The Victory of Suratha

Verse 1 (padma.5.52.1)

शेष उवाच। चंपकं पतितं दृष्ट्वा सुरथः क्षत्रियो बली । पुत्रदुःखपरीतांगो जगाम स्यंदने स्थितः

śeṣa uvāca caṁpakaṁ patitaṁ dṛṣṭvā surathaḥ kṣatriyo balī putraduḥkhaparītāṁgo jagāma syaṁdane sthitaḥ

Shesha said: Seeing Champaka fallen, the mighty kshatriya Suratha, his body overcome with a father's grief for his son, advanced, mounted upon his chariot.

Verse 2 (padma.5.52.2)

कपींद्रमाजुहावाथ सुरथः कोपसंयुतः । निःश्वासवेगं संमुंचन्महाबलसमन्वितः

kapīṁdramājuhāvātha surathaḥ kopasaṁyutaḥ niḥśvāsavegaṁ saṁmuṁcanmahābalasamanvitaḥ

Suratha then, filled with fury, breathing heavily, endowed with the greatest strength, called out to the lord of monkeys.

Verse 3 (padma.5.52.3)

आह्वयानं नृपं दृष्ट्वा निजं वीरः कपीश्वरः । जगाम तं महावीरो महावेगसमन्वितः

āhvayānaṁ nṛpaṁ dṛṣṭvā nijaṁ vīraḥ kapīśvaraḥ jagāma taṁ mahāvīro mahāvegasamanvitaḥ

Seeing that king thus challenging him, the hero, lord of monkeys, that great hero, went to him with the greatest speed.

Verse 4 (padma.5.52.4)

तमागतं हनूमंतं तृणीकुर्वं तमुद्भटान् । उवाच सुरथो राजा मेघगंभीरसुस्वरः

tamāgataṁ hanūmaṁtaṁ tṛṇīkurvaṁ tamudbhaṭān uvāca suratho rājā meghagaṁbhīrasusvaraḥ

To Hanuman thus arrived, King Suratha, who reckoned even the fiercest of warriors as mere straw, said, in a voice sonorous and deep as thunder —

Verse 5 (padma.5.52.5)

सुरथ उवाच। धन्योसि कपिवर्य त्वं महाबलपराक्रमः । येन राममहत्कृत्यं कृतं राक्षसके पुरे

suratha uvāca dhanyosi kapivarya tvaṁ mahābalaparākramaḥ yena rāmamahatkṛtyaṁ kṛtaṁ rākṣasake pure

Suratha said: "Blessed are you, O finest of monkeys, mighty in strength and valor, by whom that great deed was wrought in the city of the rakshasas."

Verse 6 (padma.5.52.6)

त्वं रामचरणस्यासि सेवको भक्तिसंयुतः । त्वया वीरेण मत्पुत्रः पातितश्चंपको बली

tvaṁ rāmacaraṇasyāsi sevako bhaktisaṁyutaḥ tvayā vīreṇa matputraḥ pātitaścaṁpako balī

"Filled with devotion, you are a servant of Rama's feet; by you, O hero, my own mighty son Champaka has been felled."

Verse 7 (padma.5.52.7)

इदानीं त्वां तु संबध्य गंतास्मि नगरेमम । यत्नात्तिष्ठ कपीशेशसत्यमुक्तं मया स्मृतम्

idānīṁ tvāṁ tu saṁbadhya gaṁtāsmi nagaremama yatnāttiṣṭha kapīśeśasatyamuktaṁ mayā smṛtam

"Now, having bound you, I shall go toward my own city; be watchful, O lord of monkeys — the truth I once spoke, I still hold firm in memory."

Verse 8 (padma.5.52.8)

इति भाषितमाकर्ण्य सुरथस्य कपीश्वरः । उवाच धीरया वाण्या रणे वीरैकभूषिते

iti bhāṣitamākarṇya surathasya kapīśvaraḥ uvāca dhīrayā vāṇyā raṇe vīraikabhūṣite

Hearing this said by Suratha, the lord of monkeys, in that battle adorned by heroes alone, replied in a calm and steady voice.

