The Tale of Chitra

Verse 1 (padma.5.92.1)

सूत उवाच-। इति तस्य वचः श्रुत्वा नारदस्य स भूपतिः । प्रणम्य विस्मितः प्राहचिंतयन्मनसा हरिम्

sūta uvāca- iti tasya vacaḥ śrutvā nāradasya sa bhūpatiḥ praṇamya vismitaḥ prāhaciṁtayanmanasā harim

Suta said: "Hearing these words of Narada, that king, bowing, astonished, spoke, contemplating Hari in his mind."

Verse 2 (padma.5.92.2)

अंबरीष उवाच-। कथमेतद्विमुह्यामः स्वल्पायासेन यन्मुने । शूद्रः पापसमाचारो लेभे ब्राह्मण्यमुत्तमम्

aṁbarīṣa uvāca- kathametadvimuhyāmaḥ svalpāyāsena yanmune śūdraḥ pāpasamācāro lebhe brāhmaṇyamuttamam

Ambarisha said: "How is it that we are bewildered, O sage, that with so little effort, a shudra of sinful conduct obtained supreme brahminhood?"

Verse 3 (padma.5.92.3)

ब्राह्मण्यं दुर्ल्लभं तात सुकृतैर्विविधैरपि । कथं माधवमासस्य स्नानेनैवाप सोऽधमः

brāhmaṇyaṁ durllabhaṁ tāta sukṛtairvividhairapi kathaṁ mādhavamāsasya snānenaivāpa so'dhamaḥ

"Brahminhood is hard to attain, father, even through manifold good deeds; how did that base one obtain it merely through the bath of the month of Madhava?"

Verse 4 (padma.5.92.4)

न यज्ञदानैर्न तपोभिरुग्रैर्न पुण्यसंज्ञैरपरैरपीश । अस्मादृशो भूपतयोऽर्थवंतो न ते लभंतेऽवनिदैवतत्वम्

na yajñadānairna tapobhirugrairna puṇyasaṁjñairaparairapīśa asmādṛśo bhūpatayo'rthavaṁto na te labhaṁte'vanidaivatatvam

"Not through sacrifices and gifts, not through severe austerities, nor through other acts called meritorious, O Lord — kings like us, though wealthy, do not obtain the state of an earthly deity."

Verse 5 (padma.5.92.5)

स गाधिसूनुर्विविधं तपोऽपि चिरंविधायानिशमेव घोरम् । कृच्छ्रेण लेभे शतवर्षपूर्णैरहो कथंचिद्बहुभिः प्रयत्नैः

sa gādhisūnurvividhaṁ tapo'pi ciraṁvidhāyāniśameva ghoram kṛcchreṇa lebhe śatavarṣapūrṇairaho kathaṁcidbahubhiḥ prayatnaiḥ

"That son of Gadhi too, having performed manifold austerity, terrible, unceasing, for a long time, obtained it only with difficulty, after a full hundred years, through many efforts, somehow."

Verse 6 (padma.5.92.6)

कथं स वर्णाधम एष पापः स्वधर्महीनो धनवान दाता । पुण्यादनायासकृतादमुष्मादल्पादिहावाप स रामतत्त्वम्

kathaṁ sa varṇādhama eṣa pāpaḥ svadharmahīno dhanavāna dātā puṇyādanāyāsakṛtādamuṣmādalpādihāvāpa sa rāmatattvam

"How then did this basest of varnas, this sinner, devoid of his own dharma, though wealthy and a giver, obtain the very truth of Rama through such a small, effortless merit as this?"

Verse 7 (padma.5.92.7)

नारद उवाच-। सत्यमुक्तं त्वया राजन्ब्राह्मण्यमतिदुर्ल्लभम् । तथापि गतयः सूक्ष्मा दुर्ज्ञेया धर्मतत्त्वतः

nārada uvāca- satyamuktaṁ tvayā rājanbrāhmaṇyamatidurllabham tathāpi gatayaḥ sūkṣmā durjñeyā dharmatattvataḥ

Narada said: "True is what you have said, O king — brahminhood is exceedingly rare; nevertheless, the ways of dharma are subtle, hard to know from the very truth of dharma."

Verse 8 (padma.5.92.8)

विचित्राणि च कर्माणि विचित्रा भूतभावना । विचित्राणि च भूतानि विचित्राः कर्मशक्तयः

vicitrāṇi ca karmāṇi vicitrā bhūtabhāvanā vicitrāṇi ca bhūtāni vicitrāḥ karmaśaktayaḥ

"Manifold are deeds, manifold the dispositions of beings; manifold are creatures, manifold the powers of karma."

Verse 9 (padma.5.92.9)

कदाचित्सुकृतं कर्म कूटस्थं यदवापि तम् । केनचित्कर्मणा भूप शुभेन परिवर्धते

kadācitsukṛtaṁ karma kūṭasthaṁ yadavāpi tam kenacitkarmaṇā bhūpa śubhena parivardhate

"Sometimes a meritorious deed, standing fixed like an anvil, once obtained, is increased by some other auspicious deed, O king,"

Verse 10 (padma.5.92.10)

फलं ददाति सुमहत्तस्मिन्नपि च जन्मनि । धर्मो गहनसूक्ष्मोऽयं नीयते न यथा तथा

phalaṁ dadāti sumahattasminnapi ca janmani dharmo gahanasūkṣmo'yaṁ nīyate na yathā tathā

"and gives a very great fruit, even in that same birth; this dharma is deep and subtle, not led in just any way."

Verse 11 (padma.5.92.11)

न तस्य फलदानस्य श्रूयते कालनिश्चयः । यत्किंचित्सुकृतं कर्मच्छन्नं पापांतरैरपि

na tasya phaladānasya śrūyate kālaniścayaḥ yatkiṁcitsukṛtaṁ karmacchannaṁ pāpāṁtarairapi

"No fixed time for the giving of that fruit is heard; whatever meritorious deed, even hidden amid other sins,"

Verse 12 (padma.5.92.12)

तदागत्य कुतः क्वापि सुफलं च प्रयच्छति । कृतस्य नेह नाशोस्ति पुण्यस्य दुरितस्य च

tadāgatya kutaḥ kvāpi suphalaṁ ca prayacchati kṛtasya neha nāśosti puṇyasya duritasya ca

"having come from somewhere, at some point, yields its good fruit. There is no destruction here of what is done, whether merit or sin;"

Verse 13 (padma.5.92.13)

तथापि बहुभिः पुण्यैर्दुरितं याति दारुणम् । यदुक्तं भवता राजन्नायासाधिक्यतो भवेत्

tathāpi bahubhiḥ puṇyairduritaṁ yāti dāruṇam yaduktaṁ bhavatā rājannāyāsādhikyato bhavet

"yet, through abundant merit, terrible sin can pass away. What you said, O king, about a fruit that arises from an excess of effort —"

Verse 14 (padma.5.92.14)

तत्फलं तत्र तत्रापि शृणु सत्यं मयोदितम् । अनायासमहायासौ यद्यल्पत्व महत्त्वयोः

tatphalaṁ tatra tatrāpi śṛṇu satyaṁ mayoditam anāyāsamahāyāsau yadyalpatva mahattvayoḥ

"that fruit, here and there too — hear the truth as declared by me. Whether little or great effort correspond to little or great merit —"

Verse 15 (padma.5.92.15)

महाव्रतास्ततस्ते स्युः सततं कर्मकादयः । सिंहव्याघ्रादिमूत्रादौ प्रयासा बहुलास्ततः

mahāvratāstataste syuḥ satataṁ karmakādayaḥ siṁhavyāghrādimūtrādau prayāsā bahulāstataḥ

"if that were so, then those constantly engaged in ritual actions and the like would be men of great vows; and from the urine of lions, tigers and the like, effort would be abundant, therefore —"

Verse 16 (padma.5.92.16)

पंचगव्यप्रशस्तत्वं व्रतमध्ये ततो भवेत् । इति कर्तव्यबाहुल्यं महत्त्वं चेत्तदल्पता

paṁcagavyapraśastatvaṁ vratamadhye tato bhavet iti kartavyabāhulyaṁ mahattvaṁ cettadalpatā

"the excellence of panchagavya would then be counted among vows. Thus the abundance of duties, and if that were greatness, then its absence would be smallness —"

Verse 17 (padma.5.92.17)

जलाग्न्यादिप्रवेशस्य प्रसज्येत व्रतांतरात् । इदमल्पं महत्त्वं तदिति नैव नियामकः

jalāgnyādipraveśasya prasajyeta vratāṁtarāt idamalpaṁ mahattvaṁ taditi naiva niyāmakaḥ

"it would follow that entering water, fire and the like would be greater, from a different vow; that this is small and that is great — this is not the determining rule."

