Achyuta-Stotra: Brahma's Hymn to Vishnu

Verse 1 (garuda.1.234.1)

सूत उवाच । वक्ष्येऽहमच्युतस्तोत्रं शृणु शौनक सर्वदम् । ब्रह्मा पृष्टो नारदाय यथोवाच तथा परम्

sūta uvāca vakṣye'hamacyutastotraṁ śṛṇu śaunaka sarvadam brahmā pṛṣṭo nāradāya yathovāca tathā param

Suta said: I shall declare the Achyuta-stotra, which grants everything; hear it, O Shaunaka. As Brahma, being questioned, spoke it to Narada, so I shall tell it further.

Verse 2 (garuda.1.234.2)

नारद उवाच । यथाक्षयोऽव्ययो विष्णुः स्तोतव्यो वरदो मया । प्रत्यहं चार्चनाकाले तथा त्वं वक्तुमर्हसि

nārada uvāca yathākṣayo'vyayo viṣṇuḥ stotavyo varado mayā pratyahaṁ cārcanākāle tathā tvaṁ vaktumarhasi

Narada said: You should tell me how the imperishable, undecaying, boon-granting Vishnu is to be praised by me, each day at the time of worship.

Verse 3 (garuda.1.234.3)

ते धन्यास्ते सुजन्मानस्ते हि सर्वसुखप्रदाः । सफलं जीवितं तेषां ये स्तुवन्ति सदाच्युतम्

te dhanyāste sujanmānaste hi sarvasukhapradāḥ saphalaṁ jīvitaṁ teṣāṁ ye stuvanti sadācyutam

Blessed are they, of noble birth, granters of all happiness; fruitful is the life of those who ever praise the Imperishable One.

Verse 4 (garuda.1.234.4)

ब्रह्मोवाच । मुने स्तोत्रं प्रवक्ष्यामिः वासुदेवस्य मुक्तिदम् । शृणु येन स्तुतः सम्यक्पूजाकाले प्रसीदति

brahmovāca mune stotraṁ pravakṣyāmiḥ vāsudevasya muktidam śṛṇu yena stutaḥ samyakpūjākāle prasīdati

Brahma said: O sage, I shall declare the liberation-granting hymn of Vasudeva; hear it, by which, when duly praised at the time of worship, He is pleased.

Verse 5 (garuda.1.234.5)

ओं नमो (भगवतेः वासुदेवाच नमः सर्वापहारिणे । नमो विशुद्धदेहाय नमो ज्ञानस्वरूपिणे

oṁ namo (bhagavateḥ vāsudevāca namaḥ sarvāpahāriṇe namo viśuddhadehāya namo jñānasvarūpiṇe

Om, salutation to the Blessed Lord Vasudeva; salutation to the remover of all sin; salutation to the one of purified body; salutation to the one whose very form is knowledge.

Verse 6 (garuda.1.234.6)

नमः सर्वसुरेशाय नमः श्रीवत्सधारिणे । नमश्चर्मासिहस्ताय नमः पङ्कजमालिने

namaḥ sarvasureśāya namaḥ śrīvatsadhāriṇe namaścarmāsihastāya namaḥ paṅkajamāline

Salutation to the Lord of all gods; salutation to the bearer of the Shrivatsa mark; salutation to the one whose hands bear shield and sword; salutation to the one garlanded with lotuses.

Verse 7 (garuda.1.234.7)

नमो विश्वप्रतिष्ठाय नमः पीताम्बराय च । नमो नृसिंहरूपाय वैकुण्ठाय नमोनमः

namo viśvapratiṣṭhāya namaḥ pītāmbarāya ca namo nṛsiṁharūpāya vaikuṇṭhāya namonamaḥ

Salutation to the foundation of the universe; salutation to the one clad in yellow garments; salutation to the one of Narasimha form; salutation, salutation to Vaikuntha.

Verse 8 (garuda.1.234.8)

नमः पङ्कजनाभाय नमः क्षीरोदशायिने । नमः सहस्रशीर्षाय नमो नागाङ्गशायिने

namaḥ paṅkajanābhāya namaḥ kṣīrodaśāyine namaḥ sahasraśīrṣāya namo nāgāṅgaśāyine

Salutation to the lotus-navelled one; salutation to the one who reclines on the ocean of milk; salutation to the thousand-headed one; salutation to the one who reclines on the serpent's coils.

