Santapaka and the Five Pretas

Verse 1 (garuda.2.7.1)

गरुड उवाच । श्रुतं मे महादाख्यानं वृषोत्सर्गफलं हरे । पुनरन्यां कथां ब्रूहि यत्र ते महिमाद्भुतः

garuḍa uvāca | śrutaṁ me mahādākhyānaṁ vṛṣotsargaphalaṁ hare | punaranyāṁ kathāṁ brūhi yatra te mahimādbhutaḥ

Garuda said: O Hari, I have heard this great account of the fruit of vrishotsarga. Now tell me another tale, one in which your wondrous glory shines forth.

Verse 2 (garuda.2.7.2)

श्रीकृष्ण उवाच । अहं ते कथयाम्यद्य संवादं परमाद्भुतम् । सन्तप्तकस्य च प्रेतैस्तद्रूपज्ञापनाय वै

śrīkṛṣṇa uvāca | ahaṁ te kathayāmyadya saṁvādaṁ paramādbhutam | santaptakasya ca pretaistadrūpajñāpanāya vai

Shri Krishna said: Today I shall tell you of a most wondrous dialogue — the conversation of a brahmin named Santapaka with certain pretas, held so that their true nature might be made known.

Verse 3 (garuda.2.7.3)

विप्रः सन्तप्तकः कश्चित्तपसादग्धकिल्बिषः । संसारासारतां ज्ञात्वारण्यष्वेव चचार ह

vipraḥ santaptakaḥ kaścittapasādagdhakilbiṣaḥ | saṁsārāsāratāṁ jñātvāraṇyaṣveva cacāra ha

There was a brahmin named Santapaka, who had burned away his sins through austerity. Knowing the world to be hollow, he wandered only in the forests,

Verse 4 (garuda.2.7.4)

वैखानसमुनिव्रातैः प्राणिपातकृतेक्षणः । स कदाचित्तीर्थयात्रामुद्दिश्य स्माटतिद्विजः

vaikhānasamunivrātaiḥ prāṇipātakṛtekṣaṇaḥ | sa kadācittīrthayātrāmuddiśya smāṭatidvijaḥ

among the companies of Vaikhanasa sages, his gaze full of compassion for every creature. Once that twice-born was wandering with the intent of pilgrimage,

Verse 5 (garuda.2.7.5)

प्रत्याकृष्टेन्द्रियत्वाच्च बहिर्वृत्तिनिरोधकः । संस्कारमात्रगमनो मार्गभ्रष्टो बभूव ह

pratyākṛṣṭendriyatvācca bahirvṛttinirodhakaḥ | saṁskāramātragamano mārgabhraṣṭo babhūva ha

his senses drawn inward, his outward activity checked, moving on almost from mere habit, he strayed from the path.

Verse 6 (garuda.2.7.6)

चलन्नेवं स्नानकाले मध्याह्नेऽथाभिलाषुकः । जलस्योन्मील्य नयने दिशः सर्वा न्यभीलयत्

calannevaṁ snānakāle madhyāhne'thābhilāṣukaḥ | jalasyonmīlya nayane diśaḥ sarvā nyabhīlayat

Going along thus, at the midday hour for bathing, desiring water, he opened his eyes and looked about in every direction.

Verse 7 (garuda.2.7.7)

स ददर्श तदा गुल्मैर्वोरुद्वृक्षशतैश्चितम् । त्वक्सारैः शाखिशाखाभिः संकुलं गहनंवनम्

sa dadarśa tadā gulmairvorudvṛkṣaśataiścitam | tvaksāraiḥ śākhiśākhābhiḥ saṁkulaṁ gahanaṁvanam

He then beheld a vast forest, thick with hundreds of shrubs and great trees, dense with branches of tough bark.

Verse 8 (garuda.2.7.8)

तत्र तालास्तमालाश्च प्रियालाः पनसास्तथा । श्रीपर्णो शालशाखोटस्यन्दनास्तिन्दुकास्तथा

tatra tālāstamālāśca priyālāḥ panasāstathā | śrīparṇo śālaśākhoṭasyandanāstindukāstathā

There stood tala, tamala, priyala, and jackfruit trees, and also shrivriksha, sal, shakhota, syandana, and tinduka trees,

Verse 9 (garuda.2.7.9)

सर्जार्जुनाम्रातकाश्च श्लेष्मा तकभिभीतकौ । पिचुमर्दश्चिञ्चिणी च कर्कन्धूकर्णिकारकाः

sarjārjunāmrātakāśca śleṣmā takabhibhītakau | picumardaściñciṇī ca karkandhūkarṇikārakāḥ

sarja, arjuna, and amratak trees, shleshmataka, vibhitaka, neem, tamarind, jujube, and karnikara —

Verse 10 (garuda.2.7.10)

एते चान्ये च बहवो वृक्षास्तेषु न दृश्यते । पक्षिणामपि वै पन्था मनुष्यस्य कुतः पुनः

ete cānye ca bahavo vṛkṣāsteṣu na dṛśyate | pakṣiṇāmapi vai panthā manuṣyasya kutaḥ punaḥ

these and many other trees besides, among which not even a path for birds could be seen, let alone a path for men.

Verse 11 (garuda.2.7.11)

तस्मिन् वने महाघोरे सिंहव्याघ्रसमाकुले । तरक्षुगवयैरृक्षैर्महिषैश्च निषेविते

tasmin vane mahāghore siṁhavyāghrasamākule | tarakṣugavayairṛkṣairmahiṣaiśca niṣevite

In that most terrible forest, thronged with lions and tigers, frequented by hyenas, wild oxen, bears, and buffaloes,

Verse 12 (garuda.2.7.12)

कुञ्ज रैरुरुभिर्नागैर्मर्कटैश्च तथामृगैः । श्वापदैश्च तथा चान्यैः पिशाचै राक्षसैर्वृते

kuñja rairurubhirnāgairmarkaṭaiśca tathāmṛgaiḥ | śvāpadaiśca tathā cānyaiḥ piśācai rākṣasairvṛte

thronged with elephants, deer, serpents, monkeys, and other wild creatures, and beset by beasts of prey, pishachas, and rakshasas,

Verse 13 (garuda.2.7.13)

सन्तप्तको द्विजः किञ्चिद्भयसन्त्रस्तमानसः । कान्दिशीकः समभवढ्यद्भविष्यो ययौ पुनः

santaptako dvijaḥ kiñcidbhayasantrastamānasaḥ | kāndiśīkaḥ samabhavaḍhyadbhaviṣyo yayau punaḥ

the brahmin Santapaka's mind grew somewhat terrified. Losing his sense of direction, he went on wherever he could.

