The Burning of Tripura and the Origin of Jvaleshvara

Verse 1 (padma.3.15.1)

नारद उवाच । यन्मां पृच्छसि कौंतेय तन्निबोध च तच्छृणु । एतस्मिन्नंतरे रुद्रो नर्मदातटमास्थितः

nārada uvāca yanmāṁ pṛcchasi kauṁteya tannibodha ca tacchṛṇu etasminnaṁtare rudro narmadātaṭamāsthitaḥ

Narada said: What you ask me, O son of Kunti, understand and hear. Meanwhile Rudra, seated on the bank of the Narmada,

Verse 2 (padma.3.15.2)

नाम्ना हरेश्वरं स्थानं त्रिषु लोकेषु विश्रुतम् । तस्मिन्स्थाने महादेवश्चिंतयंस्त्रैपुरं वधम्

nāmnā hareśvaraṁ sthānaṁ triṣu lokeṣu viśrutam tasminsthāne mahādevaściṁtayaṁstraipuraṁ vadham

at a place named Hareshvara, renowned in the three worlds — there Mahadeva, pondering the destruction of the Triple City,

Verse 3 (padma.3.15.3)

गां(गा?)डीवं मंदरं कृत्वा गुणं कृत्वा तु वासुकिम् । स्थानं कृत्वा तु वैशाखं विष्णुं कृत्वा शरोत्तमम्

gāṁ(gā?)ḍīvaṁ maṁdaraṁ kṛtvā guṇaṁ kṛtvā tu vāsukim sthānaṁ kṛtvā tu vaiśākhaṁ viṣṇuṁ kṛtvā śarottamam

made Mount Mandara his bow, Vasuki his bowstring, took his stance in Vaishakha, and made Vishnu his finest arrow,

Verse 4 (padma.3.15.4)

अग्रे चाग्निं प्रतिष्ठाप्य मुखे वायुः समर्पितः । हयाश्च चतुरो वेदाः सर्वदेवमयं रथम्

agre cāgniṁ pratiṣṭhāpya mukhe vāyuḥ samarpitaḥ hayāśca caturo vedāḥ sarvadevamayaṁ ratham

having established Agni at its tip and fixed Vayu at its mouth, making the four Vedas his horses, he fashioned a chariot composed of all the gods,

Verse 5 (padma.3.15.5)

चक्रगौ चाश्विनौ देवावक्षं चक्रधरः स्वयम् । स्वयमिंद्रश्च चापांते बाणे वैश्रवणः स्थितः

cakragau cāśvinau devāvakṣaṁ cakradharaḥ svayam svayamiṁdraśca cāpāṁte bāṇe vaiśravaṇaḥ sthitaḥ

the two Ashvin gods as its wheels, and he himself, the wheel-bearer, as its axle; Indra himself stood at the bow's end, and Vaishravana at the arrow's notch,

Verse 6 (padma.3.15.6)

यमस्तु दक्षिणे हस्ते वामे कालस्तु दारुणः । चक्राणामारके न्यस्ता गंधर्वा लोकविश्रुताः

yamastu dakṣiṇe haste vāme kālastu dāruṇaḥ cakrāṇāmārake nyastā gaṁdharvā lokaviśrutāḥ

Yama stood in the right hand, and terrible Kala in the left; the world-renowned gandharvas were set at the hubs of the wheels,

Verse 7 (padma.3.15.7)

प्रजापती रथश्रेष्ठे ब्रह्मा चैव तु सारथिः । एवं कृत्वा तु देवेशः सर्वदेवमयं रथम्

prajāpatī rathaśreṣṭhe brahmā caiva tu sārathiḥ evaṁ kṛtvā tu deveśaḥ sarvadevamayaṁ ratham

Prajapati upon the finest chariot, and Brahma himself became the charioteer. Thus, having made this chariot composed of all the gods, the Lord of gods

Verse 8 (padma.3.15.8)

सोतिष्ठत्स्थाणुभूतो हि सहस्रं परिवत्सरान् । यदा त्रीणि समेतानि अंतरिक्षचराणि च

sotiṣṭhatsthāṇubhūto hi sahasraṁ parivatsarān yadā trīṇi sametāni aṁtarikṣacarāṇi ca

stood motionless as a pillar for a thousand years, until the three sky-wandering cities came together as one —

Verse 9 (padma.3.15.9)

त्रिपुराणि त्रिशल्येन तदा तानि बिभेद सः । शरः प्रचोदितस्तत्र रुद्रेण त्रिपुरं प्रति

tripurāṇi triśalyena tadā tāni bibheda saḥ śaraḥ pracoditastatra rudreṇa tripuraṁ prati

then, with a three-barbed arrow, he pierced those Tripuras. That arrow, loosed by Rudra against Tripura,

Verse 10 (padma.3.15.10)

भ्रष्टतेजा स्त्रियो जाता बलं तेषां व्यशीर्यत । उत्पाताश्च पुरे तस्मिन्प्रादुर्भूता सहस्रशः

bhraṣṭatejā striyo jātā balaṁ teṣāṁ vyaśīryata utpātāśca pure tasminprādurbhūtā sahasraśaḥ

stripped the women of their radiance, and the strength of its people crumbled away. Omens appeared in that city by the thousand.

