Pushkala's Victory

Verse 1 (padma.5.24.1)

शेष उवाच। शत्रुघ्नस्तु क्रुधाविष्टो दंतान्दंतैर्विनिष्पिषन् । हस्तौ धुन्वंल्लेलिहानमधरं जिह्वया सकृत्

śeṣa uvāca śatrughnastu krudhāviṣṭo daṁtāndaṁtairviniṣpiṣan hastau dhunvaṁllelihānamadharaṁ jihvayā sakṛt

Shesha said: Shatrughna, overcome with rage, grinding his teeth, shaking his hands, licking his lower lip repeatedly with his tongue,

Verse 2 (padma.5.24.2)

पुनः पुनस्तान्पप्रच्छ केनाश्वो नीयते मम । प्रतापाग्र्यः केन जितः सर्वशूरशिरोमणिः

punaḥ punastānpapraccha kenāśvo nīyate mama pratāpāgryaḥ kena jitaḥ sarvaśūraśiromaṇiḥ

asked them again and again: "By whom is my horse being taken? By whom has Pratapagrya, crest-jewel of all heroes, been defeated?"

Verse 3 (padma.5.24.3)

सेवकास्ते तदा प्रोचुर्दमनोनाम शत्रुहन् । सुबाहुजः प्रतापाग्र्यं जितवान्हयमाहरत्

sevakāste tadā procurdamanonāma śatruhan subāhujaḥ pratāpāgryaṁ jitavānhayamāharat

Those servants then said: "O slayer of enemies, one named Damana, son of Subahu, has defeated Pratapagrya and seized the horse."

Verse 4 (padma.5.24.4)

इति श्रुत्वा हयं नीतं दमनेन स्ववैरिणा । आजगाम स वेगेन यत्राभूद्रणमंडलम्

iti śrutvā hayaṁ nītaṁ damanena svavairiṇā ājagāma sa vegena yatrābhūdraṇamaṁḍalam

Hearing that the horse had been taken by Damana, his enemy, he came swiftly to where the field of battle was.

Verse 5 (padma.5.24.5)

तत्रापश्यत्स शत्रुघ्नो गजान्दीर्णकपोलकान् । पर्वतानिव रक्तोदे मज्जमानान्मदोद्धतान्

tatrāpaśyatsa śatrughno gajāndīrṇakapolakān parvatāniva raktode majjamānānmadoddhatān

There Shatrughna saw elephants, their temples torn open, sinking like mountains into a lake of blood, maddened with musth.

Verse 6 (padma.5.24.6)

हयास्तत्र निजारोहकर्तृभिः सहिताः क्षताः । मृता वीरेण ददृशे शत्रुघ्नेन सुकोपिना

hayāstatra nijārohakartṛbhiḥ sahitāḥ kṣatāḥ mṛtā vīreṇa dadṛśe śatrughnena sukopinā

Horses, wounded along with their own riders, were seen there, dead, by that hero, greatly enraged Shatrughna.

Verse 7 (padma.5.24.7)

नरान्रथान्गजान्भग्नान्वीक्षमाणः स शत्रुहा । अतीव चुक्रुधे यद्वत्प्रलये प्रलयार्णवः

narānrathāngajānbhagnānvīkṣamāṇaḥ sa śatruhā atīva cukrudhe yadvatpralaye pralayārṇavaḥ

Beholding men, chariots, and elephants shattered, that slayer of enemies grew exceedingly angry, like the ocean of dissolution at the end of the world.

Verse 8 (padma.5.24.8)

पुरतो दमनं वीक्ष्य हयनेतारमुद्भटम् । प्रतापाग्र्यस्य जेतारं तृणीकृत्य निजं बलम्

purato damanaṁ vīkṣya hayanetāramudbhaṭam pratāpāgryasya jetāraṁ tṛṇīkṛtya nijaṁ balam

Seeing before him Damana, fierce leader against the horse, conqueror of Pratapagrya, treating his own army as mere straw,

Verse 9 (padma.5.24.9)