Verse 14 (garuda.2.7.14)

झङ्कारेषु च झिल्लीनां घूकानां घूत्कृतेष्वपि । दत्तकर्णः कुनीलाङ्गश्चचाल पदपञ्चकम्

jhaṁkāreṣu ca jhillīnāṁ ghūkānāṁ ghūtkṛteṣvapi | dattakarṇaḥ kunīlāṁgaścacāla padapañcakam

Amid the shrilling of crickets and the hooting of owls, straining his ears, his body pale with fear, he could barely advance five steps.

Verse 15 (garuda.2.7.15)

स तत्र वटवृक्षाग्रे स्नायुबद्धं शवं तथा । ददर्श तद्भुजश्चैव पञ्च प्रेतान् सुदारुणान्

sa tatra vaṭavṛkṣāgre snāyubaddhaṁ śavaṁ tathā | dadarśa tadbhujaścaiva pañca pretān sudāruṇān

There, at the top of a banyan tree, he saw a corpse bound by its sinews, and around it he saw five most terrible pretas,

Verse 16 (garuda.2.7.16)

शिरास्थिचर्मशेषाङ्गान् पृष्ठलग्नोदरान् खग । त्यक्तान्नासिकया नेत्रकूपपातभयादिव

śirāsthicarmaśeṣāṁgān pṛṣṭhalagnodarān khaga | tyaktānnāsikayā netrakūpapātabhayādiva

their bodies reduced to skull, bone, and skin alone, their bellies clinging to their backs, O bird, their very noses shrunken back as though in fear of falling into the pits of their eyes,

Verse 17 (garuda.2.7.17)

सूचीक्रककचकव्रातघातपातितकीकसान् । वसाक्तनवमस्तिष्कस्वादनित्यमहोत्सवान्

sūcīkrakakacakavrātaghātapātitakīkasān | vasāktanavamastiṣkasvādanityamahotsavān

their ribs pried apart by needle-, tooth-, and comb-like implements, forever absorbed in the daily festival of tasting fresh, fat-smeared brain,

Verse 18 (garuda.2.7.18)

रणत्कोटिमहादंष्ट्रानस्थिग्रन्थ्यवघट्टितान् । तान्दृष्ट्वा त्रस्तहृदयो गतिमाकुञ्च्य संस्थितः

raṇatkoṭimahādaṁṣṭrānasthigranthyavaghaṭṭitān | tāndṛṣṭvā trastahṛdayo gatimākuñcya saṁsthitaḥ

their huge fangs clattering, their bony joints grinding against one another — seeing them, his heart grew terrified, and he stood frozen, unable to move.

Verse 19 (garuda.2.7.19)

ते विलोक्यागतं विप्रमटवीं जनवर्जिताम् । अहं पूर्वमहं पूर्वं यामीत्याक्त्वा प्रदुद्रुवुः

te vilokyāgataṁ vipramaṭavīṁ janavarjitām | ahaṁ pūrvamahaṁ pūrvaṁ yāmītyāktvā pradudruvuḥ

They too, seeing that brahmin arrive in that people-less forest, cried 'I first, I first!' and rushed toward him.

Verse 20 (garuda.2.7.20)

तेषु द्वौद्वावगृह्णीतामस्य हस्तावथापरे । द्वौद्वौ पादावगृह्णीतां मूर्धानं पञ्चमोऽग्रहीत्

teṣu dvaudvāvagṛhṇītāmasya hastāvathāpare | dvaudvau pādāvagṛhṇītāṁ mūrdhānaṁ pañcamo'grahīt

Two of them seized his two hands, another two seized his two feet, and the fifth seized his head.

Verse 21 (garuda.2.7.21)

स्वजात्युचितवाक्येन स्फुटवर्णवताब्रुवन् । अहं जक्षाम्यहं भक्षामीति कर्षणतत्पराः

svajātyucitavākyena sphuṭavarṇavatābruvan | ahaṁ jakṣāmyahaṁ bhakṣāmīti karṣaṇatatparāḥ

In speech fitting their kind, in clear words they cried — 'I shall eat him, I shall eat him!' — thus intent on pulling him apart,

Verse 22 (garuda.2.7.22)

सहसैव सहैवामुं गृहीत्वा व्यगमन्वियत् । कियत्स्थितं वटौ मांसं क्रियन्नेति न्यभालयन्

sahasaiva sahaivāmuṁ gṛhītvā vyagamanviyat | kiyatsthitaṁ vaṭau māṁsaṁ kriyanneti nyabhālayan

and, suddenly, holding him fast together, they rose up into the sky. They then looked back to see how much flesh remained on the banyan tree, and what should now be done.

Verse 23 (garuda.2.7.23)

तेऽपश्यन्निजदंष्ट्रायः पाटितान्त्रमिमं शवम् । अवतीर्य ततो व्योम्नो गृहीत्वा चरणैः शवम्

te'paśyannijadaṁṣṭrāyaḥ pāṭitāntramimaṁ śavam | avatīrya tato vyomno gṛhītvā caraṇaiḥ śavam

They saw that corpse lying there, its entrails torn open by their own sharp fangs. Then, descending from the sky, gripping the corpse with their feet,

Verse 24 (garuda.2.7.24)

स्वखण्डितशरीरन्तु पुनर्व्योमैव चक्रमुः । स नीयमानमात्मानं विलोक्य वियति द्विजः

svakhaṇḍitaśarīrantu punarvyomaiva cakramuḥ | sa nīyamānamātmānaṁ vilokya viyati dvijaḥ

they took flight once more into the sky, carrying their own broken portion [of food] with them. Seeing himself thus being carried through the sky, that brahmin,

Verse 25 (garuda.2.7.25)

जगाम मनसा मां स शरणं भयविह्वलः । नमश्चक्रे चक्रधरं चेतसा चिन्मयं समम्

jagāma manasā māṁ sa śaraṇaṁ bhayavihvalaḥ | namaścakre cakradharaṁ cetasā cinmayaṁ samam

overwhelmed with fear, sought refuge in me within his mind. He bowed in his heart to me — the bearer of the discus, of the nature of pure consciousness, ever the same.

Verse 26 (garuda.2.7.26)

वक्रं नक्रं चक्रपातेन दूरे कृत्वा हृत्वा तस्य दुःखं मुकुन्दः । मातङ्गं योऽमूमुचन्नक्रवक्त्रात्पाशं सोऽसौ कर्मणां मे लुनातु

vakraṁ nakraṁ cakrapātena dūre kṛtvā hṛtvā tasya duḥkhaṁ mukundaḥ | mātaṁgaṁ yo'mūmucannakravaktrātpāśaṁ so'sau karmaṇāṁ me lunātu

'May that Mukunda, who with the throw of his discus drove off the crocodile, and, cutting the bond of the noose from that twisted-mouthed crocodile's grip, freed the elephant-king from his suffering — may he sever the bonds of my own deeds.'

