The Brahmins in the Celestial Cars: The Etiquette of Hearing the Purana

Verse 1 (padma.5.113.1)

श्रीराम उवाच- खे दृश्यंते विमानस्था नानारूपधराः शुभाः । सर्वकामफलोपेताः सुभार्य्याः शतयोषितः

śrīrāma uvāca- khe dṛśyaṁte vimānasthā nānārūpadharāḥ śubhāḥ sarvakāmaphalopetāḥ subhāryyāḥ śatayoṣitaḥ

Shri Rama said: In the sky are seen those seated in celestial cars, of manifold auspicious forms, endowed with the fruit of every desire, with excellent wives, each attended by a hundred women.

Verse 2 (padma.5.113.2)

सहस्रनरनारीभिः पूज्यमानाः पदे पदे । गायंति विंशतिर्योषा रूपलावण्यकोमलाः

sahasranaranārībhiḥ pūjyamānāḥ pade pade gāyaṁti viṁśatiryoṣā rūpalāvaṇyakomalāḥ

Honored at every step by thousands of men and women; twenty women, soft with beauty and grace, sing—

Verse 3 (padma.5.113.3)

करंकवाहिनी चैका चामरासक्तबाहवः । तालवृंतद्वयं नार्य्यो वीजयंति प्रगृह्य वै

karaṁkavāhinī caikā cāmarāsaktabāhavaḥ tālavṛṁtadvayaṁ nāryyo vījayaṁti pragṛhya vai

—one bears a fan-basket; others, their arms occupied with yak-tail whisks; women hold and wave a pair of palm-leaf fans.

Verse 4 (padma.5.113.4)

सचक्रे चांकमध्ये स्या उपधानं तथापरः । एकस्याः करयोर्हस्तः स्तावकानेकसंयुतः

sacakre cāṁkamadhye syā upadhānaṁ tathāparaḥ ekasyāḥ karayorhastaḥ stāvakānekasaṁyutaḥ

One is seated with a wheel-ornament in her lap, another serves as a pillow; the hand of one is joined with those of many eulogists reaching toward her.

Verse 5 (padma.5.113.5)

नानाविधपरीहास कृतोत्फुल्लमुखांबुजः । एकैकत्र विमाने तु दृश्यते चंद्रदीधितिः

nānāvidhaparīhāsa kṛtotphullamukhāṁbujaḥ ekaikatra vimāne tu dṛśyate caṁdradīdhitiḥ

His lotus-face made to blossom by manifold jests; in each and every celestial car is seen one radiant as moonlight.

Verse 6 (padma.5.113.6)

स्त्रीशतेषु विमानेषु दृश्यते ईश्वरः शुभः । एते किं पुण्यकर्तारो विष्णुमायाथवा मुने

strīśateṣu vimāneṣu dṛśyate īśvaraḥ śubhaḥ ete kiṁ puṇyakartāro viṣṇumāyāthavā mune

Amid hundreds of women in these cars, an auspicious lord is seen in each. Are these performers of merit, or is this Vishnu's own illusion, O sage?

Verse 7 (padma.5.113.7)

शंभुरुवाच- एते हि ब्राह्मणाः पुण्या गृहस्थाश्रमवासिनः । येषामेव च स ग्रासो दत्तो दशरथेन ते

śaṁbhuruvāca- ete hi brāhmaṇāḥ puṇyā gṛhasthāśramavāsinaḥ yeṣāmeva ca sa grāso datto daśarathena te

Shambhu said: These are indeed meritorious Brahmins, dwellers in the householder's stage of life, to whom that very food-dole was given by Dasharatha.

