Kurukshetra and the Lakes of Parashurama

Verse 1 (padma.3.26.1)

नारदउवाच । ततो गच्छेत राजेंद्र कुरुक्षेत्रमभिष्टुतम् । पापेभ्यो विप्रमुच्यंते तद्गताः सर्वजंतवः

nāradauvāca tato gaccheta rājeṁdra kurukṣetramabhiṣṭutam pāpebhyo vipramucyaṁte tadgatāḥ sarvajaṁtavaḥ

Narada said: Then, O lord of kings, one should go to the celebrated Kurukshetra; all beings who go there are freed from sins.

Verse 2 (padma.3.26.2)

कुरुक्षेत्रं गमिष्यामि कुरुक्षेत्रे वसाम्यहम् । य एवं सततं ब्रूयात्सर्वपापैः प्रमुच्यते

kurukṣetraṁ gamiṣyāmi kurukṣetre vasāmyaham ya evaṁ satataṁ brūyātsarvapāpaiḥ pramucyate

'I shall go to Kurukshetra, I shall dwell in Kurukshetra' — whoever says this continually is freed from all sins.

Verse 3 (padma.3.26.3)

तत्र मासं वसेद्धीरः सरस्वत्यां नराधिप । यत्र ब्रह्मादयो देवा यत्र ब्रह्मर्षिचारणाः

tatra māsaṁ vaseddhīraḥ sarasvatyāṁ narādhipa yatra brahmādayo devā yatra brahmarṣicāraṇāḥ

One should dwell there a month, steadfast, on the Sarasvati, O lord of men, where Brahma and the other gods, and the brahmarshis and Charanas,

Verse 4 (padma.3.26.4)

गंधर्वाप्सरसो यक्षाः पन्नगाश्च महीपते । ब्रह्मक्षेत्रं महापुण्यमभिगच्छंति भारत

gaṁdharvāpsaraso yakṣāḥ pannagāśca mahīpate brahmakṣetraṁ mahāpuṇyamabhigacchaṁti bhārata

the gandharvas, apsarases, yakshas, and serpents too, O lord of the earth, O Bharata, approach that greatly sacred field of Brahma.

Verse 5 (padma.3.26.5)

मनसाप्यभिकामस्य कुरुक्षेत्रे युधिष्ठिर । पापानि विप्रणश्यंति ब्रह्मलोकं च गच्छति

manasāpyabhikāmasya kurukṣetre yudhiṣṭhira pāpāni vipraṇaśyaṁti brahmalokaṁ ca gacchati

O Yudhishthira, for one who even mentally desires Kurukshetra, sins are utterly destroyed, and he goes to Brahmaloka.

Verse 6 (padma.3.26.6)

गत्वा हि श्रद्धया युक्तः कुरुक्षेत्रं कुरूद्वह । वाजपेयाश्वमेध्याभ्यां फलं प्राप्नोति मानवः

gatvā hi śraddhayā yuktaḥ kurukṣetraṁ kurūdvaha vājapeyāśvamedhyābhyāṁ phalaṁ prāpnoti mānavaḥ

Having gone there with faith, O scion of the Kurus, to Kurukshetra, a man obtains the fruit of the Vajapeya and the Ashvamedha.

Verse 7 (padma.3.26.7)

ततो मत्तर्णकं राजन्द्वारपालं महाबलम् । यं वै समभिवाद्यैव गोसहस्रफलं लभेत्

tato mattarṇakaṁ rājandvārapālaṁ mahābalam yaṁ vai samabhivādyaiva gosahasraphalaṁ labhet

Then, O king, one should go to the mighty gatekeeper Mattarnaka; having merely saluted him, one obtains the fruit of a thousand cows.

Verse 8 (padma.3.26.8)

ततो गच्छेत धर्मज्ञ विष्णोः स्थानमनुत्तमम् । सततं नाम राजेंद्र यत्र सन्निहितो हरिः

tato gaccheta dharmajña viṣṇoḥ sthānamanuttamam satataṁ nāma rājeṁdra yatra sannihito hariḥ

Then, O knower of dharma, one should go to the unsurpassed abode of Vishnu, named Satatam, O lord of kings, where Hari is present.

Verse 9 (padma.3.26.9)

तत्र स्नात्वा च दृष्ट्वा च त्रिलोकप्रभवं हरिम् । अश्वमेधमवाप्नोति विष्णुलोकं च गच्छति

tatra snātvā ca dṛṣṭvā ca trilokaprabhavaṁ harim aśvamedhamavāpnoti viṣṇulokaṁ ca gacchati

Having bathed there and beheld Hari, source of the three worlds, one obtains the fruit of the Ashvamedha and goes to the world of Vishnu.

Verse 10 (padma.3.26.10)

ततः पारिप्लवं गच्छेत्तीर्थं त्रैलोक्यविश्रुतम् । अग्निष्टोमातिरात्राभ्यां फलं प्राप्नोति मानवः

tataḥ pāriplavaṁ gacchettīrthaṁ trailokyaviśrutam agniṣṭomātirātrābhyāṁ phalaṁ prāpnoti mānavaḥ

Then one should go to Pariplava, a tirtha renowned in the three worlds; a man obtains the fruit of the Agnishtoma and the Atiratra.

Verse 11 (padma.3.26.11)

पृथिव्यां तीर्थमासाद्य गोसहस्रफलं लभेत् । ततः शाल्विकिनीं गत्वा तीर्थसेवी नराधिप

pṛthivyāṁ tīrthamāsādya gosahasraphalaṁ labhet tataḥ śālvikinīṁ gatvā tīrthasevī narādhipa

Having reached the tirtha named Prithivi, one obtains the fruit of a thousand cows. Then, having gone to Shalvikini, devoted to the tirtha, O lord of men,

Verse 12 (padma.3.26.12)

दशाश्वमेधिके स्नात्वा तदेव लभते फलम् । सर्पनीविं समासाद्य नागानां तीर्थमुत्तमम्

daśāśvamedhike snātvā tadeva labhate phalam sarpanīviṁ samāsādya nāgānāṁ tīrthamuttamam

having bathed at Dashashvamedhika, one obtains that same fruit. Having reached Sarpanivi, the supreme tirtha of the serpents,

Verse 13 (padma.3.26.13)

अग्निष्टोममवाप्नोति नागलोकं च गच्छति । ततो गच्छेत धर्मज्ञ द्वारपालमतर्णकम्

agniṣṭomamavāpnoti nāgalokaṁ ca gacchati tato gaccheta dharmajña dvārapālamatarṇakam

one obtains the fruit of the Agnishtoma and goes to the world of the Nagas. Then, O knower of dharma, one should go to the gatekeeper Atarnaka;

Verse 14 (padma.3.26.14)

तत्रोष्य रजनीमेकां गोसहस्रफलं लभेत् । ततःपंचनदंगत्वानियतोनियताशनः

tatroṣya rajanīmekāṁ gosahasraphalaṁ labhet tataḥpaṁcanadaṁgatvāniyatoniyatāśanaḥ

having dwelt there one night, one obtains the fruit of a thousand cows. Then, having gone to Panchanada, disciplined and restrained in diet,

Verse 15 (padma.3.26.15)

कोटितीर्थमुपस्पृश्य हयमेधफलं लभेत् । अश्विनीतीर्थमागम्य रूपवानभिजायते

koṭitīrthamupaspṛśya hayamedhaphalaṁ labhet aśvinītīrthamāgamya rūpavānabhijāyate

and having touched Koti-tirtha, one obtains the fruit of the horse-sacrifice. Having come to Ashvini-tirtha, one is born handsome.