Verse 27 (garuda.2.7.27)

रुद्धाञ्शुद्धान् भूपतीन्मागधेन भीमेनैनं घातयित्वा मुरारिः । निर्बद्धान्यो भर्गयज्ञाय मुक्तश्चक्रो मेऽसौ कर्मपाशं लुनातु

ruddhāñśuddhān bhūpatīnmāgadhena bhīmenainaṁ ghātayitvā murāriḥ | nirbaddhānyo bhargayajñāya muktaścakro me'sau karmapāśaṁ lunātu

'May that Murari, who freed the kings held captive by Bhima, lord of Magadha, forcibly imprisoned, releasing them for the sacrifice to Bharga (Shiva) — may that wielder of the discus cut through the noose of my own deeds.'

Verse 28 (garuda.2.7.28)

मनसैवैह मामस्तौत्स्तूयमानोऽहमुत्थितः । अगच्छं सहसा तत्र यत्र प्रेतैः स नीयते

manasaivaiha māmastautstūyamāno'hamutthitaḥ | agacchaṁ sahasā tatra yatra pretaiḥ sa nīyate

Thus praising me within his mind, he rose up. I went at once to that place where he was being carried off by the pretas.

Verse 29 (garuda.2.7.29)

दृष्ट्वा तैर्नीयमानन्तु कौतुकं मेऽभवत्खग । पप्रच्छ न कियन्तं वै कालं तान्पृष्ठतोऽन्वगाम्

dṛṣṭvā tairnīyamānantu kautukaṁ me'bhavatkhaga | papraccha na kiyantaṁ vai kālaṁ tānpṛṣṭhato'nvagām

O bird, seeing him being carried by those pretas, curiosity arose in me. I did not stop to ask how long I followed behind them,

Verse 30 (garuda.2.7.30)

मम सन्निधिमात्रेण द्विजातिं तञ्च सर्पहन् । तत्कालं शिविकासुप्तभूपालसुखमाविशत्

mama sannidhimātreṇa dvijātiṁ tañca sarpahan | tatkālaṁ śivikāsuptabhūpālasukhamāviśat

O slayer of serpents, by my mere presence alone, that twice-born instantly attained a comfort like that of a king asleep in his palanquin.

Verse 31 (garuda.2.7.31)

मणिभद्रस्ततो मेरुं गच्छन्दृष्टो मया पथि । निकोच्याक्षि स्वपार्श्वं स नीतो वै यक्षराण्मया

maṇibhadrastato meruṁ gacchandṛṣṭo mayā pathi | nikocyākṣi svapārśvaṁ sa nīto vai yakṣarāṇmayā

Then, on the way, I saw Manibhadra proceeding toward Meru. I signaled with a glance, and drew the king of the yakshas to my side.

Verse 32 (garuda.2.7.32)

तमवोचं महायक्षं त्वं हि प्रतिभटो भव । प्रेतान्नाशय तद्भूयः शवञ्च हर तद्गतम्

tamavocaṁ mahāyakṣaṁ tvaṁ hi pratibhaṭo bhava | pretānnāśaya tadbhūyaḥ śavañca hara tadgatam

I said to that great yaksha: 'Become their adversary; destroy these pretas at once, and bring back that corpse which they have carried off.'

Verse 33 (garuda.2.7.33)

इत्युक्तः स महाघोरं कृत्वा रोषं सुदुःसहम् । जग्राह प्रेतरूपं तत्प्रेतानामपि दुःखदम्

ityuktaḥ sa mahāghoraṁ kṛtvā roṣaṁ suduḥsaham | jagrāha pretarūpaṁ tatpretānāmapi duḥkhadam

Thus commanded, seizing upon a most terrible and unbearable rage, he assumed a form fearsome even to those pretas — the very form of a preta himself.

Verse 34 (garuda.2.7.34)

स विवृत्य स्वकौ बाहू सृक्किणी परिलेलिहन् । भेदयन्नुरुवातेन प्रेतांस्तान्संमुखो ययौ

sa vivṛtya svakau bāhū sṛkkiṇī parilelihan | bhedayannuruvātena pretāṁstānsaṁmukho yayau

Spreading wide his two arms, licking the corners of his lips, splitting the air with tremendous force, he advanced to confront those pretas.

Verse 35 (garuda.2.7.35)

बाहुभ्यां द्वौ द्वौ च पद्भ्यां मूर्ध्नैकं च समाहरत् । प्रेतानथापि सहसा जघान दृढमुष्टिना

bāhubhyāṁ dvau dvau ca padbhyāṁ mūrdhnaikaṁ ca samāharat | pretānathāpi sahasā jaghāna dṛḍhamuṣṭinā

With his two arms he seized two, with his two feet two more, and with his head one; and, at once, with his powerful fists, he struck down those pretas.

Verse 36 (garuda.2.7.36)

ते विवर्णमुखाः सर्वे तं द्विजञ्च शवं तथा । एकैकं हस्तपादैश्च गृहीत्वा युद्धमारभन्

te vivarṇamukhāḥ sarve taṁ dvijañca śavaṁ tathā | ekaikaṁ hastapādaiśca gṛhītvā yuddhamārabhan

All of them, pale with fear, seized upon that brahmin and upon the corpse, each with his hands and feet, and began the battle.

Verse 37 (garuda.2.7.37)

ते नखैस्तलघातैश्च पादघातैस्तथैव च । दंष्ट्राघातैश्च सर्वे तमेकं प्रेतं व्यदारयन्

te nakhaistalaghātaiśca pādaghātaistathaiva ca | daṁṣṭrāghātaiśca sarve tamekaṁ pretaṁ vyadārayan

With claws, with blows of the palm, with kicks, and likewise with the strikes of their fangs, they all together set upon that one preta to tear him apart.

Verse 38 (garuda.2.7.38)

तेषां प्रहारान्विफलान्कृत्वा संप्रति तानथ । जीवं न तु शवं तेषां जह्रे प्राणमिवान्तकः

teṣāṁ prahārānviphalānkṛtvā saṁprati tānatha | jīvaṁ na tu śavaṁ teṣāṁ jahre prāṇamivāntakaḥ

Rendering their blows fruitless, he now took not the corpse but their very lives — as though he were Death itself.

Verse 39 (garuda.2.7.39)

हृतमात्रे शवे ते तु पारियात्रे गिरौ द्विजम् । मुक्त्वाधावन् प्रमुदिता एकं प्रेतं सुदारुणाः

hṛtamātre śave te tu pāriyātre girau dvijam | muktvādhāvan pramuditā ekaṁ pretaṁ sudāruṇāḥ

Once the corpse was seized, those remaining pretas, leaving the brahmin upon the mountain, rushed gladly toward that one most terrible preta.

