The Story of Dakshina

Verse 1 (devibhagavatam.9.45.1)

श्रीनारायण उवाच । उक्तं स्वाहास्वधाख्यानं प्रशस्तं मधुरं परम् । वक्ष्यामि दक्षिणाख्यानं सावधानो निशामय

śrīnārāyaṇa uvāca | uktaṁ svāhāsvadhākhyānaṁ praśastaṁ madhuraṁ param | vakṣyāmi dakṣiṇākhyānaṁ sāvadhāno niśāmaya

Shri Narayana said: The excellent and most sweet story of Svaha and Svadha has been told. Now I shall tell the story of Dakshina — listen attentively.

Verse 2 (devibhagavatam.9.45.2)

गोपी सुशीला गोलोके पुराऽऽसीत्प्रेयसी हरेः । राधा प्रधाना सध्रीची धन्या मान्या मनोहरा

gopī suśīlā goloke purā''sītpreyasī hareḥ | rādhā pradhānā sadhrīcī dhanyā mānyā manoharā

Of old, in Goloka, there was a virtuous cowherd maiden, the beloved of Hari — Radha, foremost, ever near him, blessed, honored, enchanting,

Verse 3 (devibhagavatam.9.45.3)

अतीव सुन्दरी रामा सुभगा सुदती सती । विद्यावती गुणवती चातिरूपवती सती

atīva sundarī rāmā subhagā sudatī satī | vidyāvatī guṇavatī cātirūpavatī satī

exceedingly beautiful, lovely, fortunate, of beautiful teeth, virtuous; learned, endowed with good qualities, and exceedingly beautiful, virtuous.

Verse 4 (devibhagavatam.9.45.4)

कलावती कोमलाङ्गी कान्ता कमललोचना । सुश्रोणी सुस्तनी श्यामा न्यग्रोधपरिमण्डिता

kalāvatī komalāṅgī kāntā kamalalocanā | suśroṇī sustanī śyāmā nyagrodhaparimaṇḍitā

Accomplished in the arts, of tender limbs, beloved, lotus-eyed; of beautiful hips, beautiful breasts, dark-complexioned, full and rounded like a banyan tree.

Verse 5 (devibhagavatam.9.45.5)

ईषद्धास्यप्रसन्नास्या रत्नालङ्कारभूषिता । श्वेतचम्पकवर्णाभा बिम्बोष्ठी मृगलोचना

īṣaddhāsyaprasannāsyā ratnālaṅkārabhūṣitā | śvetacampakavarṇābhā bimboṣṭhī mṛgalocanā

Her face gently smiling and joyful, adorned with jeweled ornaments, radiant with the hue of the white champaka, her lips red as the bimba fruit, her eyes like a deer's.

Verse 6 (devibhagavatam.9.45.6)

कामशास्त्रेषु निपुणा कामिनी हंसगामिनी । भावानुरक्ता भावज्ञा कृष्णस्य प्रियभामिनी

kāmaśāstreṣu nipuṇā kāminī haṁsagāminī | bhāvānuraktā bhāvajñā kṛṣṇasya priyabhāminī

Skilled in the arts of love, alluring, moving with the gait of a swan; devoted in heart, understanding of feeling, the beloved radiant one of Krishna.

Verse 7 (devibhagavatam.9.45.7)

रसज्ञा रसिका रासे रासेशस्य रसोत्सुका । उवासादक्षिणे क्रोडे राधायाः पुरतः पुरा

rasajñā rasikā rāse rāseśasya rasotsukā | uvāsādakṣiṇe kroḍe rādhāyāḥ purataḥ purā

Knowing of sentiment, delighting in the Rasa dance, eager for the delight of the Lord of the Rasa — of old, a certain gopi sat down upon his right lap, in front of Radha.

Verse 8 (devibhagavatam.9.45.8)

सम्बभूवानम्रमुखो भयेन मधुसूदनः । दृष्ट्वा राधां च पुरतो गोपीनां प्रवरोत्तमाम्

sambabhūvānamramukho bhayena madhusūdanaḥ | dṛṣṭvā rādhāṁ ca purato gopīnāṁ pravarottamām

Madhusudana's face turned down in fear, upon seeing Radha there before him — the very foremost and best of the cowherd maidens,

Verse 9 (devibhagavatam.9.45.9)

कामिनीं रक्तवदनां रक्तपङ्कजलोचनाम् । कोपेन कम्पिताङ्गीं च कोपेन स्फुरिताधराम्

kāminīṁ raktavadanāṁ raktapaṅkajalocanām | kopena kampitāṅgīṁ ca kopena sphuritādharām

— that alluring one, her face reddened, her eyes like red lotuses, her body trembling with anger, her lips quivering with anger.

Verse 10 (devibhagavatam.9.45.10)

वेगेन तां तु गच्छन्तीं विज्ञाय तदनन्तरम् । विरोधभीतो भगवानन्तर्धानं चकार सः

vegena tāṁ tu gacchantīṁ vijñāya tadanantaram | virodhabhīto bhagavānantardhānaṁ cakāra saḥ

Perceiving her advancing swiftly, the Blessed Lord, immediately afterward, fearing the confrontation, made himself vanish.

Verse 11 (devibhagavatam.9.45.11)

पलायन्तं च कान्तं च शान्तं सत्त्वं सुविग्रहम् । विलोक्य कम्पिता गोप्यः सुशीलाद्यास्ततो भिया

palāyantaṁ ca kāntaṁ ca śāntaṁ sattvaṁ suvigraham | vilokya kampitā gopyaḥ suśīlādyāstato bhiyā

Seeing their beloved one fleeing — the peaceful being of beautiful form — the cowherd maidens, led by Sushila and the rest, trembled with fear.

Verse 12 (devibhagavatam.9.45.12)

विलोक्य लम्पटं तत्र गोपीनां लक्षकोटयः । पुटाञ्जलियुता भीता भक्तिनम्रात्मकन्धराः

vilokya lampaṭaṁ tatra gopīnāṁ lakṣakoṭayaḥ | puṭāñjaliyutā bhītā bhaktinamrātmakandharāḥ

Seeing that "amorous one" there, the many millions of gopis, terrified, their hands cupped in supplication, their necks bowed low in devotion,

Verse 13 (devibhagavatam.9.45.13)

रक्ष रक्षेत्युक्तवन्त्यो देवीमिति पुनः पुनः । ययुर्भयेन शरणं यस्याश्चरणपङ्कजे

rakṣa rakṣetyuktavantyo devīmiti punaḥ punaḥ | yayurbhayena śaraṇaṁ yasyāścaraṇapaṅkaje

crying out again and again, "Protect us, protect us!" to the Devi, went out of fear for refuge at the feet of her whose lotus feet they sought.

