Sumati's Report

Verse 1 (padma.5.65.1)

शेष उवाच। क्षणान्मूर्च्छां जहौ वीरः शत्रुघ्नः समरांगणे । अन्येऽपि वीराबलिनो मूर्च्छां प्राप्ताः सुजीविताः

śeṣa uvāca kṣaṇānmūrcchāṁ jahau vīraḥ śatrughnaḥ samarāṁgaṇe anye'pi vīrābalino mūrcchāṁ prāptāḥ sujīvitāḥ

Shesha said: The hero Shatrughna, in an instant, cast off his swoon upon that battlefield; the other mighty heroes too, freed from their swoons, came alive once more.

Verse 2 (padma.5.65.2)

शत्रुघ्नो वाजिनां श्रेष्ठं ददर्श पुरतः स्थितम् । आत्मानं च शिरस्त्राणरहितं सैन्यजीवितम्

śatrughno vājināṁ śreṣṭhaṁ dadarśa purataḥ sthitam ātmānaṁ ca śirastrāṇarahitaṁ sainyajīvitam

Shatrughna saw that finest of horses standing before him, and found himself without his helmet, and his army alive once more.

Verse 3 (padma.5.65.3)

वीक्ष्य चित्रमिदं स्वांते चकारच जगाद ह । सुमतिं मंत्रिणां श्रेष्ठं मूर्च्छाविरहितं तदा

vīkṣya citramidaṁ svāṁte cakāraca jagāda ha sumatiṁ maṁtriṇāṁ śreṣṭhaṁ mūrcchāvirahitaṁ tadā

Seeing this wonder, astonished at heart, he then spoke to Sumati, foremost of ministers, who himself had already come free of his swoon.

Verse 4 (padma.5.65.4)

कृपां कृत्वा हयं प्रादाद्बालो यज्ञस्य पूर्तये । गच्छाम रामं तरसा हयागमनकांक्षिणम्

kṛpāṁ kṛtvā hayaṁ prādādbālo yajñasya pūrtaye gacchāma rāmaṁ tarasā hayāgamanakāṁkṣiṇam

"Showing mercy, that boy has given the horse over for the completion of the sacrifice; let us go swiftly now to Rama, who eagerly awaits the horse's own return."

Verse 5 (padma.5.65.5)

इत्युक्त्वा स रथे स्थित्वा हयमादाय वेगतः । ययौ तदाश्रमाद्दूरं भेरीशंखविवर्जितः

ityuktvā sa rathe sthitvā hayamādāya vegataḥ yayau tadāśramāddūraṁ bherīśaṁkhavivarjitaḥ

Having spoken thus, mounting his chariot and taking the horse, he set out with speed, far from that hermitage, without drums or conches sounding.

Verse 6 (padma.5.65.6)

तत्पृष्ठतो महासैन्यं चतुरंगसमन्वितम् । चचाल कुर्वन्संभग्नं स्वभारेण फणीश्वरम्

tatpṛṣṭhato mahāsainyaṁ caturaṁgasamanvitam cacāla kurvansaṁbhagnaṁ svabhāreṇa phaṇīśvaram

Behind him marched that great army of four divisions, its very weight enough to make even the lord of serpents tremble.

Verse 7 (padma.5.65.7)

जवेन जाह्नवीं तीर्त्वा कल्लोलजलशालिनीम् । जगाम विषये स्वीये स्वकीयजनशोभिते

javena jāhnavīṁ tīrtvā kallolajalaśālinīm jagāma viṣaye svīye svakīyajanaśobhite

Swiftly crossing the Ganga, resplendent with its rippling waters, he came into his own realm, adorned by his own people.

Verse 8 (padma.5.65.8)

पुष्कलेन युतो राजा सुरथेन समन्वितः । रथे मणिमये तिष्ठन्महत्कोदंडधारकः

puṣkalena yuto rājā surathena samanvitaḥ rathe maṇimaye tiṣṭhanmahatkodaṁḍadhārakaḥ

The king, together with Pushkala and accompanied by Suratha, standing upon his jewelled chariot, his great bow in hand —

Verse 9 (padma.5.65.9)

हयं तं पुरतः कृत्वा रत्नमालाविभूषितम् । श्वेतातपत्रं तस्यैव मूर्ध्नि चामरभूषितम्

hayaṁ taṁ purataḥ kṛtvā ratnamālāvibhūṣitam śvetātapatraṁ tasyaiva mūrdhni cāmarabhūṣitam

— placing before him that horse, adorned with a garland of jewels, a white parasol above its head, resplendent with chowries —

Verse 10 (padma.5.65.10)

अनेकरथसाहस्रैः परितो बलिभिर्नृपैः । उद्यत्कोदंडललितैर्वीरनादविभूषितैः

anekarathasāhasraiḥ parito balibhirnṛpaiḥ udyatkodaṁḍalalitairvīranādavibhūṣitaiḥ

— surrounded by many thousands of chariots and mighty kings, resplendent with bows held aloft, adorned by the very roar of heroes —

Verse 11 (padma.5.65.11)

क्रमेण नगरीं प्राप सूर्यवंशविभूषिताम् । अनेकैः केतुभिः श्रेष्ठैर्भूषितां दुर्गराजिताम्

krameṇa nagarīṁ prāpa sūryavaṁśavibhūṣitām anekaiḥ ketubhiḥ śreṣṭhairbhūṣitāṁ durgarājitām

— in due course he reached that city, adorned by the solar dynasty, made lovely by many fine banners, resplendent with its own fortress.

