The Battle Between King Ikshvaku and the Boar

Verse 1 (padma.2.43.1)

सुकलोवाच- एवं ते शूकराः सर्वे युद्धाय समुपस्थिताः । पुरः स्थितस्य ते राज्ञो ह्यवतस्थुश्च लुब्धकाः

sukalovāca- evaṁ te śūkarāḥ sarve yuddhāya samupasthitāḥ puraḥ sthitasya te rājño hyavatasthuśca lubdhakāḥ

Sukala said: Thus all those boars stood ready for battle; and the hunters too stationed themselves before that king.

Verse 2 (padma.2.43.2)

महावराहो राजेंद्र गिरिसानुं समाश्रितः । महता यूथभावेन व्यूहं कृत्वा प्रतिष्ठति

mahāvarāho rājeṁdra girisānuṁ samāśritaḥ mahatā yūthabhāvena vyūhaṁ kṛtvā pratiṣṭhati

O king of kings, the great boar had taken refuge on a mountain ridge; with a great herd around him he stood arrayed in battle formation.

Verse 3 (padma.2.43.3)

कपिलः स्थूलपीनांगो महादंष्ट्रो महामुखः । दुःसहः शूकरो राजन्गर्जते चातिभैरवम्

kapilaḥ sthūlapīnāṁgo mahādaṁṣṭro mahāmukhaḥ duḥsahaḥ śūkaro rājangarjate cātibhairavam

Tawny, thick and stout of limb, with mighty tusks and a huge snout — that unbearable boar, O king, roared most terrifyingly.

Verse 4 (padma.2.43.4)

तानपश्यन्महाराजः शालतालवनाश्रयान् । तेषां तद्वचनं श्रुत्वा मनुपुत्रः प्रतापवान्

tānapaśyanmahārājaḥ śālatālavanāśrayān teṣāṁ tadvacanaṁ śrutvā manuputraḥ pratāpavān

The great king saw them sheltering in the sala-tala forest; and hearing that report, the mighty son of Manu spoke —

Verse 5 (padma.2.43.5)

गृह्यतां शूर वाराहो विध्यतां बलदर्पितः । एवमाभाष्य तान्वीरो मनुपुत्रः प्रतापवान्

gṛhyatāṁ śūra vārāho vidhyatāṁ baladarpitaḥ evamābhāṣya tānvīro manuputraḥ pratāpavān

'Seize the boar, O brave ones! Strike down that one so proud of his strength!' Having thus spoken, the valorous, mighty son of Manu —

Verse 6 (padma.2.43.6)

अथ ते लुब्धकाः सर्वे मृगया मदमोहिताः । संनद्धा दंशिताः सर्वे श्वभिः सार्द्धं प्रजग्मिरे

atha te lubdhakāḥ sarve mṛgayā madamohitāḥ saṁnaddhā daṁśitāḥ sarve śvabhiḥ sārddhaṁ prajagmire

Then all those hunters, intoxicated with the passion of the hunt, armed and girded, set out together with their hounds.

Verse 7 (padma.2.43.7)

हर्षेण महताविष्टो राजराजो महाबलः । अश्वारूढः सुसैन्येन चतुरंगेण संयतः

harṣeṇa mahatāviṣṭo rājarājo mahābalaḥ aśvārūḍhaḥ susainyena caturaṁgeṇa saṁyataḥ

Filled with great joy, the mighty king of kings, mounted on his horse, set out with his fine army arrayed in four divisions.

Verse 8 (padma.2.43.8)

गंगातीरं समायातो मेरौ गिरिवरोत्तमे । रत्नधातुसमाकीर्णे नानावृक्षैरलंकृते

gaṁgātīraṁ samāyāto merau girivarottame ratnadhātusamākīrṇe nānāvṛkṣairalaṁkṛte

He came to the bank of the Ganga, upon Meru, the best of mountains, strewn with gems and minerals, adorned with trees of every kind.

Verse 9 (padma.2.43.9)

सुकलोवाच- यो बलधाम मरीचिचयकरनिकरमयप्रोत्तुंगोऽत्युच्चम् । गगनमेव संप्राप्तो नाना नगाचरितशोभो गिरिराजो भाति

sukalovāca- yo baladhāma marīcicayakaranikaramayaprottuṁgo'tyuccam gaganameva saṁprāpto nānā nagācaritaśobho girirājo bhāti

Sukala said: That abode of power, towering with masses of shimmering light, reaching to the very sky, adorned with the movements of manifold mountain-creatures — thus shines that king of mountains.

Verse 10 (padma.2.43.10)

योजनबहलविमल गंगाप्रवाह समुच्चरत्तीरवीचीतरंगभंगैर्मुक्ताफलसदृशैर्निर्मलांबुकणैः । सर्वत्र प्रक्षालित धवलतलशिलातलोगिरींद्र सुःश्रियायुक्तः

yojanabahalavimala gaṁgāpravāha samuccarattīravīcītaraṁgabhaṁgairmuktāphalasadṛśairnirmalāṁbukaṇaiḥ sarvatra prakṣālita dhavalatalaśilātalogirīṁdra suḥśriyāyuktaḥ

With the Ganga's pure current, many yojanas broad, its rising waves breaking against the banks and scattering drops of water pure as pearls — everywhere its white rock-faces washed clean, that king of mountains is endowed with fine splendor.

