The Rite of the Devi's Enclosure-Worship

Verse 1 (devibhagavatam.9.50.1)

नारद उवाच । श्रुतं सर्वमुपाख्यानं प्रकृतीनां यथातथम् । यच्छ्रुत्वा मुच्यते जन्तुर्जन्मसंसारबन्धनात्

nārada uvāca | śrutaṁ sarvamupākhyānaṁ prakṛtīnāṁ yathātatham | yacchrutvā mucyate janturjanmasaṁsārabandhanāt

Narada said: I have heard the whole account of the Prakritis exactly as it is — hearing which, a creature is freed from the bondage of birth and worldly existence.

Verse 2 (devibhagavatam.9.50.2)

अधुना श्रोतुमिच्छामि रहस्यं वेदगोपितम् । राधायाश्चैव दुर्गाया विधानं श्रुतिचोदितम्

adhunā śrotumicchāmi rahasyaṁ vedagopitam | rādhāyāścaiva durgāyā vidhānaṁ śruticoditam

Now I wish to hear the secret hidden within the Veda — the manner of worship, enjoined by revelation, of Radha and of Durga.

Verse 3 (devibhagavatam.9.50.3)

महिमा वर्णितोऽतीव भवता परयोर्द्वयोः । श्रुत्वा तं तद्गतं चेतो न कस्य स्यान्मुनीश्वर

mahimā varṇito'tīva bhavatā parayordvayoḥ | śrutvā taṁ tadgataṁ ceto na kasya syānmunīśvara

You have described at great length the glory of these two supreme ones; O lord of sages, having heard it, whose mind would not be drawn toward them?

Verse 4 (devibhagavatam.9.50.4)

ययोरंशो जगत्सर्वं यन्नियम्यं चराचरम् । ययोर्भक्त्या भवेन्मुक्तिस्तद्विधानं वदाधुना

yayoraṁśo jagatsarvaṁ yanniyamyaṁ carācaram | yayorbhaktyā bhavenmuktistadvidhānaṁ vadādhunā

Of whom the whole world, moving and unmoving, subject to their rule, is a mere portion — by devotion to whom liberation comes — tell me now their manner of worship.

Verse 5 (devibhagavatam.9.50.5)

श्रीनारायण उवाच । शृणु नारद वक्ष्यामि रहस्यं श्रुतिचोदितम् । यन्न कस्यापि चाख्यातं सारात्सारं परात्परम्

śrīnārāyaṇa uvāca | śṛṇu nārada vakṣyāmi rahasyaṁ śruticoditam | yanna kasyāpi cākhyātaṁ sārātsāraṁ parātparam

Shri Narayana said: Listen, Narada, I shall tell you the secret enjoined by revelation, which has not been told to anyone — the very essence of essences, supreme beyond the supreme.

Verse 6 (devibhagavatam.9.50.6)

श्रुत्वा परस्मै नो वाच्यं यतोऽतीव रहस्यकम् । मूलप्रकृतिरूपिण्याः संविदो जगदुद्भवे

śrutvā parasmai no vācyaṁ yato'tīva rahasyakam | mūlaprakṛtirūpiṇyāḥ saṁvido jagadudbhave

Having heard it, it should not be told to another, for it is exceedingly secret. Of her who is of the very form of the root Prakriti, of pure Consciousness, at the arising of the world —

Verse 7 (devibhagavatam.9.50.7)

प्रादुर्भूतं शक्तियुग्मं प्राणबुद्ध्यधिदैवतम् । जीवानां चैव सर्वेषां नियन्तृप्रेरकं सदा

prādurbhūtaṁ śaktiyugmaṁ prāṇabuddhyadhidaivatam | jīvānāṁ caiva sarveṣāṁ niyantṛprerakaṁ sadā

— a pair of powers came forth, the presiding deities of life-breath and intellect, ever the controllers and impellers of all living beings.

Verse 8 (devibhagavatam.9.50.8)

तदधीनं जगत्सर्वं विराडादिचराचरम् । यावत्तयोः प्रसादो न तावन्मोक्षो हि दुर्लभः

tadadhīnaṁ jagatsarvaṁ virāḍādicarācaram | yāvattayoḥ prasādo na tāvanmokṣo hi durlabhaḥ

The whole world, from the Cosmic Person down, moving and unmoving, is dependent upon them; as long as their grace has not come, liberation is indeed hard to attain.

Verse 9 (devibhagavatam.9.50.9)

ततस्तयोः प्रसादार्थं नित्यं सेवेत तद्द्वयम् । तत्रादौ राधिकामन्त्रं शृणु नारद भक्तितः

tatastayoḥ prasādārthaṁ nityaṁ seveta taddvayam | tatrādau rādhikāmantraṁ śṛṇu nārada bhaktitaḥ

Therefore, for the sake of their grace, one should ever serve that pair. Of these, first, O Narada, hear with devotion the mantra of Radhika.

Verse 10 (devibhagavatam.9.50.10)

ब्रह्मविष्ण्वादिभिर्नित्यं सेवितो यः परात्परः । श्रीराधेति चतुर्थ्यन्तं वह्नेर्जाया ततः परम्

brahmaviṣṇvādibhirnityaṁ sevito yaḥ parātparaḥ | śrīrādheti caturthyantaṁ vahnerjāyā tataḥ param

He who is ever served by Brahma, Vishnu, and the rest, supreme beyond the supreme — "Śrī Rādhā" in the dative case, followed then by "the wife of Fire" [i.e. svāhā] —

Verse 11 (devibhagavatam.9.50.11)

षडक्षरो महामन्त्रो धर्माद्यर्थप्रकाशकः । मायाबीजादिकश्चायं वाञ्छाचिन्तामणिः स्मृतः

ṣaḍakṣaro mahāmantro dharmādyarthaprakāśakaḥ | māyābījādikaścāyaṁ vāñchācintāmaṇiḥ smṛtaḥ

"— this is the six-syllabled great mantra, which reveals the meaning of dharma and the rest; beginning with the seed-syllable of Maya, it is remembered as the very wish-fulfilling gem.

Verse 12 (devibhagavatam.9.50.12)

वक्त्रकोटिसहस्रैस्तु जिह्वाकोटिशतैरपि । एतन्मन्त्रस्य माहात्म्यं वर्णितुं नैव शक्यते

vaktrakoṭisahasraistu jihvākoṭiśatairapi | etanmantrasya māhātmyaṁ varṇituṁ naiva śakyate

Even with ten trillion mouths and a billion tongues, the glory of this mantra cannot ever be fully described.