Verse 40 (garuda.2.7.40)

स वायुगमनः प्रेतः प्राप्तस्तैः क्षणमात्रतः । अदृश्यतां ययौ तेऽथ हताशा विप्रमागमन्

sa vāyugamanaḥ pretaḥ prāptastaiḥ kṣaṇamātrataḥ | adṛśyatāṁ yayau te'tha hatāśā vipramāgaman

That wind-swift preta [the yaksha] was upon them for but a moment, and then vanished from sight; then, in despair, they came back to the brahmin.

Verse 41 (garuda.2.7.41)

प्रारब्धमात्रे विप्रस्य पाटने तत्र पर्वते । मम स्थानस्य विप्रस्य महिम्नेव च तत्क्षणे

prārabdhamātre viprasya pāṭane tatra parvate | mama sthānasya viprasya mahimneva ca tatkṣaṇe

There upon that mountain, just as they began [to tear apart] the brahmin, at that very moment, through the very majesty of my abode,

Verse 42 (garuda.2.7.42)

सद्यः स्मृतिः समुत्पन्ना तेषां पूर्वस्य जन्मनः । विप्रं प्रदक्षिणीकृत्य द्विजर्षभमथाब्रुवन्

sadyaḥ smṛtiḥ samutpannā teṣāṁ pūrvasya janmanaḥ | vipraṁ pradakṣiṇīkṛtya dvijarṣabhamathābruvan

the memory of their former birth suddenly arose within them. They circled that foremost brahmin in reverence and said to him —

Verse 43 (garuda.2.7.43)

अद्य नः क्षन्तुमर्होऽसीत्युक्त्वा ते सुरदाम्भिकाः । गिरेरिव परावर्तं समुद्रस्येव शोषणम्

adya naḥ kṣantumarho'sītyuktvā te suradāmbhikāḥ | gireriva parāvartaṁ samudrasyeva śoṣaṇam

'Today you should forgive us' — thus speaking, those who once had the arrogance of gods, as though the mountain had turned back, or the ocean had dried up,

Verse 44 (garuda.2.7.44)

तेषां तद्वचनं श्रुत्वापृच्छत्के यूयमित्यथ । किं माया किमु वा स्वप्न उताहो चित्तविभ्रमः

teṣāṁ tadvacanaṁ śrutvāpṛcchatke yūyamityatha | kiṁ māyā kimu vā svapna utāho cittavibhramaḥ

hearing their words, he asked — 'Who are you? Is this an illusion, or a dream, or merely a confusion of my own mind?'

Verse 45 (garuda.2.7.45)

प्रेता ऊचुः । अवेहि तत्त्वमेवैतत्प्रेता वै कर्मजा वयम् । ब्राह्मण उवाच । किंनामानः किमाचाराः कथञ्चेमां दशां गताः

pretā ūcuḥ | avehi tattvamevaitatpretā vai karmajā vayam | brāhmaṇa uvāca | kiṁnāmānaḥ kimācārāḥ kathañcemāṁ daśāṁ gatāḥ

The pretas said: 'Know this to be the very truth — we are pretas born of our own deeds.' The brahmin said: 'What were your names, what was your conduct, and how did you come to this state?

Verse 46 (garuda.2.7.46)

अविनीताः कथं पूर्वं विनीताः साम्प्रतं कथम् । प्रेता ऊचुः । शृणु विप्रेन्द्र वक्ष्यामः प्रश्नानामनुपूर्वशः

avinītāḥ kathaṁ pūrvaṁ vinītāḥ sāmprataṁ katham | pretā ūcuḥ | śṛṇu viprendra vakṣyāmaḥ praśnānāmanupūrvaśaḥ

How were you so unruly before, and how have you now become so humble?' The pretas said: 'Hear, O foremost of brahmins, we shall answer your questions in order,

Verse 47 (garuda.2.7.47)

उत्तराणि महायोगिंस्त्वद्दर्शनगतांहसः । अहं पर्युषितो नाम्ना एष सूचीमुखः स्मृतः

uttarāṇi mahāyogiṁstvaddarśanagatāṁhasaḥ | ahaṁ paryuṣito nāmnā eṣa sūcīmukhaḥ smṛtaḥ

O great yogi, by the mere sight of you our sins have been destroyed. I am known by the name 'Paryushita'; this one is called 'Suchimukha';

Verse 48 (garuda.2.7.48)

तृतीयः शीघ्रगस्तुर्यो रोधको लेखकः परः । ब्राह्मण उवाच । प्रेतानां कर्मजातानां कुतो नाम निरर्थकम्

tṛtīyaḥ śīghragasturyo rodhako lekhakaḥ paraḥ | brāhmaṇa uvāca | pretānāṁ karmajātānāṁ kuto nāma nirarthakam

the third is 'Shighraga', the fourth 'Rodhaka', and the last 'Lekhaka'.' The brahmin said: 'Since you pretas were each born of your own deed, how are these names of yours not meaningless?

Verse 49 (garuda.2.7.49)

निरुक्तिमेषां नाम्नां वै प्रेता वदत मा चिरम् । श्रीकृष्ण उवाच । एवमुक्तास्तु विप्रेण पृथगुत्तरमब्रुवन्

niruktimeṣāṁ nāmnāṁ vai pretā vadata mā ciram | śrīkṛṣṇa uvāca | evamuktāstu vipreṇa pṛthaguttaramabruvan

O pretas, tell me the true derivation of your names, without delay.' Shri Krishna said: Thus questioned by the brahmin, they each gave their own answer in turn.

Verse 50 (garuda.2.7.50)

पर्युषित उवाच । कदाचिच्छ्राद्धकाले वै मया विप्रो निमन्त्रितः

paryuṣita uvāca | kadācicchrāddhakāle vai mayā vipro nimantritaḥ

Paryushita said: Once, on the occasion of a shraddha, I invited a brahmin.

Verse 51 (garuda.2.7.51)

स च कृत्वा विलम्बेन वृद्धो मद्गृहमागतः । अकृतश्राद्धकर्माहं तं पाकं भुक्तवान् क्षुधा

sa ca kṛtvā vilambena vṛddho madgṛhamāgataḥ | akṛtaśrāddhakarmāhaṁ taṁ pākaṁ bhuktavān kṣudhā

That old man, arriving late, came to my house. As the shraddha rite was not yet complete, and being tormented by hunger, I myself ate that food,

Verse 52 (garuda.2.7.52)

अददामन्नमाकृष्य विप्रे पर्युषितं कियत् । तस्मात्पापान्मृतः पापो योनिं वै कुत्सितां गतः

adadāmannamākṛṣya vipre paryuṣitaṁ kiyat | tasmātpāpānmṛtaḥ pāpo yoniṁ vai kutsitāṁ gataḥ

and, dragging out the meal, gave the brahmin only some stale food. Dying from that sin, I, a sinner, attained a despised state of being.

