The Great Circuit of Narmada Tirthas

Verse 1 (padma.3.18.1)

नारद उवाच । तदाप्रभृति ब्रह्माद्या ऋषयश्च तपोधनाः । सेवंते नर्मदां राजन्कामक्रोधविवर्जिताः

nārada uvāca tadāprabhṛti brahmādyā ṛṣayaśca tapodhanāḥ sevaṁte narmadāṁ rājankāmakrodhavivarjitāḥ

Narada said: From that time onward, O king, Brahma and the other ascetic sages, free from desire and anger, serve the Narmada.

Verse 2 (padma.3.18.2)

तस्मिन्निपति तं दृष्ट्वा शूलं देवस्य भूतले । तस्य पुण्यं समाख्यातं शंकरेण महात्मना

tasminnipati taṁ dṛṣṭvā śūlaṁ devasya bhūtale tasya puṇyaṁ samākhyātaṁ śaṁkareṇa mahātmanā

Having beheld the place where the god's trident fell upon the earth, the great-souled Shankara declared its sacred merit.

Verse 3 (padma.3.18.3)

शूलभेदेति विख्यातं तीर्थं पुण्यतमं महत् । तत्र स्नात्वार्च्चयेद्देवं गोसहस्रफलं लभेत्

śūlabhedeti vikhyātaṁ tīrthaṁ puṇyatamaṁ mahat tatra snātvārccayeddevaṁ gosahasraphalaṁ labhet

Renowned as Shulabheda, this is a supremely sacred, great tirtha; bathing there and worshipping the god, one obtains the fruit of a thousand cows.

Verse 4 (padma.3.18.4)

त्रिरात्रं कारयेद्यस्तु तस्मिन्तीर्थे नराधिप । अर्चयित्वा महादेवं पुनर्जन्म न विद्यते

trirātraṁ kārayedyastu tasmintīrthe narādhipa arcayitvā mahādevaṁ punarjanma na vidyate

O lord of men, whoever performs a three-night observance at this tirtha, having worshipped Mahadeva, for him there is no rebirth.

Verse 5 (padma.3.18.5)

भीमेश्वरं ततो गच्छेन्नर्मदेश्वरमुत्तमम् । आदित्येश्वरं महापुण्यं तथाऽज्यमधुना सह

bhīmeśvaraṁ tato gacchennarmadeśvaramuttamam ādityeśvaraṁ mahāpuṇyaṁ tathā'jyamadhunā saha

Then one should go to Bhimeshvara, then the excellent Narmadeshvara, the greatly sacred Adityeshvara, and now on to Ajyamadhu,

Verse 6 (padma.3.18.6)

मल्लिकेश्वरमभ्यर्च्य पर्याप्तं जन्मनः फलम् । वरुणेश्वरं ततः पश्येन्नीराजेश्वरमुत्तमम्

mallikeśvaramabhyarcya paryāptaṁ janmanaḥ phalam varuṇeśvaraṁ tataḥ paśyennīrājeśvaramuttamam

having worshipped Mallikeshvara, the full fruit of birth is attained. Then one should see Varuneshvara, and then the excellent Nirajeshvara,

Verse 7 (padma.3.18.7)

सर्वतीर्थफलं तस्य पंचायतनदर्शनात् । ततोगच्छेत राजेंद्र युद्धं वै यत्र साधितम्

sarvatīrthaphalaṁ tasya paṁcāyatanadarśanāt tatogaccheta rājeṁdra yuddhaṁ vai yatra sādhitam

the fruit of all tirthas comes from the sight of that five-shrine group. Then, O lord of kings, one should go to where a battle was fought,

Verse 8 (padma.3.18.8)

कोटितीर्थं तु विख्यातमसुरा यत्र योधिताः । यत्र ते निहता राजन्दानवा बलदर्पिताः

koṭitīrthaṁ tu vikhyātamasurā yatra yodhitāḥ yatra te nihatā rājandānavā baladarpitāḥ

renowned as Koti-tirtha, where the asuras were made to fight; O king, where those Danavas, puffed up with strength, were slain,

Verse 9 (padma.3.18.9)

तेषां शिरांसि गृह्यंते निहतास्ते समागताः । तैस्तु संस्थापितो देवः शूलपाणिर्महेश्वरः

teṣāṁ śirāṁsi gṛhyaṁte nihatāste samāgatāḥ taistu saṁsthāpito devaḥ śūlapāṇirmaheśvaraḥ

there the heads of those slain, gathered Danavas were taken up; with them the god Shulapani Maheshvara was established there.

Verse 10 (padma.3.18.10)

कोटिर्विनिहता तत्र तेन कोटीश्वरः स्मृतः । दर्शनात्तस्य तीर्थस्य सदेहः स्वर्गमावहेत्

koṭirvinihatā tatra tena koṭīśvaraḥ smṛtaḥ darśanāttasya tīrthasya sadehaḥ svargamāvahet

A crore of them were slain there; by that it is remembered as Kotishvara. By the mere sight of that tirtha, one attains heaven together with the body.

Verse 11 (padma.3.18.11)

तदा इंद्रेण क्षुद्रत्वाद्वज्रकीलेन यंत्रितः । तदाप्रभृति लोकानां स्वर्गमत्वं निवारितम्

tadā iṁdreṇa kṣudratvādvajrakīlena yaṁtritaḥ tadāprabhṛti lokānāṁ svargamatvaṁ nivāritam

Then Indra, out of pettiness, fixed that place with the bolt of the vajra; from that time, this easy path to heaven's attainment was blocked for the worlds.

Verse 12 (padma.3.18.12)

सघृतं श्रीफलं दत्वा दत्वा चांते प्रदक्षिणम् । सर्वतः सह देवेन शिरसादाय धारयेत् । सर्वकामेन संपूर्णो राजा भवति पांडव

saghṛtaṁ śrīphalaṁ datvā datvā cāṁte pradakṣiṇam sarvataḥ saha devena śirasādāya dhārayet sarvakāmena saṁpūrṇo rājā bhavati pāṁḍava

Having offered the wood-apple together with ghee, and having performed circumambulation, and bearing it upon the head together with the god — one becomes a king, complete in every desired object, O Pandava.

Verse 13 (padma.3.18.13)

मृतो रुद्रत्वमाप्नोति न चेह जायते पुनः । स्वर्गं गत्वा ततो राज्यं कृत्वागत्य ततो दिवम्

mṛto rudratvamāpnoti na ceha jāyate punaḥ svargaṁ gatvā tato rājyaṁ kṛtvāgatya tato divam

Dying there, he attains the state of Rudra and is not born here again. Having gone to heaven, and then having ruled a kingdom, and then gone to heaven once more,

Verse 14 (padma.3.18.14)

महादेवं तथोपास्य त्रयोदश्यां हि मानवः । स्नातमात्रो नरस्तत्र सर्वयज्ञफलं लभेत्

mahādevaṁ tathopāsya trayodaśyāṁ hi mānavaḥ snātamātro narastatra sarvayajñaphalaṁ labhet

having thus worshipped Mahadeva on the thirteenth lunar day, a man, merely by bathing there, obtains the fruit of every sacrifice.

Verse 15 (padma.3.18.15)

ततो गच्छेत राजेंद्र तीर्थं परमशोभनम् । नराणां पापनाशाय अगस्त्येश्वरमुत्तमम्

tato gaccheta rājeṁdra tīrthaṁ paramaśobhanam narāṇāṁ pāpanāśāya agastyeśvaramuttamam

Then, O lord of kings, one should go to a supremely beautiful tirtha, for the destruction of men's sins — the excellent Agastyeshvara.

