The Hymn of Indra and the Gods

Verse 1 (markandeya.84.1)

ऋषिरुवाच ततः सुरगणाः सर्वे देव्या इन्द्रपुरोगमाः । स्तुतिमारेभिरे कर्तुं निहते महिषासुरे ॥ 84.1 ॥

ṛṣiruvāca tataḥ suragaṇāḥ sarve devyā indrapurogamāḥ stutimārebhire kartuṁ nihate mahiṣāsure

The sage said: Then, when Mahishasura had been slain, all the hosts of gods, with Indra at their head, began to offer praise to the goddess.

Verse 2 (markandeya.84.2)

शक्रादयः सुरगणा निहतेऽतिवीर्ये तस्मिन् दुरात्मनि सुरारिबले च देव्या । तां तुष्टुवुः प्रणतिनम्रशिरोधरांसा वाग्भिः प्रहर्षपुलकोद्गमचारुदेहाः ॥ 84.2 ॥

śakrādayaḥ suragaṇā nihate ’tivīrye tasmin durātmani surāribale ca devyā tāṁ tuṣṭuvuḥ praṇatinamraśirodharāṁsā vāgbhiḥ praharṣapulakodgamacārudehāḥ

When that most mighty evil-minded one and the army of the enemies of the gods had been slain by the goddess, the hosts of gods, headed by Shakra, praised her with their heads, necks, and shoulders bowed low in reverence, their bodies made beautiful with the thrill of joy.

Verse 3 (markandeya.84.3)

देवा ऊचुः देव्या यया ततमिदं जगदात्मशक्त्या निः शेषदेवगणशक्तिसमूहमूर्त्या । तामम्बिकामखिलदेवमर्षिपूज्यां भक्त्या नताः स्म विदधातु शुभानि सा नः ॥ 84.3 ॥

devā ūcuḥ devyā yayā tatamidaṁ jagadātmaśaktyā niḥ śeṣadevagaṇaśaktisamūhamūrtyā tāmambikāmakhiladevamarṣipūjyāṁ bhaktyā natāḥ sma vidadhātu śubhāni sā naḥ

The gods said: To that goddess by whose own power this universe is pervaded, who is the embodied totality of the combined powers of all the hosts of gods, to that Ambika, worshipped by all gods and sages, we bow in devotion; may she grant us blessings.

Verse 4 (markandeya.84.4)

यस्याः प्रभावमतुलं भगवाननन्तो ब्रह्मा हरश्च नहि वक्तुमलं बलं च । सा चण्डिकाखिलजगत्परिपालनाय नाशाय चाशुभयस्य मतिं करोतु ॥ 84.4 ॥

yasyāḥ prabhāvamatulaṁ bhagavānananto brahmā haraśca nahi vaktumalaṁ balaṁ ca sā caṇḍikākhilajagatparipālanāya nāśāya cāśubhayasya matiṁ karotu

Whose incomparable glory and power even the blessed Ananta, Brahma, and Hara are not able to describe — may that Chandika resolve upon the protection of the whole world, and upon the destruction of misfortune.

Verse 5 (markandeya.84.5)

या श्रीः स्वयं सुकृतिनां भवनेष्वलक्ष्मीः पापात्मनां कृतधियां हृदयेषु बुद्धिः । श्रद्धां सतां कुलजनप्रभवस्य लज्जा तां त्वां नताः स्म परिपालय देवि विश्वम् ॥ 84.5 ॥

yā śrīḥ svayaṁ sukṛtināṁ bhavaneṣvalakṣmīḥ pāpātmanāṁ kṛtadhiyāṁ hṛdayeṣu buddhiḥ śraddhāṁ satāṁ kulajanaprabhavasya lajjā tāṁ tvāṁ natāḥ sma paripālaya devi viśvam

She who is herself Shri in the homes of the virtuous, and Alakshmi in the homes of the sinful; who is Buddhi in the hearts of the wise, Shraddha in the hearts of the good, and Lajja in the well-born — to you we bow; protect the universe, O goddess.

