The Consecration of Deities

Verse 1 (garuda.1.48.1)

।।सूत उवाच ।। प्रतिष्ठां सर्वदेवानां संक्षेपेण वदाम्यहम् ।। सुतिथ्यादौ सुरम्यां च प्रतिष्ठां कारयेद्गुरुः

..sūta uvāca .. pratiṣṭhāṁ sarvadevānāṁ saṁkṣepeṇa vadāmyaham .. sutithyādau suramyāṁ ca pratiṣṭhāṁ kārayedguruḥ

Suta said: I shall now briefly describe the consecration of all deities. On an auspicious lunar day, in a delightful place, the guru should perform the consecration.

Verse 2 (garuda.1.48.2)

ऋत्विग्भिः सह चाचार्य्यं वरयेन्मध्यदेशगम् ।। स्वशाखोक्तविधानेन अथ वा प्रणवेन तु

ṛtvigbhiḥ saha cācāryyaṁ varayenmadhyadeśagam .. svaśākhoktavidhānena atha vā praṇavena tu

Together with the ritual priests, one should choose an acharya versed in the central tradition — following the procedure of one's own Vedic branch, or else by means of the Pranava (Om).

Verse 3 (garuda.1.48.3)

पञ्चभिर्बहुभिर्वाथ कुर्य्यात्पाद्यार्घ्यमेव च ।। मुद्रिकाभिस्तथा वस्त्रैर्गन्धमाल्यानुलेपनैः

pañcabhirbahubhirvātha kuryyātpādyārghyameva ca .. mudrikābhistathā vastrairgandhamālyānulepanaiḥ

With five priests or many, the foot-washing and the water-offering should be performed, along with rings, garments, sandal-paste, garlands, and unguents.

Verse 4 (garuda.1.48.4)

मन्त्रन्यासं गुरुः कृत्वा ततः कर्म समारभेत् ।। प्रासादस्याग्रतः कुर्य्यान्मण्डपं दशहस्तकम्

mantranyāsaṁ guruḥ kṛtvā tataḥ karma samārabhet .. prāsādasyāgrataḥ kuryyānmaṇḍapaṁ daśahastakam

Having performed the placement of mantras upon the body, the guru should then begin the rite. In front of the temple, a pavilion ten cubits wide should be made,

Verse 5 (garuda.1.48.5)

कुर्य्याद्द्वादशहस्तं वा स्तम्भैः षोडशभिर्युतम् ।। ध्वजाष्टकैश्चतुर्हस्तां मध्ये वेदिं च कारयेत्

kuryyāddvādaśahastaṁ vā stambhaiḥ ṣoḍaśabhiryutam .. dhvajāṣṭakaiścaturhastāṁ madhye vediṁ ca kārayet

or one twelve cubits wide, furnished with sixteen pillars. With eight banners, a four-cubit altar should be made in the center.

Verse 6 (garuda.1.48.6)

नदीसङ्गमतीरात्थां वालुकां तत्र दापयेत् ।। चतुरश्रं कार्मुकाभं वर्त्तुलं कमलाकृति

nadīsaṅgamatīrātthāṁ vālukāṁ tatra dāpayet .. caturaśraṁ kārmukābhaṁ varttulaṁ kamalākṛti

Sand brought from the bank of a river-confluence should be laid there. Square, bow-shaped, round, or lotus-shaped —

Verse 7 (garuda.1.48.7)

पूर्वादितः समारभ्य कर्त्तव्यं कुण्डपञ्चकम् ।। अथवा चतुरश्राणि सर्वाण्येतानि कारयेत्

pūrvāditaḥ samārabhya karttavyaṁ kuṇḍapañcakam .. athavā caturaśrāṇi sarvāṇyetāni kārayet

beginning from the east, five fire-pits should be made; or else all of these may be made square.

Verse 8 (garuda.1.48.8)

शान्तिकर्मिधानेन सर्वकामार्थसिद्धये ।। शिरः स्थाने तु देवस्य आचार्य्यो होममाचरेत्

śāntikarmidhānena sarvakāmārthasiddhaye .. śiraḥ sthāne tu devasya ācāryyo homamācaret

Under the name of the peace-rite, for the fulfilment of every desire, the acharya should perform the fire-oblation at the place representing the deity's head.

Verse 9 (garuda.1.48.9)

ऐशान्यां केचिदिच्छन्ति उपलिप्यावनिं शुभाम् ।। द्वाराणि चैव चत्वारि कृत्वा वै तोरणान्तिके

aiśānyāṁ kecidicchanti upalipyāvaniṁ śubhām .. dvārāṇi caiva catvāri kṛtvā vai toraṇāntike

Some hold it proper to do this in the northeast corner, after plastering the auspicious ground. Having made four doorways, near the ornamental archways,

Verse 10 (garuda.1.48.10)

न्यग्रोधोदुम्बराश्वत्थबैल्वपालाशखादिराः ।। तोरणाः पञ्चहस्ताश्च वस्त्रपुष्पाद्यलङ्कृताः

nyagrodhodumbarāśvatthabailvapālāśakhādirāḥ .. toraṇāḥ pañcahastāśca vastrapuṣpādyalaṅkṛtāḥ

of banyan, udumbara, ashvattha, bilva, palasha, and khadira wood — the archways, five cubits high, adorned with cloth, flowers, and the like,

Verse 11 (garuda.1.48.11)

निखनेद्धस्तमेकैकं चत्वारश्चतुरो दिशः ।। पूर्वद्वारे मृगेन्द्रं तु हयराजं तु दक्षिणे

nikhaneddhastamekaikaṁ catvāraścaturo diśaḥ .. pūrvadvāre mṛgendraṁ tu hayarājaṁ tu dakṣiṇe

should be planted a cubit deep, four of them in the four directions. At the eastern door, a lion; at the southern, the king of horses;

Verse 12 (garuda.1.48.12)

पश्चिमे गोपतिर्नाम सुरशार्दूलमुत्तरे ।। अग्निमीलेति हि मन्त्रेण प्रथमं पूर्वतो न्यसेत्

paścime gopatirnāma suraśārdūlamuttare .. agnimīleti hi mantreṇa prathamaṁ pūrvato nyaset

at the western, one named lord-of-cattle; at the northern, the tiger among the gods. With the mantra 'agnim ile', the first should be placed to the east.