Verse 12 (padma.5.65.12)

रामः श्रुत्वा हयं प्राप्तं शत्रुघ्नेन सहामुना । पुष्कलेन च वीरेण ययौ हर्षमनेकधा

rāmaḥ śrutvā hayaṁ prāptaṁ śatrughnena sahāmunā puṣkalena ca vīreṇa yayau harṣamanekadhā

Rama, hearing that the horse had returned, together with Shatrughna and the hero Pushkala, was filled with the greatest joy.

Verse 13 (padma.5.65.13)

कटकं निर्दिदेशासौ चतुरंगं महाबलम् । लक्ष्मणं प्रेषयामास भ्रातरं बलिनां वरम्

kaṭakaṁ nirdideśāsau caturaṁgaṁ mahābalam lakṣmaṇaṁ preṣayāmāsa bhrātaraṁ balināṁ varam

He gave command to that mighty army of four divisions, and sent Lakshmana, his own brother, finest of the mighty, to receive them.

Verse 14 (padma.5.65.14)

लक्ष्मणः सैन्यसहितो गत्वा भ्रातरमागतम् । परिरेभे मुदाक्रांतः क्षतशोभितगात्रकम्

lakṣmaṇaḥ sainyasahito gatvā bhrātaramāgatam parirebhe mudākrāṁtaḥ kṣataśobhitagātrakam

Lakshmana, together with the army, went and, filled with joy, embraced his brother now arrived, his body resplendent with its wounds.

Verse 15 (padma.5.65.15)

सर्वत्र कुशलं पृष्टो वार्तां चात्र चकार सः । परमं हर्षमापन्नः शत्रुघ्नः संगतो मुदा

sarvatra kuśalaṁ pṛṣṭo vārtāṁ cātra cakāra saḥ paramaṁ harṣamāpannaḥ śatrughnaḥ saṁgato mudā

Asked of everyone's welfare on every side, he gave the full account there; and meeting him, Shatrughna was filled with the greatest delight.

Verse 16 (padma.5.65.16)

सौमित्रिः स्वरथे स्थित्वा भ्रात्रा सह महामनाः । सैन्येन महता वीरो ययौ स्वनगरीं प्रति

saumitriḥ svarathe sthitvā bhrātrā saha mahāmanāḥ sainyena mahatā vīro yayau svanagarīṁ prati

Sumitra's son, great-souled, standing upon his own chariot together with his brother, that hero set out, with the great army, toward his own city.

Verse 17 (padma.5.65.17)

सरयूः पुण्यसलिला पवित्रित जगत्त्रया । रामपादरजः पूता शरच्चंद्रसमप्रभा

sarayūḥ puṇyasalilā pavitrita jagattrayā rāmapādarajaḥ pūtā śaraccaṁdrasamaprabhā

That Sarayu, its waters sacred, purifying the three worlds, hallowed by the dust of Rama's own feet, radiant as the autumn moon —

Verse 18 (padma.5.65.18)

हंसकारंडवाकीर्णा चक्रवाकोपशोभिता । विचित्रतरवर्णैश्च पक्षिभिर्नादिता भृशम्

haṁsakāraṁḍavākīrṇā cakravākopaśobhitā vicitrataravarṇaiśca pakṣibhirnāditā bhṛśam

— thronged with swans and karandava birds, adorned by chakravaka birds, ringing loudly with the cries of birds of every varied hue.

Verse 19 (padma.5.65.19)

मंडपास्तत्र बहुशो रामचंद्रेणकारिताः । ब्राह्मणानां वेदविदां पृथक्पाठनिनादकाः

maṁḍapāstatra bahuśo rāmacaṁdreṇakāritāḥ brāhmaṇānāṁ vedavidāṁ pṛthakpāṭhaninādakāḥ

There stood many pavilions, raised by Ramachandra himself, resounding with the separate recitations of brahmins learned in the Veda.

Verse 20 (padma.5.65.20)

क्षत्रियास्तत्र बहवो धनुःपाणि सुशोभिताः । ज्याटंकारेण बहुना नादयंतो महीतलम्

kṣatriyāstatra bahavo dhanuḥpāṇi suśobhitāḥ jyāṭaṁkāreṇa bahunā nādayaṁto mahītalam

There many kshatriyas, bows in hand, stood resplendent, filling the earth with the great twang of their own bowstrings.

