The Glory of Gaya (II) — The Sacred Sites and Their Fruits

Verse 1 (garuda.1.83.1)

ब्रह्मोवाच । कीकटेषु गया पुण्या पुण्यं राजगृहं वनम् । विषयश्चारणः पुण्यो नदीनां च पुनः पुना

brahmovāca kīkaṭeṣu gayā puṇyā puṇyaṁ rājagṛhaṁ vanam viṣayaścāraṇaḥ puṇyo nadīnāṁ ca punaḥ punā

Brahma said: In the land of Kikata, Gaya is sacred, sacred is the forest of Rajagriha; the region of Charana is sacred, and its rivers too, again and again.

Verse 2 (garuda.1.83.2)

मुण्डपृष्ठं तु पूर्वस्मिन्पश्चिमे दक्षिणोत्तरे । सार्द्धक्रोशद्वयं मानं गयायां परिकीर्त्तितम्

muṇḍapṛṣṭhaṁ tu pūrvasminpaścime dakṣiṇottare sārddhakrośadvayaṁ mānaṁ gayāyāṁ parikīrttitam

Mundaprishtha lies to the east; westward, southward, and northward, the extent of Gaya is declared to be two and a half kroshas.

Verse 3 (garuda.1.83.3)

पञ्चक्रोशं गयाक्षेत्रं क्रोशमेकं गयाशिरः । तत्र पिण्डप्रदानेन तृप्तिर्भवति शाश्वती

pañcakrośaṁ gayākṣetraṁ krośamekaṁ gayāśiraḥ tatra piṇḍapradānena tṛptirbhavati śāśvatī

The field of Gaya is five kroshas, and Gayashiras is one krosha; by offering pinda there, eternal satisfaction is attained.

Verse 4 (garuda.1.83.4)

नगाज्जनार्दनाच्चैव कूपाच्चोत्तरमानसात् । एतद्गयाशिरः प्रोक्तं फल्गुतीर्थं तदुच्यते

nagājjanārdanāccaiva kūpāccottaramānasāt etadgayāśiraḥ proktaṁ phalgutīrthaṁ taducyate

From the hill, from Janardana, and from the well of Uttaramanasa — this is declared to be Gayashiras; that is also called the Phalgu tirtha.

Verse 5 (garuda.1.83.5)

तत्र पिण्डप्रदानेन पितॄणा परमा गतिः । गयागमनमात्रेण पितॄणामनृणो भवेत्

tatra piṇḍapradānena pitṝṇā paramā gatiḥ gayāgamanamātreṇa pitṝṇāmanṛṇo bhavet

By offering pinda there, the ancestors attain the supreme goal; by the mere act of going to Gaya, one becomes free from debt to one's ancestors.

Verse 6 (garuda.1.83.6)

गयायां पितृरूपेण देवदेवो जनार्द्दनः । तं दृष्ट्वा पुण्डरीकाक्षं मुच्यते वै ऋणत्रयात्

gayāyāṁ pitṛrūpeṇa devadevo janārddanaḥ taṁ dṛṣṭvā puṇḍarīkākṣaṁ mucyate vai ṛṇatrayāt

At Gaya, Janardana, the god of gods, stands in the form of the ancestors; having seen that lotus-eyed one, one is indeed freed from the three debts.

Verse 7 (garuda.1.83.7)

रथमार्गं गयतीर्थे दृष्ट्वा रुद्रपदादिके । कालेश्वरं च केदारं पितॄणामनृणो भवेत्

rathamārgaṁ gayatīrthe dṛṣṭvā rudrapadādike kāleśvaraṁ ca kedāraṁ pitṝṇāmanṛṇo bhavet

Having seen Rathamarga at the Gaya tirtha, and the shrines beginning with Rudrapada, and Kaleshvara and Kedara, one becomes free from debt to one's ancestors.

Verse 8 (garuda.1.83.8)

दृष्ट्वा पितामहं देवं सर्वपापैः प्रमुच्यते । लोकं त्वनामयं याति दृष्ट्वा च प्रपितामहम्

dṛṣṭvā pitāmahaṁ devaṁ sarvapāpaiḥ pramucyate lokaṁ tvanāmayaṁ yāti dṛṣṭvā ca prapitāmaham

Having seen the god Pitamaha, one is released from all sins; and having seen Prapitamaha, one goes to the world free from affliction.

Verse 9 (garuda.1.83.9)

तथा गदाधरं देवं माधवं पुरुषोत्तमम् । तं प्रणम्य प्रयत्नेन न भूयो जायते नरः

tathā gadādharaṁ devaṁ mādhavaṁ puruṣottamam taṁ praṇamya prayatnena na bhūyo jāyate naraḥ

Likewise, having with effort bowed to the god Gadadhara, to Madhava, and to Purushottama, a man is not born again.

Verse 10 (garuda.1.83.10)

मौनादित्यं महात्मानं कनकार्कं विशेषतः । दृष्ट्वा मौनेन विप्रर्षे पितॄणामनृणो भवेत्

maunādityaṁ mahātmānaṁ kanakārkaṁ viśeṣataḥ dṛṣṭvā maunena viprarṣe pitṝṇāmanṛṇo bhavet

O sage among brahmins, having silently beheld the great Maunaditya, and especially Kanakarka, one becomes free from debt to one's ancestors.