Verse 14 (devibhagavatam.9.45.14)

त्रिलक्षकोटयो गोपाः सुदामादय एव च । ययुर्भयेन शरणं तत्पादाब्जे च नारद

trilakṣakoṭayo gopāḥ sudāmādaya eva ca | yayurbhayena śaraṇaṁ tatpādābje ca nārada

Three hundred million cowherds, headed by Sudama, likewise, O Narada, went out of fear for refuge at her lotus feet.

Verse 15 (devibhagavatam.9.45.15)

पलायन्तं च कान्तं च विज्ञाय परमेश्वरी । पलायन्तीं सहचरीं सुशीलां च शशाप सा

palāyantaṁ ca kāntaṁ ca vijñāya parameśvarī | palāyantīṁ sahacarīṁ suśīlāṁ ca śaśāpa sā

Knowing that her beloved had fled, the Supreme Goddess cursed her own fleeing companion, Sushila —

Verse 16 (devibhagavatam.9.45.16)

अद्यप्रभृति गोलोकं सा चेदायाति गोपिका । सद्यो गमनमात्रेण भस्मसाच्च भविष्यति

adyaprabhṛti golokaṁ sā cedāyāti gopikā | sadyo gamanamātreṇa bhasmasācca bhaviṣyati

"From this day forward, if that gopi comes to Goloka, the very moment she arrives she shall be reduced to ashes."

Verse 17 (devibhagavatam.9.45.17)

इत्येवमुक्त्वा तत्रैव देवदेवेश्वरी रुषा । रासेश्वरी रासमध्ये रासेशमाजुहाव ह

ityevamuktvā tatraiva devadeveśvarī ruṣā | rāseśvarī rāsamadhye rāseśamājuhāva ha

Having spoken thus, in fury, right there, the Goddess of Gods, the Mistress of the Rasa, called out for the Lord of the Rasa in the midst of the Rasa dance.

Verse 18 (devibhagavatam.9.45.18)

नालोक्य पुरतः कृष्णं राधा विरहकातरा । युगकोटिसमं मेने क्षणभेदेन सुव्रता

nālokya purataḥ kṛṣṇaṁ rādhā virahakātarā | yugakoṭisamaṁ mene kṣaṇabhedena suvratā

Not seeing Krishna before her, Radha, stricken with the pain of separation, that woman of pure vows, felt each fraction of a moment as long as a myriad ages.

Verse 19 (devibhagavatam.9.45.19)

हे कृष्ण प्राणनाथेशागच्छ प्राणाधिकप्रिय । प्राणाधिष्ठातृदेवेश प्राणा यान्ति त्वया विना

he kṛṣṇa prāṇanātheśāgaccha prāṇādhikapriya | prāṇādhiṣṭhātṛdeveśa prāṇā yānti tvayā vinā

"O Krishna, lord and master of my life-breath, come! O you dearer to me than life itself; O lord of the deity presiding over life-breath — my very life is departing without you.

Verse 20 (devibhagavatam.9.45.20)

स्त्रीगर्वः पतिसौभाग्याद्वर्धते च दिने दिने । सुखं च विपुलं यस्मात्तं सेवेद्धर्मतः सदा

strīgarvaḥ patisaubhāgyādvardhate ca dine dine | sukhaṁ ca vipulaṁ yasmāttaṁ seveddharmataḥ sadā

"A woman's pride grows day by day through the good fortune of her husband; because vast happiness comes from him, one should serve him ever, as one's dharma.

Verse 21 (devibhagavatam.9.45.21)

पतिर्बन्धुः कुलस्त्रीणामधिदेवः सदागतिः । परसम्पत्स्वरूपश्च मूर्तिमान् भोगदः सदा

patirbandhuḥ kulastrīṇāmadhidevaḥ sadāgatiḥ | parasampatsvarūpaśca mūrtimān bhogadaḥ sadā

"A husband is the kinsman, the very deity, the ever-present refuge of a woman of good family; the very embodiment of supreme prosperity, the eternal bestower of enjoyment.

Verse 22 (devibhagavatam.9.45.22)

धर्मदः सुखदः शश्वत्प्रीतिदः शान्तिदः सदा । सम्मानैर्दीप्यमानश्च मानदो मानखण्डनः

dharmadaḥ sukhadaḥ śaśvatprītidaḥ śāntidaḥ sadā | sammānairdīpyamānaśca mānado mānakhaṇḍanaḥ

"He grants dharma, grants happiness, ever grants affection, ever grants peace; he shines through honors received, gives honor, and shatters honor when angered.

Verse 23 (devibhagavatam.9.45.23)

सारात्सारतरः स्वामी बन्धूनां बन्धुवर्धनः । न च भर्तुः समो बन्धुर्बन्धोर्बन्धुषु दृश्यते

sārātsārataraḥ svāmī bandhūnāṁ bandhuvardhanaḥ | na ca bhartuḥ samo bandhurbandhorbandhuṣu dṛśyate

"A husband is the very essence beyond essence, increasing all one's kinsmen; among kinsmen and their own kin, no kinsman is ever found equal to a husband.

Verse 24 (devibhagavatam.9.45.24)

भरणादेव भर्ता च पालनात्पतिरुच्यते । शरीरेशाच्च स स्वामी कामदः कान्त उच्यते

bharaṇādeva bhartā ca pālanātpatirucyate | śarīreśācca sa svāmī kāmadaḥ kānta ucyate

"He is called 'bharta' because he supports; he is called 'pati' because he protects; he is called 'svami' because he is lord of her body, and 'kanta', the fulfiller of desire.

Verse 25 (devibhagavatam.9.45.25)

बन्धुश्च सुखवृद्ध्या च प्रीतिदानात्प्रियः स्मृतः । ऐश्वर्यदानादीशश्च प्राणेशात्प्राणनायकः

bandhuśca sukhavṛddhyā ca prītidānātpriyaḥ smṛtaḥ | aiśvaryadānādīśaśca prāṇeśātprāṇanāyakaḥ

"He is 'bandhu' through the increase of happiness; he is remembered as 'priya' for giving affection; he is 'isha' for bestowing lordship, and 'pranesha', the very leader of life.

