The Birth of Manu Raivata

Verse 1 (markandeya.75.1)

मार्कण्डेय उवाच पञ्चमोऽपि मनुर्ब्रह्मन् रैवतो नाम विश्रुतः । तस्योत्पत्तिं विस्तरशः शृणुष्व कथयामि ते ॥ 75.1 ॥

mārkaṇḍeya uvāca pañcamo'pi manurbrahman raivato nāma viśrutaḥ tasyotpattiṁ vistaraśaḥ śṛṇuṣva kathayāmi te

Markandeya said: O Brahmin, the fifth Manu too was renowned by the name Raivata; hear his origin in full, as I relate it to you.

Verse 2 (markandeya.75.2)

ऋषिरासीन्महाभाग ऋतवागिति विश्रुतः । तस्यापुत्रस्य पुत्रोऽभूद्रेवत्यन्ते महात्मनः ॥ 75.2 ॥

ṛṣirāsīnmahābhāga ṛtavāgiti viśrutaḥ tasyāputrasya putro'bhūdrevatyante mahātmanaḥ

There was a greatly fortunate sage, renowned by the name Ritavak; to that great-souled, sonless one a son was born at the very end of the Revati asterism.

Verse 3 (markandeya.75.3)

स तस्य विधिवच्चक्रे जातकर्मादिकाः क्रियाः । तथोपनयनादींश्च स चाशीलोऽभवन्मुने ॥ 75.3 ॥

sa tasya vidhivaccakre jātakarmādikāḥ kriyāḥ tathopanayanādīṁśca sa cāśīlo'bhavanmune

He duly performed for him the birth rites and the rest, and also the sacred-thread ceremony and so on; but, O sage, that son turned out ill-tempered.

Verse 4 (markandeya.75.4)

यतः प्रभृति जातोऽसौ ततः प्रभृति सोऽप्यृषिः । दीर्घरोगपरामर्शमवाप मुनिपुङ्गवः ॥ 75.4 ॥

yataḥ prabhṛti jāto'sau tataḥ prabhṛti so'pyṛṣiḥ dīrgharogaparāmarśamavāpa munipuṅgavaḥ

From the very time he was born, that foremost of sages himself began to suffer from a long, lingering illness.

Verse 5 (markandeya.75.5)

माता तस्य परामार्ति कुष्ठरोगादिपीडिता । जगाम स पिता चास्य चिन्तयामास दुः खितः ॥ 75.5 ॥

mātā tasya parāmārti kuṣṭharogādipīḍitā jagāma sa pitā cāsya cintayāmāsa duḥ khitaḥ

His mother too became severely afflicted, tormented by leprosy and other ailments; and his father went about, sorrowfully lost in thought.

Verse 6 (markandeya.75.6)

किमेतदिति सोऽप्यस्य पुत्रोऽप्यत्यन्तदुर्मतिः । जग्राह भार्यामन्यस्य मुनिपुत्रस्य संमुखीम् ॥ 75.6 ॥

kimetaditi so'pyasya putro'pyatyantadurmatiḥ jagrāha bhāryāmanyasya muniputrasya saṁmukhīm

"What is this?" he wondered, for this son of his had proved utterly wicked-minded — he had seized another sage's son's wife right before his eyes.

Verse 7 (markandeya.75.7)

ततो विषण्णमनसा ऋतवागिदमुक्तवान् । अपुत्रता मनुष्याणां श्रेयसे न कुपुत्रता ॥ 75.7 ॥

tato viṣaṇṇamanasā ṛtavāgidamuktavān aputratā manuṣyāṇāṁ śreyase na kuputratā

Then, with a dejected mind, Ritavak said this: "For men, having no son at all is preferable to having a wicked son.

Verse 8 (markandeya.75.8)

कुपुत्रो हृदयायासं सर्वदा कुरुते पितुः । मातुश्च स्वर्गसंस्थांश्च स्वपितॄन् पातयत्यधः ॥ 75.8 ॥

kuputro hṛdayāyāsaṁ sarvadā kurute pituḥ mātuśca svargasaṁsthāṁśca svapitṝn pātayatyadhaḥ

A wicked son forever brings anguish to his father's heart, and casts down his mother and his ancestors dwelling in heaven besides.

Verse 9 (markandeya.75.9)

सुहृदां नोपकाराय पितॄणाञ्च न तृप्तये । पित्रोर्दुः खाय धिग् जन्म तस्य दुष्कृतकर्मणः ॥ 75.9 ॥

suhṛdāṁ nopakārāya pitṝṇāñca na tṛptaye pitrorduḥ khāya dhig janma tasya duṣkṛtakarmaṇaḥ

He is of no benefit to friends, nor does he satisfy the ancestors; he brings only sorrow to his parents — cursed be the birth of such an evildoer.

Verse 10 (markandeya.75.10)

धन्यास्ते तनया येषां सर्वलोकाभिसंमताः । परोपकारिणः शान्ताः साधुकर्मण्यनुव्रताः ॥ 75.10 ॥

dhanyāste tanayā yeṣāṁ sarvalokābhisaṁmatāḥ paropakāriṇaḥ śāntāḥ sādhukarmaṇyanuvratāḥ

Blessed are those whose sons are honored by all the world, benefactors of others, tranquil, and devoted to righteous deeds.