Verse 11 (garuda.1.83.11)

ब्रह्माणं पूजयित्वा च ब्रह्मलोकमवाप्नुयात् । गायत्त्रीं प्रतरुत्थाय यस्तु पश्यति मानवः

brahmāṇaṁ pūjayitvā ca brahmalokamavāpnuyāt gāyattrīṁ pratarutthāya yastu paśyati mānavaḥ

By worshipping Brahma, one attains the world of Brahma. The man who, rising at dawn, beholds Gayatri —

Verse 12 (garuda.1.83.12)

सन्ध्यां कृत्वा प्रयत्नेन सर्ववेदफलं लभेत् । सावित्रीं चैव मध्याह्ने दृष्ट्वा यज्ञफलं लभेत्

sandhyāṁ kṛtvā prayatnena sarvavedaphalaṁ labhet sāvitrīṁ caiva madhyāhne dṛṣṭvā yajñaphalaṁ labhet

and diligently performs the twilight rite, obtains the fruit of all the Vedas; and, having seen Savitri at midday, obtains the fruit of a sacrifice.

Verse 13 (garuda.1.83.13)

सरस्वतीं च सायाह्ने दृष्ट्वा दानफलं लभेत् । नगस्थमीश्वरं दृष्ट्वा पितॄणामनृणो भवेत्

sarasvatīṁ ca sāyāhne dṛṣṭvā dānaphalaṁ labhet nagasthamīśvaraṁ dṛṣṭvā pitṝṇāmanṛṇo bhavet

Having seen Sarasvati in the evening, one obtains the fruit of giving gifts; and having seen Ishvara seated on the mountain, one becomes free from debt to one's ancestors.

Verse 14 (garuda.1.83.14)

धर्मारण्यं धर्ममीशं दृष्ट्वा स्यादृणनाशनम् । देवं गृध्रेश्वरं दृष्ट्वा को न मुच्येत बन्धनात्

dharmāraṇyaṁ dharmamīśaṁ dṛṣṭvā syādṛṇanāśanam devaṁ gṛdhreśvaraṁ dṛṣṭvā ko na mucyeta bandhanāt

Having seen Dharmaranya and Dharmesha, one's debt is destroyed; having seen the god Gridhreshvara, who would not be freed from bondage?

Verse 15 (garuda.1.83.15)

धेनुं दृष्ट्वा धेनुवने ब्रह्मलोकं नयेत्पितॄन् । प्रभासेशं प्रभासे च दृष्ट्वा याति परां गतिम्

dhenuṁ dṛṣṭvā dhenuvane brahmalokaṁ nayetpitṝn prabhāseśaṁ prabhāse ca dṛṣṭvā yāti parāṁ gatim

Having seen the divine cow in Dhenuvana, one leads one's ancestors to the world of Brahma; having seen Prabhasesha at Prabhasa, one attains the supreme goal.

Verse 16 (garuda.1.83.16)

कोटीश्वरं चाश्वमेधं दृष्ट्वा स्यादृणनाशनम् । स्वर्गद्वारेश्वरं दृष्ट्वा मुच्यते भवबन्धनात्

koṭīśvaraṁ cāśvamedhaṁ dṛṣṭvā syādṛṇanāśanam svargadvāreśvaraṁ dṛṣṭvā mucyate bhavabandhanāt

Having seen Kotishvara and Ashvamedha, one's debt is destroyed; having seen Svargadvareshvara, one is freed from the bondage of worldly existence.

Verse 17 (garuda.1.83.17)

रामेश्वरं गदालोलं दृष्ट्वा स्वर्गमवाप्नुयात् । ब्रह्मेश्वरं तथा दृष्ट्वा मुच्यते ब्रह्महत्यया

rāmeśvaraṁ gadālolaṁ dṛṣṭvā svargamavāpnuyāt brahmeśvaraṁ tathā dṛṣṭvā mucyate brahmahatyayā

Having seen Rameshvara and Gadalola, one attains heaven; and having seen Brahmeshvara, one is freed from the sin of killing a brahmin.

Verse 18 (garuda.1.83.18)

मुण्डपृष्ठे महाचण्डीं दृष्ट्वा कामानवाप्नुयात् । फल्ग्वीशं फल्गुचण्डीं च गौरीं दृष्ट्वा च मङ्गलाम्

muṇḍapṛṣṭhe mahācaṇḍīṁ dṛṣṭvā kāmānavāpnuyāt phalgvīśaṁ phalgucaṇḍīṁ ca gaurīṁ dṛṣṭvā ca maṅgalām

Having seen Mahachandi at Mundaprishtha, one obtains one's desires; having seen Phalgvisha, Phalguchandi, Gauri, and the auspicious goddess Mangala —

Verse 19 (garuda.1.83.19)

गोमकं गोपतिं देवं पितॄणामनृणो भवेत् । अङ्गारेशं च सिद्धेशं गयादित्यं गजं तथा

gomakaṁ gopatiṁ devaṁ pitṝṇāmanṛṇo bhavet aṅgāreśaṁ ca siddheśaṁ gayādityaṁ gajaṁ tathā

having seen Gomaka and the god Gopati, one becomes free from debt to one's ancestors; and having seen Angaresha, Siddhesha, Gayaditya, and Gaja —

Verse 20 (garuda.1.83.20)