Verse 9 (padma.5.52.9)

हनूमानुवाच। त्वं रामचरणस्मारी वयं रामस्य सेवकाः । बध्नासि चेन्मां प्रसभं मोचयिष्यति मत्प्रभुः

hanūmānuvāca tvaṁ rāmacaraṇasmārī vayaṁ rāmasya sevakāḥ badhnāsi cenmāṁ prasabhaṁ mocayiṣyati matprabhuḥ

Hanuman said: "You are one who holds Rama's feet in mind; we are servants of Rama. If you bind me by force, my own lord shall come and set me free."

Verse 10 (padma.5.52.10)

कुरु वीर भवत्स्वांतस्थितं सत्यं प्रतिश्रुतम् । रामं स्मरन्वै दुःखांतं याति वेदा वदंत्यदः

kuru vīra bhavatsvāṁtasthitaṁ satyaṁ pratiśrutam rāmaṁ smaranvai duḥkhāṁtaṁ yāti vedā vadaṁtyadaḥ

"Keep, O hero, the vow of truth you carry in your own heart; by remembrance of Rama one crosses beyond all sorrow — so the Vedas themselves declare."

Verse 11 (padma.5.52.11)

शेष उवाच। इति ब्रुवंतं सुरथः प्रशस्य पवनात्मजम् । विव्याध बाणैर्बहुभिः शितैः शाणेन दारुणैः

śeṣa uvāca iti bruvaṁtaṁ surathaḥ praśasya pavanātmajam vivyādha bāṇairbahubhiḥ śitaiḥ śāṇena dāruṇaiḥ

Shesha said: To him speaking thus, Suratha, even while praising the son of the wind, pierced him with many sharp and terrible arrows, honed on the whetstone.

Verse 12 (padma.5.52.12)

तान्मुक्तानगणय्याथ बाणाञ्छोणितपातिनः । करे जग्राह कोदंडं सज्यं शरसमन्वितम्

tānmuktānagaṇayyātha bāṇāñchoṇitapātinaḥ kare jagrāha kodaṁḍaṁ sajyaṁ śarasamanvitam

Not even counting those blood-drawing arrows loosed against him, he took up in hand his own bow, strung and fitted with an arrow.

Verse 13 (padma.5.52.13)

गृहीत्वा करयोश्चापं बभंज कुपितः कपिः । चीत्कुर्वंस्त्रासयन्वीरान्नखैर्दीर्णान्सृजन्भटान्

gṛhītvā karayoścāpaṁ babhaṁja kupitaḥ kapiḥ cītkurvaṁstrāsayanvīrānnakhairdīrṇānsṛjanbhaṭān

Taking the bow in both hands, the enraged monkey broke it, shrieking, terrifying the assembled heroes, tearing warriors apart with his very claws.

Verse 14 (padma.5.52.14)

तेन भग्नं धनुर्दृष्ट्वा स्वकीयं गुणसंयुतम् । अपरं धनुरादत्त महद्गुणविशोभितम्

tena bhagnaṁ dhanurdṛṣṭvā svakīyaṁ guṇasaṁyutam aparaṁ dhanurādatta mahadguṇaviśobhitam

Seeing his own strung bow thus broken, he took up another bow, resplendent with its great bowstring.

Verse 15 (padma.5.52.15)

तच्चापि जगृहे रोषात्कपिश्चापं बभंज तत् । अन्यच्चापं समादत्त तद्बभंज महाबलः

taccāpi jagṛhe roṣātkapiścāpaṁ babhaṁja tat anyaccāpaṁ samādatta tadbabhaṁja mahābalaḥ

That too he raised in fury; the monkey broke that bow as well; he took up yet another bow, and that too the mighty one broke.

Verse 16 (padma.5.52.16)

तस्मिंश्चापे प्रभग्नेऽपि सोऽन्यद्धनुरुपाददत् । सोपि चापं बभंजाशु महावेगसमन्वितः

tasmiṁścāpe prabhagne'pi so'nyaddhanurupādadat sopi cāpaṁ babhaṁjāśu mahāvegasamanvitaḥ

Even as that bow was broken he took up still another; and that swift monkey, with the greatest speed, broke this one too at once.

Verse 17 (padma.5.52.17)

एवं राज्ञस्तु चापानामशीतिर्विदलीकृता । क्षणे क्षणे महारोषात्कुर्वन्नादाननेकधा

evaṁ rājñastu cāpānāmaśītirvidalīkṛtā kṣaṇe kṣaṇe mahāroṣātkurvannādānanekadhā

Thus eighty of the king's bows were shattered to pieces, while the monkey, moment by moment, raised varied roars in his towering rage.