Verse 11 (markandeya.75.11)

अनिर्वृतं तथा मन्दं परलोकपराङ्मुखम् । नरकाय न सद्गत्यै कुपुत्रालम्बि जन्मनः ॥ 75.11 ॥

anirvṛtaṁ tathā mandaṁ paralokaparāṅmukham narakāya na sadgatyai kuputrālambi janmanaḥ

A birth propped up by a restive, dull-witted son who turns his face from the world beyond — such a birth leads neither to hell nor to a good end.

Verse 12 (markandeya.75.12)

करोति सुहृदां दैन्यमहितानां तथा मुदम् । अकाले च जरां पित्रोः कुपुत्रः कुरुते ध्रुवम् ॥ 75.12 ॥

karoti suhṛdāṁ dainyamahitānāṁ tathā mudam akāle ca jarāṁ pitroḥ kuputraḥ kurute dhruvam

He brings destitution to friends and delight to enemies; a wicked son surely brings a premature old age upon his parents.

Verse 13 (markandeya.75.13)

मार्कण्डेय उवाच एवं सोऽत्यन्तदुष्टस्य पुत्रस्य चरितैर्मुनिः । दह्यमानमनोवृत्तिर्वृत्तं गर्गमपृच्छत ॥ 75.13 ॥

mārkaṇḍeya uvāca evaṁ so'tyantaduṣṭasya putrasya caritairmuniḥ dahyamānamanovṛttirvṛttaṁ gargamapṛcchata

Markandeya said: Thus, his heart burning at his exceedingly wicked son's conduct, that sage asked Garga about what had happened.

Verse 14 (markandeya.75.14)

ऋतवागुवाच सुव्रतेन पुरा वेदा गृहीता विधिवन्मया । समप्य वेदान् विधिवत् कृतो दारपरिग्रहः ॥ 75.14 ॥

ṛtavāguvāca suvratena purā vedā gṛhītā vidhivanmayā samapya vedān vidhivat kṛto dāraparigrahaḥ

Ritavak said: Formerly, keeping my vows well, I duly received the Vedas; and having completed the Vedas, I duly took a wife.

Verse 15 (markandeya.75.15)

सदारेण क्रियाः कार्याः श्रौताः स्मार्ता वषट्क्रियाः । न मे न्यूनाः कृताः काश्चिद्यावदद्य महामुने ॥ 75.15 ॥

sadāreṇa kriyāḥ kāryāḥ śrautāḥ smārtā vaṣaṭkriyāḥ na me nyūnāḥ kṛtāḥ kāścidyāvadadya mahāmune

With my wife I have performed all the required rites, the shrauta and smarta vashatkara acts alike; O great sage, not one of them has ever fallen short at my hands, to this very day.

Verse 16 (markandeya.75.16)

गर्भाधानविधानेन न काममनुरुध्यता । पुत्रार्थं जनितश्चायं पुन्नाम्नो बिभ्यता मुने ॥ 75.16 ॥

garbhādhānavidhānena na kāmamanurudhyatā putrārthaṁ janitaścāyaṁ punnāmno bibhyatā mune

In the rite of conception I never let desire govern me; O sage, it was only from fear of the hell called Put that I begot this son, for a son's sake.

Verse 17 (markandeya.75.17)

सोऽयं किमात्मदोषेण मम दोषण वा मुने । अस्मद्दुः खवहो जातो दौः शील्याद् बन्धुशोकदः ॥ 75.17 ॥

so'yaṁ kimātmadoṣeṇa mama doṣaṇa vā mune asmadduḥ khavaho jāto dauḥ śīlyād bandhuśokadaḥ

Is it then through some fault of his own, or through some fault of mine, O sage, that he has been born a bearer of sorrow to us, and, through his wickedness, a cause of grief to his kinsmen?

Verse 18 (markandeya.75.18)

रेवत्यन्ते मुनिश्रेष्ठ ! जातोऽयं तनयस्तव । तेन दुः खाय ते दुष्टे काले यस्मादजायत ॥ 75.18 ॥

revatyante muniśreṣṭha ! jāto'yaṁ tanayastava tena duḥ khāya te duṣṭe kāle yasmādajāyata

Garga said: O foremost of sages, this son of yours was born at the very end of the Revati asterism; therefore, O wicked hour, it is because he was born at that time that he has become a cause of sorrow to you.

Verse 19 (markandeya.75.19)

न तेऽपचारो नैवास्य मातुर्नायं कुलस्य ते । तस्य दौः शील्यहेतुस्तु रेवत्यन्तमुपागतम् ॥ 75.19 ॥

na te'pacāro naivāsya māturnāyaṁ kulasya te tasya dauḥ śīlyahetustu revatyantamupāgatam

There is no fault in you here, nor in his mother, nor in your lineage; the cause of his wickedness lies solely in his having been born at the very end of Revati.