मार्कण्डेयेश्वरं दृष्ट्वा पितॄणामनृणो भवेत् । फल्गुतीर्थे नरः स्नात्वा दृष्ट्वा देवं गदाधरम्

mārkaṇḍeyeśvaraṁ dṛṣṭvā pitṝṇāmanṛṇo bhavet phalgutīrthe naraḥ snātvā dṛṣṭvā devaṁ gadādharam

having seen Markandeyeshvara, one becomes free from debt to one's ancestors; a man, having bathed at the Phalgu tirtha and having seen the god Gadadhara —

Verse 21 (garuda.1.83.21)

एतेन किं न पर्य्याप्तं नॄणां सुकृतकारिणाम् । ब्रह्मलोकं प्रयान्तीह पुरुषा एकविंशतिः

etena kiṁ na paryyāptaṁ nṝṇāṁ sukṛtakāriṇām brahmalokaṁ prayāntīha puruṣā ekaviṁśatiḥ

what more remains to be attained by men of virtuous deeds through this? By this, twenty-one generations go to the world of Brahma.

Verse 22 (garuda.1.83.22)

पृथिव्यां यानि तीर्थानि ये समुद्राः सरांसि च । फल्गुतीर्थं गमिष्यन्ति वारमेकं दिने दिने

pṛthivyāṁ yāni tīrthāni ye samudrāḥ sarāṁsi ca phalgutīrthaṁ gamiṣyanti vāramekaṁ dine dine

Whatever tirthas, oceans, and lakes there are on earth, they all come once each day to the Phalgu tirtha.

Verse 23 (garuda.1.83.23)

पृथिव्यां च गया पुण्या गयायां च गयाशिरः । श्रेष्ठं तथा फल्गुतीर्थं तन्मुखं च सुरस्य हि

pṛthivyāṁ ca gayā puṇyā gayāyāṁ ca gayāśiraḥ śreṣṭhaṁ tathā phalgutīrthaṁ tanmukhaṁ ca surasya hi

On earth, Gaya is sacred; within Gaya, Gayashiras is best; and likewise the Phalgu tirtha is supreme — it is indeed the very mouth of the god.

Verse 24 (garuda.1.83.24)

उदीचि कनकानद्यो नाभितीर्थं तु मध्यतः । पुण्यं ब्रह्मसदस्तीर्थं स्नानात्स्याद्ब्रह्मलोकदम्

udīci kanakānadyo nābhitīrthaṁ tu madhyataḥ puṇyaṁ brahmasadastīrthaṁ snānātsyādbrahmalokadam

To the north are the Kanaka rivers, and Nabhitirtha lies in the middle; the sacred tirtha of Brahmasadas grants, through bathing, the world of Brahma.

Verse 25 (garuda.1.83.25)

कूपे पिण्डादिकं कृत्वा पितॄणामनृणो भवेत् । तथाक्षयवटे श्राद्धी ब्रह्मलोकं नयेत्पितॄन्

kūpe piṇḍādikaṁ kṛtvā pitṝṇāmanṛṇo bhavet tathākṣayavaṭe śrāddhī brahmalokaṁ nayetpitṝn

Having offered pinda and the like at the well, one becomes free from debt to one's ancestors; likewise, one who performs shraddha at the Akshayavata leads his ancestors to the world of Brahma.

Verse 26 (garuda.1.83.26)

हंसतीर्थे नरः स्नात्वा सर्वपापैः प्रमुच्यते । कोटितीथ गयालोके वैतरण्यां च गोमके

haṁsatīrthe naraḥ snātvā sarvapāpaiḥ pramucyate koṭitītha gayāloke vaitaraṇyāṁ ca gomake

A man, having bathed at Hamsatirtha, is released from all sins; likewise at Kotitirtha in Gaya, at the Vaitarani, and at Gomaka —

Verse 27 (garuda.1.83.27)

ब्रह्मलोकं नयेच्छ्राद्धी पुरुषानेकविंशतिम् । ब्रह्मतीर्थे रामतीर्थे आग्नेये सोमतीर्थके

brahmalokaṁ nayecchrāddhī puruṣānekaviṁśatim brahmatīrthe rāmatīrthe āgneye somatīrthake

one performing shraddha leads twenty-one generations to the world of Brahma; likewise at Brahmatirtha, Ramatirtha, Agneya, and Somatirtha —

Verse 28 (garuda.1.83.28)

श्राद्धी रामह्रदे ब्रह्मलोकं पितृकुलं नयेत् । उत्तरे मानसे श्राद्धी न भूयो जायते नरः

śrāddhī rāmahrade brahmalokaṁ pitṛkulaṁ nayet uttare mānase śrāddhī na bhūyo jāyate naraḥ

one who performs shraddha at Ramahrada leads his ancestral family to the world of Brahma; one performing shraddha at the northern Manasa is not born again.

Verse 29 (garuda.1.83.29)

दक्षिणे मानसे श्राद्धी ब्रह्मलोकं पितॄन्नयेत् । स्वगद्वारे नरः श्राद्धी ब्रह्मलोकं नयेत्पितॄन् । भीष्मतर्पणकृत्तस्य कूटे तारयते पितॄन् । गृध्रेश्वरे तथा श्राद्धी पितॄणामनृणो भवेत्

dakṣiṇe mānase śrāddhī brahmalokaṁ pitṝnnayet svagadvāre naraḥ śrāddhī brahmalokaṁ nayetpitṝn bhīṣmatarpaṇakṛttasya kūṭe tārayate pitṝn gṛdhreśvare tathā śrāddhī pitṝṇāmanṛṇo bhavet

One performing shraddha at the southern Manasa leads his ancestors to the world of Brahma; a man performing shraddha at Svargadvara likewise leads his ancestors there. One who performs the Bhishma-tarpana at its peak delivers his ancestors across; and one performing shraddha at Gridhreshvara becomes free from debt to his ancestors.

