The Merits of Gifts and Observances in Kartika

Verse 1 (padma.6.118.1)

सूत उवाच। पुनः प्रोवाच भगवान्महादेवो वृषध्वजः । श्रोतारमुपसंगम्य भक्तियुक्तं षडाननम्

sūta uvāca punaḥ provāca bhagavānmahādevo vṛṣadhvajaḥ śrotāramupasaṁgamya bhaktiyuktaṁ ṣaḍānanam

Sūta said: Again the Lord Mahadeva, whose banner bears the bull, spoke, drawing near to the devoted listener, the six-faced one.

Verse 2 (padma.6.118.2)

ईश्वर उवाच। कार्तिको वैष्णवो मासः सर्वमासेषु चोत्तमः । अस्मिन्मासे त्रयस्त्रिंशद्देवाः संनिहिताः कलौ

īśvara uvāca kārtiko vaiṣṇavo māsaḥ sarvamāseṣu cottamaḥ asminmāse trayastriṁśaddevāḥ saṁnihitāḥ kalau

Ishvara said: Kartika is the month of Vishnu, the most excellent of all months. In this month, in the Kali age, the thirty-three gods are all present.

Verse 3 (padma.6.118.3)

ऊर्जे मासि महाभागौ भोजनानि द्विजातये । तिलधेनुं हिरण्यं च रजतं भूमिवाससी

ūrje māsi mahābhāgau bhojanāni dvijātaye tiladhenuṁ hiraṇyaṁ ca rajataṁ bhūmivāsasī

In the month of Urja [Kartika], O illustrious one, food should be given to the twice-born; as should a cow of sesame, gold, silver, land, and clothing —

Verse 4 (padma.6.118.4)

गोप्रदानानि दास्यंति सर्वभावेन सुव्रत । सर्वेषामेव दानानां कन्यादानं विशिष्यते

gopradānāni dāsyaṁti sarvabhāvena suvrata sarveṣāmeva dānānāṁ kanyādānaṁ viśiṣyate

— and gifts of cows should be given with one's whole heart, O you of good vows. Among all gifts, the gift of a maiden [in marriage] is the most excellent.

Verse 5 (padma.6.118.5)

ब्राह्मणायात्र ये कन्यां दास्यंति विधिवन्नराः । वैकुंठे वसतिस्तेषां यावदिंद्राश्चतुर्दश

brāhmaṇāyātra ye kanyāṁ dāsyaṁti vidhivannarāḥ vaikuṁṭhe vasatisteṣāṁ yāvadiṁdrāścaturdaśa

Those men who, in this [month], duly give a maiden to a brahmin — their dwelling is in Vaikuntha for as long as fourteen Indras [reign].

Verse 6 (padma.6.118.6)

रोमकाले तु संप्राप्ते सोमो भुंक्ते तु कन्यकाम् । ऋतुकाले तु गंधर्वा वह्निस्तु कुचदर्शने

romakāle tu saṁprāpte somo bhuṁkte tu kanyakām ṛtukāle tu gaṁdharvā vahnistu kucadarśane

When the time of her first bodily hair arrives, the Moon partakes of the maiden; at the time of her first menses, the Gandharvas; and Agni at the sight of her breasts developing —

Verse 7 (padma.6.118.7)

तावद्विवाहयेत्कन्यां यावन्नर्तुमती भवेत् । विवाहस्त्वष्टवर्षायाः कन्यायाः शस्यते बुधैः

tāvadvivāhayetkanyāṁ yāvannartumatī bhavet vivāhastvaṣṭavarṣāyāḥ kanyāyāḥ śasyate budhaiḥ

— therefore one should marry off the maiden before she attains her menses. The marriage of a girl of eight years is praised by the wise.

