The Vow of the Cow

Verse 1 (padma.5.31.1)

जाबालिरुवाच। अथ तेषु प्रयातेषु नरकस्थेषु वै नृषु । राजा पप्रच्छ कीनाशं सर्वधर्मविदांवरम्

jābāliruvāca atha teṣu prayāteṣu narakastheṣu vai nṛṣu rājā papraccha kīnāśaṁ sarvadharmavidāṁvaram

Jabali said: Then, when those men who had been in hell had departed, the king asked Yama, best among the knowers of all dharma.

Verse 2 (padma.5.31.2)

राजोवाच। धर्मराज त्वया प्रोक्तं यत्पातककरा नराः । आयांति तव संस्थानं न च धर्मकथारताः

rājovāca dharmarāja tvayā proktaṁ yatpātakakarā narāḥ āyāṁti tava saṁsthānaṁ na ca dharmakathāratāḥ

The king said: "O Dharmaraja, you have said that it is sinful men who come to your abode, and not those devoted to talk of dharma.

Verse 3 (padma.5.31.3)

मदागमनमत्राभूत्केनपापेन धार्मिक । तद्वै कथय सर्वं मे पापकारणमादितः

madāgamanamatrābhūtkenapāpena dhārmika tadvai kathaya sarvaṁ me pāpakāraṇamāditaḥ

By what sin, O righteous one, did my own coming here occur? Tell me all of it — the cause of that sin, from the beginning."

Verse 4 (padma.5.31.4)

इति श्रुत्वा तु तद्वाक्यं धर्मराजः परंतप । कथयामास तस्यैवं यमपुर्यागमं तदा

iti śrutvā tu tadvākyaṁ dharmarājaḥ paraṁtapa kathayāmāsa tasyaivaṁ yamapuryāgamaṁ tadā

Hearing these words, O scorcher of foes, Dharmaraja then related to him thus the cause of his coming to Yama's city.

Verse 5 (padma.5.31.5)

धर्मराज उवाच। राजंस्तव महत्पुण्यं नैतादृक्कस्य भूतले । रघुनाथपदद्वंद्वमकरंद मधुव्रत

dharmarāja uvāca rājaṁstava mahatpuṇyaṁ naitādṛkkasya bhūtale raghunāthapadadvaṁdvamakaraṁda madhuvrata

Dharmaraja said: "O king, your merit is so great that none other on earth possesses its like — O bee that drinks the honey of Raghunatha's paired feet!

Verse 6 (padma.5.31.6)

त्वत्कीर्ति स्वर्धुनी सर्वान्पापिनो मलसंयुतान् । पुनाति परमाह्लादकारिणी दुष्टतारिणी

tvatkīrti svardhunī sarvānpāpino malasaṁyutān punāti paramāhlādakāriṇī duṣṭatāriṇī

Your fame, like the celestial river, purifies all sinners steeped in impurity, bringing supreme delight and ferrying across even the wicked.

Verse 7 (padma.5.31.7)

तथापि पापलेशस्ते वर्तते नृपसत्तम । येन संयमिनीपार्श्वमागतः पुण्यपूरितः

tathāpi pāpaleśaste vartate nṛpasattama yena saṁyaminīpārśvamāgataḥ puṇyapūritaḥ

Yet, O best of kings, a trace of sin still remained in you, on account of which you came, though full of merit, to the side of Samyamini, the city of Restraint.

Verse 8 (padma.5.31.8)

एकदा तु चरंतीं गां वारयामास वै भवान् । तेन पापविपाकेन निरयद्वारदर्शनम्

ekadā tu caraṁtīṁ gāṁ vārayāmāsa vai bhavān tena pāpavipākena nirayadvāradarśanam

Once you forbade a cow that was grazing; by the fruit of that sin came this sight of hell's gate.