Verse 13 (garuda.1.48.13)

ईषेत्वेतिहि मन्त्रेण दक्षिणस्यां द्वितीयकम् ।। अग्नआयाहिमन्त्रेण पश्चिमस्यां तृतीयकम्

īṣetvetihi mantreṇa dakṣiṇasyāṁ dvitīyakam .. agnaāyāhimantreṇa paścimasyāṁ tṛtīyakam

With the mantra 'ise tva', the second to the south; with the mantra 'agna ayahi', the third to the west;

Verse 14 (garuda.1.48.14)

शन्नोदेवीति मन्त्रेण उत्तरस्यां चतुर्थकम् ।। पूर्वे अम्बुदवत्कार्य्या आग्नोय्यां धूमरूपिणी

śannodevīti mantreṇa uttarasyāṁ caturthakam .. pūrve ambudavatkāryyā āgnoyyāṁ dhūmarūpiṇī

with the mantra 'sam no devi', the fourth to the north. In the east it should be cloud-like; in the southeast, smoke-formed;

Verse 15 (garuda.1.48.15)

याम्यां वै कृष्णरूपा तु नैर्ऋत्या श्यामला (धूसरा) भवेत् ।। वारुण्यां पाण्डुरा ज्ञेया वायव्यां पीतवर्णिका

yāmyāṁ vai kṛṣṇarūpā tu nairṛtyā śyāmalā (dhūsarā) bhavet .. vāruṇyāṁ pāṇḍurā jñeyā vāyavyāṁ pītavarṇikā

in the south, black-formed; in the southwest, it should be dusky/dark; in the west it should be known as white; in the northwest, yellow-hued;

Verse 16 (garuda.1.48.16)

उत्तरे रक्तवर्णा तु शुक्लैशी च पताकिका ।। बहुरूपा तथा मध्ये इन्द्रविद्येति पूर्वके

uttare raktavarṇā tu śuklaiśī ca patākikā .. bahurūpā tathā madhye indravidyeti pūrvake

in the north, red-hued; and the Ishana banner should be white. In the middle, of many colors. Toward the east, [recite] 'Indra-vidya'.

Verse 17 (garuda.1.48.17)

आग्निं संसुप्तिमन्त्रेण यमोनागेति दक्षिणे ।। पूज्या रक्षोहनोवेति पश्चिमे उत्तरेऽपि च

āgniṁ saṁsuptimantreṇa yamonāgeti dakṣiṇe .. pūjyā rakṣohanoveti paścime uttare'pi ca

In the southeast, with the mantra 'agnim samsuptim'; in the south, 'yamo naga' — these are to be worshipped; in the west and north too, 'rakshohano va' —

Verse 18 (garuda.1.48.18)

वात इत्यभिषिच्याथ आप्यायस्वेति चोत्तरे ।। तमीशानमतश्चैव विष्णोर्नुकेति मध्यमे

vāta ityabhiṣicyātha āpyāyasveti cottare .. tamīśānamataścaiva viṣṇornuketi madhyame

having sprinkled with 'vata', and then in the north with 'apyayasva'; likewise in the northeast with 'tam ishanam', and in the middle with 'vishnor nu'.

Verse 19 (garuda.1.48.19)

कलशौ तु ततो द्वौ द्वौ निवेश्यौ तोरणान्तिके ।। वस्त्रयुग्मसमायुक्ताश्चन्दनाद्यैः स्वलङ्कृताः

kalaśau tu tato dvau dvau niveśyau toraṇāntike .. vastrayugmasamāyuktāścandanādyaiḥ svalaṅkṛtāḥ

Then two water-vessels each should be placed near the archways, furnished with a pair of cloths, well-adorned with sandal-paste and the like,

Verse 20 (garuda.1.48.20)

पुष्पैर्वितानैर्बहुलैरादिवर्णाभिमन्त्रिताः ।। दिक्पालाश्च ततः पूज्याः शास्त्रदृष्टेन कर्मणा

puṣpairvitānairbahulairādivarṇābhimantritāḥ .. dikpālāśca tataḥ pūjyāḥ śāstradṛṣṭena karmaṇā

consecrated with abundant flower-canopies and with the primal deities. Then the guardians of the directions should be worshipped according to the rite seen in scripture.

Verse 21 (garuda.1.48.21)

त्रातारमिन्द्रभन्त्रेण अग्निर्मूर्द्धेति चापरे ।। अस्मिन्वृक्ष इतं चैव प्रचारीति परा स्मृता

trātāramindrabhantreṇa agnirmūrddheti cāpare .. asminvṛkṣa itaṁ caiva pracārīti parā smṛtā

With the mantra 'tratam indram', then 'agnir murdha'; 'asmin vrikshe', and then 'pracari' is remembered next.

Verse 22 (garuda.1.48.22)

किञ्चेदधातु आचत्वाऽभित्वादेति च सप्तमी ।। इमारुद्रेति दिक्यालान्पूजयित्वा विचक्षणः

kiñcedadhātu ācatvā'bhitvādeti ca saptamī .. imārudreti dikyālānpūjayitvā vicakṣaṇaḥ

'kincid adhatu', 'a ca tva', and the seventh; 'ima rudraya' — having thus worshipped the guardians of the directions, the discerning acharya,

Verse 23 (garuda.1.48.23)

होमद्रव्याणि वायव्ये कुर्य्यात्सोपस्कराणि च ।। शङ्खाञ्छास्त्रोदिताञ्छ्वेतान्नेत्राभ्यां विन्यसेद्गुरुः

homadravyāṇi vāyavye kuryyātsopaskarāṇi ca .. śaṅkhāñchāstroditāñchvetānnetrābhyāṁ vinyasedguruḥ

should place the materials for the oblation, with their accessories, in the northwest. The guru should gaze with both eyes upon the white conch-shells prescribed by scripture.

Verse 24 (garuda.1.48.24)

आलोकनेन द्रव्याणि शुद्धिं यान्ति न संशयः ।। ह्रृदयादीनि चाङ्गानि व्याहृतिप्रणवेन च

ālokanena dravyāṇi śuddhiṁ yānti na saṁśayaḥ .. hrṛdayādīni cāṅgāni vyāhṛtipraṇavena ca

By that mere gazing, the materials undoubtedly attain purity. The limbs, beginning with the heart, are consecrated with the vyahriti-formulas and the Pranava,

Verse 25 (garuda.1.48.25)

अस्त्रं चैव समस्तानां न्यासोऽयं सर्वकामिकः ।। अक्षतान्विष्टरं चैव अस्त्रेणैवाभिमन्त्रितान्

astraṁ caiva samastānāṁ nyāso'yaṁ sarvakāmikaḥ .. akṣatānviṣṭaraṁ caiva astreṇaivābhimantritān

and all of them with the weapon-mantra — this placement fulfils every wish. Unbroken rice-grains and a seat, consecrated with the weapon-mantra alone,

Verse 26 (garuda.1.48.26)

विष्टरेण स्पृशेद्दुव्यान्यागमण्डपसंभृतान् ।। अक्षतान्विकिरेत्पश्चादस्त्रपूतान्समन्ततः

viṣṭareṇa spṛśedduvyānyāgamaṇḍapasaṁbhṛtān .. akṣatānvikiretpaścādastrapūtānsamantataḥ

should, by means of that seat, be made to touch the materials gathered in the sacrificial pavilion. Afterward, the rice-grains, purified by the weapon-mantra, should be scattered all around.

