Yama's Account of the Fruits of Karma

Verse 1 (devibhagavatam.9.30.1)

सावित्र्युवाच । प्रयान्ति स्वर्गमन्यं च येनैव कर्मणा यम । मानवाः पुण्यवन्तश्च तन्मे व्याख्यातुमर्हसि

sāvitryuvāca | prayānti svargamanyaṁ ca yenaiva karmaṇā yama | mānavāḥ puṇyavantaśca tanme vyākhyātumarhasi

Savitri said: O Yama, by what karma do meritorious men attain heaven and other worlds? Please explain this to me.

Verse 2 (devibhagavatam.9.30.2)

धर्मराज उवाच । अन्नदानं च विप्राय यः करोति च भारते । अन्नप्रमाणवर्षं च शिवलोके महीयते

dharmarāja uvāca | annadānaṁ ca viprāya yaḥ karoti ca bhārate | annapramāṇavarṣaṁ ca śivaloke mahīyate

Dharmaraja said: He who gives food to a brahmin in Bharata is honored in Shivaloka for as many years as there are grains in that food.

Verse 3 (devibhagavatam.9.30.3)

अन्नदानं महादानमन्येभ्योऽपि करोति यः । अन्नदानप्रमाणं च शिवलोके महीयते

annadānaṁ mahādānamanyebhyo'pi karoti yaḥ | annadānapramāṇaṁ ca śivaloke mahīyate

He who gives the great gift of food to others as well is likewise honored in Shivaloka, in measure to that gift of food.

Verse 4 (devibhagavatam.9.30.4)

अन्नदानात्परं दानं न भूतं न भविष्यति । नात्र पात्रपरीक्षा स्यान्न कालनियमः क्वचित्

annadānātparaṁ dānaṁ na bhūtaṁ na bhaviṣyati | nātra pātraparīkṣā syānna kālaniyamaḥ kvacit

There has never been, nor shall there ever be, a gift greater than the gift of food. Here no examination of the recipient's worthiness is needed, nor any restriction of time.

Verse 5 (devibhagavatam.9.30.5)

देवेभ्यो ब्राह्मणेभ्यो वा ददाति चासनं यदि । महीयते विष्णुलोके वर्षाणामयुतं सति

devebhyo brāhmaṇebhyo vā dadāti cāsanaṁ yadi | mahīyate viṣṇuloke varṣāṇāmayutaṁ sati

If one gives a seat to the gods or to brahmins, he is honored in Vishnuloka for ten thousand years.

Verse 6 (devibhagavatam.9.30.6)

यो ददाति च विप्राय दिव्यां धेनुं पयस्विनीम् । तल्लोममानवर्षं च विष्णुलोके महीयते

yo dadāti ca viprāya divyāṁ dhenuṁ payasvinīm | tallomamānavarṣaṁ ca viṣṇuloke mahīyate

He who gives a brahmin a divine, milk-yielding cow is honored in Vishnuloka for as many years as there are hairs upon that cow.

Verse 7 (devibhagavatam.9.30.7)

चतुर्गुणं पुण्यदिने तीर्थे शतगुणं फलम् । दानं नारायणक्षेत्रं फलं कोटिगुणं भवेत्

caturguṇaṁ puṇyadine tīrthe śataguṇaṁ phalam | dānaṁ nārāyaṇakṣetraṁ phalaṁ koṭiguṇaṁ bhavet

On an auspicious day, the merit is fourfold; at a sacred site, the fruit is a hundredfold. A gift given in a Narayana-kshetra becomes ten million times as fruitful.

Verse 8 (devibhagavatam.9.30.8)

गां यो ददाति विप्राय भारते भक्तिपूर्वकम् । वर्षाणामयुतं चैव चन्द्रलोके महीयते

gāṁ yo dadāti viprāya bhārate bhaktipūrvakam | varṣāṇāmayutaṁ caiva candraloke mahīyate

He who, with devotion, gives a cow to a brahmin in Bharata is honored in Chandraloka for ten thousand years.

Verse 9 (devibhagavatam.9.30.9)

यश्चोभयमुखीदानं करोति ब्राह्मणाय च । तल्लोममानवर्षं च विष्णुलोके महीयते

yaścobhayamukhīdānaṁ karoti brāhmaṇāya ca | tallomamānavarṣaṁ ca viṣṇuloke mahīyate

He who gives an "ubhayamukhi" cow (a specially designated gift-cow) to a brahmin is honored in Vishnuloka for as many years as there are hairs upon it.

Verse 10 (devibhagavatam.9.30.10)

यो ददाति ब्राह्मणाय श्वेतच्छत्रं मनोहरम् । वर्षाणामयुतं सोऽपि मोदते वरुणालये

yo dadāti brāhmaṇāya śvetacchatraṁ manoharam | varṣāṇāmayutaṁ so'pi modate varuṇālaye

He who gives a brahmin a lovely white parasol rejoices in Varuna's abode for ten thousand years.

Verse 11 (devibhagavatam.9.30.11)

विप्राय पीडिताङ्गाय वस्त्रयुग्मं ददाति च । महीयते वायुलोके वर्षाणामयुतं सति

viprāya pīḍitāṅgāya vastrayugmaṁ dadāti ca | mahīyate vāyuloke varṣāṇāmayutaṁ sati

He who gives a pair of garments to a brahmin whose body is afflicted is honored in Vayuloka for ten thousand years.

Verse 12 (devibhagavatam.9.30.12)

यो ददाति ब्राह्मणाय शालग्रामं सवस्त्रकम् । महीयते स वैकुण्ठे यावच्चन्द्रदिवाकरौ

yo dadāti brāhmaṇāya śālagrāmaṁ savastrakam | mahīyate sa vaikuṇṭhe yāvaccandradivākarau

He who gives a brahmin a Shaligrama together with cloth is honored in Vaikuntha for as long as the sun and moon endure.

Verse 13 (devibhagavatam.9.30.13)

यो ददाति ब्राह्मणाय दिव्यां शय्यां मनोहराम् । महीयते चन्द्रलोके यावच्चन्द्रदिवाकरौ

yo dadāti brāhmaṇāya divyāṁ śayyāṁ manoharām | mahīyate candraloke yāvaccandradivākarau

He who gives a brahmin a divine and lovely bed is honored in Chandraloka for as long as the sun and moon endure.

Verse 14 (devibhagavatam.9.30.14)

यो ददाति प्रदीपं च देवेभ्यो ब्राह्मणाय च । यावन्मन्वन्तरं सोऽपि वह्निलोके महीयते

yo dadāti pradīpaṁ ca devebhyo brāhmaṇāya ca | yāvanmanvantaraṁ so'pi vahniloke mahīyate

He who gives a lamp to the gods or to a brahmin is honored in the world of Fire for a full Manvantara.

Verse 15 (devibhagavatam.9.30.15)

करोति गजदानं च यदि विप्राय भारते । यावदिन्द्रो नरस्तावदिन्द्रस्यार्धासने वसेत्

karoti gajadānaṁ ca yadi viprāya bhārate | yāvadindro narastāvadindrasyārdhāsane vaset

If, in Bharata, one gives the gift of an elephant to a brahmin, then for as long as that Indra reigns, he shall sit upon half of Indra's throne.

Verse 16 (devibhagavatam.9.30.16)

भारते योऽश्वदानं च करोति ब्राह्मणाय च । मोदते वारुणे लोके यावदिन्द्राश्चतुर्दश

bhārate yo'śvadānaṁ ca karoti brāhmaṇāya ca | modate vāruṇe loke yāvadindrāścaturdaśa

He who, in Bharata, gives the gift of a horse to a brahmin rejoices in Varuna's world for the span of fourteen Indras.

Verse 17 (devibhagavatam.9.30.17)

प्रकृष्टां शिबिकां यो हि ददाति ब्राह्मणाय च । मोदते वारुणे लोके यावदिन्द्राश्चतुर्दश

prakṛṣṭāṁ śibikāṁ yo hi dadāti brāhmaṇāya ca | modate vāruṇe loke yāvadindrāścaturdaśa

He who gives an excellent palanquin to a brahmin rejoices in Varuna's world for the span of fourteen Indras.

Verse 18 (devibhagavatam.9.30.18)

प्रकृष्टां वाटिका यो हि ददाति ब्राह्मणाय च । महीयते वायुलोके यावन्मन्वन्तरं सति

prakṛṣṭāṁ vāṭikā yo hi dadāti brāhmaṇāya ca | mahīyate vāyuloke yāvanmanvantaraṁ sati

He who gives an excellent garden to a brahmin is honored in Vayuloka for a full Manvantara.

