ rājan japettīrthe surālaye | saṁsthāpya mālāmaśvatthapatre padme ca saṁyataḥ

Having made such a rosary, O king, one should recite japa at a sacred site or in a temple. Self-restrained, having placed the rosary upon a pipal leaf or a lotus —

Verse 21 (devibhagavatam.9.26.21)

कृत्वा गोरोचनाक्तां च गायत्र्या स्नापयेत्सुधीः । गायत्रीशतकं तस्यां जपेच्च विधिपूर्वकम्

kṛtvā gorocanāktāṁ ca gāyatryā snāpayetsudhīḥ | gāyatrīśatakaṁ tasyāṁ japecca vidhipūrvakam

having anointed it with gorochana, the wise practitioner should bathe it with the Gayatri mantra and, according to rule, recite the Gayatri a hundred times over it.

Verse 22 (devibhagavatam.9.26.22)

अथवा पञ्चगव्येन स्नात्वा मालां सुसंस्कृताम् । अथ गङ्गोदकेनैव स्नात्वा वातिसुसंस्कृताम्

athavā pañcagavyena snātvā mālāṁ susaṁskṛtām | atha gaṅgodakenaiva snātvā vātisusaṁskṛtām

Or, having bathed the rosary in the five products of the cow, it becomes duly consecrated; or, bathed in the waters of the Ganga, it becomes most excellently consecrated.

Verse 23 (devibhagavatam.9.26.23)

एवं क्रमेण राजर्षे दशलक्षं जपं कुरु । साक्षाद्द्रक्ष्यसि सावित्रीं त्रिजन्मपातकक्षयात्

evaṁ krameṇa rājarṣe daśalakṣaṁ japaṁ kuru | sākṣāddrakṣyasi sāvitrīṁ trijanmapātakakṣayāt

In this manner, O royal sage, perform ten hundred thousand japas. When the sin of three births is destroyed, you shall see Savitri face to face.

Verse 24 (devibhagavatam.9.26.24)

नित्यं सन्ध्यां च हे राजन् करिष्यसि दिने दिने । मध्याह्ने चापि सायाह्ने प्रातरेव शुचिः सदा

nityaṁ sandhyāṁ ca he rājan kariṣyasi dine dine | madhyāhne cāpi sāyāhne prātareva śuciḥ sadā

Daily, O king, you must perform the sandhya rite every day — at midday, in the evening, and in the morning too, ever remaining pure.

Verse 25 (devibhagavatam.9.26.25)

सन्ध्याहीनोऽशुचिर्नित्यमनर्हः सर्वकर्मसु । यदह्ना कुरुते कर्म न तस्य फलभाग्भवेत्

sandhyāhīno'śucirnityamanarhaḥ sarvakarmasu | yadahnā kurute karma na tasya phalabhāgbhavet

One who neglects the sandhya is ever impure and unfit for any rite. Whatever action he performs during the day, he does not partake of its fruit.

Verse 26 (devibhagavatam.9.26.26)

नोपतिष्ठति यः पूर्वां नोपास्ते यस्तु पश्चिमाम् । स शूद्रवद्बहिष्कार्यः सर्वस्माद् द्विजकर्मणः

nopatiṣṭhati yaḥ pūrvāṁ nopāste yastu paścimām | sa śūdravadbahiṣkāryaḥ sarvasmād dvijakarmaṇaḥ

He who does not attend the morning sandhya, nor observe the evening one, should be excluded, like a shudra, from all the rites of the twice-born.

Verse 27 (devibhagavatam.9.26.27)

यावज्जीवनपर्यन्तं त्रिःसन्ध्यां यः करोति च । स च सूर्यसमो विप्रस्तेजसा तपसा सदा

yāvajjīvanaparyantaṁ triḥsandhyāṁ yaḥ karoti ca | sa ca sūryasamo viprastejasā tapasā sadā

He who performs the threefold sandhya throughout his life — that brahmin is, in radiance and austerity, ever equal to the sun.

Verse 28 (devibhagavatam.9.26.28)

तत्पादपद्मरजसा सद्यःपूता वसुन्धरा । जीवन्मुक्तः स तेजस्वी सन्ध्यापूतो हि यो द्विजः

tatpādapadmarajasā sadyaḥpūtā vasundharā | jīvanmuktaḥ sa tejasvī sandhyāpūto hi yo dvijaḥ

By the dust of his lotus feet the earth is instantly purified. That radiant twice-born one, purified by the sandhya, is indeed liberated even while alive.