Verse 16 (padma.3.18.16)

तत्र स्नात्वा नरो राजन्मुच्यते ब्रह्महत्यया । कार्तिकस्य तु मासस्य कृष्णपक्षचतुर्दशी

tatra snātvā naro rājanmucyate brahmahatyayā kārtikasya tu māsasya kṛṣṇapakṣacaturdaśī

Having bathed there, O king, a man is freed from the sin of killing a brahmin. On the fourteenth of the dark fortnight of Kartika,

Verse 17 (padma.3.18.17)

घृतेन स्नापयेद्देवं समाधिस्थो जितेंद्रियः । एकविंशकुलोपेतो न मुच्येदैश्वरात्पदात्

ghṛtena snāpayeddevaṁ samādhistho jiteṁdriyaḥ ekaviṁśakulopeto na mucyedaiśvarātpadāt

in meditation and of mastered senses, one should bathe the god with ghee; even together with twenty-one generations of his family, he does not fall from that exalted state.

Verse 18 (padma.3.18.18)

धेनवोपानहंच्छत्रं तथा दद्याच्च कंबलम् । भोजनं चैव विप्राणां सर्वं कोटिगुणं भवेत्

dhenavopānahaṁcchatraṁ tathā dadyācca kaṁbalam bhojanaṁ caiva viprāṇāṁ sarvaṁ koṭiguṇaṁ bhavet

One should give cows, sandals, an umbrella, and likewise a blanket, and feed brahmins — all of it becomes multiplied a crore-fold.

Verse 19 (padma.3.18.19)

ततो गच्छेत राजेंद्र रविस्तवमनुत्तमम् । तत्र स्नात्वा नरो राजन्सिंहासनगतिर्भवेत्

tato gaccheta rājeṁdra ravistavamanuttamam tatra snātvā naro rājansiṁhāsanagatirbhavet

Then, O lord of kings, one should go to the unsurpassed Ravistava; having bathed there, O king, a man attains the state of ascending a throne.

Verse 20 (padma.3.18.20)

नर्मदा दक्षिणे कूले तीर्थं शक्रस्य विश्रुतम् । उपोष्य रजनीमेकां स्नानं तत्र समाचरेत्

narmadā dakṣiṇe kūle tīrthaṁ śakrasya viśrutam upoṣya rajanīmekāṁ snānaṁ tatra samācaret

On the southern bank of the Narmada is the renowned tirtha of Shakra (Indra); having fasted a single night, one should perform the ritual bath there.

Verse 21 (padma.3.18.21)

स्नानं कृत्वा यथान्यायमर्च्चयेत्तु जनार्दनम् । गोसहस्रफलं तस्य विष्णुलोकं स गच्छति

snānaṁ kṛtvā yathānyāyamarccayettu janārdanam gosahasraphalaṁ tasya viṣṇulokaṁ sa gacchati

Having bathed duly, one should worship Janardana; with the fruit of a thousand cows, he goes to the world of Vishnu.

Verse 22 (padma.3.18.22)

ऋषितीर्थं ततो गच्छेत्सर्वपापहरं नृणाम् । स्नातमात्रो नरस्तत्र शिवलोके महीयते

ṛṣitīrthaṁ tato gacchetsarvapāpaharaṁ nṛṇām snātamātro narastatra śivaloke mahīyate

Then one should go to Rishi-tirtha, remover of all men's sins; merely by bathing there, a man is honored in the world of Shiva.

Verse 23 (padma.3.18.23)

नारदस्य च तत्रैव तीर्थं परमशोभनम् । स्नातमात्रो नरस्तत्र गोसहस्रफलं लभेत्

nāradasya ca tatraiva tīrthaṁ paramaśobhanam snātamātro narastatra gosahasraphalaṁ labhet

There too is Narada's own supremely beautiful tirtha; merely by bathing there, a man obtains the fruit of a thousand cows.

Verse 24 (padma.3.18.24)

देवतीर्थं ततो गच्छेद्ब्रह्मणा निर्मितं पुरा । तत्र स्नात्वा नरो राजन्ब्रह्मलोके महीयते

devatīrthaṁ tato gacchedbrahmaṇā nirmitaṁ purā tatra snātvā naro rājanbrahmaloke mahīyate

Then one should go to Deva-tirtha, made by Brahma of old; having bathed there, O king, a man is honored in Brahmaloka.

Verse 25 (padma.3.18.25)

अमरकंटकं ततो गच्छेदमरस्थापितं पुरा । स्नातमात्रो नरस्तत्र गोसहस्रफलं लभेत्

amarakaṁṭakaṁ tato gacchedamarasthāpitaṁ purā snātamātro narastatra gosahasraphalaṁ labhet

Then one should go to Amarakantaka, established by the Immortals of old; merely by bathing there, a man obtains the fruit of a thousand cows.

Verse 26 (padma.3.18.26)

ततो गच्छेत राजेंद्र वामनेश्वरमुत्तमम् । तत्र वामनकं दृष्ट्वा मुच्यते ब्रह्महत्यया

tato gaccheta rājeṁdra vāmaneśvaramuttamam tatra vāmanakaṁ dṛṣṭvā mucyate brahmahatyayā

Then, O lord of kings, one should go to the excellent Vamaneshvara; having beheld Vamanaka there, one is freed from the sin of killing a brahmin.

Verse 27 (padma.3.18.27)

ऋषितीर्थं ततो गच्छेदीशानेशं पुमान्ध्रुवम् । वटेश्वरं ततो दृष्ट्वा पर्य्याप्तं जन्मनः फलम्

ṛṣitīrthaṁ tato gacchedīśāneśaṁ pumāndhruvam vaṭeśvaraṁ tato dṛṣṭvā paryyāptaṁ janmanaḥ phalam

Then one should go to Rishi-tirtha, where Ishanesha surely [grants his fruit]; then, having beheld Vateshvara, the full fruit of birth is attained.

Verse 28 (padma.3.18.28)

भीमेश्वरं ततो गच्छेत्सर्वव्याधिविनाशनम् । स्नातमात्रो नरो राजन्सर्वदुःखात्प्रमुच्यते

bhīmeśvaraṁ tato gacchetsarvavyādhivināśanam snātamātro naro rājansarvaduḥkhātpramucyate

Then one should go to Bhimeshvara, destroyer of every disease; merely by bathing there, O king, a man is freed from all suffering.

Verse 29 (padma.3.18.29)

ततो गच्छेत राजेंद्र वारणेश्वरमुत्तमम् । तत्र स्नात्वा नरो राजन्सर्वदुःखात्प्रमुच्यते

tato gaccheta rājeṁdra vāraṇeśvaramuttamam tatra snātvā naro rājansarvaduḥkhātpramucyate

Then, O lord of kings, one should go to the excellent Varaneshvara; having bathed there, O king, a man is freed from all suffering.