Verse 13 (devibhagavatam.9.50.13)

जग्राह प्रथमं मन्त्रं श्रीकृष्णो भक्तितत्परः । उपदेशान्मूलदेव्या गोलोके रासमण्डले

jagrāha prathamaṁ mantraṁ śrīkṛṣṇo bhaktitatparaḥ | upadeśānmūladevyā goloke rāsamaṇḍale

Shri Krishna himself, devoted to devotion, first received this mantra, taught by the root Devi herself, in the Rasa circle of Goloka.

Verse 14 (devibhagavatam.9.50.14)

विष्णुस्तेनोपदिष्टस्तु तेन ब्रह्मा विराट् तथा । तेन धर्मस्तेन चाहमित्येषा हि परम्परा

viṣṇustenopadiṣṭastu tena brahmā virāṭ tathā | tena dharmastena cāhamityeṣā hi paramparā

By him it was taught to Vishnu; by him to Brahma, and to the Cosmic Person likewise; by him to Dharma, and by him to me — this indeed is its lineage of transmission.

Verse 15 (devibhagavatam.9.50.15)

अहं जपामि तं मन्त्रं तेनाहमृषिरीडितः । ब्रह्माद्याः सकला देवा नित्यं ध्यायन्ति तां मुदा

ahaṁ japāmi taṁ mantraṁ tenāhamṛṣirīḍitaḥ | brahmādyāḥ sakalā devā nityaṁ dhyāyanti tāṁ mudā

I myself recite this mantra, and for that I am celebrated as its sage. Brahma and all the gods meditate upon her ever, with joy.

Verse 16 (devibhagavatam.9.50.16)

कृष्णार्चायां नाधिकारो यतो राधार्चनं विना । वैष्णवैः सकलैस्तस्मात्कर्तव्यं राधिकार्चनम्

kṛṣṇārcāyāṁ nādhikāro yato rādhārcanaṁ vinā | vaiṣṇavaiḥ sakalaistasmātkartavyaṁ rādhikārcanam

There is no true right to worship Krishna without worshipping Radha; therefore all Vaishnavas must perform the worship of Radhika.

Verse 17 (devibhagavatam.9.50.17)

कृष्णप्राणाधिदेवी सा तदधीनो विभुर्यतः । रासेश्वरी तस्य नित्यं तया हीनो न तिष्ठति

kṛṣṇaprāṇādhidevī sā tadadhīno vibhuryataḥ | rāseśvarī tasya nityaṁ tayā hīno na tiṣṭhati

She is the presiding deity of Krishna's very life-breath, since the Lord is dependent upon her; she is ever the Mistress of the Rasa, and he does not remain without her.

Verse 18 (devibhagavatam.9.50.18)

राध्नोति सकलान्कामांस्तस्माद्राधेति कीर्तिता । अत्रोक्तानां मनूनां च ऋषिरस्म्यहमेव च

rādhnoti sakalānkāmāṁstasmādrādheti kīrtitā | atroktānāṁ manūnāṁ ca ṛṣirasmyahameva ca

She fulfills every desire, and for that she is celebrated as "Radha." Of the mantras spoken of here, I myself am the sage,

Verse 19 (devibhagavatam.9.50.19)

छन्दश्च देवी गायत्री देवतात्र च राधिका । तारो बीजं शक्तिबीजं शक्तिस्तु परिकीर्तिता

chandaśca devī gāyatrī devatātra ca rādhikā | tāro bījaṁ śaktibījaṁ śaktistu parikīrtitā

the meter is the goddess Gayatri, and the deity here is Radhika; the syllable "Om" is the seed-syllable, and the power-seed is proclaimed as the power of the mantra.

Verse 20 (devibhagavatam.9.50.20)

मूलावृत्त्या षडङ्गानि कर्तव्यानीतरत्र च । अथ ध्यायेन्महादेवीं राधिकां रासनायिकाम्

mūlāvṛttyā ṣaḍaṅgāni kartavyānītaratra ca | atha dhyāyenmahādevīṁ rādhikāṁ rāsanāyikām

The six limbs of the ritual should be performed by repeating the root-mantra, as elsewhere. Then one should meditate upon the great Devi, Radhika, the Mistress of the Rasa dance,

Verse 21 (devibhagavatam.9.50.21)

पूर्वोक्तरीत्या तु मुने सामवेदे विगीतया । श्वेतचम्पकवर्णाभां शरदिन्दुसमाननाम्

pūrvoktarītyā tu mune sāmavede vigītayā | śvetacampakavarṇābhāṁ śaradindusamānanām

in the manner described before, O sage, as sung in the Samaveda — radiant with the hue of the white champaka, her face like the autumn moon,

Verse 22 (devibhagavatam.9.50.22)

कोटिचन्द्रप्रतीकाशां शरदम्भोजलोचनाम् । बिम्बाधरां पृथुश्रोणीं काञ्चीयुतनितम्बिनीम्

koṭicandrapratīkāśāṁ śaradambhojalocanām | bimbādharāṁ pṛthuśroṇīṁ kāñcīyutanitambinīm

resembling ten million moons, her eyes like an autumn lotus, her lips like the bimba fruit, her hips broad, her waist girded with a jeweled belt,

Verse 23 (devibhagavatam.9.50.23)

कुन्दपङ्क्तिसमानाभदन्तपङ्क्तिविराजिताम् । क्षौमाम्बरपरीधानां वह्निशुद्धांशुकान्विताम्

kundapaṅktisamānābhadantapaṅktivirājitām | kṣaumāmbaraparīdhānāṁ vahniśuddhāṁśukānvitām

her rows of teeth resplendent, like a row of jasmine buds, clad in silken garments, wearing a garment purified by fire,

Verse 24 (devibhagavatam.9.50.24)

ईषद्धास्यप्रसन्नास्यां करिकुम्भयुगस्तनीम् । सदा द्वादशवर्षीयां रत्नभूषणभूषिताम्

īṣaddhāsyaprasannāsyāṁ karikumbhayugastanīm | sadā dvādaśavarṣīyāṁ ratnabhūṣaṇabhūṣitām

her face gently smiling and joyful, her two breasts like the frontal lobes of an elephant, ever as if twelve years of age, adorned with jeweled ornaments,

Verse 25 (devibhagavatam.9.50.25)

शृङ्गारसिन्धुलहरीं भक्तानुग्रहकातराम् । मल्लिकामालतीमालाकेशपाशविराजिताम्

śṛṅgārasindhulaharīṁ bhaktānugrahakātarām | mallikāmālatīmālākeśapāśavirājitām

a very wave of the ocean of love, eager to bestow grace on her devotees, her tresses resplendent with garlands of jasmine and malati flowers,

Verse 26 (devibhagavatam.9.50.26)

सुकुमाराङ्गलतिकां रासमण्डलमध्यगाम् । वराभयकरां शान्तां शश्वत्सुस्थिरयौवनाम्

sukumārāṅgalatikāṁ rāsamaṇḍalamadhyagām | varābhayakarāṁ śāntāṁ śaśvatsusthirayauvanām

her delicate limbs like a tender vine, standing in the midst of the Rasa circle, her hands in the gestures of boon-giving and fearlessness, peaceful, ever fixed in unfading youth,

Verse 27 (devibhagavatam.9.50.27)

रत्नसिंहासनासीनां गोपीमण्डलनायिकाम् । कृष्णप्राणाधिकां वेदबोधितां परमेश्वरीम्

ratnasiṁhāsanāsīnāṁ gopīmaṇḍalanāyikām | kṛṣṇaprāṇādhikāṁ vedabodhitāṁ parameśvarīm

seated upon a jeweled throne, the leader of the circle of gopis, dearer than life itself to Krishna, the Supreme Goddess made known by the Veda.

