The Curse of the Singing Gandharva

Verse 1 (padma.2.46.1)

सुकलोवाच- श्वसंतीं शूकरीं दृष्ट्वा पतितां पुत्रवत्सलाम् । सुदेवावकृपयाविष्टा गत्वा तां दुःखितां प्रति

sukalovāca- śvasaṁtīṁ śūkarīṁ dṛṣṭvā patitāṁ putravatsalām sudevāvakṛpayāviṣṭā gatvā tāṁ duḥkhitāṁ prati

Sukala said: Seeing the boar-wife, fallen and gasping, so devoted to her son, Sudeva, moved with compassion, went to that suffering one.

Verse 2 (padma.2.46.2)

अभिषिच्य मुखं तस्याः शीतलेनोदकेन च । पुनः सर्वांगमेवापि दुःखितां रणशालिनीम्

abhiṣicya mukhaṁ tasyāḥ śītalenodakena ca punaḥ sarvāṁgamevāpi duḥkhitāṁ raṇaśālinīm

She sprinkled her face with cool water, and then her whole body too, that grieving one who had shone so bravely in battle.

Verse 3 (padma.2.46.3)

पुण्येन शीततोयेन सा उवाचाभिषिंचतीम् । उवाच मानुषीं वाचं सुस्वरं नृपतिप्रियाम्

puṇyena śītatoyena sā uvācābhiṣiṁcatīm uvāca mānuṣīṁ vācaṁ susvaraṁ nṛpatipriyām

As she sprinkled her with that blessed cool water, the boar-wife spoke to her, the king's beloved, in a sweet voice — with human speech.

Verse 4 (padma.2.46.4)

सुखं भवतु ते देवि अभिषिक्ता त्वया यदि । संपर्काद्दर्शनात्तेद्य गतो मे पापसंचयः

sukhaṁ bhavatu te devi abhiṣiktā tvayā yadi saṁparkāddarśanāttedya gato me pāpasaṁcayaḥ

'May happiness be yours, O queen, since you have sprinkled me thus. By your very touch and sight today, the mass of my sins has departed.'

Verse 5 (padma.2.46.5)

तदाकर्ण्य महद्वाक्यमद्भुताकारसंयुतम् । चित्रमेतन्मया दृष्टं कृतं तेऽनामयं वचः

tadākarṇya mahadvākyamadbhutākārasaṁyutam citrametanmayā dṛṣṭaṁ kṛtaṁ te'nāmayaṁ vacaḥ

Hearing that great utterance, so strange in form, the queen thought: 'Wondrous is this that I have seen — what flawless speech you have spoken.'

Verse 6 (padma.2.46.6)

पशुजातिमतीचेयं सौष्ठवं भाषते स्फुटम् । स्वरव्यंजनसंपन्नं संस्कृतमुत्तमं मम

paśujātimatīceyaṁ sauṣṭhavaṁ bhāṣate sphuṭam svaravyaṁjanasaṁpannaṁ saṁskṛtamuttamaṁ mama

'Though born of animal kind, she speaks with such elegance and clarity — perfect in vowel and consonant, in the finest Sanskrit, to me.'

Verse 7 (padma.2.46.7)

हर्षेण विस्मयेनापि कृत्वा साहसमुत्तमम् । तत्रस्था सा महाभागा तं पतिं वाक्यमब्रवीत्

harṣeṇa vismayenāpi kṛtvā sāhasamuttamam tatrasthā sā mahābhāgā taṁ patiṁ vākyamabravīt

Filled with joy and astonishment, and gathering great courage, that blessed queen, standing there, spoke thus to her husband —

Verse 8 (padma.2.46.8)

पश्य राजन्नपूर्वेयं संस्कृतं भाषते महत् । पशुयोनिगता चेयं यथा वै मानुषो वदेत्

paśya rājannapūrveyaṁ saṁskṛtaṁ bhāṣate mahat paśuyonigatā ceyaṁ yathā vai mānuṣo vadet

'See, O king, how unprecedented — she speaks great Sanskrit, though born in an animal womb, just as a human would speak!'

