The Glory of Diwali, Govardhana, Bali, and Yama-Dvitiya

Verse 1 (padma.6.122.1)

कार्तिकेय उवाच। दीपावलिफलं नाथ विशेषाद्ब्रूहि सांप्रतम् । किमर्थं क्रियते सा तु तस्याः का देवता भवेत्

kārtikeya uvāca dīpāvaliphalaṁ nātha viśeṣādbrūhi sāṁpratam kimarthaṁ kriyate sā tu tasyāḥ kā devatā bhavet

Kartikeya said: O Lord, tell me now in particular the fruit of Diwali. For what purpose is it performed, and who is its presiding deity?

Verse 2 (padma.6.122.2)

किं च तत्र भवेद्देयं किं न देयं वद प्रभो । प्रहर्षः कोऽत्र निर्दिष्टः क्रीडा कात्र प्रकीर्तिता

kiṁ ca tatra bhaveddeyaṁ kiṁ na deyaṁ vada prabho praharṣaḥ ko'tra nirdiṣṭaḥ krīḍā kātra prakīrtitā

And what should be given there, and what should not be given — tell me, O Lord. What joy is prescribed here, and what play is celebrated here?

Verse 3 (padma.6.122.3)

सूत उवाच। इति स्कंदवचः श्रुत्वा भगवान्कामशोषणः । साधूक्त्वा कार्तिकं विप्राः प्रहसन्निदमब्रवीत्

sūta uvāca iti skaṁdavacaḥ śrutvā bhagavānkāmaśoṣaṇaḥ sādhūktvā kārtikaṁ viprāḥ prahasannidamabravīt

Sūta said: Hearing these words of Skanda, the Lord who consumed the god of desire, O brahmins, having said "well asked," spoke this with a smile, continuing his account of Kartika.

Verse 4 (padma.6.122.4)

श्रीशिव उवाच। कार्तिकस्यासिते पक्षे त्रयोदश्यां तु पावके । यमदीपं बहिर्दद्यादपमृत्युर्विनश्यति

śrīśiva uvāca kārtikasyāsite pakṣe trayodaśyāṁ tu pāvake yamadīpaṁ bahirdadyādapamṛtyurvinaśyati

Śrī Shiva said: On the thirteenth day of the dark fortnight of Kartika, one should offer a lamp to Yama outside the house; accidental death is thereby destroyed.

Verse 5 (padma.6.122.5)

मृत्युना पाशहस्तेन कालेन भार्यया सह । त्रयोदशीदीपदानात्सूर्यजः प्रीयतामिति

mṛtyunā pāśahastena kālena bhāryayā saha trayodaśīdīpadānātsūryajaḥ prīyatāmiti

"By offering this lamp on the Trayodashi, may the Son of the Sun be pleased, together with Mrityu, noose in hand, with Kala, and with his wife."

Verse 6 (padma.6.122.6)

कार्तिके कृष्णपक्षे च चतुर्दश्यां विधूदये । अवश्यमेव कर्त्तव्यं स्नानं च पापभीरुभिः

kārtike kṛṣṇapakṣe ca caturdaśyāṁ vidhūdaye avaśyameva karttavyaṁ snānaṁ ca pāpabhīrubhiḥ

On the fourteenth day of the dark fortnight of Kartika, at moonrise, bathing must certainly be performed by those who fear sin.

Verse 7 (padma.6.122.7)

पूर्वविद्धा चतुर्दश्या कार्तिकस्य सितेतरे । पक्षे प्रत्यूषसमये स्नानं कुर्यादतंद्रितः

pūrvaviddhā caturdaśyā kārtikasya sitetare pakṣe pratyūṣasamaye snānaṁ kuryādataṁdritaḥ

On the fourteenth day, when touched by the preceding tithi, in the dark fortnight of Kartika, one should bathe at the time of dawn, without laziness.

Verse 8 (padma.6.122.8)

तैले लक्ष्मीर्जले गंगा दीपावल्यां चतुर्दशीम् । प्राप्तः स्नानं हि यः कुर्याद्यमलोकं न पश्यति

taile lakṣmīrjale gaṁgā dīpāvalyāṁ caturdaśīm prāptaḥ snānaṁ hi yaḥ kuryādyamalokaṁ na paśyati

Lakshmi resides in the oil, and the Ganga in the water, on this fourteenth day of Diwali; whoever bathes upon reaching it does not behold the world of Yama.

Verse 9 (padma.6.122.9)

अपामार्गस्तथा तुंबी प्रपुन्नाटं च वाह्वलम् । भ्रामयेत्स्नानमध्ये तु नरकस्य क्षयाय वै

apāmārgastathā tuṁbī prapunnāṭaṁ ca vāhvalam bhrāmayetsnānamadhye tu narakasya kṣayāya vai

The apamarga plant, the gourd, the prapunnata plant, and the vahvala — one should wave these around during the bath, for the destruction of hell.

Verse 10 (padma.6.122.10)

सीतालोष्टसमायुक्त सकंटक दलान्वित । हर पापमपामार्ग भ्राम्यमाणः पुनः पुनः

sītāloṣṭasamāyukta sakaṁṭaka dalānvita hara pāpamapāmārga bhrāmyamāṇaḥ punaḥ punaḥ

"O apamarga, joined with cool clods of earth, bearing thorny leaves — take away my sin, as you are waved around again and again."

Verse 11 (padma.6.122.11)

अपामार्गं प्रपुन्नाटं भ्रामयेच्छिरसोपरि । ततश्च तर्पणं कार्यं यमराजस्य नामभिः

apāmārgaṁ prapunnāṭaṁ bhrāmayecchirasopari tataśca tarpaṇaṁ kāryaṁ yamarājasya nāmabhiḥ

One should wave the apamarga and prapunnata plants above the head; and thereafter, offerings of water should be made in the names of Yamaraja —

Verse 12 (padma.6.122.12)

यमाय धर्मराजाय मृत्यवे चांतकाय च । वैवस्ताय कालाय सर्वभूतक्षयाय च

yamāya dharmarājāya mṛtyave cāṁtakāya ca vaivastāya kālāya sarvabhūtakṣayāya ca

— to Yama, to Dharmaraja, to Mrityu, and to Antaka; to Vaivasvata, to Kala, and to the Destroyer of all beings;

Verse 13 (padma.6.122.13)

औदुंबराय दध्नाय नीलाय परमेष्ठिने । वृकोदराय चित्राय चित्रगुप्ताय वै नमः

auduṁbarāya dadhnāya nīlāya parameṣṭhine vṛkodarāya citrāya citraguptāya vai namaḥ

— to Audumbara, to Dadhna, to Nila, to Parameshthin, to Vrikodara, to Chitra, and truly to Chitragupta — homage.