Verse 21 (padma.5.65.21)

भुंजते ब्राह्मणा यत्र विचित्रान्नैर्मनोहरैः । परस्परं प्रपश्यंतो वार्तां चक्रुर्मनोहराम्

bhuṁjate brāhmaṇā yatra vicitrānnairmanoharaiḥ parasparaṁ prapaśyaṁto vārtāṁ cakrurmanoharām

Where the brahmins, eating delicious dishes of every kind, looked upon one another and spoke lovely words together —

Verse 22 (padma.5.65.22)

पायसान्नानि शुभ्राणि चंद्रकांतिसमानि च । क्षीराज्यबहुयुक्तानि शर्करामिश्रितानि च

pāyasānnāni śubhrāṇi caṁdrakāṁtisamāni ca kṣīrājyabahuyuktāni śarkarāmiśritāni ca

— white rice-puddings, radiant as the moon, rich with milk and ghee, blended with sugar —

Verse 23 (padma.5.65.23)

अपूपास्तत्र बहुलाश्चंद्रबिंबसमाः श्रिया । कर्पूरादिसुगंधेन वासिताः सुमनोहराः

apūpāstatra bahulāścaṁdrabiṁbasamāḥ śriyā karpūrādisugaṁdhena vāsitāḥ sumanoharāḥ

— there were breads in plenty, lovely as the very disc of the moon, perfumed with camphor and other fragrances, most delightful —

Verse 24 (padma.5.65.24)

फेनिकाघटकाः स्निग्धाः शतच्छिद्रा विरंध्रकाः । शष्कुल्यो मंडकामृष्टा मधुरान्नसमन्विताः

phenikāghaṭakāḥ snigdhāḥ śatacchidrā viraṁdhrakāḥ śaṣkulyo maṁḍakāmṛṣṭā madhurānnasamanvitāḥ

— soft, glistening pastries riddled with a hundred holes and free of flaw; sweets and clean cakes, filled through with delicious fare —

Verse 25 (padma.5.65.25)

भक्तं कुमुदसंकाशं मुद्गदालिविमिश्रितम् । सुगंधेन समायुक्तमत्यंतं प्रीतिदायकम्

bhaktaṁ kumudasaṁkāśaṁ mudgadālivimiśritam sugaṁdhena samāyuktamatyaṁtaṁ prītidāyakam

— rice like the water-lily, mixed with heaps of mung-bean, fragrant, and giving the greatest delight —

Verse 26 (padma.5.65.26)

ओदनो दधिना युक्तो भीमसेनसमन्वितः । स्वादुपाककरैः सृष्टः पात्रे मुक्तः प्रवेषकैः

odano dadhinā yukto bhīmasenasamanvitaḥ svādupākakaraiḥ sṛṣṭaḥ pātre muktaḥ praveṣakaiḥ

— rice mixed with curd, prepared by cooks skilled in savory art, poured out from vessels by the servers there —

Verse 27 (padma.5.65.27)

तत्र केचिद्द्विजाः पात्रे निक्षिप्तं वीक्ष्य पायसम् । परस्परं ते प्रत्यूचुः किमिदं दृश्यतेऽद्भुतम्

tatra keciddvijāḥ pātre nikṣiptaṁ vīkṣya pāyasam parasparaṁ te pratyūcuḥ kimidaṁ dṛśyate'dbhutam

There some brahmins, seeing the rice-pudding set in their vessels, said to one another: "What wondrous thing is this appearing here?"

Verse 28 (padma.5.65.28)

किं चंद्रबिंबं नभसः पतितं तमसो भयात् । अमृतं तु भवत्यत्र मृत्युनाशकमद्भुतम्

kiṁ caṁdrabiṁbaṁ nabhasaḥ patitaṁ tamaso bhayāt amṛtaṁ tu bhavatyatra mṛtyunāśakamadbhutam

"Has the moon's own disc fallen from the sky, in fear of darkness? Here it has become a wondrous nectar, destroyer of death itself."

Verse 29 (padma.5.65.29)

तच्छ्रुत्वा रोषताम्राक्षः प्रोवाचान्यो द्विजोत्तमः । नभवत्येव चंद्रस्य बिंबं त्वमृतविप्लुतम्

tacchrutvā roṣatāmrākṣaḥ provācānyo dvijottamaḥ nabhavatyeva caṁdrasya biṁbaṁ tvamṛtaviplutam

Hearing this, another foremost brahmin, his eyes red with anger, said: "This cannot be the moon's own disc, overflowing with nectar."

Verse 30 (padma.5.65.30)

एकमिंदोर्वपुस्त्वेतद्दृश्यते सदृशं कथम् । ब्राह्मणानां सहस्रस्य पात्रे पात्रे पृथक्पृथक्

ekamiṁdorvapustvetaddṛśyate sadṛśaṁ katham brāhmaṇānāṁ sahasrasya pātre pātre pṛthakpṛthak

"The moon's body is but one — how could it appear thus, alike, in vessel after vessel, before a thousand brahmins?"

