The Meeting with Raghunatha

Verse 1 (padma.5.53.1)

सुग्रीवस्तु तत्कटकं भग्नं वीक्ष्य रणांगणे । स्वामिनं मूर्च्छितं वापि ययौ योद्धुं नृपं प्रति

sugrīvastu tatkaṭakaṁ bhagnaṁ vīkṣya raṇāṁgaṇe svāminaṁ mūrcchitaṁ vāpi yayau yoddhuṁ nṛpaṁ prati

Sugriva, seeing that army routed upon the battlefield, and his own lord fallen in a swoon, set out to fight against the king.

Verse 2 (padma.5.53.2)

आगच्छ भूप सर्वान्नो मूर्च्छयित्वा कुतो भवान् । गच्छति क्षिप्रं मां देहि युद्धं रणविशारद

āgaccha bhūpa sarvānno mūrcchayitvā kuto bhavān gacchati kṣipraṁ māṁ dehi yuddhaṁ raṇaviśārada

"Come, O king, having cast us all into a swoon, where will you go? Give me battle at once, O one skilled in war."

Verse 3 (padma.5.53.3)

एवमुक्त्वा नगं कंचिद्विशालं शाखया युतम् । उत्पाट्य प्राहरत्तस्य मस्तके बलसंयुतः

evamuktvā nagaṁ kaṁcidviśālaṁ śākhayā yutam utpāṭya prāharattasya mastake balasaṁyutaḥ

Having spoken thus, he uprooted a certain vast tree, laden with branches, and struck him upon the head with all his strength.

Verse 4 (padma.5.53.4)

तेन प्रहारेण महाबलो नृपः । संवीक्ष्यसु ग्रीवमथो स्वचापे । बाणान्समाधाय शितान्सरोषा । ज्जघान वक्षस्यतिपौरुषो बली

tena prahāreṇa mahābalo nṛpaḥ saṁvīkṣyasu grīvamatho svacāpe bāṇānsamādhāya śitānsaroṣā jjaghāna vakṣasyatipauruṣo balī

Struck by that blow, the mighty king still fitted sharp arrows to his own bow at the sight of Sugriva, and, in fury, that most valorous and mighty one struck him upon the chest.

Verse 5 (padma.5.53.5)

तान्बाणान्व्यधमत्सर्वान्सुग्रीवः सहसा हसन् । ताडयामास हृदये सुरथं सुमहाबलः

tānbāṇānvyadhamatsarvānsugrīvaḥ sahasā hasan tāḍayāmāsa hṛdaye surathaṁ sumahābalaḥ

Sugriva, laughing, suddenly shattered every one of those arrows, and, most mighty, struck Suratha full in the heart.

Verse 6 (padma.5.53.6)

पर्वतैः शिखरैश्चैव नगैर्द्विरदवर्ष्मभिः । वेगात्संताडयामास दारयन्सुरथं नखैः

parvataiḥ śikharaiścaiva nagairdviradavarṣmabhiḥ vegātsaṁtāḍayāmāsa dārayansurathaṁ nakhaiḥ

With mountains, with peaks, with trees the size of elephants, he struck at him with speed, rending Suratha with his very claws.

Verse 7 (padma.5.53.7)

तमप्याशु बबंधास्त्राद्रामसंज्ञात्सुदारुणात् । बद्धः कपिवरो मेने सुरथं रामसेवकम्

tamapyāśu babaṁdhāstrādrāmasaṁjñātsudāruṇāt baddhaḥ kapivaro mene surathaṁ rāmasevakam

Him too the king swiftly bound with the most terrible missile named for Rama; and that finest of monkeys, thus bound, deemed Suratha a true servant of Rama.

Verse 8 (padma.5.53.8)

गजो यथायसमयीं शृंखलां पादलंबिताम् । प्राप्य किंचिन्न वै कर्तुं शक्नोति स तथा ह्यभूत्

gajo yathāyasamayīṁ śṛṁkhalāṁ pādalaṁbitām prāpya kiṁcinna vai kartuṁ śaknoti sa tathā hyabhūt

As an elephant, once fitted with an iron chain hanging from its foot, can do nothing at all — so indeed did he become.