Verse 8 (padma.6.118.8)

दातव्या श्रोत्रियायैव ब्राह्मणाय तपस्विने । साक्षादधीतवेदाय विधिना ब्रह्मचारिणे

dātavyā śrotriyāyaiva brāhmaṇāya tapasvine sākṣādadhītavedāya vidhinā brahmacāriṇe

She should be given only to a brahmin learned in the Veda, austere, one who has himself directly studied the Veda, and who has duly observed brahmacharya.

Verse 9 (padma.6.118.9)

कन्यावरप्रमाणाया एष एव विधिः स्मृतः । यावंति चैव रोमाणि कन्यायाश्च तनौ सुत

kanyāvarapramāṇāyā eṣa eva vidhiḥ smṛtaḥ yāvaṁti caiva romāṇi kanyāyāśca tanau suta

This alone is remembered as the rule regarding the measure of bride and groom. And, my son, for as many hairs as there are on the maiden's body —

Verse 10 (padma.6.118.10)

तावद्वर्षसहस्राणि रुद्रलोके महीयते । सहस्रमेव धेनूनां शतं चानुडुहां समम्

tāvadvarṣasahasrāṇi rudraloke mahīyate sahasrameva dhenūnāṁ śataṁ cānuḍuhāṁ samam

— for that many thousands of years the giver is glorified in the world of Rudra. A thousand milk-cows equal a hundred draught-oxen;

Verse 11 (padma.6.118.11)

दशानुडुत्समं यानं दशयानसमो हयः । हयदानसहस्रेभ्यो गजदानं विशिष्यते

daśānuḍutsamaṁ yānaṁ daśayānasamo hayaḥ hayadānasahasrebhyo gajadānaṁ viśiṣyate

ten draught-oxen equal one carriage; ten carriages equal one horse. More excellent than the gift of a thousand horses is the gift of an elephant.

Verse 12 (padma.6.118.12)

गजदानसहस्राणां स्वर्णदानं च तत्समम् । स्वर्णभारसहस्राणां विद्यादानं च तत्समम्

gajadānasahasrāṇāṁ svarṇadānaṁ ca tatsamam svarṇabhārasahasrāṇāṁ vidyādānaṁ ca tatsamam

Equal to the gift of a thousand elephants is the gift of gold; and equal to the gift of a thousand loads of gold is the gift of knowledge.

Verse 13 (padma.6.118.13)

विद्यादानात्कोटिगुणं भूमिदानं विशिष्यते । भूमिदानसहस्रेभ्यो गोप्रदानं विशिष्यते

vidyādānātkoṭiguṇaṁ bhūmidānaṁ viśiṣyate bhūmidānasahasrebhyo gopradānaṁ viśiṣyate

Ten million times more excellent than the gift of knowledge is the gift of land; more excellent than a thousand gifts of land is the gift of a cow.

Verse 14 (padma.6.118.14)

गोप्रदानसहस्रेभ्यो ह्यन्नदानं विशिष्यते । अन्नाधारमिदं सर्वं जगत्स्थावरजंगमम्

gopradānasahasrebhyo hyannadānaṁ viśiṣyate annādhāramidaṁ sarvaṁ jagatsthāvarajaṁgamam

More excellent than a thousand gifts of cows is the gift of food, for this entire world, moving and unmoving, rests upon food.

Verse 15 (padma.6.118.15)

तस्माद्देयं प्रयत्नेन कार्तिके शिखिवाहन । त्रीणि तुल्यप्रदानानि त्रीणि तुल्यफलानि च

tasmāddeyaṁ prayatnena kārtike śikhivāhana trīṇi tulyapradānāni trīṇi tulyaphalāni ca

Therefore, O rider of the peacock, food should be given with care in Kartika. Three gifts are of equal merit, and three bear equal fruit —

Verse 16 (padma.6.118.16)

कार्तिकेय उवाच। अन्यानपि महादेव धर्मान्मे वक्तुमर्हसि । यान्कृत्वा सर्वपापानि प्रक्षाल्य त्रिदशो भवेत्

kārtikeya uvāca anyānapi mahādeva dharmānme vaktumarhasi yānkṛtvā sarvapāpāni prakṣālya tridaśo bhavet

Kartikeya said: O Mahadeva, tell me also of other virtuous acts, by performing which one may wash away all sins and become a god.