Verse 9 (padma.5.31.9)

इदानीं पापनिर्मुक्तो बहुपुण्यसमन्वितः । भुंक्ष्व भोगान्सुविपुलान्निजपुण्यार्जितान्बहून्

idānīṁ pāpanirmukto bahupuṇyasamanvitaḥ bhuṁkṣva bhogānsuvipulānnijapuṇyārjitānbahūn

Now, freed from that sin and endowed with abundant merit, enjoy the many vast pleasures earned by your own good deeds.

Verse 10 (padma.5.31.10)

एतेषां करुणावार्धी रघुनाथो सुखं हरन् । संयमिन्या महामार्गे प्रेरयामास वैष्णवम्

eteṣāṁ karuṇāvārdhī raghunātho sukhaṁ haran saṁyaminyā mahāmārge prerayāmāsa vaiṣṇavam

Raghunatha, that ocean of compassion, taking away their suffering, sent this devotee of Vishnu upon the great road of Samyamini.

Verse 11 (padma.5.31.11)

नागमिष्यो यदि त्वं वै मार्गेणानेन सुव्रत । अभविष्यत्कथं तेषां निरयात्परिमोचनम्

nāgamiṣyo yadi tvaṁ vai mārgeṇānena suvrata abhaviṣyatkathaṁ teṣāṁ nirayātparimocanam

Had you not come by this path, O one of good vows, how would their release from hell have come about?

Verse 12 (padma.5.31.12)

त्वादृशाः परदुःखेन दुःखिताः करुणालयाः । प्राणिनां दुःखविच्छेदं कुर्वंत्येव महामते

tvādṛśāḥ paraduḥkhena duḥkhitāḥ karuṇālayāḥ prāṇināṁ duḥkhavicchedaṁ kurvaṁtyeva mahāmate

Those like you, O one of great wisdom, abodes of compassion, grieved by others' suffering, indeed put an end to the suffering of living beings.

Verse 13 (padma.5.31.13)

जाबालिरुवाच। एवं वदंतं शमनं प्रणम्य स दिवंगतः । दिव्येन सुविमानेन अप्सरोगणशोभिना

jābāliruvāca evaṁ vadaṁtaṁ śamanaṁ praṇamya sa divaṁgataḥ divyena suvimānena apsarogaṇaśobhinā

Jabali said: Bowing to Yama who spoke thus, he departed for heaven, in a divine and excellent celestial chariot resplendent with troops of apsaras.

Verse 14 (padma.5.31.14)

तस्माद्गावोऽनिशं पूज्या मनसापि न गर्हयेत् । गर्हयन्निरयं याति यावदिंद्राश्चतुर्दश

tasmādgāvo'niśaṁ pūjyā manasāpi na garhayet garhayannirayaṁ yāti yāvadiṁdrāścaturdaśa

Therefore cows are ever to be worshipped; one should not despise them even in thought. He who despises them goes to hell for as long as fourteen Indras reign.

Verse 15 (padma.5.31.15)

तस्मात्त्वं नृपतिश्रेष्ठ गोपूजां वै समाचर । सा तुष्टा दास्यति क्षिप्रं पुत्रं धर्मपरायणम्

tasmāttvaṁ nṛpatiśreṣṭha gopūjāṁ vai samācara sā tuṣṭā dāsyati kṣipraṁ putraṁ dharmaparāyaṇam

Therefore, O best of kings, perform the worship of the cow; pleased, she will swiftly grant you a righteous son.

Verse 16 (padma.5.31.16)

सुमतिरुवाच। तच्छ्रुत्वा धेनुपूजां स पप्रच्छ कथमादरात् । पूजनीया प्रयत्नेन कीदृशं कुरुते नरम्

sumatiruvāca tacchrutvā dhenupūjāṁ sa papraccha kathamādarāt pūjanīyā prayatnena kīdṛśaṁ kurute naram

Sumati said: Hearing this, he reverently asked how the cow should be worshipped, and what she, worshipped with effort, makes of a man.

