The Birth of Svarochi and the Rescue of Manorama

Verse 1 (markandeya.63.1)

मार्कण्डेय उवाच ततः सह तथा सोऽथ रराम गिरिसानुषु । फुल्लकाननहृद्येषु मनोज्ञेषु सरः सु च ॥ 63.1 ॥

tataḥ saha tathā so 'tha rarāma girisānuṣu / phullakānanahṛdyeṣu manojñeṣu saraḥ su ca

Markandeya said: Then he sported with her thus upon the mountain ridges, delightful with blossoming groves, and by charming lakes,

Verse 2 (markandeya.63.2)

कन्दरेषु च रम्येषु निम्नगापुलिनेषु च । मनोज्ञेषु तथान्येषु देशेषु मुदितो द्विज ॥ 63.2 ॥

kandareṣu ca ramyeṣu nimnagāpulineṣu ca / manojñeṣu tathānyeṣu deśeṣu mudito dvija

in beautiful mountain caves, on the sandbanks of rivers, and in other enchanting places too, O brahmin, rejoicing all the while.

Verse 3 (markandeya.63.3)

वह्निनाधिष्ठितस्यासीद् यद्रूपन्तस्य तेजसा । अचिन्तयद्भोगकाले निमीलितविलोचना ॥ 63.3 ॥

vahninādhiṣṭhitasyāsīd yadrūpantasya tejasā / acintayadbhogakāle nimīlitavilocanā

That form which was his by the fire's radiant possession — of that, with closed eyes, she thought during their union.

Verse 4 (markandeya.63.4)

ततः कालेन सा गर्भमवाप मुनिसत्तम । गन्धर्ववीर्यतो रूपचिन्तनाच्च द्विजन्मनः ॥ 63.4 ॥

tataḥ kālena sā garbhamavāpa munisattama / gandharvavīryato rūpacintanācca dvijanmanaḥ

In time, O best of sages, she conceived a child — from the Gandharva's seed, yet through her meditation upon the brahmin's form.

Verse 5 (markandeya.63.5)

तां गर्भधारिणीं सोऽथ सान्त्वयित्वा वरूथिनीम् । विप्ररूपधरो यातस्तया प्रीत्या विसर्जितः ॥ 63.5 ॥

tāṁ garbhadhāriṇīṁ so 'tha sāntvayitvā varūthinīm / viprarūpadharo yātastayā prītyā visarjitaḥ

Then he, still wearing the brahmin's form, consoled Varūthinī, now with child, and, released by her with affection, departed.

Verse 6 (markandeya.63.6)

जज्ञे स बालो द्युतिमान ज्वलन्निव विभावसुः । स्वरोचिभैर्यथा सूर्यो भासयन् सकला दिशः ॥ 63.6 ॥

jajñe sa bālo dyutimāna jvalanniva vibhāvasuḥ / svarocibhairyathā sūryo bhāsayan sakalā diśaḥ

There was born a radiant boy, blazing like fire itself, lighting up every direction with his own rays, as the sun does.

Verse 7 (markandeya.63.7)

स्वरोचिभिर्यतो भाति भास्वानिव स बालकः । ततः स्वरोचिरित्येवं नाम्ना ख्यातो बभूत सः ॥ 63.7 ॥

svarocibhiryato bhāti bhāsvāniva sa bālakaḥ / tataḥ svarocirityevaṁ nāmnā khyāto babhūta saḥ

Because that boy shone with his own rays like the sun, he came to be known by the name Svarochi.

Verse 8 (markandeya.63.8)

ववृधे च महाभागो वयसानुदिनन्तथा । गुणौघैश्च यथा बालः कलाभिः शशलाञ्छनः ॥ 63.8 ॥

vavṛdhe ca mahābhāgo vayasānudinantathā / guṇaughaiśca yathā bālaḥ kalābhiḥ śaśalāñchanaḥ

That illustrious child grew day by day in years, and, like the moon with its digits, grew too in a flood of virtues.

Verse 9 (markandeya.63.9)

स जग्राह धनुर्वेदं वेदांश्चैव यथाक्रमम् । विद्याश्चैव महाभागस्तदा यौवनगोचरः ॥ 63.9 ॥

sa jagrāha dhanurvedaṁ vedāṁścaiva yathākramam / vidyāścaiva mahābhāgastadā yauvanagocaraḥ

That illustrious one mastered the science of archery and the Vedas in due order, and all other branches of learning, once he reached the season of youth.