Verse 17 (padma.6.118.17)

सूत उवाच। इतिपृष्टस्तदा शंभुः पुनर्वक्तुं प्रचक्रमे । यावत्किं बहुधा स्तुत्वात्तच्छृणुध्वं तपोधनाः

sūta uvāca itipṛṣṭastadā śaṁbhuḥ punarvaktuṁ pracakrame yāvatkiṁ bahudhā stutvāttacchṛṇudhvaṁ tapodhanāḥ

Sūta said: Thus asked, Shambhu then began to speak again. O you rich in austerity, hear now what he told, having been praised in various ways.

Verse 18 (padma.6.118.18)

ईश्वर उवाच। परान्नं वर्जयेद्यस्तु कार्तिके नियमे कृते । परान्नवर्जनादेव लभेच्चांद्रायणं फलम्

īśvara uvāca parānnaṁ varjayedyastu kārtike niyame kṛte parānnavarjanādeva labheccāṁdrāyaṇaṁ phalam

Ishvara said: Whoever, having taken the vow, abstains from another's food during Kartika, obtains, through that very abstinence, the fruit of the Chandrayana penance.

Verse 19 (padma.6.118.19)

तं प्राप्तं कार्तिकं दृष्ट्वा परान्नं यस्तु वर्जयेत् । दिनेदिने तु कृच्छ्रस्य फलंप्राप्नोति मानवः

taṁ prāptaṁ kārtikaṁ dṛṣṭvā parānnaṁ yastu varjayet dinedine tu kṛcchrasya phalaṁprāpnoti mānavaḥ

Whoever, seeing that Kartika has arrived, abstains from another's food — that man obtains, day by day, the fruit of the Krichchhra penance.

Verse 20 (padma.6.118.20)

कार्तिके वर्जयेत्तैलं कार्तिके वर्जयेन्मधु । कार्तिके वर्जयेत्कांस्यं संघान्नं च विशेषतः

kārtike varjayettailaṁ kārtike varjayenmadhu kārtike varjayetkāṁsyaṁ saṁghānnaṁ ca viśeṣataḥ

In Kartika one should give up oil; in Kartika one should give up honey; in Kartika one should give up eating from bronze vessels, and especially food eaten in a crowd.

Verse 21 (padma.6.118.21)

राक्षसीं योनिमाप्नोति सकृन्मांसस्य भक्षणात् । षष्टिवर्षसहस्राणि विष्ठायां परिपच्यते

rākṣasīṁ yonimāpnoti sakṛnmāṁsasya bhakṣaṇāt ṣaṣṭivarṣasahasrāṇi viṣṭhāyāṁ paripacyate

By eating meat even once, one obtains a demonic birth, and is cooked for sixty thousand years in a hell of excrement.

Verse 22 (padma.6.118.22)

तन्मुक्तो जायते पापो विष्ठाशी ग्रामसूकरः । प्रवृत्तानां तु भक्षाणां कार्तिके नियमे कृते

tanmukto jāyate pāpo viṣṭhāśī grāmasūkaraḥ pravṛttānāṁ tu bhakṣāṇāṁ kārtike niyame kṛte

Freed from that, the sinner is born a village pig that eats filth. But by observing the vow in Kartika with regard to foods normally eaten —

Verse 23 (padma.6.118.23)

अवश्यं विष्णुरूपत्वं प्राप्यते मोक्षदं पदम् । न कार्तिकसमो मासो न दैवं केशवात्परम्

avaśyaṁ viṣṇurūpatvaṁ prāpyate mokṣadaṁ padam na kārtikasamo māso na daivaṁ keśavātparam