Verse 20 (markandeya.75.20)

ऋतवागुवाच यस्मान्ममैकपुत्रस्य रेवत्यन्तसमुद्भवम् । दौः शील्यमेतत् सा तस्मात् पततामाशु रेवती ॥ 75.20 ॥

ṛtavāguvāca yasmānmamaikaputrasya revatyantasamudbhavam dauḥ śīlyametat sā tasmāt patatāmāśu revatī

Ritavak said: Since this wickedness of my only son has arisen from his birth at the end of Revati — then let Revati fall from the sky this very instant!

Verse 21 (markandeya.75.21)

मार्कण्डेय उवाच तेनैवं व्याहृते शापे रेवत्यृक्षं पपात ह । पश्यतः सर्वलोकस्य विस्मयाविष्टचेतसः ॥ 75.21 ॥

mārkaṇḍeya uvāca tenaivaṁ vyāhṛte śāpe revatyṛkṣaṁ papāta ha paśyataḥ sarvalokasya vismayāviṣṭacetasaḥ

Markandeya said: The very moment that curse was pronounced by him, the asterism Revati fell from the sky, before the eyes of the whole world, whose minds were struck with astonishment.

Verse 22 (markandeya.75.22)

रेवत्यृक्षञ्च पतितं कुमुदाद्रौ समन्ततः । भावयामास सहसा वनकन्दरनिर्झरम् ॥ 75.22 ॥

revatyṛkṣañca patitaṁ kumudādrau samantataḥ bhāvayāmāsa sahasā vanakandaranirjharam

And that fallen asterism Revati, coming down upon Mount Kumudadri from every side, suddenly filled it with forest caverns and springs.

Verse 23 (markandeya.75.23)

कुमुदाद्रिश्च तत्पातात् ख्यातो रैवतकोऽभवत् । अतीव रम्यः सर्वस्यां पृथिव्यां पृथिवीधरः ॥ 75.23 ॥

kumudādriśca tatpātāt khyāto raivatako'bhavat atīva ramyaḥ sarvasyāṁ pṛthivyāṁ pṛthivīdharaḥ

From that very fall, Mount Kumudadri became renowned by the name Raivataka — the most beautiful mountain upon the whole earth.

Verse 24 (markandeya.75.24)

तस्यर्क्षस्य तु या कान्तिर्जाता पङ्कजिनी सरः । ततो जज्ञे तदा कन्या रूपेणातीव शोभना ॥ 75.24 ॥

tasyarkṣasya tu yā kāntirjātā paṅkajinī saraḥ tato jajñe tadā kanyā rūpeṇātīva śobhanā

From the radiance of that asterism there arose a lotus-filled pool; and from it, then, was born a maiden of exceedingly beautiful form.

Verse 25 (markandeya.75.25)

रेवतीकान्तिसम्भूतां तां दृष्ट्वा प्रमुचो मुनिः । तस्या नाम चकारेत्थं रेवती नाम भागुरे ॥ 75.25 ॥

revatīkāntisambhūtāṁ tāṁ dṛṣṭvā pramuco muniḥ tasyā nāma cakāretthaṁ revatī nāma bhāgure

Seeing that maiden, born of Revati's radiance, the sage Pramucha, O Bhagura, accordingly gave her the name "Revati."

Verse 26 (markandeya.75.26)

पोषयामास चैवैतां स्वाश्रमाभ्याससम्भवाम् । प्रमुचः स महाभागस्तस्मिन्नेव महाचले ॥ 75.26 ॥

poṣayāmāsa caivaitāṁ svāśramābhyāsasambhavām pramucaḥ sa mahābhāgastasminneva mahācale

That greatly fortunate Pramucha nurtured her, born so near his own hermitage, upon that very great mountain.

Verse 27 (markandeya.75.27)

तान्तु यौवनिनीं दृष्ट्वा कान्यकां रूपशालिनीम् । स मुनिश्चिन्तमामास कोऽस्या भर्ता भवेदिति ॥ 75.27 ॥

tāntu yauvaninīṁ dṛṣṭvā kānyakāṁ rūpaśālinīm sa muniścintamāmāsa ko'syā bhartā bhavediti

Seeing her, now come to youth, that maiden of beautiful form, the sage began to wonder: "Who might become her husband?"

Verse 28 (markandeya.75.28)

एवं चिन्तयतस्तस्य ययौ कालो महान् मुने । न चाससाद सदृशं वरं तस्या महामुनिः ॥ 75.28 ॥

evaṁ cintayatastasya yayau kālo mahān mune na cāsasāda sadṛśaṁ varaṁ tasyā mahāmuniḥ

Thus pondering, O sage, a very long time passed; and that great sage could find no suitable groom for her.

Verse 29 (markandeya.75.29)

ततस्तस्या वरं प्रष्टुमग्निं स प्रमुचो मुनिः । विवेश वह्निशालां वै प्रष्टारं प्राह हव्यभुक् ॥ 75.29 ॥

tatastasyā varaṁ praṣṭumagniṁ sa pramuco muniḥ viveśa vahniśālāṁ vai praṣṭāraṁ prāha havyabhuk

Then, to inquire about a groom for her, the sage Pramucha entered the fire-chamber, and Agni, the fire-god, spoke to him who had come to ask —

Verse 30 (markandeya.75.30)

महाबलो महावीर्यः प्रियवाग् धर्मवत्सलः । दुर्गमो नाम भविता भर्ता ह्यस्य महीपतिः ॥ 75.30 ॥

mahābalo mahāvīryaḥ priyavāg dharmavatsalaḥ durgamo nāma bhavitā bhartā hyasya mahīpatiḥ

"Mighty, of great valor, gentle of speech, devoted to dharma — a king named Durgama shall become her husband."

