The Revival of the Army

Verse 1 (padma.5.64.1)

शेष उवाच। शत्रुघ्नं पतितं वीक्ष्य सुरथः प्रवरो नृपः । प्रययौ मणिना सृष्टे रथे तिष्ठन्महाद्भुते

śeṣa uvāca śatrughnaṁ patitaṁ vīkṣya surathaḥ pravaro nṛpaḥ prayayau maṇinā sṛṣṭe rathe tiṣṭhanmahādbhute

Shesha said: Seeing Shatrughna fallen, Suratha, that excellent king, advanced, standing upon a chariot fashioned of jewels, most wondrous.

Verse 2 (padma.5.64.2)

पुष्कलस्तु रणे पूर्वं पातितः स विचारयन् । लवं ययौ तदा योद्धुं महावीरबलोन्नतम्

puṣkalastu raṇe pūrvaṁ pātitaḥ sa vicārayan lavaṁ yayau tadā yoddhuṁ mahāvīrabalonnatam

Pushkala, who had earlier been felled in that battle, considering this, went then to fight Lava, exalted in the strength of a great hero.

Verse 3 (padma.5.64.3)

सुरथः कुशमासाद्य बाणान्मुंचन्ननेकधा । व्यथयामास समरे महावीरशिरोमणिः

surathaḥ kuśamāsādya bāṇānmuṁcannanekadhā vyathayāmāsa samare mahāvīraśiromaṇiḥ

Suratha, reaching Kusha, began loosing arrows in many ways; that crest-jewel of great heroes afflicted him in the battle.

Verse 4 (padma.5.64.4)

सुरथं विरथं चक्रे बाणैर्दशभिरुच्छिखैः । धनुश्चिच्छेद तरसा सुदृढं गुणपूरितम्

surathaṁ virathaṁ cakre bāṇairdaśabhirucchikhaiḥ dhanuściccheda tarasā sudṛḍhaṁ guṇapūritam

He rendered Suratha chariotless with ten blazing arrows, and swiftly cut down his sturdy, well-strung bow.

Verse 5 (padma.5.64.5)

अस्त्रप्रत्यस्त्रसंहारैः क्षैपणैः प्रतिक्षेपणैः । अभवत्तुमुलं युद्धं वीराणां रोमहर्षणम्

astrapratyastrasaṁhāraiḥ kṣaipaṇaiḥ pratikṣepaṇaiḥ abhavattumulaṁ yuddhaṁ vīrāṇāṁ romaharṣaṇam

With missiles and counter-missiles, blow upon counter-blow, a tumultuous battle arose, one that thrilled the very hair of the heroes.

Verse 6 (padma.5.64.6)

अत्यंतं समरोद्युक्ते सुरथे दुर्जये नृपे । कुशः संचिंतयामास किंकर्तव्यं रणे मया

atyaṁtaṁ samarodyukte surathe durjaye nṛpe kuśaḥ saṁciṁtayāmāsa kiṁkartavyaṁ raṇe mayā

As King Suratha, hard to conquer, pressed on with the greatest zeal in that battle, Kusha thought: "What must I do now in this fight?"

Verse 7 (padma.5.64.7)

विचार्य निशितं घोरं सायकं समुपाददे । हननाय नृपस्यास्य महाबलसमन्वितः

vicārya niśitaṁ ghoraṁ sāyakaṁ samupādade hananāya nṛpasyāsya mahābalasamanvitaḥ

Having considered, filled with strength, he took up a sharp, terrible arrow, for the slaying of this king.

Verse 8 (padma.5.64.8)

तमागतं शरं दृष्ट्वा कालानलसमप्रभम् । छेत्तुं मतिं चकाराशु तावल्लग्नो महाशरः

tamāgataṁ śaraṁ dṛṣṭvā kālānalasamaprabham chettuṁ matiṁ cakārāśu tāvallagno mahāśaraḥ

Seeing that arrow coming, radiant as the fire of dissolution, he resolved at once to cut it down; but even then that great arrow lodged in him.

Verse 9 (padma.5.64.9)

मुमूर्च्छ समरे वीरो महावीरबलस्ततः । पपात स्यंदनोपस्थे सारथिस्तमुपाहरत्

mumūrccha samare vīro mahāvīrabalastataḥ papāta syaṁdanopasthe sārathistamupāharat

That hero, of such great heroic strength, then fell into a swoon in that battle; he collapsed upon his chariot, and his charioteer bore him away.

Verse 10 (padma.5.64.10)

सुरथे पतिते दृष्ट्वा कुशं जयसमन्वितम् । त्रासयंतं वीरगणानियाय पवनात्मजः

surathe patite dṛṣṭvā kuśaṁ jayasamanvitam trāsayaṁtaṁ vīragaṇāniyāya pavanātmajaḥ

Seeing Suratha fallen, and Kusha victorious, terrifying the hosts of heroes, the son of the wind advanced.

