Somasharma's Austerity, the Vision of Vishnu, and His Great Hymn of Praise

Verse 1 (padma.2.19.1)

सूत उवाच- सोमशर्मा महाप्राज्ञः सुमनया सह सत्तमः । कपिलासंगमे पुण्ये रेवातीरे सुपुण्यदे

sūta uvāca- somaśarmā mahāprājñaḥ sumanayā saha sattamaḥ kapilāsaṁgame puṇye revātīre supuṇyade

Suta said: Somasharma, the greatly wise, that worthy one, together with Sumana, at the meritorious confluence of the Kapila, on the greatly meritorious bank of the Reva—

Verse 2 (padma.2.19.2)

स्नात्वा तत्र स मेधावी तर्पयित्वा सुरान्पितॄन् । तपस्तेपे सुशांतात्मा जपन्नारायणं शिवम्

snātvā tatra sa medhāvī tarpayitvā surānpitṝn tapastepe suśāṁtātmā japannārāyaṇaṁ śivam

—bathing there, that wise one, having offered libations to the gods and ancestors, performed austerity, his soul most tranquil, chanting the auspicious name of Narayana.

Verse 3 (padma.2.19.3)

द्वादशाक्षरमंत्रेण ध्यानयुक्तो महामनाः । तस्यैव देवदेवस्य वासुदेवस्य सुव्रतः

dvādaśākṣaramaṁtreṇa dhyānayukto mahāmanāḥ tasyaiva devadevasya vāsudevasya suvrataḥ

With the twelve-syllabled mantra, joined with meditation, that great-minded, good-vowed one meditated upon that very god of gods, Vasudeva.

Verse 4 (padma.2.19.4)

आसने शयने याने स्वप्ने पश्यति केशवम् । सदैव निश्चलो भूत्वा कामक्रोधविवर्जितः

āsane śayane yāne svapne paśyati keśavam sadaiva niścalo bhūtvā kāmakrodhavivarjitaḥ

Seated, lying, traveling, or in dream, he beheld Keshava; ever unwavering, free of desire and anger.

Verse 5 (padma.2.19.5)

सा च साध्वी महाभागा पतिव्रतपरायणा । सुमना कांतमेवापि शुश्रूषति तपोन्वितम्

sā ca sādhvī mahābhāgā pativrataparāyaṇā sumanā kāṁtamevāpi śuśrūṣati taponvitam

And that virtuous, greatly fortunate lady, devoted wholly to her marriage vow, Sumana, served her husband too, joined as he was with austerity.

Verse 6 (padma.2.19.6)

ध्यायमानस्य तस्यापि विघ्नैः संदर्शितं भयम् । सर्पा विषोल्बणाः कृष्णास्तत्र यांति महात्मनः

dhyāyamānasya tasyāpi vighnaiḥ saṁdarśitaṁ bhayam sarpā viṣolbaṇāḥ kṛṣṇāstatra yāṁti mahātmanaḥ

To him too, as he meditated, fearsome obstacles were displayed; venomous black serpents came there to that great soul—

Verse 7 (padma.2.19.7)

पार्श्वे ते तप्यमानस्य तस्य ते सोमशर्मणः । सिंहव्याघ्रगजा दृष्टा भयमेवं प्रचक्रिरे

pārśve te tapyamānasya tasya te somaśarmaṇaḥ siṁhavyāghragajā dṛṣṭā bhayamevaṁ pracakrire

—at the side of Somasharma as he performed his austerity; lions, tigers, and elephants were seen, and thus wrought fear.

Verse 8 (padma.2.19.8)

वेताला राक्षसा भूताः कूष्मांडाः प्रेतभैरवाः । भयं विदर्शयंत्येते दारुणं प्राणनाशनम्

vetālā rākṣasā bhūtāḥ kūṣmāṁḍāḥ pretabhairavāḥ bhayaṁ vidarśayaṁtyete dāruṇaṁ prāṇanāśanam

Vetalas, rakshasas, bhutas, kushmandas, and terrifying pretas — these displayed dreadful, life-threatening terror.

Verse 9 (padma.2.19.9)

नानाविधा महाभीमाः सिंहास्तत्र समागताः । दंष्ट्राकरालवक्त्राश्च जगर्जुश्चातिभैरवम्

nānāvidhā mahābhīmāḥ siṁhāstatra samāgatāḥ daṁṣṭrākarālavaktrāśca jagarjuścātibhairavam

Manifold, most fearsome lions came there, their faces terrible with fangs, and roared most terrifyingly.