Verse 26 (devibhagavatam.9.45.26)

रतिदानाच्च रमणः प्रियो नास्ति प्रियात्परः । पुत्रस्तु स्वामिनः शुक्राज्जायते तेन स प्रियः

ratidānācca ramaṇaḥ priyo nāsti priyātparaḥ | putrastu svāminaḥ śukrājjāyate tena sa priyaḥ

"He is 'ramana' for bestowing delight; there is no beloved dearer than the beloved husband. A son is born of the husband's own seed, and for that too he is dear.

Verse 27 (devibhagavatam.9.45.27)

शतपुत्रात्परः स्वामी कुलजानां प्रियः सदा । असत्कुलप्रसूता या कान्तं विज्ञातुमक्षमा

śataputrātparaḥ svāmī kulajānāṁ priyaḥ sadā | asatkulaprasūtā yā kāntaṁ vijñātumakṣamā

"A husband is dearer than a hundred sons, ever beloved by women of good family; only a woman born of low family is incapable of understanding her husband's worth.

Verse 28 (devibhagavatam.9.45.28)

स्नानं च सर्वतीर्थेषु सर्वयज्ञेषु दक्षिणा । प्रादक्षिण्यं पृथिव्याश्च सर्वाणि च तपांसि च

snānaṁ ca sarvatīrtheṣu sarvayajñeṣu dakṣiṇā | prādakṣiṇyaṁ pṛthivyāśca sarvāṇi ca tapāṁsi ca

"Bathing at all sacred fords, the giving of dakshina in all sacrifices, circumambulation of the whole earth, and all austerities —

Verse 29 (devibhagavatam.9.45.29)

सर्वाण्येव व्रतादीनि महादानानि यानि च । उपोषणानि पुण्यानि यानि यानि श्रुतानि च

sarvāṇyeva vratādīni mahādānāni yāni ca | upoṣaṇāni puṇyāni yāni yāni śrutāni ca

"— all vows and the like, whatever great gifts there are, whatever sacred fasts have been heard of —

Verse 30 (devibhagavatam.9.45.30)

गुरुसेवा विप्रसेवा देवसेवादिकं च यत् । स्वामिनः पादसेवायाः कलां नार्हन्ति षोडशीम्

gurusevā viprasevā devasevādikaṁ ca yat | svāminaḥ pādasevāyāḥ kalāṁ nārhanti ṣoḍaśīm

"— service to the guru, service to Brahmins, service to the gods, and all such — none of these are worth even a sixteenth part of service to a husband's feet.

Verse 31 (devibhagavatam.9.45.31)

गुरुविप्रेन्द्रदेवेषु सर्वेभ्यश्च पतिर्गुरुः । विद्यादाता यथा पुंसां कुलजानां तथा प्रियः

guruviprendradeveṣu sarvebhyaśca patirguruḥ | vidyādātā yathā puṁsāṁ kulajānāṁ tathā priyaḥ

"Among the guru, Brahmins, Indra, and the gods — the husband is the guru above all; as the giver of knowledge is dear to men, so is the husband dear to women of good family.

Verse 32 (devibhagavatam.9.45.32)

गोपीनां लक्षकोटीनां गोपानां च तथैव च । ब्रह्माण्डानामसङ्ख्यानां तत्रस्थानां तथैव च

gopīnāṁ lakṣakoṭīnāṁ gopānāṁ ca tathaiva ca | brahmāṇḍānāmasaṅkhyānāṁ tatrasthānāṁ tathaiva ca

"Of the many millions of gopis, and likewise of the cowherds, and of the countless universes, and of all beings dwelling in them,

Verse 33 (devibhagavatam.9.45.33)

विश्वादिगोलकान्तानामीश्वरी यत्प्रसादतः । अहं न जाने तं कान्तं स्त्रीस्वभावो दुरत्ययः

viśvādigolakāntānāmīśvarī yatprasādataḥ | ahaṁ na jāne taṁ kāntaṁ strīsvabhāvo duratyayaḥ

"— from the beginning of the universe to the end of Goloka — I am their very mistress, by whose grace all this exists; and yet I do not understand that beloved one. A woman's nature is indeed hard to overcome!"

Verse 34 (devibhagavatam.9.45.34)

इत्युक्त्वा राधिका कृष्णं तत्र दध्यौ स्वभक्तितः । रुरोद प्रेम्णा सा राधा नाथ नाथेति चाब्रवीत्

ityuktvā rādhikā kṛṣṇaṁ tatra dadhyau svabhaktitaḥ | ruroda premṇā sā rādhā nātha nātheti cābravīt

Having said this, Radhika meditated there upon Krishna with her own devotion; that Radha wept out of love, and cried out, "My Lord! My Lord!"

Verse 35 (devibhagavatam.9.45.35)

दर्शनं देहि रमण दीना विरहदुःखिता । अथ सा दक्षिणा देवी ध्वस्ता गोलोकतो मुने

darśanaṁ dehi ramaṇa dīnā virahaduḥkhitā | atha sā dakṣiṇā devī dhvastā golokato mune

"Grant me your sight, O beloved! I am wretched, tormented by the pain of separation." Then, O sage, that Devi Dakshina, driven from Goloka,

Verse 36 (devibhagavatam.9.45.36)

सुचिरं च तपस्तप्त्वा विवेश कमलातनौ । अथ देवादयः सर्वे यज्ञं कृत्वा सुदुष्करम्

suciraṁ ca tapastaptvā viveśa kamalātanau | atha devādayaḥ sarve yajñaṁ kṛtvā suduṣkaram

performed austerity for a very long time and entered into the body of Kamala. Then all the gods, having performed a most difficult sacrifice,

Verse 37 (devibhagavatam.9.45.37)

नालभंस्ते फलं तेषां विषण्णाः प्रययुर्विधिम् । विधिर्निवेदनं श्रुत्वा देवादीनां जगत्पतिम्

nālabhaṁste phalaṁ teṣāṁ viṣaṇṇāḥ prayayurvidhim | vidhirnivedanaṁ śrutvā devādīnāṁ jagatpatim

did not obtain its fruit; despondent, they went to the Creator. The Creator, hearing the petition of the gods, went to the Lord of the universe,

Verse 38 (devibhagavatam.9.45.38)

दध्यौ च सुचिरं भक्त्या प्रत्यादेशमवाप सः । नारायणश्च भगवान् महालक्ष्याश्च देहतः

dadhyau ca suciraṁ bhaktyā pratyādeśamavāpa saḥ | nārāyaṇaśca bhagavān mahālakṣyāśca dehataḥ

and meditated for a long time with devotion, and received his instruction in reply. The Blessed Narayana, from the very body of Mahalakshmi,

Verse 39 (devibhagavatam.9.45.39)

विनिष्कृष्य मर्त्यलक्ष्मीं ब्रह्मणे दक्षिणां ददौ । ब्रह्मा ददौ तां यज्ञाय पूरणार्थं च कर्मणाम्

viniṣkṛṣya martyalakṣmīṁ brahmaṇe dakṣiṇāṁ dadau | brahmā dadau tāṁ yajñāya pūraṇārthaṁ ca karmaṇām

drew forth the mortal Lakshmi and gave her to Brahma. Brahma gave her to Yajna, for the completion of ritual acts.