Verse 19 (devibhagavatam.9.30.19)

यो ददाति च विप्राय व्यजनं श्वेतचामरम् । महीयते वायुलोके वर्षाणामयुतं ध्रुवम्

yo dadāti ca viprāya vyajanaṁ śvetacāmaram | mahīyate vāyuloke varṣāṇāmayutaṁ dhruvam

He who gives a brahmin a fan or a white chowrie is surely honored in Vayuloka for ten thousand years.

Verse 20 (devibhagavatam.9.30.20)

धान्यं रत्नं यो ददाति चिरञ्जीवी भवेत्सुधीः । दाता ग्रहीता तौ द्वौ च ध्रुवं वैकुण्ठगामिनौ

dhānyaṁ ratnaṁ yo dadāti cirañjīvī bhavetsudhīḥ | dātā grahītā tau dvau ca dhruvaṁ vaikuṇṭhagāminau

He who gives grain or jewels becomes wise and long-lived; both the giver and the receiver of such a gift are surely bound for Vaikuntha.

Verse 21 (devibhagavatam.9.30.21)

सततं श्रीहरेर्नाम भारते यो जपेन्नरः । स एव चिरजीवी च ततो मृत्युः पलायते

satataṁ śrīharernāma bhārate yo japennaraḥ | sa eva cirajīvī ca tato mṛtyuḥ palāyate

The man in Bharata who ceaselessly repeats the Name of Sri Hari becomes long-lived indeed; death itself flees from him.

Verse 22 (devibhagavatam.9.30.22)

यो नरो भारते वर्षे दोलनं कारयेत्सुधीः । पूर्णिमारजनीशेषे जीवन्मुक्तो भवेन्नरः

yo naro bhārate varṣe dolanaṁ kārayetsudhīḥ | pūrṇimārajanīśeṣe jīvanmukto bhavennaraḥ

The wise man in Bharata who arranges a swing-festival, keeping vigil through the night of the full moon, becomes liberated while yet living.

Verse 23 (devibhagavatam.9.30.23)

इहलोके सुखं भुक्त्वा यात्यन्ते विष्णुमन्दिरम् । निश्चितं निवसेत्तत्र शतमन्वन्तरावधि

ihaloke sukhaṁ bhuktvā yātyante viṣṇumandiram | niścitaṁ nivasettatra śatamanvantarāvadhi

Having enjoyed happiness in this world, he goes at last to the abode of Vishnu; there he shall certainly dwell for a hundred Manvantaras.

Verse 24 (devibhagavatam.9.30.24)

फलमुत्तरफल्गुन्यां ततोऽपि द्विगुणं भवेत् । कल्पान्तजीवी स भवेदित्याह कमलोद्भवः

phalamuttaraphalgunyāṁ tato'pi dviguṇaṁ bhavet | kalpāntajīvī sa bhavedityāha kamalodbhavaḥ

If performed under the Uttara Phalguni nakshatra, the fruit doubles again; he becomes one who lives until the very end of the kalpa — so declares Brahma, the lotus-born.

Verse 25 (devibhagavatam.9.30.25)

तिलदानं ब्राह्मणाय यः करोति च भारते । तिलप्रमाणवर्षं च मोदते शिवमन्दिरे

tiladānaṁ brāhmaṇāya yaḥ karoti ca bhārate | tilapramāṇavarṣaṁ ca modate śivamandire

He who gives sesame seeds to a brahmin in Bharata rejoices in Shiva's abode for as many years as there are sesame seeds given.

Verse 26 (devibhagavatam.9.30.26)

ततः सुयोनिं सम्प्राप्य चिरञ्जीवी भवेत्सुखी । ताम्रपात्रस्य दानेन द्विगुणं च फलं लभेत्

tataḥ suyoniṁ samprāpya cirañjīvī bhavetsukhī | tāmrapātrasya dānena dviguṇaṁ ca phalaṁ labhet

Thereafter, attaining a good birth, he becomes long-lived and happy. By the gift of a copper vessel, one obtains twice that fruit.

Verse 27 (devibhagavatam.9.30.27)

सालङ्कृतां च भोग्यां च सवस्त्रां सुन्दरीं प्रियाम् । यो ददाति ब्राह्मणाय भारते च पतिव्रताम्

sālaṅkṛtāṁ ca bhogyāṁ ca savastrāṁ sundarīṁ priyām | yo dadāti brāhmaṇāya bhārate ca pativratām

He who, in Bharata, gives a brahmin a beautiful, beloved wife — adorned with ornaments, clothed, devoted —

Verse 28 (devibhagavatam.9.30.28)

महीयते चन्द्रलोके यावदिन्द्राश्चतुर्दश । तत्र स्वर्वेश्यया सार्धं मोदते च दिवानिशम्

mahīyate candraloke yāvadindrāścaturdaśa | tatra svarveśyayā sārdhaṁ modate ca divāniśam

— is honored in Chandraloka for the span of fourteen Indras. There he rejoices day and night in the company of a celestial courtesan.

Verse 29 (devibhagavatam.9.30.29)

ततो गन्धर्वलोके च वर्षाणामयुतं ध्रुवम् । दिवानिशं कौतुकेन चोर्वश्या सह मोदते

tato gandharvaloke ca varṣāṇāmayutaṁ dhruvam | divāniśaṁ kautukena corvaśyā saha modate

Then, in Gandharvaloka, for ten thousand years, he surely rejoices day and night, delighting in the company of Urvashi.

Verse 30 (devibhagavatam.9.30.30)

ततो जन्मसहस्रं च प्राप्नोति सुन्दरीं प्रियाम् । सतीं सौभाग्ययुक्तां च कोमलां प्रियवादिनीम्

tato janmasahasraṁ ca prāpnoti sundarīṁ priyām | satīṁ saubhāgyayuktāṁ ca komalāṁ priyavādinīm

Thereafter, for a thousand births, he obtains a beautiful and beloved wife — virtuous, blessed with good fortune, gentle, and sweet of speech.

Verse 31 (devibhagavatam.9.30.31)

प्रददाति फलं चारु ब्राह्मणाय च यो नरः । फलप्रमाणवर्षं च शक्रलोके महीयते

pradadāti phalaṁ cāru brāhmaṇāya ca yo naraḥ | phalapramāṇavarṣaṁ ca śakraloke mahīyate

The man who gives a fine fruit to a brahmin is honored in Indra's world for as many years as that fruit's measure.

Verse 32 (devibhagavatam.9.30.32)

पुनः सुयोनिं सम्प्राप्य लभते सुतमुत्तमम् । सफलानां च वृक्षाणां सहस्रं च प्रशंसितम्

punaḥ suyoniṁ samprāpya labhate sutamuttamam | saphalānāṁ ca vṛkṣāṇāṁ sahasraṁ ca praśaṁsitam

Attaining a good birth once more, he obtains an excellent son. The gift of a thousand fruit-bearing trees is highly praised.

Verse 33 (devibhagavatam.9.30.33)

केवलं फलदानं वा ब्राह्मणाय ददाति च । सुचिरं स्वर्गवासं च कृत्वा याति च भारते

kevalaṁ phaladānaṁ vā brāhmaṇāya dadāti ca | suciraṁ svargavāsaṁ ca kṛtvā yāti ca bhārate

Or, giving merely fruit alone to a brahmin, one dwells long in heaven, and thereafter comes again to Bharata.

Verse 34 (devibhagavatam.9.30.34)

नानाद्रव्यसमायुक्तं नानासस्यसमन्वितम् । ददाति यश्च विप्राय भारते विपुलं गृहम्

nānādravyasamāyuktaṁ nānāsasyasamanvitam | dadāti yaśca viprāya bhārate vipulaṁ gṛham

He who gives a brahmin, in Bharata, a spacious house furnished with various goods and stocked with various grains —

Verse 35 (devibhagavatam.9.30.35)

सुरलोके वसेत्सोऽपि यावन्मन्वन्तरं शतम् । ततः सुयोनिं सम्प्राप्य स महाधनवान्भवेत्

suraloke vasetso'pi yāvanmanvantaraṁ śatam | tataḥ suyoniṁ samprāpya sa mahādhanavānbhavet

— dwells in the world of the gods for a hundred Manvantaras. Thereafter, attaining a good birth, he becomes exceedingly wealthy.

Verse 36 (devibhagavatam.9.30.36)

यो नरः सस्यसंयुक्तां भूमिं च रुचिरां सति । ददाति भक्त्या विप्राय पुण्यक्षेत्रे च भारते

yo naraḥ sasyasaṁyuktāṁ bhūmiṁ ca rucirāṁ sati | dadāti bhaktyā viprāya puṇyakṣetre ca bhārate

The man who, with devotion, gives fertile, crop-bearing land to a brahmin in Bharata's sacred land —

Verse 37 (devibhagavatam.9.30.37)

महीयते च वैकुण्ठे मन्वन्तरशतं ध्रुवम् । पुनः सुयोनिं सम्प्राप्य महांश्च भूमिपो भवेत्

mahīyate ca vaikuṇṭhe manvantaraśataṁ dhruvam | punaḥ suyoniṁ samprāpya mahāṁśca bhūmipo bhavet

— is certainly honored in Vaikuntha for a hundred Manvantaras. Attaining a good birth once more, he becomes a great ruler of the earth.