Verse 31 (padma.5.65.31)

ततो जानीहि कुमुदं कर्पूरं वा भविष्यति । मा जानीहि मृगांकस्य बिंबं शुभ्रश्रियान्वितम्

tato jānīhi kumudaṁ karpūraṁ vā bhaviṣyati mā jānīhi mṛgāṁkasya biṁbaṁ śubhraśriyānvitam

"Know it instead for a water-lily, or perhaps camphor; do not take it for the disc of the deer-marked moon, radiant with its own pure splendor."

Verse 32 (padma.5.65.32)

तावदन्यो रुषाक्रांतो धुन्वन्स्वं मस्तकं तथा । न जानंति द्विजा मूढाः स्वादुज्ञाना विचक्षणाः

tāvadanyo ruṣākrāṁto dhunvansvaṁ mastakaṁ tathā na jānaṁti dvijā mūḍhāḥ svādujñānā vicakṣaṇāḥ

Then another, seized with anger, shaking his own head, said: "These foolish brahmins do not know — they are skilled only in the knowing of tastes."

Verse 33 (padma.5.65.33)

इदं तु क्षौद्रकंदस्यरसेन परिपाचितम् । जानीहि शतपत्रस्य पुष्पाणि मधुराणि च

idaṁ tu kṣaudrakaṁdasyarasena paripācitam jānīhi śatapatrasya puṣpāṇi madhurāṇi ca

"This is cooked with nothing but the essence of the honey-root; know it for the sweet flowers of the lotus."

Verse 34 (padma.5.65.34)

एवं परस्परं विप्राः कंदमूलफलाशिनः । तर्कयंति मुने प्रीता रसज्ञानेऽतिलोलुपाः

evaṁ parasparaṁ viprāḥ kaṁdamūlaphalāśinaḥ tarkayaṁti mune prītā rasajñāne'tilolupāḥ

O sage, thus those brahmins, eaters of roots, bulbs, and fruit, delighted, exceedingly eager for the knowledge of taste, fell to arguing among themselves.

Verse 35 (padma.5.65.35)

तावदन्यो द्विजः प्राह क्षत्त्रियाणां वरं जनुः । भोक्ष्यंते तादृशं त्वन्नं महत्पुण्यैरुपस्कृतम्

tāvadanyo dvijaḥ prāha kṣattriyāṇāṁ varaṁ januḥ bhokṣyaṁte tādṛśaṁ tvannaṁ mahatpuṇyairupaskṛtam

Then another brahmin said: "Kshatriyas, finest among births — they alone shall eat food such as this, brought about by such great merit."

Verse 36 (padma.5.65.36)

तदा तं प्राब्रवीद्विप्रो दत्तस्य फलमीदृशम् । ये ददत्यग्रजन्मभ्यः प्राप्नुवंति त ईप्सितम्

tadā taṁ prābravīdvipro dattasya phalamīdṛśam ye dadatyagrajanmabhyaḥ prāpnuvaṁti ta īpsitam

Then a brahmin said to him: "Such indeed is the fruit of giving; those who give to the twice-born attain whatever they desire."

Verse 37 (padma.5.65.37)

यैरर्चितो नैव हरिर्नैवेद्यैर्विविधैर्मुहुः । तेषामेतादृशं भोज्यं न भवेदक्षिगोचरम्

yairarcito naiva harirnaivedyairvividhairmuhuḥ teṣāmetādṛśaṁ bhojyaṁ na bhavedakṣigocaram

"Those who have not, time and again, worshipped Hari with offerings of every kind — for them such food never even comes within sight."

Verse 38 (padma.5.65.38)

यैर्नरैरग्रजन्मानो भोजिता विविधै रसैः । भुंजते ते स्वादुरसं पापिनां चक्षुरुज्झितम्

yairnarairagrajanmāno bhojitā vividhai rasaiḥ bhuṁjate te svādurasaṁ pāpināṁ cakṣurujjhitam

"Those men who have fed the twice-born with dishes of every flavor — they alone enjoy this sweet essence; for sinners it remains forever unseen."

Verse 39 (padma.5.65.39)

एवंविधैरसैर्मिष्टैर्भोजिता द्विजसत्तमाः । मंडपे विपठंतस्ते शब्दब्रह्मविचक्षणाः

evaṁvidhairasairmiṣṭairbhojitā dvijasattamāḥ maṁḍape vipaṭhaṁtaste śabdabrahmavicakṣaṇāḥ

Fed thus with such sweet fare, those foremost brahmins, skilled in the science of sacred sound, reciting there in that pavilion —

Verse 40 (padma.5.65.40)

नृत्यंत्येके हसन्त्येके नदन्त्येके प्रहर्षिताः । उत्सवो बहुरुद्भाति तत्र शत्रुघ्न आगमत्

nṛtyaṁtyeke hasantyeke nadantyeke praharṣitāḥ utsavo bahurudbhāti tatra śatrughna āgamat

— some began to dance, some to laugh, some, delighted, to shout aloud; a great festival shone forth there, just as Shatrughna arrived.