— one certainly attains the very form of Vishnu, the liberating state. There is no month equal to Kartika, no deity higher than Keshava,

Verse 24 (padma.6.118.24)

न वेदसदृशं शास्त्रं न तीर्थं गंगया समम् । न सत्यं न समं वृत्तं न कृतेन समं युगम्

na vedasadṛśaṁ śāstraṁ na tīrthaṁ gaṁgayā samam na satyaṁ na samaṁ vṛttaṁ na kṛtena samaṁ yugam

no scripture equal to the Veda, no tirtha equal to the Ganga, no equal to truthfulness, no conduct equal to right conduct, and no age equal to the Krita [Golden] age.

Verse 25 (padma.6.118.25)

न तृप्ती रसना तुल्या न दानसदृशं सुखम् । न धर्मसदृशं मित्रं न ज्योतिश्चक्षुषा समम्

na tṛptī rasanā tulyā na dānasadṛśaṁ sukham na dharmasadṛśaṁ mitraṁ na jyotiścakṣuṣā samam

There is no contentment equal to the pleasure of the tongue, no happiness equal to giving, no friend equal to dharma, and no light equal to the eye.

Verse 26 (padma.6.118.26)

अव्रतेन क्षिपेद्यस्तु मासं दामोदरप्रियम् । कर्मभ्रष्टः स विज्ञेयो हीनयोनिषु जायते

avratena kṣipedyastu māsaṁ dāmodarapriyam karmabhraṣṭaḥ sa vijñeyo hīnayoniṣu jāyate

Whoever lets this month, dear to Damodara [Krishna], pass by without observing the vow, should be known as fallen from right action, and is born in low forms of life.

Verse 27 (padma.6.118.27)

कार्तिकः प्रवरो मासो वैष्णवानां सदा प्रियः । समुद्रगा नदी पुण्या दुर्लभा स्नानशालिनाम्

kārtikaḥ pravaro māso vaiṣṇavānāṁ sadā priyaḥ samudragā nadī puṇyā durlabhā snānaśālinām

Kartika is the foremost month, ever dear to the Vaishnavas. A sacred river flowing to the ocean is hard to find for those devoted to bathing.

Verse 28 (padma.6.118.28)

कुलशीलवतीकन्या दुर्लभा दंपती नृणाम् । दुर्लभा जननी लोके पिता चैव विशेषतः

kulaśīlavatīkanyā durlabhā daṁpatī nṛṇām durlabhā jananī loke pitā caiva viśeṣataḥ

A maiden of good family and good character is hard to find; a truly harmonious married couple is hard to find among men; a truly good mother is hard to find in this world, and especially a truly good father.

Verse 29 (padma.6.118.29)

दुर्लभं साधुसन्मानं दुर्लभो धार्मिकः सुतः । दुर्लभो द्वारिकावासो दुर्लभं कृष्णदर्शनम्

durlabhaṁ sādhusanmānaṁ durlabho dhārmikaḥ sutaḥ durlabho dvārikāvāso durlabhaṁ kṛṣṇadarśanam

Honor for the virtuous is hard to find; a righteous son is hard to find; dwelling at Dvaraka is hard to find; the sight of Krishna is hard to find.

Verse 30 (padma.6.118.30)

दुर्लभं गोमतीस्नानं दुर्लभं कार्तिकव्रतम् । ब्राह्मणेभ्यो महीं दत्त्वा ग्रहणे चंद्रसूर्ययोः

durlabhaṁ gomatīsnānaṁ durlabhaṁ kārtikavratam brāhmaṇebhyo mahīṁ dattvā grahaṇe caṁdrasūryayoḥ

Bathing in the Gomati river is hard to find; the Kartika vow is hard to find. That fruit which one obtains by giving land to brahmins during an eclipse of the moon or the sun —

Verse 31 (padma.6.118.31)