Verse 11 (padma.2.43.11)

देवैश्चारणकिन्नरैः परिवृतो गंधर्वविद्याधरैः सिद्धैरप्सरसांगणैर्मुनिजनैर्नागेंद्र विद्याधरैः । श्रीखंडैर्बहुचंदनैस्ससरलैः शालैस्तमालैर्गिरी रुद्रा क्षैर्वरसिद्धिदायकघनैः कल्पद्रुमैः शोभते

devaiścāraṇakinnaraiḥ parivṛto gaṁdharvavidyādharaiḥ siddhairapsarasāṁgaṇairmunijanairnāgeṁdra vidyādharaiḥ śrīkhaṁḍairbahucaṁdanaissasaralaiḥ śālaistamālairgirī rudrā kṣairvarasiddhidāyakaghanaiḥ kalpadrumaiḥ śobhate

Surrounded by gods, charanas, kinnaras, gandharvas and vidyadharas, siddhas, hosts of apsaras, sages, and lords of serpents; the mountain shines with groves of sandal, deodar, sala and tamala, thick clusters of rudraksha bestowing the highest boons, and wish-granting kalpa trees.

Verse 12 (padma.2.43.12)

नानाधातुविचित्रो वै नानारत्नविचित्रितैः । विमानैः कांचनैर्दंडैः कलत्रैरुपशोभते

nānādhātuvicitro vai nānāratnavicitritaiḥ vimānaiḥ kāṁcanairdaṁḍaiḥ kalatrairupaśobhate

Wondrous with manifold minerals, adorned with various gems, it shines further with golden-poled celestial cars and their consorts.

Verse 13 (padma.2.43.13)

नालिकेरवनैर्दिव्यैः पूगवृक्षैर्विराजते । दिव्यपुन्नागबकुलैः कदलीखंडमंडितैः

nālikeravanairdivyaiḥ pūgavṛkṣairvirājate divyapunnāgabakulaiḥ kadalīkhaṁḍamaṁḍitaiḥ

It shines with divine groves of coconut and areca palm, adorned with divine punnaga and bakula trees and with clusters of plantain.

Verse 14 (padma.2.43.14)

पुष्पकैश्चंपकैरद्रि पाःटलैः केतकैस्तथा । नानावल्लीवितानैश्च पुष्पितैः पद्मकैस्तथा

puṣpakaiścaṁpakairadri pāḥṭalaiḥ ketakaistathā nānāvallīvitānaiśca puṣpitaiḥ padmakaistathā

The mountain is adorned with puṣpaka and campaka blossoms, with patala and ketaki flowers, and with manifold flowering vine-canopies and lotus clusters.

Verse 15 (padma.2.43.15)

नानावर्णैः सुपुष्पैश्च नानावृक्षैरलंकृतः । दिव्यवृक्षैः समाकीर्णः स्फाटिकस्य शिलातलैः

nānāvarṇaiḥ supuṣpaiśca nānāvṛkṣairalaṁkṛtaḥ divyavṛkṣaiḥ samākīrṇaḥ sphāṭikasya śilātalaiḥ

It is adorned with fine flowers of every hue and with trees of every kind, filled with divine trees, and with slabs of crystal rock.

Verse 16 (padma.2.43.16)

योगियोगीन्द्र संसिद्धैः कंदरांतर्निवासिभिः । निर्झरैश्चैव रम्यैश्च बहुप्रस्रवणैर्गिरिः

yogiyogīndra saṁsiddhaiḥ kaṁdarāṁtarnivāsibhiḥ nirjharaiścaiva ramyaiśca bahuprasravaṇairgiriḥ

The mountain, with yogis, great lords of yoga, and perfected ones dwelling within its caves, and with lovely waterfalls and many springs —

Verse 17 (padma.2.43.17)

नदीप्रवाहसंह्रष्टैः संगमैरुपशोभते । ह्रदैश्च पल्वलैः कुंडैर्निर्मलोदकधारिभिः

nadīpravāhasaṁhraṣṭaiḥ saṁgamairupaśobhate hradaiśca palvalaiḥ kuṁḍairnirmalodakadhāribhiḥ

shines further with confluences delighted by the currents of rivers, and with lakes, pools and ponds bearing pure water.

Verse 18 (padma.2.43.18)

गिरिराजो विभात्येकः सानुभिः सह संस्थितैः । शरभैश्चैव शार्दूलैर्मृगयूथैरलंकृतः

girirājo vibhātyekaḥ sānubhiḥ saha saṁsthitaiḥ śarabhaiścaiva śārdūlairmṛgayūthairalaṁkṛtaḥ

The king of mountains shines alone, standing with its ridges, adorned with sharabhas, tigers, and herds of deer.

Verse 19 (padma.2.43.19)

महामत्तैश्च मातंगैर्महिषैरुरुभिः सदा । अनेकैर्दिव्यभावैश्च गिरिराजो विभाति सः

mahāmattaiśca mātaṁgairmahiṣairurubhiḥ sadā anekairdivyabhāvaiśca girirājo vibhāti saḥ

That king of mountains ever shines with mighty rutting elephants and great buffaloes, and with countless divine glories.

Verse 20 (padma.2.43.20)

अयोध्याधिपतिर्वीर इक्ष्वाकुर्मनुनंदनः । तया सुभार्यया युक्तश्चतुरंगबलेन च

ayodhyādhipatirvīra ikṣvākurmanunaṁdanaḥ tayā subhāryayā yuktaścaturaṁgabalena ca

The valorous lord of Ayodhya, Ikshvaku, son of Manu, together with his good wife and his fourfold army —

Verse 21 (padma.2.43.21)

पुरतो लुब्धका यांति शूराः श्वानश्च शीघ्रगाः । यत्रास्ते शूकरः शूरो भार्यया सहितो बली

purato lubdhakā yāṁti śūrāḥ śvānaśca śīghragāḥ yatrāste śūkaraḥ śūro bhāryayā sahito balī

went forth, with brave hunters and swift hounds ahead, to where the mighty, valiant boar dwelt together with his wife.