Verse 9 (garuda.1.234.9)

नमः परशुहस्ताय नमः क्षत्त्रान्तकारिणे । नमः सत्यप्रतिज्ञाय ह्यजिताय नमोनमः

namaḥ paraśuhastāya namaḥ kṣattrāntakāriṇe namaḥ satyapratijñāya hyajitāya namonamaḥ

Salutation to the one with the axe in hand; salutation to the destroyer of the kshatriyas; salutation, salutation to the one of true vows, the Unconquered.

Verse 10 (garuda.1.234.10)

नमस्त्रै लोक्यनाथाय नमश्चक्रधारय च । नमः शिवाय सूक्ष्माय पुराणाय नमोनमः

namastrai lokyanāthāya namaścakradhāraya ca namaḥ śivāya sūkṣmāya purāṇāya namonamaḥ

Salutation to the Lord of the three worlds; salutation to the discus-bearer; salutation, salutation to the auspicious, subtle, ancient one.

Verse 11 (garuda.1.234.11)

नमो वामनरूपाय बलिराज्यापहारिणे । नमो यज्ञवराहाय गोविन्दाय नमोनमः

namo vāmanarūpāya balirājyāpahāriṇe namo yajñavarāhāya govindāya namonamaḥ

Salutation to the one of Vamana form; salutation to the one who took away Bali's kingdom; salutation, salutation to the sacrificial Boar, Govinda.

Verse 12 (garuda.1.234.12)

नमस्ते परमानन्द नमस्ते परमाक्षर । नमस्ते ज्ञानसद्भाव नमस्ते ज्ञानदायक

namaste paramānanda namaste paramākṣara namaste jñānasadbhāva namaste jñānadāyaka

Salutation to you, supreme bliss. Salutation to you, supreme imperishable syllable. Salutation to you, true essence of knowledge. Salutation to you, giver of knowledge.

Verse 13 (garuda.1.234.13)

नमस्ते परमाद्वैत नमस्ते पुरुषोत्तम । नमस्ते विश्वकृद्देव नमस्ते विश्वभावन

namaste paramādvaita namaste puruṣottama namaste viśvakṛddeva namaste viśvabhāvana

Salutation to you, supreme non-dual one. Salutation to you, Purushottama. Salutation to you, creator-god of the universe. Salutation to you, cause of the universe's being.

Verse 14 (garuda.1.234.14)

नमस्ते स्ताद्विश्वनाथ नमस्तेः विश्वकारण । नमस्ते मधुदैत्यघ्न नमस्ते रावणान्तक

namaste stādviśvanātha namasteḥ viśvakāraṇa namaste madhudaityaghna namaste rāvaṇāntaka

Salutation to you, Lord of the universe. Salutation to you, cause of the universe. Salutation to you, slayer of the demon Madhu. Salutation to you, destroyer of Ravana.

Verse 15 (garuda.1.234.15)

नमस्ते कंसकेशिघ्न नमस्ते कैटभार्दन । नमस्ते शतपत्राक्ष नमस्ते गरुडध्वज

namaste kaṁsakeśighna namaste kaiṭabhārdana namaste śatapatrākṣa namaste garuḍadhvaja

Salutation to you, slayer of Kamsa and Keshi. Salutation to you, tormentor of Kaitabha. Salutation to you, lotus-eyed one. Salutation to you, Garuda-bannered one.

Verse 16 (garuda.1.234.16)

नमस्ते कालनेमिघ्न नमस्ते गरुडासन । नमस्ते देवकीपुत्र नमस्ते वृष्णिनन्दन

namaste kālanemighna namaste garuḍāsana namaste devakīputra namaste vṛṣṇinandana

Salutation to you, slayer of Kalanemi. Salutation to you, seated on Garuda. Salutation to you, son of Devaki. Salutation to you, joy of the Vrishni clan.

Verse 17 (garuda.1.234.17)

नमस्ते रुक्मिणीकान्त नमस्ते दितिनन्दन । नमस्ते गोकुलावास नमस्ते गोकुलप्रिय

namaste rukmiṇīkānta namaste ditinandana namaste gokulāvāsa namaste gokulapriya

Salutation to you, beloved of Rukmini. Salutation to you, delight of Aditi's sons. Salutation to you, dweller of Gokula. Salutation to you, beloved of Gokula.

Verse 18 (garuda.1.234.18)

जय गोपवपुः कृष्ण जय गोपीजनप्रिय । जय गोवर्धनाधार जय गोकुलवर्धन

jaya gopavapuḥ kṛṣṇa jaya gopījanapriya jaya govardhanādhāra jaya gokulavardhana

Victory to you, Krishna in cowherd form! Victory to you, beloved of the gopis! Victory to you, upholder of Govardhana! Victory to you, nurturer of Gokula!