Verse 16 (padma.3.26.16)

ततो गच्छेत धर्मज्ञ वाराहं तीर्थमुत्तमम् । विष्णुर्वाराहरूपेण पुरा यत्र स्थितोऽभवत्

tato gaccheta dharmajña vārāhaṁ tīrthamuttamam viṣṇurvārāharūpeṇa purā yatra sthito'bhavat

Then, O knower of dharma, one should go to the excellent Varaha-tirtha, where Vishnu, in his boar-form, formerly stood.

Verse 17 (padma.3.26.17)

तत्र स्थित्वा नरव्याघ्र अग्निष्टोमफलं लभेत् । ततो जयिन्यां राजेंद्र सोमतीर्थं समाविशेत्

tatra sthitvā naravyāghra agniṣṭomaphalaṁ labhet tato jayinyāṁ rājeṁdra somatīrthaṁ samāviśet

Having stayed there, O tiger among men, one obtains the fruit of the Agnishtoma. Then, O lord of kings, one should enter the tirtha of Soma at Jayini;

Verse 18 (padma.3.26.18)

स्नात्वा फलमवाप्नोति राजसूयस्य मानवः । एकहंसे नरः स्नात्वा गोसहस्रफलं लभेत्

snātvā phalamavāpnoti rājasūyasya mānavaḥ ekahaṁse naraḥ snātvā gosahasraphalaṁ labhet

having bathed there, a man obtains the fruit of the Rajasuya. Having bathed at Ekahamsa, a man obtains the fruit of a thousand cows.

Verse 19 (padma.3.26.19)

कृतशौचं समासाद्य तीर्थसेवी कुरूद्वह । पुंडरीकमवाप्नोति कृतशौचो भवेच्च सः

kṛtaśaucaṁ samāsādya tīrthasevī kurūdvaha puṁḍarīkamavāpnoti kṛtaśauco bhavecca saḥ

Having reached Kritashaucha, devoted to the tirtha, O scion of the Kurus, one obtains the fruit of the Pundarika sacrifice, and becomes purified himself.

Verse 20 (padma.3.26.20)

ततो मुंजावटं नाम महादेवस्य धीमतः । तत्रोष्य रजनीमेकां गाणपत्यमवाप्नुयात्

tato muṁjāvaṭaṁ nāma mahādevasya dhīmataḥ tatroṣya rajanīmekāṁ gāṇapatyamavāpnuyāt

Then one should go to what is called Munjavata, of the wise Mahadeva; having dwelt there one night, one obtains the state of Ganapatya.

Verse 21 (padma.3.26.21)

तत्रैव च महाराज जयां लोकपरिश्रुताम् । स्नात्वाभिगम्य राजेंद्र सर्वकाममवाप्नुयात्

tatraiva ca mahārāja jayāṁ lokapariśrutām snātvābhigamya rājeṁdra sarvakāmamavāpnuyāt

And there too, O great king, having bathed and worshipped Jaya, renowned throughout the world, O lord of kings, one obtains every desire.

Verse 22 (padma.3.26.22)

कुरुक्षेत्रस्य तद्द्वारं विश्रुतं भरतर्षभ । प्रदक्षिणमुपावृत्य तीर्थसेवी समावृतः

kurukṣetrasya taddvāraṁ viśrutaṁ bharatarṣabha pradakṣiṇamupāvṛtya tīrthasevī samāvṛtaḥ

That is the renowned gate of Kurukshetra, O bull among the Bharatas; having performed circumambulation, devoted to the tirtha and surrounded,

Verse 23 (padma.3.26.23)

संस्मृते पुष्कराणां तु स्नात्वार्च्य पितृदेवताः । जामदग्न्येन रामेण आहूते वै महात्मना

saṁsmṛte puṣkarāṇāṁ tu snātvārcya pitṛdevatāḥ jāmadagnyena rāmeṇa āhūte vai mahātmanā

having remembered Pushkara, having bathed and worshipped the ancestor-deities, when summoned by the great-souled Rama, son of Jamadagni,

Verse 24 (padma.3.26.24)

कृतकृत्यो भवेद्राजन्नश्वमेधं च विंदति । ततो रामह्रदं गच्छेत्तीर्थसेवी नराधिप

kṛtakṛtyo bhavedrājannaśvamedhaṁ ca viṁdati tato rāmahradaṁ gacchettīrthasevī narādhipa

O king, a man becomes fulfilled in purpose and obtains the fruit of the Ashvamedha. Then, O lord of men, devoted to the tirtha, one should go to Ramahrada,

Verse 25 (padma.3.26.25)

यत्र रामेण राजेंद्र तरसा दीप्ततेजसा । क्षत्रमुत्सार्य वीर्येण ह्रदाः पंच निषेविताः । पूरयित्वा नरव्याघ्र रुधिरेणेति नः श्रुतम्

yatra rāmeṇa rājeṁdra tarasā dīptatejasā kṣatramutsārya vīryeṇa hradāḥ paṁca niṣevitāḥ pūrayitvā naravyāghra rudhireṇeti naḥ śrutam

O lord of kings, where Rama, with blazing energy, having driven out the kshatriya race by his valor, made use of five lakes — having filled them, O tiger among men, with blood, so we have heard.

