The Hymn to the Ancestors Composed by Ruchi

Verse 1 (garuda.1.89.1)

सूत उवाच । पृष्टः क्रौञ्चुकिनोवाच मार्कण्डेयः पुनश्च तम् । स तेन पितृवाक्यने भृशमुद्वग्नमानसः

sūta uvāca pṛṣṭaḥ krauñcukinovāca mārkaṇḍeyaḥ punaśca tam sa tena pitṛvākyane bhṛśamudvagnamānasaḥ

Suta said: Asked by Krounchuki, Markandeya spoke to him further. Ruchi's mind had become greatly agitated by those words of his ancestors.

Verse 2 (garuda.1.89.2)

कन्याभिलाषी विप्रर्षिः परिबभ्राम मेदिनीम् । कन्यामलभमानोऽसौ पितृवाक्येन दीपितः । चिन्तामवाप महीतमतीवोद्विग्नमानसः

kanyābhilāṣī viprarṣiḥ paribabhrāma medinīm kanyāmalabhamāno'sau pitṛvākyena dīpitaḥ cintāmavāpa mahītamatīvodvignamānasaḥ

The brahmin-sage, desiring a bride, wandered over the earth. Not obtaining a bride, and inflamed by his ancestors' words, he fell into deep anxiety, his mind exceedingly troubled.

Verse 3 (garuda.1.89.3)

किं करोमि क्व गच्छामि कथं मे दारसंग्रहः । क्षिप्रं भवेन्मत्पितॄणां ममाभ्युदयकारकम्

kiṁ karomi kva gacchāmi kathaṁ me dārasaṁgrahaḥ kṣipraṁ bhavenmatpitṝṇāṁ mamābhyudayakārakam

'What shall I do? Where shall I go? How may my marriage come about quickly, bringing prosperity to my ancestors and to me?'

Verse 4 (garuda.1.89.4)

इति चिन्तयतस्तस्यमतिर्जाता महात्मनः । तपसाराधयाम्येनं ब्रह्माणं कमलोद्भवम्

iti cintayatastasyamatirjātā mahātmanaḥ tapasārādhayāmyenaṁ brahmāṇaṁ kamalodbhavam

As he thought thus, the resolve arose in that great soul: 'I shall propitiate, through austerity, Brahma, born of the lotus.'

Verse 5 (garuda.1.89.5)

ततो वर्षशतं दिव्यं तपस्तेपे महामनाः । तत्र स्थितश्चिरं कालं वनेषु नियमस्थितः । आराधनाय स तदा परं नियममास्थितः

tato varṣaśataṁ divyaṁ tapastepe mahāmanāḥ tatra sthitaściraṁ kālaṁ vaneṣu niyamasthitaḥ ārādhanāya sa tadā paraṁ niyamamāsthitaḥ

Then that great-minded one performed austerity for a hundred divine years. Remaining in the forest, disciplined, for a long time, he undertook the highest observance for that worship.

Verse 6 (garuda.1.89.6)

ततः प्रदर्शयामास ब्रह्मा लोकपितामहः । उवाचाथ प्रसन्नोऽस्मीत्युच्यतामभिवाञ्छितम्

tataḥ pradarśayāmāsa brahmā lokapitāmahaḥ uvācātha prasanno'smītyucyatāmabhivāñchitam

Then Brahma, grandfather of the worlds, showed himself, and pleased, said: 'I am pleased — speak your desired wish.'

Verse 7 (garuda.1.89.7)

ततोऽसौ प्रणिपत्याह ब्रह्माणं जगतो गतिम् । पितॄणां वचनात्तेन यत्कर्त्तुमभिवाञ्छितम्

tato'sau praṇipatyāha brahmāṇaṁ jagato gatim pitṝṇāṁ vacanāttena yatkarttumabhivāñchitam

Then he bowed and told Brahma, the refuge of the world, that which, by his ancestors' words, he desired to accomplish.

Verse 8 (garuda.1.89.8)

ब्रह्मोवाच । प्रजापतिस्त्वं भविता स्रष्टव्या भवता प्रजाः । सृष्ट्वा प्रजाः सुतान्विप्रः समुत्पाद्य क्रियास्तथा

brahmovāca prajāpatistvaṁ bhavitā sraṣṭavyā bhavatā prajāḥ sṛṣṭvā prajāḥ sutānvipraḥ samutpādya kriyāstathā

Brahma said: 'You shall become a Prajapati; creatures are to be created by you. O brahmin, having created creatures and begotten sons and performed the due rites —'

Verse 9 (garuda.1.89.9)

कृत्वा कृताधिकारस्त्वं ततः सिद्धिमवाप्यसि । सत्वं यथोक्तं पितृभिः कुरु दारपरिग्रहम्

kṛtvā kṛtādhikārastvaṁ tataḥ siddhimavāpyasi satvaṁ yathoktaṁ pitṛbhiḥ kuru dāraparigraham

'having thus fulfilled your office, you shall then attain accomplishment. Do as your ancestors have said — take a wife.'

Verse 10 (garuda.1.89.10)

कामं चेममभिध्याय क्रियतां पितृपूजनम् । त एव तुष्टाः पितरः प्रदास्यन्ति तवेप्सितम् । पत्नीं सुतांश्च सन्तुष्टाः किं न दद्युः पितामहाः

kāmaṁ cemamabhidhyāya kriyatāṁ pitṛpūjanam ta eva tuṣṭāḥ pitaraḥ pradāsyanti tavepsitam patnīṁ sutāṁśca santuṣṭāḥ kiṁ na dadyuḥ pitāmahāḥ

'And keeping this wish in mind, perform the worship of your ancestors; those very ancestors, pleased, will grant your desire. Being satisfied, what would the forefathers not give — a wife, and sons?'

