The Worship of the Planets, and the Purana's Descent

Verse 1 (padma.1.82.1)

भीष्म उवाच । श्रुतं सूर्यस्य चंद्रस्य भौमस्यापि प्रपूजनं । बुधस्य सोमसूनोश्च पूजनं कथयाधुना

bhīṣma uvāca | śrutaṁ sūryasya caṁdrasya bhaumasyāpi prapūjanaṁ | budhasya somasūnośca pūjanaṁ kathayādhunā

Bhishma said: I have heard of the worship of Surya, of Chandra, and of Bhauma as well; now tell me the worship of Budha, the son of the Moon.

Verse 2 (padma.1.82.2)

पुलस्त्य उवाच । तारागर्भसमुद्भूतो बुधश्चंद्रकुमारकः । सौम्यः क्रूरो ग्रहो ज्ञेयः शुभाशुभप्रदो नृणां

pulastya uvāca | tārāgarbhasamudbhūto budhaścaṁdrakumārakaḥ | saumyaḥ krūro graho jñeyaḥ śubhāśubhaprado nṛṇāṁ

Pulastya said: Budha, born from Tara's womb, is the son of the Moon; he is to be known as a planet both benign and malefic, bestowing good and ill fortune upon men.

Verse 3 (padma.1.82.3)

शराकारं मंडलं तु बुधस्य परिकीर्तितं । हरिन्मणिसमैर्वर्णैश्चूर्णैः कुर्यात्तु मंडलं

śarākāraṁ maṁḍalaṁ tu budhasya parikīrtitaṁ | harinmaṇisamairvarṇaiścūrṇaiḥ kuryāttu maṁḍalaṁ

The mandala for Budha is declared to be arrow-shaped; it should be made with powders of colors resembling the emerald.

Verse 4 (padma.1.82.4)

पूजयेत्तत्र गंधाद्यैः पुष्पैर्धूपैस्सुशोभनैः । दानं च विधिवत्कुर्याद्दशारिष्टे च गोचरे

pūjayettatra gaṁdhādyaiḥ puṣpairdhūpaissuśobhanaiḥ | dānaṁ ca vidhivatkuryāddaśāriṣṭe ca gocare

There, one should worship with sandal-paste and the like, with flowers and lovely incense; gifts should be duly given during affliction of dasha or transit.

Verse 5 (padma.1.82.5)

कर्पूराश्चैव मुद्गाश्च हरिद्वस्त्रं हरिन्मणिः । सुवर्णं च यथाशक्ति दद्याद्बोधनतुष्टये

karpūrāścaiva mudgāśca haridvastraṁ harinmaṇiḥ | suvarṇaṁ ca yathāśakti dadyādbodhanatuṣṭaye

Camphor, mung beans, yellow-green cloth, emerald, and gold, according to means, should be given for the satisfaction of Budha.

Verse 6 (padma.1.82.6)

सोमपुत्र महाप्राज्ञ वेदवेदांगपारग । नमस्ते ग्रहमध्यस्थ प्रसन्नो भव मे सदा

somaputra mahāprājña vedavedāṁgapāraga | namaste grahamadhyastha prasanno bhava me sadā

'O son of the Moon, of great wisdom, versed in the Vedas and Vedangas, homage to you who dwell among the planets; be ever gracious to me.'

Verse 7 (padma.1.82.7)

इति स्तुत्वा महाराज बुधं भक्त्या समाहितः । प्राप्नुयान्निखिलान्कामान्सोमसूनुप्रसादतः

iti stutvā mahārāja budhaṁ bhaktyā samāhitaḥ | prāpnuyānnikhilānkāmānsomasūnuprasādataḥ

Having thus praised Budha with devotion and a focused mind, O great king, one obtains all one's desires by the grace of the Moon's son.