Verse 38 (devibhagavatam.9.30.38)

तं न त्यजति भूमिश्च जन्मनां शतकं परम् । श्रीमांश्च धनवांश्चैव पुत्रवांश्च प्रजेश्वरः

taṁ na tyajati bhūmiśca janmanāṁ śatakaṁ param | śrīmāṁśca dhanavāṁścaiva putravāṁśca prajeśvaraḥ

The earth does not desert him for a full hundred births; he becomes glorious, wealthy, blessed with sons, and lord of his people.

Verse 39 (devibhagavatam.9.30.39)

यो व्रजं च प्रकृष्टं च ग्रामं दद्याद् द्विजाय च । लक्षमन्वन्तरं चैव वैकुण्ठे स महीयते

yo vrajaṁ ca prakṛṣṭaṁ ca grāmaṁ dadyād dvijāya ca | lakṣamanvantaraṁ caiva vaikuṇṭhe sa mahīyate

He who gives an excellent pastoral settlement or village to a twice-born is honored in Vaikuntha for a hundred thousand Manvantaras.

Verse 40 (devibhagavatam.9.30.40)

पुनः सुयोनिं सम्प्राप्य ग्रामलक्षसमन्वितम् । न जहाति च तं पृथ्वी जन्मनां लक्षमेव च

punaḥ suyoniṁ samprāpya grāmalakṣasamanvitam | na jahāti ca taṁ pṛthvī janmanāṁ lakṣameva ca

Attaining a good birth once more, he comes to possess a hundred thousand villages; and the earth does not desert him for a hundred thousand births.

Verse 41 (devibhagavatam.9.30.41)

सुप्रजं च प्रकृष्टं च पक्वसस्यसमन्वितम् । नानापुष्करिणीवृक्षफलवल्लीसमन्वितम्

suprajaṁ ca prakṛṣṭaṁ ca pakvasasyasamanvitam | nānāpuṣkariṇīvṛkṣaphalavallīsamanvitam

(Regarding the gift of a city:) well-populated, excellent, rich with ripened crops, adorned with many ponds, trees, fruits, and vines —

Verse 42 (devibhagavatam.9.30.42)

नगरं यश्च विप्राय ददाति भारते भुवि । महीयते स कैलासे दशलक्षेन्द्रकालकम्

nagaraṁ yaśca viprāya dadāti bhārate bhuvi | mahīyate sa kailāse daśalakṣendrakālakam

— he who gives such a city to a brahmin in the land of Bharata is honored in Kailasa for the duration of ten hundred thousand Indras.

Verse 43 (devibhagavatam.9.30.43)

पुनः सुयोनिं सम्प्राप्य राजेन्द्रो भारते भवेत् । नगराणां च नियुतं स लभेन्नात्र संशयः

punaḥ suyoniṁ samprāpya rājendro bhārate bhavet | nagarāṇāṁ ca niyutaṁ sa labhennātra saṁśayaḥ

Attaining a good birth once more, he becomes a great king in Bharata; he obtains a million cities, of this there is no doubt.

Verse 44 (devibhagavatam.9.30.44)

धरा तं न जहात्येव जन्मनामयुतं ध्रुवम् । परमैश्वर्यनियुतो भवेदेव महीतले

dharā taṁ na jahātyeva janmanāmayutaṁ dhruvam | paramaiśvaryaniyuto bhavedeva mahītale

The earth surely does not desert him for ten thousand births; he becomes endowed with supreme sovereignty upon the earth.

Verse 45 (devibhagavatam.9.30.45)

नगराणां च शतकं देशं यो हि द्विजातये । सुप्रकृष्टं मध्यकृष्टं प्रजायुक्तं ददाति च

nagarāṇāṁ ca śatakaṁ deśaṁ yo hi dvijātaye | suprakṛṣṭaṁ madhyakṛṣṭaṁ prajāyuktaṁ dadāti ca

He who gives a twice-born a hundred cities, or an entire country — whether of the finest or of middling quality, well-populated —

Verse 46 (devibhagavatam.9.30.46)

वापीतडागसंयुक्तं नानावृक्षसमन्वितम् । महीयते स वैकुण्ठे कोटिमन्वन्तरावधि

vāpītaḍāgasaṁyuktaṁ nānāvṛkṣasamanvitam | mahīyate sa vaikuṇṭhe koṭimanvantarāvadhi

— endowed with stepwells and ponds, adorned with various trees, is honored in Vaikuntha for a crore of Manvantaras.

Verse 47 (devibhagavatam.9.30.47)

पुनः सुयोनिं सम्प्राप्य जम्बुद्वीपपतिर्भवेत् । परमैश्वर्यसंयुक्तो यथा शक्रस्तथा भुवि

punaḥ suyoniṁ samprāpya jambudvīpapatirbhavet | paramaiśvaryasaṁyukto yathā śakrastathā bhuvi

Attaining a good birth once more, he becomes lord of Jambudvipa, endowed with supreme sovereignty on earth, like Indra himself.

Verse 48 (devibhagavatam.9.30.48)

मही तं न जहात्येव जन्मनां कोटिमेव च । कल्पान्तजीवी स भवेद्राजराजेश्वरो महान्

mahī taṁ na jahātyeva janmanāṁ koṭimeva ca | kalpāntajīvī sa bhavedrājarājeśvaro mahān

The earth surely does not desert him for a crore of births; he becomes one who lives until the end of the kalpa, the great overlord of kings.

Verse 49 (devibhagavatam.9.30.49)

स्वाधिकारं समग्रं च यो ददाति द्विजातये । चतुर्गुणं फलं चान्ते भवेत्तस्य न संशयः

svādhikāraṁ samagraṁ ca yo dadāti dvijātaye | caturguṇaṁ phalaṁ cānte bhavettasya na saṁśayaḥ

He who gives his entire dominion to a twice-born — the fruit for him becomes, at the end, fourfold, of this there is no doubt.

Verse 50 (devibhagavatam.9.30.50)

जम्बुद्वीपं यो ददाति ब्राह्मणाय तपस्विने । फलं शतगुणं चान्ते भवेत्तस्य न संशयः

jambudvīpaṁ yo dadāti brāhmaṇāya tapasvine | phalaṁ śataguṇaṁ cānte bhavettasya na saṁśayaḥ

He who gives all of Jambudvipa to an ascetic brahmin — the fruit for him becomes, at the end, a hundredfold, of this there is no doubt.

Verse 51 (devibhagavatam.9.30.51)

जम्बुद्वीपमहीदातुः सर्वतीर्थानि सेवितुः । सर्वेषां तपसां कर्तुः सर्वेषां वासकारिणः

jambudvīpamahīdātuḥ sarvatīrthāni sevituḥ | sarveṣāṁ tapasāṁ kartuḥ sarveṣāṁ vāsakāriṇaḥ

For the one who has given the land of Jambudvipa, who has served every sacred site, performed every austerity, and provided dwelling to all —

Verse 52 (devibhagavatam.9.30.52)

सर्वदानप्रदातुश्च सर्वसिद्धेश्वरस्य च । अस्त्येव पुनरावृत्तिर्न भक्तस्य महेशितुः

sarvadānapradātuśca sarvasiddheśvarasya ca | astyeva punarāvṛttirna bhaktasya maheśituḥ

— who has given every kind of gift and is lord of every siddhi — for such a one, rebirth still awaits; but not for the devotee of the Great Goddess.

Verse 53 (devibhagavatam.9.30.53)

असङ्ख्यब्रह्मणां पातं पश्यन्ति भुवनेशितुः । निवसन्ति मणिद्वीपे श्रीदेव्याः परमे पदे

asaṅkhyabrahmaṇāṁ pātaṁ paśyanti bhuvaneśituḥ | nivasanti maṇidvīpe śrīdevyāḥ parame pade

They — the devotees of the Lord of the Universe — witness the fall of countless Brahmas; they dwell in Manidvipa, the supreme abode of the Goddess Shri.

Verse 54 (devibhagavatam.9.30.54)

देवीमन्त्रोपासकाश्च विहाय मानवीं तनुम् । विभूतिं दिव्यरूपं च जन्ममृत्युजराहरम्

devīmantropāsakāśca vihāya mānavīṁ tanum | vibhūtiṁ divyarūpaṁ ca janmamṛtyujarāharam

The worshippers of the Devi-mantra, having relinquished the human body, attain glory and a divine form that removes birth, death, and old age.

