Aditi's Praise of Divakara

Verse 1 (markandeya.101.1)

मार्कण्डेय उवाच सृष्ट्वा जगदिदं ब्रह्मा प्रविभागमथाकरोत् । वर्णाश्रमसमुद्राद्रिद्वीपानां पूर्ववद्यथा ॥ 101.1 ॥

mārkaṇḍeya uvāca sṛṣṭvā jagadidaṁ brahmā pravibhāgamathākarot varṇāśramasamudrādridvīpānāṁ pūrvavadyathā

Markandeya said: Having created this universe, Brahma then made its division — into castes, stages of life, oceans, mountains, and continents — just as before.

Verse 2 (markandeya.101.2)

देवदैत्योरगादीनां रूपस्थानानि पूर्ववत् । वेदेभ्य एव भगवानकरोत्कमलोद्भवः ॥ 101.2 ॥

devadaityoragādīnāṁ rūpasthānāni pūrvavat vedebhya eva bhagavānakarotkamalodbhavaḥ

The forms and stations of gods, demons, serpents, and the rest, as before — the lotus-born Lord made all this from the Vedas alone.

Verse 3 (markandeya.101.3)

ब्रह्मणस्तनयो योऽभून्मरीचिरिति विश्रुतः । कश्यपस्तस्य पुत्रोऽभूत्काश्यपो नाम नामतः ॥ 101.3 ॥

brahmaṇastanayo yo ’bhūnmarīciriti viśrutaḥ kaśyapastasya putro ’bhūtkāśyapo nāma nāmataḥ

Brahma's son, renowned by the name Marichi — his son, in turn, was named Kashyapa.

Verse 4 (markandeya.101.4)

दक्षस्य तनया ब्रह्मंस्तस्य भार्यास्त्रयोदश । बहवस्तत्सुताश्चासन्देवदैत्योरगादयः ॥ 101.4 ॥

dakṣasya tanayā brahmaṁstasya bhāryāstrayodaśa bahavastatsutāścāsandevadaityoragādayaḥ

O Brahmin, the thirteen daughters of Daksha became his wives; and many were their sons — gods, demons, serpents, and the rest.

Verse 5 (markandeya.101.5)

अदितिर्जनयामास दैवांस्त्रिभुवनेश्वरान् । दैत्यान्दितिर्दनुश्चोग्रान्दानवानुरुविक्रमान् ॥ 101.5 ॥

aditirjanayāmāsa daivāṁstribhuvaneśvarān daityānditirdanuścogrāndānavānuruvikramān

Aditi gave birth to the gods, the lords of the three worlds; Diti bore the Daityas, and Danu the fierce Danavas of immense might.

Verse 6 (markandeya.101.6)

गरुडारुणौ च विनता यक्षरक्षांसि वै खसा । कद्रूः सुषाव नागांश्च गन्धर्वान्सुषुवे मुनिः ॥ 101.6 ॥

garuḍāruṇau ca vinatā yakṣarakṣāṁsi vai khasā kadrūḥ suṣāva nāgāṁśca gandharvānsuṣuve muniḥ

Vinata bore Garuda and Aruna; Khasa bore the Yakshas and Rakshasas; Kadru brought forth the serpents, and the sage himself begot the Gandharvas.

Verse 7 (markandeya.101.7)

क्रोधाया जज्ञिरे कुल्या रिष्टायाश्चाप्सरोगणाः । ऐरावतादीन्मातङ्गानिरा च सुषुवे द्विज ॥ 101.7 ॥

krodhāyā jajñire kulyā riṣṭāyāścāpsarogaṇāḥ airāvatādīnmātaṅgānirā ca suṣuve dvija

From Krodha were born the Kulyas, and from Rishta the hosts of Apsarases; O Brahmin, Ira gave birth to Airavata and the other elephants.

Verse 8 (markandeya.101.8)

ताम्रा च सुषुवे श्येनीप्रमुखाः कन्यका द्विज । यासां प्रसूताः खगमाः श्येनभासशुकादयः ॥ 101.8 ॥

tāmrā ca suṣuve śyenīpramukhāḥ kanyakā dvija yāsāṁ prasūtāḥ khagamāḥ śyenabhāsaśukādayaḥ

And Tamra, O Brahmin, gave birth to daughters headed by Syeni, from whom sprang the birds — kites, hawks, parrots, and the rest.