Verse 18 (padma.5.92.18)

फलं यथोदितं शास्त्रे तदेव स्यान्महोदयम् । यथाल्पनाशो महता महन्नाशस्तथाल्पतः

phalaṁ yathoditaṁ śāstre tadeva syānmahodayam yathālpanāśo mahatā mahannāśastathālpataḥ

"Whatever fruit is declared in scripture, that alone would be the great result; just as a small thing is destroyed by a great one, so too a great thing by a small one."

Verse 19 (padma.5.92.19)

किंत्वल्पविस्फुलिंगेन तृणनाशः प्रदृश्यते । अजामिलोऽपि भूपाल दास्याः पतिरिति स्मृतः

kiṁtvalpavisphuliṁgena tṛṇanāśaḥ pradṛśyate ajāmilo'pi bhūpāla dāsyāḥ patiriti smṛtaḥ

"But indeed the destruction of straw is seen from even a tiny spark. Ajamila too, O king, is remembered as the husband of a slave-girl,"

Verse 20 (padma.5.92.20)

धर्मपत्नीपरित्यागी नित्यं पापपथिस्थितः । म्रियमाणः सुताह्वानं चक्रे नारायणेति च

dharmapatnīparityāgī nityaṁ pāpapathisthitaḥ mriyamāṇaḥ sutāhvānaṁ cakre nārāyaṇeti ca

"who had abandoned his righteous wife, ever established on the path of sin; while dying, he called out to his son, uttering the name 'Narayana' —"

Verse 21 (padma.5.92.21)

तथा यन्नामग्रहणात्पदं लेभे सुदुर्ल्लभम् । अनिच्छयापि दहति स्पृष्टो हुतवहो यथा

tathā yannāmagrahaṇātpadaṁ lebhe sudurllabham anicchayāpi dahati spṛṣṭo hutavaho yathā

"and by that very utterance of the name, he attained an exceedingly rare state. Even unintentionally, fire, once touched, burns;"

Verse 22 (padma.5.92.22)

तथा दहति गोविंदनामव्याजादपीरितम्

tathā dahati goviṁdanāmavyājādapīritam

"so too, even uttered by mistake, the name of Govinda burns away sin."

Verse 23 (padma.5.92.23)

हत्यायुतं शपनहा सहस्रमुग्रं गुर्वंगनाकोटिनिषेवणं च । स्तेयान्यशेषाणि हरेः प्रियेण गोविंदनाम्ना निहतानि सद्यः

hatyāyutaṁ śapanahā sahasramugraṁ gurvaṁganākoṭiniṣevaṇaṁ ca steyānyaśeṣāṇi hareḥ priyeṇa goviṁdanāmnā nihatāni sadyaḥ

A myriad murders, the destroyer of curses, a thousand terrible sins, the violation of millions of a guru's wives, and every kind of theft — by Hari's beloved name Govinda, all are struck down at once.

Verse 24 (padma.5.92.24)

विष्णुभक्तिमयं वीर यत्किंचित्क्रियतेऽल्पकम् । सुकृतं साधु विदुषा तदक्षयफलं भवेत्

viṣṇubhaktimayaṁ vīra yatkiṁcitkriyate'lpakam sukṛtaṁ sādhu viduṣā tadakṣayaphalaṁ bhavet

"O hero, whatever little act, however small, is performed by one full of devotion to Vishnu, wise and virtuous — that becomes of imperishable fruit."

Verse 25 (padma.5.92.25)

संदेहो न च कर्तव्यो माधवे मासि माधवम् । समाराध्य जनो भक्त्या तत्तद्वांछितमाप्नुयात्

saṁdeho na ca kartavyo mādhave māsi mādhavam samārādhya jano bhaktyā tattadvāṁchitamāpnuyāt

"No doubt should be entertained: in the month of Madhava, a person, having worshipped Madhava with devotion, obtains whatever is desired."

Verse 26 (padma.5.92.26)

अपत्यं द्रविणं दारा धरा हर्म्यं हया गजाः । सुखानि स्वर्गमोक्षौ च न दूरे हरिभक्तितः

apatyaṁ draviṇaṁ dārā dharā harmyaṁ hayā gajāḥ sukhāni svargamokṣau ca na dūre haribhaktitaḥ

"Offspring, wealth, a wife, land, a mansion, horses, elephants, pleasures, heaven and liberation — none of these are far, through devotion to Hari."

Verse 27 (padma.5.92.27)

एवं शास्त्रोक्तविधिना स्वल्पेनापि न संशयः । पापस्य महतोऽपि स्यात्क्षयः सम्यग्विधानतः

evaṁ śāstroktavidhinā svalpenāpi na saṁśayaḥ pāpasya mahato'pi syātkṣayaḥ samyagvidhānataḥ

"Thus, by the rule declared in scripture, even with very little effort, without doubt, there can be the destruction of even great sin, through proper observance."

Verse 28 (padma.5.92.28)

फलाधिक्यं भवेद्विद्वन्नाधिक्याद्भावकर्मणोः । सूक्ष्मा धर्मस्य गतयो दुर्ज्ञेया विबुधैरपि

phalādhikyaṁ bhavedvidvannādhikyādbhāvakarmaṇoḥ sūkṣmā dharmasya gatayo durjñeyā vibudhairapi

"The abundance of fruit, O wise one, comes not from abundance of effort but from the abundance of feeling and action; the ways of dharma are subtle, hard to know even for the learned."

Verse 29 (padma.5.92.29)

प्रियो माधवमासोऽयं माधवस्य महात्मनः । एकोऽपि त्रिषु लोकेषु समग्रेप्सितदायकः

priyo mādhavamāso'yaṁ mādhavasya mahātmanaḥ eko'pi triṣu lokeṣu samagrepsitadāyakaḥ

"Dear is this month of Madhava to the great-souled Madhava; even once, in the three worlds, it grants the complete fulfillment of desire."

Verse 30 (padma.5.92.30)

पुण्येन गांगेन जलेन काले देशे बुधः स्नानपरः कथंचित् । आजन्मनो भावहतोऽपि दाता न शुध्यतीत्येव मतं ममैतत्

puṇyena gāṁgena jalena kāle deśe budhaḥ snānaparaḥ kathaṁcit ājanmano bhāvahato'pi dātā na śudhyatītyeva mataṁ mamaitat

"With the merit-laden water of the Ganga, at the proper time and place, a wise man, somehow devoted to bathing — even one who, from birth, is deprived of feeling, a mere giver, does not attain purity: this is my own opinion."

Verse 31 (padma.5.92.31)

प्रज्वाल्य वह्निं घृततैलसिक्तं प्रदक्षिणावर्तशिखं स्वकाले । प्रविश्य दग्धः किल भावदुष्टो न स्वर्गमाप्नोति फलं न चान्यत्

prajvālya vahniṁ ghṛtatailasiktaṁ pradakṣiṇāvartaśikhaṁ svakāle praviśya dagdhaḥ kila bhāvaduṣṭo na svargamāpnoti phalaṁ na cānyat

"Having kindled a fire, sprinkled with ghee and oil, its flame curling clockwise, at its proper time — one who enters it while corrupt in feeling is indeed burned, and attains neither heaven nor any other fruit."