Verse 26 (padma.3.26.26)

पितरस्तर्पिताः सर्वे तथैव प्रपितामहाः । ततस्ते पितरः प्रीताः राममूचुर्महीपते

pitarastarpitāḥ sarve tathaiva prapitāmahāḥ tataste pitaraḥ prītāḥ rāmamūcurmahīpate

By that, all the ancestors were satisfied, and likewise the great-grandfathers too. Then those pleased ancestors, O lord of the earth, spoke to Rama —

Verse 27 (padma.3.26.27)

रामराम महाभाग प्रीताः स्म तव भार्गव । अनया पितृभक्त्या च विक्रमेण च तेऽनघ

rāmarāma mahābhāga prītāḥ sma tava bhārgava anayā pitṛbhaktyā ca vikrameṇa ca te'nagha

'O Rama, Rama! O greatly fortunate one! We are pleased, O Bhargava; by this devotion to your ancestors and by your valor, O sinless one,

Verse 28 (padma.3.26.28)

वरं वृणीष्व भद्रं ते किमिच्छसि महामते । एवमुक्तः स राजेंद्र रामः प्रवदतां वरः

varaṁ vṛṇīṣva bhadraṁ te kimicchasi mahāmate evamuktaḥ sa rājeṁdra rāmaḥ pravadatāṁ varaḥ

ask for a boon, may it be well with you — what do you desire, O great-minded one?' Thus addressed, O lord of kings, Rama, finest of speakers,

Verse 29 (padma.3.26.29)

अब्रवीत्प्रांजलिर्वाक्यं पितॄन्स गगने स्थितान् । भवंतो यदि मे प्रीता यद्यनुग्राह्यता मयि

abravītprāṁjalirvākyaṁ pitṝnsa gagane sthitān bhavaṁto yadi me prītā yadyanugrāhyatā mayi

with joined hands, spoke these words to his ancestors standing in the sky: 'If you are pleased with me, if I am worthy of your favor,

Verse 30 (padma.3.26.30)

पितृप्रसादादिच्छेयं तपसाप्यायनं पुनः । यच्च रोषाभिभूतेन क्षत्रमुत्सादितं मया

pitṛprasādādiccheyaṁ tapasāpyāyanaṁ punaḥ yacca roṣābhibhūtena kṣatramutsāditaṁ mayā

then, by the grace of my ancestors, I wish once more the restoration of my strength through austerity; and as for what I destroyed of the kshatriya race, in the grip of wrath,

Verse 31 (padma.3.26.31)

ततश्च पापान्मुच्येयं युष्माकं तेजसा ह्यहम् । ह्रदाश्च तीर्थभूता मे भवेयुर्भुवि विश्रुताः

tataśca pāpānmucyeyaṁ yuṣmākaṁ tejasā hyaham hradāśca tīrthabhūtā me bhaveyurbhuvi viśrutāḥ

may I be freed from that sin, by your very power; and may these lakes become renowned upon the earth as tirthas.'

Verse 32 (padma.3.26.32)

एतच्छ्रुत्वा शुभं वाक्यं रामस्य पितरस्तदा । प्रत्यूचुः परमप्रीता रामं तोषसमन्विताः

etacchrutvā śubhaṁ vākyaṁ rāmasya pitarastadā pratyūcuḥ paramaprītā rāmaṁ toṣasamanvitāḥ

Having heard this auspicious speech of Rama, his ancestors then, exceedingly pleased, replied to Rama, filled with satisfaction —

Verse 33 (padma.3.26.33)

तपस्ते वर्द्धतां भूयः पितृभक्त्या विशेषतः । यच्च रोषाभिभूतेन क्षत्रमुत्सादितं त्वया

tapaste varddhatāṁ bhūyaḥ pitṛbhaktyā viśeṣataḥ yacca roṣābhibhūtena kṣatramutsāditaṁ tvayā

'May your austerity increase further, especially through devotion to your ancestors; and as for the kshatriya race destroyed by you, in the grip of wrath,

Verse 34 (padma.3.26.34)

ततश्च पापान्मुक्तस्त्वं निहतास्ते स्वकर्म्मणा । ह्रदाश्च तव तीर्थत्वं गमिष्यंति न संशयः

tataśca pāpānmuktastvaṁ nihatāste svakarmmaṇā hradāśca tava tīrthatvaṁ gamiṣyaṁti na saṁśayaḥ

thereby you are freed from sin — they were slain by their own deeds; and these lakes shall become your tirthas — there is no doubt of this.'

Verse 35 (padma.3.26.35)

ह्रदेष्वेतेषु यः स्नात्वा पितॄन्संतर्पयिष्यति । पितरस्तस्य वै प्रीता दास्यंति भुवि दुर्ल्लभम्

hradeṣveteṣu yaḥ snātvā pitṝnsaṁtarpayiṣyati pitarastasya vai prītā dāsyaṁti bhuvi durllabham

'Whoever bathes in these lakes and offers tarpana to the ancestors, the ancestors, pleased with him, shall grant him, on earth, that which is hard to obtain —

Verse 36 (padma.3.26.36)

ईप्सितं मनसः कामं स्वर्गलोकं सशाश्वतम् । एवं दत्त्वा वरं राजन्रामस्य पितरस्तदा । आमंत्र्य भार्गवं प्रीतास्तत्रैवांतर्दधुस्ततः

īpsitaṁ manasaḥ kāmaṁ svargalokaṁ saśāśvatam evaṁ dattvā varaṁ rājanrāmasya pitarastadā āmaṁtrya bhārgavaṁ prītāstatraivāṁtardadhustataḥ

'the desired wish of his heart, and the everlasting heavenly world too.' Having thus granted this boon, O king, Rama's ancestors then, having taken leave of the Bhargava, pleased, vanished there.

Verse 37 (padma.3.26.37)

एवं रामह्रदाः पुण्या भार्गवस्य महात्मनः । स्नात्वा ह्रदेषु रामस्य ब्रह्मचारी शुभव्रतः

evaṁ rāmahradāḥ puṇyā bhārgavasya mahātmanaḥ snātvā hradeṣu rāmasya brahmacārī śubhavrataḥ

Thus are the sacred Rama-lakes of the great-souled Bhargava. Having bathed in Rama's lakes, a celibate student of pure vows,

Verse 38 (padma.3.26.38)

राममभ्यर्च्य राजेंद्र लभेद्बहुसुवर्णकम् । वंशमूलं समासाद्य तीर्थसेवी कुरूद्वह

rāmamabhyarcya rājeṁdra labhedbahusuvarṇakam vaṁśamūlaṁ samāsādya tīrthasevī kurūdvaha

O lord of kings, having worshipped Rama, obtains abundant gold. O scion of the Kurus, devoted to the tirtha, having reached Vamshamula,

Verse 39 (padma.3.26.39)

स्ववंशमुद्धरेद्राजन्स्नात्वा वै वंशमूलके । कायशोधनमासाद्य तीर्थं भरतसत्तम

svavaṁśamuddharedrājansnātvā vai vaṁśamūlake kāyaśodhanamāsādya tīrthaṁ bharatasattama

O king, having bathed at Vamshamula, one redeems one's own lineage. O best of the Bharatas, having reached the tirtha of Kayashodhana,

Verse 40 (padma.3.26.40)

शरीरशुद्धिमाप्नोति स्नातस्तस्मिन्न संशयः । शुद्धदेहस्तु संयाति शुभाँल्लोकाननुत्तमान्

śarīraśuddhimāpnoti snātastasminna saṁśayaḥ śuddhadehastu saṁyāti śubhā~llokānanuttamān

one who bathes there obtains bodily purification — there is no doubt. With a purified body, one proceeds to the finest of auspicious worlds.