Verse 14 (padma.6.122.14)

नरकाय प्रदातव्यो दीपः संपूज्य देवताः । ततः प्रदोषसमये दीपान्दद्यान्मनोहरान्

narakāya pradātavyo dīpaḥ saṁpūjya devatāḥ tataḥ pradoṣasamaye dīpāndadyānmanoharān

A lamp should also be given for Naraka, having duly worshipped the deities. Then, at twilight, one should offer charming lamps —

Verse 15 (padma.6.122.15)

ब्रह्मविष्णुशिवादीनां भवनेषु विशेषतः । कूटागारेषु चैत्येषु सभासु च नदीषु च

brahmaviṣṇuśivādīnāṁ bhavaneṣu viśeṣataḥ kūṭāgāreṣu caityeṣu sabhāsu ca nadīṣu ca

— especially in the temples of Brahma, Vishnu, Shiva and the rest; in upper chambers, in shrines, in assembly halls, and by rivers,

Verse 16 (padma.6.122.16)

प्राकारोद्यानवापीषु प्रतोली निष्कुटेषु च । मंदुरासु विविक्तासु हस्तिशालासु चैव हि

prākārodyānavāpīṣu pratolī niṣkuṭeṣu ca maṁdurāsu viviktāsu hastiśālāsu caiva hi

— in enclosures, gardens, and step-wells, on main streets and in private gardens, in stables set apart, and in elephant-stalls indeed.

Verse 17 (padma.6.122.17)

एवं प्रभातसमये ह्यमावास्यां तु पावकं । स्नात्वा देवान्पितॄन्भक्त्या संपूज्याथ प्रणम्य च

evaṁ prabhātasamaye hyamāvāsyāṁ tu pāvakaṁ snātvā devānpitṝnbhaktyā saṁpūjyātha praṇamya ca

Thus, at the time of dawn on the new-moon day, having bathed, one should devotedly worship the gods and the ancestors, and having bowed —

Verse 18 (padma.6.122.18)

कृत्वा तु पार्वणं श्राद्धं दधिक्षीरघृतादिभिः । भोज्यैर्नानाविधैर्विप्रान्भोजयित्वा क्षमापयेत्

kṛtvā tu pārvaṇaṁ śrāddhaṁ dadhikṣīraghṛtādibhiḥ bhojyairnānāvidhairviprānbhojayitvā kṣamāpayet

— one should perform the Parvana Shraddha with curd, milk, ghee and the like, feed the brahmins with various foods, and ask their forgiveness.

Verse 19 (padma.6.122.19)

ततोपराह्णसमये पोषयेन्नागरान्प्रिय । तेषां गोष्ठीं च मानं च कृत्वा संभाषणं नृपः

tatoparāhṇasamaye poṣayennāgarānpriya teṣāṁ goṣṭhīṁ ca mānaṁ ca kṛtvā saṁbhāṣaṇaṁ nṛpaḥ

Then, in the afternoon, O beloved, one should provide for the citizens; and the king, having shown them company, honor, and conversation —

Verse 20 (padma.6.122.20)

वक्तृणां वत्सरं यावत्प्रीतिरुत्पद्यते गुह । अप्रबुद्धे हरौ पूर्वं स्त्रीभिर्लक्ष्मीः प्रबोधयेत्

vaktṛṇāṁ vatsaraṁ yāvatprītirutpadyate guha aprabuddhe harau pūrvaṁ strībhirlakṣmīḥ prabodhayet

— O Guha, for a full year the goodwill of the speakers is thus generated. Before Hari has yet fully awakened from his sleep, the women should first awaken Lakshmi.

Verse 21 (padma.6.122.21)

प्रबोधसमये लक्ष्मीं बोधयित्वा तु सुस्त्रिया । पुमान्वै वत्सरं यावल्लक्ष्मीस्तं नैव मुंचति

prabodhasamaye lakṣmīṁ bodhayitvā tu sustriyā pumānvai vatsaraṁ yāvallakṣmīstaṁ naiva muṁcati

At the time of awakening, having awakened Lakshmi through a virtuous woman, a man — for a full year — is never abandoned by Lakshmi.

Verse 22 (padma.6.122.22)

अभयं प्राप्य विप्रेभ्यो विष्णुभीता सुरद्विषः । सुप्तं क्षीरोदधौ ज्ञात्वा लक्ष्मीं पद्माश्रितां तथा

abhayaṁ prāpya viprebhyo viṣṇubhītā suradviṣaḥ suptaṁ kṣīrodadhau jñātvā lakṣmīṁ padmāśritāṁ tathā

[Once] the enemies of the gods, fearing Vishnu, having obtained safety from the brahmins, and knowing that He slept in the ocean of milk, and Lakshmi, seated on her lotus —

Verse 23 (padma.6.122.23)

त्वं ज्योतिः श्री रविश्चंद्रो विद्युत्सौवर्णतारकः । सर्वेषां ज्योतिषां ज्योतिर्दीपज्योतिः स्थिता तु या

tvaṁ jyotiḥ śrī raviścaṁdro vidyutsauvarṇatārakaḥ sarveṣāṁ jyotiṣāṁ jyotirdīpajyotiḥ sthitā tu yā

[The gods praise Lakshmi:] "You are light, O Shri — the sun, the moon, the lightning, and the golden stars. Of all lights, that light which abides as the light of the lamp —"

Verse 24 (padma.6.122.24)

या लक्ष्मीर्दिवसे पुण्ये दीपावल्यां च भूतले । गवां गोष्ठे तु कार्तिक्यां सा लक्ष्मीर्वरदा मम

yā lakṣmīrdivase puṇye dīpāvalyāṁ ca bhūtale gavāṁ goṣṭhe tu kārtikyāṁ sā lakṣmīrvaradā mama

— "that Lakshmi, who on this sacred day of Diwali on the earth, and in the cow-pen during Kartika, is present — may that boon-giving Lakshmi be mine."

Verse 25 (padma.6.122.25)

शंकरश्च भवानी च क्रीडया द्यूतमास्थितौ । भवान्याभ्यर्चिता लक्ष्मीर्धेनुरूपेण संस्थिता

śaṁkaraśca bhavānī ca krīḍayā dyūtamāsthitau bhavānyābhyarcitā lakṣmīrdhenurūpeṇa saṁsthitā

[Once] Shankara and Bhavani engaged in a game of dice for sport. Lakshmi, worshipped by Bhavani, took her stand there in the form of a cow.

Verse 26 (padma.6.122.26)

गौर्या जित्वा पुरा शंभुर्नग्नो द्यूते विसर्जितः । अतोऽयं शंकरो दुःखी गौरी नित्यं सुखेस्थिता

gauryā jitvā purā śaṁbhurnagno dyūte visarjitaḥ ato'yaṁ śaṁkaro duḥkhī gaurī nityaṁ sukhesthitā

Having won that game, Gauri once sent Shambhu away naked from the dice game. Because of this, Shankara became sorrowful, while Gauri ever remains established in happiness.

