Vijvala Returns to His Father

Verse 1 (padma.2.100.1)

विष्णुरुवाच । नर्मदायास्तटे रम्ये वटे तिष्ठति वै पिता । विज्वलोऽपि समायातः पितरं प्रणिपत्य सः

viṣṇuruvāca narmadāyāstaṭe ramye vaṭe tiṣṭhati vai pitā vijvalo'pi samāyātaḥ pitaraṁ praṇipatya saḥ

Vishnu said: On the lovely bank of the Narmada, beneath a banyan tree, the father was staying. Vijvala too arrived there, and, bowing down to his father,

Verse 2 (padma.2.100.2)

वासुदेवाभिधानस्य स्तोत्रस्यापि महामतिः । समाचष्टे स धर्मात्मा महिमानं पितुः पुरः

vāsudevābhidhānasya stotrasyāpi mahāmatiḥ samācaṣṭe sa dharmātmā mahimānaṁ pituḥ puraḥ

that wise and righteous one related before his father the greatness of the hymn named Vasudeva.

Verse 3 (padma.2.100.3)

यथा विष्णुः समागत्य ददौ तस्मै वरं शुभम् । तत्सर्वं कथयामास सुप्रसन्नेन चेतसा

yathā viṣṇuḥ samāgatya dadau tasmai varaṁ śubham tatsarvaṁ kathayāmāsa suprasannena cetasā

How Vishnu himself had come and granted him an auspicious boon — all of this he related, with a joyful heart.

Verse 4 (padma.2.100.4)

कुंजलोपि च वृत्तांतं समाकर्ण्य स भूपतेः । हर्षेण महताविष्टः पुत्रमालिंग्य विज्वलम्

kuṁjalopi ca vṛttāṁtaṁ samākarṇya sa bhūpateḥ harṣeṇa mahatāviṣṭaḥ putramāliṁgya vijvalam

Kunjala too, hearing this account of the king, was filled with great joy, and embracing his son Vijvala —

Verse 5 (padma.2.100.5)

आह पुण्यं कृतं वत्स त्वया राज्ञे महात्मने । उपकारं महापुण्यं वासुदेवस्य कीर्तनात्

āha puṇyaṁ kṛtaṁ vatsa tvayā rājñe mahātmane upakāraṁ mahāpuṇyaṁ vāsudevasya kīrtanāt

said: 'My son, you have performed a meritorious deed for that great-souled king — through the chanting of Vasudeva's name, a great and holy benefit has been done.'

Verse 6 (padma.2.100.6)

एवमाभाष्य तं पुत्रमाशीर्भिरभिनंद्य च । पुत्रं देवसमोपेतं स्तुत्वा चैव पुनः पुनः

evamābhāṣya taṁ putramāśīrbhirabhinaṁdya ca putraṁ devasamopetaṁ stutvā caiva punaḥ punaḥ

Having spoken thus to his son, greeting him with blessings, praising again and again that son who was now the equal of a god —

Verse 7 (padma.2.100.7)

स्थितः सरित्तटे रम्ये च्यवनस्योपपश्यतः । एतत्ते सर्वमाख्यातं तेषां वृत्तं महात्मनाम्

sthitaḥ sarittaṭe ramye cyavanasyopapaśyataḥ etatte sarvamākhyātaṁ teṣāṁ vṛttaṁ mahātmanām

he remained there on that lovely riverbank, within sight of Chyavana. This, O king, is the entire account of those great souls that I have related to you.

Verse 8 (padma.2.100.8)

वैष्णवानां महाराज अन्यत्किं ते वदाम्यहम् । वेन उवाच । अमृतं शंखपात्रेण पानार्थं मम चार्पितम्

vaiṣṇavānāṁ mahārāja anyatkiṁ te vadāmyaham vena uvāca amṛtaṁ śaṁkhapātreṇa pānārthaṁ mama cārpitam

O great king, what more shall I say to you of those Vaishnavas? Vena said: 'It is as though nectar has been given to me, in a conch-vessel, to drink.'

Verse 9 (padma.2.100.9)

तस्मात्कस्य न च श्रद्धा पातुं मर्त्यस्य भूतले । उत्तमं वैष्णवं ज्ञानं पानानामिह सर्वदा

tasmātkasya na ca śraddhā pātuṁ martyasya bhūtale uttamaṁ vaiṣṇavaṁ jñānaṁ pānānāmiha sarvadā

Who, then, among mortals on this earth, would not have the faith to drink of it — this supreme Vaishnava knowledge is, among all drinks, ever the finest.

Verse 10 (padma.2.100.10)

त्वयैवं कथ्यमानस्य पाने तृप्तिर्न जायते । श्रोतुं हि देवदेवेश मम श्रद्धा विवर्द्धते

tvayaivaṁ kathyamānasya pāne tṛptirna jāyate śrotuṁ hi devadeveśa mama śraddhā vivarddhate

Even as you narrate it thus, I find no satiety in drinking of it. O Lord of lords, my faith to hear it keeps growing all the more.

Verse 11 (padma.2.100.11)

कथयस्व प्रसादान्मे कुंजलस्यापि चेष्टितम् । महात्मना किमुक्तं च चतुर्थं तनयं प्रति

kathayasva prasādānme kuṁjalasyāpi ceṣṭitam mahātmanā kimuktaṁ ca caturthaṁ tanayaṁ prati

By your grace, tell me also of Kunjala's further conduct — what did that great soul say to his fourth son?

Verse 12 (padma.2.100.12)

तत्त्वं सुविस्तरादेव कृपया कथयस्व मे । श्रीभगवानुवाच । श्रूयतामभिधास्यामि चरित्रं कुंजलस्य च

tattvaṁ suvistarādeva kṛpayā kathayasva me śrībhagavānuvāca śrūyatāmabhidhāsyāmi caritraṁ kuṁjalasya ca

That, in full detail, tell me out of your kindness. The Blessed Lord said: 'Listen, I shall relate the story of Kunjala,'

Verse 13 (padma.2.100.13)

बहुश्रेयः समायुक्तं चरित्रं च्यवनस्य च । इदं पुण्यं नरश्रेष्ठ आख्यानं पापनाशनम्

bahuśreyaḥ samāyuktaṁ caritraṁ cyavanasya ca idaṁ puṇyaṁ naraśreṣṭha ākhyānaṁ pāpanāśanam

rich with many blessings — and the story of Chyavana as well. This holy narrative, O best of men, is a destroyer of sins.

Verse 14 (padma.2.100.14)

यः शृणोति नरो भक्त्या गोसहस्रफलं लभेत्

yaḥ śṛṇoti naro bhaktyā gosahasraphalaṁ labhet

Whatever man hears it with devotion obtains the fruit of the gift of a thousand cows.