Verse 11 (padma.5.64.11)

समीरसूनुं प्रबलमायांतं वीक्ष्य वानरम् । जहास दर्शयन्दंतान्कोपयन्निव तं क्रुधा

samīrasūnuṁ prabalamāyāṁtaṁ vīkṣya vānaram jahāsa darśayandaṁtānkopayanniva taṁ krudhā

Seeing that powerful monkey, the son of the wind, approaching, he laughed, showing his teeth, as though provoking him in fury.

Verse 12 (padma.5.64.12)

उवाच च हनूमंतमेहि त्वं मम संमुखम् । भेत्स्ये बाणसहस्रेण मृतो यास्यसि यामिनीम्

uvāca ca hanūmaṁtamehi tvaṁ mama saṁmukham bhetsye bāṇasahasreṇa mṛto yāsyasi yāminīm

And he said to Hanuman: "Come before me; I shall pierce you with a thousand arrows — dead, you shall pass into the night."

Verse 13 (padma.5.64.13)

इत्युक्तो हनुमाञ्ज्ञात्वा रामसूनुं महाबलम् । स्वामिकार्यं प्रकर्तव्यमिति कृत्वा प्रधावितः

ityukto hanumāñjñātvā rāmasūnuṁ mahābalam svāmikāryaṁ prakartavyamiti kṛtvā pradhāvitaḥ

Thus addressed, Hanuman, knowing him to be Rama's own mighty son, resolved that his lord's task must still be done, and rushed forward.

Verse 14 (padma.5.64.14)

शालमुत्पाट्य तरसा विशालं शतशाखिनम् । कुशं वक्षसि संलक्ष्य ययौ योद्धुं महाबलः

śālamutpāṭya tarasā viśālaṁ śataśākhinam kuśaṁ vakṣasi saṁlakṣya yayau yoddhuṁ mahābalaḥ

Swiftly tearing up a vast Sala tree of a hundred branches, aiming it at Kusha's own chest, that mighty one advanced to do battle.

Verse 15 (padma.5.64.15)

शालहस्तं समायांतं हनूमंतं महाबलम् । त्रिभिः क्षुरप्रैर्विव्याध हृदि चंद्रोपमैर्बली

śālahastaṁ samāyāṁtaṁ hanūmaṁtaṁ mahābalam tribhiḥ kṣuraprairvivyādha hṛdi caṁdropamairbalī

Seeing mighty Hanuman thus coming, Sala tree in hand, that mighty one pierced his chest with three crescent-headed arrows, resembling the moon.

Verse 16 (padma.5.64.16)

स बाणविद्धस्तरसा कुशेन बलशालिना । शालेन हृदि संजघ्ने दंतान्निष्पिष्य मारुतिः

sa bāṇaviddhastarasā kuśena balaśālinā śālena hṛdi saṁjaghne daṁtānniṣpiṣya mārutiḥ

Pierced by that arrow, powerful Maruti, grinding his teeth, struck at once with the Sala tree against Kusha's chest.

Verse 17 (padma.5.64.17)

शालाहतस्तदा बालः किंचिन्नाकंपत स्मयात् । तदा वीराः प्रशंसां तु प्रचक्रुस्तस्य बाल्यतः

śālāhatastadā bālaḥ kiṁcinnākaṁpata smayāt tadā vīrāḥ praśaṁsāṁ tu pracakrustasya bālyataḥ

Struck by that Sala tree, the boy did not tremble in the least, so great was his pride; and the heroes there praised him all the more, for his very youth.

Verse 18 (padma.5.64.18)

स शालेन हतो वीरः संहारास्त्रं समाददे । संहन्तुं वैरिणं कोपात्कुशः स परमास्त्रवित्

sa śālena hato vīraḥ saṁhārāstraṁ samādade saṁhantuṁ vairiṇaṁ kopātkuśaḥ sa paramāstravit

Struck by that Sala tree, Kusha, that hero and master of the supreme weapons, in fury took up the Samhara missile to slay his foe.

Verse 19 (padma.5.64.19)

संहारास्त्रं समालोक्य दुर्जयं कुशमोचितम् । दध्यौ रामं स्वमनसा भक्तविघ्नविनाशकम्

saṁhārāstraṁ samālokya durjayaṁ kuśamocitam dadhyau rāmaṁ svamanasā bhaktavighnavināśakam

Seeing that unconquerable Samhara missile loosed by Kusha, Hanuman meditated in his own mind upon Rama, destroyer of his devotees' every obstacle.

Verse 20 (padma.5.64.20)

तदा मुक्तं कुशेनाशु तदस्त्रं हृदि मारुतेः । लग्नं महाव्यथाकारि तेन मूर्च्छामितः पुनः

tadā muktaṁ kuśenāśu tadastraṁ hṛdi māruteḥ lagnaṁ mahāvyathākāri tena mūrcchāmitaḥ punaḥ

Then that missile, swiftly loosed by Kusha, lodged in Maruti's very heart, bringing the greatest agony; and by it he fell into a swoon once more.