Verse 29 (devibhagavatam.9.26.29)

तीर्थानि च पवित्राणि तस्य संस्पर्शमात्रतः । ततः पापानि यान्त्येव वैनतेयादिवोरगाः

tīrthāni ca pavitrāṇi tasya saṁsparśamātrataḥ | tataḥ pāpāni yāntyeva vainateyādivoragāḥ

By his mere touch even sacred tirthas are purified; sins flee from him, just as serpents flee before Garuda, the son of Vinata.

Verse 30 (devibhagavatam.9.26.30)

न गृह्णन्ति सुराः पूजां पितरः पिण्डतर्पणम् । स्वेच्छया च द्विजातेश्च त्रिसन्ध्यारहितस्य च

na gṛhṇanti surāḥ pūjāṁ pitaraḥ piṇḍatarpaṇam | svecchayā ca dvijāteśca trisandhyārahitasya ca

The gods do not willingly accept the worship, nor do the ancestors accept the pinda-offerings, of a twice-born who neglects the threefold sandhya.

Verse 31 (devibhagavatam.9.26.31)

मूलप्रकृत्यभक्तो यस्तन्मन्त्रस्याप्यनर्चकः । तदुत्सवविहीनश्च विषहीनो यथोरगः

mūlaprakṛtyabhakto yastanmantrasyāpyanarcakaḥ | tadutsavavihīnaśca viṣahīno yathoragaḥ

He who is not devoted to the Root Prakriti, who does not worship her mantra, and who is devoid of her festivals — he is like a snake without venom.

Verse 32 (devibhagavatam.9.26.32)

विष्णुमन्त्रविहीनश्च त्रिसन्ध्यारहितो द्विजः । एकादशीविहीनश्च विषहीनो यथोरगः

viṣṇumantravihīnaśca trisandhyārahito dvijaḥ | ekādaśīvihīnaśca viṣahīno yathoragaḥ

The twice-born devoid of the Vishnu-mantra, without the threefold sandhya, and without the observance of Ekadashi — he is like a snake without venom.

Verse 33 (devibhagavatam.9.26.33)

हरेरनैवेद्यभोजी धावको वृषवाहकः । शूद्रान्नभोजी यो विप्रो विषहीनो यथोरगः

hareranaivedyabhojī dhāvako vṛṣavāhakaḥ | śūdrānnabhojī yo vipro viṣahīno yathoragaḥ

He who eats food not first offered to Hari, who runs as a hired courier, who drives cattle for hire, or the brahmin who eats a shudra's food — he is like a snake without venom.

Verse 34 (devibhagavatam.9.26.34)

शूद्राणां शवदाही यः स विप्रो वृषलीपतिः । शूद्राणां सूपकारश्च विषहीनो यथोरगः

śūdrāṇāṁ śavadāhī yaḥ sa vipro vṛṣalīpatiḥ | śūdrāṇāṁ sūpakāraśca viṣahīno yathoragaḥ

The brahmin who cremates the corpses of shudras, or who is husband to a shudra woman, or who cooks for shudras — he is like a snake without venom.

Verse 35 (devibhagavatam.9.26.35)

शूद्राणां च प्रतिग्राही शूद्रयाजी च यो द्विजः । मसिजीवी असिजीवी विषहीनो यथोरगः

śūdrāṇāṁ ca pratigrāhī śūdrayājī ca yo dvijaḥ | masijīvī asijīvī viṣahīno yathoragaḥ

The twice-born who accepts gifts from shudras, who officiates as priest for shudras, who lives by the pen or by the sword — he is like a snake without venom.

Verse 36 (devibhagavatam.9.26.36)

यः कन्याविक्रयी विप्रो यो हरेर्नामविक्रयी । यो विप्रोऽवीरान्नभोजी ऋतुस्नातान्नभोजकः

yaḥ kanyāvikrayī vipro yo harernāmavikrayī | yo vipro'vīrānnabhojī ṛtusnātānnabhojakaḥ

The brahmin who sells his daughter, who sells the Name of Hari, who eats food from a household without a male protector, or who eats food offered by a woman fresh from her menstrual bathing —

Verse 37 (devibhagavatam.9.26.37)

भगजीवी बार्धुषिको विषहीनो यथोरगः । यो विद्याविकयी विप्रो विषहीनो यथोरगः

bhagajīvī bārdhuṣiko viṣahīno yathoragaḥ | yo vidyāvikayī vipro viṣahīno yathoragaḥ

He who lives off a courtesan's earnings, the usurer — he is like a snake without venom. The brahmin who sells his learning — he too is like a snake without venom.

