Rama's Royal Coronation

Verse 1 (padma.5.4.1)

वात्स्यायन उवाच। भुजगाधीश्वरेशान धराभारधरक्षम । शृण्वेकं संशयं मह्यं कृपया कथयस्व तम्

vātsyāyana uvāca bhujagādhīśvareśāna dharābhāradharakṣama śṛṇvekaṁ saṁśayaṁ mahyaṁ kṛpayā kathayasva tam

Vatsyayana said: O lord of the lords of serpents, able to bear the earth's burden, hear one doubt of mine and kindly resolve it.

Verse 2 (padma.5.4.2)

रघुनाथस्य गमनं वनं प्रति यदा ह्यभूत् । तदा प्रभृति देहेन स्थिता शून्येन चेतसा

raghunāthasya gamanaṁ vanaṁ prati yadā hyabhūt tadā prabhṛti dehena sthitā śūnyena cetasā

When Raghunatha's departure to the forest took place, from that time his mother remained present in body but empty in mind —

Verse 3 (padma.5.4.3)

तद्विप्रयोगविधुरा कृशदेहातिदुःखिता । सुमुखान्मंत्रिणः श्रुत्वा रघुनाथं समागतम्

tadviprayogavidhurā kṛśadehātiduḥkhitā sumukhānmaṁtriṇaḥ śrutvā raghunāthaṁ samāgatam

afflicted by that separation, her body wasted, deeply grieved — hearing from the minister Sumukha that Raghunatha had returned —

Verse 4 (padma.5.4.4)

कथं जहर्ष किमभूत्कीदृशं तत्र चिह्नितम् । रामचंद्रस्य संदेशहर्तारं किमुवाच सा

kathaṁ jaharṣa kimabhūtkīdṛśaṁ tatra cihnitam rāmacaṁdrasya saṁdeśahartāraṁ kimuvāca sā

how did she rejoice? What happened? What signs appeared there? What did she say to the bearer of Ramachandra's message?

Verse 5 (padma.5.4.5)

एतन्मे संशयं छिंधि रघुनाथगुणोदयम् । यथावच्छृण्वते मह्यं कथयस्व प्रसादतः

etanme saṁśayaṁ chiṁdhi raghunāthaguṇodayam yathāvacchṛṇvate mahyaṁ kathayasva prasādataḥ

Please resolve this doubt of mine — this rising tide of Raghunatha's virtues — tell it to me properly, as I listen, out of your grace.

Verse 6 (padma.5.4.6)

शेष उवाच । साधुपृष्टं महाभाग द्विजवर्यपुरस्कृत । तन्मे निगदतः साक्षाच्छृणुष्वैकमनाः किल

śeṣa uvāca sādhupṛṣṭaṁ mahābhāga dvijavaryapuraskṛta tanme nigadataḥ sākṣācchṛṇuṣvaikamanāḥ kila

Shesha said: Well asked, O greatly fortunate one, foremost among the twice-born! Listen with single-minded attention as I tell it directly from my own words.

Verse 7 (padma.5.4.7)

सा वै तद्वदनांभोज च्युतं रामागमामृतम् । पीत्वा पीत्वा बभूवाहो स्थगितांगेन विह्वला

sā vai tadvadanāṁbhoja cyutaṁ rāmāgamāmṛtam pītvā pītvā babhūvāho sthagitāṁgena vihvalā

Drinking again and again the nectar of Rama's coming that fell from Sumukha's lotus-mouth, she — ah! — became overwhelmed, her limbs frozen still.

Verse 8 (padma.5.4.8)

किं मे स्वप्नो विमूढायाः किं वा भ्रमकरं वचः । ममवै मंदभाग्यायाः कथं रामेक्षणं पुनः

kiṁ me svapno vimūḍhāyāḥ kiṁ vā bhramakaraṁ vacaḥ mamavai maṁdabhāgyāyāḥ kathaṁ rāmekṣaṇaṁ punaḥ

"Is this a dream of my bewildered mind, or words meant only to deceive? How could I, so ill-fated, ever see Rama again?"

Verse 9 (padma.5.4.9)

बहुना तपसा कृत्वा प्राप्तोऽयं वै सुतः शिशुः । केनचिन्मम पापेन विप्रयोगं गतः पुनः

bahunā tapasā kṛtvā prāpto'yaṁ vai sutaḥ śiśuḥ kenacinmama pāpena viprayogaṁ gataḥ punaḥ

"After much penance this child, my son, was obtained; by some sin of mine he has gone into separation once more."