Verse 10 (padma.2.19.10)

विष्णोर्ध्यानात्स धर्मात्मा न चचाल महामतिः । महाविघ्नैः सुसंरूढैश्चालितो मुनिपुंगवः

viṣṇordhyānātsa dharmātmā na cacāla mahāmatiḥ mahāvighnaiḥ susaṁrūḍhaiścālito munipuṁgavaḥ

Yet that righteous, great-minded soul did not waver from his meditation on Vishnu; that bull among sages was never shaken, even by these mighty, ever-thickening obstacles.

Verse 11 (padma.2.19.11)

एवं न चलते ध्यानात्सोमशर्मा द्विजोत्तमः । झंझावातैश्च शीतेन महावृष्ट्या सुपीडितः

evaṁ na calate dhyānātsomaśarmā dvijottamaḥ jhaṁjhāvātaiśca śītena mahāvṛṣṭyā supīḍitaḥ

Thus Somasharma, best of brahmins, did not waver from his meditation; sorely afflicted by fierce winds, by cold, and by torrential rain—

Verse 12 (padma.2.19.12)

भंभारावमहाभीमः सिंहस्तत्र समागतः । तं दृष्ट्वा भयवित्रस्तः सस्मार नृहरिं द्विजः

bhaṁbhārāvamahābhīmaḥ siṁhastatra samāgataḥ taṁ dṛṣṭvā bhayavitrastaḥ sasmāra nṛhariṁ dvijaḥ

—a most fearsome lion, roaring loudly, came there; seeing it, terrified, that brahmin called to mind Nrihari, Narasimha—

Verse 13 (padma.2.19.13)

इंद्रनीलप्रतीकाशं पीतवस्त्रं महौजसम् । शंखचक्रधरं देवं गदापंकजधारिणम्

iṁdranīlapratīkāśaṁ pītavastraṁ mahaujasam śaṁkhacakradharaṁ devaṁ gadāpaṁkajadhāriṇam

—of the hue of sapphire, clad in yellow garments, of great splendor, that god bearing the conch and discus, holding the mace and lotus—

Verse 14 (padma.2.19.14)

महामौक्तिकहारेण इंदुवर्णानुकारिणा । कौस्तुभेनापि रत्नेन द्योतमानं जनार्दनम्

mahāmauktikahāreṇa iṁduvarṇānukāriṇā kaustubhenāpi ratnena dyotamānaṁ janārdanam

—with a great pearl necklace resembling the hue of the moon, and with the jewel Kaustubha too, Janardana shone forth radiant—

Verse 15 (padma.2.19.15)

श्रीवत्सांकेन दिव्येन हृदयं यस्य राजते । सर्वाभरणशोभांगं शतपत्रनिभेक्षणम्

śrīvatsāṁkena divyena hṛdayaṁ yasya rājate sarvābharaṇaśobhāṁgaṁ śatapatranibhekṣaṇam

—whose heart shone with the divine mark of Shrivatsa; his limbs resplendent with every ornament, his eyes like the petals of a lotus—

Verse 16 (padma.2.19.16)

सुस्मितास्यं सुप्रसन्नं रत्नदामाभिशोभितम् । भ्राजमानं हृषीकेशं ध्यानं तेन कृतं ध्रुवम्

susmitāsyaṁ suprasannaṁ ratnadāmābhiśobhitam bhrājamānaṁ hṛṣīkeśaṁ dhyānaṁ tena kṛtaṁ dhruvam

—his face gently smiling, most gracious, adorned with garlands of jewels, resplendent Hrishikesha — upon him he fixed his meditation, firm and certain.

Verse 17 (padma.2.19.17)

त्वमेव शरणं कृष्ण शरणागतवत्सल । नमोस्तु देवदेवाय किं मे भयं करिष्यति

tvameva śaraṇaṁ kṛṣṇa śaraṇāgatavatsala namostu devadevāya kiṁ me bhayaṁ kariṣyati

'You alone are my refuge, O Krishna, ever kind to those who take refuge in you; homage to the god of gods! What fear could touch me now?'

Verse 18 (padma.2.19.18)

यस्योदरे त्रयो लोकाः सप्त चान्ये महात्मनः । शरणं तस्य प्रविष्टोस्मि क्वास्ते भयं ममैव हि

yasyodare trayo lokāḥ sapta cānye mahātmanaḥ śaraṇaṁ tasya praviṣṭosmi kvāste bhayaṁ mamaiva hi

'In whose belly dwell the three worlds, and the seven others too, O great soul — I have entered his refuge; where, then, could my fear remain?'