Verse 30 (garuda.1.83.30)

श्राद्धी च धेनुकारण्ये ब्रह्मलोकं पितॄन्नयेत् । तिलधेनुप्रदः स्नात्वा दृष्ट्वा धेनुं न संशयः

śrāddhī ca dhenukāraṇye brahmalokaṁ pitṝnnayet tiladhenupradaḥ snātvā dṛṣṭvā dhenuṁ na saṁśayaḥ

One who performs shraddha in Dhenukaranya leads his ancestors to the world of Brahma; one who gives a sesame-cow, having bathed and beheld the divine cow, obtains the same fruit without doubt.

Verse 31 (garuda.1.83.31)

ऐन्द्रे वा नरतीर्थे च वासवे वैष्णवे तथा । महानद्यां कृतश्राद्धो ब्रह्मलोकं नयेत्पितॄन्

aindre vā naratīrthe ca vāsave vaiṣṇave tathā mahānadyāṁ kṛtaśrāddho brahmalokaṁ nayetpitṝn

At Aindra, or at Naratirtha, at Vasava and Vaishnava, and having performed shraddha at the Mahanadi, one leads one's ancestors to the world of Brahma.

Verse 32 (garuda.1.83.32)

गायत्त्रे चैव सावित्रे तीर्थे सारस्वते तथा । स्नानसन्ध्यातर्पणकृच्छ्राद्धी चैकोत्तरं शतम्

gāyattre caiva sāvitre tīrthe sārasvate tathā snānasandhyātarpaṇakṛcchrāddhī caikottaraṁ śatam

At the tirthas of Gayatra, Savitra, and Sarasvata, one who performs bathing, the twilight rite, tarpana, and shraddha —

Verse 33 (garuda.1.83.33)

पितॄणां तु कुलं ब्रह्मलोकं नयति मानवः । ब्रह्मयोनिं विनिर्गच्छेत्प्रयतः पितृमानसः

pitṝṇāṁ tu kulaṁ brahmalokaṁ nayati mānavaḥ brahmayoniṁ vinirgacchetprayataḥ pitṛmānasaḥ

leads a hundred and one generations of the ancestral family to the world of Brahma. The self-controlled man, his mind fixed upon his ancestors, passes forth from the womb of Brahma.

Verse 34 (garuda.1.83.34)

तर्पयित्वा पितॄन्देवान्न विशेद्योनिसङ्कटे । तर्पणे काकजङ्घार्या पितॄणां तृप्तिरक्षया

tarpayitvā pitṝndevānna viśedyonisaṅkaṭe tarpaṇe kākajaṅghāryā pitṝṇāṁ tṛptirakṣayā

Having offered tarpana to the ancestors and the gods, he does not enter again the constriction of the womb; by the tarpana performed at Kakajangha, the satisfaction of the ancestors becomes imperishable.

Verse 35 (garuda.1.83.35)

धर्मारण्ये मतङ्गस्य वाप्यां श्राद्धाद्दिवं व्रजेत् । धर्मयूपे च कूपे त पितॄणामनृणो भवेत्

dharmāraṇye mataṅgasya vāpyāṁ śrāddhāddivaṁ vrajet dharmayūpe ca kūpe ta pitṝṇāmanṛṇo bhavet

By shraddha at Matanga's step-well in Dharmaranya, one goes to heaven; at Dharmayupa and its well, one becomes free from debt to one's ancestors.

Verse 36 (garuda.1.83.36)

प्रमाणं देवताः सन्तु लोकपालाश्च साक्षिणः । मयागत्य मतङ्गेऽस्मिन्पितॄणां निष्कृतिः कृता

pramāṇaṁ devatāḥ santu lokapālāśca sākṣiṇaḥ mayāgatya mataṅge'sminpitṝṇāṁ niṣkṛtiḥ kṛtā

'Let the gods be witness, and let the guardians of the world bear testimony: having come here to this place of Matanga, I have made full atonement for my ancestors.'

Verse 37 (garuda.1.83.37)

रामतीर्थे नराः स्नात्वा श्राद्धं कृत्वा प्रभासके । शिलायां प्रेतभावात्स्युर्मुक्ताः पितृगणाः किल

rāmatīrthe narāḥ snātvā śrāddhaṁ kṛtvā prabhāsake śilāyāṁ pretabhāvātsyurmuktāḥ pitṛgaṇāḥ kila

Men, having bathed at Ramatirtha and performed shraddha at Prabhasaka, upon that rock — indeed the company of ancestors are freed from the state of a preta.

Verse 38 (garuda.1.83.38)

श्राद्धकृच्छ स्वपुष्टायां त्रिः सफ्तकुंलमुद्धरेत् । श्राद्धकृन्मुण्डपृष्ठादौ ब्रह्मलोकं नयेत्पितॄन्

śrāddhakṛccha svapuṣṭāyāṁ triḥ saphtakuṁlamuddharet śrāddhakṛnmuṇḍapṛṣṭhādau brahmalokaṁ nayetpitṝn

One who performs shraddha at Svapushta delivers seven generations thrice over; one who performs shraddha at Mundaprishtha and the places nearby leads his ancestors to the world of Brahma.