Verse 9 (markandeya.101.9)

इलायाः पादपा जाताः प्रधाया यादसां गणाः । अदित्यां या समुत्पन्ना कश्यपस्येति सन्ततिः ॥ 101.9 ॥

ilāyāḥ pādapā jātāḥ pradhāyā yādasāṁ gaṇāḥ adityāṁ yā samutpannā kaśyapasyeti santatiḥ

From Ila were born the trees; from Pradha, the tribes of aquatic creatures — this is the lineage that sprang, through Aditi, from Kashyapa.

Verse 10 (markandeya.101.10)

तस्याश्च पुत्रदौहित्रैः पौत्रदौहित्रिकादिभिः । व्याप्तमेतज्जगत्सूत्या तेषां तासां च वै मुने ॥ 101.10 ॥

tasyāśca putradauhitraiḥ pautradauhitrikādibhiḥ vyāptametajjagatsūtyā teṣāṁ tāsāṁ ca vai mune

O sage, through her sons and daughters, through their sons and daughters in turn, and their descendants after them, this whole world has become filled with their progeny.

Verse 11 (markandeya.101.11)

तेषां कश्यपपुत्राणां प्रधाना देवतागणाः । सात्त्विका राजसास्त्वेते तामसाश्च मुने गणाः ॥ 101.11 ॥

teṣāṁ kaśyapaputrāṇāṁ pradhānā devatāgaṇāḥ sāttvikā rājasāstvete tāmasāśca mune gaṇāḥ

Among those sons of Kashyapa, the foremost are the hosts of gods; and, O sage, of these hosts some are sattvic, some rajasic, and some tamasic.

Verse 12 (markandeya.101.12)

देवान्यज्ञभुजश्चक्रे तथा त्रिभुवनेश्वरान् । ब्रह्मा ब्रह्मविदां श्रेष्ठः परमेष्ठी प्रजापतिः ॥ 101.12 ॥

devānyajñabhujaścakre tathā tribhuvaneśvarān brahmā brahmavidāṁ śreṣṭhaḥ parameṣṭhī prajāpatiḥ

Brahma, the foremost of the knowers of the Absolute, the supreme lord, the Prajapati, made the gods the enjoyers of sacrifice and lords of the three worlds.

Verse 13 (markandeya.101.13)

तानबाधन्त सहिताः सपत्ना दैत्यदानवाः । राक्षसाश्च तथा युद्धं तेषामासीत्सुदारुणम् ॥ 101.13 ॥

tānabādhanta sahitāḥ sapatnā daityadānavāḥ rākṣasāśca tathā yuddhaṁ teṣāmāsītsudāruṇam

Their rivals — the Daityas and Danavas, united together with the Rakshasas — began to oppress them, and a most terrible war broke out between them.

Verse 14 (markandeya.101.14)

दिव्यं वर्षसहस्रं तु पराजीयन्त देवताः । जयिनश्चाभवन्विप्र बलिनो दैत्यदानवाः ॥ 101.14 ॥

divyaṁ varṣasahasraṁ tu parājīyanta devatāḥ jayinaścābhavanvipra balino daityadānavāḥ

For a thousand celestial years the gods were repeatedly defeated, and O Brahmin, the powerful Daityas and Danavas became victorious.

Verse 15 (markandeya.101.15)

ततो निराकृतान्पुत्रान्दैतेयैर्दानवैस्तथा । हृतत्रिभुवनान्दृष्ट्वा ह्यदितिर्मुनिसत्तम ॥ 101.15 ॥

tato nirākṛtānputrāndaiteyairdānavaistathā hṛtatribhuvanāndṛṣṭvā hyaditirmunisattama

Then Aditi, O best of sages, seeing her sons cast down by the Daityas and Danavas, and the three worlds seized from them,

Verse 16 (markandeya.101.16)

आच्छिन्नयज्ञभागांश्च शुचा संपीडिता भृशम् । आराधनाय सवितुः परं यत्नं प्रचक्रमे ॥ 101.16 ॥

ācchinnayajñabhāgāṁśca śucā saṁpīḍitā bhṛśam ārādhanāya savituḥ paraṁ yatnaṁ pracakrame

and seeing their portion of sacrifice cut off, deeply afflicted with sorrow, made a supreme effort to worship the Sun.