Verse 41 (padma.3.26.41)

ततो गच्छेत राजेंद्र तीर्थं त्रैलोक्यदुर्लभम् । लोका यत्रोद्धृताः पूर्वं विष्णुना प्रभविष्णुना

tato gaccheta rājeṁdra tīrthaṁ trailokyadurlabham lokā yatroddhṛtāḥ pūrvaṁ viṣṇunā prabhaviṣṇunā

Then, O lord of kings, one should go to a tirtha hard to attain in all three worlds, where the worlds were formerly delivered by the mighty Vishnu.

Verse 42 (padma.3.26.42)

लोकोद्धारं समासाद्य तीर्थं त्रैलोक्यविश्रुतम् । स्नात्वा तीर्थवरे राजन्लोकानुद्धरते स्वकान्

lokoddhāraṁ samāsādya tīrthaṁ trailokyaviśrutam snātvā tīrthavare rājanlokānuddharate svakān

Having reached Lokoddhara, a tirtha renowned in the three worlds, O king, having bathed at that finest of tirthas, one delivers his own people.

Verse 43 (padma.3.26.43)

श्रीतीर्थं च समासाद्य विंदते श्रियमुत्तमाम् । कपिलातीर्थमासाद्य ब्रह्मचारी समाहितः

śrītīrthaṁ ca samāsādya viṁdate śriyamuttamām kapilātīrthamāsādya brahmacārī samāhitaḥ

Having reached Shri-tirtha, one obtains supreme glory. Having reached Kapila-tirtha, a composed celibate student,

Verse 44 (padma.3.26.44)

तत्र स्नात्वार्चयित्वा च देवानिह पितॄंस्तथा । कपिलानां सहस्रस्य फलं विंदति मानवः

tatra snātvārcayitvā ca devāniha pitṝṁstathā kapilānāṁ sahasrasya phalaṁ viṁdati mānavaḥ

having bathed there and worshipped the gods and the ancestors, a man obtains the fruit of a thousand tawny cows.

Verse 45 (padma.3.26.45)

सूर्यतीर्थं समासाद्य स्नात्वा नियतमानसः । अर्चयित्वा पितॄन्देवानुपवासपरायणः

sūryatīrthaṁ samāsādya snātvā niyatamānasaḥ arcayitvā pitṝndevānupavāsaparāyaṇaḥ

Having reached Surya-tirtha, having bathed, of restrained mind, having worshipped the ancestors and gods, devoted to fasting,

Verse 46 (padma.3.26.46)

अग्निष्टोममवाप्नोति सूर्यलोकं च गच्छति । गवांभवनमासाद्य तीर्थसेवी यथाक्रमम्

agniṣṭomamavāpnoti sūryalokaṁ ca gacchati gavāṁbhavanamāsādya tīrthasevī yathākramam

one obtains the fruit of the Agnishtoma and goes to the world of the sun. Having reached Gavam-bhavana, devoted to the tirtha in due order,

Verse 47 (padma.3.26.47)

तत्राभिषेकं कुर्वाणो गोसहस्रफलं लभेत् । गंगातीर्थं समासाद्य तीर्थसेवी नराधिप

tatrābhiṣekaṁ kurvāṇo gosahasraphalaṁ labhet gaṁgātīrthaṁ samāsādya tīrthasevī narādhipa

performing the ritual bath there, one obtains the fruit of a thousand cows. O lord of men, devoted to the tirtha, having reached the Ganga-tirtha,

Verse 48 (padma.3.26.48)

केव्यास्तीर्थे नरः स्नात्वा लभते वीर्यमुत्तमम् (केव्या पाठभेदाः – कन्या, कोट्या, कोत्या, कोन्या)। ततो गच्छेत राजेंद्र द्वारपालं लवर्णकम्

kevyāstīrthe naraḥ snātvā labhate vīryamuttamam (kevyā pāṭhabhedāḥ – kanyā, koṭyā, kotyā, konyā) tato gaccheta rājeṁdra dvārapālaṁ lavarṇakam

having bathed at the tirtha of Kevya, a man obtains supreme virility. Then, O lord of kings, one should go to the gatekeeper Lavarnaka;

Verse 49 (padma.3.26.49)

तस्य तीर्थे सरस्वत्यां यथेंद्रस्य महात्मनः । तत्र स्नात्वा नरो राजन्नग्निष्टोमफलं लभेत्

tasya tīrthe sarasvatyāṁ yatheṁdrasya mahātmanaḥ tatra snātvā naro rājannagniṣṭomaphalaṁ labhet

at his tirtha on the Sarasvati, as of the great-souled Indra, having bathed there, O king, a man obtains the fruit of the Agnishtoma.

Verse 50 (padma.3.26.50)

ततो गच्छेत धर्मज्ञ ब्रह्मावर्तं नराधिप । ब्रह्मावर्ते नरः स्नात्वा ब्रह्मलोकमवाप्नुयात्

tato gaccheta dharmajña brahmāvartaṁ narādhipa brahmāvarte naraḥ snātvā brahmalokamavāpnuyāt

Then, O knower of dharma, one should go to Brahmavarta, O lord of men; having bathed at Brahmavarta, a man attains Brahmaloka.

Verse 51 (padma.3.26.51)

ततो गच्छेत धर्मज्ञ सुतीर्थकमनुत्तमम् । यत्र सन्निहिता नित्यं पितरो दैवतैः सह

tato gaccheta dharmajña sutīrthakamanuttamam yatra sannihitā nityaṁ pitaro daivataiḥ saha

Then, O knower of dharma, one should go to the unsurpassed Sutirthaka, where the ancestors, together with the gods, are ever present.

Verse 52 (padma.3.26.52)

तत्राभिषेकं कुर्वीत पितृदेवार्चने रतः । अश्वमेधमवाप्नोति पितृलोकं च गच्छति

tatrābhiṣekaṁ kurvīta pitṛdevārcane rataḥ aśvamedhamavāpnoti pitṛlokaṁ ca gacchati

One should perform the ritual bath there, devoted to the worship of ancestors and gods; one obtains the fruit of the Ashvamedha and goes to the world of the ancestors.