Verse 27 (garuda.1.48.27)

शाक्रीं दिशमथारभ्य यावदीशानगोचरम् ।। अवकीर्य्याक्षतार्न्संवाँल्लेपयेन्मण्डपं ततः

śākrīṁ diśamathārabhya yāvadīśānagocaram .. avakīryyākṣatārnsaṁvām̐llepayenmaṇḍapaṁ tataḥ

Beginning from Indra's direction (the east) up to the Ishana quarter, having scattered the rice-grains, one should then plaster the pavilion.

Verse 28 (garuda.1.48.28)

गन्धाद्यैरर्घ्यपात्रे च मन्त्रग्रामं न्यसेद्गुरुः ।। तेनार्घ्यपात्रतोयेन प्रोक्षयेद्यागमण्डपम्

gandhādyairarghyapātre ca mantragrāmaṁ nyasedguruḥ .. tenārghyapātratoyena prokṣayedyāgamaṇḍapam

In the vessel of offering-water, with sandal-paste and the like, the guru should place the assembly of mantras. With that water from the offering-vessel, he should sprinkle the sacrificial pavilion.

Verse 29 (garuda.1.48.29)

प्रतिष्ठा यस्य देवस्य तदाख्यं कलशं न्यसेत् ।। ऐशान्यां पूजयेद्याम्ये अस्त्रेणैव च वर्द्धनीम्

pratiṣṭhā yasya devasya tadākhyaṁ kalaśaṁ nyaset .. aiśānyāṁ pūjayedyāmye astreṇaiva ca varddhanīm

The vessel bearing the name of whichever deity is to be consecrated should be established. In the northeast, worship should be offered; in the south, the vardhani vessel, with the weapon-mantra alone.

Verse 30 (garuda.1.48.30)

कलशं वर्द्धनीं चैव ग्रहान्वास्तोष्पतिं तथा ।। आसने तानि सर्वाणि प्रणवाख्यं जपेद्गुरुः

kalaśaṁ varddhanīṁ caiva grahānvāstoṣpatiṁ tathā .. āsane tāni sarvāṇi praṇavākhyaṁ japedguruḥ

The main vessel, the vardhani, the planetary vessels, and the vessel of Vastu's lord — over all of these, upon their seats, the guru should recite the Pranava.

Verse 31 (garuda.1.48.31)

सूत्रग्रीवं रत्नगर्भं वस्त्रयुग्मेन वेष्टितम् ।। सर्वौषधीगन्धलिप्तं पूजयेत्कलशं गुरुः

sūtragrīvaṁ ratnagarbhaṁ vastrayugmena veṣṭitam .. sarvauṣadhīgandhaliptaṁ pūjayetkalaśaṁ guruḥ

The vessel — its neck bound with thread, filled with gems, wrapped in a pair of cloths, smeared with all manner of herbs and fragrances — the guru should worship.

Verse 32 (garuda.1.48.32)

देवस्तु कलशे पूज्यो वर्द्धन्या वस्त्रमुत्तमम् ।। वर्द्धन्या तु समायुक्तं कलशं भ्रामयेदनु

devastu kalaśe pūjyo varddhanyā vastramuttamam .. varddhanyā tu samāyuktaṁ kalaśaṁ bhrāmayedanu

The deity is to be worshipped in the vessel; along with the vardhani, a fine cloth should be offered. The vessel, joined with the vardhani, should then be circled.

Verse 33 (garuda.1.48.33)

वर्द्धनीधारया सिञ्चन्नग्रतो धारयेत्ततः ।। अभ्यर्च्य वर्द्धनीकुम्भं स्थण्डिले देवमर्चयेत्

varddhanīdhārayā siñcannagrato dhārayettataḥ .. abhyarcya varddhanīkumbhaṁ sthaṇḍile devamarcayet

Sprinkling with the stream from the vardhani, he should then hold it in front. Having worshipped the vardhani-vessel, he should worship the deity upon the ground-altar.

Verse 34 (garuda.1.48.34)

घटं चावाह्य वायव्यां गणानां त्वेति सद्गणम् ।। देवमीशानकोणे तु जपेद्वास्तोष्पतिं बुधः

ghaṭaṁ cāvāhya vāyavyāṁ gaṇānāṁ tveti sadgaṇam .. devamīśānakoṇe tu japedvāstoṣpatiṁ budhaḥ

Having invoked the pot, in the northwest, with 'ganam tva', the good host of attending deities; in the Ishana corner, toward the deity, the wise guru should recite the mantra of Vastoshpati.

Verse 35 (garuda.1.48.35)

वास्तोष्पतीति मन्त्रेण वास्तुदोषोपशान्तये ।। कुम्भस्य पूर्वतो भूतं गणदेवं बलिं हरेत्

vāstoṣpatīti mantreṇa vāstudoṣopaśāntaye .. kumbhasya pūrvato bhūtaṁ gaṇadevaṁ baliṁ haret

With the mantra 'Vastoshpate', for the pacification of any fault in the site, the offering should be given to the deity presiding over the host of elemental spirits, to the east of the vessel.

Verse 36 (garuda.1.48.36)

पठेदिति च विद्याश्च कुर्य्यादालम्भनं बुधः ।। योगेयोगेति मन्त्रेणास्तरणं शाद्वलैः कुशैः

paṭhediti ca vidyāśca kuryyādālambhanaṁ budhaḥ .. yogeyogeti mantreṇāstaraṇaṁ śādvalaiḥ kuśaiḥ

Having recited it and the corresponding formulas, the wise one should perform the touching-rite. With the mantra 'yoge yoge', a spread of fresh grass and kusha should be made,

Verse 37 (garuda.1.48.37)

ऋत्विग्भिः सार्द्धमाचार्यः स्नानपीठे गुरुस्तदा ।। विविधैर्ब्रह्मघोषैश्च पुण्याहजयमङ्गलैः

ṛtvigbhiḥ sārddhamācāryaḥ snānapīṭhe gurustadā .. vividhairbrahmaghoṣaiśca puṇyāhajayamaṅgalaiḥ

then the acharya, the guru, together with the ritual priests, proceeds to the bathing-platform, amid various Vedic proclamations — Punyaha, Jaya, and Mangala,

Verse 38 (garuda.1.48.38)

कृत्वा ब्रह्मरथे देवं प्रतिष्ठन्ति ततो द्विजाः ।। ऐशान्यामानयेत्पीठमण्डपे विन्यसेद्गुरुः

kṛtvā brahmarathe devaṁ pratiṣṭhanti tato dvijāḥ .. aiśānyāmānayetpīṭhamaṇḍape vinyasedguruḥ

and, having seated the deity on the Brahma-chariot, the brahmins conduct it in procession. Bringing it to the Ishana corner, the guru should place it upon the pedestal within the pavilion.