Verse 6 (markandeya.84.6)

किं वर्णयाम तव रूपमचिन्त्यमेतत् किं चातिवीर्यमसुरक्षयकारि भूरि । किं चाहवेषु चरितानि तवाद्भुतानि सर्वेषु देव्यसुरदेवगणादिकेषु ॥ 84.6 ॥

kiṁ varṇayāma tava rūpamacintyametat kiṁ cātivīryamasurakṣayakāri bhūri kiṁ cāhaveṣu caritāni tavādbhutāni sarveṣu devyasuradevagaṇādikeṣu

How shall we describe this inconceivable form of yours? How your immense and exceeding valor, that brings destruction upon the asuras? How your wondrous deeds performed in battles against all the hosts of gods, asuras, and the rest, O goddess?

Verse 7 (markandeya.84.7)

हेतुः समस्तजगतां त्रिगुणापि दोषैर् न ज्ञायसे हरिहरादिभिरप्यपारा । सर्वाश्रयाखिलमिदं जगदंशभूतम् अव्याकृता हि परमा प्रकृतिस्त्वमाद्या ॥ 84.7 ॥

hetuḥ samastajagatāṁ triguṇāpi doṣair na jñāyase hariharādibhirapyapārā sarvāśrayākhilamidaṁ jagadaṁśabhūtam avyākṛtā hi paramā prakṛtistvamādyā

You are the cause of all the worlds; though possessed of the three gunas, you are untouched by their faults; you are boundless, not fully known even by Hari, Hara, and the rest; the refuge of all, of whom this entire world is but a part — you are indeed the primal, unmanifest, supreme Prakriti.

Verse 8 (markandeya.84.8)

यस्याः समस्तसुरता समुदीरणेन तृप्तिं प्रयान्ति सकलेषु मखेषु देवि । स्वाहासि वै पितृगणस्य च तृप्तिहेतुर् उच्चार्यसे त्वमत एव जनैः स्वधा च ॥ 84.8 ॥

yasyāḥ samastasuratā samudīraṇena tṛptiṁ prayānti sakaleṣu makheṣu devi svāhāsi vai pitṛgaṇasya ca tṛptihetur uccāryase tvamata eva janaiḥ svadhā ca

By the mere utterance of whose name all the gods attain satisfaction in every sacrifice — you indeed are Svaha; and, being the cause of the satisfaction of the hosts of the ancestors, you are for that reason invoked by people as Svadha as well.

Verse 9 (markandeya.84.9)

या मुक्तिहेतुरविचिन्त्यमहाव्रता त्वम् अभ्यस्यसे सुनियतेन्द्रियतत्त्वसारैः । मोक्षार्थिभिर्मुनिभिरस्तसमस्तदोषैर् विद्यासि सा भगवती परमा हि देवि ॥ 84.9 ॥

yā muktiheturavicintyamahāvratā tvam abhyasyase suniyatendriyatattvasāraiḥ mokṣārthibhirmunibhirastasamastadoṣair vidyāsi sā bhagavatī paramā hi devi

You, whose great vow is inconceivable, who are the cause of liberation, are practiced by sages who seek liberation, whose senses are fully controlled, who know the essence of truth, and who have cast off every fault — you are indeed that supreme, divine Knowledge, O goddess.

Verse 10 (markandeya.84.10)

शब्दात्मिका सुविमलर्ग्यजुषां निधानम् उद्गीथरम्यपदपाठवतां च साम्नाम् । देवी त्रयी भगवती भवभावनाय वार्ता च सर्वजगतां परमार्तिहन्त्री ॥ 84.10 ॥

śabdātmikā suvimalargyajuṣāṁ nidhānam udgītharamyapadapāṭhavatāṁ ca sāmnām devī trayī bhagavatī bhavabhāvanāya vārtā ca sarvajagatāṁ paramārtihantrī

You are embodied Sound, the treasury of the utterly pure Rig and Yajur Vedas, and of the Samans with their beautiful Udgitha verses; you are the divine Triple Veda, existing for the sustaining of the world; and you are the livelihood of all creatures, the supreme remover of affliction.