Verse 31 (markandeya.75.31)

मार्कण्डेय उवाच अनन्तरञ्च मृगयाप्रसङ्गेनागतो मुने । तस्याश्रमपदं धीमान् दुर्गमः स नराधिपः ॥ 75.31 ॥

mārkaṇḍeya uvāca anantarañca mṛgayāprasaṅgenāgato mune tasyāśramapadaṁ dhīmān durgamaḥ sa narādhipaḥ

Markandeya said: After this, O sage, the wise King Durgama, in the course of a hunting expedition, arrived at that hermitage —

Verse 32 (markandeya.75.32)

प्रियव्रतान्वयभवो महाबलपराक्रमः । पुत्रो विक्रमशीलस्य कालिन्दीजठरोद्भवः ॥ 75.32 ॥

priyavratānvayabhavo mahābalaparākramaḥ putro vikramaśīlasya kālindījaṭharodbhavaḥ

born in the line of Priyavrata, of great strength and valor, son of Vikramashila, born from the womb of Kalindi.

Verse 33 (markandeya.75.33)

स प्रविश्याश्रमपदं तां तन्वीं जगतीपतिः । अपश्यमानस्तमृषिं प्रियेत्यामन्त्र्य पृष्टवान् ॥ 75.33 ॥

sa praviśyāśramapadaṁ tāṁ tanvīṁ jagatīpatiḥ apaśyamānastamṛṣiṁ priyetyāmantrya pṛṣṭavān

Entering that hermitage-ground, that lord of the earth, seeing the slender maiden but not finding the sage there, addressed her as "dear one" and asked her:

Verse 34 (markandeya.75.34)

राजोवाच क्व गतो भगवानस्मादाश्रमान्मुनिपुङ्गवः । तं प्रणेतुमिहेच्छामि तत् त्वं प्रब्रूहि शोभने ॥ 75.34 ॥

rājovāca kva gato bhagavānasmādāśramānmunipuṅgavaḥ taṁ praṇetumihecchāmi tat tvaṁ prabrūhi śobhane

The king said: "Where has the venerable, foremost of sages, gone from this hermitage? O lovely one, I wish to pay my respects to him here — please tell me."

Verse 35 (markandeya.75.35)

मार्कण्डेय उवाच अग्निसालां गतो विप्रस्तच्छ्रुत्वा तस्य भाषितम् । प्रियेत्यामन्त्रणञ्चैव निश्चक्राम त्वरान्वितः ॥ 75.35 ॥

mārkaṇḍeya uvāca agnisālāṁ gato viprastacchrutvā tasya bhāṣitam priyetyāmantraṇañcaiva niścakrāma tvarānvitaḥ

Markandeya said: That Brahmin had gone into the fire-chamber; hearing that speech, and the address "priye," he came out swiftly.

Verse 36 (markandeya.75.36)

स ददर्श महात्मानं राजानं दुर्गमं मुनिः । नरेन्द्रचिह्नसहितं प्रश्रयावनतं पुरः ॥ 75.36 ॥

sa dadarśa mahātmānaṁ rājānaṁ durgamaṁ muniḥ narendracihnasahitaṁ praśrayāvanataṁ puraḥ

That sage saw the great-souled King Durgama standing before him, bearing the marks of royalty, bowed in humility.

Verse 37 (markandeya.75.37)

तस्मिन् दृष्टे ततः शिष्यमुवाच स तु गौतमम् । गौतमानीयतां शीघ्रमर्घोऽस्य जगतीपतेः ॥ 75.37 ॥

tasmin dṛṣṭe tataḥ śiṣyamuvāca sa tu gautamam gautamānīyatāṁ śīghramargho'sya jagatīpateḥ

Seeing him, he then said to his disciple Gautama: "O Gautama, quickly bring the guest-offering for this king.

Verse 38 (markandeya.75.38)

एकस्तावदयं भूपश्चिरकालादुपागतः. जामाता च विशेषेण योग्योर्ऽघस्य मतो मम ॥ 75.38 ॥

ekastāvadayaṁ bhūpaścirakālādupāgataḥ. jāmātā ca viśeṣeṇa yogyor'ghasya mato mama

For one thing, this king has come after a long while; and above all, in my view he is a worthy son-in-law, deserving of this offering."

Verse 39 (markandeya.75.39)

मार्कण्डेय उवाच ततः स चिन्तयामास राजा जामातृकारणम् । विवेद च न तन्मौनी जगृहेर्ऽघञ्च तं नृपः ॥ 75.39 ॥

mārkaṇḍeya uvāca tataḥ sa cintayāmāsa rājā jāmātṛkāraṇam viveda ca na tanmaunī jagṛher'ghañca taṁ nṛpaḥ

Markandeya said: Then the king wondered at the reason for the word "son-in-law," but, remaining silent, could not fathom it, and simply accepted the offering.