Verse 27 (padma.6.122.27)

प्रथमं विजयो यस्य तस्य संवत्सरं सुखम् । एवं गते निशीथे तु जने निद्रार्धलोचने

prathamaṁ vijayo yasya tasya saṁvatsaraṁ sukham evaṁ gate niśīthe tu jane nidrārdhalocane

[Hence, the belief:] whoever wins first at dice on this day enjoys happiness for the whole year. Thus, when midnight has come, while people's eyes are half-closed in sleep —

Verse 28 (padma.6.122.28)

तावन्नगरनारीभिस्तूर्य डिंडिमवादनैः । निष्कास्यते प्रहृष्टाभिरलक्ष्मीश्च गृहांगणात्

tāvannagaranārībhistūrya ḍiṁḍimavādanaiḥ niṣkāsyate prahṛṣṭābhiralakṣmīśca gṛhāṁgaṇāt

— at that very time, the women of the city, delighted, with the sound of trumpets and drums, drive out Alakshmi from the courtyard of the house.

Verse 29 (padma.6.122.29)

पराजये विरुद्धं स्यात्प्रतिपद्युदिते रवौ । प्रातर्गोवर्द्धनः पूज्यो द्यूतं रात्रौ समाचरेत्

parājaye viruddhaṁ syātpratipadyudite ravau prātargovarddhanaḥ pūjyo dyūtaṁ rātrau samācaret

Defeat at this dice-game would be inauspicious. When the sun has risen on the first day, Govardhana should be worshipped in the morning; the dice-game should be performed at night.

Verse 30 (padma.6.122.30)

भूषणीयास्तथा गावो वर्ज्या वहनदोहनात् । गोवर्द्धनधराधार गोकुलत्राणकारक

bhūṣaṇīyāstathā gāvo varjyā vahanadohanāt govarddhanadharādhāra gokulatrāṇakāraka

The cows should be adorned, and should be spared from being yoked or milked on this day. [The prayer runs:] "O supporter who bore Govardhana, O protector of the cow-herd —"

Verse 31 (padma.6.122.31)

विष्णुबाहुकृतोच्छ्राय गवां कोटिप्रदो भव । या लक्ष्मीर्लोकपालानां धेनुरूपेण संस्थिता

viṣṇubāhukṛtocchrāya gavāṁ koṭiprado bhava yā lakṣmīrlokapālānāṁ dhenurūpeṇa saṁsthitā

— "O you who were raised up by Vishnu's own arms, be the giver of ten million cows to me. That Lakshmi of the guardians of the world, who abides in the form of a cow —"

Verse 32 (padma.6.122.32)

घृतं वहति यज्ञार्थे मम पापं व्यपोहतु । अग्रतः संतु मे गावो गावो मे संतु पृष्ठतः । गावो मे हृदये संतु गवां मध्ये वसाम्यहम्

ghṛtaṁ vahati yajñārthe mama pāpaṁ vyapohatu agrataḥ saṁtu me gāvo gāvo me saṁtu pṛṣṭhataḥ gāvo me hṛdaye saṁtu gavāṁ madhye vasāmyaham

— "who bears ghee for the sake of sacrifice, may she remove my sin. May cows be before me, may cows be behind me; may cows be in my heart, and may I dwell in the midst of cows."

Verse 33 (padma.6.122.33)

इतिगोवर्द्धनपूजा । सद्भावेनैव संतोष्य देवान्सत्पुरुषान्नरान् । इतरेषामन्नपानैर्वाक्यदानेन पंडितान्

itigovarddhanapūjā sadbhāvenaiva saṁtoṣya devānsatpuruṣānnarān itareṣāmannapānairvākyadānena paṁḍitān

Thus ends the worship of Govardhana. Having pleased the gods and virtuous men with sincerity, and having pleased other men with food and drink, and scholars with the gift of respectful words —

Verse 34 (padma.6.122.34)

वस्त्रैस्तांबूलदीपैश्च पुष्पकर्पूरकुंकुमैः । भक्ष्यैरुच्चावचैर्भोज्यैरंतःपुर निवासिनः

vastraistāṁbūladīpaiśca puṣpakarpūrakuṁkumaiḥ bhakṣyairuccāvacairbhojyairaṁtaḥpura nivāsinaḥ

— with clothes, betel, lamps, flowers, camphor, and saffron, and with foods and delicacies both simple and rich, the king should honor the dwellers of his inner palace —

Verse 35 (padma.6.122.35)

ग्रामर्षभं च दानैश्च सामंतान्नृपतिर्धनैः । पदातिजनसंघांश्च ग्रैवेयैः कटकैः शुभैः

grāmarṣabhaṁ ca dānaiśca sāmaṁtānnṛpatirdhanaiḥ padātijanasaṁghāṁśca graiveyaiḥ kaṭakaiḥ śubhaiḥ

— and the village-headmen with gifts, and the king should honor his feudal lords with wealth, and companies of foot-soldiers with fine neck-ornaments and bracelets —

Verse 36 (padma.6.122.36)

स्वानमात्यांश्च तान्राजा तोषयेत्स्वजनान्पृथक् । यथार्थं तोषयित्वा तु ततो मल्लान्नटांस्तथा

svānamātyāṁśca tānrājā toṣayetsvajanānpṛthak yathārthaṁ toṣayitvā tu tato mallānnaṭāṁstathā

— the king should please his own ministers and his own kinsmen, each separately. Having thus duly pleased them all, he should then honor wrestlers, actors,

Verse 37 (padma.6.122.37)

वृषभांश्च महोक्षांश्च युद्ध्य्मानान्परैः सह । राजान्यांश्चापि योधांश्च पदातीन्स समलंकृतान्

vṛṣabhāṁśca mahokṣāṁśca yuddhymānānparaiḥ saha rājānyāṁścāpi yodhāṁśca padātīnsa samalaṁkṛtān

— and bulls and great oxen fighting with one another; and princes, warriors, and richly adorned foot-soldiers.

Verse 38 (padma.6.122.38)

मंचारूढः स्वयं पश्येन्नटनर्तकचारणान् । योधयेद्वासयेच्चैव गोमहिष्यादिकं च यत्

maṁcārūḍhaḥ svayaṁ paśyennaṭanartakacāraṇān yodhayedvāsayeccaiva gomahiṣyādikaṁ ca yat

Seated upon a dais, he should himself watch the actors, dancers, and bards; and he should hold contests among, and provide dwelling for, cows, buffaloes, and the like.