Verse 39 (garuda.1.83.39)

गयायां न हि तत्स्थानं यत्र तीर्थं न विद्यते । पञ्चक्रोशे गयाक्षेत्रे यत्र तत्र तु पिण्डदः

gayāyāṁ na hi tatsthānaṁ yatra tīrthaṁ na vidyate pañcakrośe gayākṣetre yatra tatra tu piṇḍadaḥ

In Gaya there is no place where a tirtha does not exist; within the five-krosha field of Gaya, wherever one offers pinda —

Verse 40 (garuda.1.83.40)

अक्षयं फलमाप्नोति ब्रह्मलोकं नयेत्पितॄन् । जनार्दनस्य हस्ते तु पिण्डं दद्यात्स्वकं नरः

akṣayaṁ phalamāpnoti brahmalokaṁ nayetpitṝn janārdanasya haste tu piṇḍaṁ dadyātsvakaṁ naraḥ

one obtains imperishable fruit and leads one's ancestors to the world of Brahma. A man should place his own pinda in the hand of Janardana —

Verse 41 (garuda.1.83.41)

एष पिण्डे मया दत्तस्तव हस्ते जनार्दन ! । परलोकं गते मोक्षमक्षय्यमुपतिष्ठताम्

eṣa piṇḍe mayā dattastava haste janārdana ! paralokaṁ gate mokṣamakṣayyamupatiṣṭhatām

'O Janardana! I have placed this pinda in your hand; for those who have gone to the other world, let imperishable liberation stand ready.'

Verse 42 (garuda.1.83.42)

ब्रह्मलोकमवाप्नोति पितृभिः सह निश्चितम् । गयायां धर्मपृष्ठे च सरसि ब्रह्मणस्तथा

brahmalokamavāpnoti pitṛbhiḥ saha niścitam gayāyāṁ dharmapṛṣṭhe ca sarasi brahmaṇastathā

he thereby certainly obtains the world of Brahma together with his ancestors. At Gaya, at Dharmaprishtha, and likewise at the lake of Brahma —

Verse 43 (garuda.1.83.43)

गयाशीर्षेऽक्षयवटे पितॄणां दत्तमक्षयम् । धर्मारण्यं धर्मपृष्ठं धेनुकारण्यमेव च

gayāśīrṣe'kṣayavaṭe pitṝṇāṁ dattamakṣayam dharmāraṇyaṁ dharmapṛṣṭhaṁ dhenukāraṇyameva ca

at Gayashirsha, at the Akshayavata, whatever is given to the ancestors becomes imperishable. Dharmaranya, Dharmaprishtha, and Dhenukaranya —

Verse 44 (garuda.1.83.44)

दृष्ट्वैतानि पितॄंश्चार्यवंश्यान्विंशतिमुद्धरेत् । ब्रह्मारण्यं महानद्याः पश्चिमोभाग उच्यते

dṛṣṭvaitāni pitṝṁścāryavaṁśyānviṁśatimuddharet brahmāraṇyaṁ mahānadyāḥ paścimobhāga ucyate

having seen these, one delivers twenty noble ancestors of the lineage. Brahmaranya is said to be on the western side of the Mahanadi.

Verse 45 (garuda.1.83.45)

पूर्वो ब्रह्मसदो भागो नागाद्रिर्भरताश्रमः । भरतस्याश्रमे श्राद्धी मतङ्गस्य पदे भवेत्

pūrvo brahmasado bhāgo nāgādrirbharatāśramaḥ bharatasyāśrame śrāddhī mataṅgasya pade bhavet

The eastern portion is Brahmasadas, with Nagadri and Bharata's hermitage; one who performs shraddha at Bharata's hermitage comes to be at the abode of Matanga.

Verse 46 (garuda.1.83.46)

गयाशीर्षाद्दक्षिणतो महानद्याश्च पश्चिमे । तत्स्मृतं चम्पकवनं तत्र पाण्डुशिलास्ति हि

gayāśīrṣāddakṣiṇato mahānadyāśca paścime tatsmṛtaṁ campakavanaṁ tatra pāṇḍuśilāsti hi

South of Gayashirsha and west of the Mahanadi is what is remembered as Champakavana; there indeed is the Pandushila.

Verse 47 (garuda.1.83.47)

श्राद्धी तत्र तृतीयायां निश्चिरायाश्च मण्डले । महाह्रदे च कौशिक्यामक्षयं फलमाप्नुयात्

śrāddhī tatra tṛtīyāyāṁ niścirāyāśca maṇḍale mahāhrade ca kauśikyāmakṣayaṁ phalamāpnuyāt

One who performs shraddha there on the third lunar day, in the circle of the Nishchira, and at the Mahahrada on the Kaushiki, obtains imperishable fruit.

Verse 48 (garuda.1.83.48)

वैतरण्या श्चोत्तरतस्तृतीयाख्यो जलाशयः । पदानि तत्र क्रौञ्चस्य श्राद्धी स्वर्गं नयेत्पितॄन्

vaitaraṇyā ścottaratastṛtīyākhyo jalāśayaḥ padāni tatra krauñcasya śrāddhī svargaṁ nayetpitṝn

North of the Vaitarani is a reservoir called Tritiya; there are the footprints of Krauncha — one who performs shraddha there leads his ancestors to heaven.