Verse 22 (padma.2.43.22)

बहुभिः शूकरैर्गुप्तो गुरुभिः शिशुभिस्ततः । मेरुभूमिं समाश्रित्य गंगातीरं समंततः

bahubhiḥ śūkarairgupto gurubhiḥ śiśubhistataḥ merubhūmiṁ samāśritya gaṁgātīraṁ samaṁtataḥ

protected by many boars, elders and young ones, having taken refuge in the land of Meru, all along the bank of the Ganga.

Verse 23 (padma.2.43.23)

सुकलोवाच-। तामुवाच वराहस्तु सुप्रियां हर्षसंयुतः । प्रिये पश्य समायातः कोशलाधिपतिर्बली

sukalovāca- tāmuvāca varāhastu supriyāṁ harṣasaṁyutaḥ priye paśya samāyātaḥ kośalādhipatirbalī

Sukala said: The boar, filled with joy, spoke to his beloved: 'My dear, see — the mighty lord of Kosala has arrived.'

Verse 24 (padma.2.43.24)

मामुद्दिश्य महाप्राज्ञो मृगयां क्रीडते नृपः । युद्धमेव करिष्यामि सुरासुरप्रहर्षकम्

māmuddiśya mahāprājño mṛgayāṁ krīḍate nṛpaḥ yuddhameva kariṣyāmi surāsurapraharṣakam

'That wise king plays at the hunt with me as his aim; I shall wage a battle that will delight both gods and demons.'

Verse 25 (padma.2.43.25)

अथ भूपो महातेजा बाणपाणिर्धनुर्धरः । सुदेवां सत्यधर्मांगीं तामुवाच प्रहर्षितः

atha bhūpo mahātejā bāṇapāṇirdhanurdharaḥ sudevāṁ satyadharmāṁgīṁ tāmuvāca praharṣitaḥ

Then the greatly resplendent king, bow and arrow in hand, joyfully spoke to Sudeva, she whose very self embodied truth and dharma —

Verse 26 (padma.2.43.26)

पश्य प्रिये महाकोलं गर्जमानं महाबलम् । परिवारसमायुक्तं दुःसहं मृगघातिभिः

paśya priye mahākolaṁ garjamānaṁ mahābalam parivārasamāyuktaṁ duḥsahaṁ mṛgaghātibhiḥ

'Behold, my dear, that great, roaring boar of immense strength, surrounded by his kin, unbearable to the hunters.'

Verse 27 (padma.2.43.27)

अद्यैवाहं हनिष्यामि सुबाणैर्निशितैः प्रिये । मामेव हि महाशूरो युद्धाय समुपाश्रयेत्

adyaivāhaṁ haniṣyāmi subāṇairniśitaiḥ priye māmeva hi mahāśūro yuddhāya samupāśrayet

'This very day I shall slay him with my sharp, fine arrows, my dear — for that great hero will surely turn to face me in battle.'

Verse 28 (padma.2.43.28)

एवमुक्त्वा प्रियो भार्यां लुब्धकान्वाक्यमब्रवीत् । यथा शूरो महाशूराः प्रेषयध्वं हि शूकरम्

evamuktvā priyo bhāryāṁ lubdhakānvākyamabravīt yathā śūro mahāśūrāḥ preṣayadhvaṁ hi śūkaram

Having thus spoken to his beloved wife, the king said to the hunters: 'O great heroes, as befits brave men, drive that boar forth to me.'

Verse 29 (padma.2.43.29)

अथ ते प्रेषिताः शूरा बलतेजः पराक्रमाः । गर्जमानाः प्रधावंति बलतेजः पराक्रमाः

atha te preṣitāḥ śūrā balatejaḥ parākramāḥ garjamānāḥ pradhāvaṁti balatejaḥ parākramāḥ

Then those valiant men, thus sent, full of strength, vigor and prowess, ran forward roaring, full of strength, vigor and prowess.

Verse 30 (padma.2.43.30)

कोलं प्रतिगताः सर्वे वायुवेगेन सांप्रतम् । विध्यंति बाणजालैस्ते निशितैर्वनचारकाः

kolaṁ pratigatāḥ sarve vāyuvegena sāṁpratam vidhyaṁti bāṇajālaiste niśitairvanacārakāḥ

All of them, with the speed of wind, advanced at once toward the boar; those forest-rangers pierced him with volleys of sharp arrows.

Verse 31 (padma.2.43.31)

नाना शस्त्रैरथास्त्रैश्च वाराहं वीररूपिणम्

nānā śastrairathāstraiśca vārāhaṁ vīrarūpiṇam

and with manifold weapons and missiles they assailed the boar of heroic form.

Verse 32 (padma.2.43.32)

सुकलोवाच- पतंति बाणतोमरा विमुक्ता लुब्धकैः शरा घनागिरिंप्रवर्षिणो यथातथा धरांतरे । हतो दृढप्रहारिभिः स निर्जितस्ततस्तथा शतैस्तु यूथपालकः स कोलः संगरंगतः

sukalovāca- pataṁti bāṇatomarā vimuktā lubdhakaiḥ śarā ghanāgiriṁpravarṣiṇo yathātathā dharāṁtare hato dṛḍhaprahāribhiḥ sa nirjitastatastathā śataistu yūthapālakaḥ sa kolaḥ saṁgaraṁgataḥ

Sukala said: Arrows and javelins loosed by the hunters fell like a dense cloud raining down upon the mountain-slopes, everywhere upon the ground; struck by those firm strikers, the herd-lord boar, locked in that combat, was thus beset by hundreds of blows.