Verse 32 (padma.5.92.32)

गंगादितीर्थेषु वसंति देवा देवालये यक्षगणाश्च नित्यम् । विनाशनं यांति कृतोपवासा भावोज्झितास्तेन फलं लभंते

gaṁgāditīrtheṣu vasaṁti devā devālaye yakṣagaṇāśca nityam vināśanaṁ yāṁti kṛtopavāsā bhāvojjhitāstena phalaṁ labhaṁte

"The gods dwell in the Ganga and other holy waters, and flocks of yakshas ever dwell in a temple; those who observe fasts but abandon feeling attain destruction, yet by that very act obtain some fruit."

Verse 33 (padma.5.92.33)

भावं ततो हृत्कमले निधाय श्रीमाधवं माधवमासि भक्त्या । यजेत यः स्नानपरो विशुद्धः पुण्यं न शक्ता वयमस्य वक्तुम्

bhāvaṁ tato hṛtkamale nidhāya śrīmādhavaṁ mādhavamāsi bhaktyā yajeta yaḥ snānaparo viśuddhaḥ puṇyaṁ na śaktā vayamasya vaktum

"Therefore, having placed feeling in the heart-lotus, whoever, devoted to bathing, purified, worships glorious Madhava with devotion in the month of Madhava — his merit we are unable to describe."

Verse 34 (padma.5.92.34)

इहार्थेऽपि पुरावृत्तमाकर्णय महीपते । विचित्रं कथयिष्यामि फलं किमपि कर्मणाम्

ihārthe'pi purāvṛttamākarṇaya mahīpate vicitraṁ kathayiṣyāmi phalaṁ kimapi karmaṇām

"On this very matter too, hear what happened formerly, O king; I shall tell a wondrous thing — the fruit of certain deeds."

Verse 35 (padma.5.92.35)

तस्य माधवमासस्य प्रसादान्माधवस्य च । यथापि ब्राह्मणी काचित्स्वैरिण्याप शुभं फलम्

tasya mādhavamāsasya prasādānmādhavasya ca yathāpi brāhmaṇī kācitsvairiṇyāpa śubhaṁ phalam

"By the grace of that month of Madhava, and of Madhava himself, how a certain unchaste woman, though a brahmin's wife, obtained an auspicious fruit."

Verse 36 (padma.5.92.36)

दिवोदासेति विख्यातः पुरा कांतीश्वरोऽभवत् । तस्यापत्यं महारत्नं नारीणामुत्तमं सदा

divodāseti vikhyātaḥ purā kāṁtīśvaro'bhavat tasyāpatyaṁ mahāratnaṁ nārīṇāmuttamaṁ sadā

"Formerly there was a renowned king named Divodasa, lord of Kanti; his offspring, a great jewel, ever the finest among women,"

Verse 37 (padma.5.92.37)

गुणरूपसमायुक्ता सुशीला चारुमंगला । दिव्यादेवीति विख्याता रूपेणाप्रतिमा भुवि

guṇarūpasamāyuktā suśīlā cārumaṁgalā divyādevīti vikhyātā rūpeṇāpratimā bhuvi

"endowed with virtue and beauty, of good character, of lovely auspiciousness, was renowned as Divyadevi, matchless in beauty on earth."

Verse 38 (padma.5.92.38)

पित्रा त्वालोकिता सा तु रूपलावण्यसंयुता । स तां दृष्ट्वा दिवोदासो दिव्यां देवीं सुतां तदा

pitrā tvālokitā sā tu rūpalāvaṇyasaṁyutā sa tāṁ dṛṣṭvā divodāso divyāṁ devīṁ sutāṁ tadā

"Seen by her father, endowed with beauty and loveliness, Divodasa, having seen that divine, goddess-like daughter then,"

Verse 39 (padma.5.92.39)

कस्मै च दीयते कन्या सुवराय महात्मने । इति चिंतापरो भूत्वा समालोक्य नरोत्तमः

kasmai ca dīyate kanyā suvarāya mahātmane iti ciṁtāparo bhūtvā samālokya narottamaḥ

"thought: 'To whom shall this maiden be given, to what excellent, great-souled bridegroom?' — thus, filled with such anxious thought, that foremost of men, having considered the matter,"

Verse 40 (padma.5.92.40)

रूपदेशस्य राजानं सम्यग्ज्ञात्वा महीपतिः । चित्रसेनं महात्मानं समाहूय ततो नृपः

rūpadeśasya rājānaṁ samyagjñātvā mahīpatiḥ citrasenaṁ mahātmānaṁ samāhūya tato nṛpaḥ

"having duly learned of the king of the land of Rupa, the lord of the earth, then summoned the great-souled Chitrasena, that king,"

Verse 41 (padma.5.92.41)

कन्यां ददौ दिवोदासश्चित्रसेनाय धीमते । तस्या विवाहकालस्य संप्राप्ते समये नृप

kanyāṁ dadau divodāsaścitrasenāya dhīmate tasyā vivāhakālasya saṁprāpte samaye nṛpa

"and Divodasa gave the maiden to the wise Chitrasena. When the appointed time of her marriage had arrived, O king,"

Verse 42 (padma.5.92.42)

मृतोऽसौ चित्रसेनस्तु कालधर्मेण वै किल । दिवोदासश्च धर्मात्मा चिंतयामास भूपतिः

mṛto'sau citrasenastu kāladharmeṇa vai kila divodāsaśca dharmātmā ciṁtayāmāsa bhūpatiḥ

"that Chitrasena died, indeed, through the working of fate. And Divodasa, the righteous king, pondered."

Verse 43 (padma.5.92.43)

ब्राह्मणांश्च समाहूय पप्रच्छ नृपनंदन । अस्या विवाहकाले तु चित्रसेनो दिवं गतः

brāhmaṇāṁśca samāhūya papraccha nṛpanaṁdana asyā vivāhakāle tu citraseno divaṁ gataḥ

"Having summoned brahmins, that delight of kings asked: 'At the time of her marriage, Chitrasena went to heaven —'"

Verse 44 (padma.5.92.44)

अस्यास्तु कीदृशं कर्म भविष्यति ब्रुवंतु मे । ब्राह्मण उवाच-। विवाहो जायते राजन्कन्यायास्तु विधानतः

asyāstu kīdṛśaṁ karma bhaviṣyati bruvaṁtu me brāhmaṇa uvāca- vivāho jāyate rājankanyāyāstu vidhānataḥ

"'what sort of deed of hers caused this? Tell me.' The brahmin said: 'The marriage of a maiden, O king, comes about according to the injunction —'"

Verse 45 (padma.5.92.45)

पतिर्मृत्युं प्रयात्येव यो वा त्यागं करोति च । महाधिव्याधिना भीतस्त्यागं कृत्वा प्रयाति च

patirmṛtyuṁ prayātyeva yo vā tyāgaṁ karoti ca mahādhivyādhinā bhītastyāgaṁ kṛtvā prayāti ca

"'the husband either goes to death, or renounces her; afflicted by a great and terrible disease, having renounced her, he departs;'"

Verse 46 (padma.5.92.46)

प्रव्राजितो भवेद्राजन्धर्मशास्त्रेषु दृश्यते । तस्यां रजस्वलायां च अन्यः पतिर्विधीयते

pravrājito bhavedrājandharmaśāstreṣu dṛśyate tasyāṁ rajasvalāyāṁ ca anyaḥ patirvidhīyate

"'or he becomes a wandering ascetic, O king — this is seen in the dharma-shastras. When she is in her menses, another husband is then prescribed for her.'"