Verse 8 (padma.5.113.8)

तेषां तु ममचित्तानां कदाचिदभवन्मतिः । यथेह सुखिनः सर्वे वयं चान्योपजीविनः

teṣāṁ tu mamacittānāṁ kadācidabhavanmatiḥ yatheha sukhinaḥ sarve vayaṁ cānyopajīvinaḥ

But once, a thought arose in their minds: "How happy are we all here, though we live off another's support—"

Verse 9 (padma.5.113.9)

अस्मानेवानुजीवंति शतशो मनुजा इह । येन पुण्येन च वयं सर्वेकामानुमोदिनः

asmānevānujīvaṁti śataśo manujā iha yena puṇyena ca vayaṁ sarvekāmānumodinaḥ

"—hundreds of men here even live off us; by what merit are we all so delighted in every desire—"

Verse 10 (padma.5.113.10)

सुस्त्रीकृतोपचाराश्च सर्वे राज्यसुखान्विताः । जरामरणहीनाश्च युवानः सर्वदैव हि

sustrīkṛtopacārāśca sarve rājyasukhānvitāḥ jarāmaraṇahīnāśca yuvānaḥ sarvadaiva hi

"—served by fine women, all endowed with the pleasures of kingship, free from old age and death, ever young forever?"

Verse 11 (padma.5.113.11)

विचार्यैवं द्विजाः सर्वे वसिष्ठस्याश्रमं ययुः । आगतानथ संपूज्य वसिष्ठो वाक्यमुक्तवान्

vicāryaivaṁ dvijāḥ sarve vasiṣṭhasyāśramaṁ yayuḥ āgatānatha saṁpūjya vasiṣṭho vākyamuktavān

Thinking thus, all those Brahmins went to Vasishtha's hermitage. Having duly honored them upon their arrival, Vasishtha spoke this word.

Verse 12 (padma.5.113.12)

किमर्थमागता यूयं शीघ्रं ब्रूत द्विजोत्तमाः । द्विजा ऊचुः - वयमिच्छामहे सर्वे सर्वसंपत्समन्विते

kimarthamāgatā yūyaṁ śīghraṁ brūta dvijottamāḥ dvijā ūcuḥ - vayamicchāmahe sarve sarvasaṁpatsamanvite

"For what reason have you come? Tell me quickly, O best of Brahmins." The Brahmins said: "We all wish—"

Verse 13 (padma.5.113.13)

विमाने कामगे रोढुं तत्संपादय नो गुरो । तत्तेषां चिंतितं श्रुत्वा वसिष्ठो वाक्यमब्रवीत्

vimāne kāmage roḍhuṁ tatsaṁpādaya no guro tatteṣāṁ ciṁtitaṁ śrutvā vasiṣṭho vākyamabravīt

"—to ride upon a celestial car, endowed with every prosperity, that moves at will; grant us that, O guru." Hearing that thought, Vasishtha spoke this word.

Verse 14 (padma.5.113.14)

पुराणं सर्वदा विप्राः श्रोतव्यं पापनाशनम् । धर्मश्चार्थश्च कामश्च मोक्षस्तत्रैव दृश्यते

purāṇaṁ sarvadā viprāḥ śrotavyaṁ pāpanāśanam dharmaścārthaśca kāmaśca mokṣastatraiva dṛśyate

"The Purana, O Brahmins, should always be heard; it destroys sin. Dharma, artha, kama, and moksha are all to be found there alone."

Verse 15 (padma.5.113.15)

तथेत्युक्त्वाथ सुनयः पुराणकुशलं मुनिम् । जग्मुरंगिरसं श्रेष्ठं सर्वशास्त्रविशारदम्

tathetyuktvātha sunayaḥ purāṇakuśalaṁ munim jagmuraṁgirasaṁ śreṣṭhaṁ sarvaśāstraviśāradam

Saying "so be it," those men of good conduct went to the excellent sage Angiras, skilled in the Puranas, learned in every scripture.

Verse 16 (padma.5.113.16)

सर्वागमपुराणज्ञं सदा सत्कर्म्मचारिणम् । इदमूचुर्नमस्कृत्य वयं सफलजीविनः

sarvāgamapurāṇajñaṁ sadā satkarmmacāriṇam idamūcurnamaskṛtya vayaṁ saphalajīvinaḥ

Knower of every Agama and Purana, ever engaged in good deeds; bowing to him, they said this: "We are now those whose lives have borne fruit."