Verse 33 (padma.2.43.33)

स्वपुत्रपौत्रबांधवैः परांश्च संहरेत्स वै पतंति ते स्वदंष्ट्रया हताहवेऽवलुब्धकाः । पतंति पादहस्तकाः स्थितस्य वेगभ्रामणैः सलुब्धगर्जमेवतं वराहोऽपश्यदागतम्

svaputrapautrabāṁdhavaiḥ parāṁśca saṁharetsa vai pataṁti te svadaṁṣṭrayā hatāhave'valubdhakāḥ pataṁti pādahastakāḥ sthitasya vegabhrāmaṇaiḥ salubdhagarjamevataṁ varāho'paśyadāgatam

Yet, together with his sons, grandsons, and kinsmen, he struck down others in turn; hunters slain by his tusks fell in the battle; hands and feet fell about him as he whirled with speed; and thus the roaring boar beheld the pack of hunters closing upon him.

Verse 34 (padma.2.43.34)

स्वतेजसा विनाशितं मुखाग्रदंष्ट्रया हतं । गतः स यत्र भूपतिः स वांछतेनसंगरम्

svatejasā vināśitaṁ mukhāgradaṁṣṭrayā hataṁ gataḥ sa yatra bhūpatiḥ sa vāṁchatenasaṁgaram

Having destroyed them by his own might and struck them down with the tusks at the tip of his snout, he went to where the king stood, seeking combat with him.

Verse 35 (padma.2.43.35)

इक्ष्वाकुनाथं सुमहत्प्रसह्य संत्रास्य क्रुद्धः स हि शूकरेशः । युद्धं वने वांछति तेन सार्द्धमिक्ष्वाकुणा संगरहर्षयुक्तः

ikṣvākunāthaṁ sumahatprasahya saṁtrāsya kruddhaḥ sa hi śūkareśaḥ yuddhaṁ vane vāṁchati tena sārddhamikṣvākuṇā saṁgaraharṣayuktaḥ

That lord of boars, greatly enraged, having overpowered and terrified the mighty lord of the Ikshvakus, desired battle with him there in the forest, filled with the joy of combat.

Verse 36 (padma.2.43.36)

वाराहः पुनरेव युद्धकुशलः संवांछते संगरं तुंडाग्रेण सुतीक्ष्णदंतनखरैः क्रुद्धो धरां क्षोभयन् । हुंकारोच्चारगर्वात्प्रहरति विमलं भूपतिं तं च राजञ्ज्ञात्वा विष्णुपराक्रमं मनुसुतस्त्वानन्दरोमांचितः

vārāhaḥ punareva yuddhakuśalaḥ saṁvāṁchate saṁgaraṁ tuṁḍāgreṇa sutīkṣṇadaṁtanakharaiḥ kruddho dharāṁ kṣobhayan huṁkāroccāragarvātpraharati vimalaṁ bhūpatiṁ taṁ ca rājañjñātvā viṣṇuparākramaṁ manusutastvānandaromāṁcitaḥ

The boar, skilled in war, desired combat once more; enraged, churning the earth with the tip of his snout and his very sharp teeth and claws, he charged with a proud roar upon the stainless king; and the son of Manu, sensing in that boar a valor like Vishnu's own, felt his hair stand on end with joy.

Verse 37 (padma.2.43.37)

दृष्ट्वा शूकरपौरुषं यमतुलं मेने पतिर्वावराड्देवारिं मनसा विचिन्त्य सहसा वाराहरूपेण वै । संप्रेक्ष्यैव महाबलं बहुतरं युक्तं त्वरेर्वारणं सैन्यं कोलविनाशनाय सहसा संगृह्य संगृह्यताम्

dṛṣṭvā śūkarapauruṣaṁ yamatulaṁ mene patirvāvarāḍdevāriṁ manasā vicintya sahasā vārāharūpeṇa vai saṁprekṣyaiva mahābalaṁ bahutaraṁ yuktaṁ tvarervāraṇaṁ sainyaṁ kolavināśanāya sahasā saṁgṛhya saṁgṛhyatām

Seeing the boar's incomparable might and valor, the king reflected within his mind that this was, in boar's form, no ordinary being; and beholding that immense strength, he swiftly ordered his greater host of elephants and forces to be mustered for the boar's destruction.

Verse 38 (padma.2.43.38)

प्रेषिताश्च वारणा रथाश्च वेगवत्तराः सुबाणखड्गधारिणो भुशुंडिभिश्च मुद्गरैः । सपाशपाणिलुब्धका नदंति तत्र तत्परा निवारितो न तिष्ठतो हयागजाश्च यद्गताः

preṣitāśca vāraṇā rathāśca vegavattarāḥ subāṇakhaḍgadhāriṇo bhuśuṁḍibhiśca mudgaraiḥ sapāśapāṇilubdhakā nadaṁti tatra tatparā nivārito na tiṣṭhato hayāgajāśca yadgatāḥ

Elephants and swifter chariots were sent forth, bearing warriors armed with fine bows and swords, with fire-throwers and maces; hunters, snares in hand, roared there, intent on the chase; nothing could hold them back — the horses and elephants advanced wherever they would.

Verse 39 (padma.2.43.39)

क्वचित्क्वचिन्न दृश्यते क्वचित्क्वचित्प्रदृश्यते क्वचिद्भयं प्रदर्शयेत्क्वचिद्धयान्प्रमर्दयेत्

kvacitkvacinna dṛśyate kvacitkvacitpradṛśyate kvacidbhayaṁ pradarśayetkvaciddhayānpramardayet

Now here, now there he could not be seen; now here, now there he appeared; now he struck terror, now he trampled the horses.