Verse 39 (garuda.1.48.39)

भद्रंकर्णेत्यथ स्नात्वा सूत्रवल्कलजेन तु ।। संस्नाप्य लक्षणोद्धारं कुर्य्यात्तूर्यादि (दूराभि) वादनैः

bhadraṁkarṇetyatha snātvā sūtravalkalajena tu .. saṁsnāpya lakṣaṇoddhāraṁ kuryyāttūryādi (dūrābhi) vādanaiḥ

Reciting 'bhadram karnebhih', having bathed the image with a bark-fiber thread, and thoroughly bathed it, one should bring out its features, amid trumpets and other music,

Verse 40 (garuda.1.48.40)

मधुसर्पिः समायुक्तं कांस्ये वा ताम्रभाजने ।। अक्षिणी चांजयेच्चास्य सुवर्णस्य शलाकया

madhusarpiḥ samāyuktaṁ kāṁsye vā tāmrabhājane .. akṣiṇī cāṁjayeccāsya suvarṇasya śalākayā

mixed with honey and ghee, in a bronze or copper vessel; its two eyes should also be anointed with a golden probe.

Verse 41 (garuda.1.48.41)

अग्निर्ज्योतीति मन्त्रेण नेत्रोद्वाटं तु कारयेत् ।। लक्षणे क्रियमाणे तु नामैकं स्थापको व(द) देत्

agnirjyotīti mantreṇa netrodvāṭaṁ tu kārayet .. lakṣaṇe kriyamāṇe tu nāmaikaṁ sthāpako va(da) det

With the mantra 'agnir jyotih', the opening of the eyes should be performed. While the features are being worked, the installer should utter a single name.

Verse 42 (garuda.1.48.42)

इमम्मेगङ्गेमन्त्रेण नेत्रयोः शीतलक्रिया ।। अग्निर्मूर्द्धेति मन्त्रेण दद्याद्वल्मी कमृत्तिकाम्

imammegaṅgemantreṇa netrayoḥ śītalakriyā .. agnirmūrddheti mantreṇa dadyādvalmī kamṛttikām

With the mantra 'imam me gange', the cooling of the eyes should be performed. With the mantra 'agnir murdha', termite-mound earth should be offered,

Verse 43 (garuda.1.48.43)

बिल्वोदुम्बरमश्वत्थं वटं पालाशमेव च ।। यज्ञायज्ञेति मन्त्रेण दद्यात्पञ्चकषायकम्

bilvodumbaramaśvatthaṁ vaṭaṁ pālāśameva ca .. yajñāyajñeti mantreṇa dadyātpañcakaṣāyakam

the bark of bilva, udumbara, ashvattha, banyan, and palasha — with the mantra 'yajna-yajna', the five astringent barks should be offered.

Verse 44 (garuda.1.48.44)

पञ्चगव्यं स्नापयेच्च सहदेव्यादि भिस्ततः ।। सहदेवी बला चैव शतमूली शतावरी

pañcagavyaṁ snāpayecca sahadevyādi bhistataḥ .. sahadevī balā caiva śatamūlī śatāvarī

One should then bathe the image with the five products of the cow, and afterward with sahadevi and the other herbs — sahadevi, bala, shatamuli, shatavari,

Verse 45 (garuda.1.48.45)

कुमारी च गुडूची च सिंही व्याघ्री तथैव च ।। या ओषधीति मन्त्रेण स्नानमोषधिमज्जलैः

kumārī ca guḍūcī ca siṁhī vyāghrī tathaiva ca .. yā oṣadhīti mantreṇa snānamoṣadhimajjalaiḥ

kumari, guduchi, simhi, and vyaghri as well. With the mantra 'ya oshadhih', the bathing should be done with water infused with these herbs.

Verse 46 (garuda.1.48.46)

याः फलिनीति मन्त्रेण फलस्नानं विधीयते ।। द्रुपदादिवेति मन्त्रेण कार्य्यमुद्वर्त्तनं बुधैः

yāḥ phalinīti mantreṇa phalasnānaṁ vidhīyate .. drupadādiveti mantreṇa kāryyamudvarttanaṁ budhaiḥ

With the mantra 'yah phalinih', the bath with fruits is prescribed. With the mantra 'drupadad iva', the wise should perform the anointing with paste.

Verse 47 (garuda.1.48.47)

कलशेषु च विन्यस्य उत्तरादिष्वनुक्रमात् ।। रत्नानि चैव धान्यानि औषधीं शतपुष्पिकाम्

kalaśeṣu ca vinyasya uttarādiṣvanukramāt .. ratnāni caiva dhānyāni auṣadhīṁ śatapuṣpikām

Having placed, in vessels arranged in due order beginning from the north, gems, grains, herbs, and the hundred-flowered plant,

Verse 48 (garuda.1.48.48)

समुद्रांश्चैव विन्यस्य चतुरश्चतुरो दिशः ।। क्षीरं दधि क्षीरोदस्य घृतोदस्येति वा पुनः

samudrāṁścaiva vinyasya caturaścaturo diśaḥ .. kṣīraṁ dadhi kṣīrodasya ghṛtodasyeti vā punaḥ

and having placed the four oceans in the four directions — with milk, curd, and the water of the ocean of milk or of the ocean of ghee,

Verse 49 (garuda.1.48.49)

आप्यायस्व दधिक्राव्णो याऔषधीरितीति च ।। तेजोऽसीति च मन्त्रैश्च कुम्भं चैवाभिमन्त्रयेत्

āpyāyasva dadhikrāvṇo yāauṣadhīritīti ca .. tejo'sīti ca mantraiśca kumbhaṁ caivābhimantrayet

with the mantras 'apyayasva', 'dadhikravnah', 'ya oshadhih', and 'tejo'si', the vessel should also be consecrated.

Verse 50 (garuda.1.48.50)

समुद्राख्यैश्चतुर्भिश्च स्नापयेत्कलशैः पुनः ।। स्नातश्चैव सुवेषश्च धूपो देयश्च गुग्गुलुः

samudrākhyaiścaturbhiśca snāpayetkalaśaiḥ punaḥ .. snātaścaiva suveṣaśca dhūpo deyaśca gugguluḥ

With the four vessels named for the oceans, the image should be bathed once more. After bathing and adornment, guggulu-incense should be offered.

Verse 51 (garuda.1.48.51)

अभिषेकाय कुम्भेषु तत्तत्तीर्थानि विन्यसेत् ।। पृथिव्यां यानि तीर्थानि सरितः सागरास्तथा

abhiṣekāya kumbheṣu tattattīrthāni vinyaset .. pṛthivyāṁ yāni tīrthāni saritaḥ sāgarāstathā

For the anointing, waters of various sacred fords should be placed in the vessels — whatever fords, rivers, and seas exist on the earth.