Verse 55 (devibhagavatam.9.30.55)

लब्ध्वा देव्याश्च सारूप्यं देवीसेवां च कुर्वते । पश्यन्ति ते मणिद्वीपे सखण्डं लोकसङ्क्षयम्

labdhvā devyāśca sārūpyaṁ devīsevāṁ ca kurvate | paśyanti te maṇidvīpe sakhaṇḍaṁ lokasaṅkṣayam

Having attained sarupya, likeness of form, with the Goddess, they render her service. In Manidvipa they witness the dissolution of the worlds, with all their divisions.

Verse 56 (devibhagavatam.9.30.56)

नश्यन्ति देवाः सिद्धाश्च विश्वानि निखिलानि च । देवीभक्ता न नश्यन्ति जन्ममृत्युजराहराः

naśyanti devāḥ siddhāśca viśvāni nikhilāni ca | devībhaktā na naśyanti janmamṛtyujarāharāḥ

Gods, siddhas, and all the universes perish; but the devotees of the Goddess do not perish, for birth, death, and old age have been removed from them.

Verse 57 (devibhagavatam.9.30.57)

कार्तिके तुलसीदानं करोति हरये च यः । युगत्रयप्रमाणं च मोदते हरिमन्दिरे

kārtike tulasīdānaṁ karoti haraye ca yaḥ | yugatrayapramāṇaṁ ca modate harimandire

He who, in the month of Kartika, gives Tulasi to Hari rejoices in Hari's abode for the span of three yugas.

Verse 58 (devibhagavatam.9.30.58)

पुनः सुयोनिं सम्प्राप्य हरिभक्तिं लभेद् ध्रुवम् । जितेन्द्रियाणां प्रवरः स भवेद्भारते भुवि

punaḥ suyoniṁ samprāpya haribhaktiṁ labhed dhruvam | jitendriyāṇāṁ pravaraḥ sa bhavedbhārate bhuvi

Attaining a good birth once more, he surely obtains devotion to Hari; he becomes foremost among the self-controlled on earth in Bharata.

Verse 59 (devibhagavatam.9.30.59)

मध्ये यः स्नाति गङ्गायामरुणोदयकालतः । युगषष्टिसहस्राणि मोदते हरिमन्दिरे

madhye yaḥ snāti gaṅgāyāmaruṇodayakālataḥ | yugaṣaṣṭisahasrāṇi modate harimandire

He who bathes in the middle of the Ganga at the hour of dawn's first light rejoices in Hari's abode for sixty thousand yugas.

Verse 60 (devibhagavatam.9.30.60)

पुनः सुयोनिं सम्प्राप्य विष्णुमन्त्रं लभेद् ध्रुवम् । त्यक्त्वा च मानुषं देहं पुनर्याति हरेः पदम्

punaḥ suyoniṁ samprāpya viṣṇumantraṁ labhed dhruvam | tyaktvā ca mānuṣaṁ dehaṁ punaryāti hareḥ padam

Attaining a good birth once more, he surely obtains the Vishnu-mantra; and having relinquished his human body, he goes again to the abode of Hari.

Verse 61 (devibhagavatam.9.30.61)

नास्ति तत्पुनरावृत्तिर्वैकुण्ठाच्च महीतले । करोति हरिदास्यं च तथा सारूप्यमेव च

nāsti tatpunarāvṛttirvaikuṇṭhācca mahītale | karoti haridāsyaṁ ca tathā sārūpyameva ca

From that Vaikuntha there is no return to earth; he performs service to Hari, and likewise attains sarupya, oneness of form with him.

Verse 62 (devibhagavatam.9.30.62)

नित्यस्नायी च गङ्गायां स पूतः सूर्यवद्भुवि । पदे पदेऽश्वमेधस्य लभते निश्चितं फलम्

nityasnāyī ca gaṅgāyāṁ sa pūtaḥ sūryavadbhuvi | pade pade'śvamedhasya labhate niścitaṁ phalam

He who bathes daily in the Ganga is as pure upon the earth as the sun; at every step he surely obtains the fruit of an Ashvamedha sacrifice.

Verse 63 (devibhagavatam.9.30.63)

तस्यैव पादरजसा सद्यःपूता वसुन्धरा । मोदते स च वैकुण्ठे यावच्चन्द्रदिवाकरौ

tasyaiva pādarajasā sadyaḥpūtā vasundharā | modate sa ca vaikuṇṭhe yāvaccandradivākarau

By the very dust of his feet, the earth is instantly purified. He rejoices in Vaikuntha for as long as the sun and moon endure.

Verse 64 (devibhagavatam.9.30.64)

पुनः सुयोनिं सम्प्राप्य हरिभक्तिं लभेद् ध्रुवम् । जीवन्मुक्तोऽतितेजस्वी तपस्विप्रवरो भवेत्

punaḥ suyoniṁ samprāpya haribhaktiṁ labhed dhruvam | jīvanmukto'titejasvī tapasvipravaro bhavet

Attaining a good birth once more, he surely obtains devotion to Hari; he becomes liberated while living, exceedingly radiant, foremost among ascetics.

Verse 65 (devibhagavatam.9.30.65)

स्वधर्मनिरतः शुद्धो विद्वांश्च स जितेन्द्रियः । मीनकर्कटयोर्मध्ये गाढं तपति भास्करः

svadharmanirataḥ śuddho vidvāṁśca sa jitendriyaḥ | mīnakarkaṭayormadhye gāḍhaṁ tapati bhāskaraḥ

He remains devoted to his own dharma, pure, learned, and of controlled senses. Between Pisces and Cancer, the sun blazes most fiercely.

Verse 66 (devibhagavatam.9.30.66)

भारते यो ददात्येव जलमेव सुवासितम् । स मोदते च कैलासे यावदिन्द्राश्चतुर्दश

bhārate yo dadātyeva jalameva suvāsitam | sa modate ca kailāse yāvadindrāścaturdaśa

He who, in Bharata, gives fragrant water during that season rejoices in Kailasa for the span of fourteen Indras.

Verse 67 (devibhagavatam.9.30.67)

पुनः सुयोनिं सम्प्राप्य रूपवांश्च सुखी भवेत् । शिवभक्तश्च तेजस्वी वेदवेदाङ्गपारगः

punaḥ suyoniṁ samprāpya rūpavāṁśca sukhī bhavet | śivabhaktaśca tejasvī vedavedāṅgapāragaḥ

Attaining a good birth once more, he becomes handsome and happy, a devotee of Shiva, radiant, and a master of the Vedas and their auxiliary sciences.

Verse 68 (devibhagavatam.9.30.68)

वैशाखे सक्तुदानं च यः करोति द्विजातये । सक्तुरेणुप्रमाणाब्दं मोदते शिवमन्दिरे

vaiśākhe saktudānaṁ ca yaḥ karoti dvijātaye | saktureṇupramāṇābdaṁ modate śivamandire

He who, in the month of Vaishakha, gives roasted-grain flour to a twice-born rejoices in Shiva's abode for as many years as there are particles of that flour.

Verse 69 (devibhagavatam.9.30.69)

करोति भारते यो हि कृष्णजन्माष्टमीव्रतम् । शतजन्मकृतं पापं मुच्यते नात्र संशयः

karoti bhārate yo hi kṛṣṇajanmāṣṭamīvratam | śatajanmakṛtaṁ pāpaṁ mucyate nātra saṁśayaḥ

He who observes the Krishna Janmashtami vow in Bharata is freed from the sin accumulated across a hundred births — of this there is no doubt.

Verse 70 (devibhagavatam.9.30.70)

वैकुण्ठे मोदते सोऽपि यावदिन्द्राश्चतुर्दश । पुनः सुयोनिं सम्प्राप्य कृष्णे भक्तिंलभेद् ध्रुवम्

vaikuṇṭhe modate so'pi yāvadindrāścaturdaśa | punaḥ suyoniṁ samprāpya kṛṣṇe bhaktiṁlabhed dhruvam

He too rejoices in Vaikuntha for the span of fourteen Indras. Attaining a good birth once more, he surely obtains devotion to Krishna.

Verse 71 (devibhagavatam.9.30.71)

इहैव भारते वर्षे शिवरात्रिं करोति यः । मोदते शिवलोके स सप्तमन्वन्तरावधि

ihaiva bhārate varṣe śivarātriṁ karoti yaḥ | modate śivaloke sa saptamanvantarāvadhi

He who, here in Bharata, observes Shivaratri rejoices in Shivaloka for the span of seven Manvantaras.

Verse 72 (devibhagavatam.9.30.72)

शिवाय शिवरात्रौ च बिल्वपत्रं ददाति यः । पत्रमानयुगं तत्र मोदते शिवमन्दिरे

śivāya śivarātrau ca bilvapatraṁ dadāti yaḥ | patramānayugaṁ tatra modate śivamandire

He who, on Shivaratri, offers a bilva leaf to Shiva rejoices in Shiva's abode for two ages, reckoned by that leaf's measure.