Verse 30 (padma.3.18.30)

सोमतीर्थं ततो गच्छेत्पश्येच्चंद्रमनुत्तमम् । तत्र स्नात्वा नरो राजन्भक्त्या परमया युतः

somatīrthaṁ tato gacchetpaśyeccaṁdramanuttamam tatra snātvā naro rājanbhaktyā paramayā yutaḥ

Then one should go to Soma-tirtha and behold the unsurpassed moon; having bathed there, O king, endowed with supreme devotion,

Verse 31 (padma.3.18.31)

तत्क्षणाद्दिव्यदेहस्थः शिववन्मोदते चिरम् । षष्टिवर्षसहस्राणि शिवलोके महीयते

tatkṣaṇāddivyadehasthaḥ śivavanmodate ciram ṣaṣṭivarṣasahasrāṇi śivaloke mahīyate

at that very instant, having attained a divine body, he rejoices for a long time like Shiva; he is honored in the world of Shiva for sixty thousand years.

Verse 32 (padma.3.18.32)

ततो गच्छेत राजेंद्र पिंगलेश्वरमुत्तमम् । अहोरात्रोपवासेन त्रिरात्रफलमाप्नुयात्

tato gaccheta rājeṁdra piṁgaleśvaramuttamam ahorātropavāsena trirātraphalamāpnuyāt

Then, O lord of kings, one should go to the excellent Pingaleshvara; by fasting a day and a night, one obtains the fruit of a three-night fast.

Verse 33 (padma.3.18.33)

तस्मिंस्तीर्थे तु राजेंद्र कपिलां यः प्रयच्छति । यावंति तस्या रोमाणि तत्प्रसूतकुलस्य च

tasmiṁstīrthe tu rājeṁdra kapilāṁ yaḥ prayacchati yāvaṁti tasyā romāṇi tatprasūtakulasya ca

O lord of kings, at that tirtha, whoever gives a tawny cow — for as many hairs as are upon her, and upon those born of her lineage,

Verse 34 (padma.3.18.34)

तावद्वर्षसहस्राणि रुद्रलोके महीयते । यस्तुप्राणपरित्यागं तत्र कुर्य्यान्नराधिप

tāvadvarṣasahasrāṇi rudraloke mahīyate yastuprāṇaparityāgaṁ tatra kuryyānnarādhipa

for that many thousand years he is honored in the world of Rudra. O lord of men, whoever there gives up his life-breath,

Verse 35 (padma.3.18.35)

अक्षयं मोदते कालं यावच्चंद्रदिवाकरौ । नर्मदातटमाश्रित्य तिष्ठंति ये तु मानवाः

akṣayaṁ modate kālaṁ yāvaccaṁdradivākarau narmadātaṭamāśritya tiṣṭhaṁti ye tu mānavāḥ

rejoices for an imperishable span of time, as long as the sun and moon endure. Those men who remain dwelling on the bank of the Narmada,

Verse 36 (padma.3.18.36)

ते मृताः स्वर्गमायांति तथा सुकृतिनो यथा । सुरभिकेश्वरं गच्छेन्नारकं कोटिकेश्वरम्

te mṛtāḥ svargamāyāṁti tathā sukṛtino yathā surabhikeśvaraṁ gacchennārakaṁ koṭikeśvaram

when they die, attain heaven just as the meritorious do. One should go to Surabhikeshvara, Narakeshvara, and Kotikeshvara —

Verse 37 (padma.3.18.37)

गंगावतरणे तत्र दिने पुण्यो न संशयः । नंदितीर्थं ततो गच्छेत्स्नानं तत्र समाचरेत्

gaṁgāvataraṇe tatra dine puṇyo na saṁśayaḥ naṁditīrthaṁ tato gacchetsnānaṁ tatra samācaret

on the day of the Ganga's descent, it is sacred there without doubt. Then one should go to Nandi-tirtha and perform the ritual bath there.

Verse 38 (padma.3.18.38)

तुष्यते तं तु नंदीशः सोमलोके महीयते । ततो द्वीपेश्वरं गच्छेद्व्यासतीर्थं तपोवनम्

tuṣyate taṁ tu naṁdīśaḥ somaloke mahīyate tato dvīpeśvaraṁ gacchedvyāsatīrthaṁ tapovanam

By that Nandisha becomes pleased, and one is honored in Somaloka. Then one should go to Dvipeshvara, the hermitage-forest tirtha of Vyasa,

Verse 39 (padma.3.18.39)

निवर्तिता पुरा तत्र व्यासभीता महानदी । हुंकारिता तु व्यासेन दक्षिणेन ततो गता

nivartitā purā tatra vyāsabhītā mahānadī huṁkāritā tu vyāsena dakṣiṇena tato gatā

where the great river, once frightened of Vyasa, turned back; roared at by Vyasa, she flowed away southward.

Verse 40 (padma.3.18.40)

प्रदक्षिणं तु यः कुर्यात्तस्मिंस्तीर्थे नराधिप । व्यासस्तस्य भवेत्प्रीतो वांछितं लभते फलम्

pradakṣiṇaṁ tu yaḥ kuryāttasmiṁstīrthe narādhipa vyāsastasya bhavetprīto vāṁchitaṁ labhate phalam

O lord of men, whoever performs circumambulation at that tirtha, Vyasa becomes pleased with him and he obtains the fruit he desires.

Verse 41 (padma.3.18.41)

सूत्रेण वेष्टयेद्यस्तु दीप्तं देवं सवेदिकम् । क्रीडते ह्यक्षयं कालं यथा रुद्रस्तथैव सः

sūtreṇa veṣṭayedyastu dīptaṁ devaṁ savedikam krīḍate hyakṣayaṁ kālaṁ yathā rudrastathaiva saḥ

Whoever wraps the blazing god, together with his altar, with a thread, sports for an imperishable span of time, just like Rudra himself.

Verse 42 (padma.3.18.42)

ततो गच्छेत राजेंद्र एरंडीतीर्थमुत्तमम् । संगमे तु नरः स्नात्वा मुच्यते सर्वपातकैः

tato gaccheta rājeṁdra eraṁḍītīrthamuttamam saṁgame tu naraḥ snātvā mucyate sarvapātakaiḥ

Then, O lord of kings, one should go to the excellent Erandi-tirtha; having bathed at that confluence, a man is freed from all sins.

Verse 43 (padma.3.18.43)

एरंडी त्रिषु लोकेषु विख्याता पापनाशिनी । अथवाश्वयुजे मासे शुक्लपक्षस्य चाष्टमी

eraṁḍī triṣu lokeṣu vikhyātā pāpanāśinī athavāśvayuje māse śuklapakṣasya cāṣṭamī

Erandi is renowned in the three worlds as the destroyer of sin. Or on the eighth day of the bright fortnight of the month of Ashvayuja,

Verse 44 (padma.3.18.44)

शुचिर्भूत्वा नरः स्नात्वा सोपवासपरायणः

śucirbhūtvā naraḥ snātvā sopavāsaparāyaṇaḥ

having become pure and bathed, a man devoted to fasting —

Verse 45 (padma.3.18.45)

ब्राह्मणं भोजयेदेकं कोटिर्भवति भोजिता । एरंडीसंगमे स्नात्वा भक्तिभावानुरंजितः

brāhmaṇaṁ bhojayedekaṁ koṭirbhavati bhojitā eraṁḍīsaṁgame snātvā bhaktibhāvānuraṁjitaḥ

should feed a single brahmin, and it is as if a crore have been fed. Having bathed at the confluence of Erandi, filled with the spirit of devotion,

Verse 46 (padma.3.18.46)

शुक्तिकां शिरसि स्थाप्य अवगाह्य च वै जलम् । नर्मदोदकसंमिश्रं मुच्यते सर्वकिल्बषैः

śuktikāṁ śirasi sthāpya avagāhya ca vai jalam narmadodakasaṁmiśraṁ mucyate sarvakilbaṣaiḥ

placing an oyster-shell upon his head, and immersing himself in water mingled with Narmada water, one is freed from all sins.