यत्फलं लभते वत्स तत्फलं भूमिशायिनः । भोजनं द्विजदंपत्योः पूजयेच्च विलेपनैः

yatphalaṁ labhate vatsa tatphalaṁ bhūmiśāyinaḥ bhojanaṁ dvijadaṁpatyoḥ pūjayecca vilepanaiḥ

— that same fruit, my child, is obtained by one who sleeps on the ground during Kartika. One should provide food to a brahmin couple, and honor them with unguents,

Verse 32 (padma.6.118.32)

कंबलानि च रत्नानि वासांसि विविधानि च । तूलिकाश्च प्रदातव्याः प्रच्छादनपटैः सह

kaṁbalāni ca ratnāni vāsāṁsi vividhāni ca tūlikāśca pradātavyāḥ pracchādanapaṭaiḥ saha

— and blankets, jewels, and clothes of various kinds; cushions too should be given, together with coverlets.

Verse 33 (padma.6.118.33)

उपानहा वातपत्रं कार्तिके देहि पावके । यः करोति नरो नित्यं कार्तिके पत्रभोजनम्

upānahā vātapatraṁ kārtike dehi pāvake yaḥ karoti naro nityaṁ kārtike patrabhojanam

Give sandals and a fan in Kartika, O bright one. That man who daily eats his meal from a leaf-plate during Kartika —

Verse 34 (padma.6.118.34)

न दुर्गतिमवाप्नोति यावदिंद्राश्चतुर्दश । सर्वकामफलं तस्य सर्वतीर्थफलं लभेत्

na durgatimavāpnoti yāvadiṁdrāścaturdaśa sarvakāmaphalaṁ tasya sarvatīrthaphalaṁ labhet

— does not attain a bad rebirth for as long as fourteen Indras [reign]. He obtains the fruit of every desire, and the fruit of every sacred tirtha;

Verse 35 (padma.6.118.35)

न चापि नरकं पश्येद्ब्रह्मपत्रेषु भोजनात् । ब्रह्मा एष स्मृतः साक्षात्पालाशः सर्वकामदः

na cāpi narakaṁ paśyedbrahmapatreṣu bhojanāt brahmā eṣa smṛtaḥ sākṣātpālāśaḥ sarvakāmadaḥ

he does not even behold hell, through eating from leaf-plates. This Palasha leaf is remembered as Brahma himself, granting every desire.

Verse 36 (padma.6.118.36)

मध्यमं वर्जयेत्पत्रं कार्तिके शिखिवाहन । ब्रह्मा विष्णुश्च रुद्रश्च त्रयो देवास्त्रिपत्रके

madhyamaṁ varjayetpatraṁ kārtike śikhivāhana brahmā viṣṇuśca rudraśca trayo devāstripatrake

O rider of the peacock, in Kartika one should avoid the middle leaflet of the three-leaved palasha sprig. Brahma, Vishnu, and Rudra are the three gods in the triple leaf —

Verse 37 (padma.6.118.37)

ऐश्वरं वर्जयेत्पत्रं ब्रह्माविष्णुरनुत्तमः । सर्वपुण्यमवाप्नोति शेषपत्रेषु भोजनात्

aiśvaraṁ varjayetpatraṁ brahmāviṣṇuranuttamaḥ sarvapuṇyamavāpnoti śeṣapatreṣu bhojanāt

— one should avoid the leaflet belonging to Ishvara [Shiva]; that of Brahma and Vishnu is unsurpassed. One obtains all merit by eating from the remaining leaves.

Verse 38 (padma.6.118.38)

भोजनान्मध्यपत्रे तु कपिलापयसस्तथा । प्राशनान्मुनिशार्दूल नरो नरकमाप्नुयात्

bhojanānmadhyapatre tu kapilāpayasastathā prāśanānmuniśārdūla naro narakamāpnuyāt

But, O tiger among sages, by eating from the middle leaf, and likewise by drinking the milk of a tawny [kapila] cow in that manner, a man attains hell.