Verse 38 (devibhagavatam.9.26.38)

सूर्योदये स्वपेद्यो हि मत्स्यभोजी च यो द्विजः । शिवापूजादिरहितो विषहीनो यथोरगः

sūryodaye svapedyo hi matsyabhojī ca yo dvijaḥ | śivāpūjādirahito viṣahīno yathoragaḥ

He who still sleeps at sunrise, the twice-born who eats fish, and he who neglects the worship of the Goddess — he is like a snake without venom.

Verse 39 (devibhagavatam.9.26.39)

इत्युक्त्वा च मुनिश्रेष्ठः सर्वपूजाविधिक्रमम् । तमुवाच च सावित्र्या ध्यानादिकमभीप्सितम्

ityuktvā ca muniśreṣṭhaḥ sarvapūjāvidhikramam | tamuvāca ca sāvitryā dhyānādikamabhīpsitam

Having thus described the entire procedure of worship, the foremost of sages then, as the king desired, related to him the meditation-verse and other rites of Savitri.

Verse 40 (devibhagavatam.9.26.40)

दत्त्वा सर्वं नृपेन्द्राय ययौ च स्वाश्रमे मुने । राजा सम्पूज्य सावित्रीं ददर्श वरमाप च

dattvā sarvaṁ nṛpendrāya yayau ca svāśrame mune | rājā sampūjya sāvitrīṁ dadarśa varamāpa ca

Having given all this to the king, the sage returned to his own hermitage. The king, having worshipped Savitri, beheld her and received a boon as well.

Verse 41 (devibhagavatam.9.26.41)

नारद उवाच । किं वा ध्यानं च सावित्र्याः किं वा पूजाविधानकम् । स्तोत्रं मन्त्रं च किं दत्त्वा प्रययौ स पराशरः

nārada uvāca | kiṁ vā dhyānaṁ ca sāvitryāḥ kiṁ vā pūjāvidhānakam | stotraṁ mantraṁ ca kiṁ dattvā prayayau sa parāśaraḥ

Narada said: What was the meditation-verse of Savitri, and what was the procedure of her worship? What hymn and mantra did Parashara give before he departed?

Verse 42 (devibhagavatam.9.26.42)

नृपः केन विधानेन सम्पूज्य श्रुतिमातरम् । वरं च कं वा सम्प्राप सम्पूज्य तु विधानतः

nṛpaḥ kena vidhānena sampūjya śrutimātaram | varaṁ ca kaṁ vā samprāpa sampūjya tu vidhānataḥ

By what procedure did the king worship the Mother of the Vedas, and what boon did he obtain, having worshipped her duly according to rule?

Verse 43 (devibhagavatam.9.26.43)

तत्सर्वं श्रोतुमिच्छामि सावित्र्याः परमं महत् । रहस्यातिरहस्यं च श्रुतिसिद्धं समासतः

tatsarvaṁ śrotumicchāmi sāvitryāḥ paramaṁ mahat | rahasyātirahasyaṁ ca śrutisiddhaṁ samāsataḥ

I wish to hear all of it — the supreme greatness of Savitri, her most secret mystery, established in the Shruti — in brief.

Verse 44 (devibhagavatam.9.26.44)

श्रीनारायण उवाच । ज्येष्ठकृष्णत्रयोदश्यां शुद्धकाले च यत्नतः । व्रतमेव चतुर्दश्यां व्रती भक्त्या समाचरेत्

śrīnārāyaṇa uvāca | jyeṣṭhakṛṣṇatrayodaśyāṁ śuddhakāle ca yatnataḥ | vratameva caturdaśyāṁ vratī bhaktyā samācaret

Sri Narayana said: On the thirteenth day of the dark fortnight of Jyeshtha, at a purified time, with diligence, and on the fourteenth day, the votary should observe the vow with devotion.

Verse 45 (devibhagavatam.9.26.45)

व्रतं चतुर्दशाब्दं च द्विसप्तफलसंयुतम् । दत्त्वा द्विसप्तनैवेद्यं पुष्पधूपादिकं चरेत्

vrataṁ caturdaśābdaṁ ca dvisaptaphalasaṁyutam | dattvā dvisaptanaivedyaṁ puṣpadhūpādikaṁ caret

The vow continues for fourteen years, accompanied by fourteen fruits. Offering fourteen items of naivedya, one should perform it with flowers, incense, and the like.