Verse 47 (padma.3.18.47)

प्रदक्षिणं तु यः कुर्यात्तस्मिंस्तीर्थे नराधिप । प्रदक्षिणीकृता तेन सप्तद्वीपा वसुंधरा

pradakṣiṇaṁ tu yaḥ kuryāttasmiṁstīrthe narādhipa pradakṣiṇīkṛtā tena saptadvīpā vasuṁdharā

O lord of men, whoever performs circumambulation at that tirtha, by that he has, as it were, circumambulated the whole earth with its seven continents.

Verse 48 (padma.3.18.48)

ततः सुवर्णतिलके स्नात्वा दत्वा च कांचनम् । कांचनेन विमानेन रुद्रलोके महीयते

tataḥ suvarṇatilake snātvā datvā ca kāṁcanam kāṁcanena vimānena rudraloke mahīyate

Then, having bathed at Suvarna-tilaka and given gold, a man is honored in the world of Rudra, in a golden celestial chariot.

Verse 49 (padma.3.18.49)

ततः स्वर्गच्युतः कालाद्राजा भवति वीर्यवान् । ततो गच्छेत राजेंद्र इक्षुनद्यास्तु संगमम्

tataḥ svargacyutaḥ kālādrājā bhavati vīryavān tato gaccheta rājeṁdra ikṣunadyāstu saṁgamam

Then, when the time comes and he falls from heaven, he becomes a king endowed with valor. Then, O lord of kings, one should go to the confluence of the Ikshu river,

Verse 50 (padma.3.18.50)

त्रैलोक्ये विश्रुतं दिव्यं तत्र संनिहितः शिवः । तत्र स्नात्वा नरो राजन्गाणपत्यमवाऽप्नुयात्

trailokye viśrutaṁ divyaṁ tatra saṁnihitaḥ śivaḥ tatra snātvā naro rājangāṇapatyamavā'pnuyāt

divine, renowned in the three worlds, where Shiva is ever present. Having bathed there, O king, a man obtains the state of Ganapatya.

Verse 51 (padma.3.18.51)

स्कंदतीर्थं ततो गच्छेत्सर्वपापप्रणाशनम् । आजन्मनः कृतं पापं स्नानमात्राद्व्यपोहति

skaṁdatīrthaṁ tato gacchetsarvapāpapraṇāśanam ājanmanaḥ kṛtaṁ pāpaṁ snānamātrādvyapohati

Then one should go to Skanda-tirtha, destroyer of all sin; sin accumulated from birth is dispelled merely by bathing.

Verse 52 (padma.3.18.52)

आंगिरसं ततो गच्छेत्स्नानं तत्र समाचरेत् । गोसहस्रफलं तस्य रुद्रलोके महीयते

āṁgirasaṁ tato gacchetsnānaṁ tatra samācaret gosahasraphalaṁ tasya rudraloke mahīyate

Then one should go to Angirasa[-tirtha] and perform the ritual bath there; with the fruit of a thousand cows, he is honored in the world of Rudra.

Verse 53 (padma.3.18.53)

लांगलतीर्थं ततो गच्छेत्सर्वपापप्रणाशनम् । तत्र गत्वा तु राजेंद्र स्नानं तत्र समाचरेत्

lāṁgalatīrthaṁ tato gacchetsarvapāpapraṇāśanam tatra gatvā tu rājeṁdra snānaṁ tatra samācaret

Then one should go to Langala-tirtha, destroyer of all sin; O lord of kings, having gone there, one should perform the ritual bath.

Verse 54 (padma.3.18.54)

सप्तजन्मकृतैः पापैर्मुच्यते नात्र संशयः । वटेश्वरं ततो गच्छेत्सर्वतीर्थमनुत्तमम्

saptajanmakṛtaiḥ pāpairmucyate nātra saṁśayaḥ vaṭeśvaraṁ tato gacchetsarvatīrthamanuttamam

One is freed from sins committed over seven births — of this there is no doubt. Then one should go to Vateshvara, unsurpassed among all tirthas,

Verse 55 (padma.3.18.55)

तत्र स्नात्वा नरो राजन्गोसहस्रफलं लभेत् । संगमेश्वरं ततो गच्छेत्सर्वपापहरं परम्

tatra snātvā naro rājangosahasraphalaṁ labhet saṁgameśvaraṁ tato gacchetsarvapāpaharaṁ param

having bathed there, O king, a man obtains the fruit of a thousand cows. Then one should go to Sangameshvara, supreme remover of all sin,

Verse 56 (padma.3.18.56)

तत्र स्नात्वा नरो राज्यं लभते नात्र संशयः । भद्रतीर्थं समासाद्य दानं दद्यात्तु यो नरः

tatra snātvā naro rājyaṁ labhate nātra saṁśayaḥ bhadratīrthaṁ samāsādya dānaṁ dadyāttu yo naraḥ

having bathed there, one obtains a kingdom — there is no doubt of this. Having reached Bhadra-tirtha, whatever man gives a gift there,

Verse 57 (padma.3.18.57)

तस्य तीर्थप्रभावेण सर्वं कोटिगुणं भवेत् । अथ नारी भवेत्कापि तत्र स्नानं समाचरेत्

tasya tīrthaprabhāveṇa sarvaṁ koṭiguṇaṁ bhavet atha nārī bhavetkāpi tatra snānaṁ samācaret

by the power of that tirtha, it becomes multiplied a crore-fold. And if any woman performs the ritual bath there,

Verse 58 (padma.3.18.58)

गौरीतुल्या भवेत्सा तु इंद्रं याति न संशयः । अंगारेश्वरं ततो गच्छेत्स्नानं तत्र समाचरेत्

gaurītulyā bhavetsā tu iṁdraṁ yāti na saṁśayaḥ aṁgāreśvaraṁ tato gacchetsnānaṁ tatra samācaret

she becomes equal to Gauri and goes to Indra's world — without doubt. Then one should go to Angareshvara and perform the ritual bath there,

Verse 59 (padma.3.18.59)

स्नातमात्रो नरस्तत्र रुद्रलोके महीयते । अंगारक्यां चतुर्थ्यां तु स्नानं तत्र समाचरेत्

snātamātro narastatra rudraloke mahīyate aṁgārakyāṁ caturthyāṁ tu snānaṁ tatra samācaret

merely by bathing there, a man is honored in the world of Rudra. On the fourth day sacred to Angaraka, one should bathe there,

Verse 60 (padma.3.18.60)

अक्षयं मोदते कालं मुरारिकृतशासनः । अयोनिसंगमे स्नात्वा न पश्येद्योनिमंदिरम्

akṣayaṁ modate kālaṁ murārikṛtaśāsanaḥ ayonisaṁgame snātvā na paśyedyonimaṁdiram

and, under the ordinance established by Murari, rejoices for an imperishable span of time. Having bathed at the confluence called Ayoni, a man no longer beholds the abode of the womb.

Verse 61 (padma.3.18.61)

पांडवेश्वरकं गत्वा स्नानं तत्र समाचरेत् । अक्षयं मोदते कालमवध्यस्तु सुरासुरैः

pāṁḍaveśvarakaṁ gatvā snānaṁ tatra samācaret akṣayaṁ modate kālamavadhyastu surāsuraiḥ

Having gone to Pandaveshvaraka, one should perform the ritual bath there; unslayable even by gods and asuras, he rejoices for an imperishable span of time.