Verse 10 (padma.5.4.10)

सुमंत्रिन्कुशली रामः सीतालक्ष्मणसंयुतः । कथं मां स्मरते वीरो वनचारी सुदुःखिताम्

sumaṁtrinkuśalī rāmaḥ sītālakṣmaṇasaṁyutaḥ kathaṁ māṁ smarate vīro vanacārī suduḥkhitām

"O good minister, is Rama, together with Sita and Lakshmana, well? How does that hero, wandering the forest, remember me, so deeply sorrowful?"

Verse 11 (padma.5.4.11)

इति सा विललापोच्चै रघुनाथस्मृतिं गता । न निवेद निजं किंचित्परकीयं विमोहिता । सुमुखोऽपि तथा दृष्ट्वा दुःखितां मातरं भृशम्

iti sā vilalāpoccai raghunāthasmṛtiṁ gatā na niveda nijaṁ kiṁcitparakīyaṁ vimohitā sumukho'pi tathā dṛṣṭvā duḥkhitāṁ mātaraṁ bhṛśam

Thus she lamented aloud, lost in memory of Raghunatha, so bewildered she spoke nothing of herself and only of him. Sumukha too, seeing the mother so deeply grieved,

Verse 12 (padma.5.4.12)

वीजयामास वासोग्रैः संज्ञामाप च सा पुनः । उवाच जननीं सौम्यं वचोहर्षकरं मुहुः

vījayāmāsa vāsograiḥ saṁjñāmāpa ca sā punaḥ uvāca jananīṁ saumyaṁ vacoharṣakaraṁ muhuḥ

fanned her with the hem of his garment, and she regained her senses; he spoke to the mother gently, words that brought joy, again and again.

Verse 13 (padma.5.4.13)

रघुनाथागमस्मार हृष्टां तां व्यदधात्पुनः । मातर्विद्धि गृहं प्राप्तं रघुनाथं सलक्ष्मणम्

raghunāthāgamasmāra hṛṣṭāṁ tāṁ vyadadhātpunaḥ mātarviddhi gṛhaṁ prāptaṁ raghunāthaṁ salakṣmaṇam

Reminding her of Raghunatha's arrival, he made her joyful once again: "Mother, know that Raghunatha, with Lakshmana, has reached home."

Verse 14 (padma.5.4.14)

सीतया सहितं पश्य चाशीर्भिरभियुंक्ष्व च । इति तथ्यं वचः श्रुत्वा सुमुखेन प्रभाषितम्

sītayā sahitaṁ paśya cāśīrbhirabhiyuṁkṣva ca iti tathyaṁ vacaḥ śrutvā sumukhena prabhāṣitam

"Behold him together with Sita, and give him your blessing." Having heard these true words spoken by Sumukha,

Verse 15 (padma.5.4.15)

यादृशं हर्षमापेदे तादृशं वेद्म्यहं नहि । उत्थाय चाजिरे प्राप्ता रोमांचिततनूरुहा

yādṛśaṁ harṣamāpede tādṛśaṁ vedmyahaṁ nahi utthāya cājire prāptā romāṁcitatanūruhā

such joy overcame her as I cannot even describe; rising, she reached the courtyard, the hair of her body standing on end.

Verse 16 (padma.5.4.16)

हर्षविह्वलितांग्यश्रु मुंचंती राममैक्षत । तावत्स रामो राजेंद्रो नरयानमधिश्रितः

harṣavihvalitāṁgyaśru muṁcaṁtī rāmamaikṣata tāvatsa rāmo rājeṁdro narayānamadhiśritaḥ

Her limbs overwhelmed with joy, shedding tears, she beheld Rama. Just then that Rama, lord of kings, descending from the man-borne vehicle,

Verse 17 (padma.5.4.17)

प्राप्तः स्वमातुर्भवनं कैकेय्याः सुनयः पुरः । कैकेय्यपि त्रपाभारनम्रा रामं पुरःस्थितम्

prāptaḥ svamāturbhavanaṁ kaikeyyāḥ sunayaḥ puraḥ kaikeyyapi trapābhāranamrā rāmaṁ puraḥsthitam

reached his own mother's house, where wise Kaikeyi stood before him. Kaikeyi too, bowed down under the weight of shame, seeing Rama standing before her,

Verse 18 (padma.5.4.18)