Verse 19 (garuda.1.234.19)

जय रावणवीरघ्न जय चाणूरनाशन । जय वृष्णिकुलोद्द्योत जय कालीयमर्दन

jaya rāvaṇavīraghna jaya cāṇūranāśana jaya vṛṣṇikuloddyota jaya kālīyamardana

Victory to you, slayer of Ravana's warriors! Victory to you, destroyer of Chanura! Victory to you, splendor of the Vrishni clan! Victory to you, tamer of Kaliya!

Verse 20 (garuda.1.234.20)

जय सत्य जगत्साक्षिन् जय सर्वार्थसाधक । जय वेदान्तविद्वेद्य जय सर्वद माधव

jaya satya jagatsākṣin jaya sarvārthasādhaka jaya vedāntavidvedya jaya sarvada mādhava

Victory to you, truth, witness of the universe! Victory to you, accomplisher of all purposes! Victory to you, known by knowers of Vedanta! Victory to you, all-giving Madhava!

Verse 21 (garuda.1.234.21)

जय सर्वाश्रयाव्यक्त जय सर्वग माधव । जय सूक्ष्म चिदान्दन जय चित्तनिरञ्जन

jaya sarvāśrayāvyakta jaya sarvaga mādhava jaya sūkṣma cidāndana jaya cittanirañjana

Victory to you, unmanifest refuge of all! Victory to you, all-pervading Madhava! Victory to you, subtle one of consciousness-bliss! Victory to you, stainless one of the mind!

Verse 22 (garuda.1.234.22)

जयस्तेऽस्तु निरालम्ब जय शान्त सनातन । जय नाथ जगत्पुष्ट (त्पूज्य) जय विष्णो नमोऽस्तूते

jayaste'stu nirālamba jaya śānta sanātana jaya nātha jagatpuṣṭa (tpūjya) jaya viṣṇo namo'stūte

Victory be to you, the unsupported one! Victory to you, peaceful, eternal one! Victory to you, Lord, worshipped of the world! Victory to you, Vishnu; salutation be to you!

Verse 23 (garuda.1.234.23)

त्वं गुरुस्त्वं हरे शिष्यस्त्वं दीक्षामन्त्रमण्डलम् । त्वं न्यासमुद्रासमयास्त्वं च पुष्पादिसाधनम्

tvaṁ gurustvaṁ hare śiṣyastvaṁ dīkṣāmantramaṇḍalam tvaṁ nyāsamudrāsamayāstvaṁ ca puṣpādisādhanam

You, O Hari, are the guru; you are the disciple; you are the initiation, the mantra, the mandala; you are the ritual placements, gestures, and occasions; and you are the materials of worship beginning with flowers.

Verse 24 (garuda.1.234.24)

त्वमाधारस्त्वं ह्यनन्तस्त्वं कूर्मःस्त्वं धराम्बुजम् । धर्मज्ञानादयस्त्वं हि वेदिमण्डलशक्तयः

tvamādhārastvaṁ hyanantastvaṁ kūrmaḥstvaṁ dharāmbujam dharmajñānādayastvaṁ hi vedimaṇḍalaśaktayaḥ

You are the support, you are indeed Ananta, you are the Tortoise, you are the lotus of the earth; dharma, knowledge, and the rest are you indeed, as are the powers of the sacrificial altar.

Verse 25 (garuda.1.234.25)

त्वं प्रभो छलभृद्रामस्त्वं पुनः स खरान्तकः । त्वं ब्रह्मर्षिश्चदेवस्त्वं विष्णुः सत्यपराक्रमः

tvaṁ prabho chalabhṛdrāmastvaṁ punaḥ sa kharāntakaḥ tvaṁ brahmarṣiścadevastvaṁ viṣṇuḥ satyaparākramaḥ

You, O Lord, are Parashurama; you again are the slayer of Khara; you are the Brahmarshi and the god; you are Vishnu, of true valor.

Verse 26 (garuda.1.234.26)

त्वं नृसिंहः परानन्दो वराहस्त्वं धराधरः । त्वं सुपर्णस्तथा चक्रं त्वं गदा शङ्ख एव च

tvaṁ nṛsiṁhaḥ parānando varāhastvaṁ dharādharaḥ tvaṁ suparṇastathā cakraṁ tvaṁ gadā śaṅkha eva ca

You are Narasimha, supreme bliss; you are the Boar, the bearer of the earth; you are Suparna, and likewise the discus; you are the mace, and also the conch.