Verse 62 (padma.3.18.62)

विष्णुलोकं ततो गत्वा क्रीडाभोगसमन्वितः । तत्र भुक्त्वा महाभोगान्मर्त्ये राजाभिजायते

viṣṇulokaṁ tato gatvā krīḍābhogasamanvitaḥ tatra bhuktvā mahābhogānmartye rājābhijāyate

Then, having gone to Vishnuloka, endowed with sport and enjoyment, and having enjoyed great pleasures there, he is born a king among mortals.

Verse 63 (padma.3.18.63)

कंबोतिकेश्वरं गच्छेत्स्नानं तत्र समाचरेत् । उत्तरायणे तु संप्राप्ते यदिच्छेत्तस्य तद्भवेत्

kaṁbotikeśvaraṁ gacchetsnānaṁ tatra samācaret uttarāyaṇe tu saṁprāpte yadicchettasya tadbhavet

One should go to Kambotikeshvara and perform the ritual bath there; when the sun's northward course arrives, whatever one desires comes to be.

Verse 64 (padma.3.18.64)

चंद्रभागां ततो गच्छेत्स्नानं तत्र समाचरेत् । स्नातमात्रो नरस्तत्र सोमलोके महीयते

caṁdrabhāgāṁ tato gacchetsnānaṁ tatra samācaret snātamātro narastatra somaloke mahīyate

Then one should go to Chandrabhaga and perform the ritual bath there; merely by bathing there, a man is honored in the world of Soma.

Verse 65 (padma.3.18.65)

ततो गच्छेत राजेंद्र तीर्थं शक्रस्य विश्रुतम् । पूजितं देवराजेन देवैरपि नमस्कृतम्

tato gaccheta rājeṁdra tīrthaṁ śakrasya viśrutam pūjitaṁ devarājena devairapi namaskṛtam

Then, O lord of kings, one should go to the renowned tirtha of Shakra, worshipped by the King of the gods and honored even by [other] gods.

Verse 66 (padma.3.18.66)

तत्र स्नात्वा नरो राजन्दानं दत्वा च कांचनम् । अथवा नीलवर्णाभं वृषभं यः समुत्सृजेत्

tatra snātvā naro rājandānaṁ datvā ca kāṁcanam athavā nīlavarṇābhaṁ vṛṣabhaṁ yaḥ samutsṛjet

Having bathed there, O king, and having given gold — or whoever releases a dark-blue bull as a gift,

Verse 67 (padma.3.18.67)

वृषभस्य तु रोमाणि तत्प्रसूतिकुलेषु च । तावद्वर्षसहस्राणि नरो हरपुरे वसेत्

vṛṣabhasya tu romāṇi tatprasūtikuleṣu ca tāvadvarṣasahasrāṇi naro harapure vaset

for as many hairs as are on that bull, and on those born of his lineage, for that many thousand years, a man dwells in Hara's city.

Verse 68 (padma.3.18.68)

ततः स्वर्गात्परिभ्रष्टो राजा भवति वीर्यवान् । अश्वानां श्वेतवर्णानां सहस्रेषु नराधिप

tataḥ svargātparibhraṣṭo rājā bhavati vīryavān aśvānāṁ śvetavarṇānāṁ sahasreṣu narādhipa

Then, fallen from heaven, he becomes a king endowed with valor. O lord of men, among a thousand white horses,

Verse 69 (padma.3.18.69)

स्वामी भवति मर्त्येषु तस्य तीर्थ प्रभावतः । ततो गच्छेत राजेंद्र ब्रह्मावर्त्तमनुत्तमम्

svāmī bhavati martyeṣu tasya tīrtha prabhāvataḥ tato gaccheta rājeṁdra brahmāvarttamanuttamam

by the power of that tirtha, he becomes their lord among mortals. Then, O lord of kings, one should go to the excellent Brahmavarta,

Verse 70 (padma.3.18.70)

तत्र स्नात्वा नरो राजंस्तर्पयेत्पितृदेवताः । उपोष्य रजनीमेकां पिंडं दत्वा यथाविधि

tatra snātvā naro rājaṁstarpayetpitṛdevatāḥ upoṣya rajanīmekāṁ piṁḍaṁ datvā yathāvidhi

having bathed there, O king, one should offer tarpana to the ancestor-deities; having fasted a single night and offered the rice-ball duly,

Verse 71 (padma.3.18.71)

कन्यागते यथाऽदित्ये अक्षयं संचितं भवेत् । ततो गच्छेत राजेंद्र कपिलातीर्थमुत्तमम्

kanyāgate yathā'ditye akṣayaṁ saṁcitaṁ bhavet tato gaccheta rājeṁdra kapilātīrthamuttamam

when the sun enters the sign of Virgo, that merit becomes imperishable and accumulated. Then, O lord of kings, one should go to the excellent Kapila-tirtha,

Verse 72 (padma.3.18.72)

तत्र स्नात्वा नरो राजन्कपिलां यः प्रयच्छति । संपूर्णां पृथिवीं दत्वा यत्फलं तदवाप्नुयात्

tatra snātvā naro rājankapilāṁ yaḥ prayacchati saṁpūrṇāṁ pṛthivīṁ datvā yatphalaṁ tadavāpnuyāt

having bathed there, O king, whoever gives a tawny cow obtains the same fruit as one who has given the entire earth.

Verse 73 (padma.3.18.73)

नर्मदेश्वरं परं तीर्थं न भूतं न भविष्यति । तत्र स्नात्वा नरो राजन्नश्वमेधफलं लभेत्

narmadeśvaraṁ paraṁ tīrthaṁ na bhūtaṁ na bhaviṣyati tatra snātvā naro rājannaśvamedhaphalaṁ labhet

Narmadeshvara is a supreme tirtha, whose like has neither been nor shall be; having bathed there, O king, a man obtains the fruit of the Ashvamedha.

Verse 74 (padma.3.18.74)

तत्र सर्वगतो राजा पृथिव्यामभिजायते । सर्वलक्षणसंपूर्णः सर्वव्याधिविवर्जितः

tatra sarvagato rājā pṛthivyāmabhijāyate sarvalakṣaṇasaṁpūrṇaḥ sarvavyādhivivarjitaḥ

A king who attains that state, complete with every auspicious mark and free from every disease, is born again upon the earth.

Verse 75 (padma.3.18.75)

नार्मदीयोत्तरेकूले तीर्थं परमशोभनम् । आदित्यायतनं रम्यमीश्वरेण तु भावितम्

nārmadīyottarekūle tīrthaṁ paramaśobhanam ādityāyatanaṁ ramyamīśvareṇa tu bhāvitam

On the northern bank of the Narmada is a supremely beautiful tirtha — the delightful abode of Aditya, made manifest by Ishvara himself.

Verse 76 (padma.3.18.76)

तत्र स्नात्वा तु राजेंद्र दानं दत्वा च शक्तितः । तस्य तीर्थप्रभावेण दत्तं भवति चाक्षयम्

tatra snātvā tu rājeṁdra dānaṁ datvā ca śaktitaḥ tasya tīrthaprabhāveṇa dattaṁ bhavati cākṣayam

Having bathed there, O lord of kings, and having given a gift according to one's means, by the power of that tirtha, what is given becomes imperishable.