Verse 40 (padma.2.43.40)

मर्दयित्वा भटान्वीरान्वाराहो रणदुर्जयः । शब्दं चकारदुर्धषं क्रोधारुणविलोचनः

mardayitvā bhaṭānvīrānvārāho raṇadurjayaḥ śabdaṁ cakāradurdhaṣaṁ krodhāruṇavilocanaḥ

Having trampled the valiant warriors, the boar, unconquerable in battle, his eyes red with fury, let out a terrible, deafening roar.

Verse 41 (padma.2.43.41)

कोशलाधिपतिर्वीरस्तं दृष्ट्वा रणदुर्जयम् । युध्यमानं महाकायं मुचंतं मेघवत्स्वनम्

kośalādhipatirvīrastaṁ dṛṣṭvā raṇadurjayam yudhyamānaṁ mahākāyaṁ mucaṁtaṁ meghavatsvanam

The valiant lord of Kosala, beholding him — unconquerable in battle, vast of frame, fighting on and roaring like a thundercloud —

Verse 42 (padma.2.43.42)

गर्जतिसमरं विचरति विलसति वीरान्स्वतेजसा धीरः । तडिदिव मुखेषु दंष्ट्रा तस्य विभात्युल्लसत्येव

garjatisamaraṁ vicarati vilasati vīrānsvatejasā dhīraḥ taḍidiva mukheṣu daṁṣṭrā tasya vibhātyullasatyeva

roars amid the fray, ranges about, and steadfast, sports among the warriors by his own splendor; the tusks in his mouth flash and gleam like lightning.

Verse 43 (padma.2.43.43)

मनुपुत्रस्तथा दृष्ट्वा कोलं च निशितैः शरैः । प्रतिभिन्नमेकैकं शस्त्राहतं च बंधुभिः

manuputrastathā dṛṣṭvā kolaṁ ca niśitaiḥ śaraiḥ pratibhinnamekaikaṁ śastrāhataṁ ca baṁdhubhiḥ

The son of Manu beheld the boar thus — pierced one by one by sharp arrows, wounded by weapons together with his kinsmen —

Verse 44 (padma.2.43.44)

नरपतिरुवाच सैन्याः किमिह न गृह्णंतु ओजसा शूराः । युध्यध्वं तत्र निशितैर्बाणैस्तीक्ष्णैरनेनापि

narapatiruvāca sainyāḥ kimiha na gṛhṇaṁtu ojasā śūrāḥ yudhyadhvaṁ tatra niśitairbāṇaistīkṣṇairanenāpi

The king said: 'O soldiers, O heroes, why do you not seize him here by your might? Fight him too with sharp, keen arrows.'

Verse 45 (padma.2.43.45)

समाकर्ण्य ततो वाक्यं क्रुद्धस्यापि महात्मनः । ततस्ते सैनिकाः सर्वे युद्धाय समुपस्थिताः

samākarṇya tato vākyaṁ kruddhasyāpi mahātmanaḥ tataste sainikāḥ sarve yuddhāya samupasthitāḥ

Hearing then the words of that enraged great soul, all those soldiers stood ready for battle.

Verse 46 (padma.2.43.46)

अनेकैर्भटसाहस्रैर्वने तं समरे स्थितम् । दिक्षु सर्वासु संहत्य बिभिदुः शूकरं रणे

anekairbhaṭasāhasrairvane taṁ samare sthitam dikṣu sarvāsu saṁhatya bibhiduḥ śūkaraṁ raṇe

With many thousands of warriors, surrounding him on every side as he stood in battle in the forest, they pierced the boar in that fray.

Verse 47 (padma.2.43.47)

विद्धश्च कैश्चित्तदा बाणजालैः सुयोधैश्च संग्रामभूमौ विशालैः । क्वचिच्चक्रघातैः क्वचिद्वज्रपातैर्हतं दुर्जयं संगरे तं महांतैः

viddhaśca kaiścittadā bāṇajālaiḥ suyodhaiśca saṁgrāmabhūmau viśālaiḥ kvaciccakraghātaiḥ kvacidvajrapātairhataṁ durjayaṁ saṁgare taṁ mahāṁtaiḥ

Wounded by the great volleys of arrows loosed by mighty warriors on that vast battlefield, struck here by discus-blows and there by thunderbolt-like strikes from the great ones, that unconquerable one was beset in the combat.

Verse 48 (padma.2.43.48)

ततः पौरुषैः क्रोधयुक्तः स कोलः सुविच्छिद्य पाशान्रणे प्रस्थितः सः । महाशूकरैः सार्धमेव प्रयातस्ततः शोणितस्यापि धाराभिषिक्तः

tataḥ pauruṣaiḥ krodhayuktaḥ sa kolaḥ suvicchidya pāśānraṇe prasthitaḥ saḥ mahāśūkaraiḥ sārdhameva prayātastataḥ śoṇitasyāpi dhārābhiṣiktaḥ

Then that boar, enraged at these assaults, tore apart the ropes and set forth once more into the fray; drenched in streams of blood, he advanced together with the great boars.

Verse 49 (padma.2.43.49)

करोति प्रहारं च तुंडेन वीरहयानां द्विपानां च चिच्छेद वीरः । स्वदंष्ट्राग्रभागेन तीक्ष्णेन वीरान्पदातीन्हि संपातयेद्रोषभावैः

karoti prahāraṁ ca tuṁḍena vīrahayānāṁ dvipānāṁ ca ciccheda vīraḥ svadaṁṣṭrāgrabhāgena tīkṣṇena vīrānpadātīnhi saṁpātayedroṣabhāvaiḥ

He struck with his snout, and that hero rent apart the valiant horses and elephants; with the sharp tip of his tusks, in his fury, he felled the foot-soldiers.