Verse 73 (devibhagavatam.9.30.73)

पुनः सुयोनिं सम्प्राप्य शिवभक्तिं लभेद्ध्रुवम् । विद्यावान्पुत्रवाञ्छ्रीमान् प्रजावान्भूमिमान्भवेत्

punaḥ suyoniṁ samprāpya śivabhaktiṁ labheddhruvam | vidyāvānputravāñchrīmān prajāvānbhūmimānbhavet

Attaining a good birth once more, he surely obtains devotion to Shiva; he becomes learned, blessed with sons, prosperous, blessed with progeny, and a landholder.

Verse 74 (devibhagavatam.9.30.74)

चैत्रमासेऽथवा माघे शङ्करं योऽर्चयेद्व्रती । करोति नर्तनं भक्त्या वेत्रपाणिर्दिवानिशम्

caitramāse'thavā māghe śaṅkaraṁ yo'rcayedvratī | karoti nartanaṁ bhaktyā vetrapāṇirdivāniśam

The votary who worships Shankara in the month of Chaitra or Magha, dancing with devotion, staff in hand, day and night —

Verse 75 (devibhagavatam.9.30.75)

मासं वाप्यर्धमासं वा दश सप्त दिनानि च । दिनमानयुगं सोऽपि शिवलोके महीयते

māsaṁ vāpyardhamāsaṁ vā daśa sapta dināni ca | dinamānayugaṁ so'pi śivaloke mahīyate

— for a month, or half a month, or ten or seven days, is honored in Shivaloka for two ages measured by the number of those days.

Verse 76 (devibhagavatam.9.30.76)

श्रीरामनवमीं यो हि करोति भारते पुमान् । सप्तमन्वन्तरं यावन्मोदते विष्णुमन्दिरे

śrīrāmanavamīṁ yo hi karoti bhārate pumān | saptamanvantaraṁ yāvanmodate viṣṇumandire

The man in Bharata who observes Sri Ramanavami rejoices in Vishnu's abode for seven Manvantaras.

Verse 77 (devibhagavatam.9.30.77)

पुनः सुयोनिं सम्प्राप्य रामभक्तिं लभेद्ध्रुवम् । जितेन्द्रियाणां प्रवरो महांश्च धनवान्भवेत्

punaḥ suyoniṁ samprāpya rāmabhaktiṁ labheddhruvam | jitendriyāṇāṁ pravaro mahāṁśca dhanavānbhavet

Attaining a good birth once more, he surely obtains devotion to Rama; he becomes foremost among the self-controlled, great, and wealthy.

Verse 78 (devibhagavatam.9.30.78)

शारदीयां महापूजां प्रकृतेर्यः करोति च । महिषैश्छागलैर्मेषैः खड्गैर्भेकादिभिः सति

śāradīyāṁ mahāpūjāṁ prakṛteryaḥ karoti ca | mahiṣaiśchāgalairmeṣaiḥ khaḍgairbhekādibhiḥ sati

He who performs the great autumn worship of Prakriti, the Goddess — with buffaloes, goats, rams, swords, frogs, and the like —

Verse 79 (devibhagavatam.9.30.79)

नैवेद्यैरुपहारैश्च धूपदीपादिभिस्तथा । नृत्यगीतादिभिर्वाद्यैर्नानाकौतुकमङ्गलम्

naivedyairupahāraiśca dhūpadīpādibhistathā | nṛtyagītādibhirvādyairnānākautukamaṅgalam

— with food-offerings and gifts, with incense and lamps, with dance, song, and music, and with many joyous, auspicious festivities —

Verse 80 (devibhagavatam.9.30.80)

शिवलोके वसेत्सोऽपि सप्तमन्वन्तरावधि । पुनः सुयोनिं सम्प्राप्य नरो बुद्धिं च निर्मलाम्

śivaloke vasetso'pi saptamanvantarāvadhi | punaḥ suyoniṁ samprāpya naro buddhiṁ ca nirmalām

— dwells in Shivaloka for the span of seven Manvantaras. Attaining a good birth once more, that man gains a pure intellect,

Verse 81 (devibhagavatam.9.30.81)

अतुलां श्रियमाप्नोति पुत्रपौत्रविवर्धनीम् । महाप्रभावयुक्तश्च गजवाजिसमन्वितः

atulāṁ śriyamāpnoti putrapautravivardhanīm | mahāprabhāvayuktaśca gajavājisamanvitaḥ

— obtains incomparable prosperity, ever growing through sons and grandsons; endowed with great splendor, possessed of elephants and horses,

Verse 82 (devibhagavatam.9.30.82)

राजराजेश्वरः सोऽपि भवेदेव न संशयः । ततः शुक्लाष्टमीं प्राप्य महालक्ष्मीं च योऽर्चयेत्

rājarājeśvaraḥ so'pi bhavedeva na saṁśayaḥ | tataḥ śuklāṣṭamīṁ prāpya mahālakṣmīṁ ca yo'rcayet

— he surely becomes an overlord of kings, of this there is no doubt. He who, on the eighth day of the bright fortnight, worships Mahalakshmi —

Verse 83 (devibhagavatam.9.30.83)

नित्यं भक्त्या पक्षमेकं पुण्यक्षेत्रे च भारते । दत्त्वा तस्यै प्रकृष्टानि चोपचाराणि षोडश

nityaṁ bhaktyā pakṣamekaṁ puṇyakṣetre ca bhārate | dattvā tasyai prakṛṣṭāni copacārāṇi ṣoḍaśa

— daily, with devotion, for a full fortnight, in a sacred place in Bharata, offering her the sixteen excellent ritual attentions —

Verse 84 (devibhagavatam.9.30.84)

गोलोके च वसेत्सोऽपि यावदिन्द्राश्चतुर्दश । पुनः सुयोनिं सम्प्राप्य राजराजेश्वरो भवेत्

goloke ca vasetso'pi yāvadindrāścaturdaśa | punaḥ suyoniṁ samprāpya rājarājeśvaro bhavet

— dwells in Goloka for the span of fourteen Indras. Attaining a good birth once more, he becomes a sovereign of sovereigns.

Verse 85 (devibhagavatam.9.30.85)

कार्तिकीपूर्णिमायां च कृत्वा तु रासमण्डलम् । गोपानां शतकं कृत्वा गोपीनां शतकं तथा

kārtikīpūrṇimāyāṁ ca kṛtvā tu rāsamaṇḍalam | gopānāṁ śatakaṁ kṛtvā gopīnāṁ śatakaṁ tathā

On the full moon of Kartika, having arranged the Rasa circle-dance, with a hundred gopas and likewise a hundred gopis represented —

Verse 86 (devibhagavatam.9.30.86)

शिलायां प्रतिमायां च श्रीकृष्णं राधया सह । भारते पूजयेद्भक्त्या चोपचाराणि षोडश

śilāyāṁ pratimāyāṁ ca śrīkṛṣṇaṁ rādhayā saha | bhārate pūjayedbhaktyā copacārāṇi ṣoḍaśa

— and worshipping Sri Krishna together with Radha, whether in stone or in an image, in Bharata, with devotion and the sixteen ritual attentions —

Verse 87 (devibhagavatam.9.30.87)

गोलोके वसते सोऽपि यावद्वै ब्रह्मणो वयः । भारतं पुनरागत्य कृष्णे भक्तिं लभेद्दृढाम्

goloke vasate so'pi yāvadvai brahmaṇo vayaḥ | bhārataṁ punarāgatya kṛṣṇe bhaktiṁ labheddṛḍhām

— he dwells in Goloka for the entire lifespan of Brahma. Returning again to Bharata, he obtains firm devotion to Krishna.

Verse 88 (devibhagavatam.9.30.88)

क्रमेण सुदृढां भक्तिं लब्ध्वा मन्त्रं हरेरहो । देहं त्यक्त्वा च गोलोकं पुनरेव प्रयाति सः

krameṇa sudṛḍhāṁ bhaktiṁ labdhvā mantraṁ hareraho | dehaṁ tyaktvā ca golokaṁ punareva prayāti saḥ

Gradually gaining firm devotion, and Hari's mantra — ah — having left his body, he goes once again to Goloka.

Verse 89 (devibhagavatam.9.30.89)

ततः कृष्णस्य सारूप्यं पार्षदप्रवरो भवेत् । पुनस्तत्पतनं नास्ति जरामृत्युहरो भवेत्

tataḥ kṛṣṇasya sārūpyaṁ pārṣadapravaro bhavet | punastatpatanaṁ nāsti jarāmṛtyuharo bhavet

There he attains oneness of form with Krishna, becoming a foremost companion; from that state there is no further fall, for old age and death are removed from him.