Verse 46 (devibhagavatam.9.26.46)

वस्त्रं यज्ञोपवीतं च भोजनं विधिपूर्वकम् । संस्थाप्य मङ्गलघटं फलशाखासमन्वितम्

vastraṁ yajñopavītaṁ ca bhojanaṁ vidhipūrvakam | saṁsthāpya maṅgalaghaṭaṁ phalaśākhāsamanvitam

Cloth, the sacred thread, and food should be duly offered. Having set up the auspicious kalasha along with fruit and branches —

Verse 47 (devibhagavatam.9.26.47)

गणेशं च दिनेशं च वह्निं विष्णुं शिवं शिवाम् । सम्पूज्य पूजयेदिष्टं घटे आवाहिते द्विजः

gaṇeśaṁ ca dineśaṁ ca vahniṁ viṣṇuṁ śivaṁ śivām | sampūjya pūjayediṣṭaṁ ghaṭe āvāhite dvijaḥ

the twice-born should worship Ganesha, the Sun, Fire, Vishnu, Shiva, and Shiva's consort, and, having invoked the chosen deity into the pot, should worship her.

Verse 48 (devibhagavatam.9.26.48)

शृणु ध्यानं च सावित्र्याश्चोक्तं माध्यन्दिने च यत् । स्तोत्रं पूजाविधानं च मन्त्रं च सर्वकामदम्

śṛṇu dhyānaṁ ca sāvitryāścoktaṁ mādhyandine ca yat | stotraṁ pūjāvidhānaṁ ca mantraṁ ca sarvakāmadam

Now hear the meditation-verse of Savitri as declared in the Madhyandina branch, along with the hymn, the procedure of worship, and the mantra that grants every desire.

Verse 49 (devibhagavatam.9.26.49)

तप्तकाञ्चनवर्णाभां ज्वलन्तीं ब्रह्मतेजसा । ग्रीष्ममध्याह्नमार्तण्डसहस्रसम्मितप्रभाम्

taptakāñcanavarṇābhāṁ jvalantīṁ brahmatejasā | grīṣmamadhyāhnamārtaṇḍasahasrasammitaprabhām

I meditate on her whose radiance is like molten gold, blazing with the splendor of Brahman, whose brilliance equals a thousand midday suns of summer.

Verse 50 (devibhagavatam.9.26.50)

ईषद्धास्यप्रसन्नास्यां रत्नभूषणभूषिताम् । वह्निशुद्धांशुकाधानां भक्तानुग्रहविग्रहाम्

īṣaddhāsyaprasannāsyāṁ ratnabhūṣaṇabhūṣitām | vahniśuddhāṁśukādhānāṁ bhaktānugrahavigrahām

Whose face, gently smiling, is filled with delight; who is adorned with jeweled ornaments; who wears garments pure as fire; whose very form is grace itself upon her devotees.

Verse 51 (devibhagavatam.9.26.51)

सुखदां मुक्तिदां शान्तां कान्तां च जगतां विधेः । सर्वसम्पत्स्वरूपां च प्रदात्रीं सर्वसम्पदाम्

sukhadāṁ muktidāṁ śāntāṁ kāntāṁ ca jagatāṁ vidheḥ | sarvasampatsvarūpāṁ ca pradātrīṁ sarvasampadām

Who grants happiness, who grants liberation, who is peaceful, and who is the beloved of Brahma, creator of the worlds; who is herself the very embodiment of all prosperity, and the bestower of every prosperity.

Verse 52 (devibhagavatam.9.26.52)

वेदाधिष्ठातृदेवीं च वेदशास्त्रस्वरूपिणीम् । वेदबीजस्वरूपां च भजे तां वेदमातरम्

vedādhiṣṭhātṛdevīṁ ca vedaśāstrasvarūpiṇīm | vedabījasvarūpāṁ ca bhaje tāṁ vedamātaram

I worship her, the presiding deity of the Vedas, whose very form is the Vedas and their scriptures, whose form is the seed of the Vedas — her, the Mother of the Vedas.

Verse 53 (devibhagavatam.9.26.53)

ध्यात्वा ध्यानेन नैवेद्यं दत्त्वा पाणिं स्वमूर्धनि । पुनर्ध्यात्वा घटे भक्त्या देवीमावाहयेद् व्रती

dhyātvā dhyānena naivedyaṁ dattvā pāṇiṁ svamūrdhani | punardhyātvā ghaṭe bhaktyā devīmāvāhayed vratī

Having meditated with this meditation and offered the naivedya, placing the hand on one's own head, and meditating once more, the votary should, with devotion, invoke the goddess into the pot.