Verse 19 (padma.2.19.19)

यस्माद्भयाः प्रवर्तंते कृत्यादिक महाबलाः । सर्वभयप्रहर्तारं तमस्मि शरणं गतः

yasmādbhayāḥ pravartaṁte kṛtyādika mahābalāḥ sarvabhayaprahartāraṁ tamasmi śaraṇaṁ gataḥ

'From whom mighty forces such as sorcery and the rest themselves flee in fear — to him, the destroyer of every fear, I have gone for refuge.'

Verse 20 (padma.2.19.20)

पातकानां तु सर्वेषां दानवानां महाभयम् । रक्षको विष्णुभक्तानां तमस्मि शरणं गतः

pātakānāṁ tu sarveṣāṁ dānavānāṁ mahābhayam rakṣako viṣṇubhaktānāṁ tamasmi śaraṇaṁ gataḥ

'To him who is the great terror of all sinners and danavas, the protector of Vishnu's devotees — to him I have gone for refuge.'

Verse 21 (padma.2.19.21)

वृंदारकाणां सर्वेषां दानवानां महात्मनाम् । यो गतिः कृष्णभक्तानां तमस्मि शरणं गतः

vṛṁdārakāṇāṁ sarveṣāṁ dānavānāṁ mahātmanām yo gatiḥ kṛṣṇabhaktānāṁ tamasmi śaraṇaṁ gataḥ

'To him who is the refuge of all the celestial hosts, and of the great-souled danavas too, and of Krishna's devotees — to him I have gone for refuge.'

Verse 22 (padma.2.19.22)

अभयो भयनाशाय पापनाशाय ज्ञानवान् । एकश्चेंद्रस्वरूपेण तमस्मि शरणं गतः

abhayo bhayanāśāya pāpanāśāya jñānavān ekaśceṁdrasvarūpeṇa tamasmi śaraṇaṁ gataḥ

'Fearless himself, for the destruction of fear, for the destruction of sin, possessed of knowledge, the one who takes the very form of Indra — to him I have gone for refuge.'

Verse 23 (padma.2.19.23)

व्याधीनां नाशकायैव य औषधस्वरूपवान् । निरामयो निरानंदस्तमस्मि शरणंगतः

vyādhīnāṁ nāśakāyaiva ya auṣadhasvarūpavān nirāmayo nirānaṁdastamasmi śaraṇaṁgataḥ

'To him who, for the destruction of diseases, takes the very form of medicine, who is free of all affliction and free of terror — to him I have gone for refuge.'

Verse 24 (padma.2.19.24)

अचलश्चालयेल्लोकानपापो ज्ञानमेव च । तमस्मि शरणं प्राप्तो भयं किं मे करिष्यति

acalaścālayellokānapāpo jñānameva ca tamasmi śaraṇaṁ prāpto bhayaṁ kiṁ me kariṣyati

'Immovable himself, yet he who can move the very worlds, sinless, knowledge itself — I have taken refuge in him; what fear, then, could touch me?'

Verse 25 (padma.2.19.25)

साधूनां चापि सर्वेषां पालको यो ह्यनामयः । पाति विश्वं च विश्वात्मा तमस्मि शरणंगतः

sādhūnāṁ cāpi sarveṣāṁ pālako yo hyanāmayaḥ pāti viśvaṁ ca viśvātmā tamasmi śaraṇaṁgataḥ

'The protector of all the righteous, free of all illness, the Self of the universe who protects the universe — to him I have gone for refuge.'

Verse 26 (padma.2.19.26)

यो मे मृगेंद्ररूपेण भयं दर्शयतेग्रतः । तमहं शरणं प्राप्तो नरसिंहं नमाम्यहम्

yo me mṛgeṁdrarūpeṇa bhayaṁ darśayategrataḥ tamahaṁ śaraṇaṁ prāpto narasiṁhaṁ namāmyaham

'He who now shows me fear in the form of a lion before me — I have taken refuge in him; I bow to Narasimha.'

Verse 27 (padma.2.19.27)

मदमत्तो महाकायो वनहस्ती समागतः । गजलीलागतिं देवं शरणागतवत्सलम्

madamatto mahākāyo vanahastī samāgataḥ gajalīlāgatiṁ devaṁ śaraṇāgatavatsalam

'A great-bodied elephant of the forest, maddened with rut, has come — I take refuge in that god whose very gait is the play of an elephant, kind to those who take refuge in him—'

Verse 28 (padma.2.19.28)

गजास्यं ज्ञानसंपन्नं सपाशांकुशधारिणम् । कालास्यं गजतुंडं च शरणं सुगतोस्म्यहम्

gajāsyaṁ jñānasaṁpannaṁ sapāśāṁkuśadhāriṇam kālāsyaṁ gajatuṁḍaṁ ca śaraṇaṁ sugatosmyaham

—'the elephant-faced one, endowed with knowledge, bearing the noose and the goad; whose face is Time itself, whose trunk is that of an elephant — I have taken good refuge in him.'