नोवाच किंचिन्महतीं चिंतां प्राप्तवती मुहुः । सूर्यवंशध्वजो रामो मातरं वीक्ष्य लज्जिताम्

novāca kiṁcinmahatīṁ ciṁtāṁ prāptavatī muhuḥ sūryavaṁśadhvajo rāmo mātaraṁ vīkṣya lajjitām

said nothing, sunk again and again in great anxiety. Rama, banner of the Solar dynasty, seeing his mother so ashamed,

Verse 19 (padma.5.4.19)

उवाच सांत्वयंस्तां च वाक्यैर्विनयमिश्रितैः । श्रीराम उवाच। मातर्मया वनं गत्वा सर्वमाचरितं तथा

uvāca sāṁtvayaṁstāṁ ca vākyairvinayamiśritaiḥ śrīrāma uvāca mātarmayā vanaṁ gatvā sarvamācaritaṁ tathā

spoke to console her with words full of humility. Shri Rama said: "Mother, having gone to the forest, I did everything as it should be —"

Verse 20 (padma.5.4.20)

अधुना करवै किं वा त्वदाज्ञातो जनन्यहो । मया न्यूनं कृतं नास्ति कथं मां नेक्ष्यसे पुनः

adhunā karavai kiṁ vā tvadājñāto jananyaho mayā nyūnaṁ kṛtaṁ nāsti kathaṁ māṁ nekṣyase punaḥ

"what more shall I now do at your command, mother? I have left nothing undone — why then will you not look at me again?"

Verse 21 (padma.5.4.21)

आशीर्भिरभिनंद्यैनं भरतं मां च वीक्षय । इति श्रुत्वापि तद्वाक्यं सा नम्रवदनानघ

āśīrbhirabhinaṁdyainaṁ bharataṁ māṁ ca vīkṣaya iti śrutvāpi tadvākyaṁ sā namravadanānagha

"Bless and welcome both me and Bharata." Having heard these words, she, sinless, her face bowed,

Verse 22 (padma.5.4.22)

शनैः शनैः प्रत्युवाच राम गच्छ स्वमालयम् । रामोऽपि श्रुत्वा वचनं जनन्याः पुरुषोत्तमः

śanaiḥ śanaiḥ pratyuvāca rāma gaccha svamālayam rāmo'pi śrutvā vacanaṁ jananyāḥ puruṣottamaḥ

replied slowly, "Rama, go to your own dwelling." Rama too, that best of men, hearing his mother's words,

Verse 23 (padma.5.4.23)

नमस्कृत्य ययौ गेहं सुमित्रायाः कृपानिधिः । सुमित्रा पुत्रसहितं रामं दृष्ट्वा महामनाः

namaskṛtya yayau gehaṁ sumitrāyāḥ kṛpānidhiḥ sumitrā putrasahitaṁ rāmaṁ dṛṣṭvā mahāmanāḥ

bowed and went, the ocean of mercy, to Sumitra's house. Great-souled Sumitra, seeing Rama together with her son,

Verse 24 (padma.5.4.24)

चिरंजीव चिरंजीव ह्याशीर्भिरिति चाभ्यधात् । मातुश्च रामभद्रोऽपि चरणौ प्रणिपत्य च

ciraṁjīva ciraṁjīva hyāśīrbhiriti cābhyadhāt mātuśca rāmabhadro'pi caraṇau praṇipatya ca

said, "Live long, live long!" with her blessing. Gracious Rama too, bowing at his mother's feet,

Verse 25 (padma.5.4.25)

परिष्वज्य मुदायुक्तो जगाद वचनं पुनः । रत्नगर्भे मम भ्रात्रा केनापि न कृतं तथा

pariṣvajya mudāyukto jagāda vacanaṁ punaḥ ratnagarbhe mama bhrātrā kenāpi na kṛtaṁ tathā

embraced her joyfully and spoke again: "O mother of jewels, no other brother of mine has done —"

Verse 26 (padma.5.4.26)

यथायमकरोद्धीमान्ममदुःखापनोदनम्

yathāyamakaroddhīmānmamaduḥkhāpanodanam

"what this wise one has done in taking away my sorrow."

Verse 27 (padma.5.4.27)

रावणेन हृता सीता मया यत्प्राप्यते पुनः । मातस्तत्सर्वमाविद्धि लक्ष्मणस्य विचेष्टितम्

rāvaṇena hṛtā sītā mayā yatprāpyate punaḥ mātastatsarvamāviddhi lakṣmaṇasya viceṣṭitam

"That I recovered Sita, carried off by Ravana, mother — know all of that to be Lakshmana's own doing."