Verse 11 (markandeya.84.11)

मेधासि देवि विदिताखिलशास्त्रसारा दुर्गासि दुर्गभवसागरनौरसङ्गा । श्रीः कैटभारिहृदयैककृताधिवासा गौरी त्वमेव शशिमौलिकृतप्रतिष्ठा ॥ 84.11 ॥

medhāsi devi viditākhilaśāstrasārā durgāsi durgabhavasāgaranaurasaṅgā śrīḥ kaiṭabhārihṛdayaikakṛtādhivāsā gaurī tvameva śaśimaulikṛtapratiṣṭhā

You are Medha, O goddess, by whom the essence of all scriptures is known; you are Durga, the unfailing boat that carries beings across the difficult ocean of worldly existence; you are Shri, who has made her sole dwelling in the heart of the Enemy of Kaitabha; you alone are Gauri, established by the moon-crested one.

Verse 12 (markandeya.84.12)

ईषत्सहासममलं परिपूर्णचन्द्र- बिम्बानुकारि कनकोत्तमकान्तिकान्तम् । अत्यद्भुतं प्रहृतमात्तरुषा तथापि वक्त्रं विलोक्य सहसा महिषासुरेण ॥ 84.12 ॥

īṣatsahāsamamalaṁ paripūrṇacandra- bimbānukāri kanakottamakāntikāntam atyadbhutaṁ prahṛtamāttaruṣā tathāpi vaktraṁ vilokya sahasā mahiṣāsureṇa

Your face — faintly smiling, spotless, resembling the orb of the full moon, lovely with the finest golden radiance — was struck, wondrously, all at once, by the enraged Mahishasura —

Verse 13 (markandeya.84.13)

दृष्ट्वा तु देवि कुपितं भ्रुकुटीकरालम् उद्यच्छशाङ्कसदृशच्छवि यन्न सद्यः । प्राणान्मुमोच महीषस्तदतीव चित्रं कैर्जीव्यते हि कुपितान्तकदर्शनेन ॥ 84.13 ॥

dṛṣṭvā tu devi kupitaṁ bhrukuṭīkarālam udyacchaśāṅkasadṛśacchavi yanna sadyaḥ prāṇānmumoca mahīṣastadatīva citraṁ kairjīvyate hi kupitāntakadarśanena

But seeing that face of yours, now angered and terrible with knitted brows, though it still shone like the rising moon, Mahisha did not at once give up his life — how strange indeed! For who, having beheld the face of enraged Death, could yet live on?

Verse 14 (markandeya.84.14)

देवि प्रसीद परमा भवती भवाय सद्यो विनाशयसि कोपवती कुलानि । विज्ञातमेतदधुनैव यदस्तमेतन् नीतं बलं सुविपुलं महिषासुरस्य ॥ 84.14 ॥

devi prasīda paramā bhavatī bhavāya sadyo vināśayasi kopavatī kulāni vijñātametadadhunaiva yadastametan nītaṁ balaṁ suvipulaṁ mahiṣāsurasya

Be gracious, O goddess! When at peace, you are the supreme cause of well-being; but when angered, you instantly destroy whole lineages. This we have just now witnessed, in that the vast army of Mahishasura has been brought to nought.