Verse 27 (garuda.1.234.27)

त्वं श्रीः प्रभो त्वं मुष्टिसत्वं त्वं माला देव शावती । श्रीवत्सः कौस्तुभस्त्वं हि शार्ङ्गो त्वं च तथेषुधिः

tvaṁ śrīḥ prabho tvaṁ muṣṭisatvaṁ tvaṁ mālā deva śāvatī śrīvatsaḥ kaustubhastvaṁ hi śārṅgo tvaṁ ca tatheṣudhiḥ

You, O Lord, are Shri; you are the strength of the fist; you are the eternal garland, O god; you are indeed the Shrivatsa mark and the Kaustubha jewel; you are the bow Sharnga, and the quiver.

Verse 28 (garuda.1.234.28)

त्वं खड्गचर्मणा सार्धं त्वं दिक्पालास्तथा प्रभो । त्वं वेधास्त्वं विधाता च त्वं यमस्त्वं हुताशनः

tvaṁ khaḍgacarmaṇā sārdhaṁ tvaṁ dikpālāstathā prabho tvaṁ vedhāstvaṁ vidhātā ca tvaṁ yamastvaṁ hutāśanaḥ

You are, together with the sword and shield; you, O Lord, are likewise the guardians of the directions; you are the Creator, the Ordainer; you are Yama; you are the fire that consumes offerings.

Verse 29 (garuda.1.234.29)

त्वं धनेशस्त्वमीशानस्त्वमिन्द्रस्त्वमपांपतिः । त्वं रक्षोऽधिपतिः साध्यस्त्वं वायुस्त्वं निशाकरः

tvaṁ dhaneśastvamīśānastvamindrastvamapāṁpatiḥ tvaṁ rakṣo'dhipatiḥ sādhyastvaṁ vāyustvaṁ niśākaraḥ

You are Kubera, Ishana, Indra, the Lord of the waters; you are the lord of the rakshasas, the Sadhya; you are Vayu; you are the maker of night.

Verse 30 (garuda.1.234.30)

आदित्या वसवो रुद्रा अश्विनौ त्वं मरुद्गणाः । त्वं दैत्या दानवा नागास्त्वं यक्षा राक्षसाः खगाः

ādityā vasavo rudrā aśvinau tvaṁ marudgaṇāḥ tvaṁ daityā dānavā nāgāstvaṁ yakṣā rākṣasāḥ khagāḥ

You are the Adityas, the Vasus, the Rudras, the two Ashvins, and the host of Maruts; you are the Daityas, Danavas, and Nagas; you are the Yakshas, Rakshasas, and birds.

Verse 31 (garuda.1.234.31)

गन्धर्वाप्यरसः सिद्धाः पितरस्त्वं महामराः । भूतानि विषयस्त्वं हि त्वमव्यक्तेन्द्रियाणि च

gandharvāpyarasaḥ siddhāḥ pitarastvaṁ mahāmarāḥ bhūtāni viṣayastvaṁ hi tvamavyaktendriyāṇi ca

You are the Gandharvas, Apsarases, Siddhas, ancestors, and the great immortals; you are the beings and the objects of sense; you are the unmanifest, and also the senses.

Verse 32 (garuda.1.234.32)

मनोबुद्धिरहङ्कारः क्षेत्रज्ञस्त्वं हृदीश्वरः । त्वं यज्ञस्त्वं वषट्कारस्त्वमोङ्कारः समित्कुशाः

manobuddhirahaṅkāraḥ kṣetrajñastvaṁ hṛdīśvaraḥ tvaṁ yajñastvaṁ vaṣaṭkārastvamoṅkāraḥ samitkuśāḥ

You are the mind, intellect, and ego; you are the knower of the field, the Lord in the heart; you are the sacrifice, the exclamation 'vashat,' the syllable Om, and the sacrificial twigs and kusha grass.

Verse 33 (garuda.1.234.33)

त्वं वेदी त्वं हरे दीक्षा त्वं यूपस्त्वं हुताशनः । त्वं पत्नी त्वं पुरोडाशस्त्वं शाला स्त्रुक्च त्वं स्तुवः

tvaṁ vedī tvaṁ hare dīkṣā tvaṁ yūpastvaṁ hutāśanaḥ tvaṁ patnī tvaṁ puroḍāśastvaṁ śālā strukca tvaṁ stuvaḥ

You, O Hari, are the altar; you are the initiation; you are the sacrificial post; you are the sacred fire; you are the wife; you are the sacrificial cake; you are the hall, the ladle, and the hymns of praise.