Verse 9 (padma.2.46.9)

तदाकर्ण्य ततो राजा सर्वज्ञानवतां वरः । अद्भुतमद्भुताकारं यन्न दृष्टं श्रुतं मया

tadākarṇya tato rājā sarvajñānavatāṁ varaḥ adbhutamadbhutākāraṁ yanna dṛṣṭaṁ śrutaṁ mayā

Hearing this, the king, foremost among the wise, said: 'This is a wonder of most wondrous form — such as I have never before seen or heard.'

Verse 10 (padma.2.46.10)

तामुवाच ततो राजा सुदेवां सुप्रियां तदा । पृच्छ चैनां शुभां कांते का चेयं तु भविष्यति

tāmuvāca tato rājā sudevāṁ supriyāṁ tadā pṛccha caināṁ śubhāṁ kāṁte kā ceyaṁ tu bhaviṣyati

Then the king spoke to his beloved Sudeva: 'Ask her, my auspicious dear — who is she, and what will become of her?'

Verse 11 (padma.2.46.11)

श्रुत्वा तु नृपतेर्वाक्यं सा पप्रच्छ च सूकरीम् । का भविष्यसि त्वं भद्रे चित्रं ते दृश्यते बहु

śrutvā tu nṛpatervākyaṁ sā papraccha ca sūkarīm kā bhaviṣyasi tvaṁ bhadre citraṁ te dṛśyate bahu

Hearing the king's words, she asked the boar-wife: 'Who are you, gentle one? Much that is wondrous is seen in you.'

Verse 12 (padma.2.46.12)

पशुयोनिगता त्वं वै भाषसे मानुषं वचः । सौष्ठवं ज्ञानसंपन्नं वद मे पूर्वचेष्टितम्

paśuyonigatā tvaṁ vai bhāṣase mānuṣaṁ vacaḥ sauṣṭhavaṁ jñānasaṁpannaṁ vada me pūrvaceṣṭitam

'Though born of animal womb, you speak human speech, elegant and full of wisdom. Tell me of your past deeds.'

Verse 13 (padma.2.46.13)

भर्तुश्चापि महाराज भटस्यास्य महात्मनः । कोयं धर्मो महावीर्यो गतः स्वर्गं पराक्रमैः

bhartuścāpi mahārāja bhaṭasyāsya mahātmanaḥ koyaṁ dharmo mahāvīryo gataḥ svargaṁ parākramaiḥ

'And of your husband too, this great-souled warrior of such valor, O great king, who by his prowess has gone to heaven — what dharma was his?'

Verse 14 (padma.2.46.14)

आत्मनश्च स्वभर्तुश्च सर्वं पूर्वानुगं वद । एवमुक्त्वा महाभागा विरराम नृपप्रिया

ātmanaśca svabhartuśca sarvaṁ pūrvānugaṁ vada evamuktvā mahābhāgā virarāma nṛpapriyā

'Tell me everything of your own past and your husband's, from the beginning.' Having thus spoken, the blessed beloved of the king fell silent.

Verse 15 (padma.2.46.15)

शूकर्युवाच- यदि पृच्छसि मां भद्रे ममास्य च महात्मनः । तत्सर्वं ते प्रवक्ष्यामि चरितं पूर्वचेष्टितम्

śūkaryuvāca- yadi pṛcchasi māṁ bhadre mamāsya ca mahātmanaḥ tatsarvaṁ te pravakṣyāmi caritaṁ pūrvaceṣṭitam

The boar-wife said: 'Since you ask me, gentle one, of my own and this great soul's past life and deeds, I shall tell you all of it.'

Verse 16 (padma.2.46.16)

अयमेष महाप्राज्ञो गंधर्वो गीतपंडितः । रंगविद्याधरो नाम सर्वशास्त्रार्थकोविदः

ayameṣa mahāprājño gaṁdharvo gītapaṁḍitaḥ raṁgavidyādharo nāma sarvaśāstrārthakovidaḥ

'This one here was a most wise Gandharva, a master of song, named Rangavidyadhara, learned in the meaning of every scripture.'