Verse 18 (padma.5.52.18)

तदात्यंतं प्रकुपितः शक्तिमुग्रामथाददे । शक्त्या स ताडितो वीरः पपात क्षणमुत्सुकः

tadātyaṁtaṁ prakupitaḥ śaktimugrāmathādade śaktyā sa tāḍito vīraḥ papāta kṣaṇamutsukaḥ

Then, filled with extreme fury, he took up a fierce spear; struck by that spear the hero fell for a moment, though still eager for the fight.

Verse 19 (padma.5.52.19)

उत्थाय स्यंदनं राज्ञो जग्राह कुपितो भृशम् । उड्डीनस्तं गृहीत्वा तु समुद्रमतिवेगतः

utthāya syaṁdanaṁ rājño jagrāha kupito bhṛśam uḍḍīnastaṁ gṛhītvā tu samudramativegataḥ

Rising up, in the greatest fury, he seized the king's very chariot and, taking flight, bore it with tremendous speed toward the ocean.

Verse 20 (padma.5.52.20)

तमुड्डीनं समालक्ष्य सुरथः परवीरहा । ताडयामास परिघैर्हृदि मारुतिमुद्यतम्

tamuḍḍīnaṁ samālakṣya surathaḥ paravīrahā tāḍayāmāsa parighairhṛdi mārutimudyatam

Seeing him thus flying off, Suratha, slayer of enemy heroes, struck eager Maruti in the chest with bars of iron.

Verse 21 (padma.5.52.21)

मुक्तस्तेन रथो दूराच्चूर्णीभूतोऽभवत्क्षणात् । सोऽन्यरथं समारुह्य ययौ वेगात्समीरजम्

muktastena ratho dūrāccūrṇībhūto'bhavatkṣaṇāt so'nyarathaṁ samāruhya yayau vegātsamīrajam

Let fall by him, the chariot was pulverized far off in an instant; mounting another chariot, the son of the wind sped away with speed.

Verse 22 (padma.5.52.22)

हनूमांस्तद्रथं पुच्छे संवेष्ट्य प्रधनांगणे । हयसारथिसंयुक्तं बभंज सपताकिनम्

hanūmāṁstadrathaṁ pucche saṁveṣṭya pradhanāṁgaṇe hayasārathisaṁyuktaṁ babhaṁja sapatākinam

Hanuman, winding that chariot with his own tail upon the battlefield, shattered it, together with its horse, its charioteer, and its banner.

Verse 23 (padma.5.52.23)

अन्यं रथं समास्थाय ययौ राजा महाबलः । बभंज तं रथं वेगान्मारुतिः कुपितांगकः

anyaṁ rathaṁ samāsthāya yayau rājā mahābalaḥ babhaṁja taṁ rathaṁ vegānmārutiḥ kupitāṁgakaḥ

Mounting yet another chariot, the mighty king advanced; and that chariot too, Maruti, his very limbs afire with rage, broke with swift force.

Verse 24 (padma.5.52.24)

भग्नं तं स्यंदनं वीक्ष्य सुरथोऽन्यसमाश्रितः । भग्नः स तेन सहसा हयसारथिसंयुतः

bhagnaṁ taṁ syaṁdanaṁ vīkṣya suratho'nyasamāśritaḥ bhagnaḥ sa tena sahasā hayasārathisaṁyutaḥ

Seeing that chariot broken, Suratha mounted another; and that one too he broke at once, together with its horse and charioteer.

Verse 25 (padma.5.52.25)

एवमेकोनपंचाशद्रथा भग्ना हनूमता । तत्कर्म वीक्ष्य राजापि विसिस्माय ससैनिकः

evamekonapaṁcāśadrathā bhagnā hanūmatā tatkarma vīkṣya rājāpi visismāya sasainikaḥ

Thus forty-nine chariots in all were broken by Hanuman; and seeing that feat, the king too, together with his soldiers, was struck with wonder.

Verse 26 (padma.5.52.26)

कुपितः प्राह कीशेंद्रं धन्योसि पवनात्मज । पराक्रमन्निदं कर्म न कर्ता न करिष्यति

kupitaḥ prāha kīśeṁdraṁ dhanyosi pavanātmaja parākramannidaṁ karma na kartā na kariṣyati

Enraged, he said to the lord of monkeys: "Blessed are you, O son of the wind — this feat of prowess no one has done before, nor shall do again."