Verse 39 (padma.6.122.39)

वत्सानाकर्षयेद्गोभिरुक्तिप्रत्युक्ति वादनात् । ततोपराह्णसमये पूर्वस्यां दिशि पावके

vatsānākarṣayedgobhiruktipratyukti vādanāt tatoparāhṇasamaye pūrvasyāṁ diśi pāvake

He should have calves drawn along by cows amid playful challenges and retorts. Then, in the afternoon, in the eastern direction —

Verse 40 (padma.6.122.40)

मार्गपालद्यं प्रबध्नीयाद्दुर्गस्तंभेऽथ पादपे । कुशकाशमयीं दिव्यां लंबकैर्बहुभिर्गुह

mārgapāladyaṁ prabadhnīyāddurgastaṁbhe'tha pādape kuśakāśamayīṁ divyāṁ laṁbakairbahubhirguha

— O Guha, one should tie a "guardian of the road" made of divine kusha and kasha grass, hung with many pendants, to a fortress-pillar or a tree —

Verse 41 (padma.6.122.41)

वीक्षयित्वा गजानश्वान्मार्गपाल्यास्तले नयेत् । गावैर्वृषांश्चमहिषान्महिषीर्घंटिकोत्कटाः

vīkṣayitvā gajānaśvānmārgapālyāstale nayet gāvairvṛṣāṁścamahiṣānmahiṣīrghaṁṭikotkaṭāḥ

— and having shown it to the elephants and horses, lead them beneath the "guardian of the road"; likewise cows, bulls, buffaloes and she-buffaloes decked with tinkling bells —

Verse 42 (padma.6.122.42)

कृतहोमैर्द्विजेंद्रैस्तु बध्नीयान्मार्गपालिकाम् । नमस्कारं ततः कुर्यान्मंत्रेणानेन सुव्रतः

kṛtahomairdvijeṁdraistu badhnīyānmārgapālikām namaskāraṁ tataḥ kuryānmaṁtreṇānena suvrataḥ

— one should tie up this "guardian of the road," with brahmins having performed the fire-offering. Then, one of good vows should offer homage with this mantra:

Verse 43 (padma.6.122.43)

मार्गपालि नमस्तुभ्यं सर्वलोकसुखप्रदे । मार्गपालीतले स्कंद यांति गावो महावृषाः

mārgapāli namastubhyaṁ sarvalokasukhaprade mārgapālītale skaṁda yāṁti gāvo mahāvṛṣāḥ

"O Guardian of the Road, homage to you, bestower of happiness on all the worlds!" O Skanda, cows and great bulls pass beneath the Guardian of the Road,

Verse 44 (padma.6.122.44)

राजानो राजपुत्राश्च ब्राह्मणाश्च विशेषतः । मार्गपालद्यं समुल्लंघ्य निरुजः सुखिनो हि ते

rājāno rājaputrāśca brāhmaṇāśca viśeṣataḥ mārgapāladyaṁ samullaṁghya nirujaḥ sukhino hi te

— kings, princes, and especially brahmins — and having passed beneath this "guardian of the road," they become free of disease and happy indeed.

Verse 45 (padma.6.122.45)

कृत्वैतत्सर्वमेवेह रात्रौ दैत्यपतेर्बलेः । पूजां कुर्यात्ततः साक्षाद्भूमौ मंडलके कृते

kṛtvaitatsarvameveha rātrau daityapaterbaleḥ pūjāṁ kuryāttataḥ sākṣādbhūmau maṁḍalake kṛte

Having done all this, at night one should then directly perform the worship of Bali, lord of the demons, having drawn a mandala on the ground —

Verse 46 (padma.6.122.46)

बलिमालिख्य दैत्येंद्रं वर्णकैः पंचरंगकैः । सर्वाभरणसंपूर्णं विंध्यावलिसमन्वितम्

balimālikhya daityeṁdraṁ varṇakaiḥ paṁcaraṁgakaiḥ sarvābharaṇasaṁpūrṇaṁ viṁdhyāvalisamanvitam

— drawing there the demon-lord Bali with five colors of paint, fully adorned with every ornament, together with his queen Vindhyavali —

Verse 47 (padma.6.122.47)

कूष्मांडमय जंभोरु मधुदानवसंवृतम् । संपूर्णं हृष्टवदनं किरीटोत्कटकुंडलम्

kūṣmāṁḍamaya jaṁbhoru madhudānavasaṁvṛtam saṁpūrṇaṁ hṛṣṭavadanaṁ kirīṭotkaṭakuṁḍalam

— surrounded by Kushmanda, Jambha, and the demon Madhu; drawn in full, with a joyful face, a crown, and prominent earrings,

Verse 48 (padma.6.122.48)

द्विभुजं दैत्यराजानं कारयित्वा स्वके पुनः । गृहस्य मध्ये शालायां विशालायां ततोऽर्चयेत्

dvibhujaṁ daityarājānaṁ kārayitvā svake punaḥ gṛhasya madhye śālāyāṁ viśālāyāṁ tato'rcayet

— having thus depicted the two-armed lord of the demons, in the great hall in the middle of one's own house, one should then worship him,

Verse 49 (padma.6.122.49)

मातृभ्रातृजनैः सार्द्धं संतुष्टो बंधुभिः सह । कमलैः कुमुदैः पुष्पैः कल्हारै रक्तकोत्पलैः

mātṛbhrātṛjanaiḥ sārddhaṁ saṁtuṣṭo baṁdhubhiḥ saha kamalaiḥ kumudaiḥ puṣpaiḥ kalhārai raktakotpalaiḥ

— pleased, together with mother, brothers, and other kinsmen, with lotuses, white water-lilies, flowers, red lotuses and blue lotuses,

Verse 50 (padma.6.122.50)

गंधपुष्पान्ननैवेद्यैः सक्षीरैर्गुडपायसैः । मद्यमांससुरालेह्य चोष्य भक्ष्योपहारकैः

gaṁdhapuṣpānnanaivedyaiḥ sakṣīrairguḍapāyasaiḥ madyamāṁsasurālehya coṣya bhakṣyopahārakaiḥ

— with scent, flowers, food-offerings, milk-sweets and jaggery-rice-pudding, and with wine, meat, liquor, and other things to be licked, sucked, or chewed as offerings —

Verse 51 (padma.6.122.51)

मंत्रेणानेन राजेंद्र सः मंत्री सपुरोहितः । पूजां करिष्यते यो वै सौख्यं स्यात्तस्य वत्सरम्

maṁtreṇānena rājeṁdra saḥ maṁtrī sapurohitaḥ pūjāṁ kariṣyate yo vai saukhyaṁ syāttasya vatsaram

— O foremost of kings, whatever minister, together with his priest, performs this worship with this mantra shall have happiness for the whole year.