Verse 8 (padma.1.82.8)

गुरोश्च पूजनं प्रोक्तं पट्टसाकारमंडले । पीतवर्णैः सुनिष्पन्नैश्चूर्णैराजन्सुशोभनैः

gurośca pūjanaṁ proktaṁ paṭṭasākāramaṁḍale | pītavarṇaiḥ suniṣpannaiścūrṇairājansuśobhanaiḥ

The worship of Guru is now declared: in a rectangular-strip mandala, O king, made with fine yellow powders—

Verse 9 (padma.1.82.9)

पीतैर्गंधयुतैः पुष्पैर्वस्त्रैर्हेम्ना च पूजयेत् । दशागोचरयोर्दौष्ट्ये दानं दद्याच्च शक्तितः

pītairgaṁdhayutaiḥ puṣpairvastrairhemnā ca pūjayet | daśāgocarayordauṣṭye dānaṁ dadyācca śaktitaḥ

—one should worship with yellow, fragrant flowers, cloth, and gold. In the ill-effects of dasha or transit, gifts should be given according to means.

Verse 10 (padma.1.82.10)

चणकद्विदलं चैव पीतवस्त्रं सुवर्णकं । पुष्यरागं तु विप्राय दद्याच्चारिष्टशांतये

caṇakadvidalaṁ caiva pītavastraṁ suvarṇakaṁ | puṣyarāgaṁ tu viprāya dadyāccāriṣṭaśāṁtaye

Split chickpeas, yellow cloth, gold, and a topaz should be given to a Brahmin, for the pacifying of misfortune.

Verse 11 (padma.1.82.11)

बृहस्पते सुराचार्य सर्वशास्त्रविशारद । दानेनानेन संतुष्टो भव सौम्यो ममाधुना

bṛhaspate surācārya sarvaśāstraviśārada | dānenānena saṁtuṣṭo bhava saumyo mamādhunā

'O Brihaspati, teacher of the gods, learned in every scripture, be pleased by this gift, and gracious to me now.'

Verse 12 (padma.1.82.12)

एवं कृते तु राजेंद्र स्वानुकूलो भवेद्गुरुः । सर्वान्कामानवाप्नोति नरो गुरुसमर्चनात्

evaṁ kṛte tu rājeṁdra svānukūlo bhavedguruḥ | sarvānkāmānavāpnoti naro gurusamarcanāt

Thus performed, O king of kings, Guru becomes favorably disposed; a man obtains all his desires through the worship of Guru.

Verse 13 (padma.1.82.13)

भार्गवस्यापि वक्ष्यामि पूजनं नृपतेधुना । यत्कृत्वा सर्वकामाप्तिः सम्यक्पुंसां प्रजायते

bhārgavasyāpi vakṣyāmi pūjanaṁ nṛpatedhunā | yatkṛtvā sarvakāmāptiḥ samyakpuṁsāṁ prajāyate

Now I shall also tell you, O king, the worship of Bhargava (Shukra, Venus), by which the attainment of all desires duly arises for men.

Verse 14 (padma.1.82.14)

पंचकोणं समुद्दिष्टं मंडलं भार्गवस्य तु । चूर्णकैः श्वेतवर्णैश्च विधिना सुधिया कृतं

paṁcakoṇaṁ samuddiṣṭaṁ maṁḍalaṁ bhārgavasya tu | cūrṇakaiḥ śvetavarṇaiśca vidhinā sudhiyā kṛtaṁ

The mandala for Bhargava is prescribed to be five-cornered, made with white-colored powders, by one of good understanding.

Verse 15 (padma.1.82.15)

श्वेतगंधैश्च पुष्पैश्च वस्त्रैश्चापि सितैस्तथा । पूजयेद्भार्गवं भक्त्या नरः श्रद्धासमन्वितः

śvetagaṁdhaiśca puṣpaiśca vastraiścāpi sitaistathā | pūjayedbhārgavaṁ bhaktyā naraḥ śraddhāsamanvitaḥ

With white sandal-paste, white flowers, and white cloth, a man endowed with faith should worship Bhargava with devotion.