Verse 49 (garuda.1.83.49)

क्रौञ्चपादादुत्तरतो निश्चिराख्यो जलाशयः । सकृद्यत्राभिगमनं सकृत्पिंण्डप्रपातनम्

krauñcapādāduttarato niścirākhyo jalāśayaḥ sakṛdyatrābhigamanaṁ sakṛtpiṁṇḍaprapātanam

North of Krauncha-pada is a reservoir called Nishchira, where even a single visit and a single offering of pinda —

Verse 50 (garuda.1.83.50)

दुर्लभं किं पुनर्नित्यमस्मिन्नेव व्यवस्थितः । महानद्यामुपस्पृश्य तर्पयेत्पितृदेवताः

durlabhaṁ kiṁ punarnityamasminneva vyavasthitaḥ mahānadyāmupaspṛśya tarpayetpitṛdevatāḥ

grants what is otherwise rare — how much more, then, for one who dwells there always! Having touched the water of the Mahanadi, one should offer tarpana to the ancestor-deities.

Verse 51 (garuda.1.83.51)

अक्षयान्प्राप्नुयाल्लोकान्कुलं चापि समुद्धरेत् । सावित्रे पठ्यते सन्ध्या कृता स्याद्द्वादशाब्दिकी

akṣayānprāpnuyāllokānkulaṁ cāpi samuddharet sāvitre paṭhyate sandhyā kṛtā syāddvādaśābdikī

By this, imperishable worlds are obtained and the family too is delivered. The twilight-rite performed at Savitra is said to equal twelve years.

Verse 52 (garuda.1.83.52)

शुक्लकृष्णावुभौ पक्षौ गयायां यो वसेन्नरः पुनात्यासप्तमं चैव कुलं नास्त्यत्र संशयः

śuklakṛṣṇāvubhau pakṣau gayāyāṁ yo vasennaraḥ punātyāsaptamaṁ caiva kulaṁ nāstyatra saṁśayaḥ

The man who dwells at Gaya through both the bright and dark fortnights purifies his family up to the seventh generation — there is no doubt of this.

Verse 53 (garuda.1.83.53)

गयायां मुण्डपृष्ठं च अरविन्दं च पर्वतम् । तृतीयं क्रौंचपादं च दृष्ट्वा पापैः प्रमुच्यते

gayāyāṁ muṇḍapṛṣṭhaṁ ca aravindaṁ ca parvatam tṛtīyaṁ krauṁcapādaṁ ca dṛṣṭvā pāpaiḥ pramucyate

Having seen, at Gaya, Mundaprishtha, the Aravinda mountain, and thirdly Krauncha-pada, one is freed from sins.

Verse 54 (garuda.1.83.54)

मकरे वर्त्तमाने च ग्रहणे चन्द्रसूर्य्ययोः । दुर्लभं त्रिषु लोकेषु गयायां पिण्डपातनम्

makare varttamāne ca grahaṇe candrasūryyayoḥ durlabhaṁ triṣu lokeṣu gayāyāṁ piṇḍapātanam

When the sun is in Makara, or at an eclipse of the moon or sun, the offering of pinda at Gaya yields a fruit rare in the three worlds.

Verse 55 (garuda.1.83.55)

महाह्रदे च कौशिक्यां मूलक्षेत्रे विशेषतः । गुहायां गृध्रकूटस्य श्राद्धं दत्तं (सप्त) महाफलम्

mahāhrade ca kauśikyāṁ mūlakṣetre viśeṣataḥ guhāyāṁ gṛdhrakūṭasya śrāddhaṁ dattaṁ (sapta) mahāphalam

At the Mahahrada on the Kaushiki, especially in the root-field, and in the cave of Gridhrakuta, shraddha given there yields great fruit.

Verse 56 (garuda.1.83.56)

यत्र माहेश्वरी धारा श्राद्धी तत्रानृणो भवेत् । पुण्यां विशालामासाद्य नदीं त्रैलोक्य विश्रुताम्

yatra māheśvarī dhārā śrāddhī tatrānṛṇo bhavet puṇyāṁ viśālāmāsādya nadīṁ trailokya viśrutām

Where the Maheshvari stream is, one who performs shraddha there becomes free from debt; having reached that sacred and vast river renowned throughout the three worlds —

Verse 57 (garuda.1.83.57)

अग्निष्टोममवाप्नोति श्राद्धी प्रायाद्दिवं नरः । श्राद्धी मासपदे स्नात्वा वाजपेयफलं लभेत्

agniṣṭomamavāpnoti śrāddhī prāyāddivaṁ naraḥ śrāddhī māsapade snātvā vājapeyaphalaṁ labhet

one who performs shraddha there obtains the fruit of the Agnishtoma, and the man goes to heaven. One who bathes and performs shraddha at Masapada obtains the fruit of the Vajapeya.

Verse 58 (garuda.1.83.58)

रविपादे पिण्डदानात्पतितोद्धारणं भवेत् । गयास्थो यो ददात्यन्नं पितरस्तेन पुत्रिणः

ravipāde piṇḍadānātpatitoddhāraṇaṁ bhavet gayāstho yo dadātyannaṁ pitarastena putriṇaḥ

By offering pinda at Ravipada, the deliverance of the fallen is achieved. He who, dwelling at Gaya, gives food — by him the ancestors are, as it were, granted a son.