Verse 40 (devibhagavatam.9.45.40)

यज्ञः सम्पूज्य विधिवत्तां तुष्टाव तदा मुदा । तप्तकाञ्चनवर्णाभां चन्द्रकोटिसमप्रभाम्

yajñaḥ sampūjya vidhivattāṁ tuṣṭāva tadā mudā | taptakāñcanavarṇābhāṁ candrakoṭisamaprabhām

Yajna, having duly worshipped her, then praised her with joy — her hue like heated gold, her radiance equal to ten million moons,

Verse 41 (devibhagavatam.9.45.41)

अतीव कमनीयां च सुन्दरीं सुमनोहराम् । कमलास्यां कोमलाङ्गीं कमलायतलोचनाम्

atīva kamanīyāṁ ca sundarīṁ sumanoharām | kamalāsyāṁ komalāṅgīṁ kamalāyatalocanām

exceedingly enchanting, beautiful, most lovely, lotus-faced, of tender limbs, her eyes long like the lotus,

Verse 42 (devibhagavatam.9.45.42)

कमलासनपूज्यां च कमलाङ्गसमुद्भवाम् । वह्निशुद्धांशुकाधानां बिम्बोष्ठीं सुदतीं सतीम्

kamalāsanapūjyāṁ ca kamalāṅgasamudbhavām | vahniśuddhāṁśukādhānāṁ bimboṣṭhīṁ sudatīṁ satīm

worshipped by the Lotus-seated one, born of the lotus-limbed one, clad in a garment purified by fire, her lips like the bimba fruit, of beautiful teeth, virtuous,

Verse 43 (devibhagavatam.9.45.43)

बिभ्रतीं कबरीभारं मालतीमाल्यसंयुतम् । ईषद्धास्यप्रसन्नास्यां रत्नभूषणभूषिताम्

bibhratīṁ kabarībhāraṁ mālatīmālyasaṁyutam | īṣaddhāsyaprasannāsyāṁ ratnabhūṣaṇabhūṣitām

bearing a mass of braided hair adorned with a garland of malati flowers, her face gently smiling and joyful, adorned with jeweled ornaments,

Verse 44 (devibhagavatam.9.45.44)

सुवेषाढ्यां च सुस्नातां मुनिमानसमोहिनीम् । कस्तूरीबिन्दुभिः सार्धं सुगन्धिचन्दनेन्दुभिः

suveṣāḍhyāṁ ca susnātāṁ munimānasamohinīm | kastūrībindubhiḥ sārdhaṁ sugandhicandanendubhiḥ

richly and beautifully attired, freshly bathed, enchanting the minds even of sages, together with drops of musk, marked with fragrant sandalwood and moon-like tilaka,

Verse 45 (devibhagavatam.9.45.45)

सिन्दूरबिन्दुनाल्पेनाप्यलकाधःस्थलोज्ज्वलाम् । सुप्रशस्तनितम्बाढ्यां बृहच्छ्रोणिपयोधराम्

sindūrabindunālpenāpyalakādhaḥsthalojjvalām | supraśastanitambāḍhyāṁ bṛhacchroṇipayodharām

her forehead below her curling locks made radiant even by a small dot of vermilion, richly endowed with beautiful hips, full-figured with ample loins and breasts,

Verse 46 (devibhagavatam.9.45.46)

कामदेवाधाररूपां कामबाणप्रपीडिताम् । तां दृष्ट्वा रमणीयां च यज्ञो मूर्च्छामवाप ह

kāmadevādhārarūpāṁ kāmabāṇaprapīḍitām | tāṁ dṛṣṭvā ramaṇīyāṁ ca yajño mūrcchāmavāpa ha

of a form that is the very seat of the god of love, herself pierced by love's arrows — seeing that lovely one, Yajna fell into a swoon.

Verse 47 (devibhagavatam.9.45.47)

पत्नीं तामेव जग्राह विधिबोधितपूर्वकम् । दिव्यं वर्षशतं चैव तां गृहीत्वा तु निर्जने

patnīṁ tāmeva jagrāha vidhibodhitapūrvakam | divyaṁ varṣaśataṁ caiva tāṁ gṛhītvā tu nirjane

He took her as his wife, having first been instructed by the Creator; and, having taken her, for a hundred divine years, in a secluded place,

Verse 48 (devibhagavatam.9.45.48)

यज्ञो रेमे मुदा युक्तो रामेशो रमया सह । गर्भं दधार सा देवी दिव्यं द्वादशवर्षकम्

yajño reme mudā yukto rāmeśo ramayā saha | garbhaṁ dadhāra sā devī divyaṁ dvādaśavarṣakam

Yajna, filled with joy, sported together with his beloved, that lord of Rama, with Rama herself. That Devi bore the pregnancy for twelve divine years;

Verse 49 (devibhagavatam.9.45.49)

ततः सुषाव पुत्रं च फलं वै सर्वकर्मणाम् । परिपूर्णे कर्मणि च तत्पुत्रः फलदायकः

tataḥ suṣāva putraṁ ca phalaṁ vai sarvakarmaṇām | paripūrṇe karmaṇi ca tatputraḥ phaladāyakaḥ

then she gave birth to a son — indeed the very Fruit of all rites; when a rite is completed, that son is the giver of its fruit.

Verse 50 (devibhagavatam.9.45.50)

यज्ञो दक्षिणया सार्धं पुत्रेण च फलेन च । कर्मिणां फलदाता चेत्येवं वेदविदो विदुः

yajño dakṣiṇayā sārdhaṁ putreṇa ca phalena ca | karmiṇāṁ phaladātā cetyevaṁ vedavido viduḥ

Thus Yajna, together with Dakshina, and with their son Phala, is the giver of fruit to those who perform rites — so the knowers of the Veda understand.