Verse 50 (padma.2.43.50)

जघानास्य शुंडं गजस्यापि रुष्टो भटान्हतान्पादनखैस्तु हृष्टः

jaghānāsya śuṁḍaṁ gajasyāpi ruṣṭo bhaṭānhatānpādanakhaistu hṛṣṭaḥ

In his fury he struck down even the elephant's trunk; and, delighted, with the claws of his feet he trampled the slain warriors.

Verse 51 (padma.2.43.51)

ततस्ते शूकराः सर्वे लुब्धकाश्च परस्परम् । युयुधुः संगरं कृत्वा क्रोधारुणविलोचनाः

tataste śūkarāḥ sarve lubdhakāśca parasparam yuyudhuḥ saṁgaraṁ kṛtvā krodhāruṇavilocanāḥ

Then all those boars and the hunters, joining battle with one another, fought on, their eyes red with fury.

Verse 52 (padma.2.43.52)

लुब्धकैश्च हताः कोलाः कोलैश्चापि सुलुब्धकाः । निहताः पतिता भूमौ क्षतजेनापि सारुणाः

lubdhakaiśca hatāḥ kolāḥ kolaiścāpi sulubdhakāḥ nihatāḥ patitā bhūmau kṣatajenāpi sāruṇāḥ

Boars were slain by hunters, and hunters too by the boars; struck down, they fell upon the ground, reddened with their own blood.

Verse 53 (padma.2.43.53)

जीवं त्यक्त्वा हताः कोलैर्लुब्धकाः पतिता रणे । मृताश्च शूकरास्तत्र श्वानः प्राणांश्च तत्यजुः

jīvaṁ tyaktvā hatāḥ kolairlubdhakāḥ patitā raṇe mṛtāśca śūkarāstatra śvānaḥ prāṇāṁśca tatyajuḥ

Slain by the boars, the hunters fell upon the battlefield, giving up their lives; boars too died there, and the hounds likewise gave up their lives.

Verse 54 (padma.2.43.54)

यत्रयत्र मृता भूमौ पतिता मृगघातकाः । बहवः शूकरा राज्ञा खड्गपातैर्निपातिताः

yatrayatra mṛtā bhūmau patitā mṛgaghātakāḥ bahavaḥ śūkarā rājñā khaḍgapātairnipātitāḥ

Wherever the hunters lay dead, fallen upon the ground, there too the king struck down many boars with blows of his sword.

Verse 55 (padma.2.43.55)

कति नष्टा हताः कोला भीता दुर्गेषु संस्थिताः । कुंजेषु कंदरांतेषु गुहांतेषु नृपोत्तम

kati naṣṭā hatāḥ kolā bhītā durgeṣu saṁsthitāḥ kuṁjeṣu kaṁdarāṁteṣu guhāṁteṣu nṛpottama

How many boars perished, how many, terrified, took refuge in fastnesses, O best of kings — in thickets, at the ends of ravines, within caves —

Verse 56 (padma.2.43.56)

लुब्धकाश्च मृताः केचिच्छिन्ना दंष्ट्राग्रसूकरैः । प्राणांस्त्यक्त्वा गताः स्वर्गं खंडशो विदलीकृताः

lubdhakāśca mṛtāḥ kecicchinnā daṁṣṭrāgrasūkaraiḥ prāṇāṁstyaktvā gatāḥ svargaṁ khaṁḍaśo vidalīkṛtāḥ

Some hunters too died, torn apart by the tips of the boars' tusks; cut to pieces, they gave up their lives and went to heaven.

Verse 57 (padma.2.43.57)

वागुराः पाशजालाश्च कुटकाः पंजरास्तथा । नाड्यश्च पतिता भूमौ यत्रतत्र समंततः

vāgurāḥ pāśajālāśca kuṭakāḥ paṁjarāstathā nāḍyaśca patitā bhūmau yatratatra samaṁtataḥ

Nets, snares, traps, and cages, and their cords too, lay scattered upon the ground, everywhere all around.

Verse 58 (padma.2.43.58)

एको दयितया सार्धं वाराहः परितिष्ठति । पौत्रकैः पंचसप्तभिर्युद्धार्थं बलदर्पितः

eko dayitayā sārdhaṁ vārāhaḥ paritiṣṭhati pautrakaiḥ paṁcasaptabhiryuddhārthaṁ baladarpitaḥ

The boar alone stood, together with his beloved and with five or seven of his grandsons, proud of his strength, still ready for battle.

Verse 59 (padma.2.43.59)

तमुवाच तदा कांतं शूकरं शूकरी पुनः । गच्छ कांत मयासार्द्धमेभिस्तु बालकैः सह

tamuvāca tadā kāṁtaṁ śūkaraṁ śūkarī punaḥ gaccha kāṁta mayāsārddhamebhistu bālakaiḥ saha

Then the boar-wife spoke again to her beloved boar: 'Come away, my love, together with me and these little ones.'

Verse 60 (padma.2.43.60)

प्राह प्रीतो वराहस्तां विवस्तां सुप्रियामिति । क्व गच्छामि प्रभग्नोहं स्थानं नास्ति महीतले

prāha prīto varāhastāṁ vivastāṁ supriyāmiti kva gacchāmi prabhagnohaṁ sthānaṁ nāsti mahītale

The boar, though pleased, said to his dear, anxious wife: 'Where shall I go? Defeated, I have no place upon this earth.'