Verse 29 (padma.2.19.29)

हिरण्याक्षप्रहर्तारं वाराहं शरणंगतः । वामनं तं प्रपन्नोस्मि शरणागतवत्सलम्

hiraṇyākṣaprahartāraṁ vārāhaṁ śaraṇaṁgataḥ vāmanaṁ taṁ prapannosmi śaraṇāgatavatsalam

'I have gone for refuge to Varaha, slayer of Hiranyaksha; I take refuge in that Vamana, kind to those who take refuge in him.'

Verse 30 (padma.2.19.30)

ह्रस्वास्तु वामनाः कुब्जाः प्रेताः कूष्मांडकादयः । मृत्युरूपधराः सर्वे दर्शयंति भयं मम

hrasvāstu vāmanāḥ kubjāḥ pretāḥ kūṣmāṁḍakādayaḥ mṛtyurūpadharāḥ sarve darśayaṁti bhayaṁ mama

'The short dwarfs and hunchbacks, the pretas, the kushmandas and the rest, all wearing the very form of death, display terror before me—'

Verse 31 (padma.2.19.31)

अमृतं तं प्रपन्नोस्मि किं भयं मे करिष्यति । ब्रह्मण्यो ब्रह्मदो ब्रह्मा ब्रह्मज्ञानमयो हरिः

amṛtaṁ taṁ prapannosmi kiṁ bhayaṁ me kariṣyati brahmaṇyo brahmado brahmā brahmajñānamayo hariḥ

—'yet I take refuge in that very nectar of immortality; what fear could touch me? Devoted to brahmins, giver of Brahman, Brahma himself, Hari made wholly of the knowledge of Brahman—'

Verse 32 (padma.2.19.32)

शरणं तं प्रपन्नोस्मि भयं किं मे करिष्यति । अभयो यो हि जगतो भीतिघ्नो भीतिदायकः

śaraṇaṁ taṁ prapannosmi bhayaṁ kiṁ me kariṣyati abhayo yo hi jagato bhītighno bhītidāyakaḥ

—'to him I take refuge; what fear could touch me? He who is himself fearless, destroyer of the world's terror, and yet to sinners the giver of terror—'

Verse 33 (padma.2.19.33)

भयरूपं प्रपन्नोस्मि भयं किं मे करिष्यति । तारकः सर्वलोकानां नाशकः सर्वपापिनाम्

bhayarūpaṁ prapannosmi bhayaṁ kiṁ me kariṣyati tārakaḥ sarvalokānāṁ nāśakaḥ sarvapāpinām

—'I take refuge even in his form of terror itself; what fear could touch me? The deliverer of all the worlds, the destroyer of all sinners—'

Verse 34 (padma.2.19.34)

तमहं शरणं प्राप्तो धर्मरूपं जनार्दनम् । सुरारणं यो हि रणे वपुर्द्धारयतेऽद्भुतम्

tamahaṁ śaraṇaṁ prāpto dharmarūpaṁ janārdanam surāraṇaṁ yo hi raṇe vapurddhārayate'dbhutam

—'I have taken refuge in him, Janardana, the very form of dharma; he who bears a wondrous form in battle against the enemies of the gods—'

Verse 35 (padma.2.19.35)

शरणं तस्य गंतास्मि सदागतिरयं मम । झंझावातो महाचंडो वपुर्दूयति मे भृशम्

śaraṇaṁ tasya gaṁtāsmi sadāgatirayaṁ mama jhaṁjhāvāto mahācaṁḍo vapurdūyati me bhṛśam

—'to him I shall go for refuge; he is ever my true resort. Though a most fierce storm-wind now torments my body sorely—'

Verse 36 (padma.2.19.36)

शरणं तं प्रपन्नोस्मि सदागतिरयं मम । अतिशीतं चातिवर्षा आतपस्तापदायकः

śaraṇaṁ taṁ prapannosmi sadāgatirayaṁ mama atiśītaṁ cātivarṣā ātapastāpadāyakaḥ

—'I have taken refuge in him; he is ever my true resort. Though extreme cold, extreme rain, and scorching heat torment me—'

Verse 37 (padma.2.19.37)

एषां रूपेण यो देवस्तस्याहं शरणं गतः । कालरूपा अमी प्राप्ता भयदा मम चालकाः

eṣāṁ rūpeṇa yo devastasyāhaṁ śaraṇaṁ gataḥ kālarūpā amī prāptā bhayadā mama cālakāḥ

—'I have gone for refuge to that god who is himself the form of these very things. These terror-giving forms of Time that have come, trying to shake me—'

Verse 38 (padma.2.19.38)

एषां शरणं प्रपन्नोस्मि हरेः स्वरूपिणां सदा

eṣāṁ śaraṇaṁ prapannosmi hareḥ svarūpiṇāṁ sadā

—'in these very forms of Hari himself I have taken refuge, always.'