Verse 47 (padma.5.92.47)

विवाहं तु प्रधानेन पिता कुर्यान्न संशयः । एवं राजन्समादिष्टं धर्मशास्त्रे शुभैर्जनैः

vivāhaṁ tu pradhānena pitā kuryānna saṁśayaḥ evaṁ rājansamādiṣṭaṁ dharmaśāstre śubhairjanaiḥ

"'But the marriage should be performed, without doubt, by the father through the primary rite.' Thus, O king, it was declared in the dharma-shastra by the auspicious ones,"

Verse 48 (padma.5.92.48)

विवाहः क्रियतामस्या इत्यूचुस्ते द्विजोत्तमाः । दिवोदासश्च धर्मात्मा ब्राह्मणैस्तु प्रणोदितः

vivāhaḥ kriyatāmasyā ityūcuste dvijottamāḥ divodāsaśca dharmātmā brāhmaṇaistu praṇoditaḥ

"'Let her marriage be performed' — thus said those foremost twice-born ones. Divodasa, the righteous king, urged on by the brahmins,"

Verse 49 (padma.5.92.49)

विवाहार्थं महाराज मानसं कृतवान्नृप । पुनर्दत्ता प्रदानेन दिव्यादेवी नृपोत्तम

vivāhārthaṁ mahārāja mānasaṁ kṛtavānnṛpa punardattā pradānena divyādevī nṛpottama

"resolved, O king, in his mind, upon her marriage. Again, through the giving, Divyadevi, O best of kings,"

Verse 50 (padma.5.92.50)

पुष्पसेनाय पुण्याय तस्मै राज्ञे महात्मने । मृत्युधर्मं गतो राजा विवाहसमयेऽपि सः

puṣpasenāya puṇyāya tasmai rājñe mahātmane mṛtyudharmaṁ gato rājā vivāhasamaye'pi saḥ

"was given to the meritorious King Pushpasena, that great-souled king. That king too went the way of death, even at the time of marriage."

Verse 51 (padma.5.92.51)

यदा यदा महाभागो दिव्यादेव्याश्च भूपतिः । करोति स पितोद्योगं विवाहस्यातिदुःखितः

yadā yadā mahābhāgo divyādevyāśca bhūpatiḥ karoti sa pitodyogaṁ vivāhasyātiduḥkhitaḥ

"Whenever, O greatly blessed one, the king, father of Divyadevi, undertook the effort for her marriage, exceedingly sorrowful,"

Verse 52 (padma.5.92.52)

भर्तापि म्रियते काले प्राप्तलग्नस्तदा तदा । एकविंशतिभर्तारः कालेकाले मृतास्ततः

bhartāpi mriyate kāle prāptalagnastadā tadā ekaviṁśatibhartāraḥ kālekāle mṛtāstataḥ

"the bridegroom, too, having reached the auspicious moment, would die at that very time. Thus, one after another, twenty-one husbands died in succession."

Verse 53 (padma.5.92.53)

ततो राजा महादुःखी संजातः ख्यातविक्रमः । समालोक्य तमाहूय मंत्रिभिः सह निश्चलः

tato rājā mahāduḥkhī saṁjātaḥ khyātavikramaḥ samālokya tamāhūya maṁtribhiḥ saha niścalaḥ

"Then the king, of renowned valor, became exceedingly sorrowful; having considered the matter, having summoned counsel, firm together with his ministers,"

Verse 54 (padma.5.92.54)

स्वयंवरे महाबुद्धिं चकार पृथिवीपतिः । अथ तेन समाहूता राजानो विविधा नृपाः

svayaṁvare mahābuddhiṁ cakāra pṛthivīpatiḥ atha tena samāhūtā rājāno vividhā nṛpāḥ

"the lord of the earth resolved, with great wisdom, upon a svayamvara. Then, summoned by him, various kings,"

Verse 55 (padma.5.92.55)

स्वयंवरार्थं वै तस्या बहवो धर्मतत्पराः । तस्यास्तु रूपसंक्षुब्धा मृत्युना प्रेषिता नृपाः

svayaṁvarārthaṁ vai tasyā bahavo dharmatatparāḥ tasyāstu rūpasaṁkṣubdhā mṛtyunā preṣitā nṛpāḥ

"many, devoted to dharma, came for the sake of her svayamvara. Agitated by her beauty, driven on by Death himself, those kings,"

Verse 56 (padma.5.92.56)

संग्रामं चक्रिरे मूढा मृतास्तेऽथ परस्परम् । एवं तेषां क्षयो जातः क्षत्त्रियाणां नरेश्वर

saṁgrāmaṁ cakrire mūḍhā mṛtāste'tha parasparam evaṁ teṣāṁ kṣayo jātaḥ kṣattriyāṇāṁ nareśvara

"deluded, waged war and slew one another. Thus, O lord of men, a great destruction of kshatriyas occurred."

Verse 57 (padma.5.92.57)

दिव्यादेवी च दुःखार्ता रुरोद करुणं ततः । बालामालोक्य तां राजा रुदंतीं चातिदुःखिताम्

divyādevī ca duḥkhārtā ruroda karuṇaṁ tataḥ bālāmālokya tāṁ rājā rudaṁtīṁ cātiduḥkhitām

"And Divyadevi, afflicted with sorrow, wept piteously then. Seeing that maiden weeping, exceedingly grief-stricken, the king,"

Verse 58 (padma.5.92.58)

पुरोधसं च धर्मज्ञं ज्ञानवंतं तपस्विनम् । जातूकर्णं प्रणम्यादौ विनयान्वितकंधरः

purodhasaṁ ca dharmajñaṁ jñānavaṁtaṁ tapasvinam jātūkarṇaṁ praṇamyādau vinayānvitakaṁdharaḥ

"having first bowed, with a neck bent in humility, to his family priest, the knower of dharma, the wise ascetic Jatukarna,"

Verse 59 (padma.5.92.59)

दिवोदास उवाच-। कथयस्व प्रसादेन किमेतस्याहि पातकम् । दिव्यादेव्यास्तु मे पुत्र्या यदेतच्चेष्टितं कृतम्

divodāsa uvāca- kathayasva prasādena kimetasyāhi pātakam divyādevyāstu me putryā yadetacceṣṭitaṁ kṛtam

Divodasa said: "'Tell me, out of grace, what sin is this — whatever deed of my daughter Divyadevi has brought about this state.'"

Verse 60 (padma.5.92.60)

जातूकर्ण उवाच-। तस्यास्तु चेष्टितं वीर दिव्यादेव्या वदाम्यहम् । पूर्वजन्मकृतं सर्वं तन्मे निगदतः शृणु

jātūkarṇa uvāca- tasyāstu ceṣṭitaṁ vīra divyādevyā vadāmyaham pūrvajanmakṛtaṁ sarvaṁ tanme nigadataḥ śṛṇu

Jatukarna said: "'I shall tell you, hero, of the deed of Divyadevi; hear from me, in due order, everything done in her former birth.'"

Verse 61 (padma.5.92.61)

आस्ते वाराणसी पुण्या नगरी पापनाशिनी । तस्यामास्ते महाप्राज्ञः सुवीरो नाम नामतः

āste vārāṇasī puṇyā nagarī pāpanāśinī tasyāmāste mahāprājñaḥ suvīro nāma nāmataḥ

"'There stands the sacred city of Varanasi, the destroyer of sin. In it dwelt a man of great wisdom named Suvira,'"

Verse 62 (padma.5.92.62)

वैश्यजात्यां समुत्पन्नो धनधान्यसमाकुलः । तस्य भार्या महाप्राज्ञ चित्रानाम सुविस्मृता

vaiśyajātyāṁ samutpanno dhanadhānyasamākulaḥ tasya bhāryā mahāprājña citrānāma suvismṛtā

"'born of the vaishya caste, abounding in wealth and grain. His wife, O greatly wise one, named Chitra, most forgotten of dharma,'"

Verse 63 (padma.5.92.63)

कुलाचारं परित्यज्य दुराचारेण वर्तते । न मन्यते हि भर्तारं रौद्रकृत्ये च वर्तते

kulācāraṁ parityajya durācāreṇa vartate na manyate hi bhartāraṁ raudrakṛtye ca vartate

"'having abandoned the conduct proper to her family, behaved with evil conduct; she did not honor her husband, and engaged in fierce, cruel deeds.'"