Verse 53 (garuda.2.7.53)

यतः पर्युषितं दत्तं ततः पर्युषितः स्मृतः । सूचीमुख उवाच । कदाचिद्ब्राह्मणी काचित्तीर्थं भद्रवटं ययौ

yataḥ paryuṣitaṁ dattaṁ tataḥ paryuṣitaḥ smṛtaḥ | sūcīmukha uvāca | kadācidbrāhmaṇī kācittīrthaṁ bhadravaṭaṁ yayau

Because I gave stale (paryushita) food, I am known by the name 'Paryushita'.' Suchimukha said: 'Once a certain brahmin woman journeyed to the tirtha of Bhadravata.

Verse 54 (garuda.2.7.54)

पञ्चवर्षसुता वृद्धा पुत्रमात्रैकजीविता । अहं क्षत्त्रियदायादस्तस्या रोधमकारिषम्

pañcavarṣasutā vṛddhā putramātraikajīvitā | ahaṁ kṣattriyadāyādastasyā rodhamakāriṣam

She was aged, sustained by her life only through a five-year-old son. I was the son of a kshatriya; I obstructed her way.

Verse 55 (garuda.2.7.55)

वने तु विजने तत्र पापाध्वगगतिं गतः । तस्याः सवस्त्रं पाथेयं तत्सूनोर्वसनानि च

vane tu vijane tatra pāpādhvagagatiṁ gataḥ | tasyāḥ savastraṁ pātheyaṁ tatsūnorvasanāni ca

There, in that lonely forest, having attained the state of a sinful, wayward traveler, I seized her clothing, her provisions for the journey, and her son's clothes as well,

Verse 56 (garuda.2.7.56)

गृहीतानि मया विप्र शिरस्यापीड्य मुष्टिना । तृषार्तस्तत्क्षणं बालः पात्रसंस्थं जलं पिबन्

gṛhītāni mayā vipra śirasyāpīḍya muṣṭinā | tṛṣārtastatkṣaṇaṁ bālaḥ pātrasaṁsthaṁ jalaṁ piban

O brahmin, striking her upon the head with my fist. Tormented by thirst, that child at once began to drink the water kept in a vessel.

Verse 57 (garuda.2.7.57)

तावन्मात्रोदके देशे मया हुङ्कृत्य वारितः । मयाथ सकलं पीतं जलं पात्रात्तृषावता

tāvanmātrodake deśe mayā huṁkṛtya vāritaḥ | mayātha sakalaṁ pītaṁ jalaṁ pātrāttṛṣāvatā

Even over that small measure of water I shouted and stopped him, and, myself tormented by thirst, drank all the water in that vessel.

Verse 58 (garuda.2.7.58)

बालोऽपि भयसन्त्रस्तः पिपासुर्व्यसुरापतत् । पुत्रशोकान्मृता माता कूपे प्रास्य निजं वपुः

bālo'pi bhayasantrastaḥ pipāsurvyasurāpatat | putraśokānmṛtā mātā kūpe prāsya nijaṁ vapuḥ

That child too, terrified and dying of thirst, fell down lifeless. The mother, grief-stricken at her son's death, cast her own body into a well.

Verse 59 (garuda.2.7.59)

एतस्मात्पातकाद्विप्र प्रेतत्वं प्राप्तवानहम् । सूच्यग्रप्रायविवरमुखः पर्वतदेहवान्

etasmātpātakādvipra pretatvaṁ prāptavānaham | sūcyagraprāyavivaramukhaḥ parvatadehavān

By this very sin, O brahmin, I attained the state of a preta — with a mouth-opening as narrow as a needle's point, yet a body vast as a mountain.

Verse 60 (garuda.2.7.60)

यद्यपि प्राप्नुयां भक्ष्यं भक्षितुन्तु न शक्यते । मया क्षुधानलेनापि ज्वलतास्यं निकोचितम्

yadyapi prāpnuyāṁ bhakṣyaṁ bhakṣituntu na śakyate | mayā kṣudhānalenāpi jvalatāsyaṁ nikocitam

Even if I obtain food, I am unable to eat it, for my mouth, burning with the fire of hunger, has itself shrunk closed.

Verse 61 (garuda.2.7.61)

अत आस्ये तु विवरं सूच्यग्रेण समं मम । एतस्मात्कारणाद्विप्र नाम्ना सूचीमुखोऽस्म्यहम्

ata āsye tu vivaraṁ sūcyagreṇa samaṁ mama | etasmātkāraṇādvipra nāmnā sūcīmukho'smyaham

Therefore my mouth has an opening no wider than the point of a needle. For this reason, O brahmin, I am known by the name 'Suchimukha'.'

Verse 62 (garuda.2.7.62)

शीघ्रग उवाच । पुराहं वैश्यजातीयः साकं सख्या च केनचित् । वाणिज्यं कर्तुमगमं देशमन्यं महाधनः

śīghraga uvāca | purāhaṁ vaiśyajātīyaḥ sākaṁ sakhyā ca kenacit | vāṇijyaṁ kartumagamaṁ deśamanyaṁ mahādhanaḥ

Shighraga said: 'In a former birth I was of the vaishya caste. Together with a certain friend, being exceedingly wealthy, I journeyed to another land to trade.'

Verse 63 (garuda.2.7.63)

मित्रं च मे बहुधनं तस्य लोभो महांस्ततः । जातोऽप्यदृष्टवैमुख्यान्मे नष्टं मूलमप्युत

mitraṁ ca me bahudhanaṁ tasya lobho mahāṁstataḥ | jāto'pyadṛṣṭavaimukhyānme naṣṭaṁ mūlamapyuta

'My friend too had great wealth; a great greed arose in me toward it, and, by ill fortune, my own capital had also been lost.'

Verse 64 (garuda.2.7.64)

ततस्तस्मात्तु निष्क्रान्तावावां नावाथ निम्नगाम् । मार्गगां तर्तुमारब्धौ लोहितायति भास्करे

tatastasmāttu niṣkrāntāvāvāṁ nāvātha nimnagām | mārgagāṁ tartumārabdhau lohitāyati bhāskare

'Then, departing from that land, the two of us set out to cross a river on the way, by boat, as the sun was reddening.'

Verse 65 (garuda.2.7.65)

सखा स च मदुत्सङ्गे सुष्वापाध्वक्लमाकुलः । अभूत्तदाति पापस्य क्रूरा मतिरतीव मे

sakhā sa ca madutsaṁge suṣvāpādhvaklamākulaḥ | abhūttadāti pāpasya krūrā matiratīva me

'My friend, wearied by the journey, fell asleep in my lap. Then, sinner that I was, a most cruel intent arose in me.'