Verse 40 (markandeya.75.40)

तमासनगतं विप्रो गृहीतार्घं महामुनिः । स्वागतं प्राह राजेन्द्रमपि ते कुशलं गृहे ॥ 75.40 ॥

tamāsanagataṁ vipro gṛhītārghaṁ mahāmuniḥ svāgataṁ prāha rājendramapi te kuśalaṁ gṛhe

To the king, seated and having received the offering, that great sage said: "Welcome! Is all well at your home?

Verse 41 (markandeya.75.41)

कोषे बलेऽथ मित्रेषु भृत्यामात्ये नरेश्वर । तथात्मनि महाबाहो यत्र सर्वं प्रतिष्ठितम् ॥ 75.41 ॥

koṣe bale'tha mitreṣu bhṛtyāmātye nareśvara tathātmani mahābāho yatra sarvaṁ pratiṣṭhitam

In your treasury, your army, your friends, your servants and ministers, O king, and, O mighty-armed one, in yourself as well, in whom everything rests?

Verse 42 (markandeya.75.42)

पत्नी च ते कुशलिनी यत एवानुतिष्ठति । पृच्छाम्यस्यास्ततो नाहं कुशलिन्योऽपरास्तव ॥ 75.42 ॥

patnī ca te kuśalinī yata evānutiṣṭhati pṛcchāmyasyāstato nāhaṁ kuśalinyo'parāstava

And is your queen well, since it is through her that all things are properly maintained? I ask specifically about her; not about your other wives."

Verse 43 (markandeya.75.43)

राजोवाच त्वत्प्रसादादकुशलं न क्वचिन्मम सुव्रत । जातकौतूहलश्चास्मि मम भार्यात्र का मुने ॥ 75.43 ॥

rājovāca tvatprasādādakuśalaṁ na kvacinmama suvrata jātakautūhalaścāsmi mama bhāryātra kā mune

The king said: O good-vowed one, by your grace nothing is amiss for me; but I am curious, O sage — which wife of mine do you mean?

Verse 44 (markandeya.75.44)

ऋषिरुवाच रेवती सुमहाभागा त्रैलोक्यस्यापि सुन्दरी । तव भर्या वरारोहा तां त्वं राजन्न वेत्सि किम् ॥ 75.44 ॥

ṛṣiruvāca revatī sumahābhāgā trailokyasyāpi sundarī tava bharyā varārohā tāṁ tvaṁ rājanna vetsi kim

The sage said: Revati, of great fortune, beautiful even beyond the three worlds — she is your excellent wife; O king, do you not know her?

Verse 45 (markandeya.75.45)

राजोवाच सुभद्रां शान्ततनयां कावेरीतनयां विभो । सुराष्ट्रजां सुजाताञ्च कदम्बाञ्च वरूथजाम् ॥ 75.45 ॥

rājovāca subhadrāṁ śāntatanayāṁ kāverītanayāṁ vibho surāṣṭrajāṁ sujātāñca kadambāñca varūthajām

The king said: Subhadra, Shantatanaya, Kaveritanaya, O lord, Surashtraja, Sujata, and Kadamba, Varuthaja —

Verse 46 (markandeya.75.46)

विपाठां नन्दिनीञ्चैव वेद्मि भार्यां गृहे द्विज । तिष्ठन्ति मे न भगवन् रेवतीं वेद्मि कान्वियम् ॥ 75.46 ॥

vipāṭhāṁ nandinīñcaiva vedmi bhāryāṁ gṛhe dvija tiṣṭhanti me na bhagavan revatīṁ vedmi kānviyam

and Vipatha and Nandini too — these, O Brahmin, I know as wives in my household; but Revati, O venerable one, is not among them — tell me, who is she?

Verse 47 (markandeya.75.47)

ऋषिरुवाच प्रियेति साम्प्रतं येयं त्वयोक्ता वरवर्णिनी । किं विस्मृतन्ते भूपाल ! श्लाघ्येयं गृहिणी तव ॥ 75.47 ॥

ṛṣiruvāca priyeti sāmprataṁ yeyaṁ tvayoktā varavarṇinī kiṁ vismṛtante bhūpāla ! ślāghyeyaṁ gṛhiṇī tava

The sage said: This is that very lovely one whom you just now addressed as "priye"; O king, have you forgotten? She is your praiseworthy wife.

Verse 48 (markandeya.75.48)

राजोवाच सत्यमुक्तं मया किन्तु भावो दुष्टो न मे मुने । नात्र कोपं भवान् कर्तुमर्हत्यस्मासु याचितः ॥ 75.48 ॥

rājovāca satyamuktaṁ mayā kintu bhāvo duṣṭo na me mune nātra kopaṁ bhavān kartumarhatyasmāsu yācitaḥ

The king said: What I said was indeed true, O sage, but my intention was not corrupt; you ought not be angry with me on this account, especially since I now entreat you.