तदा राजा प्रत्युवाच योधान्कोपाकुलेक्षणः । कोऽसौ दमन जेताऽत्र सर्वशस्त्रास्त्रधारकः

tadā rājā pratyuvāca yodhānkopākulekṣaṇaḥ ko'sau damana jetā'tra sarvaśastrāstradhārakaḥ

the king then, his eyes agitated with fury, spoke to his warriors: "Who here is that Damana, bearer of every weapon and missile,"

Verse 10 (padma.5.24.10)

यो वै राजसुतं वीरं रणकर्मविशारदम् । जेष्यत्यस्त्रेण निर्भीतः सज्जीभूतो भवत्वयम्

yo vai rājasutaṁ vīraṁ raṇakarmaviśāradam jeṣyatyastreṇa nirbhītaḥ sajjībhūto bhavatvayam

"who will, fearless, conquer with his weapon that prince, hero, skilled in the business of war? Let him make ready."

Verse 11 (padma.5.24.11)

इति वाक्यं समाकर्ण्य पुष्कलः परवीरहा । दमनं जेतुमुद्युक्तो जगाद वचनं त्विदम्

iti vākyaṁ samākarṇya puṣkalaḥ paravīrahā damanaṁ jetumudyukto jagāda vacanaṁ tvidam

Hearing these words, Pushkala, slayer of enemy heroes, eager to conquer Damana, spoke these words —

Verse 12 (padma.5.24.12)

स्वामिन्क्वायं दमनकः क्व तेऽपरिमितं बलम् । जेष्येऽहं त्वत्प्रतापेन गच्छाम्येष महामते

svāminkvāyaṁ damanakaḥ kva te'parimitaṁ balam jeṣye'haṁ tvatpratāpena gacchāmyeṣa mahāmate

"My lord, where is this little Damana, and where your boundless strength? I shall conquer him through your own majesty; I go now, greatly wise one."

Verse 13 (padma.5.24.13)

सेवके मयि युद्धाय स्थिते कैर्नीयते हयः । रघुनाथप्रतापोऽयं सर्वं कृत्यं करिष्यति

sevake mayi yuddhāya sthite kairnīyate hayaḥ raghunāthapratāpo'yaṁ sarvaṁ kṛtyaṁ kariṣyati

"While I, your servant, stand ready for battle, by whom is the horse to be taken? This very majesty of Raghunatha will accomplish everything."

Verse 14 (padma.5.24.14)

स्वामिञ्छृणु प्रतिज्ञां मे तव मोदप्रदायिनीम् । विजेष्ये दमनं युद्धे रणकर्मविचक्षणम्

svāmiñchṛṇu pratijñāṁ me tava modapradāyinīm vijeṣye damanaṁ yuddhe raṇakarmavicakṣaṇam

"My lord, hear my vow, which shall bring you delight — I shall conquer Damana in battle, skilled though he is in the arts of war."

Verse 15 (padma.5.24.15)

रामचंद्रपदांभोजमध्वास्वादवियोगिनाम् । यदघं तु भवेत्तन्मे दमनं न जयेयदि

rāmacaṁdrapadāṁbhojamadhvāsvādaviyoginām yadaghaṁ tu bhavettanme damanaṁ na jayeyadi

"Whatever sin belongs to those separated from the taste of the honey of Ramachandra's lotus feet, let that be mine, if I do not conquer Damana."

Verse 16 (padma.5.24.16)

पुत्रो यो मातृपादान्यत्तीर्थं मत्वा तया सह । विरुद्ध्येत्तत्तमो मह्यं न जयेदमनं यदि

putro yo mātṛpādānyattīrthaṁ matvā tayā saha viruddhyettattamo mahyaṁ na jayedamanaṁ yadi

"Whatever darkness of sin belongs to a son who considers his mother's feet a mere ford and quarrels with her — let that be mine, if I do not conquer Damana."

Verse 17 (padma.5.24.17)

अद्य मद्बाणनिर्भिन्न महोरस्को नृपांगजः । अलंकरोतु प्रधने भूतलं शयनेन हि

adya madbāṇanirbhinna mahorasko nṛpāṁgajaḥ alaṁkarotu pradhane bhūtalaṁ śayanena hi

"Today, his great chest pierced by my arrows, let that king's son adorn the ground of battle, lying down upon it!"