Verse 77 (padma.3.18.77)

दरिद्रा व्याधिता ये तु ये च दुष्कृतकर्मणः । मुच्यंते सर्वपापेभ्यः सूर्यलोकं प्रयांति च

daridrā vyādhitā ye tu ye ca duṣkṛtakarmaṇaḥ mucyaṁte sarvapāpebhyaḥ sūryalokaṁ prayāṁti ca

The poor, the diseased, and those of evil deeds too are freed from all sins and go to the world of the sun.

Verse 78 (padma.3.18.78)

माघमासे तु संप्राप्ते शुक्लपक्षस्य सप्तमीम् । वसेदायतने यस्तु निरात्मा यो जितेंद्रियः

māghamāse tu saṁprāpte śuklapakṣasya saptamīm vasedāyatane yastu nirātmā yo jiteṁdriyaḥ

When the month of Magha arrives, on the seventh day of the bright fortnight, whoever, free from ego and of mastered senses, dwells at that abode,

Verse 79 (padma.3.18.79)

न जायते व्याधितश्च कालेंधो बधिरस्तथा । सुभगो रूपसंपन्नः स्त्रीणां भवति वल्लभः

na jāyate vyādhitaśca kāleṁdho badhirastathā subhago rūpasaṁpannaḥ strīṇāṁ bhavati vallabhaḥ

he is not born diseased, blind, or deaf; he becomes handsome, endowed with beauty, and beloved of women.

Verse 80 (padma.3.18.80)

इदं तीर्थं महापुण्यं मार्कंडेयेन भाषितम् । ये प्रयांति न राजेंद्र वंचितास्ते न संशयः

idaṁ tīrthaṁ mahāpuṇyaṁ mārkaṁḍeyena bhāṣitam ye prayāṁti na rājeṁdra vaṁcitāste na saṁśayaḥ

This greatly sacred tirtha was declared by Markandeya. O lord of kings, those who do not go there are indeed deceived — without doubt.

Verse 81 (padma.3.18.81)

मासेश्वरं ततो गच्छेत्स्नानं तत्र समाचरेत् । स्नातमात्रो नरस्तत्र स्वर्गलोकमवाप्नुयात्

māseśvaraṁ tato gacchetsnānaṁ tatra samācaret snātamātro narastatra svargalokamavāpnuyāt

Then one should go to Maseshvara and perform the ritual bath there; merely by bathing there, a man attains the heavenly world,

Verse 82 (padma.3.18.82)

मोदते सर्वलोकस्थो यावदिंद्राश्चतुर्दश । ततः समीपतः स्थित्वा नागेश्वरं तपोवनम्

modate sarvalokastho yāvadiṁdrāścaturdaśa tataḥ samīpataḥ sthitvā nāgeśvaraṁ tapovanam

and rejoices, dwelling among all the worlds, for as long as fourteen Indras reign in succession. Then, nearby, one should go to the forest of austerity, Nageshvara,

Verse 83 (padma.3.18.83)

तत्र स्नात्वा तु राजेंद्र शुचिर्भूत्वा समाहितः । बहुभिर्नागकन्याभिः क्रीडते कालमक्षयम्

tatra snātvā tu rājeṁdra śucirbhūtvā samāhitaḥ bahubhirnāgakanyābhiḥ krīḍate kālamakṣayam

having bathed there, O lord of kings, become pure and composed, he sports with many serpent-maidens for an imperishable span of time.

Verse 84 (padma.3.18.84)

कुबेरभवनं गच्छेत्कुबेरो यत्र संस्थितः । कालेश्वरं परं तीर्थं कुबेरो यत्र तोषितः

kuberabhavanaṁ gacchetkubero yatra saṁsthitaḥ kāleśvaraṁ paraṁ tīrthaṁ kubero yatra toṣitaḥ

One should go to Kubera's mansion, where Kubera is established — the supreme tirtha of Kaleshvara, where Kubera was made content,

Verse 85 (padma.3.18.85)

यत्र स्नात्वा तु राजेंद्र सर्वसंपदमाप्नुयात् । ततः पश्चिमतो गच्छेन्मरुतालयमुत्तमम्

yatra snātvā tu rājeṁdra sarvasaṁpadamāpnuyāt tataḥ paścimato gacchenmarutālayamuttamam

having bathed there, O lord of kings, one obtains every prosperity. Then one should go westward to the excellent abode of the Maruts,

Verse 86 (padma.3.18.86)

तत्र स्नात्वा तु राजेंद्र शुचिर्भूत्वा समाहितः । कांचनं तु ततो दद्यादन्नशक्त्या तु बुद्धिमान्

tatra snātvā tu rājeṁdra śucirbhūtvā samāhitaḥ kāṁcanaṁ tu tato dadyādannaśaktyā tu buddhimān

having bathed there, O lord of kings, become pure and composed, a wise man should then give gold according to his means for food;

Verse 87 (padma.3.18.87)

पुष्पकेण विमानेन वायुलोकं स गच्छति । मम तीर्थं ततो गच्छेन्माघमासे युधिष्ठिर

puṣpakeṇa vimānena vāyulokaṁ sa gacchati mama tīrthaṁ tato gacchenmāghamāse yudhiṣṭhira

in a Pushpaka celestial chariot, he goes to the world of Vayu. Then, O Yudhishthira, one should go to my own tirtha in the month of Magha,

Verse 88 (padma.3.18.88)

कृष्णपक्षे चतुर्दश्यां स्नानं तत्र समाचरेत् । नक्तं भोज्यं ततः कुर्यान्न गच्छेद्योनिसंकटम्

kṛṣṇapakṣe caturdaśyāṁ snānaṁ tatra samācaret naktaṁ bhojyaṁ tataḥ kuryānna gacchedyonisaṁkaṭam

on the fourteenth of the dark fortnight, and perform the ritual bath there; one should then take food only at night, and shall not again face the confines of the womb.

Verse 89 (padma.3.18.89)

अहल्यातीर्थं ततो गच्छेत्स्नानं तत्र समाचरेत् । स्नातमात्रो नरस्तत्र अप्सरोभिः प्रमोदते

ahalyātīrthaṁ tato gacchetsnānaṁ tatra samācaret snātamātro narastatra apsarobhiḥ pramodate

Then one should go to Ahalya-tirtha and perform the ritual bath there; merely by bathing there, a man delights among the apsarases.