Verse 16 (padma.1.82.16)

रौप्यं च दक्षिणादानं यथाशक्ति प्रकीर्तितं । दशाद्यरिष्टे चोत्पन्ने सितमश्वं प्रदापयेत्

raupyaṁ ca dakṣiṇādānaṁ yathāśakti prakīrtitaṁ | daśādyariṣṭe cotpanne sitamaśvaṁ pradāpayet

Silver is declared to be given as the fee, according to means; and when the ill-effects of his dasha arise, a white horse should be given.

Verse 17 (padma.1.82.17)

तंडुलाः श्वेतवस्त्रं च रौप्यं चंदनमेव च । कर्पूरं च सुगंधाढ्यं देयं दानं द्विजातये

taṁḍulāḥ śvetavastraṁ ca raupyaṁ caṁdanameva ca | karpūraṁ ca sugaṁdhāḍhyaṁ deyaṁ dānaṁ dvijātaye

Rice, white cloth, silver, sandalwood, and fragrant camphor should be given as gifts to a Brahmin.

Verse 18 (padma.1.82.18)

भृगुपुत्र महाभाग दानवानां पुरोहित । दानेनानेन संतुष्टो भव सर्वासुरार्चित

bhṛguputra mahābhāga dānavānāṁ purohita | dānenānena saṁtuṣṭo bhava sarvāsurārcita

'O son of Bhrigu, most fortunate, priest of the danavas, worshipped by all the demons, be pleased by this gift.'

Verse 19 (padma.1.82.19)

इति मंत्रं समुच्चार्य दद्याद्दानं यथोदितं । तस्य तुष्टो भवत्याशु भार्गवः कुरुनंदन

iti maṁtraṁ samuccārya dadyāddānaṁ yathoditaṁ | tasya tuṣṭo bhavatyāśu bhārgavaḥ kurunaṁdana

Having recited this mantra, one should give the gift as prescribed; O joy of the Kurus, Bhargava thereby swiftly becomes pleased.

Verse 20 (padma.1.82.20)

शनैश्चरस्य पूजार्थं मंडलं च नराकृति । कृत्वा चूर्णैः कृष्णवर्णैः पूजयेत्तत्र भक्तितः

śanaiścarasya pūjārthaṁ maṁḍalaṁ ca narākṛti | kṛtvā cūrṇaiḥ kṛṣṇavarṇaiḥ pūjayettatra bhaktitaḥ

For the worship of Shanaishchara, one should make a mandala in human form, using black-colored powders, and worship there with devotion.

Verse 21 (padma.1.82.21)

कृष्णैर्गन्धैश्च पुष्पैश्च वस्त्रैश्चापि तथाविधैः । लोहं च दक्षिणादानं पिण्याकं च तिलस्य च

kṛṣṇairgandhaiśca puṣpaiśca vastraiścāpi tathāvidhaiḥ | lohaṁ ca dakṣiṇādānaṁ piṇyākaṁ ca tilasya ca

With black sandal-paste, black flowers, and cloth of the same kind; iron should be given as the fee, and sesame-oil cake as well.

Verse 22 (padma.1.82.22)

दानं शनैश्चरारिष्टे कृष्णां गां कृष्णवस्त्रकं । सुवर्णं च यथाशक्ति दद्यान्नीलमणिं तथा

dānaṁ śanaiścarāriṣṭe kṛṣṇāṁ gāṁ kṛṣṇavastrakaṁ | suvarṇaṁ ca yathāśakti dadyānnīlamaṇiṁ tathā

In the misfortunes wrought by Shanaishchara, a black cow and black cloth should be given; and, according to means, gold and a sapphire.

Verse 23 (padma.1.82.23)

सूर्यसूनो महाभाग छायापुत्र महाबल । अधोदृष्टे भव शने प्रसन्नोऽस्मात्प्रदानतः

sūryasūno mahābhāga chāyāputra mahābala | adhodṛṣṭe bhava śane prasanno'smātpradānataḥ

'O son of Surya, most fortunate, son of Chhaya, mighty one — O Shani, though your gaze falls low, be gracious to me through this gift.'