Verse 17 (padma.5.31.17)

जाबालि कथयामास धेनुपूजां यथाविधि । प्रत्यहं विपिनं गच्छेच्चारणार्थं व्रती तु गोः

jābāli kathayāmāsa dhenupūjāṁ yathāvidhi pratyahaṁ vipinaṁ gacchecchāraṇārthaṁ vratī tu goḥ

Jabali told him of the worship of the cow according to rule: every day the one under vow should go to the forest, for the purpose of leading the cow to graze;

Verse 18 (padma.5.31.18)

गवे यवांस्तु संभोज्य गोमयस्थान्समाहरेत् । भक्षणीया यवास्ते तु पुत्रकामेन भूपते

gave yavāṁstu saṁbhojya gomayasthānsamāharet bhakṣaṇīyā yavāste tu putrakāmena bhūpate

having fed the cow barley, he should gather up what stands upon her dung; that barley, O king, is to be eaten by one who desires a son.

Verse 19 (padma.5.31.19)

सा यदा पिबते तोयं तदा पेयं जलं शुचि । सोच्चैः स्थाने यदा तिष्ठेत्तदानीं चासनस्थितः

sā yadā pibate toyaṁ tadā peyaṁ jalaṁ śuci soccaiḥ sthāne yadā tiṣṭhettadānīṁ cāsanasthitaḥ

When she drinks water, that pure water is to be drunk by the devotee too; when she stands in a raised place, he too should remain seated there —

Verse 20 (padma.5.31.20)

दंशान्निवारयेन्नित्यं यवसं स्वयमाहरेत् । एवं प्रकुर्वतः पुत्रं दास्यते धर्मतत्परम्

daṁśānnivārayennityaṁ yavasaṁ svayamāharet evaṁ prakurvataḥ putraṁ dāsyate dharmatatparam

he should daily ward off the biting flies from her, and himself gather her fodder. To one who acts thus, she grants a son devoted to dharma.

Verse 21 (padma.5.31.21)

सुमतिरुवाच। इति वाक्यं समाकर्ण्य पुत्रकाम ऋतंभरः । व्रतं चकार धर्मात्मा धेनुपूजां समाचरन्

sumatiruvāca iti vākyaṁ samākarṇya putrakāma ṛtaṁbharaḥ vrataṁ cakāra dharmātmā dhenupūjāṁ samācaran

Sumati said: Hearing this, Ritambhara, desiring a son, that righteous soul, undertook the vow, performing the worship of the cow.

Verse 22 (padma.5.31.22)

प्रत्यहं कुरुते गां वै यवसाद्येन तोषिताम् । दंशान्न्यवारयद्धीमान्यवभक्षकृतादरः

pratyahaṁ kurute gāṁ vai yavasādyena toṣitām daṁśānnyavārayaddhīmānyavabhakṣakṛtādaraḥ

Daily he tended the cow, pleasing her with fodder and the like; the wise king warded off the flies, devoted to eating the barley from her dung.

Verse 23 (padma.5.31.23)

एवं धेनुं पूजयतो गतास्तु दिवसा घनाः । वनमध्ये तृणादींश्च चरंतीमकुतोभयाम्

evaṁ dhenuṁ pūjayato gatāstu divasā ghanāḥ vanamadhye tṛṇādīṁśca caraṁtīmakutobhayām

Thus, as he worshipped the cow, many days passed, while she grazed fearlessly on grass and the like in the midst of the forest.

Verse 24 (padma.5.31.24)

एकदा नृपतिस्तस्य वनस्य श्रीनिरीक्षणे । न्यस्तदृष्टिः सपरितो बभ्राम स कुतूहली

ekadā nṛpatistasya vanasya śrīnirīkṣaṇe nyastadṛṣṭiḥ saparito babhrāma sa kutūhalī

One day the king, his eyes fixed on the beauty of that forest, wandered about it, filled with curiosity.

Verse 25 (padma.5.31.25)

तदागत्याहनद्गां वै पंचास्यः काननांतरात् । क्रोशंतीं बहुधा दीनां सिंहभारेणदुःखिताम्

tadāgatyāhanadgāṁ vai paṁcāsyaḥ kānanāṁtarāt krośaṁtīṁ bahudhā dīnāṁ siṁhabhāreṇaduḥkhitām

Then a lion came from within the forest and struck the cow, who cried out piteously in many ways, tormented by the lion's assault.