Verse 10 (markandeya.63.10)

मन्दराद्रौ कदाचित् स विचरंश्चारुचेष्टितः । ददर्शैकां तदा कन्यां गिरिप्रस्थे भयातुराम् ॥ 63.10 ॥

mandarādrau kadācit sa vicaraṁścāruceṣṭitaḥ / dadarśaikāṁ tadā kanyāṁ giriprasthe bhayāturām

Once, roaming on Mount Mandara with graceful bearing, he saw a maiden on a mountain terrace, stricken with fear.

Verse 11 (markandeya.63.11)

त्रायस्वेति निरीक्ष्यैनं सा तदा वाक्यमब्रवीत् । मा भैषीरिति स प्राह भयविप्लुतलोचनाम् ॥ 63.11 ॥

trāyasveti nirīkṣyainaṁ sā tadā vākyamabravīt / mā bhaiṣīriti sa prāha bhayaviplutalocanām

Seeing him, she cried, 'Save me!' He said to her, whose eyes were flooded with fear, 'Fear not.'

Verse 12 (markandeya.63.12)

किमेतदिति तेनोक्ते वीरवाक्ये महात्मना । ततः सा कथयामास श्वासाक्षेपप्लुताक्षरम् ॥ 63.12 ॥

kimetaditi tenokte vīravākye mahātmanā / tataḥ sā kathayāmāsa śvāsākṣepaplutākṣaram

When that great-souled hero spoke and asked, 'What is this?', she then told her tale, her words broken and drowned by her gasping breath.

Verse 13 (markandeya.63.13)

कन्योवाच अहमिन्दीवराख्यस्य सुता विद्याधरस्य वै । नाम्ना मनोरमा जाता सुतायां मरुधन्वनः ॥ 63.13 ॥

kanyovāca ahamindīvarākhyasya sutā vidyādharasya vai / nāmnā manoramā jātā sutāyāṁ marudhanvanaḥ

The maiden said: 'I am the daughter of the Vidyādhara named Indīvara, born to the daughter of Marudhanvan; my name is Manoramā.'

Verse 14 (markandeya.63.14)

मन्दारविद्याधरजा सखी मम विभावरी । कलावती चाप्यपरा सुता पारस्य वै मुनेः ॥ 63.14 ॥

mandāravidyādharajā sakhī mama vibhāvarī / kalāvatī cāpyaparā sutā pārasya vai muneḥ

'My friend Vibhāvarī was born of the Vidyādhara of Mandara; and another, Kalāvatī, is the daughter of the sage Pāra.'

Verse 15 (markandeya.63.15)

ताभ्यां सह मया यातं कैलासतटमुत्तमम् । तत्र दृष्टो मुनिः कश्चित्तपसातिकृशाकृतिः ॥ 63.15 ॥

tābhyāṁ saha mayā yātaṁ kailāsataṭamuttamam / tatra dṛṣṭo muniḥ kaścittapasātikṛśākṛtiḥ

'Together with these two I went to the excellent slopes of Kailāsa; there we saw a certain sage, his body emaciated by austerity,'

Verse 16 (markandeya.63.16)

क्षुत्क्षामकण्ठो निस्तेजा दूरपाताक्षितारकः । मयावहसितः क्रुद्धः स तदा मां शशाप ह ॥ 63.16 ॥

kṣutkṣāmakaṇṭho nistejā dūrapātākṣitārakaḥ / mayāvahasitaḥ kruddhaḥ sa tadā māṁ śaśāpa ha

'his throat withered by hunger, without lustre, his eyes sunk deep. I laughed at him, and he, enraged, then cursed me.'

Verse 17 (markandeya.63.17)

क्षामक्षामस्वरः किञ्चित्कल्पिताधरपल्लवः । त्वयावहसितो यस्मादनार्ये दुष्टतापसि ॥ 63.17 ॥

kṣāmakṣāmasvaraḥ kiñcitkalpitādharapallavaḥ / tvayāvahasito yasmādanārye duṣṭatāpasi

'His voice faint and weak, his lips barely quivering, he said: "Because you, ignoble and wicked woman, have laughed at an ascetic,'

Verse 18 (markandeya.63.18)

तस्मात् त्वामचिरेणैव राक्षसोऽभिभविष्यसि । दत्ते शापे मत्सखीभ्यां स तु निर्भत्सितो मुनिः ॥ 63.18 ॥

tasmāt tvāmacireṇaiva rākṣaso 'bhibhaviṣyasi / datte śāpe matsakhībhyāṁ sa tu nirbhatsito muniḥ

'— therefore a rākṣasa shall soon overpower you." When he had pronounced this curse, that sage was rebuked by my two friends.'