Verse 24 (padma.1.82.24)

एवं स्तुत्वा शनिं भक्त्या यश्च दद्याद्द्विजातये । स्वानुकूलो भवेत्तस्य शनिः पापे च गोचरे

evaṁ stutvā śaniṁ bhaktyā yaśca dadyāddvijātaye | svānukūlo bhavettasya śaniḥ pāpe ca gocare

Whoever, having thus praised Shani with devotion, gives this to a Brahmin — for him, Shani becomes favorable even during an inauspicious transit.

Verse 25 (padma.1.82.25)

राहोर्वर्णादिकं सर्वं शनिवन्मंडलं तथा । सूर्याकारं समुद्दिष्टं तत्र पूजार्कसूनुवत्

rāhorvarṇādikaṁ sarvaṁ śanivanmaṁḍalaṁ tathā | sūryākāraṁ samuddiṣṭaṁ tatra pūjārkasūnuvat

For Rahu, all the colors are as for Shani; his mandala is likewise prescribed sun-shaped, and worshipped just as for Shani, the son of the Sun.

Verse 26 (padma.1.82.26)

गोमेदं सर्षपाश्चैव तिला माषाश्च कृष्णकाः । महिषी च तथा च्छागो दानं राहोः प्रकीर्तितम्

gomedaṁ sarṣapāścaiva tilā māṣāśca kṛṣṇakāḥ | mahiṣī ca tathā cchāgo dānaṁ rāhoḥ prakīrtitam

Gomeda-gem, mustard seed, sesame, black gram, a buffalo-cow, and a goat — these are declared as gifts for Rahu.

Verse 27 (padma.1.82.27)

सिंहिकासुत दैत्येंद्र राहो चंद्रार्कमर्दन । भव तुष्टो महाभाग दानेनानेन सुव्रत

siṁhikāsuta daityeṁdra rāho caṁdrārkamardana | bhava tuṣṭo mahābhāga dānenānena suvrata

'O son of Simhika, lord of the demons, O Rahu, crusher of Moon and Sun — be pleased, O most fortunate, virtuous one, through this gift.'

Verse 28 (padma.1.82.28)

केतोर्मंडलकं कुर्याद्ध्वजाकृतिसुशोभनम् । शनिवत्सकलं ज्ञेयं पूजावर्णादिकं नृप

ketormaṁḍalakaṁ kuryāddhvajākṛtisuśobhanam | śanivatsakalaṁ jñeyaṁ pūjāvarṇādikaṁ nṛpa

One should make Ketu's mandala banner-shaped and lovely; everything else, O king — colors of worship and the rest — is the same as for Shani.

Verse 29 (padma.1.82.29)

सप्तधान्यं समुद्दिष्टं सस्वर्णं केतुदानकम् । एवं कृते स्वानुकूलौ भवेतां च नृणां नृप

saptadhānyaṁ samuddiṣṭaṁ sasvarṇaṁ ketudānakam | evaṁ kṛte svānukūlau bhavetāṁ ca nṛṇāṁ nṛpa

The gift for Ketu is prescribed to be seven kinds of grain together with gold. Thus performed, O king, both become favorable to men,

Verse 30 (padma.1.82.30)

प्रदद्यातां धनं पुत्रान्सुखं सौभाग्यमेव च । आकृष्णेति रवेर्मंत्र इमं देवास्तथा विधोः

pradadyātāṁ dhanaṁ putrānsukhaṁ saubhāgyameva ca | ākṛṣṇeti ravermaṁtra imaṁ devāstathā vidhoḥ

—and bestow wealth, sons, happiness, and good fortune. 'Akrishnena' is the mantra for Ravi; this same one, for the gods, and for Vidhu (the Moon)—

Verse 31 (padma.1.82.31)

अग्निर्मूर्धेति भौमस्य मंत्रो जप्येर्हणे तथा । उद्बुध्यस्वेतींदुसूनोर्बृहस्पते गुरोस्तथा

agnirmūrdheti bhaumasya maṁtro japyerhaṇe tathā | udbudhyasvetīṁdusūnorbṛhaspate gurostathā

—'Agnir murdha' is the mantra for Bhauma, to be recited in his propitiation; 'Udbudhyasva' is that of the Moon's son (Budha); and 'Brihaspate' for Guru—

Verse 32 (padma.1.82.32)

अन्नात्परीति शुक्रस्य शन्नोदेवीरयं शनेः । कया न इति राहोश्च केतोः केतुमिति स्मृतः

annātparīti śukrasya śannodevīrayaṁ śaneḥ | kayā na iti rāhośca ketoḥ ketumiti smṛtaḥ

—'Annat pari' is that of Shukra; 'Shanno devir' is that of Shani; 'Kaya nash' is that of Rahu; and 'Ketum' is remembered as that of Ketu.