Verse 28 (padma.5.4.28)

दत्तामाशिषमागृह्य शिरसायं सुमित्रया । निजमातुश्च भवनं प्रययौ विबुधैर्वृतः

dattāmāśiṣamāgṛhya śirasāyaṁ sumitrayā nijamātuśca bhavanaṁ prayayau vibudhairvṛtaḥ

Having received the blessing given by Sumitra, bowing his head to receive it, he then went, surrounded by the learned, to his own mother's dwelling.

Verse 29 (padma.5.4.29)

मातरं वीक्ष्य हृषितां निजदर्शनलालसाम् । स्वयानादवरुह्याशु चरणावग्रहीद्धरिः

mātaraṁ vīkṣya hṛṣitāṁ nijadarśanalālasām svayānādavaruhyāśu caraṇāvagrahīddhariḥ

Seeing his mother joyful, eager for the sight of him, Hari quickly descended from his own vehicle and clasped her feet.

Verse 30 (padma.5.4.30)

माता तद्दर्शनोत्कंठा विह्वलीकृतमानसा । परिष्वज्य परिष्वज्य रामं मुदमवाप सा

mātā taddarśanotkaṁṭhā vihvalīkṛtamānasā pariṣvajya pariṣvajya rāmaṁ mudamavāpa sā

His mother, her mind overwhelmed by longing for that sight, embracing Rama again and again, was filled with joy.

Verse 31 (padma.5.4.31)

शरीरे रोमहर्षोऽभूद्गद्गदा वागभूत्तदा । हर्षाश्रूणि तु सोष्णानि प्रवाहं प्रापुरापदात्

śarīre romaharṣo'bhūdgadgadā vāgabhūttadā harṣāśrūṇi tu soṣṇāni pravāhaṁ prāpurāpadāt

The hair of her body stood on end, her voice grew choked, and hot tears of joy flowed on without pause.

Verse 32 (padma.5.4.32)

जननीं वीक्ष्य विनयी ताटंकद्वयवर्जिताम् । कराकल्प पदाकल्परहितां बिभ्रतीं तनुम्

jananīṁ vīkṣya vinayī tāṭaṁkadvayavarjitām karākalpa padākalparahitāṁ bibhratīṁ tanum

The humble Rama, seeing his mother bereft of her pair of earrings, her body without ornament on hand or foot,

Verse 33 (padma.5.4.33)

किंचित्स्वदर्शनाद्धृष्टां कृशांगीं तां स शोकभाक् । दुःखस्य समयो नायमिति मत्वा जगाद ताम्

kiṁcitsvadarśanāddhṛṣṭāṁ kṛśāṁgīṁ tāṁ sa śokabhāk duḥkhasya samayo nāyamiti matvā jagāda tām

only slightly cheered at the sight of him, her body wasted — he, sharing her grief yet thinking this was not the moment for sorrow, spoke to her —

Verse 34 (padma.5.4.34)

श्रीराम उवाच। मातर्मया त्वच्चरणौ चिरकालं न सेवितौ । ततः क्षमस्वापराधं भाग्यहीनस्य वै मम

śrīrāma uvāca mātarmayā tvaccaraṇau cirakālaṁ na sevitau tataḥ kṣamasvāparādhaṁ bhāgyahīnasya vai mama

Shri Rama said: "Mother, for a long time I did not serve your feet; forgive, then, this offense of one so unfortunate as I."

Verse 35 (padma.5.4.35)

ये पुत्रा मातापित्रोर्न शुश्रूषायां समुत्सुकाः । ते मंतव्याः परा मातः कीटका रेतसो भवाः

ye putrā mātāpitrorna śuśrūṣāyāṁ samutsukāḥ te maṁtavyāḥ parā mātaḥ kīṭakā retaso bhavāḥ

"Sons who are not eager to serve their mother and father should be reckoned nothing more, mother, than worms born of mere seed."

Verse 36 (padma.5.4.36)

किं कुर्वे जनकाज्ञातो गतो वै दंडकं वनम् । तत्रापि त्वत्कृपापांगात्तीर्णोऽस्मि दुःखसागरम्

kiṁ kurve janakājñāto gato vai daṁḍakaṁ vanam tatrāpi tvatkṛpāpāṁgāttīrṇo'smi duḥkhasāgaram

"Sent by my father's command, I went to the Dandaka forest — what else could I do? Even there, by the glance of your grace, I crossed the ocean of sorrow."