Verse 11 (padma.3.15.11)

त्रिपुरस्य विनाशाय कालरूपोभवत्तदा । अट्टहासं प्रमुंचंति रूपाः काष्ठमयास्तथा

tripurasya vināśāya kālarūpobhavattadā aṭṭahāsaṁ pramuṁcaṁti rūpāḥ kāṣṭhamayāstathā

For the destruction of Tripura, he then assumed the very form of Time. Images made of wood let out peals of laughter,

Verse 12 (padma.3.15.12)

निमेषोन्मेषणं चैव कुर्वंति चित्रकर्मणा । स्वप्ने पश्यंति चात्मानं रक्तांबरविभूषितम्

nimeṣonmeṣaṇaṁ caiva kurvaṁti citrakarmaṇā svapne paśyaṁti cātmānaṁ raktāṁbaravibhūṣitam

and, through uncanny happenings, their eyes blinked open and shut. People saw themselves in dreams clothed in red garments,

Verse 13 (padma.3.15.13)

स्वप्ने पश्यंति ते चैवं विपरीतानि यानि तु । एतान्पश्यति उत्पातांस्तत्र स्थाने तु ये जनाः

svapne paśyaṁti te caivaṁ viparītāni yāni tu etānpaśyati utpātāṁstatra sthāne tu ye janāḥ

and in their dreams they saw all manner of things reversed. Whoever in that place witnessed these omens,

Verse 14 (padma.3.15.14)

तेषां बलं च बुद्धिश्च हरक्रोधेन नाशितम् । संवर्तको नाम वायुर्युगांतप्रतिमो महान्

teṣāṁ balaṁ ca buddhiśca harakrodhena nāśitam saṁvartako nāma vāyuryugāṁtapratimo mahān

their strength and intelligence were destroyed by Hara's wrath. A great wind named Samvartaka, resembling the wind at the end of an age,

Verse 15 (padma.3.15.15)

समीरितोनलश्रेष्ठ उत्तमांगेषु बाधते । ज्वलंति पादपास्तत्र पतंति शिखराणि च

samīritonalaśreṣṭha uttamāṁgeṣu bādhate jvalaṁti pādapāstatra pataṁti śikharāṇi ca

blew forth together with a fierce fire and afflicted the crowns of their heads. Trees there caught fire, and their tops began to fall,

Verse 16 (padma.3.15.16)

सर्वं तद्व्याकुलीभूतं हाहाकारमचेतनम् । भग्नोद्यानानि सर्वाणि क्षिप्रं तु प्रज्वलंति च

sarvaṁ tadvyākulībhūtaṁ hāhākāramacetanam bhagnodyānāni sarvāṇi kṣipraṁ tu prajvalaṁti ca

everything became agitated, filled with cries of woe, senseless; all the gardens were destroyed and swiftly caught flame.

Verse 17 (padma.3.15.17)

तेनैव दीपितं सर्वं ज्वलते विशिखैः शिखैः । द्रुमा आरामगंडानि गृहाणि विविधानि च

tenaiva dīpitaṁ sarvaṁ jvalate viśikhaiḥ śikhaiḥ drumā ārāmagaṁḍāni gṛhāṇi vividhāni ca

By that very fire everything blazed up, burning with tongues of flame — trees, the corners of gardens, and dwellings of every kind.

Verse 18 (padma.3.15.18)

दशदिक्षु प्रवृत्तोयं समिद्धो हव्यवाहनः । ततः शिलाः प्रमुंचंति दिशो दश विभागशः

daśadikṣu pravṛttoyaṁ samiddho havyavāhanaḥ tataḥ śilāḥ pramuṁcaṁti diśo daśa vibhāgaśaḥ

This kindled fire spread through the ten directions; then rocks began falling in all ten directions and their divisions,

Verse 19 (padma.3.15.19)

शिखासहस्रैरत्युग्रैः प्रज्वलंति हुताशनैः । सर्वं किंशुकसंप्रख्यं ज्वलितंदृश्यते पुरम्

śikhāsahasrairatyugraiḥ prajvalaṁti hutāśanaiḥ sarvaṁ kiṁśukasaṁprakhyaṁ jvalitaṁdṛśyate puram

blazing with thousands of exceedingly fierce flames, the whole city appeared to be burning, resembling a flowering kimshuka tree.

Verse 20 (padma.3.15.20)

गृहाद्गृहांतरे नैव गंतुं धूमैश्च शक्यते । हरकोपानलादग्धं क्रंदमानं सुदुःखितम्

gṛhādgṛhāṁtare naiva gaṁtuṁ dhūmaiśca śakyate harakopānalādagdhaṁ kraṁdamānaṁ suduḥkhitam

Because of the smoke, it became impossible to go from house to house; burnt by the fire of Hara's wrath, the city wailed piteously, greatly afflicted.