Verse 33 (padma.1.82.33)

एते मंत्रास्समुद्दिष्टा ग्रहणां पूजने जपे । एवं कृते नृपश्रेष्ठानुकूला अखिला ग्रहाः

ete maṁtrāssamuddiṣṭā grahaṇāṁ pūjane jape | evaṁ kṛte nṛpaśreṣṭhānukūlā akhilā grahāḥ

These are the mantras prescribed for the worship and recitation of the planets; when this is done, O best of kings, all the planets become favorable—

Verse 34 (padma.1.82.34)

भवंति पुंसां सततं यच्छंति च सुसंपदः । एतन्महाराज मया समस्तं तुभ्यं समुद्दिष्टमिहक्रमेण

bhavaṁti puṁsāṁ satataṁ yacchaṁti ca susaṁpadaḥ | etanmahārāja mayā samastaṁ tubhyaṁ samuddiṣṭamihakrameṇa

—and bestow good fortune upon men constantly. This, O great king, has been declared to you by me in its entirety, in due order.

Verse 35 (padma.1.82.35)

श्रुत्वा नरः सर्वश्रुतार्थसारमेतीश्वरस्यैव च सन्निधानम् । इदं पवित्रं यशसो निधानमिदं पितॄणामतिवल्लभं स्यात्

śrutvā naraḥ sarvaśrutārthasārametīśvarasyaiva ca sannidhānam | idaṁ pavitraṁ yaśaso nidhānamidaṁ pitṝṇāmativallabhaṁ syāt

Hearing this, a man attains the very essence of all that is taught, and the presence of the Lord himself; this is a pure treasury of fame, dear to the ancestors.

Verse 36 (padma.1.82.36)

इदं च देवेष्वमृताय कल्पते पुण्यावहं पातकिनां च पुंसाम् । इति पठति यशस्यं यः शृणोतीह भक्त्या मधुमुरनकारेरर्चनं वाथ पश्येत्

idaṁ ca deveṣvamṛtāya kalpate puṇyāvahaṁ pātakināṁ ca puṁsām | iti paṭhati yaśasyaṁ yaḥ śṛṇotīha bhaktyā madhumuranakārerarcanaṁ vātha paśyet

This is as if for immortality among the gods, and brings merit even to sinful men. Whoever reads or hears this famed teaching with devotion is as if he had worshipped or beheld the slayer of Madhu and Mura (Vishnu).

Verse 37 (padma.1.82.37)

मतिमपि च जनानां यो ददातींद्रलोके विधिशिवविबुधेन्द्रैः पूज्यते कल्पमेकम् । य इदं शृणुयान्नित्यमृषीणां चरितं शुभम्

matimapi ca janānāṁ yo dadātīṁdraloke vidhiśivavibudhendraiḥ pūjyate kalpamekam | ya idaṁ śṛṇuyānnityamṛṣīṇāṁ caritaṁ śubham

Whoever imparts this understanding to others is worshipped in Indra's world by Brahma, Shiva, and the lord of the wise gods, for a full kalpa. Whoever constantly hears this auspicious conduct of the sages—

Verse 38 (padma.1.82.38)

विमुक्तस्सर्वपापेभ्यः स्वर्गलोके महीयते । तपः कृते प्रशंसंति त्रेतायां ज्ञानमेव च

vimuktassarvapāpebhyaḥ svargaloke mahīyate | tapaḥ kṛte praśaṁsaṁti tretāyāṁ jñānameva ca