Verse 9 (padma.5.53.9)

जितं तेन महाराज्ञा सुरथेन सुपुत्रिणा । सर्वान्वीरान्रथे स्थाप्य ययौ स्वनगरं प्रति

jitaṁ tena mahārājñā surathena suputriṇā sarvānvīrānrathe sthāpya yayau svanagaraṁ prati

That great king Suratha, blessed with fine sons, won the victory; and, placing all the heroes upon his chariot, he set out toward his own city.

Verse 10 (padma.5.53.10)

गत्वा सभायां सुमहान्बद्धं मारुतिमब्रवीत् । स्मर श्रीरघुनाथं त्वं दयालुं भक्तपालकम्

gatvā sabhāyāṁ sumahānbaddhaṁ mārutimabravīt smara śrīraghunāthaṁ tvaṁ dayāluṁ bhaktapālakam

Going into his assembly, he said there to Maruti, bound yet greatly honored: "Call to mind Shri Raghunatha, merciful, protector of his devotees —"

Verse 11 (padma.5.53.11)

यथा त्वां बंधनात्सद्यो मोचयिष्यति सुष्ठुधीः । नान्यथायुतवर्षेण मोचयिष्यामि बंधनात्

yathā tvāṁ baṁdhanātsadyo mocayiṣyati suṣṭhudhīḥ nānyathāyutavarṣeṇa mocayiṣyāmi baṁdhanāt

"— so that he, of excellent wisdom, may swiftly free you from your bonds; otherwise, not even in ten thousand years shall I release you from this bondage."

Verse 12 (padma.5.53.12)

इत्युक्तमाकर्ण्य समीरजस्तदा । सुबद्धमात्मानमवेक्ष्य वीरान् । संमूर्च्छिताञ्छत्रुशराभिघात -। पीडायुतान्बंधनमुक्तये स्मरत्

ityuktamākarṇya samīrajastadā subaddhamātmānamavekṣya vīrān saṁmūrcchitāñchatruśarābhighāta - pīḍāyutānbaṁdhanamuktaye smarat

Hearing this said, the son of the wind, seeing himself thus bound fast, and the heroes fallen senseless, afflicted by the blows of enemy arrows, called to mind, for his release from bondage —

Verse 13 (padma.5.53.13)

श्रीरामचंद्रं रघुवंशजातं सीतापतिं पंकजपत्रनेत्रम् । स्वमुक्तये बंधनतः कृपालुं सस्मार सर्वैः करणैर्विशोकैः

śrīrāmacaṁdraṁ raghuvaṁśajātaṁ sītāpatiṁ paṁkajapatranetram svamuktaye baṁdhanataḥ kṛpāluṁ sasmāra sarvaiḥ karaṇairviśokaiḥ

— Shri Ramachandra, born of the Raghu line, lord of Sita, his eyes like lotus-petals, merciful, freed of all sorrow, remembering him with his every faculty for his own release.

Verse 14 (padma.5.53.14)

हनूमानुवाच। हा नाथ हा नरवरोत्तम हा दयालो । सीतापते रुचिरकुंतलशोभिवक्त्र । भक्तार्तिदाहक मनोहररूपधारिन् । मां बंधनात्सपदि मोचय मा विलंबम्

hanūmānuvāca hā nātha hā naravarottama hā dayālo sītāpate rucirakuṁtalaśobhivaktra bhaktārtidāhaka manohararūpadhārin māṁ baṁdhanātsapadi mocaya mā vilaṁbam

Hanuman said: "Alas, my lord! Alas, best among men! Alas, merciful one! O husband of Sita, your face graced by lovely curling locks, O burner-away of your devotees' suffering, bearer of a mind-enchanting form — free me from this bondage at once, without delay."