Verse 52 (garuda.1.48.52)

याओषधीति मन्त्रेण कुम्भं चैवाभिमन्त्रयेत् ।। तेन तोयेन यः स्नायात्स मुच्येत्सर्वपातकैः

yāoṣadhīti mantreṇa kumbhaṁ caivābhimantrayet .. tena toyena yaḥ snāyātsa mucyetsarvapātakaiḥ

With the mantra 'ya oshadhih', the vessel should also be consecrated. Whoever bathes with that water is freed from all sins.

Verse 53 (garuda.1.48.53)

अभिषिच्य समुद्रैश्च त्वर्घ्यं दद्यात्ततः पुनः ।। गन्धद्वारेति गन्धं च न्यासं वै वेदमन्त्रकैः

abhiṣicya samudraiśca tvarghyaṁ dadyāttataḥ punaḥ .. gandhadvāreti gandhaṁ ca nyāsaṁ vai vedamantrakaiḥ

Having anointed with the oceanic waters, one should then offer the water-offering once more. With 'gandhadvara', sandal-paste; and the placement with Vedic mantras,

Verse 54 (garuda.1.48.54)

स्वशास्त्रविहितैः प्राप्तैर्युवंवस्त्रेति वस्त्रकम् ।। कविहाविति मन्त्रेण आनयेन्मण्डपं शुभम्

svaśāstravihitaiḥ prāptairyuvaṁvastreti vastrakam .. kavihāviti mantreṇa ānayenmaṇḍapaṁ śubham

with mantras obtained and prescribed in one's own scripture; with 'yuvam vastra', the garment; with 'kaviha vi', it should be brought into the auspicious pavilion.

Verse 55 (garuda.1.48.55)

शम्भवायेति मन्त्रेण शय्यायां विनिवेशयेत् ।। विश्वतश्चक्षुर्मन्त्रेण कुर्य्यात्सकलनिष्कलम्

śambhavāyeti mantreṇa śayyāyāṁ viniveśayet .. viśvataścakṣurmantreṇa kuryyātsakalaniṣkalam

With the mantra 'shambhavaya', it should be placed upon the couch. With the mantra 'vishvatashchakshuh', the distinction between the manifest and unmanifest aspects should be made.

Verse 56 (garuda.1.48.56)

स्थित्वा चैव परे तत्त्वे मन्त्रन्यासं तु कारयेत् ।। स्वशास्त्रविहितो मन्त्रो न्यासस्तस्मिंस्तथोदितः

sthitvā caiva pare tattve mantranyāsaṁ tu kārayet .. svaśāstravihito mantro nyāsastasmiṁstathoditaḥ

Only having stood established in that supreme reality should the placement of mantras be performed. The mantra prescribed in one's own scripture is what is declared for that placement.

Verse 57 (garuda.1.48.57)

वस्त्रेणाच्छादयित्वा तु पूजनीयः स्वभावतः ।। यथाशास्त्रं निवेद्यानि पादमूले तु दापयेत्

vastreṇācchādayitvā tu pūjanīyaḥ svabhāvataḥ .. yathāśāstraṁ nivedyāni pādamūle tu dāpayet

Having been covered with cloth, it becomes, by its very nature, an object of worship. According to scripture, food-offerings should be presented at its feet.

Verse 58 (garuda.1.48.58)

अथ प्रणवसंयुक्तं वस्त्रयुग्मेन वेष्टितम् ।। कलशं सहिरण्यं च शिरः स्थाने निवेदयेत्

atha praṇavasaṁyuktaṁ vastrayugmena veṣṭitam .. kalaśaṁ sahiraṇyaṁ ca śiraḥ sthāne nivedayet

Then a vessel joined with the Pranava, wrapped in a pair of cloths, together with gold, should be offered at the place of the head.

Verse 59 (garuda.1.48.59)

स्थित्वा कुण्डसमीपेऽथ अग्नेः स्थापनमाचरेत् ।। स्वशास्त्रविहितैर्मन्त्रैर्वेदोक्तैर्वाथ वा गुरुः

sthitvā kuṇḍasamīpe'tha agneḥ sthāpanamācaret .. svaśāstravihitairmantrairvedoktairvātha vā guruḥ

Having taken his place near the fire-pit, one should then perform the establishment of the fire — the guru using mantras prescribed in his own scripture, or those declared in the Veda.

Verse 60 (garuda.1.48.60)

श्रीसूक्तं पावमान्यं च वासदाम्यसवाजिनम् ।। वृषाकपिं च मित्रं बह्वचः पूर्वतो जपेत्

śrīsūktaṁ pāvamānyaṁ ca vāsadāmyasavājinam .. vṛṣākapiṁ ca mitraṁ bahvacaḥ pūrvato japet

The Shri-sukta, the Pavamani hymns, 'vasadamyasavajinam', and the hymns to Vrishakapi and Mitra — these many verses he should recite facing east.

Verse 61 (garuda.1.48.61)

रुद्रं पुरुषसूक्तं च श्लोकाध्यायं च शुक्रियम् ।। ब्रह्माणं पितृमैत्रं च अध्वर्य्युर्दक्षिणे जपेत्

rudraṁ puruṣasūktaṁ ca ślokādhyāyaṁ ca śukriyam .. brahmāṇaṁ pitṛmaitraṁ ca adhvaryyurdakṣiṇe japet

Rudra, the Purusha-sukta, and the Shukriya verse-chapter — the Brahmana and Pitri-Maitra hymns — the Adhvaryu-priest should recite facing south.

Verse 62 (garuda.1.48.62)

वेदव्रतं वामदेव्यं ज्येष्ठसाम रथन्तरम् ।। भेरुण्डानि च सामानि छन्दोगः पश्चिमे जपेत्

vedavrataṁ vāmadevyaṁ jyeṣṭhasāma rathantaram .. bheruṇḍāni ca sāmāni chandogaḥ paścime japet

Vedavrata, Vamadevya, Jyeshtha-Sama, Rathantara, and the Bherunda-Samans — the Chandoga priest should recite facing west.

Verse 63 (garuda.1.48.63)

अथर्वशिरसं चैव कुम्भसूक्तमथर्वणः ।। नीलरुद्रांश्च मैत्रं च अथर्वश्चोत्तरे जपेत्

atharvaśirasaṁ caiva kumbhasūktamatharvaṇaḥ .. nīlarudrāṁśca maitraṁ ca atharvaścottare japet

The Atharva-shiras, the Atharvan's Kumbha-sukta, the Nilarudra hymns, and Maitra — the Atharvan-priest should recite facing north.