Verse 53 (padma.3.26.53)

ततोऽन्यतीर्थं धर्मज्ञ समासाद्य यथाक्रमम् । काशीश्वरस्य तीर्थेषु स्नात्वा भरतसत्तम

tato'nyatīrthaṁ dharmajña samāsādya yathākramam kāśīśvarasya tīrtheṣu snātvā bharatasattama

Then, O knower of dharma, having reached another tirtha in due order, O best of the Bharatas, having bathed at the tirthas of Kashishvara,

Verse 54 (padma.3.26.54)

सर्वव्याधिविनिर्मुक्तो ब्रह्मलोके महीयते । मातृतीर्थं च तत्रैव यत्र स्नातस्य पार्थिव

sarvavyādhivinirmukto brahmaloke mahīyate mātṛtīrthaṁ ca tatraiva yatra snātasya pārthiva

one is freed from every disease and is honored in Brahmaloka. O lord of the earth, there too is Matri-tirtha, where, having bathed,

Verse 55 (padma.3.26.55)

प्रजा विवर्द्धते राजन्स्वर्गतिं समवाप्नुयात् । ततः शीतवनं गच्छेन्नियतो नियताशनः

prajā vivarddhate rājansvargatiṁ samavāpnuyāt tataḥ śītavanaṁ gacchenniyato niyatāśanaḥ

O king, one's progeny increases, and one attains the path to heaven. Then, disciplined and restrained in diet, one should go to Shitavana;

Verse 56 (padma.3.26.56)

तीर्थं तत्र महाराज महदन्यत्र दुर्लभम् । पुनाति दर्शनादेव दंडेनैकं नराधिप

tīrthaṁ tatra mahārāja mahadanyatra durlabham punāti darśanādeva daṁḍenaikaṁ narādhipa

there, O great king, is a great tirtha, rare elsewhere; O lord of men, it purifies by mere sight — even a single pilgrim with his staff.

Verse 57 (padma.3.26.57)

केशानावप्य वै तस्मिन्पूतो भवति भारत । तत्र तीर्थवरं चान्यत्स्नात लोकार्तिहं स्मृतम्

keśānāvapya vai tasminpūto bhavati bhārata tatra tīrthavaraṁ cānyatsnāta lokārtihaṁ smṛtam

O Bharata, having shaved one's hair there, one becomes pure; there is another supreme tirtha there, said to wash away the world's affliction.

Verse 58 (padma.3.26.58)

तत्र विप्रा नरव्याघ्र विद्वांसस्तत्र तत्पराः । गतिं गच्छंति परमां स्नात्वा भरतसत्तम

tatra viprā naravyāghra vidvāṁsastatra tatparāḥ gatiṁ gacchaṁti paramāṁ snātvā bharatasattama

There, O tiger among men, the wise brahmins, devoted to that tirtha, O best of the Bharatas, attain the supreme destiny, having bathed.

Verse 59 (padma.3.26.59)

स्वर्णलोमापनयने तीर्थे भरतसत्तम । प्राणायामैर्निर्हरंति स्वलोमानि द्विजोत्तमाः

svarṇalomāpanayane tīrthe bharatasattama prāṇāyāmairnirharaṁti svalomāni dvijottamāḥ

O best of the Bharatas, at the tirtha of Svarnaloma-apanayana, the best of the twice-born remove their [bodily] hairs through breath-control,

Verse 60 (padma.3.26.60)

पूतात्मानश्च राजेन्द्र प्रयांति परमां गतिम् । दशाश्वमेधिके चैव तस्मिंस्तीर्थे महीपते

pūtātmānaśca rājendra prayāṁti paramāṁ gatim daśāśvamedhike caiva tasmiṁstīrthe mahīpate

and, O lord of kings, with purified souls, proceed to the supreme destiny. O lord of the earth, at that same Dashashvamedhika tirtha,

Verse 61 (padma.3.26.61)

तत्र स्नात्वा नरव्याघ्र गच्छंति परमां गतिम् । ततो गच्छेत राजेंद्र मानुषं लोकविश्रुतम्

tatra snātvā naravyāghra gacchaṁti paramāṁ gatim tato gaccheta rājeṁdra mānuṣaṁ lokaviśrutam

O tiger among men, having bathed there, they attain the supreme destiny. Then, O lord of kings, one should go to Manusha, renowned throughout the world,

Verse 62 (padma.3.26.62)

तत्र कृष्णामृगा राजन्व्याधेन शरपीडिताः । विगाह्य तस्मिन्सरसि मानुषत्वमुपागताः

tatra kṛṣṇāmṛgā rājanvyādhena śarapīḍitāḥ vigāhya tasminsarasi mānuṣatvamupāgatāḥ

where, O king, black deer, wounded by a hunter's arrows, having plunged into that lake, attained human form.

Verse 63 (padma.3.26.63)

तस्मिंस्तीर्थे नरः स्नात्वा ब्रह्मचारी समाहितः । सर्वपापविशुद्धात्मा स्वर्गलोके महीयते

tasmiṁstīrthe naraḥ snātvā brahmacārī samāhitaḥ sarvapāpaviśuddhātmā svargaloke mahīyate

Having bathed at that tirtha, a composed celibate student, with a soul purified of all sin, is honored in the heavenly world.

Verse 64 (padma.3.26.64)

मानुषस्य तु पूर्वेण क्रोशमात्रं महीपते । आपगा नाम विख्याता नदी सिद्धनिषेविता

mānuṣasya tu pūrveṇa krośamātraṁ mahīpate āpagā nāma vikhyātā nadī siddhaniṣevitā

O lord of the earth, just to the east of Manusha, at the distance of a krosha, is a river renowned by the name Apaga, frequented by Siddhas.

Verse 65 (padma.3.26.65)

श्यामाक भोजनं तत्र यः प्रयच्छति मानवः । देवान्पितॄन्समुद्दिश्य तस्य धर्मफलं महत्

śyāmāka bhojanaṁ tatra yaḥ prayacchati mānavaḥ devānpitṝnsamuddiśya tasya dharmaphalaṁ mahat

Whoever there gives an offering of shyamaka-grain food, dedicated to the gods and ancestors, obtains a great fruit of righteousness thereby.