Verse 18 (padma.5.24.18)

शेष उवाच। इति प्रतिज्ञामाकर्ण्य पुष्कलस्य रघूद्वहः । जहर्ष चित्ते तेजस्वी निदिदेश रणं प्रति

śeṣa uvāca iti pratijñāmākarṇya puṣkalasya raghūdvahaḥ jaharṣa citte tejasvī nidideśa raṇaṁ prati

Shesha said: Hearing this vow of Pushkala, the upholder of the Raghu line, that radiant one, rejoiced in his heart, and gave the command for battle.

Verse 19 (padma.5.24.19)

आज्ञप्तोऽसौ ययौ सैन्यैर्बहुभिः परिवारितः । यत्रास्ते दमनो राजपुत्रः शूरकुलोद्भवः

ājñapto'sau yayau sainyairbahubhiḥ parivāritaḥ yatrāste damano rājaputraḥ śūrakulodbhavaḥ

Commanded thus, he went, surrounded by many troops, to where Damana, prince born of a heroic line, stood.

Verse 20 (padma.5.24.20)

दमनोऽपि तमाज्ञाय ह्यागतं रणमंडले । प्रत्युज्जगाम वीराग्र्यः स्वसैन्यपरिवारितः

damano'pi tamājñāya hyāgataṁ raṇamaṁḍale pratyujjagāma vīrāgryaḥ svasainyaparivāritaḥ

Damana too, learning that he had come to the field of battle, that finest of heroes, went out to meet him, surrounded by his own army.

Verse 21 (padma.5.24.21)

अन्योन्यं तौ संमिलितौ रथस्थौ रथशोभिनौ । समरे शक्रदैत्यौ किं युद्धार्थं रणमागतौ

anyonyaṁ tau saṁmilitau rathasthau rathaśobhinau samare śakradaityau kiṁ yuddhārthaṁ raṇamāgatau

The two met each other, seated in their chariots, resplendent — as if Indra and a demon had come to the field for battle.

Verse 22 (padma.5.24.22)

उवाच पुष्कलस्तं वै राजपुत्रं महाबलम् । राजपुत्र दमनक मां जानीहि समागतम्

uvāca puṣkalastaṁ vai rājaputraṁ mahābalam rājaputra damanaka māṁ jānīhi samāgatam

Pushkala said to that mighty prince: "O prince Damana, know that I have come —"

Verse 23 (padma.5.24.23)

स प्रतिज्ञं तु युद्धाय भरतात्मजमुद्भटम् । पुष्कलेन स्वनाम्ना च लक्षितं विद्धिसत्तम

sa pratijñaṁ tu yuddhāya bharatātmajamudbhaṭam puṣkalena svanāmnā ca lakṣitaṁ viddhisattama

"sworn to battle, know me, finest one, as marked by my own name — Pushkala, son of Bharata, fierce."

Verse 24 (padma.5.24.24)

रघुनाथपदांभोज नित्यसेवामधुव्रतम् । त्वां जेष्ये शस्त्रसंघेनसज्जीभव महामते

raghunāthapadāṁbhoja nityasevāmadhuvratam tvāṁ jeṣye śastrasaṁghenasajjībhava mahāmate

"A honey-bee ever devoted to the eternal service of Raghunatha's lotus feet — I shall conquer you with an array of weapons; make ready, greatly wise one."

Verse 25 (padma.5.24.25)

इति वाक्यं समाकर्ण्य दमनः परवीरहा । प्रत्युवाच हसन्वाग्मी निर्भयोद्दृष्टविक्रमः

iti vākyaṁ samākarṇya damanaḥ paravīrahā pratyuvāca hasanvāgmī nirbhayoddṛṣṭavikramaḥ

Hearing these words, Damana, slayer of enemy heroes, replied, laughing, eloquent, fearless, his valor evident —

Verse 26 (padma.5.24.26)

सुबाहुपुत्रं दमनं पितृभक्ति हृताघकम् । विद्धि मामश्वनेतारं शत्रुघ्नस्य महीपतेः

subāhuputraṁ damanaṁ pitṛbhakti hṛtāghakam viddhi māmaśvanetāraṁ śatrughnasya mahīpateḥ

"Know me as Damana, son of Subahu, devoted to my father, remover of sin, the very leader against Shatrughna's horse."