Verse 39 (padma.2.19.39)

यं सर्वदेवं परमेश्वरं हि निष्केवलं ज्ञानमयं प्रदीपम् । वदंति नारायणमादिसिद्धं सिद्धेश्वरं तं शरणं प्रपद्ये

yaṁ sarvadevaṁ parameśvaraṁ hi niṣkevalaṁ jñānamayaṁ pradīpam vadaṁti nārāyaṇamādisiddhaṁ siddheśvaraṁ taṁ śaraṇaṁ prapadye

'He whom they call the god of all gods, the supreme Lord, the pure lamp made wholly of knowledge, Narayana, the primal siddha, lord of the siddhas — to him I go for refuge.'

Verse 40 (padma.2.19.40)

इति ध्यायन्स्तुवन्नित्यं केशवं क्लेशनाशनम् । भक्त्या तेन समानीतस्तदात्महृदये हरिः

iti dhyāyanstuvannityaṁ keśavaṁ kleśanāśanam bhaktyā tena samānītastadātmahṛdaye hariḥ

Thus meditating, ever praising Keshava, destroyer of affliction, through his devotion Hari was drawn there, into the very heart of his soul.

Verse 41 (padma.2.19.41)

उद्यमं विक्रमं तस्य स दृष्ट्वा सोमशर्मणः । आविर्भूय हृषीकेशस्तमुवाच प्रहृष्टवान्

udyamaṁ vikramaṁ tasya sa dṛṣṭvā somaśarmaṇaḥ āvirbhūya hṛṣīkeśastamuvāca prahṛṣṭavān

Seeing the diligence and valor of that Somasharma, Hrishikesha manifested himself and, greatly pleased, said to him:

Verse 42 (padma.2.19.42)

सोमशर्मन्महाप्राज्ञ श्रूयतां भार्यया सह । वासुदेवोस्मि विप्रेंद्र वरं याचय सुव्रत

somaśarmanmahāprājña śrūyatāṁ bhāryayā saha vāsudevosmi vipreṁdra varaṁ yācaya suvrata

'O greatly wise Somasharma, hear this, together with your wife: I am Vasudeva, O foremost of brahmins; ask a boon, O one of good vows.'

Verse 43 (padma.2.19.43)

तेनोक्तो हि स विप्रेन्द्र उन्मील्य नयनद्वयम् । दृष्ट्वा विश्वेश्वरं देवं घनश्यामं महोदयम्

tenokto hi sa viprendra unmīlya nayanadvayam dṛṣṭvā viśveśvaraṁ devaṁ ghanaśyāmaṁ mahodayam

Thus addressed, that foremost of brahmins opened both his eyes, and beheld the lord of the universe, dark as a rain-cloud, of great glory—

Verse 44 (padma.2.19.44)

सर्वाभरणशोभांगं सर्वायुधसमन्वितम् । दिव्यलक्षणसंपन्नं पुंडरीकनिभेक्षणम्

sarvābharaṇaśobhāṁgaṁ sarvāyudhasamanvitam divyalakṣaṇasaṁpannaṁ puṁḍarīkanibhekṣaṇam

—his limbs resplendent with every ornament, joined with every weapon, endowed with divine marks, his eyes like a white lotus—

Verse 45 (padma.2.19.45)

पीतेन वाससा युक्तं राजमानं सुरेश्वरम् । वैनतेयसमारूढं शंखचक्रगदाधरम्

pītena vāsasā yuktaṁ rājamānaṁ sureśvaram vainateyasamārūḍhaṁ śaṁkhacakragadādharam

—clad in yellow garments, shining forth, lord of the gods, mounted upon the son of Vinata, bearing conch, discus, and mace—

Verse 46 (padma.2.19.46)

ब्रह्मादीनां सुधातारं जगतोस्य महायशाः । विश्वस्यास्य सदातीतं रूपातीतं जगद्गुरुम्

brahmādīnāṁ sudhātāraṁ jagatosya mahāyaśāḥ viśvasyāsya sadātītaṁ rūpātītaṁ jagadgurum