Verse 59 (garuda.1.83.59)

कांक्षन्ते पितरः पुत्रान्नरकाद्भयभीरवः । गयां यास्यति यः कश्चित्सोऽस्मान्सन्तरयिष्यति

kāṁkṣante pitaraḥ putrānnarakādbhayabhīravaḥ gayāṁ yāsyati yaḥ kaścitso'smānsantarayiṣyati

The ancestors, fearful of hell, long for sons, thinking: 'Whoever shall go to Gaya will deliver us across.'

Verse 60 (garuda.1.83.60)

गयाप्राप्तं सुतं दृष्ट्वा पितॄणामुत्सवो भवेत् । पद्भ्यामपि जलं स्पृष्ट्वा अस्मभ्यं किल दास्यति

gayāprāptaṁ sutaṁ dṛṣṭvā pitṝṇāmutsavo bhavet padbhyāmapi jalaṁ spṛṣṭvā asmabhyaṁ kila dāsyati

Seeing a son who has reached Gaya, there is rejoicing among the ancestors, who say: 'Even by touching water with his feet, he will surely give something to us.'

Verse 61 (garuda.1.83.61)

आत्मजो वा तथान्यो वा गयाकूपे यदा तदा । यन्नाम्ना पातयेत्पिण्डं तं नयेद्ब्रह्म शाश्वतम्

ātmajo vā tathānyo vā gayākūpe yadā tadā yannāmnā pātayetpiṇḍaṁ taṁ nayedbrahma śāśvatam

Whether it be one's own son or another, whenever, at the well of Gaya, a pinda is offered in someone's name, that act leads him to the eternal Brahman.

Verse 62 (garuda.1.83.62)

पुण्डरीकं विष्णुलोकं प्राप्नुयात्कोटितीर्थगः । या सा वैतरणी नाम त्रिषु लोकेषु विश्रुता

puṇḍarīkaṁ viṣṇulokaṁ prāpnuyātkoṭitīrthagaḥ yā sā vaitaraṇī nāma triṣu lokeṣu viśrutā

One who goes to Kotitirtha attains Pundarika, the world of Vishnu. That river named Vaitarani, renowned in the three worlds —

Verse 63 (garuda.1.83.63)

सावतीर्णा गयाक्षेत्रे पितॄणां तारणाय हि । श्राद्धदः पिण्डदस्तत्र गोप्रदानं करोति यः

sāvatīrṇā gayākṣetre pitṝṇāṁ tāraṇāya hi śrāddhadaḥ piṇḍadastatra gopradānaṁ karoti yaḥ

has descended into the field of Gaya for the deliverance of the ancestors. He who performs shraddha, offers pinda, and gives a cow there —

Verse 64 (garuda.1.83.64)

एकविंशतिवंश्यान्स तारयेन्नात्र संशयः । यदि पुत्रो गयां गच्छेत्कदाचित्कालपर्यये

ekaviṁśativaṁśyānsa tārayennātra saṁśayaḥ yadi putro gayāṁ gacchetkadācitkālaparyaye

delivers twenty-one generations of his lineage across — there is no doubt of this. If a son should at any time go to Gaya,

Verse 65 (garuda.1.83.65)

तानेव भोजयेद्विप्रान्ब्रह्मणा ये प्रकल्पिताः । तेषां ब्रह्मसदः स्थानं सोमपानं तथैव च

tāneva bhojayedviprānbrahmaṇā ye prakalpitāḥ teṣāṁ brahmasadaḥ sthānaṁ somapānaṁ tathaiva ca

he should feed those very brahmins who were appointed by Brahma; for them there is the abode of Brahmasadas, and likewise the drinking of Soma.

Verse 66 (garuda.1.83.66)

ब्रह्मप्रकल्पितं स्थानं विप्रा ब्रह्मप्रकल्पपिताः । पूजितैः पूजिताः सर्वे पितृभिः सह देवताः

brahmaprakalpitaṁ sthānaṁ viprā brahmaprakalpapitāḥ pūjitaiḥ pūjitāḥ sarve pitṛbhiḥ saha devatāḥ

The place appointed by Brahma belongs to those brahmins, who are as fathers appointed by Brahma. By their being honored, all the gods together with the ancestors are honored.

Verse 67 (garuda.1.83.67)

तर्पयेत्तु गयाविप्रान्हव्यकव्यैर्विधानतः । स्थानं देहपरित्यागे गयायां तु विधीयते

tarpayettu gayāviprānhavyakavyairvidhānataḥ sthānaṁ dehaparityāge gayāyāṁ tu vidhīyate

One should satisfy the brahmins of Gaya duly with havya and kavya offerings. A special place is ordained for one who gives up the body at Gaya.

Verse 68 (garuda.1.83.68)

यः करोति वृषोत्सर्गं गयाक्षेत्रे ह्यनुत्तमे । अग्निष्टोमशतं पुण्यं लभते नात्र संशयः

yaḥ karoti vṛṣotsargaṁ gayākṣetre hyanuttame agniṣṭomaśataṁ puṇyaṁ labhate nātra saṁśayaḥ

He who performs the release of a bull in the unsurpassed field of Gaya obtains, without doubt, the merit of a hundred Agnishtoma sacrifices.