Verse 21 (padma.5.64.21)

मूर्च्छां प्राप्तं तु तं दृष्ट्वा प्लवंगं बलसंयुतः । विव्याध सायकैस्तीक्ष्णैः सैन्यं तत्सकलं महत्

mūrcchāṁ prāptaṁ tu taṁ dṛṣṭvā plavaṁgaṁ balasaṁyutaḥ vivyādha sāyakaistīkṣṇaiḥ sainyaṁ tatsakalaṁ mahat

Seeing that powerful monkey thus fallen senseless, Kusha pierced that whole vast army with sharp arrows.

Verse 22 (padma.5.64.22)

तस्य बाणायुतैर्भग्नं बलं सर्वं रणांगणे । पलायनपरं जातं चतुरंगसमन्वितम्

tasya bāṇāyutairbhagnaṁ balaṁ sarvaṁ raṇāṁgaṇe palāyanaparaṁ jātaṁ caturaṁgasamanvitam

By his ten thousand arrows that whole army of four divisions was broken upon that battlefield, and turned to flight.

Verse 23 (padma.5.64.23)

तदा कपिपतिः कोपात्सुग्रीवो रक्षको महान् । अभ्यधावन्नगान्नैकानुत्पाट्य कुशमुद्भटम्

tadā kapipatiḥ kopātsugrīvo rakṣako mahān abhyadhāvannagānnaikānutpāṭya kuśamudbhaṭam

Then Sugriva, that great guardian, lord of monkeys, in fury tore up many mountains and rushed toward defiant Kusha.

Verse 24 (padma.5.64.24)

कुशः सर्वान्प्रचिच्छेद लीलया प्रहसन्नगान् । पुनरप्यागतान्वृक्षांश्चिच्छेद तरसा बली

kuśaḥ sarvānpraciccheda līlayā prahasannagān punarapyāgatānvṛkṣāṁściccheda tarasā balī

Kusha, laughing in mere play, cut down every one of those mountains; and whatever trees came at him after, that mighty one swiftly cut down as well.

Verse 25 (padma.5.64.25)

अनेकबाणव्यथितः सुग्रीवः समरांगणे । जग्राह पर्वतं घोरं कुशमस्तकमध्यतः

anekabāṇavyathitaḥ sugrīvaḥ samarāṁgaṇe jagrāha parvataṁ ghoraṁ kuśamastakamadhyataḥ

Afflicted by countless arrows upon that battlefield, Sugriva seized a terrible mountain, taking aim at Kusha's very head.

Verse 26 (padma.5.64.26)

कुशस्तं नगमायांतं वीक्ष्य बाणैरनेकधा । निष्पिपेष चकाराशु महारुद्रांगयोग्यताम्

kuśastaṁ nagamāyāṁtaṁ vīkṣya bāṇairanekadhā niṣpipeṣa cakārāśu mahārudrāṁgayogyatām

Seeing that mountain coming, Kusha, with many arrows, swiftly pulverized it, leaving it fit for nothing more than the ash upon great Rudra's own body.

Verse 27 (padma.5.64.27)

सुग्रीवस्तन्महत्कर्म दृष्ट्वा बालेन निर्मितम् । जयाशाप्रतिनिर्वृत्तो बभूव समरांगणे

sugrīvastanmahatkarma dṛṣṭvā bālena nirmitam jayāśāpratinirvṛtto babhūva samarāṁgaṇe

Sugriva, seeing that great feat wrought by the mere boy, turned away there upon that battlefield from every hope of victory.

Verse 28 (padma.5.64.28)

रणमध्ये दुराक्रांतं कुशं लांगूलताडकम् । अत्यमर्षीरुषाक्रांतस्तं हंतुं नगमाददे

raṇamadhye durākrāṁtaṁ kuśaṁ lāṁgūlatāḍakam atyamarṣīruṣākrāṁtastaṁ haṁtuṁ nagamādade

Seeing Kusha unconquerable in the midst of that battle, proof even against blows of the tail, seized by an unbearable fury, he took up a mountain still to slay him.

Verse 29 (padma.5.64.29)

आत्मानं हंतुमुद्युक्तं वीक्ष्य सुग्रीवमादरात् । ताडयामास बहुभिः सायकैः शितपर्वभिः

ātmānaṁ haṁtumudyuktaṁ vīkṣya sugrīvamādarāt tāḍayāmāsa bahubhiḥ sāyakaiḥ śitaparvabhiḥ

Seeing Sugriva so intent upon slaying him, Kusha, out of respect for him, struck him nonetheless with many sharp, well-jointed arrows.

Verse 30 (padma.5.64.30)

स ताडितो बहुविधैः शरैः पीडासमन्वितः । कुशं हंतुं समारब्धो ययौ शालं समाददे

sa tāḍito bahuvidhaiḥ śaraiḥ pīḍāsamanvitaḥ kuśaṁ haṁtuṁ samārabdho yayau śālaṁ samādade

Struck by those arrows of every kind, in pain though he was, he still set out to slay Kusha, and took up a Sala tree once more.

