Yudhishthira's Consecration and Krishna's Counsel on Prayaga

Verse 1 (padma.3.49.1)

सूत उवाच । भ्रातृभिः सहिताः सर्वे पांडवा धर्मनिश्चयाः । ब्राह्मणेभ्यो नमस्कृत्वागुरुदेवांस्त्वतर्पयन् ।

sūta uvāca bhrātṛbhiḥ sahitāḥ sarve pāṁḍavā dharmaniścayāḥ brāhmaṇebhyo namaskṛtvāgurudevāṁstvatarpayan

Suta said: All the Pandavas, together with their brothers, resolved on dharma, having bowed to the Brahmins, made offerings to their elders and to the gods.

Verse 2 (padma.3.49.2)

वासुदेवोऽपि तत्रैव क्षणेनाभ्यागतस्तदा । पांडवैः सहितैः सर्वैः पूज्यमानः स माधवः ।

vāsudevo'pi tatraiva kṣaṇenābhyāgatastadā pāṁḍavaiḥ sahitaiḥ sarvaiḥ pūjyamānaḥ sa mādhavaḥ

Vasudeva too then arrived there in an instant; that Madhava was honored by all the Pandavas together.

Verse 3 (padma.3.49.3)

कृष्णेन सहितैः सर्वैः पुनरेव महात्मभिः । अभिषिक्तः स्वराज्ये तु धर्मपुत्रो युधिष्ठिरः ।

kṛṣṇena sahitaiḥ sarvaiḥ punareva mahātmabhiḥ abhiṣiktaḥ svarājye tu dharmaputro yudhiṣṭhiraḥ

Together with Krishna, and all the great souls once more, the son of Dharma, Yudhishthira, was consecrated in his own kingdom.

Verse 4 (padma.3.49.4)

एतस्मिन्नंतरे चैव मार्कंडेयो महात्मवान् । ततः स्वस्तीति चोक्त्वा वै क्षणादाश्रममागतः ।

etasminnaṁtare caiva mārkaṁḍeyo mahātmavān tataḥ svastīti coktvā vai kṣaṇādāśramamāgataḥ

At that same time, the great-souled Markandeya, having said 'may it be well,' then in an instant returned to his hermitage.

Verse 5 (padma.3.49.5)

युधिष्ठिरोऽपि धर्मात्मा भ्रातृभिः सहितस्तु सः । महादानं ददौ चाथ धर्मपुत्रो युधिष्ठिरः ।

yudhiṣṭhiro'pi dharmātmā bhrātṛbhiḥ sahitastu saḥ mahādānaṁ dadau cātha dharmaputro yudhiṣṭhiraḥ

And the righteous-souled Yudhishthira, together with his brothers, the son of Dharma, then gave great gifts.

Verse 6 (padma.3.49.6)

यस्त्विदं कल्यमुत्थाय पठते वा शृणोति वा । मुच्यते सर्वपापेभ्यो विष्णुलोकं स गच्छति ।

yastvidaṁ kalyamutthāya paṭhate vā śṛṇoti vā mucyate sarvapāpebhyo viṣṇulokaṁ sa gacchati

Whoever, rising at dawn, recites this or even hears it, is freed from all sins and goes to the world of Vishnu.

Verse 7 (padma.3.49.7)

वासुदेव उवाच । मम वाक्यं तु कर्तव्यं तव स्नेहाद्ब्रवीम्यहम् । नित्यं यज्ञरतो भूत्वा प्रयागे विगतज्वरः ।

vāsudeva uvāca mama vākyaṁ tu kartavyaṁ tava snehādbravīmyaham nityaṁ yajñarato bhūtvā prayāge vigatajvaraḥ

Vasudeva said: My word should be followed; I speak out of love for you. Ever devoted to sacrifice, free of anguish, at Prayaga —

Verse 8 (padma.3.49.8)

प्रयागं संस्मरन्नित्यं सहास्माभिर्युधिष्ठिर । स्वयं प्राप्स्यसि राजेंद्र स्वर्गलोकं तु शाश्वतम् ।

prayāgaṁ saṁsmarannityaṁ sahāsmābhiryudhiṣṭhira svayaṁ prāpsyasi rājeṁdra svargalokaṁ tu śāśvatam

constantly remembering Prayaga together with us, O Yudhishthira — you shall yourself attain, O lord of kings, the eternal Svargaloka.