Verse 69 (garuda.1.83.69)

आत्मनोऽपि महाबुद्धिर्गयायां तु तिलैर्विना । पिण्डनिर्वापणं कुर्य्यादन्येषामपि मानवः

ātmano'pi mahābuddhirgayāyāṁ tu tilairvinā piṇḍanirvāpaṇaṁ kuryyādanyeṣāmapi mānavaḥ

Even the man of great intellect should, at Gaya, perform the offering of pinda without sesame, both for himself and for others.

Verse 70 (garuda.1.83.70)

यावन्तो ज्ञातयः पित्र्या बान्धवाः सुहृदस्तथा । तेभ्यो व्यासगयाभूमौ पिण्डो देयो विधानतः

yāvanto jñātayaḥ pitryā bāndhavāḥ suhṛdastathā tebhyo vyāsagayābhūmau piṇḍo deyo vidhānataḥ

O Vyasa, as many relatives on the paternal side, kinsmen, and friends as there are — to all of them, pinda should be duly offered on the ground of Gaya.

Verse 71 (garuda.1.83.71)

रामतीर्थे नरः स्नात्वा गोशतस्याप्नुयात्फलम् । मतङ्गवाप्यां स्नात्वा च गोसहस्त्रफलं लभेत्

rāmatīrthe naraḥ snātvā gośatasyāpnuyātphalam mataṅgavāpyāṁ snātvā ca gosahastraphalaṁ labhet

A man, having bathed at Ramatirtha, obtains the fruit of giving a hundred cows; having bathed in the step-well of Matanga, he obtains the fruit of a thousand cows.

Verse 72 (garuda.1.83.72)

निश्चिरासङ्गमे स्नात्वा ब्रह्मलोकं नयेत्पितॄन् । वसिष्ठस्याश्रमे स्नात्वा वाजपेयं च विन्दति

niścirāsaṅgame snātvā brahmalokaṁ nayetpitṝn vasiṣṭhasyāśrame snātvā vājapeyaṁ ca vindati

Having bathed at the confluence of the Nishchira, one leads one's ancestors to the world of Brahma; having bathed at the hermitage of Vasishtha, one obtains the fruit of the Vajapeya.

Verse 73 (garuda.1.83.73)

महाकौश्यां समावासादश्वमेधफलं लभेत् । पितामहस्य सरसः प्रसृता लोकपावनी

mahākauśyāṁ samāvāsādaśvamedhaphalaṁ labhet pitāmahasya sarasaḥ prasṛtā lokapāvanī

By dwelling at the great Kaushiki, one obtains the fruit of an Ashvamedha. Flowing from the lake of Pitamaha, that world-purifying river —

Verse 74 (garuda.1.83.74)

समीपे त्वग्निधारेति विश्रुता कपिला हि सा । अग्निष्टोमफलं श्राद्धी स्नात्वात्र कृतकृत्यता

samīpe tvagnidhāreti viśrutā kapilā hi sā agniṣṭomaphalaṁ śrāddhī snātvātra kṛtakṛtyatā

and nearby is what is renowned as Agnidhara; that indeed is Kapila. One who bathes and performs shraddha here obtains the fruit of Agnishtoma and attains fulfilment.

Verse 75 (garuda.1.83.75)

श्राद्धी कुमारधारायामश्वमेधफलं लभेत् । कुमारमभिगम्याथ नत्वा मुक्तिमवाप्नुयात्

śrāddhī kumāradhārāyāmaśvamedhaphalaṁ labhet kumāramabhigamyātha natvā muktimavāpnuyāt

One who performs shraddha at Kumaradhara obtains the fruit of an Ashvamedha; and having approached Kumara and bowed to him, one obtains liberation.

Verse 76 (garuda.1.83.76)

सोमकुण्डे नरः स्नात्वा सोमलोकं च गच्छति । संवर्त्तस्य नरो वाप्यां सुभगः स्यात्तु पिण्डदः

somakuṇḍe naraḥ snātvā somalokaṁ ca gacchati saṁvarttasya naro vāpyāṁ subhagaḥ syāttu piṇḍadaḥ

A man, having bathed in Somakunda, goes to the world of Soma; a man who offers pinda at the step-well of Samvarta becomes blessed with good fortune.

Verse 77 (garuda.1.83.77)

धौतपापो नरो याति प्रेतकुण्डे च पिण्डदः । देवनद्यां लेलिहाने मथने जानुगर्त्तके

dhautapāpo naro yāti pretakuṇḍe ca piṇḍadaḥ devanadyāṁ lelihāne mathane jānugarttake

A man whose sins are washed away, having offered pinda at Pretakunda, attains liberation; likewise at the Devanadi, at Lelihana, at Mathana, and at Januagartaka —

Verse 78 (garuda.1.83.78)

एवमादिषु तीर्थेषु पिण्डदस्तारयेत्पितॄन् । नत्वा देवान्वसिष्ठेशप्रभृतीनृणसंक्षयम्

evamādiṣu tīrtheṣu piṇḍadastārayetpitṝn natvā devānvasiṣṭheśaprabhṛtīnṛṇasaṁkṣayam

at these and other such tirthas, one who offers pinda delivers his ancestors across; and having bowed to the gods, beginning with Vasishtheshvara, one's debts are destroyed.