Verse 28 (devibhagavatam.9.50.28)

एवं ध्यात्वा ततो बाह्ये शालग्रामे घटेऽथवा । यन्त्रे वाष्टदले देवीं पूजयेत्तु विधानतः

evaṁ dhyātvā tato bāhye śālagrāme ghaṭe'thavā | yantre vāṣṭadale devīṁ pūjayettu vidhānataḥ

Having meditated thus, one should then, outwardly, worship the Devi according to rule — on a shalagrama, or in a water-pot, or on a yantra, or on an eight-petaled diagram.

Verse 29 (devibhagavatam.9.50.29)

आवाह्य देवीं तत्पश्चादासनादि प्रदीयताम् । मूलमन्त्रं समुच्चार्य चासनादीनि कल्पयेत्

āvāhya devīṁ tatpaścādāsanādi pradīyatām | mūlamantraṁ samuccārya cāsanādīni kalpayet

Having invoked the Devi, one should thereafter offer the seat and other things; reciting the root-mantra, one should present the seat and the rest.

Verse 30 (devibhagavatam.9.50.30)

पाद्यं तु पादयोर्दद्यान्मस्तकेऽर्घ्यं समीरितम् । मुखे त्वाचमनीयं स्यात्त्रिवारं मूलविद्यया

pādyaṁ tu pādayordadyānmastake'rghyaṁ samīritam | mukhe tvācamanīyaṁ syāttrivāraṁ mūlavidyayā

One should offer the water for the feet upon her feet; the arghya is prescribed for her head; and the sipping-water should be offered to her mouth, three times, with the root-mantra.

Verse 31 (devibhagavatam.9.50.31)

मधुपर्कं ततो दद्यादेकां गां च पयस्विनीम् । ततो नयेत्स्नानशालां तां च तत्रैव भावयेत्

madhuparkaṁ tato dadyādekāṁ gāṁ ca payasvinīm | tato nayetsnānaśālāṁ tāṁ ca tatraiva bhāvayet

Then one should offer the honey-mixture and a single milk-giving cow; then he should lead her to the bathing-hall, and meditate upon her right there.

Verse 32 (devibhagavatam.9.50.32)

अभ्यङ्गादिस्नानविधिं कल्पयित्वाथ वाससी । ततश्च चन्दनं दद्यान्नानालङ्कारपूर्वकम्

abhyaṅgādisnānavidhiṁ kalpayitvātha vāsasī | tataśca candanaṁ dadyānnānālaṅkārapūrvakam

Having performed the anointing and the rest of the bathing rite, one should then offer two garments; and thereafter offer sandalwood, together with various ornaments.

Verse 33 (devibhagavatam.9.50.33)

पुष्पमाला बहुविधास्तुलसीमञ्जरीयुताः । पारिजातप्रसूनानि शतपत्रादिकानि च

puṣpamālā bahuvidhāstulasīmañjarīyutāḥ | pārijātaprasūnāni śatapatrādikāni ca

Various kinds of flower-garlands, mixed with tulasi buds, blossoms of the parijata tree, and hundred-petaled lotuses and the like should be offered.

Verse 34 (devibhagavatam.9.50.34)

ततः कुर्यात्पवित्रं तत्परिवारार्चनं विभोः । अग्नीशासुरवायव्यमध्ये दिक्ष्वङ्गपूजनम्

tataḥ kuryātpavitraṁ tatparivārārcanaṁ vibhoḥ | agnīśāsuravāyavyamadhye dikṣvaṅgapūjanam

Then one should perform the sacred worship of the Lord's retinue — in the intermediate directions of Fire, Ishana, Nirriti, and Vayu, the worship of her attendant limbs.

Verse 35 (devibhagavatam.9.50.35)

कृत्वा पश्चादष्टदले दक्षिणावर्ततोऽग्रतः । मालावतीमग्रदले वह्निकोणे च माधवीम्

kṛtvā paścādaṣṭadale dakṣiṇāvartato'grataḥ | mālāvatīmagradale vahnikoṇe ca mādhavīm

Having done this, then, on the eight-petaled diagram, moving clockwise from the front — on the front petal, one worships Malavati; in the Fire corner, Madhavi;

Verse 36 (devibhagavatam.9.50.36)

रत्नमालां दक्षिणे च नैरृत्ये तु सुशीलकाम् । पश्चाद्दले शशिकलां पूजयेन्मतिमान्नरः

ratnamālāṁ dakṣiṇe ca nairṛtye tu suśīlakām | paścāddale śaśikalāṁ pūjayenmatimānnaraḥ

in the south, Ratnamala; in the Nirriti corner, Sushilaka; on the western petal, the wise man should worship Shashikala;

Verse 37 (devibhagavatam.9.50.37)

मारुते पारिजातां चाप्युत्तरे च परावतीम् । ईशानकोणे सम्पूज्या सुन्दरी प्रियकारिणी

mārute pārijātāṁ cāpyuttare ca parāvatīm | īśānakoṇe sampūjyā sundarī priyakāriṇī

in the Vayu corner, Parijata; and in the north, Paravati; in the Ishana corner, one should worship Sundari, the bestower of favor.

Verse 38 (devibhagavatam.9.50.38)

ब्राह्म्यादयस्तु तद्बाह्येऽप्याशापालांस्तु भूपुरे । वज्रादिकान्यायुधानि देवीमित्थं प्रपूजयेत्

brāhmyādayastu tadbāhye'pyāśāpālāṁstu bhūpure | vajrādikānyāyudhāni devīmitthaṁ prapūjayet

Beyond that, outside, Brahmi and the other Mother-goddesses; the guardians of the directions in the earth-enclosure, with their weapons — the thunderbolt and the rest — thus should the Devi be worshipped completely.