Verse 41 (padma.5.65.41)

रामः शत्रुघ्नमायांतं पुष्कलेन समन्वितम् । निरीक्ष्यमुदमुद्भूतां रक्षितुं नाशकत्तदा

rāmaḥ śatrughnamāyāṁtaṁ puṣkalena samanvitam nirīkṣyamudamudbhūtāṁ rakṣituṁ nāśakattadā

Rama, seeing Shatrughna arriving together with Pushkala, could not that moment contain the joy that welled up within him.

Verse 42 (padma.5.65.42)

यावदुत्तिष्ठते रामो भ्रातरं हयपालकम् । तावद्रामपदेलग्नः शत्रुघ्नो भ्रातृवत्सलः

yāvaduttiṣṭhate rāmo bhrātaraṁ hayapālakam tāvadrāmapadelagnaḥ śatrughno bhrātṛvatsalaḥ

Even as Rama moved to raise up his brother, guardian of the horse, that brother, devoted to him, fell already at Rama's very feet.

Verse 43 (padma.5.65.43)

पादयोः पतितं वीक्ष्य भ्रातरं विनयान्वितम् । परिरेभे दृढं प्रीतः क्षतसंशोभितांगकम्

pādayoḥ patitaṁ vīkṣya bhrātaraṁ vinayānvitam parirebhe dṛḍhaṁ prītaḥ kṣatasaṁśobhitāṁgakam

Seeing his own humble brother fallen at his feet, he embraced him firmly, delighted, his very limbs resplendent with wounds.

Verse 44 (padma.5.65.44)

अश्रूणि बहुधा मुंचन्हर्षाच्छिरसि राघवः । अत्यंतं परमां प्राप मुदं वचनदूरगाम्

aśrūṇi bahudhā muṁcanharṣācchirasi rāghavaḥ atyaṁtaṁ paramāṁ prāpa mudaṁ vacanadūragām

Shedding many tears of joy upon his head, Raghava was filled with a supreme delight that lay beyond the reach of words.

Verse 45 (padma.5.65.45)

पुष्कलं स्वीयपदयोर्नम्रं विनयविह्वलः । सुदृढं भुजयोर्मध्ये विनीयापीडयद्भृशम्

puṣkalaṁ svīyapadayornamraṁ vinayavihvalaḥ sudṛḍhaṁ bhujayormadhye vinīyāpīḍayadbhṛśam

Pushkala, overcome with courtesy, bowed at his feet, he pressed firmly between his own two arms, embracing him again and again.

Verse 46 (padma.5.65.46)

हनूमंतं तथा वीरं सुग्रीवं चांगदं तथा । लक्ष्मीनिधिं जनकजं प्रतापाग्र्यं रिपुंजयम्

hanūmaṁtaṁ tathā vīraṁ sugrīvaṁ cāṁgadaṁ tathā lakṣmīnidhiṁ janakajaṁ pratāpāgryaṁ ripuṁjayam

Likewise the hero Hanuman, and Sugriva, and Angada, Lakshminidhi, that scion of Janaka's line, Pratapagrya, Ripunjaya —

Verse 47 (padma.5.65.47)

सुबाहुं सुमदं वीरं विमलं नीलरत्नकम् । सत्यवंतं वीरमणिं सुरथं रामसेवकम्

subāhuṁ sumadaṁ vīraṁ vimalaṁ nīlaratnakam satyavaṁtaṁ vīramaṇiṁ surathaṁ rāmasevakam

— the hero Subahu, Sumada, Vimala, Nilaratna, Satyavan, Viramani, and Suratha, servant of Rama —

Verse 48 (padma.5.65.48)

अन्यानपि महाभागान्रघुनाथः स्वयं तदा । परिरेभे दृढं स्निग्धान्पादयोः प्रणतान्नृपान्

anyānapi mahābhāgānraghunāthaḥ svayaṁ tadā parirebhe dṛḍhaṁ snigdhānpādayoḥ praṇatānnṛpān

— and other fortunate ones besides, Raghunatha himself embraced firmly, with affection, all those kings bowed at his own feet.

Verse 49 (padma.5.65.49)

सुमतिः श्रीरघुपतिं भक्तानुग्रहकारकम् । परिरभ्य दृढं प्रीतः संमुखे तिष्ठदुन्नतः

sumatiḥ śrīraghupatiṁ bhaktānugrahakārakam parirabhya dṛḍhaṁ prītaḥ saṁmukhe tiṣṭhadunnataḥ

Sumati, embracing Shri Raghupati, gracious as he is to his devotees, firmly and with delight, stood there resolute before him.