Verse 15 (padma.5.53.15)

संमोचितास्तु भवता गजपुंगवाद्याः । देवाश्च दानवकुलाग्नि सुदह्यमानाः । तत्सुंदरीशिरसिसंस्थितकेशबंधः । संमोचितस्तु करुणालय मां स्मरस्व

saṁmocitāstu bhavatā gajapuṁgavādyāḥ devāśca dānavakulāgni sudahyamānāḥ tatsuṁdarīśirasisaṁsthitakeśabaṁdhaḥ saṁmocitastu karuṇālaya māṁ smarasva

"By you have been freed the finest of elephants and others, and the gods too, scorched by the fire of the demon-clans; and even the bound tresses upon a lovely woman's head have you loosed — O abode of compassion, remember me now."

Verse 16 (padma.5.53.16)

त्वं यागकर्मनिरतोऽसि मुनीश्वरेंद्रै । र्धर्मं विचारयसि भूमिपतीड्यपाद । अत्राहमद्य सुरथेन विगाढपाश -। बद्धोस्मि मोचय महापुरुषाशु देव

tvaṁ yāgakarmanirato'si munīśvareṁdrai rdharmaṁ vicārayasi bhūmipatīḍyapāda atrāhamadya surathena vigāḍhapāśa - baddhosmi mocaya mahāpuruṣāśu deva

"O you who weigh Dharma together with the greatest of sages, whose feet are praised by the lord of the earth — you are ever devoted to the rites of sacrifice. Here today I lie bound fast in Suratha's fetters — O great being, O divine one, free me swiftly."

Verse 17 (padma.5.53.17)

नो मोचयस्यथ यदि स्मरणातिरेकात् । त्वं सर्वदेववरपूजितपादपद्म । लोको भवंतमिदमुल्लसितोऽहसिष्य -। त्तस्माद्विलंबमिह माचर मोचयाशु

no mocayasyatha yadi smaraṇātirekāt tvaṁ sarvadevavarapūjitapādapadma loko bhavaṁtamidamullasito'hasiṣya - ttasmādvilaṁbamiha mācara mocayāśu

"If, from mere excess of confidence in my own remembrance of you, you do not free me, O you whose lotus-feet are worshipped by the very finest of the gods — then this world, delighted, will laugh at you for it; therefore make no delay here — free me at once."

Verse 18 (padma.5.53.18)

इति श्रुत्वा जगन्नाथो रघुवीरः कृपानिधिः । भक्तं मोचयितुं प्रागात्पुष्पकेणाशुवेगिना

iti śrutvā jagannātho raghuvīraḥ kṛpānidhiḥ bhaktaṁ mocayituṁ prāgātpuṣpakeṇāśuveginā

Shesha said: Hearing this, the lord of the universe, hero of the Raghus, treasure of compassion, set out at once to free his devotee, borne upon the swift Pushpaka car.

Verse 19 (padma.5.53.19)

लक्ष्मणेनानुगेनाथ भरतेन सुशोभितम् । मुनिवृंदैर्व्यासमुख्यैः समेतं ददृशे कपिः

lakṣmaṇenānugenātha bharatena suśobhitam munivṛṁdairvyāsamukhyaiḥ sametaṁ dadṛśe kapiḥ

The monkey then beheld him, resplendent, accompanied by Lakshmana and by Bharata, and attended by hosts of sages headed by Vyasa.

Verse 20 (padma.5.53.20)

तमागतं निजं नाथं वीक्ष्य भूपं समब्रवीत् । पश्य राजन्निजं मोक्तुमायातं कृपया हरिम्

tamāgataṁ nijaṁ nāthaṁ vīkṣya bhūpaṁ samabravīt paśya rājannijaṁ moktumāyātaṁ kṛpayā harim

Seeing his own lord thus arrived, he said to the king: "Behold, O king — Hari, out of grace, has come to free his own devotee."

Verse 21 (padma.5.53.21)

अनेके मोचिताः पूर्वं स्मरणात्सेवका निजाः । तथा मां पाशतो बद्धं संमोचयितुमागतः

aneke mocitāḥ pūrvaṁ smaraṇātsevakā nijāḥ tathā māṁ pāśato baddhaṁ saṁmocayitumāgataḥ

"Many of his servants have been freed before by mere remembrance of him; and now, in just the same way, he has come to free me too from these fetters."