Verse 21 (padma.3.15.21)

प्रदीप्तं सर्वतो दिक्षु दह्यते त्रिपुरं पुरम् । प्रासादशिखराग्राणि विशीर्यंति सहस्रशः

pradīptaṁ sarvato dikṣu dahyate tripuraṁ puram prāsādaśikharāgrāṇi viśīryaṁti sahasraśaḥ

Ablaze on every side, the city of Tripura burned. The tops of palace-spires crumbled and fell by the thousand,

Verse 22 (padma.3.15.22)

नानारत्नविचित्राणि विमानान्यप्यनेकधा । गृहाणि चैव रम्याणि दह्यंते दीप्तिवह्निना

nānāratnavicitrāṇi vimānānyapyanekadhā gṛhāṇi caiva ramyāṇi dahyaṁte dīptivahninā

aerial chariots adorned with many kinds of gems, and delightful dwellings too, burned in the blazing fire.

Verse 23 (padma.3.15.23)

बाधंते द्रुमखंडेषु जनस्थाने तथैव च । देवागारेषु सर्वेषु प्रज्वलंते ज्वलंत्यपि

bādhaṁte drumakhaṁḍeṣu janasthāne tathaiva ca devāgāreṣu sarveṣu prajvalaṁte jvalaṁtyapi

People were afflicted amid the clumps of trees and likewise in their dwellings; in every temple of the gods too the fire blazed and consumed,

Verse 24 (padma.3.15.24)

सीदंति चानलस्पृष्टाः क्रंदंति विविधै स्वरैः । गिरिकूटनिभास्तत्र दृश्यंतेंऽगारराशयः

sīdaṁti cānalaspṛṣṭāḥ kraṁdaṁti vividhai svaraiḥ girikūṭanibhāstatra dṛśyaṁteṁ'gārarāśayaḥ

touched by the fire, people sank down, crying out in various tones; heaps of embers, resembling mountain peaks, could be seen there.

Verse 25 (padma.3.15.25)

स्तुवंति देवदेवेशं परित्रायस्व मां प्रभो । अन्योन्यं च परिष्वज्य हुताशनप्रपीडिताः

stuvaṁti devadeveśaṁ paritrāyasva māṁ prabho anyonyaṁ ca pariṣvajya hutāśanaprapīḍitāḥ

They praised the God of gods: 'Save me, O Lord!' — embracing one another tightly, tormented by the fire,

Verse 26 (padma.3.15.26)

दह्यंते दानवास्तत्र शतशोथ सहस्रशः । हंसकारंडवाकीर्णा नलिनी सह पंकजा

dahyaṁte dānavāstatra śataśotha sahasraśaḥ haṁsakāraṁḍavākīrṇā nalinī saha paṁkajā

the Danavas there burned by the hundreds and thousands. Lotus-lakes thronged with swans and karandava ducks, filled with lotus blossoms,

Verse 27 (padma.3.15.27)

दह्यंतेनलदग्धानि पुरोद्यानानि दीर्घिकाः । अम्लानैः पंकजैश्छन्ना विस्तीर्णा योजनैः शतैः

dahyaṁtenaladagdhāni purodyānāni dīrghikāḥ amlānaiḥ paṁkajaiśchannā vistīrṇā yojanaiḥ śataiḥ

burned, scorched by the fire — the city's gardens and its long lakes, spread over hundreds of yojanas, covered with unwilted lotuses,

Verse 28 (padma.3.15.28)

गिरिकूटनिभास्तत्र प्रासादारत्नभूषिताः । पतंत्यनलनिर्दग्धा निस्तोया जलदा इव

girikūṭanibhāstatra prāsādāratnabhūṣitāḥ pataṁtyanalanirdagdhā nistoyā jaladā iva

resembling mountain peaks, adorned with jeweled palaces, fell burning, like rain-clouds emptied of their water.

Verse 29 (padma.3.15.29)

सह स्त्रीबालवृद्धेषु गोषु पक्षिषु वाजिषु । निर्दयो दहते वह्निर्हरकोपेन प्रेरितः

saha strībālavṛddheṣu goṣu pakṣiṣu vājiṣu nirdayo dahate vahnirharakopena preritaḥ

Together with women, children, and the aged, with cattle, birds, and horses, the pitiless fire, driven by Hara's wrath, consumed everything.

Verse 30 (padma.3.15.30)

सपत्नीकाश्चैव सुप्ताः संसुप्ता बहवो जनाः । पुत्रमालिंग्यते गाढं दह्यंते त्रिपुरारिणा

sapatnīkāścaiva suptāḥ saṁsuptā bahavo janāḥ putramāliṁgyate gāḍhaṁ dahyaṁte tripurāriṇā

Many people, asleep together with their wives, tightly embracing their sons, were consumed by the fire of the Enemy of Tripura.

Verse 31 (padma.3.15.31)

अथ तस्मिन्पुरे दीप्ते स्त्रियश्चाप्सरसोपमाः । अग्निज्वालाहतास्तत्र पतंति धरणीतले

atha tasminpure dīpte striyaścāpsarasopamāḥ agnijvālāhatāstatra pataṁti dharaṇītale

Then, in that blazing city, women resembling apsarases, struck by the flames of the fire, fell there upon the surface of the earth.