Verse 52 (padma.6.122.52)

बलिराज नमस्तुभ्यं विरोचनसुत प्रभो । भविष्येंद्र सुराराते पूजेयं प्रतिगृह्यताम्

balirāja namastubhyaṁ virocanasuta prabho bhaviṣyeṁdra surārāte pūjeyaṁ pratigṛhyatām

"O King Bali, homage to you, O Lord, son of Virochana! O future Indra, O foe of the gods, may this worship be accepted by you."

Verse 53 (padma.6.122.53)

एवं पूजाविधिं कृत्वा रात्रौ जागरणं ततः । कारयेद्वै क्षणं रात्रौ नटनर्तकगायकैः

evaṁ pūjāvidhiṁ kṛtvā rātrau jāgaraṇaṁ tataḥ kārayedvai kṣaṇaṁ rātrau naṭanartakagāyakaiḥ

Having thus performed the rite of worship, one should then keep vigil at night, and for a while at night should arrange entertainment with actors, dancers, and singers.

Verse 54 (padma.6.122.54)

लोकैश्चापि गृहस्यांते सपर्यां शुक्लतंडुलैः । संस्थाप्य बलिराजानं फलैः पुष्पैश्च पूजयेत्

lokaiścāpi gṛhasyāṁte saparyāṁ śuklataṁḍulaiḥ saṁsthāpya balirājānaṁ phalaiḥ puṣpaiśca pūjayet

And by the household as well, at the end of the house, having established King Bali with white rice for worship, one should worship him with fruits and flowers.

Verse 55 (padma.6.122.55)

बलिमुद्दिश्य वै तत्र कार्यं सर्वं च पावके । यानि यान्यक्षयान्याहु ऋषयस्तत्वदर्शिनः

balimuddiśya vai tatra kāryaṁ sarvaṁ ca pāvake yāni yānyakṣayānyāhu ṛṣayastatvadarśinaḥ

There, everything should be done with Bali in mind, in this fire-lit night. Whatever the sages who see the truth have declared to be imperishable —

Verse 56 (padma.6.122.56)

यदत्र दीयते दानं स्वल्पं वा यदि वा बहु । तदक्षयं भवेत्सर्वं विष्णोः प्रीतिकरं शुभम्

yadatra dīyate dānaṁ svalpaṁ vā yadi vā bahu tadakṣayaṁ bhavetsarvaṁ viṣṇoḥ prītikaraṁ śubham

— whatever gift is given here, whether small or great, all of it becomes imperishable and auspicious, pleasing to Vishnu.

Verse 57 (padma.6.122.57)

रात्रौ ये न करिष्यंति तव पूजां बलेर्नराः । तेषामश्रोत्रियं धर्मं सर्वं त्वामुपतिष्ठतु

rātrau ye na kariṣyaṁti tava pūjāṁ balernarāḥ teṣāmaśrotriyaṁ dharmaṁ sarvaṁ tvāmupatiṣṭhatu

[Vishnu says to Bali:] "Those men who do not perform your worship at night, O Bali — may all their merit even from non-Vedic dharma yet come to attend upon you."

Verse 58 (padma.6.122.58)

विष्णुना च स्वयं वत्स तुष्टेन बलये पुनः । उपकारकरं दत्तमसुराणां महोत्सवम्

viṣṇunā ca svayaṁ vatsa tuṣṭena balaye punaḥ upakārakaraṁ dattamasurāṇāṁ mahotsavam

And, my child, by Vishnu Himself, being pleased, this great festival, beneficial to the demons, was granted to Bali.

Verse 59 (padma.6.122.59)

तदा प्रभृति सेनाने प्रवृत्ता कौमुदी सदा । सर्वोपद्रवविद्रावा सर्वविघ्नविनाशिनी

tadā prabhṛti senāne pravṛttā kaumudī sadā sarvopadravavidrāvā sarvavighnavināśinī

From that time onward, O commander, the festival called Kaumudi has been established forever, driving away all calamities and destroying all obstacles.

Verse 60 (padma.6.122.60)

लोकशोकहरा काम्या धनपुष्टिसुखावहा । कुशब्देन मही ज्ञेया मुद हर्षे ततो द्वयम्

lokaśokaharā kāmyā dhanapuṣṭisukhāvahā kuśabdena mahī jñeyā muda harṣe tato dvayam

It removes the world's sorrow, is desired by all, and brings wealth, abundance, and happiness. By the syllable "ku" the earth is meant; "muda" and "da" together mean joy and delight —

Verse 61 (padma.6.122.61)

धातुत्वे निगमैश्चैव तेनैषा कौमुदी स्मृता । कौमोदं ते जना यस्मान्नानाभावैः परस्परम्

dhātutve nigamaiścaiva tenaiṣā kaumudī smṛtā kaumodaṁ te janā yasmānnānābhāvaiḥ parasparam

— these roots being explained by the scriptures — and thus this festival is remembered as "Kaumudi." Since on it people express mutual joy toward one another in various ways —

Verse 62 (padma.6.122.62)

हृष्टतुष्टाः सुखापन्नास्तेनैषा कौमुदी स्मृता । कुमुदानि बलेर्यस्यां दीयंते तेन षण्मुख

hṛṣṭatuṣṭāḥ sukhāpannāstenaiṣā kaumudī smṛtā kumudāni baleryasyāṁ dīyaṁte tena ṣaṇmukha

— being joyful, content, and happy, it is thus remembered as Kaumudi. O six-faced one, since white water-lilies are offered to Bali on it, [it is called Kaumudi] for that reason too.

Verse 63 (padma.6.122.63)

अघार्थं पार्थिवैः पुत्र तेनैषा कौमुदी स्मृता । एकमेवमहोरात्रं वर्षेवर्षे च कार्तिके

aghārthaṁ pārthivaiḥ putra tenaiṣā kaumudī smṛtā ekamevamahorātraṁ varṣevarṣe ca kārtike

My son, it is also remembered as Kaumudi because it is performed by kings for the removal of sin. This one single day and night, year after year, in Kartika,

Verse 64 (padma.6.122.64)

दत्तं दानवराजस्य आदर्शमिव भूतल । यः करोति नृपो राज्ये तस्य व्याधिभयं कुतः

dattaṁ dānavarājasya ādarśamiva bhūtala yaḥ karoti nṛpo rājye tasya vyādhibhayaṁ kutaḥ

— has been given to the king of the Danavas as a kind of mirror-precedent on this earth. That king who observes this in his kingdom — whence for him the fear of disease?

Verse 65 (padma.6.122.65)

सुभिक्षं क्षेममारोग्यं तस्य संपदनुत्तमा । नीरुजश्च जनाः सर्वे सर्वोपद्रववर्जिताः

subhikṣaṁ kṣemamārogyaṁ tasya saṁpadanuttamā nīrujaśca janāḥ sarve sarvopadravavarjitāḥ

Abundance of food, security, and health, and unsurpassed prosperity, become his; and all his people become free of disease, and free of all calamity.