Verse 51 (devibhagavatam.9.45.51)

यज्ञश्च दक्षिणां प्राप्य पुत्रं च फलदायकम् । फलं ददौ च सर्वेभ्यः कर्मणां चैव नारद

yajñaśca dakṣiṇāṁ prāpya putraṁ ca phaladāyakam | phalaṁ dadau ca sarvebhyaḥ karmaṇāṁ caiva nārada

And Yajna, having obtained Dakshina and their fruit-bestowing son, O Narada, gave the fruit of their rites to all.

Verse 52 (devibhagavatam.9.45.52)

तदा देवादयस्तुष्टाः परिपूर्णमनोरथाः । स्वस्थाने ते ययुः सर्वे धर्मवक्त्रादिदं श्रुतम्

tadā devādayastuṣṭāḥ paripūrṇamanorathāḥ | svasthāne te yayuḥ sarve dharmavaktrādidaṁ śrutam

Then the gods and the rest, satisfied, their desires fully accomplished, all went to their own abodes. This has been heard from the mouth of Dharma himself:

Verse 53 (devibhagavatam.9.45.53)

कृत्वा कर्म च कर्ता च तूर्णं दद्याच्च दक्षिणाम् । तत्क्षणं फलमाप्नोति वेदैरुक्तमिदं मुने

kṛtvā karma ca kartā ca tūrṇaṁ dadyācca dakṣiṇām | tatkṣaṇaṁ phalamāpnoti vedairuktamidaṁ mune

"Having performed a rite, the performer should promptly give the dakshina; he obtains its fruit at that very moment" — thus it is declared by the Vedas, O sage.

Verse 54 (devibhagavatam.9.45.54)

कर्मी कर्मणि पूर्णे च तत्क्षणे यदि दक्षिणाम् । न दद्याद् ब्राह्मणेभ्यश्च दैवेनाज्ञानतोऽथवा

karmī karmaṇi pūrṇe ca tatkṣaṇe yadi dakṣiṇām | na dadyād brāhmaṇebhyaśca daivenājñānato'thavā

If the performer of a rite, when it is completed, does not at that very moment give the dakshina to the Brahmins — whether by fate or through ignorance —

Verse 55 (devibhagavatam.9.45.55)

मुहूर्ते समतीते तु द्विगुणा सा भवेद् ध्रुवम् । एकरात्रे व्यतीते तु भवेच्छतगुणा च सा

muhūrte samatīte tu dviguṇā sā bhaved dhruvam | ekarātre vyatīte tu bhavecchataguṇā ca sā

— then, when a muhurta has passed, it certainly becomes doubled; when a full night has passed, it becomes a hundredfold.

Verse 56 (devibhagavatam.9.45.56)

त्रिरात्रे तच्छतगुणा सप्ताहे द्विगुणा ततः । मासे लक्षगुणा प्रोक्ता ब्राह्मणानां च वर्धते

trirātre tacchataguṇā saptāhe dviguṇā tataḥ | māse lakṣaguṇā proktā brāhmaṇānāṁ ca vardhate

After three nights, it becomes a hundred times that; after a week, doubled again; after a month, it is declared to become a hundred-thousandfold, ever increasing for the Brahmins.

Verse 57 (devibhagavatam.9.45.57)

संवत्सरे व्यतीते तु सा त्रिकोटिगुणा भवेत् । कर्म तद्यजमानानां सर्वं वै निष्फलं भवेत्

saṁvatsare vyatīte tu sā trikoṭiguṇā bhavet | karma tadyajamānānāṁ sarvaṁ vai niṣphalaṁ bhavet

After a full year has passed, it becomes thirty million times that; and the whole rite of that sacrificer becomes entirely fruitless.

Verse 58 (devibhagavatam.9.45.58)

स च ब्रह्मस्वहारी च न कर्मार्होऽशुचिर्नरः । दरिद्रो व्याधियुक्तश्च तेन पापेन पातकी

sa ca brahmasvahārī ca na karmārho'śucirnaraḥ | daridro vyādhiyuktaśca tena pāpena pātakī

He becomes a thief of a Brahmin's due, unfit for any rite, impure; poverty-stricken and afflicted with disease, a sinner through that very sin.

Verse 59 (devibhagavatam.9.45.59)

तद्गृहाद्याति लक्ष्मीश्च शापं दत्त्वा सुदारुणम् । पितरो नैव गृह्णन्ति तद्दत्तं श्राद्धतर्पणम्

tadgṛhādyāti lakṣmīśca śāpaṁ dattvā sudāruṇam | pitaro naiva gṛhṇanti taddattaṁ śrāddhatarpaṇam

Lakshmi departs from his house, having pronounced a most terrible curse; the ancestors do not accept the shraddha and tarpana offered by him.

Verse 60 (devibhagavatam.9.45.60)

एवं सुराश्च तत्पूजां तद्दत्तामग्निराहुतिम् । दत्तं न दीयते दानं ग्रहीता नैव याचते

evaṁ surāśca tatpūjāṁ taddattāmagnirāhutim | dattaṁ na dīyate dānaṁ grahītā naiva yācate

Likewise the gods do not accept his worship, and Fire does not accept the oblation he offers; his gift is not truly given, and its receiver does not truly ask for it.

Verse 61 (devibhagavatam.9.45.61)

उभौ तौ नरके यातश्छिन्नरज्जौ यथा घटः । नार्पयेद्यजमानश्चेद्याचितश्चापि दक्षिणाम्

ubhau tau narake yātaśchinnarajjau yathā ghaṭaḥ | nārpayedyajamānaścedyācitaścāpi dakṣiṇām

Both go to hell, like a pot falling whose rope is cut. If the sacrificer, even when asked, does not offer the dakshina —

Verse 62 (devibhagavatam.9.45.62)

भवेद्ब्रह्मस्वापहारी कुम्भीपाकं व्रजेद् ध्रुवम् । वर्षलक्षं वसेत्तत्र यमदूतेन ताडितः

bhavedbrahmasvāpahārī kumbhīpākaṁ vrajed dhruvam | varṣalakṣaṁ vasettatra yamadūtena tāḍitaḥ

— he becomes a thief of a Brahmin's due and certainly goes to the hell called Kumbhipaka; he dwells there for a hundred thousand years, beaten by the messengers of Yama.