Verse 31 (padma.5.64.31)

तदापि च कुशो वीरो वारुणास्त्रं समाददे । बबंध तं च पाशेन दृढेन स लवाग्रजः

tadāpi ca kuśo vīro vāruṇāstraṁ samādade babaṁdha taṁ ca pāśena dṛḍhena sa lavāgrajaḥ

Then Kusha, that hero, raised the Varuna missile against him too, and Lava's elder brother bound him fast with a strong noose.

Verse 32 (padma.5.64.32)

स बद्धः पाशकैः स्निग्धैः कुशेन बलशालिना । पपात रणमध्ये वै महावीरैरलंकृते

sa baddhaḥ pāśakaiḥ snigdhaiḥ kuśena balaśālinā papāta raṇamadhye vai mahāvīrairalaṁkṛte

Bound by mighty Kusha in those firm fetters, he fell in the midst of that battle, adorned as it was with such great heroes.

Verse 33 (padma.5.64.33)

सुग्रीवं पतितं दृष्ट्वा वीराः सर्वत्र दुद्रुवुः । जयमाप लवभ्राता महावीरशिरोमणिः

sugrīvaṁ patitaṁ dṛṣṭvā vīrāḥ sarvatra dudruvuḥ jayamāpa lavabhrātā mahāvīraśiromaṇiḥ

Seeing Sugriva fallen, the heroes fled on every side; and Lava's brother, that crest-jewel of great heroes, won the victory.

Verse 34 (padma.5.64.34)

तावल्लवो भटाञ्जित्वा पुष्कलं चांगदं तथा । प्रतापाग्र्यं वीरमणिं तथान्यानपि भूभुजः

tāvallavo bhaṭāñjitvā puṣkalaṁ cāṁgadaṁ tathā pratāpāgryaṁ vīramaṇiṁ tathānyānapi bhūbhujaḥ

Meanwhile Lava had conquered a host of warriors — Pushkala and Angada, Pratapagrya, Viramani, and other kings besides —

Verse 35 (padma.5.64.35)

जयं प्राप्य रणे वीरो लवो भ्रातरमागमत् । संग्रामे जयकर्तारं वैरिकोटिनिपातकम्

jayaṁ prāpya raṇe vīro lavo bhrātaramāgamat saṁgrāme jayakartāraṁ vairikoṭinipātakam

— and, having won victory in that battle, that hero came now to his own brother, who had likewise triumphed, felling millions of foes.

Verse 36 (padma.5.64.36)

परस्परं प्रहृषितौ परिरंभं प्रकुर्वतः । जयं प्राप्तौ तदा वार्तां मुने चक्रतुरुन्मदौ

parasparaṁ prahṛṣitau pariraṁbhaṁ prakurvataḥ jayaṁ prāptau tadā vārtāṁ mune cakraturunmadau

Delighted together, embracing one another, victorious both, O sage, they then spoke to one another, brimming with exuberant joy.

Verse 37 (padma.5.64.37)

लव उवाच। भ्रातस्तव प्रसादेन निस्तीर्णो रणतोयधिः । इदानीं वीररणकं शोधयावः सुशोभितम्

lava uvāca bhrātastava prasādena nistīrṇo raṇatoyadhiḥ idānīṁ vīraraṇakaṁ śodhayāvaḥ suśobhitam

Lava said: "Brother, by your grace I have crossed this ocean of battle; now come, let us clear this splendid field of every last hero."

Verse 38 (padma.5.64.38)

इत्युक्त्वा त्वरितं वीरो जग्मतुस्तौ कुशीलवौ । राज्ञो मौलिमणिं चित्रं जग्राह कनकाचितम्

ityuktvā tvaritaṁ vīro jagmatustau kuśīlavau rājño maulimaṇiṁ citraṁ jagrāha kanakācitam

Having spoken thus, those two heroes, Kusha and Lava, went swiftly, and took the king's own wondrous, gold-set crest-jewel.

Verse 39 (padma.5.64.39)

पुष्कलस्य लवो वीरो जग्राह मुकुटं शुभम् । अंगदे च महानर्घ्ये शत्रुघ्नस्यापरस्य च

puṣkalasya lavo vīro jagrāha mukuṭaṁ śubham aṁgade ca mahānarghye śatrughnasyāparasya ca

The hero Lava took Pushkala's own auspicious crown, and the priceless armlets of Angada and of the other, Shatrughna —

Verse 40 (padma.5.64.40)

गृहीत्वा शस्त्रसंघातं हनूमंतं कपीश्वरम् । सुग्रीवं सविधे गत्वा उभावपि बबंधतुः

gṛhītvā śastrasaṁghātaṁ hanūmaṁtaṁ kapīśvaram sugrīvaṁ savidhe gatvā ubhāvapi babaṁdhatuḥ

— and, taking up the whole array of weapons, going to the side of Hanuman, lord of monkeys, and of Sugriva, they bound both of them fast.