Verse 34 (garuda.1.234.34)

ग्रावाणः सकलं त्वं हि सदस्यास्त्वं सदाक्षिणः । त्वं सूर्पादिस्त्वं च ब्रह्मा मुसलोलूखले ध्रुवम्

grāvāṇaḥ sakalaṁ tvaṁ hi sadasyāstvaṁ sadākṣiṇaḥ tvaṁ sūrpādistvaṁ ca brahmā musalolūkhale dhruvam

You are indeed all the pressing-stones; you are the assembly members, and the sacrificial fee; you are the winnowing basket and the rest; you are indeed Brahma, and the pestle and mortar.

Verse 35 (garuda.1.234.35)

त्वं होता यजमानस्त्वं त्वं धान्यं पशुयाजकः । त्वमध्वर्युस्त्वमुद्गाता त्वं यज्ञः पुरुषोत्तमः

tvaṁ hotā yajamānastvaṁ tvaṁ dhānyaṁ paśuyājakaḥ tvamadhvaryustvamudgātā tvaṁ yajñaḥ puruṣottamaḥ

You are the invoking priest and the patron of the sacrifice; you are the grain and the animal-sacrificer; you are the Adhvaryu and Udgatri priest; you are the sacrifice itself, O Purushottama.

Verse 36 (garuda.1.234.36)

दिक्पातालमहि व्योम द्यौस्त्वं नक्षत्रकारकः । देवतिर्यङ्मनुष्येषु जगदेतच्चराचरम्

dikpātālamahi vyoma dyaustvaṁ nakṣatrakārakaḥ devatiryaṅmanuṣyeṣu jagadetaccarācaram

You are the directions, the netherworld, the earth, the sky, and heaven; you are the maker of the constellations; you are present in gods, animals, and men, in this entire moving and unmoving world.

Verse 37 (garuda.1.234.37)

यत्किञ्चिद्दृश्यते देव ब्रह्माण्डमखिलं जगत् । तव रूपमिदं सर्वं दृष्ट्यर्थं संप्रकाशितम्

yatkiñciddṛśyate deva brahmāṇḍamakhilaṁ jagat tava rūpamidaṁ sarvaṁ dṛṣṭyarthaṁ saṁprakāśitam

O god, whatever is seen — this entire universe, the cosmic egg — all of this is your form, manifested for the sake of being seen.

Verse 38 (garuda.1.234.38)

नाथयन्ते परं ब्रह्म दैवेरपि दुरासदम् । कस्तञ्जानाति विमलं योगगम्यमतीन्द्रियम्

nāthayante paraṁ brahma daiverapi durāsadam kastañjānāti vimalaṁ yogagamyamatīndriyam

Even the gods seek that supreme Brahman, difficult even for them to approach — who truly knows that pure, yoga-accessible, transcendent One?

Verse 39 (garuda.1.234.39)

अक्षयं पुरुषं नित्यमव्यक्तमजमव्ययम् । प्रलयोत्पत्तिरहितं सर्वव्यापिनमीश्वरम्

akṣayaṁ puruṣaṁ nityamavyaktamajamavyayam pralayotpattirahitaṁ sarvavyāpinamīśvaram

The imperishable Purusha, eternal, unmanifest, unborn, undecaying, free from dissolution and origination, all-pervading, the Lord;

Verse 40 (garuda.1.234.40)

सर्वज्ञं निर्गुणं शुद्धमानन्दमजरं परम् । बोधरूपं ध्रुवं शान्तं पूर्णमद्वैतमक्षयम्

sarvajñaṁ nirguṇaṁ śuddhamānandamajaraṁ param bodharūpaṁ dhruvaṁ śāntaṁ pūrṇamadvaitamakṣayam

— omniscient, without qualities, pure, blissful, unaging, supreme; of the form of consciousness, fixed, tranquil, full, non-dual, undecaying.

Verse 41 (garuda.1.234.41)

अवतारेषु या मूर्तिर्विदूरे देव दृश्यते । परं भावंमजानन्तस्त्वां भजन्ति दिवौकसः

avatāreṣu yā mūrtirvidūre deva dṛśyate paraṁ bhāvaṁmajānantastvāṁ bhajanti divaukasaḥ

O god, whatever form is seen at a distance in your various incarnations — not knowing your supreme nature, the dwellers of heaven worship you only in that limited way.

Verse 42 (garuda.1.234.42)

कथं त्वामीदृशं सूक्ष्मं शक्नोमि पुरुषोत्तम । अराधयितुमीशान मनोगम्यमगोचरम्

kathaṁ tvāmīdṛśaṁ sūkṣmaṁ śaknomi puruṣottama arādhayitumīśāna manogamyamagocaram

How, O Purushottama, O Lord, can I worship you, who are so subtle, accessible only to the mind, beyond the range of the senses?