Verse 66 (garuda.2.7.66)

तमुत्सङ्गगतं सूरे नष्टे पूरेऽक्षिपं तदा । तत्कृत्यं कुर्वतो नावि लोकैस्तु ज्ञातमेव न

tamutsaṁgagataṁ sūre naṣṭe pūre'kṣipaṁ tadā | tatkṛtyaṁ kurvato nāvi lokaistu jñātameva na

'While he slept in my lap, I threw him into the flooding river. As I committed this evil deed in the boat, no one else came to know of it.'

Verse 67 (garuda.2.7.67)

तस्य यद्वस्तु तत्सर्वं मणिमुक्तादिकाञ्चनम् । आदाय शीघ्रगस्तस्माद्देशात्स्वगृहमागतः

tasya yadvastu tatsarvaṁ maṇimuktādikāñcanam | ādāya śīghragastasmāddeśātsvagṛhamāgataḥ

'Taking all his wealth — jewels, pearls, gold, and the rest — I, Shighraga, swiftly returned home from that land.'

Verse 68 (garuda.2.7.68)

तत्सर्वं स्वगृहे मुक्त्वा तस्य पत्न्यै न्यवेदयम् । दस्युभिर्मे हतो भ्राता धनमाच्छिद्य वै पथि

tatsarvaṁ svagṛhe muktvā tasya patnyai nyavedayam | dasyubhirme hato bhrātā dhanamācchidya vai pathi

'Placing all that wealth in my own house, I told his wife — Your husband was killed by robbers upon the road, his wealth seized.'

Verse 69 (garuda.2.7.69)

प्रजावति प्रद्रुतोऽहं मा रोदीत्येवमब्रवम् । शोकार्ता सापि तत्कालं ममत्वं गृहबन्धुषु

prajāvati pradruto'haṁ mā rodītyevamabravam | śokārtā sāpi tatkālaṁ mamatvaṁ gṛhabandhuṣu

'Since she had a young child, I said to her — I fled while he had his son with him — do not weep. Overwhelmed with grief, she too, in that very moment, renouncing her attachment'

Verse 70 (garuda.2.7.70)

त्यक्त्वा चाति प्रियान्प्राणाञ्जुहावाग्नौ यथाविधि । ततो निष्कण्टकं तद्धि वीक्ष्य हृष्टो गतो गृहम्

tyaktvā cāti priyānprāṇāñjuhāvāgnau yathāvidhi | tato niṣkaṇṭakaṁ taddhi vīkṣya hṛṣṭo gato gṛham

'to her family, and abandoning her most dear life, offered herself into the fire, according to rite. Then, seeing this state of affairs free of any hindrance, I went home rejoicing.'

Verse 71 (garuda.2.7.71)

अभुञ्जं सर्वमागत्य यावज्जीवं तु तद्धनम् । मित्रं पूरे हि निःक्षिप्य यदहं शीघ्रमागतः

abhuñjaṁ sarvamāgatya yāvajjīvaṁ tu taddhanam | mitraṁ pūre hi niḥkṣipya yadahaṁ śīghramāgataḥ

'Coming home, I enjoyed all that wealth for the rest of my life. O brahmin, since I cast my own friend into the river and came away swiftly —'

Verse 72 (garuda.2.7.72)

एतस्मात्कारणात्प्रेतः शीघ्रगोऽहं तु नामतः । रोधक उवाच । अहन्तु शूद्रजातीयः पुराभूवं मुनीश्वर

etasmātkāraṇātpretaḥ śīghrago'haṁ tu nāmataḥ | rodhaka uvāca | ahantu śūdrajātīyaḥ purābhūvaṁ munīśvara

'for this reason, as a preta, I am named 'Shighraga'.' Rodhaka said: 'O lord of sages, in a former time I was of the shudra caste,'

Verse 73 (garuda.2.7.73)

राजप्रसादाप्तमहाशतग्रामाधिकारवान् । वृद्धौ मे पितरावास्तां लघुरेकः सहोदरः

rājaprasādāptamahāśatagrāmādhikāravān | vṛddhau me pitarāvāstāṁ laghurekaḥ sahodaraḥ

'holding, by the king's favor, authority over hundreds of villages. My parents were aged, and I had one younger brother of the same womb.'

Verse 74 (garuda.2.7.74)

शीघ्रं स च मया भ्राता लुब्धेनैकः पृथक्कृतः । आप्तवान्परमं दुःखं सोन्नवस्त्रविवर्जितः

śīghraṁ sa ca mayā bhrātā lubdhenaikaḥ pṛthakkṛtaḥ | āptavānparamaṁ duḥkhaṁ sonnavastravivarjitaḥ

'I, out of greed, swiftly separated myself from that brother. He came to suffer greatly, deprived of food and clothing.'

Verse 75 (garuda.2.7.75)

अदत्तां पितरौ च्छन्नं किञ्चित्किञ्चित्तु तस्य च । तस्मै पितृभ्यां यद्दत्तमाप्तेभ्यस्तन्मया श्रुतम्

adattāṁ pitarau cchannaṁ kiñcitkiñcittu tasya ca | tasmai pitṛbhyāṁ yaddattamāptebhyastanmayā śrutam

'My parents began secretly giving him a little here and there; I learned that they had given him what they had received from others.'

Verse 76 (garuda.2.7.76)

तत्सर्वं तत्त्वतो ज्ञात्वा पित्रो रोधमकारयम् । शून्यमन्दिर एकस्मिन्बद्ध्वा तु निगडैर्दृढैः

tatsarvaṁ tattvato jñātvā pitro rodhamakārayam | śūnyamandira ekasminbaddhvā tu nigaḍairdṛḍhaiḥ

'Learning all this in truth, I imprisoned my own parents — binding them with strong fetters in some deserted house.'

Verse 77 (garuda.2.7.77)

ततस्तौ जहतुः प्राणान्दुःखितौ विषपानतः । सोसौ बालोऽपि बभ्राम पितृभ्यां रहितो द्विज

tatastau jahatuḥ prāṇānduḥkhitau viṣapānataḥ | sosau bālo'pi babhrāma pitṛbhyāṁ rahito dvija

'Then, grief-stricken, they took poison and gave up their lives. O twice-born, that boy, my brother, deprived of his parents, wandered about —'

Verse 78 (garuda.2.7.78)

पुरः पत्तनखर्वाटान् खेटानपि मृतः क्षुधा । एतस्मात्पातकाद्विप्र मृतः प्रेतत्वमागतः

puraḥ pattanakharvāṭān kheṭānapi mṛtaḥ kṣudhā | etasmātpātakādvipra mṛtaḥ pretatvamāgataḥ

'through cities, towns, and villages, dying of hunger. By this very sin, O brahmin, dying, I attained the state of a preta.'