Verse 39 (devibhagavatam.9.50.39)

ततो देवीं सावरणां गन्धाद्यैरुपचारकैः । राजोपचारसहितैः पूजयेन्मतिमान्नरः

tato devīṁ sāvaraṇāṁ gandhādyairupacārakaiḥ | rājopacārasahitaiḥ pūjayenmatimānnaraḥ

Then the wise man should worship the Devi, together with her full retinue, with fragrance and the other ritual attentions, together with the royal offerings.

Verse 40 (devibhagavatam.9.50.40)

ततः स्तुवीत देवेशीं स्तोत्रैर्नामसहस्रकैः । सहस्रसङ्ख्यं च जपं नित्यं कुर्यात्प्रयत्नतः

tataḥ stuvīta deveśīṁ stotrairnāmasahasrakaiḥ | sahasrasaṅkhyaṁ ca japaṁ nityaṁ kuryātprayatnataḥ

Then one should praise the Queen of the gods with hymns and with her thousand names; and one should always, with effort, recite her mantra a thousand times.

Verse 41 (devibhagavatam.9.50.41)

य एवं पूजयेद्देवीं राधां रासेश्वरीं पराम् । स भवेद्विष्णुतुल्यस्तु गोलोकं याति सन्ततम्

ya evaṁ pūjayeddevīṁ rādhāṁ rāseśvarīṁ parām | sa bhavedviṣṇutulyastu golokaṁ yāti santatam

Whoever worships the Devi Radha, the supreme Mistress of the Rasa, in this way, becomes equal to Vishnu, and goes at last to Goloka.

Verse 42 (devibhagavatam.9.50.42)

यः कार्तिक्यां पौर्णमास्यां राधाजन्मोत्सव बुधः । कुरुते तस्य सान्निध्यं दद्याद्रासेश्वरी परा

yaḥ kārtikyāṁ paurṇamāsyāṁ rādhājanmotsava budhaḥ | kurute tasya sānnidhyaṁ dadyādrāseśvarī parā

Whatever wise man performs the birthday festival of Radha on the full moon of Kartika — to him the supreme Mistress of the Rasa grants her very presence.

Verse 43 (devibhagavatam.9.50.43)

केनचित्कारणेनैव राधा वृन्दावने वने । वृषभानुसुता जाता गोलोकस्थायिनी सदा

kenacitkāraṇenaiva rādhā vṛndāvane vane | vṛṣabhānusutā jātā golokasthāyinī sadā

For a certain reason, Radha, though ever residing in Goloka, was born as the daughter of Vrishabhanu in the forest of Vrindavana.

Verse 44 (devibhagavatam.9.50.44)

अत्रोक्तानां तु मन्त्राणां वर्णसङ्ख्याविधानतः । पुरश्चरणकर्मोक्तं दशांशं होममाचरेत्

atroktānāṁ tu mantrāṇāṁ varṇasaṅkhyāvidhānataḥ | puraścaraṇakarmoktaṁ daśāṁśaṁ homamācaret

As prescribed for the mantras spoken of here, according to the number of their syllables, the preliminary-rite has been enjoined; one should perform a fire-offering equal to one-tenth of the number of recitations.

Verse 45 (devibhagavatam.9.50.45)

तिलैस्त्रिस्वादुसंयुक्तैर्जुहुयाद्भक्तिभावतः । नारद उवाच । स्तोत्रं वद मुने सम्यग्येन देवी प्रसीदति

tilaistrisvādusaṁyuktairjuhuyādbhaktibhāvataḥ | nārada uvāca | stotraṁ vada mune samyagyena devī prasīdati

One should offer sesame seeds mixed with the three sweet substances, with devotion. Narada said: "Tell me fully, O sage, the hymn by which the Devi becomes pleased."

Verse 46 (devibhagavatam.9.50.46)

श्रीनारायण उवाच । नमस्ते परमेशानि रासमण्डलवासिनि । रासेश्वरि नमस्तेऽस्तु कृष्णप्राणाधिकप्रिये

śrīnārāyaṇa uvāca | namaste parameśāni rāsamaṇḍalavāsini | rāseśvari namaste'stu kṛṣṇaprāṇādhikapriye

Shri Narayana said: "Salutation to you, O supreme Queen, dweller in the Rasa circle. Salutation to you, O Mistress of the Rasa, dearer to Krishna than his own life-breath.

Verse 47 (devibhagavatam.9.50.47)

नमस्त्रैलोक्यजननि प्रसीद करुणार्णवे । ब्रह्मविष्ण्वादिभिर्देवैर्वन्द्यमानपदाम्बुजे

namastrailokyajanani prasīda karuṇārṇave | brahmaviṣṇvādibhirdevairvandyamānapadāmbuje

"Salutation, O Mother of the three worlds; be gracious, O ocean of compassion; whose lotus feet are worshipped by Brahma, Vishnu, and the other gods.

Verse 48 (devibhagavatam.9.50.48)

नमः सरस्वतीरूपे नमः सावित्रि शङ्करि । गङ्गापद्मावतीरूपे षष्ठि मङ्गलचण्डिके

namaḥ sarasvatīrūpe namaḥ sāvitri śaṅkari | gaṅgāpadmāvatīrūpe ṣaṣṭhi maṅgalacaṇḍike

"Salutation to you in the form of Sarasvati; salutation, O Savitri, O Shankari; O you of the form of Ganga, of Padmavati, O Shashthi, O Mangalachandika,

Verse 49 (devibhagavatam.9.50.49)

नमस्ते तुलसीरूपे नमो लक्ष्मीस्वरूपिणि । नमो दुर्गे भगवति नमस्ते सर्वरूपिणि

namaste tulasīrūpe namo lakṣmīsvarūpiṇi | namo durge bhagavati namaste sarvarūpiṇi

"salutation to you in the form of Tulasi; salutation to you, of the very nature of Lakshmi; salutation to Durga, the Blessed One; salutation to you, who takes every form.

Verse 50 (devibhagavatam.9.50.50)

मूलप्रकृतिरूपां त्वां भजामः करुणार्णवाम् । संसारसागरादस्मानुद्धराम्ब दयां कुरु

mūlaprakṛtirūpāṁ tvāṁ bhajāmaḥ karuṇārṇavām | saṁsārasāgarādasmānuddharāmba dayāṁ kuru

"We worship you, of the form of the root Prakriti, ocean of compassion; deliver us, O Mother, from the ocean of worldly existence — show mercy."

Verse 51 (devibhagavatam.9.50.51)

इदं स्तोत्रं त्रिसन्ध्यं यः पठेद्राधां स्मरन्नरः । न तस्य दुर्लभं किञ्चित्कदाचिच्च भविष्यति

idaṁ stotraṁ trisandhyaṁ yaḥ paṭhedrādhāṁ smarannaraḥ | na tasya durlabhaṁ kiñcitkadācicca bhaviṣyati

Whatever man recites this hymn at the three junctures of the day, remembering Radha, nothing shall ever be unattainable for him.