Verse 26 (padma.5.31.26)

तदा नृपः समागत्य विलोक्य निजमातरम् । सिंहेन निहतां पश्यन्रुरोदातीव विह्वलः

tadā nṛpaḥ samāgatya vilokya nijamātaram siṁhena nihatāṁ paśyanrurodātīva vihvalaḥ

Then the king, coming there and beholding his own mother-cow, seeing her struck down by the lion, wept in utter distress.

Verse 27 (padma.5.31.27)

स दुःखितः समागत्य जाबालिमुनिसत्तमम् । निष्कृतिं तस्य पप्रच्छ गोवधस्य प्रमादतः

sa duḥkhitaḥ samāgatya jābālimunisattamam niṣkṛtiṁ tasya papraccha govadhasya pramādataḥ

Grieving, he came to the sage Jabali, best of sages, and asked him for the expiation of the cow's killing that had occurred through his negligence.

Verse 28 (padma.5.31.28)

ऋतंभर उवाच। स्वामिंस्त्वदाज्ञया धेनुं पालयन्वनमास्थितः । कुतोप्यागत्य तां सिंहो जघानादृष्टिगोचरः

ṛtaṁbhara uvāca svāmiṁstvadājñayā dhenuṁ pālayanvanamāsthitaḥ kutopyāgatya tāṁ siṁho jaghānādṛṣṭigocaraḥ

Ritambhara said: "My lord, by your command I was in the forest, tending the cow, when a lion came from somewhere unseen and struck her down.

Verse 29 (padma.5.31.29)

तस्य पापस्य निष्कृत्यै किं करोमि त्वदाज्ञया । कथं वा व्रतसंपूर्तिर्मम पुत्रप्रदायिनी

tasya pāpasya niṣkṛtyai kiṁ karomi tvadājñayā kathaṁ vā vratasaṁpūrtirmama putrapradāyinī

What am I to do, by your command, to expiate that sin? And how shall the completion of my vow, the one that grants a son, now be accomplished?"

Verse 30 (padma.5.31.30)

इत्युक्तवंतं तं भूपं जगाद मुनिसत्तमः । संत्युपाया महीपाल पापस्यास्यापनुत्तये

ityuktavaṁtaṁ taṁ bhūpaṁ jagāda munisattamaḥ saṁtyupāyā mahīpāla pāpasyāsyāpanuttaye

To the king who spoke thus, the best of sages said: "O lord of the earth, there are means for the removal of this sin.

Verse 31 (padma.5.31.31)

ब्रह्मघ्नस्य कृतघ्नस्य सुरापस्य महामते । प्रायश्चित्तानि वर्तंते सर्वपापहराणि च

brahmaghnasya kṛtaghnasya surāpasya mahāmate prāyaścittāni vartaṁte sarvapāpaharāṇi ca

Even for the killer of a Brahmin, the ungrateful, the drinker of liquor, O one of great wisdom, there exist penances that remove all sins,

Verse 32 (padma.5.31.32)

कृच्छ्रैश्चांद्रायणैर्दानैर्व्रतैः सनियमैर्यमैः । पापानि प्रलयं यांति नियमादनुतिष्ठतः

kṛcchraiścāṁdrāyaṇairdānairvrataiḥ saniyamairyamaiḥ pāpāni pralayaṁ yāṁti niyamādanutiṣṭhataḥ

through kricchra and chandrayana penances, through gifts, vows, together with restraints and disciplines — sins go to their destruction for one who duly performs them according to rule.

Verse 33 (padma.5.31.33)

द्वयोश्च निष्कृतिर्नास्ति पापपुंजकृतोस्तयोः । मत्या गोवधकर्तुश्च नारायणविनिंदितुः

dvayośca niṣkṛtirnāsti pāpapuṁjakṛtostayoḥ matyā govadhakartuśca nārāyaṇaviniṁdituḥ

But for two there is no expiation, however great the mass of sin they may otherwise have accrued: for the killer of a cow through negligence, and for the reviler of Narayana.