Verse 66 (padma.6.122.66)

कौमुदी क्रियते तस्माद्भावं कर्तुं महीतले । यो यादृशेन भावेन तिष्ठत्यस्यां च षण्मुख

kaumudī kriyate tasmādbhāvaṁ kartuṁ mahītale yo yādṛśena bhāvena tiṣṭhatyasyāṁ ca ṣaṇmukha

Therefore Kaumudi is performed in order to establish good feeling on the earth. O six-faced one, whoever remains in whatever state of feeling on this day —

Verse 67 (padma.6.122.67)

हर्षदुःखादिभावेन तस्य वर्षं प्रयाति हि । रुदिते रोदते वर्षं हृष्टे वर्षं प्रहर्षितम्

harṣaduḥkhādibhāvena tasya varṣaṁ prayāti hi rudite rodate varṣaṁ hṛṣṭe varṣaṁ praharṣitam

— through joy, sorrow, or other feeling, his whole year passes accordingly. If one weeps, the year passes in weeping; if one rejoices, the year passes in rejoicing.

Verse 68 (padma.6.122.68)

भुक्ते भोक्ता भवेद्वर्षं स्वस्थे स्वस्थं भविष्यति । तस्मात्प्रहृष्टैः कर्त्तव्या कौमुदी च शुभैर्नरैः

bhukte bhoktā bhavedvarṣaṁ svasthe svasthaṁ bhaviṣyati tasmātprahṛṣṭaiḥ karttavyā kaumudī ca śubhairnaraiḥ

If one eats well, one shall enjoy good food the whole year; if one is at ease, one shall remain at ease. Therefore Kaumudi should be observed by good men in a state of joy.

Verse 69 (padma.6.122.69)

वैष्णवी दानवी चेयं तिथिः प्रोक्ता च कार्तिके

vaiṣṇavī dānavī ceyaṁ tithiḥ proktā ca kārtike

Thus this day in Kartika is declared to be both Vaishnava and Danava — belonging to both Vishnu's devotees and to the Danavas.

Verse 70 (padma.6.122.70)

दीपोत्सवंजनित सर्वजनप्रसादं कुर्वंति ये शुभतया बलिराजपूजाम् । दानोपभोगसुखबुद्धिमतां कुलानां हर्षं प्रयाति सकलं प्रभुदं च वर्षम्

dīpotsavaṁjanita sarvajanaprasādaṁ kurvaṁti ye śubhatayā balirājapūjām dānopabhogasukhabuddhimatāṁ kulānāṁ harṣaṁ prayāti sakalaṁ prabhudaṁ ca varṣam

Those who, with the goodwill of all people arising from the festival of lamps, auspiciously perform the worship of King Bali — for the families of those wise in giving, enjoyment, and happiness, the whole year passes filled with joy and delight.

Verse 71 (padma.6.122.71)

स्कंदैतास्तिथयो नूनं द्वितीयाद्याश्च विश्रुताः । मासैश्चतुर्भिश्च ततःप्रावृट्काले शुभावहाः

skaṁdaitāstithayo nūnaṁ dvitīyādyāśca viśrutāḥ māsaiścaturbhiśca tataḥprāvṛṭkāle śubhāvahāḥ

O Skanda, these lunar days, indeed, beginning with the second tithi, are well known and auspicious, occurring over four months from the rainy season onward.

Verse 72 (padma.6.122.72)

प्रथमा श्रावणे मासि तथा भाद्रपदे परा । तृतीयाश्वयुजेमासि चतुर्थी कार्तिके भवेत्

prathamā śrāvaṇe māsi tathā bhādrapade parā tṛtīyāśvayujemāsi caturthī kārtike bhavet

The first is in the month of Shravana; the next in Bhadrapada; the third in the month of Ashvina; and the fourth occurs in Kartika.

Verse 73 (padma.6.122.73)

कलुषा श्रावणे मासि तथा भाद्रपदेमला । आश्विने प्रेतसंचारा कार्तिके याम्यकामता

kaluṣā śrāvaṇe māsi tathā bhādrapademalā āśvine pretasaṁcārā kārtike yāmyakāmatā

These are called: Kalusha ["Turbid"] in the month of Shravana; Amala ["Pure"] in Bhadrapada; Pretasanchara ["Movement of Spirits"] in Ashvina; and Yamyakamata in Kartika.

Verse 74 (padma.6.122.74)

गुह उवाच। कस्मात्सा कलुषा प्रोक्ता कस्मात्सा निर्मला मता । कस्मात्सा प्रेतसंचारा कस्माद्याम्या प्रकीर्तिता

guha uvāca kasmātsā kaluṣā proktā kasmātsā nirmalā matā kasmātsā pretasaṁcārā kasmādyāmyā prakīrtitā

Guha said: Why is that day called Kalusha? Why is that considered Nirmala? Why is that called Pretasanchara, and why is that celebrated as Yamya?

Verse 75 (padma.6.122.75)

सूत उवाच। इति स्कंदवचः श्रुत्वा भगवान्भूतभावनः । उवाच वचनं श्लक्ष्णं प्रहसन्वृषभध्वजः

sūta uvāca iti skaṁdavacaḥ śrutvā bhagavānbhūtabhāvanaḥ uvāca vacanaṁ ślakṣṇaṁ prahasanvṛṣabhadhvajaḥ

Sūta said: Hearing these words of Skanda, the Lord, the creator of beings, whose banner bears the bull, spoke gentle words with a smile.

Verse 76 (padma.6.122.76)

महेश उवाच। पुरा वृत्रवधे वृत्ते प्राप्ते राज्ये पुरंदरे । ब्रह्महत्यापनोदार्थमश्वमेधः प्रवर्तितः

maheśa uvāca purā vṛtravadhe vṛtte prāpte rājye puraṁdare brahmahatyāpanodārthamaśvamedhaḥ pravartitaḥ

Mahesha said: Long ago, when the slaying of Vritra had occurred and Purandara [Indra] had regained his kingdom, an Ashvamedha sacrifice was undertaken for the removal of the sin of killing a brahmin.