Verse 52 (devibhagavatam.9.50.52)

देहान्ते च वसेन्नित्यं गोलोके रासमण्डले । इदं रहस्यं परमं न चाख्येयं तु कस्यचित्

dehānte ca vasennityaṁ goloke rāsamaṇḍale | idaṁ rahasyaṁ paramaṁ na cākhyeyaṁ tu kasyacit

At the end of the body, he shall dwell forever in the Rasa circle of Goloka. This is the supreme secret; it should not be told to just anyone.

Verse 53 (devibhagavatam.9.50.53)

अधुना शृणु विप्रेन्द्र दुर्गादेव्या विधानकम् । यस्याः स्मरणमात्रेण पलायन्ते महापदः

adhunā śṛṇu viprendra durgādevyā vidhānakam | yasyāḥ smaraṇamātreṇa palāyante mahāpadaḥ

Now hear, O foremost of Brahmins, the manner of worship of the Devi Durga — by the mere remembrance of whom great calamities flee away.

Verse 54 (devibhagavatam.9.50.54)

एनां न भजते यो हि तादृङ्नास्त्येव कुत्रचित् । सर्वोपास्या सर्वमाता शैवी शक्तिर्महाद्भुता

enāṁ na bhajate yo hi tādṛṅnāstyeva kutracit | sarvopāsyā sarvamātā śaivī śaktirmahādbhutā

There is truly no one anywhere who does not worship her. Worshipped by all, the mother of all, the power of Shiva, most wondrous —

Verse 55 (devibhagavatam.9.50.55)

सर्वबुद्ध्याधिदेवीयमन्तर्यामिस्वरूपिणी । दुर्गसङ्कटहन्त्रीति दुर्गेति प्रथिता भुवि

sarvabuddhyādhidevīyamantaryāmisvarūpiṇī | durgasaṅkaṭahantrīti durgeti prathitā bhuvi

she is the presiding deity of all intellect, of the very nature of the Inner Controller; because she destroys difficult calamities, she is renowned on earth as "Durga."

Verse 56 (devibhagavatam.9.50.56)

वैष्णवानां च शैवानामुपास्येयं च नित्यशः । मूलप्रकृतिरूपा सा सृष्टिस्थित्यन्तकारिणी

vaiṣṇavānāṁ ca śaivānāmupāsyeyaṁ ca nityaśaḥ | mūlaprakṛtirūpā sā sṛṣṭisthityantakāriṇī

She is ever worshipped by Vaishnavas and Shaivas alike; she is of the very form of the root Prakriti, the maker of creation, preservation, and dissolution.

Verse 57 (devibhagavatam.9.50.57)

तस्या नवाक्षरं मन्त्रं वक्ष्ये मन्त्रोत्तमोत्तमम् । वाग्भवं शम्भुवनिता कामबीजं ततः परम्

tasyā navākṣaraṁ mantraṁ vakṣye mantrottamottamam | vāgbhavaṁ śambhuvanitā kāmabījaṁ tataḥ param

I shall now tell you her nine-syllabled mantra, the very best among mantras: the seed-syllable born of speech, then Shambhu's wife's seed-syllable, then the seed-syllable of desire,

Verse 58 (devibhagavatam.9.50.58)

चामुण्डायै पदं पश्चाद्विच्चे इत्यक्षरद्वयम् । नवाक्षरो मनुः प्रोक्तो भजतां कल्पपादपः

cāmuṇḍāyai padaṁ paścādvicce ityakṣaradvayam | navākṣaro manuḥ prokto bhajatāṁ kalpapādapaḥ

followed by the word "Chāmuṇḍāyai," and then the two syllables "vicce" — this nine-syllabled mantra is thus declared, a wish-fulfilling tree for those who worship her.

Verse 59 (devibhagavatam.9.50.59)

ब्रह्मविष्णुमहेशाना ऋषयोऽस्य प्रकीर्तिताः । छन्दांस्युक्तानि सततं गायत्र्युष्णिगनुष्टुभः

brahmaviṣṇumaheśānā ṛṣayo'sya prakīrtitāḥ | chandāṁsyuktāni satataṁ gāyatryuṣṇiganuṣṭubhaḥ

Brahma, Vishnu, and Mahesha are proclaimed as the sages of this mantra; its meters are said to be, in constant succession, Gayatri, Ushnik, and Anushtubh;

Verse 60 (devibhagavatam.9.50.60)

महाकाली महालक्ष्मीः सरस्वत्यपि देवताः । स्याद्रक्तदन्तिकाबीजं दुर्गा च भ्रामरी तथा

mahākālī mahālakṣmīḥ sarasvatyapi devatāḥ | syādraktadantikābījaṁ durgā ca bhrāmarī tathā

Mahakali, Mahalakshmi, and Sarasvati too are its deities; and the seed-form is Raktadantika, Durga, and Bhramari likewise;

Verse 61 (devibhagavatam.9.50.61)

नन्दाशाकम्भरीदेव्यौ भीमा च शक्तयः स्मृताः । धर्मार्थकाममोक्षेषु विनियोग उदाहृतः

nandāśākambharīdevyau bhīmā ca śaktayaḥ smṛtāḥ | dharmārthakāmamokṣeṣu viniyoga udāhṛtaḥ

Nanda and Shakambhari, and Bhima, are remembered as its powers. Its ritual application is declared for the sake of dharma, artha, kama, and moksha.

Verse 62 (devibhagavatam.9.50.62)

ऋषिच्छन्दो दैवतानि मौलौ वक्त्रे हृदि न्यसेत् । स्तनयोः शक्तिबीजानि न्यसेत्सर्वार्थसिद्धये

ṛṣicchando daivatāni maulau vaktre hṛdi nyaset | stanayoḥ śaktibījāni nyasetsarvārthasiddhaye

One should place the sage, the meter, and the deities upon the crown, the face, and the heart; one should place the power-seeds upon the two breasts, for the accomplishment of every aim.

Verse 63 (devibhagavatam.9.50.63)

बीजत्रयैश्चतुर्भिश्च द्वाभ्यां सर्वेण चैव हि । षडङ्गानि मनोः कुर्याज्जातियुक्तानि देशिकः

bījatrayaiścaturbhiśca dvābhyāṁ sarveṇa caiva hi | ṣaḍaṅgāni manoḥ kuryājjātiyuktāni deśikaḥ

With the three seed-syllables, with the four, with the two, and with the whole mantra together, the teacher should perform the six limbs of nyasa for the mantra, together with their appropriate application.