Verse 54 (devibhagavatam.9.26.54)

दत्त्वा षोडशोपचारं वेदोक्तं मन्त्रपूर्वकम् । सम्पूज्य स्तुत्वा प्रणमेद्देवदेवीं विधानतः

dattvā ṣoḍaśopacāraṁ vedoktaṁ mantrapūrvakam | sampūjya stutvā praṇameddevadevīṁ vidhānataḥ

Having offered the sixteen ritual attentions declared in the Veda, each preceded by its mantra, and having worshipped and praised her, one should bow to the goddess of gods according to rule.

Verse 55 (devibhagavatam.9.26.55)

आसनं पाद्यमर्घ्यं च स्नानीयं चानुलेपनम् । धूपं दीपं च नैवेद्यं ताम्बूलं शीतलं जलम्

āsanaṁ pādyamarghyaṁ ca snānīyaṁ cānulepanam | dhūpaṁ dīpaṁ ca naivedyaṁ tāmbūlaṁ śītalaṁ jalam

A seat, water for the feet, the arghya offering, bathing-water, anointment, incense, a lamp, the food-offering, betel, and cool water —

Verse 56 (devibhagavatam.9.26.56)

वसनं भूषणं माल्यं गन्धमाचमनीयकम् । मनोहरं सुतल्पं च देयान्येतानि षोडश

vasanaṁ bhūṣaṇaṁ mālyaṁ gandhamācamanīyakam | manoharaṁ sutalpaṁ ca deyānyetāni ṣoḍaśa

Garments, ornaments, a garland, fragrant paste, water for sipping, and a lovely, comfortable bed — these sixteen items are to be offered.

Verse 57 (devibhagavatam.9.26.57)

दारुसारविकारं च हेमादिनिर्मितं च वा । देवाधारं पुण्यदं च मया तुभ्यं निवेदितम्

dārusāravikāraṁ ca hemādinirmitaṁ ca vā | devādhāraṁ puṇyadaṁ ca mayā tubhyaṁ niveditam

(offering the seat) Whether wrought of fine wood or fashioned of gold, this support for the goddess, which grants merit, I have offered unto you.

Verse 58 (devibhagavatam.9.26.58)

तीर्थोदकं च पाद्यं च पुण्यदं प्रीतिदं महत् । पूजाङ्गभूतं शुद्धं च मया तुभ्यं निवेदितम्

tīrthodakaṁ ca pādyaṁ ca puṇyadaṁ prītidaṁ mahat | pūjāṅgabhūtaṁ śuddhaṁ ca mayā tubhyaṁ niveditam

(offering pādya) This tīrtha-water for the feet, of great merit and joy, pure, an essential part of worship — this I have offered unto you.

Verse 59 (devibhagavatam.9.26.59)

पवित्ररूपमर्घ्यं च दूर्वापुष्पदलान्वितम् । पुण्यदं शङ्खतोयाक्तं मया तुभ्यं निवेदितम्

pavitrarūpamarghyaṁ ca dūrvāpuṣpadalānvitam | puṇyadaṁ śaṅkhatoyāktaṁ mayā tubhyaṁ niveditam

(offering arghya) This pure arghya-water, mixed with durva grass, flowers, and leaves, meritorious, blended with conch-water — this I have offered unto you.

Verse 60 (devibhagavatam.9.26.60)

सुगन्धं गन्धतोयं च स्नेहं सौगन्धकारकम् । मया निवेदितं भक्त्या स्नानीयं प्रतिगृह्यताम्

sugandhaṁ gandhatoyaṁ ca snehaṁ saugandhakārakam | mayā niveditaṁ bhaktyā snānīyaṁ pratigṛhyatām

(offering bathing-water) This fragrant, scented water, and this oil bearing fragrance — offered by me with devotion; may this water for bathing be accepted.

Verse 61 (devibhagavatam.9.26.61)

गन्धद्रव्योद्भवं पुण्यं प्रीतिदं दिव्यगन्धदम् । मया निवेदितं भक्त्या गन्धतोयं तवाम्बिके

gandhadravyodbhavaṁ puṇyaṁ prītidaṁ divyagandhadam | mayā niveditaṁ bhaktyā gandhatoyaṁ tavāmbike

(offering gandha) O Mother, this scented water, arising from fragrant substances, meritorious, delightful, bearing a divine fragrance, is offered by me to you with devotion.

Verse 62 (devibhagavatam.9.26.62)

सर्वमङ्गलरूपं च सर्वं च मङ्गलप्रदम् । पुण्यदं च सुधूपं तं गृहाण परमेश्वरि

sarvamaṅgalarūpaṁ ca sarvaṁ ca maṅgalapradam | puṇyadaṁ ca sudhūpaṁ taṁ gṛhāṇa parameśvari

(offering incense) O supreme Goddess, accept this fine incense, which is itself the form of all auspiciousness, which grants every blessing and confers merit.