Verse 27 (padma.5.24.27)

जयो दैवविसृष्टोऽयं यस्य चालंकरिष्यति । स प्राप्नोति निरीक्षस्व बलं मे रणमूर्धनि

jayo daivavisṛṣṭo'yaṁ yasya cālaṁkariṣyati sa prāpnoti nirīkṣasva balaṁ me raṇamūrdhani

"This victory, granted by fate, will adorn whichever of us it favors; behold now my strength at the head of the battlefield!"

Verse 28 (padma.5.24.28)

इत्युक्त्वा स शरं चापं विधायाकर्णपूरितम् । मुमोच बाणान्निशितान्वैरिप्राणापहारिणः

ityuktvā sa śaraṁ cāpaṁ vidhāyākarṇapūritam mumoca bāṇānniśitānvairiprāṇāpahāriṇaḥ

Having said this, fitting an arrow to his bow, drawn back to his ear, he loosed sharp arrows, takers of the enemy's life.

Verse 29 (padma.5.24.29)

ते बाणास्त्वाविलीभूताश्छादयामासुरंबरम् । सूर्यभानुप्रभा यत्र बाणच्छायानिवारिता

te bāṇāstvāvilībhūtāśchādayāmāsuraṁbaram sūryabhānuprabhā yatra bāṇacchāyānivāritā

Those arrows, becoming a turbid mass, covered the sky; there, the radiance of the sun itself was blocked by the shadow of the arrows.

Verse 30 (padma.5.24.30)

गजानां कटभित्त्योघे लग्ना सायकसंततिः । अलंकरोति धातूनां रागा इव विचित्रिताः

gajānāṁ kaṭabhittyoghe lagnā sāyakasaṁtatiḥ alaṁkaroti dhātūnāṁ rāgā iva vicitritāḥ

The array of arrows, lodged in the mass of the elephants' flanks, adorned them like the varied streaks of colored minerals.

Verse 31 (padma.5.24.31)

पतितास्तत्र दृश्यंते नरा वाहा गजा रथाः । शरव्रातेन नृपतेः सुतेन परिताडिताः

patitāstatra dṛśyaṁte narā vāhā gajā rathāḥ śaravrātena nṛpateḥ sutena paritāḍitāḥ

There men, mounts, elephants, and chariots were seen fallen, struck down by the flood of arrows of that prince, the king's son.

Verse 32 (padma.5.24.32)

तद्विक्रांतं समालोक्य पुष्कलः परवीरहा । शराणां छायया व्याप्तं रणमंडलमीक्ष्य च

tadvikrāṁtaṁ samālokya puṣkalaḥ paravīrahā śarāṇāṁ chāyayā vyāptaṁ raṇamaṁḍalamīkṣya ca

Beholding that valor, Pushkala, slayer of enemy heroes, seeing the field of battle covered by the shadow of arrows,

Verse 33 (padma.5.24.33)

शरासने समाधत्त बाणं वह्न्यभिमंत्रितम् । आचम्य सम्यग्विधिवन्मोचयामास सायकम्

śarāsane samādhatta bāṇaṁ vahnyabhimaṁtritam ācamya samyagvidhivanmocayāmāsa sāyakam

fitted to his bow an arrow consecrated with the fire-mantra; having duly sipped water according to rite, he released that arrow.

Verse 34 (padma.5.24.34)

ततोऽग्निप्रादुरभवत्तत्र संग्राममूर्धनि । ज्वालाभिर्विलिहन्व्योम प्रलयाग्निरिवोत्थितः

tato'gniprādurabhavattatra saṁgrāmamūrdhani jvālābhirvilihanvyoma pralayāgnirivotthitaḥ

Then fire appeared there at the head of the battle, licking the sky with its flames, rising up like the fire of universal dissolution.