Verse 15 (markandeya.84.15)

ते संमता जनपदेषु धनानि तेषां तेषां यशांसि न च सीदति धर्मवर्गः । धन्यास्त एव निभृतात्मजभृत्यदारा येषां सदाभ्युदयदा भवती प्रसन्ना ॥ 84.15 ॥

te saṁmatā janapadeṣu dhanāni teṣāṁ teṣāṁ yaśāṁsi na ca sīdati dharmavargaḥ dhanyāsta eva nibhṛtātmajabhṛtyadārā yeṣāṁ sadābhyudayadā bhavatī prasannā

Honored are they in their lands, secure their wealth, unfailing their fame, and unshaken their store of merit; blessed indeed are they, their children, servants, and wives ever secure, toward whom you, ever the giver of prosperity, remain gracious.

Verse 16 (markandeya.84.16)

धर्म्याणि देवि सकलानि सदैव कर्माण्य् अत्यादृतः प्रतिदिनं सुकृती करोति । स्वर्गं प्रयाति च ततो भवतीप्रसादाल् लोकत्रयेऽपि फलदा ननु देवि तेन ॥ 84.16 ॥

dharmyāṇi devi sakalāni sadaiva karmāṇy atyādṛtaḥ pratidinaṁ sukṛtī karoti svargaṁ prayāti ca tato bhavatīprasādāl lokatraye ’pi phaladā nanu devi tena

O goddess, the virtuous man, with utmost reverence, performs all his righteous duties day after day, and thereby, by your grace, attains heaven; thus indeed, O goddess, are you the bestower of fruit throughout all three worlds.

Verse 17 (markandeya.84.17)

दुर्गे स्मृता हरसि भीतिमशेषजन्तोः स्वस्थैः स्मृता मतिमतीव शुभां ददासि । दारिद्र्यदुःखभयहारिणि का त्वदन्या सर्वोपकारकरणाय सदाऽऽर्द्रचित्ता ॥ 84.17 ॥

durge smṛtā harasi bhītimaśeṣajantoḥ svasthaiḥ smṛtā matimatīva śubhāṁ dadāsi dāridryaduḥkhabhayahāriṇi kā tvadanyā sarvopakārakaraṇāya sadā ’ ’rdracittā

When called to mind in danger, you remove the fear of every creature; called to mind by those at ease, you bestow upon them an exceedingly auspicious understanding. O remover of poverty, sorrow, and fear — who besides you is ever tender-hearted, ready for the good of all?

Verse 18 (markandeya.84.18)

एभिर्हतैर्जगदुपैति सुखं तथैते कुर्वन्तु नाम नरकाय चिराय पापम् । संग्राममृत्युमधिगम्य दिवं प्रयान्तु मत्वेति नूनमहितान् विनिहंसि देवि ॥ 84.18 ॥

ebhirhatairjagadupaiti sukhaṁ tathaite kurvantu nāma narakāya cirāya pāpam saṁgrāmamṛtyumadhigamya divaṁ prayāntu matveti nūnamahitān vinihaṁsi devi

"With these slain, the world attains happiness — even though, in truth, they have long committed the sin that leads to hell; yet let them, obtaining death in battle, go to heaven" — thinking thus, O goddess, you surely slay your enemies.

Verse 19 (markandeya.84.19)

दृष्ट्वैव किं न भवती प्रकरोति भस्म सर्वासुरानरिषु यत्प्रहिणोषि शस्त्रम् । लोकान् प्रयान्तु रिपवोऽपि हि शस्त्रपूता इत्थं मतिर्भवति तेष्वपि तेऽतिसाध्वी ॥ 84.19 ॥

dṛṣṭvaiva kiṁ na bhavatī prakaroti bhasma sarvāsurānariṣu yatprahiṇoṣi śastram lokān prayāntu ripavo ’pi hi śastrapūtā itthaṁ matirbhavati teṣvapi te ’tisādhvī

Could you not simply reduce all the asuras to ashes by a glance alone? Yet you release your weapon upon your enemies instead, thinking, "Let even my foes, purified by my weapon, attain higher worlds" — such is your utterly noble intent, even toward them.