Verse 63 (devibhagavatam.9.26.63)

सुगन्धयुक्तं सुखदं मया तुभ्यं निवेदितम् । जगतां दर्शनार्थाय प्रदीपं दीप्तिकारकम्

sugandhayuktaṁ sukhadaṁ mayā tubhyaṁ niveditam | jagatāṁ darśanārthāya pradīpaṁ dīptikārakam

(offering the lamp) Fragrant and bestowing happiness, this is offered by me to you — for the sight of all the worlds, this bright, radiant lamp —

Verse 64 (devibhagavatam.9.26.64)

अन्धकारध्वंसबीजं मया तुभ्यं निवेदितम् । तुष्टिदं पुष्टिदं चैव प्रीतिदं क्षुद्विनाशनम्

andhakāradhvaṁsabījaṁ mayā tubhyaṁ niveditam | tuṣṭidaṁ puṣṭidaṁ caiva prītidaṁ kṣudvināśanam

— the very seed of the destruction of darkness, this I have offered unto you. (offering the food-offering) This which gives satisfaction, nourishment, and joy, and destroys hunger —

Verse 65 (devibhagavatam.9.26.65)

पुण्यदं स्वादुरूपं च नैवेद्यं प्रतिगृह्यताम् । ताम्बूलप्रवरं रम्यं कर्पूरादिसुवासितम्

puṇyadaṁ svādurūpaṁ ca naivedyaṁ pratigṛhyatām | tāmbūlapravaraṁ ramyaṁ karpūrādisuvāsitam

— meritorious and delicious, may this food-offering be accepted. (offering betel) This excellent, lovely betel, scented with camphor and the like —

Verse 66 (devibhagavatam.9.26.66)

तुष्टिदं पुष्टिदं चैव मया तुभ्यं निवेदितम् । सुशीतलं वारि शीतं पिपासानाशकारणम्

tuṣṭidaṁ puṣṭidaṁ caiva mayā tubhyaṁ niveditam | suśītalaṁ vāri śītaṁ pipāsānāśakāraṇam

— giving satisfaction and nourishment, this I have offered unto you. (offering water) This cool, refreshing water, the cause of thirst's destruction —

Verse 67 (devibhagavatam.9.26.67)

जगतां जीवनरूपं च जीवनं प्रतिगृह्यताम् । देहशोभास्वरूपं च सभाशोभाविवर्धनम्

jagatāṁ jīvanarūpaṁ ca jīvanaṁ pratigṛhyatām | dehaśobhāsvarūpaṁ ca sabhāśobhāvivardhanam

— which is the very life of all the worlds; may this life-giving water be accepted. (offering garments) This which is the embodiment of the body's beauty, which enhances the splendor of an assembly —

Verse 68 (devibhagavatam.9.26.68)

कार्पासजं च कृमिजं वसनं प्रतिगृह्यताम् । काञ्चनादिविनिर्माणं श्रीकरं श्रीयुतं सदा

kārpāsajaṁ ca kṛmijaṁ vasanaṁ pratigṛhyatām | kāñcanādivinirmāṇaṁ śrīkaraṁ śrīyutaṁ sadā

— whether woven of cotton or made of silk, may this garment be accepted. (offering ornaments) Fashioned of gold and the like, bestowing splendor, ever filled with glory —

Verse 69 (devibhagavatam.9.26.69)

सुखदं पुण्यदं रत्नभूषणं प्रतिगृह्यताम् । नानावृक्षसमुद्भूतं नानारूपसमन्वितम्

sukhadaṁ puṇyadaṁ ratnabhūṣaṇaṁ pratigṛhyatām | nānāvṛkṣasamudbhūtaṁ nānārūpasamanvitam

— giving happiness and merit, may this jeweled ornament be accepted. (offering the garland) Sprung from various trees, possessed of many forms —

Verse 70 (devibhagavatam.9.26.70)

फलस्वरूपं फलदं फलं च प्रतिगृह्यताम् । सर्वमङ्गलरूपं च सर्वमङ्गलमङ्गलम्

phalasvarūpaṁ phaladaṁ phalaṁ ca pratigṛhyatām | sarvamaṅgalarūpaṁ ca sarvamaṅgalamaṅgalam

— the very form of fruit, itself fruit-bestowing, may this fruit be accepted, which is the embodiment of all auspiciousness, the most auspicious among all auspicious things.