Verse 11 (garuda.1.89.11)

मार्कण्डेय उवाच । इत्यृषिर्वचनं श्रुत्वा ब्रह्मणोऽव्यक्तजन्मनः । नद्या विविक्ते पुलिने चकार पितृतर्पणम्

mārkaṇḍeya uvāca ityṛṣirvacanaṁ śrutvā brahmaṇo'vyaktajanmanaḥ nadyā vivikte puline cakāra pitṛtarpaṇam

Markandeya said: Having heard these words of Brahma, whose birth is unmanifest, the sage performed the tarpana of his ancestors on a secluded riverbank.

Verse 12 (garuda.1.89.12)

तुष्टाव च पितॄन्विप्रः स्तवैरेभिरथादृतः । एकाग्रप्रयतो भूत्वा भक्तिनम्रात्मकन्धरः

tuṣṭāva ca pitṝnvipraḥ stavairebhirathādṛtaḥ ekāgraprayato bhūtvā bhaktinamrātmakandharaḥ

And with reverence, single-minded and controlled, his neck bowed in devotion, that brahmin praised the ancestors with these hymns —

Verse 13 (garuda.1.89.13)

रुचिरुवाच । नमस्येऽहं पितॄन् भक्त्या ये वसन्त्यधिदेवतम् । देवैरपि हि तर्प्यन्ते ये श्राद्धेषु स्वधोत्तरैः

ruciruvāca namasye'haṁ pitṝn bhaktyā ye vasantyadhidevatam devairapi hi tarpyante ye śrāddheṣu svadhottaraiḥ

Ruchi said: 'With devotion I bow to the ancestors who dwell as presiding deities, who are satisfied even by the gods in shraddhas, with offerings accompanied by svadha.'

Verse 14 (garuda.1.89.14)

नमस्येऽहं पितॄन् स्वर्गे ये तर्प्यन्ते महर्षिभिः । श्राद्धैर्मनोमयैर्भक्त्या भुक्तिमुक्तिमभीप्सुभिः

namasye'haṁ pitṝn svarge ye tarpyante maharṣibhiḥ śrāddhairmanomayairbhaktyā bhuktimuktimabhīpsubhiḥ

'I bow to the ancestors in heaven, who are satisfied by great sages, through mind-made shraddhas, offered with devotion by those desiring both enjoyment and liberation.'

Verse 15 (garuda.1.89.15)

नमस्येऽहं पितॄन्स्वर्गे सिद्धाः सन्तर्पयन्ति यान् । श्राद्धेषु दिव्यैः सकलैरुपहारैरनुत्तमैः

namasye'haṁ pitṝnsvarge siddhāḥ santarpayanti yān śrāddheṣu divyaiḥ sakalairupahārairanuttamaiḥ

'I bow to the ancestors in heaven whom the siddhas satisfy in shraddhas, with all manner of divine and unsurpassed offerings.'

Verse 16 (garuda.1.89.16)

नमस्येऽहं पितॄन् भक्त्या येऽर्च्यन्ते गुह्यकैर्दिवि । तन्मयत्वेन वाञ्छद्भिः ऋद्धिमात्यन्तिकीं पराम्

namasye'haṁ pitṝn bhaktyā ye'rcyante guhyakairdivi tanmayatvena vāñchadbhiḥ ṛddhimātyantikīṁ parām

'I bow with devotion to the ancestors who are worshipped in heaven by the Guhyakas, who, desiring to become one with them, seek the supreme, ultimate prosperity.'

Verse 17 (garuda.1.89.17)

नमस्येऽहं पितॄन्मर्त्यैरर्च्यन्ते भुवि ये सदा । श्राद्धेषु श्रद्धयाभीष्टलोकपुष्टिप्रदायिनः

namasye'haṁ pitṝnmartyairarcyante bhuvi ye sadā śrāddheṣu śraddhayābhīṣṭalokapuṣṭipradāyinaḥ

'I bow to the ancestors who are always worshipped on earth by mortals, with faith, in shraddhas — who grant the desired worlds and prosperity.'

Verse 18 (garuda.1.89.18)

नमस्येऽहं पितॄन्विप्रैरर्च्यन्ते भुवि ये सदा । वाञ्छिताभीष्टलाभाय प्राजापत्यप्रदायिनः

namasye'haṁ pitṝnviprairarcyante bhuvi ye sadā vāñchitābhīṣṭalābhāya prājāpatyapradāyinaḥ

'I bow to the ancestors who are always worshipped on earth by brahmins, for the attainment of desired wishes — who grant the state of a Prajapati.'

Verse 19 (garuda.1.89.19)

नमस्येऽहं पितॄन्ये वै तर्प्यन्तेऽरण्यवासिभिः । वन्यैः श्राद्धैर्यताहारैस्तपोनिर्धूतकल्मषैः

namasye'haṁ pitṝnye vai tarpyante'raṇyavāsibhiḥ vanyaiḥ śrāddhairyatāhāraistaponirdhūtakalmaṣaiḥ

'I bow to the ancestors who are satisfied by forest-dwellers, through forest shraddhas, by those of controlled diet, whose impurities have been shaken off by austerity.'

Verse 20 (garuda.1.89.20)

नमस्येऽहं पितॄन्विप्रैर्नैष्ठिकैर्धर्मचारिभिः । ये संयतात्मभिर्नित्यं सन्तर्प्यन्ते समाधिभिः

namasye'haṁ pitṝnviprairnaiṣṭhikairdharmacāribhiḥ ye saṁyatātmabhirnityaṁ santarpyante samādhibhiḥ

'I bow to the ancestors who are always satisfied by brahmins devoted to lifelong celibacy, walking the path of dharma, of controlled selves, through deep meditation.'