Verse 32 (padma.3.15.32)

काचिद्बाला विशालाक्षी मुक्तावलि विभूषिता । धूमेनाकुलिता सा तु प्रतिबुद्धा शिखार्द्दिता

kācidbālā viśālākṣī muktāvali vibhūṣitā dhūmenākulitā sā tu pratibuddhā śikhārdditā

One wide-eyed young girl, adorned with a string of pearls, bewildered by the smoke, awakened and tormented by the flames,

Verse 33 (padma.3.15.33)

सुतं संचिंत्यमाना सा पतिता धरणीतले । काचित्सुवर्णवर्णाभा नीलरत्नैर्विभूषिता

sutaṁ saṁciṁtyamānā sā patitā dharaṇītale kācitsuvarṇavarṇābhā nīlaratnairvibhūṣitā

thinking of her son, fell upon the ground. Another, of golden hue, adorned with sapphires,

Verse 34 (padma.3.15.34)

धूमेनाकुलिता सा तु पतिता धरणीतले । अन्या गृहीतहस्ता तु सखी दहति बालकैः

dhūmenākulitā sā tu patitā dharaṇītale anyā gṛhītahastā tu sakhī dahati bālakaiḥ

bewildered by the smoke, fell upon the ground. Another, her hand held by her friend, was burning there together with her children.

Verse 35 (padma.3.15.35)

अनेन दिव्यरूपान्यादृष्टा मदविमोहिता । शिरसा प्रांजलिं कृत्वा विज्ञापयति पावकम्

anena divyarūpānyādṛṣṭā madavimohitā śirasā prāṁjaliṁ kṛtvā vijñāpayati pāvakam

Having witnessed such strange and dreadful sights, bewildered with anguish, one woman, joining her hands upon her head, addressed the fire —

Verse 36 (padma.3.15.36)

यदि त्वमिच्छसे वैरं पुरुषेष्वपकारिषु । स्त्रियः किमपराध्यंते गृहपंजरकोकिलाः

yadi tvamicchase vairaṁ puruṣeṣvapakāriṣu striyaḥ kimaparādhyaṁte gṛhapaṁjarakokilāḥ

'If you seek vengeance upon guilty men, what wrong have women committed — we who are but cuckoos caged within our own homes?'

Verse 37 (padma.3.15.37)

पापनिर्दय निर्ल्लज्ज कस्ते कोपः स्त्रियोपरि । न दाक्षिण्यं न ते लज्जा न सत्यं शौचवर्जितः

pāpanirdaya nirllajja kaste kopaḥ striyopari na dākṣiṇyaṁ na te lajjā na satyaṁ śaucavarjitaḥ

'O sinful, pitiless, shameless one! What is this anger of yours upon women? You have no courtesy, no shame, no truth — you are devoid of purity.'

Verse 38 (padma.3.15.38)

अनेकरूपवर्णाढ्या उपलभ्या वदस्व ह । किं त्वया न श्रुतं लोके अवध्याः सर्वयोषितः

anekarūpavarṇāḍhyā upalabhyā vadasva ha kiṁ tvayā na śrutaṁ loke avadhyāḥ sarvayoṣitaḥ

'You who possess so many forms and hues, O fire, tell us — have you not heard in this world that all women are inviolable?'

Verse 39 (padma.3.15.39)

किं तु तुभ्यं गुणा ह्येते दहनस्त्र्यर्दनं प्रति । न कारुण्यं दया वापि दाक्षिण्यं वा स्त्रियोपरि

kiṁ tu tubhyaṁ guṇā hyete dahanastryardanaṁ prati na kāruṇyaṁ dayā vāpi dākṣiṇyaṁ vā striyopari

'What merit is there for you in tormenting women? You have no compassion, no mercy, no courtesy toward women.'

Verse 40 (padma.3.15.40)

दयां कुर्वंति म्लेच्छापि दहनं प्रेक्ष्य योषितः । म्लेच्छानामपि कष्टोसि दुर्निवार्यो ह्यचेतनः

dayāṁ kurvaṁti mlecchāpi dahanaṁ prekṣya yoṣitaḥ mlecchānāmapi kaṣṭosi durnivāryo hyacetanaḥ

'Even barbarians show mercy at the sight of women burning; you are more irresistible and senseless than even the mlecchas.'

Verse 41 (padma.3.15.41)

एते चैव गुणास्तुभ्यं दहनोत्सादनं प्रति । आसामपि दुराचार स्त्रीणां किं विनिपातसे

ete caiva guṇāstubhyaṁ dahanotsādanaṁ prati āsāmapi durācāra strīṇāṁ kiṁ vinipātase

'These indeed are your fine qualities for quenching a fire! O evildoer, why do you cast down even these blameless women?'

Verse 42 (padma.3.15.42)

दुष्ट निर्घृण निर्लज्ज हुताश मंदभाग्यक । निराशस्त्वं दुराचार बालान्दहसि निर्दय

duṣṭa nirghṛṇa nirlajja hutāśa maṁdabhāgyaka nirāśastvaṁ durācāra bālāndahasi nirdaya

'O wicked, merciless, shameless, ill-fated fire! O evil, hopeless one! You burn children without mercy!'