Verse 64 (garuda.1.48.64)

कुण्डं चास्त्रेण संप्रोक्ष्य आचार्य्यस्तु विशेषतः ।। ताम्रपात्रे शरावे वा यथाविभवतोऽपि वा

kuṇḍaṁ cāstreṇa saṁprokṣya ācāryyastu viśeṣataḥ .. tāmrapātre śarāve vā yathāvibhavato'pi vā

Having sprinkled the fire-pit with the weapon-mantra, the acharya, especially — in a copper vessel or an earthen dish, or according to his means,

Verse 65 (garuda.1.48.65)

जातवेदसमानीय अग्रतस्तं निवेशयेत् ।। अस्त्रेण ज्वालयेद्वह्निं कवचेन तु वेष्टयेत्

jātavedasamānīya agratastaṁ niveśayet .. astreṇa jvālayedvahniṁ kavacena tu veṣṭayet

having brought Jatavedas (Agni), should place it before him. With the weapon-mantra he should kindle the fire, and with the armor-mantra encircle it.

Verse 66 (garuda.1.48.66)

अमृतीकृत्य तं पश्चान्मन्त्रैः सर्वैश्च देशिकः ।। पात्रं गृह्य कराभ्यां च कुण्डं भ्राम्य ततः पुनः

amṛtīkṛtya taṁ paścānmantraiḥ sarvaiśca deśikaḥ .. pātraṁ gṛhya karābhyāṁ ca kuṇḍaṁ bhrāmya tataḥ punaḥ

Having thus rendered it immortal, the acharya, with all the mantras, taking the vessel in both hands, should then circle the fire-pit,

Verse 67 (garuda.1.48.67)

वैष्णवेन तु योगेन परं तेजस्तु निः क्षिपेत् ।। दक्षिणे स्थापयेद्ब्रह्म प्रणीताञ्चोत्तरेण तु

vaiṣṇavena tu yogena paraṁ tejastu niḥ kṣipet .. dakṣiṇe sthāpayedbrahma praṇītāñcottareṇa tu

and, through the Vaishnava power of yoga, cast the supreme radiance into it. He should establish the Brahma-priest to the south, and the offering-water vessel to the north,

Verse 68 (garuda.1.48.68)

साधारणेन मन्त्रेण स्वसूत्रविहितेन वा ।। दिक्षुदिक्षु ततो दद्यात्परिधीं विष्टरैः सह

sādhāraṇena mantreṇa svasūtravihitena vā .. dikṣudikṣu tato dadyātparidhīṁ viṣṭaraiḥ saha

with the common mantra, or with the one prescribed in his own Vedic branch. Then, in each direction, he should place the enclosing sticks along with the seats.

Verse 69 (garuda.1.48.69)

ब्रह्मविष्णुहरेशानाः पूज्याः साधारणेन तु ।। दर्भेषु स्थापयेद्वह्निं दर्भैश्च परिवेष्टितम्

brahmaviṣṇuhareśānāḥ pūjyāḥ sādhāraṇena tu .. darbheṣu sthāpayedvahniṁ darbhaiśca pariveṣṭitam

Brahma, Vishnu, Hara, and Ishana should be worshipped with the common mantra. Having established the fire upon kusha grass, one should surround it with kusha as well.

Verse 70 (garuda.1.48.70)

दर्भतोयेन संस्पृष्टो मन्त्रहीनोऽपि शुध्यति ।। प्रागग्रैरुदगग्रैश्च प्रत्यगग्रैरखण्डितैः

darbhatoyena saṁspṛṣṭo mantrahīno'pi śudhyati .. prāgagrairudagagraiśca pratyagagrairakhaṇḍitaiḥ

Even one without mantras becomes purified when touched by kusha-water. With blades pointing east, pointing north, and pointing west, unbroken,

Verse 71 (garuda.1.48.71)

विततैर्वेष्टितो वह्निः स्वयं सान्निध्यमाव्रजेत् ।। अग्नेस्तु रक्षणार्थाय यदुक्तं कर्ममन्त्रवित्

vitatairveṣṭito vahniḥ svayaṁ sānnidhyamāvrajet .. agnestu rakṣaṇārthāya yaduktaṁ karmamantravit

spread and encircled, the fire itself draws near of its own accord. That rite prescribed for the protection of the fire, the knower of the rite-mantras should perform —

Verse 72 (garuda.1.48.72)

आचार्य्याः केचिदिच्छन्ति जातकर्माद्यनन्तरम् ।। पवित्रं तु ततः कृत्वा कुर्य्यादाज्यस्य संस्कृतिम्

ācāryyāḥ kecidicchanti jātakarmādyanantaram .. pavitraṁ tu tataḥ kṛtvā kuryyādājyasya saṁskṛtim

some acharyas hold it proper to perform this right after the birth-rite and the rest. Having then performed the purification, the sanctification of the ghee should be done.

Verse 73 (garuda.1.48.73)

आचार्य्योऽथ निरीक्ष्यापि नीराज्यमभिमन्त्रितम् ।। आज्यभागाभिघारान्तमवेक्षेताज्यसिद्धये

ācāryyo'tha nirīkṣyāpi nīrājyamabhimantritam .. ājyabhāgābhighārāntamavekṣetājyasiddhaye

The acharya, having also looked upon the consecrated offering-lamp, should observe, for the perfection of the ghee, the sequence from the ajya-offering to the final anointing.

Verse 74 (garuda.1.48.74)

पञ्चपञ्चाहुतीर्हुत्वा आज्येन तदनन्तरम् ।। गर्भाधानादितस्तावद्यावद्गोदानिकं भवेत्

pañcapañcāhutīrhutvā ājyena tadanantaram .. garbhādhānāditastāvadyāvadgodānikaṁ bhavet

Thereafter, having offered five sets of five oblations of ghee, with the mantras from the conception-rite up to the first-shaving rite,

Verse 75 (garuda.1.48.75)

स्वशास्त्रविहितैर्मन्त्रैः प्रणवेनाथ होमयेत् ।। ततः पूर्णाहुतिं दत्त्वा पूर्णात्पूर्णमनारेथः

svaśāstravihitairmantraiḥ praṇavenātha homayet .. tataḥ pūrṇāhutiṁ dattvā pūrṇātpūrṇamanārethaḥ

with mantras prescribed in one's own scripture, or with the Pranava, the oblation should be offered. Then, having given the full oblation, in unbroken continuity from full to full,

Verse 76 (garuda.1.48.76)

एवमुत्पादितो वह्निः सर्वकर्मसु सिद्धिदः ।। पूजयित्वा ततो वह्निं कुण्डेषु विहरेत्तथा

evamutpādito vahniḥ sarvakarmasu siddhidaḥ .. pūjayitvā tato vahniṁ kuṇḍeṣu viharettathā

the fire thus generated grants success in every rite. Having worshipped the fire, it should then be distributed among the other fire-pits,

Verse 77 (garuda.1.48.77)

इन्द्रादीनां स्वमन्त्रैश्च तथाहुतिशतं शतम् ।। पुर्णाहुतिं शतस्यान्ते सर्वेषां चैव होमयेत्

indrādīnāṁ svamantraiśca tathāhutiśataṁ śatam .. purṇāhutiṁ śatasyānte sarveṣāṁ caiva homayet

to Indra and the other directional deities, with their own mantras, a hundred oblations each. At the end of the hundred, the full oblation should be offered to all of them together.