Verse 35 (padma.5.24.35)

ततोऽस्य सैन्यं निर्दग्धं त्रासं प्राप्तं रणांगणे । पलायनपरं जातं वह्निज्वालाभिपीडितम्

tato'sya sainyaṁ nirdagdhaṁ trāsaṁ prāptaṁ raṇāṁgaṇe palāyanaparaṁ jātaṁ vahnijvālābhipīḍitam

Then his army was burnt, seized with terror on the field of battle, and, tormented by the flames of fire, took to flight.

Verse 36 (padma.5.24.36)

छत्राणि तु प्रदग्धानि चंद्राकाराणि धन्विनाम् । दृश्यंते जातरूपाभ कांतिधारीणि तत्र ह

chatrāṇi tu pradagdhāni caṁdrākārāṇi dhanvinām dṛśyaṁte jātarūpābha kāṁtidhārīṇi tatra ha

The moon-shaped parasols of the bowmen, burnt, were seen there bearing a radiance like molten gold.

Verse 37 (padma.5.24.37)

हया दग्धाः पलायंते केसरेषु च वैरिणाम् । रथा अपि गता दाहं सुकूबरसमन्विताः

hayā dagdhāḥ palāyaṁte kesareṣu ca vairiṇām rathā api gatā dāhaṁ sukūbarasamanvitāḥ

Horses, burning, fled amid the manes of the enemy; chariots too, along with their fine poles, caught fire.

Verse 38 (padma.5.24.38)

मणिमाणिक्यरत्नानि वहंतः करभास्ततः । पलायंते दहनभू ज्वालामालाभिपीडिताः

maṇimāṇikyaratnāni vahaṁtaḥ karabhāstataḥ palāyaṁte dahanabhū jvālāmālābhipīḍitāḥ

Camels, bearing gems, rubies, and jewels, then fled from that burning ground, tormented by garlands of flame.

Verse 39 (padma.5.24.39)

कुत्रचिद्दंतिनो नष्टाः कुत्रचिद्धयसादिनः । कुत्रचित्पत्तयो नष्टा वह्निदग्धकलेवराः

kutraciddaṁtino naṣṭāḥ kutraciddhayasādinaḥ kutracitpattayo naṣṭā vahnidagdhakalevarāḥ

In some places elephants perished, in some places horsemen; in some places foot-soldiers perished, their bodies burnt by fire.

Verse 40 (padma.5.24.40)

शराः सर्वे नृपसुतप्रमुक्ताः प्रलयं गताः । आशुशुक्षणिकीलाभिर्भस्मीभूताः समंततः

śarāḥ sarve nṛpasutapramuktāḥ pralayaṁ gatāḥ āśuśukṣaṇikīlābhirbhasmībhūtāḥ samaṁtataḥ

All the arrows released by the prince met their end, reduced to ashes on every side by those swift, blazing points.

Verse 41 (padma.5.24.41)

तदा स्वसैन्ये दग्धे च दमनो रोषपूरितः । सर्वास्त्रवित्तच्छांत्यर्थं वारुणास्त्रमथा ददे

tadā svasainye dagdhe ca damano roṣapūritaḥ sarvāstravittacchāṁtyarthaṁ vāruṇāstramathā dade

Then, his own army burnt, Damana, filled with rage, knowing every weapon, released the water-weapon to quell that fire.

Verse 42 (padma.5.24.42)

वारुणं वह्निशांत्यर्थं मुक्तं तेन महीभृता । आप्लावयद्बलं तस्य रथवाजिसमाकुलम्

vāruṇaṁ vahniśāṁtyarthaṁ muktaṁ tena mahībhṛtā āplāvayadbalaṁ tasya rathavājisamākulam

The water-weapon, released by that lord of the earth to extinguish the fire, flooded his forces, thronged with chariots and horses.

Verse 43 (padma.5.24.43)

रथा विप्लावितास्तोये दृश्यंते परिपंथिनाम् । गजाश्चापि परिप्लुष्टाः स्वीयाः शांतिमुपागताः

rathā viplāvitāstoye dṛśyaṁte paripaṁthinām gajāścāpi paripluṣṭāḥ svīyāḥ śāṁtimupāgatāḥ

The chariots of the enemy were seen swept away in the water; his own elephants too, though scorched, attained relief.