—the true sustainer even of Brahma and the rest, greatly renowned throughout this world, ever transcending this universe, beyond all form, the teacher of the world—

Verse 47 (padma.2.19.47)

हर्षेण महताविष्टो दंडवत्प्रणिपत्य तम् । श्रियायुक्तं भासमानं सूर्यकोटिसमप्रभम्

harṣeṇa mahatāviṣṭo daṁḍavatpraṇipatya tam śriyāyuktaṁ bhāsamānaṁ sūryakoṭisamaprabham

Filled with great joy, he bowed to him prostrate like a staff — that one joined with Shri, radiant, of splendor equal to a hundred million suns—

Verse 48 (padma.2.19.48)

बद्धांजलिपुटोभूत्वा तया सुमनया सह । जयजयेत्युवाचैनं जयमाधवमानद

baddhāṁjalipuṭobhūtvā tayā sumanayā saha jayajayetyuvācainaṁ jayamādhavamānada

—joining his hands together, together with Sumana, he said to him: 'Victory, victory! Victory to Madhava, O giver of honor!'

Verse 49 (padma.2.19.49)

जय योगीश योगीन्द्र जय नागांगशायन । यज्ञांग जय यज्ञेश जय शाश्वतसर्वग

jaya yogīśa yogīndra jaya nāgāṁgaśāyana yajñāṁga jaya yajñeśa jaya śāśvatasarvaga

'Victory, O lord of yogis, O king of yogis! Victory, O one who reclines upon the body of the serpent! O limb of sacrifice, victory, O lord of sacrifice! Victory, O eternal, all-pervading one!'

Verse 50 (padma.2.19.50)

जय सर्वेश्वरानंत यज्ञरूप नमोऽस्तु ते । जय ज्ञानवतां श्रेष्ठ जय त्वं ज्ञाननायक

jaya sarveśvarānaṁta yajñarūpa namo'stu te jaya jñānavatāṁ śreṣṭha jaya tvaṁ jñānanāyaka

'Victory, O lord of all, O Infinite One! O form of sacrifice, homage to you! Victory, O foremost of the wise! Victory to you, leader of knowledge!'

Verse 51 (padma.2.19.51)

जय सर्वदसर्वज्ञ जय त्वं सर्वभावन । जय जीवस्वरूपेश महाजीव नमोस्तुते

jaya sarvadasarvajña jaya tvaṁ sarvabhāvana jaya jīvasvarūpeśa mahājīva namostute

'Victory, O ever-giving, all-knowing one! Victory to you, cause of all being! Victory, O lord in the very form of the living soul, O great life! Homage to you!'

Verse 52 (padma.2.19.52)

जय प्रज्ञादप्रज्ञांग जय प्राणप्रदायक । जय पापघ्न पुण्येश जय पुण्यपते हरे

jaya prajñādaprajñāṁga jaya prāṇapradāyaka jaya pāpaghna puṇyeśa jaya puṇyapate hare

'Victory, O bestower of wisdom, whose very body is wisdom! Victory, O giver of life-breath! Victory, O destroyer of sin, O lord of merit! Victory, O Hari, lord of merit!'

Verse 53 (padma.2.19.53)

जय ज्ञानस्वरूपेश ज्ञानगम्याय ते नमः । जय पद्मपलाशाक्ष पद्मनाभाय ते नमः

jaya jñānasvarūpeśa jñānagamyāya te namaḥ jaya padmapalāśākṣa padmanābhāya te namaḥ

'Victory, O lord whose very form is knowledge! Homage to you, attainable through knowledge! Victory, O lotus-petal-eyed one! Homage to you, O lotus-naveled one!'

Verse 54 (padma.2.19.54)

जय गोविंदगोपाल जय शंखधरामल । जय चक्रधराव्यक्त व्यक्तरूपाय ते नमः

jaya goviṁdagopāla jaya śaṁkhadharāmala jaya cakradharāvyakta vyaktarūpāya te namaḥ

'Victory, O Govinda, O cowherd! Victory, O spotless bearer of the conch! Victory, O bearer of the discus, O unmanifest one! Homage to you in your manifest form!'

Verse 55 (padma.2.19.55)

जय विक्रमशोभांग जय विक्रमनायक । जय लक्ष्मीविलासांग नमो वेदमयाय ते

jaya vikramaśobhāṁga jaya vikramanāyaka jaya lakṣmīvilāsāṁga namo vedamayāya te

'Victory, O one whose limbs shine with valor! Victory, O leader of valor! Victory, O one whose limbs are Lakshmi's delight! Homage to you, made wholly of the Vedas!'