Verse 9 (padma.3.49.9)

प्रयागमनुगच्छेद्वा वसते वापि यो नरः । सर्वपापविशुद्धात्मा स्वर्गलोकं च गच्छति ।

prayāgamanugacchedvā vasate vāpi yo naraḥ sarvapāpaviśuddhātmā svargalokaṁ ca gacchati

Whatever man follows the path to Prayaga, or dwells there, his soul purified of all sin, goes to Svargaloka.

Verse 10 (padma.3.49.10)

प्रतिग्रहादुपावृत्तः सन्तुष्टो नियतः शुचिः ।

pratigrahādupāvṛttaḥ santuṣṭo niyataḥ śuciḥ

One who has turned away from improper acceptance of gifts, content, disciplined, and pure —

Verse 11 (padma.3.49.11)

अहंकारनिवृत्तश्च स तीर्थफलमश्नुते । अकोपनश्च राजेंद्र सत्यवादी दृढव्रतः । आत्मोपमश्च भूतेषु स तीर्थफलमश्नुते ।

ahaṁkāranivṛttaśca sa tīrthaphalamaśnute akopanaśca rājeṁdra satyavādī dṛḍhavrataḥ ātmopamaśca bhūteṣu sa tīrthaphalamaśnute

and free from egotism — he enjoys the fruit of the tirtha. And one who is free of anger, O lord of kings, a speaker of truth, of firm vows, and who regards all beings as equal to himself — he enjoys the fruit of the tirtha.

Verse 12 (padma.3.49.12)

ऋषिभिः क्रतवः प्रोक्ता देवैश्चापि यथाक्रमम् । न हि शक्या दरिद्रेण यज्ञाः प्राप्तुं महीपते ।

ṛṣibhiḥ kratavaḥ proktā devaiścāpi yathākramam na hi śakyā daridreṇa yajñāḥ prāptuṁ mahīpate

Sacrifices have been prescribed by sages and by gods, each in due order; but a poor man is indeed unable to obtain sacrifices, O lord of the earth.

Verse 13 (padma.3.49.13)

बहूपकरणो यज्ञो नानासंभारसंभ्रमः । प्राप्यते विविधैरर्थ्यैः समृद्धैर्वा नरैः क्वचित् ।

bahūpakaraṇo yajño nānāsaṁbhārasaṁbhramaḥ prāpyate vividhairarthyaiḥ samṛddhairvā naraiḥ kvacit

A sacrifice, requiring many implements, involving the gathering of various materials, is obtained only occasionally, by men of various means or those who are wealthy.

Verse 14 (padma.3.49.14)

यो दरिद्रैरपि बुधैः शक्यः प्राप्तुं नरेश्वर । ततो यज्ञफलैः पुण्यैस्तन्निबोध जनेश्वर ।

yo daridrairapi budhaiḥ śakyaḥ prāptuṁ nareśvara tato yajñaphalaiḥ puṇyaistannibodha janeśvara

But that merit which can be obtained even by the poor, if wise, O lord of men — learn of that, O ruler of the people, through the meritorious fruits of sacrifice.

Verse 15 (padma.3.49.15)

ऋषीणां परमं गुह्यमिदं भरतसत्तम । तीर्थाभिगमनं पुण्यं यज्ञैरपि विशिष्यते ।

ṛṣīṇāṁ paramaṁ guhyamidaṁ bharatasattama tīrthābhigamanaṁ puṇyaṁ yajñairapi viśiṣyate

This is the supreme secret of the sages, O best of the Bharatas: the meritorious act of going to a tirtha is distinguished even above sacrifices.

Verse 16 (padma.3.49.16)

दशकोटिसहस्राणि त्रिंशत्कोट्यस्तथापरे । माघमासे तु गंगायां गमिष्यंति नरर्षभ ।

daśakoṭisahasrāṇi triṁśatkoṭyastathāpare māghamāse tu gaṁgāyāṁ gamiṣyaṁti nararṣabha

O bull among men, ten billion, and thirty million others besides, shall go to the Ganga in the month of Magha.

Verse 17 (padma.3.49.17)

स्वस्थो भव महाराज भुक्त्वा राज्यमकंटकम् । पुनर्द्रक्ष्यसि राजेंद्र यजमानो विशेषतः ।

svastho bhava mahārāja bhuktvā rājyamakaṁṭakam punardrakṣyasi rājeṁdra yajamāno viśeṣataḥ

Be at peace, O great king; enjoy your kingdom free of thorns. You shall see this again, O lord of kings, especially as one who performs sacrifice.