Verse 90 (devibhagavatam.9.30.90)

शुक्लां वाप्यथवा कृष्णां करोत्येकादशीं च यः । वैकुण्ठे मोदते सोऽपि यावद्वै ब्रह्मणो वयः

śuklāṁ vāpyathavā kṛṣṇāṁ karotyekādaśīṁ ca yaḥ | vaikuṇṭhe modate so'pi yāvadvai brahmaṇo vayaḥ

He who observes Ekadashi, whether in the bright or the dark fortnight, rejoices in Vaikuntha for the entire lifespan of Brahma.

Verse 91 (devibhagavatam.9.30.91)

भारते पुनरागत्य कृष्णभक्तिं लभेद्ध्रुवम् । क्रमेण भक्तिं सुदृढां करोत्येकां हरेरहो

bhārate punarāgatya kṛṣṇabhaktiṁ labheddhruvam | krameṇa bhaktiṁ sudṛḍhāṁ karotyekāṁ hareraho

Returning again to Bharata, he surely obtains devotion to Krishna. Gradually he develops a single-minded, firm devotion to Hari.

Verse 92 (devibhagavatam.9.30.92)

देहं त्यक्त्वा च गोलोकं पुनरेव प्रयाति सः । ततः कृष्णस्य सारूप्यं सम्प्राप्य पार्षदो भवेत्

dehaṁ tyaktvā ca golokaṁ punareva prayāti saḥ | tataḥ kṛṣṇasya sārūpyaṁ samprāpya pārṣado bhavet

Having left his body, he goes once again to Goloka. There, attaining oneness of form with Krishna, he becomes his companion.

Verse 93 (devibhagavatam.9.30.93)

पुनस्तत्पतनं नास्ति जरामृत्युहरो भवेत् । भाद्रे च शुक्लद्वादश्यां यः शक्रं पूजयेन्नरः

punastatpatanaṁ nāsti jarāmṛtyuharo bhavet | bhādre ca śukladvādaśyāṁ yaḥ śakraṁ pūjayennaraḥ

From that state there is no further fall; old age and death are removed from him. The man who worships Indra on the twelfth day of the bright fortnight of Bhadrapada —

Verse 94 (devibhagavatam.9.30.94)

षष्टिवर्षसहस्राणि शक्रलोके महीयते । रविवारे च सङ्क्रान्त्यां सप्तम्यां शुक्लपक्षके

ṣaṣṭivarṣasahasrāṇi śakraloke mahīyate | ravivāre ca saṅkrāntyāṁ saptamyāṁ śuklapakṣake

— is honored in Indra's world for sixty thousand years. On a Sunday, at the solstice, or on the seventh day of the bright fortnight —

Verse 95 (devibhagavatam.9.30.95)

सम्पूज्यार्कं हविष्यान्नं यः करोति च भारते । महीयते सोऽर्कलोके यावदिन्द्राश्चतुर्दश

sampūjyārkaṁ haviṣyānnaṁ yaḥ karoti ca bhārate | mahīyate so'rkaloke yāvadindrāścaturdaśa

— he who, in Bharata, worships the Sun and prepares an oblation-meal is honored in the world of the Sun for the span of fourteen Indras.

Verse 96 (devibhagavatam.9.30.96)

भारतं पुनरागत्य चारोगी श्रीयुतो भवेत् । ज्येष्ठकृष्णचतुर्दश्यां सावित्रीं यो हि पूजयेत्

bhārataṁ punarāgatya cārogī śrīyuto bhavet | jyeṣṭhakṛṣṇacaturdaśyāṁ sāvitrīṁ yo hi pūjayet

Returning again to Bharata, he becomes free of disease and full of prosperity. He who worships Savitri on the fourteenth day of the dark fortnight of Jyeshtha —

Verse 97 (devibhagavatam.9.30.97)

महीयते ब्रह्मलोके सप्तमन्वन्तरावधि । पुनर्महीं समागत्य श्रीमानतुलविक्रमः

mahīyate brahmaloke saptamanvantarāvadhi | punarmahīṁ samāgatya śrīmānatulavikramaḥ

— is honored in Brahmaloka for the span of seven Manvantaras. Returning again to the earth, he becomes prosperous and of unequaled valor,

Verse 98 (devibhagavatam.9.30.98)

चिरजीवी भवेत्सोऽपि ज्ञानवान्सम्पदा युतः । माघस्य शुक्लपञ्चम्यां पूजयेद्यः सरस्वतीम्

cirajīvī bhavetso'pi jñānavānsampadā yutaḥ | māghasya śuklapañcamyāṁ pūjayedyaḥ sarasvatīm

— and he becomes long-lived, wise, and endowed with prosperity. He who worships Sarasvati on the fifth day of the bright fortnight of Magha —

Verse 99 (devibhagavatam.9.30.99)

संयतो भक्तितो दत्त्वा चोपचाराणि षोडश । महीयते मणिद्वीपे यावद्ब्रह्म दिवानिशम्

saṁyato bhaktito dattvā copacārāṇi ṣoḍaśa | mahīyate maṇidvīpe yāvadbrahma divāniśam

— self-controlled, with devotion, offering the sixteen ritual attentions, he is honored in Manidvipa for the span of an entire day and night of Brahma.

Verse 100 (devibhagavatam.9.30.100)

सम्प्राप्य च पुनर्जन्म स भवेत्कविपण्डितः । गां सुवर्णादिकं यो हि ब्राह्मणाय ददाति च

samprāpya ca punarjanma sa bhavetkavipaṇḍitaḥ | gāṁ suvarṇādikaṁ yo hi brāhmaṇāya dadāti ca

Attaining rebirth once more, he becomes a poet and a scholar. He who gives a cow, gold, and the like to a brahmin —

Verse 101 (devibhagavatam.9.30.101)

नित्यं जीवनपर्यन्तं भक्तियुक्तश्च भारते । गवां लोमप्रमाणाब्दं द्विगुणं विष्णुमन्दिरे

nityaṁ jīvanaparyantaṁ bhaktiyuktaśca bhārate | gavāṁ lomapramāṇābdaṁ dviguṇaṁ viṣṇumandire

— daily, throughout his life, with devotion, in Bharata — for twice as many years as there are hairs on those cows, in Vishnu's abode,

Verse 102 (devibhagavatam.9.30.102)

मोदते हरिणा सार्धं क्रीडाकौतुकमङ्गलैः । तदन्ते पुनरागत्य राजराजेश्वरो भवेत्

modate hariṇā sārdhaṁ krīḍākautukamaṅgalaiḥ | tadante punarāgatya rājarājeśvaro bhavet

— he rejoices together with Hari amid joyous, auspicious sports. At the end of that span, returning again, he becomes a sovereign of sovereigns,

Verse 103 (devibhagavatam.9.30.103)

श्रीमांश्च पुत्रवान्विद्वांज्ञानवान्सर्वतः सुखी । भोजयेद्योऽपि मिष्टान्नं ब्राह्मणेभ्यश्च भारते

śrīmāṁśca putravānvidvāṁjñānavānsarvataḥ sukhī | bhojayedyo'pi miṣṭānnaṁ brāhmaṇebhyaśca bhārate

— prosperous, blessed with sons, learned, wise, and happy in every way. He who feeds brahmins sweet food in Bharata —

Verse 104 (devibhagavatam.9.30.104)

विप्रलोमप्रमाणाब्दं मोदते विष्णुमन्दिरे । ततः पुनरिहागत्य सुखी च धनवान्भवेत्

vipralomapramāṇābdaṁ modate viṣṇumandire | tataḥ punarihāgatya sukhī ca dhanavānbhavet

— he rejoices in Vishnu's abode for as many years as there are hairs upon those brahmins' bodies. Then, coming again to this world, he becomes happy and wealthy,

Verse 105 (devibhagavatam.9.30.105)

विद्वान्सुचिरजीवी च श्रीमानतुलविक्रमः । यो वक्ति वा ददात्येव हरेर्नामानि भारते

vidvānsucirajīvī ca śrīmānatulavikramaḥ | yo vakti vā dadātyeva harernāmāni bhārate

— learned, exceedingly long-lived, prosperous, and of unequaled valor. He who speaks, or teaches others, the Names of Hari in Bharata —

Verse 106 (devibhagavatam.9.30.106)

युगं नाम प्रमाणं च विष्णुलोके महीयते । ततः पुनरिहागत्य स सुखी धनवान्भवेत्

yugaṁ nāma pramāṇaṁ ca viṣṇuloke mahīyate | tataḥ punarihāgatya sa sukhī dhanavānbhavet

— he is honored in Vishnuloka for one full age, reckoned for each Name spoken. Then, coming again to this world, he becomes happy and wealthy.