Verse 21 (garuda.1.89.21)

नमस्येऽहं पितॄश्राद्धै राजन्यास्तर्पयन्ति यान् । कव्यैरशेषैर्विधिवल्लोकद्वयफलप्रदान्

namasye'haṁ pitṝśrāddhai rājanyāstarpayanti yān kavyairaśeṣairvidhivallokadvayaphalapradān

'I bow to the ancestors whom kshatriyas satisfy with shraddhas, with all manner of kavya-offerings duly given — who bestow the fruits of both worlds.'

Verse 22 (garuda.1.89.22)

नमस्येऽहं पितॄन्वैश्यैरर्च्यन्ते भुवि ये सदा । स्वकर्माभिरतैर्नित्यं पुष्पधूपान्नवारिभिः

namasye'haṁ pitṝnvaiśyairarcyante bhuvi ye sadā svakarmābhiratairnityaṁ puṣpadhūpānnavāribhiḥ

'I bow to the ancestors who are always worshipped on earth by vaishyas devoted to their own duties, with flowers, incense, food, and water.'

Verse 23 (garuda.1.89.23)

नमस्येऽहं पितॄश्राद्धे शूद्रैरपि च भक्तितः । सन्तर्प्यते जगत्कृत्स्नं नाम्ना ख्याताः सुकालिनः

namasye'haṁ pitṝśrāddhe śūdrairapi ca bhaktitaḥ santarpyate jagatkṛtsnaṁ nāmnā khyātāḥ sukālinaḥ

'I bow to the ancestors who, in shraddha, are satisfied with devotion even by shudras — renowned ancestors by whom the entire world is upheld.'

Verse 24 (garuda.1.89.24)

नमस्येऽहं पितॄश्राद्धे पाताले ये महासुरैः । सन्तर्प्यन्ते सुधाहारास्त्यक्तदम्भमदैः सदा

namasye'haṁ pitṝśrāddhe pātāle ye mahāsuraiḥ santarpyante sudhāhārāstyaktadambhamadaiḥ sadā

'I bow to the ancestors who are satisfied in shraddha in Patala by the great asuras, forever free of pride and arrogance, feeding on nectar.'

Verse 25 (garuda.1.89.25)

नमस्येऽहं पितॄश्राद्धैरर्च्यन्ते ये रसातले । भोगैरशेषैर्विधिवन्नागैः कामानभीप्सुभिः

namasye'haṁ pitṝśrāddhairarcyante ye rasātale bhogairaśeṣairvidhivannāgaiḥ kāmānabhīpsubhiḥ

'I bow to the ancestors who are worshipped in Rasatala with shraddhas, with all manner of enjoyments duly given, by the Nagas who seek their wishes fulfilled.'

Verse 26 (garuda.1.89.26)

नमस्येऽहं पितॄश्राद्धैः सर्पैः सन्तर्पितान्सदा । तत्रैव विधिवन्मन्त्रभोगसम्पत्समन्वितैः

namasye'haṁ pitṝśrāddhaiḥ sarpaiḥ santarpitānsadā tatraiva vidhivanmantrabhogasampatsamanvitaiḥ

'I bow to the ancestors who are always satisfied there with shraddhas by serpents, duly, endowed with mantra and abundant offerings.'

Verse 27 (garuda.1.89.27)

पितॄन्नमस्ये निवसन्ति साक्षाद्ये देवलोकेऽथ महीतले वा । तथान्तरिक्षे च सुरारिपूज्यास्ते वै प्रतीच्छन्तु मयोपनीतम्

pitṝnnamasye nivasanti sākṣādye devaloke'tha mahītale vā tathāntarikṣe ca surāripūjyāste vai pratīcchantu mayopanītam

I bow to the ancestors who dwell directly in the world of the gods, or on the earth, or in the atmosphere, worshipped even by the enemies of the gods — may they accept what is brought here by me.

Verse 28 (garuda.1.89.28)

पितॄन्नमस्ये परमार्थभूता ये वै विमाने निवसन्त्यमूर्त्ताः । यजन्ति यानस्तमलैर्मनोभिर्योगीश्वराः क्लेशविमुक्तिहेतून्

pitṝnnamasye paramārthabhūtā ye vai vimāne nivasantyamūrttāḥ yajanti yānastamalairmanobhiryogīśvarāḥ kleśavimuktihetūn

I bow to the ancestors who, being of the nature of the highest reality, dwell formless in celestial chariots, whom the great yogis worship with minds free of stain, as the cause of freedom from affliction.

Verse 29 (garuda.1.89.29)

पितॄन्नमस्ये दिवि ये च मूर्त्ताः स्वधाभुजः काम्यफलाभिसन्धौ । प्रदानशक्ताः सकलेप्सितानां विमुक्तिदा येऽनभिसंहितेषु

pitṝnnamasye divi ye ca mūrttāḥ svadhābhujaḥ kāmyaphalābhisandhau pradānaśaktāḥ sakalepsitānāṁ vimuktidā ye'nabhisaṁhiteṣu

I bow to the ancestors who, in heaven, possess form, who partake of svadha, capable of granting all desired things to those who seek fruit through desire, and who grant liberation to those free of such desire.

Verse 30 (garuda.1.89.30)

तृप्यन्तु तेऽस्मिन्पितरः समस्ता इच्छावतां ये प्रदिशन्ति कामान् । सुरत्वमिन्द्रत्वमितोऽधिकं वा गजाश्वरत्नानि महागृहाणि

tṛpyantu te'sminpitaraḥ samastā icchāvatāṁ ye pradiśanti kāmān suratvamindratvamito'dhikaṁ vā gajāśvaratnāni mahāgṛhāṇi

May all those ancestors be satisfied by this offering — those who grant to seekers: godhood, the state of Indra, or something greater still — elephants, horses, jewels, and great mansions.