Verse 64 (devibhagavatam.9.50.64)

शिखायां लोचनद्वन्द्वे श्रुतिनासाननेषु च । गुदे न्यसेन्मन्त्रवर्णान्सर्वेण व्यापकं चरेत्

śikhāyāṁ locanadvandve śrutināsānaneṣu ca | gude nyasenmantravarṇānsarveṇa vyāpakaṁ caret

One should place the syllables of the mantra upon the crown-lock, the two eyes, the ears, the nose, and the mouth, and upon the base of the body; and with the whole mantra, one should perform the pervading nyasa over the entire body.

Verse 65 (devibhagavatam.9.50.65)

खड्गचक्रगदाबाणचापानि परिघं तथा । शूलं भुशुण्डीं च शिरः शङ्खं सन्दधतीं करैः

khaḍgacakragadābāṇacāpāni parighaṁ tathā | śūlaṁ bhuśuṇḍīṁ ca śiraḥ śaṅkhaṁ sandadhatīṁ karaiḥ

Meditate upon her: holding in her hands a sword, a discus, a mace, an arrow, a bow, and likewise an iron mace, a trident, a bhushundi weapon, a severed head, and a conch,

Verse 66 (devibhagavatam.9.50.66)

महाकालीं त्रिनयनां नानाभूषणभूषिताम् । नीलाञ्जनसमप्रख्यां दशपादाननां भजे

mahākālīṁ trinayanāṁ nānābhūṣaṇabhūṣitām | nīlāñjanasamaprakhyāṁ daśapādānanāṁ bhaje

I worship Mahakali, three-eyed, adorned with various ornaments, dark as collyrium, having ten feet and ten faces,

Verse 67 (devibhagavatam.9.50.67)

मधुकैटभनाशार्थं यां तुष्टावाम्बुजासनः । एवं ध्यायेन्महाकालीं कामबीजस्वरूपिणीम्

madhukaiṭabhanāśārthaṁ yāṁ tuṣṭāvāmbujāsanaḥ | evaṁ dhyāyenmahākālīṁ kāmabījasvarūpiṇīm

whom the Lotus-seated one praised for the destruction of Madhu and Kaitabha. Thus one should meditate upon Mahakali, of the very form of the seed-syllable of desire.

Verse 68 (devibhagavatam.9.50.68)

अक्षमालां च परशुं गदेषुकुलिशानि च । पद्मं धनुष्कुण्डिकां च दण्डं शक्तिमसिं तथा

akṣamālāṁ ca paraśuṁ gadeṣukuliśāni ca | padmaṁ dhanuṣkuṇḍikāṁ ca daṇḍaṁ śaktimasiṁ tathā

Meditate upon her: holding a rosary, an axe, a mace, an arrow, and a thunderbolt, a lotus, a bow, a water-pot, a staff, a spear, and a sword likewise,

Verse 69 (devibhagavatam.9.50.69)

चर्माम्बुजं तथा घण्टां सुरापात्रं च शूलकम् । पाशं सुदर्शनं चैव दधतीमरुणप्रभाम्

carmāmbujaṁ tathā ghaṇṭāṁ surāpātraṁ ca śūlakam | pāśaṁ sudarśanaṁ caiva dadhatīmaruṇaprabhām

a shield, a lotus, and likewise a bell, a vessel of wine, and a small trident, a noose, and the Sudarshana discus — of reddish splendor,

Verse 70 (devibhagavatam.9.50.70)

रक्ताम्बुजासनगतां मायाबीजस्वरूपिणीम् । महालक्ष्मीं भजेदेवं महिषासुरमर्दिनीम्

raktāmbujāsanagatāṁ māyābījasvarūpiṇīm | mahālakṣmīṁ bhajedevaṁ mahiṣāsuramardinīm

seated upon a red lotus seat, of the very form of the seed-syllable of Maya — thus one should worship Mahalakshmi, the destroyer of the buffalo-demon.

Verse 71 (devibhagavatam.9.50.71)

घण्टाशूले हलं शङ्खं मुसलं च सुदर्शनम् । धनुर्बाणान् हस्तपद्मैर्दधानां कुन्दसन्निभाम्

ghaṇṭāśūle halaṁ śaṅkhaṁ musalaṁ ca sudarśanam | dhanurbāṇān hastapadmairdadhānāṁ kundasannibhām

Meditate upon her: holding, in her lotus hands, a bell, a trident, a plow, a conch, a pestle, and the Sudarshana discus, a bow and arrows — resembling the jasmine flower,

Verse 72 (devibhagavatam.9.50.72)

शुम्भादिदैत्यसंहर्त्रीं वाणीबीजस्वरूपिणीम् । महासरस्वतीं ध्यायेत्सच्चिदानन्दविग्रहाम्

śumbhādidaityasaṁhartrīṁ vāṇībījasvarūpiṇīm | mahāsarasvatīṁ dhyāyetsaccidānandavigrahām

the destroyer of Shumbha and the other demons, of the very form of the seed-syllable of speech — one should meditate upon Mahasarasvati, whose body is being, consciousness, and bliss.

Verse 73 (devibhagavatam.9.50.73)

यन्त्रमस्याः शृणु प्राज्ञ त्र्यस्रं षट्कोणसंयुतम् । ततोऽष्टदलपद्मं च चतुर्विंशतिपत्रकम्

yantramasyāḥ śṛṇu prājña tryasraṁ ṣaṭkoṇasaṁyutam | tato'ṣṭadalapadmaṁ ca caturviṁśatipatrakam

Hear now, O wise one, her yantra: a triangle joined with a hexagram; then an eight-petaled lotus, and a twenty-four-petaled one;

Verse 74 (devibhagavatam.9.50.74)

भूगृहेण समायुक्तं यन्त्रमेवं विचिन्तयेत् । शालग्रामे घटे वापि यन्त्रे वा प्रतिमासु वा

bhūgṛheṇa samāyuktaṁ yantramevaṁ vicintayet | śālagrāme ghaṭe vāpi yantre vā pratimāsu vā

— joined together with the earth-enclosure; thus should one meditate upon the yantra. On a shalagrama, or in a water-pot, or on the yantra, or in images —

Verse 75 (devibhagavatam.9.50.75)

बाणलिङ्गेऽथवा सूर्ये यजेद्देवीमनन्यधीः । जयादिशक्तिसंयुक्ते पीठे देवीं प्रपूजयेत्

bāṇaliṅge'thavā sūrye yajeddevīmananyadhīḥ | jayādiśaktisaṁyukte pīṭhe devīṁ prapūjayet

— or on a bana-linga, or in the sun, one should worship the Devi, with undivided mind. One should worship the Devi upon the seat, joined with the powers Jaya and the rest.