Verse 66 (padma.3.26.66)

एकस्मिन्भोजिते विप्रे कोटिर्भवति भोजिता । तत्र स्नात्वार्चयित्वा च दैवतानि पितॄंस्तथा

ekasminbhojite vipre koṭirbhavati bhojitā tatra snātvārcayitvā ca daivatāni pitṝṁstathā

By feeding a single brahmin there, it is as if a crore have been fed. Having bathed there and worshipped the deities and ancestors,

Verse 67 (padma.3.26.67)

उषित्वा रजनीमेकामग्निष्टोमफलं लभेत् । ततो गच्छेत धर्म्मज्ञ ब्रह्मणः स्थानमुत्तमम्

uṣitvā rajanīmekāmagniṣṭomaphalaṁ labhet tato gaccheta dharmmajña brahmaṇaḥ sthānamuttamam

and having dwelt there one night, one obtains the fruit of the Agnishtoma. Then, O knower of dharma, one should go to the excellent abode of Brahma,

Verse 68 (padma.3.26.68)

ब्रह्मानुस्वरमित्येवं प्रकाशं भुवि भारत । तत्र सप्तर्षिकुंडेषु स्नातस्य भरतर्षभ

brahmānusvaramityevaṁ prakāśaṁ bhuvi bhārata tatra saptarṣikuṁḍeṣu snātasya bharatarṣabha

manifest on earth, O Bharata, as what is called Brahma-anusvara. O bull among the Bharatas, for one who has bathed in the pools of the Seven Sages there,

Verse 69 (padma.3.26.69)

केदारे चैव राजेंद्र कपिलस्य महात्मनः । ब्रह्माणमभिगम्याथ शुचिः प्रयतमानसः

kedāre caiva rājeṁdra kapilasya mahātmanaḥ brahmāṇamabhigamyātha śuciḥ prayatamānasaḥ

O lord of kings, and at the Kedara of the great-souled Kapila too, having approached Brahma, pure and of composed mind,

Verse 70 (padma.3.26.70)

सर्वपापविशुद्धात्मा ब्रह्मलोकं प्रपद्यते । कपिष्ठलस्य केदारं समासाद्य सुदुर्लभम्

sarvapāpaviśuddhātmā brahmalokaṁ prapadyate kapiṣṭhalasya kedāraṁ samāsādya sudurlabham

with a soul purified of all sin, one attains Brahmaloka. Having reached the exceedingly rare Kedara of Kapishthala,

Verse 71 (padma.3.26.71)

अंतर्धानमवाप्नोति तपसा दग्धकिल्बिषः । ततो गच्छेत राजेंद्र सर्वकं लोकविश्रुतम्

aṁtardhānamavāpnoti tapasā dagdhakilbiṣaḥ tato gaccheta rājeṁdra sarvakaṁ lokaviśrutam

one's sin consumed by austerity, one attains invisibility. Then, O lord of kings, one should go to Sarvaka, renowned throughout the world,

Verse 72 (padma.3.26.72)

कृष्णपक्षे चतुर्दश्यामभिगम्य वृषध्वजं । लभते सर्वकामान्हि स्वर्गलोकं च गच्छति । तिस्रःकोट्यश्च तीर्थानां प्रवरं कुरुनंदन

kṛṣṇapakṣe caturdaśyāmabhigamya vṛṣadhvajaṁ labhate sarvakāmānhi svargalokaṁ ca gacchati tisraḥkoṭyaśca tīrthānāṁ pravaraṁ kurunaṁdana

on the fourteenth of the dark fortnight, having approached the bull-bannered one, one obtains every desire and goes to the heavenly world. O joy of the Kurus, there are three crores of tirthas, the finest —

Verse 73 (padma.3.26.73)

रुद्रकोटी तथा कूपे ह्रदेषु च समंतकः । इलास्पदं च तत्रैव तीर्थं भरतसत्तम

rudrakoṭī tathā kūpe hradeṣu ca samaṁtakaḥ ilāspadaṁ ca tatraiva tīrthaṁ bharatasattama

Rudrakoti, and likewise in the well, and around all the lakes; and there too, O best of the Bharatas, is the tirtha of Ilaspada.

Verse 74 (padma.3.26.74)

तत्र स्नात्वार्चयित्वा च दैवतानि पितॄनपि । न दुर्गतिमवाप्नोति वाजपेयं च विंदति

tatra snātvārcayitvā ca daivatāni pitṝnapi na durgatimavāpnoti vājapeyaṁ ca viṁdati

Having bathed there and worshipped the deities and the ancestors too, one does not attain an evil state, and obtains the fruit of the Vajapeya.

Verse 75 (padma.3.26.75)

किंदाने च नरः स्नात्वा किंजपे च महीपते । अप्रमेयमवाप्नोति दानं यज्ञं तथैव च । कलश्यां वार्य्युपस्पृश्य श्रद्दधानो जितेंद्रियः

kiṁdāne ca naraḥ snātvā kiṁjape ca mahīpate aprameyamavāpnoti dānaṁ yajñaṁ tathaiva ca kalaśyāṁ vāryyupaspṛśya śraddadhāno jiteṁdriyaḥ

O lord of the earth, bathing at Kindana and Kinjapa, a man obtains an immeasurable merit of charity and sacrifice alike. Having touched the water in a vessel there, faithful and of mastered senses,

Verse 76 (padma.3.26.76)

अग्निष्टोमस्य यज्ञस्य फलं प्राप्नोति मानवः । सरकस्य तु पूर्वेण नारदस्य महात्मनः

agniṣṭomasya yajñasya phalaṁ prāpnoti mānavaḥ sarakasya tu pūrveṇa nāradasya mahātmanaḥ

a man obtains the fruit of the Agnishtoma sacrifice. Just to the east of the great-souled Narada's Saraka,

Verse 77 (padma.3.26.77)

कुरुश्रेष्ठ शुभं तीर्थं रामजन्मेति विश्रुतम् । तत्र तीर्थे नरः स्नात्वा प्राणांश्चोत्सृज्य भारत

kuruśreṣṭha śubhaṁ tīrthaṁ rāmajanmeti viśrutam tatra tīrthe naraḥ snātvā prāṇāṁścotsṛjya bhārata

O best of the Kurus, is an auspicious tirtha renowned as Ramajanma. O Bharata, having bathed at that tirtha and given up his life-breath there,

Verse 78 (padma.3.26.78)

नारदेनाभ्यनुज्ञातो लोकानाप्नोति दुर्ल्लभान् । शुक्लपक्षे दशम्यां तु पुंडरीकं समाविशेत्

nāradenābhyanujñāto lokānāpnoti durllabhān śuklapakṣe daśamyāṁ tu puṁḍarīkaṁ samāviśet

sanctioned by Narada, one obtains worlds hard to attain. On the tenth of the bright fortnight, one should enter Pundarika;

Verse 79 (padma.3.26.79)

तत्र स्नात्वा नरो राजन्पुंडरीकफलं लभेत् । ततस्त्रिविष्टपं गच्छेत्त्रिषु लोकेषु विश्रुतम्

tatra snātvā naro rājanpuṁḍarīkaphalaṁ labhet tatastriviṣṭapaṁ gacchettriṣu lokeṣu viśrutam

having bathed there, O king, a man obtains the fruit of the Pundarika sacrifice. Then one should go to Trivishtapa, renowned in the three worlds;