Verse 31 (garuda.1.89.31)

सोमस्य ये रश्मिषु येऽर्कबिम्बे शुक्ले विमाने च सदा वसन्ति । तृप्यन्तु तेऽस्मिन्पितरोऽन्नतोयैर्गन्धादिना पुष्टिमितो व्रजन्तु

somasya ye raśmiṣu ye'rkabimbe śukle vimāne ca sadā vasanti tṛpyantu te'sminpitaro'nnatoyairgandhādinā puṣṭimito vrajantu

May those ancestors who dwell always in the rays of the moon, in the orb of the sun, and in the white celestial chariot, be satisfied by this, with food and water; may they attain nourishment through the fragrance and other offerings.

Verse 32 (garuda.1.89.32)

येषां हुतेऽग्नौ हविषा च तृप्तिर्ये भुञ्जते विप्रशरीरसंस्थाः । ये पिण्डदानेन मुदं प्रयान्ति तृप्यन्तु तेऽस्मिन्पितरोऽन्नतोयैः

yeṣāṁ hute'gnau haviṣā ca tṛptirye bhuñjate vipraśarīrasaṁsthāḥ ye piṇḍadānena mudaṁ prayānti tṛpyantu te'sminpitaro'nnatoyaiḥ

May those ancestors whose satisfaction comes from oblations offered in the fire, who partake residing within the bodies of brahmins, and who go to joy through pinda-offering, be satisfied by this, with food and water.

Verse 33 (garuda.1.89.33)

ये खड्गमांसेन सुरैरभीष्टैः कृष्णैस्तिलैर्दिव्य मनोहरैश्च । कालेन शाकेन महर्षिवर्य्यैः संप्रीणितास्ते मुदमत्र यान्तु

ye khaḍgamāṁsena surairabhīṣṭaiḥ kṛṣṇaistilairdivya manoharaiśca kālena śākena maharṣivaryyaiḥ saṁprīṇitāste mudamatra yāntu

May those who are gratified by the flesh of the khadga, by the wine dear to the gods, by black sesame, by divine and delightful things, by the greens called kalashaka, by the greatest of sages — go to joy here.

Verse 34 (garuda.1.89.34)

कव्यान्यशेषाणि च यान्यभीष्टान्यतीव तेषां मम पूजितानाम् । तेषाञ्च सान्निध्यमिहास्तु पुष्पगन्धाम्बुभोज्येषु मया कृतेषु

kavyānyaśeṣāṇi ca yānyabhīṣṭānyatīva teṣāṁ mama pūjitānām teṣāñca sānnidhyamihāstu puṣpagandhāmbubhojyeṣu mayā kṛteṣu

And all the kavya-offerings which are exceedingly dear to them, being worshipped by me — let their presence be here, in the flowers, scents, water, and food prepared by me.

Verse 35 (garuda.1.89.35)

दिने दिने ये प्रतिगृह्णतेऽर्चां मासान्तपूज्या भुवि येऽष्टकासु । ये वत्सरान्तेऽभ्युदये च पूज्याः प्रयान्तु ते मे पितरोऽत्र तुष्टिम्

dine dine ye pratigṛhṇate'rcāṁ māsāntapūjyā bhuvi ye'ṣṭakāsu ye vatsarānte'bhyudaye ca pūjyāḥ prayāntu te me pitaro'tra tuṣṭim

May those who receive worship day by day, who are worshipped on earth at month's end and on the ashtaka days, and who are worshipped at year's end and at auspicious occasions — may my ancestors here go to satisfaction.

Verse 36 (garuda.1.89.36)

पूज्या द्विजानां कुमुदेन्दुभासो ये क्षत्त्रियाणां ज्वलनार्कवर्णाः । तथा विशां ये कनकावदाता नीलीप्रभाः शूद्रजनस्य ये च

pūjyā dvijānāṁ kumudendubhāso ye kṣattriyāṇāṁ jvalanārkavarṇāḥ tathā viśāṁ ye kanakāvadātā nīlīprabhāḥ śūdrajanasya ye ca

The ancestors of brahmins, worshipful and radiant like the white lotus and the moon; those of kshatriyas, of the color of blazing fire and the sun; those of vaishyas, bright as gold; and those of shudra folk, of an indigo hue —

Verse 37 (garuda.1.89.37)

तेऽस्मिन्समस्ता मम पुष्पगन्धधूपाम्बुभोज्यादिनिवेदनेन । तथाग्निहोमेन च यान्ति तृप्तिं सदा पितृभ्यः प्रणतोऽस्मि तेभ्यः

te'sminsamastā mama puṣpagandhadhūpāmbubhojyādinivedanena tathāgnihomena ca yānti tṛptiṁ sadā pitṛbhyaḥ praṇato'smi tebhyaḥ

all of them, through my offering here of flowers, scent, incense, water, and food, and through the fire-oblation, go always to satisfaction; to those ancestors I bow.

Verse 38 (garuda.1.89.38)

ये देवपूर्वाण्यभितृप्तिहेतोर श्रन्ति कव्यानि शुभाहृतानि । तृप्ताश्च ये भूतिसृजो भवन्ति तृप्यन्तु तेऽस्मिन्प्रणतोऽस्मि तेभ्यः

ye devapūrvāṇyabhitṛptihetora śranti kavyāni śubhāhṛtāni tṛptāśca ye bhūtisṛjo bhavanti tṛpyantu te'sminpraṇato'smi tebhyaḥ

Those ancestors who, for their satisfaction, partake of the auspicious kavya-offerings that precede the gods' own portion, and who, satisfied, become the creators of prosperity — may they be satisfied by this; I bow to them.