Verse 76 (devibhagavatam.9.50.76)

पूर्वकोणे सरस्वत्या सहितं पद्मजं यजेत् । श्रिया सह हरिं तत्र नैरृते कोणके यजेत्

pūrvakoṇe sarasvatyā sahitaṁ padmajaṁ yajet | śriyā saha hariṁ tatra nairṛte koṇake yajet

In the eastern corner, one should worship the Lotus-born one together with Sarasvati; there, in the Nirriti corner, one should worship Hari together with Shri;

Verse 77 (devibhagavatam.9.50.77)

पार्वत्या सहितं शम्भुं वायुकोणे समर्चयेत् । देव्या उत्तरतः पूज्यः सिंहो वामे महासुरम्

pārvatyā sahitaṁ śambhuṁ vāyukoṇe samarcayet | devyā uttarataḥ pūjyaḥ siṁho vāme mahāsuram

one should worship Shambhu together with Parvati in the Vayu corner. To the north of the Devi, the lion should be worshipped; on the left, the great demon —

Verse 78 (devibhagavatam.9.50.78)

महिषं पूजयेदन्ते षट्कोणेषु यजेत्क्रमात् । नन्दजां रक्तदन्तां च तथा शाकम्भरीं शिवाम्

mahiṣaṁ pūjayedante ṣaṭkoṇeṣu yajetkramāt | nandajāṁ raktadantāṁ ca tathā śākambharīṁ śivām

one should worship Mahisha at the end. On the six points, one should worship, in order, Nandaja, Raktadanta, likewise the auspicious Shakambhari,

Verse 79 (devibhagavatam.9.50.79)

दुर्गां भीमां भ्रामरीं च ततो वसुदलेषु च । ब्राह्मीं माहेश्वरीं चैव कौमारीं वैष्णवीं तथा

durgāṁ bhīmāṁ bhrāmarīṁ ca tato vasudaleṣu ca | brāhmīṁ māheśvarīṁ caiva kaumārīṁ vaiṣṇavīṁ tathā

Durga, Bhima, and Bhramari; and then, on the eight petals: Brahmi, and Maheshvari likewise, Kaumari, Vaishnavi as well,

Verse 80 (devibhagavatam.9.50.80)

वाराहीं नारसिंहीं च ऐन्द्रीं चामुण्डकां तथा । पूजयेच्च ततः पश्चात्तत्त्वपत्रेषु पूर्वतः

vārāhīṁ nārasiṁhīṁ ca aindrīṁ cāmuṇḍakāṁ tathā | pūjayecca tataḥ paścāttattvapatreṣu pūrvataḥ

Varahi, Narasimhi, Aindri, and Chamunda likewise — one should worship them; and then, thereafter, upon the twenty-four "tattva" petals, beginning from the east:

Verse 81 (devibhagavatam.9.50.81)

विष्णुमायां चेतनां च बुद्धिं निद्रां क्षुधां तथा । छायां शक्तिं परां तृष्णां शान्तिं जातिं च लज्जया

viṣṇumāyāṁ cetanāṁ ca buddhiṁ nidrāṁ kṣudhāṁ tathā | chāyāṁ śaktiṁ parāṁ tṛṣṇāṁ śāntiṁ jātiṁ ca lajjayā

Vishnumaya, Chetana, Buddhi, Nidra, and Kshudha likewise, Chhaya, Para-shakti, Trishna, Shanti, and Jati together with Lajja,

Verse 82 (devibhagavatam.9.50.82)

क्षान्तिं श्रद्धां कीर्तिलक्ष्म्यौ धृतिं वृत्तिं श्रुतिं स्मृतिम् । दयां तुष्टिं ततः पुष्टिं मातृभ्रान्ती इति क्रमात्

kṣāntiṁ śraddhāṁ kīrtilakṣmyau dhṛtiṁ vṛttiṁ śrutiṁ smṛtim | dayāṁ tuṣṭiṁ tataḥ puṣṭiṁ mātṛbhrāntī iti kramāt

Kshanti, Shraddha, Kirti and Lakshmi, Dhriti, Vritti, Shruti, Smriti, Daya, Tushti, then Pushti, and Matri and Bhranti — in this order.

Verse 83 (devibhagavatam.9.50.83)

ततो भूपुरकोणेषु गणेशं क्षेत्रपालकम् । वटुकं योगिनीश्चापि पूजयेन्मतिमान्नरः

tato bhūpurakoṇeṣu gaṇeśaṁ kṣetrapālakam | vaṭukaṁ yoginīścāpi pūjayenmatimānnaraḥ

Then, on the corners of the earth-enclosure, the wise man should worship Ganesha, the Guardian of the field, Vatuka, and the Yoginis as well.

Verse 84 (devibhagavatam.9.50.84)

इन्द्राद्यानपि तद्बाह्ये वज्राद्यायुधसंयुतान् । पूजयेदनया रीत्या देवीं सावरणां ततः

indrādyānapi tadbāhye vajrādyāyudhasaṁyutān | pūjayedanayā rītyā devīṁ sāvaraṇāṁ tataḥ

And, beyond that, Indra and the other guardians of the directions, together with their weapons — the thunderbolt and the rest. In this manner, one should worship the Devi with her full retinue,

Verse 85 (devibhagavatam.9.50.85)

राजोपचारान्विविधान्दद्यादम्बाप्रतुष्टये । ततो जपेन्नवार्णं च मन्त्रं मन्त्रार्थपूर्वकम्

rājopacārānvividhāndadyādambāpratuṣṭaye | tato japennavārṇaṁ ca mantraṁ mantrārthapūrvakam

offering the various royal attentions for the Mother's full satisfaction. Then one should recite the nine-syllabled mantra, together with its meaning.

Verse 86 (devibhagavatam.9.50.86)

ततः सप्तशतीस्तोत्रं देव्या अग्रे तु सम्पठेत् । नानेन सदृशं स्तोत्रं विद्यते भुवनत्रये

tataḥ saptaśatīstotraṁ devyā agre tu sampaṭhet | nānena sadṛśaṁ stotraṁ vidyate bhuvanatraye

Then one should recite the Saptashati hymn fully, in the presence of the Devi; there exists no hymn equal to this in the three worlds.

Verse 87 (devibhagavatam.9.50.87)

ततश्चानेन देवेशीं तोषयेत् प्रत्यहं नरः । धर्मार्थकाममोक्षाणामालयं जायते नरः

tataścānena deveśīṁ toṣayet pratyahaṁ naraḥ | dharmārthakāmamokṣāṇāmālayaṁ jāyate naraḥ

And by this, a man should please the Queen of the gods every single day; that man becomes the very abode of dharma, artha, kama, and moksha.