Verse 27 (padma.5.52.27)

क्षणमेकं प्रतीक्षस्व यावत्सज्यं धनुस्त्वहम् । करोमि पवनोद्भूत रामपादाब्जषट्पद

kṣaṇamekaṁ pratīkṣasva yāvatsajyaṁ dhanustvaham karomi pavanodbhūta rāmapādābjaṣaṭpada

"Wait but one moment, O son of the wind, O bee at the lotus-feet of Rama, until I have strung my own bow."

Verse 28 (padma.5.52.28)

इत्युक्त्वा चापमात्तज्यं कृत्वा रोषपरिप्लुतः । अस्त्रं पाशुपतं नाम संदधे शर उल्बणे

ityuktvā cāpamāttajyaṁ kṛtvā roṣapariplutaḥ astraṁ pāśupataṁ nāma saṁdadhe śara ulbaṇe

Having spoken thus, he strung his bow, and, overflowing with fury, invoked upon a fierce arrow the missile named Pashupata.

Verse 29 (padma.5.52.29)

ततो भूताश्च वेतालाः पिशाचा योगिनीमुखाः । प्रादुर्बभूवुः सहसा भीषयंतः समीरजम्

tato bhūtāśca vetālāḥ piśācā yoginīmukhāḥ prādurbabhūvuḥ sahasā bhīṣayaṁtaḥ samīrajam

Then beings, vetalas, pishachas, and hosts of yoginis suddenly appeared, and began to terrify the son of the wind.

Verse 30 (padma.5.52.30)

कपिः पाशुपतैरस्त्रैर्बद्धो लोकैरभीक्षितः । हाहेति च वदंत्येते यावत्तावत्समीरजः

kapiḥ pāśupatairastrairbaddho lokairabhīkṣitaḥ hāheti ca vadaṁtyete yāvattāvatsamīrajaḥ

All the worlds watched that monkey bound fast by the Pashupata weapon; they cried out, "Alas, alas!" — but even then the son of the wind —

Verse 31 (padma.5.52.31)

स्मृत्वा रामं स्वमनसा त्रोटयामास तत्क्षणात् । स मुक्तगात्रः सहसा युयुधे सुरथं नृपम्

smṛtvā rāmaṁ svamanasā troṭayāmāsa tatkṣaṇāt sa muktagātraḥ sahasā yuyudhe surathaṁ nṛpam

— calling Rama to mind in his own heart, snapped those bonds that very instant; his limbs freed, he at once joined battle again with King Suratha.

Verse 32 (padma.5.52.32)

तं मुक्तगात्रं संवीक्ष्य सुरथः परमास्त्रवित् । महाबलं मन्यमानो ब्राह्ममस्त्रं समाददे

taṁ muktagātraṁ saṁvīkṣya surathaḥ paramāstravit mahābalaṁ manyamāno brāhmamastraṁ samādade

Seeing his limbs thus freed, Suratha, master of the supreme weapons, deeming him mighty indeed, took up the Brahma missile.

Verse 33 (padma.5.52.33)

मारुतिर्ब्राह्ममस्त्रं तु निजगाल हसन्बली । तन्निगीर्णं नृपो दृष्ट्वा रामं सस्मार भूमिपः

mārutirbrāhmamastraṁ tu nijagāla hasanbalī tannigīrṇaṁ nṛpo dṛṣṭvā rāmaṁ sasmāra bhūmipaḥ

Mighty Maruti, laughing, swallowed that Brahma missile whole; and seeing it swallowed, the king, lord of the earth, called Rama to mind.

Verse 34 (padma.5.52.34)

स्मृत्वा दाशरथिं रामं रामास्त्रं स्वशरासने । संधाय तं जगादेदं बद्धोसि कपिपुंगव

smṛtvā dāśarathiṁ rāmaṁ rāmāstraṁ svaśarāsane saṁdhāya taṁ jagādedaṁ baddhosi kapipuṁgava

Calling Rama, son of Dasharatha, to mind, he fitted the Rama missile to his own bow, and said to him: "You are bound now, O bull among monkeys."