Verse 39 (garuda.1.89.39)

रक्षांसि भूतान्यसुरांस्तथोग्रात्रिर्णाशयन्तु त्वशिवं प्रजानाम् । आद्याः सुराणाममरेशपूज्यास्तृप्यन्तु तेऽस्मिन्प्रणतोऽस्मितेभ्यः

rakṣāṁsi bhūtānyasurāṁstathogrātrirṇāśayantu tvaśivaṁ prajānām ādyāḥ surāṇāmamareśapūjyāstṛpyantu te'sminpraṇato'smitebhyaḥ

May they, terrible, destroy the rakshasas, evil spirits, and asuras, and whatever is inauspicious for creatures. Those who are the first among the gods, worshipped by the lord of the immortals — may they be satisfied by this; I bow to them.

Verse 40 (garuda.1.89.40)

अग्निष्वात्ता बर्हिषद आज्यपाः सोमपास्तथा । व्रजन्तु तृप्तिं श्राद्धेऽस्मिन्पितरस्तर्पिता मया

agniṣvāttā barhiṣada ājyapāḥ somapāstathā vrajantu tṛptiṁ śrāddhe'sminpitarastarpitā mayā

May the Agnishvattas, the Barhishads, the Ajyapas, and likewise the Somapas — the ancestor-classes — attain satisfaction, being satisfied by me in this shraddha.

Verse 41 (garuda.1.89.41)

अग्निष्वात्ताः पितृगणाः प्राचीं रक्षन्तु मे दिशम् । तथा बर्हिषदः पान्तु याम्यां मे पितरः सदा । प्रतीचीमाज्यपास्तद्वदुदीचीमपि सोमपाः

agniṣvāttāḥ pitṛgaṇāḥ prācīṁ rakṣantu me diśam tathā barhiṣadaḥ pāntu yāmyāṁ me pitaraḥ sadā pratīcīmājyapāstadvadudīcīmapi somapāḥ

May the Agnishvatta ancestors guard my eastern direction; may the Barhishad ancestors always protect my southern direction; may the Ajyapas protect the western, and likewise the Somapas the northern.

Verse 42 (garuda.1.89.42)

रक्षोभूतपिशाचेभ्यस्तथैवासुरदोषतः । सर्वतः पितरो रक्षां कुर्वन्तु मम नित्यशः

rakṣobhūtapiśācebhyastathaivāsuradoṣataḥ sarvataḥ pitaro rakṣāṁ kurvantu mama nityaśaḥ

From rakshasas, spirits, and pishachas, and likewise from the harm of asuras — may my ancestors always protect me from all sides.

Verse 43 (garuda.1.89.43)

विश्वो विश्वभुगाराध्यो धर्मो धन्यः शुभाननः । भूतिदो भूतिकृद् भूतिः पितॄणां ये गणा नव

viśvo viśvabhugārādhyo dharmo dhanyaḥ śubhānanaḥ bhūtido bhūtikṛd bhūtiḥ pitṝṇāṁ ye gaṇā nava

Vishva, Vishvabhuk, Aradhya, Dharma, Dhanya, Shubhanana, Bhutida, Bhutikrit, and Bhuti — these are the nine classes of ancestors.

Verse 44 (garuda.1.89.44)

कल्याणः कल्यदः कर्त्ता कल्यः कल्यतराश्रयः । कल्यताहेतुरन्घः षडिमे ते गणाः स्मृताः

kalyāṇaḥ kalyadaḥ karttā kalyaḥ kalyatarāśrayaḥ kalyatāheturanghaḥ ṣaḍime te gaṇāḥ smṛtāḥ

Kalyana, Kalyada, Karta, Kalya, Kalyatarashraya, and the sinless Kalyatahetu — these six are declared as another set of classes.

Verse 45 (garuda.1.89.45)

वरो वरेण्यो वरदस्तुष्टिदः पुष्टिदस्तथा । विश्वपाता तथा धाता सप्तैते च गणाः स्मृताः

varo vareṇyo varadastuṣṭidaḥ puṣṭidastathā viśvapātā tathā dhātā saptaite ca gaṇāḥ smṛtāḥ

Vara, Varenya, Varada, Tushtida, Pushtida, Vishvapata, and Dhata — these seven are declared as another set of classes.

Verse 46 (garuda.1.89.46)

महान्महात्मा महितो महिमावान्महाबलः । गणाः पञ्च तथैवैते पितॄणां पापनाशनाः

mahānmahātmā mahito mahimāvānmahābalaḥ gaṇāḥ pañca tathaivaite pitṝṇāṁ pāpanāśanāḥ

Mahan, Mahatma, Mahita, Mahimavan, and Mahabala — these five, likewise, are classes of ancestors who destroy sin.

Verse 47 (garuda.1.89.47)

सुखदो धनदश्चान्यो धर्मदोऽन्यश्च भूतिदः । पितॄणां कथ्यते चैव तथा गणचतुष्टयम्

sukhado dhanadaścānyo dharmado'nyaśca bhūtidaḥ pitṝṇāṁ kathyate caiva tathā gaṇacatuṣṭayam

Sukhada, Dhanada, Dharmada, and Bhutida — thus is spoken this fourfold class of ancestors as well.

Verse 48 (garuda.1.89.48)

एकत्रिंशत्पितृगणा यैर्व्याप्तमखिलं जगत् । त एवात्र पितृगणास्तुष्यन्तु च मदाहितात्

ekatriṁśatpitṛgaṇā yairvyāptamakhilaṁ jagat ta evātra pitṛgaṇāstuṣyantu ca madāhitāt

Thirty-one classes of ancestors, by whom the entire world is pervaded — may those very classes of ancestors here be satisfied by what has been offered by me.

Verse 49 (garuda.1.89.49)

मार्कण्डेय उवाच । एवं तु स्तुवतस्तस्य तेजसोराशिरुच्छ्रितः । प्रादुर्बभूव सहसा गगनव्याप्तिकारकः

mārkaṇḍeya uvāca evaṁ tu stuvatastasya tejasorāśirucchritaḥ prādurbabhūva sahasā gaganavyāptikārakaḥ

Markandeya said: As he thus praised them, suddenly a towering mass of radiance appeared before him, filling the sky.