Verse 20 (markandeya.84.20)

खड्गप्रभानिकरविस्फुरणैस्तथोग्रैः शूलाग्रकान्तिनिवहेन दृशोऽसुराणाम् । यन्नागता विलयमंशुमदिन्दुखण्ड- योग्याननं तव विलोकयतां तदेतत् ॥ 84.20 ॥

khaḍgaprabhānikaravisphuraṇaistathograiḥ śūlāgrakāntinivahena dṛśo ’surāṇām yannāgatā vilayamaṁśumadindukhaṇḍa- yogyānanaṁ tava vilokayatāṁ tadetat

That the eyes of the asuras, gazing upon your face — fit to be compared to a crescent moon — did not perish, dazzled by the fierce flashing brilliance of your sword's blade and the mass of splendor at your trident's point — this too is due to your grace.

Verse 21 (markandeya.84.21)

दुर्वृत्तवृत्तशमनं तव देवि शीलं रूपं तथैतदविचिन्त्यमतुल्यमन्यैः । वीर्यं च हन्तृ हृतदेवपराक्रमाणां वैरिष्वपि प्रकटितैव दया त्वयेत्थम् ॥ 84.21 ॥

durvṛttavṛttaśamanaṁ tava devi śīlaṁ rūpaṁ tathaitadavicintyamatulyamanyaiḥ vīryaṁ ca hantṛ hṛtadevaparākramāṇāṁ vairiṣvapi prakaṭitaiva dayā tvayettham

O goddess, your very nature is the pacifying of the conduct of the wicked; your form, likewise, is inconceivable, unequalled by any other; and your valor slays those who have robbed the gods of their might — and yet, even toward your enemies, compassion alone is what you show.

Verse 22 (markandeya.84.22)

केनोपमा भवतु तेऽस्य पराक्रमस्य रूपं च शत्रुभयकार्यतिहारि कुत्र । चित्ते कृपा समरनिष्ठुरता च दृष्टा त्वय्येव देवि वरदे भुवनत्रयेऽपि ॥ 84.22 ॥

kenopamā bhavatu te ’sya parākramasya rūpaṁ ca śatrubhayakāryatihāri kutra citte kṛpā samaraniṣṭhuratā ca dṛṣṭā tvayyeva devi varade bhuvanatraye ’pi

To what shall this valor of yours be compared? And where else is there a form that at once instills terror in enemies and yet utterly enchants? Compassion in the heart, and ruthlessness in battle — these are seen together, O bestower of boons, in you alone, throughout all three worlds.

Verse 23 (markandeya.84.23)

त्रैलोक्यमेतदखिलं रिपुनाशनेन त्रातं त्वया समरमूर्धनि तेऽपि हत्वा । नीता दिवं रिपुगणा भयमप्यपास्तम् अस्माकमुन्मदसुरारिभवं नमस्ते ॥ 84.23 ॥

trailokyametadakhilaṁ ripunāśanena trātaṁ tvayā samaramūrdhani te ’pi hatvā nītā divaṁ ripugaṇā bhayamapyapāstam asmākamunmadasurāribhavaṁ namaste

This entire triple world has been saved by you through the destruction of the enemy; and by slaying them in the forefront of battle, you have led even the hosts of your foes to heaven, and have dispelled our fear born of the arrogant enemies of the gods — homage to you!

Verse 24 (markandeya.84.24)

शूलेन पाहि नो देवि पाहि खड्गेन चाम्बिके । घण्टास्वनेन नः पाहि चापज्यानिः स्वनेन च ॥ 84.24 ॥

śūlena pāhi no devi pāhi khaḍgena cāmbike ghaṇṭāsvanena naḥ pāhi cāpajyāniḥ svanena ca

Protect us, O goddess, with your trident; protect us, O Ambika, with your sword; protect us with the sound of your bell, and with the twang of your bowstring.