Verse 61 (padma.2.43.61)

मयि नष्टे महाभागे कोलयूथं विनंक्ष्यति । द्वयोश्च सिंहयोर्मध्ये जलं पिबति शूकरः

mayi naṣṭe mahābhāge kolayūthaṁ vinaṁkṣyati dvayośca siṁhayormadhye jalaṁ pibati śūkaraḥ

'O blessed one, if I, the great one, perish, the whole herd of boars will perish. Does a boar ever drink water between two lions?'

Verse 62 (padma.2.43.62)

द्वयोः शूकरयोर्मध्ये सिंहो नैव पिबत्यपः । एवं शूकरजातीषु दृश्यते बलमुत्तमम्

dvayoḥ śūkarayormadhye siṁho naiva pibatyapaḥ evaṁ śūkarajātīṣu dṛśyate balamuttamam

'Nor does a lion drink water between two boars — thus even among the boar-kind supreme strength may be seen.'

Verse 63 (padma.2.43.63)

तदहं नाशयाम्येव यदा भग्नो व्रजाम्यहम् । जाने धर्मं महाभागे बहुश्रेयोविधायकम्

tadahaṁ nāśayāmyeva yadā bhagno vrajāmyaham jāne dharmaṁ mahābhāge bahuśreyovidhāyakam

'Were I to flee, defeated, I would destroy my very self. O blessed one, I know that dharma which bestows the highest good.'

Verse 64 (padma.2.43.64)

कस्माल्लोभाद्भयाद्वापि युध्यमानः प्रणश्यति । रणतीर्थं परित्यज्य सस्यात्पापी न संशयः

kasmāllobhādbhayādvāpi yudhyamānaḥ praṇaśyati raṇatīrthaṁ parityajya sasyātpāpī na saṁśayaḥ

'Whoever, while fighting, flees out of greed or fear, abandoning the tirtha of battle, becomes without doubt a sinner.'

Verse 65 (padma.2.43.65)

निशितं शस्त्रसंव्यूहं दृष्ट्वा हर्षं प्रगच्छति । अवगाह्यामरीं सिंधुं तीर्थपारं प्रगच्छति

niśitaṁ śastrasaṁvyūhaṁ dṛṣṭvā harṣaṁ pragacchati avagāhyāmarīṁ siṁdhuṁ tīrthapāraṁ pragacchati

'Seeing the sharp array of weapons, a warrior attains joy — as though, plunging into the celestial river, he had crossed to the far shore of that tirtha.'

Verse 66 (padma.2.43.66)

स याति वैष्णवं लोकं पुरुषांश्च समुद्धरेत् । समायांतं च तदहं कथं भग्नो व्रजामि वै

sa yāti vaiṣṇavaṁ lokaṁ puruṣāṁśca samuddharet samāyāṁtaṁ ca tadahaṁ kathaṁ bhagno vrajāmi vai

'He goes to Vishnu's own realm, and redeems his kinsmen besides. Now that this battle has come before me, how could I flee, defeated?'

Verse 67 (padma.2.43.67)

योधनं शस्त्रसंकीर्णं प्रवीरानन्ददायकम् । दृष्ट्वा प्रयाति संहृष्टस्तस्य पुण्यफलं शृणु

yodhanaṁ śastrasaṁkīrṇaṁ pravīrānandadāyakam dṛṣṭvā prayāti saṁhṛṣṭastasya puṇyaphalaṁ śṛṇu

'Hear the fruit of merit belonging to one who, beholding a battlefield strewn with weapons, a joy to great heroes, advances rejoicing.'

Verse 68 (padma.2.43.68)

पदेपदे महत्स्नानं भागीरथ्याः प्रजायते । रणाद्भग्नो गृहं याति यो लोभाच्च प्रिये शृणु

padepade mahatsnānaṁ bhāgīrathyāḥ prajāyate raṇādbhagno gṛhaṁ yāti yo lobhācca priye śṛṇu

'At every step in battle there arises the merit of a great bathing in the Bhagirathi. But hear too, my dear, of one who out of greed flees the battle for home.'

Verse 69 (padma.2.43.69)

मातृदोषं प्रकाशेत स्त्रीजातः परिकथ्यते । अत्र यज्ञाश्च तीर्थाश्च अत्र देवा महौजसः

mātṛdoṣaṁ prakāśeta strījātaḥ parikathyate atra yajñāśca tīrthāśca atra devā mahaujasaḥ

'He reveals thereby his own mother's fault, and is spoken of as merely woman-born. Here are the sacrifices, here the sacred tirthas, here the gods of great splendor.'

Verse 70 (padma.2.43.70)

पश्यंति कौतुकं कांते मुनयः सिद्धचारणाः । त्रैलोक्यं वर्तते तत्र यत्र वीरप्रकाशनम्

paśyaṁti kautukaṁ kāṁte munayaḥ siddhacāraṇāḥ trailokyaṁ vartate tatra yatra vīraprakāśanam

'Sages, siddhas and charanas, my dear, watch this spectacle with wonder. The three worlds themselves abide wherever heroism is displayed.'

Verse 71 (padma.2.43.71)

समराद्भग्नं प्रपश्यंति सर्वे त्रैलोक्यवासिनः । शपंति निर्घृणं पापं प्रहसन्ति पुनःपुनः

samarādbhagnaṁ prapaśyaṁti sarve trailokyavāsinaḥ śapaṁti nirghṛṇaṁ pāpaṁ prahasanti punaḥpunaḥ

'All the dwellers of the three worlds behold the one who flees from battle; they curse that merciless sinner and laugh at him again and again.'