Verse 34 (padma.5.31.34)

गवां यो मनसा दुःखं वांच्छत्यधमसत्तमः । स याति निरयस्थानं यावदिंद्राश्चतुर्दश

gavāṁ yo manasā duḥkhaṁ vāṁcchatyadhamasattamaḥ sa yāti nirayasthānaṁ yāvadiṁdrāścaturdaśa

That basest of the base, who even in his mind wishes suffering for cows — he goes to hell for as long as fourteen Indras.

Verse 35 (padma.5.31.35)

योऽपि देवं हरिं निंदेत्सकृद्दुर्भाग्यवान्नरः । स चापि नरकं पश्येत्पुत्रपौत्रपरीवृतः

yo'pi devaṁ hariṁ niṁdetsakṛddurbhāgyavānnaraḥ sa cāpi narakaṁ paśyetputrapautraparīvṛtaḥ

And that unfortunate man who reviles the god Hari even once — he too shall behold hell, surrounded by his sons and grandsons.

Verse 36 (padma.5.31.36)

तस्माज्ज्ञात्वा हरिं निंदन्गोषु दुःखं समाचरन् । कदापि नरकान्मुक्तिं न प्राप्नोति नरेश्वर

tasmājjñātvā hariṁ niṁdangoṣu duḥkhaṁ samācaran kadāpi narakānmuktiṁ na prāpnoti nareśvara

Therefore, O lord of men, one who knowingly reviles Hari or causes suffering to cows never attains release from hell.

Verse 37 (padma.5.31.37)

अज्ञानप्राप्तगोहत्या प्रायश्चित्तं तु विद्यते । रामभक्तं तु धीमंतं याहि त्वमृतुपर्णकम्

ajñānaprāptagohatyā prāyaścittaṁ tu vidyate rāmabhaktaṁ tu dhīmaṁtaṁ yāhi tvamṛtuparṇakam

But for the killing of a cow that has occurred through ignorance, expiation does exist. Go, then, to Ritupparna, that wise devotee of Rama.

Verse 38 (padma.5.31.38)

स वै समदृशः सर्वाञ्छत्रून्मित्राणि पश्यति । तुभ्यं कथिष्यति क्षिप्रं गोवधस्यास्य निष्कृतिम्

sa vai samadṛśaḥ sarvāñchatrūnmitrāṇi paśyati tubhyaṁ kathiṣyati kṣipraṁ govadhasyāsya niṣkṛtim

He, of equal vision, regards enemies and friends alike; he will quickly tell you the expiation for this killing of the cow."

Verse 39 (padma.5.31.39)

तस्य देशांस्त्वमाक्रामंस्तेन निर्वासितः पुरा । वैरिभावं परित्यज्य गच्छ त्वमृतुपर्णकम्

tasya deśāṁstvamākrāmaṁstena nirvāsitaḥ purā vairibhāvaṁ parityajya gaccha tvamṛtuparṇakam

"Though you once invaded his lands and were banished by him, abandon your enmity, and go to Ritupparna."

Verse 40 (padma.5.31.40)

स यद्वदिष्यति क्षिप्रं तत्कुरुष्व समाहितः । यथा त्वत्कृतपापस्य निष्कृतिर्हि भविष्यति

sa yadvadiṣyati kṣipraṁ tatkuruṣva samāhitaḥ yathā tvatkṛtapāpasya niṣkṛtirhi bhaviṣyati

Whatever he quickly tells you, do that with a composed mind, so that expiation for the sin you have committed may indeed come about.

Verse 41 (padma.5.31.41)

स तु तद्वचनं श्रुत्वा जगाम ऋतुपर्णकम् । रामभक्तं रिपौ मित्रे समदृष्ट्या समंजसम्

sa tu tadvacanaṁ śrutvā jagāma ṛtuparṇakam rāmabhaktaṁ ripau mitre samadṛṣṭyā samaṁjasam

Hearing these words, he went to Ritupparna, the devotee of Rama, just and even-sighted alike toward foe and friend.