Verse 50 (garuda.1.89.50)

तदॄष्ट्वा सुमहत्तेजः समाच्छाद्य स्थितं जगत् । जानुभ्यामवनीं गत्वा रुचिः स्तोत्रमिदंजगौ

tadṝṣṭvā sumahattejaḥ samācchādya sthitaṁ jagat jānubhyāmavanīṁ gatvā ruciḥ stotramidaṁjagau

Seeing that immense radiance, which stood covering the world, Ruchi, falling to his knees on the ground, sang this hymn.

Verse 51 (garuda.1.89.51)

रुचिरुवाच । अर्चितानाममूर्त्तानां पितॄणां दीप्ततेजसाम् । नमस्यामि सदा तेषां ध्यानिनां दिव्यचक्षुषाम्

ruciruvāca arcitānāmamūrttānāṁ pitṝṇāṁ dīptatejasām namasyāmi sadā teṣāṁ dhyānināṁ divyacakṣuṣām

Ruchi said: 'I ever bow to those worshipped, formless ancestors of blazing radiance, meditators, of divine sight.'

Verse 52 (garuda.1.89.52)

इन्द्रादीनां च नेतारो दक्षमारीचयोस्तथा । सप्तर्षोणां तथान्येषां तान्नमस्यामि कामदान्

indrādīnāṁ ca netāro dakṣamārīcayostathā saptarṣoṇāṁ tathānyeṣāṁ tānnamasyāmi kāmadān

'I bow to those who are the guides of Indra and the others, and likewise of Daksha and Marichi, of the seven sages and others — those who grant desires.'

Verse 53 (garuda.1.89.53)

मन्वादीनां च नेतारः सूर्य्याचन्द्रमसोस्तथा । तान्नमस्याम्यहं सर्वान्पितॄनप्युदधावपि

manvādīnāṁ ca netāraḥ sūryyācandramasostathā tānnamasyāmyahaṁ sarvānpitṝnapyudadhāvapi

'I bow to all those ancestors who are the guides of Manu and the others, and likewise of the Sun and Moon, even those in the ocean.'

Verse 54 (garuda.1.89.54)

नक्षत्राणां ग्रहाणां च वाय्वग्न्योर्नभसस्तथा । द्यावापृथिव्योश्च तथा नमस्यामि कृताञ्जलिः

nakṣatrāṇāṁ grahāṇāṁ ca vāyvagnyornabhasastathā dyāvāpṛthivyośca tathā namasyāmi kṛtāñjaliḥ

'With joined palms I bow to those ancestors of the stars and the planets, of Vayu and Agni, of the sky, and likewise of heaven and earth.'

Verse 55 (garuda.1.89.55)

प्रजापतेः कश्यपाय सोमाय वरुणाय च । योगेश्वरेभ्यश्च सदा नमस्यामि कृताञ्जलिः

prajāpateḥ kaśyapāya somāya varuṇāya ca yogeśvarebhyaśca sadā namasyāmi kṛtāñjaliḥ

'With joined palms I ever bow to the ancestors of Prajapati, of Kashyapa, of Soma, of Varuna, and of the lords of yoga.'

Verse 56 (garuda.1.89.56)

नमो गणेभ्यः सप्तभ्यस्तथा लोकेषु सप्तसु । स्वायम्भुवे नमस्यामि ब्रह्मणे योगचक्षुषे

namo gaṇebhyaḥ saptabhyastathā lokeṣu saptasu svāyambhuve namasyāmi brahmaṇe yogacakṣuṣe

'Salutation to the seven classes of ancestors in the seven worlds; I bow to the self-born Brahma, whose eye is yoga.'

Verse 57 (garuda.1.89.57)

सोमाधारान्पितृगणान्योगमूर्त्तिधरांस्तथा । नमस्यामि तथा सोमं पितरं जगतामहम्

somādhārānpitṛgaṇānyogamūrttidharāṁstathā namasyāmi tathā somaṁ pitaraṁ jagatāmaham

'I bow to the classes of ancestors whose support is Soma, who bear the form of yoga, and likewise to Soma, the father of the worlds.'

Verse 58 (garuda.1.89.58)

अग्निरूपांस्तथैवान्यान्नमस्यामि पितॄनहम् । अग्निसोममयं विश्वं यत एतदशेषतः

agnirūpāṁstathaivānyānnamasyāmi pitṝnaham agnisomamayaṁ viśvaṁ yata etadaśeṣataḥ

'And likewise I bow to the other ancestors of the form of fire — for this entire universe consists wholly of fire and soma.'

Verse 59 (garuda.1.89.59)

ये च तेजसि ये चैते सोमसूर्य्याग्निमूर्त्तयः । जगत्स्वरूपिणश्चैव तथा ब्रह्मस्वरूपिणः

ye ca tejasi ye caite somasūryyāgnimūrttayaḥ jagatsvarūpiṇaścaiva tathā brahmasvarūpiṇaḥ

'those who are in radiance, those who are of the form of the moon, the sun, and fire; those of the very nature of the world, and likewise those of the nature of Brahman —'

Verse 60 (garuda.1.89.60)

तेभ्योऽखिलेभ्यो योगिभ्यः पितृभ्यो यतमानसः । नमोनमो नमस्तेऽस्तु प्रसीदन्तु स्वधाभुजः

tebhyo'khilebhyo yogibhyaḥ pitṛbhyo yatamānasaḥ namonamo namaste'stu prasīdantu svadhābhujaḥ

'to all of them, the yogic ancestors, with a controlled mind — salutation, salutation, salutation be to them! May those who partake of svadha be gracious.'