Verse 35 (padma.5.52.35)

श्रुत्वा तत्प्रक्रमेद्यावत्तावद्बद्धो रणांगणे । राज्ञा रामास्त्रतो वीरो हनूमान्रामसेवकः

śrutvā tatprakramedyāvattāvadbaddho raṇāṁgaṇe rājñā rāmāstrato vīro hanūmānrāmasevakaḥ

No sooner had this been proclaimed than the hero Hanuman, servant of Rama, was bound upon that battlefield by the king with the Rama missile.

Verse 36 (padma.5.52.36)

उवाच भूपं हनुमान्किंकरोमि महीभुज । मत्स्वाम्यस्त्रेण संबद्धो नान्येन प्राकृतेन वै

uvāca bhūpaṁ hanumānkiṁkaromi mahībhuja matsvāmyastreṇa saṁbaddho nānyena prākṛtena vai

Hanuman said to the king: "What am I to do, O lord of the earth? I am bound by my own lord's own weapon — by no other, ordinary one."

Verse 37 (padma.5.52.37)

तन्मानयामिभूपालनयस्वस्वपुरंप्रति । मोचयिष्यति मत्स्वामी आगत्य स दयानिधिः

tanmānayāmibhūpālanayasvasvapuraṁprati mocayiṣyati matsvāmī āgatya sa dayānidhiḥ

"Therefore I honor this bond; lead me, O king, to your own city; my lord, that very treasure of compassion, shall come and set me free."

Verse 38 (padma.5.52.38)

बद्धे समीरजे क्रुद्धः पुष्कलो भूमिपं ययौ । तं पुष्कलं समायांतं विव्याध वसुभिः शरैः

baddhe samīraje kruddhaḥ puṣkalo bhūmipaṁ yayau taṁ puṣkalaṁ samāyāṁtaṁ vivyādha vasubhiḥ śaraiḥ

When the son of the wind was thus bound, enraged Pushkala advanced upon the king; and that approaching Pushkala he pierced with eight arrows.

Verse 39 (padma.5.52.39)

अनेकबाणसाहस्रैर्निजघान नृपं बली । राज्ञानेके शरास्तस्य च्छिन्नाः प्रधनमंडले

anekabāṇasāhasrairnijaghāna nṛpaṁ balī rājñāneke śarāstasya cchinnāḥ pradhanamaṁḍale

With many thousand arrows that mighty one struck at the king; and there upon the battlefield many of the king's own arrows were cut down in turn.

Verse 40 (padma.5.52.40)

एवं समरसंक्रुद्धे सुरथे पुष्कले तथा । बाणैर्व्याप्तं जगत्सर्वं स्थास्नुभूयश्चरिष्णु च

evaṁ samarasaṁkruddhe surathe puṣkale tathā bāṇairvyāptaṁ jagatsarvaṁ sthāsnubhūyaścariṣṇu ca

As Suratha and Pushkala thus grew furious in battle, the whole world, both what stands still and what moves, was overspread with arrows.

Verse 41 (padma.5.52.41)

तेषां रणोद्यमं वीक्ष्य मुमुहुः सुरसैनिकाः । मानवानां तु का वार्ता क्षणात्त्रासं समीयुषाम्

teṣāṁ raṇodyamaṁ vīkṣya mumuhuḥ surasainikāḥ mānavānāṁ tu kā vārtā kṣaṇāttrāsaṁ samīyuṣām

Seeing their zeal for battle, even the soldiers of heaven were bewildered; what then of mere men, struck as they were with terror in an instant?

Verse 42 (padma.5.52.42)

अस्त्रप्रत्यस्त्रविगमैर्महामंत्रपरिस्तुतैः । बभूव तुमुलं युद्धं वीराणां रोमहर्षणम्

astrapratyastravigamairmahāmaṁtraparistutaiḥ babhūva tumulaṁ yuddhaṁ vīrāṇāṁ romaharṣaṇam

With the clash of missile against counter-missile, hallowed by great mantras, a tumultuous battle arose, one that thrilled the very hair of the heroes.

Verse 43 (padma.5.52.43)

तदा प्रकुपितो राजा नाराचं तु समाददे । छिन्नः स तु क्रुधा मुक्तैर्वत्सदंतैः सभारतैः

tadā prakupito rājā nārācaṁ tu samādade chinnaḥ sa tu krudhā muktairvatsadaṁtaiḥ sabhārataiḥ

Then the enraged king took up an iron shaft; but it was cut down by the calf-tooth-shaped arrows loosed in fury by Bharati.