Verse 44 (padma.5.24.44)

वह्निश्च शांतिमगमदग्न्यस्त्र परिमोचितः । शांतिमाप बलं स्वीयं वह्निज्वालाभिपीडितम्

vahniśca śāṁtimagamadagnyastra parimocitaḥ śāṁtimāpa balaṁ svīyaṁ vahnijvālābhipīḍitam

The fire too was quelled, released from the fire-weapon; his own army, tormented by the flames of fire, attained peace.

Verse 45 (padma.5.24.45)

कंपिताः शीततोयेन सीत्कुर्वंति च वैरिणः । करकावृष्टिभिः क्षिप्ता वायुना च प्रपीडिताः

kaṁpitāḥ śītatoyena sītkurvaṁti ca vairiṇaḥ karakāvṛṣṭibhiḥ kṣiptā vāyunā ca prapīḍitāḥ

Trembling from the cold water, the enemies cried out in distress, pelted by hailstones and buffeted by wind.

Verse 46 (padma.5.24.46)

तदा स्वबलमालोक्य तोयपूरेण पीडितम् । कंपितं क्षुभितं नष्टं वारुणेन विनिर्हृतम्

tadā svabalamālokya toyapūreṇa pīḍitam kaṁpitaṁ kṣubhitaṁ naṣṭaṁ vāruṇena vinirhṛtam

Then, seeing his own army afflicted by the flood of water, trembling, agitated, ruined, swept away by the water-weapon,

Verse 47 (padma.5.24.47)

तदातिकोपताम्राक्षः पुष्कलो भरतात्मजः । वायव्यास्त्रं समाधत्त धनुष्येकं महाशरम्

tadātikopatāmrākṣaḥ puṣkalo bharatātmajaḥ vāyavyāstraṁ samādhatta dhanuṣyekaṁ mahāśaram

Pushkala, son of Bharata, his eyes red with fury, fitted to his bow the wind-weapon, one great arrow.

Verse 48 (padma.5.24.48)

ततो वायुर्महानासीद्वायव्यास्त्रप्रचोदितः । नाशयामास वेगेन घनानीकमुपस्थितम्

tato vāyurmahānāsīdvāyavyāstrapracoditaḥ nāśayāmāsa vegena ghanānīkamupasthitam

Then a great wind arose, driven by the wind-weapon, and swiftly destroyed the massed army that stood before him.

Verse 49 (padma.5.24.49)

वायुना स्फालिता नागाः परस्परसमाहताः । अश्वाश्च संहतान्योन्यं स्वस्वारोहसमन्विताः

vāyunā sphālitā nāgāḥ parasparasamāhatāḥ aśvāśca saṁhatānyonyaṁ svasvārohasamanvitāḥ

Elephants, buffeted by the wind, struck against one another; horses too, struck against each other, together with their own riders.

Verse 50 (padma.5.24.50)

नराः प्रभंजनोद्धूता मुक्तकेशा निरोजसः । पतंतोऽत्र समीक्ष्यंते वेताला इव भूगताः

narāḥ prabhaṁjanoddhūtā muktakeśā nirojasaḥ pataṁto'tra samīkṣyaṁte vetālā iva bhūgatāḥ

Men, tossed up by the storm, their hair loosened, their strength gone, were seen falling there like ghosts fallen to the ground.

Verse 51 (padma.5.24.51)

वायुना स्वबलं सर्वं परिभूतं विलोक्य सः । राजपुत्रः पर्वतास्त्रं धनुष्येवं समादधे

vāyunā svabalaṁ sarvaṁ paribhūtaṁ vilokya saḥ rājaputraḥ parvatāstraṁ dhanuṣyevaṁ samādadhe

Seeing his entire army overwhelmed by the wind, that prince fitted to his bow the mountain-weapon.

Verse 52 (padma.5.24.52)

तदा तु पर्वताः पेतुर्मस्तकोपरि युध्यताम् । वायुः संच्छादितस्तैस्तु न प्रचक्राम कुत्रचित्

tadā tu parvatāḥ peturmastakopari yudhyatām vāyuḥ saṁcchāditastaistu na pracakrāma kutracit

Then mountains fell upon the heads of the combatants; the wind, covered over by them, could no longer move anywhere.