Verse 42 (padma.5.31.42)

स तस्मै कथयामास यज्जातं गोवधादिकम् । तस्य पापस्य निष्कृत्यै ह्युपायं सोऽप्यचिंतयत्

sa tasmai kathayāmāsa yajjātaṁ govadhādikam tasya pāpasya niṣkṛtyai hyupāyaṁ so'pyaciṁtayat

He related to him all that had happened, the killing of the cow and the rest; and he too pondered the means for the expiation of that sin.

Verse 43 (padma.5.31.43)

क्षणं ध्यात्वाथ तं राजा ऋतुपर्ण ऋतंभरम् । उवाच प्रहसन्वाक्यं बुद्धिमान्धर्मकोविदः

kṣaṇaṁ dhyātvātha taṁ rājā ṛtuparṇa ṛtaṁbharam uvāca prahasanvākyaṁ buddhimāndharmakovidaḥ

Having pondered a moment, King Ritupparna, wise and skilled in dharma, spoke smilingly to Ritambhara:

Verse 44 (padma.5.31.44)

कोऽहं राजन्मुनीनां वै पुरतः शास्त्रवेदिनाम् । तान्हित्वा किं तु मां प्राप्तो मूर्खंपंडितमानिनम्

ko'haṁ rājanmunīnāṁ vai purataḥ śāstravedinām tānhitvā kiṁ tu māṁ prāpto mūrkhaṁpaṁḍitamāninam

"Who am I, O king, before sages learned in the scriptures? Leaving them aside, why have you come to me, a fool who merely fancies himself learned?

Verse 45 (padma.5.31.45)

तव मय्यस्ति चेच्छ्रद्धा तदा किंचिद्ब्रवीम्यहम् । शृणुष्व नरशार्दूल गदितं मम सादरः

tava mayyasti cecchraddhā tadā kiṁcidbravīmyaham śṛṇuṣva naraśārdūla gaditaṁ mama sādaraḥ

Yet if you have faith in me, then I shall say something. Listen, O tiger among men, reverently to what I speak.

Verse 46 (padma.5.31.46)

भज श्रीरघुनाथं त्वं कर्मणा मनसा गिरा । नैष्कापट्येन लोकेशं तोषयस्व महामते

bhaja śrīraghunāthaṁ tvaṁ karmaṇā manasā girā naiṣkāpaṭyena lokeśaṁ toṣayasva mahāmate

Worship glorious Raghunatha with deed, mind, and word; without deceit, O one of great wisdom, please that lord of the worlds.

Verse 47 (padma.5.31.47)

स तुष्टो दास्यते सर्वं त्वद्धृदिस्थं मनोरथम् । अज्ञानकृत गोहत्यापापनाशं करिष्यति

sa tuṣṭo dāsyate sarvaṁ tvaddhṛdisthaṁ manoratham ajñānakṛta gohatyāpāpanāśaṁ kariṣyati

Pleased, he will grant every desire that dwells in your heart; he will destroy the sin of the cow-killing done through ignorance.

Verse 48 (padma.5.31.48)

रामं स्मरंस्त्वं धर्मात्मन्धेनुं पालय सत्तम । दत्त्वा द्विजाय कनकं पापनिष्कृतिमाप्स्यसि

rāmaṁ smaraṁstvaṁ dharmātmandhenuṁ pālaya sattama dattvā dvijāya kanakaṁ pāpaniṣkṛtimāpsyasi

Remembering Rama, O righteous soul, tend the cow, O excellent one; and, giving gold to a Brahmin, you shall attain expiation of the sin."

Verse 49 (padma.5.31.49)

सुमतिरुवाच। एतच्छ्रुत्वा तु तद्वाक्यमृतंभरनृपस्तदा । विधाय रामस्मरणं पूतात्मा व्रतमाचरत्

sumatiruvāca etacchrutvā tu tadvākyamṛtaṁbharanṛpastadā vidhāya rāmasmaraṇaṁ pūtātmā vratamācarat

Sumati said: Hearing these words, King Ritambhara then, undertaking the remembrance of Rama, his soul purified, performed the vow.