Verse 44 (padma.5.52.44)

छिन्ने तस्मिञ्छरे राजा कोपादन्यं समाददे । छिनत्ति यावत्स शरं तावल्लग्नो हृदि क्षतः

chinne tasmiñchare rājā kopādanyaṁ samādade chinatti yāvatsa śaraṁ tāvallagno hṛdi kṣataḥ

That arrow cut down, the king in anger took up another; but even as he cut it, one arrow struck home in his own chest, wounding him.

Verse 45 (padma.5.52.45)

मूर्च्छां प्राप महातेजाः पुष्कलो महदद्भुतम् । युद्धं विधाय सुमहद्राज्ञा सह महामतिः

mūrcchāṁ prāpa mahātejāḥ puṣkalo mahadadbhutam yuddhaṁ vidhāya sumahadrājñā saha mahāmatiḥ

That great-spirited, great-minded Pushkala, having waged a most mighty and wondrous battle with the king, fell then into a swoon.

Verse 46 (padma.5.52.46)

पुष्कले पतिते राजा शत्रुघ्नः शत्रुतापनः । सुरथं प्रति संक्रुद्धो जगाम स्यंदनस्थितः

puṣkale patite rājā śatrughnaḥ śatrutāpanaḥ surathaṁ prati saṁkruddho jagāma syaṁdanasthitaḥ

When Pushkala had fallen, King Shatrughna, that scorcher of foes, filled with fury, mounted his chariot and advanced upon Suratha.

Verse 47 (padma.5.52.47)

उवाच सुरथं भूपं रामभ्राता महाबलः । त्वया महत्कृतं कर्म यद्बद्धः पवनात्मजः

uvāca surathaṁ bhūpaṁ rāmabhrātā mahābalaḥ tvayā mahatkṛtaṁ karma yadbaddhaḥ pavanātmajaḥ

That mighty brother of Rama said to King Suratha: "A great deed have you wrought indeed, in that you have bound the son of the wind —"

Verse 48 (padma.5.52.48)

पुष्कलोऽपि महावीरस्तथान्ये मम सैनिकाः । पातिताः प्रधने घोरे महाबलपराक्रमाः

puṣkalo'pi mahāvīrastathānye mama sainikāḥ pātitāḥ pradhane ghore mahābalaparākramāḥ

"— and have felled, in this terrible battle, even the great hero Pushkala and my other soldiers, mighty in strength and valor."

Verse 49 (padma.5.52.49)

इदानीं तिष्ठ मद्वीरान्पातयित्वा रणांगणे । कुत्र यास्यसि भूमीश सहस्व मम सायकान्

idānīṁ tiṣṭha madvīrānpātayitvā raṇāṁgaṇe kutra yāsyasi bhūmīśa sahasva mama sāyakān

"Now, having felled my own heroes upon this field, stand your ground; O lord of the earth, where will you flee? Bear now my arrows."

Verse 50 (padma.5.52.50)

इत्थमाश्रुत्य वीरस्य भाषितं सुरथो बली । जगाद रामपादाब्जं दधच्चेतसि शोभनम्

itthamāśrutya vīrasya bhāṣitaṁ suratho balī jagāda rāmapādābjaṁ dadhaccetasi śobhanam

Hearing that hero's speech, mighty Suratha, holding fast in his heart the lovely lotus-feet of Rama, replied —

Verse 51 (padma.5.52.51)

मया ते पातिताः संख्ये वीरा मारुतजोन्मुखाः । इदानीं पातयिष्यामि त्वामपि प्रधनांगणे

mayā te pātitāḥ saṁkhye vīrā mārutajonmukhāḥ idānīṁ pātayiṣyāmi tvāmapi pradhanāṁgaṇe

"I have felled in battle those heroes who faced the son of the wind; now I shall fell you too upon this very field."

Verse 52 (padma.5.52.52)

स्मरस्व रामं यो वीरः स्वमागत्य प्ररक्षति । अन्यथा जीवितं नास्ति मत्पुरः शत्रुतापन

smarasva rāmaṁ yo vīraḥ svamāgatya prarakṣati anyathā jīvitaṁ nāsti matpuraḥ śatrutāpana

"Call to mind that hero Rama, who comes himself to protect his own devotees; otherwise, O scorcher of foes, there is no life for you before me."