Verse 72 (padma.2.43.72)

दुर्गतिं दर्शयेत्तस्य धर्मराजो न संशयः । सम्मुखः समरे युद्धे स्वशिरः शोणितं पिबेत्

durgatiṁ darśayettasya dharmarājo na saṁśayaḥ sammukhaḥ samare yuddhe svaśiraḥ śoṇitaṁ pibet

'Dharmaraja shows him a wretched fate without doubt. But one who faces battle boldly, ready even to drink his own blood —'

Verse 73 (padma.2.43.73)

अश्वमेधफलं भुंक्ते इंद्रलोकं प्रगच्छति । यदा जयति संग्रामे शत्रूञ्छूरो वरानने

aśvamedhaphalaṁ bhuṁkte iṁdralokaṁ pragacchati yadā jayati saṁgrāme śatrūñchūro varānane

'—enjoys the fruit of the Ashvamedha and attains Indra's realm, whenever that hero conquers his enemies in battle, O fair-faced one.'

Verse 74 (padma.2.43.74)

तदा प्रभुंजते लक्ष्मीं नानाभोगान्न संशयः । यदा तत्र त्यजेत्प्राणान्सम्मुखः सन्निराश्रयः

tadā prabhuṁjate lakṣmīṁ nānābhogānna saṁśayaḥ yadā tatra tyajetprāṇānsammukhaḥ sannirāśrayaḥ

'then he surely enjoys fortune and manifold delights; and if there, facing his foe without any refuge, he gives up his life —'

Verse 75 (padma.2.43.75)

स गच्छेत्परमं स्थानं देवकन्यां प्रभुंजते । एवं धर्मं विजानामि कथं भग्नो व्रजाम्यहम्

sa gacchetparamaṁ sthānaṁ devakanyāṁ prabhuṁjate evaṁ dharmaṁ vijānāmi kathaṁ bhagno vrajāmyaham

'—he goes to the supreme abode and enjoys celestial maidens. Thus I know this dharma — how then could I go away defeated?'

Verse 76 (padma.2.43.76)

अनेन समरे युद्धं करिष्ये नात्र संशयः । मनोः पुत्रेण धीरेण राज्ञा इक्ष्वाकुणा सह

anena samare yuddhaṁ kariṣye nātra saṁśayaḥ manoḥ putreṇa dhīreṇa rājñā ikṣvākuṇā saha

'I shall wage battle in this fray, without doubt, with the steadfast king Ikshvaku, son of Manu.'

Verse 77 (padma.2.43.77)

डिंभान्गृहीत्वा याहि त्वं सुखं जीव वरानने । तस्य श्रुत्वा वचः प्राह बद्धाहं तव बंधनैः

ḍiṁbhāngṛhītvā yāhi tvaṁ sukhaṁ jīva varānane tasya śrutvā vacaḥ prāha baddhāhaṁ tava baṁdhanaiḥ

'Take our children and go, O fair one, and live happily.' Hearing his words, she replied: 'I am bound by your very own bonds.'

Verse 78 (padma.2.43.78)

स्नेहमानरसाख्यैश्च रतिक्रीडनकैः प्रिय । पुरतस्ते सुतैः सार्द्धं प्राणांस्त्यक्ष्यामि मानद

snehamānarasākhyaiśca ratikrīḍanakaiḥ priya purataste sutaiḥ sārddhaṁ prāṇāṁstyakṣyāmi mānada

'—by ties called love, esteem, and the sweetness of playful union, O beloved. In your very presence, together with our children, O giver of honor, I too shall give up my life.'

Verse 79 (padma.2.43.79)

एवमेतौ सुसंभाष्य परस्परहितैषिणौ । युद्धाय निश्चितौ भूत्वा समालोकयतो रिपून्

evametau susaṁbhāṣya parasparahitaiṣiṇau yuddhāya niścitau bhūtvā samālokayato ripūn

Thus the two of them, each wishing the other's good, having spoken well together and resolved upon battle, looked upon their foes.

Verse 80 (padma.2.43.80)

कोशलाधिपतिं वीरं तमिक्ष्वाकुं महामतिम्

kośalādhipatiṁ vīraṁ tamikṣvākuṁ mahāmatim

— at the valiant lord of Kosala, that wise Ikshvaku.

Verse 81 (padma.2.43.81)

यथैव मेघः परिगर्जते दिवि प्रावृट्सुकालेषु तडित्प्रकाशैः । तथैव संगर्जति कांतया समं समाह्वयेद्राजवरं खुराग्रैः

yathaiva meghaḥ parigarjate divi prāvṛṭsukāleṣu taḍitprakāśaiḥ tathaiva saṁgarjati kāṁtayā samaṁ samāhvayedrājavaraṁ khurāgraiḥ

Just as a cloud roars in the sky during the rains, flashing with lightning, so too the boar roared together with his mate, and with the tips of his hooves he challenged that finest of kings.

Verse 82 (padma.2.43.82)

तं गर्जमानं ददृशे महात्मा वाराहमेकं पुरुषार्थयुक्तम् । ससार अश्वस्य जवेनयुक्तः ससम्मुखं तस्य नृवीरधीरः

taṁ garjamānaṁ dadṛśe mahātmā vārāhamekaṁ puruṣārthayuktam sasāra aśvasya javenayuktaḥ sasammukhaṁ tasya nṛvīradhīraḥ

The great-souled king beheld him roaring — that boar, alone yet endowed with manly valor; and that steadfast hero among men charged forward to meet him with the speed of his horse.