Verse 79 (garuda.2.7.79)

रुद्धौ तु पितरौ यस्मान्नाम्नाहं रोधकस्ततः । लेखक उवाच । अहं विप्र पुराभूवमवन्त्यां द्विजसत्तमः

ruddhau tu pitarau yasmānnāmnāhaṁ rodhakastataḥ | lekhaka uvāca | ahaṁ vipra purābhūvamavantyāṁ dvijasattamaḥ

'Because I confined (rodha) my own parents, I am named 'Rodhaka'.' Lekhaka said: 'O brahmin, in a former time I was a foremost brahmin in Avanti,'

Verse 80 (garuda.2.7.80)

भद्रस्य राज्ञो देवानां पूजनेऽधिकृतो ह्यहम् । बह्व्यस्तु प्रतिमास्तत्र बभूवुर्बहुनामिकाः

bhadrasya rājño devānāṁ pūjane'dhikṛto hyaham | bahvyastu pratimāstatra babhūvurbahunāmikāḥ

'appointed to the worship of the gods under King Bhadra. There were many images there, of various names,'

Verse 81 (garuda.2.7.81)

हेम्नस्तदङ्गेषु बहु रत्नजातं बभूव ह । तासां मे कुर्वतः पूजां पापा मतिरजायत

hemnastadaṁgeṣu bahu ratnajātaṁ babhūva ha | tāsāṁ me kurvataḥ pūjāṁ pāpā matirajāyata

'their limbs adorned with much gold and manifold jewels. Performing their worship, an evil intent arose within me.'

Verse 82 (garuda.2.7.82)

अखिलं तीक्ष्णलोहेन तासामङ्गं विशीर्य च । उल्लेखनञ्च रत्नानां नेत्रादिभ्यः कृतं मया

akhilaṁ tīkṣṇalohena tāsāmaṁgaṁ viśīrya ca | ullekhanañca ratnānāṁ netrādibhyaḥ kṛtaṁ mayā

'With sharp iron I scraped away at their entire bodies, and pried out the jewels from their eyes and other parts.'

Verse 83 (garuda.2.7.83)

तथाकृतान्यथाङ्गानि प्रतिमानां निरीक्ष्य च । नेत्राणि च विरत्नानि नृपश्चुक्रोध वह्निवत्

tathākṛtānyathāṁgāni pratimānāṁ nirīkṣya ca | netrāṇi ca viratnāni nṛpaścukrodha vahnivat

'Seeing the images' limbs thus mangled, and their eyes stripped of jewels, the king blazed with anger like fire.'

Verse 84 (garuda.2.7.84)

प्रतिजज्ञे नृपः पश्चादेष ब्राह्मणपुङ्गवः । आभ्यो रत्नं सुवर्णञ्च हृतं येन भविष्यति

pratijajñe nṛpaḥ paścādeṣa brāhmaṇapuṁgavaḥ | ābhyo ratnaṁ suvarṇañca hṛtaṁ yena bhaviṣyati

'The king then vowed — Whoever has stolen the jewels and gold from these images, be he even the foremost of brahmins,'

Verse 85 (garuda.2.7.85)

ज्ञातश्च स हि मे वध्यो भविष्यति न संशयः । अहं तत्सकलं ज्ञात्वा रात्रावसिधरो गृहम्

jñātaśca sa hi me vadhyo bhaviṣyati na saṁśayaḥ | ahaṁ tatsakalaṁ jñātvā rātrāvasidharo gṛham

'once discovered, shall certainly be put to death, without doubt.' Learning all this, at night, sword in hand, into the house—'

Verse 86 (garuda.2.7.86)

राज्ञः प्रविश्य राजानं पशुमारममारयम् । गृहीत्वाथ मणीन् स्वर्णं निशीथेऽहं गतोऽन्यतः

rājñaḥ praviśya rājānaṁ paśumāramamārayam | gṛhītvātha maṇīn svarṇaṁ niśīthe'haṁ gato'nyataḥ

'of the king I entered, and slew the king himself as though he were a mere beast. Then, taking the jewels and gold, at midnight I fled elsewhere.'

Verse 87 (garuda.2.7.87)

व्याघ्रेण महातारण्ये नखटङ्कैर्विटङ्कितः । लेखनात्प्रतिमाया यन्मया लोहेन कर्तितम्

vyāghreṇa mahātāraṇye nakhaṭaṁkairviṭaṁkitaḥ | lekhanātpratimāyā yanmayā lohena kartitam

'In a vast forest, a tiger tore me apart with the claws of its paws. By this sin of scraping the image with iron, O brahmin,'

Verse 88 (garuda.2.7.88)

एतस्मात्पातकात्प्रेतो लेखको नामतोऽस्म्यहम् । आसीन्नरकभोगान्ते नः प्रेतत्वमिदं द्विज

etasmātpātakātpreto lekhako nāmato'smyaham | āsīnnarakabhogānte naḥ pretatvamidaṁ dvija

'I, as a preta, am named 'Lekhaka'. Once our suffering in hell was complete, O twice-born, we attained this state of being pretas.'

Verse 89 (garuda.2.7.89)

ब्राह्मण उवाच । संज्ञास्तादृश्य आख्याता यथैता भवता दशाः । वदन्त्वाचारमात्रं मे प्रेता आहारमप्युत

brāhmaṇa uvāca | saṁjñāstādṛśya ākhyātā yathaitā bhavatā daśāḥ | vadantvācāramātraṁ me pretā āhāramapyuta

The brahmin said: 'You have told me names that match your states. Now tell me also, O pretas, of your very conduct, and of your food.'

Verse 90 (garuda.2.7.90)

प्रेता ऊचुः । वेदमार्गानुसरणं लज्जा धर्मो दमः क्षमा । धृतिर्ज्ञानं नैव यत्र वयं तत्र वसामहे

pretā ūcuḥ | vedamārgānusaraṇaṁ lajjā dharmo damaḥ kṣamā | dhṛtirjñānaṁ naiva yatra vayaṁ tatra vasāmahe

The pretas said: 'Wherever there is no following of the Vedic path, no shame, no dharma, no self-restraint, no forgiveness, no steadfastness, and no knowledge — there we dwell.'

Verse 91 (garuda.2.7.91)

तस्य पीडां वपं कुर्मो नैव श्राद्धं न तर्पणम् । यस्य गेहे तदङ्गात्तु मांसञ्च रुधिरं क्रमात्

tasya pīḍāṁ vapaṁ kurmo naiva śrāddhaṁ na tarpaṇam | yasya gehe tadaṁgāttu māṁsañca rudhiraṁ kramāt

'We inflict pain upon him in whose house neither shraddha nor tarpana is performed; from the limbs of his household's dead, in turn, flesh and blood —'

Verse 92 (garuda.2.7.92)

जक्षामश्च पिबामश्च उक्त आचार एष नः । शृणु चाहारमस्माकं सर्वलोकविगर्हितम्

jakṣāmaśca pibāmaśca ukta ācāra eṣa naḥ | śṛṇu cāhāramasmākaṁ sarvalokavigarhitam

'we eat and we drink — such is our conduct, as told. Now hear also of our food, which is reviled by all the world.'