Verse 64 (padma.5.92.64)

पुण्यकार्यविहीना तु पापं चरति दुर्मतिः । भर्तारं भर्त्सते नित्यं स्वैरिणी कलहप्रिया

puṇyakāryavihīnā tu pāpaṁ carati durmatiḥ bhartāraṁ bhartsate nityaṁ svairiṇī kalahapriyā

"'Devoid of meritorious acts, that evil-minded woman practiced sin; she ever reviled her husband, unchaste, fond of quarreling,'"

Verse 65 (padma.5.92.65)

नित्यं परगृहे वास निरता भ्रमतेऽधिकम् । परच्छिद्रं समापश्येद्दुष्टाभूतेषु सर्वदा

nityaṁ paragṛhe vāsa niratā bhramate'dhikam paracchidraṁ samāpaśyedduṣṭābhūteṣu sarvadā

"'ever devoted to dwelling in others' houses, wandering about excessively; she ever looked for others' faults, always among the wicked.'"

Verse 66 (padma.5.92.66)

साधुनिंदारता पापा बहुहास्यकरी सदा । कुसंगतिरता वाचा दुराचारजनप्रिया

sādhuniṁdāratā pāpā bahuhāsyakarī sadā kusaṁgatiratā vācā durācārajanapriyā

"'That sinful woman delighted in criticizing the virtuous, ever provoking much mockery; devoted to bad company in speech, fond of people of evil conduct,'"

Verse 67 (padma.5.92.67)

धूर्ताधर्मजनद्वेषकरी चानृतभाषिणी । विज्ञायैवं सुवीरोऽस्या उपयेमे ततोऽपराम्

dhūrtādharmajanadveṣakarī cānṛtabhāṣiṇī vijñāyaivaṁ suvīro'syā upayeme tato'parām

"'a hater of the wicked and unrighteous, and a speaker of falsehood.' Knowing her thus, Suvira then married another wife."

Verse 68 (padma.5.92.68)

तया नवीनया वीरो भार्यया सहितोऽनिशम् । यथासुखं स बुभुजे विषयान्मनसः प्रियान्

tayā navīnayā vīro bhāryayā sahito'niśam yathāsukhaṁ sa bubhuje viṣayānmanasaḥ priyān

"'Together with that new wife, Vira enjoyed, unceasingly, as it pleased his mind, the objects of sense that he desired.'"

Verse 69 (padma.5.92.69)

धर्माचारेण पुण्यात्मा सत्यपुण्यमतिः सदा । सत्ययामितया सत्या सुमत्याराधितो बभौ

dharmācāreṇa puṇyātmā satyapuṇyamatiḥ sadā satyayāmitayā satyā sumatyārādhito babhau

"'By his righteous conduct, that meritorious soul, ever of true and pure intent, worshipped by the wise Sumati, of true good conduct, shone forth.'"

Verse 70 (padma.5.92.70)

निरस्ता तेन सा चित्रा विचित्रा वरवर्णिनी । स्वैरिणी गुणसंसर्गधर्मविद्वेषिणी ततः

nirastā tena sā citrā vicitrā varavarṇinī svairiṇī guṇasaṁsargadharmavidveṣiṇī tataḥ

"'She, that Chitra, of excellent complexion, cast aside, wayward, hostile to virtue and dharma from that companionship, then'"

Verse 71 (padma.5.92.71)

भ्रमते जारसंयुक्ता मुक्ताचारा गतत्रपा । सा पापरतसंयुक्ता रक्ता दूती विकर्मणि

bhramate jārasaṁyuktā muktācārā gatatrapā sā pāparatasaṁyuktā raktā dūtī vikarmaṇi

"'wandered about, joined with a paramour, of unrestrained conduct, without shame; that woman, devoted to sin, attached, became a go-between in evil deeds,'"

Verse 72 (padma.5.92.72)

कुशला कुट्टिनीकर्म कलासु त्वन्ययोषिताम् । गृहभंगमसौ चक्रे वक्रेण मनसा हिता

kuśalā kuṭṭinīkarma kalāsu tvanyayoṣitām gṛhabhaṁgamasau cakre vakreṇa manasā hitā

"'skilled in the arts of a procuress toward other women. With a crooked mind, she who had brought about that ruin of the household —'"

Verse 73 (padma.5.92.73)

साध्वीं नारीं समाहूय पापवाक्यैश्च नोदयेत् । नर्मलोभकथाकेलि प्रत्ययोत्पत्तिहेतुभिः

sādhvīṁ nārīṁ samāhūya pāpavākyaiśca nodayet narmalobhakathākeli pratyayotpattihetubhiḥ

"'she would summon a virtuous woman and provoke her with sinful words, through playful, greed-inducing talk, and through causes that produce false trust.'"

Verse 74 (padma.5.92.74)

मनांसि चालयेत्पापा पुरुषाणां च योषिताम् । साधूनां सा स्त्रियो भव्याः परेभ्यः प्रतिपादयेत्

manāṁsi cālayetpāpā puruṣāṇāṁ ca yoṣitām sādhūnāṁ sā striyo bhavyāḥ parebhyaḥ pratipādayet

"'That sinful woman would shake the minds of men and of women; she would hand over the virtuous, auspicious wives of good men to others.'"

Verse 75 (padma.5.92.75)

कारयत्येव कपटं धर्मग्रामविवर्जनम् । एवं वर्षशतं भुक्त्वा पश्चाद्वेश्याविधिस्थिता

kārayatyeva kapaṭaṁ dharmagrāmavivarjanam evaṁ varṣaśataṁ bhuktvā paścādveśyāvidhisthitā

"'She practices deceit, causing the abandonment of the village of dharma. Thus, having lived a hundred years, afterward she remained established in the way of a courtesan,'"

Verse 76 (padma.5.92.76)

कालेन निधनं प्राप्ता सततं पापनिश्चया । जाता तव गृहे पुत्री दिव्यादेवीति सा सुता

kālena nidhanaṁ prāptā satataṁ pāpaniścayā jātā tava gṛhe putrī divyādevīti sā sutā

"'and in time met her death, ever fixed in sin. She was born as your daughter in your house — that daughter, Divyadevi,'"

Verse 77 (padma.5.92.77)

सुंदरी रूपसंपन्ना पुरा दृष्टेन नोदिता । नारद उवाच-। इति तस्य वचः श्रुत्वा दिवोदासोऽतिविस्मितः । उवाच राजा मधुरं जातूकर्णं मुनिं वचः

suṁdarī rūpasaṁpannā purā dṛṣṭena noditā nārada uvāca- iti tasya vacaḥ śrutvā divodāso'tivismitaḥ uvāca rājā madhuraṁ jātūkarṇaṁ muniṁ vacaḥ

"'beautiful, endowed with loveliness, provoked now by what was seen before.'" Narada said: "Hearing these words of his, Divodasa, exceedingly astonished, said to that sage Jatukarna, in sweet words:"

Verse 78 (padma.5.92.78)

दिवोदास उवाच-। यदीदृशी सा दुरितप्रचारा सदा दुराचाररता प्रयाता । कथं ममश्रीपतिदैवतस्य महाकुलीनस्य सुतानुरूपा

divodāsa uvāca- yadīdṛśī sā duritapracārā sadā durācāraratā prayātā kathaṁ mamaśrīpatidaivatasya mahākulīnasya sutānurūpā

Divodasa said: "'If she, of such evil conduct, ever devoted to bad behavior, has thus passed on, how then is she fit for the son of a family so noble, of the great lineage of the Lord of Shri?'"