Verse 17 (padma.2.46.17)

मेरुं गिरिवरश्रेष्ठं चारुकंदरनिर्झरम् । तमाश्रित्य महातेजाः पुलस्त्यो मुनिसत्तमः

meruṁ girivaraśreṣṭhaṁ cārukaṁdaranirjharam tamāśritya mahātejāḥ pulastyo munisattamaḥ

'Taking refuge upon Meru, that finest of mountains with its lovely ravines and waterfalls, the greatly resplendent Pulastya, best among sages —'

Verse 18 (padma.2.46.18)

तपश्चचार तेजस्वी निर्व्यलीकेन चेतसा । विद्याधरस्तत्र गतः स्वेच्छया स महाप्रभो

tapaścacāra tejasvī nirvyalīkena cetasā vidyādharastatra gataḥ svecchayā sa mahāprabho

'—practiced austerity there with a sincere, guileless mind. That mighty vidyadhara, too, had gone there of his own will.'

Verse 19 (padma.2.46.19)

तमाश्रित्य गिरिश्रेष्ठं गीतमभ्यसते तदा । स्वरतालसमोपेतं सुस्वरं चारुहासिनि

tamāśritya giriśreṣṭhaṁ gītamabhyasate tadā svaratālasamopetaṁ susvaraṁ cāruhāsini

'Taking that finest of mountains as his own retreat, he practiced his singing there, with fine melody, perfect in note and rhythm, O lovely-smiling one.'

Verse 20 (padma.2.46.20)

गीतं श्रुत्वा मुनिस्तस्य ध्यानाच्चलितमानसः । गायंतं तमुवाचेदं गीतविद्याधरं प्रति

gītaṁ śrutvā munistasya dhyānāccalitamānasaḥ gāyaṁtaṁ tamuvācedaṁ gītavidyādharaṁ prati

'Hearing his song, the sage's mind wandered from his meditation; he spoke thus to that singing Gitavidyadhara —'

Verse 21 (padma.2.46.21)

भवद्गीतेन दिव्येन देवा मुह्यंति नान्यथा । सुस्वरेण सुपुण्येन तालमानेन पंडित

bhavadgītena divyena devā muhyaṁti nānyathā susvareṇa supuṇyena tālamānena paṁḍita

'By this divine song of yours even the gods would be enchanted, without doubt — by its sweet, blessed sound and its measured rhythm, O learned one.'

Verse 22 (padma.2.46.22)

लययुक्तेन भावेन मूर्च्छना सहितेन च । मे मनश्चलितं ध्यानाद्गीतेनानेन सुव्रत

layayuktena bhāvena mūrcchanā sahitena ca me manaścalitaṁ dhyānādgītenānena suvrata

'With its rhythm, its feeling, and its melodic modulation — by this song, O one of good vows, my mind has wandered from meditation.'

Verse 23 (padma.2.46.23)

इदं स्थानं परित्यज्य अन्यस्थानं व्रजस्व तत् । गीतविद्याधर उवाच- आत्मज्ञानसमं गीतमन्यस्थानं व्रजामि किम्

idaṁ sthānaṁ parityajya anyasthānaṁ vrajasva tat gītavidyādhara uvāca- ātmajñānasamaṁ gītamanyasthānaṁ vrajāmi kim

'Leave this place, and go to some other place.' The Gitavidyadhara said: 'Song is equal to self-knowledge — why should I go elsewhere?'

Verse 24 (padma.2.46.24)

दुःखं ददे न कस्यापि सुखदो नृषु सर्वदा । गीतेनानेन दिव्येन सर्वास्तुष्यंति देवताः

duḥkhaṁ dade na kasyāpi sukhado nṛṣu sarvadā gītenānena divyena sarvāstuṣyaṁti devatāḥ

'It gives sorrow to none; it ever gives joy to men. By this divine song, all the gods are pleased.'