Verse 107 (devibhagavatam.9.30.107)

यदि नारायणक्षेत्रे फलं कोटिगुणं भवेत् । नाम्ना कोटिं हरेर्यो हि क्षेत्रे नारायणे जपेत्

yadi nārāyaṇakṣetre phalaṁ koṭiguṇaṁ bhavet | nāmnā koṭiṁ hareryo hi kṣetre nārāyaṇe japet

If this is done in a Narayana-kshetra, the fruit becomes ten million times greater. He who recites Hari's Name a full crore of times in that Narayana-kshetra —

Verse 108 (devibhagavatam.9.30.108)

सर्वपापविनिर्मुक्तो जीवन्मुक्तो भवेद्ध्रुवम् । न लभेत्स पुनर्जन्म वैकुण्ठे स महीयते

sarvapāpavinirmukto jīvanmukto bhaveddhruvam | na labhetsa punarjanma vaikuṇṭhe sa mahīyate

— becomes freed of all sin and surely liberated while living; he does not undergo rebirth, and is honored in Vaikuntha.

Verse 109 (devibhagavatam.9.30.109)

लभेद्विष्णोश्च सारूप्यं न तस्य पतनं भवेत् । विष्णुभक्तिं लभेत्सोऽपि विष्णुसारूप्यमाप्नुयात्

labhedviṣṇośca sārūpyaṁ na tasya patanaṁ bhavet | viṣṇubhaktiṁ labhetso'pi viṣṇusārūpyamāpnuyāt

He attains oneness of form with Vishnu; for him there is no fall. He obtains devotion to Vishnu, and thereby attains oneness of form with him.

Verse 110 (devibhagavatam.9.30.110)

शिवं यः पूजयेन्नित्यं कृत्वा लिङ्गं च पार्थिवम् । यावज्जीवनपर्यन्तं स याति शिवमन्दिरम्

śivaṁ yaḥ pūjayennityaṁ kṛtvā liṅgaṁ ca pārthivam | yāvajjīvanaparyantaṁ sa yāti śivamandiram

He who daily worships Shiva, having formed a linga of clay, throughout his life — he goes to Shiva's abode.

Verse 111 (devibhagavatam.9.30.111)

मृदो रेणुप्रमाणाब्दं शिवलोके महीयते । ततः पुनरिहागत्य राजेन्द्रो भारते भवेत्

mṛdo reṇupramāṇābdaṁ śivaloke mahīyate | tataḥ punarihāgatya rājendro bhārate bhavet

He is honored in Shivaloka for as many years as there are particles in that clay. Then, coming again to this world, he becomes a great king in Bharata.

Verse 112 (devibhagavatam.9.30.112)

शिलां च पूजयेन्नित्यं शिलातोयं च भक्षति । महीयते च वैकुण्ठे यावद्वै ब्रह्मणः शतम्

śilāṁ ca pūjayennityaṁ śilātoyaṁ ca bhakṣati | mahīyate ca vaikuṇṭhe yāvadvai brahmaṇaḥ śatam

He who daily worships the sacred stone and partakes of the water that has touched it is honored in Vaikuntha for a hundred lifespans of Brahma.

Verse 113 (devibhagavatam.9.30.113)

ततो लब्ध्वा पुनर्जन्म हरिभक्तिं च दुर्लभाम् । महीयते विष्णुलोके न तस्य पतनं भवेत्

tato labdhvā punarjanma haribhaktiṁ ca durlabhām | mahīyate viṣṇuloke na tasya patanaṁ bhavet

Then, obtaining rebirth, he attains devotion to Hari, so rarely won; he is honored in Vishnuloka, and for him there is no fall.

Verse 114 (devibhagavatam.9.30.114)

तपांसि चैव सर्वाणि व्रतानि निखिलानि च । कृत्वा तिष्ठति वैकुण्ठे यावदिन्द्राश्चतुर्दश

tapāṁsi caiva sarvāṇi vratāni nikhilāni ca | kṛtvā tiṣṭhati vaikuṇṭhe yāvadindrāścaturdaśa

He who performs every austerity and every kind of vow dwells in Vaikuntha for the span of fourteen Indras.

Verse 115 (devibhagavatam.9.30.115)

ततो लब्ध्वा पुनर्जन्म राजेन्द्रो भारते भवेत् । ततो मुक्तो भवेत्पश्चात्पुनर्जन्म न विद्यते

tato labdhvā punarjanma rājendro bhārate bhavet | tato mukto bhavetpaścātpunarjanma na vidyate

Then, obtaining rebirth, he becomes a great king in Bharata. Thereafter he attains liberation, and after that there is no rebirth for him.

Verse 116 (devibhagavatam.9.30.116)

यः स्नात्वा सर्वतीर्थेषु भुवः कृत्वा प्रदक्षिणाम् । स तु निर्वाणतां याति न च जन्म भवेद्भुवि

yaḥ snātvā sarvatīrtheṣu bhuvaḥ kṛtvā pradakṣiṇām | sa tu nirvāṇatāṁ yāti na ca janma bhavedbhuvi

He who, having bathed at all the sacred places, circumambulates the earth attains the state of liberation; no rebirth on earth comes to him.

Verse 117 (devibhagavatam.9.30.117)

पुण्यक्षेत्रे भारते च योऽश्वमेधं करोति च । अश्वलोममिताब्दं च शक्रस्यार्धासनं भजेत्

puṇyakṣetre bhārate ca yo'śvamedhaṁ karoti ca | aśvalomamitābdaṁ ca śakrasyārdhāsanaṁ bhajet

He who performs an Ashvamedha sacrifice in the sacred land of Bharata occupies half of Indra's throne for as many years as there are hairs upon the sacrificial horse.

Verse 118 (devibhagavatam.9.30.118)

चतुर्गुणं राजसूये फलमाप्नोति मानवः । सर्वेभ्योऽपि मखेभ्यो हि परो देवीमखः स्मृतः

caturguṇaṁ rājasūye phalamāpnoti mānavaḥ | sarvebhyo'pi makhebhyo hi paro devīmakhaḥ smṛtaḥ

By a Rajasuya sacrifice, a man obtains fourfold the fruit. But above all sacrifices, the sacrifice to the Goddess is declared supreme.

Verse 119 (devibhagavatam.9.30.119)

विष्णुना च कृतः पूर्वं ब्रह्मणा च वरानने । शङ्करेण महेशेन त्रिपुरासुरनाशने

viṣṇunā ca kṛtaḥ pūrvaṁ brahmaṇā ca varānane | śaṅkareṇa maheśena tripurāsuranāśane

O fair-faced one, this sacrifice was performed of old by Vishnu, by Brahma, and by Shankara, the great Lord who destroyed the demon Tripura.

Verse 120 (devibhagavatam.9.30.120)

शक्तियज्ञः प्रधानश्च सर्वयज्ञेषु सुन्दरि । नानेन सदृशो यज्ञस्त्रिषु लोकेषु विद्यते

śaktiyajñaḥ pradhānaśca sarvayajñeṣu sundari | nānena sadṛśo yajñastriṣu lokeṣu vidyate

O beautiful one, the sacrifice to Shakti is foremost among all sacrifices; no sacrifice equal to it exists in the three worlds.

Verse 121 (devibhagavatam.9.30.121)

दक्षेण च कृतः पूर्वं महान्संवादसंयुतः । बभूव कलहो यत्र दक्षशङ्करयोः सति

dakṣeṇa ca kṛtaḥ pūrvaṁ mahānsaṁvādasaṁyutaḥ | babhūva kalaho yatra dakṣaśaṅkarayoḥ sati

It was performed of old by Daksha too, bound up with a great dispute — the occasion on which a quarrel arose between Daksha and Shankara.

Verse 122 (devibhagavatam.9.30.122)

शेपुश्च नन्दिनं विप्रा नन्दी विप्रांश्च कोपतः । यद्धेतोर्दक्षयज्ञं च बभञ्ज चन्द्रशेखरः

śepuśca nandinaṁ viprā nandī viprāṁśca kopataḥ | yaddhetordakṣayajñaṁ ca babhañja candraśekharaḥ

The brahmins cursed Nandi, and Nandi, in anger, cursed the brahmins in turn; because of this, Chandrashekhara destroyed Daksha's sacrifice.