Verse 39 (padma.6.118.39)

अज्ञानाद्भुंजते यस्तु शूद्रो वा कपिलापयः । कपिलां ब्राह्मणे दत्त्वा शुद्धो भवति कार्तिके

ajñānādbhuṁjate yastu śūdro vā kapilāpayaḥ kapilāṁ brāhmaṇe dattvā śuddho bhavati kārtike

Whoever, out of ignorance — whether a shudra or otherwise — drinks the milk of a tawny cow in this forbidden way, becomes pure again in Kartika by giving a tawny cow to a brahmin.

Verse 40 (padma.6.118.40)

तिलदानं नदीस्नानं सर्वदा साधुदर्शनम् । भोजनं ब्रह्मपत्रेषु कार्तिके मुक्तिदायकम्

tiladānaṁ nadīsnānaṁ sarvadā sādhudarśanam bhojanaṁ brahmapatreṣu kārtike muktidāyakam

The gift of sesame, bathing in a river, the constant sight of the virtuous, and eating from leaf-plates during Kartika — these bestow liberation.

Verse 41 (padma.6.118.41)

मौनी पालाशभोजी च जलस्नायी सदा क्षमी । कार्तिके क्षितिशायी च हन्यात्पापं युगार्जितम्

maunī pālāśabhojī ca jalasnāyī sadā kṣamī kārtike kṣitiśāyī ca hanyātpāpaṁ yugārjitam

One who keeps silence, eats from palasha leaves, bathes always in water, is ever forbearing, and sleeps on the ground during Kartika, destroys sins accumulated over an entire age.

Verse 42 (padma.6.118.42)

जागरं कार्तिके मासि यः करोत्यरुणोदये । दामोदराग्रे सेनानीर्गोसहस्रफलं लभेत्

jāgaraṁ kārtike māsi yaḥ karotyaruṇodaye dāmodarāgre senānīrgosahasraphalaṁ labhet

Whoever keeps vigil at dawn during the month of Kartika before Damodara [Krishna] — O commander [of the divine army] — obtains the fruit of giving a thousand cows.

Verse 43 (padma.6.118.43)

पितृपक्षेऽन्नदानेन ज्येष्ठाषाढे च वारिणा । कार्तिके तत्फलं पुंसां परदीपप्रबोधनात्

pitṛpakṣe'nnadānena jyeṣṭhāṣāḍhe ca vāriṇā kārtike tatphalaṁ puṁsāṁ paradīpaprabodhanāt

That fruit which men obtain through the gift of food during the fortnight of the ancestors, and through the gift of water in Jyeshtha and Ashadha — that same fruit is obtained in Kartika merely by reviving another's lamp.

Verse 44 (padma.6.118.44)

बोधनात्परदीपस्य वैष्णवानां च सेवनात् । कार्तिके फलमाप्नोति राजसूयाश्वमेधयोः

bodhanātparadīpasya vaiṣṇavānāṁ ca sevanāt kārtike phalamāpnoti rājasūyāśvamedhayoḥ

Through reviving another's lamp, and through service to Vaishnavas, one obtains in Kartika the fruit of the Rajasuya and Ashvamedha sacrifices.

Verse 45 (padma.6.118.45)

नदीस्नानं कथाविष्णोर्वैष्णवानां च दर्शनम् । न भवेत्कार्तिके यस्य हरेत्पुण्यं दशाब्दिकम्

nadīsnānaṁ kathāviṣṇorvaiṣṇavānāṁ ca darśanam na bhavetkārtike yasya haretpuṇyaṁ daśābdikam

For one who fails, in Kartika, to bathe in a river, to hear the story of Vishnu, and to have the sight of Vaishnavas — this omission takes away the merit of ten years.