Verse 49 (markandeya.75.49)

ऋषिरुवाच तत्त्वं ब्रवीषि भूपाल ! न भावस्तव दूषितः । व्याजहार भवानेतद्वह्निना नृप चोदितः ॥ 75.49 ॥

ṛṣiruvāca tattvaṁ bravīṣi bhūpāla ! na bhāvastava dūṣitaḥ vyājahāra bhavānetadvahninā nṛpa coditaḥ

The sage said: O king, what you say is indeed true — your intention is not corrupt; you spoke this only because you were prompted by Agni himself.

Verse 50 (markandeya.75.50)

मया पृष्टो हुतवहः कोऽस्या भर्तेति पार्थिव । भविता तेन चाप्युक्तो भवानेवाद्य वै वरः ॥ 75.50 ॥

mayā pṛṣṭo hutavahaḥ ko'syā bharteti pārthiva bhavitā tena cāpyukto bhavānevādya vai varaḥ

O king, when I asked, Agni, the fire-bearer, told me who her husband would be; and it was he who declared that you yourself would be her groom this very day.

Verse 51 (markandeya.75.51)

तद्गृह्यतां मया दत्ता तुभ्यं कन्या नराधिप । प्रियेत्यामन्त्रिता चेयं विचारं कुरुषे कथम् ॥ 75.51 ॥

tadgṛhyatāṁ mayā dattā tubhyaṁ kanyā narādhipa priyetyāmantritā ceyaṁ vicāraṁ kuruṣe katham

Therefore, O lord of men, accept this maiden given by me; you yourself have already addressed her as "priye" — why then do you hesitate?

Verse 52 (markandeya.75.52)

मार्कण्डेय उवाच ततोऽसावभवन्मौनी तेनोक्तः पृथिवीपतिः । ऋषिस्तथोद्यतः कर्तुं तस्या वैवाहिकं विधिम् ॥ 75.52 ॥

mārkaṇḍeya uvāca tato'sāvabhavanmaunī tenoktaḥ pṛthivīpatiḥ ṛṣistathodyataḥ kartuṁ tasyā vaivāhikaṁ vidhim

Markandeya said: Then that lord of the earth, thus addressed, fell silent; and the sage made ready to perform her wedding rites.

Verse 53 (markandeya.75.53)

तमुद्यतं सा पितरं विवाहाय महामुने । उवाच कन्या यत्किञ्चित् प्रश्रयावनतानना ॥ 75.53 ॥

tamudyataṁ sā pitaraṁ vivāhāya mahāmune uvāca kanyā yatkiñcit praśrayāvanatānanā

To her father, thus preparing for her wedding, that maiden, her face bowed in modesty, said something, O great sage.

Verse 54 (markandeya.75.54)

यदि मे प्रीतिमांस्तात प्रिसादं कर्तुमर्हसि । रेवत्यृक्षे विवाहं मे तत्करोतु प्रसादितः ॥ 75.54 ॥

yadi me prītimāṁstāta prisādaṁ kartumarhasi revatyṛkṣe vivāhaṁ me tatkarotu prasāditaḥ

"Father, if you feel affection for me and are willing to show me grace, then I beg this of you: let my marriage be performed, in your kindness, under the very asterism Revati."

Verse 55 (markandeya.75.55)

ऋषिरुवाच रेवत्यृक्षं न वै भद्रे चन्द्रयोगि व्यवस्थितम् । अन्यानि सन्ति ऋक्षाणि सुभ्रु वैवाहिकानि ते ॥ 75.55 ॥

ṛṣiruvāca revatyṛkṣaṁ na vai bhadre candrayogi vyavasthitam anyāni santi ṛkṣāṇi subhru vaivāhikāni te

The sage said: O gentle one, the asterism Revati is not now in conjunction with the moon; O fair-browed one, there are other asterisms fit for your marriage.

Verse 56 (markandeya.75.56)

कन्योवाच तात तेन विना कालो विफलः प्रतिभाति मे । विवाहो विफले काले मद्विधायाः कथं भवेत् ॥ 75.56 ॥

kanyovāca tāta tena vinā kālo viphalaḥ pratibhāti me vivāho viphale kāle madvidhāyāḥ kathaṁ bhavet

The maiden said: Father, without it, this time seems fruitless to me; how could a marriage in a fruitless hour be right for one like me?

Verse 57 (markandeya.75.57)

ऋषिरुवाच ऋतवागिति विख्यातस्तपस्वी रेवतीं प्रति । चकार कोपं क्रुद्धेन तेनर्क्षं विनिपातितम् ॥ 75.57 ॥

ṛṣiruvāca ṛtavāgiti vikhyātastapasvī revatīṁ prati cakāra kopaṁ kruddhena tenarkṣaṁ vinipātitam

The sage said: The ascetic renowned as Ritavak, angered at Revati, in his fury caused that asterism to fall.

Verse 58 (markandeya.75.58)

मया चास्मै प्रतिज्ञाता भर्येति मदिरेक्षणा । न चेच्छसि विवाहं त्वं सङ्कटं नः समागतम् ॥ 75.58 ॥

mayā cāsmai pratijñātā bharyeti madirekṣaṇā na cecchasi vivāhaṁ tvaṁ saṅkaṭaṁ naḥ samāgatam

And I myself have already promised him that this enchanting-eyed one shall be his wife; if you are unwilling for the marriage, then a difficulty has indeed come upon us.