Verse 41 (padma.5.64.41)

पुच्छे वायुसुतस्यायं गृहीत्वा तु कुशानुजः । भ्रातरं प्रत्युवाचेदं नेष्यामि स्वकमंदिरम्

pucche vāyusutasyāyaṁ gṛhītvā tu kuśānujaḥ bhrātaraṁ pratyuvācedaṁ neṣyāmi svakamaṁdiram

Kusha's younger brother, seizing the tail of the son of the wind, said this to his brother: "I shall take him to our own dwelling —"

Verse 42 (padma.5.64.42)

आवयोर्जननी प्रीत्यै गृहीत्वा पुच्छके त्वहम् । क्रीडार्थमृषिपुत्राणां कौतुकार्थं ममैव च

āvayorjananī prītyai gṛhītvā pucchake tvaham krīḍārthamṛṣiputrāṇāṁ kautukārthaṁ mamaiva ca

"— for our mother's own delight, holding him by the tail; for the sport of the sages' sons, and for my own curiosity too."

Verse 43 (padma.5.64.43)

एतच्छ्रुत्वा ततो वाक्यमुवाच च कुशो लवम् । अहमेनं ग्रहीष्यामि वानरं बलिनं दृढम्

etacchrutvā tato vākyamuvāca ca kuśo lavam ahamenaṁ grahīṣyāmi vānaraṁ balinaṁ dṛḍham

Hearing this, Kusha then said this word to Lava: "I myself shall take this powerful, resolute monkey."

Verse 44 (padma.5.64.44)

इत्येवं भाषमाणौ तौ बद्ध्वा तौ बलिनां वरौ । पुच्छयोर्बलिनौ धृत्वा जग्मतुः स्वाश्रमं प्रति

ityevaṁ bhāṣamāṇau tau baddhvā tau balināṁ varau pucchayorbalinau dhṛtvā jagmatuḥ svāśramaṁ prati

Speaking thus, those two finest among the mighty, having bound the two monkeys, holding both of those powerful ones by the tail, set out toward their own hermitage.

Verse 45 (padma.5.64.45)

स्वाश्रमाय प्रगच्छंतौ वीक्ष्य तौ कपिसत्तमौ । कंपमानौ जगदतुरन्योन्यं भीतया गिरा

svāśramāya pragacchaṁtau vīkṣya tau kapisattamau kaṁpamānau jagadaturanyonyaṁ bhītayā girā

Seeing themselves, those two finest of monkeys, thus carried toward the hermitage, trembling, they said to one another in fearful voices —

Verse 46 (padma.5.64.46)

हनूमान्कपिराजानं प्रत्युवाच भयार्द्रधीः । एतौ रामसुतावस्मान्नेष्यतः स्वाश्रमं प्रति

hanūmānkapirājānaṁ pratyuvāca bhayārdradhīḥ etau rāmasutāvasmānneṣyataḥ svāśramaṁ prati

Hanuman, his mind sodden with fear, said to the king of monkeys: "These two, sons of Rama, are carrying us off toward their own hermitage."

Verse 47 (padma.5.64.47)

मया पूर्वं कृतं कर्म जानकीं प्रतिगच्छता । तत्र मे जानकी देवी संमुखाभून्मनोहरा

mayā pūrvaṁ kṛtaṁ karma jānakīṁ pratigacchatā tatra me jānakī devī saṁmukhābhūnmanoharā

"Once before, when I went in search of Janaki, carrying out that very mission, the goddess Janaki, so lovely, came before me there —"

Verse 48 (padma.5.64.48)

सा मां द्रक्ष्यति वैदेही बद्धं पाशेन वैरिणा । तदा हसिष्यति वरा त्रपा मेऽत्र भविष्यति

sā māṁ drakṣyati vaidehī baddhaṁ pāśena vairiṇā tadā hasiṣyati varā trapā me'tra bhaviṣyati

"— and now that same Vaidehi will see me bound in an enemy's fetters; that finest of women will laugh, and I shall know shame before her here."

Verse 49 (padma.5.64.49)

मया किमत्र कर्तव्यं प्राणत्यागो भविष्यति । महद्दुःखं चापतितं स रामः किं करिष्यति

mayā kimatra kartavyaṁ prāṇatyāgo bhaviṣyati mahadduḥkhaṁ cāpatitaṁ sa rāmaḥ kiṁ kariṣyati

"What am I to do here? Only the giving up of my life remains; this is a great sorrow that has fallen upon me — what will Rama do now?"

Verse 50 (padma.5.64.50)

सुग्रीवस्तद्वचः श्रुत्वा ममाप्येवं महाकपे । नेष्यते यदि मामेवं निधनं तु भविष्यति

sugrīvastadvacaḥ śrutvā mamāpyevaṁ mahākape neṣyate yadi māmevaṁ nidhanaṁ tu bhaviṣyati

Hearing his word, Sugriva said: "It is the same for me too, great monkey; if I am carried off in just this way, then death alone awaits me as well."