Verse 53 (padma.5.24.53)

पुष्कलो वज्रसंज्ञं तु समाधत्त शरासने । वज्रेण कृत्तास्ते सर्वे जाताश्च तिलशः क्षणात्

puṣkalo vajrasaṁjñaṁ tu samādhatta śarāsane vajreṇa kṛttāste sarve jātāśca tilaśaḥ kṣaṇāt

Pushkala fitted to his bow the weapon called Vajra; by the Vajra all those mountains were cut, and in an instant reduced to fragments like sesame seeds.

Verse 54 (padma.5.24.54)

वज्रं नगान्रजः शेषान्कृत्वा बाणाभिमंत्रितम् । राजपुत्रोरसि प्रोच्चैः पपात स्वनवद्भृशम्

vajraṁ nagānrajaḥ śeṣānkṛtvā bāṇābhimaṁtritam rājaputrorasi proccaiḥ papāta svanavadbhṛśam

The Vajra, having reduced the mountains to mere dust, consecrated with the mantra of the arrow, fell loudly, with a great roar, upon the prince's chest.

Verse 55 (padma.5.24.55)

सत्वाकुलितचेतस्को हृदि विद्धः क्षतो भृशम् । विव्यथे बलवान्वीरः कश्मलं परमाप सः

satvākulitacetasko hṛdi viddhaḥ kṣato bhṛśam vivyathe balavānvīraḥ kaśmalaṁ paramāpa saḥ

His consciousness overwhelmed, his heart pierced, deeply wounded, that strong hero was pained, and fell into utter distress.

Verse 56 (padma.5.24.56)

तं वै कश्मलितं दृष्ट्वा सारथिर्नयकोविदः । अपोवाह रणात्तस्मात्क्रोशमात्रं नरेंद्रजम्

taṁ vai kaśmalitaṁ dṛṣṭvā sārathirnayakovidaḥ apovāha raṇāttasmātkrośamātraṁ nareṁdrajam

Seeing him thus distressed, his charioteer, skilled in policy, bore that king's son away, a mile from the battle.

Verse 57 (padma.5.24.57)

ततो योधा राजसूनोः प्रणष्टाः प्रपलायिताः । गत्वा पुरीं समाचख्युः कश्मलस्थं नृपात्मजम्

tato yodhā rājasūnoḥ praṇaṣṭāḥ prapalāyitāḥ gatvā purīṁ samācakhyuḥ kaśmalasthaṁ nṛpātmajam

Then the prince's warriors, routed, fled; going to the city, they told of the prince fallen into distress.

Verse 58 (padma.5.24.58)

पुष्कलो जयमाप्यैवं रणमूर्धनि धर्मवित् । न प्रहर्तुं पुनः शक्तो रघुनाथवचः स्मरन्

puṣkalo jayamāpyaivaṁ raṇamūrdhani dharmavit na prahartuṁ punaḥ śakto raghunāthavacaḥ smaran

Pushkala, learned in dharma, having thus attained victory at the head of the battle, was unable to strike further, remembering Raghunatha's own words.

Verse 59 (padma.5.24.59)

ततो दुंदुभिनिर्घोषो जयशब्दो महानभूत् । साधुसाध्विति वाचश्च प्रावर्तंत मनोहराः

tato duṁdubhinirghoṣo jayaśabdo mahānabhūt sādhusādhviti vācaśca prāvartaṁta manoharāḥ

Then there arose the great roar of kettledrums, cries of victory, and delightful words of "Well done, well done!"

Verse 60 (padma.5.24.60)

हर्षं प्राप स शत्रुघ्नो जयिनं वीक्ष्य पुष्कलम् । प्रशशंस सुमत्यादि मंत्रिभिः परिवारितः

harṣaṁ prāpa sa śatrughno jayinaṁ vīkṣya puṣkalam praśaśaṁsa sumatyādi maṁtribhiḥ parivāritaḥ

Shatrughna, seeing Pushkala victorious, was filled with joy; surrounded by his ministers, Sumati and the rest, he praised him.