Verse 25 (padma.2.46.25)

शंभुश्चापि समानीतो गीतध्वनिरतो द्विज । गीतं सर्वरसं प्रोक्तं गीतमानंददायकम्

śaṁbhuścāpi samānīto gītadhvanirato dvija gītaṁ sarvarasaṁ proktaṁ gītamānaṁdadāyakam

'Even Shambhu is drawn near, delighting in the sound of song, O brahmin. Song is declared to hold every rasa; song is the giver of bliss.'

Verse 26 (padma.2.46.26)

शृंगाराद्यारसाः सर्वे गीतेनापि प्रतिष्ठिताः । शोभामायांति गीतेन वेदाश्चत्वार उत्तमाः

śṛṁgārādyārasāḥ sarve gītenāpi pratiṣṭhitāḥ śobhāmāyāṁti gītena vedāścatvāra uttamāḥ

'All the rasas beginning with shringara are established through song; and even the four supreme Vedas gain their beauty through song.'

Verse 27 (padma.2.46.27)

गीतेन देवताः सर्वास्तोषमायांति नान्यथा । तदेवं निन्दसे गीतं मामेवं परिचालयेः

gītena devatāḥ sarvāstoṣamāyāṁti nānyathā tadevaṁ nindase gītaṁ māmevaṁ paricālayeḥ

'By song alone, without doubt, all the gods attain satisfaction. Why then do you condemn song thus and try to make me leave?'

Verse 28 (padma.2.46.28)

अन्यायोऽयं महाभाग तवैव इह दृश्यते । पुलस्त्य उवाच- सत्यमुक्तं त्वयाद्यैव गीतार्थं बहुपुण्यदम्

anyāyo'yaṁ mahābhāga tavaiva iha dṛśyate pulastya uvāca- satyamuktaṁ tvayādyaiva gītārthaṁ bahupuṇyadam

'This is unjust of you, O honored one, as is seen here.' Pulastya said: 'What you have said today about song's great merit is true.'

Verse 29 (padma.2.46.29)

शृणु त्वं मामकं वाक्यं मानं त्यज महामते । नाहं गीतं प्रकुत्सामि गीतं वंदामि नान्यथा

śṛṇu tvaṁ māmakaṁ vākyaṁ mānaṁ tyaja mahāmate nāhaṁ gītaṁ prakutsāmi gītaṁ vaṁdāmi nānyathā

'Listen now to my words, and set aside your pride, O wise one. I do not condemn song — indeed I revere song, and nothing else.'

Verse 30 (padma.2.46.30)

विद्याश्चतुर्दशैवैता एकीभावेन भावदाः । प्राणिनां सिद्धिमायांति मनसा निश्चलेन च

vidyāścaturdaśaivaitā ekībhāvena bhāvadāḥ prāṇināṁ siddhimāyāṁti manasā niścalena ca

'These fourteen sciences, when unified in essence, bestow their true nature; beings attain accomplishment through them only with a still, unwavering mind.'

Verse 31 (padma.2.46.31)

तपश्च तद्वन्मंत्राश्च सुसिद्ध्यंत्येकचिंतया । हृषीकाणां महावर्गश्चपलो मम संमतः

tapaśca tadvanmaṁtrāśca susiddhyaṁtyekaciṁtayā hṛṣīkāṇāṁ mahāvargaścapalo mama saṁmataḥ

'So too austerity and mantras succeed only through single-pointed thought. The great host of the senses, in my view, is ever fickle.'

Verse 32 (padma.2.46.32)

विषयेष्वेव सर्वेषु नयत्यात्मानमुच्चकैः । चालयित्वा मनस्तस्माद्ध्यानादेव न संशयः

viṣayeṣveva sarveṣu nayatyātmānamuccakaiḥ cālayitvā manastasmāddhyānādeva na saṁśayaḥ

'It ever drags the self headlong into every sense-object, shaking the mind away thereby from meditation, without doubt.'

Verse 33 (padma.2.46.33)

यत्र शब्दं न रूपं च युवती नैव तिष्ठति । मुनयस्तत्र गच्छंति तपःसिद्ध्यर्थमेव हि

yatra śabdaṁ na rūpaṁ ca yuvatī naiva tiṣṭhati munayastatra gacchaṁti tapaḥsiddhyarthameva hi

'Sages go only to a place where there is no sound, no form, and no young woman present — for the sake of accomplishing their austerity.'