Verse 79 (padma.5.92.79)

सुदुर्ल्लभं राजकुले विशाले लेभे च सा श्रीमतिजन्मधन्यम् । पुण्येन केनापि मुने पवित्रे चित्रा विचित्रेण च कर्मकर्त्री

sudurllabhaṁ rājakule viśāle lebhe ca sā śrīmatijanmadhanyam puṇyena kenāpi mune pavitre citrā vicitreṇa ca karmakartrī

"'She attained, so exceedingly hard to obtain, a birth blessed with glory, in so vast and royal a family. By what merit, O pure sage, did Chitra, of such wondrous, varied deeds, do this?'"

Verse 80 (padma.5.92.80)

नारद उवाच-। इति तस्य वचः श्रुत्वा भूमिपस्य मुनिस्ततः । किञ्चिद्विहस्य तु प्राज्ञो वचः सूनृतमब्रवीत्

nārada uvāca- iti tasya vacaḥ śrutvā bhūmipasya munistataḥ kiñcidvihasya tu prājño vacaḥ sūnṛtamabravīt

Narada said: "Hearing these words of the king, that sage, the wise one, smiling somewhat, spoke these true words."

Verse 81 (padma.5.92.81)

जातूकर्ण उवाच-। चित्रा विचित्रसुरतैरथ वंचयंती प्रच्छन्नकामुकविटान्धनधीविहीनान् । वेश्या बभूव विषपानमितश्चरित्वा कालेन नागनगरे महति प्रसिद्धे

jātūkarṇa uvāca- citrā vicitrasuratairatha vaṁcayaṁtī pracchannakāmukaviṭāndhanadhīvihīnān veśyā babhūva viṣapānamitaścaritvā kālena nāganagare mahati prasiddhe

Jatukarna said: "'Chitra, deceiving with varied love-arts, secretly, lovers, rogues, those bereft of wealth and wit, became a courtesan; having wandered, living a life of ruin, in time, in the great, renowned city of Naga,'"

Verse 82 (padma.5.92.82)

कोऽपि तत्र समायातः सायं विप्रः समार्दितः । अर्दमानो विशुद्धात्मा नगरे नागसंज्ञके

ko'pi tatra samāyātaḥ sāyaṁ vipraḥ samārditaḥ ardamāno viśuddhātmā nagare nāgasaṁjñake

"'a certain brahmin came there, in the evening, afflicted; distressed, of a pure soul, in the city called Naga,'"

Verse 83 (padma.5.92.83)

अपश्यन्नपरं स्थानं मूढश्चित्रागृहं ययौ । तया संमोहितोऽत्यर्थं वेश्यया दृष्टियोगतः

apaśyannaparaṁ sthānaṁ mūḍhaścitrāgṛhaṁ yayau tayā saṁmohito'tyarthaṁ veśyayā dṛṣṭiyogataḥ

"'seeing no other place, deluded, went to Chitra's house. Utterly bewitched by that courtesan through the meeting of glances,'"

Verse 84 (padma.5.92.84)

पादसंवाहनस्नानतांबूलासनभोजनैः । विलासैस्तोषितः सोऽपि खेदहीनोऽभवत्तदा

pādasaṁvāhanasnānatāṁbūlāsanabhojanaiḥ vilāsaistoṣitaḥ so'pi khedahīno'bhavattadā

"'with foot-massage, bathing, betel, a seat, and food, with such attentions he was gratified, and then became free of his weariness.'"

Verse 85 (padma.5.92.85)

ततो विचित्रैः सुरतोपचारैरदृष्टबुद्ध्यैव तया स विप्रः । संसेवितोऽयं रजनीमशेषामवाहयद्भावविशेषलुब्धः

tato vicitraiḥ suratopacārairadṛṣṭabuddhyaiva tayā sa vipraḥ saṁsevito'yaṁ rajanīmaśeṣāmavāhayadbhāvaviśeṣalubdhaḥ

"'Then, through varied arts of love-making, unbeknownst even to his own better judgment, that brahmin, well served by her, spent the entire night, greedy for that particular feeling.'"

Verse 86 (padma.5.92.86)

प्रातः प्रयाणाभिमुखः कथंचिदुवाच चित्रामनुरक्तचित्तः । संतोषितः स्वैश्चरितैः स्वकृत्यैर्वचस्तयाचैकधिया तदानीम्

prātaḥ prayāṇābhimukhaḥ kathaṁciduvāca citrāmanuraktacittaḥ saṁtoṣitaḥ svaiścaritaiḥ svakṛtyairvacastayācaikadhiyā tadānīm

"'In the morning, on the point of departure, his mind attached to her, somewhat, he spoke to Chitra — gratified by his own conduct and by her single-minded devotion at that time —'"

Verse 87 (padma.5.92.87)

ब्राह्मण उवाच-। कार्यः प्रत्युपकारस्ते तोषितेन मया प्रिये । स्वदृढं च निजं दुःखं कथयाम्यविशेषतः

brāhmaṇa uvāca- kāryaḥ pratyupakāraste toṣitena mayā priye svadṛḍhaṁ ca nijaṁ duḥkhaṁ kathayāmyaviśeṣataḥ

Brahmin said: "'A return favor is owed by me to you, gratified as I am, dear one; I shall tell you plainly my own firm sorrow.'"

Verse 88 (padma.5.92.88)

पुरा कथां हि वदतां विप्राणां नर्मदातटे । शुभं यत्सर्वपापघ्नं तदाकर्णय सादरम्

purā kathāṁ hi vadatāṁ viprāṇāṁ narmadātaṭe śubhaṁ yatsarvapāpaghnaṁ tadākarṇaya sādaram

"'Formerly, from brahmins speaking on the bank of the Narmada, hear with reverence that auspicious thing which destroys all sin.'"

Verse 89 (padma.5.92.89)

यो दिनत्रयमपि प्रयत्नतः स्नाति मेषउपयादि भास्करे । भास्करेऽनुदित एव माधवे मासि सोऽघनिचयैर्विमुच्यते

yo dinatrayamapi prayatnataḥ snāti meṣaupayādi bhāskare bhāskare'nudita eva mādhave māsi so'ghanicayairvimucyate

"'He who, for even three days, with effort, bathes when the sun approaches Aries, before the sun has risen, in the month of Madhava, is freed from the accumulated mass of sin.'"

Verse 90 (padma.5.92.90)

संपूर्णमपि वैशाखे यो बहिः स्नानमाचरेत् । विधिना माधवं देवमर्चयेत्सोपि पापहा

saṁpūrṇamapi vaiśākhe yo bahiḥ snānamācaret vidhinā mādhavaṁ devamarcayetsopi pāpahā

"'Whoever performs the complete Vaishakha bath, even outwardly, and duly worships the god Madhava — he too is a destroyer of sin.'"

Verse 91 (padma.5.92.91)

पुण्यतीर्थे विशेषेण स्नानदानक्रियादिभिः । महापापैर्विमुच्येत मानवो मासि माधवे

puṇyatīrthe viśeṣeṇa snānadānakriyādibhiḥ mahāpāpairvimucyeta mānavo māsi mādhave

"'At a sacred holy place especially, through bathing, giving and other rites, a man is freed from great sins in the month of Madhava.'"

Verse 92 (padma.5.92.92)

तावन्महापापचयः शरीरे शरीरिणस्तिष्ठति निर्विशंकः । यावन्मुदा चोषसि मेषराशिमुपागते मज्जति नो दिनेशे

tāvanmahāpāpacayaḥ śarīre śarīriṇastiṣṭhati nirviśaṁkaḥ yāvanmudā coṣasi meṣarāśimupāgate majjati no dineśe

"'So long does the mass of great sin remain, unafraid, in the body of the embodied soul, as long as he does not, with joy, immerse himself at dawn when the sun has reached the sign of Aries.'"