Verse 63 (devibhagavatam.9.45.63)

ततो भवेत्स चाण्डालो व्याधियुक्तो दरिद्रकः । पातयेत्पुरुषान्सप्त पूर्वांश्च सप्त जन्मतः

tato bhavetsa cāṇḍālo vyādhiyukto daridrakaḥ | pātayetpuruṣānsapta pūrvāṁśca sapta janmataḥ

Thereafter he is born a chandala, afflicted with disease, poverty-stricken; and he drags down with him seven generations of his ancestors and seven of his descendants.

Verse 64 (devibhagavatam.9.45.64)

इत्येवं कथितं विप्र किं भूयः श्रोतुमिच्छसि । नारद उवाच । यत्कर्म दक्षिणाहीनं को भुङ्क्ते तत्फलं मुने

ityevaṁ kathitaṁ vipra kiṁ bhūyaḥ śrotumicchasi | nārada uvāca | yatkarma dakṣiṇāhīnaṁ ko bhuṅkte tatphalaṁ mune

Thus has this been told, O Brahmin; what more do you wish to hear? Narada said: "O sage, whoever performs a rite without dakshina — who then enjoys its fruit?

Verse 65 (devibhagavatam.9.45.65)

पूजाविधिं दक्षिणायाः पुरा यज्ञकृतं वद । श्रीनारायण उवाच । कर्मणोऽदक्षिणस्यैव कुत एव फलं मुने

pūjāvidhiṁ dakṣiṇāyāḥ purā yajñakṛtaṁ vada | śrīnārāyaṇa uvāca | karmaṇo'dakṣiṇasyaiva kuta eva phalaṁ mune

"And tell me the manner of worshipping Dakshina, as performed of old by Yajna." Shri Narayana said: "How indeed, O sage, can any fruit come at all from a rite performed without dakshina?

Verse 66 (devibhagavatam.9.45.66)

सदक्षिणे कर्मणि च फलमेव प्रवर्तते । अदक्षिणं च यत्कर्म तद्भुङ्क्ते च बलिर्मुने

sadakṣiṇe karmaṇi ca phalameva pravartate | adakṣiṇaṁ ca yatkarma tadbhuṅkte ca balirmune

"Fruit accrues only from a rite performed with dakshina. Whatever rite is performed without dakshina, O sage, is enjoyed instead by Bali.

Verse 67 (devibhagavatam.9.45.67)

बलये तत्प्रदत्तं च वामनेन पुरा मुने । अश्रोत्रियः श्राद्धद्रव्यमश्रद्धादानमेव च

balaye tatpradattaṁ ca vāmanena purā mune | aśrotriyaḥ śrāddhadravyamaśraddhādānameva ca

"That was granted to Bali by Vamana himself, of old, O sage. Whatever shraddha-offering is given to a Brahmin unversed in the Veda, whatever gift given without faith,

Verse 68 (devibhagavatam.9.45.68)

वृषलीपतिविप्राणां पूजाद्रव्यादिकं च यत् । असद्द्विजैः कृतं यज्ञमशुचेः पूजनं च यत्

vṛṣalīpativiprāṇāṁ pūjādravyādikaṁ ca yat | asaddvijaiḥ kṛtaṁ yajñamaśuceḥ pūjanaṁ ca yat

"whatever offering is made to Brahmins who are husbands of low-caste women, whatever sacrifice is performed by unworthy Brahmins, and whatever worship is offered by an impure person,

Verse 69 (devibhagavatam.9.45.69)

गुरावभक्तस्य कर्म बलिर्भुङ्क्ते न संशयः । दक्षिणायाश्च यद्ध्यानं स्तोत्रं पूजाविधिक्रमम्

gurāvabhaktasya karma balirbhuṅkte na saṁśayaḥ | dakṣiṇāyāśca yaddhyānaṁ stotraṁ pūjāvidhikramam

"and whatever act is performed by one devoid of devotion to his guru — all these are enjoyed by Bali; of this there is no doubt. Now I shall relate the meditation, hymn, and manner of worship of Dakshina,

Verse 70 (devibhagavatam.9.45.70)

तत्सर्वं कण्वशाखोक्तं प्रवक्ष्यामि निशामय । पुरा सम्प्राप्य तां यज्ञः कर्मदक्षां च दक्षिणाम्

tatsarvaṁ kaṇvaśākhoktaṁ pravakṣyāmi niśāmaya | purā samprāpya tāṁ yajñaḥ karmadakṣāṁ ca dakṣiṇām

"— all as taught in the Kanva branch of the Veda — listen. Of old, having obtained her, Dakshina, so skillful in ritual acts, Yajna,

Verse 71 (devibhagavatam.9.45.71)

मुमोहास्याः स्वरूपेण तुष्टाव कामकातरः । यज्ञ उवाच । पुरा गोलोकगोपी त्वं गोपीनां प्रवरा वरा

mumohāsyāḥ svarūpeṇa tuṣṭāva kāmakātaraḥ | yajña uvāca | purā golokagopī tvaṁ gopīnāṁ pravarā varā

"was enchanted by her very form and, overwhelmed with desire, praised her. Yajna said: 'Of old you were a gopi of Goloka, the foremost and finest of the gopis,

Verse 72 (devibhagavatam.9.45.72)

राधासमा तत्सखी च श्रीकृष्णप्रेयसी प्रिया । कार्तिकीपूर्णिमायां तु रासे राधामहोत्सवे

rādhāsamā tatsakhī ca śrīkṛṣṇapreyasī priyā | kārtikīpūrṇimāyāṁ tu rāse rādhāmahotsave

" '— equal to Radha, her own companion, the beloved darling of Shri Krishna. On the full-moon day of Kartika, at the Rasa dance, at the great festival of Radha,

Verse 73 (devibhagavatam.9.45.73)

आविर्भूता दक्षिणांसाल्लक्ष्म्याश्च तेन दक्षिणा । पुरा त्वं च सुशीलाख्या ख्याता शीलेन शोभने

āvirbhūtā dakṣiṇāṁsāllakṣmyāśca tena dakṣiṇā | purā tvaṁ ca suśīlākhyā khyātā śīlena śobhane

" '— you appeared from the right shoulder of Lakshmi, and for that you are called Dakshina. Of old you were known by the name Sushila, renowned for your fine character, O radiant one.'

Verse 74 (devibhagavatam.9.45.74)

लक्ष्मीदक्षांसभागात्त्वं राधाशापाच्च दक्षिणा । गोलोकात्त्वं परिभ्रष्टा मम भाग्यादुपस्थिता

lakṣmīdakṣāṁsabhāgāttvaṁ rādhāśāpācca dakṣiṇā | golokāttvaṁ paribhraṣṭā mama bhāgyādupasthitā

" '[Now,] from the right portion of Lakshmi's shoulder, and through Radha's curse, you have become Dakshina; fallen from Goloka, you have come to me by my own good fortune.'