Verse 19 (markandeya.63.19)

धिक् ते ब्राह्मण्यमक्षान्त्या हृतन्ते निखिलन्तपः । अमर्षणैर्धर्षितोऽसि तपसा नातिकर्षितः ॥ 63.19 ॥

dhik te brāhmaṇyamakṣāntyā hṛtante nikhilantapaḥ / amarṣaṇairdharṣito 'si tapasā nātikarṣitaḥ

'They said: "Shame on your brahminhood for such a lack of forbearance — all your austerity has thereby been destroyed. You who are so easily provoked have been overpowered — you are not one greatly refined by your penance."'

Verse 20 (markandeya.63.20)

क्षान्त्यास्पदं वै ब्राह्मण्यं क्रोधसंयमनन्तपः । एतच्छ्रुत्वा ददौ शापं तयोरप्यमितद्युतिः ॥ 63.20 ॥

kṣāntyāspadaṁ vai brāhmaṇyaṁ krodhasaṁyamanantapaḥ / etacchrutvā dadau śāpaṁ tayorapyamitadyutiḥ

'"True brahminhood is the abode of forbearance; true austerity is the restraint of anger." Hearing this, that sage of boundless splendour cursed them both as well.'

Verse 21 (markandeya.63.21)

एकस्याः कुष्ठमङ्गेषु भाव्यन्यस्यास्तथा क्षयः । तयोस्तथैव तज्जातं यथोक्तं तेन तत्क्षणात् ॥ 63.21 ॥

ekasyāḥ kuṣṭhamaṅgeṣu bhāvyanyasyāstathā kṣayaḥ / tayostathaiva tajjātaṁ yathoktaṁ tena tatkṣaṇāt

'"Let leprosy afflict the limbs of one, and consumption the other." And so it came to pass for them both, exactly as he had spoken, that very instant.'

Verse 22 (markandeya.63.22)

ममाप्येवं महद्रक्षः समुपैति पदानुगम् । न शृणोषि महानादं तस्यादूरेऽपि गर्जतः ॥ 63.22 ॥

mamāpyevaṁ mahadrakṣaḥ samupaiti padānugam / na śṛṇoṣi mahānādaṁ tasyādūre 'pi garjataḥ

'And even now a great rākṣasa is closing in upon my very footsteps — do you not hear his mighty roar, bellowing not far from here?'

Verse 23 (markandeya.63.23)

तृतीयमद्य दिवसं यन्मे पृष्ठन्न मुञ्चति । अस्त्रग्रामस्य सर्वस्य हृदज्ञाहमद्य ते ॥ 63.23 ॥

tṛtīyamadya divasaṁ yanme pṛṣṭhanna muñcati / astragrāmasya sarvasya hṛdajñāhamadya te

'Today is the third day that he has not let go of pursuing me. I today am one who knows the heart-mantra of the whole host of weapons, for you—'

Verse 24 (markandeya.63.24)

ते प्रयच्छामि मां रक्ष रक्षसोऽस्मान्महामते । प्रादात् स्वायम्भुवस्यादौ स्वयं रुद्रः पिनाकधृक् ॥ 63.24 ॥

te prayacchāmi māṁ rakṣa rakṣaso 'smānmahāmate / prādāt svāyambhuvasyādau svayaṁ rudraḥ pinākadhṛk

'— that I now give to you: protect me from this rākṣasa, O wise one! It was Rudra himself, bearer of the Pināka, who first gave it at the beginning of the Svāyambhuva age.'

Verse 25 (markandeya.63.25)

स्वायम्भुवो वसिष्ठाय सिद्धवर्याय दत्तवान् । तेनापि दत्तं मन्मातुः पित्रे चित्रायुधाय वै ॥ 63.25 ॥

svāyambhuvo vasiṣṭhāya siddhavaryāya dattavān / tenāpi dattaṁ manmātuḥ pitre citrāyudhāya vai

'Svāyambhuva gave it to Vasiṣṭha, foremost of the perfected; and he in turn gave it to my mother's father, Citrāyudha.'