Verse 17 (padma.5.113.17)

कृतकृत्या वयं ब्रह्मन्साक्षाद्दृष्टोऽसि यन्मुने । अंगिरा उवाच- यत्कार्यमागता यूयं तत्कार्यं करवाण्यहम्

kṛtakṛtyā vayaṁ brahmansākṣāddṛṣṭo'si yanmune aṁgirā uvāca- yatkāryamāgatā yūyaṁ tatkāryaṁ karavāṇyaham

"We are accomplished, O Brahmin, since we have beheld you directly, O sage." Angiras said: "Whatever purpose you have come for, that I shall accomplish."

Verse 18 (padma.5.113.18)

पुराणं श्रोतुकामास्तु यूयमत्र समागताः । कीर्तयिष्ये विधानं वः समस्ताघविनाशनम्

purāṇaṁ śrotukāmāstu yūyamatra samāgatāḥ kīrtayiṣye vidhānaṁ vaḥ samastāghavināśanam

"You have come here desiring to hear the Purana; I shall declare to you the procedure, destroyer of every sin."

Verse 19 (padma.5.113.19)

सर्वज्ञानप्रदं देवं तत्वविज्ञानसंभवम् । शिवभक्तिप्रदं हृद्यं विष्णुभक्तिप्रदं शुभम्

sarvajñānapradaṁ devaṁ tatvavijñānasaṁbhavam śivabhaktipradaṁ hṛdyaṁ viṣṇubhaktipradaṁ śubham

"It bestows all knowledge, of the god, born of the true knowledge of reality; it bestows devotion to Shiva, delightful, and devotion to Vishnu, auspicious."

Verse 20 (padma.5.113.20)

विचित्रस्वगतिप्राप्ति ज्ञानदं रमणीप्रदम् । नानाविधशुभज्ञानं रतितंत्रप्रकाशकम्

vicitrasvagatiprāpti jñānadaṁ ramaṇīpradam nānāvidhaśubhajñānaṁ ratitaṁtraprakāśakam

"It grants knowledge of one's wondrous destiny, and bestows delight; it grants manifold auspicious knowledge, and reveals the arts of love."

Verse 21 (padma.5.113.21)

भुक्तिमुक्तिप्रधानं च विधिदर्शनदीपकम् । विचित्रभक्तिकथनं भक्तिसाहसकीर्तनम्

bhuktimuktipradhānaṁ ca vidhidarśanadīpakam vicitrabhaktikathanaṁ bhaktisāhasakīrtanam

"It is chiefly a giver of enjoyment and liberation, a lamp revealing the proper rite; it narrates wondrous devotion, and celebrates the daring deeds of devotees."

Verse 22 (padma.5.113.22)

व्रतप्रतिष्ठादानादि भस्मपूजाविधिप्रद्रम् । पुराणं पाद्ममुदितं ब्रह्मपद्मोपनिर्वृतम्

vratapratiṣṭhādānādi bhasmapūjāvidhipradram purāṇaṁ pādmamuditaṁ brahmapadmopanirvṛtam

"It teaches vows, consecration, giving, and the like, and the rite of worshipping ash. This Purana, called Padma, was proclaimed and made complete by Brahma on the lotus."

Verse 23 (padma.5.113.23)

महेश्वरेण कथितं प्रमथाकृतिवर्णनम् । एतदन्यत्र कथितं पुराणे पाद्म एव तु

maheśvareṇa kathitaṁ pramathākṛtivarṇanam etadanyatra kathitaṁ purāṇe pādma eva tu

"It was declared by Maheshvara, describing the forms of his Pramatha attendants. This has been told elsewhere; it belongs indeed to the Padma Purana alone."

Verse 24 (padma.5.113.24)

दिलीपेनपुरापृष्टोवसिष्ठःप्रोक्तवानिदम् । तच्छृणुध्वं मुनिवरा ज्ञानं सर्वं भविष्यति

dilīpenapurāpṛṣṭovasiṣṭhaḥproktavānidam tacchṛṇudhvaṁ munivarā jñānaṁ sarvaṁ bhaviṣyati

"When formerly asked by Dilipa, Vasishtha declared this. Hear it, O excellent sages; all knowledge shall be yours."