Verse 17 (markandeya.101.17)

एकाग्रा नियताहारा परं नियममास्थिता । तुष्टाव तेजसां राशिं गगनस्थं दिवाकरम् ॥ 101.17 ॥

ekāgrā niyatāhārā paraṁ niyamamāsthitā tuṣṭāva tejasāṁ rāśiṁ gaganasthaṁ divākaram

One-pointed in mind, restrained in her food, established in the highest observance, she praised Divakara, that mass of radiance dwelling in the sky.

Verse 18 (markandeya.101.18)

अदितिरुवाच नमस्तुभ्यं परां सूक्ष्मां सौवर्णीं बिभ्रते तनुम् । धाम धामवतामीश धाम्नामाधार शाश्वत ॥ 101.18 ॥

aditiruvāca namastubhyaṁ parāṁ sūkṣmāṁ sauvarṇīṁ bibhrate tanum dhāma dhāmavatāmīśa dhāmnāmādhāra śāśvata

Aditi said: Salutation to you, who bear a supremely subtle, golden form; O Lord, abode of every abode, eternal support of all supports.

Verse 19 (markandeya.101.19)

जगतामुपकाराय तथापस्तव गोपते । आददानस्य यद्रूपं तीव्रं तस्मै नमाम्यहम् ॥ 101.19 ॥

jagatāmupakārāya tathāpastava gopate ādadānasya yadrūpaṁ tīvraṁ tasmai namāmyaham

For the good of the worlds you also draw up the waters, O protector; to that intense form of yours, by which you take them up, I bow.

Verse 20 (markandeya.101.20)

ग्रहीतुमष्टमासेन कालेनेन्दुमयं रसम् । बिभ्रतस्तव यद्रूपमतितीव्रं नतास्मि तत् ॥ 101.20 ॥

grahītumaṣṭamāsena kālenendumayaṁ rasam bibhratastava yadrūpamatitīvraṁ natāsmi tat

To that most intense form of yours by which, over the span of eight months, you draw up the essence that nourishes the moon, I bow.

Verse 21 (markandeya.101.21)

तमेव मुञ्चतः सर्वं रसं वै वर्षणाय यत् । रूपमाप्यायकं भास्वंस्तस्मै मेधाय ते नमः ॥ 101.21 ॥

tameva muñcataḥ sarvaṁ rasaṁ vai varṣaṇāya yat rūpamāpyāyakaṁ bhāsvaṁstasmai medhāya te namaḥ

To that radiant, replenishing form of yours by which you release that entire essence again for the sake of rain — salutation to you, of such abundant grace.

Verse 22 (markandeya.101.22)

वार्युत्सर्गविनिष्पन्नमशेषं चौषधीगणम् । पाकाय तव यद्रूपं भास्करं तं नमाम्यहम् ॥ 101.22 ॥

vāryutsargaviniṣpannamaśeṣaṁ cauṣadhīgaṇam pākāya tava yadrūpaṁ bhāskaraṁ taṁ namāmyaham

To that form of yours, O Bhaskara, by which the entire host of herbs, born of the outpoured waters, is brought to ripeness — to that I bow.

Verse 23 (markandeya.101.23)

यच्च रूपं तवातीतं हिमोत्सर्गादिशीतलम् । तत्कालसस्यपोषाय तरणे तस्य ते नमः ॥ 101.23 ॥

yacca rūpaṁ tavātītaṁ himotsargādiśītalam tatkālasasyapoṣāya taraṇe tasya te namaḥ

And to that form of yours, beyond the common, cool with the sending of frost and the like, by which the crops of that (winter) season are nourished at the crossing — salutation to you.

Verse 24 (markandeya.101.24)

नातितीव्रं च यद्रूपं नातिशीतं च यत्तव । वसन्तर्त्तौ रवे सौम्यं तस्मै देव नमो नमः ॥ 101.24 ॥

nātitīvraṁ ca yadrūpaṁ nātiśītaṁ ca yattava vasantarttau rave saumyaṁ tasmai deva namo namaḥ

To that gentle form of yours, neither too fierce nor too cold, as you shine in the season of spring, O Sun-god — salutation, salutation again.