Verse 37 (padma.5.4.37)

रावणेन हृता सीता लंकायां गमिता पुनः । त्वत्कृपातो मया लब्धा तं हत्वा राक्षसेश्वरम्

rāvaṇena hṛtā sītā laṁkāyāṁ gamitā punaḥ tvatkṛpāto mayā labdhā taṁ hatvā rākṣaseśvaram

"Sita, carried off by Ravana and taken to Lanka, I recovered again by your grace, having slain that lord of rakshasas."

Verse 38 (padma.5.4.38)

सीतेयं त्वच्चरणयोः पतिता वै पतिव्रता । संभावयाशु चकितां त्वत्पादार्पितमानसाम्

sīteyaṁ tvaccaraṇayoḥ patitā vai pativratā saṁbhāvayāśu cakitāṁ tvatpādārpitamānasām

"This chaste Sita has fallen at your feet; graciously receive at once this timid one, whose mind is offered to your feet."

Verse 39 (padma.5.4.39)

इति श्रुत्वा तु तद्वाक्यं पादयोः पतितां स्नुषाम् । आशीर्भिरभियुज्यैनां बभाषे तां पतिव्रताम्

iti śrutvā tu tadvākyaṁ pādayoḥ patitāṁ snuṣām āśīrbhirabhiyujyaināṁ babhāṣe tāṁ pativratām

Having heard these words, she spoke to her daughter-in-law, fallen at her feet, blessing that chaste woman —

Verse 40 (padma.5.4.40)

सीते स्वपतिना सार्द्धं चिरं विलस भामिनि । पुत्रौ प्रसूय च कुलं स्वकं पावय पावने

sīte svapatinā sārddhaṁ ciraṁ vilasa bhāmini putrau prasūya ca kulaṁ svakaṁ pāvaya pāvane

"O Sita, radiant one, live long in delight together with your own husband; bearing two sons, purify your own lineage, O pure one."

Verse 41 (padma.5.4.41)

त्वत्सदृश्यः पतिपराः पतिदुःखसुखानुगाः । भवंति दुःखभागिन्यो न हि सत्यं जगत्त्रये

tvatsadṛśyaḥ patiparāḥ patiduḥkhasukhānugāḥ bhavaṁti duḥkhabhāginyo na hi satyaṁ jagattraye

"Women devoted to their husbands like you, sharing their husband's sorrow and joy alike, never truly become sharers of sorrow in all three worlds."

Verse 42 (padma.5.4.42)

विदेहपुत्रि स्वकुलं त्वया पावितमात्मना । रामपादाब्जयुगलमनुयांत्या महावनम्

videhaputri svakulaṁ tvayā pāvitamātmanā rāmapādābjayugalamanuyāṁtyā mahāvanam

"O daughter of Videha, by following the pair of Rama's lotus feet into the great forest, you have yourself purified your own family."

Verse 43 (padma.5.4.43)

किं चित्रं यत्पुमांसस्तु वैरिकोटिप्रभंजनाः । येषां गेहे सती भार्या स्वपतिप्रियवाञ्छिका

kiṁ citraṁ yatpumāṁsastu vairikoṭiprabhaṁjanāḥ yeṣāṁ gehe satī bhāryā svapatipriyavāñchikā

"What wonder is it that men who destroy millions of enemies have, in their homes, a chaste wife who wishes only her husband's good?"

Verse 44 (padma.5.4.44)

इत्युक्त्वा रघुनाथस्य भार्यामंचितलोचनाम् । तूष्णीं बभूव हृषिता प्रहृष्टस्वतनूरुहा

ityuktvā raghunāthasya bhāryāmaṁcitalocanām tūṣṇīṁ babhūva hṛṣitā prahṛṣṭasvatanūruhā

Having said this to Raghunatha's wife, gazing upon her wide eyes, she fell silent, joyful, her body thrilling with delight.

Verse 45 (padma.5.4.45)

अथ भ्रातास्य भरतः पित्रा दत्तं निजं महत् । राज्यं निवेदयामास रामचंद्राय धीमते

atha bhrātāsya bharataḥ pitrā dattaṁ nijaṁ mahat rājyaṁ nivedayāmāsa rāmacaṁdrāya dhīmate

Then his brother Bharata offered up to wise Ramachandra the great kingdom given to him by their father, his own by right.