Verse 25 (padma.5.113.25)

अथ तद्वचनाद्विप्राः पुराणश्रवणे रताः । कथं श्रोतव्यमधुना किं कृत्वेत्यब्रुवन्मुनिम्

atha tadvacanādviprāḥ purāṇaśravaṇe ratāḥ kathaṁ śrotavyamadhunā kiṁ kṛtvetyabruvanmunim

Then, at that word, those Brahmins, devoted to hearing the Purana, said to the sage: "How should it now be heard? What is to be done?"

Verse 26 (padma.5.113.26)

सोऽपि सर्वं समाचष्ट शृणु धर्मं सनातनम् । नमस्कृत्य पुराणज्ञं दद्याच्चार्घासनं ततः

so'pi sarvaṁ samācaṣṭa śṛṇu dharmaṁ sanātanam namaskṛtya purāṇajñaṁ dadyāccārghāsanaṁ tataḥ

He too told them all: "Hear the eternal dharma. Having bowed to the knower of the Purana, one should then give him arghya and a seat."

Verse 27 (padma.5.113.27)

निषीद तत्र चेत्युक्त्वा गंधपुष्पैः समर्चयेत् । आत्मयोगं च तांबूलमधिकं वा समर्पयेत्

niṣīda tatra cetyuktvā gaṁdhapuṣpaiḥ samarcayet ātmayogaṁ ca tāṁbūlamadhikaṁ vā samarpayet

"Saying, 'Be seated there,' one should worship him with sandal-paste and flowers; and one should offer betel joined with oneself, or in abundance."

Verse 28 (padma.5.113.28)

ब्रूहि पुण्यकथां ब्रह्मन्पौराणिकीमितीरयेत् । न खट्वासनमारुह्य नोच्चासनमथापि वा

brūhi puṇyakathāṁ brahmanpaurāṇikīmitīrayet na khaṭvāsanamāruhya noccāsanamathāpi vā

"One should say, 'Tell us, O Brahmin, the meritorious tale from the Puranas.' One should not, mounted upon a bedstead-seat, or even a high seat—"

Verse 29 (padma.5.113.29)

नीचासनो वै शृणुयाद्धर्म्मकामार्थसिद्धये । शृण्वित्युक्त्वा पुराणज्ञ इमं मंत्रमुदीरयेत्

nīcāsano vai śṛṇuyāddharmmakāmārthasiddhaye śṛṇvityuktvā purāṇajña imaṁ maṁtramudīrayet

"—[listen]; one should listen from a lower seat, for the fulfillment of dharma, kama, and artha. Having said 'Let us listen,' the knower of the Purana should utter this mantra."

Verse 30 (padma.5.113.30)

नमो हरिंहरमथो गणेशं भारतीमतः । इष्टदेवं नमस्कृत्वा पुराणं वक्तुमर्हति

namo hariṁharamatho gaṇeśaṁ bhāratīmataḥ iṣṭadevaṁ namaskṛtvā purāṇaṁ vaktumarhati

"Homage to Hari, to Hara, then to Ganesha, and to Bharati; having bowed to one's chosen deity, he is then fit to narrate the Purana."

Verse 31 (padma.5.113.31)

अर्द्धयामं प्रतिदिनं यदि वापीच्छया भवेत् । एवं पाठसमाप्तिं च श्रुत्वा कृत्यं समाचरेत्

arddhayāmaṁ pratidinaṁ yadi vāpīcchayā bhavet evaṁ pāṭhasamāptiṁ ca śrutvā kṛtyaṁ samācaret

"For half a watch daily, or according to one's wish. Having thus heard to the completion of the recitation, one should perform the customary duties."

Verse 32 (padma.5.113.32)

श्रोतुश्च तूष्णीं मननं तूष्णीं श्रवणमेव वा । अन्यथा भारती क्रुद्ध्येत् तत्क्रोधान्मूकता भवेत्

śrotuśca tūṣṇīṁ mananaṁ tūṣṇīṁ śravaṇameva vā anyathā bhāratī kruddhyet tatkrodhānmūkatā bhavet

"The listener should reflect in silence, and listen in silence too; otherwise, Bharati becomes angered, and from that anger, dumbness results."