Verse 25 (markandeya.101.25)

आप्यायनमशेषाणां देवानां च तथापरम् । पितॄणां च नमस्तस्मै सस्यानां पाकहेतवे ॥ 101.25 ॥

āpyāyanamaśeṣāṇāṁ devānāṁ ca tathāparam pitṝṇāṁ ca namastasmai sasyānāṁ pākahetave

To that form of yours which is the cause of nourishment for all the gods, and likewise for the ancestors besides, and for the ripening of the crops — salutation.

Verse 26 (markandeya.101.26)

यद्रूपं जीवनायैकं वीरुधाममृतात्मकम् । पीयते देवपितृभिस्तस्मै सोमात्मने नमः ॥ 101.26 ॥

yadrūpaṁ jīvanāyaikaṁ vīrudhāmamṛtātmakam pīyate devapitṛbhistasmai somātmane namaḥ

To that form of yours, sole sustainer of life, of the very nature of nectar for the creeping plants, drunk by gods and ancestors alike — salutation to that Soma-natured form.

Verse 27 (markandeya.101.27)

आप्यायदाहरूपाभ्यां रूपं विश्वमयं तव । समेतमग्नीषोमाभ्यां नमस्तस्मै गुणात्मने ॥ 101.27 ॥

āpyāyadāharūpābhyāṁ rūpaṁ viśvamayaṁ tava sametamagnīṣomābhyāṁ namastasmai guṇātmane

Your form, embracing the whole universe, joins together the natures of nourishing moisture and of burning heat, present as Agni and Soma combined — salutation to that form of yours, whose very self is made of the gunas.

Verse 28 (markandeya.101.28)

यद्रूपमृग्यजुःसाम्नामैक्येन तपते तव । विश्वमेतत्त्रयीसंज्ञं नमस्तस्मै विभावसो ॥ 101.28 ॥

yadrūpamṛgyajuḥsāmnāmaikyena tapate tava viśvametattrayīsaṁjñaṁ namastasmai vibhāvaso

To that form of yours by which, through the oneness of Rig, Yajur, and Sama, this whole universe known by the name of the triple Veda is illumined — salutation to you, O radiant one.

Verse 29 (markandeya.101.29)

मार्कण्डेय उवाच यत्तु तस्मात्परं रूपमोमित्युक्त्वाभिशब्दितम् । अस्थूलानन्तममलं नमस्तस्मै सदात्मने ॥ 101.29 ॥

mārkaṇḍeya uvāca yattu tasmātparaṁ rūpamomityuktvābhiśabditam asthūlānantamamalaṁ namastasmai sadātmane

Markandeya said: And to that form beyond even this, spoken of and named by the word 'Om' — not gross, without limit, stainless — salutation to that, whose very self is Being.

Verse 30 (markandeya.101.30)

एवं स नियता देवी चक्रे स्तोत्रमहर्निशम् । निराहारा विवस्वन्तमारिराधयिषुर्मुने ॥ 101.30 ॥

evaṁ sa niyatā devī cakre stotramaharniśam nirāhārā vivasvantamārirādhayiṣurmune

Thus that restrained goddess, without food, made her hymn of praise day and night, O sage, wishing to propitiate Vivasvat.

Verse 31 (markandeya.101.31)

ततः कालेन महता भगवांस्तपनोऽम्बरे । प्रत्यक्षतामगादस्या दाक्षायण्या द्विजोत्तम ॥ 101.31 ॥

tataḥ kālena mahatā bhagavāṁstapano ’mbare pratyakṣatāmagādasyā dākṣāyaṇyā dvijottama

Then, after a great length of time, the illustrious Sun in the sky became visible to her, the daughter of Daksha, O best of Brahmins.

Verse 32 (markandeya.101.32)

सा ददर्श महाकूटं तेजसोऽम्बरसंश्रितम् । जगाद मे प्रसीदेति न त्वां पश्यामि गोपते ॥ 101.32 ॥

sā dadarśa mahākūṭaṁ tejaso ’mbarasaṁśritam jagāda me prasīdeti na tvāṁ paśyāmi gopate

She saw a vast mass, held within the radiance of the sky, and said: 'Be gracious to me — I cannot see you, O protector.'