Verse 43 (garuda.1.234.43)

इह यन्मण्डले नाथ पूज्यते विधिवत्क्रमैः । पुष्पधूपादिभिर्यत्र तत्र सर्वा विभूतयः

iha yanmaṇḍale nātha pūjyate vidhivatkramaiḥ puṣpadhūpādibhiryatra tatra sarvā vibhūtayaḥ

O Lord, wherever in this mandala you are duly worshipped in proper order, with flowers, incense, and the rest — there all your glorious powers are present.

Verse 44 (garuda.1.234.44)

संकर्षणादिभेदेन तव यत्पूजिता मया । क्षन्तुमर्हसि तत्सर्वं यत्कृतं न कृतं मया

saṁkarṣaṇādibhedena tava yatpūjitā mayā kṣantumarhasi tatsarvaṁ yatkṛtaṁ na kṛtaṁ mayā

Whatever I have worshipped of you under the distinctions of Sankarshana and the rest, and whatever I have done or failed to do — all of that you should forgive.

Verse 45 (garuda.1.234.45)

न शक्नोमि विभो सम्यक्कर्तुं पूजां यथोदिताम् । यत्कृतं जपहोमादि असाध्यं पुरुषोत्तम

na śaknomi vibho samyakkartuṁ pūjāṁ yathoditām yatkṛtaṁ japahomādi asādhyaṁ puruṣottama

O Lord, I am unable to perform worship duly, as prescribed; O Purushottama, whatever recitation, fire-offering, and the like I have done, if unaccomplished —

Verse 46 (garuda.1.234.46)

विनिष्पादयितुं भक्त्या अत स्त्वां क्षमयाम्यहम् । दिवा रात्रौ च सन्ध्यायां सर्वावस्थासु चेष्टतः

viniṣpādayituṁ bhaktyā ata stvāṁ kṣamayāmyaham divā rātrau ca sandhyāyāṁ sarvāvasthāsu ceṣṭataḥ

— to fulfill it through devotion, therefore I ask your forgiveness, by day, by night, at twilight, in every state and activity.

Verse 47 (garuda.1.234.47)

अचला तु हरे ! भक्तिस्तवाङ्घ्रियुगले मम । शरिरे न (ण) तथा प्रीतिर्न च धर्मादिकेषु च

acalā tu hare ! bhaktistavāṅghriyugale mama śarire na (ṇa) tathā prītirna ca dharmādikeṣu ca

O Hari, may my devotion to your two feet be unshakable — not so my attachment to my own body, nor to dharma and the rest.

Verse 48 (garuda.1.234.48)

यथा त्वयि जगन्नाथ प्रीतिंरात्यन्तिकी मम । किं तेन न कृतं कर्म स्वर्गमोक्षादिसाधनम्

yathā tvayi jagannātha prītiṁrātyantikī mama kiṁ tena na kṛtaṁ karma svargamokṣādisādhanam

O Lord of the universe, may my love for you be everlasting — what need is there then of any other deed as a means to heaven, liberation, and the rest?

Verse 49 (garuda.1.234.49)

यस्य विष्णौ दृढा भक्तिः सर्वकामफलप्रदे । पूजां कर्तुं तथा स्तोत्रं कः शक्नोति तवाच्युत

yasya viṣṇau dṛḍhā bhaktiḥ sarvakāmaphalaprade pūjāṁ kartuṁ tathā stotraṁ kaḥ śaknoti tavācyuta

O Achyuta, for one whose devotion to Vishnu, the granter of the fruit of all desires, is firm, who could think worship and hymn of praise to be difficult?

Verse 50 (garuda.1.234.50)

स्तुतं तु पूजितं मेऽद्य तत्क्षमस्व नमोऽस्तु ते । इति चक्रधारस्तोत्रं मया सम्यगुदाहृतम् । स्तौहि विष्णुं मुने भक्त्या यदीच्छसि परं पदम्

stutaṁ tu pūjitaṁ me'dya tatkṣamasva namo'stu te iti cakradhārastotraṁ mayā samyagudāhṛtam stauhi viṣṇuṁ mune bhaktyā yadīcchasi paraṁ padam

Whatever praise and worship I have offered today, forgive it; salutation to you. Thus have I duly declared the hymn of the discus-bearer. O sage, praise Vishnu with devotion, if you desire the supreme abode.