Verse 90 (padma.3.18.90)

पारमेश्वरे तपस्तप्त्वा अहल्या मुक्तिमागमत् । चैत्रमासे तु संप्राप्ते शुक्लपक्षे त्रयोदशी

pārameśvare tapastaptvā ahalyā muktimāgamat caitramāse tu saṁprāpte śuklapakṣe trayodaśī

Having performed austerity at Parameshvara, Ahalya attained liberation. When the month of Chaitra arrives, on the thirteenth of the bright fortnight,

Verse 91 (padma.3.18.91)

कामदेवदिने तस्मिन्नहल्यां तु प्रपूजयेत् । यत्र तत्र समुत्पन्नो नरस्तत्र प्रियो भवेत्

kāmadevadine tasminnahalyāṁ tu prapūjayet yatra tatra samutpanno narastatra priyo bhavet

on that day sacred to Kamadeva, one should worship Ahalya; wherever such a man is thereafter born, he becomes dear to all,

Verse 92 (padma.3.18.92)

स्त्रीवल्लभो भवेच्छ्रीमान्कामदेव इवापरः । अयोध्यां तु समासाद्य तीर्थं शक्रस्य विश्रुतम्

strīvallabho bhavecchrīmānkāmadeva ivāparaḥ ayodhyāṁ tu samāsādya tīrthaṁ śakrasya viśrutam

beloved of women and glorious, becoming, as it were, a second Kamadeva. Having reached Ayodhya, the renowned tirtha of Shakra,

Verse 93 (padma.3.18.93)

स्नातमात्रो नरस्तत्र गोसहस्र फलं लभेत् । सोमतीर्थं ततो गच्छेत्स्नानमात्रं समाचरेत्

snātamātro narastatra gosahasra phalaṁ labhet somatīrthaṁ tato gacchetsnānamātraṁ samācaret

merely by bathing there, a man obtains the fruit of a thousand cows. Then one should go to Soma-tirtha and perform merely the ritual bath;

Verse 94 (padma.3.18.94)

स्नातमात्रो नरस्तत्र सर्वपापैः प्रमुच्यते । सोमग्रहे तु राजेंद्र पापक्षयकरं भवेत्

snātamātro narastatra sarvapāpaiḥ pramucyate somagrahe tu rājeṁdra pāpakṣayakaraṁ bhavet

merely by bathing there, a man is freed from all sins. O lord of kings, during a lunar eclipse, it becomes a destroyer of sin;

Verse 95 (padma.3.18.95)

त्रैलोक्यविश्रुतं राजन्सोमतीर्थं महाफलम् । यस्तु चांद्रायणं कुर्यात्तस्मिंस्तीर्थे नराधिप

trailokyaviśrutaṁ rājansomatīrthaṁ mahāphalam yastu cāṁdrāyaṇaṁ kuryāttasmiṁstīrthe narādhipa

renowned in the three worlds, O king, this Soma-tirtha bears great fruit. O lord of men, whoever performs the Chandrayana vow at that tirtha,

Verse 96 (padma.3.18.96)

सर्वपापविशुद्धात्मा सोमलोकं स गच्छति । अग्निप्रवेशे तु जलेप्यथवापि ह्यनाशने

sarvapāpaviśuddhātmā somalokaṁ sa gacchati agnipraveśe tu jalepyathavāpi hyanāśane

with a soul purified of all sin, goes to the world of Soma. Whether by entering fire, or in water, or by giving up food,

Verse 97 (padma.3.18.97)

सोमतीर्थे मृतो यस्तु नासौ मर्त्येभिजायते । स्तंभतीर्थं ततो गच्छेत्स्नानं तत्र समाचरेत्

somatīrthe mṛto yastu nāsau martyebhijāyate staṁbhatīrthaṁ tato gacchetsnānaṁ tatra samācaret

whoever dies at Soma-tirtha is not born again among mortals. Then one should go to Stambha-tirtha and perform the ritual bath there;

Verse 98 (padma.3.18.98)

स्नातमात्रो नरस्तत्र सोमलोके महीयते । ततो गच्छेत राजेंद्र विष्णुतीर्थमनुत्तमम्

snātamātro narastatra somaloke mahīyate tato gaccheta rājeṁdra viṣṇutīrthamanuttamam

merely by bathing there, a man is honored in the world of Soma. Then, O lord of kings, one should go to the unsurpassed Vishnu-tirtha,

Verse 99 (padma.3.18.99)

योधनीपुरविख्यातं विष्णुतीर्थमनुत्तमम् । असुरा योधितास्तत्र वासुदेवेन कोटिशः

yodhanīpuravikhyātaṁ viṣṇutīrthamanuttamam asurā yodhitāstatra vāsudevena koṭiśaḥ

renowned as Yodhanipura, the unsurpassed Vishnu-tirtha; there the asuras were made to fight by Vasudeva, by the crore.

Verse 100 (padma.3.18.100)

तत्र तीर्थं समुत्पन्नं विष्णुः प्रीतो भवेदिह । अहोरात्रोपवासेन ब्रह्महत्यां व्यपोहति

tatra tīrthaṁ samutpannaṁ viṣṇuḥ prīto bhavediha ahorātropavāsena brahmahatyāṁ vyapohati

There that tirtha arose; there Vishnu becomes pleased in this world. By a fast of a day and a night, it dispels the sin of killing a brahmin.

Verse 101 (padma.3.18.101)

ततो गच्छेत्तु राजेंद्र तापसेश्वरमुत्तमम् । अमोहकमिति ख्यातं पितॄन्यस्तत्र तर्पयेत्

tato gacchettu rājeṁdra tāpaseśvaramuttamam amohakamiti khyātaṁ pitṝnyastatra tarpayet

Then, O lord of kings, one should go to the excellent Tapaseshvara, renowned as Amohaka, where one should offer tarpana to the ancestors.

Verse 102 (padma.3.18.102)

पौर्णमास्याममावास्यां श्राद्धं कुर्याद्यथाविधि । तत्र स्नात्वा नरो राजन्पितृपिंडं तु दापयेत्

paurṇamāsyāmamāvāsyāṁ śrāddhaṁ kuryādyathāvidhi tatra snātvā naro rājanpitṛpiṁḍaṁ tu dāpayet

On the full moon or the new moon, one should perform the shraddha rite duly; having bathed there, O king, one should offer the rice-ball to the ancestors.

Verse 103 (padma.3.18.103)

गजरूपाः शिलास्तत्र तोयमध्ये प्रतिष्ठिताः । तस्मिंस्तु दापयेत्पिंडं वैशाखे तु विशेषतः

gajarūpāḥ śilāstatra toyamadhye pratiṣṭhitāḥ tasmiṁstu dāpayetpiṁḍaṁ vaiśākhe tu viśeṣataḥ

There, elephant-shaped rocks stand established in the midst of the water; there, especially in the month of Vaishakha, one should offer the rice-ball.

Verse 104 (padma.3.18.104)

तृप्यंति पितरस्तावद्यावत्तिष्ठति मेदिनी । ततो गच्छेत राजेंद्र सिद्धेश्वरमनुत्तमम्

tṛpyaṁti pitarastāvadyāvattiṣṭhati medinī tato gaccheta rājeṁdra siddheśvaramanuttamam

For as long as the earth endures, the ancestors remain satisfied. Then, O lord of kings, one should go to the unsurpassed Siddheshvara,

Verse 105 (padma.3.18.105)

तत्र गत्वा तु राजेंद्र गणपत्यंतिकं व्रजेत् । ततो गच्छेत राजेंद्र लिंगो यत्र जनार्दनः

tatra gatvā tu rājeṁdra gaṇapatyaṁtikaṁ vrajet tato gaccheta rājeṁdra liṁgo yatra janārdanaḥ

having gone there, O lord of kings, one should proceed to the vicinity of Ganapati. Then, O lord of kings, one should go to where Janardana stands in the form of a linga,

Verse 106 (padma.3.18.106)

तत्र स्नात्वा तु राजेंद्र विष्णुलोके महीयते । नर्मदादक्षिणेकूले तीर्थं परमशोभनम्

tatra snātvā tu rājeṁdra viṣṇuloke mahīyate narmadādakṣiṇekūle tīrthaṁ paramaśobhanam

having bathed there, O lord of kings, a man is honored in the world of Vishnu. On the southern bank of the Narmada is a supremely beautiful tirtha,

Verse 107 (padma.3.18.107)

कामदेवः स्वयं तत्र तपस्तप्यत्यसौ महान् । दिव्यं वर्षसहस्रं तु शंकरं पर्युपासते

kāmadevaḥ svayaṁ tatra tapastapyatyasau mahān divyaṁ varṣasahasraṁ tu śaṁkaraṁ paryupāsate

where Kamadeva himself performed that great austerity, worshipping Shankara for a thousand divine years.