Verse 33 (padma.5.113.33)

तस्मात्पुराणश्रोता च तांबूलादिसमर्पणम् । वक्तुश्च जीविकाकार्या स्वसामर्थ्यानुसारतः

tasmātpurāṇaśrotā ca tāṁbūlādisamarpaṇam vaktuśca jīvikākāryā svasāmarthyānusārataḥ

"Therefore the hearer of the Purana should offer betel and the like, and provide for the reciter's livelihood, according to his own means."

Verse 34 (padma.5.113.34)

पुराणप्रक्रमे देयं सचेलोद्गमनीयकम् । सूक्ष्मांबरमथो वापि वस्त्रद्वितयमर्पयेत्

purāṇaprakrame deyaṁ sacelodgamanīyakam sūkṣmāṁbaramatho vāpi vastradvitayamarpayet

"At the commencement of the Purana, a rising-gift together with clothing should be given; or one should offer fine cloth, a pair of garments."

Verse 35 (padma.5.113.35)

आसनं तु महच्चित्रं रम्यमूर्जस्वलं मृदु । सुवर्णं वा तथा दद्याद्गो भू गेहादिकं तथा

āsanaṁ tu mahaccitraṁ ramyamūrjasvalaṁ mṛdu suvarṇaṁ vā tathā dadyādgo bhū gehādikaṁ tathā

"A great, beautifully varied, lovely, sturdy, soft seat should be given; or gold; and likewise a cow, land, a house, and the like."

Verse 36 (padma.5.113.36)

एतत्समस्तं विप्रेंद्रा दक्षिणामूर्तिना पुरा । शंकरेण मुनीनां हि भाषितं च दिवौकसाम्

etatsamastaṁ vipreṁdrā dakṣiṇāmūrtinā purā śaṁkareṇa munīnāṁ hi bhāṣitaṁ ca divaukasām

"All of this, O foremost of Brahmins, was formerly declared by Shankara, in his form as Dakshinamurti, to the sages and to the gods."

Verse 37 (padma.5.113.37)

अथ ते मुनयः सर्वे तं प्रणम्यासनस्थितम् । पृथक्पृथक्च तांबूलं दत्वा शुश्रूषवः स्थिताः

atha te munayaḥ sarve taṁ praṇamyāsanasthitam pṛthakpṛthakca tāṁbūlaṁ datvā śuśrūṣavaḥ sthitāḥ

Then all those sages bowed to him, seated, and, each giving him betel separately, stood ready to listen.

Verse 38 (padma.5.113.38)

तेनापि कथितं सर्वं पुराणं सर्वसंप्रदम् । उपांताध्यायपर्य्यंतं श्रुतवंतो द्विजोत्तमाः

tenāpi kathitaṁ sarvaṁ purāṇaṁ sarvasaṁpradam upāṁtādhyāyaparyyaṁtaṁ śrutavaṁto dvijottamāḥ

He too then told them the entire Purana, giver of every prosperity; those best of Brahmins heard it up to the very penultimate chapter.

Verse 39 (padma.5.113.39)

दिलीप उवाच- कामगेन विमानेन सर्वसंपत्समृद्धिना । सर्वतः सुखयुक्तेन पुण्यस्थानमुपस्थितम्

dilīpa uvāca- kāmagena vimānena sarvasaṁpatsamṛddhinā sarvataḥ sukhayuktena puṇyasthānamupasthitam

Dilipa said: "By a wish-going celestial car, rich with every prosperity, replete with happiness on every side, one arrives at the meritorious place."

Verse 40 (padma.5.113.40)

वसिष्ठ उवाच- नालं पृष्टं त्वया राजन्नितोप्यतिशयांतरैः । क्रीडमाना भविष्यंति येन तत्पुण्यमुच्यते

vasiṣṭha uvāca- nālaṁ pṛṣṭaṁ tvayā rājannitopyatiśayāṁtaraiḥ krīḍamānā bhaviṣyaṁti yena tatpuṇyamucyate

Vasishtha said: "You have not asked enough, O king; there are still further degrees. That very merit which makes them so playful is now to be told."