Verse 53 (padma.5.52.53)

इत्युक्त्वा बाणसाहस्रैस्तं जघान महीपतिः । शत्रुघ्नं शरसंघातपंजरे न्यदधात्परम्

ityuktvā bāṇasāhasraistaṁ jaghāna mahīpatiḥ śatrughnaṁ śarasaṁghātapaṁjare nyadadhātparam

Having spoken thus, the king struck him with thousands of arrows, and enclosed Shatrughna within an enormous cage of them.

Verse 54 (padma.5.52.54)

शत्रुघ्नः शरसंघातं मुंचंतं वह्निदैवतम् । अस्त्रं मुमोच दाहार्थं शराणां नतपर्वणाम्

śatrughnaḥ śarasaṁghātaṁ muṁcaṁtaṁ vahnidaivatam astraṁ mumoca dāhārthaṁ śarāṇāṁ nataparvaṇām

As that mass of arrows engulfed him, Shatrughna loosed, to burn it all away, the missile presided over by the god of fire, its shafts bent at every joint.

Verse 55 (padma.5.52.55)

तदस्त्रं मुक्तमालोक्य राजा वै सुरथो महान् । वारुणास्त्रेण शमयन्विव्याध शरकोटिभिः

tadastraṁ muktamālokya rājā vai suratho mahān vāruṇāstreṇa śamayanvivyādha śarakoṭibhiḥ

Seeing that missile loosed, great King Suratha quelled it with the Varuna missile, and pierced him in turn with a multitude of arrows.

Verse 56 (padma.5.52.56)

तदा तद्योगिनीदत्तमस्त्रं धनुषि संदधे । मोहनं सर्ववीराणां निद्राप्रापकमद्भुतम्

tadā tadyoginīdattamastraṁ dhanuṣi saṁdadhe mohanaṁ sarvavīrāṇāṁ nidrāprāpakamadbhutam

Then Shatrughna fitted to his bow that missile once given by a yogini, the wondrous Mohana weapon, which casts every hero into sleep.

Verse 57 (padma.5.52.57)

तन्मोहनं महास्त्रं स वीक्ष्य राजा हरिंस्मरन् । जगाद शत्रुघ्नमयं सर्वशस्त्रास्त्रकोविदः

tanmohanaṁ mahāstraṁ sa vīkṣya rājā hariṁsmaran jagāda śatrughnamayaṁ sarvaśastrāstrakovidaḥ

Seeing that great Mohana missile, the king, calling Hari to mind, said this to Shatrughna, versed as he was in every weapon and missile —

Verse 58 (padma.5.52.58)

मोहितस्य मम श्रीमद्रामस्य स्मरणेन ह । नान्यन्मोहनमाभाति ममापि भयतापदम्

mohitasya mama śrīmadrāmasya smaraṇena ha nānyanmohanamābhāti mamāpi bhayatāpadam

"By remembrance of my glorious Rama I am already wholly enraptured; for me no other enchantment holds power, nor any fear, nor any torment."

Verse 59 (padma.5.52.59)

इत्युक्तवति वीरे तु मुमोच स महास्त्रकम् । तेन बाणेन संछिन्नं पपात रणमंडले

ityuktavati vīre tu mumoca sa mahāstrakam tena bāṇena saṁchinnaṁ papāta raṇamaṁḍale

Even as the hero spoke thus, he loosed that great missile at him; but cut by his arrow, it fell useless to the battlefield.

Verse 60 (padma.5.52.60)

तन्मोहनं महास्त्रं तु निष्फलं वीक्ष्य भूमिपे । अत्यंतं विस्मयं प्राप्य बाणं धनुषि संदधे

tanmohanaṁ mahāstraṁ tu niṣphalaṁ vīkṣya bhūmipe atyaṁtaṁ vismayaṁ prāpya bāṇaṁ dhanuṣi saṁdadhe

Seeing that great Mohana missile thus rendered fruitless by the king, filled with the greatest astonishment, he fitted another arrow to his bow.