Verse 56 (padma.2.19.56)

जय विक्रमशोभांग जय उद्यमदायक । जय उद्यमकालाय उद्यमाय नमोनमः

jaya vikramaśobhāṁga jaya udyamadāyaka jaya udyamakālāya udyamāya namonamaḥ

'Victory, O one whose limbs shine with valor! Victory, O giver of diligent effort! Victory, O one who is the very time of effort! Homage, homage to you, O Effort itself!'

Verse 57 (padma.2.19.57)

जय उद्यमशक्ताय उद्यमत्रयधारक । युद्धोद्यमप्रवृत्ताय तस्मै धर्माय ते नमः

jaya udyamaśaktāya udyamatrayadhāraka yuddhodyamapravṛttāya tasmai dharmāya te namaḥ

'Victory, O one capable of every effort, upholder of the threefold effort! Homage to you, that Dharma engaged in the effort of battle!'

Verse 58 (padma.2.19.58)

नमो हिरण्यरेताय तस्मै ते जायते नमः । अतितेजःस्वरूपाय सर्वतेजोमयाय च

namo hiraṇyaretāya tasmai te jāyate namaḥ atitejaḥsvarūpāya sarvatejomayāya ca

'Homage to you of the golden seed! Homage to you who are ever born! To you whose very form is supreme splendor, and who are made wholly of every splendor—'

Verse 59 (padma.2.19.59)

दैत्यतेजोविनाशाय पापतेजोहराय च । गोब्राह्मणहितार्थाय नमोस्तु परमात्मने

daityatejovināśāya pāpatejoharāya ca gobrāhmaṇahitārthāya namostu paramātmane

—'to the destroyer of the daityas' splendor, and the taker-away of sin's splendor; for the welfare of cows and brahmins — homage to you, O Supreme Self!'

Verse 60 (padma.2.19.60)

नमोस्तु हुतभोक्त्रे च नमो हव्यवहाय ते । नमः कव्यवहायैव स्वधारूपाय ते नमः

namostu hutabhoktre ca namo havyavahāya te namaḥ kavyavahāyaiva svadhārūpāya te namaḥ

'Homage to the enjoyer of every oblation, and homage to you, the carrier of oblations to the gods; homage to the carrier of offerings to the ancestors, homage to you in the form of the ancestral offering itself!'

Verse 61 (padma.2.19.61)

स्वाहारूपाय यज्ञाय पावनाय नमोनमः । नमस्ते शार्ङ्गहस्ताय हरये पापहारिणे

svāhārūpāya yajñāya pāvanāya namonamaḥ namaste śārṁgahastāya haraye pāpahāriṇe

'Homage, homage to you in the form of the sacrificial exclamation Svaha, O sacrifice, O purifier! Homage to you, bearer of the Sharnga bow, O Hari, remover of sin!'

Verse 62 (padma.2.19.62)

सदसच्चोदनायैव नमो विज्ञानशालिने । नमो वेदस्वरूपाय पावनाय नमोनमः

sadasaccodanāyaiva namo vijñānaśāline namo vedasvarūpāya pāvanāya namonamaḥ

'Homage to you, the very impeller of both being and non-being; homage to you, endowed with discernment; homage to you in the very form of the Veda, O purifier, homage, homage!'

Verse 63 (padma.2.19.63)

नमोस्तु हरिकेशाय सर्वक्लेशहराय ते । केशवाय परायैव नमस्ते विश्वधारिणे

namostu harikeśāya sarvakleśaharāya te keśavāya parāyaiva namaste viśvadhāriṇe

'Homage to you, Harikesha, remover of every affliction; homage to you, Keshava, the Supreme, sustainer of the universe!'

Verse 64 (padma.2.19.64)

नमः कृपाकरायैव नमो हर्षमयाय ते । अनंताय नमो नित्यं शुद्धाय क्लेशनाशिने

namaḥ kṛpākarāyaiva namo harṣamayāya te anaṁtāya namo nityaṁ śuddhāya kleśanāśine

'Homage to you, doer of compassion; homage to you, made wholly of joy; homage ever to the Infinite One, the pure, the destroyer of affliction!'

Verse 65 (padma.2.19.65)

आनंदाय नमो नित्यं शुद्धाय केवलाय ते । रुद्रैर्नमितपादाय विरंचिनमिताय ते

ānaṁdāya namo nityaṁ śuddhāya kevalāya te rudrairnamitapādāya viraṁcinamitāya te

'Homage ever to Bliss itself, the pure, the absolute; homage to you whose feet are bowed to by the Rudras, and by Virinchi too!'