Verse 43 (padma.3.15.43)

एवं प्रलपमानास्ता जल्पमाना बहुस्वरम् । अन्याः क्रोशंति संक्रुद्धा बालशोकेन मोहिताः

evaṁ pralapamānāstā jalpamānā bahusvaram anyāḥ krośaṁti saṁkruddhā bālaśokena mohitāḥ

Thus lamenting, speaking in many voices, other women, enraged and bewildered with grief for their children, cried out.

Verse 44 (padma.3.15.44)

दहते निर्दयो वह्निः संक्रुद्धः सर्वशत्रुवत् । पुष्करिण्यां जले ज्वाला कूपेष्वपि तथैव च

dahate nirdayo vahniḥ saṁkruddhaḥ sarvaśatruvat puṣkariṇyāṁ jale jvālā kūpeṣvapi tathaiva ca

The pitiless fire burned on, enraged like an enemy to all; flames appeared even in the water of the lotus-ponds and the wells.

Verse 45 (padma.3.15.45)

अस्मान्संदह्य म्लेच्छ त्वं कां गतिं प्रापयिष्यसि । एवं प्रलपतां तासां वह्निर्वचनमब्रवीत्

asmānsaṁdahya mleccha tvaṁ kāṁ gatiṁ prāpayiṣyasi evaṁ pralapatāṁ tāsāṁ vahnirvacanamabravīt

'Having burned us, O mleccha, to what fate will you send us?' Thus, as they lamented, the fire spoke these words in reply —

Verse 46 (padma.3.15.46)

वैश्वानर उवाच । स्ववशो नैव युष्माकं विनाशं तु करोम्यहम् । अहमादेशकर्ता वै नाहं कर्त्तास्म्यनुग्रहम्

vaiśvānara uvāca svavaśo naiva yuṣmākaṁ vināśaṁ tu karomyaham ahamādeśakartā vai nāhaṁ karttāsmyanugraham

Vaishvanara said: 'I am not my own master in your destruction; I am merely the executor of a command — I am not the one who grants favor.'

Verse 47 (padma.3.15.47)

अत्र क्रोधसमाविष्टो विचरामि यदृच्छया । ततो बाणो महातेजास्त्रिपुरं वीक्ष्य दीपितम्

atra krodhasamāviṣṭo vicarāmi yadṛcchayā tato bāṇo mahātejāstripuraṁ vīkṣya dīpitam

'Filled with wrath, I roam here not by my own will, but by command.' Then Bana, of great splendor, beholding Tripura ablaze,

Verse 48 (padma.3.15.48)

आसनस्थोऽब्रवीदेवमहं देवैर्विनाशितः । अल्पसारैर्दुराचारैरीश्वरस्य निवेदितः

āsanastho'bravīdevamahaṁ devairvināśitaḥ alpasārairdurācārairīśvarasya niveditaḥ

seated on his throne, said: 'I have been destroyed by the gods, reported to Ishvara by men of little worth and evil conduct.'

Verse 49 (padma.3.15.49)

अपरीक्ष्य ह्यहं दग्धः शंकरेण महात्मना । नान्यः शत्रुस्तु मां हंतुं वर्ज्जयित्वा महेश्वरम्

aparīkṣya hyahaṁ dagdhaḥ śaṁkareṇa mahātmanā nānyaḥ śatrustu māṁ haṁtuṁ varjjayitvā maheśvaram

'Without due inquiry, the great-souled Shankara has burned me. There is no other enemy capable of slaying me, save Maheshvara alone.'

Verse 50 (padma.3.15.50)

उत्थितः शिरसा कृत्वा लिगं त्रिभुवनेश्वरम् । निर्गतः स पुरद्वारात्परित्यज्य सुहृत्स्वयम्

utthitaḥ śirasā kṛtvā ligaṁ tribhuvaneśvaram nirgataḥ sa puradvārātparityajya suhṛtsvayam

Rising, and placing the linga of the Lord of the three worlds upon his own head, he went forth from the city gate, abandoning even his own friends,

Verse 51 (padma.3.15.51)

रत्नानि सुविचित्राणि स्त्रियो नानाविधास्तथा । गृहीत्वा शिरसा लिंगं न्यस्तं नगरमंडले

ratnāni suvicitrāṇi striyo nānāvidhāstathā gṛhītvā śirasā liṁgaṁ nyastaṁ nagaramaṁḍale

and, taking exquisite gems and women of various kinds, bearing the linga upon his head, he set it down within the precinct of the city.

Verse 52 (padma.3.15.52)

स्तुवते देवदेवेशं त्रैलोक्याधिपतिं शिवम् । हर त्वयाहं निर्दग्धो यदि वध्योसि शंकर

stuvate devadeveśaṁ trailokyādhipatiṁ śivam hara tvayāhaṁ nirdagdho yadi vadhyosi śaṁkara

He praised Shiva, God of gods, Lord of the three worlds: 'O Hara, if I have been burned by you, and if I truly deserve to be slain, O Shankara —'

Verse 53 (padma.3.15.53)

त्वत्प्रसादान्महादेव मा मे लिंगं विनश्यतु । अर्चितं हि महादेव भक्त्या परमया सदा

tvatprasādānmahādeva mā me liṁgaṁ vinaśyatu arcitaṁ hi mahādeva bhaktyā paramayā sadā

'yet, O Mahadeva, by your grace, let not my linga be destroyed; I have ever worshipped it with the deepest devotion, O Mahadeva.'