Verse 50 (padma.5.65.50)

तदा रामो निजामात्यं वीक्ष्य सान्निध्यमागतम् । उवाच परमप्रीत्या मंत्रिणं वदतां वरः

tadā rāmo nijāmātyaṁ vīkṣya sānnidhyamāgatam uvāca paramaprītyā maṁtriṇaṁ vadatāṁ varaḥ

Then Rama, seeing his own minister come near, said with the greatest affection to that minister, foremost among speakers —

Verse 51 (padma.5.65.51)

सुमते मंत्रिणां श्रेष्ठ शंश मे वाग्मिनां वर । क एते भूमिपाः सर्वे कथमत्र समागताः

sumate maṁtriṇāṁ śreṣṭha śaṁśa me vāgmināṁ vara ka ete bhūmipāḥ sarve kathamatra samāgatāḥ

"O Sumati, foremost of ministers, finest of eloquent speakers, tell me — who are all these kings, and how have they come to be here?"

Verse 52 (padma.5.65.52)

कुत्रकुत्र हयः प्राप्तः केनकेन नियंत्रितः । कथं वै मोचितो भ्रात्रा महाबलसुशालिना

kutrakutra hayaḥ prāptaḥ kenakena niyaṁtritaḥ kathaṁ vai mocito bhrātrā mahābalasuśālinā

"Where, in each place, was the horse seized, and by whom in turn was it held? And how, at last, was it freed by my own so mighty brother?"

Verse 53 (padma.5.65.53)

शेष उवाच। इत्युक्तो मंत्रिणां श्रेष्ठः सुमतिः प्राह राघवम् । प्रहसन्मेघगंभीर नादेन च सुबुद्धिमान्

śeṣa uvāca ityukto maṁtriṇāṁ śreṣṭhaḥ sumatiḥ prāha rāghavam prahasanmeghagaṁbhīra nādena ca subuddhimān

Shesha said: Thus questioned, wise Sumati, foremost of ministers, laughing, said to Raghava in a voice deep as thunder —

Verse 54 (padma.5.65.54)

सुमतिरुवाच। सर्वज्ञस्य पुरस्तेऽद्य मया कथमुदीर्यते । पृच्छसि त्वं लोकरीत्या सर्वं जानासि सर्वदृक्

sumatiruvāca sarvajñasya puraste'dya mayā kathamudīryate pṛcchasi tvaṁ lokarītyā sarvaṁ jānāsi sarvadṛk

Sumati said: "How am I now to speak before you, the all-knowing one? You ask only in the manner of the world — you, who see all, already know everything."

Verse 55 (padma.5.65.55)

तथापि तव निर्देशं शिरस्याधाय सर्वदा । ब्रवीमि तच्छृणुष्वाद्य सर्वराजशिरोमणे

tathāpi tava nirdeśaṁ śirasyādhāya sarvadā bravīmi tacchṛṇuṣvādya sarvarājaśiromaṇe

"Nevertheless, ever holding your command upon my head, I speak now — hear it, O crest-jewel of all kings."

Verse 56 (padma.5.65.56)

त्वत्प्रसादादहो स्वामिन्सर्वत्र जगतीतले । परिबभ्राम ते वाहो भालपत्रसुशोभितः

tvatprasādādaho svāminsarvatra jagatītale paribabhrāma te vāho bhālapatrasuśobhitaḥ

"By your own grace, my lord, that horse of yours, resplendent with its forehead-plate, wandered everywhere across this earth."

Verse 57 (padma.5.65.57)

न कश्चित्तं निजग्राह स्वनामबलदर्पितः । स्वं स्वं राज्यं समर्प्याथ प्रणेमुस्ते पदांबुजम्

na kaścittaṁ nijagrāha svanāmabaladarpitaḥ svaṁ svaṁ rājyaṁ samarpyātha praṇemuste padāṁbujam

"No one, proud of his own name and strength, ever seized it; each, offering up his own kingdom, bowed instead at your lotus-feet."

Verse 58 (padma.5.65.58)

को वा रावण दैत्येंद्र निहंतुर्वाजिसत्तमम् । गृह्णाति विजयाकांक्षी जरामरणवर्जितः

ko vā rāvaṇa daityeṁdra nihaṁturvājisattamam gṛhṇāti vijayākāṁkṣī jarāmaraṇavarjitaḥ

"Who indeed, desiring victory, would dare seize the finest horse of him who slew Ravana, and who is free of age and death alike?"

Verse 59 (padma.5.65.59)

अहिच्छत्रां गतस्तावत्तव वाजी मनोरमः । तद्राजा सुमदः श्रुत्वा हयं प्राप्तं तव प्रभो

ahicchatrāṁ gatastāvattava vājī manoramaḥ tadrājā sumadaḥ śrutvā hayaṁ prāptaṁ tava prabho

"Your own lovely horse then went to Ahichhatra; and there, my lord, King Sumada, hearing that your horse had come —"

Verse 60 (padma.5.65.60)

सपुत्रः प्रबलः सर्वसैन्येन बलिना वृतः । सर्वं समर्पयामास राज्यं निहतकंटकम्

saputraḥ prabalaḥ sarvasainyena balinā vṛtaḥ sarvaṁ samarpayāmāsa rājyaṁ nihatakaṁṭakam

"— together with his son, mighty, surrounded by his entire powerful army, gave over his whole kingdom, cleared now of every thorn."