Verse 22 (padma.5.53.22)

श्रीरामभद्रमायांतं वीक्ष्यासौ सुरथः क्षणात् । नतीश्च शतशश्चक्रे भक्तिपूरपरिप्लुतः

śrīrāmabhadramāyāṁtaṁ vīkṣyāsau surathaḥ kṣaṇāt natīśca śataśaścakre bhaktipūrapariplutaḥ

Seeing Shri Ramabhadra thus arriving, Suratha, in that very instant, overflowing with a flood of devotion, bowed down a hundred times.

Verse 23 (padma.5.53.23)

श्रीरामस्तं निजैर्दोर्भिः परिरेभे चतुर्भुजः । मूर्ध्नि सिंचन्नश्रुजलैर्हर्षाद्भक्तं स्वकं मुहुः

śrīrāmastaṁ nijairdorbhiḥ parirebhe caturbhujaḥ mūrdhni siṁcannaśrujalairharṣādbhaktaṁ svakaṁ muhuḥ

Four-armed Shri Rama embraced him with his own arms, again and again sprinkling tears of joy upon the head of his own devotee.

Verse 24 (padma.5.53.24)

उवाच धन्यदेहोऽसि महत्कर्म कृतं त्वया । कपीश्वरस्त्वया बद्धो हनूमान्सर्वतो बलः

uvāca dhanyadeho'si mahatkarma kṛtaṁ tvayā kapīśvarastvayā baddho hanūmānsarvato balaḥ

He said: "Blessed is your body — a great deed indeed have you done, that Hanuman, lord of monkeys, mighty everywhere, was bound by you."

Verse 25 (padma.5.53.25)

श्रीरामः कपिवर्यं तं मोचयामास बंधनात् । मूर्छितांस्तान्भटान्सर्वान्वीक्ष्य दृष्ट्या स्वजीवयत्

śrīrāmaḥ kapivaryaṁ taṁ mocayāmāsa baṁdhanāt mūrchitāṁstānbhaṭānsarvānvīkṣya dṛṣṭyā svajīvayat

Shri Rama freed that finest of monkeys from his bonds; and, seeing all those warriors fallen senseless, revived them all with a mere glance.

Verse 26 (padma.5.53.26)

ते मूर्च्छां तत्यजुर्दृष्टा रामेण सुरसेविना । उत्थिता ददृशुः श्रीमद्रामचंद्रं मनोरमम्

te mūrcchāṁ tatyajurdṛṣṭā rāmeṇa surasevinā utthitā dadṛśuḥ śrīmadrāmacaṁdraṁ manoramam

Seen by the glance of Rama, worshipped by the gods, they cast off their swoon; rising up, they beheld lovely Shri Ramachandra.

Verse 27 (padma.5.53.27)

प्रणतास्ते रघुपतिं तेन पृष्टा अनामयम् । सुखीभूता नृपं प्रोचुः सर्वं स्वकुशलं नृपाः

praṇatāste raghupatiṁ tena pṛṣṭā anāmayam sukhībhūtā nṛpaṁ procuḥ sarvaṁ svakuśalaṁ nṛpāḥ

Bowing to the lord of the Raghus, and asked by him whether all was well, those kings and warriors, filled with joy, told him all their own well-being.

Verse 28 (padma.5.53.28)

सुरथो वीक्ष्य रामं च कृपार्थं सेवकात्मनः । आगतं सकलं राज्यं सहयं सुमुदार्पयत्

suratho vīkṣya rāmaṁ ca kṛpārthaṁ sevakātmanaḥ āgataṁ sakalaṁ rājyaṁ sahayaṁ sumudārpayat

Suratha, seeing Rama who had come out of grace for his own servant, joyfully gave over his entire kingdom, together with its horses.

Verse 29 (padma.5.53.29)

अनेकवरिवस्याभिः श्रीरामं समतोषयत् । कथयामास मेऽन्याय्यं कृतं ते क्षम राघव । श्रीरामस्तमुवाचाथ कृतं ते वाहरक्षणम्

anekavarivasyābhiḥ śrīrāmaṁ samatoṣayat kathayāmāsa me'nyāyyaṁ kṛtaṁ te kṣama rāghava śrīrāmastamuvācātha kṛtaṁ te vāharakṣaṇam

With many acts of service he satisfied Shri Rama; he said: "I have done you an injustice, O Raghava — forgive me." Then Shri Rama said to him: "You have done nothing but guard the horse."