Verse 25 (markandeya.84.25)

प्राच्यां रक्ष प्रतीच्यां च चण्डिके रक्ष दक्षिणे । भ्रामणेनात्मशूलस्य उत्तरस्यां तथेश्वरि ॥ 84.25 ॥

prācyāṁ rakṣa pratīcyāṁ ca caṇḍike rakṣa dakṣiṇe bhrāmaṇenātmaśūlasya uttarasyāṁ tatheśvari

Protect us in the east, O Chandika, and in the west; protect us in the south; and likewise in the north, O Sovereign Lady, by the whirling of your own trident.

Verse 26 (markandeya.84.26)

सौम्यानि यानि रूपाणि त्रैलोक्ये विचरन्ति ते । यानि चात्यर्थघोराणि तै रक्षास्मांस्तथा भुवम् ॥ 84.26 ॥

saumyāni yāni rūpāṇi trailokye vicaranti te yāni cātyarthaghorāṇi tai rakṣāsmāṁstathā bhuvam

Whatever gentle forms of yours move about the three worlds, and whatever exceedingly terrible ones — with those, protect us, and likewise this earth.

Verse 27 (markandeya.84.27)

खड्गशूलगदादीनि यानि चास्त्राणि तेऽम्बिके । करपल्लवसङ्गीनि तैरस्मान् रक्ष सर्वतः ॥ 84.27 ॥

khaḍgaśūlagadādīni yāni cāstrāṇi te ’mbike karapallavasaṅgīni tairasmān rakṣa sarvataḥ

O Ambika, with whatever weapons — sword, trident, mace, and the rest — held fast in your tender, sprout-like hands, with those protect us on every side.

Verse 28 (markandeya.84.28)

ऋषीरुवाच एवं स्तुता सुरैर्दिव्यैः कुसुमैर्नन्दनोद्भवैः । अर्चिता जगतां धात्री तथा गन्धानुलेपनैः ॥ 84.28 ॥

ṛṣīruvāca evaṁ stutā surairdivyaiḥ kusumairnandanodbhavaiḥ arcitā jagatāṁ dhātrī tathā gandhānulepanaiḥ

The sage said: Thus praised by the gods, and worshipped with divine flowers grown in the Nandana garden and with fragrant unguents, she who sustains the worlds —

Verse 29 (markandeya.84.29)

भक्त्या समस्तैस्त्रिदशार्दिव्यैर्धूपैस्तु धूपिता । प्राह प्रसादसुमुखी समस्तान् प्रणतान् सुरान् ॥ 84.29 ॥

bhaktyā samastaistridaśārdivyairdhūpaistu dhūpitā prāha prasādasumukhī samastān praṇatān surān

— devotedly perfumed by all the gods with divine incense, spoke, her face gracious with favor, to all the gods bowed low before her.

Verse 30 (markandeya.84.30)

देव्युवाच व्रियतां त्रिदशाः सर्वे यदस्मत्तोऽभिवाञ्छितम् । ददाम्यहमतिप्रीत्या स्तवैरेभिः सुपूजिता ॥ 84.30 ॥

devyuvāca vriyatāṁ tridaśāḥ sarve yadasmatto ’bhivāñchitam dadāmyahamatiprītyā stavairebhiḥ supūjitā

The goddess said: Let all the gods choose whatever is desired from me. Greatly pleased, and well worshipped by these hymns, I grant it.

Verse 31 (markandeya.84.31)

कर्तव्यमपरं यच्च दुष्करं तन्न विद्महे । इत्याकर्ण्ये वचो देव्याः प्रत्यूचुस्ते दिवौकसः ॥ 84.31 ॥

kartavyamaparaṁ yacca duṣkaraṁ tanna vidmahe ityākarṇye vaco devyāḥ pratyūcuste divaukasaḥ

"And whatever else remains to be done, however difficult, I do not consider it beyond me." Hearing these words of the goddess, the dwellers of heaven replied.