Verse 34 (padma.2.46.34)

अयं गीतः पवित्रस्ते बहुसौख्यप्रदायकः । न पश्येम वयं वीर तिष्ठामो वनसंस्थिताः

ayaṁ gītaḥ pavitraste bahusaukhyapradāyakaḥ na paśyema vayaṁ vīra tiṣṭhāmo vanasaṁsthitāḥ

'This song of yours is pure and gives much delight, O hero — yet we, dwelling here in the forest, would rather not experience it at all.'

Verse 35 (padma.2.46.35)

अन्यत्स्थानं प्रयाहि त्वं नोवा वयं व्रजामहे । गीतविधाधर उवाच- इंद्रियाणां बलं वर्गं जितं येन महात्मना

anyatsthānaṁ prayāhi tvaṁ novā vayaṁ vrajāmahe gītavidhādhara uvāca- iṁdriyāṇāṁ balaṁ vargaṁ jitaṁ yena mahātmanā

'Go you to another place, or else we ourselves shall go.' The Gitavidyadhara said: 'That great soul by whom the strength and host of the senses has been conquered —'

Verse 36 (padma.2.46.36)

स जयी कथ्यते योगी स च वीरः ससाधकः । शब्दं श्रुत्वाथ वा दृष्ट्वा रूपमेवं महामते

sa jayī kathyate yogī sa ca vīraḥ sasādhakaḥ śabdaṁ śrutvātha vā dṛṣṭvā rūpamevaṁ mahāmate

'—he alone is called a victorious yogi, a true hero and accomplished one. But merely on hearing a sound or seeing a form, O wise one —'

Verse 37 (padma.2.46.37)

चलते नैव यो ध्यानात्स धीरस्तपसाधकः । भवांस्तु तेजसा हीन इंद्रियैर्विजितो यतः

calate naiva yo dhyānātsa dhīrastapasādhakaḥ bhavāṁstu tejasā hīna iṁdriyairvijito yataḥ

'—one whose meditation does not waver at all, he alone is the steadfast, true practitioner of austerity. But you, conquered by your own senses, are lacking in that power.'

Verse 38 (padma.2.46.38)

स्वर्गेपि नास्ति सामर्थ्यं मम गीतस्य धर्षणे । वर्जयंति वनं सर्वे हीनवीर्या न संशयः

svargepi nāsti sāmarthyaṁ mama gītasya dharṣaṇe varjayaṁti vanaṁ sarve hīnavīryā na saṁśayaḥ

'Not even in heaven is there power to overcome my song. Only those lacking true strength abandon the forest for it, without doubt.'

Verse 39 (padma.2.46.39)

अयं साधारणो विप्र वनदेशो न संशयः । देवानां सर्वजीवानां यथा मम तथा तव

ayaṁ sādhāraṇo vipra vanadeśo na saṁśayaḥ devānāṁ sarvajīvānāṁ yathā mama tathā tava

'This forest region, O brahmin, is common to all, without doubt — as it belongs to the gods and to every living being, so it is equally mine and yours.'

Verse 40 (padma.2.46.40)

कथं गच्छाम्यहं त्यक्त्वा वनमेवमनुत्तमम् । यूयं गच्छंतु तिष्ठंतु यद्भव्यं तत्तु नान्यथा

kathaṁ gacchāmyahaṁ tyaktvā vanamevamanuttamam yūyaṁ gacchaṁtu tiṣṭhaṁtu yadbhavyaṁ tattu nānyathā

'How then should I leave this most excellent forest and go elsewhere? You may go or stay, whatever seems good to you — nothing else.'