Verse 46 (padma.6.118.46)

पुष्करं यः स्मरेत्प्राज्ञः कर्मणा मनसा गिरा । कार्तिके मुनिशार्दूल लक्षकोटिगुणं भवेत्

puṣkaraṁ yaḥ smaretprājñaḥ karmaṇā manasā girā kārtike muniśārdūla lakṣakoṭiguṇaṁ bhavet

O tiger among sages, whatever wise man remembers Pushkara in deed, in mind, and in speech during Kartika — that merit becomes multiplied a hundred thousand crore times.

Verse 47 (padma.6.118.47)

प्रयागो माघमासे तु पुष्करं कार्तिके तथा । अवंती माधवे मासि हन्यात्पापं युगार्जितम्

prayāgo māghamāse tu puṣkaraṁ kārtike tathā avaṁtī mādhave māsi hanyātpāpaṁ yugārjitam

Prayaga in the month of Magha, Pushkara likewise in Kartika, and Avanti in the month of Madhava [Vaishakha] — remembering these destroys sins accumulated over an age.

Verse 48 (padma.6.118.48)

धन्यास्ते मानवा लोके कलिकाले विशेषतः । कुर्वंति स्कंद नित्यं ये सर्वथा हरिसेवनम्

dhanyāste mānavā loke kalikāle viśeṣataḥ kurvaṁti skaṁda nityaṁ ye sarvathā harisevanam

Blessed indeed are those men in this world, especially in the age of Kali, O Skanda, who constantly perform the service of Hari in every way.

Verse 49 (padma.6.118.49)

किं दत्तैर्बहुभिः पिंडैर्गयाश्राद्धादिभिर्मुने । तारितास्तेन पितरो नरकाच्च न संशयः

kiṁ dattairbahubhiḥ piṁḍairgayāśrāddhādibhirmune tāritāstena pitaro narakācca na saṁśayaḥ

O sage, what need is there of offering many rice-balls, or of shraddha rites at Gaya and the rest? By that [service to Hari] the ancestors are surely delivered from hell, without doubt.

Verse 50 (padma.6.118.50)

क्षीरादिस्नपनं विष्णोः क्रियते पितृकारणात् । कल्पकोटिं दिवं प्राप्य वसंति त्रिदशैः सह

kṣīrādisnapanaṁ viṣṇoḥ kriyate pitṛkāraṇāt kalpakoṭiṁ divaṁ prāpya vasaṁti tridaśaiḥ saha

When the bathing of Vishnu with milk and the rest is performed for the sake of one's ancestors, they attain heaven and dwell there with the gods for ten million kalpas.

Verse 51 (padma.6.118.51)

कार्तिके नार्चितो यैस्तु कृष्णस्तु कमलेक्षणः । जन्मकोटिषु विप्रेंद्र न तेषां कमला गृहे

kārtike nārcito yaistu kṛṣṇastu kamalekṣaṇaḥ janmakoṭiṣu vipreṁdra na teṣāṁ kamalā gṛhe

O foremost of brahmins, those by whom lotus-eyed Krishna is not worshipped in Kartika — for them, through ten million births, Kamala [Lakshmi] does not dwell in their home.

Verse 52 (padma.6.118.52)

दष्टा मुष्टा विनष्टास्ते पतिताः कलिकंदरे । यैर्नार्चितो हरिर्भक्त्या कमलैरसितैः सितैः

daṣṭā muṣṭā vinaṣṭāste patitāḥ kalikaṁdare yairnārcito harirbhaktyā kamalairasitaiḥ sitaiḥ

Those by whom Hari is not devotedly worshipped with lotuses, dark or white, are bitten [by misfortune], robbed, ruined, and fallen into the abyss of Kali.

Verse 53 (padma.6.118.53)

पद्मेनैकेन देवेशं योऽर्चयेत्कमलापतिम् । वर्षायुतसहस्रस्य पापस्य कुरुते क्षयम्

padmenaikena deveśaṁ yo'rcayetkamalāpatim varṣāyutasahasrasya pāpasya kurute kṣayam

Whoever worships the Lord of gods, the husband of Kamala, with even a single lotus, destroys the sin of ten million years.