Verse 88 (devibhagavatam.9.50.88)

इति ते कथितं विप्र श्रीदुर्गाया विधानकम् । कृतार्थता येन भवेत्तदेतत्कथितं तव

iti te kathitaṁ vipra śrīdurgāyā vidhānakam | kṛtārthatā yena bhavettadetatkathitaṁ tava

Thus, O Brahmin, has the manner of worshipping Shri Durga been told to you; that by which one attains fulfillment has been told to you here.

Verse 89 (devibhagavatam.9.50.89)

सर्वे देवा हरिब्रह्मप्रमुखा मनवस्तथा । मुनयो ज्ञाननिष्ठाश्च योगिनश्चाश्रमास्तथा

sarve devā haribrahmapramukhā manavastathā | munayo jñānaniṣṭhāśca yoginaścāśramāstathā

All the gods, headed by Hari and Brahma, and likewise the Manus; the sages devoted to knowledge, the yogis, and those in the four life-stages likewise —

Verse 90 (devibhagavatam.9.50.90)

लक्ष्म्यादयस्तथा देव्यः सर्वे ध्यायन्ति तां शिवाम् । तदैव जन्मसाफल्यं दुर्गास्मरणमस्ति चेत्

lakṣmyādayastathā devyaḥ sarve dhyāyanti tāṁ śivām | tadaiva janmasāphalyaṁ durgāsmaraṇamasti cet

— Lakshmi and the other goddesses too — all meditate upon that auspicious one. The fulfillment of one's birth comes precisely then, when there is remembrance of Durga.

Verse 91 (devibhagavatam.9.50.91)

चतुर्दशापि मनवो ध्यात्वा चरणपङ्कजम् । मनुत्वं प्राप्तवन्तश्च देवाः स्वं स्वं पदं तथा

caturdaśāpi manavo dhyātvā caraṇapaṅkajam | manutvaṁ prāptavantaśca devāḥ svaṁ svaṁ padaṁ tathā

All fourteen Manus attained their status as Manu by meditating upon her lotus feet; and likewise the gods attained their own respective offices.

Verse 92 (devibhagavatam.9.50.92)

तदेतत्सर्वमाख्यातं रहस्यातिरहस्यकम् । प्रकृतीनां पञ्चकस्य तदंशानां च वर्णनम्

tadetatsarvamākhyātaṁ rahasyātirahasyakam | prakṛtīnāṁ pañcakasya tadaṁśānāṁ ca varṇanam

Thus has all this been told — the most secret of secrets, the description of the fivefold Prakriti and of her various portions.

Verse 93 (devibhagavatam.9.50.93)

श्रुत्वैतन्मनुजो नित्यं पुरुषार्थचतुष्टयम् । लभते नात्र सन्देहः सत्यं सत्यं मयोदितम्

śrutvaitanmanujo nityaṁ puruṣārthacatuṣṭayam | labhate nātra sandehaḥ satyaṁ satyaṁ mayoditam

Having heard this always, a man attains the fourfold goal of human life; there is no doubt in this — truly, truly have I declared it.

Verse 94 (devibhagavatam.9.50.94)

अपुत्रो लभते पुत्रं विद्यार्थी प्राप्नुयाच्च ताम् । यं यं कामं स्मरेद्वापि तं तं श्रुत्वा समाप्नुयात्

aputro labhate putraṁ vidyārthī prāpnuyācca tām | yaṁ yaṁ kāmaṁ smaredvāpi taṁ taṁ śrutvā samāpnuyāt

He who has no son obtains a son; the seeker of learning obtains it; whatever desire one holds in mind, by hearing this, he attains that very desire.

Verse 95 (devibhagavatam.9.50.95)

नवरात्रे पठेदेतद्देव्यग्रे तु समाहितः । परितुष्टा जगद्धात्री भवत्येव हि निश्चितम्

navarātre paṭhedetaddevyagre tu samāhitaḥ | parituṣṭā jagaddhātrī bhavatyeva hi niścitam

Whoever recites this during Navaratri, with a composed mind, in the presence of the Devi — the Sustainer of the world certainly becomes fully satisfied.

Verse 96 (devibhagavatam.9.50.96)

नित्यमेकैकमध्यायं पठेद्यः प्रत्यहं नरः । तस्य वश्या भवेद्देवी देवीप्रियकरो हि सः

nityamekaikamadhyāyaṁ paṭhedyaḥ pratyahaṁ naraḥ | tasya vaśyā bhaveddevī devīpriyakaro hi saḥ

Whatever man daily recites one chapter every single day — the Devi becomes subject to his wish, for he indeed becomes one who pleases the Devi.

Verse 97 (devibhagavatam.9.50.97)

शकुनांश्च परीक्षेत नित्यमस्मिन्यथाविधि । कुमारीदिव्यहस्तेन यद्वा बटुकराम्बुजात्

śakunāṁśca parīkṣeta nityamasminyathāvidhi | kumārīdivyahastena yadvā baṭukarāmbujāt

He should regularly examine omens in this rite, according to the proper procedure — through the divine hand of a young maiden, or from the lotus hand of a young boy.

Verse 98 (devibhagavatam.9.50.98)

मनोरथं तु सङ्कल्प्य पुस्तकं पूजयेत्ततः । देवीं च जगदीशानीं प्रणमेच्च पुनः पुनः

manorathaṁ tu saṅkalpya pustakaṁ pūjayettataḥ | devīṁ ca jagadīśānīṁ praṇamecca punaḥ punaḥ

Having resolved upon his wish, he should then worship the sacred book; and he should bow again and again to the Devi, the Sovereign of the world.

Verse 99 (devibhagavatam.9.50.99)

सुस्नातां कन्यकां तत्रानीयाभ्यर्च्य यथाविधि । शलाकां रोपयेन्मध्ये तथा स्वर्णेन निर्मिताम्

susnātāṁ kanyakāṁ tatrānīyābhyarcya yathāvidhi | śalākāṁ ropayenmadhye tathā svarṇena nirmitām

He should bring a freshly bathed young girl there and worship her according to rule; he should then plant a stick, fashioned of gold, in the middle,

Verse 100 (devibhagavatam.9.50.100)

शुभं वाप्यशुभं तत्र यदायाति च तद्भवेत् । उदासीनेऽप्युदासीनं कार्यं भवति निश्चितम्

śubhaṁ vāpyaśubhaṁ tatra yadāyāti ca tadbhavet | udāsīne'pyudāsīnaṁ kāryaṁ bhavati niścitam

and whatever, auspicious or inauspicious, comes to pass there, that shall be the sign; and if the sign is indifferent, the outcome of the undertaking too shall certainly be indifferent.