Verse 93 (garuda.2.7.93)

दृष्टस्त्वया च किञ्चिद्वै ब्रूमोज्ञातं त्वयानघ । वमनं विडू दूषिका च श्लेष्मा मूत्राश्रुणी तथा

dṛṣṭastvayā ca kiñcidvai brūmojñātaṁ tvayānagha | vamanaṁ viḍū dūṣikā ca śleṣmā mūtrāśruṇī tathā

'You too have witnessed something of this, O sinless one; we tell you what you have already come to know — vomit, excrement, the discharge of the eyes, phlegm, urine, and tears —'

Verse 94 (garuda.2.7.94)

एतद्भक्ष्यञ्च पानञ्च मा पृच्छातः परं द्विज । लज्जा नो जायते स्वामिन्नाहारं वदतां स्वकम्

etadbhakṣyañca pānañca mā pṛcchātaḥ paraṁ dvija | lajjā no jāyate svāminnāhāraṁ vadatāṁ svakam

'this is our food and our drink; O twice-born, ask no further than this. O Lord, even telling you of our own food, we feel shame.'

Verse 95 (garuda.2.7.95)

अज्ञानास्तामसा मन्दा कान्दिशीका वयं विभो । अकस्माज्जन्मनां विप्र स्मृतिः प्राप्ता तु पौर्विकी

ajñānāstāmasā mandā kāndiśīkā vayaṁ vibho | akasmājjanmanāṁ vipra smṛtiḥ prāptā tu paurvikī

'O Lord, we are ignorant, tamasic, dull, and terrified. O brahmin, suddenly the memory of our former births has come upon us,'

Verse 96 (garuda.2.7.96)

विनीतत्वाविनीतत्वे जानीमो नैव नः प्रभो । श्रीकृष्ण उवाच । एवं वदत्सु प्रेतेषु तथा श्रुतवति द्विजे

vinītatvāvinītatve jānīmo naiva naḥ prabho | śrīkṛṣṇa uvāca | evaṁ vadatsu preteṣu tathā śrutavati dvije

'but, O Lord, we do not even know whether there is humility in us or its absence.' Shri Krishna said: As the pretas were speaking thus, and the brahmin was listening,

Verse 97 (garuda.2.7.97)

अदर्शयमहं रूपं तदा तार्क्ष्येदमेव वै । स तु दृष्ट्वा द्विजश्रेष्ठो हृद्गतं पुरुषं पुरः

adarśayamahaṁ rūpaṁ tadā tārkṣyedameva vai | sa tu dṛṣṭvā dvijaśreṣṭho hṛdgataṁ puruṣaṁ puraḥ

O Tarkshya, I then revealed to them this very form of mine. That foremost brahmin, seeing before him the very being enshrined in his own heart,

Verse 98 (garuda.2.7.98)

स्तोत्रैस्तुष्टाव पक्षीश दण्डवत्प्रणनाम माम् । तेऽपि तेपुस्ततः प्रेता आश्चर्योत्फुल्लचक्षुषः

stotraistuṣṭāva pakṣīśa daṇḍavatpraṇanāma mām | te'pi tepustataḥ pretā āścaryotphullacakṣuṣaḥ

praised me, O lord of birds, with hymns, and prostrated full-length before me. Those pretas too then gazed on, their eyes wide with wonder,

Verse 99 (garuda.2.7.99)

प्रणयेन स्खलद्वाचः खग नोचुः किमप्युत । रजसा गोरचित्तानां तमसा मूढचेतसाम् । कृपया यः समुद्धारं कुरुषे वै नमोऽस्त ते

praṇayena skhaladvācaḥ khaga nocuḥ kimapyuta | rajasā goracittānāṁ tamasā mūḍhacetasām | kṛpayā yaḥ samuddhāraṁ kuruṣe vai namo'sta te

and, their voices faltering with love, O bird, they could say nothing more than — 'To you, who by your grace deliver us — dulled by rajas, our minds bewildered by tamas — to you we bow.'

Verse 100 (garuda.2.7.100)

एवं द्विजातौ ब्रुवति प्रभू तप्रभैश्च मुख्यांबरचारियुक्तैः । तदा मदिच्छाप्रभवैर्विमानैः षड्भिः समन्ताद्रुरुचे गिरिः सः

evaṁ dvijātau bruvati prabhū taprabhaiśca mukhyāṁbaracāriyuktaiḥ | tadā madicchāprabhavairvimānaiḥ ṣaḍbhiḥ samantādruruce giriḥ saḥ

As that twice-born was thus speaking, that mountain became radiant on every side with six celestial chariots, born of my own will, gleaming with light, filled with my foremost sky-wandering companions.

Verse 101 (garuda.2.7.101)

इत्थं विमानेन मदीयलोकं गतो द्विजरसोऽप्यथ पञ्चमिस्तैः । प्रेता ययुः स्वर्गमगण्यपुण्यं सत्सङ्गसंसर्गवशात्सुपर्णम्

itthaṁ vimānena madīyalokaṁ gato dvijaraso'pyatha pañcamistaiḥ | pretā yayuḥ svargamagaṇyapuṇyaṁ satsaṁgasaṁsargavaśātsuparṇam

Thus, in that celestial chariot, that excellent twice-born went to my own world; and, by those five sacred chariots, the pretas too, through the power of holy company, attained heaven, boundless in merit, the very realm where Garuda himself dwells.

Verse 102 (garuda.2.7.102)

प्रेताः संगवशेन नाकमवन्सन्तप्तको ब्राह्मणो विष्वक्सन इति प्रसिद्धविभवो नाम्ना गणे मेऽभवत् । एतत्ते सकलं मया निगादितं यश्चैतदुत्कीर्तयेद्यश्चेदं शृणुयान्न सोऽपि पुरुषः प्रेतत्वमाप्नोति हि

pretāḥ saṁgavaśena nākamavansantaptako brāhmaṇo viṣvaksana iti prasiddhavibhavo nāmnā gaṇe me'bhavat | etatte sakalaṁ mayā nigāditaṁ yaścaitadutkīrtayedyaścedaṁ śṛṇuyānna so'pi puruṣaḥ pretatvamāpnoti hi

By the power of that holy company, those pretas attained heaven, and the brahmin Santapaka, attaining the glory renowned by the name Vishvaksena, joined my own retinue. All this have I told you — whoever recites this, or whoever hears it, that person too shall never attain the state of a preta.