Verse 61 (padma.5.52.61)

लवणो येन निहतो महासुरविमर्दनः । तं बाणं चाप आधत्त घोरं कान्त्यानलप्रभम्

lavaṇo yena nihato mahāsuravimardanaḥ taṁ bāṇaṁ cāpa ādhatta ghoraṁ kāntyānalaprabham

That very arrow by which Lavana, destroyer of the mightiest demons, had once been slain — that terrible shaft, radiant as fire, he now set upon his bow.

Verse 62 (padma.5.52.62)

तं वीक्ष्य राजा प्रोवाच बाणोऽयमसतां हृदि । लगते रामभक्तस्य संमुखेऽपि न भात्यसौ

taṁ vīkṣya rājā provāca bāṇo'yamasatāṁ hṛdi lagate rāmabhaktasya saṁmukhe'pi na bhātyasau

Seeing it, the king said: "This arrow lodges only in the hearts of the wicked; before a devotee of Rama, even face to face, it holds no power."

Verse 63 (padma.5.52.63)

इत्येवं भाषमाणं तु बाणेनानेन शत्रुहा । विव्याध हृदये क्षिप्रं वह्निज्वालासमप्रभम्

ityevaṁ bhāṣamāṇaṁ tu bāṇenānena śatruhā vivyādha hṛdaye kṣipraṁ vahnijvālāsamaprabham

Even as he spoke thus, that slayer of foes swiftly pierced his heart with that very arrow, radiant as a tongue of flame.

Verse 64 (padma.5.52.64)

तेन बाणेन दुःखार्तो महापीडासमन्वितः । रथोपस्थे क्षणं मूर्च्छामवाप परतापनः

tena bāṇena duḥkhārto mahāpīḍāsamanvitaḥ rathopasthe kṣaṇaṁ mūrcchāmavāpa paratāpanaḥ

Stricken by that arrow, overcome with the greatest anguish, that scorcher of foes fell for a moment into a swoon upon his own chariot.

Verse 65 (padma.5.52.65)

स क्षणात्तां व्यथां तीर्त्वा जगाद रिपुमग्रतः । सहस्वैकं प्रहारं मे कुत्र यासि ममाग्रतः

sa kṣaṇāttāṁ vyathāṁ tīrtvā jagāda ripumagrataḥ sahasvaikaṁ prahāraṁ me kutra yāsi mamāgrataḥ

Mastering that pain in an instant, he said to his foe standing before him: "Bear one blow more of mine — where will you flee from before me?"

Verse 66 (padma.5.52.66)

एवमुक्त्वा महासंख्ये बाणमाधत्त सायके । ज्वालामालापरीतांगं स्वर्णपुंखसमन्वितम्

evamuktvā mahāsaṁkhye bāṇamādhatta sāyake jvālāmālāparītāṁgaṁ svarṇapuṁkhasamanvitam

Having spoken thus amid that great battle, he fitted to his bow an arrow wreathed in a garland of flame, adorned with feathers of gold.

Verse 67 (padma.5.52.67)

स बाणो धनुषो मुक्तः शत्रुघ्नेन पथिस्थितः । छिन्नोऽप्यग्रफलेनाशु हृदये समपद्यत

sa bāṇo dhanuṣo muktaḥ śatrughnena pathisthitaḥ chinno'pyagraphalenāśu hṛdaye samapadyata

That arrow, loosed from Shatrughna's bow, sped upon its path; though cut in two, its very tip flew on and lodged at once in his heart.

Verse 68 (padma.5.52.68)

तेन बाणेन संमूर्छ्य पपात स्यंदनोपरि । ततो हाहाकृतं सैन्यं भग्नं सर्वं पराद्रवत्

tena bāṇena saṁmūrchya papāta syaṁdanopari tato hāhākṛtaṁ sainyaṁ bhagnaṁ sarvaṁ parādravat

By that arrow he fell in a swoon upon his own chariot; then his army cried out in lamentation, and all, defeated, turned and fled.

Verse 69 (padma.5.52.69)

सुरथो जयमापेदे संग्रामे रामसेवकः । दशवीरा दशसुतैर्मूर्च्छिताः पतिताः क्वचित्

suratho jayamāpede saṁgrāme rāmasevakaḥ daśavīrā daśasutairmūrcchitāḥ patitāḥ kvacit

Suratha, servant of Rama, won the victory in that battle; ten heroes, together with the king's own ten sons, lay fallen and senseless here and there.