Verse 54 (padma.3.15.54)

त्वया यद्यपि वध्योहं मा मे लिंगं विनश्यतु । प्राप्यमेतन्महादेव त्वत्पादग्रहणं मम

tvayā yadyapi vadhyohaṁ mā me liṁgaṁ vinaśyatu prāpyametanmahādeva tvatpādagrahaṇaṁ mama

'Even though I deserve to be slain by you, let not my linga perish. This alone is to be attained by me, O Mahadeva — the grasping of your feet.'

Verse 55 (padma.3.15.55)

जन्मजन्म महादेव त्वत्पादनिरतो ह्यहम् । तोटकच्छंदसा देवं स्तुत्वा तु परमेश्वरम्

janmajanma mahādeva tvatpādanirato hyaham toṭakacchaṁdasā devaṁ stutvā tu parameśvaram

'Birth after birth, O Mahadeva, may I remain devoted to your feet.' Thus, having praised the Supreme Lord in the Totaka meter —

Verse 56 (padma.3.15.56)

ॐशिवशंकरसर्वकराय नमो भवभीममहेशशिवाय नमः । कुसुमायुध देहविनाशकर त्रिपुरांतकरांधक चूर्णकर

oṁśivaśaṁkarasarvakarāya namo bhavabhīmamaheśaśivāya namaḥ kusumāyudha dehavināśakara tripurāṁtakarāṁdhaka cūrṇakara

'Om! Salutation to Shiva Shankara, doer of all deeds; salutation to terrible Mahesha Shiva. O destroyer of Kama's arrow, destroyer of his body, ender of Tripura, crusher of Andhaka,

Verse 57 (padma.3.15.57)

प्रमदाप्रियकामविभक्त नमो हि नमः सुरसिद्धगणैर्नमितः । हयवानरसिंहगजेंद्रमुखैरति ह्रस्वसुदीर्घमुखैश्च गणैः

pramadāpriyakāmavibhakta namo hi namaḥ surasiddhagaṇairnamitaḥ hayavānarasiṁhagajeṁdramukhairati hrasvasudīrghamukhaiśca gaṇaiḥ

'apportioner of the desires dear to women, salutation, salutation again to you — honored by hosts of gods and Siddhas; with your hosts bearing faces of horse, monkey, lion, and lordly elephant, and faces exceedingly short and exceedingly long,

Verse 58 (padma.3.15.58)

उपलब्धुमशक्यतरैरसुरैर्व्यथितो न शरीरशतैर्बहुभिः । प्रणतो भगवन्बहुभक्तिमता चलचंद्र कलाधर देव नमः

upalabdhumaśakyatarairasurairvyathito na śarīraśatairbahubhiḥ praṇato bhagavanbahubhaktimatā calacaṁdra kalādhara deva namaḥ

'whom even asuras of many hundred bodies could not comprehend, and were tormented — O Lord, I bow before you with utmost devotion; O god who bears the shifting digit of the moon, salutation to you.'

Verse 59 (padma.3.15.59)

सहपुत्रकलत्रकलापधनैः सततं जय देहि अनुस्मरणम् । व्यथितोस्मि शरीरशतैर्बहुभिर्गमिताद्य महानरकस्य गतिः

sahaputrakalatrakalāpadhanaiḥ satataṁ jaya dehi anusmaraṇam vyathitosmi śarīraśatairbahubhirgamitādya mahānarakasya gatiḥ

'Together with my son, wife, and all my wealth, grant me ever victory and remembrance of you. I am afflicted through many hundreds of bodies; today I have been sent along the path to the great hell.'

Verse 60 (padma.3.15.60)

न निवर्तति यन्ममपापगतिः शुचिकर्म्मविशुद्धमपि त्यजति । अनुकंपति दिग्भ्रमति भ्रमति भ्रम एष कुबुद्धि निवारयति

na nivartati yanmamapāpagatiḥ śucikarmmaviśuddhamapi tyajati anukaṁpati digbhramati bhramati bhrama eṣa kubuddhi nivārayati

'My sinful course does not turn back; it forsakes even pure deeds, however purified they are. Have compassion — I wander confused in every direction; dispel this confusion, this ill-wrought understanding.'

Verse 61 (padma.3.15.61)

यः पठेत्तोटकं दिव्यं प्रयतः शुचिमानसः । बाणस्यैव यथारुद्रस्तस्यैव वरदो भवेत्

yaḥ paṭhettoṭakaṁ divyaṁ prayataḥ śucimānasaḥ bāṇasyaiva yathārudrastasyaiva varado bhavet

Whoever recites this divine Totaka hymn, disciplined and of pure mind — for him too, just as for Bana, that same Rudra becomes the granter of boons.