Verse 41 (padma.5.113.41)

सुधाधवलितं कृत्वा शिववेश्मसमं ततः । स्त्रियो रूपविलासाढ्याः सर्वालंकारभूषिताः

sudhādhavalitaṁ kṛtvā śivaveśmasamaṁ tataḥ striyo rūpavilāsāḍhyāḥ sarvālaṁkārabhūṣitāḥ

Having made a hall whitewashed with lime, resembling the very abode of Shiva — women rich in beauty and grace, adorned with every ornament—

Verse 42 (padma.5.113.42)

नानासुगीतकुशला नानानृत्यविशारदाः । चतस्रोऽष्टौ षडथवा मर्द्दलध्वनिकाः स्त्रियः

nānāsugītakuśalā nānānṛtyaviśāradāḥ catasro'ṣṭau ṣaḍathavā marddaladhvanikāḥ striyaḥ

—skilled in various excellent songs, expert in various dances; four, eight, or six women producing the sound of the mridanga drum—

Verse 43 (padma.5.113.43)

वशिन्यौ द्वे आवजिक्यौ कोणिकाधमने उभे । लासिक्यस्तु चतस्रः स्युः संतुष्टैकाथ गायिका

vaśinyau dve āvajikyau koṇikādhamane ubhe lāsikyastu catasraḥ syuḥ saṁtuṣṭaikātha gāyikā

—two skilled in the vashini instrument, two playing the avajika, both playing the konika and blowing the flute; four should be dancers, and one contented singer—

Verse 44 (padma.5.113.44)

एका द्वे वा सुगीतज्ञेऽमुखरे हि प्रकीर्तिते । कोणवाद्यकृते द्वे तु तूष्णींभूताः षडष्ट वा

ekā dve vā sugītajñe'mukhare hi prakīrtite koṇavādyakṛte dve tu tūṣṇīṁbhūtāḥ ṣaḍaṣṭa vā

—one or two, skilled in excellent song yet not overly loud, are declared best; two produce the sound of the koṇa-instrument, while six or eight stay silent—

Verse 45 (padma.5.113.45)

सर्वा रूपविलासिन्यः सर्वाश्चापतितस्तनाः । रतितंत्राधिकुशलास्तत एवाविशंकिताः

sarvā rūpavilāsinyaḥ sarvāścāpatitastanāḥ ratitaṁtrādhikuśalāstata evāviśaṁkitāḥ

—all of beautiful, graceful form, all with firm, unfallen breasts; supremely skilled in the arts of love, and hence utterly free of hesitation.

Verse 46 (padma.5.113.46)

सुसूक्ष्मा वस्त्रवेषाश्च विद्युच्चंचलदृष्टयः । एतादृशीभिर्योषाभिर्येन नृत्यं हि कारितम्

susūkṣmā vastraveṣāśca vidyuccaṁcaladṛṣṭayaḥ etādṛśībhiryoṣābhiryena nṛtyaṁ hi kāritam

Clad in the finest, most delicate garments, their glances flickering like lightning — that man by whom, through such women, dance was made to be performed—

Verse 47 (padma.5.113.47)

एकस्मिन्दिवसे राजन्वत्सरान्सविमानगः । शतस्त्रीवीक्षितमुखो युवा बहुभिरर्चितः

ekasmindivase rājanvatsarānsavimānagaḥ śatastrīvīkṣitamukho yuvā bahubhirarcitaḥ

—in a single day, O king, he enjoys years' worth of pleasure; riding a celestial car, his face gazed upon by a hundred women, ever youthful, honored by many—

Verse 48 (padma.5.113.48)

आनंदपोषसंपूर्णः क्रोधेर्ष्यादिविवर्जितः । पंचगंधविलिप्तांगः सचंद्रा हिदलाननः

ānaṁdapoṣasaṁpūrṇaḥ krodherṣyādivivarjitaḥ paṁcagaṁdhaviliptāṁgaḥ sacaṁdrā hidalānanaḥ

—full of nourished bliss, devoid of anger, envy, and the like, his body anointed with the five fragrances, his face like the crescent moon.