Verse 33 (markandeya.101.33)

यथा दृष्टवती पूर्वमम्बरस्थं सुदुर्दृशम् । निराहारा विवस्वन्तं तपन्तं तदनन्तरम् ॥ 101.33 ॥

yathā dṛṣṭavatī pūrvamambarasthaṁ sudurdṛśam nirāhārā vivasvantaṁ tapantaṁ tadanantaram

Just as, before this, though taking no food, she had seen the blazing Vivasvat in the sky, hard as he was to behold — thereafter,

Verse 34 (markandeya.101.34)

संघातं तेजसां तद्वदिह पश्यामि भूतले । प्रसादं कुरु पश्येयं यद्रूपं ते दिवाकर । भक्तानुकम्पक विभो भक्ताहं पाहि मे सुतान् ॥ 101.34 ॥

saṁghātaṁ tejasāṁ tadvadiha paśyāmi bhūtale prasādaṁ kuru paśyeyaṁ yadrūpaṁ te divākara bhaktānukampaka vibho bhaktāhaṁ pāhi me sutān

'I see here on earth an assemblage of light just such as that; be gracious, let me behold your true form, O Divakara. O compassionate lord, protect me — I am your devotee — protect my sons.'

Verse 35 (markandeya.101.35)

त्वं धाता विसृजसि विश्वमेतत्त्वं पासि स्थितिकरणाय सप्रवृत्तः । त्वय्यन्ते लयमखिलं प्रयाति तत्त्वं त्वत्तोऽन्या न हि गतिरस्ति सर्वलोके ॥ 101.35 ॥

tvaṁ dhātā visṛjasi viśvametattvaṁ pāsi sthitikaraṇāya sapravṛttaḥ tvayyante layamakhilaṁ prayāti tattvaṁ tvatto ’nyā na hi gatirasti sarvaloke

'You are the Creator — you bring forth this entire universe; you protect it, ever engaged for the sake of its preservation; into you alone, at the end, the whole of it passes into dissolution — truly, in all the world, there is no refuge apart from you.'

Verse 36 (markandeya.101.36)

त्वं ब्रह्मा हरिरजसंज्ञितस्त्वमिन्द्रो वित्तेशः पितृपतिरप्पतिः समीरः । सोमोऽग्निर्गगनपतिर्महीधरोऽब्धिः किं स्तव्यं तव सकलात्मरूपधाम्नः ॥ 101.36 ॥

tvaṁ brahmā harirajasaṁjñitastvamindro vitteśaḥ pitṛpatirappatiḥ samīraḥ somo ’gnirgaganapatirmahīdharo ’bdhiḥ kiṁ stavyaṁ tava sakalātmarūpadhāmnaḥ

'You are Brahma, and Hari known as the unborn; you are Indra, the lord of wealth, the lord of the ancestors, the lord of the waters, and the wind; you are Soma, Agni, the lord of the sky, the mountain, and the ocean — what praise indeed could suffice for you, whose very form embraces all things?'

Verse 37 (markandeya.101.37)

यज्ञेश त्वामनुदिनमात्मकर्मसक्ताः स्तुन्वन्तो विविधपदैर्द्विजा यजन्ति । ध्यायन्तो विनियतचेतसो भवन्तं योगस्थाः परमपदं प्रयान्ति मर्त्याः ॥ 101.37 ॥

yajñeśa tvāmanudinamātmakarmasaktāḥ stunvanto vividhapadairdvijā yajanti dhyāyanto viniyatacetaso bhavantaṁ yogasthāḥ paramapadaṁ prayānti martyāḥ

'O Lord of sacrifice, the twice-born, ever devoted to their appointed rites, praise you with manifold hymns and worship you; and ascetics too, their minds fully restrained, meditating on you while established in yoga, mortal men thereby attain the supreme state.'

Verse 38 (markandeya.101.38)

तपसि पचसि विश्वं पासि भस्मीकरोषि प्रकटयसि मयूखैर्ह्रादयस्यम्बुगर्भैः । सृजसि कमलजन्मा पालयस्यच्युताख्यः क्षपयसि च युगान्ते रुद्ररूपस्त्वमेकः ॥ 101.38 ॥

tapasi pacasi viśvaṁ pāsi bhasmīkaroṣi prakaṭayasi mayūkhairhrādayasyambugarbhaiḥ sṛjasi kamalajanmā pālayasyacyutākhyaḥ kṣapayasi ca yugānte rudrarūpastvamekaḥ

'You cook the universe with your heat, you protect it, you reduce it to ashes, you make it manifest through your rays whose depths hold the waters; as the lotus-born you create it, as Achyuta you preserve it, and alone, in the form of Rudra, you destroy it at the end of the age.'