Verse 78 (garuda.1.48.78)

स्वामाहुतिमथाज्येषु होता तत्कलशे न्यसेत् ।। देवताश्चैव मन्त्रांश्च तथैव जातवेदसम्

svāmāhutimathājyeṣu hotā tatkalaśe nyaset .. devatāścaiva mantrāṁśca tathaiva jātavedasam

Then the officiant should place his own oblation among the ghee-offerings, in that same vessel — the deities, the mantras, and Jatavedas as well,

Verse 79 (garuda.1.48.79)

आत्मानमेकतः कृत्वा ततः पूर्णां प्रदापयेत् ।। निष्कृष्य बहिराचार्य्यो दिक्पालानां बलिं हरेत्

ātmānamekataḥ kṛtvā tataḥ pūrṇāṁ pradāpayet .. niṣkṛṣya bahirācāryyo dikpālānāṁ baliṁ haret

having made himself one with them, should then offer the full oblation. Having stepped outside, the acharya should offer the bali to the guardians of the directions,

Verse 80 (garuda.1.48.80)

भूतानां चैव देवानां नागानां च प्रयोगतः ।। तिलाश्च समिधश्चैव होमद्रव्यं द्वयं स्मृतम्

bhūtānāṁ caiva devānāṁ nāgānāṁ ca prayogataḥ .. tilāśca samidhaścaiva homadravyaṁ dvayaṁ smṛtam

and, in due order, to the elemental spirits, the gods, and the serpents as well. Sesame seeds and sacrificial sticks — these two are declared as the materials of the oblation.

Verse 81 (garuda.1.48.81)

आज्यं तयोः सहकारि तत्प्रधानं यदङ्क(क्ष)योः ।। पुरुषसुक्तं पूर्वेणैव रुद्रचैव तु दक्षिणे

ājyaṁ tayoḥ sahakāri tatpradhānaṁ yadaṅka(kṣa)yoḥ .. puruṣasuktaṁ pūrveṇaiva rudracaiva tu dakṣiṇe

Ghee assists both, and is itself the principal ingredient in each. The Purusha-sukta facing east alone; and Rudra facing south;

Verse 82 (garuda.1.48.82)

ज्येष्ठसाम च भारुण्डं तन्नयामीति पश्चिमे ।। नीलरुद्रो महामन्त्रः कुम्भसूक्तमथर्वणः

jyeṣṭhasāma ca bhāruṇḍaṁ tannayāmīti paścime .. nīlarudro mahāmantraḥ kumbhasūktamatharvaṇaḥ

the Jyeshtha-Sama and the Bherunda hymn, 'tan nayami' — facing west; the great Nilarudra mantra, the Atharvan's Kumbha-sukta, facing north.

Verse 83 (garuda.1.48.83)

हुत्वा सहस्त्रमेकैकं देवं शिरसि कल्पयेत् ।। एवं मध्ये तथा पादे पूर्णाहुत्या तथा पुनः

hutvā sahastramekaikaṁ devaṁ śirasi kalpayet .. evaṁ madhye tathā pāde pūrṇāhutyā tathā punaḥ

Having offered a thousand oblations each, each deity should be established at the head. Likewise in the middle, and at the feet as well, again with the full oblation,

Verse 84 (garuda.1.48.84)

शिरः स्थानेषु जुहुयादाविशेच्चाप्यनुक्रमात् ।। वेदानामादिमन्त्रैर्वा मन्त्रैर्वा देवनामभिः

śiraḥ sthāneṣu juhuyādāviśeccāpyanukramāt .. vedānāmādimantrairvā mantrairvā devanāmabhiḥ

having offered at the head-places, entry should be caused in due order — with the primary mantras of the Vedas, or with the name-mantras of the deities,

Verse 85 (garuda.1.48.85)

स्वशास्त्रविहितैर्वापि गायत्त्र्या वाथ ते द्विजाः ।। गायत्त्र्या वाथवाचार्य्यो व्याहृतिप्रणवेन तु

svaśāstravihitairvāpi gāyattryā vātha te dvijāḥ .. gāyattryā vāthavācāryyo vyāhṛtipraṇavena tu

or with mantras prescribed in one's own scripture, or with the Gayatri — thus the brahmins should proceed. With the Gayatri, or with the vyahriti-formulas and the Pranava, the acharya should proceed.

Verse 86 (garuda.1.48.86)

एवं होमविधिं कृत्वा न्यसेन्मन्त्रांस्तु देशिकः ।। चरणावग्निमीळे तु इषेत्वो गुल्फयोः स्थिताः

evaṁ homavidhiṁ kṛtvā nyasenmantrāṁstu deśikaḥ .. caraṇāvagnimīḷe tu iṣetvo gulphayoḥ sthitāḥ

Having thus performed the oblation-rite, the teacher should place the mantras — 'agnim ile' upon the two feet, 'ise tva' upon the two ankles;

Verse 87 (garuda.1.48.87)

अग्न आयाहि जङ्घे द्वे शन्नोदेवीति जानुनी ।। बृहद्रथन्तरे ऊरू उदरेष्वातिलो (स्वातिनो) न्यसेत्

agna āyāhi jaṅghe dve śannodevīti jānunī .. bṛhadrathantare ūrū udareṣvātilo (svātino) nyaset

'agna ayahi' upon the two shins, 'sam no devi' upon the two knees; the Brihat and Rathantara upon the two thighs, and 'a tva' should be placed upon the belly.

Verse 88 (garuda.1.48.88)

दीर्घायुष्ट्वाय हृदये श्रीश्चते गलके न्यसेत् ।। त्रातारमिन्द्रमुरसि नेत्राभ्यां तु त्रियम्बकम्

dīrghāyuṣṭvāya hṛdaye śrīścate galake nyaset .. trātāramindramurasi netrābhyāṁ tu triyambakam

'dirghayushtvaya' upon the heart, 'shrishcha te' upon the throat; 'tratam indram' upon the chest, and 'tryambakam' upon the two eyes;

Verse 89 (garuda.1.48.89)

मूर्द्धाभव तथा मूर्ध्नि आलग्नाद्धोममाचरेत् ।। उत्था पयेत्ततो देवमुत्तिष्ठब्रह्मणस्पते !

mūrddhābhava tathā mūrdhni ālagnāddhomamācaret .. utthā payettato devamuttiṣṭhabrahmaṇaspate !

likewise 'murdha bhava' upon the head — thus should the oblation be offered at each point. The deity should then be roused, with 'uttishtha brahmanaspate'.