Verse 123 (devibhagavatam.9.30.123)

चकार देवीयज्ञं स पुरा दक्षः प्रजापतिः । धर्मश्च कश्यपश्चैव शेषश्चापि च कर्दमः

cakāra devīyajñaṁ sa purā dakṣaḥ prajāpatiḥ | dharmaśca kaśyapaścaiva śeṣaścāpi ca kardamaḥ

Daksha Prajapati performed the sacrifice to the Goddess of old; and so did Dharma, Kashyapa, Shesha, and Kardama;

Verse 124 (devibhagavatam.9.30.124)

स्वायम्भुवो मनुश्चैव तत्पुत्रश्च प्रियव्रतः । शिवः सनत्कुमारश्च कपिलश्च ध्रुवस्तथा

svāyambhuvo manuścaiva tatputraśca priyavrataḥ | śivaḥ sanatkumāraśca kapilaśca dhruvastathā

— Svayambhuva Manu and his son Priyavrata; Shiva, Sanatkumara, Kapila, and likewise Dhruva —

Verse 125 (devibhagavatam.9.30.125)

राजसूयसहस्राणां फलमाप्नोति निश्चितम् । देवीयज्ञात्परो यज्ञो नास्ति वेदे फलप्रदः

rājasūyasahasrāṇāṁ phalamāpnoti niścitam | devīyajñātparo yajño nāsti vede phalapradaḥ

— each of them, through performing it, certainly obtained the fruit of a thousand Rajasuya sacrifices. No sacrifice more fruitful than the Devi-yajna is declared anywhere in the Veda.

Verse 126 (devibhagavatam.9.30.126)

वर्षाणां शतजीवी च जीवन्मुक्तो भवेद्ध्रुवम् । ज्ञानेन तेजसा चैव विष्णुतुल्यो भवेदिह

varṣāṇāṁ śatajīvī ca jīvanmukto bhaveddhruvam | jñānena tejasā caiva viṣṇutulyo bhavediha

He who performs it lives a full hundred years and surely becomes liberated while living; in knowledge and in radiance he becomes here the equal of Vishnu.

Verse 127 (devibhagavatam.9.30.127)

देवानां च यथा विष्णुर्वैष्णवानां च नारद । शास्त्राणां च यथा वेदा वर्णानां ब्राह्मणो यथा

devānāṁ ca yathā viṣṇurvaiṣṇavānāṁ ca nārada | śāstrāṇāṁ ca yathā vedā varṇānāṁ brāhmaṇo yathā

O Narada, as Vishnu is foremost among the gods and among Vaishnavas; as the Vedas are foremost among scriptures, and the brahmin among the varnas;

Verse 128 (devibhagavatam.9.30.128)

तीर्थानां च यथा गङ्गा पवित्राणां शिवो यथा । एकादशी व्रतानां च पुष्पाणां तुलसी यथा

tīrthānāṁ ca yathā gaṅgā pavitrāṇāṁ śivo yathā | ekādaśī vratānāṁ ca puṣpāṇāṁ tulasī yathā

As the Ganga is foremost among sacred places, and Shiva among pure things; as Ekadashi is foremost among vows, and Tulasi among flowers;

Verse 129 (devibhagavatam.9.30.129)

नक्षत्राणां यथा चन्द्रः पक्षिणां गरुडो यथा । यथा स्त्रीणां च प्रकृती राधा वाणी वसुन्धरा

nakṣatrāṇāṁ yathā candraḥ pakṣiṇāṁ garuḍo yathā | yathā strīṇāṁ ca prakṛtī rādhā vāṇī vasundharā

As the Moon is foremost among the constellations, and Garuda among birds; as, among women, Prakriti, Radha, Vani, and Vasundhara are foremost;

Verse 130 (devibhagavatam.9.30.130)

शीघ्राणां चेन्द्रियाणां च चञ्चलानां मनो यथा । प्रजापतीनां ब्रह्मा च प्रजानां च प्रजापतिः

śīghrāṇāṁ cendriyāṇāṁ ca cañcalānāṁ mano yathā | prajāpatīnāṁ brahmā ca prajānāṁ ca prajāpatiḥ

As, among the swift and restless senses, the mind is foremost; as Brahma is foremost among the Prajapatis, and the Prajapati among his subjects;

Verse 131 (devibhagavatam.9.30.131)

वृन्दावनं वनानां च वर्षाणां भारतं यथा । श्रीमतां च यथा श्रीश्च विदुषां च सरस्वती

vṛndāvanaṁ vanānāṁ ca varṣāṇāṁ bhārataṁ yathā | śrīmatāṁ ca yathā śrīśca viduṣāṁ ca sarasvatī

As Vrindavana is foremost among forests, and Bharata among lands; as Shri is foremost among the prosperous, and Sarasvati among the learned;

Verse 132 (devibhagavatam.9.30.132)

पतिव्रतानां दुर्गा च सौभाग्यानां च राधिका । देवीयज्ञस्तथा वत्से सर्वयज्ञेषु भामिनि

pativratānāṁ durgā ca saubhāgyānāṁ ca rādhikā | devīyajñastathā vatse sarvayajñeṣu bhāmini

As Durga is foremost among faithful wives, and Radhika among the blessed — even so, my child, O radiant one, is the Devi-yajna foremost among all sacrifices.

Verse 133 (devibhagavatam.9.30.133)

अश्वमेधशतेनैव शक्रत्वं च लभेद्ध्रुवम् । सहस्रेण विष्णुपदं सम्प्राप्तः पृथुरेव च

aśvamedhaśatenaiva śakratvaṁ ca labheddhruvam | sahasreṇa viṣṇupadaṁ samprāptaḥ pṛthureva ca

By a hundred Ashvamedha sacrifices, one surely attains the rank of Indra; by a thousand, one attains the abode of Vishnu, as King Prithu himself attained.

Verse 134 (devibhagavatam.9.30.134)

स्नानं च सर्वतीर्थानां सर्वयज्ञेषु दीक्षणम् । सर्वेषां च व्रतानां च तपसां फलमेव च

snānaṁ ca sarvatīrthānāṁ sarvayajñeṣu dīkṣaṇam | sarveṣāṁ ca vratānāṁ ca tapasāṁ phalameva ca

The fruit of bathing at every sacred place, of initiation into every sacrifice, of every vow, and of every austerity —

Verse 135 (devibhagavatam.9.30.135)

पाठे चतुर्णां वेदानां प्रादक्षिण्यं भुवस्तथा । फलभूतमिदं सर्वं मुक्तिदं शक्तिसेवनम्

pāṭhe caturṇāṁ vedānāṁ prādakṣiṇyaṁ bhuvastathā | phalabhūtamidaṁ sarvaṁ muktidaṁ śaktisevanam

— the fruit of reciting all four Vedas, and likewise of circumambulating the earth — all of this fruit together is embodied in the single act of serving Shakti, which grants liberation.

Verse 136 (devibhagavatam.9.30.136)

पुराणेषु च वेदेषु चेतिहासेषु सर्वतः । निरूपितं सारभूतं देवीपादाम्बुजार्चनम्

purāṇeṣu ca vedeṣu cetihāseṣu sarvataḥ | nirūpitaṁ sārabhūtaṁ devīpādāmbujārcanam

In the Puranas, in the Vedas, and in the Itihasas, it is everywhere established: worship of the Goddess's lotus feet is the very essence of all.

Verse 137 (devibhagavatam.9.30.137)

तद्वर्णनं च तद्ध्यानं तन्नामगुणकीर्तनम् । तत्स्तोत्रस्मरणं चैव वन्दनं जपमेव च

tadvarṇanaṁ ca taddhyānaṁ tannāmaguṇakīrtanam | tatstotrasmaraṇaṁ caiva vandanaṁ japameva ca

Describing her, meditating on her, glorifying her Name and qualities; recalling her hymns, bowing to her, and reciting her mantra —

Verse 138 (devibhagavatam.9.30.138)

तत्पादोदकनैवेद्यं भक्षणं नित्यमेव च । सर्वसम्मतमित्येवं सर्वेप्सितमिदं सति

tatpādodakanaivedyaṁ bhakṣaṇaṁ nityameva ca | sarvasammatamityevaṁ sarvepsitamidaṁ sati

— daily partaking of the water that has washed her feet, and of her food-offering — all this, O virtuous one, is universally accepted, and is that which everyone desires.

Verse 139 (devibhagavatam.9.30.139)

भज नित्यं परं ब्रह्म निर्गुणं प्रकृतिं पराम् । गृहाण स्वामिनं वत्से सुखं वस च मन्दिरे

bhaja nityaṁ paraṁ brahma nirguṇaṁ prakṛtiṁ parām | gṛhāṇa svāminaṁ vatse sukhaṁ vasa ca mandire

Ever worship the Supreme Brahman, attributeless, the Supreme Prakriti. My child, take back your husband, and dwell happily in your home.

Verse 140 (devibhagavatam.9.30.140)

अयं ते कथितः कर्मविपाको मङ्गलो नृणाम् । सर्वेप्सितः सर्वमतस्तत्त्वज्ञानप्रदः परः

ayaṁ te kathitaḥ karmavipāko maṅgalo nṛṇām | sarvepsitaḥ sarvamatastattvajñānapradaḥ paraḥ

This ripening of karma, auspicious for mankind, has now been told to you — desired by all, accepted by every school of thought, and the supreme bestower of the knowledge of truth.