Verse 26 (markandeya.63.26)

प्रादादौद्वाहिकं सोऽपि मत्पित्रे श्वशुरः स्वयम् । मयापि शिक्षितं वीर ! सकाशाद् बालया पितुः ॥ 63.26 ॥

prādādaudvāhikaṁ so 'pi matpitre śvaśuraḥ svayam / mayāpi śikṣitaṁ vīra ! sakāśād bālayā pituḥ

'He, as father-in-law, gave it as a wedding-gift to my own father; and I too, O hero, learned it as a child from my father.'

Verse 27 (markandeya.63.27)

हृदयं सकलास्त्राणामशेषरिपुनाशनम् । तदिदं गृह्यतां शीघ्रमशेषास्त्रपरायणम् ॥ 63.27 ॥

hṛdayaṁ sakalāstrāṇāmaśeṣaripunāśanam / tadidaṁ gṛhyatāṁ śīghramaśeṣāstraparāyaṇam

'It is the very heart of all weapons, destroying every enemy without exception. Take it quickly, for it is the culmination of every weapon.'

Verse 28 (markandeya.63.28)

ततो जहि दुरात्मानमेनं राक्षसमागतम् ॥ 63.28 ॥

tato jahi durātmānamenaṁ rākṣasamāgatam

'With it, slay this evil-souled rākṣasa now approaching.'

Verse 29 (markandeya.63.29)

मार्कण्डेय उवाच तथैत्युक्ते ततस्तेन वार्युपस्पृश्य तस्य तत् । अस्त्राणां हृदयं प्रादात् सरहस्यनिवर्तनम् ॥ 63.29 ॥

tathaityukte tatastena vāryupaspṛśya tasya tat / astrāṇāṁ hṛdayaṁ prādāt sarahasyanivartanam

Markandeya said: When he had said 'So be it,' she then touched water and gave him the heart-mantra of the weapons, together with its secret method of withdrawal.

Verse 30 (markandeya.63.30)

एतस्मिन्नन्तरे रक्षस्तत्तदा भीषणाकृति । नर्दमानं महानादमाजगाम त्वरान्वितम् ॥ 63.30 ॥

etasminnantare rakṣastattadā bhīṣaṇākṛti / nardamānaṁ mahānādamājagāma tvarānvitam

In the meantime, that rākṣasa of dreadful form, roaring with a mighty cry, came rushing swiftly upon them.

Verse 31 (markandeya.63.31)

मयाभिभूता किं त्राणमुपैषि द्रुतमेहि मे । भक्षामि किञ्चिरेणेति ब्रुवाणं तं ददर्श सः ॥ 63.31 ॥

mayābhibhūtā kiṁ trāṇamupaiṣi drutamehi me / bhakṣāmi kiñcireṇeti bruvāṇaṁ taṁ dadarśa saḥ

He saw the rākṣasa saying: 'Overpowered by me, what protection do you seek? Come to me quickly — I shall devour you before long!'

Verse 32 (markandeya.63.32)

स्वरोचिश्चिन्तयामास दृष्ट्वा तं समुपागतम् । गृह्णात्वेष वचः सत्यं तस्यास्त्विति महामुनेः ॥ 63.32 ॥

svarociścintayāmāsa dṛṣṭvā taṁ samupāgatam / gṛhṇātveṣa vacaḥ satyaṁ tasyāstviti mahāmuneḥ

Seeing him approach, Svarochi thought: 'Let him accept as true the words spoken by that great sage.'

Verse 33 (markandeya.63.33)

जग्राह समुपेत्यैनां त्वरया सोऽपि राक्षसः । त्राहि त्राहीति करुणं विलपन्तीं सुमध्यमाम् ॥ 63.33 ॥

jagrāha samupetyaināṁ tvarayā so 'pi rākṣasaḥ / trāhi trāhīti karuṇaṁ vilapantīṁ sumadhyamām

That rākṣasa too rushed forward and seized her, the slender-waisted one, as she cried piteously, 'Save me, save me!'