Verse 41 (padma.2.46.41)

एवमाभाष्य तं विप्रं गीतविद्याधरस्तदा । समाकर्ण्य ततस्तेन मुनिना तस्य उत्तरम्

evamābhāṣya taṁ vipraṁ gītavidyādharastadā samākarṇya tatastena muninā tasya uttaram

Having thus spoken to that brahmin, the Gitavidyadhara fell silent; and the sage, having heard his reply —

Verse 42 (padma.2.46.42)

चिंतयामास मेधावी किं कृत्वा सुकृतं भवेत् । क्षमां कृत्वा जगामाथ अन्यत्स्थानं द्विजोत्तमः

ciṁtayāmāsa medhāvī kiṁ kṛtvā sukṛtaṁ bhavet kṣamāṁ kṛtvā jagāmātha anyatsthānaṁ dvijottamaḥ

—that wise one pondered what good action he should take; and, exercising forbearance, that foremost of brahmins went then to another place.

Verse 43 (padma.2.46.43)

तपश्चचार धर्मात्मा योगासनगतः सदा । कामं क्रोधं परित्यज्य मोहं लोभं तथैव च

tapaścacāra dharmātmā yogāsanagataḥ sadā kāmaṁ krodhaṁ parityajya mohaṁ lobhaṁ tathaiva ca

That righteous soul performed austerity there, ever seated in yogic posture, having abandoned desire and anger, and delusion and greed as well.

Verse 44 (padma.2.46.44)

सर्वेन्द्रियाणि संयम्य मनसा सममेव च । एवं स्थितस्तदा योगी पुलस्त्यो मुनिसत्तमः

sarvendriyāṇi saṁyamya manasā samameva ca evaṁ sthitastadā yogī pulastyo munisattamaḥ

Restraining all his senses together with his mind, thus that yogi Pulastya, foremost among sages, remained established.

Verse 45 (padma.2.46.45)

सुकलोवाच- गते तस्मिन्महाभागे पुलस्त्ये मुनिपुंगवे । कालादिष्टेन तेनापि गीतविद्याधरेण च

sukalovāca- gate tasminmahābhāge pulastye munipuṁgave kālādiṣṭena tenāpi gītavidyādhareṇa ca

Sukala said: When that blessed and eminent sage Pulastya had gone, the Gitavidyadhara too, prompted by time —

Verse 46 (padma.2.46.46)

चिंतितं सुचिरं कालं न दृष्टोयं भयान्मम । क्व गतस्तिष्ठते वापि कुरुते किं कथं च सः

ciṁtitaṁ suciraṁ kālaṁ na dṛṣṭoyaṁ bhayānmama kva gatastiṣṭhate vāpi kurute kiṁ kathaṁ ca saḥ

—thought for a long while: 'He has not been seen, for fear of me; where has he gone, or does he still remain, and what, and how, is he doing?'

Verse 47 (padma.2.46.47)

ज्ञात्वा पद्मात्मजसुतमेकांतवनशालिनम् । गतो वराहरूपेण तस्याश्रममनुत्तमम्

jñātvā padmātmajasutamekāṁtavanaśālinam gato varāharūpeṇa tasyāśramamanuttamam

Learning that the sage dwelt in a solitary forest, he went in the form of a boar to that excellent hermitage.

Verse 48 (padma.2.46.48)

आसनस्थं महात्मानं तेजोज्वालासमाविलम् । दृष्ट्वा चकार वै क्षोभं तस्य विप्रस्य भामिनि

āsanasthaṁ mahātmānaṁ tejojvālāsamāvilam dṛṣṭvā cakāra vai kṣobhaṁ tasya viprasya bhāmini

Seeing that great soul seated in meditation, glowing as if wreathed in flames of splendor, he, O lovely one, set about disturbing that brahmin.

Verse 49 (padma.2.46.49)

धर्षयेन्नियतं विप्रं तुंडाग्रेण कुचेष्टया । पशुं ज्ञात्वा महाराज क्षमते तस्य दुष्कृतम्

dharṣayenniyataṁ vipraṁ tuṁḍāgreṇa kuceṣṭayā paśuṁ jñātvā mahārāja kṣamate tasya duṣkṛtam

With the tip of his snout and unruly antics, he kept troubling the steadfast brahmin; but, O great king, taking him for a mere animal, the sage forgave his misdeeds.