Verse 51 (padma.5.64.51)

एवं कथयतोरेव ह्यन्योन्यं भयभीतयोः । कुशो लवश्च भवनं मातुः प्रापतुरोजसा

evaṁ kathayatoreva hyanyonyaṁ bhayabhītayoḥ kuśo lavaśca bhavanaṁ mātuḥ prāpaturojasā

As they spoke thus to one another, both filled with fear, Kusha and Lava, with all their vigor, reached their mother's own dwelling.

Verse 52 (padma.5.64.52)

तावायातौ समीक्ष्यैव जहर्ष जननी तयोः । अन्योन्यं परमप्रीत्या परिरेभे निजौ सुतौ

tāvāyātau samīkṣyaiva jaharṣa jananī tayoḥ anyonyaṁ paramaprītyā parirebhe nijau sutau

Seeing them arrived, their mother rejoiced; with the greatest love she embraced her own two sons, each in turn.

Verse 53 (padma.5.64.53)

ताभ्यां पुच्छगृहीतौ तौ वानरौ वीक्ष्य जानकी । हनूमंतं च सुग्रीवं सर्ववीरं कपीश्वरम्

tābhyāṁ pucchagṛhītau tau vānarau vīkṣya jānakī hanūmaṁtaṁ ca sugrīvaṁ sarvavīraṁ kapīśvaram

Seeing those two monkeys held by the tail by her own sons — Hanuman, and Sugriva, foremost lord of all the monkeys — Janaki —

Verse 54 (padma.5.64.54)

जहास पाशबद्धौ तौ वीक्षमाणा वरांगना । उवाच च विमोक्षार्थं वदंती वचनं वरम्

jahāsa pāśabaddhau tau vīkṣamāṇā varāṁganā uvāca ca vimokṣārthaṁ vadaṁtī vacanaṁ varam

— that excellent woman, seeing them thus bound in their fetters, laughed, and, for the sake of their release, spoke this fine word —

Verse 55 (padma.5.64.55)

पुत्रौ प्रमुंचतं कीशौ महावीरौ महाबलौ । ईक्षंतौ मां यदि स्फीतौ प्राणत्यागं करिष्यतः

putrau pramuṁcataṁ kīśau mahāvīrau mahābalau īkṣaṁtau māṁ yadi sphītau prāṇatyāgaṁ kariṣyataḥ

"Release these monkeys, my sons — both are great heroes, and mighty; if these two, so eminent, go on watching me like this, they will surely give up their very lives."

Verse 56 (padma.5.64.56)

अयं वै हनुमान्वीरो यो ददाह दनोः पुरीम् । अयमप्यृक्षराजो हि सर्ववानरभूमिपः

ayaṁ vai hanumānvīro yo dadāha danoḥ purīm ayamapyṛkṣarājo hi sarvavānarabhūmipaḥ

"This here is the hero Hanuman, who once burned that demon city to the ground; and this one is the king of bears — no, the very lord of the earth among all monkeys."

Verse 57 (padma.5.64.57)

किमर्थं विधृतौ कुत्र किं वा कृतमनादरात् । पुच्छे युवाभ्यां विधृतौ स महान्विस्मयोऽस्ति मे

kimarthaṁ vidhṛtau kutra kiṁ vā kṛtamanādarāt pucche yuvābhyāṁ vidhṛtau sa mahānvismayo'sti me

"Why, and where, have you held them thus? Or what have you done to them out of disrespect? That the two of you should hold them by the tail is a great wonder to me."

Verse 58 (padma.5.64.58)

इति मातुर्वचः श्लक्ष्णं वीक्ष्यतां पुत्रकौ तदा । ऊचतुर्विनयश्रेष्ठौ महाबलसमन्वितौ

iti māturvacaḥ ślakṣṇaṁ vīkṣyatāṁ putrakau tadā ūcaturvinayaśreṣṭhau mahābalasamanvitau

Hearing this gentle word of their mother, those two sons, endowed with the greatest strength, foremost in courtesy, replied —

Verse 59 (padma.5.64.59)

मातः कश्चन भूपालो रामो दाशरथिर्बली । तेन मुक्तो हयः स्वर्णभालपत्रः सुशोभितः

mātaḥ kaścana bhūpālo rāmo dāśarathirbalī tena mukto hayaḥ svarṇabhālapatraḥ suśobhitaḥ

"Mother, a certain king, mighty Rama, son of Dasharatha — he it was who released this horse, bearing a golden plate upon its forehead, most lovely."