Verse 93 (padma.5.92.93)

एवमाकर्णितस्तेषां विप्राणां वदतां मया । अनेकदुरितांभोधि तरणे पोत उत्तमः

evamākarṇitasteṣāṁ viprāṇāṁ vadatāṁ mayā anekaduritāṁbhodhi taraṇe pota uttamaḥ

"'Having thus heard this from those brahmins speaking, this is the best of boats for crossing the ocean of manifold misfortune.'"

Verse 94 (padma.5.92.94)

अदूरे शिवदेहा च वर्ततेऽसौ सरिद्वरा । तत्र स्नातुं गमिष्येऽहं तदाघौघवधाय च

adūre śivadehā ca vartate'sau saridvarā tatra snātuṁ gamiṣye'haṁ tadāghaughavadhāya ca

"'Not far away flows the excellent river whose very body is Shiva's; there I shall go to bathe, for the destruction of that mass of sin.'"

Verse 95 (padma.5.92.95)

यदि ते रोचते कांते विरक्तं वामनो भवेत् । तन्मया त्वं समागच्छ वैशाखस्नानहेतवे

yadi te rocate kāṁte viraktaṁ vāmano bhavet tanmayā tvaṁ samāgaccha vaiśākhasnānahetave

"'If it pleases you, dear one — may your mind, too, become detached — then come with me, for the sake of the Vaishakha bath.'"

Verse 96 (padma.5.92.96)

अनित्यं जीवितमिदं यौवनं चातिसुंदरम् । हेतुर्नरकवासस्य दुर्वारश्च स नो भवेत्

anityaṁ jīvitamidaṁ yauvanaṁ cātisuṁdaram heturnarakavāsasya durvāraśca sa no bhavet

"'This life is impermanent, and youth, though exceedingly beautiful, is the cause of dwelling in hell, and that cause is hard to ward off for us.'"

Verse 97 (padma.5.92.97)

आराधितस्त्वयाहं च पातितो दुरितार्णवे । महतामपि यत्सत्यं दुष्टस्थितशरीरिणाम्

ārādhitastvayāhaṁ ca pātito duritārṇave mahatāmapi yatsatyaṁ duṣṭasthitaśarīriṇām

"'Worshipped by you, I have been made to fall into the ocean of sin — for even great souls, this is true, when their bodies are established in wickedness.'"

Verse 98 (padma.5.92.98)

किमत्र बहुनोक्तेन न विलंबोचितः क्षणः । उद्धरिष्येऽपि भवतीं विरक्तिर्यदि ते हृदि

kimatra bahunoktena na vilaṁbocitaḥ kṣaṇaḥ uddhariṣye'pi bhavatīṁ viraktiryadi te hṛdi

"'What use is much talk here? This moment is not fit for delay. I shall deliver even you, if detachment is in your heart.'"

Verse 99 (padma.5.92.99)

चित्रोवाच-। स्वामिन्न दृष्टयोगेन तव संगतिधर्मतः । ध्रुवं विरक्तं मच्चेतो निंद्यमेतद्भवं प्रति

citrovāca- svāminna dṛṣṭayogena tava saṁgatidharmataḥ dhruvaṁ viraktaṁ macceto niṁdyametadbhavaṁ prati

Chitra said: "'My lord, through the mere meeting of glances, through my association with you, my mind, in accordance with dharma, has surely become detached, this birth being reproachable toward it.'"

Verse 100 (padma.5.92.100)

नूनमेवं मया शास्त्रे श्रुतं यत्साधुसंगमः । अचिंत्यायै नमस्तस्यै ततो नियतायै पुनः

nūnamevaṁ mayā śāstre śrutaṁ yatsādhusaṁgamaḥ aciṁtyāyai namastasyai tato niyatāyai punaḥ

"'Surely thus have I heard in the scriptures, that the company of the righteous works this; salutation to that inconceivable, then unfailing power.'"

Verse 101 (padma.5.92.101)

जातूकर्ण उवाच-। इति भाष्यततस्तेन समं चित्रा ययौ तदा । विद्यमानं धनं किंचिदादाय मुनिनोदिता

jātūkarṇa uvāca- iti bhāṣyatatastena samaṁ citrā yayau tadā vidyamānaṁ dhanaṁ kiṁcidādāya muninoditā

Jatukarna said: "Thus having spoken, Chitra then went along with him, urged by that sage, having taken whatever wealth she possessed."

Verse 102 (padma.5.92.102)

ततः परं सोऽपि पुनर्द्विजन्मा वैशाखमासे शिवदेहदेहम् । अवाप सस्नौ च दिनेशमस्यै स्नानाय सद्योऽथ ददौ दयालुः

tataḥ paraṁ so'pi punardvijanmā vaiśākhamāse śivadehadeham avāpa sasnau ca dineśamasyai snānāya sadyo'tha dadau dayāluḥ

Then that twice-born one too, again, in the month of Vaishakha, reached the very body of Shiva, and bathed there; and then, compassionate, he at once gave to her the means for that bath.

Verse 103 (padma.5.92.103)

हृदयालुरयं विप्रः स्नापयामास तां तदा । यथोचितविधानेन चित्रामुच्चित्रभाषिणीम्

hṛdayālurayaṁ vipraḥ snāpayāmāsa tāṁ tadā yathocitavidhānena citrāmuccitrabhāṣiṇīm

That compassionate brahmin then bathed her, Chitra of wondrous speech, according to due rite.

Verse 104 (padma.5.92.104)

वैशाखस्नानमाहात्म्यं तत्र शुश्राव सा मुदा । पठमानेषु विप्रेषु पुराणानि पृथक्पृथक्

vaiśākhasnānamāhātmyaṁ tatra śuśrāva sā mudā paṭhamāneṣu vipreṣu purāṇāni pṛthakpṛthak

There she heard, with joy, the glory of the Vaishakha bath, while brahmins recited the various Puranas, one after another,

Verse 105 (padma.5.92.105)

यस्य श्रवणमात्रेण क्षीयते दुरितांधकः । यथा सूर्योदये नैव तिमिरौघः प्रणश्यति

yasya śravaṇamātreṇa kṣīyate duritāṁdhakaḥ yathā sūryodaye naiva timiraughaḥ praṇaśyati

by the mere hearing of which the darkness of sin is destroyed — just as, at sunrise, the mass of darkness does not fail to vanish.

Verse 106 (padma.5.92.106)

सा शिवे शिवतनूजले पुनः स्नानतोऽजनिकरे विधानतः । स्नानतो विमलमानसोदया सूर्यकांतिरिव निर्मला बभौ

sā śive śivatanūjale punaḥ snānato'janikare vidhānataḥ snānato vimalamānasodayā sūryakāṁtiriva nirmalā babhau

She, having bathed again and again in the water of Shiva's river, duly, her mind grown pure from that bathing, shone spotless, like the very radiance of the sun.

Verse 107 (padma.5.92.107)

तत्र मज्जंति रेवायां सेवायां निरता हरेः । वैशाखे विविधा लोका लोकानंत्यमभीप्सवः

tatra majjaṁti revāyāṁ sevāyāṁ niratā hareḥ vaiśākhe vividhā lokā lokānaṁtyamabhīpsavaḥ

There, in the Reva, various people, devoted to the service of Hari, immerse themselves in Vaishakha, desiring the eternity of the worlds.