Verse 50 (padma.5.31.50)

पूर्ववत्पालयन्धेनुं जगाम विपिनं महत् । रामनामस्मरन्नित्यं सर्वभूतहिते रतः

pūrvavatpālayandhenuṁ jagāma vipinaṁ mahat rāmanāmasmarannityaṁ sarvabhūtahite rataḥ

Tending the cow as before, he went into the great forest, ever remembering the name of Rama, devoted to the welfare of all beings.

Verse 51 (padma.5.31.51)

तस्मै तुष्टा तु सुरभिः प्रोवाच परितोषिता । राजन्वरय मत्तो वै वरं हृत्स्थं मनोरथम्

tasmai tuṣṭā tu surabhiḥ provāca paritoṣitā rājanvaraya matto vai varaṁ hṛtsthaṁ manoratham

Then Surabhi, pleased and thoroughly satisfied, said to him: "O king, ask of me the boon, the desire that dwells in your heart."

Verse 52 (padma.5.31.52)

तदा प्रोवाच वै राजा पुत्रं देहि मनोरमम् । रामभक्तं पितृरतं स्वधर्मप्रतिपालकम्

tadā provāca vai rājā putraṁ dehi manoramam rāmabhaktaṁ pitṛrataṁ svadharmapratipālakam

Then the king said: "Grant me a delightful son, a devotee of Rama, devoted to his father, an upholder of his own dharma."

Verse 53 (padma.5.31.53)

तुष्टा दत्त्वा वरं सापि तस्मै राज्ञे सुतार्थिने । जगामादर्शनं देवी कामधेनुः कृपावती

tuṣṭā dattvā varaṁ sāpi tasmai rājñe sutārthine jagāmādarśanaṁ devī kāmadhenuḥ kṛpāvatī

Pleased, she too, the compassionate goddess Kamadhenu, having granted the boon to that king who desired a son, vanished from sight.

Verse 54 (padma.5.31.54)

स काले प्राप्तवान्पुत्रं वैष्णवं रामसेवकम् । सत्यवत्संज्ञयायुक्तमकरोत्तत्र तत्पिता

sa kāle prāptavānputraṁ vaiṣṇavaṁ rāmasevakam satyavatsaṁjñayāyuktamakarottatra tatpitā

In due time he obtained a son, a Vaishnava, a servant of Rama; his father there gave him the name Satyavat.

Verse 55 (padma.5.31.55)

सत्यवंतं सुतं लब्ध्वा पितृभक्तिपरं महान् । परमं हर्षमापेदे शक्रतुल्यपराक्रमम्

satyavaṁtaṁ sutaṁ labdhvā pitṛbhaktiparaṁ mahān paramaṁ harṣamāpede śakratulyaparākramam

Having obtained the great son Satyavan, devoted to his father, of valor equal to Indra's, he attained supreme joy.

Verse 56 (padma.5.31.56)

स राजा धार्मिकं पुत्रं प्राप्य हर्षेणनिर्भरः । राज्यं तस्मिन्महन्न्यस्य जगाम तपसे वनम्

sa rājā dhārmikaṁ putraṁ prāpya harṣeṇanirbharaḥ rājyaṁ tasminmahannyasya jagāma tapase vanam

That king, overflowing with joy at obtaining a righteous son, having entrusted his great kingdom to him, went to the forest for austerity.

Verse 57 (padma.5.31.57)

तत्राराध्य हृषीकेशं भक्तियुक्तेन चेतसा । निर्धूतपापः सतनुरगाद्धरिपदं नृपः

tatrārādhya hṛṣīkeśaṁ bhaktiyuktena cetasā nirdhūtapāpaḥ satanuragāddharipadaṁ nṛpaḥ

There, having worshipped Hrishikesha with a heart full of devotion, the king, his sins washed away, went with his very body to the abode of Hari.