Verse 54 (padma.6.118.54)

अपराधसहस्राणि तथा सप्तशतानि च । पद्मेनैकेन देवेशः क्षमेत प्रणतोऽर्चितः

aparādhasahasrāṇi tathā saptaśatāni ca padmenaikena deveśaḥ kṣameta praṇato'rcitaḥ

A thousand offenses, and seven hundred more — the Lord of gods, worshipped and bowed to with even a single lotus, forgives them all.

Verse 55 (padma.6.118.55)

तुलसीपत्रलक्षेण कार्तिके योऽर्चयेद्धरिम् । पत्रेपत्रे मुनिश्रेष्ठ मौक्तिकं लभते फलम्

tulasīpatralakṣeṇa kārtike yo'rcayeddharim patrepatre muniśreṣṭha mauktikaṁ labhate phalam

O foremost of sages, whoever worships Hari with a hundred thousand tulasi leaves in Kartika obtains, for each and every leaf, the fruit of the gift of a pearl.

Verse 56 (padma.6.118.56)

तुलसीगंधमिश्रं तु यत्किंचित्क्रियते सुत । कल्पकोटिसहस्राणि प्रीतो भवति केशवः

tulasīgaṁdhamiśraṁ tu yatkiṁcitkriyate suta kalpakoṭisahasrāṇi prīto bhavati keśavaḥ

Whatever, my son, is offered mixed with the fragrance of tulasi — however small — by that Keshava becomes pleased for a thousand ten-million kalpas.

Verse 57 (padma.6.118.57)

मुखे शिरसि देहे तु कृष्णोत्तीर्णां तु यो वहेत् । तुलसीं षण्मुखप्रीत्या न तस्य स्पृशते कलिः

mukhe śirasi dehe tu kṛṣṇottīrṇāṁ tu yo vahet tulasīṁ ṣaṇmukhaprītyā na tasya spṛśate kaliḥ

O six-faced one, whoever bears upon his face, head, or body, with devotion, tulasi that has been offered to Krishna — the age of Kali [misfortune] does not touch him.

Verse 58 (padma.6.118.58)

कृष्णोत्तीर्णैस्तु निर्माल्यैर्यो गात्रं परिमार्जयेत् । सर्वरोगैस्तथा पापैर्मुक्तो भवति षण्मुख

kṛṣṇottīrṇaistu nirmālyairyo gātraṁ parimārjayet sarvarogaistathā pāpairmukto bhavati ṣaṇmukha

O six-faced one, whoever wipes his body with the discarded flower-offerings of Krishna becomes freed from all diseases and all sins.

Verse 59 (padma.6.118.59)

विष्णोरंगारशेषेण यस्यांगं स्पृशते सुत । दुरितानि विनश्यंति व्याधयो यांति संक्षयम्

viṣṇoraṁgāraśeṣeṇa yasyāṁgaṁ spṛśate suta duritāni vinaśyaṁti vyādhayo yāṁti saṁkṣayam

My son, whoever's body is touched by the remnant of the incense-embers offered to Vishnu — his misfortunes are destroyed and his diseases go to utter ruin.

Verse 60 (padma.6.118.60)

शंखोदकं हरेर्भक्तिर्निर्माल्यं पादयोर्जलम् । चंदनं धूपशेषं तु ब्रह्महत्यापहारकम्

śaṁkhodakaṁ harerbhaktirnirmālyaṁ pādayorjalam caṁdanaṁ dhūpaśeṣaṁ tu brahmahatyāpahārakam

The conch-water [used in Hari's worship, taken] with devotion to Hari, the discarded flowers, the water that has washed his feet, the sandal-paste, and the remnant of the incense — these remove even the sin of killing a brahmin.