Verse 49 (padma.5.113.49)

सूर्योपमस्तु योषाश्च सर्वास्ता दशनान्विताः । सद्योविकसितामोदि पारिजातकृतस्रजः

sūryopamastu yoṣāśca sarvāstā daśanānvitāḥ sadyovikasitāmodi pārijātakṛtasrajaḥ

He is like the sun; and all those women have gleaming teeth, adorned with garlands freshly made of fragrant parijata flowers.

Verse 50 (padma.5.113.50)

सर्वा विकसितारोहि रक्तसंधिकृतस्रजः । धम्मिल्ले वक्षसि तथा बिभ्रत्यः सुस्मिताधराः

sarvā vikasitārohi raktasaṁdhikṛtasrajaḥ dhammille vakṣasi tathā bibhratyaḥ susmitādharāḥ

All of them, of blossoming grace, wearing garlands joined with red-hued flowers upon their braided hair and their breasts, their lips softly smiling—

Verse 51 (padma.5.113.51)

चरत्येतादृशीभिस्तु नृत्यगीतानुमोदितः । एवं विमानगो भूत्वा उषित्वा कालमक्षयम्

caratyetādṛśībhistu nṛtyagītānumoditaḥ evaṁ vimānago bhūtvā uṣitvā kālamakṣayam

—he moves about, delighted by such women's dance and song. Thus, having become a rider of a celestial car, dwelling there for an imperishable span—

Verse 52 (padma.5.113.52)

पश्चाज्जायेत नृपतिरेवं कृत्वा पुनस्तथा । राज्यं स्वर्गफलं भुक्त्वा शिवभक्तो भविष्यति

paścājjāyeta nṛpatirevaṁ kṛtvā punastathā rājyaṁ svargaphalaṁ bhuktvā śivabhakto bhaviṣyati

—he is afterward born a king; having thus lived again, and having enjoyed a kingdom, the very fruit of heaven, he becomes a devotee of Shiva.

Verse 53 (padma.5.113.53)

शंभुरुवाच-। दिलीपाय वसिष्ठोक्तं मुनीनामंगिरोब्रवीत् । ते तथा कृतवंतश्च तौर्य्यत्रिकमुमापतेः

śaṁbhuruvāca- dilīpāya vasiṣṭhoktaṁ munīnāmaṁgirobravīt te tathā kṛtavaṁtaśca tauryyatrikamumāpateḥ

Shambhu said: What was declared by Vasishtha to Dilipa, Angiras told to those sages. And, having thus performed the triple offering to the Lord of Uma—

Verse 54 (padma.5.113.54)

श्रुत्वा पुराणं पाद्मं च समग्रं सुखिनो भवन् । त एते ब्राह्मणा राम विमानवरमास्थिताः

śrutvā purāṇaṁ pādmaṁ ca samagraṁ sukhino bhavan ta ete brāhmaṇā rāma vimānavaramāsthitāḥ

—and having heard the entire Padma Purana, they became happy. These same Brahmins, O Rama, now abide upon that excellent celestial car—

Verse 55 (padma.5.113.55)

दृश्यंते खे च सुखिनः सदा मुदितमानसाः । एतत्ते सर्वमाख्यातं पुराणेषु विनिश्चितम्

dṛśyaṁte khe ca sukhinaḥ sadā muditamānasāḥ etatte sarvamākhyātaṁ purāṇeṣu viniścitam

—seen in the sky, happy, their minds ever glad. All of this has been told to you, ascertained from the Puranas.

Verse 56 (padma.5.113.56)

इतः परं च किं भूयः श्रोतुमिच्छसि राघव

itaḥ paraṁ ca kiṁ bhūyaḥ śrotumicchasi rāghava

What more, then, do you wish to hear, O Raghava?