Verse 50 (padma.2.46.50)

मूत्रयेत्पुरतः कृत्वा विष्ठां च कुरुते ततः । नृत्यते क्रीडते तत्र पतति प्रोच्चलेत्पुनः

mūtrayetpurataḥ kṛtvā viṣṭhāṁ ca kurute tataḥ nṛtyate krīḍate tatra patati proccaletpunaḥ

He would urinate right before him, and pass excrement there; he would dance and play about, fall down and leap up again.

Verse 51 (padma.2.46.51)

पशुं ज्ञात्वा परित्यक्तो मुनिना तेन भूपते । एकदा तु तथायाते तेन रूपेण वै पुनः

paśuṁ jñātvā parityakto muninā tena bhūpate ekadā tu tathāyāte tena rūpeṇa vai punaḥ

Taking him for an animal, that sage let him be, O king. But one day, when he came again in that same form —

Verse 52 (padma.2.46.52)

अट्टाट्टहासेन पुनर्हास्यमेवं कृतं तदा । रोदनं च कृतं तत्र गीतं गायति सुस्वरम्

aṭṭāṭṭahāsena punarhāsyamevaṁ kṛtaṁ tadā rodanaṁ ca kṛtaṁ tatra gītaṁ gāyati susvaram

—with loud and repeated peals of laughter he laughed; and then he wept there too, and sang a song in a sweet voice.

Verse 53 (padma.2.46.53)

तथा तमागतं विप्रो गीतविद्याधरं नृप । चेष्टितं तस्य वै दृष्ट्वा घोणिरेष भवेन्नहि

tathā tamāgataṁ vipro gītavidyādharaṁ nṛpa ceṣṭitaṁ tasya vai dṛṣṭvā ghoṇireṣa bhavennahi

O king, seeing the antics of that Gitavidyadhara who had come thus, the brahmin realized: 'This cannot be a mere boar.'

Verse 54 (padma.2.46.54)

ज्ञात्वा तस्य तु वृत्तांतं मामेवं परिचालयेत् । पशुं ज्ञात्वा मया त्यक्तो दुष्ट एष सुनिर्घृणः

jñātvā tasya tu vṛttāṁtaṁ māmevaṁ paricālayet paśuṁ jñātvā mayā tyakto duṣṭa eṣa sunirghṛṇaḥ

'Now I understand his purpose — he means to unsettle me thus. Taking him for an animal I let him be, but this wicked one is utterly without mercy.'

Verse 55 (padma.2.46.55)

एवं ज्ञात्वा महात्मानं गंधर्वाधममेव हि । चुकोप मुनिशार्दूलस्तं शशाप महामतिः

evaṁ jñātvā mahātmānaṁ gaṁdharvādhamameva hi cukopa muniśārdūlastaṁ śaśāpa mahāmatiḥ

Knowing thus that this was indeed that lowly Gandharva in disguise, the tiger among sages, that wise one, grew wrathful and cursed him.

Verse 56 (padma.2.46.56)

यस्माच्छूकररूपेण मामेवं परिचालयेः । तस्माद्व्रज महापाप पापयोनिं तु शौकरीम्

yasmācchūkararūpeṇa māmevaṁ paricālayeḥ tasmādvraja mahāpāpa pāpayoniṁ tu śaukarīm

'Since in the form of a boar you have thus disturbed me, therefore, O great sinner, go to the sinful womb of a boar.'

Verse 57 (padma.2.46.57)

शप्तस्तेनापि विप्रेण गतो देवं पुरंदरम् । तमुवाच महात्मानं कंपमानो वरानने

śaptastenāpi vipreṇa gato devaṁ puraṁdaram tamuvāca mahātmānaṁ kaṁpamāno varānane

Cursed by that brahmin, he went to the god Purandara; trembling, he spoke thus to that great one, O fair-faced one.