Verse 80 (padma.3.26.80)

तत्र वैतरणी पुण्या नदी पापप्रमोचनी । तत्र स्नात्वार्चयित्वा च शूलपाणिं वृषध्वजम्

tatra vaitaraṇī puṇyā nadī pāpapramocanī tatra snātvārcayitvā ca śūlapāṇiṁ vṛṣadhvajam

there is the sacred, sin-releasing river Vaitarani. Having bathed there and worshipped the trident-wielder, the bull-bannered one,

Verse 81 (padma.3.26.81)

सर्वपापविशुद्धात्मा गच्छेत परमां गतिम् । ततो गच्छेत राजेंद्र फलकीवनमुत्तमम्

sarvapāpaviśuddhātmā gaccheta paramāṁ gatim tato gaccheta rājeṁdra phalakīvanamuttamam

with a soul purified of all sin, one attains the supreme destiny. Then, O lord of kings, one should go to the excellent Phalakivana;

Verse 82 (padma.3.26.82)

तत्र देवाः सदा राजन्फलकीवनमाश्रिताः । तपश्चरंति विपुलं बहुवर्षसहस्रकम्

tatra devāḥ sadā rājanphalakīvanamāśritāḥ tapaścaraṁti vipulaṁ bahuvarṣasahasrakam

there, O king, the gods, having ever taken refuge in Phalakivana, perform vast austerity for many thousand years.

Verse 83 (padma.3.26.83)

दृषत्पाने नरः स्नात्वा तर्पयित्वा च देवताः । अग्निष्टोमातिरात्राभ्यां फलं विंदति मानवः

dṛṣatpāne naraḥ snātvā tarpayitvā ca devatāḥ agniṣṭomātirātrābhyāṁ phalaṁ viṁdati mānavaḥ

Having bathed at Drishatpana and having offered tarpana to the deities, a man obtains the fruit of the Agnishtoma and the Atiratra.

Verse 84 (padma.3.26.84)

तीर्थे च सर्वदेवानां स्नात्वा भरतसत्तम । गोसहस्रस्य राजेंद्र फलमाप्नोति मानवः

tīrthe ca sarvadevānāṁ snātvā bharatasattama gosahasrasya rājeṁdra phalamāpnoti mānavaḥ

O best of the Bharatas, and having bathed at the tirtha of all the gods, O lord of kings, a man obtains the fruit of a thousand cows.

Verse 85 (padma.3.26.85)

पाणिख्याते नरः स्नात्वा तर्पयित्वा च देवताः । अवाप्नुते राजसूयमृषिलोकं च गच्छति

pāṇikhyāte naraḥ snātvā tarpayitvā ca devatāḥ avāpnute rājasūyamṛṣilokaṁ ca gacchati

Having bathed at Panikhyata and offered tarpana to the deities, one obtains the fruit of the Rajasuya and goes to the world of the sages.

Verse 86 (padma.3.26.86)

ततो गच्छेत धर्मज्ञ मिश्रकं लोकविश्रुतम् । तत्र तीर्थानि राजेंद्र मिश्रितानि महात्मना

tato gaccheta dharmajña miśrakaṁ lokaviśrutam tatra tīrthāni rājeṁdra miśritāni mahātmanā

Then, O knower of dharma, one should go to Mishraka, renowned throughout the world; there, O lord of kings, the tirthas were mixed together by the great-souled Vyasa,

Verse 87 (padma.3.26.87)

व्यासेन नृपशार्दूल द्विजार्थमिति नः श्रुतम् । सर्वतीर्थेषु स स्नाति मिश्रके स्नाति यो नरः

vyāsena nṛpaśārdūla dvijārthamiti naḥ śrutam sarvatīrtheṣu sa snāti miśrake snāti yo naraḥ

O tiger among kings, for the sake of the twice-born — so we have heard. Whoever bathes at Mishraka bathes, as it were, at all the tirthas.

Verse 88 (padma.3.26.88)

ततो व्यासवनं गच्छेन्नियतो नियताशनः । मनोजवे नरः स्नात्वा गोसहस्रफलं लभेत्

tato vyāsavanaṁ gacchenniyato niyatāśanaḥ manojave naraḥ snātvā gosahasraphalaṁ labhet

Then, disciplined and restrained in diet, one should go to Vyasavana. Having bathed at Manojava, a man obtains the fruit of a thousand cows.

Verse 89 (padma.3.26.89)

गत्वा मधुवनीं चापि देव्याः स्थानं नरः शुचिः । तत्र स्नात्वार्चयेद्देवान्पितॄंश्च नियतः शुचिः

gatvā madhuvanīṁ cāpi devyāḥ sthānaṁ naraḥ śuciḥ tatra snātvārcayeddevānpitṝṁśca niyataḥ śuciḥ

Having also gone to Madhuvani, the abode of the Goddess, a pure man, having bathed there, disciplined and pure, should worship the gods and ancestors;

Verse 90 (padma.3.26.90)

सदेव्या समनुज्ञातो गोसहस्रफलं लभेत् । कौशिक्याः संगमे यस्तु दृषद्वत्याश्च भारत

sadevyā samanujñāto gosahasraphalaṁ labhet kauśikyāḥ saṁgame yastu dṛṣadvatyāśca bhārata

sanctioned by the Goddess, one obtains the fruit of a thousand cows. O Bharata, whoever, at the confluence of the Kaushiki and Drishadvati,

Verse 91 (padma.3.26.91)

स्नातो वै नियताहारः सर्वपापैः प्रमुच्यते । ततो व्यासस्थली नाम यत्र व्यासेन धीमता

snāto vai niyatāhāraḥ sarvapāpaiḥ pramucyate tato vyāsasthalī nāma yatra vyāsena dhīmatā

bathes, disciplined in diet, is freed from all sins. Then there is that place called Vyasasthali, where the wise Vyasa,

Verse 92 (padma.3.26.92)

पुत्रशोकाभितप्तेन देहत्यागाय निश्चयः । कृतो देवैश्च राजेंद्र पुनरुत्थापितस्तथा

putraśokābhitaptena dehatyāgāya niścayaḥ kṛto devaiśca rājeṁdra punarutthāpitastathā

scorched with grief for his son, resolved to give up his body — and, O lord of kings, was raised up again by the gods.