Verse 51 (garuda.1.234.51)

स्तोत्रेणानेन यः स्तौति पूजाकाले जगद्घुरुम्

stotreṇānena yaḥ stauti pūjākāle jagadghurum

He who, with this hymn, praises the Guru of the universe at the time of worship —

Verse 52 (garuda.1.234.52)

अचिराल्लभते मोक्षं छित्वा संसारबन्धनम् । अन्योऽपि यो जपेद्भक्त्या त्रिसन्ध्यं नियतः शुचिः

acirāllabhate mokṣaṁ chitvā saṁsārabandhanam anyo'pi yo japedbhaktyā trisandhyaṁ niyataḥ śuciḥ

— swiftly attains liberation, having cut through the bonds of samsara. Whoever else, disciplined and pure, recites it with devotion at the three twilights,

Verse 53 (garuda.1.234.53)

इदं स्तोत्रं मुने सोऽपि सर्वकाममवाप्नुयात् । पुत्रार्थो लभते पुत्रान्बद्धो मुच्यते बन्धनात्

idaṁ stotraṁ mune so'pi sarvakāmamavāpnuyāt putrārtho labhate putrānbaddho mucyate bandhanāt

— O sage, he too attains all his desires through this hymn. One desiring a son obtains sons; one in bondage is freed from bondage,

Verse 54 (garuda.1.234.54)

रोगाद्विमुच्यते रागी लभते निर्धनो धनम् । विद्यार्थो लभते विद्यां भग्यं कीर्ति च विन्दति

rogādvimucyate rāgī labhate nirdhano dhanam vidyārtho labhate vidyāṁ bhagyaṁ kīrti ca vindati

— the diseased is freed from disease, the poor obtains wealth; one desiring learning obtains learning, and finds fortune and fame.

Verse 55 (garuda.1.234.55)

जाति स्मरत्वं मेधावी यद्यदिच्छति चेतसा । स धन्यः सर्ववित्प्राज्ञःस साधुः सर्वकर्मकृत्

jāti smaratvaṁ medhāvī yadyadicchati cetasā sa dhanyaḥ sarvavitprājñaḥsa sādhuḥ sarvakarmakṛt

One desiring recollection of past births becomes wise in whatever he desires with his mind; he is blessed, all-knowing, wise, virtuous, and accomplished in all deeds,

Verse 56 (garuda.1.234.56)

स सत्यवाकूछुचिर्दाता यः स्तौति पुरुषोत्तमम् । असंभाष्या हि ते सर्वे सर्वधर्मबहिष्कृताः

sa satyavākūchucirdātā yaḥ stauti puruṣottamam asaṁbhāṣyā hi te sarve sarvadharmabahiṣkṛtāḥ

— he is truthful, pure, generous, who praises Purushottama. But all those who do not are unfit to be spoken with, excluded from all dharma.

Verse 57 (garuda.1.234.57)

येषां प्रवर्तने नास्ति हरिमुद्दिश्य सत्क्रिया । न शुद्धं विद्यते तस्य मनो वाक्च दुरात्मनः

yeṣāṁ pravartane nāsti harimuddiśya satkriyā na śuddhaṁ vidyate tasya mano vākca durātmanaḥ

Those in whose conduct there is no good action directed toward Hari — the mind and speech of that evil-souled person is not pure.

Verse 58 (garuda.1.234.58)

यस्य सर्वार्थदे विष्णौ भक्तिर्नाव्यभिचारिणी । आराध्य विधिवद्देवं हरिं सर्वसुखप्रदम्

yasya sarvārthade viṣṇau bhaktirnāvyabhicāriṇī ārādhya vidhivaddevaṁ hariṁ sarvasukhapradam

He whose devotion to Vishnu, the granter of all purposes, is not unwavering — in contrast, one who duly worships the god Hari, the giver of all happiness,

Verse 59 (garuda.1.234.59)

प्राप्नोति पुरुषः सम्यग्यद्यत्प्रार्थयते फलम् । कर्म कामादिकं सर्वं श्रद्धधानः सुरोत्तमः । असुरादिवपुः सिद्धैर्देयते यस्य नान्तरम्

prāpnoti puruṣaḥ samyagyadyatprārthayate phalam karma kāmādikaṁ sarvaṁ śraddhadhānaḥ surottamaḥ asurādivapuḥ siddhairdeyate yasya nāntaram

— such a man duly obtains whatever fruit he desires; the faithful one, best among gods, is no different in status from the asuras and the perfected ones.