Verse 108 (padma.5.92.108)

ये नर्मदायामिह शर्मदायामशुद्धकायानपि शोधयंति । विशेषतो माधवमासि मर्त्या भवंति मर्त्याधिपलोकलीलाः

ye narmadāyāmiha śarmadāyāmaśuddhakāyānapi śodhayaṁti viśeṣato mādhavamāsi martyā bhavaṁti martyādhipalokalīlāḥ

Those who purify even their impure bodies here in the Narmada, the giver of bliss, especially in the month of Madhava, become mortals who partake of the sport of the world of the lord of mortals.

Verse 109 (padma.5.92.109)

आजन्मनोऽघस्मरणेन रेवा निहंति दृष्टा दशजन्मजं पुनः । स्नाता कथं चिच्छतयोनिजातं संसेविता यच्छति रुद्रलोकम्

ājanmano'ghasmaraṇena revā nihaṁti dṛṣṭā daśajanmajaṁ punaḥ snātā kathaṁ cicchatayonijātaṁ saṁsevitā yacchati rudralokam

The Reva, when merely seen, destroys the sin of ten births accumulated from birth; when bathed in, how then does it not destroy the sin born of a hundred births; when duly served, it grants the world of Rudra.

Verse 110 (padma.5.92.110)

सकलं माधवं मासं सा चित्रा नर्मदाजले । सस्नौ किंचिद्ददौ दानं शक्त्या विप्रेषु नित्यशः

sakalaṁ mādhavaṁ māsaṁ sā citrā narmadājale sasnau kiṁciddadau dānaṁ śaktyā vipreṣu nityaśaḥ

For the entire month of Madhava, that Chitra bathed in the water of the Narmada, and gave some gift, according to her means, daily to brahmins.

Verse 111 (padma.5.92.111)

सर्वपापहरं स्तोत्रं शृणोति श्रद्धया हरेः । विप्राणां तत्र पठतां संगादस्य द्विजन्मनः

sarvapāpaharaṁ stotraṁ śṛṇoti śraddhayā hareḥ viprāṇāṁ tatra paṭhatāṁ saṁgādasya dvijanmanaḥ

She heard, with faith, the hymn that removes all sin, of Hari, in the company of that twice-born one, from the brahmins reciting it there.

Verse 112 (padma.5.92.112)

निमज्ज्य सा माधवमासि पूर्णे रेवाजले तत्र महीसुरेभ्यः । अच्छिद्रमासाद्य यथाविधानं तत्रापि चित्रापि चकार मासम्

nimajjya sā mādhavamāsi pūrṇe revājale tatra mahīsurebhyaḥ acchidramāsādya yathāvidhānaṁ tatrāpi citrāpi cakāra māsam

Having immersed herself in the full month of Madhava, in the water of the Reva there, having obtained the earth-gods without fail, according to rule, Chitra too observed the month there.

Verse 113 (padma.5.92.113)

कुटीरकं तं तु नवं विधाय सुदेवनामापि स भूमिदेवः । उवास रेवासलिले निमज्जंश्चित्रोपरोधादनिशं दयातः

kuṭīrakaṁ taṁ tu navaṁ vidhāya sudevanāmāpi sa bhūmidevaḥ uvāsa revāsalile nimajjaṁścitroparodhādaniśaṁ dayātaḥ

Having built a new hut, that earth-god, named Sudeva, dwelt in the waters of the Reva, immersing himself unceasingly, out of compassion, at Chitra's request.

Verse 114 (padma.5.92.114)

अथ कालेन कियता कालधर्ममुपेयिवान् । विप्रस्तदनु सा चित्रा चिरेणैव मृता नृप

atha kālena kiyatā kāladharmamupeyivān viprastadanu sā citrā cireṇaiva mṛtā nṛpa

Then, after some span of time, that brahmin met the working of fate; and after him, Chitra too, after a long while, O king, died.

Verse 115 (padma.5.92.115)

तेन माधवमासस्य सुकृतेन तदैव सा । पुत्री तवाभवन्नूनमदृष्ट्वा यमयातनाम्

tena mādhavamāsasya sukṛtena tadaiva sā putrī tavābhavannūnamadṛṣṭvā yamayātanām

By that very merit of the month of Madhava, she then became your daughter, surely, without having beheld the torments of Yama.

Verse 116 (padma.5.92.116)

तस्य कर्मविपाकोऽयं यदाप्तं भूपतेः कुलम् । वैष्णवं विशदं वीर दुष्प्राप्यं पापकर्मभिः

tasya karmavipāko'yaṁ yadāptaṁ bhūpateḥ kulam vaiṣṇavaṁ viśadaṁ vīra duṣprāpyaṁ pāpakarmabhiḥ

This is the ripening of that deed, by which she attained the pure Vaishnava family of a king, O hero, hard to obtain through sinful deeds.

Verse 117 (padma.5.92.117)

दिव्यादेवी वरं नाम जातं चास्यां नरोत्तम । यच्च दत्तवती चान्नं भोग्यसौख्यसुखानि च

divyādevī varaṁ nāma jātaṁ cāsyāṁ narottama yacca dattavatī cānnaṁ bhogyasaukhyasukhāni ca

That Divyadevi, of excellent name, was born as your daughter, O best of men; and because she gave food, and the pleasures of enjoyment and happiness,

Verse 118 (padma.5.92.118)

ब्राह्मणाय पुरा तस्मै गणिकात्वेऽपि संगता । स्नात्वा च माधवे मासि किंचित्तत्रापि यद्ददौ

brāhmaṇāya purā tasmai gaṇikātve'pi saṁgatā snātvā ca mādhave māsi kiṁcittatrāpi yaddadau

formerly, to that brahmin, even while yet a courtesan, and because, having bathed in the month of Madhava, she gave something there too —

Verse 119 (padma.5.92.119)

तस्य दानस्य सा भुंक्ते स्नानस्य च फलोदयम् । पिबते शीतलं तोयं मिष्टान्नं च तथानिशम्

tasya dānasya sā bhuṁkte snānasya ca phalodayam pibate śītalaṁ toyaṁ miṣṭānnaṁ ca tathāniśam

she enjoys the rise of the fruit of that gift and that bathing; she drinks cool water and sweet food continually,

Verse 120 (padma.5.92.120)

दिव्यान्भोगान्प्रभुंजाना वर्तते च प्रभोर्गृहे । भुंजते विधिदत्तं च दुःखशोकादिपीडिता

divyānbhogānprabhuṁjānā vartate ca prabhorgṛhe bhuṁjate vidhidattaṁ ca duḥkhaśokādipīḍitā

enjoying divine pleasures, dwelling in the house of a lord — while those who merely enjoy what is given by rule remain afflicted by sorrow, grief and the like.

Verse 121 (padma.5.92.121)

यत्पुरा नरनारीणां गृहभंगरताऽभवत् । तस्यकर्मविपाकोऽयमस्याः किंचिदुपस्थितः

yatpurā naranārīṇāṁ gṛhabhaṁgaratā'bhavat tasyakarmavipāko'yamasyāḥ kiṁcidupasthitaḥ

That she was formerly devoted to breaking the households of men and women — this is the ripening of that deed, somewhat still remaining with her.

Verse 122 (padma.5.92.122)

माधवस्नानमाहात्म्याद्विनैव यमयातनाम् । महापापापि ते वीर सुंदरी सा सुताभवत्

mādhavasnānamāhātmyādvinaiva yamayātanām mahāpāpāpi te vīra suṁdarī sā sutābhavat

Through the glory of the Vaishakha bath, without even the torment of Yama, that woman, though a great sinner, O hero, became your beautiful daughter.

Verse 123 (padma.5.92.123)

एतत्ते सर्वमाख्यातं तव पुत्र्या विचेष्टितम् । सर्वजन्मभवं वीर कर्म दुष्कर्मसंभवम्

etatte sarvamākhyātaṁ tava putryā viceṣṭitam sarvajanmabhavaṁ vīra karma duṣkarmasaṁbhavam

This, all of it, has been told to you — the conduct of your daughter, the deed born of all her births, arising from evil deeds.