Verse 59 (markandeya.75.59)

कन्योवाच ऋतवाक् स मुनिस्तात किमेवं तप्तवांस्तपः । न त्वया मम तातेन ब्रह्मबन्धोः सुतास्मि किम् ॥ 75.59 ॥

kanyovāca ṛtavāk sa munistāta kimevaṁ taptavāṁstapaḥ na tvayā mama tātena brahmabandhoḥ sutāsmi kim

The maiden said: Father, what kind of austerity has this sage Ritavak practiced, that his word should bind us so? Am I not your daughter — your own, father — and not merely the daughter of some ordinary, nominal Brahmin?

Verse 60 (markandeya.75.60)

ऋषिरुवाच ब्रह्मबन्धोः सुता न त्वं बाले नैव तपस्विनः । सुता त्वं मम यो देवान् कर्तुमन्यान् समुत्सहे ॥ 75.60 ॥

ṛṣiruvāca brahmabandhoḥ sutā na tvaṁ bāle naiva tapasvinaḥ sutā tvaṁ mama yo devān kartumanyān samutsahe

The sage said: O child, you are not the daughter of some ordinary, nominal Brahmin, nor of a mere ascetic; you are my daughter — and I am capable of fashioning even other gods.

Verse 61 (markandeya.75.61)

कन्योवाच तपस्वी यदि मे तातस्तत्किमृक्षमिदं दिवि । समारोप्य विवाहो मे तदृक्षे क्रियते न तु ॥ 75.61 ॥

kanyovāca tapasvī yadi me tātastatkimṛkṣamidaṁ divi samāropya vivāho me tadṛkṣe kriyate na tu

The maiden said: If my father is indeed such a great ascetic, then why should this asterism in the sky not be restored, so that my marriage may be performed under that very asterism after all?

Verse 62 (markandeya.75.62)

ऋषिरुवाच एवं भवतु भद्रन्ते भद्रे प्रीतिमती भव । आरोपयामीन्दुमार्गे रेवत्यृक्षं कृते तव ॥ 75.62 ॥

ṛṣiruvāca evaṁ bhavatu bhadrante bhadre prītimatī bhava āropayāmīndumārge revatyṛkṣaṁ kṛte tava

The sage said: "So be it, gentle one — may all be well with you, be glad; for your sake I shall restore the asterism Revati to the moon's own path."

Verse 63 (markandeya.75.63)

मार्कण्डेय उवाच ततस्तपः प्रभावेण रेवत्यृक्षं महामुनिः । यथापूर्वन्तथा चक्रे सोमयोगि द्विजोत्तम ॥ 75.63 ॥

mārkaṇḍeya uvāca tatastapaḥ prabhāveṇa revatyṛkṣaṁ mahāmuniḥ yathāpūrvantathā cakre somayogi dvijottama

Markandeya said: Then, by the power of his austerity, that great sage, O best of Brahmins, restored the asterism Revati to its former conjunction with the moon.

Verse 64 (markandeya.75.64)

विवाहञ्चैव दुहितुर्विधिवद् मन्त्रयोगिनम् । निष्पाद्य प्रीतिमान् भूयो जामातारमथाब्रवीत् ॥ 75.64 ॥

vivāhañcaiva duhiturvidhivad mantrayoginam niṣpādya prītimān bhūyo jāmātāramathābravīt

Having duly performed his daughter's marriage with the proper mantras, filled once more with delight, he then spoke again to his son-in-law.

Verse 65 (markandeya.75.65)

औद्वाहिकन्ते भूपाल कथ्यतां किं ददाम्यहम् । दुर्लभ्यमपि दास्यामि ममाप्रतिहतन्तपः ॥ 75.65 ॥

audvāhikante bhūpāla kathyatāṁ kiṁ dadāmyaham durlabhyamapi dāsyāmi mamāpratihatantapaḥ

"O king, tell me what marriage-gift I should give you; even something hard to obtain I shall grant, for my austerity is unfailing."

Verse 66 (markandeya.75.66)

राजोवाच मनोः स्वयम्भुवस्याहमुत्पन्नः सन्ततौ मुने । मन्वन्तराधिपं पुत्रं त्वत्प्रसादाद् वृणोम्यहम् ॥ 75.66 ॥

rājovāca manoḥ svayambhuvasyāhamutpannaḥ santatau mune manvantarādhipaṁ putraṁ tvatprasādād vṛṇomyaham

The king said: O sage, I am born in the line of Svayambhuva Manu; by your grace, I ask for a son who shall become lord of a Manvantara.

Verse 67 (markandeya.75.67)

ऋषिरुवाच भविष्यत्येष ते कामो मनुस्त्वत्तनयो महीम् । सकलां भोक्ष्यते भूप धर्मविच्च भविष्यति ॥ 75.67 ॥

ṛṣiruvāca bhaviṣyatyeṣa te kāmo manustvattanayo mahīm sakalāṁ bhokṣyate bhūpa dharmavicca bhaviṣyati

The sage said: This desire of yours shall be fulfilled; your son shall become Manu and enjoy the entire earth, O king, and shall be versed in dharma.