Verse 60 (padma.5.64.60)

तत्रैवं लिखितं मातरेकवीराप्रसूर्मम । ये क्षत्रियास्ते गृह्णन्तु नोचेत्पादतलार्चकाः

tatraivaṁ likhitaṁ mātarekavīrāprasūrmama ye kṣatriyāste gṛhṇantu nocetpādatalārcakāḥ

"There, mother, was written this: 'Only kshatriyas born of a single heroic mother may claim it; otherwise let them become worshippers of my very feet.'"

Verse 61 (padma.5.64.61)

तदा मया विचारो वै कृतः स्वांते पतिव्रते । भवती क्षत्रिया किं न वीरसूः किं न वा भवेत्

tadā mayā vicāro vai kṛtaḥ svāṁte pativrate bhavatī kṣatriyā kiṁ na vīrasūḥ kiṁ na vā bhavet

"Then I pondered within my own mind: O devoted wife, are you not a kshatriya woman? Are you not the mother of a hero — or are you not?"

Verse 62 (padma.5.64.62)

धार्ष्ट्यं तद्वीक्ष्य भूपस्य गृहीतोऽश्वो मया बलात् । जितं कुशेन वीरेण सैन्यं तत्पातितं रणे

dhārṣṭyaṁ tadvīkṣya bhūpasya gṛhīto'śvo mayā balāt jitaṁ kuśena vīreṇa sainyaṁ tatpātitaṁ raṇe

"Seeing the king's own audacity, I seized the horse by force; and the hero Kusha conquered that army, and cast it down in battle."

Verse 63 (padma.5.64.63)

मुकुटोऽयं भूमिपतेर्जानीहि पतिदेवते । अयमप्यन्यवीरस्य पुष्कलस्य महात्मनः

mukuṭo'yaṁ bhūmipaterjānīhi patidevate ayamapyanyavīrasya puṣkalasya mahātmanaḥ

"Know, O devoted wife, that this crown belongs to that lord of the earth; and this other one belongs to another hero, great-souled Pushkala."

Verse 64 (padma.5.64.64)

जानीहि मुकुटं त्वन्यं मणिमुक्ताविराजितम् । अश्वोऽयं मे मनोहारी कामयानो हि भूपतेः

jānīhi mukuṭaṁ tvanyaṁ maṇimuktāvirājitam aśvo'yaṁ me manohārī kāmayāno hi bhūpateḥ

"Know this other crown too, resplendent with jewels and pearls; and this lovely horse is that same king's own willing steed —"

Verse 65 (padma.5.64.65)

आरोहणाय मद्भ्रातुर्जानीहि बलिनो वरे । इमौ कीशौ मया रंतुमानीतौ बलिनां वरौ

ārohaṇāya madbhrāturjānīhi balino vare imau kīśau mayā raṁtumānītau balināṁ varau

"— brought here for my own brother to ride, O finest of the mighty. These two monkeys, finest among the strong, I have brought for my own sport —"

Verse 66 (padma.5.64.66)

कौतुकार्थं तवैवैतौ संग्रामे युद्धकारकौ । इति वाक्यं समाकर्ण्य जानकी पतिदेवता

kautukārthaṁ tavaivaitau saṁgrāme yuddhakārakau iti vākyaṁ samākarṇya jānakī patidevatā

"— and for your own curiosity's sake, these two, warriors of that very battle." Hearing this word, devoted Janaki —

Verse 67 (padma.5.64.67)

जगाद पुत्रौ तौ वीरौ मोचयेथां पुनः पुनः । सीतोवाच। युवाभ्यामनयः सृष्टो हृतो रामहयो महान्

jagāda putrau tau vīrau mocayethāṁ punaḥ punaḥ sītovāca yuvābhyāmanayaḥ sṛṣṭo hṛto rāmahayo mahān

— said again and again to those two heroic sons: "Release them." Sita said: "The two of you have done this wrong — you have carried off Rama's own great horse."

Verse 68 (padma.5.64.68)

अनेके पातिता वीरा इमौ बद्धौ कपीश्वरौ । पितुस्तव हयो वीरो यागार्थं मोचितोऽमुना

aneke pātitā vīrā imau baddhau kapīśvarau pitustava hayo vīro yāgārthaṁ mocito'munā

"Many heroes have been struck down; these two lords of monkeys lie bound; and this heroic horse of your own father, released for the sacrifice by this mighty king —"

Verse 69 (padma.5.64.69)

तस्यापि हृतवंतौ किं वाजिनं मखसत्तमे । मुंचतं प्लवगावेतौ मुंचतं वाजिनां वरम्

tasyāpi hṛtavaṁtau kiṁ vājinaṁ makhasattame muṁcataṁ plavagāvetau muṁcataṁ vājināṁ varam

"— have the two of you carried that off too, from that finest of sacrifices? Release these monkeys, and release this finest of horses."