Verse 34 (markandeya.63.34)

ततः स्वरोचिः संक्रुद्धश्चण्डास्त्रमतिभैरवम् । दृष्ट्यां निवेश्य तद्रक्षो ददर्शानिमिषेक्षणः ॥ 63.34 ॥

tataḥ svarociḥ saṁkruddhaścaṇḍāstramatibhairavam / dṛṣṭyāṁ niveśya tadrakṣo dadarśānimiṣekṣaṇaḥ

Then Svarochi, greatly enraged, fixed the terrible Chanda weapon in his gaze and looked upon that rākṣasa with unblinking eyes.

Verse 35 (markandeya.63.35)

तदाभिभूतः स तदा तामुत्सृज्य निशाचरः । प्रसीद शाम्यतामस्त्रं श्रूयताञ्चेत्यभाषत ॥ 63.35 ॥

tadābhibhūtaḥ sa tadā tāmutsṛjya niśācaraḥ / prasīda śāmyatāmastraṁ śrūyatāñcetyabhāṣata

Overpowered by that, the night-wanderer released her at once and said: 'Be gracious! Let the weapon be stilled! Hear me!'

Verse 36 (markandeya.63.36)

मोक्षितोषऽहं त्वया शापादतिघोरान्महाद्युते । प्रदत्तादतितीव्रेण ब्रह्ममित्रेण धीमता ॥ 63.36 ॥

mokṣitoṣa'haṁ tvayā śāpādatighorānmahādyute / pradattādatitīvreṇa brahmamitreṇa dhīmatā

'I am freed by you, O radiant one, from a most terrible curse pronounced upon me by the wise and fiery sage Brahmamitra.'

Verse 37 (markandeya.63.37)

उपकारी न मे त्वत्तो महाभागाधिकोऽपरः । येनाहं सुमहाकष्टान्महाशापाद्विमोक्षितः ॥ 63.37 ॥

upakārī na me tvatto mahābhāgādhiko 'paraḥ / yenāhaṁ sumahākaṣṭānmahāśāpādvimokṣitaḥ

'No benefactor greater than you exists for me, illustrious one, by whom I have been released from a great and terrible curse, from such immense suffering.'

Verse 38 (markandeya.63.38)

स्वरोचिरुवाच ब्रह्ममित्रेण मुनिना किन्निमित्तं महात्मना । शप्तस्त्वं कीदृशश्चैव शापो दत्तोऽभवत् पुरा ॥ 63.38 ॥

brahmamitreṇa muninā kinnimittaṁ mahātmanā / śaptastvaṁ kīdṛśaścaiva śāpo datto 'bhavat purā

Svarochi said: 'For what reason were you cursed by the great sage Brahmamitra, and what exactly was the curse pronounced upon you long ago?'

Verse 39 (markandeya.63.39)

राक्षसा उवाच ब्रह्ममित्रोऽष्टधा भिन्नमायुर्वेदमधीतवान् । त्रयोदशाधिकारञ्च प्रगृह्याथर्वणो द्विजः ॥ 63.39 ॥

brahmamitro 'ṣṭadhā bhinnamāyurvedamadhītavān / trayodaśādhikārañca pragṛhyātharvaṇo dvijaḥ

The rākṣasa said: 'Brahmamitra, a brahmin of the Atharvan line, had mastered the Āyurveda in its eight divisions, along with its thirteen supplementary sections.'

Verse 40 (markandeya.63.40)

अहञ्चेन्दीवराख्येति ख्यातोऽस्या जनकोऽभवम् । विद्याधरपतेः पुत्रो नलनाभस्य खङ्गिनः ॥ 63.40 ॥

ahañcendīvarākhyeti khyāto 'syā janako 'bhavam / vidyādharapateḥ putro nalanābhasya khaṅginaḥ

'I, known by the name Indīvara, was her father — son of Nalanābha, the sword-bearing lord of the Vidyādharas.'

Verse 41 (markandeya.63.41)

मया च याचितः पुर्वं ब्रह्ममित्रोऽभवन्मुनिः । आयुर्वेदमशेषं मे भगवन् ! दातुमर्हसि ॥ 63.41 ॥

mayā ca yācitaḥ purvaṁ brahmamitro 'bhavanmuniḥ / āyurvedamaśeṣaṁ me bhagavan ! dātumarhasi

'I once asked the sage Brahmamitra: "Venerable one, you ought to give me the entire science of Āyurveda."'