Verse 62 (padma.3.15.62)

इमं स्तवं महादिव्यं श्रुत्वा देवो महेश्वरः । प्रसन्नस्तु तदा तस्य स्वयं देवो महेश्वरः

imaṁ stavaṁ mahādivyaṁ śrutvā devo maheśvaraḥ prasannastu tadā tasya svayaṁ devo maheśvaraḥ

Having heard this greatly divine hymn, the god Maheshvara himself became pleased with him.

Verse 63 (padma.3.15.63)

ईश्वर उवाच । न भेतव्यं त्वया वत्स सौवर्णे तिष्ठ दानव । पुत्रपौत्रसपत्नीनां भार्याभृत्यजनैः सह

īśvara uvāca na bhetavyaṁ tvayā vatsa sauvarṇe tiṣṭha dānava putrapautrasapatnīnāṁ bhāryābhṛtyajanaiḥ saha

Ishvara said: 'You need not fear, my child; abide, O Danava, in your golden city, together with your sons, grandsons, co-wives, wives, and servants.'

Verse 64 (padma.3.15.64)

अद्यप्रभृति बाण त्वमवध्यस्त्रिदशैरपि । भूयस्तस्य वरो दत्तो देवदेवेन पांडव

adyaprabhṛti bāṇa tvamavadhyastridaśairapi bhūyastasya varo datto devadevena pāṁḍava

'From this day forth, O Bana, you shall be unslayable even by the thirty gods.' Thus, O Pandava, a further boon was granted to him by the God of gods.

Verse 65 (padma.3.15.65)

अक्षयश्चाव्ययो लोके विचचार ह निर्भयः । ततो निवारयामास रुद्र सप्तशिखं तथा

akṣayaścāvyayo loke vicacāra ha nirbhayaḥ tato nivārayāmāsa rudra saptaśikhaṁ tathā

Imperishable and undecaying, he then wandered fearlessly in the world. Then Rudra held back the seven-flamed [city] as well,

Verse 66 (padma.3.15.66)

तृतीयं रक्षितं तस्य शंकरेण महात्मना । भ्रमते गगने नित्यं रुद्रतेजः प्रभावतः

tṛtīyaṁ rakṣitaṁ tasya śaṁkareṇa mahātmanā bhramate gagane nityaṁ rudratejaḥ prabhāvataḥ

and the third of his cities was preserved by the great-souled Shankara; it wanders forever in the sky, by the power of Rudra's own splendor.

Verse 67 (padma.3.15.67)

एवं तु त्रिपुरं दग्धं शंकरेण महात्मना । ज्वालामालाप्रदीप्तं तु पतितं धरणीतले

evaṁ tu tripuraṁ dagdhaṁ śaṁkareṇa mahātmanā jvālāmālāpradīptaṁ tu patitaṁ dharaṇītale

Thus was Tripura burned by the great-souled Shankara; wreathed in garlands of flame, it fell upon the surface of the earth.

Verse 68 (padma.3.15.68)

एकं निपातितं तस्य श्रीशैले त्रिपुरांतके । द्वितीयं पातितं तत्र पर्वतेऽमरकंटके

ekaṁ nipātitaṁ tasya śrīśaile tripurāṁtake dvitīyaṁ pātitaṁ tatra parvate'marakaṁṭake

One portion fell at Shri Shaila, the place of Tripura's ending; the second portion fell there, upon the mountain Amarakantaka.

Verse 69 (padma.3.15.69)

दग्धे तु त्रिपुरे राजन्रुद्रकोटिः प्रतिष्ठिता । ज्वलंतं पातितं तत्र तेन ज्वालेश्वरः स्मृतः

dagdhe tu tripure rājanrudrakoṭiḥ pratiṣṭhitā jvalaṁtaṁ pātitaṁ tatra tena jvāleśvaraḥ smṛtaḥ

O king, when Tripura was burned, a crore of Rudras became established there; because of that blazing portion falling there, the place came to be remembered as Jvaleshvara.

Verse 70 (padma.3.15.70)

ऊर्ध्वेन प्रस्थिता तस्य दिव्या ज्वाला दिवं गता । हाहाकारस्तदा जातो सदेवासुरकिंनरान्

ūrdhvena prasthitā tasya divyā jvālā divaṁ gatā hāhākārastadā jāto sadevāsurakiṁnarān

Its divine flame rose upward and reached the heavens; then a great cry of woe arose among gods, asuras, and kinnaras alike.

Verse 71 (padma.3.15.71)

तं शरं स्तंभयेद्रुद्रो माहेश्वरपुरोत्तमे । एवं व्रजेत यस्तस्मिन्पर्वतेऽमरकंटके

taṁ śaraṁ staṁbhayedrudro māheśvarapurottame evaṁ vrajeta yastasminparvate'marakaṁṭake

Rudra shall arrest that arrow at Maheshvara's finest city itself. Thus should one proceed who travels to that place, the mountain Amarakantaka —

Verse 72 (padma.3.15.72)

चतुर्द्दशभुवनानि सुभुक्त्वा पांडुनंदन । वर्षकोटिसहस्रं तु त्रिंशत्कोट्यस्तथा पराः

caturddaśabhuvanāni subhuktvā pāṁḍunaṁdana varṣakoṭisahasraṁ tu triṁśatkoṭyastathā parāḥ

he, O joy of the Pandus, having fully enjoyed the fourteen worlds, for a thousand crore years, and thirty crore more besides,

Verse 73 (padma.3.15.73)

ततो महीतलं प्राप्य राजा भवति धार्मिकः । पृथिव्यामेकच्छत्रेण भुंक्ते नास्त्यत्र संशयः

tato mahītalaṁ prāpya rājā bhavati dhārmikaḥ pṛthivyāmekacchatreṇa bhuṁkte nāstyatra saṁśayaḥ

then, having attained the earth again, becomes a righteous king. He rules the earth under a single royal parasol — of this there is no doubt.