Verse 93 (padma.3.26.93)

अभिगम्य स्थलद्यं तस्य गोसहस्रफलं लभेत् । ऋणांतं कूपमासाद्य तिलप्रस्थं प्रदाय च

abhigamya sthaladyaṁ tasya gosahasraphalaṁ labhet ṛṇāṁtaṁ kūpamāsādya tilaprasthaṁ pradāya ca

Having approached that spot, one obtains the fruit of a thousand cows. Having reached the Well of Debt's End, and having offered a measure of sesame,

Verse 94 (padma.3.26.94)

गच्छेत परमां सिद्धिमृणैर्मुक्तो नरेश्वर । वेदीतीर्थे नरः स्नात्वा गोसहस्रफलं लभेत्

gaccheta paramāṁ siddhimṛṇairmukto nareśvara vedītīrthe naraḥ snātvā gosahasraphalaṁ labhet

O lord of men, a man, freed from debts, attains supreme accomplishment. Having bathed at Vedi-tirtha, a man obtains the fruit of a thousand cows.

Verse 95 (padma.3.26.95)

अहश्च सुदिनश्चैव द्वे तीर्थे नृप दुर्लभे । तयोः स्नात्वा नरः श्रेष्ठ सूर्यलोकमवाप्नुयात्

ahaśca sudinaścaiva dve tīrthe nṛpa durlabhe tayoḥ snātvā naraḥ śreṣṭha sūryalokamavāpnuyāt

O king, Ahah and Sudinah are two rare tirthas; having bathed at those two, O best of men, a man attains the world of the sun.

Verse 96 (padma.3.26.96)

मृगधूमं ततो गच्छेत्त्रिषु लोकेषु विश्रुतम् । तत्र रुद्रपदे स्नात्वा समभ्यर्च्य च मानवः

mṛgadhūmaṁ tato gacchettriṣu lokeṣu viśrutam tatra rudrapade snātvā samabhyarcya ca mānavaḥ

Then one should go to Mrigadhuma, renowned in the three worlds; having bathed there, at Rudra's footprint, and having duly worshipped,

Verse 97 (padma.3.26.97)

शूलपाणिं महात्मानमश्वमेधफलं लभेत् । कोटितीर्थे नरः स्नात्वा गोसहस्रफलं लभेत्

śūlapāṇiṁ mahātmānamaśvamedhaphalaṁ labhet koṭitīrthe naraḥ snātvā gosahasraphalaṁ labhet

the great-souled trident-wielder, a man obtains the fruit of the Ashvamedha. Having bathed at Koti-tirtha, a man obtains the fruit of a thousand cows.

Verse 98 (padma.3.26.98)

अथ वामनकं गत्वा त्रिषु लोकेषु विश्रुतम् । तत्र विष्णुपदे स्नात्वा समभ्यर्च्य च वामनम्

atha vāmanakaṁ gatvā triṣu lokeṣu viśrutam tatra viṣṇupade snātvā samabhyarcya ca vāmanam

Then, having gone to Vamanaka, renowned in the three worlds, having bathed at Vishnu's footprint there, and having duly worshipped Vamana,

Verse 99 (padma.3.26.99)

सर्वपापविशुद्धात्मा विष्णुलोकमवाप्नुयात् । कुलंपुने नरः स्नात्वा पुनाति स्वकुलं नरः

sarvapāpaviśuddhātmā viṣṇulokamavāpnuyāt kulaṁpune naraḥ snātvā punāti svakulaṁ naraḥ

with a soul purified of all sin, one attains the world of Vishnu. Having bathed at Kulampuna, a man purifies his own lineage.

Verse 100 (padma.3.26.100)

पवनस्य ह्रदं गत्वा मरुतां तीर्थमुत्तमम् । तत्र स्नात्वा नरव्याघ्र वायुलोके महीयते

pavanasya hradaṁ gatvā marutāṁ tīrthamuttamam tatra snātvā naravyāghra vāyuloke mahīyate

Having gone to the lake of Pavana, the excellent tirtha of the Maruts, having bathed there, O tiger among men, one is honored in the world of Vayu.

Verse 101 (padma.3.26.101)

अमराणां ह्रदे स्नात्वा समभ्यर्च्यामराधिपम् । अमराणां प्रभावेण स्वर्गलोके महीयते

amarāṇāṁ hrade snātvā samabhyarcyāmarādhipam amarāṇāṁ prabhāveṇa svargaloke mahīyate

Having bathed at the lake of the Immortals, and having duly worshipped their lord, by the power of the Immortals, one is honored in the heavenly world.

Verse 102 (padma.3.26.102)

शालिहोत्रस्य राजेंद्र शालिसूर्ये यथाविधि । स्नात्वा नरवरश्रेष्ठ गोसहस्रफलं लभेत्

śālihotrasya rājeṁdra śālisūrye yathāvidhi snātvā naravaraśreṣṭha gosahasraphalaṁ labhet

O lord of kings, having bathed at Shalisurya, of Shalihotra, duly, O best of men, one obtains the fruit of a thousand cows.

Verse 103 (padma.3.26.103)

श्रीकुंजं च सरस्वत्यां तीर्थं भरतसत्तम । तत्र स्नात्वा नरो राजन्नग्निष्टोमफलं लभेत्

śrīkuṁjaṁ ca sarasvatyāṁ tīrthaṁ bharatasattama tatra snātvā naro rājannagniṣṭomaphalaṁ labhet

O best of the Bharatas, and Shrikunja, on the Sarasvati, is a tirtha; having bathed there, O king, a man obtains the fruit of the Agnishtoma.

Verse 104 (padma.3.26.104)

ततो नैमिषिकुंजं च समासाद्य सुदुर्लभम् । ऋषयः किल राजेंद्र नैमिषेयास्तपोधनाः

tato naimiṣikuṁjaṁ ca samāsādya sudurlabham ṛṣayaḥ kila rājeṁdra naimiṣeyāstapodhanāḥ

Then, having reached the exceedingly rare Naimishikunja — O lord of kings, the ascetic sages of Naimisha,

Verse 105 (padma.3.26.105)

तीर्थयात्रां पुरस्कृत्य कुरुक्षेत्रे गताः पुरा । ततः कुंजः सरस्वत्यां कृतो भरतसत्तम

tīrthayātrāṁ puraskṛtya kurukṣetre gatāḥ purā tataḥ kuṁjaḥ sarasvatyāṁ kṛto bharatasattama

having taken up pilgrimage as their foremost purpose, formerly went to Kurukshetra; then, O best of the Bharatas, this Kunja was made on the Sarasvati,

Verse 106 (padma.3.26.106)

ऋषीणामवकाशः स्याद्यथा तुष्टिकरो महान् । तस्मिन्कुंजे नरः स्नात्वा गोसहस्रफलं लभेत्

ṛṣīṇāmavakāśaḥ syādyathā tuṣṭikaro mahān tasminkuṁje naraḥ snātvā gosahasraphalaṁ labhet

so that there might be a great, satisfying place of rest for the sages. Having bathed in that Kunja, a man obtains the fruit of a thousand cows.