Verse 42 (markandeya.63.42)

यदा तु बहुशो वीर ! प्रश्रयावनतस्य मे । न प्रादाद्याचितो विद्यामायुर्वेदात्मिकां मम ॥ 63.42 ॥

yadā tu bahuśo vīra ! praśrayāvanatasya me / na prādādyācito vidyāmāyurvedātmikāṁ mama

'But though, O hero, I bowed to him with humility again and again, being asked he would not give me that knowledge consisting of Āyurveda.'

Verse 43 (markandeya.63.43)

शिष्येभ्यो ददतस्तस्य मयान्तर्धानगेन हि । आयुर्वेदात्मिका विद्या गृहीताभूत्तदानघ ॥ 63.43 ॥

śiṣyebhyo dadatastasya mayāntardhānagena hi / āyurvedātmikā vidyā gṛhītābhūttadānagha

'So then, O sinless one, while he was teaching it to his pupils, I, made invisible, secretly took that knowledge of Āyurveda for myself.'

Verse 44 (markandeya.63.44)

गृहीतायान्तु विद्यायां मासैरष्टाभिरन्तरात् । ममातिहर्षादभवद्धासोऽतीव पुनः पुनः ॥ 63.44 ॥

gṛhītāyāntu vidyāyāṁ māsairaṣṭābhirantarāt / mamātiharṣādabhavaddhāso 'tīva punaḥ punaḥ

'Within eight months of having thus taken the knowledge, out of my excessive joy I burst again and again into laughter.'

Verse 45 (markandeya.63.45)

प्रत्यभिज्ञाय मां हासान्मुनिः कोपसमन्वितः । विकम्पिकन्धरः प्राह मामिदं परुषाक्षरम् ॥ 63.45 ॥

pratyabhijñāya māṁ hāsānmuniḥ kopasamanvitaḥ / vikampikandharaḥ prāha māmidaṁ paruṣākṣaram

'Recognizing me by my laughter, the sage, filled with anger, his neck trembling, spoke to me these harsh words:'

Verse 46 (markandeya.63.46)

राक्षसेनैव यस्मान्मे त्वयादृश्येन दुर्मते । हृता विद्यावहासश्च मामवज्ञाय वै कृतः ॥ 63.46 ॥

rākṣasenaiva yasmānme tvayādṛśyena durmate / hṛtā vidyāvahāsaśca māmavajñāya vai kṛtaḥ

'"Since you, O evil-minded one, invisible as a rākṣasa, have stolen my knowledge from me and made me an object of scorn with your laughter —'

Verse 47 (markandeya.63.47)

तस्मात्त्वं राक्षसः पाप ! मच्छापेन निराकृतः । भविष्यसि न सन्देहः सप्तरात्रेण दारुणः ॥ 63.47 ॥

tasmāttvaṁ rākṣasaḥ pāpa ! macchāpena nirākṛtaḥ / bhaviṣyasi na sandehaḥ saptarātreṇa dāruṇaḥ

'— therefore, wicked one, cast out by my curse, you shall without doubt become a dreadful rākṣasa within seven nights."'

Verse 48 (markandeya.63.48)

इत्युक्ते प्रणिपाताद्यैरुपचारैः प्रसादितः । स मामाह पुनर्विप्रस्तत्क्षणान्मृदुमानसः ॥ 63.48 ॥

ityukte praṇipātādyairupacāraiḥ prasāditaḥ / sa māmāha punarviprastatkṣaṇānmṛdumānasaḥ

'When this had been said, being propitiated by my prostrations and other acts of homage, that brahmin, his mind at once softened, spoke to me again:'

Verse 49 (markandeya.63.49)

यन्मयोक्तमवश्यन्तद्भावि गन्धर्व ! नान्यथा । किन्तु त्वं राक्षसो भूत्वा पुनः स्वं प्राप्स्यसे वपुः ॥ 63.49 ॥

yanmayoktamavaśyantadbhāvi gandharva ! nānyathā / kintu tvaṁ rākṣaso bhūtvā punaḥ svaṁ prāpsyase vapuḥ

'"What I have spoken, O Gandharva, must without fail come to pass; but having become a rākṣasa, you shall afterward regain your own true form.'