Verse 108 (padma.3.18.108)

समाधिपर्वदग्धस्तु शंकरेण महात्मना । श्वेतपर्वोपमश्चैव हुताशः शुक्लपर्वणि

samādhiparvadagdhastu śaṁkareṇa mahātmanā śvetaparvopamaścaiva hutāśaḥ śuklaparvaṇi

Consumed on the Samadhi festival by the great-souled Shankara — during the bright fortnight, that fire blazed, resembling the White Mountain.

Verse 109 (padma.3.18.109)

एते दग्धास्तु ते सर्वे कुसुमेश्वरसंस्थिताः । दिव्यवर्षसहस्रेण तुष्टस्तेषां महेश्वरः

ete dagdhāstu te sarve kusumeśvarasaṁsthitāḥ divyavarṣasahasreṇa tuṣṭasteṣāṁ maheśvaraḥ

All of them were burned there at Kusumeshvara; after a thousand divine years, Maheshvara became pleased with them.

Verse 110 (padma.3.18.110)

उमया सहितो रुद्रस्तेषां तुष्टो वरप्रदः । विमोक्षयित्वा तान्सर्वान्नर्म्मदातटमास्थितान्

umayā sahito rudrasteṣāṁ tuṣṭo varapradaḥ vimokṣayitvā tānsarvānnarmmadātaṭamāsthitān

Rudra, together with Uma, pleased and become a granter of boons, released all of them, who had taken refuge on the bank of the Narmada,

Verse 111 (padma.3.18.111)

तस्य तीर्थप्रभावेण पुनर्देवत्वमागतः । त्वत्प्रसादान्महादेव तीर्थं च भवतूत्तमम्

tasya tīrthaprabhāveṇa punardevatvamāgataḥ tvatprasādānmahādeva tīrthaṁ ca bhavatūttamam

and by the power of that tirtha, they regained godhood once more — 'O Mahadeva, by your grace, may this tirtha become supreme.'

Verse 112 (padma.3.18.112)

अर्धयोजनविस्तीर्णं तीर्थं दिक्षु समंततः । तस्मिंस्तीर्थे नरः स्नात्वा उपवासपरायणः

ardhayojanavistīrṇaṁ tīrthaṁ dikṣu samaṁtataḥ tasmiṁstīrthe naraḥ snātvā upavāsaparāyaṇaḥ

That tirtha extends half a yojana on every side; a man, bathing at that tirtha and devoted to fasting,

Verse 113 (padma.3.18.113)

कुसुमायुधरूपेण रुद्रलोके महीयते । वैश्वानरे यमेनैव कामदेवेन वायवे

kusumāyudharūpeṇa rudraloke mahīyate vaiśvānare yamenaiva kāmadevena vāyave

in the very form of Kusumayudha (Kama, the flower-arrowed one), is honored in the world of Rudra. By Agni, by Yama, by Kamadeva, and by Vayu,

Verse 114 (padma.3.18.114)

तपस्तप्त्वा तु राजेंद्र तत्रैव च पुरागतैः । अंधोनस्य समीपे तु नातिदूरे तु तस्य वै

tapastaptvā tu rājeṁdra tatraiva ca purāgataiḥ aṁdhonasya samīpe tu nātidūre tu tasya vai

O lord of kings, those who had come there of old also performed austerity there; near Andhona, not very far from it,

Verse 115 (padma.3.18.115)

स्नानं दानं च तत्रैव भोजनं पिंडपातनम् । अग्निवेशे जले वापि अथवापि अनाशने

snānaṁ dānaṁ ca tatraiva bhojanaṁ piṁḍapātanam agniveśe jale vāpi athavāpi anāśane

there one should bathe, give gifts, take food, and offer the rice-ball. Whether by entering fire, or in water, or by giving up food,

Verse 116 (padma.3.18.116)

अनिवर्तिका गतिस्तस्य मृतस्याप्यर्द्धयोजने । त्रैयंबकेण तोयेन स्नापयेन्नरपुंगवः

anivartikā gatistasya mṛtasyāpyarddhayojane traiyaṁbakeṇa toyena snāpayennarapuṁgavaḥ

even one dying within half a yojana attains a path of no return. A foremost man should be bathed with the water of Tryambaka,

Verse 117 (padma.3.18.117)

अंधोनमूले दत्वा तु पिंडं चैव यथाविधि । पितरस्तस्य तृप्यंति यावच्चंद्र दिवाकरौ

aṁdhonamūle datvā tu piṁḍaṁ caiva yathāvidhi pitarastasya tṛpyaṁti yāvaccaṁdra divākarau

and the rice-ball should be duly offered at the foot of Andhona; his ancestors remain satisfied for as long as the sun and moon endure.

Verse 118 (padma.3.18.118)

उत्तरायणे तु संप्राप्ते तत्र स्नानं करोति यः । पुरुषो वापि स्त्री वापि वसेदायतने शुचिः

uttarāyaṇe tu saṁprāpte tatra snānaṁ karoti yaḥ puruṣo vāpi strī vāpi vasedāyatane śuciḥ

Whoever, man or woman, bathes there when the sun's northward course arrives, and dwells purely at that abode,

Verse 119 (padma.3.18.119)

सिद्धेश्वरस्य देवस्य प्रभाते पूजनान्नरः । स तां गतिमवाप्नोति न तां सर्वैर्महामखैः

siddheśvarasya devasya prabhāte pūjanānnaraḥ sa tāṁ gatimavāpnoti na tāṁ sarvairmahāmakhaiḥ

by worshipping the god Siddheshvara at dawn, a man attains that state which is not attained even by all the great sacrifices.

Verse 120 (padma.3.18.120)

यदा च तीर्थकालेन रूपवान्सुभगो भवेत् । मर्त्ये भवति राजासावासमुद्रांतगोचरे

yadā ca tīrthakālena rūpavānsubhago bhavet martye bhavati rājāsāvāsamudrāṁtagocare

And when, through the power of that tirtha, he becomes handsome and fortunate, he becomes a king among mortals, ruling as far as the ocean's bounds.

Verse 121 (padma.3.18.121)

क्षेत्रपालं न पश्येच्च दंडपालं महाबलम् । वृथा तस्य भवेद्यात्रा अदृष्ट्वा कर्णकुंडलम्

kṣetrapālaṁ na paśyecca daṁḍapālaṁ mahābalam vṛthā tasya bhavedyātrā adṛṣṭvā karṇakuṁḍalam

If he does not behold the Kshetrapala, and the mighty Dandapala — without having seen the one who wears the earring, his pilgrimage becomes fruitless.

Verse 122 (padma.3.18.122)

एतत्तीर्थफलं ज्ञात्वा सर्वेदेवाः समागताः । मुंचंति पुष्पवृष्टिं तु स्तुवंति कुसुमेश्वरम्

etattīrthaphalaṁ jñātvā sarvedevāḥ samāgatāḥ muṁcaṁti puṣpavṛṣṭiṁ tu stuvaṁti kusumeśvaram

Knowing this fruit of the tirtha, all the gods gathered together, showered down a rain of flowers, and praised Kusumeshvara.