Verse 58 (padma.2.46.58)

शृणु वाक्यं सहस्राक्ष तव कार्यं कृतं मया । तप एव हि कुर्वन्सन्दारुणं मुनिपुंगवः

śṛṇu vākyaṁ sahasrākṣa tava kāryaṁ kṛtaṁ mayā tapa eva hi kurvansandāruṇaṁ munipuṁgavaḥ

'Hear my words, O thousand-eyed one — I did this deed for your sake; while that foremost of sages was performing severe austerity —'

Verse 59 (padma.2.46.59)

तस्मात्तपःप्रभावात्तु चालितः क्षोभितो मया । शप्तस्तेनास्मि विप्रेण देवरूपं प्रणाशितम्

tasmāttapaḥprabhāvāttu cālitaḥ kṣobhito mayā śaptastenāsmi vipreṇa devarūpaṁ praṇāśitam

'—I disturbed and shook him from the power of his austerity; and by that brahmin I have been cursed, my divine form destroyed.'

Verse 60 (padma.2.46.60)

पशुयोनिं गतं शक्र मामेवं परिरक्षय । ज्ञात्वा तस्य स वृत्तांतं गीतविद्याधरस्य च

paśuyoniṁ gataṁ śakra māmevaṁ parirakṣaya jñātvā tasya sa vṛttāṁtaṁ gītavidyādharasya ca

'O Shakra, I am now bound for an animal womb — protect me thus.' Having heard this whole account of the Gitavidyadhara —

Verse 61 (padma.2.46.61)

तेन सार्धंगतश्चेंद्रस्तं मुनिं पर्यभाषत । दीयतामनुग्रहो नाथ सिद्धिज्ञोसि द्विजोत्तम

tena sārdhaṁgataśceṁdrastaṁ muniṁ paryabhāṣata dīyatāmanugraho nātha siddhijñosi dvijottama

—Indra went together with him and addressed that sage: 'Grant your grace, O lord; you know the way to accomplishment, O foremost brahmin.'

Verse 62 (padma.2.46.62)

क्षम्यतां मुनिवर्यास्मिन्क्रियतां शापमोक्षणम् । इति संप्रार्थितो विप्रो महेंद्रेणाह हृष्टधीः

kṣamyatāṁ munivaryāsminkriyatāṁ śāpamokṣaṇam iti saṁprārthito vipro maheṁdreṇāha hṛṣṭadhīḥ

'Forgive him, O best of sages; grant him release from your curse.' Thus entreated by great Indra, the brahmin, glad of mind, replied —

Verse 63 (padma.2.46.63)

पुलस्त्य उवाच- वचनात्तव देवेश क्षंतव्यं च मयापि हि । भविष्यति महाराज मनुपुत्रो महाबलः

pulastya uvāca- vacanāttava deveśa kṣaṁtavyaṁ ca mayāpi hi bhaviṣyati mahārāja manuputro mahābalaḥ

Pulastya said: 'At your word, O lord of gods, I too must forgive him. O great king, there will be a mighty son of Manu —'

Verse 64 (padma.2.46.64)

इक्ष्वाकुर्नाम धर्मात्मा सर्वधर्मानुपालकः । तस्य हस्ताद्यदा मृत्युरस्यैव च भविष्यति

ikṣvākurnāma dharmātmā sarvadharmānupālakaḥ tasya hastādyadā mṛtyurasyaiva ca bhaviṣyati

'—named Ikshvaku, a righteous soul, upholder of all dharma. When death comes to this one by his hand —'

Verse 65 (padma.2.46.65)

तदैष वै स्वकं देहं प्राप्स्यते नात्र संशयः । एतत्ते सर्ववृत्तांतं शूकरस्य निवेदितम्

tadaiṣa vai svakaṁ dehaṁ prāpsyate nātra saṁśayaḥ etatte sarvavṛttāṁtaṁ śūkarasya niveditam

'—then he shall regain his own true form, without doubt.' This whole account of the boar have I now related to you.

Verse 66 (padma.2.46.66)

आत्मनश्च प्रवक्ष्यामि पत्या सार्धं शृणुष्व हि । मया च पातकं घोरं कृतं यत्पापया पुरा

ātmanaśca pravakṣyāmi patyā sārdhaṁ śṛṇuṣva hi mayā ca pātakaṁ ghoraṁ kṛtaṁ yatpāpayā purā

Now I shall tell you of my own past, together with my husband's — listen indeed: for I, sinful one, once committed a terrible sin.