Verse 71 (devibhagavatam.9.26.71)

नानापुष्पविनिर्माणं बहुशोभासमन्वितम् । प्रीतिदं पुण्यदं चैव माल्यं च प्रतिगृह्यताम्

nānāpuṣpavinirmāṇaṁ bahuśobhāsamanvitam | prītidaṁ puṇyadaṁ caiva mālyaṁ ca pratigṛhyatām

Fashioned from various flowers, filled with great beauty, giving both joy and merit — may this garland be accepted.

Verse 72 (devibhagavatam.9.26.72)

पुण्यदं च सुगन्धाढ्यं गन्धं च देवि गृह्यताम् । सिन्दूरं च वरं रम्यं भालशोभाविवर्धनम्

puṇyadaṁ ca sugandhāḍhyaṁ gandhaṁ ca devi gṛhyatām | sindūraṁ ca varaṁ ramyaṁ bhālaśobhāvivardhanam

O Goddess, may this meritorious, richly fragrant scent be accepted. (offering sindura) This excellent, lovely vermilion, which enhances the beauty of the brow —

Verse 73 (devibhagavatam.9.26.73)

भूषणानां च प्रवरं सिन्दूरं प्रतिगृह्यताम् । विशुद्धं ग्रन्थिसंयुक्तं पुण्यसूत्रविनिर्मितम्

bhūṣaṇānāṁ ca pravaraṁ sindūraṁ pratigṛhyatām | viśuddhaṁ granthisaṁyuktaṁ puṇyasūtravinirmitam

— foremost among ornaments, may this vermilion be accepted. (offering the sacred thread) Perfectly pure, joined with its knot, fashioned from a blessed thread —

Verse 74 (devibhagavatam.9.26.74)

पवित्रं वेदमन्त्रेण यज्ञसूत्रं च गृह्यताम् । द्रव्याण्येतानि मूलेन दत्त्वा स्तोत्रं पठेत्सुधीः

pavitraṁ vedamantreṇa yajñasūtraṁ ca gṛhyatām | dravyāṇyetāni mūlena dattvā stotraṁ paṭhetsudhīḥ

— consecrated by the Vedic mantra, may this sacred thread be accepted. Having offered all these articles with the root mantra, the wise one should then recite the hymn.

Verse 75 (devibhagavatam.9.26.75)

ततो विप्राय भक्त्या च व्रती दद्याच्च दक्षिणाम् । सावित्रीति चतुर्थ्यन्तं वह्निजायान्तमेव च

tato viprāya bhaktyā ca vratī dadyācca dakṣiṇām | sāvitrīti caturthyantaṁ vahnijāyāntameva ca

Then the votary should, with devotion, give dakshina to a brahmin. In the mantra, "Sāvitryai" (in the dative) is joined at the end with "the wife of Fire" (Svāhā) —

Verse 76 (devibhagavatam.9.26.76)

लक्ष्मीमायाकामपूर्वं मन्त्रमष्टाक्षरं विदुः । माध्यन्दिनोक्तं स्तोत्रं च सर्वकामफलप्रदम्

lakṣmīmāyākāmapūrvaṁ mantramaṣṭākṣaraṁ viduḥ | mādhyandinoktaṁ stotraṁ ca sarvakāmaphalapradam

preceded by the seed-syllables of Lakshmi, Maya, and Kama — thus is known this eight-syllabled mantra. The hymn declared in the Madhyandina branch bestows the fruit of every desire.

Verse 77 (devibhagavatam.9.26.77)

विप्रजीवनरूपं च निबोध कथयामि ते । कृष्णेन दत्तां सावित्रीं गोलोके ब्रह्मणे पुरा

viprajīvanarūpaṁ ca nibodha kathayāmi te | kṛṣṇena dattāṁ sāvitrīṁ goloke brahmaṇe purā

Now understand this account, the very lifeblood of brahmins; I shall tell you how, long ago in Goloka, Krishna gave Savitri to Brahma.

Verse 78 (devibhagavatam.9.26.78)

नायाति सा तेन सार्धं ब्रह्मलोके च नारद । ब्रह्मा कृष्णाज्ञया भक्त्या तुष्टाव वेदमातरम्

nāyāti sā tena sārdhaṁ brahmaloke ca nārada | brahmā kṛṣṇājñayā bhaktyā tuṣṭāva vedamātaram

O Narada, she did not go with him to Brahmaloka. By Krishna's command, Brahma, with devotion, praised and pleased the Mother of the Vedas.