Verse 61 (padma.5.65.61)

यो राजा जगतां नेत्रीं मातरं जगदंबिकाम् । प्रसाद्य चिरमायुष्यं लेभे राज्यमकंटकम्

yo rājā jagatāṁ netrīṁ mātaraṁ jagadaṁbikām prasādya ciramāyuṣyaṁ lebhe rājyamakaṁṭakam

"That king, having propitiated the mother of the worlds, guide of all beings, obtained thereby a long life and a kingdom free of every thorn."

Verse 62 (padma.5.65.62)

स एष त्वां प्रणमति सुमदः प्रभुसेवितम् । तं गृहाण कृपादृष्ट्या चिराद्दर्शनकांक्षकम्

sa eṣa tvāṁ praṇamati sumadaḥ prabhusevitam taṁ gṛhāṇa kṛpādṛṣṭyā cirāddarśanakāṁkṣakam

"This same Sumada, served by his own lord, bows before you now; longing for your very darshan for so long, accept him with a glance of grace."

Verse 63 (padma.5.65.63)

ततः सुबाहुभूपस्य नगरे बलपूरिते । दमनस्तस्य वै पुत्रः प्रजग्राह हयोत्तमम्

tataḥ subāhubhūpasya nagare balapūrite damanastasya vai putraḥ prajagrāha hayottamam

"Then, in the mighty city of King Subahu, his own son Damana seized that finest of horses."

Verse 64 (padma.5.65.64)

तेन साकं महद्युद्धं बभूव दमनेन च । पुष्कलो जयमापेदे संमूर्छ्य सुभुजात्मजम्

tena sākaṁ mahadyuddhaṁ babhūva damanena ca puṣkalo jayamāpede saṁmūrchya subhujātmajam

"A great battle followed with that Damana; and Pushkala, casting Subahu's own son into a swoon, won the victory."

Verse 65 (padma.5.65.65)

ततः सुबाहुः संक्रुद्धो रणे पवनजं बलात् । युयुधे तव पादाब्जसेवकं बलिनां वरम्

tataḥ subāhuḥ saṁkruddho raṇe pavanajaṁ balāt yuyudhe tava pādābjasevakaṁ balināṁ varam

"Then Subahu, enraged, fought by force in that battle against the son of the wind, that servant of your own lotus-feet, finest among the mighty."

Verse 66 (padma.5.65.66)

तस्य पादाहतो ज्ञानं प्राप्य शापतिरस्कृतम् । तुभ्यं समर्प्य सकलं वाजिनः पालकोऽभवत्

tasya pādāhato jñānaṁ prāpya śāpatiraskṛtam tubhyaṁ samarpya sakalaṁ vājinaḥ pālako'bhavat

"Struck by his very feet, and gaining thereby knowledge freed from a curse, he gave over everything to you, and became the horse's own guardian."

Verse 67 (padma.5.65.67)

एष त्वां सुभुजो राजा प्रणमत्युन्नतांगकः । कृपादृष्ट्याभिषिंच त्वं सुबाहुं नयकोविदम्

eṣa tvāṁ subhujo rājā praṇamatyunnatāṁgakaḥ kṛpādṛṣṭyābhiṣiṁca tvaṁ subāhuṁ nayakovidam

"This King Subahu, of such exalted bearing, bows before you now; anoint him, O one skilled in statecraft, with a glance of grace."

Verse 68 (padma.5.65.68)

ततो मुक्तो हयो रेवाह्रदे स निममज्ज ह । तत्र प्राप्तं मोहनास्त्रं शत्रुघ्नेन बलीयसा

tato mukto hayo revāhrade sa nimamajja ha tatra prāptaṁ mohanāstraṁ śatrughnena balīyasā

"Then, released, the horse plunged into the waters of the Reva; and there mighty Shatrughna obtained the Mohana missile."

Verse 69 (padma.5.65.69)

ततो देवपुरे प्रागाच्छिववासविभूषिते । तत्रत्यं तु विजानासि यतस्त्वं तत्र चागतः

tato devapure prāgācchivavāsavibhūṣite tatratyaṁ tu vijānāsi yatastvaṁ tatra cāgataḥ

"Then it went to that city of the gods, resplendent with Shiva's own dwelling; what happened there you yourself already know, since you yourself went there."

Verse 70 (padma.5.65.70)

विद्युन्माली हतो दैत्यः सत्यवान्संगतस्ततः । सुरथेन समं युद्धं जानासि त्वं महामते

vidyunmālī hato daityaḥ satyavānsaṁgatastataḥ surathena samaṁ yuddhaṁ jānāsi tvaṁ mahāmate

"There the demon Vidyunmali was slain, and Satyavan joined us then; and you know too, O great-minded one, of the battle we waged with Suratha."