Verse 32 (markandeya.84.32)

देवा ऊचुः भगवत्या कृतं सर्वं न किञ्चिदवशिष्यते । यदयं निहतः शत्रुरस्माकं महिषासुरः ॥ 84.32 ॥

devā ūcuḥ bhagavatyā kṛtaṁ sarvaṁ na kiñcidavaśiṣyate yadayaṁ nihataḥ śatrurasmākaṁ mahiṣāsuraḥ

The gods said: Everything has been accomplished by the Blessed Lady; nothing at all remains, in that this enemy of ours, Mahishasura, has been slain.

Verse 33 (markandeya.84.33)

यदि चापि वरो देयस्त्वयास्माकं महेश्वरि । संस्मृता संस्मृता त्वं नो हिंसेथाः परमापदः ॥ 84.33 ॥

yadi cāpi varo deyastvayāsmākaṁ maheśvari saṁsmṛtā saṁsmṛtā tvaṁ no hiṁsethāḥ paramāpadaḥ

Yet if indeed a boon is to be granted by you to us, O great Sovereign Lady, then, whenever we call you to mind, again and again, may you destroy our direst calamities.

Verse 34 (markandeya.84.34)

यश्च मर्त्यः स्तवैरेभिस्त्वां स्तोष्यत्यमलानने । तस्य वित्तर्धिविभवैर्धनदारादिसम्पदाम् । वृद्धयेऽस्मात्प्रसन्ना त्वं भवेथाः सर्वदाम्बिके ॥ 84.34 ॥

yaśca martyaḥ stavairebhistvāṁ stoṣyatyamalānane tasya vittardhivibhavairdhanadārādisampadām vṛddhaye ’smātprasannā tvaṁ bhavethāḥ sarvadāmbike

And O flawless-faced one, whatever mortal shall praise you with these very hymns — being pleased with him, may you, O Ambika, ever grant him the increase of his wealth, prosperity, and abundance, and of riches such as wife and offspring.

Verse 35 (markandeya.84.35)

ऋषिरुवाच इति प्रसादिता देवैर्जगतोऽर्थे तथात्मनः । तथेत्युक्त्वा भद्रकाली बभूवान्तर्हिता नृप ॥ 84.35 ॥

ṛṣiruvāca iti prasāditā devairjagato ’rthe tathātmanaḥ tathetyuktvā bhadrakālī babhūvāntarhitā nṛpa

The sage said: Thus propitiated by the gods, for the sake of the world as well as for their own, Bhadrakali, having said "so be it," vanished from sight, O king.

Verse 36 (markandeya.84.36)

इत्येतत्कथितं भूप सम्भूता सा यथा पुरा । देवी देवशरीरेभ्यो जगत्त्रयहितैषिणी ॥ 84.36 ॥

ityetatkathitaṁ bhūpa sambhūtā sā yathā purā devī devaśarīrebhyo jagattrayahitaiṣiṇī

Thus, O king, has it been told how, in ancient times, that goddess — the well-wisher of the three worlds — came into being from the bodies of the gods.

Verse 37 (markandeya.84.37)

पुनश्च गौरीदेहात् सा समुद्भूता यथाभवत् । वधाय दुष्टदैत्यानां तथा शुम्भनिशुम्भयोः ॥ 84.37 ॥

punaśca gaurīdehāt sā samudbhūtā yathābhavat vadhāya duṣṭadaityānāṁ tathā śumbhaniśumbhayoḥ

And how, once again, she arose from the body of Gauri, for the destruction of the wicked daityas, and likewise of Shumbha and Nishumbha —

Verse 38 (markandeya.84.38)

रक्षणाय च लोकानां देवानामुपकारिणी । तच्छृणुष्व मयाऽख्यातं यथावत्कथयामि ते ॥ 84.38 ॥

rakṣaṇāya ca lokānāṁ devānāmupakāriṇī tacchṛṇuṣva mayā ’khyātaṁ yathāvatkathayāmi te

— for the protection of the worlds, ever the benefactress of the gods: hear that account from me; I shall relate it to you exactly as it happened.