Verse 77 (padma.6.122.77)

क्रोधादिंद्रेण वज्रेण ब्रह्महत्या निषूदिता । षड्विधा सा क्षितौ क्षिप्ता वृक्षतोयमहीतले

krodhādiṁdreṇa vajreṇa brahmahatyā niṣūditā ṣaḍvidhā sā kṣitau kṣiptā vṛkṣatoyamahītale

In anger, Indra struck down the demon of Brahmahatya with his thunderbolt. She, divided into six parts, was cast down upon the earth — into trees, water, and the ground,

Verse 78 (padma.6.122.78)

नार्यां भ्रूणहणिवह्नौ संविभज्य यथाक्रमम् । तत्पापश्रवणात्पूर्वं द्वितीयाया दिनेन च

nāryāṁ bhrūṇahaṇivahnau saṁvibhajya yathākramam tatpāpaśravaṇātpūrvaṁ dvitīyāyā dinena ca

— into women, into the killer of an embryo, and into fire, divided in due order. Before that, by hearing of that sin, and by the day of the second tithi —

Verse 79 (padma.6.122.79)

नारीवृक्षनदीभूमिवह्निभ्रूणहनस्तथा । कलुषीभवनं जातो ह्यतोर्थं कलुषा स्मृता

nārīvṛkṣanadībhūmivahnibhrūṇahanastathā kaluṣībhavanaṁ jāto hyatorthaṁ kaluṣā smṛtā

— in women, trees, rivers, the earth, fire, and the killer of an embryo, a state of turbidity arose; for this reason it is remembered as Kalusha.

Verse 80 (padma.6.122.80)

मधुकैटभयो रक्ते पुरा मग्नानु मेदिनी । अष्टांगुला पवित्रा सा नारीणां तु रजोमलम्

madhukaiṭabhayo rakte purā magnānu medinī aṣṭāṁgulā pavitrā sā nārīṇāṁ tu rajomalam

Of old, the earth was submerged in the blood of Madhu and Kaitabha. [As a consequence, for women,] the impurity of menstruation, extending eight fingers' breadth, is that turbid substance.

Verse 81 (padma.6.122.81)

नद्यः प्रावृण्मला सर्वा वह्निरूर्ध्वं मषीमलः । निर्यासमलिना वृक्षाः संगाद्भ्रूणहनो मलाः

nadyaḥ prāvṛṇmalā sarvā vahnirūrdhvaṁ maṣīmalaḥ niryāsamalinā vṛkṣāḥ saṁgādbhrūṇahano malāḥ

All the rivers become impure during the rains; fire, when its flame rises, has soot as its impurity; trees are made impure by their oozing sap; and the killer of an embryo bears impurity through association with that sin.

Verse 82 (padma.6.122.82)

कलुषानि चरंत्यस्यां तेनैषा कलुषा मता । देवर्षिपितृधर्माणां निंदका नास्तिकाः शठाः

kaluṣāni caraṁtyasyāṁ tenaiṣā kaluṣā matā devarṣipitṛdharmāṇāṁ niṁdakā nāstikāḥ śaṭhāḥ

Since impure acts are performed on this day, it is thus considered Kalusha. Those who slander the gods, sages, ancestors, and dharma — the atheists, the deceitful —

Verse 83 (padma.6.122.83)

तेषां सा वाङ्मलात्पूता द्वितीया तेन निर्मला । अनध्यायेषु शास्त्राणि पाठयंति पठंति च

teṣāṁ sā vāṅmalātpūtā dvitīyā tena nirmalā anadhyāyeṣu śāstrāṇi pāṭhayaṁti paṭhaṁti ca

— from the impurity of their speech, this second day is purified, and thus called Nirmala. [On the other hand, those who] teach and study the scriptures even during periods forbidden for study —

Verse 84 (padma.6.122.84)

सांख्यकास्तार्किकाः श्रौतास्तेषां शब्दापशब्दजात् । मलात्पूता द्वितीयायां ततोर्थे निर्मला च सा

sāṁkhyakāstārkikāḥ śrautāsteṣāṁ śabdāpaśabdajāt malātpūtā dvitīyāyāṁ tatorthe nirmalā ca sā

— followers of Sankhya, logicians, and followers of the Shruti — from the impurity born of their misused correct and incorrect words, this same day is purified on the second tithi; for this reason too it is called Nirmala.

Verse 85 (padma.6.122.85)

कृष्णस्य जन्मना वत्स त्रैलोक्यं पावितं भवेत् । नभस्येते विनिर्दिष्टा निर्मला सा तिथिर्बुधैः

kṛṣṇasya janmanā vatsa trailokyaṁ pāvitaṁ bhavet nabhasyete vinirdiṣṭā nirmalā sā tithirbudhaiḥ

My child, by the birth of Krishna on this day in an earlier era, the three worlds became purified. In the month of Nabhas [Bhadrapada], this tithi is thus designated by the wise as Nirmala.

Verse 86 (padma.6.122.86)

अग्निष्वात्ता बर्हिषद आज्यपाः सोमपास्तथा । पितॄन्पितामहान्प्रेतसंचारात्प्रेतसंचरा

agniṣvāttā barhiṣada ājyapāḥ somapāstathā pitṝnpitāmahānpretasaṁcārātpretasaṁcarā

The classes of ancestors — the Agnishvattas, the Barhishads, the Ajyapas, and the Somapas — since on this day there is a movement of these forefathers and grandfathers as spirits, it is called Pretasanchara.

Verse 87 (padma.6.122.87)

प्रेतास्तु पितरः प्रोक्तास्तेषां तस्यां तु संचरः । पुत्रपौत्रेस्तुदौहित्रैः स्वधामंत्रैस्तु पूजिताः

pretāstu pitaraḥ proktāsteṣāṁ tasyāṁ tu saṁcaraḥ putrapautrestudauhitraiḥ svadhāmaṁtraistu pūjitāḥ

The ancestors are indeed called "pretas," and their movement occurs on that day. Worshipped by sons, grandsons, and daughters' sons with the "svadha" offerings and mantras —

Verse 88 (padma.6.122.88)

श्राद्धदानमखैस्तृप्ता यांत्यतः प्रेतसंचरा । महालये तु प्रेतानां संचारो भुवि दृश्यते

śrāddhadānamakhaistṛptā yāṁtyataḥ pretasaṁcarā mahālaye tu pretānāṁ saṁcāro bhuvi dṛśyate

— satisfied by shraddha rites, gifts, and sacrifices, they then depart; hence it is called Pretasanchara. During the Mahalaya, the movement of these spirits is indeed seen upon the earth.

Verse 89 (padma.6.122.89)

तेनैषा प्रेतसंचारा कीर्तिता शिखिवाहन । यमस्य क्रियते पूजा यतोऽस्या पावके नरैः

tenaiṣā pretasaṁcārā kīrtitā śikhivāhana yamasya kriyate pūjā yato'syā pāvake naraiḥ

For this reason, O rider of the peacock, it is celebrated as Pretasanchara. Because on this fire-lit night, in Kartika, the worship of Yama is performed by men —

Verse 90 (padma.6.122.90)

तेनैषा याम्यका प्रोक्ता सत्यं सत्यं मयोदितम् । एतत्कार्तिकमाहात्म्यं ये शृण्वंति नरोत्तमाः

tenaiṣā yāmyakā proktā satyaṁ satyaṁ mayoditam etatkārtikamāhātmyaṁ ye śṛṇvaṁti narottamāḥ

— it is thus called Yamyaka. Truly, truly have I spoken this. Those best of men who hear this glory of Kartika —

Verse 91 (padma.6.122.91)

कार्तिकस्नानजं पुण्यं तेषां भवति निश्चितम्

kārtikasnānajaṁ puṇyaṁ teṣāṁ bhavati niścitam

— certainly obtain for themselves the merit born of bathing in Kartika.