Verse 61 (garuda.1.89.61)

मार्कण्डेय उवाच । एवं स्तुतास्ततस्तेन तेजसो मुनिसत्तमाः । निश्चक्रमुस्ते पितरो भासयन्तो दिशोदश

mārkaṇḍeya uvāca evaṁ stutāstatastena tejaso munisattamāḥ niścakramuste pitaro bhāsayanto diśodaśa

Markandeya said: O best of sages, thus praised, those ancestors then emerged from that mass of radiance, illuminating the ten directions.

Verse 62 (garuda.1.89.62)

निवेदनञ्च यत्तेन पुष्पगन्धानुलेपनम् । तद्भूषितानथ स तान्ददृशे पुरतः स्थितान्

nivedanañca yattena puṣpagandhānulepanam tadbhūṣitānatha sa tāndadṛśe purataḥ sthitān

And he then saw them, adorned with the flowers, scent, and unguents that he had offered, standing before him.

Verse 63 (garuda.1.89.63)

प्रणिपत्य रुचिर्भक्त्या पुनरेव कृताञ्जलिः । नमस्तुभ्यं नमस्तुभ्यमित्याह पृथगादृतः

praṇipatya rucirbhaktyā punareva kṛtāñjaliḥ namastubhyaṁ namastubhyamityāha pṛthagādṛtaḥ

Bowing with devotion, Ruchi, again with joined palms, said reverently to each one separately: 'Salutation to you, salutation to you.'

Verse 64 (garuda.1.89.64)

ततः प्रसन्नाः पितरस्तमूचुर्मुनिसत्तमम् । वरं वृणीष्वेति स तानुवाचानतकन्धरः

tataḥ prasannāḥ pitarastamūcurmunisattamam varaṁ vṛṇīṣveti sa tānuvācānatakandharaḥ

Then the pleased ancestors said to that best of sages: 'Choose a boon.' He, his neck bowed, spoke to them thus.

Verse 65 (garuda.1.89.65)

रुचिरुवाच । प्रजानां सर्गकर्त्तृत्वमादिष्टं ब्रह्मणा मम । सोऽहं पत्नीमभीप्सामि धन्यां दिव्यां प्रजावतीम्

ruciruvāca prajānāṁ sargakarttṛtvamādiṣṭaṁ brahmaṇā mama so'haṁ patnīmabhīpsāmi dhanyāṁ divyāṁ prajāvatīm

Ruchi said: 'Brahma has appointed me to the task of creating creatures. So I desire a wife — blessed, divine, and fruitful in offspring.'

Verse 66 (garuda.1.89.66)

पितर ऊचुः । अत्रैव सद्यः पत्नी ते भवत्वतिमनोरमा । तस्याञ्च पुत्रो भविता भवतो मुनिसत्तम !

pitara ūcuḥ atraiva sadyaḥ patnī te bhavatvatimanoramā tasyāñca putro bhavitā bhavato munisattama !

The ancestors said: 'Right here, immediately, let there be for you a most beautiful wife; O best of sages, from her a son shall be born to you.'

Verse 67 (garuda.1.89.67)

मन्वन्तराधिपो धीमांस्त्वन्नाम्नैवोपलक्षितः । रुचे ! रौच्य इति ख्यातिं प्रयास्यति जगत्त्रये

manvantarādhipo dhīmāṁstvannāmnaivopalakṣitaḥ ruce ! raucya iti khyātiṁ prayāsyati jagattraye

'A wise lord of a Manvantara, marked by your very name — O Ruchi, he shall become renowned throughout the three worlds by the name Raucya.'

Verse 68 (garuda.1.89.68)

तस्यापि बहवः पुत्रा महाबलपराक्रमाः । भविष्यन्ति महात्मानः पृथिवीपरिपालकाः

tasyāpi bahavaḥ putrā mahābalaparākramāḥ bhaviṣyanti mahātmānaḥ pṛthivīparipālakāḥ

'He too shall have many sons of great might and valor, great souls, protectors of the earth.'

Verse 69 (garuda.1.89.69)

त्वं च प्रजापतिर्भूत्वा प्रजाः सृष्ट्वा चतुर्विधाः । क्षीणाधिकारो धर्मज्ञस्ततः सिद्धिमवाप्स्यसि

tvaṁ ca prajāpatirbhūtvā prajāḥ sṛṣṭvā caturvidhāḥ kṣīṇādhikāro dharmajñastataḥ siddhimavāpsyasi

'And you, having become a Prajapati and created the four kinds of beings, your office fulfilled, O knower of dharma, you shall then attain accomplishment.'

Verse 70 (garuda.1.89.70)

स्तोत्रेणानेन च नरो योऽस्मांस्तोष्यति भक्तितः । तस्य तुष्टा वयं भोगानात्मजं ध्यानमुत्तमम्

stotreṇānena ca naro yo'smāṁstoṣyati bhaktitaḥ tasya tuṣṭā vayaṁ bhogānātmajaṁ dhyānamuttamam

'And whatever man shall please us with devotion through this hymn, we, pleased, shall grant him enjoyments, offspring, and the highest meditation —'

Verse 71 (garuda.1.89.71)

आयुरारोग्यमर्थं च पुत्रपौत्रादिकं तथा । वांछद्भिः सततं स्तव्याः स्तोत्रेणानेन वै यतः

āyurārogyamarthaṁ ca putrapautrādikaṁ tathā vāṁchadbhiḥ satataṁ stavyāḥ stotreṇānena vai yataḥ

'long life, health, wealth, and sons and grandsons — for we are ever to be praised with this hymn by those who desire these things.'