Verse 79 (devibhagavatam.9.26.79)

तदा सा परितुष्टा च ब्रह्माणं चकमे पतिम् । ब्रह्मोवाव सच्चिदानन्दरूपे त्वं मूलप्रकृतिरूपिणि

tadā sā parituṣṭā ca brahmāṇaṁ cakame patim | brahmovāva saccidānandarūpe tvaṁ mūlaprakṛtirūpiṇi

Then, well pleased, she came to desire Brahma as her husband. Brahma said: "You are of the nature of Existence-Consciousness-Bliss, the very form of the Root Prakriti,"

Verse 80 (devibhagavatam.9.26.80)

हिरण्यगर्भरूपे त्वं प्रसन्ना भव सुन्दरि । तेजःस्वरूपे परमे परमानन्दरूपिणि

hiraṇyagarbharūpe tvaṁ prasannā bhava sundari | tejaḥsvarūpe parame paramānandarūpiṇi

"You are in the form of Hiranyagarbha; be pleased, O beautiful one. O supreme one, whose form is radiance, whose form is the highest bliss,"

Verse 81 (devibhagavatam.9.26.81)

द्विजातीनां जातिरूपे प्रसन्ना भव सुन्दरि । नित्ये नित्यप्रिये देवि नित्यानन्दस्वरूपिणि

dvijātīnāṁ jātirūpe prasannā bhava sundari | nitye nityapriye devi nityānandasvarūpiṇi

"O you who are the very form of the twice-born's birthright, be pleased, O beautiful one. O eternal one, ever-beloved goddess, of the form of everlasting bliss,"

Verse 82 (devibhagavatam.9.26.82)

सर्वमङ्गलरूपे च प्रसन्ना भव सुन्दरि । सर्वस्वरूपे विप्राणां मन्त्रसारे परात्परे

sarvamaṅgalarūpe ca prasannā bhava sundari | sarvasvarūpe viprāṇāṁ mantrasāre parātpare

"O you who are the form of all auspiciousness, be pleased, O beautiful one. O you who are everything to brahmins, the very essence of mantra, supreme above the supreme,"

Verse 83 (devibhagavatam.9.26.83)

सुखदे मोक्षदे देवि प्रसन्ना भव सुन्दरि । विप्रपापेध्मदाहाय ज्वलदग्निशिखोपमे

sukhade mokṣade devi prasannā bhava sundari | viprapāpedhmadāhāya jvaladagniśikhopame

"O goddess who grants happiness and liberation, be pleased, O beautiful one. O you who are like a blazing flame of fire, burning away the fuel of brahmins' sins,"

Verse 84 (devibhagavatam.9.26.84)

बह्मतेजःप्रदे देवि प्रसन्ना भव सुन्दरि । कायेन मनसा वाचा यत्पापं कुरुते नरः

bahmatejaḥprade devi prasannā bhava sundari | kāyena manasā vācā yatpāpaṁ kurute naraḥ

"O goddess who bestows the radiance of Brahman, be pleased, O beautiful one. Whatever sin a man commits by body, mind, or speech —"

Verse 85 (devibhagavatam.9.26.85)

तत्त्वत्स्मरणमात्रेण भस्मीभूतं भविष्यति । इत्युक्त्वा जगतां धाता तस्थौ तत्रैव संसदि

tattvatsmaraṇamātreṇa bhasmībhūtaṁ bhaviṣyati | ityuktvā jagatāṁ dhātā tasthau tatraiva saṁsadi

"— that, merely by remembering you, shall be reduced to ashes." Having spoken thus, the Creator of the worlds remained there in that very assembly.

Verse 86 (devibhagavatam.9.26.86)

सावित्री ब्रह्मणा सार्धं ब्रह्मलोकं जगाम सा । अनेन स्तवराजेन संस्तूयाश्वपतिर्नृपः

sāvitrī brahmaṇā sārdhaṁ brahmalokaṁ jagāma sā | anena stavarājena saṁstūyāśvapatirnṛpaḥ

Then Savitri went together with Brahma to Brahmaloka. Having praised her with this king of hymns, King Ashvapati —

Verse 87 (devibhagavatam.9.26.87)

ददर्श तां च सावित्रीं वरं प्राप मनोगतम् । स्तवराजमिमं पुण्यं सन्ध्यां कृत्वा च यः पठेत् । पाठे चतुर्णां वेदानां यत्फलं लभते च तत्

dadarśa tāṁ ca sāvitrīṁ varaṁ prāpa manogatam | stavarājamimaṁ puṇyaṁ sandhyāṁ kṛtvā ca yaḥ paṭhet | pāṭhe caturṇāṁ vedānāṁ yatphalaṁ labhate ca tat

— beheld Savitri and obtained the boon his heart desired. Whoever, having performed the sandhya, recites this meritorious king of hymns, obtains the very fruit that comes from reciting all four Vedas.