Verse 92 (padma.6.122.92)

कार्तिके च द्वितीयायां पूर्वाह्णे यममर्चयेत् । भानुजायां नरः स्नात्वा यमलोकं न पश्यति

kārtike ca dvitīyāyāṁ pūrvāhṇe yamamarcayet bhānujāyāṁ naraḥ snātvā yamalokaṁ na paśyati

On the second tithi of Kartika, in the forenoon, one should worship Yama. Whatever man bathes on this "Bhanuja" day does not behold the world of Yama.

Verse 93 (padma.6.122.93)

कार्तिके शुक्लपक्षे तु द्वितीयायां तु शौनक । यमो यमुनया पूर्वं भोजितः स्वगृहेऽचितः

kārtike śuklapakṣe tu dvitīyāyāṁ tu śaunaka yamo yamunayā pūrvaṁ bhojitaḥ svagṛhe'citaḥ

O Shaunaka, on the second tithi of the bright fortnight of Kartika, Yama was once fed by Yamuna and honored in her own house.

Verse 94 (padma.6.122.94)

द्वितीयायां महोत्सर्गो नारकीयाश्च तर्पिताः । पापेभ्यो विप्रयुक्तास्ते मुक्ताः सर्वनिबंधनात्

dvitīyāyāṁ mahotsargo nārakīyāśca tarpitāḥ pāpebhyo viprayuktāste muktāḥ sarvanibaṁdhanāt

On this second tithi there is a great act of release, and the dwellers of hell are satisfied; freed from their sins, they become liberated from every bondage.

Verse 95 (padma.6.122.95)

आशंसिताश्च संतुष्टाः स्थिताः सर्वे यदृच्छया । तेषां महोत्सवो वृत्तो यमराष्ट्रसुखावहः

āśaṁsitāśca saṁtuṣṭāḥ sthitāḥ sarve yadṛcchayā teṣāṁ mahotsavo vṛtto yamarāṣṭrasukhāvahaḥ

Hopeful and content, they all abide freely wherever they wish; for them a great festival takes place, bringing happiness throughout the realm of Yama.

Verse 96 (padma.6.122.96)

अतो यमद्वितीयेयं त्रिषुलोकेषु विश्रुता । तस्मान्निजगृहे विप्र न भोक्तव्यं ततो बुधैः

ato yamadvitīyeyaṁ triṣulokeṣu viśrutā tasmānnijagṛhe vipra na bhoktavyaṁ tato budhaiḥ

Therefore this "Yama-Dvitiya" is renowned in the three worlds. Hence, O brahmin, the wise should not eat in their own house on that day.

Verse 97 (padma.6.122.97)

स्नेहेन भगिनीहस्ताद्भोक्तव्यं पुष्टिवर्द्धनं । दानानि च प्रदेयानि भगिनीभ्यो विधानतः

snehena bhaginīhastādbhoktavyaṁ puṣṭivarddhanaṁ dānāni ca pradeyāni bhaginībhyo vidhānataḥ

One should eat nourishing food, with affection, from the hand of one's sister; and gifts should duly be given to sisters —

Verse 98 (padma.6.122.98)

स्वर्णालंकारवस्त्राणि पूजासत्कारसंयुतम् । भोक्तव्यं सह जायाश्च भगिन्याहस्ततः परम्

svarṇālaṁkāravastrāṇi pūjāsatkārasaṁyutam bhoktavyaṁ saha jāyāśca bhaginyāhastataḥ param

— gold ornaments, and clothes, along with respectful honoring. And after that, one should eat together with one's wife, from the hand of one's sister.

Verse 99 (padma.6.122.99)

सर्वासु भगिनीहस्ताद्भोक्तव्यं बलवर्द्धनम् । ऊर्जे शुक्लद्वितीयायां पूजितस्तर्पितो यमः

sarvāsu bhaginīhastādbhoktavyaṁ balavarddhanam ūrje śukladvitīyāyāṁ pūjitastarpito yamaḥ

Strength-giving food should be eaten from the hands of all one's sisters. On the second tithi of the bright fortnight of Urja [Kartika], Yama, thus worshipped and satisfied —

Verse 100 (padma.6.122.100)

महिषासनमारूढो दंडमुद्गरभृत्प्रभुः । वेष्टितः किंकरैहृष्टैस्तस्मै याम्यात्मने नमः

mahiṣāsanamārūḍho daṁḍamudgarabhṛtprabhuḥ veṣṭitaḥ kiṁkaraihṛṣṭaistasmai yāmyātmane namaḥ

— mounted upon his buffalo throne, the Lord bearing rod and mace, surrounded by his joyful attendants — homage to him, the very self of Yama.

Verse 101 (padma.6.122.101)

यैर्भगिन्यः सुवासिन्यो वस्त्रदानादि तोषिताः । न तेषां वत्सरं यावत्कलहो न रिपोर्भयम्

yairbhaginyaḥ suvāsinyo vastradānādi toṣitāḥ na teṣāṁ vatsaraṁ yāvatkalaho na riporbhayam

By whomever their married sisters have been pleased with the gift of clothes and the like — for them, for the whole year, there is neither quarrel nor fear of enemies.

Verse 102 (padma.6.122.102)

धन्यं यशस्यमायुष्यं धर्मकामार्थसाधनम् । व्याख्यातं सकलं पुत्र सरहस्यं मयानघ

dhanyaṁ yaśasyamāyuṣyaṁ dharmakāmārthasādhanam vyākhyātaṁ sakalaṁ putra sarahasyaṁ mayānagha

My son, O sinless one, all of this — blessed, conferring fame and long life, and a means to dharma, kama, and artha — has been explained by me, together with its inner meaning.

Verse 103 (padma.6.122.103)

यस्यां तिथौ यमुनया यमराजदेवः संभोजितः प्रतितिथौ स्वसृसौहृदेन । तस्मात्स्वसुः करतलादिह यो भुनक्ति प्राप्नोति वित्तशुभसंपदमुत्तमां सः

yasyāṁ tithau yamunayā yamarājadevaḥ saṁbhojitaḥ pratitithau svasṛsauhṛdena tasmātsvasuḥ karatalādiha yo bhunakti prāpnoti vittaśubhasaṁpadamuttamāṁ saḥ

On that same tithi, year after year, when King Yama is fed by Yamuna out of a sister's loving affection — whoever, in this world, eats from the hand of his own sister on that day obtains supreme wealth and auspicious prosperity.