—is freed from all sins and glorified in heaven. In the Krita age, austerity is praised; in Treta, knowledge;

Verse 39 (padma.1.82.39)

द्वापरे यज्ञमित्याहुर्दानमेकं कलौ युगे । सर्वेषामेव दानानामिदमेवैकमुत्तमम्

dvāpare yajñamityāhurdānamekaṁ kalau yuge | sarveṣāmeva dānānāmidamevaikamuttamam

—in Dvapara, they say it is sacrifice; and in Kali, giving alone. Of all forms of giving, this alone is supreme:

Verse 40 (padma.1.82.40)

अभयं सर्वभूतानां नास्ति दानमतः परम् । दानं प्रधानं शूद्रस्य त्वित्याह भगवान्प्रभुः

abhayaṁ sarvabhūtānāṁ nāsti dānamataḥ param | dānaṁ pradhānaṁ śūdrasya tvityāha bhagavānprabhuḥ

—the gift of fearlessness to all beings; there is no gift higher than this. The Blessed Lord himself has declared that giving is the foremost duty of the Shudra.

Verse 41 (padma.1.82.41)

दानेन सर्वकामाप्तिस्तस्य संजायते तपः । पुण्यं पवित्रमायुष्यं सर्वपापविनाशनम्

dānena sarvakāmāptistasya saṁjāyate tapaḥ | puṇyaṁ pavitramāyuṣyaṁ sarvapāpavināśanam

Through giving, all desires are attained, and it becomes his very austerity; it is meritorious, purifying, life-giving, and destroys all sin.

Verse 42 (padma.1.82.42)

पुराणमेतत्कथितं तीर्थश्राद्धानुवर्णनम् । शृणोति यः पठेद्वापि श्रीमान्संजायते नरः

purāṇametatkathitaṁ tīrthaśrāddhānuvarṇanam | śṛṇoti yaḥ paṭhedvāpi śrīmānsaṁjāyate naraḥ

This Purana has been told, describing sacred fords and ancestral rites; whoever hears it, or recites it, becomes a man of great fortune,

Verse 43 (padma.1.82.43)

सर्वपापविनिर्मुक्तः सलक्ष्मीकं हरिं लभेत् । इदं महाराज अगादि तुभ्यं पुण्यं महापातकनाशनं च

sarvapāpavinirmuktaḥ salakṣmīkaṁ hariṁ labhet | idaṁ mahārāja agādi tubhyaṁ puṇyaṁ mahāpātakanāśanaṁ ca

—and, freed from all sin, attains Hari together with Lakshmi. This, O great king, has been declared to you — this meritorious teaching, destroyer of even the gravest sins,

Verse 44 (padma.1.82.44)

ब्रह्मार्करुद्रैश्च सुपूजितं च श्रोतव्यमेतत्प्रवदंति तज्ज्ञाः । सृष्टिखंडमिदं राजन्मया तुभ्यं प्रकीर्तितम्

brahmārkarudraiśca supūjitaṁ ca śrotavyametatpravadaṁti tajjñāḥ | sṛṣṭikhaṁḍamidaṁ rājanmayā tubhyaṁ prakīrtitam

—well honored by Brahma, Surya, and Rudra; those who know declare that this is to be listened to. This Srishti Khanda, O king, has been proclaimed by me to you.

Verse 45 (padma.1.82.45)

पुराणस्यादिभूतं च नवधा सृष्टि पौष्करम् । द्विजेभ्यः श्रावयेद्विद्वान्यश्च वै शृणुयात्पठेत् । कल्पकोटिशतं साग्रं ब्रह्मलोके स मोदते

purāṇasyādibhūtaṁ ca navadhā sṛṣṭi pauṣkaram | dvijebhyaḥ śrāvayedvidvānyaśca vai śṛṇuyātpaṭhet | kalpakoṭiśataṁ sāgraṁ brahmaloke sa modate

This is the very origin of the Purana, describing the ninefold creation, belonging to Pushkara. Whatever wise man causes the twice-born to hear it, or himself hears or recites it, rejoices in the world of Brahma for more than a hundred million kalpas.