Verse 66 (padma.2.19.66)

सुरासुरेंद्रनमित पादपद्माय ते नमः । नमोनमः परेशाय अजितायामृतात्मने

surāsureṁdranamita pādapadmāya te namaḥ namonamaḥ pareśāya ajitāyāmṛtātmane

'Homage to your lotus-feet, bowed to by the lords of gods and asuras alike; homage, homage to the Supreme Lord, the unconquered, whose very self is immortality!'

Verse 67 (padma.2.19.67)

क्षीरसागरवासाय नमः पद्माप्रियाय ते । ॐकाराय च शुद्धाय अचलाय नमोनमः

kṣīrasāgaravāsāya namaḥ padmāpriyāya te oṁkārāya ca śuddhāya acalāya namonamaḥ

'Homage to you who dwell in the ocean of milk, beloved of Padma; homage, homage to the syllable Om, the pure, the immovable!'

Verse 68 (padma.2.19.68)

व्यापिने व्यापकायैव सर्वव्यसनहारिणे । नमोनमो वराहाय महाकूर्माय ते नमः

vyāpine vyāpakāyaiva sarvavyasanahāriṇe namonamo varāhāya mahākūrmāya te namaḥ

'To the pervading, all-encompassing one, remover of every calamity; homage, homage to Varaha, and homage to you, the great Kurma!'

Verse 69 (padma.2.19.69)

नमो वामनरूपाय नृसिंहाय महात्मने । नमो रामाय दिव्याय सर्वक्षत्रवधाय च

namo vāmanarūpāya nṛsiṁhāya mahātmane namo rāmāya divyāya sarvakṣatravadhāya ca

'Homage to you in the form of Vamana; homage to Narasimha, the great soul; homage to divine Rama, and to him who slew all the kshatriyas—'

Verse 70 (padma.2.19.70)

सर्वज्ञानाय मत्स्याय नमो रामाय ते नमः । नमः कृष्णाय बुद्धाय नमो म्लेच्छप्रणाशिने

sarvajñānāya matsyāya namo rāmāya te namaḥ namaḥ kṛṣṇāya buddhāya namo mlecchapraṇāśine

—'homage to all-knowing Matsya, homage to you, Rama; homage to Krishna, homage to Buddha, homage to the destroyer of barbarians!'

Verse 71 (padma.2.19.71)

नमः कपिलविप्राय हयग्रीवाय ते नमः । नमो व्यासस्वरूपाय नमः सर्वमयाय ते

namaḥ kapilaviprāya hayagrīvāya te namaḥ namo vyāsasvarūpāya namaḥ sarvamayāya te

'Homage to the sage Kapila; homage to you, Hayagriva; homage to you in the form of Vyasa; homage to you, made wholly of all things!'

Verse 72 (padma.2.19.72)

एवं स्तुत्वा हृषीकेशं तमुवाच जनार्दनम् । गुणानां तु परं पारं ब्रह्मा वेत्ति न पावन

evaṁ stutvā hṛṣīkeśaṁ tamuvāca janārdanam guṇānāṁ tu paraṁ pāraṁ brahmā vetti na pāvana

Having thus praised Hrishikesha, he said to that Janardana: 'The furthest limit of your qualities, O purifier, even Brahma does not know—'

Verse 73 (padma.2.19.73)

न चैव स्तोतुं सर्वज्ञस्तथा रुद्र सःहस्रदृक् । वक्तुं को हि समर्थस्तु कीदृशी मे मतिर्विभो

na caiva stotuṁ sarvajñastathā rudra saḥhasradṛk vaktuṁ ko hi samarthastu kīdṛśī me matirvibho

—'nor is even all-knowing Brahma, nor Rudra, nor the thousand-eyed Indra able truly to praise you. Who indeed is capable of speaking of you fully? What, then, is my own poor understanding, O mighty one?'

Verse 74 (padma.2.19.74)

निर्गुणं सगुणं स्तोत्रं मयैव तव केशव । क्षमशब्दापशब्दं मे तव दासोस्मि सुव्रत

nirguṇaṁ saguṇaṁ stotraṁ mayaiva tava keśava kṣamaśabdāpaśabdaṁ me tava dāsosmi suvrata

'This hymn of praise to you, O Keshava, whether it speaks of you without attributes or with them, is offered by me alone; forgive my faulty and ill-chosen words, for I am your servant, O one of good vows.'

Verse 75 (padma.2.19.75)

जन्मजन्मनि लोकेश दयां मे कुरु पावन

janmajanmani lokeśa dayāṁ me kuru pāvana

'In birth after birth, O lord of the world, show your mercy upon me, O purifier.'