Verse 30 (padma.5.53.30)

क्षत्त्रियाणामयं धर्मः स्वामिना सह युद्ध्यते । त्वया साधुकृतं कर्म रणे वीराः प्रतोषिताः

kṣattriyāṇāmayaṁ dharmaḥ svāminā saha yuddhyate tvayā sādhukṛtaṁ karma raṇe vīrāḥ pratoṣitāḥ

"This is the very duty of kshatriyas — one fights even against one's own lord; you have done a righteous deed, and the heroes in this battle were well pleased."

Verse 31 (padma.5.53.31)

इत्युक्तवंतं नृहरिं पूजयन्ससुतोऽभवत् । श्रीरामस्त्रिदिनं स्थित्वा ययौ तमनुमंत्र्य च

ityuktavaṁtaṁ nṛhariṁ pūjayansasuto'bhavat śrīrāmastridinaṁ sthitvā yayau tamanumaṁtrya ca

Having spoken thus, worshipping the Lord of Men, he remained there together with his sons; and Shri Rama, staying three days, took his leave and departed.

Verse 32 (padma.5.53.32)

कामगेन विमानेन मुनिभिः सहितो महान् । तं दृष्ट्वा विस्मितास्तस्य कथाश्चक्रुर्मनोहराः

kāmagena vimānena munibhiḥ sahito mahān taṁ dṛṣṭvā vismitāstasya kathāścakrurmanoharāḥ

That great one departed upon his desire-swift celestial car, together with the sages; and all who beheld him were struck with wonder, and told lovely tales of him thereafter.

Verse 33 (padma.5.53.33)

चंपकं स्वपुरे स्थाप्य सुरथः क्षत्रियो बली । शत्रुघ्नेन समं यातुं मनश्चक्रे महाबलः

caṁpakaṁ svapure sthāpya surathaḥ kṣatriyo balī śatrughnena samaṁ yātuṁ manaścakre mahābalaḥ

Having established Champaka in his own city, the mighty kshatriya Suratha resolved to journey on together with mighty Shatrughna.

Verse 34 (padma.5.53.34)

शत्रुघ्नः स्वहयं प्राप्य भेरीनादानकारयत् । शंखनादान्बहुविधान्सर्वत्र समवादयत्

śatrughnaḥ svahayaṁ prāpya bherīnādānakārayat śaṁkhanādānbahuvidhānsarvatra samavādayat

Shatrughna, having regained his own horse, had the kettle-drums sounded; and conch-blasts of many kinds rang out on every side.

Verse 35 (padma.5.53.35)

सुरथेन समं वीरो यज्ञवाहममूमुचत् । स बभ्रामापरान्देशान्न कोपि जगृहे बली

surathena samaṁ vīro yajñavāhamamūmucat sa babhrāmāparāndeśānna kopi jagṛhe balī

The hero, together with Suratha, released the sacrificial horse once more; it wandered off through other lands, and no one, however mighty, seized it.

Verse 36 (padma.5.53.36)

यत्रयत्र गतो वाहस्तत्रतत्र परिभ्रमन् । सैन्येन महता यातः शत्रुघ्नः सुरथेन च

yatrayatra gato vāhastatratatra paribhraman sainyena mahatā yātaḥ śatrughnaḥ surathena ca

Wherever the horse roamed, there Shatrughna followed after it, together with Suratha and his vast army.

Verse 37 (padma.5.53.37)

कदाचिज्जाह्नवीतीरे वाल्मीकेराश्रमं वरम् । गतो मुनिवरैर्जुष्टं प्रातर्धूमेन चिह्नितम्

kadācijjāhnavītīre vālmīkerāśramaṁ varam gato munivarairjuṣṭaṁ prātardhūmena cihnitam

Once, upon the bank of the Ganga, they came upon the excellent hermitage of Valmiki, frequented by the finest of sages, marked at dawn by its rising smoke.