Verse 71 (padma.5.65.71)

ततः कुंडलकान्मुक्तो हयो बभ्राम सर्वतः । न कश्चित्तं निजग्राह स्ववीर्यबलदर्पितः

tataḥ kuṁḍalakānmukto hayo babhrāma sarvataḥ na kaścittaṁ nijagrāha svavīryabaladarpitaḥ

"Then, freed from Kundalaka, the horse wandered on everywhere; no one, proud of his own valor and strength, seized it there either."

Verse 72 (padma.5.65.72)

वाल्मीकेराश्रमे रम्ये हयः प्राप्तो मनोरमः । तत्र यत्कुतुकं जातं तच्छृणुष्व नरोत्तम

vālmīkerāśrame ramye hayaḥ prāpto manoramaḥ tatra yatkutukaṁ jātaṁ tacchṛṇuṣva narottama

"At Valmiki's own lovely hermitage that most delightful horse at last arrived; hear now, O best of men, what wonder took place there."

Verse 73 (padma.5.65.73)

तत्रार्भस्तव सारूप्यं बिभ्रत्षोडशवार्षिकः । जग्राह वीक्ष्य पत्रांकं वाजिनं बलवत्तमः

tatrārbhastava sārūpyaṁ bibhratṣoḍaśavārṣikaḥ jagrāha vīkṣya patrāṁkaṁ vājinaṁ balavattamaḥ

"There a most powerful boy of sixteen years, bearing your own very likeness, seized the horse, having read that plate upon it."

Verse 74 (padma.5.65.74)

तत्र कालजिता युद्धं महज्जातं नरोत्तम । निहतस्तेन वीरेण शितधारेण हेतिना

tatra kālajitā yuddhaṁ mahajjātaṁ narottama nihatastena vīreṇa śitadhāreṇa hetinā

"There, O best of men, a great battle took place with Kalajit; and he was slain by that hero with a sharp-edged weapon."

Verse 75 (padma.5.65.75)

अनेके निहताः संख्ये पुष्कलाद्या महाबलाः । मूर्च्छितं चापि शत्रुघ्नं चक्रे वीरशिरोमणिः

aneke nihatāḥ saṁkhye puṣkalādyā mahābalāḥ mūrcchitaṁ cāpi śatrughnaṁ cakre vīraśiromaṇiḥ

"Many mighty heroes — Pushkala and the rest — were slain in that battle; and that crest-jewel of heroes cast even Shatrughna himself into a swoon."

Verse 76 (padma.5.65.76)

तदा राजा महद्दुःखं विचार्य हृदिसंयुगे । कोपेन मूर्च्छितं चक्रे वीरो हि बलिनां वरः

tadā rājā mahadduḥkhaṁ vicārya hṛdisaṁyuge kopena mūrcchitaṁ cakre vīro hi balināṁ varaḥ

"Then, weighing that great sorrow in his own heart amid the fighting, that hero, finest of the mighty, in fury cast Shatrughna into a swoon once more."

Verse 77 (padma.5.65.77)

स यावन्मूर्च्छितो राज्ञा तावदन्यः समागतः । तेनैतेन च संजीव्य नाशितं कटकं तव

sa yāvanmūrcchito rājñā tāvadanyaḥ samāgataḥ tenaitena ca saṁjīvya nāśitaṁ kaṭakaṁ tava

"While Shatrughna still lay senseless by that boy's hand, another arrived as well; and these two together, rallying anew, went on to destroy your entire army."

Verse 78 (padma.5.65.78)

सर्वेषां मूर्च्छितानां तु शस्त्राण्याभरणानि च । गृहीत्वा वानरौ बद्धौ जग्मतुः स्वाश्रमं प्रति

sarveṣāṁ mūrcchitānāṁ tu śastrāṇyābharaṇāni ca gṛhītvā vānarau baddhau jagmatuḥ svāśramaṁ prati

"Taking the weapons and ornaments of all who lay senseless there, and binding the two lords of monkeys, they went off toward their own hermitage."

Verse 79 (padma.5.65.79)

कृपां कृत्वा पुनस्तेन दत्तोऽश्वो यज्ञियो महान् । जीवनं प्रापितं सर्वं कटकं नष्टजीवितम्

kṛpāṁ kṛtvā punastena datto'śvo yajñiyo mahān jīvanaṁ prāpitaṁ sarvaṁ kaṭakaṁ naṣṭajīvitam

"Then, showing mercy once again, that great sacrificial horse was given back by him; and that entire army, whose very lives had been lost, was granted life anew."

Verse 80 (padma.5.65.80)

वयं गृहीत्वा तं वाहं प्राप्तास्तव समीपतः । एतदेव मया ज्ञातं तदुक्तं ते पुरोवचः

vayaṁ gṛhītvā taṁ vāhaṁ prāptāstava samīpataḥ etadeva mayā jñātaṁ taduktaṁ te purovacaḥ

"Taking that horse, we have come here now into your presence; this is all I have known — and this I have told you, exactly as it happened before."