Verse 72 (garuda.1.89.72)

श्राद्धेषु य इमं भक्त्या त्वस्मत्प्रीतिकरं स्तवम् । पठिष्यति द्विजाग्रयाणां भुंजतां पुरतः स्थितः

śrāddheṣu ya imaṁ bhaktyā tvasmatprītikaraṁ stavam paṭhiṣyati dvijāgrayāṇāṁ bhuṁjatāṁ purataḥ sthitaḥ

'Whoever, in shraddhas, with devotion, shall recite this hymn which pleases us, standing before the foremost brahmins as they eat —'

Verse 73 (garuda.1.89.73)

स्तोत्रश्रवणसंप्रीत्या सन्निधाने परे कृते । अस्माभिरक्षयं श्राद्धं तद्भविष्यत्यसंशयम्

stotraśravaṇasaṁprītyā sannidhāne pare kṛte asmābhirakṣayaṁ śrāddhaṁ tadbhaviṣyatyasaṁśayam

'through the joy of hearing this hymn, with our supreme presence made there, that shraddha shall become imperishable through us — of this there is no doubt.'

Verse 74 (garuda.1.89.74)

यद्यप्यश्रोत्रियं श्राद्धं यद्यप्युपहतं भवेत् । अन्यायोपात्तवित्तेन यदि वा कृतमन्यथा

yadyapyaśrotriyaṁ śrāddhaṁ yadyapyupahataṁ bhavet anyāyopāttavittena yadi vā kṛtamanyathā

'Even if the shraddha is performed without a learned brahmin, even if it should be flawed, or performed with wealth wrongfully acquired, or otherwise defective —'

Verse 75 (garuda.1.89.75)

अश्राद्धार्हैरुपतैरुपहारैस्तथा कृतैः । अकालेऽप्यथ वा देशे विधिहीनमथापि वा

aśrāddhārhairupatairupahāraistathā kṛtaiḥ akāle'pyatha vā deśe vidhihīnamathāpi vā

'even if performed with offerings unfit for shraddha, or brought by unfit means, or at the wrong time or place, or lacking in proper procedure —'

Verse 76 (garuda.1.89.76)

अश्रद्धया वा पुरुषैर्दम्भमाश्रित्य यत्कृतम् । अस्माकं तृप्तये श्राद्धन्तथाप्येतदुदीरणात्

aśraddhayā vā puruṣairdambhamāśritya yatkṛtam asmākaṁ tṛptaye śrāddhantathāpyetadudīraṇāt

'or performed by men without faith, resorting to hypocrisy — even so, this hymn, by its mere recitation, shall bring us satisfaction.'

Verse 77 (garuda.1.89.77)

यत्रैतत्पठ्यते श्राद्धे स्तोत्रमस्तत्सुखावहम् । अस्माकं जायते तृप्तिस्तत्र द्वादशावर्षिकी

yatraitatpaṭhyate śrāddhe stotramastatsukhāvaham asmākaṁ jāyate tṛptistatra dvādaśāvarṣikī

'Wherever, at a shraddha, this hymn — a bringer of joy — is recited, our satisfaction there becomes equal to twelve years of ordinary offerings.'

Verse 78 (garuda.1.89.78)

हेमन्ते द्वादशाब्दानि तृप्तिमेतत्प्रयच्छति । शिशिरे द्विगुणाब्दानि तृप्तिं स्तोत्रमिदं शुभम्

hemante dvādaśābdāni tṛptimetatprayacchati śiśire dviguṇābdāni tṛptiṁ stotramidaṁ śubham

'In the Hemanta season, this grants satisfaction for twelve years; in Shishira, this auspicious hymn grants satisfaction for twice that many years.'

Verse 79 (garuda.1.89.79)

वसन्ते षोडश समास्तृप्तये श्राद्धकर्मणि । ग्रीष्मे च षोडशैवैतत्पठितं तृप्तिकारकम्

vasante ṣoḍaśa samāstṛptaye śrāddhakarmaṇi grīṣme ca ṣoḍaśaivaitatpaṭhitaṁ tṛptikārakam

'In Vasanta, recited in the shraddha rite, it grants satisfaction for sixteen years; and in Grishma likewise, it grants satisfaction for sixteen years.'

Verse 80 (garuda.1.89.80)

विकलेऽपि कृते श्राद्धे स्तोत्रेणानेन साधिते । वर्षासु तृप्तिरस्माकमक्षय्या जायते रुचे

vikale'pi kṛte śrāddhe stotreṇānena sādhite varṣāsu tṛptirasmākamakṣayyā jāyate ruce

'O Ruchi, even in a deficient shraddha, when accomplished with this hymn, in the rainy season our satisfaction becomes imperishable.'

Verse 81 (garuda.1.89.81)

शरत्कालेऽपि पठितं श्राद्धकाले प्रयच्छति । अस्माकमेतत्पुरुषैस्तृप्तिं पंचदशाब्दिकीम्

śaratkāle'pi paṭhitaṁ śrāddhakāle prayacchati asmākametatpuruṣaistṛptiṁ paṁcadaśābdikīm

'Recited also in the autumn season, at the time of shraddha, this grants us, through men, satisfaction equal to fifteen years.'

Verse 82 (garuda.1.89.82)

यस्मिन् गेहे च लिखितमेतत्तिष्ठति नित्यदा । सन्निधानं कृते श्राद्धे तत्रास्माकं भविष्यति

yasmin gehe ca likhitametattiṣṭhati nityadā sannidhānaṁ kṛte śrāddhe tatrāsmākaṁ bhaviṣyati

'And in whatever house this hymn, written down, remains always present — there, when shraddha is performed, our presence shall always be.'

Verse 83 (garuda.1.89.83)

तस्मादेतत्त्वया श्राद्धे विप्राणां भुञ्जतां पुरः । श्रावणीयं महाभाग अस्माकं पुष्टिकारकम्

tasmādetattvayā śrāddhe viprāṇāṁ bhuñjatāṁ puraḥ śrāvaṇīyaṁ mahābhāga asmākaṁ puṣṭikārakam

'Therefore, O greatly fortunate one, this hymn, which nourishes us, should be recited by you at the shraddha, before the brahmins as they eat.'