Verse 75 (devibhagavatam.9.45.75)

कृपां कुरु महाभागे मामेव स्वामिनं कुरु । कर्मिणां कर्मणां देवी त्वमेव फलदा सदा

kṛpāṁ kuru mahābhāge māmeva svāminaṁ kuru | karmiṇāṁ karmaṇāṁ devī tvameva phaladā sadā

" 'Show me grace, O most fortunate one; make me your lord. You alone, O Devi, are ever the giver of fruit to the rites of those who perform ritual acts.'

Verse 76 (devibhagavatam.9.45.76)

त्वया विना च सर्वेषां सर्वं कर्म च निष्फलम् । त्वया विना तथा कर्म कर्मिणां च न शोभते

tvayā vinā ca sarveṣāṁ sarvaṁ karma ca niṣphalam | tvayā vinā tathā karma karmiṇāṁ ca na śobhate

" 'Without you, all rites of all beings are fruitless; without you, likewise, the deeds of ritual performers bring no glory.'

Verse 77 (devibhagavatam.9.45.77)

ब्रह्मविष्णुमहेशाश्च दिक्पालादय एव च । कर्मणश्च फलं दातुं न शक्ताश्च त्वया विना

brahmaviṣṇumaheśāśca dikpālādaya eva ca | karmaṇaśca phalaṁ dātuṁ na śaktāśca tvayā vinā

" 'Brahma, Vishnu, Mahesha, and the guardians of the directions and the rest — without you, none of them are able to bestow the fruit of any rite.'

Verse 78 (devibhagavatam.9.45.78)

कर्मरूपी स्वयं ब्रह्मा फलरूपी महेश्वरः । यज्ञरूपी विष्णुरहं त्वमेषां साररूपिणी

karmarūpī svayaṁ brahmā phalarūpī maheśvaraḥ | yajñarūpī viṣṇurahaṁ tvameṣāṁ sārarūpiṇī

" 'Brahma himself is of the very form of the rite; Maheshvara is of the very form of the fruit; I, Vishnu, am of the very form of the sacrifice; and you are the very essence of them all.'

Verse 79 (devibhagavatam.9.45.79)

फलदातृपरं ब्रह्म निर्गुणा प्रकृतिः परा । स्वयं कृष्णश्च भगवान् स च शक्तस्त्वया सह

phaladātṛparaṁ brahma nirguṇā prakṛtiḥ parā | svayaṁ kṛṣṇaśca bhagavān sa ca śaktastvayā saha

" 'The supreme Brahman, the giver of fruit, the supreme Prakriti beyond qualities, the Blessed Krishna himself — he too is capable only together with you.'

Verse 80 (devibhagavatam.9.45.80)

त्वमेव शक्तिः कान्ते मे शश्वज्जन्मनि जन्मनि । सर्वकर्मणि शक्तोऽहं त्वया सह वरानने

tvameva śaktiḥ kānte me śaśvajjanmani janmani | sarvakarmaṇi śakto'haṁ tvayā saha varānane

" 'You alone are my power, O beloved, forever, birth after birth; only together with you, O fair-faced one, am I capable in every act.' "

Verse 81 (devibhagavatam.9.45.81)

इत्युक्त्वा च पुरस्तस्थौ यज्ञाधिष्ठातृदेवता । तुष्टा बभूव सा देवी भेजे तं कमलाकला

ityuktvā ca purastasthau yajñādhiṣṭhātṛdevatā | tuṣṭā babhūva sā devī bheje taṁ kamalākalā

Having spoken thus, the presiding deity of the sacrifice stood before her; that Devi, pleased, gave herself, a portion of Kamala, to him.

Verse 82 (devibhagavatam.9.45.82)

इदं च दक्षिणास्तोत्रं यज्ञकाले च यः पठेत् । फलं च सर्वयज्ञानां प्राप्नोति नात्र संशयः

idaṁ ca dakṣiṇāstotraṁ yajñakāle ca yaḥ paṭhet | phalaṁ ca sarvayajñānāṁ prāpnoti nātra saṁśayaḥ

Whoever recites this hymn of Dakshina at the time of a sacrifice certainly obtains the fruit of all sacrifices; of this there is no doubt —

Verse 83 (devibhagavatam.9.45.83)

राजसूये वाजपेये गोमेधे नरमेधके । अश्वमेधे लाङ्गले च विष्णुयज्ञे यशस्करे

rājasūye vājapeye gomedhe naramedhake | aśvamedhe lāṅgale ca viṣṇuyajñe yaśaskare

— in the Rajasuya, the Vajapeya, the Gomedha, the Naramedha, the Ashvamedha, the Langala rite, and the fame-bringing sacrifice to Vishnu;

Verse 84 (devibhagavatam.9.45.84)

धनदे भूमिदे पूर्ते फलदे गजमेधके । लोहयज्ञे स्वर्णयज्ञे रत्नयज्ञेऽथ ताम्रके

dhanade bhūmide pūrte phalade gajamedhake | lohayajñe svarṇayajñe ratnayajñe'tha tāmrake

in the wealth-bestowing, land-bestowing, and public-works sacrifices, in the fruit-bestowing sacrifice, in the Gajamedha, in the sacrifice of iron, of gold, of gems, and of copper;

Verse 85 (devibhagavatam.9.45.85)

शिवयज्ञे रुद्रयज्ञे शक्रयज्ञे च बन्धुके । वृष्टौ वरुणयागे च कण्डके वैरिमर्दने

śivayajñe rudrayajñe śakrayajñe ca bandhuke | vṛṣṭau varuṇayāge ca kaṇḍake vairimardane

in the sacrifice to Shiva, to Rudra, to Indra, and the kinsman-rite; in the rain-rite, in the sacrifice to Varuna, in the Kandaka rite, in the enemy-destroying rite;

Verse 86 (devibhagavatam.9.45.86)

शुचियज्ञे धर्मयज्ञेऽध्वरे च पापमोचने । ब्रह्माणीकर्मयागे च योनियागे च भद्रके

śuciyajñe dharmayajñe'dhvare ca pāpamocane | brahmāṇīkarmayāge ca yoniyāge ca bhadrake

in the sacrifice of purity, the sacrifice of dharma, the sin-releasing rite, in the Brahmani ritual-sacrifice, and in the auspicious Yoni sacrifice —

Verse 87 (devibhagavatam.9.45.87)

एतेषां च समारम्भे इदं स्तोत्रं च यः पठेत् । निर्विघ्नेन च तत्कर्म सर्वं भवति निश्चितम्

eteṣāṁ ca samārambhe idaṁ stotraṁ ca yaḥ paṭhet | nirvighnena ca tatkarma sarvaṁ bhavati niścitam

— at the commencement of all these, whoever recites this hymn, his rite is certainly accomplished entirely without obstruction.