Verse 50 (markandeya.63.50)

नष्टस्मृतिर्यदा क्रुद्धः स्वमपत्यञ्चिखादिषुः । निशाचरत्वं गन्तासि तदस्त्रानलतापितः ॥ 63.50 ॥

naṣṭasmṛtiryadā kruddhaḥ svamapatyañcikhādiṣuḥ / niśācaratvaṁ gantāsi tadastrānalatāpitaḥ

'"When, having lost your memory and grown enraged, you seek to devour your own child, you shall then, scorched by the fire of a weapon, be released from your state as a night-wanderer.'

Verse 51 (markandeya.63.51)

पुनः संज्ञामवाप्य स्वामवाप्स्यसि निजं वपुः । तथैव स्वमधिष्ठानं लोके गन्धर्वसंज्ञिते ॥ 63.51 ॥

punaḥ saṁjñāmavāpya svāmavāpsyasi nijaṁ vapuḥ / tathaiva svamadhiṣṭhānaṁ loke gandharvasaṁjñite

'"Then, regaining your own consciousness, you shall regain your true form, and likewise your own place, in the world called that of the Gandharvas."'

Verse 52 (markandeya.63.52)

सोऽहं त्वया महाभाग ! मोक्षितोऽस्मान्महाभयात् । निशाचरत्वाद् यद्वीर ! तेन मे प्रार्थनां कुरु ॥ 63.52 ॥

so 'haṁ tvayā mahābhāga ! mokṣito 'smānmahābhayāt / niśācaratvād yadvīra ! tena me prārthanāṁ kuru

'I am that very one, illustrious one, whom you have freed from this great terror, from my state as a night-wanderer. Therefore, hero, grant me my request.'

Verse 53 (markandeya.63.53)

इमान्ते तनयां भार्यां प्रयच्छामि प्रतीच्छ ताम् । आयुर्वेदश्च सकलस्त्वष्टाङ्गो यो मया ततः । मुनेः सकाशात् संप्राप्तस्तं गृह्णीष्व महामते ॥ 63.53 ॥

imānte tanayāṁ bhāryāṁ prayacchāmi pratīccha tām / āyurvedaśca sakalastvaṣṭāṅgo yo mayā tataḥ / muneḥ sakāśāt saṁprāptastaṁ gṛhṇīṣva mahāmate

'I give you this daughter of mine as your wife — accept her; and take also, O wise one, the entire eightfold science of Āyurveda that I obtained from that sage.'

Verse 54 (markandeya.63.54)

मार्कण्डेय उवाच इत्युक्त्वा प्रददौ विद्यां स च दिव्याम्बरोज्जवलः । स्त्रग्भूषणधरो दिव्यं पुराणं वपुरास्थितः ॥ 63.54 ॥

ityuktvā pradadau vidyāṁ sa ca divyāmbarojjavalaḥ / stragbhūṣaṇadharo divyaṁ purāṇaṁ vapurāsthitaḥ

Markandeya said: So saying, he gave him that knowledge, and, radiant now in celestial garments, adorned with garlands and ornaments, he resumed his own former divine form.

Verse 55 (markandeya.63.55)

दत्त्वा विद्यां ततः कन्यां स दातुमुपचक्रमे । तमाह सा तदा कन्या जनितारं स्वरूपिणम् ॥ 63.55 ॥

dattvā vidyāṁ tataḥ kanyāṁ sa dātumupacakrame / tamāha sā tadā kanyā janitāraṁ svarūpiṇam

Having given the knowledge, he then began to give away his daughter; but that maiden then spoke to her father, now restored to his true form:

Verse 56 (markandeya.63.56)

अनुरागो ममाप्यत्र तातातीव महात्मनि । दर्शनादेव संजातो विशेषेणोपकारिणि ॥ 63.56 ॥

anurāgo mamāpyatra tātātīva mahātmani / darśanādeva saṁjāto viśeṣeṇopakāriṇi

'Father, love for this great soul has arisen in me too, the moment I saw him, all the more since he has been our benefactor.'

Verse 57 (markandeya.63.57)

किन्त्वेषा मे सखी सा च मत्कृते दुः खपीडिते । अतो नाभिलषे भोगान् भोक्तुमेतेन वै समम् ॥ 63.57 ॥

kintveṣā me sakhī sā ca matkṛte duḥ khapīḍite / ato nābhilaṣe bhogān bhoktumetena vai samam

'But this friend of mine is afflicted with suffering on my account; therefore I do not wish to enjoy pleasures together with him while she suffers.'