Verse 70 (padma.5.64.70)

क्षाम्यतां भूपतेर्भ्राता शत्रुघ्नः परकोपनः । जनन्यास्तद्वचः श्रुत्वा ऊचतुस्तां बलान्वितौ

kṣāmyatāṁ bhūpaterbhrātā śatrughnaḥ parakopanaḥ jananyāstadvacaḥ śrutvā ūcatustāṁ balānvitau

"Forgive Shatrughna, the lord of the earth's own brother, that scorcher of foes." Hearing their mother's word, those two powerful sons said to her —

Verse 71 (padma.5.64.71)

क्षात्रधर्मेण तं भूपं जितवंतौ बलान्वितम् । नास्माकमनयोर्भावि क्षात्रधर्मेण युध्यताम्

kṣātradharmeṇa taṁ bhūpaṁ jitavaṁtau balānvitam nāsmākamanayorbhāvi kṣātradharmeṇa yudhyatām

"By the very duty of kshatriyas have we conquered that mighty king; fighting as we do by the duty of kshatriyas, it is not fitting for us to do otherwise."

Verse 72 (padma.5.64.72)

वाल्मीकिना पुरा प्रोक्तमस्माकं पठतां पुरः

vālmīkinā purā proktamasmākaṁ paṭhatāṁ puraḥ

"This was told to us once before by Valmiki, recited in our very presence —"

Verse 73 (padma.5.64.73)

कण्वस्याश्रमकेवाहं धृत्वा यागक्रियोचितम् । तस्मात्सुतः स्वपित्रापि युध्येद्भ्रात्रापि चानुजः

kaṇvasyāśramakevāhaṁ dhṛtvā yāgakriyocitam tasmātsutaḥ svapitrāpi yudhyedbhrātrāpi cānujaḥ

"'— at Kanva's hermitage, having taken up what belongs to a rite of sacrifice, a son may fight even his own father, and a younger brother his own elder —'"

Verse 74 (padma.5.64.74)

गुरुणा शिष्य एवापि तस्मान्नो पापसंभवः । त्वदाज्ञातो ऽधुना चावां दास्यावो हयमुत्तमम्

guruṇā śiṣya evāpi tasmānno pāpasaṁbhavaḥ tvadājñāto 'dhunā cāvāṁ dāsyāvo hayamuttamam

"'— even a disciple against his own guru; and so there is no sin in this for us.' Now, at your own command, we shall give up this finest of horses."

Verse 75 (padma.5.64.75)

मोक्ष्यावः कीशावेतौ हि करिष्यावो वचस्तव । इत्युक्त्वा मातरं वीरौ गतौ रणे कपीश्वरौ

mokṣyāvaḥ kīśāvetau hi kariṣyāvo vacastava ityuktvā mātaraṁ vīrau gatau raṇe kapīśvarau

"We shall free these two monkeys; we shall do just as you say." Having spoken thus to their mother, those two heroes went to the lords of monkeys upon the battlefield —

Verse 76 (padma.5.64.76)

अमुंचतां हयं चापि हयमेधक्रियोचितम् । सीतादेवी स्वपुत्राभ्यां श्रुत्वा सैन्यं निपातितम्

amuṁcatāṁ hayaṁ cāpi hayamedhakriyocitam sītādevī svaputrābhyāṁ śrutvā sainyaṁ nipātitam

— and released that horse, fit once more for the sacrifice. The goddess Sita, hearing from her two sons that the whole army had been struck down —

Verse 77 (padma.5.64.77)

श्रीरामं मनसा ध्यात्वा भानुमैक्षत साक्षिणम् । यद्यहं मनसा वाचा कर्मणा रघुनायकम्

śrīrāmaṁ manasā dhyātvā bhānumaikṣata sākṣiṇam yadyahaṁ manasā vācā karmaṇā raghunāyakam

— meditating upon Shri Rama in her own mind, looked to the sun as witness: "If I, in mind, speech, and deed, worship none but the lord of the Raghus —"

Verse 78 (padma.5.64.78)

भजामि नान्यं मनसा तर्हि जीवेदयं नृपः । सैन्यं चापि महत्सर्वं यन्नाशितमिदं बलात्

bhajāmi nānyaṁ manasā tarhi jīvedayaṁ nṛpaḥ sainyaṁ cāpi mahatsarvaṁ yannāśitamidaṁ balāt

"— and give my heart to no other — then let this king live again; and let this whole great army, destroyed as it was by force —"

Verse 79 (padma.5.64.79)

पुत्राभ्यां तत्तु जीवेत मत्सत्याज्जगतांपते । इति यावद्वचो ब्रूते जानकीपतिदेवता

putrābhyāṁ tattu jīveta matsatyājjagatāṁpate iti yāvadvaco brūte jānakīpatidevatā

"— live once more, through my own sons, by the very power of my truth, O lord of the worlds!" Even as devoted Janaki was still speaking this word —

Verse 80 (padma.5.64.80)

तावद्बलं च तत्सर्वं जीवितं रणमूर्द्धनि

tāvadbalaṁ ca tatsarvaṁ jīvitaṁ raṇamūrddhani

— that entire army, there at the head of the battlefield, rose up again, alive.