Verse 68 (markandeya.75.68)

मार्कण्डेय उवाच तामादाय ततो भूपः स्वमेव नगरं ययौ । तस्मादजायत सुतो रेवत्या रैवतो मनुः ॥ 75.68 ॥

mārkaṇḍeya uvāca tāmādāya tato bhūpaḥ svameva nagaraṁ yayau tasmādajāyata suto revatyā raivato manuḥ

Markandeya said: Then the king, taking her with him, went to his own city; from her was born a son — Raivata, the Manu, son of Revati.

Verse 69 (markandeya.75.69)

समेतः सकलैर्धर्मैर्मानवैरपराजितः । विज्ञाताखिलशास्त्रार्थो वेदविद्यार्थशास्त्रवित् ॥ 75.69 ॥

sametaḥ sakalairdharmairmānavairaparājitaḥ vijñātākhilaśāstrārtho vedavidyārthaśāstravit

Endowed with all virtues, unconquered among men, knowing the meaning of every scripture, versed in the Veda, in learning, and in polity.

Verse 70 (markandeya.75.70)

तस्य मन्वन्तरे देवान् मुनिदेवेन्द्रपार्थिवान् । कथ्यमानान् मया ब्रह्मन् निबोध सुसमाहितः ॥ 75.70 ॥

tasya manvantare devān munidevendrapārthivān kathyamānān mayā brahman nibodha susamāhitaḥ

O Brahmin, now hear with full attention, as I relate them, the sages, gods, Indra, and kings of his Manvantara.

Verse 71 (markandeya.75.71)

सुमेधसस्तत्र देवास्तथा भूपतयो द्विज । वैकुण्ठश्चामिताभश्च चतुर्दश चतुर्दश ॥ 75.71 ॥

sumedhasastatra devāstathā bhūpatayo dvija vaikuṇṭhaścāmitābhaśca caturdaśa caturdaśa

O Brahmin, there the gods were the Sumedhasas, and another group, the Bhupatis; and the Vaikunthas and the Amitabhas, fourteen in each group.

Verse 72 (markandeya.75.72)

तेषां देवगणानान्तु चतुर्णामपि चेश्चरः । नाम्ना विभुरभूदिन्द्रः शतयज्ञोपलक्षकः ॥ 75.72 ॥

teṣāṁ devagaṇānāntu caturṇāmapi ceścaraḥ nāmnā vibhurabhūdindraḥ śatayajñopalakṣakaḥ

Of these four groups of gods there was but a single lord — named Vibhu, marked as their Indra by a hundred sacrifices.

Verse 73 (markandeya.75.73)

हिरण्यलोमा वेदश्रीरूर्ध्वबाहुस्तथापरः । वेदबाहुः सुधामा च पर्जन्यश्च महामुनिः ॥ 75.73 ॥

hiraṇyalomā vedaśrīrūrdhvabāhustathāparaḥ vedabāhuḥ sudhāmā ca parjanyaśca mahāmuniḥ

Hiranyaloma, Vedashri, Urdhvabahu, and yet another; Vedabahu, Sudhama, and the great sage Parjanya —

Verse 74 (markandeya.75.74)

वसिष्ठश्च महाभागो वेदवेदान्तपारगः । एते सप्तर्षयश्चासन् रैवतस्यान्तरे मनोः ॥ 75.74 ॥

vasiṣṭhaśca mahābhāgo vedavedāntapāragaḥ ete saptarṣayaścāsan raivatasyāntare manoḥ

and the greatly fortunate Vasishtha, versed to the very end of Veda and Vedanta — these became the Seven Sages in the interval of Manu Raivata.

Verse 75 (markandeya.75.75)

बलबन्धुर्महावीर्यः सुयष्टव्यस्तथापरः । सत्यकाद्यास्तथैवासन् रैवतस्य मनोः सुताः ॥ 75.75 ॥

balabandhurmahāvīryaḥ suyaṣṭavyastathāparaḥ satyakādyāstathaivāsan raivatasya manoḥ sutāḥ

Balabandhu, of great valor, Suyashtavya, and yet another; and Satyaka and others besides — these were the sons of Manu Raivata.

Verse 76 (markandeya.75.76)

रैवतान्तास्तु मनवः कथिता ये मया तव । स्वायम्भुवाश्रया ह्येते स्वारोचिषमृते मनुम् ॥ 75.76 ॥

raivatāntāstu manavaḥ kathitā ye mayā tava svāyambhuvāśrayā hyete svārociṣamṛte manum

The Manus I have told you of, ending with Raivata — these, except for Svarochisha, all take their origin from Svayambhuva Manu.

Verse 77 (markandeya.75.77)

(य एषां शृणुयान्नित्यं पठेदाख्यानमुत्तमम् । विमुक्तः सर्वपापेभ्यो लोकं प्राप्नोत्यभीप्सितम् ॥ 75.77 ॥

(ya eṣāṁ śṛṇuyānnityaṁ paṭhedākhyānamuttamam vimuktaḥ sarvapāpebhyo lokaṁ prāpnotyabhīpsitam

(Whoever constantly hears or recites this excellent account, freed from all sins, attains the world of his desire.)