Verse 74 (padma.3.15.74)

एष पुण्यो महाराज सर्वतोऽमरकंटकः । चंद्र सूर्योपरागेषु गच्छेद्योऽमरकंटकम्

eṣa puṇyo mahārāja sarvato'marakaṁṭakaḥ caṁdra sūryoparāgeṣu gacchedyo'marakaṁṭakam

O great king, this Amarakantaka is sacred in every respect. Whoever goes to Amarakantaka during an eclipse of the moon or the sun,

Verse 75 (padma.3.15.75)

अश्वमेधाद्दशगुणं प्रवदंति मनीषिणः । स्वर्गलोकमवाप्नोति दृष्ट्वा तत्र महेश्वरम्

aśvamedhāddaśaguṇaṁ pravadaṁti manīṣiṇaḥ svargalokamavāpnoti dṛṣṭvā tatra maheśvaram

the wise declare his merit to be tenfold that of the Ashvamedha sacrifice; having beheld Maheshvara there, he attains the heavenly world.

Verse 76 (padma.3.15.76)

संनिहत्या गमिष्यंति राहुग्रस्ते दिवाकरे । तदेव निखिलं पुण्यं पर्वतेऽमरकंटके

saṁnihatyā gamiṣyaṁti rāhugraste divākare tadeva nikhilaṁ puṇyaṁ parvate'marakaṁṭake

Those who come together there when the sun is seized by Rahu [in eclipse] obtain that same complete merit, all of it found at the mountain Amarakantaka.

Verse 77 (padma.3.15.77)

पुंडरीकस्य यज्ञस्य फलं प्राप्नोति मानवः । तत्र ज्वालेश्वरो नाम पर्वतेऽमरकंटके

puṁḍarīkasya yajñasya phalaṁ prāpnoti mānavaḥ tatra jvāleśvaro nāma parvate'marakaṁṭake

A man obtains the fruit of the Pundarika sacrifice. There, at the mountain Amarakantaka, is the tirtha named Jvaleshvara,

Verse 78 (padma.3.15.78)

तत्र स्नात्वा दिवं यांति ये मृतास्तेऽपुनर्भवाः । ज्वालेश्वरे महाराज यस्तु प्राणान्परित्यजेत्

tatra snātvā divaṁ yāṁti ye mṛtāste'punarbhavāḥ jvāleśvare mahārāja yastu prāṇānparityajet

and those who, having bathed there, die, go to heaven and are not born again. O great king, whoever gives up his life-breath at Jvaleshvara —

Verse 79 (padma.3.15.79)

चंद्र सूर्योपरागे तु भक्त्यापि शृणु तत्फलम् । अमरा नाम देवास्ते पर्वतेऽमरकंटके

caṁdra sūryoparāge tu bhaktyāpi śṛṇu tatphalam amarā nāma devāste parvate'marakaṁṭake

hear now the fruit of doing this with devotion, during an eclipse of the moon or sun: the gods called the Amaras, at the mountain Amarakantaka —

Verse 80 (padma.3.15.80)

रुद्रलोकमवाप्नोति यावदाभूतसंप्लवम् । अमरेश्वरस्य देवस्य पर्वतस्य तटे जले

rudralokamavāpnoti yāvadābhūtasaṁplavam amareśvarasya devasya parvatasya taṭe jale

he attains the world of Rudra, until the great dissolution of all beings. On the bank of the god Amareshvara, in the water at the foot of the mountain,

Verse 81 (padma.3.15.81)

कोटिश ऋषिमुख्यास्ते तपस्तप्यंति सुव्रताः । समंताद्योजनं राजन्क्षेत्रं चामरकंटकम्

koṭiśa ṛṣimukhyāste tapastapyaṁti suvratāḥ samaṁtādyojanaṁ rājankṣetraṁ cāmarakaṁṭakam

crores of foremost sages, of excellent vows, perform austerity there. O king, all around, for a full yojana, extends the sacred field of Amarakantaka.

Verse 82 (padma.3.15.82)

अकामो वा सकामो वा नर्मदायां शुभे जले । स्नात्वा मुच्येत पापेभ्यो रुद्रलोकं स गच्छति

akāmo vā sakāmo vā narmadāyāṁ śubhe jale snātvā mucyeta pāpebhyo rudralokaṁ sa gacchati

Whether free from desire or full of desire, having bathed in the auspicious waters of the Narmada, one is freed from sins and goes to the world of Rudra.