Verse 90 (garuda.1.48.90)

वेदपुण्याहशब्देन प्रासादानां प्रदक्षिणम् ।। पिण्डिकालंभनं कृत्वा देवस्यत्वेति मन्त्रवित्

vedapuṇyāhaśabdena prāsādānāṁ pradakṣiṇam .. piṇḍikālaṁbhanaṁ kṛtvā devasyatveti mantravit

With the Vedic Punyaha-utterance, the circumambulation of the temples should be performed. Having touched the pedestal, the knower of mantras should say 'devasya tva'.

Verse 91 (garuda.1.48.91)

दिक्पालान्सह रत्नैश्च धातूनौषधयस्तथा ।। लौहबीजानि सिद्धानि पश्चाद्देवं तु विन्यसेत्

dikpālānsaha ratnaiśca dhātūnauṣadhayastathā .. lauhabījāni siddhāni paścāddevaṁ tu vinyaset

Having placed the guardians of the directions together with gems, minerals and herbs, and perfected metallic seeds, thereafter the deity should be installed.

Verse 92 (garuda.1.48.92)

न गर्भे स्थापयेद्देवं न गर्भं तु परित्यजेत् ।। ईषन्मध्यं परित्यज्य ततो दोषापहं तु तत्

na garbhe sthāpayeddevaṁ na garbhaṁ tu parityajet .. īṣanmadhyaṁ parityajya tato doṣāpahaṁ tu tat

The deity should not be placed too deep within the sanctum-cavity, nor should the cavity be left altogether empty; leaving a small space in the middle removes any fault.

Verse 93 (garuda.1.48.93)

तिलस्य तुषमात्रं तु उत्तरं किञ्चिदानयेत् ।। ॐ स्थिरो भव शिवो भव प्रजाभ्यश्च नमोनमः

tilasya tuṣamātraṁ tu uttaraṁ kiñcidānayet .. oṁ sthiro bhava śivo bhava prajābhyaśca namonamaḥ

A space the measure of a sesame husk should be left, slightly toward the north. 'Om, be steadfast, be auspicious; homage, homage to the offspring of the world' —

Verse 94 (garuda.1.48.94)

देवस्य त्वा सवितुर्वः षड्भ्यो वै विन्यसेद्गुरुः ।। तत्त्ववर्णकलामात्रं प्रजानि भुवनात्मजे

devasya tvā saviturvaḥ ṣaḍbhyo vai vinyasedguruḥ .. tattvavarṇakalāmātraṁ prajāni bhuvanātmaje

'devasya tva savituh' — by these six mantras the guru should install it. The measure of essence, letter, and portion — 'prajani bhuvanatmaje' —

Verse 95 (garuda.1.48.95)

षड्भ्यो विन्यस्य सिद्धार्थं ध्रुवार्थैरभिमन्त्रयेत् ।। सम्पातकलशेनैव स्नापयेत्सुप्रतिष्ठितम्

ṣaḍbhyo vinyasya siddhārthaṁ dhruvārthairabhimantrayet .. sampātakalaśenaiva snāpayetsupratiṣṭhitam

having installed it with these six, one should consecrate the now-accomplished deity with the fixed mantras. With the gathered water of the collected vessels, the now duly-established image should be bathed.

Verse 96 (garuda.1.48.96)

दीपधूपसुगन्धैश्च नैवेद्यैश्च प्रपूजयेत् ।। अर्घ्यं दत्त्वा नमस्कृत्य ततो देवं क्षमापयेत्

dīpadhūpasugandhaiśca naivedyaiśca prapūjayet .. arghyaṁ dattvā namaskṛtya tato devaṁ kṣamāpayet

It should be worshipped with lamps, incense, fragrances, and food-offerings. Having given the water-offering and bowed in homage, one should then ask forgiveness of the deity.

Verse 97 (garuda.1.48.97)

पात्रं वस्त्रयुगं छत्रं तथा दिव्याङ्गुलीयकम् ।। ऋत्त्विग्भ्यश्च प्रदातव्या दक्षिणा चैव शक्तितः

pātraṁ vastrayugaṁ chatraṁ tathā divyāṅgulīyakam .. ṛttvigbhyaśca pradātavyā dakṣiṇā caiva śaktitaḥ

A vessel, a pair of garments, an umbrella, and a fine ring — these, along with a fee according to one's means, should be given to the ritual priests.

Verse 98 (garuda.1.48.98)

चतुर्थी जुहुयात्पश्चाद्यजमानः समाहितः ।। आहुतीनां शतं हुत्वा ततः पूर्णां प्रदापयेत्

caturthī juhuyātpaścādyajamānaḥ samāhitaḥ .. āhutīnāṁ śataṁ hutvā tataḥ pūrṇāṁ pradāpayet

The patron of the rite, with focused mind, should then offer the fourth oblation. Having offered a hundred oblations, he should then present the full oblation.

Verse 99 (garuda.1.48.99)

निष्क्रम्य बहिराचार्य्यो दिक्पालानां बलिं हरेत् ।। आचार्य्यः पुष्पहस्तस्तु क्षमस्वेति विसर्जयेत्

niṣkramya bahirācāryyo dikpālānāṁ baliṁ haret .. ācāryyaḥ puṣpahastastu kṣamasveti visarjayet

Having stepped outside, the acharya should offer the bali to the guardians of the directions. With flowers in hand, the acharya, saying 'forgive us', should perform the dismissal.

Verse 100 (garuda.1.48.100)

यागान्ते कपिलां दद्यादाचार्य्याय च चामरम् ।। मुकुटं कुण्डलं छत्रं केयूरं कटिसूत्रकम्

yāgānte kapilāṁ dadyādācāryyāya ca cāmaram .. mukuṭaṁ kuṇḍalaṁ chatraṁ keyūraṁ kaṭisūtrakam

At the conclusion of the rite, a cow and a fly-whisk should be given to the acharya — a crown, earrings, an umbrella, an armlet, a girdle-cord,

Verse 101 (garuda.1.48.101)

व्यजनं ग्रामवस्त्रादीन्सोपस्कारं सुमण्डपम् ।। भोजनं च महात्कुर्य्यात्कृतकृत्यश्च जायते ।। यजमानो विमुक्तः स्यात्स्थापकस्य प्रसादतः

vyajanaṁ grāmavastrādīnsopaskāraṁ sumaṇḍapam .. bhojanaṁ ca mahātkuryyātkṛtakṛtyaśca jāyate .. yajamāno vimuktaḥ syātsthāpakasya prasādataḥ

a fan, village-cloths and the like, together with accessories, and also a fine pavilion. A grand feast should also be given, and thus one's duty becomes fulfilled — by the grace of the installer, the patron of the rite is set free.