Verse 60 (garuda.1.234.60)

सकलमुनिभिराद्यश्चिन्त्यते यो हि शुद्धो निखिलहृदि निविष्टो वेत्ति यः सर्वसाक्षी । तमजममृतमीशं वासुदेवं नतोऽस्मि भयमरणविहीनं नित्यमानन्दरूपम्

sakalamunibhirādyaścintyate yo hi śuddho nikhilahṛdi niviṣṭo vetti yaḥ sarvasākṣī tamajamamṛtamīśaṁ vāsudevaṁ nato'smi bhayamaraṇavihīnaṁ nityamānandarūpam

He who is contemplated by all sages as the primal, pure one, dwelling within every heart, the all-witnessing knower — to that unborn, immortal Lord, Vasudeva, free from fear and death, ever of the form of bliss, I bow.

Verse 61 (garuda.1.234.61)

निखिलभुवन नाथं शाश्वतं सुप्रसन्नं त्वतिविमलविशुद्धं निर्गुणं भवपुष्पैः । सुखमुदितसमस्तं पूजयाम्यात्मभावं विशतु हृदयपद्मे सर्वसाक्षी चिदात्मा

nikhilabhuvana nāthaṁ śāśvataṁ suprasannaṁ tvativimalaviśuddhaṁ nirguṇaṁ bhavapuṣpaiḥ sukhamuditasamastaṁ pūjayāmyātmabhāvaṁ viśatu hṛdayapadme sarvasākṣī cidātmā

The Lord of all worlds, eternal, most gracious, exceedingly pure and clean, without qualities — I worship, with the flowers of worldly existence; may that all-witnessing consciousness-Self enter into the lotus of my heart.

Verse 62 (garuda.1.234.62)

एवं मयोक्तं परमप्रभावमाद्यन्तहीनस्य परस्य विष्णोः । तस्माद्विचिन्त्यः परमेश्वरोऽसौ विमुक्तिकामेन नरेण सम्यक्

evaṁ mayoktaṁ paramaprabhāvamādyantahīnasya parasya viṣṇoḥ tasmādvicintyaḥ parameśvaro'sau vimuktikāmena nareṇa samyak

Thus have I declared the supreme power of the supreme Vishnu, without beginning or end; therefore that Supreme Lord should be duly contemplated by a man desiring liberation.

Verse 63 (garuda.1.234.63)

बोधस्वरूपं पुरुषं पुराणमादित्यवर्णं विमलं विशुद्धम् । सञ्चिन्त्य विष्णुं परमद्वितीयं कस्तत्र योगी न लंय प्रयाति

bodhasvarūpaṁ puruṣaṁ purāṇamādityavarṇaṁ vimalaṁ viśuddham sañcintya viṣṇuṁ paramadvitīyaṁ kastatra yogī na laṁya prayāti

Contemplating Vishnu — of the very nature of consciousness, ancient, sun-hued, pure, undefiled, the supreme non-dual one — what yogi does not attain dissolution in Him there?

Verse 64 (garuda.1.234.64)

इमं स्तवं यः सततं मनुष्यः पठेच्च तद्वत्प्रयतः प्रशान्तः । स धूतपाप्मा विततप्रभावः प्रयाति लोकं विततं मुरारेः

imaṁ stavaṁ yaḥ satataṁ manuṣyaḥ paṭhecca tadvatprayataḥ praśāntaḥ sa dhūtapāpmā vitataprabhāvaḥ prayāti lokaṁ vitataṁ murāreḥ

The man who constantly recites this hymn, being disciplined and tranquil — he, his sins washed away, his glory expanded, attains the vast world of Murari.

Verse 65 (garuda.1.234.65)

यः प्रार्थयत्यर्थमशेषसौख्यं धर्मं च कामं च तथैव मोक्षम् । स सर्वमुत्सृज्य परं पुराणं प्रयाति विष्णुं शरणं वरेण्यम्

yaḥ prārthayatyarthamaśeṣasaukhyaṁ dharmaṁ ca kāmaṁ ca tathaiva mokṣam sa sarvamutsṛjya paraṁ purāṇaṁ prayāti viṣṇuṁ śaraṇaṁ vareṇyam

He who seeks complete happiness, dharma, desire, and liberation — abandoning all these, he goes for refuge to the supreme, ancient, most excellent Vishnu.

Verse 66 (garuda.1.234.66)

विभुं प्रभुं विश्वधरं विशुद्धमशेषसंसारविनाशहेतुम् । यो वासुदेवं विमलं प्रपन्नः स मोक्षमाप्नोति विमुक्तसङ्गः

vibhuṁ prabhuṁ viśvadharaṁ viśuddhamaśeṣasaṁsāravināśahetum yo vāsudevaṁ vimalaṁ prapannaḥ sa mokṣamāpnoti vimuktasaṅgaḥ

He who takes refuge in the all-pervading, mighty, world-sustaining, pure Vasudeva, the cause of the complete destruction of samsara — he, freed from attachment, attains liberation.