Verse 88 (devibhagavatam.9.45.88)

इदं स्तोत्रं च कथितं ध्यानं पूजाविधिं शृणु । शालग्रामे घटे वापि दक्षिणां पूजयेत्सुधीः

idaṁ stotraṁ ca kathitaṁ dhyānaṁ pūjāvidhiṁ śṛṇu | śālagrāme ghaṭe vāpi dakṣiṇāṁ pūjayetsudhīḥ

This hymn has now been told; hear now the meditation and manner of worship. On a shalagrama or in a water-pot, the wise man should worship Dakshina —

Verse 89 (devibhagavatam.9.45.89)

लक्ष्मीदक्षांससम्भूतां दक्षिणां कमलाकलाम् । सर्वकर्मसुदक्षां च फलदां सर्वकर्मणाम्

lakṣmīdakṣāṁsasambhūtāṁ dakṣiṇāṁ kamalākalām | sarvakarmasudakṣāṁ ca phaladāṁ sarvakarmaṇām

— meditating on her as born of Lakshmi's right shoulder, Dakshina, a portion of Kamala, most skillful in every rite, the giver of fruit to every ritual act,

Verse 90 (devibhagavatam.9.45.90)

विष्णोः शक्तिस्वरूपां च पूजितां वन्दितां शुभाम् । शुद्धिदां शुद्धिरूपां च सुशीलां शुभदां भजे

viṣṇoḥ śaktisvarūpāṁ ca pūjitāṁ vanditāṁ śubhām | śuddhidāṁ śuddhirūpāṁ ca suśīlāṁ śubhadāṁ bhaje

of the very nature of Vishnu's power, worshipped and revered, auspicious — I worship her who is purifying, of pure nature, of fine character, bestower of good fortune.

Verse 91 (devibhagavatam.9.45.91)

ध्यात्वानेनैव वरदां मूलेन पूजयेत्सुधीः । दत्त्वा पाद्यादिकं देव्यै वेदोक्तेनैव नारद

dhyātvānenaiva varadāṁ mūlena pūjayetsudhīḥ | dattvā pādyādikaṁ devyai vedoktenaiva nārada

Meditating thus on the boon-giver, the wise man should worship her with the root-mantra, offering to the Devi the water for her feet and the rest, exactly as taught in the Veda, O Narada:

Verse 92 (devibhagavatam.9.45.92)

ॐ श्रीं क्लीं ह्रीं दक्षिणायै स्वाहेति च विचक्षणः । पूजयेद्विधिवद् भक्त्या दक्षिणां सर्वपूजिताम्

oṁ śrīṁ klīṁ hrīṁ dakṣiṇāyai svāheti ca vicakṣaṇaḥ | pūjayedvidhivad bhaktyā dakṣiṇāṁ sarvapūjitām

"Oṁ śrīṁ klīṁ hrīṁ dakṣiṇāyai svāhā" — with this, the wise man should worship, duly and with devotion, Dakshina, honored by all.

Verse 93 (devibhagavatam.9.45.93)

इत्येवं कथितं ब्रह्मन् दक्षिणाख्यानमेव च । सुखदं प्रीतिदं चैव फलदं सर्वकर्मणाम्

ityevaṁ kathitaṁ brahman dakṣiṇākhyānameva ca | sukhadaṁ prītidaṁ caiva phaladaṁ sarvakarmaṇām

Thus, O Brahmin, has the story of Dakshina been told, bringing happiness and affection, granting the fruit of all rites.

Verse 94 (devibhagavatam.9.45.94)

इदं च दक्षिणाख्यानं यः शृणोति समाहितः । अङ्गहीनं च तत्कर्म न भवेद्भारते भुवि

idaṁ ca dakṣiṇākhyānaṁ yaḥ śṛṇoti samāhitaḥ | aṅgahīnaṁ ca tatkarma na bhavedbhārate bhuvi

Whoever, with a composed mind, listens to this story of Dakshina — in the land of Bharata, none of his rites shall ever be deficient in any part.

Verse 95 (devibhagavatam.9.45.95)

अपुत्रो लभते पुत्रं निश्चितं च गुणान्वितम् । भार्याहीनो लभेद्भार्यां सुशीलां सुन्दरीं पराम्

aputro labhate putraṁ niścitaṁ ca guṇānvitam | bhāryāhīno labhedbhāryāṁ suśīlāṁ sundarīṁ parām

He who has no son certainly obtains a virtuous son; he who has no wife obtains a wife of fine character, most beautiful,

Verse 96 (devibhagavatam.9.45.96)

वरारोहां पुत्रवतीं विनीतां प्रियवादिनीम् । पतिव्रतां च शुद्धां च कुलजां च वधूं वराम्

varārohāṁ putravatīṁ vinītāṁ priyavādinīm | pativratāṁ ca śuddhāṁ ca kulajāṁ ca vadhūṁ varām

of excellent form, blessed with sons, modest, sweet of speech, devoted to her husband, pure, born of a good family — an excellent bride.

Verse 97 (devibhagavatam.9.45.97)

विद्याहीनो लभेद्विद्यां धनहीनो लभेद्धनम् । भूमिहीनो लभेद्भूमिं प्रजाहीनो लभेत्प्रजाम्

vidyāhīno labhedvidyāṁ dhanahīno labheddhanam | bhūmihīno labhedbhūmiṁ prajāhīno labhetprajām

He who lacks learning obtains learning; he who lacks wealth obtains wealth; he who lacks land obtains land; he who lacks offspring obtains offspring.

Verse 98 (devibhagavatam.9.45.98)

सङ्कटे बन्धुविच्छेदे विपत्तौ बन्धने तथा । मासमेकमिदं श्रुत्वा मुच्यते नात्र संशयः

saṅkaṭe bandhuvicchede vipattau bandhane tathā | māsamekamidaṁ śrutvā mucyate nātra saṁśayaḥ

In distress, in separation from kinsmen, in calamity, and likewise in captivity — having listened to this for one month, he is certainly freed; of this there is no doubt.