Verse 58 (markandeya.63.58)

पुरुषैरपि नो शक्या कर्तुमित्थं नृशंसता । स्वभावरुचिरैर्मादृक् कथं योषित् करिष्यति ॥ 63.58 ॥

puruṣairapi no śakyā kartumitthaṁ nṛśaṁsatā / svabhāvarucirairmādṛk kathaṁ yoṣit kariṣyati

'Even men of naturally gentle disposition could not bring themselves to such cruelty — how then could a woman like me do so?'

Verse 59 (markandeya.63.59)

साहं यथा ते दुः खार्ते मत्कृते कन्यके पितः । तथा स्थास्यामि तद्दुः खे तच्छोकानलतापिता ॥ 63.59 ॥

sāhaṁ yathā te duḥ khārte matkṛte kanyake pitaḥ / tathā sthāsyāmi tadduḥ khe tacchokānalatāpitā

'Father, just as this maiden suffers on my account, so I too shall remain in that same suffering, burned by the very fire of her grief.'

Verse 60 (markandeya.63.60)

स्वरोचिरुवाच आयुर्वेदप्रसादेन ते करिष्ये पुनर्नवे । सख्यौ तव महाशोकं समुत्सृज सुमध्यमे ॥ 63.60 ॥

āyurvedaprasādena te kariṣye punarnave / sakhyau tava mahāśokaṁ samutsṛja sumadhyame

Svarochi said: 'By the grace of Āyurveda, I shall make both your friends whole again. Set aside your great grief, O slender-waisted one.'

Verse 61 (markandeya.63.61)

मार्कण्डेय उवाच ततः पित्रा स्वयं दत्तां तां कन्यां स विधानतः । उपयेमे गिरौ तस्मिन् स्वरोचिश्चारुलोचवनाम् ॥ 63.61 ॥

tataḥ pitrā svayaṁ dattāṁ tāṁ kanyāṁ sa vidhānataḥ / upayeme girau tasmin svarociścārulocavanām

Markandeya said: Then Svarochi duly married, upon that mountain, the maiden given by her father, that lovely-eyed one.

Verse 62 (markandeya.63.62)

दत्तान्तु तां तदा कन्यामभिशान्त्य च भामिनीम् । जगाम दिव्यया गत्यागन्धर्वः स्वपुरन्ततः ॥ 63.62 ॥

dattāntu tāṁ tadā kanyāmabhiśāntya ca bhāminīm / jagāma divyayā gatyāgandharvaḥ svapurantataḥ

Having given away that maiden and comforted his daughter, the Gandharva then departed by his divine motion to his own city.

Verse 63 (markandeya.63.63)

स चापि सहितस्तन्व्या सदुद्यानन्तदा ययौ । कन्यकायुगलं यत्र तच्छापोत्थगदातुरम् ॥ 63.63 ॥

sa cāpi sahitastanvyā sadudyānantadā yayau / kanyakāyugalaṁ yatra tacchāpotthagadāturam

He too, together with that slender one, then went to the pair of maidens who were afflicted with the disease brought on by the curse.

Verse 64 (markandeya.63.64)

ततस्तयोः स तत्त्वज्ञो रोगघ्नैरौषधै रसैः । चकार नीरुजौ देहौ स्वरोचिरपराजितः ॥ 63.64 ॥

tatastayoḥ sa tattvajño rogaghnairauṣadhai rasaiḥ / cakāra nīrujau dehau svarociraparājitaḥ

Then Svarochi the unconquered, knower of the true nature of things, with disease-destroying herbs and elixirs, made both their bodies free of illness.

Verse 65 (markandeya.63.65)

ततोऽतिशोभने कन्ये विमुक्ते व्याधितः शुभे । स्वकान्त्योद्योति दिग्भागं चक्राते तन्महीधरम् ॥ 63.65 ॥

tato 'tiśobhane kanye vimukte vyādhitaḥ śubhe / svakāntyodyoti digbhāgaṁ cakrāte tanmahīdharam

Then those two most beautiful maidens, freed from their affliction, made that whole quarter of the mountain radiant with their own loveliness.