Verse 46 (padma.5.4.46)

मंत्रिणस्ते प्रहृष्टांगा दैवज्ञान्मंत्रकोविदान् । आहूय सुमुहूर्तंते पप्रच्छुः परमादरात्

maṁtriṇaste prahṛṣṭāṁgā daivajñānmaṁtrakovidān āhūya sumuhūrtaṁte papracchuḥ paramādarāt

The ministers, their bodies thrilled with joy, summoned astrologers skilled in their art and, with great reverence, asked them for an auspicious hour.

Verse 47 (padma.5.4.47)

शुभे मुहूर्ते सुदिने शुभनक्षत्रसंयुते । अभिषेकं महाराज्ये कारयामासुरुद्यताः

śubhe muhūrte sudine śubhanakṣatrasaṁyute abhiṣekaṁ mahārājye kārayāmāsurudyatāḥ

In an auspicious moment, on a good day joined with a favorable constellation, they made ready to perform the great coronation.

Verse 48 (padma.5.4.48)

सप्तद्वीपवतीं पृथ्वीं व्याघ्रचर्मणि सुंदरे । लिखित्वोपरि राजेंद्रो महाराजोधितस्थिवान्

saptadvīpavatīṁ pṛthvīṁ vyāghracarmaṇi suṁdare likhitvopari rājeṁdro mahārājodhitasthivān

Having had the seven-continented earth drawn upon a beautiful tiger-skin, the great king of kings took his seat upon it.

Verse 49 (padma.5.4.49)

तद्दिनादेव साधूनां मनांसि प्रमुदं ययुः । दुष्टानां चेतसो ग्लानिरभवत्परतापिनाम्

taddinādeva sādhūnāṁ manāṁsi pramudaṁ yayuḥ duṣṭānāṁ cetaso glānirabhavatparatāpinām

From that very day the minds of the virtuous filled with delight, while the hearts of the wicked, who once tormented others, grew despondent.

Verse 50 (padma.5.4.50)

स्त्रियस्तु पतिभक्त्या च पतिव्रतपरायणाः । मनसापि कदा पापं नाचरंति जना मुने

striyastu patibhaktyā ca pativrataparāyaṇāḥ manasāpi kadā pāpaṁ nācaraṁti janā mune

O sage, women devoted to their husbands and given wholly to the vow of chastity never commit sin even in thought.

Verse 51 (padma.5.4.51)

दैत्यादेवास्तथा नागा यक्षासुरमहोरगाः । सर्वे न्यायपथे स्थित्वा रामाज्ञां शिरसा दधुः

daityādevāstathā nāgā yakṣāsuramahoragāḥ sarve nyāyapathe sthitvā rāmājñāṁ śirasā dadhuḥ

Daityas, gods, nagas, yakshas, asuras, and great serpents — all, established on the path of justice, bore Rama's command upon their heads.

Verse 52 (padma.5.4.52)

परोपकरणेयुक्ताः स्वधर्मसुखनिर्वृताः । विद्याविनोदगमिता दिनरात्रिक्षणाः शुभाः

paropakaraṇeyuktāḥ svadharmasukhanirvṛtāḥ vidyāvinodagamitā dinarātrikṣaṇāḥ śubhāḥ

All were devoted to the good of others, content in the happiness of their own dharma; their auspicious days and nights passed in the delight of learning.

Verse 53 (padma.5.4.53)

वातोऽपि मार्गसंस्थानां बलान्नाहरते महान् । वासांस्यपि तु सूक्ष्माणि तत्र चौरकथा नहि

vāto'pi mārgasaṁsthānāṁ balānnāharate mahān vāsāṁsyapi tu sūkṣmāṇi tatra caurakathā nahi

Not even the wind carried off by force the belongings of those on the road; the finest garments were safe — there was no talk of thieves there at all.

Verse 54 (padma.5.4.54)

धनदो ह्यर्थिनां रामः कारुण्यश्च कृपानिधिः । भ्रातृभिः सहितो नित्यं गुरुदेवस्तुतिं व्यधात्

dhanado hyarthināṁ rāmaḥ kāruṇyaśca kṛpānidhiḥ bhrātṛbhiḥ sahito nityaṁ gurudevastutiṁ vyadhāt

Rama, giver of wealth to petitioners, compassionate, an ocean of mercy, together with his brothers, ever offered praise to his guru and to the gods.